A CHJAMA

Sì terra abbaghjulata di lumi

Infilarate cime bianche
Ci rughjanu l’indomiti fiumi
In l’abissi di e calanche

A mio isula di l’incertezze

Scianguagliata da tutti li venti
Ùn ti toccanu chè briglie è cavezze
Da narcate à ricusi sprezzanti

A mio lingua di scartu nigata

Da ‘sse vechje code vulpine
Murtulaghji d’un epica andata
In fondu à e so tanne parigine

Ùn sentite i Chjami Aghjalesi

Chì mai ùn si pienteranu di mughjà
A libertà
Libertà

D. Barazza