AA VV LaCanzoneNapoletana PDF

La Canzone Napoletana
'A 'NFRASCATA
'A BONANEMA 'E LL'AMMORE
'A CANZONE 'E NAPULE
'A CANZONE D''A FELICITA'
'A CANZONE D''E CCANZONE
'A CANZONE D''E STELLE
'A CARTULINA 'E NAPULE
'A CASCIAFORTE
'A CITTA' 'E PULLECENELLA
'A CURA 'E MAMMA'
'A FATA D''E SUONNE
'A FRANGESA
'A FURASTERA
'A GELUSIA
'A GIUVENTU' VA 'E PRESSA
'A LEGGE
'A LUNA 'E NAPULE
'A LUNA E 'O MARE
'A MARINA 'E TRIPOLI
'A NUVENA
'A PICCIOTTA
'A PIZZA
'A PRIMMA 'NNAMMURATA
'A PRUTESTA 'E SAN GENNARO
'A RETIRATA
'A RICETTA 'E NAPULE
'A RISA
'A RUMBA D''E SCUGNIZZE
'A SANTANOTTE
'A SERENATA
'A SERENATA ' E PULICENELLA
'A SERENATA 'E PULICENELLA
'A SERENATA D''E RROSE
'A SIGARETTA
'A SIRENA
'A SUNNAMBULA
'A SURRENTINA
'A TAZZA 'E CAFE'
'A TRUMMETTA A' VECARIA
'A VOCE 'E MAMMA
'A VONGOLA
'A VUCCHELLA
'A ZINGARA
'ALBERGO 'E LL'ALLEGRIA
A MARGELLINA
ACCAREZZAME
ACCUSSI'
ADDIO A NAPULE
ADDIO FELICITA'
ADDIO PULECENELLA!
ADDO' MME VASA ROSA
ADDO' VAJE...? CHI SAPE NIENTE...
ADDUORMETE CU ME!
AGATA!
AGGIO PERDUTO 'O SUONNO
AH! LL'AMMORE CHE FA FA'
AH, MATALENA
ALL'ERTA, SENTINELLA!
AMALIA
AMARO E' 'O BBENE
AMMORE 'E FEMMENA
AMMORE CANTA
AMMORE CHESTO VO'
AMMORE GUAGLIONE
AMMORE SEGRETO
ANEMA E CORE
ANEMA NERA
ATTENTI ALLE DONNE
AUTUNNO
AVEMMARIA
BAMMENELLA
BAMMENELLA D''O MERCATO
BELLA CA BELLA SI'
BELLA MIA
BELLAVISTA
BELZEBU'
BENEDITTO 'O MESE 'AUSTO
BONGIORNO AMMORE...
BRINNESO
BUONGIORNO A MARIA
CALAMITA D'ORO
CAMPAGNATA NAPULITANA
CAMPAGNO'
CAMPAGNOLA VESUVIANA
CANTA ABBRILE
CANTA PE' ME!
CANZONA AMALFITANA
CANZONA AMIROSA
CANZONA BELLA
CANZONA DOCE
CANZONA MARENARA
CANZONA MARENARESCA
CANZONA VESUVIANA
CANZONE 'E TERZIGNO
CANZONE APPASSIUNATA
CANZONE NAPULITANA
CANZONE A CHIARASTELLA
CANZUNCELLA P' 'E FURASTIERE
CARA MAMMA'
CARAVAN PETROL
CARCERE
CARCIOFFOLA'!
CARMELA
CARMELA MIA
CARTA CUNUSCIUTA
CARULI' CU ST'UOCCHIE NIRE
CATARI'
CATENA
CERASELLA
CHE MALASPINA
CHE MM'HE' 'MPARATO A FA'
CHE SUONNO
CHE T'AGGI''A DI'
CHE BENE VOGLIO A TE!
CHELLA D''E RROSE
CHELLA LLA'
CHIAMATE NAPOLI
CHIAPPARIELLO
CHIARI DI LUNA
CHIOVE
CHITARRA ROSSA
CHITARRATA D' AMMORE
CICCIO FORMAGGIO
CICERENELLA
CIENT'ANNE E NU JUORNO
CIENTO APPUNTAMENTE
CINEMATOGRAFO
COMM''O ZZUCCARO
COMM'AGGI''A FA'?
COMM'E' BELLA 'A STAGIONE!
COMME FACETTE MAMMETA?
COMME SE CANTA A NAPULE
CONNOLA D'AMMORE
CONNOLA SENZA MAMMA
CORE 'E MAMMA
CORE 'NGRATO
CORE FURASTIERO
CORE NAPULITANO
CORE SIGNORE
CORE SPEZZATO
CUNTO 'E LAMPARE
DESIDERIO
DESIDERIO 'E SOLE
DICITENCELLO VUJE
DIMME ADDO' STAJE
DIMME NA VOTA SI
D'INT'A N'ORA DIO LAVORA
DOJE MADONNE
DOJE SERENATE
DOJE STELLE SO' CADUTE
DON CARLUCCIO
DON RAFFAE'
DOVE STA ZAZA'?
DUJE GIURAMENTE
DUJE PARAVISE
'E BBUSCIE
'E BERSAGLIERE
'E CCUMARELLE
'E DDOJE LUCIE
'E LLAMPADINE
'E PALUMME
'E PPENTITE
'E QUATT"E MAGGIO
'E RRAGAZZE
'E SPINGULE FRANCESE
'E TTREZZE 'E CARULINA
'E ZAMPUGNARE
'E ZUCCULILLE
E ALLORA?
E BONASERA AMMORE
E NON STA BENE
E TU CHI SI'?
E' PICCERELLA
ERA DE MAGGIO
ESTA'
ESTATE!
FACITELA SUNNA'
FACITEME FELICE
FANTASIA
FANTASIA
FATTE FA' 'A FOTO
FENESTA CA LUCIVE
FENESTA VASCIA
FRESCA FRESCA
FRESCA SPOSA
FRIDA
FUNICULI' - FUNICULA'
FUNTANA A LL' OMBRA
FURTURE'
GENTE
GIACCA ROSSA
GIURAMENTO
GIUVANNE CU 'A CHITARRA
GRARELLE 'E POSITANO
GUAGLIONE
GUAPPARIA
GUAPPO? NO!
GUI' GUI'
HANN' 'A TURNA'
HO COMPRATO LA CACCAVELLA
I DUE GEMELLI
I' MM' ARRICORDO 'E TE
I' TE VURRIA VASA'
INDIFFERENTEMENTE
INDIFFERENZA
IO, MAMMETA E TU
IO NA CHITARRA E 'A LUNA
LA CAMMESELLA
LA GROTTA AZZURRA
LA PALUMMELLA
LA PANSE'
LA TARANTELLA
LACREME NAPULITANE
LARIULA'
LASSAMMOCE, MARI'!
LAVANNARE'
LAZZARELLA
LETTERA 'E NATALE
LILI' KANGY
LL'ADDIO
LL'AMMORE 'NCAMPAGNA
LL'ARTE D''O SOLE
LL'ITALIA E' BELLA
LL'OMMO CU 'E DENARE
LL'URDEMA TARANTELLA
LL'URDEMO BICCHIERE
LO CARDILLO
LO GUARRACINO
LO PAPERASCIANNO
LO TIRAMOLE
LO ZOCCOLARO
LUNA CAPRESE
LUNA NOVA
LUNA ROSSA
LUSINGAME
MA VE PARE, VE PARE, VE PA'
MADAMA CHICHIERCHIA
MAGGIO, SI' TU!
MAISTA'
MALAFEMMENA
MALATIA
MALAVICINA
MALEPENZIERO
MALINCONICO AUTUNNO
MALIZIUSELLA
MAMMA ADDO' STA?
MAMMA MIA CHE VO' SAPE'
MAMMA'
MAMMA PERDONAME
MANDULINATA 'E LL'EMIGRANTE
MANDULINATA A MARE
MANDULINATA A NAPULE
MANDULINATA A SURRIENTO
MANDULINATA A' LUNA
MANDULINO NAPULITANO
MANELLA MIA
MANNAGGIA A TE
MANNAME NU RAGGIO 'E SOLE
MARE VERDE
MARECHIARO (A)
MARECHIARO MARECHIARO
MARGARITA DE PARETE
MARGELLINA
MARIA 'A RIGGINA 'E NAPULE
MARIA MARI'
MARIANNI'
MARTELLACORE
MARUZZELLA
'MBRACCI'A ME
'MBRACCI'A TE
MICHELEMMA'
MIEROLO AFFURTUNATO
MIETTE NA MANA CCA'
MIO CARISSIMO PASQUALE
MM'AGGI''A CURA'
MME CHIAMME AMMORE
MME NE VOGL' JI' A 'NZURA'
MME SO' MBRIACATO 'E SOLE
'MMIEZ'Ô GGRANO
MUNASTERIO 'E SANTA CHIARA
N'ACCORDO IN "FA"
N'AUCELLUZZO
NA 'MMASCIATA
NA BRUNA
NA CANZUNCELLA DOCE DOCE
NA SERA 'E MAGGIO
NA TAZZULELLA 'E CAFE'
NA VOCE, NA CHITARRA E 'O PPOCO 'E LUNA
NA VOTA SOLA
NANASSA
NAPULE
NAPULE BELLO!
NAPULE CA NUN MORE
NAPULE CA SE NE VA...
NAPULE CANTA
NAPULE D''E CCANZONE
NAPULE E MARIA
NAPULE E SURRIENTO
NAPULE E' CHINO 'E FEMMENE
NAPULE E' NA CANZONE
NAPULE SI' NA CANZONE
NAPULITANA
NAPULITANAMENTE
NAPULITANATA
NATALE
NATALE 'NZIEM' A TE
NATALE
'NBRACCI' A ME
'NCOPP''E CAMALDULE
'NCOPP'A LL'ONNA
NDRINGHETE NDRA'
NINI' TIRABUSCIO'
NINUCCIA
'NNAMMURATELLA MIA
NONNA NONNA
NU BARCONE
NU POCO 'E SENTIMENTO
NU QUARTO 'E LUNA
NUN 'A PENZO PROPRIO CCHIU'
NUN CHIAGNERE
NUN CHIAGNERE CARME'
NUN DA' RETTA MARGARI'
NUN E' CARMELA MIA
NUN E' PECCATO
NUN LASSA' SURRIENTO
NUN MME SCETA'
NUN SIA MAJE
NUN SO' GELUSO
NUN T'AGGI''A PERDERE
NUTTATA 'E SENTIMENTO
'O 'NNAMMURATO MIO
'O BALCONE 'E NAPULE
'O BAR 'E LL'UNIVERSITA'
'O BBENE
'O CCAFE'
'O CCHIU' BELLU NOMME
'O CIUCCIARIELLO
'O CORE 'E CATARINA
'O CUNTO 'E MARIAROSA
'O FESTINO
'O GRAN PASCIA'
'O GUAPPO 'NNAMMURATO
'O GUARDAMACHINE
'O MAFIUSO
'O MALAMENTE
'O MARE ' E MARGELLINA
'O MARE CANTA
'O MARENARIELLO
'O MARENARO
'O MEGLIO AMICO
'O MESE D''E RROSE
'O MUNASTERIO
'O PAESE D''O SOLE
'O PIZZAJUOLO NUOVO
'O PRIMMO AMMORE
'O PRINCEPE INDIANO
'O RAMMARIELLO
'O RITRATTO 'E NANNINELLA
'O SARRACINO
'O SCHIAFFO
'O SILENZIO A BUORDO
'O SOLE MIO
'O SURDATO NNAMMURATO
'O SUSPIRO
'O TRENO D''O SOLE
'O VASCIO
'O ZAMPUGNARO NNAMMURATO
OILI' - OILA'
OJE MA', DAMMILLO!...
OMBRA SI' TU
PAESE MIO
PALAZZIELLO
PALCOSCENICO
PALOMMA
PALOMMA 'E NOTTE
PALOMMA D''O MARE
PALOMMA D' ORO
PARAVISO E FUOCO ETERNO
PARLAME 'E NAPULE
PAROLE NOVE
PASQUALE MILITARE
PASSA 'A BANDIERA
PASSIONE
PE' SEMPE
PECCHE'?
PENZAMMO A' SALUTE
PER PIANOFORTE E LACRIME
PIGLIATE NA PASTIGLIA
PIGLIATILLO PIGLIATILLO
PISCATORE 'E PUSILLECO
PISCATURELLA
POESIA
POPOLO PO'
POPOLO VESUVIANO
POVERA SANTA
POVERU CORE
POVERO GUAPPO
PREGHIERA 'E MARENARO
PREGHIERA A 'O SOLE
PRESENTIMENTO
PRIGIUNIERO 'E GUERRA
PRIMMA, SICONDA E TERZA
PULECENELLA
PUPATELLA
PUPAZZETTI
PUSILLECO
PUSILLECO 'NSENTIMENTO
PUSILLECO ADDIRUSO
QUANN'UNO E' GUAGLIONE
QUANNO 'AMMORE VO' FILA'
QUANNO MAMMETA NUN CE STA
QUANNO NASCETTE NINNO
QUANNO STAJE CU ME
QUANNO TRAMONTA 'O SOLE
QUANTO E' BONA 'A FIGLIA VOSTA
QUANTA ROSE!
QUI FU NAPOLI
RAZIELLA
REGINELLA
RESTA CU ME!
ROSA 'MMIEZ'A 'E RROSE
ROSA, RUSELLA
RUNDINELLA
RUSELLA 'E MAGGIO
SANTA LUCIA
SANTA LUCIA LUNTANA
SARRA' CHI SA'
SCALINATELLA
SCAPRICCIATIELLO
SCETATE
SCHIAVO D'AMMORE
SCIOSCIA POPOLO
SCIULDEZZA BELLA
SCIUMMO
SCUMMUNICATO
SCURRIATO SCHIOCCA
SE CHIAMMA: MISTERO
SEGRETAMENTE
SEMPLICITA'
SENTINELLA
SENZA 'A VARCA
SENZA 'E TE
SENZA MAMMA E 'NNAMMURATA
SENZA NISCIUNO
SENZA NOMME
SERA NAPULITANA
SERENATA 'E FEMMENA
SERENATA A MARGELLINA
SERENATA A SURRIENTO
SERENATA DISPETTOSA
SERENATA NAPULITANA
SERENATA NAPULITANA
SERENATA SMARGIASSA
SERENATELLA A MARE
SERENATELLA NERA
SERENATELLA SCIUE' SCIUE'
SERENATELLA A NA CUMPAGNA 'E SCOLA
SERENATONA
SETTEMBRE CU ME
SFURTUNATELLA
SI PUTESSE CAGNARME STU CORE
SI TU NENNA MM'AMAVE N'AUTR'ANNO
SI TUORNE A NAPULE
SI' BELLA E TE N'AVANTE
SIENTE, MARI'
SIGNORNO'
SILENZIO CANTATORE
SIMMO 'E NAPULE PAISA'
SO' TURNATO CU TE
SONA CHITARRA
SORA MIA
SOTT''E CCANCELLE
SPATELLA 'ARGIENTO
SPUSALIZIO 'E MARENARO
STATTE VICINO A ME
STRADA 'NFOSA
STU VINO CHE TE FA
SUONNE SUNNATE
SUONNO 'E FANTASIA
SUONNO A MARECHIARO
SUONNO D'AMMORE
SURDATE
SURRIENTO D''E 'NNAMMURATE
SUSPIRANNO
SUSPIRANNO "MON AMOUR"
SUSPIRANNO NA CANZONE
SUSPIRO 'E CAPEMONTE
T'AGGI''A LASSA', MARI'
T'AGGIO PERDUTA!
T'E' PIACIUTA
TAMMURRIATA A LL'ANTICA
TAMMURRIATA AMERICANA
TAMMURRIATA D'AUTUNN
TAMMURRIATA NERA
TAMMURRIATA PALAZZOLA
TARANTELLA D''E VASE
TARANTELLA INTERNAZIONALE
TARANTELLA LUCIANA
TARANTELLA PAESANA
TARANTELLA SCUGNIZZA
TARANTELLA SEGRETA
TARANTELLUCCIA
TATONNO 'E QUAGLIARELLA
TATONNO SE NE VA
TE LASSO
TE SI' SCURDATA 'E NAPULE
TE STO ASPETTANNO
TE VOGLIO BENE
TE VOGLIO BENE ASSAJE
TEOFILO PENNACCHIO
TIEMPE BELLE
TIEMPE FELICE
TIRITI'-TIRITOMMOLA'
TITITI' - TITITI' - TITITI'
TORERO
TORNA A SURRIENTO
TORNA MAGGIO
TORNA
TRAMONTO A PUSILLECO
TRAPANARELLA
TRE FENESTE
TRE PAROLE
TRE RUNDINELLE
TU CA NUN CHIAGNE
TU NUN MME VUO' CCHIU'
TU SI' 'A MALINCUNIA
TU SI' CHELLA!
TU VUO' FA' LL'AMERICANO
TUPPE-TUPPE MARISCIA'
TUTT''E NA MANERA
TUTT''E SSERE
TUTTA PE' ME
UOCCHIE CH'ARRAGGIUNATE
UOCCHIE D'ORO
VARCA D'AMMORE
VARCA NAPULITANA
VASAMMOCE NA VOTA
VENNEGNA
VICINO A TE
VICINO A TE
VICO 'E NOTTE
VIENEME 'NZUONNO
VIENETENNE A POSITANO
VIERNO
VIERNO TRASE
VOCCA 'E ROSA
VOCE 'E NOTTE
VOMMERO E MARGELLINA
VURRIA
ZAMPUGNARIELLO
ZAPPATORE
ZI' CARULINA
ZINGARA MIA
'A 'NFRASCATA
'Mmiez'ê ffronne,
'mmiez'ê ffronne d''a 'Nfrascata,
ce sta na casarella prufumata;
chien''e sciure, chien''e rose avvellutate
addó' se ferma 'o sole p''a guardá...
Addó' se ferma 'o sole p''a guardá...
E na figliola cu duje uocchie nire,
s'affaccia, tutt''e ssere, a vintun'ore...
E 'o core mio se fa na cammenata,
tutt''e ssere,
'mmiez'ê ffronne d''a 'Nfrascata...
II
Raggio 'e luna,
raggio 'e luna 'nnargentato,
tu comme si' felice e affurtunato:
Quanno, 'a sera, 'sta fenesta s'è appannata,
te miette 'e faccefronte p''a guardá...
Te miette 'e faccefronte p''a guardá...
E quanno 'sta figliola s'addurmenta,
tu trase a ll'intrasatto, e 'a vase 'nfronte...
E po' te firme ccá, tutt''a nuttata,
pazzianno
'mmiez'ê ffronne d''a 'Nfrascata!
III
Ll'aggio ditto,
ll'aggio ditto a 'sta figliola:
"Chi è bella comm'a vuje nun pò stá sola:
'Sta vucchella tène 'addore d''e vviole
e io desse tutt''a vita p''a vasá...
E io desse tutt''a vita p''a vasá!..."
E tengo pronto giá nu lietto 'e sposa,
cu duje cuscine, fatte 'e fronne 'e rose...
Ce manca na cuperta arricamata...
e 'a facimmo
cu sti ffronne d''a 'nfrascata!
Pisano - Lama
'A BONANEMA 'E LL'AMMORE

Songo antico e ch'aggi''a fa?
Ch'aggi''a fá bell''e papá?!
Io appartengo a ll'ottuciento
e mo vaco contro 'o viento
ma però, ma però...
Chello ca facite mo,
nun mme piace...è 'a veritá...
Preferisco 'ammore antico
ca faceva spantecá...
Vocca e vocca,
core e core...
cu nu vaso e cu nu sciore...
cu nu suono 'e chitarrella,
suspirava na nennélla...
Mo tu chiamme 'a 'nnammurata
cu nu sisco, 'int''a nuttata...
Mo, ll'ammore, chi t''o ddá?
'A bonanema 'e ll'ammore
nun c'è cchiù, bell''e papá...
Tiempe antiche...
Tutto passa!
Mo se joca a piglia e lassa...
Si mammá, dint'a na recchia,
mme suspira: "Guarda, guá'!..."
Io lle dico: "Tu si' vecchia...
statte zitta e nun guardá!..."
II
Nun va cchiù 'nziem'a mammá,
'a figliola a passiggiá...
Fa ll'ammore "esistenziale",
po' te scrive 'o "memoriale"...
dice: "Sí"...dice: "Ma"...
maje nun dice 'a veritá...
Figliu mio, bell''e papá,
chelli ffemmene 'e na vota
si putesseno turná...
Vocca e vocca,
core e core...
....................
(Per finire:)
'A bonanema 'e ll'ammore
nun c'è cchiù, bell''e papá...
Tiempe antiche...
Tutto passa!
Mo si joca a piglia e lassa...
Chesto d'ogge nun è ammore...
Mo ll'ammore chi t''o ddá?
'Mpignatillo chistu core:
che n'hê 'a fá bell''e papá?!
Jovino - Festa
'A CANZONE 'E NAPULE

Mme ne vogl'í a ll'America,
ca sta luntana assaje:
Mme ne vogl'í addó' maje
te pòzzo 'ncuntrá cchiù.
Mme voglio scurdá 'o cielo,
tutt''e ccanzone...'o mare,
mme voglio scurdá 'e Napule,
mme voglio scurdá 'e mámmema,
mme voglio scurdá 'e te!
II
Nun voglio cchiù nutizie
d'amice e de pariente...
Nun voglio sapé niente
'e chello ca se fa!...
Mme voglio scurdá 'o cielo,
............................................
III
Ma quanto è bella Napule,
Napule è bella assaje!...
Nun ll'aggio vista maje
cchiù bella 'e comm'a mo!
Comme mme scordo 'o cielo?
Tutt''e ccanzone...'o mare?
Comme mme scordo 'e Napule?
Comme mme scordo 'e mámmema?!
Comme mme scordo 'e te?...
Bovio - De Curtis
'A CANZONE D''A FELICITA'

