Acquaiola ‘e Margellina
(Fusco, Donnarumma - 1938)
Ce sta 'na banca 'e ll'acqua a Margellina
tutta 'nfrascata e carreca 'e limone,
ma chella ca' mme piace è ll'acquaiola,
'na lucianella bella comm''o sole...
chell'acqua dint''a mummara è gelata...
e je dico "Carmenè'! Famm''a ghiacciata!"
ACQUAIOLA 'E MARGELLINA,
TU SÌ' 'OVERO 'NA CIACIONA
CIENTEMILA VASE ALL'ORA,
JE AZZECCASSE 'MMOCC'A TE!
PE' 'STI MMUMMERE GELATE
PUR''A CAPA AGGIO PERDUTO
CCHIÙ TE GUARDO E CCHIÙ MME STRUJE
COMME SPRIEMME 'STU LIMONE,
TE SPREMESSE 'MPIETT''A ME
Ce sta 'o marito ca lle pror''o naso,
me pare Otello tanto ca è geluso,
però nun tene sanghe dint''e vvene,
è sicco, è luongo, pare 'nu stecchino.
e Carmenella guarda a 'stu guaglione
e dice sempe: «Magnete 'o limone!»
ACQUAIOLA ‘E MARGELLINA
TU SI SEMPE CCHIÙ CIACIONA
QUANNO FAJE ‘STU PIZZO A RISO
VEDO ‘E PPERLE MMOCCA A TE.
PE’ ‘STI MMUMMERE GELATE
ME SO’ PROPRIO ‘NZALLANUTO
PICCERE’, TU M’HÊ ‘NGUAIATO
IO STO SEMPE CCHIÙ ‘NFUCATO,
CARMENE’ M’HÊ RINFRESCA’!!!
‘O juorno, quanno è ll’ora d’’a cuntrora
Me vene seta e cchiù se sceta ‘a ‘mmore
Penzanno a Carmenella ll’acquaiola
M’appiccio comme fosse nu bengala,
e faccio ‘a cura ‘e ll’acqua cu ‘o limone
invece a me ce vonno ‘e zzabbaione!!!
ACQUAIOLA ‘E MARGELLINA
TU SI OVERO NA CIACIONA
FACCIO ‘A CURA D’’E LLIMONE
PE’ STA N’ATTIMO CU TTE!
‘NFACCIA A ‘E MMUMMERE GELATE
ME FACESSE NA BEVUTA
SI ME SONNO INT’’A NUTTATA
CA ME FACCIO ‘A LIMUNATA
IO ME SENTO ‘E CUNZULA’.