FONOTAGA ATOA NIU SILA.

NOFOAGA ; TSS 54 TIDAL ROAD MANGERE.

ASO TOONAI ; 25 NOVEMA 2023.
TAIMI ; 5 ; 00 pm.

Usufono Auai ; Enele Fua Leaututu’ ( Taitai Fono ) , Saipisa Leaututu’ , Malele Isaia , Alofa
Isaia , Silialaei Tala Burgess , Tavita Tuilagi , Lupematasila Sulam Schuster , Auapaau John
Pasi , Taupauu Elesara , Moananu , Talaifafo Misipati , Anae Sauioge , Fonoia Neemia (
Failautusi ).

Sui sa Faanoi Mai ; Aposetolo Mika Lagavale , Leau Misipati , Tuloto Misipati , Aperila ,
Lesa Mati Robertson, Pauli .

Taitai fono ; Amata Viiga ma le Tatalo & Saunoa faafeiloai le mamalu o le Fono.

Mataupu Muamua ; AGENDA .

TALA O LE TUPE .

Auapaau John Pasi ; Tolaulauina Ripoti Faale tausaga mai Aperila 2022 —--- Mati 2023 .

Tavita Tuilagi ; Talosaga e ao ina faasee tuagalu le tala o le tupe sei iai se taimi.

Silialaei Tala Burgess ; Talosagaina le komiti o Tupe e ao ona faatapena mai tala o le tupe
faa le Kuata o masina ua mavae sei oo mai i le aso fono lea 25 Novema 2023 .

Taitai fono ; Saunoa o lo o tumau pea tulaga masani o le tapena ina mai o tala o tupe i
kuata taitasi, ma e faa malamalama ina i taimi o fono pe a tauaofia.

Auapaau John Pasi ; Ua lelei, ae o le a tapena mai tala o le tupe i le fono o lumanai 2024.

Peresetene Aoao ; saunoa ia faapasiaina le tala o le tupe sa tolaulau ina, faaluaina le

finagalo e lago lago Silialaei Tala Burgess.

Taitai fono ; Faafetaia le finagalo e Faapasia le tala o le tupe, ae o lona finagalo e ao ina
faataatia mai, sei i ai se taimi ona toe faamanino mai lea i se taimi oi luma.

Mataupu e Lua .
Pasia ina o minute o le fono Aso 26 Aokuso 2023, faatasi ai ma ona teuteuga .

Mataupu e Tolu .

SAUNIGA O LE KIRISIMASI. 2023

Nofoaga ; Malumalu Tapuai Papatoetoe.

Taimi Amata ; 6 : 30 pm .

Taitai o le Sauniga ; Pastor Leau Misipati.

Lauga ina Afioga a le Atua ; Pastor Tavita Tuilagi.

O Faa evagelia uma a Ekalesia tai tasi, e faatino i totonu o le 7 minute, e moomia foi leoleo
tai tasi mai i aulotu aua le saogalemu o le faamoemoe.

Mataupu e Fa

PAPATISOGA.

Taitai fono ; Saunoa le taitai fono i le taua o le sauniga o le papatisoga faa tofu i le Vai, ae
sa faa fesiligia se finagalo o le Tama Peresetene mo se taimi e faataunuu ai, i le tausaga
2024 ..

Peresetene Aoao ; Talia ma le faafetai le polokalame a le Taitai fono ae manaia ae

faataunuu i le Aso Toonai 24 Fepuari 2024, ona o le taimi lea ua sauni ai matagaluega a
Ekalesia e amatalia ai ana galuega o le Tausaga 2024.

Taitai fono ; Talosaga ina le Aao Tusitusi o le Aoao po o le Susuga i le Aoao Fesoasoani
Silialaei Tala Burgess mo le Sailia o le Vai taaele ( swimming pool ) .

Peresetene Aoao ; Talosaga i Susuga i Faafeagaiga, ao sauni atu le Ekalesia i le

Papatisoga, e moomia se taimi o a outou susuga i le aoaoga o le Papatisoga faatofu i le vai i
totonu o Ekalesia tai tasi mo le faatapena ina o tagata papatiso.