Na bella luggetella a Marechiaro,
cu 'a tènna e 'a luce elettrica p''a sera;
Teresenella cu 'e bbraccelle 'a fore,
s'abbraccia nu palummo e guarda a mare...
e, a ll'aria fresca 'e nu tramonto d'oro,
na voce 'nterr'â rena ca suspira:
"Glu-glu-glu...
comm''o palummo i' só'
e 'a notte, 'mbracci'a me,
na turturella si'..."
Canta! Canta!
Canta chi vò' cantá...
Chest'è 'a canzone d''a felicitá.
II
Nu juorno, nu vicchiotto cu 'e denare,
cercaje a Teresenella pe' mugliera...
Dicette 'a mamma d'essa: "Quant'onore..."
E 'o pate, 'a copp''a mano: "Che piacere!..."
Ma, 'e notte, se sentette dint''o scuro,
cchiù doce, 'a stessa voce, 'mmiez'ô mare:
"Glu-glu-glu...
comm''o palummo i' só'
e tu, abbracciata a me,
na turturella si'..."
Canta! Canta!
Canta chi vò' cantá...
Chest'è 'a canzone d''a felicitá.
III
'A sera d''a parola...Ammore! Ammore!
'a sposa scumparette...e bonasera!
Sudava friddo 'o viecchio e, p''a tintura,
s'era 'nguacchiata 'a faccia nera nera!...
E pe' Surriento, sott''a luna chiara,
felice, suspiravano duje core:
"Glu-glu-glu...
.......................
E. Murolo - E. Tagliaferri
'A CANZONE D''E CCANZONE

'A canzone d''e ccanzone,
saglie a ll'alba da 'e ciardine...
fa arapí cchiù 'e nu balcone,
fa cantá tutt''e mmarine...
Va p''o monte e torna a mare
quanno, lenta, scenne 'a sera...
quanno Napule mme pare
na canzone 'e Primmavera...
Tutto canta...
Tutto chiagne e tutto canta
da 'a matina,
da 'a matina 'nfin'â sera...
Che paese,
che paese cantatore!
Ma 'a canzone d''e ccanzone,
ch'hann''a fá?...E' Napulitana!
A canzone d''e ccanzone,
è cchiù doce 'e nu suspiro...
sta 'int''e vvoce d''a stagione,
sta 'int'a ll'aria ca respiro...
E chi canta? E va' andivina...
Canta 'o sole, e ll'accumpagna
tutt''azzurro d''a marina,
tutt''o vverde d''a campagna.
Tutto canta...
......................
'A canzone d''e ccanzone
sta 'int'a ll'uocchie 'e nénna mia
ca mme guarda e, senza suone,
mette 'a mùseca e 'armunía...
E cu ll'uocchie canta e dice:
"Niente tengo - e niente tène -
tengo sulo, e só' felice,
ninno mio ca mme vò' bene"!
Tutto canta...
......................
Bovio - Valente
'A CANZONE D''E STELLE

'A canzone d''e stelle, stasera,
p''o mare 'e Napule,
voglio cantá...
Doce è 'o viento...
'a varchetta è liggiera...
'nnante Pusilleco
mme porta giá...
Giá se sentono voce e chitarre...
tu, Marí', staje 'npenziero pe' me...
Senza luna, a riva 'e mare,
quant'è bello a fá ll'ammore!
'Mmiez'ê stelle cadute, stasera,
ne teng'una 'int''e bbraccia...si' tu!
II
Che nuttata d'ammore! Mme pare
ca tutta Napule
canta cu me!...
Ciento stelle,
sperdute p''o mare,
-...bella, annascùnnete...-
cercano a te...
Ma stu core te tene attaccata:
Sulo 'a morte ce sparte, Marí'...
Senza luna, a riva 'e mare,
...........................................
Murolo - Tagliaferri
'A CARTULINA 'E NAPULE

Mm'è arrivata, stammatina,
na cartulina:
E' na veduta 'e Napule
che mm'ha mannato mámmema...
Se vede tutt''o Vommero,
se vede Margellina,
nu poco 'e cielo 'e Napule...
'ncopp'a 'sta cartulina!
Napule,
aggio scritto pe' te chesta canzone...
e, p''o ricordo 'e mámmema,
aggio chiagnuto lacreme 'e passione!
II
E se vede pure 'o mare
cu Marechiaro:
Mme parla cchiù 'e na lettera
'sta cartulina 'e Napule!
Che gioja, stu Pusilleco,
'sta villa quant'è fina...
Comm'è bello 'o Vesuvio...
che bella cartulina!
Napule,
.............
III
"Comme tu puó' stá felice
- mamma mme dice -
luntano tanto 'a Napule,
luntano tanto 'a mámmeta?"
E soffro mille spáseme,
'ncore tengo na spina
quanno cunfronto 'America
cu chesta cartulina!...
Napule,
.............
De Luca - Buongiovanni
'A CASCIAFORTE
Vaco truvanno na casciaforte!
E andivinate pe' ne fá che?
Non tengo titoli,
non vivo 'e rendita,
non ci ho un vestito pe' cuollo a me!...
Ma 'a cascia mi necessita...
Pe' forza ll'aggi''a tené!
Ce aggi''a mettere tutt''e llettere
che mi ha scritto Rosina mia...
nu ritratto (formato visita)
d''a bonanema 'e zi' Sufia...
nu cierro 'e capille,
nu cuorno 'e curallo...
ed il becco del pappagallo
che noi perdemmo nel ventitré...
Pe-re-pe-re-pe-re-ppe-ré....
II
Sono ricordi che in cassaforte,
sulo llá dinto t''e ppuó' astipá...
Quando mi privano
del companatico,
io 'ngótto e zitto senza sferrá...
Lo so! La vita è tragica,
ma 'a cascia...mme ll'hann''a dá!
che mi ha scritto Rosina mia...
Il mozzone di una steárica
(conficcato nella bugia),
na bambola 'e Miccio,
na lente in astuccio...
e una coda di cavalluccio
che mi ricorda la meglio etá!
Pa-ra-pa-ra-pa-ra-ppa-rá....
III
Vaco truvanno na casciaforte!
Ma a qua' casciere ce 'o vvaco a dí?...
Certe reliquie,
cierti cimeli,
si 'e ttiene 'a fore, pònno sparí!...
San Casimiro martire...
'sta cascia, famm''a vení!
che mm'ha scritto Rosina mia,
na cartella (di lire dodici)
rilasciata dall'agenzía...
Na máneca 'e sicchio,
na crástula 'e specchio,
na corteccia di cacio vecchio
e un fracchesciasso color cakí!
Pi-ri-pi-ri-pi-ri-ppi-rí....
Mangione - Valente
'A CITTA' 'E PULLECENELLA

T'accumpagno vico vico,
sulo a te ca si' n'amico...
e te porto p''e Quartiere,
addó' 'o sole nun se vére...
ma se vére tutt''o riesto...
e s'arápono 'e ffeneste;
e capisce comm'è bella,
'a cittá 'e Pullecenella!
Comm'è bella, comm'è bella,
'a cittá 'e Pullecenella...
Mme dispiace sulamente
ca ll'orgoglio 'e chesta gente,
se murtifica, ogne ghiuorno,
pe' na máneca 'e fetiente
che nun tènono cuscienza,
che nun tènono rispetto...
Comme fanno a pigliá suonno,
quann'è 'a sera, dint''o lietto?!...
Dint''o lietto, dint''o lietto,
quann'è 'a sera, dint''o lietto...
Dint''o lietto, dint''o lietto,
quann'è 'a sera, dint''o lietto...
II
Mo te porto a Margellina,
sempe ca nun tiene fretta,
verso 'e ccinche d''a matina,
quann''o traffico 'o ppermette...
Ccá è permesso tutte cosa,
no' pecché tiene 'o diritto...
ma pecché s'è sempe fatto...
o è sultanto pe' dispietto!...
Pe' dispietto, pe' dispietto,
Pe' dispietto, pe' dispietto,
Mme dispiace sulamente
ca ll'orgoglio 'e chesta gente,
se murtifica ogne ghiuorno...
e nuje ce mettimmo scuorno...
Ma nisciuno pò fá niente:
ce 'a zucammo 'a caramella...
Comm'è doce e comme e bella,
Comm'è doce, comm'è bella,
'a cittá 'e Pulecenella...
Ah!...Ah!...Ah!...(voci)
Ah!...Ah!...Ah!...(voci)
....................................
....................................
***
....................................
....................................
I' che sóngo musicante
e mme sento furtunato,
canto e sòno, sòno e canto,
chesta bella serenata...
E pecché só' 'nnammurato,
pecché forse ce só' nato...
ma vedite comm'è bella,
'a cittá 'e Pullecenella!...
'a cittá 'e Pullecenella....
Ah!...
Claudio Mattone
'A CURA 'E MAMMA'

Rusinella, mo tene vint'anne...
e smanéa e suspira a tutt'ore...
Ll'hanno ditto ch'è pálpito 'e core...
nu remmèdio opportuno nce vò'...
- Nèh, cumpá', che nce vurría
pe' sti smanie ca tengh'i'?
Io nun pòzzo cchiù durmí!
Io nun pòzzo cchiù durmí!...
Nèh, cumpá'...che nce vò'? -
- Nce vurría, per farve durmí...
tiritùppete e lariulí...
chella cura che fece mammá...
tiritáppete e lariulá!...-
II
- Nèh, cumpá', ma 'sta cura mme giovà? -
- Che dicite!...Ve 'ngrassa e rinforza...
Cummarè', vuje ll'avit''a fá a forza
ca si no...piglia sotto 'o rraù... -
- E spiegateme cchiù meglio
chesta cura che vò' dí...
I' nun voglio cchiù suffrí...
I' nun voglio cchiù suffrí...
Nèh, cumpá', che nce vò'?... -
- Nce vurría, pe' farve durmí...
tiritíppete e lariulí...
tiritáppete e lariulá!... -
III
- Nèh, cumpá', fosse amara 'sta cura? -
- Anze è doce...cchiù doce d''o mmèle -
- E va buó' mo nce 'o ddico a Papèle... -
- Ma 'o segreto 'o tengh'io cummarè'! -
- E perció, parlate chiaro...
ch'aggi''a fá, ch'aggi''a pigliá,
che nce vò' pe' mme calmá?
Nèh, cumpá'...che nce vò'?...
Nèh, cumpá'...che nce vò'?... -
- Nce vurría, pe' farve durmí...
tiritùppete e lariulí...
tiritáppete e lariulá!... -
Cinquegrana - De Gregorio
'A FATA D''E SUONNE

Sí, t''o scrivo stu bigliettino...
Sí, t''a faccio 'sta serenata...
Ma, cu 'a penna o cu 'o mandulino,
che te dico? Stamme a sentí...
Maria, Marí'...
st'uocchie lucente e 'sta vucchella rossa,
primma ca tu nascive,
Napule s''e ccantava...
Stu nomme tujo, Marí', s''o cunnuliava
na cònnola 'e mare,
doce doce...
Tu si' 'a fata d''e suonne,
ch'aspettavano a te!...
II
Sí, t''o ggiuro ca si' 'a cchiù bella...
Sí, t''e mmanno sti rrose gialle...
Ma si arriva 'sta 'mmasciatella,
che te dice? Stamme a sentí...
Maria, Marí'...
.......................
Marotta
'A FRANGESA
Songo frangesa e vengo da Parigge:
Io só' na chiappa 'e 'mpesa,
ve ll'aggi''a dí!
Pe' cumminciá, sapite...
no, nun ve vrucculiate,
io 'o tengo 'o 'nnammurato...
cu me nun c'è che fá!
Oh!..Oh!..Oh!..Oh!..Oh!..Oh!..Oh!..
Ma vuje mo che vulite?
Ve prego 'e nun gridá!
Si vuje nun 'a fenite,
'un pòzzo cchiù cantá!
II
Io sóngo bona ma só' 'ntussecósa...
vurría sapé na cosa, ma 'a veritá:
Certo mme cuffiate,
veco ca mo redite,
Pecché mme lu ffacite?
Gué jammo a franco 'o ssá'?!
Ma vuje pecché redite?
Ve piace 'e ve spassá!?
Si vuje nun 'a fenite,
'un pòzzo cchiù cantá!
III
Aggio viaggiato
e saccio tutto 'o munno,
ma stu cielo affatato,
sta sulo ccá!...
'A gente ride e canta
e ghiètta a mare 'e guaje...
Napule è bella assaje:
I' ccá voglio restá...
Ah!..Ah!..Ah!..Ah!..Ah!..Ah!..Ah!..
Spassámmoce e redimmo,
si lu pputimmo fá...
Ah!..Ah!..Ah!..Ah!..Ah!..Ah!..Ah!..
Nuje mo nce cunuscimmo
e ghiammo a franco 'o ssá'!...
Mario Costa
'A FURASTERA
A vespero è arrivato nu vapore
ch'ha sbarcato na bella furastèra...
Faccella janca, trezza comm'a ll'oro
e ll'uocchie penzaruse e chiare chiare.
Oje furastèra, ch''a luntano viene,
si staje malata, a Napule te sane;
si 'o furastiero nun te vò' cchiù bene,
t''o voglio fá scurdá primma 'e dimane...
Oje furastèra, ch''a luntano viene.
II
Voglio passá 'e nnuttate ô Chiatamone
cu 'a scusa 'e respirá ll'aria marina;
cantanno sotto a nu sicondo piano,
cu 'sta chitarra antica, na canzone...
.......................................................
III
Pusilleco...Pusilleco addiruso,
suonno d''e 'nnammurate 'e tutt''e mise,
miéttece 'nfaccia 'o rrusso 'e chesti rrose
e, dint'a ll'uocchie, 'o ffuoco 'e stu paese.
.......................................................
Bovio - Murolo - Di Capua
'A GELUSIA
Tu nun haje colpa, 'a colpa è tutt''a mia...
Ma comme fuje ca 'e te mme 'nnammuraje?!
Nun ce sta ammore senza gelusia...
però 'sta gelusia fa male assaje...
Ma comme fuje ca 'e te mme 'nnammuraje!?
Damme nu poco 'adduóbbeco 'int''o vino,
ca nun mme fa scetá fino a dimane...
E, mentre stó' durmenno a suonno chino,
mme sonno 'e te vasá sti bbelli mmane...
II
Tanno vurría cadé buono malato,
quanno sapesse ca t'aggio perduta...
Ma nun vurría sapé ca mm'hê 'ngannato:
ca 'nziem'a n'ato te ne si' partuta...
E pe' nun turná cchiù, te ne si' ghiuta!...
si n'ato ammore dint''o core tiene...
'nzuonno mme sonno ca mme vuó' cchiù bene!...
Finale:
.......................................................................
Ma comme fuje ca 'e te mme 'nnammuraje?
si n'ato ammore dint''o core tiene...
'nzuonno mme sonno ca mme vuó' cchiù bene!...
Letico - Ciaravolo
'A GIUVENTU' VA 'E PRESSA

Si mamma toja t'ha ditto,
si mamma toja t'ha ditto,
ca sulo per iscritto
nuje putimmo amoreggiá...
Dincello che a chest'epoca,
cu ll'aeroplano e 'a radio,
'o munno è allèro e facile:
Vulanno puó' spusá...
vulanno puó' spusá!
Strignímmoce, vasámmoce,
ch''a giuventù va 'e pressa...
Scetámmoce, spassámmoce,
ch''a giuventù ce lassa...
Nu vaso p''e Camaldule,
n'abbraccio â part''o Vommero...
Ma 'a sera, pe' Pusilleco,
t'adduorme 'mbracci'a me!
II
Mo só' schiuppate 'e rrose,
mo só' schiuppate 'e rrose,
e i' penzo a tanta cose
prufumate comm'a che...
Fernímmola cu 'e llettere,
só' 'e vase ca ce aspettano...
mo sti ciardine 'e Napule,
se 'nfiorano pe' te...
se 'nfiorano pe' te!
ch''a giuventù va 'e pressa...
..............................................
III
Tu hê 'ntiso che sfurtuna!?
Tu hê 'ntiso che sfurtuna!?
Mo parlano d''a luna
ca, da 'o cielo, ha da cadé...
Pe' te stu fatto è serio...
nun ce perdimmo 'nchiacchiere!
Si cade 'a luna 'e Napule,
chi luce 'nfronte a te?
Chi luce 'nfronte a te?
che 'a giuventù va 'e pressa...
...............................................
Di Gianni - Lama
'A LEGGE
(Alle guardie)
Mm'ammanettate ccá? Che mme ne 'mporta?
Chist'è 'o duvere vuosto: ccá stongh'i'...
Nun mme ne pento...Ll'aggi'accisa...è morta?
Chesta commedia êv''a ferní accussí...
Fa chiagnere vedennola ccá 'nterra,
accussí bella e tanto malamente...
Nèh, dint'a niente mme disprezza, va a spusá...
se scorda e me...
e i' ch'ero, marisciá'?
Na cosa 'e niente?!
II
(Ai carcerieri)
Ce 'o vvoglio rinfacciá mo ch'è fernuto:
stu tradimento nun ll'avev''a fá...
Io carcerato...essa 'int''o tavuto,
mamma ca chiagne e nun mme pò salvá!
"Ma piéntete na vota - lle dicevo -
pecché mm''o ffaje, pecché mme miette 'ncroce?
'Sta vocca doce no, nun vasa sulo a me,
'nfama ca si'"
Che 'nfama brigadié',
mm'ha miso 'ncroce!
III
(Ai giudici)
Cu 'a veste 'e sposa è ghiuta dint''a cchiesa
e,'nnanze a Dio, a n'ato ha ditto: Sí
E' stato pe' leggittima difesa
ca ll'aggi'accisa...o essa, o murev'i'!
Tu, giudice,
mm'accuse e mme cundanne...
ma tu, accussí, nun rappresiente 'a legge!
Gente cchiù peggia ll'hê mannata a libertá...
pènzace tu!...
Tu â casa mm'hê 'a manná
si 'a legge è legge!
P. Vento - E. A. Mario
'A LUNA 'E NAPULE

- Oje luna meza triste e meza allèra,
tu nun si' rrobba 'e ccá, si' rrobba 'e fore...
Te canuscette e fuje na primmavera,
tant'anne fa...quanno, p''a via d''o mare,
giuvinuttiello, mme purtaje ll'ammore...
No, tu nun si' 'e ll'America...
no, tu si' 'a luna 'e Napule...
Mé', párlame 'e Pusilleco,
'o cielo mio che fa? -
Ma 'a luna, 'a luna 'e Napule,
s'ha cummigliato ll'uocchie cu na nuvola,
senza puté parlá!...
II
Ca si luntano mme purtaje ll'ammore,
'nzuonno, mme sonno, tutt''e nnotte, 'o mare...
Mare che canta meglio 'e nu tenóre
e canta sempe, da 'a matina â sera,
Mare che è cchiù turchino 'e tutt''e mare...
...............................................
III
E dimme, oje luna: - E' vierno o è primmavera? -
dimme: - A 'o paese mio se canta ancora?
Lùceno sempe 'e lume p''a Riviera? -
- No, ninno mio, ma 'a notte, dint''o scuro,
quacche chitarra va sunanno ancora... -
...............................................
Bovio - Spagnuolo
'A LUNA E 'O MARE

Diceva 'a luna janca: "Oje mare, mare...
nun voglio fá cchiù luce quann'è 'a sera...
Mme dispiace pe' sti marenare,
ma, a stu paese, nun ce vengo cchiù...
Ccá se spassano a fá 'ammore
quann'io sóngo chiara chiara...
E nun sanno
ca pur'io tengo nu core,
comm''o tiene pure tu...
Oje mare, mare...
a Napule só' tutte 'nnammurate,
'e ffemmene só' troppo appassiunate...
Mme ne vaco...
Accussí voglio vedé
comme fanno senz''e me..."
II
E rispunnette 'o mare: "Oje luna, luna...
chi, meglio 'e te, mme pò dá cchiù ragione?
Ma tu t''e gguarde sulo, pe' furtuna,
mentr'io nun saccio cchiù che suppurtá...
Varchetelle a centenare...
Vase, lacreme, suspire...
E po' doppo,
siente 'e dicere: - E' stu mare
ca peccato ce fa fá! -
Oje luna, luna...
a Napule só' tutte 'nnammurate...
'e ffemmene só' troppo appassiunate...
Mme ne vaco,
accussí voglio vedé
comme fanno senza 'e me!..."
III
Nu viecchio piscatore ca sentette
chistu trascurzo fatto dint''a notte,
"Tu nun capisce, oje luna, - lle dicette -
si te ne vaje che male ce puó' fá!?...
Ccá se magna pane e ammore,
ccá se canta pe' stu mare...
E si, overo,
tutt'e duje tenite core,
nun ce avit''a abbanduná!..."
'A luna e 'o mare,
sentenno stu pparlá doce e curtese,
dicettero: "Chi 'o lassa stu paese?
Va' nce 'o ddice
ca restammo sempe ccá...
pe' delizia 'e 'sta cittá!"
Pisano - Falvo
'A MARINA 'E TRIPOLI

Mo ch''a marina 'e Tripoli è d''a nosta
n'ata Santa Lucia n'avimm''a fá:
Attuorno â riva tutte risturante
cu 'e puóste 'e ll'ostricare 'a ccá e 'a llá!
E tanta voce belle pe' cantá!
Accussí sti Ttripuline,
accussí sti Ttripuline,
nc''e ffacimmo paisane,
nc''e ffacimmo paisane...
Tanto cchiù ca só' schiavone,
'e vvestimmo 'a Luciane...
'E vvulimmo fá cantá...
Napulitano!
II
E chi se prova a fá ll'ammore a mare,
comme p''o mare 'e Frisio se pò fà,
(Cantanno, dint''a varca, na canzone
cu na brunetta ca se fa vasá...)
cunosce paraviso e civiltá!
....................................
III
E quanno 'o Tripulino piglia gusto
d''o vermeciello a vongole 'e munzù,
d''o purpetiello 'e scoglio 'int''a cassuola,
d''o pullo â cacciatora e d''o rraù...
Nemmeno a Maometto crede cchiù!
....................................
Giuseppe Capaldo
'A NUVENA
Nu zampugnaro 'e nu paese 'e fora,
lassaje quase 'nfiglianza la mugliera...
Se partette pe' Napule 'e bon' ora
sunanno, allero allero: Ullèro, ullèro...
E ullèro, ullèro...
(Ma nun era overo:
'o zampugnaro,
penzava â mugliera...
e suspirava...
e 'a zampogna, 'e suspire s'abbuffava...)
Ah...ah...
II
Cuccato 'ncopp''a paglia, 'o Bammeniello,
senza manco 'a miseria 'e na cuperta,
durmeva, 'mmiez'â vacca e ô ciucciariello,
cu ll'uocchie 'nchiuse e cu 'a vucchella aperta...
E ullèro, ullèro...
che bella faccella,
che bella resélla,
faceva Giesù
quanno 'a Madonna
cantava: "Core mio, fa' nonna nonna..."
Ah...ah...
III
Mmerz''e vintuno, 'e vintiduje d''o mese,
na lettera lle dettero â lucanna...
'sta lettera veneva da 'o pagghiese
e sotto era firmata : Marianna...
"E ullèro, ullèro...
sto bene in salute
e cosí spero
sentire di te:
Sono sgravata...
e duje figlie aggio fatto, una figliata."
Ah...ah...
IV
Tu scendi dalle stelle, o Re del cielo,
e nuje pigliammo 'e guaje cchiù alleramente...
Tasse, case cadute, freddo e gelo,
figlie a zeffunno, e pure nun fa niente...
Ullèro, ullèro!...
Sunate e cantate!
Sparate! Sparate!...
ch'è nato Giesù!
Giesù Bambino...
E 'a Vergine Maria s''o tene 'nzino...
Ah...ah...
Di Giacomo - De Leva
'A PICCIOTTA
Pe' destino mme trovo a Surriento:
Fore mura, int'ê ffrasche, 'int'ê rrose...
addó' penz'i' ogn'ore e mumente,
addó' maje nun mme stanco 'e cantá...
Si cunusce stu suono 'e 'sta voce,
si capisce io che voglio da te...
Arape sti pporte:
te voglio vedé!
II
E' passato giá n'anno d'ammore
e, cu 'o tiempo, se scorda ogne male...
Quanta strazie mm'hê dato a stu core,
quanta notte mm'hê fatto scetá!
Si cunusce stu suono 'e 'sta voce,
si capisce io che voglio da te...
Arape sti pporte:
te voglio vedé!
III
Mme risponne na voce 'a luntano:
Nèh, cumpá', pe' chi cante e suspire?
T'hê scurdato addó' sta Tramuntano?
'A cchiù bella picciotta sta llá.
'Sta canzone che cante è perduta,
manco ll'aria se smove da ccá!
'E pporte só' chiuse:
Haje voglia 'e cantá!
De Curtis
'A PIZZA
Io te 'ncuntraje:
na vocca rossa comm'a na cerasa,
na pelle prufumata 'e fronne 'e rose....
io te 'ncuntraje...
Volevo offrirti,
pagandolo anche a rate...
nu brillante
'e quínnece carate...
Ma tu vulive 'a pizza,
'a pizza, 'a pizza...
cu 'a pummarola 'ncoppa,
cu 'a pummarola 'ncoppa,
'a pizza, 'a pizza,
cu 'a pummarola 'ncoppa...
'a pizza e niente cchiù!...
II
Io te purtaje
addó' ce stanno 'e meglie risturante...
addó' se mangia mentre 'o mare canta...
io te purtaje...
Entusiasmato 'a tutte st'apparate,
urdinaje
nu cefalo arrustuto...
...................................
III
Io te spusaje...
'o vicinato e 'a folla d''e pariente,
facevano nu sacco 'e cumplimente,
io te spusaje...
All'improvviso,
tra invite e battimane,
arrevaje
na torta 'e cinche piane...
...................................
Testa - Martelli
'A PRIMMA 'NNAMMURATA

Ajere, pe' Tuleto, mme 'ncuntraje
cu 'a primma e sola 'nnammurata mia:
ll'uocchie pittate...addó' passaje lassaje
tutt''e prufume 'e na prufumeria...
E a vint'anne turnaje cu stu penziero...
chilli vint'anne ca nun tengo cchiù!
Ll'ammore è na ferita
ca 'o tiempo pò saná,
ma te rummane 'o segno tutt''a vita
pe' t''a fá ricurdá!
II
E mme só' ricurdato na fenesta...
Maria 'mmiez'ê glicínie rampicante...
doje fronne 'aruta 'mpietto, 'o juorno 'e festa,
e na vesta cu 'e mmane soje cusute,
duje curallucce â recchia pe' brillante...
nu poco 'e cipria 'nfaccia...e niente cchiù!
...................................
III
E doppo n'esistenza 'ntussecata
- che 'a vita nosta nu rumanzo fuje -
essa pigliaje na strada io n'ata strada
ma cu na spina ô core tutt'e duje!...
E 'a tant'anne, d''e llacreme chiagnute,
n'è rummasa una...e nun s'asciutta cchiù...
...................................
Murolo - Fonzo
'A PRUTESTA 'E SAN GENNARO

'A pacienza?! E che pacienza?!
Chesto è troppo, basta mo!
Sóngo stato sempe buono...
anzi, santo, mo nce vò'...
'A mesura s'è ghincuta!
Che ato mme vulite fá?
Pure 'a copp''o calannario
mme vulite cancellá!
San Gennaro, carta 'e tre...
faccio 'o 'nzisto...embè, che nc'è?
Mo nun mme dicite cchiù:
"San Genná', pènzace tu!..."?!
Mm'aggio fatto appicciá 'e ccere
'nnanze, pure 'o mese 'e luglio...
Aggio fatto fermá 'a lava
ca scenneva comm'a ll'uoglio...
tutto 'nzieme nu decreto
ca mme dice: "Gué, Genná',
te si' fatto troppo viecchio:
mo t'avimm''a penziuná!..."
E perciò, pe' chist'affronto,
io mm'atteggio a carta 'e tre...
e si vene 'o terramoto
non contate su di me...
Embè!
II
Va' sapenno, appura e 'ntienne...
mo cunosco 'a veritá:
'a nu santariello "Beat"
mm'hanno fatto rimpiazzá!
Quant'è vero ca mme chiammo
Gennarino, ll'aggi''a dá
quatto sciusce p''a fatica
ca se ll'ha da ricurdá!...
San Gennaro, carta 'e tre...
faccio 'o 'nzisto...embè che nc'è?
Stongo 'e casa dint''o Duomo
ma non sono più Patrono...
Cchiù miracule non faccio!
E' fernuta 'a zezzenella:
Faccio correre 'a finanza
dint''o Bùvero e a Furcella!
Non proteggo più il grattino...

anze, mo 'o faccio pigliá...
e denuncio le rapine
ca se stanno a organizzá!...
Tutto chesto pe' dispietto
ca nun mme pregate cchiù...
E, alla prima epidemia,
mme ne vaco a Cefalù!
Nfrù, nfrù!
Finale:
Più miracoli non faccio!
E' fernuta 'a zezzenella:
Faccio correre 'a finanza
dint''o Bùvero e a Furcella...
Non proteggo più il grattino...
anze, mo 'o faccio pigliá...
e denuncio le rapine
ca se stanno a organizzá!...
Per adesso cambio casa:
me ne vado abbascio 'o Puorto...
Pe' miracolo, quest'anno,
scioglio 'o sango...'e chi v'è muorto!
Embè!
Apicella
'A RETIRATA
Gioja bella,
pe' te vedé,
ch'aggio fatto
nun puó' sapé!
Si putesse parlá stu core,
quanta cose vulesse dí...
ma, chiagnenno pe' lu dulore,
io mm''o scippo pe' nn''o sentí!...
Napule e nénne belle,
addio v'avimm''a dí...
Sentite 'a retirata?
Ce n'avimmo da trasí!
II
Dice 'a gente,
parlanno 'e me,
ca si parto
mme scordo 'e te!
A 'sta gente, stu core mio,
pe' risposta tu fa' vedé...
e dincello ca si part'io,
tiene 'mmano nu pigno 'e me...
...................................
III
Gioja bella,
te ll'aggi''a dí
ca dimane
s'ha da partí!
Statte bona, puó' stá sicura:
cu 'a medaglia voglio turná!
A stu core tiénece cura,
si nun torno, nun 'o jettá...
....................................
Di Giacomo - Costa
'A RICETTA 'E NAPULE

Nu viecchio milionario americano,
teneva nun se sa che malatia...
era nefrite, tisi o pecundría?...
'a scienza nun sapeva andiviná!...
Però un amico intimo
dicette: "Pe' guarí 'a 'sta malatia,
portiamolo in Germania:
ce stanno prufessure 'e chirurgia..."
E 'o juorno appriesso, 'ncopp'a nu vapore,
passaje ll'oceano 'o povero signore...
II
'E meglie scienziate berlinese
'o visitajeno senza capí niente...
però, sapenno ca ce steva "'argiento",
dicettero: "Tentiamo d'operá..."
Senza nisciunu scrupolo
'tagliajeno 'o cuorpo 'e chillu vicchiariello...
e, quanno fuje a ll'ùrdemo,
campava e nun campava 'o puveriello...
E quase quase, tanto d''o dulore,
steva saglienno 'ncielo add''o Signore...
III
Ma Napule, vedenno stu vapore
ca se purtava 'o viecchio quase muorto...
dicette: "Favorite dint''o Puorto,
tengo na cosa ca lle pò giuvá..."
Pigliaje nu poco 'e Vommero
cu vinticinche gramme 'e Margellina,
nu pízzeco 'e Pusilleco
e 'o preparaje na bella mmedecina.
E 'o viecchio, nun appena s''a pigliaje,
dint'a nu quarto d'ora se sanaje...
Finale:
Chest'è 'a ricetta 'e Napule:
nu poco 'e sole vi' che te cumbina...
pure chi è muorto 'e sùbbeto
venenno ccá, risuscita e cammina...
Nun ce vò' menta cedra e fronn''aruta
pe' stá sempe benissimo in salute!....
Parente - Frustaci
'A RISA
Io tengo, 'a che só' nato,
nu vizio gruosso assaje...
nun ll'aggio perzo maje...
va' trova lu ppecché!
Mm'è sempe piaciuto
di stare in allegria
io, la malinconia,
nun saccio che rrobb'è!
De tutto rido...e che nce pòzzo fá!?
Ah - ah - ah - ah.....
Nun mme ne 'mporta si stóngo a sbagliá...
Ah - ah - ah - ah....
Io rido si uno chiagne,
si stóngo disperato,
si nun aggio magnato,
rido senza penzá...
Mme pare che redenno,
ogne turmiento passa...
nce se recréa e spassa...
cchiù allero se pò stá...
Sarrá difetto gruosso chistu ccá...
Ah - ah - ah - ah...
Ma 'o tengo e nun mm''o pòzzo cchiù levá...
Lu nonno mio diceva
ca tutte li ffacenne
faceva isso redenno...
E accussí i' voglio fá...
Chist'è 'o difetto mio,
vuje giá mo lu ssapite...
'nzieme cu me redite
ca bene ve farrá!
Redite e ghiammo ja':
Ah - ah - ah - ah
Ca bene ve farrá:
Ah - ah - ah - ah
Ah - ah - ah - ah
..........................
..........................
..........................
Bernardo Cantalamessa
'A RUMBA D''E SCUGNIZZE

Chesta è 'a rumba d''e scugnizze
ca s'abballa a tutte pizze...
Truove 'e ddame, 'mpizze 'mpizze,
ca te fanno duje carizze
pe' te fá passá 'e verrizze...
Strette 'e mane, vase e frizze...
Pruove gusto e te ce avvizze,
cchiù te sfrine e cchiù t'appizze...
Comm'a tanta pire nizze,
te ne scinne a sghizze a sghizze,
fino a quanno nun scapizze...
Chest'è 'a rumba d''e scugnizze!
'O rilorgio, mo capisco,
pecché 'o cerco e nun 'o trovo...
steva appiso...E' ghiuto ô ffrisco:
c'è rimasto sulo 'o chiuovo...
'O chiuovo i' tengo!
Cic - cic - cic - cí...
Bell''e 'ammere!
Scarole ricce p''a 'nzalata!
Fenócchie!
Cic - cic - cic - cí....
'O spassatiempo!
Mo t''e ccoglio e mo t''e vvengo!
Cic - cic - ci - cí...
Gué, ll'aglie!
Chesta è 'a rumba d''e scugnizze...
Assettáteve, assettáteve!
ca s'abballa a tutte pizze...
'O quadrillo e 'a figurella!
Truove 'e ddame, 'mpizze 'mpizze...
'O mastrillo e 'a rattacasa!
ca te fanno duje carizze...
Quant'è bello 'o battilocchio!
Pruove gusto e te ce avvizze...
Pe' chi tene 'a moglie pazza!
Cchiù te sfrine e cchiù t'appizze...
Quatto sorde, 'o fenucchietto!
Comm'a tanta pire nizze...
fin'a quanno nun scapizze!
Chesta è 'a rumba d''e scugnizze!
Puparuole e aulive...
Magnáteve 'o cocco, magnáteve 'o cocco!
Rrobba vecchia...
Pallune p''allésse, pallune p''allésse!
'E mellune chine 'e fuoco...
Na bona marenna, na bona marenna!
Cotogne...
Gelati, gelati, gelati, gelati!
Conciatièlle...
'A pizza cu 'alice, 'a pizza cu 'alice!
Furno 'e campagna...
'E lazze p''e scarpe, 'e lazze p''e scarpe!
D''o ciardino, tutte secche...
'A capa d''o purpo, 'a capa d''o purpo!
'O Roma!...
Chella bella Mamma d''o Cármene v''o ppava:
Nun mm''o ppòzzo faticá!...
E' bellella 'a paparella!
Accattateve 'e piatte!
Seje tuvaglie cinche lire!
N'ata pianta p''o salotto!
Nocelline americane!
Tengo 'o ggrano p''a pastiera!
Pacchianè', chi s''o ppenzava?
Tiene chistu campo 'e fave!
Cicchignacco 'int''a butteglia!
'O zi' monaco 'mbriacone!
'O vveleno p''e scarrafune!
'A dummeneca addó' t''a faje?
Comm'a tanta pire nizze,
fino a quanno nun scapizze!
Chest'è 'a rumba d''e scugnizze!
Viviani
'A SANTANOTTE
"Santanotte"..! Nu saluto a 'sta fenesta
addó' 'a luna, cu na festa,
tutt''argiento ha spaso giá!
Quaccheduna sta scetata
o s''a passa a sbariá,
pecché 'o suonno ll'ha lassata,
tale e quale comm'a me!
Vi' che triato
ch'è 'a vita nosta:
Dó' 'a "Santanotte"
a chi mm'ha 'ntussecato...
Scinne, oje bella, ca stó' senza cumpagnia:
mm'ha levato, mamma mia,
'o curtiello 'a cuollo a me!
Ccá mme porta 'o bbene antico...
- Sta cu n'ato? E ch'aggi''a fá?
Só' turnato 'int'a stu vico
pe' murí si aggi''a murí! -
Torna cu mico,
te voglio bene...
Po', 'a "Santanotte",
'a dammo a chist'amico...
Tu si' scesa...Finalmente! Mme sentive?
E dimmello: cu chi stive?
Dimme 'o nomme, primma 'e mo...
Ma tu cade? Staje gelata...
Parla...Ah!...E' sango 'mpiett'a te...
Mme ll'ha accisa 'o scellarato:
Morta io 'a stregno 'mbracci'a me!
Poveru core...
t'hanno spezzato...
'sta "Santanotte"
mo ll'ha da avé chi more!
........................................
Ma primma 'e juorno, 'o 'nfamo ha da murí!...
Scala - Buongiovanni
'A SERENATA
No, nun t'abbelí,
só' tutte amice
ca se vonno divertí...
Ognuno 'e lloro sona nu strumento,
comme si fosse...nu divertimento...
Comme se dice?
Questa qua è una "suvaré"!
Mme piglie e po' mme lasse,
po' mme lasse,
e po' mme piglie,
ma pecché?
Só' fatto na pazziella?
na pazziella
'e piccerillo,
'mmano a te?
Te spasse? E nun fa niente...
Spássate, ch'aggi''a fá?
II
Sstss!...Nun giá accussí...
cchiù delicato...
Nun ce avimm''a fá sentí!
Sunate zitto zitto e doce doce,
si no nce 'o perdo stu felillo 'e voce...
V'aggio pregato
ca mm'avit''a cumpatí...
po' mme lasse,
e po' mme piglie,
ma pecché?
na pazziella
'e piccerillo,
'mmano a te?
'Nfí' a quanno nun mme stracquo,
fa' chello ca vuó' tu...
III
Pe' te dimustrá
quanto ti "atóro",
nun 'o ssaje che voglio fá?
I' voglio fá quacche penzata mia:
Piglio e te scanno!...Vi' che fantasía!
Tu muore e io moro,
ma 'a sentenza è chesta ccá!
po' mme lasse,
e po' mme piglie,
ma pecché?
na pazziella
'e piccerillo,
'mmano a te?
Pe' mo siéntete 'e suone...
Dimane...mar'a te!
Bovio - Lama

E stó' aspettanno cu stu mandulino
ll'ora che, 'a cielo, se ne trase 'a luna...
mme só' nascosto dint'a nu ciardino,
pe' nun 'o ffá assapé
ca só' semp'io ca cerco scusa a te.
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pò sentí:
"Te voglio bene!"
II
Mme metto scuorno 'e fá sapé a ll'amice
ca "tinco tinco" torno e faccio pace.
Si 'appura 'a gente, Napule che dice?
Ca mm''e vvoglio fá fá,
sott'a chist'uocchie, cierti 'nfamitá?
...................................
III
Na vota ero 'o cchiù guappo 'e ll'Arenella:
tenevo 'nnammurate a mille a mille...
e mo mme faje chiammá "Pulicenella"...
Ma tu ce pienze o no,
ch'évo nu guappo - guappo overo - e mo?
...................................
Bovio - Cannio

'Ntreté'
'ntretélla mia,
sta venenno Pulicenella...
Pulicenella tujo!
Sciasciona...
Sciasciona mia, affácciate!
Nenné', gué gué, frabbotta,
ccá sta Pulicenella...
te caccia la lenguella
e dice: "Fatte ccá!..."
E ched è, nun mme sente?!
Nenné', cu 'sta vucchella,
cu st'uocchie, cu sti vruoccole,
lu core, comm'a spruoccolo,
mme staje a straziá!
E nun s'affaccia ancora!
Nenné'...'ntreté'...'ntretélla...
cara...caré'...carella!
'Ntreté', rusecarella....
nun farme cchiù pená!
E che ll'aggio fatto 'e male?!
Essa è sempe 'o core mio...
Gioja de st'arma mia, jésce ccá fora
ca mámmeta nun c'è...jésce a malora!!
'Ntreté'!
'Ntretélla mia!
Carugnona!
Carugnona! Carugnona!...
Jammoncenne...
e Ghiammoncenne!
Cimarosa
'A SERENATA D''E RROSE

E' mezanotte, e cu stu mandulino,
i' canto a stu barcone chino 'e rose...
saglie n'addore 'arancio da 'o ciardino
e st'aria doce vène a prufumá!
'A luna janca mme pare d'argiento,
sbattute sóngo 'e rrose da stu viento...
Oje rose meje!
Si dorme chesta fata,
scetátela cu chesta serenata!
II
E' mezanotte, e i' canto 'sta canzone
cu 'e sciure e cu ll'aucielle 'ncumpagnía...
Quanta suspire e quanta passione,
dint'a stu core mio, tengo pe' te...
Suspire mieje, vulate a stu barcone:
Facite sentí a Rosa 'sta canzone...
Oje rose meje!
........................
III
Oje luna, pecché ride e tiene mente?
Pecché mo nun faje luce a stu barcone?
Cu chisti ragge tuoje tanto lucente,
famme vedé si Rosa, mo, nce sta...
Vola canzone mia, vola, canzone!...
Rusina mme fa 'a spia for''o barcone...
Oje rose meje!
Essa, mo, s'è scetata:
Purtàtele, pe' me, 'sta serenata.
Russo - Di Capua
'A SIGARETTA
Va' trova qua' vico
mme perdarrá, na sera...
Va' trova qua' amico
s''a vasarrá, stasera...
Tu vide ch'ha fatto a me
e 'a gente ne ride 'e me!
Core mio, nun 'a dammo retta...
nun fa niente che ce ha distrutte,
appicciámmoce 'a sigaretta...
Tutto chello che t'hanno ditto,
tutt''o mmale ch'a nuje ce ha fatto,
io mm''o scordo si te staje zitto...
Na sigaretta,
tutt''e penziere pò fá cagná...
na malafreva pò fá passá...
Core mio nun 'a dammo retta,
pe' st'amico giá 'o cunto è fatto:
tutt''ammore ch'isso s'aspetta,
dura quanto pò durá
na sigaretta!
II
N'ammore sincero
perdette pe' st'ammore...
Guaglione comm'ero,
lle dette tutt''o core...
Chiagneva pe' mm'attaccá...
mo, invece, cu n'ato sta...
Core mio, nun 'a dammo retta...
....................................................
Finale:
Va' trova qua' vico...
Va' trova qua' sera...
Schettino - Vian
'A SIRENA
Quanno 'a luna, affacciánnose 'a cielo,
passa e luce e, 'int'a ll'acqua, se 'mmira
e ce stenne, d'argiento, nu velo,
mentre 'o viento d''a sera suspira;
quanno io sento, pe' st'aria addurosa,
comm''a voce d''a terra luntana,
lenta lenta, suná na campana...
'ntenneruto, mme metto a vucá...
Tutte mme diceno:
"Pe' sotto Pròceta,
si passe, scánzate,
ca c'è pericolo!
Ce sta na femmena
ca 'ncanta ll'uommene...
s''e cchiamma e, a ll'úrdemo,
po' 'e ffa murí!"
Ah!...voca, vo'...
Ma na Santa tengo io ca mme prutegge
e mme scanza p''a via:
Santa Lucia...Santa Lucia...
II
Voca voca!...'a 'i' ccá Pròceta nera,
sott''o cielo sereno e stellato...
'a vi' ccá, 'mmiez'a st'aria d''a sera,
tale e quale a nu monte affatato...
'A vi' ccá...che silenzio, che pace!
Ll'ora è chesta d''a bella sirena
scenne, sciulia, s'abbía 'ncopp''a rena...
e nu segno, cu 'a mano, mme fa!...
Na voce amábbele
tremma pe' ll'aria:
"Scánzate, scánzate!...
ca staje 'npericolo...
Chest'è na femmena
ca, sotto Pròceta,
'ncantáte, ll'uommene,
fa rummané..."
Ah!...voca, vo'...
Ma na Santa tengo io ca mme prutegge
e mme scanza p''a via...
III
Voca voca, 'a sirena mm'aspetta...
mme fa segno e, cantanno, mme dice:
"Piscató', vuó' cagná 'sta varchetta
cu nu regno e na vita felice?"
Voca fore! 'Sta voce 'a cunosco...
Chi mme chiamma se chiamma Isabella...
Prucetana, si' 'nfama e si' bella...
e mme stive facenno murí...
Na voce amábbele
tremma pe' ll'aria...
Ma è tutt'inutile,
nun mme pò vencere!...
Saccio a 'sta femmena
ca, sotto Pròceta,
'ncantate, ll'uommene,
fa rummané!...
Ah!...voca, vo'...
Ma na santa tengo io ca mme prutegge
e mme scanza p''a via:
Di Giacomo - V. Valente
'A SUNNAMBULA
Carmela è na bambola,
e fa 'ammore cu me...
Ma 'a mamma è terribile:
Nun mm''a vò' fá vedé...
Allora aggio truvato
nu bellu ritrovato:
Carmela fa 'a sunnambula
pe' mme vení a truvá...
E fa scema a mammá!
E cu 'a scusa ch'è na sunnambula,
chesta bambola, nèh, che fa?
Tutt''e ssere, pe' copp'a ll'ásteco,
vène a ll'ùnnece a passiggiá...
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
II
'O pate, 'On Arcangelo,
pe' dispietto nun vò'...
Lle sóngo antipatico
e mm'ha ditto ca no...
Ma a me che mme ne 'mporta?
Io tengo aperta 'a porta...
Carmela, comm''o ssolito,
mme vène a cunzulá...
E fa scemo a papá!!
E cu 'a scusa ch'è na sunnambula,
.......................................................
Pisano - Alfieri
'A SURRENTINA
Só' venuto a Surriento,
a 'sta bella marina,
cu na vela latina,
cu na réfola 'e viento
Aggio visto 'e ciardine,
sciur''arance e limone...
e 'e cchiù belli gguaglione
ca se pònno criá...
E llá 'mmiezo, 'a cchiù cara,
'a diletta 'e stu core
ca mme struje d'ammore,
e...nun pòzzo parlá.
Vurría passá la vita a stu paese,
'mmiez'a 'sta gente bella:
Vurría abballá pur'i' na tarantella
'nzieme cu te!
II
Si só' triste 'e penziere,
vuje partite a mumento...
Jatevenne a Surriento
ca pruvate piacere...
Llá vedite 'o Deserto
cu 'e mmuntagne viola
e na schiera 'e figliole
ca só' tutte buntá...
E si llá suspirate,
quante e quante só' 'e ppene,
llá, chell'aria, s''e ttene...
e maje cchiù nun v''e ddá!
Vurría passá la vita a stu paese,
..................................................
G. B. De Curtis - E. De Curtis
'A TAZZA 'E CAFE'