Mataupu Lautele.

GALUEGA FAI O LE 2023.

Taitai fono ; Saunoa i le agaga faafetai i le Susuga i le Aposetolo, Peresetene Aoao ma le

nofo a Faafeagaiga ma Faletua ae maise le vasega o aoao i le Atoa o Niu Sila, ona o le
soifua galulue ma le soifua auauna, e tusa ma galuega sa feagai ma le Atoa i le nei Tausaga
2023. Ia sagai ane ai o le tai e ala i faamanuiaga a le Atua i le feagai ai ma fuafuaga o faiga
malologa o aso malolo o le Kirisimasi ma le Tausaga fou. Ia Faamanuia foi le Atua i le
Susuga i le Tama Peresetene ma le Faletua i le sauni atu e faimalaga mo Ausetalia i se taimi
o i luma mo galuega faaiu o le nei tausaga.

O lea afiafi, sa femolimau ai le agaga faafetai i le Atua o sui o le fono usu a le Atoa, ma ua
taunuu ai upu e fai i mauga o salafai, UA TALIGA E FIA LOGO MAUGA NAI SALAFAI. E ala
i se saunoaga a le Susuga i le Peresetene Aoao o le Ekalesia Ps Malele Isaia, faapea le
Aao Tusitusi o le Ekalesia Aoao, ma le loaloa o le Au usu fono, sa o latou faafetaia le
Susuga i le Taitai fono ona o polokalame sa fuafuaina i le nei tausaga faa le galuega fai
2023.

Peresetene Aoao ; Mealofa mo le Tama Aposetolo i le faaiuga o le kirisimasi. Sa fesiligia pe

o iai se iuga fono mo lea faamoemoe.

Silialaei Tala B ; E le o iai se iuga fono, ona o le mataupu tau i le Aoao o le a talia le fono
tele mo lona talanoaina, ae sa faatuina ai se lafo mo se iugafono le tumau mo le Atoa Niu
Sila, e toe iloilo i se taimi oi luma mo lenei faamoemoe taua, ma ua pasia ai loa o le a
faatinoina le mealofa i le aofaiga e $2,000.00 mo le Tama Aposetolo o le Ekalesia .

Silialaei Tala Burgess ; Faailoa le agaga faafetai mo le lagolago atu a le Ekalesia i le

taumafaiga o le Aoga APBC e tusa ma le faaiuina o galuega sa feagai ma lea aso e pei o le
Faauuga ( graduation ). Sa faailoa mai ai foi ma nisi o fuafuaaga a le kolisi i le Tausaga fou
2024.

Taitai fono ; Saunoa faaiu i le saga faafetaia le Atua i mea uma sa feagai ai ma lea afiafi.

Peresetene Aoao ; Sa toe saunoa lana Susuga i le Peresetene e faafetaia le Taitai fono ma
le faatautaia o le fono usu i lea afiafi ua faaiu ina ma le manuia, ma ia talosaga ina ai le
Taitai fono e tusa ma lona finagalo e uiga i le tala o le tupe sa faaalia. E tusa ma se vaega o
lana saunoaga sei toe faailoa mai i se taimi o i luma. Ae o le finagalo o le Peresetene o mea
uma lava ua faapasia ina i lea fono ua tatau ona tatou talia ina ua pasia ma ua faamaea ai
ma galuega o le nei tausaga ina ia maua uma e tagata le agaga o le Kirisimasi ua tatou aga
atu i ai.

Taitai Fono ; Sa Talia ma le agaga faafetai e le Taitai fono le saunoaga a le Peresetene

Aoao, ma o le saunoaga faaiu foi lea o lea po i le fono usu a le Atoa o Niu Sila i le 2023.

Sa faatuina se lafo mo le tapunia aloai ai o le fono ina ua 7 : 30 pm.

Sa toe faafoi atu le Faafetai ma le Viiga i le Atua ina ua, Faaiuina.