Vurría sapé pecché si mme vedite,
facite sempe 'a faccia amariggiata...
Ma vuje, quanto cchiù brutta ve facite,
cchiù bella, a ll'uocchie mieje, v'appresentate...
I' mo nun saccio si ve n'accurgite!
Ma cu sti mode, oje Bríggeta,
tazza 'e café parite:
sotto tenite 'o zzuccaro,
e 'ncoppa, amara site...
Ma i' tanto ch'aggi''a vutá,
e tanto ch'aggi''a girá...
ca 'o ddoce 'e sott''a tazza,
fin'a 'mmocca mm'ha da arrivá!...
II
Cchiù tiempo passa e cchiù v'arrefreddate,
'mméce 'e ve riscaldá..."Caffè squisito!..."
'o bbello è ca, si pure ve gelate,
site 'a delizia d''o ccafé granito...
Facenno cuncurrenza â limunata...
................................................
III
Vuje site 'a mamma d''e rrepassatore?...
E i', bellezza mia, figlio 'e cartaro!...
Si vuje ve divertite a cagná core,
i' faccio 'e ccarte pe' senza denare...
Bella pareglia fóssemo a fá 'ammore!
................................................
Capaldo - Fassone
'A TRUMMETTA A' VECARIA

Dicette a páteto:
"Mme sposo Amelia,
ma manco ll'aria
ll'ha da appurá..."
"Onoratissimo!
- risponne páteto -
ma almeno a mógliema
ll'aggi''a cuntá!"
E dint'a n'attimo,
st'ammore serio
s'è fatto comico.
P''e strate 'e Napule
mme sento 'e dicere:
"Che bella coppia!
Viate a loro!...
Hanno fatto, bella mia,
'a trummetta â Vicaría!"
II
Io só' nu giovane
stimato e serio...
e tu si' 'a femmena
ca fa pe' me!
Ma sono in collera
sulo cu mámmeta
ca troppo esaggera
parlanno 'e te...
E dint'a n'attimo
............................
III
Va' a dí a 'o Parroco
ch''a fata 'e Napule
sposa a nu princepe
ch'è figlio 'e rre!
E chistu Parroco,
'a copp''o pulpito
ne fa na predeca
p''o ffá sapé!...
E vuó' scummettere
ca mo, in Germania,
pe' tutt''America
e ll'Australia,
se sente 'e dicere:
"Che bella coppia!
Viate a lloro!...
Hanno fatto, bella mia,
'a trummetta â Vicaría!"
Baratta - Lama
'A VOCE 'E MAMMA

Voce ca tutt''e ssere te ne vaje
chiammanno 'e figlie 'e mamma 'a miez'â via...
Tu nun 'o ppuò capí che bene faje
si mme tiene nu poco cumpagnia...
Férmate pe' na vota sulamente
d''a voce 'e mamma famme ricurdá...
Tutt''e mmamme s''e cchiammano
'e figlie 'a sera;
sultanto 'a voce 'e mamma
io nun 'a sento...
E conto tutt''e llacreme chiagnute
'a quanno 'o bbene 'e mamma
aggio perduto...
St'uocchie mieje
stracque 'e chiagnere,
pe' 'mmiez'â via,
dint'a sti vvoce cercano
a mamma mia!
II
Mamma na vota sola mme chiammaje:
teneva 'a faccia d''a malincunia...
Po' n'angiulillo 'ncielo s''a purtaje...
e rimanette i' sulo 'mmiez'â via.
E quanno, 'a sera, chesti vvoce sento,
'nnanz'a chist'uocchie mieje veco a mammá...
Tutt''e mmamme s''e cchiammano,
'e figlie 'a sera;
........................
G. Russo - Genta
'A VONGOLA
Dint''o vico 'e Curtellare,
se diceva, 'a tutte quante,
ca, pe' mezzo 'e nu birbante...
che sacc'io mo...
ch'îv''a murí,
bell'accussí!
Ma vedite che ce azzecca
stu mmurí p''a passione!?
Quanno maje unu cazone
t'ê avastato, Carulí'?
Chesta è na vongola
quant'a na còngola,
pròpeto mascula
p''a nuvitá!
Chesta è na vera
vongola fina:
cchiù masculina
nun ce pò stá!
II
Tu p''a primma, ogne mumento,
ive attuorno e mme sparlave,
cu 'e gghiastemme ca menave:
"Ll'aggi''a vedé
ch'ha da sculá...
ll'hann''a squartá!"
E tenive sempe 'nfrisco
cinche o seje, for''o quartiere...
po' dicive ca 'o penziero
steva sempe 'ncuoll'a me!
Chesta è na vongola,
.................................
III
Gennarino 'o stagnariello,
Mezacanna e 'o figlio 'e Tata,
tutt'e tre t'hanno lassata
pecché, cu te,
mo simmo llá,
nèh, ch'hann''a fá!?
Si quaccuno t'addimmanna,
tuorne a fá Santa 'Nchiastélla!
bene mio, pe' 'sta zetella,
n'ommo buono nun ce sta?
Chesta è na vongola,
.................................
Capurro - Di Chiara
'A VUCCHELLA
Si' comm'a nu sciurillo...
tu tiene na vucchella,
nu poco pucurillo,
appassuliatella.
Méh, dammillo, dammillo,
è comm'a na rusella...
dammillo nu vasillo,
dammillo, Cannetella!
Dammillo e pigliatillo
nu vaso...piccerillo
comm'a chesta vucchella
che pare na rusella...
nu poco pucurillo
appassuliatella...
D'Annunzio - Tosti
'A ZINGARA
"E damme 'a mano,
- na zingara mm'ha ditto -
ca, quanto pe' destino puorte scritto,
t''o vvoglio fá sapé!
Ce sta n'amico, buono quanto maje,
ca te vò' bene assaje,
e tutto fa pe' te!"
Vatténne, oje zingara,
nun mme fá ridere!...
Cheste só' chiacchiere
ca mme vuó' vennere
pe' veritá!
Amice, 'ncopp''o munno, nun esistono...
n'amico sulo è 'o primmo amico mio...
e st'amico...songh'io!
II
"E damme 'a mano
ca te farrá piacere...
Te voglio anduviná tutt''e penziere
ca stanno 'ncap'a te!
Tu tiene nu parente gran signore
ca, n'atu ppoco, more...
e tu sarraje nu rre!"
Vatténne, oje zingara!
nun mme fá ridere...
cheste só' chiacchiere
ca mme vuó' vénnere
pe' veritá!...
Pariente cu 'e denare, nun ne mòrono...
Unu parente io tengo, gran signore:
sulamente stu core!
III
"Tu, dint''o core,
na passione tiene
pe' na femmena bella ca vuó' bene
e ca bene te vò'!...
E, dint'a st'uocchie tuoje, chiare e lucente,
na lacrema cucente
ce sta passanno mo!"
E' overo, oje zingara!
ce sta na femmena,
sincera e tènnera,
ch''a vita a chiagnere
passa pe' me!
E chesta ch'anduvine è 'a sola femmena
ca i' voglio bene cchiù d''a vita mia!
E chesta...è mamma mia!
Furnò - Valente
'ALBERGO 'E LL'ALLEGRIA

Carulí', bona furtuna,
T'hê 'ncignato n'ata vesta!
E 'sta toppa a mezaluna,
chi t''ha fatta, Carulí'?
E va buono...s'è capito,
nce starrá n'atu francese...
Ma nun sape ca sti spese
só' perdute 'ncuoll'a te?...
Siente a me, bellezza mia,
chistu core ca tu tiene,
pare 'Albergo 'e ll'Allegria:
uno vène e ll'ato va...
E chist'uocchie, belle e chiare,
ca só' duje repassature,
fanno ll'arte d''e sanzare
passaggiere p'acchiappá!...
II
Tu nun tiene na bellezza:
sóngo 'e tratte ca tu tiene...
Ca cient'uommene 'int''a rezza,
si' capace d'acchiappá!...
Hê lassato 'o farenaro,
hê 'nchiantato 'o canteniere,
hê traduto 'o salumiere...
'o barbiere manc''o vuó'!...
..........................................
III
Carulí', tu te credive
ca cu 'e cchiacchiere e cu 'e ciance,
dint''o sacco mme mettive,
'nziem'a ll'ate, pure a me?!...
Ogge, 'a femmena è mellone:
nun se piglia senza prova...
comme 'nfatte, quann''a trova,
core e fede ha da mustá...
..........................................
Irace - Gambardella
A MARGELLINA
Quanno fa notte, 'nterra Margellina,
se sceta 'o mare e canta chianu chiano...
Se fa cchiù doce ll'aria d''a marina...
Pure 'e ssirene cantano 'a luntano,
quanno è scurata notte a Margellina...
E cu 'sta luna, dint''e ssere 'e 'state,
io vularría durmí ma nun è cosa:
mme scetano da 'o suonno, sti sserate,
'o mare 'e Margellina e ll'uocchie 'e Rosa!
...........................................................
II
Stelle ch'ascite 'ncielo tutt''e ssere,
ca ll'aria doce fa mená suspire...
io ne cunosco doje e sóngo nere...
e só' lucente...e só' duje uocchie nire...
stelle ca state 'ncielo tutt''e ssere...
...........................................................
III
A Margellina, addó' se danno 'e vase,
ce corre 'o core e ce ha pigliato ll'uso:
Se scetano 'e ffigliole dint''e ccase
e, da luntano, corrono annascuso
a Margellina addó' só' doce 'e vase!...
...........................................................
E. A. Mario - Segré
ACCAREZZAME
Stasera, core e core, 'mmiez'ô ggrano,
addó' ce vede sulamente 'a luna...
io cchiù t'astrégno e cchiù te faje vicino,
io cchiù te vaso e cchiù te faje vasá...
Te vaso...e 'o riturnello 'e na canzone,
tra ll'arbere 'e cerase vola e va...
Accarézzame!...
Sento 'a fronte ca mme brucia...
Ma pecché nun mme dá pace
stu desiderio 'e te?
Accarézzame!...
Cu sti mmane vellutate,
faje scurdá tutt''e peccate...
Strígneme 'mbracci'a te!...
Sott'a stu cielo trapuntato 'e stelle,
mme faje sentí sti ddete 'int''e capille...
Voglio sunná guardanno st'uocchie belle...
voglio sunná cu te!...
Accarézzame!...
Sento 'a fronte ca mme brucia...
Ma pecché nun mme dá pace
stu desiderio 'e te?
II
E nu rilorgio lentamente sona...
ma 'o tiempo s'è fermato 'nziem'â luna...
Io mme vurría addurmí 'mmiez'a stu ggrano
tutta na vita...pe' ll'eternitá...
E tu mm'accarezzasse chianu chiano...
e mme vasasse, senza mme scetá...
Accarézzame!...
.........................
Nisa - Calvi
ACCUSSI'
'O mare e 'o viento chiagnono, stanotte,
dint'a stu golfo...
Ricorde e ombre tornano, stanotte,
dint'a stu core...
Ah, quanto pagarría nu poco 'e suonno!...
nu poco 'e suonno ca mme parla 'e te...
....................................
...E 'o suonno vene e mme trascina 'nfunno,
comm'a na varca a mare, senza rimme...
....................................
Accussí...accussí...
si' turnata, n'ata vota,
'nnammurata, 'mbracci'a me...
Sti viuline, a Margellina,
mo suspirano pe' te,
'nziem'a me...
T'accarezzo comme fusse tu na mamma...
doce doce comme fusse na Madonna...
na Madonna tu pe' me...
nun parlá, nun dirme niente
ca stu core vò' sentí
sulo 'o mare, sulo 'o viento
abbracciato 'nziem'a te...
II
S'addorme 'a luna e sta schiaranno juorno
pe' tutt''o golfo...
Io 'nzerro ll'uocchie e dico:
"Nun è ghiuorno pe' chistu core..."
Saccio ch'è na buscía, ma voglio 'o suonno...
sultanto 'o suonno ca te porta a me...
....................................
...E 'o suonno vène e mme trascina 'nfunno,
comm'a na varca a mare, senza rimme...
....................................
si' turnata, n'ata vota,
'nnammurata 'mbracci'a me...
................................................
Pugliese - Ruccione
ADDIO A NAPULE
Nce simmo a la partenza...
Io mme ne vaco...addio...
Napule bello mio,
non te vedraggio cchiù...
Quanto nc'è de cchiù caro
dinto de te se 'nzerra...
Addio...
Addio...
no paraviso 'nterra
Napule mio si tu...
Nu paraviso 'nterra,
Napule mio, si' tu!...
II
D'ammore, chi mme 'ncontra,
che vò' parlá mme pare...
Ll'aria , le vvie, lo mare
mme parlano purzí...
A chiagnere mme vène
Napule bella, Addio...
Addio...
Addio...
Lo paraviso mio
sempe pe' me tu si'...
Lo paraviso mio
sempe pe' me tu si'...
Bolognese
ADDIO FELICITA'
Si a chello ch'è passato pienze ancora
io d''o ppassato nun mme curo cchiù...
Ma si ce penzo maledico ll'ora
ca 'nnante a st'uocchie cumpariste tu!...
Mo chiagne?...Ma stu chianto è na buscía
sti llacreme nun sóngo veritá!
Felicitá!...
E comm''a puó' dí cchiù chesta parola?
Felicitá!...
Te guarda 'nfaccia, passa...e se ne vola...
Mo te ne piente sí,
mo te ne piente...
Mo ca te vide sola
e senza 'e me!...
II
St'ammore era 'o cchiù forte 'e tutt''ammore...
E mo che nc'è restato? Niente cchiù!...
Pe' me si' stata sempe senza core...
E io t'aggio data tutt''a giuventù!
Si' bella...e 'sta bellezza t'ha perduta...
Tu mm'hê lassato...e mo che tuorne a fá?
Felicitá!...
.................................................................
III
Ma comme?...'E te nisciuno parla 'e bene?
Quant'odio 'e gelusía sta 'ncuollo a te!
Pe' dó' tu passe, mo ne rieste pene!...
E 'nnanze a st'uocchie tiene sempe a me!
Ma mo, na voce a me mme dice: Spera...
E a te t'ha ditto: Addio felicitá!
Felicitá!...
...............................................................
B. U. Netti - Valente
ADDIO PULECENELLA!
Mme canuscite? Só' Pulecenella...
só' n'ombra janca e torno 'mmiez'â folla:
Mme voglio arricurdà d''e tiempe belle,
'e quanno se faceva 'o tira-e-molla
p'avé nu vaso 'a quacche Palummella!...
Pulecenè' ma tu,
saje ca Napule s'è cagnata
e 'sta rrobba nun se fa cchiù?!
Mo sische e, llà pe' llà,
tiene 'mbraccio tre piccerelle
bell'e pronte a se fà vasà!
II
Mme voglio arricurdà stu bellu mare,
addó', cu Palummella, jévo a fà 'ammore...
pe' dint'a ll'onne, 'e lluce d''e llampare,
parevano matasse 'e stelle d'oro,
piscate, 'a cielo, 'a mille marenare...
Pulecenè' ma tu,
saje ca Napule s'è cagnata
e 'sta rrobba nun se fa cchiù?!
Mo invece, a mare, va
sulo quacche contrabbandiere
cu 'o prublema ch'ha da campà...
III
Vuje che dicite? Comme mme dispiace!
'A gente d'ogge nun è cchiù felice...
Napule bella, t'hanno miso 'ncroce!...
Mo che ce faccio ccà? Salute amice...
Io mme ne torno addó' stó' 'nsanta pace...
Oje luna, luna, lù',
te saluta Pulecenella:
'ncopp''a Terra nun torna cchiù...
Oje luna, luna, lù',
ll'ombra janca 'e Pulecenella,
cu te saglie p''o cielo blu...
Agostino Palomba - Luigi Bifulco
ADDO' MME VASA ROSA

A Capemonte, 'ntiempo 'e primmavera,
quanno pe' ll'aria va cantanno Ammore
e da luntano se fa bello 'o mare,
ll'albere attuorno fanno cchiù friscura,
a Capemonte 'ntiempo 'e primmavera...
E Ammore...e Ammore...e Ammore...
'mmiez'a ll'albere se corre a fá na casa,
se corre a fá na casa,
addó' ce sta na stradulella 'e scesa,
addó' mm'abbraccia, addó' mme vasa Rosa...
Addó' mm'abbraccia e addó' mme vasa Rosa!
II
Figliole cuntignose e aggraziate,
vuje ca nun date vase e nun n'avite,
si 'e core vuoste se só' fatte 'e preta,
a Capemonte, Ammore 'e 'nfoca, 'e sceta,
figliole cuntignose e aggraziate...
E Ammore...e Ammore...e Ammore...
'mmiez'a ll'albere s'è ghiuto a fá na casa,
s'è ghiuto a fá na casa,
addó' ce sta na stradulella 'e scesa.
Addó' mm'abbraccia e addó' mme vasa Rosa...
III
A Capemonte ce sta n'ata reggia
cu nu balcone, n'ásteco e na loggia...
nu passero ce canta ô mese 'e maggio
e 'o core mio ce trase lieggio lieggio...
A Capemonte ce sta n'ata reggia!
E Ammore...E Ammore...E Ammore...
'mmiez'a ll'albere s'è ghiuto a fá na casa,
s'è ghiuto a fá na casa...
addó' ce sta na stradulella 'e scesa,
Addó' mm'abbraccia e addó' mme vasa Rosa...
E. A. Mario - Segré
ADDO' VAJE...? CHI SAPE NIENTE...

Addó' vaje?...Chi sape niente...
chesti bbrutte ventecate,
tutt''e ffronne gialliate,
fanno, 'a ll'árbere, cadé.
Faje tu pure 'o muleniello,
fronna, fronna 'e stu lauriello,
dint'a ll'uorto, 'e faccia a me!
E tu saglie, saglie e vuole...
e faje ciento capriole:
Nun appena sbatte 'nterra,
n'ata réfola t'afferra...
Addó' vaje...? Chi sape niente...
chi 'o ppò ddí, chi mme risponne?!...
Addó' vanno tanta fronne,
vaje tu pure...è overo o no?
Se cuntrastano duje viente
e te mméscano cu ciento
e s''a pigliano cu te.
E tu vaje, saglie e vuole
Addó' vanno tanta suonne,
gialliate comm’ ‘e ffronne,
ch’he sunnato comm’a me?
Addó’ vanno tanta cose,
cchiù gentile o cchiù preziose?
Vanno e addio!...chi sape addó’?!
E tu vaje, saglie e vuole
Nicolardi - Gagliardi
ADDUORMETE CU ME!
Stu core ha ditto: "Va' ca faje peccato!
Torna addu chi t'amava e tu hê traduto!..."
E i', 'nnammurato 'e te, sóngo turnato
pe' t'asciuttá sti llacreme chiagnute...
Adduórmete cu me sott'a 'sta luna...
te faccio cunnuliá da 'e ttre Sirene...
Bella d''a vita mia, stiénneme 'a mano:
voglio turná addu te ca mme vuó' bene...
Adduórmete cu me sott'a 'sta luna!
II
Tante ne voglio jettá suspire amare,
quante ne stanno, 'ncielo, stelle d'oro!
Tante te n'aggi''a dá vase d'ammore,
quant'ácene d'arena tene 'o mare!
Adduórmete cu me sott'a 'sta luna...
...........................................................
E. Murolo - Tagliaferri
AGATA!
Io mme metto 'o steccadente in bocca
pe' nun fumá...
Nun ce veco e nun mm'accatto 'e llente
pe' sparagná...
Vivo solo col mensile
d'impiegato comunale,
spacco 'a lira, spacco 'o soldo,
spacco pure 'o "duje centè'"...
e tu invece te la intendi
col padrone di un caffè?!
Agata!
Tu mi capisci!
Agata!
Tu mi tradisci!
Agata!
Guarda! Stupisci...
Ch'è ridotto quest'uomo per te!
II
Mm'accattaje nu cappelluccio tuosto
tre anne fa...
E, 'a tre anne, 'o tengo sempe 'ncapa...
Nun c'è che fá...
Stu vestito grigio scuro,
s'è cambiato di colore...
Mo s'è fatto verde chiaro:
Era n'abito 'e papá...
E mm'ha ditto 'o cusetore:
"Nun 'o pòzzo arrevutá:
ll'aggio troppo arrevutato...
Ve cunziglio d''o jettá...."
Agata!
Tu mi capisci!
.......................
III
Ho ridotto il pasto giornaliero,
sempre per te...
'A matina, nu bicchiere d'acqua...
senza cafè!
Vèngo â casa e nun te trovo,
'o purtiere tene 'a chiave:
- Dov'è andata? -
- A' sala 'e ballo! -
Mi commuovo...e penzo che
te facive 'a partetella,
tutt''e ssere, 'nziem'a me...
Mo mme faccio...'o sulitario,
guardo in cielo e penzo a te!
Agata!
Tu mi capisci!
.......................
Pisano - Cioffi
AGGIO PERDUTO 'O SUONNO

E' notte chiena e s'è addurmuto 'o mare...
ma io stó' scetato e spásema stu core.
'E vvoce, 'e notte, se só' fatte rare
e i' resto sulo 'int'a ll'oscuritá...
Dormono
'e rrose 'int''o ciardino...
surtanto 'o core mio nun pò durmí.
Aggio perduto 'o suonno
pe' chist'ammore...
aggio perduto 'o core
appriesso a te!
Nu juorno mme faje campá,
nu juorno 'mpazzí...
stu bbene mme fa danná,
st'ammore murí!...
Vivo pe' 'sta passione
ánema mia...
Tanta è 'a gelusia ca tengo 'e te
e tremma stu core mio
pecché ha' paura 'e te lassá...
Aggio perduto 'o suonno
pe' 'sta felicitá.
Redi - Natili
AH! LL'AMMORE CHE FA FA'

Mamma te chiamma serpe tentatore
e, 'mpietto, mm'ha cusuto na figura...
Ll'avría sapé ca giá mm'ha fatto, 'ammore,
femmena 'e munno...e só' na criatura...
Ah, ll'ammore che fa fá!...
Ma ll'ammore è na bannèra,
na bannèra ch'è liggera,
cagna 'o viento e 'a fa vutá...
II
Tanto che ce abbracciajemo e comme fuje
ch''a figurella 'a pietto se stracciaje...
Cercammo scusa a mamma tutt'e duje
ca na jastemma 'e mamma coglie assaje...
Ah! Ll'ammore che fa fá!...
............................................
III
Só' ghiuto ascianno n'erba avvelenata:
mme voglio avvelená si tu mme lasse...
Tu avisse la nutizia pe' la strada,
currisse â casa...e morta mme truvasse...
Ah! Ll'ammore che fa fá!...
............................................
E. Murolo - De Curtis
AH, MATALENA
Io giá tenevo pronta tutt''a casa:
'o lietto e na cuperta 'e seta rosa,
nu saluttino stile giappunese,
'o mastrillo e 'a grattacasa,
nce mancava sulo 'a sposa:
Matalena Sinfarosa.
Ma, Matalena se ne scappò...
Ma, Matalena se ne volò...
Mo só' rimasto sulo,
sulagno e abbandunato...
senza nu muorzo 'e moglie,
afflitto e scunzulato...
Ah, Matalena!...
II
Mm'avevo fatto nu vestito niro,
nu bellu paro 'e scarpe giallo chiaro,
mm'avevo fatto 'a barba add''o barbiere,
manicure e pedicure...
Mme pigliaje nu zambaglione,
pe' fá 'o sposo proprio buono!
Ma, Matalena se ne fuggí...
e 'o zambaglione non mi serví...
Mo só' rimasto sulo,
................................
III
Mm'avevo fatto dí dal mio compare,
'o sposo comme fa quanno se 'nzóra...
isso mm'aveva ditto: "Sta' sicuro,
nce 'o 'mpar'io a la commara..."
S''a purtava, tutt''e ssere,
'mmiez'ê ffrasche, dint''o scuro!...
Ma, la mia sposa più non ci sta...
e il mio compare, dove sará?
Io, pe' fá buono 'o sposo,
giá mm'ero preparato...
mm'avevo fatto pure
nu bagno cu 'o ssublimato...
Ah, Matalena...
Ah, Matalena...
Ah, Matalena...
Pisano - Ciaramella
ALL'ERTA, SENTINELLA!
Rosa, che t'aggi''a scrivere?
Rosa, che t'aggi''a dí?
Stó' tanto malinconico
ca vularría murí...
Chiove, fa friddo...e 'a ll'albere,
cadute sóngo 'e ffronne...
Te chiammo...e mme risponne
ll'eco sultanto, oje Rò'...
Che vuó', che t'aggi''a dicere?!...
Mme vène quase 'a chiagnere
si penzo a mamma bella,
si mm'arricordo 'e te...
"All'erta, sentinella!"
"All'erta sto!"
II
'Nnanze a chist'uocchie, Napule,
bella e lucente sta.
Mme pare sempe 'e sentere
na voce 'e suspirá...
Cántano sempe e canto
tutt''e ccanzone belle...
Lùceno sempe 'e stelle:
sta pe' trasí ll'está'...
.....................................................
"All'erta sto!"
III
Stó' 'e sentinella 'a ll'unnece
e ancora aggi''a vigliá...
Scrivo e nun 'ngarro a scrivere...
Chiagno?...E che chiagno a fá?
E s'è scugnato 'o láppeso,
'o foglio s'è ghincuto:
ti abbraccio e ti saluto...
non ti scordar di me!
.....................................................
"All'erta sto!"
Bovio - De Curtis
AMALIA
Che disdetta ca i' tengo a fá 'ammore!
Quant'i' soffro, nisciuno mme crede:
Nun ce sta chi capisce stu core...
'e ccanzone risponnono: Eh, giá!
Amá', Amá',
che ragione te pòzzo cuntá?
'O ccert'è ca io t'amo e t'adoro...
Cchiù sincero 'e stu core nun c'è!
II
A che epoca 'nfama io só' nato!
Nun se tene cchiù fede e cuscienza;
'nnanze a Dio te ll'aggio giurato
e tu dubite ancora, nèh Amá'?!
Amá', Amá',
............................................
III
Si pe' te io, stasera, mm'accido
e dimane tu liegge 'o Matino,
io só' certo ca manco nce cride
ca só' muorto p'ammore e pe' te.
Amá', Amá',
............................................
G. B. - E. De Curtis
AMARO E' 'O BBENE

Nu suono 'e fisarmonica se sente,
ma nun 'o ssaccio si mm''o stó' sunnanno
o forse sta sunanno overamente...
Nu suono 'e fisarmonica se sente...
Amaro è 'o bbene...
Amare sóngo 'e vase ca mme daje...
Nun tene cielo,
st'ammore nuosto, nun tene dimane...
Amaro è 'o core,
pecché nun sape chello ch''ha da fá:
Si ha da tremmá pe' te o si ha da fermá...
II
Ce sta, 'int'a ll'aria, nu presentimento:
chisà si chesta è giá ll'urdema vota...
Sento ca mme ll'arrobbo ogne mumento...
ce sta, 'int'a ll'aria, nu presentimento...
................................
S. Palomba - S. Bruni
AMMORE 'E FEMMENA

Mme vuó' dá 'a 'ntennere,
mm''o vvuó' fá credere
ca mme vuó' troppo bene...
Ca, nun vedènnome,
t''a passe a chiagnere,
te siente dint''e ppene!
Ma è maje possibile
ch'esce na lacrema
'a dint'a st'uocchie, oje né'?
Tu 'o ssaje ca 'e llacreme,
st'uocchie t''e sciupano...
tu 'o ssaje cchiù meglio 'e me...
Ammore 'e femmena,
è nu ricamo 'e chiacchiere:
parole ca lusingano,
prumesse ca se scordano...
E' na buscía,
'mpastata 'e mèle e zùccaro...
Na fantasía,
ca vène e se ne va...
II
Quanta miracule
pò fá na femmena,
si 'a lassa 'o 'nnammurato...
Ma nu remmedio
s''o trova subbeto:
se calma e penza a n'ato!
Comme s'attaccano,
se pònno sciogliere
tutt''e ccatene, oje né':
E' accussí facile
a cagná maschera
comme faje tu cu me!...
Ammore 'e femmena,
...................................
III
Tu mo, sentènnome,
te miette a ridere...
mme faje stu pizzo a riso...
Si' amara e sprùceta,
si' doce e affabile:
Ll'Inferno e 'o Paraviso...
E tu saje ridere
pe' mme fá dicere
chello ca dice tu...
Ma nun 'o perdere
stu tiempo, è inutile:
Io nun te credo cchiù!
Ammore 'e femmena,
...................................
E. A. Mario - E. Nardella
'AMMORE CANTA
Sole d'abbrile, scétate!...
Giá tutt''e stelle mòrono...
Scétate!...
Famm''e ffeneste 'e Napule arapí...
Chien''e suspire è ll'aria:
tutte suspire 'e femmene
ca, 'mbracci'a me, stanotte, 'int''o silenzio,
scurnose e belle, mm'hanno ditto sí...
Pe' chi canto?
E chi só'?
Canto! Canto pe' Napule!
Canto: mme chiammo: "Ammore"
Canto e mme trèmmano,
cchiù ardente e doce,
'e core 'e tutt''o munno 'int'a stu core...
'E vvoce 'e tutt''o munno 'int'a 'sta voce...
II
'O sole sponta...scétate
cu 'sta canzone, oje Napule!
Scétate!
Chi è 'nnammurato, nun ha da durmí!
Tutt''e ccampane sonano...
Tutt''e ffeneste lùceno...
Faccelle 'e suonno, 'mmiez'ê rrose e a ll'èllera,
s'affacciano, 'ncantate, pe' sentí...
Pe' chi canto?
E chi só'?
Canto! Canto pe' Napule!
Canto: mme chiammo: "Ammore"
Canto e mme trèmmano,
cchiù ardente e doce,
'e core 'e tutt''o munno 'int'a stu core...
'E vvoce 'e tutt''o munno 'int'a 'sta voce...
AMMORE CHESTO VO'

Quant'è bello stu balcone chino 'e sciure!
'Sta fenesta chiena 'e rose rampicante!
Spicialmente quanno po' t'affacce e cante
che delizia si putesse stá cu te!
'Mmiez'ê rrose e 'mmiez'ê sciure,
'nziem'a te cantasse i' pure!
Voglio cantá cu te
'mmiez'a sti rrose...
E te voglio vasá,
musso 'e cerasa...
Pecché 'ammore chesto vò'...
pecché 'ammore chesto vò'...
Canzone sciure e vase...
II
Quanno arracque tu chest'èvera addirosa,
p''o prufumo ca se spanne, io sent''addore...
addimmanne che te cerca chist'ammore,
te risponne: Vienetenne 'mbracci'a me...
E te faccio nu grillaggio:
Fronne, sciure e rose 'e maggio!
Voglio cantá cu te
.............................
III
Tutta Napule mme pare nu ciardino...
Beneditto chi nce nasce a stu paese...
Senza sole nun ce sta nisciunu mese,
senz'ammore na figliola nun pò stá...
Nce mettesse na curona:
sciure, vase e na canzone!...
Voglio cantá cu te
.............................
Federici - Lama
AMMORE GUAGLIONE
'Ammore mio, guaglione, è ghiuto â scola
tant'anne arreto senza fá maje niente:
Screveva 'ncopp''e banche una parola
e una parola se teneva a mente:
Screveva "Amalia" e, comme niente fosse,
pazziava cu 'e nnennélle a zompafuosse...
E i' nun sapevo scrivere
nun ghiévo p''o ssuttile:
senza sapé' 'a grammatica
screvevo dint'abbrile:
"Mio dorge amore,
ti oh conzervato
un pizzo nel mio quore!"
II
'Ammore mio guaglione, pazzianno,
pigliaje sùbbeto ll'uso a fá filone:
Quaranta juorne 'e scola tutto ll'anno!...
E si ê vvote leggevo 'a lezione,
truvavo, 'mmiez'ê paggine, â 'ntrasatto,
nu ricciulillo d'oro o nu ritratto...
Io nun 'ngarravo a leggere:
sbatteva 'o core 'mpietto...
Ma, pure senza virgole,
liggevo stu biglietto:
"Mio dorge amore,
pur'io per te,
ci oh un pizzo nel mio quore!"
III
Mo 'ammore è tutto calamaro e penna...
ma i' mm''a ricordo a chella piccerella:
purtava 'o panarino cu 'a marenna
na cinta a tre culure e na cartella...
E i' ll'aspettavo a 'o sòleto puntone
pe' dí: "Guarda che sole...fa' filone!"
Zero cu ll'asteristico
pigliaje a bene e a male...
E avette 'a peggia media...
pur'essa: tale e quale.
Duje cunte pare:
Zero allo studio...
e vase a centenare!
E. A. Mario - Ricciardi
AMMORE SEGRETO
Io nun ce 'a faccio cchiù a cuntinuá accussí...
S'è cunzumato 'o core: Mme sento 'e ascí a 'mpazzí!...
Mez'ora pe' fá 'ammore, addó' fernesce 'o munno,
addó' scurdammo 'o scuorno...e ce vulimmo 'e cchiù...
Però, turnanno â casa, cu 'o core 'int''e buscíe,
cercanno 'e truvá pace, cercammo scusa a Dio...
Per quest'amore segreto,
ce sentimmo 'e 'mpazzí...
pe' chist'ammore sbagliato,
simmo pronte a murí...
e ce vedimmo annascuso...
addó' 'o scuro ce ajuta...
Pe' chist'ammore segreto,
ca ce ajuta a campá...
'o bbene nuosto è sincero,
nun se pò maje spezzá...
e ce spugliammo 'int''e vase...
cu 'e minute cuntate...
II
E quanno te ne vaje, 'a vita se ne va...
mme cade 'o munno 'ncuollo, nun saccio ch'aggi''a fá...
E dint'a sti penziere, t'immagino con lui...
mm'afferra 'a gelusia...e nun mme fa durmí...
Te chiammo e po' riattacco, pe' te sentí vicino,
per disturbare lui mentre vò' fá ll'ammore...
Per quest'amore segreto
.........................................
F. Percopo
ANEMA E CORE
Nuje ca perdimmo 'a pace e 'o suonno,
nun ce dicimmo maje pecché?...
Vocche ca vase nun ne vonno,
nun só' sti vvocche oje né'!
Pure, te chiammo e nun rispunne
pe' fá dispietto a me...
Tenímmoce accussí: ánema e core...
nun ce lassammo cchiù, manco pe' n'ora...
stu desiderio 'e te mme fa paura...
Campá cu te,
sempe cu te,
pe' nun murí...
Che ce dicimmo a fá parole amare,
si 'o bbene po' campá cu nu respiro?
Si smanie pure tu pe' chist'ammore,
tenímmoce accussí...ánema e core!
II
Forse sarrá ca 'o chianto è doce,
forse sarrá ca bene fa...
Quanno mme sento cchiù felice,
nun è felicitá...
Specie si ê vvote tu mme dice,
distratta, 'a veritá...
Tenímmoce accussí: ánema e core...
............................................................
D'Esposito - Manlio
ANEMA NERA
Stavota, siente a me, te si' sbagliata!
Tu si' felice? E io cchiù felice 'e te!
Mm'aggio truvato n'ata 'nnammurata:
Chella ca overamente fa pe' me!
Cchiù bella 'e te,
no, nun è nata ancora...
ma è 'nnammurata e sòra
chesta ca sape chiagnere...
Bella nun è,
ma è n'anema sincera...
Cride ca tutte tènono
n'anema nera
comm'a te!
II
T'aggio lassato e nun mme pare overo
ch'aggio tenuto 'a forza 'e te lassá...
Ma cierti vvote stongo accussí allèro
ca mm'addimmanno io stesso: E comme va?!
Cchiù bella 'e te,
............................
III
E comme chiagne 'a 'nnammurata mia
quanno mme vede 'e ridere accussí!
Mm''a legge dint''o core 'sta buscía
e nun perdona a chi mme fa suffrí...
Cchiù bella 'e te,
...........................
Canetti - Valente
ATTENTI ALLE DONNE

Quanno na femmena mme vene a dicere:
"T'aggi''a lassá, nun pò durá st'ammore...è inutile!"
Io só' filosofo, mme metto a ridere:
'o ssaccio giá ca nun 'o ffa manco si 'accidono...
ché la donna, con baci e promesse,
fa ogni cosa nel proprio interesse.
'E ffemmene, si chiagnono ce vonno arravugliá,
e quanno ce disprezzano, ce vonno cchiù attaccá...
Quanto só' scieme ll'uommene ca nun sanno capí:
si dice "No" na femmena, allora ha ditto "Sí"!
Segui una donna piuttosto eccentrica?!
La senti dir: "La vuol finir di far lo stupido?"
"Qui c'è un equivoco! Só' n'ommo serio:
le voglio offrir un posticin nella mia macchina..."
Sente 'a "machina" e più non ragiona...
la ragazza con te si abbandona!
Po' se ne vène ô cinema, po' vène a strafucá...
e doppo, tutta languida, se lascia accompagná.
Giunta alla casa, alle undici, confida alla mammá:
"Mammá, ho trovato un "chiòchiaro" cchiù chiòchiaro 'e papá...
Se l'uomo è timido, piuttosto ingenuo,
la donna sa comm'ha da fá p''o puté cogliere....
Tuccá è difficile, baciá è impossibile...
"Vieni a parlá con la mammá e si puó concludere...
Ci ho la casa, il corredo e lo zio,
ca, si more, ogni cosa è d''o mmio..."
E il povero Saverio, quand'è salito su,
corredo, casa, láscito...nun trova niente cchiù!
E restano a suo carico la moglie e la mammá...
e tre fratelli piccoli ch'isso ha da dá a magná...
Finale:
E cheste sóngo 'e ffemmene, c'è poco 'a pazziá!
T'avotano, te girano,..te sanno 'mpapucchiá!
Io do un consiglio ai giovani quanno s'hann'ammogliá:
"Ccá nce sta tutt''a perdere e niente 'a guadagná!..."
Armando
AUTUNNO
Forse è ll'autunno
ca mme mantene 'sta malincunia...
Chiove a zeffunno, Ninetta mia...
E' uttombre quase...vierno mme pare:
jurnate fredde, nuttate amare...
sempe aspettanno ca na parola,
una, una sola,
mme venesse 'a te,
mme venesse 'a te!
II
E tu che faje?
Staje allèra o malinconica 'e sti juorne?
Mme pienze maje? Tuorne o nun tuorne?
E sí, faje buono, statte luntana...
tanto, è passata n'annata sana
ca nun mm'hê scritto cchiù na parola...
una, una sola!...
Giá, si' sempe tu...
Giá, si' sempe tu!
Bovio - De Curtis
AVEMMARIA
'E ssiente sti ccampane?
Sònano tutte quante 'Avemmaria:
chiágnono chianu chiano...
chiammano 'o core mio pe' cumpagnía...
E io penzo ca pe' me,
'sta vita nun è vita senz''e te!
E nun cantá, Pusilleco,
canzone 'e 'nnammurate!
E' chesta 'a sola musica
p''o core mio malato....
Avemmaria,
suspira e chiagne 'sta passione mia...
II
Che sponta a fá 'sta luna
si nun mme trova 'nziem'a te, stasera?
Cadono, a una a una,
tutt''e speranze 'e st'ánema sincera...
Nun voglio cchiù suffrí:
sònano sti ccampane pe' t''o ddí!
......................................
III
E comme, nun 'a siente
'sta voce mia, 'sta voce appassiunata?
Mm''o ddice pure 'o viento
ca si' 'a cchiù bella e si' 'a cchiù scellarata...
Ma si nun tuorn'a me,
io perdo 'a vita mia, perdenno a te!...
......................................
De Flaviis - Lama
BAMMENELLA
Só' "Bammenella" 'e copp''e Quartiere:
pe' tutta Napule faccio parlá,
quanno, annascuso, p''e vicule, 'a sera,
'ncopp''o pianino mme metto a ballá...
Vene 'ambulanza?...'Int'a niente mm''a squaglio!
E, si mm'afferra, mme torna a lassá!
'Ncopp''a quistura, si ê vvote ce saglio,
è pe' furmalitá...
Cu 'a bona maniera,
faccio cadé 'o brigatiere...
piglio e lle véngo 'o mestiere:
dico ca 'o tengo ccá...
'O zallo s''o 'mmocca,
ll'avota 'a capa e s'abbocca...
ma, nun appena mme tocca,
mme n'ha da manná!
II
Mme fanno ridere cierti pperzone
quanno mme diceno: "Penza pe' te..."
Io faccio 'ammore cu 'o capo guaglione
e spènno 'e llire p''o fá cumparé...
Stó' sotto 'o dèbbeto, chisto è 'o destino...
ma c'è chi pava pirciò lassa fá...
Tengo nu bellu guaglione vicino
ca mme fa rispettá!
Chi sta 'int''o peccato,
ha da tené' 'o 'nnammurato.
ch'appena doppo assucciato,
s'ha da sapé appiccecá...
E tutt''e sserate,
chillo mm'accide 'e mazzate!
Mme vò' nu bene sfrenato,
ma nun 'o ddá a paré'!...
III
Mo só' tre mise ca 'o tengo malato;
sacc'io che spènno pe' farlo saná!
Però, 'o duttore, cu me s'è allummato:
pe' senza niente mm''o faccio curá...
E tene pure 'o mandato 'e cattura:
priesto, 'ambulanza s''o vène a pigliá...
Io ll'aggio ditto: "Sta' senza paura,
pe' te, ce stóngo io ccá!..."
Cu 'a bona maniera,
faccio cadé 'o brigatiere,
Mentre io lle vengo 'o mestiere...
isso, have 'o canzo 'e scappá...
Pe' me, 'o 'ssenziale,
è quanno mme vasa carnale:
Mme fa scurdá tutt''o mmale
ca mme facette fá!...
Raffaele Viviani
BAMMENELLA D''O MERCATO

Uocchie turchine culore d''o cielo,
labbra 'e curallo cu 'addore d''o mare...
Bammenella d''o Mercato...
'a chiammavano accussí!
E faticava, da 'a matina â sera,
dint'a na stanzulella fredda e scura...
Diceva tutt''a gente d''o quartiere:
"Chesta figliola è 'a perla 'e ll'onestá,
e guaje a chi se permette 'e ce 'a tucca!"
...Ttuppi - ttuppi - ttu:
S'appresentaje ll'ammore:
Nu bellu giuvinotto marenaro.
Povera figlia senza 'e genitore:
se facette lusingá...
se facette 'ncatená.
II
Era na santa, campava 'e fatica,
na vesticciolla sultanto teneva...
s''a lavava e s''a stirava,
quanno jéva a cunzigná...
Mo nun se vede cchiù 'sta vesta spasa...
e 'o balcunciello sujo sta sempe 'nchiuso...
'A gente dice: "Comme va 'sta cosa?
Tenéssemo 'o duvere 'e ce 'nfurmá!..."
E quaccheduno è ghiuto a tuzzuliá...
...Ttuppi - ttuppi - ttu:
- Vuje stisseve malata?
Parlate...Ve servesse quacche ajuto?
Vuje site Bammenella d''o Mercato...
Ce putite cummanná,
vuje ce avit''a cummanná! -
III
Pe' Sant'Eligio s'è spasa na voce:
"Povera figlia ce ll'hanno perduta!"
Ogne giovane annurato,
nun se pò capacitá.
E 'o cusetore nun fa cchiù vestite...
E 'o masterascio 'nchiova nu tavuto
e dice: "Chillu 'nfame scellarato,
chello ch'ha fatto, ce ll'ha da pavá...
'Mmiez'ô Mercato...chesto nun se fa!..."
...Ttuppi - ttuppi - tu:
E trase nu duttore...
- Duttó' ce sta speranza? - Nun 'o ccrero!
E' pazza e chiamma sempe 'o marenaro... -
Ma va' trova chi sarrá?
Ma va' trova addó' starrá?
.........................................
.........................................
Ma che tempesta nera!
Na voce 'e piscatore:
"Na varca s'è sperduta 'mmiez'ô mare..."
.................................................................
.................................................................
Chi fa male 'ha da pavá
Chi fa male 'ha da pavá!
Pisano - Cioffi
BELLA CA BELLA SI'

Mme só' scetato a ll'alba stammatina
e aggiu menato 'a rezza 'mmiez'ô mare...
A na fenesta steva Carulina
e mme guardava cu chill'uocchie chiare...
'Ncantato pe' guardá chella sirena
aggiu perduto a mare 'a rezza chiena...
Bella, ca bella si',
chi te pò maje scurdá!
Si st'uocchie doce mme fanno murí,
só' pure 'a luce ca mme fa campá...
II
'A cchiù 'e nu mese tengo, 'int'a stu core,
'nchiuvate ll'uocchie suoje turchine e doce...
E i' ca nun aggio maje saputo 'ammore
mo stó' perdenno 'a pace, 'o suonno e 'a voce...
E mme ne fa jettá lácreme amare...
pe' quanta stelle 'ncielo e 'a rena a mare...
chi te pò maje scurdá...
.....................................
III
Mm'ha ditto mamma: "Abbada, statte attiento...
e nun te ce 'ncaná, ch'è senza core...
Chell'è na vela: avota comm''o viento:
Nce sta chiagnenno cchiù 'e nu piscatore!"
Ma senza ll'uocchie belle 'e Carulina,
i' che nce campo a fá pe' 'sta marina?
chi te pò maje scurdá...
......................................
A.Gill
BELLA MIA
Io t''o ddicevo...
ce si caduta:
P''a troppa fòja,
gioja mia,
te si' perduta...
Senz'arte ê mmane,
senza dimane...
abbandunata,
sola sola,
rieste tu...
Bella mia, che chiagne a fá?
Mme faje pena, 'a veritá...
Mo t'affitto nu quartino
cu 'a luggetta e 'o belvedé:
lasso a Rosa e piglio a te...
............................................
II
Hê fatto male
ca te si' data,
anema e core,
'mbracci'a chillo
una vutata...
Ca te ne piente,
nun gióva a niente...
'O fatto è fatto...
mo ll'amico
ride 'e te!...
............................................
III
Isso diceva
ca te spusava
quann'abbracciata
te teneva
e se sfeziava...
Scióre d'aprile,
scióre gentile,
chi t'ha sfrunnato,
n'ora 'e pace
nn'ha da avé!...
............................................
Barbieri - Di Chiara
BELLAVISTA
Veníteme a truvá, stó' a Bellavista...
tengo na bella casa bene esposta:
doje logge, tre balcune, tre feneste,
na tavula 'e mangiá pe' vinte poste...
Veníteme a truvá stó' a Bellavista.
Vuje purtate duje spaghette,
quacche poco d'antipasto,
seje galline, tre caprette,
na canesta cu 'e pullaste...
Nu bicchiere 'e vino buono
nun mm''avit''a fá mancá...
ch'io ve canto na canzone
ca ve faccio cunzulá!...
II
Veníteme a truvá stó' tanto triste
surtanto ll'aria bona nun mm'abbasta...
Io voglio stá cu 'amice sempe 'nfesta...
(nun ve scurdate 'a cesta cu 'e pullaste...)
Veníteme a truvá stó' a Bellavista...
Vuje purtate un po' di pesce:
treglie, spigole e aragoste...
e si po' nun ve rincresce,
frutta, strega, birre e paste...
Se vi capita un prosciutto
mme ll'avit''a fá vedé...
ricurdateve 'o paccotto
chino 'e zuccaro e cafè...
III
Veníteme a truvá stó' a Bellavista,
io tengo appena diece figlie e basta...
só' piezz''e core ma só' troppo 'nziste...
nu regaluccio a testa che ve costa?
Venítele a truvá a sti cammurriste...
Vuje purtate duje bracciale,
tre rilorge, e tre catene...
n'automobile a Pascale,
nu curredo a Filumena...
E pe' fá na cosa meglio,
na pelliccia pure a me...
nu brillante per mia moglie
di carati trentatré...
Finale:
Ricurdateve 'e spaghette
con il poco di antipasto,
'e ggalline, 'e tre caprette,
'a canesta cu 'e pullaste;
e 'o barile 'e vino buono
nun mm''avit''a fá mancá...
ch'io ve canto na canzone
ca ve faccio cunzulá!...
Fiore - Donnarumma
BELZEBU'
Nun ce sta nu filo 'e viento,
pare 'e fuoco tutt''a rena...
ma, stanotte, a Margellina,
che succede, gente, gè'?
Nu vasciello a vele nere,
s'avvicina chianu chiano...
'mmiez'ê tuone e 'mmiez'ê lampe,
sta sbarcanno 'nterra ccá.
- Ma chi è, ma chi è, ma chi è?!... -
'Mmiez'ê ffiamme rosse e blu...
Gente, gente, currite a vedé!...
E' arrivato Belzebù!
'E Rumane, 'e Sarracine,
'e Spagnuole e ll'Angioine,
'e Tedesche, 'e Marucchine:
ce mancave sulo tu!
Arapítele 'e pporte a Belzebù!
II
Fa nu passo 'e mille metre
e, cu 'a voce sója d'inferno,
mentre cadono 'e palazze,
isso allucca: - Nèh, guagliù!... -
E da 'a vocca d''o Vesuvio,
cientomila diavulille,
se ne tornano sciulianno
'ncopp''a coda 'e Belzebù...
- Ma ched è... ma ched è...ma ched è? -
Se n'è ghiuto Belzebù!
Finalmente stavota over'è:
'nziem'ê figlie 'e Belzebù,
'e Rumane, 'e Sarracine,
'e Tedesche, 'e Marucchine,
mo, nun 'e ttenimmo cchiù!
E 'nzerrátele 'e pporte a Belzebù!
III
Mm'è venuto nu suspetto
ca quaccuno s'è nascosto..
e mo, invece 'e stá a ll'inferno,
va giranno p''a cittá...
Chisà quante ce ne stanno,
assettáte 'int''e ppultrone,
chisti diavule 'mperzona,
chisti figlie 'e Belzebù...
- Viene 'a ccá, viene 'a ccá, viene 'a ccá...-
Torna ampresso, Belzebù!
Sulo tu puó' salvá 'sta cittá:
Vienatille a pigliá tu...
'E Rumane, 'e Sarracine,
'e Tedesche, 'e Marucchine,
e chist'ate che saje tu...
Portatille a ll'inferno, Belzebù!...
Palomba - Bruni
BENEDITTO 'O MESE 'AUSTO

Quanno vène 'o mese 'Austo,
tutt''e ssere faccio festa:
Veco a Rosa senza busto,
Carulina senza vesta...
E Maria, bella e curtese,
sottavoce mm'amminaccia:
"Quanno sponta chistu mese,
te sceppasse ll'uocchie 'a faccia!"
sti ffigliole senza busto,
mme piace d''e gguardá,
d''e ttuccá,
d''e vvasá...
Ma che spasso, ma che gusto...
Beneditto,
beneditto,
beneditto 'o mese 'Austo!
II
'Nterr'â spiaggia...Vi' che sole!
Manco 'o mare mme rinfresca...
Ch'aggi''a dí? Chesti ffigliole,
sóngo 'o ffuoco 'nfacci'a ll'ésca!
Veco 'a rossa, 'a bionda, 'a bruna...
Cierti piezze speciale:
"Signurí', bona furtuna!
Site asciuta da 'o spitale?..."
................................................
III
ogne femmena 'o ffa apposta...
no p''o caldo...no...è pe' gusto
ch'addeventa faccia tosta!...
'Nnanz'a me, 'a signora a porta,
pe' se fá na sciorta 'e risa,
passa e spassa for''a porta,
sulamente cu 'a cammisa!...
................................................
IV
Cantata in teatro:
vuje ca state 'int ''e ppultrone,
ve credite ch'esce 'arrusto?...
chelle, invece, só' canzone!
Só' canzone scritte apposta
pe' stu pubblico galante...
Perdunate 'a faccia tosta...
mé', cantammo tutte quante:
................................................
Fiore - Lama
BONGIORNO AMMORE...
Bongiorno ammore,
bongiorno ammore mio,
tutto è cchiù bello e caro
vulenno bene a te.
N'aria 'e tempesta
pare doce e liggèra,
nu tiempo amaro e triste,
pare felicitá...
Si ê vvote mme faje credere
ca pienze 'e mme lassá
e 'o core mme faje chiagnere
ca tantu male fa...
Mm'abbasta vedé splènnere
st'uocchie ca tiene tu...
ca 'mparaviso, crídeme,
mme pare 'e stá cu te!
II
Bongiorno ammore,
bongiorno ammore mio...
só' mille suonne d'oro
stanno vicino a te.
Cántano 'e sciure
e canta 'o sole e 'o mare
Marí', pe' chist'ammore,
ca vò' sultanto a te!
...............................
Peppino De Filippo
BRINNESO
Brínneso alla salute
dell'amirosa mia ca s'è sposata!
'E ccummarelle meje, ca nce só' ghiute
díceno che pareva una popata...
Ed indi poi noi li facciamo un brínneso
alla per noi difunda donna amata:
Vino vinello,
se per la donna il másculo è un trastullo
io ho stato l'Allirchino e il Purginello...
Mo rido e abballo,
e mme ne frocolejo della mia bella,
ché a queste scemitá nci ho fatto il callo!
II
Col calicio levato,
mme conto tutt''e llacreme chiagnute
per te, dorge ed indegno oggetto amato,
ca t'hê pigliato giuventù e salute...
Vevite amice: chisto è vino 'e Proceta...
n'atu bicchiere...e nce ne simmo jute!...
Vino sincero,
ho detto al cuoro, al povero mio cuoro:
Chiagne pe' cunto tujo, ca i' mo stó' allèro...
perché, a chest'ora,
mentre tu faje ll'Otello e ti disperi,
forse la signorina...è giá...signora!
III
Mo ca stó' frasturnato,
nun mme lassate sulo 'mmiez'â via...
V'aggio fatto spassá...mi ho dispendiato...
mo purtateme â casa 'e mamma mia.
E alla mia vecchia, vuje ll'avit''a dicere:
"Questa crapa è tuo figlio!" E accussí sia!...
Vinello puro,
mentre gli sposi stanno cuoro a cuoro,
che scherzo appresentarse dint''o scuro!...
Alla "signora"
io lle direbbe: "Nun avé paura:
Io sono un morto che cammina ancora!"
Bovio - Valente
BUONGIORNO A MARIA
'Ncopp''a fenesta ca sta 'nchiusa ancora,
saglie 'o saluto mio pe' te scetá...
E tu ca saje 'a voce e ca saje ll'ora,
statte scetáta...ma nun t'affacciá:
Statte scetáta e siente
'sta voce 'e chi te penza ore e mumente..
e, albanno juorno, 'a dint'a ll'ombra vène...
vène e te torna a dí: "Te voglio bene!"
II
Buongiorno ammore mio, buongiorno ammore
ca nun te cagne e nun te puó' cagná...
Comm''o rilorgio, 'o core conta ll'ore...
ll'ora pe' t'addurmí...e pe' te scetá...
E tu, cuccáta, siente
'a voce 'e chi te sceta puntualmente
e, albanno juorno, dint'a ll'ombra vène...
Vène e te torna a di' ca te vò' bene!...
III
E po' t'adduorme e po' te sceta 'o sole...
di', che te suonne 'int'a sti suonne tu?
Che t'hanno miso 'ncore sti pparole
che 'a tantu tiempo nun sentive cchiù?
Statte cuccáta e siente:
t''e ddice chi te penza eternamente
e, albanno juorno, dint'a ll'ombra vène...
'E ttre parole só': "Te voglio bene"!
E. A. Mario
CALAMITA D'ORO
Tu si' attaccante comm'a na malía...
perciò te chiamme "Calamita d'oro!"
Saje mettere 'int''e vvéne 'a frennesía
e sulo 'a vocca toja pò dá ristoro....
"Calamita d'oro!..."
Chello ch'hê fatto a me
chi t''o pperdona?!
Io nun te dico niente...
pecché 'sta vocca ardente
tanto mm'attacca a te
ca i' cchiù ne moro!
II
Passanno 'a dint''o vico 'o Buoncunziglio,
'e te mm'hanno sparlato tuttuquante...
N'amico ha ditto: "Tu si' buonu figlio,
lássala e porta 'e ccére a tutt''e Sante!"
..............................
De Crescenzo - Acampora
CAMPAGNATA NAPULITANA
Tavulelle apparicchiate...
Ogne coppia 'e 'nnammurate
core a core s'abbandona...
Comm'è bella 'sta campana
d''e Camáldule, luntana,
ch'ogne tanto ll'ora sona...
Che calore!...sti ccicale
nun fann'ato che cantá...
'ncigna 'a vótte 'o "princepale"
e 'o garzone attuorno va...
Nénna, né'...
pe' doje vocche, unu bicchiere...
metto 'o musso primm''e te:
voglio véverme 'e penziere
pe' vedé si pienze a me!
II
Ma pecché nun mme rispunne?
Voglio 'a mano e ll'annascunne?
T'accarezzo e vuote 'a faccia?...
Staje 'nguttosa e nun 'o vvide
ca ll'está, meno ch''o ccride,
t'abbandona 'int'a sti bbraccia?...
Ma si abballe 'a tarantella
chesta mùtria passarrá...
pizzo 'mmano d''a vunnella,
e 'o pianino a tiempo va...
Nénna, né'...
'nnanz'a te, cu ciento mosse,
me te voglio ciancijá...
Diente janche e labbra rosse...
t'è scappata 'a risa giá!...
III
Scura notte e, allegre a vino,
nce azzeccammo cchiù vicino
p''a via nova 'e Marechiaro...
Da 'a muntagna 'a luna sponta
cu na stella appriesso pronta...
Pare juorno 'mmiez'ô mare!...
Ll'acqua fragne 'nterr'â rena,
saglie sciùlia e se ne va...
Pare 'o viento quanno appena
smove 'e ffronne 'int'a ll'está!
Nénna, né'...
Io te dico: "Maje felice
sóngo stato comm'a mo..."
Tu, vasánnome mme dice:
"Fann''e me chello ca vuó'!..."
CAMPAGNO'
Na bella campagnola, ògne matina,
appena sponta 'o sole da 'a muntagna,
addenucchiata 'mmiez'a na campagna,
se mette a tagliá ll'èvera,
spassánnose a cantá...
Campagnó', si mme vuó' bene,
nun ce serve 'o lietto 'e sposa:
'Ncopp'a st'èvera addirosa,
è cchiù bello a stá cu te...
E' cchiù bello a stá cu te!
II
'Sta campagnola è comm''ha fatt''a mamma:
na rosa 'mmiez'a ll'èvera schiuppata...
sultanto 'o sole 'ha vista e ll'ha vasata
e ll'aucielle, attuorno,
'a 'mparano a cantá!
.................................................
III
'Mmiez'ô silenzio verde 'e 'sta campagna,
ca spira tanta pace e sentimento,
cu 'addore 'e ll'erba fresca ca se sente,
mme vène, 'a dint'a ll'anema,
'o genio d''a vasá!...
.................................................
Genise - Capolongo
CAMPAGNOLA VESUVIANA
Giuvanuttielle ca 'mpazzute site,
ll'ammore tutte quante mme cercate...
nun serve ca, fra vuje, v'appiccecate
si nun decido i' stessa ch'aggi''a fá!
Site tutte quante belle,
tutte quante mme piacite,
ma stu ddoce 'e 'sta vucchella,
chi s''o ppiglia?
chi s''o ppiglia?
Nun ve pòzzo assicurá...
Quann'è 'a sera, sola sola,
saglio 'a vascio ê tterre chiene
a cavallo a stu traíno...
Tutte quante, puntualmente,
aspettàte a 'o stesso posto,
cu 'a speranza 'e mme parlá...
Ma a chi dice doje parole,
ca mme fanno 'nnammurá...
ce 'o pprumetto ca mm''o sposo,
stesso dint'a chistu mese...
Chesta è tutta 'a veritá...
II
'O ciucciariello, sott'a stu traíno,
canta pur'isso ca vò' fá ll'ammore...
Che terra 'e fuoco è chesta!...e stu calore,
'ncapa v'è ghiuto e nun ve fa campá...
Vuje 'nfunníte na pezzólla,
e mettitavella 'nfrónte...
io, cu 'o garbo 'e sti mmanelle,
v''a mantengo, v''a mantengo...
fino a che nun passarrá...
Quanno è 'a sera, sola sola,
...........................................
Nappo - Genta
CANTA ABBRILE
E se ne véne Abbrile alleramente:
vène cantanno pe' scetá ll'amante...
Dice: "Buongiorno, oj' femmene custante!
Chi bene vò' ca s''o ttenesse a mente:
Ammore,'e core 'e vvò' doce e aprilante!"
Bella, e si canta Abbrile
canta pe' chi vò' bene:
tu, nun appena vène,
cuntenta e 'nnammurata,
fatte truvá affacciata...
E' Abbrile!...E' Abbrile!...
II
E canta Abbrile cu na voce d'oro
ll'ariette ca fernesceno a suspire...
E tu, ca mo te spícceche e te 'mmire,
siente st'aucielle ca lle fanno 'o coro,
siente 'o prufumo 'e st'aria ca respire...
Bella, e si canta Abbrile,
tutto fiurisce attuorno...
Dice ll'ammore: "Io torno
pe' fá cchiù allère 'e ccase,
pe' fá cchiù ardente 'e vase..."
E' abbrile!...E' Abbrile!...
III
Viene cu me, ca te port'io, p''a mano,
p''a strada 'a dó', cantanno, Abbrile vène...
e ce fermammo addó', 'mmiez'ê vverbene,
ce sta n'angolo a 'o ffrisco, 'o cchiù stramano:
ce vede abbrile, e canta, e se 'ntrattene...
Bella, e addó' canta Abbrile,
certo te faje cchiù doce:
Parle e te tremma 'a voce...
vase e t'addora 'o sciato...
E' doce ogne peccato!
E' Abbrile!...E' Abbrile!...
E. A. Mario
CANTA PE' ME!

Canta pe' me, stanotte, na canzone,
tu ca si' bella e tiene 'a voce d'oro...
Cantammélla stanotte, ca si moro,
moro sentenno na bella canzone...
Canta na serenata 'e marenare...
ch''a tantu tiempo nun se canta cchiù...
Mare!...Stanotte, quanta varche a mare...
ma tu nun cante? Ma a che pienze tu?
II
Canta: ca i' t'accumpagno cu 'a chitarra,
chisà, stanotte, nun se sceta 'ammore,
ll'ammore sfurtunato e cantatore
ca niente vò': nu core e na chitarra...
Canta, ca è bella Napule addurmuta,
cònnola d'oro pe' chi vò' sunná...
Ma tu che pienze sulitaria e muta?
Ma tu ch'aspiette ca nun vuó' cantá?
III
E pecché chiagne si 'a nuttata è bella,
e si' figliola, e tiene 'a voce d'oro?
Canta pe' me, pe' me ca mme ne moro...
moro sentenno na canzone bella...
Canta, luntana mia, ca si' turnata
ca si' turnata e nun te ne puó' ghí...
Canta, pecché te tengo 'ncatenata,
pecché tu sola mm'hê 'a vedé murí!...
Bovio - De Curtis
CANZONA AMALFITANA
Só' mure janche da 'o sole pittate,
feneste verde, luggette fiurite...
cunvente appise, viarelle scavate
ca, dint'a ll'acqua, se stanno a specchiá...
Carulí',
Carulí'...
guarda, guá',
vide, vi'!...
Parla d''e viente 'a rosa amalfitana
e ll'aria addora tanto...ca te stona;
mentre, p''o cielo, 'o suono 'e na campana
se stenne 'ncopp''a stesa 'e na canzone...
Carulí',
Carulí',
jammo, ja'...
dimme sí!
II
E s'è dinchiuta 'e smeralde na grotta,
na varca...po', na pittura scarlatta...
na roccia penza ch'a mare se vótta...
stanno, 'e tterrazze 'e limone, a gialliá...
Carulí',
Carulí',
statte, sta'...
zitta, zi'...
Passa na varca a vela amalfitana...
ll'ora 'e mill'anne na campana sona...
mentre, 'e lampare d'oro, na cullana
se stenne sott''a stesa 'e na canzone...
Carulí',
Carulí',
stu ssunná'
fa svení...
(Finale:)
'Ncopp'a stu duomo, 'nnanze a 'sta marina,
stammo a vedé che fa...che vò' 'sta luna!...
Marená',
voca, vo'...
voca, vo'...
marená'...
Bonagura - Benedetto
CANZONA AMIROSA
E tiene 'a faccia 'e n'angelo d''o cielo...
Santu Luca cu te nce s'è spassato:
'O sentimento 'nfaccia t'ha pittato,
'ncore, t'ha miso 'o sciore d''a buntá!
Ah...ah...
Sempe sempe, anema e core,
ll'ammore mio t'accumpagnarrá!
Ah...ah...
ll'ammore mio t'accumpagnarrá!
II
E tiene 'a vocca 'e cerasella fresca...
e mm''a sonno ogne notte e ce sperisco.
Te voglio tantu bene e nun capisco
pecché, accussí, te faje desiderá!
Ah...ah...
................................................
Russo - Mugnone
CANZONA BELLA
Vuje ca d''e bbelle la cchiù bella site,
veniteve a affacciá for''o balcone...
scetáteve nu poco, nun durmite:
sentite quant'è doce 'sta canzone.
Chesta canzone ca io stó' cantanno,
è tutta sentimento e 'spressione
che vène da nu core 'e passione...
stu core ca, pe' vuje, soffre 'a n'anno!
Vurria addeventá chistu cuscino,
addó' 'sta faccia 'e rose vuje appujate...
Sul'accussí ve venarría vicino
e vasarría sti ttrezze avvellutate.
Bella, ca d''e bellizze ca tenite,
facite 'mmiria a 'e stelle 'e 'mmiez'ô cielo
P''o scuorno, 'a luna giá s'ha miso 'o velo
pecché cchiù bella d'essa vuje parite.
Tutte sti rrose 'e for'a 'sta fenesta,
aspettano ca forse v'affacciate...
Ve stanno priparanno giá na festa
pe' quanno vuje, da 'o suonno, ve scetate!
E si stu suonno, a vuje, ve dá arricietto,
pe' me, 'o suonno, nun esiste maje...
Mme diceno 'e llenzole 'e dint''o lietto:
"Si vène nénna toja, durmarraje!..."
V. Russo - Di Capua
CANZONA DOCE
Quanno mme staje vicino,
quanno mme guarde,
pe' me si' tutt''o munno...
si' 'a felicitá.
Nu poco 'e luna,
nu poco 'e mare,
senza parole pe' farme capí
ca mme vuó' bene pe' sempe accussí...
Nu poco 'e luna,
nu poco 'e mare...
e na canzona doce
pe' te sentí cantá!
...............
Nu poco 'e luna,
nu poco 'e mare...
e na canzona doce
pe' te sentí cantá!...
Nu poco 'e luna,
nu poco 'e mare...
pe' te sentí cantá!
Roberto Murolo
CANZONA MARENARA
Mme voglio fá na casa 'mmiez'ô mare...
mme voglio fá na casa 'mmiez'ô mare...
fravecata de penne de pavune...
fravecata de penne de pavune...
Trállalallá...
lallá llalallá...
lallá lallallá lallallá lallallá...
II
D'argiento e d'oro voglio fá li ggrare...
D'argiento e d'oro voglio fá li ggrare...
e de prete preziose li balcune...
e de prete preziose li balcune...
Trállalallá
................
III
Quanno nennella mia se va a affacciare...
Quanno nennella mia se va a affacciare...
ognuno dice, ognuno dice:
"Mo sponta lu sole!..."
Trállalallá
................
Sacco - Campanella
CANZONA MARENARESCA
Ricordo d''o ppassato:
Nuttate belle 'e pesca a purpetielle:
Nénna, vucanno, a fianco a me cantava...
e appassiunatamente mme vasava...
E mo...s''a vasa n'ato!
'O mare 'o smaledico, sí, pecché
quann'essa apparteneva ancora a me,
a tutt'e duje nce avev''a subbissá...
A tutt'e duje!
II
Oje má', pòrtalo ampresso
'o core 'argiento a Mamma d''a Catena
ca lle vulive appènnere pe' vuto
quanno 'a lassavo...'o bbi'? mme só' spartuto!
E moro senza d'essa!
'O mare 'o smaledico, sí, pecché
....................................................
III
Cumpagne marenare,
pe' chi c'è nato 'nterra a 'sta marina,
pe' chi capisce ll'onna quanno canta,
si s'alluntana, st'anema se schianta:
Cumpagne, è bello 'o mare!...
'O mare, no, nun ll'aggi''a smaledí:
è 'a femmena ca è 'nfama e fa suffrí!
'E tradimente suoje, c''e ffa scurdá
sultanto 'o mare!
Scala - Bossi
CANZONA VESUVIANA
Se ne sagliesse â parte d'Uttajano
chi vò' campá cujeto, si vò' bene...
Saccio na casarella fore mano
cu duje balcune e, attuorno, 'e tterre chiene
'e resedá e garuófane schiavune...
Jénche 'e ciardine 'e rose, 'a primmavera,
ll'autunno, 'mmiez'ê vvigne, ména ll'oro...
Ce canta 'o core mio, matina e sera,
e, tutto ll'anne, 'o core mio suspira!
II
E saglie 'o core mio 'ncopp''a muntagna,
addó' ll'ammore 'o vò' fá fá 'a vennegna...
Vase ca só' cchiù meglio d''o sciampagne...
E, quann''a 'ncigne, è tènnera e sanguegna
'sta vocca rossa...ch'è 'a cchiù bella vigna!...
Acene d'uva sóngo 'e vase doce,
e cchiù arzulenta è ll'uva, e cchiù mme piace...
Chella, è 'a passione che mm'abbampa e coce...
Chella, è 'a passione ca mme fa felice...
III
Saglimmo a duje. Cantammo. E canta ll'eco
pe' 'mmiez'a 'e chiuppe d''a muntagna amica...
e ce desiderammo...'O ppenzo...'O vveco...
Lapillo 'e fuoco è 'ammore, quanno trica...
E trica, e ce fa ardente a poco a poco...
E nuje saglimmo. E stammo 'ncielo quase:
Luntane, veco casarelle e chiese...
Ah, che funiculare sóngo 'e vase:
Nuje ce vasammo...e ghiammo 'mparaviso!
E. A. Mario
CANZONE 'E TERZIGNO

('A vennegna)
Dinto settembre, 'o mese cchiù sanguegno,
bello è stu manto d'oro d''a campagna:
'o pergulato mio, cárreco 'e pigne
d'uva ammatura d'ácene russagne,
quase mme chiamma: s'ha da fá 'a vennegna!
Viene cu me,
statte cu me,
dint''a campagna
te voglio tené...
A faticá
t'aggi''a purtá...
po', dint''a vigna,
te voglio vasá!
II
A pigne a pigne, ll'uva 'int''o canisto,
cade tagliata da sti mmane noste;
tu dice: "E' tarde, jammuncenne basta!"
Io nun só' stanco ancora e dico: "Resta!...
N'atu vasillo, dimme, che te costa?"
E i' vaso a te,
tu vase a me,
chesta vennegna
ce fa stravedé...
Ce fa 'ncantá,
ce fa sunná...
tramonta 'o sole,
ma nuje stammo ccá...
III
N'anno è passato e mo è turnato 'o mese
che 'a vigna è chiena 'e piénnule zucuse...
Fatico i' sulo: tu rummane â casa
cu nu criaturo a pietto 'e quatto mise...
Tiempo 'e vennegna...ma che bella cosa!
Terzigno ohé,
ringrazio a te
si na famiglia
mme trovo cu me!!!
Mme faje campá,
mme faje sunná...
'Ntiempo 'e vennegna
mme metto a cantá...
Agostino Palomba - Luigi Bifulco
CANZONE APPASSIUNATA
N'albero piccerillo aggiu piantato,
criscènnolo cu pena e cu sudore...
Na ventecata giá mme ll'ha spezzato
e tutt''e ffronne cágnano culore...
Cadute só' giá 'e frutte: e tuttuquante,
erano doce, e se só' fatte amare...
Ma 'o core dice: "Oje giuvinotto amante,
'e ccose amare, tiénele cchiù care..."
E amara comme si', te voglio bene!
Te voglio bene e tu mme faje murí...
II
Era comm''o canario 'nnammurato,
stu core che cantaje matina e sera...
"Scétate!" - io dico - e nun vò' stá scetato...
e mo, nun canta manco a primmavera!...
Chi voglio bene nun mme fa felice:
forse sta 'ncielo destinato e scritto.
Ma i' penzo ca nu ditto antico dice:
"Nun se cummanna a 'o core". E i' mme stó' zitto!...
E mme stó' zitto, sí...te voglio bene...
Te voglio bene e tu mme faje murí..
III
Chiagno p'ammore, e cade 'o chianto mio
dint'a 'sta testa: 'o chianto 'a sta arracquanno...
Schiòppa na bella rosa e i', pe' gulio,
a chi mm'ha fatto chiagnere nce 'a manno.
Lle dico: "Rosa mia tu mme perduone
si te scarpesarrá senza cuscienza..."
Ce sta nu ditto ca mme dá ragione:
"Fa' bene e scorda e si faje male penza..."
Pènzace buono sí...te voglio bene...
Te voglio bene e tu mme faje murí...
E. A. Mario
CANZONE NAPULITANA
Vola canzone e va', doce e curtese,
pe' cielo e mare,
pe' ll'aria 'e chesti mmatenate chiare...
Di' a tuttuquante: "Vengo 'a nu paese
addó' se gode meglio 'a giuventù..."
E, fino a quanno
ce sta ancora Napule,
dincello, va'
dincello, va'!...
"Uocchie ca chiagnono,
core ca soffrono,
nun ce hann''a stá!"
II
Canzone mia, te scrivo pe' tramente
nénna sta allèra,
e tengo 'a vocca soja pe' Primmavera...
Tengo, pe' sole, ll'uocchie suoje lucente,
ll'arbere 'e pigna e 'o mare attuorno a me...
E, fino a quanno
...................................
III
Vola canzone, addó' nun truove sole,
né primmavere,
e parla 'e chesti mmatenate allère...
Porta 'a prijezza 'e tutte sti ffigliole
che cámpano d'ammore e di' accussí
ca, fino a quanno
...................................
E. A. Mario
CANZONE A CHIARASTELLA
Ogne canzone tene 'o riturnello,
ca è comme fosse 'o pierno 'e ogne canzone...
e, ca pe' tanto è cchiù azzeccuso e bello,
pe' quanto cchiù se 'ntreccia 'e 'spressione.
Uno a memoria mme n'era venuto,
scritto e furmato 'a nu maesto 'e scola...
"E pòrtale - diceva - il mio saluto!
Vola palomma mia, palomma vola..."
Ma giacché sti pparole
nun ce sta cchiù chi 'e ttrova
o nun s'usano cchiù...
Giacché st'ammore nuosto
è na canzona nova...
'o riturnello sujo,
Chiarastella,
si' tu!...
II
'A 'gnora, ch'ogne sera, puntualmente,
d''e bbelli tiempe suoje ll'uso ce avanta,
se fa quacch'aria antica vení a mente
e, pe' ce 'a fá 'mpará, piglia e ce 'a canta...
Canta, scappáta a suonno quase quase:
"Bella leggiadra sei più di una rosa..."
'Sta vocca è 'a calamita 'e tutt''e vase
e siente t'aggi''a dicere na cosa...
Ma giacché sti pparole
....................................
Di Giacomo - Falvo
CANZUNCELLA P' 'E FURASTIERE

Quanno a Napule sponta 'a luna,
pare overo nu riflettore!...
Ce se 'ncantano 'e furastiere:
nun se pònno capacitá...
'O Francese, sfrancesianno,
dice 'nfaccia a na Miss inglese:
"Questa luna non è francese,
questa è luna napolitan..."
No, furastiero, chesta è stessa luna,
ca guarda 'a sera, Londra e Margellina,
ma llá nisciuno canta pe' nisciuna...
e ccá pustegge, ammore...e 'sta marina...
E 'a luna vò' sapè...
vò' sèntere e vedé...
pe' chesto ride e luce
comm'a che...
II
Me diceva n'Americano,
ll'atu juorno, guardanno 'o mare:
"Molto bello, quanti colori,
in America non cosí...
Anche pesce molto odoroso,
più movibile, più squisito...
Se toccare sol con un dito,
io vedere freccechiá..."
No, Americano mio, siete in errore...
stu mare è tale e quale a tutt''e mare:
E' il cielo azzurro che gli dá colore
quando, nell'acqua sua, si va a mirare..
Mussiù v''assicur'i'
ch''o fatto va accussí...
Currite â casa
e ghiatencello a dí...
III
Furastiero ch''a primma vota,
viene a Napule pe' capriccio,
te ne parte cu 'o rrusso 'nfaccia
e 'o proposito 'e riturná...
Nun fa niente ca vaje dicenno
ch'è 'o paese d''e vermicielle...
ma 'sta luna cu tanta stelle,
ma stu mare, chi t''o pò dá?!...
Nuje, furastiero mio, chesto tenimmo:
'o mare e 'o cielo bello ch'avantammo...
e 'o core ca, si troppo 'o 'ntennerimmo,
fernesce ca ce 'o cirche e nuje t''o dammo!
Perciò tu tuorne ccá,
pe' chesti nnuvitá
che, a n'atu pizzo,
nun 'e ppuó' truvá!...
Perció tu........
.......................
Pisano - Falvo
CARA MAMMA'
"Cara mammá,
faciteme 'o favore,
mannáteme nu vaglia 'e vinte lire:
ce sta nu capurale traditore
ca, s'io nun vótto 'e llire, mme pò fá
perdere 'a libbertá..."
Doppo tre ghiuorne, è inutile,
'o vaglia ha da arrivá!
fore 'o quartiere, Briggeda,
che festa mme farrá!...
Chella vucchella 'e zuccaro
che vase sape dá!...
P''e solde ca se spènnono,
ce penzarrá mammá!
II
"Cara mammá,
ll'autriere só' caduto
e mme s'è rotta 'a giubba aret''e spalle...
Si 'o vvede 'o capitano io só' perduto!
Mannáteme quaccosa p'appará,
si no comm'aggi''a fá?!"
Doppo tre ghiuorne, è inutile,
.................................................
III
"Cara mammá,
só' asciuto da 'o spitale....
Mo tengo cierti diébbete cu 'amice...
Dimane torno â casa, a bene e a male:
si vene Rosa ce 'o ddicite ca
nun mm''a pozzo scurdá..."
E 'o vaglia telegrafico
se vede giá arrivá:
fore 'o quartiere, Briggeta,
che festa ca mme fa!
Chella vucchella 'e zuccaro
che vase sape dá...
P''e solde ca se spènnono
ce penzarrá mammá!
E. A. Mario - R. Segré
CARAVAN PETROL
Coro:
Caravan petrol!...
Caravan petrol!...
Caravan petrol!...
Caravan petrol!...
Caravan...
I
Mm'aggio affittato nu camello,
mm'aggio accattato nu turbante,
nu turbante â Rinascente,
cu 'o pennacchio russo e blu...
Cu 'o fiasco 'mmano e 'o tammurriello,
cerco 'o ppetrolio americano,
mentre abballano 'e beduine
mentre cantano 'e ttribbù...
Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè...
Gué, si' curiuso
mentre scave stu pertuso...
scordatello, nun è cosa:
Ccá, 'o ppetrolio, nun ce sta...
Alláh! Alláh! Alláh!
Ma chi t''ha ffatto fá?
Comme si' bello
cu 'o turbante e 'o narghilè!...
II
Cu 'o fiasco 'mmano e cu 'o camello,
cu 'e gguardie 'nnanze e 'a folla arreto,
'rrevutá faccio Tuleto:
nun se pò cchiù cammená...
Jammo, è arrivato 'o Pazzariello!
S'è travestuto 'a Menelicche...
'Mmesca 'o ppepe cu 'o ttabbacco...
Chi sarrá st'Alí Babbá!?...
Comme si' bello,
a cavallo a stu camello...
.......................................
Finale:
Alláh! Alláh! Alláh!
Ma chi mm''ha ffatto fá?
Comme só' bello
cu 'o turbante e 'o narghilè!...
Nisa - Carosone
CARCERE
Carcere ca mme tiene carcerato,
privo d''a libertá, senza n'ajuto...
tutte ll'amice mm'hanno abbandunato,
pur''e pariente mm'hanno scanusciuto...
Aggio fatto rebbene a tutte quante
e chesto n'aggio avuto: tradimente...
Sabato a sera, la mia cara amante,
è ghiuta a Piererotta alleramente...
Anèlle, anèlle...
Zompa chi pò...La mia amirosa abballa,
e io stó' 'a vintuno mise 'int''e ccancelle!...
Per la mia bella...
............................
Anelle, anelle!
II
Chiagnere t'aggi''a fá comme chiagn'io,
e t'aggi''a fá pruvá ch'amaro è 'o chianto...
Quanto t'amavo!...E mo si' ll'odio mio...
Mo te disprezzo...E t'apprezzavo tanto!
Pe' te stó' dinto ccá...pe' st'uocchie belle...
e stó' cuntanno 'e mise, 'e juorne, ll'ore...
Quann'haje 'a nutizia ch'esco da 'e ccancelle,
meglio ca 'spátrie 'ncopp'a nu vapore...
Sciore 'e granato...
Chisto è n'avvertimento e nu saluto
per voi signora, e per il vostro amato...
Bona salute...
............................
Sciore 'e granato!
Bovio - Albano
CARCIOFFOLA'!
- Oje mamma mamma,
che luna, che luna...
mme vène, mme vène
malincunia!...
Coro: Malincunia!...
E si 'sta luna
mme porta furtuna,
marítame ampresso,
mammélla mia...
Coro: Mammélla mia!...
- E dimme a chi vuó'!...
Coro: Cu 'o ndanderandí!...
Ca piglio e t''o dóngo...
Coro: Cu 'o ndanderandá!...
- Nun saccio a chi voglio,
cunzígliame, oje má',
ca troppo mme 'mbroglio
cu 'o ndanderandá!...
Nun saccio a chi voglio,
cunzígliame oje má',
si troppo mme 'mbroglio
E ndanderandá!...
Coro: E ndanderandá!...
E ndanderandí!
E ndanderandá!
che bona figliola
Carcioffolá!
E ndanderandí!
E ndanderandá!
che bona figliola
Carcioffolá!
Coro: E ndanderandí!
E ndanderandá!
che bona figliola
Carcioffolá!
E ndanderandí!
E ndanderandá!
che bona figliola
Carcioffolá!
II
- Oje figlia figlia,
vulisse 'o pumpiere
ca spárpeta e more
pe' st'uocchie nire?...
Coro: Pe' st'uocchie nire!...
E' stato fatto
sargente ll'autriere...
E' bello, è figliulo,
s'abbusca 'e llire...
Coro: S'abbusca 'e llire!...
- Oje mamma, gnernò!
truvátene a n'ato...
Si voglio 'o vrasiere
na vota appicciá,
mm''o stuta 'o pumpiere
Si voglio 'o vrasiere
na vota appicciá,
mm''o stuta 'o pumpiere
E ndanderandá!...
E ndanderandí!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
III
-'O campanaro
ca sta dint''o vico,
mm'ha fatto, mm'ha fatto
na 'mmasciatella...
Coro: Na 'mmasciatella!...
Oje 'gnó'- mm'ha ditto -
sentite a n'amico,
tenite na figlia
ch'è troppo bella...
Coro: Ch'è troppo bella!...
E dimme si 'o vuó'...
Oje ma' nun 'o voglio...
Se sóse a primm'ora,
va fore a suná...
e piglia e se n'esce
Se sóse a primm'ora,
va fore a suná...
e piglia e se n'esce
E ndanderandá!...
E ndanderandí!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
IV
- Oje mamma mamma,
che luna lucente,
che stelle, che stelle
che stanno 'ncielo...
Coro: Che stanno 'ncielo!...
Oje má' sentite,
teníteme mente...
pigliáteme, 'e sposa,
na vesta e 'o velo...
Coro: Na vesta e 'o velo!...
Seje mise mo só'...

ca saccio a nu ninno...
Si' zita? - mm'ha ditto -
só' zita, nèh má'?!
Embè, datemmillo
Sí zita? - mm'ha ditto -
só' zita, nèh má'?
Embè, datemmillo
E ndanderandá!...
E ndanderandí!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
E ndanderandá!
Che bona figliola
Carcioffolá!
E ndanderandí!
E ndanderandá!
Che bona figliola
Carcioffolá!
Finale:
E ndanderandí!
E ndanderandá!
Che bona figliola
Carcioffolá!
Coro: Che bona figliola
Carcioffolá!
Di Giacomo - Di Capua
CARMELA
Fore mura ce sta na picciotta,
'mmiez'ê spine s'ha fatto na casa...
'ncopp''e ffronne s'addorme la notte...
e na rosa cchiù bella nun c'è...
Duorme, Carmè':
'o cchiù bello d''a vita è 'o ddurmí...
Sònnate a me:
'mparaviso cu tico vogl'í!...
II
Ogne sera ca torna â campagna,
va cantanno na bella canzone...
Essa dice ca 'o core se lagna...
Stu dulore 'o capisco sul'i'!
Canta, Carmè':
tantu bella è 'sta voce a sentí...
Canta pe' me,
ca tu 'ncielo mme faje saglí!
III
Nu vasciello venette 'a luntano,
e pusaje a Surriento na Fata...
'ncopp''o scoglio addó' sta Tramuntano...
'mparaviso stu sito nun c'è...
Viene, Carmè'...
T'arricuorde?...'Sta Fata tu si'...
Torna cu me:
'ncopp''o scoglio vulimmo murí...
G. B. De Curtis
CARMELA MIA
Addio Carmè', dimane aggi''a partí...
I' só' surdato, 'a Patria aggi''a serví...
'A luntananza nun mme fa scurdá
'e st'uocchie belle fatte pe' 'ncantá.
Tutte sti mise senza mme vedé...
sarraje sincera comm'io só' cu te?...
Carmè'!
Carmè'!
T'aggi''a lassá
nun c'è che fá...
Carmè'!
Carmè'!
Luntano 'a te
chi nce pò stá?
II
'A fantasia te turmentarrá...
a tanta cose te farrá penzá.
Tu si' gelosa, assaje gelosa 'e me,
comm'io geluso sóngo 'e te, Carmè'!
'Ammore vero nun se pò tradí:
Sempe 'a reggina 'e chistu core si'...
Carmè'!
.............
III
E quanno, sulo, 'int''o quartiere stó'...
e 'a passione turmentá mme vò',
suspiro e vaso 'o cierro tujo Carmè'
comme si chilli vase 'e ddesse a te!
Da 'o dito, 'aniello mio, nun t''o levá,
scriveme sempe...'e me nun te scurdá!
Carmè'!
.............
Califano - Cannio
SI' CARTA CANUSCIUTA

Ma pecché quanno mme vide
te faje sempe 'a resatella?...
Cu na scusa e n'angarella
cirche 'e mezze 'e mme fermá!...
Ma che tipo te si' fatta!...
Da che stammo appiccecate,
lasse a uno e piglie a n'ato,
senza maje te mmaretá!...
Po' mme dice: "'O vvuó' sapé?
'o penziero mio è pe' te!"
Io po' dico: "'Sta canzone
proprio a me mm''a vuó' cantá?
Te vulisse fá ragione
ma 'a ragione nun ce sta...
Siente a me, chistu cunziglio
sóngo chiacchiere perdute...
Tu si' carta canusciuta:
tu si' sempe chella llá!"
II
Nun mme 'mporta ca tu chiagne!
Mo stu core è indifferente:
Cchiù tu parle e io cchiù nun sento...
pierde 'o tiempo appriesso a me!...
Tu mme dice: "Ce sta Dio...
nun perdona stu peccato!"
Bella mia chi t'ha penzato?
Che peccato aggi''a pavá?!
E, facenno stu pparlá,
tu te cride 'e minacciá...
Io po' dico: "'Sta canzone,
........................................
Finale:
Ma stu core è 'nnammurato
'e 'sta carta canusciuta...
N'ata vota c'è caduto,
n'ata vota 'a pò lassá!
..................................
Capillo - Lama
CARULI' CU ST'UOCCHIE NIRE

Caruli' pe' st'uocchie nire, nire, nire,
pe' 'sta vocca rossa, tu mme faje murire!
Ma murí nun voglio, né lassarte maje,
tengo na speranza ca t'arrennarraje...
Oje Carulí'!
Oje Carulí'!
Oje Carulí'!
Mme vuó' fá strùjere accussí?!
Coro: Ména, Carulí'!
Ména, Carulí'!
Ména, Carulí'!
Nun 'o fá chiagnere accussí!
II
E ll'ammore è fatto comm'a na nucella,
ca, si nun 'a rumpe, nun t''a puó' magnare...
Tu si' tosta overo ma si' troppo bella,
chi t'ha cunusciuta nun te pò scurdare...
Oje Carulí!
..................
'Sta nuttata è doce, 'sta luna è d'argiento,
tu mme miette 'ncroce pe' na cosa 'e niente...
Tutto attuorno canta: Ammore! Ammore! Ammore!...
E risponne, attuorno, ogn'ánema, ogne core...
Oje Carulí!
..................
Di Giacomo - Costa
CATARI'
Marzo: nu poco chiove
e n'atu ppoco stracqua...
Torna a chiovere, schiove...
ride 'o sole cu ll'acqua.
Mo nu cielo celeste,
mo n'aria cupa e nera...
Mo, d''o vierno, 'e ttempeste,
mo, n'aria 'e primmavera...
N'auciello freddigliuso,
aspetta ch'esce 'o sole...
'Ncopp''o tturreno 'nfuso,
suspirano 'e vviole...
Catarí', che vuó' cchiù?
'Ntiénneme core mio:
Marzo, tu 'o ssaje, si' tu...
e st'auciello, songh'io...
Di Giacomo - Costa
CATENA
Nun mme vuó' bene?
E dimme, comme mm''o ppuó' dí?
Tu si' guagliona...
Ll'ammore nun 'o ppuó' capí!
Ch'aggi''a fá, pe' me è destino...
Pe' st'uocchie belle tanto aggi''a suffrí?
Pe' me tu si' catena...
Pe' ll'ate si' Maria...
Io perdo 'a vita mia,
Maria! Marí', pe' te!
Tu nun mme dice maje,
maje na parola!...
Dimme na vota sola:
"Te voglio bene"
e po' famme murí!
II
Tu cante e ride...
e mme turmiente 'a giuventù...
Io mme ne moro,
ma sempe 'a stessa rieste tu!
Mamma chiagne e, a tutte ll'ore,
mme dice: "Figlio, nun 'a penzá cchiù!"
Pe' me tu si' catena...
...................................
Finale:
Dimme na vota sola:
"Te voglio bene"
e po' famme murí!
Santoro - Rossetti
CERASELLA
Mellune appíse, 'nzèrte 'e pummarole,
na pianta 'e rose tènnera e gentile...
a 'o viento na cammisa e doje lenzole:
Chist'è 'o balcone tujo...tu chesta si'...
Cerasella, Cerasè'...
dint''o tiempo d''e llimone,
mme rialaste nu schiaffone...
mo ch'è 'o tiempo d''e ccerase,
tu mme vase...
Si' limone,
si' cerasa...
sott''o sole ca te scarfa
te faje doce...
Si fa friddo,
si' na mela...
e ll'ammore, dint''o core,
te se ge-e-la...
Vola e dice 'sta canzone:
"Pe' ll'asprezza 'e 'sta canzone,
'o core mio, se fa limone..."
II
E tienatello ll'agro e damme 'o ddoce,
ca nun te pòzzo dí quanto mme piace,
si no faccio 'o cantante a meza voce
e campo juorne amare a suspirá!
.................................
(Per finire:)
vola e dice 'sta canzone:
"Cu nu vaso o nu schiaffone
si' cerasa e si' limone!..."
si' cerasa...
si' limone...
Danpa - Sciorilli
CHE MALASPINA
Nun ce sta sera ca nun stóngo a vino,
è meglio ca mme scordo e ca mme stono...
Si veco ca mme tremmano sti mmane,
vaco a sfrennesiá dint''a cantina!
Nun ce sta sera ca nun stóngo a vino...
Che malaspina si' tu,
che malaspina!...
Astrigne, dint''e mmaglie 'e na catena,
ll'ommo ca s'è abbagliato 'e passione:
Primma ll'attire e doppo t'alluntane...
Te cride, 'ncapa a te, ca si' 'nnucente?
Si' tanta bella, ma si' malamente!
II
Si 'nnanz'â luce metto stu bicchiere,
ce veco n'ombra ca mme fa paura:
Na faccia 'e santa cu duje uocchie chiare
ca s'annasconne 'o tradimento 'ncore!...
Si 'nnanz'â luce metto stu bicchiere...
che malaspina...
Astrigne, dint''e mmaglie 'e na catena,
ll'ommo ca s'è stunato 'e passione:
Primma t''o vase e doppo ll'abbandune....
Mo vaje dicenno ca nn'hê fatto niente...
Quanto si' bella tu, 'nfama e 'nnucente!
III
Comm'a na pianta 'e rose te criscevo:
'O sole 'e chist'ammore te vasava,
'o chianto 'e chistu core t'arracquava...
e tu, malvagiamente, mme tradive!
Comm'a na pianta 'e rose te criscevo...
che malaspina...
Ma si na sera sgarro cu 'o bicchiere,
mme scordo ca stu core è nu signore...
ma i' penzo: 'A libbertá mm'è troppo cara!
Stasera è na serata 'e primmavera,
amice...ve saluto...bonasera...
Finale:
Quanta palomme 'ncielo sóngo asciute...
è bella, è troppo bella 'sta nuttata...
'O vino, pure 'o vino se n'è ghiuto!
I' torno â casa senza cumpagnía:
Mm'addormo dint''e bbracce 'e mamma mia!
Che malaspina...
Fusco - Cioffi
CHE MM'HE' 'MPARATO A FA'

'E stelle d''a marina, chella sera,
pareva ce vulessero 'ncantá...
Però, ogne stella ca scenneva a mare,
screveva 'ncielo: "Addio felicitá!..."
Tu, che mm'hê 'mparato a fá,
che "Kiss me" vène a dí:
io te vurria vasá?...
Io, purtánnote cu me,
che t'aggio ditto a fá:
só' 'nnammurato 'e te?...
Pecché, vasánnome accussí,
tu mm'hê 'mparato a dí
sti ccose scanusciute?...
Capre, Surriento e 'sta luna,
se ne só' ghiute cu te...
Tu, sapenno 'e nun turná,
che mm' hê 'mparato a fá
sti ffrase furastiere?...
Ammore, ched è 'a felicitá,
che mm'hê 'mparato a fá?...
Trovajoli - Verde
CHE SUONNO
Vi' che suonno!
- Ma che suonno che tengo...
nun mme voglio scetá! -
Vi' che suonno!
Vi' che bella matina!
Miezu litro 'e cafè...
nun s'arápono st'uocchie
p''a paura 'e nun te vedé...
Vi' che bella matina,
mo ca nun ce staje tu...
quando dormo, te sonno...
e, si mme sceto,
'un te veco cchiù!
Vi' che suonno!
Vi' che suonno!
Addó' stanno ll'amice?
Addó' stanno 'e pariente?
buone sulo a fá 'nciuce...
e nun se ne fottono
proprio 'e niente...
Addó' stanno ll'amice?
Chi sta male sta sulo...
Meglio sule, se dice,
e tutte ll'ate
pònno jí a fá 'nculo!
Vi' che suonno!
.....................................
Arapimmo 'a fenesta:

sento 'a gente p''a via...
Sempe 'a stessa menesta
ogne matina...che pecundría!...
Arapimmo 'a fenesta...
tanto, 'o sole ce sta...
ca si po' nun ce stesse,
sempe hê 'a scénnere a faticá...
Vi' che suonno!
Arapimmo 'a fenesta...
.....................................
Claudio Mattone
CHE T'AGGI''A DI'

Stasera nun mm'hê ditto na parola!
E' overo ca te si' stancato 'e me?
P''a strada tu cammine sola sola
e i' vèngo comm'a n'ombra appriesso a te!
Che t'aggi''a dí,
si n'ato ammore dint'a ll'uocchie tiene?
Che t'aggi''a dí,
si nun mme pienze e nun mme vuó' cchiù bene?
Che t'aggi''a dí?
'O mmale ca mme faje,
tu stessa nun 'o ssaje...
Ma 'o ssape chistu core
ca more senza 'e te!...
II
'O primmo suonno, che malincunia!
Stu suonno d'oro ll'hê distrutto tu...
E famme n'atu ppoco cumpagnia:
chisà, dimane, si te veco cchiù!...
Che t'aggi''a dí,
..........................
Della Gatta - Nardella
CHE BENE VOGLIO A TE!
Quanno 'e bellizze conto ca tu tiene,
quanno t'avanto sti capille d'oro,
quanno mme siente 'e di': "Te voglio bene",
quanno mme siente 'e dí ca pe' te moro...
só' niente sti pparole 'e sti ccanzone...
che te vulesse dí nun puó' sapé....
Si 'o cielo fosse nu fuglietto 'e lettera,
e 'o mare tutto gnostia pe' te scrivere,
manco nun mm'abbastasse pe' te dicere
che bene voglio a te...
II
Quanno na smania mm'arde ánema e core,
quanno te vaso 'ncopp'a st'uocchie nire,
quanno turmento sti mmanelle 'e cera,
quanno ll'affanno siente 'e sti suspire,
chello ch'a fianco a te, matina e sera,
tengo 'int''e vvéne, tu nun puó' sapé!...
Si n'atu sole addeventasse Napule,
si ascesse tutt''a lava d''o Vesuvio,
maje fosse comm''o ffuoco 'e desiderio,
ca tengo 'mpietto, 'e te!...
CHELLA D''E RROSE

Chella ca mme cercava sempe 'e rrose,
chiena 'e frischezza e tutta simpatia...
nun sta passanno cchiù pe' chesta via...
chisà che ll'hanno ditto contr''e me!
E mme passano pe' 'nnante
tutt''e ccumpagne soje, a una a una...
Ma che sfurtuna!
Chella d''e rrose...
Chella d''e rrose...
I' nun 'a veco cchiù!
II
I' saccio 'o nomme ma nun saccio 'a casa,
a chi ce 'o vvaco a dí ch''a voglio bene?!
Mo ch''a vurría vedé, mo nun ce vène;
nisciuno cchiù è sincero attuorno a me!
.............................................
III
E mo, d''e rrose, mm'ha restato 'e spine,
e mm'ha lassato senza nu saluto...
Pe' n'ato ammore, forse, mm'ha traduto...
Ma chi sarrá chist'ato, 'aggi''a sapé!
tutte ll'amice mieje, a uno a uno...
Ma surtant'uno,
'o cchiù sincero,
'o cchiù sincero...
I' nun 'o veco cchiù!
'O cchiù sincero...
I' nun 'o veco cchiù!...
Netti - Falvo
CHELLA LLA'
St'ammore mme teneva 'ncatenato,
ma ho detto: "Basta!" e mme só' liberato...
Mme pare cchiù turchino 'o cielo,
mme pare cchiù lucente 'o mare...
e 'o core canta p''a felicitá!
Chella llá, chella llá...
mo va dicenno ca mme vò' lassá...
Se crede ca mme faccio 'o sango amaro,
se crede ca 'mpazzisco e po' mme sparo!
Nun sape che piacere ca mme fa...
Mme ne piglio n'ata cchiù bella
e zetèlla restarrá...
Chella llá, chella llá, chella llá!
II
Ajere, mm'ha mannato nu biglietto
p''a figlia d''o purtiere dirimpetto.
Mme scrive ca nun è felice
e ca vurría, cu me, fá pace...
ma io mme stó' gustanno 'a libbertá!
...................................
Taccani - Bertini
CHIAMATE NAPOLI
Pronto? Nanní' mme siente? Só' Salvatore...
Aggio telefonato: Stevo 'mpenziero!
Voglio sapé: 'e guagliune...stanno buono?
Mme stanno turmentanno 'e malepenziere!
Comm'è amaro a stá luntano
quanno tiene na famiglia,
quanno Napule addeventa cartulina...
Cunte 'e mise, 'e juorne, ll'ore...
e na smania cchiù te piglia
quanno siente nu mutivo 'e na canzone...
II
Dimme, vicino a te sta Gennarino?
Assuntulella, comme? Nun sta durmenno?
Abbracciammille forte a tutt'e duje.
Dincello: Papá lloro 'e vvò' bene assaje!...
Comm'è amaro a stá luntano
..............................................
Parlato:
Luntano 'a vuje nun resisto cchiù:
Dimane piglio 'o treno
e mme ne torno a Napule
pe' stá sempe cu vuje,
pe' nun ve lassá cchiù!...
Napule chiamma 'e figlie suoje...
comm'a na mamma ce stenne 'e bbraccia...
Napulitá', turnate, turnate!...
Napule ve chiamma...
Autori?
CHIAPPARIELLO
Hanno arrestato, a ll'angolo 'e Furía,
nu muzzunciello 'e diece, dudece anne
pecché ha fatto nu scippo, 'mmiez'â via,
mentre doje guardie stévano passanno...
A vedé stu guaglione ch'è tantillo,
lle scappa quase a risa a 'o brigadiere...
dice: "Comme te chiamme?" "Chiappariello!"
"E papá tujo che fa?" "Sta 'int''e cantiere..."
Chiappariello, Chiappariello,
guagliunciello piccerillo...
nun è uno, ma só' mille
comm'a isso, a 'sta cittá...
Chi è cchiù 'nzisto 'e tutt''e figlie,
è chi ajuta giá 'a famiglia
ca ll'aspetta...ma, na sera,
nun 'o vede cchiù 'e turná...
nun 'o vede cchiù 'e turná...
E na mamma, 'mmiez'a tante,
pe' chist'atu dispiacere...
chiagne sotto 'e Filangiere
chiagne sotto 'e Filangiere...
II
E mo sta sempe triste Chiappariello...
nun ride maje, nun dice na parola...
Pare nu viecchio stu carceratiello:
lègge 'o giurnale e nun è ghiuto â scola...
'A notte penza â mamma e penza ê frate,
penza ca nun vò' fá cchiù cose 'e male,
pe' nun addeventá comm'a chist'ate,
ca giá só' delinquente abituale...
................................................
III
Sti mariuncielle sguígliano a migliara
e 'a polizia nun pò fá quase niente...
"Pe' 'mmiez'â via nun stamme cchiù sicure...
è na piaga, è nu scuorno!..." dice 'a gente...
Sóngo nu scuorno, sí, pe' tutte quante
ca nun lle damme 'o studio o n'arte ê mmane...
ca, forse, nun sarríano malamente,
si 'a societá lle desse nu dimane...
...............................................
Palomba - Bruni
CHIARI DI LUNA
Tengo suonno e vuje dicite: "Va' te cócca!"
- Va' te cócca? - è na parola!
Ma nu lietto ca ristora,
ma nu lietto ca cunzola,
chi mm''o 'mpresta...
chi mm''o dá?!
Sott''e cculonne 'e San Francisco 'e Paola,
posso sognare na vucchélla 'e fravula...
Fior di pisello,
mentre mi sogno te, la mia fanciulla,
mi sceta il guardio con il mazzarello!...
Fior di pisello, fior di pisello,
col mazzarello, col mazzarello...
II
Tengo famma e vuje dicite: "E quanno mange?"
- Quanno mangio? - E' na parola!
Ma nu piatto 'e vermicielle
cu 'o ffurmaggio e 'a pummarola,
chi mm''o 'mpresta,
chi mm''o dá?
La forza scende, mancano i quattrini:
La panza si è azzeccata con i rini!
Fior d'ogni fiore,
io traso e ghièsco 'a Giuseppone a mare,
no pe' mangiá...ma pe' sentí ll'addore!
Fior d'ogni fiore, fior d'ogni fiore...
Siente ch'addore, siente ch'addore...
III
Tengo sete 'e vase ardente, accussí ardente,
ca nce vò' na vócca 'e fuoco...
Ma na bocca provocante,
che abbia ancora tutti i denti,
chi mm''a 'mpresta, chi mm''a dá?
Non mme ne lagno si só' muzzecato...
pe' via ca 'o cane mózzeca 'o stracciato....
Fior di banana,
se il cor mi brucia per pensieri osceni,
'o piglio e 'o metto sott'a na funtana...
Fior di banana, fior di banana...
Sott''a funtana, sott''a funtana...
Bovio - Valente
CHIOVE
Tu staje malata e cante,
tu staje murenno e cante...
Só' nove juorne, nove,
ca chiove...chiove...chiove...
E se fa fredda ll'aria,
e se fa cupo 'o cielo,
e tu, dint'a stu ggelo,
tu sola, cante e muore...
Chi si'? Tu si' 'a canaria...
Chi si'? Tu si' ll'Ammore...
Tu si' ll'Ammore,
ca pure quanno more,
canta canzone nove...
Giesù, ma comme chiove!
II
Tu, comm'a na Madonna,
cante na ninna-nonna
pe' n'angiulillo 'ncroce,
ca vò' sentí 'sta voce,
'sta voce sulitaria
ca, dint''a notte, canta...
E tu, comm'a na Santa,
tu sola sola, muore...
Chi si'? Tu si' 'a canaria!
chi si'? Tu si' ll'Ammore...
Tu si' ll'Ammore,
ca, pure quanno more,
canta canzone nove!...
Giesù, ma comme chiove!
Bovio - Nardella
CHITARRA ROSSA
Sott''e llacreme d''a luna,
na chitarra rossa 'e vino,
triste e sola se ne va...
Sente 'e palpite d''a notte
dint''o core mio ca sbatte
e nu nomme vò' chiammá...
Ma ll'ammore mio addó' sta?
Chitarra rossa,
ca 'int'a ll'ombra d''a notte passa,
chistu core te corre appriesso
pe' na via ca nun pò spuntá...
Chitarra rossa,
'sta vita mia nun 'a spezzá....
E dincello,
ca si mme lassa,
chitarra rossa,
mme fa danná...
II
Mm'arricordo 'e primme vase,
ca 'o cchiù bello suonno 'e spose,
ce facevano sunná...
Mo ca nun mme vuó' cchiù bene,
'mpietto, na curona 'e spine,
nott'e ghiuorno aggi''a purtá...
e nun saccio cchiù pregá...
Chitarra rossa,
.......................
Finale:
Chitarra rossa,
falla turná!
G. Russo - Mazzocco
CHITARRATA D' AMMORE

Nannina tene 'o core 'nfus'ô ffèle,
nun fa na cosa si nun mme fa male.
Pure cu chesto 'a voglio bene assaje
ca nun mm''a putarraggio maje scurdá.
Ah - ah...
Ah - ah...
'A cunuscette dinto primmavera,
quanno 'o sole è lucente comm'a ll'oro
e, comm'a ll'oro, dint'a ll'uocchie tene
na luce ca te struje e te pò cecá!
Ah - ah...
Ah - ah...
Si mm'ha da dá nu vaso sulamente,
mm''o dá cu nu mussillo amaro e astrinto
ca mme turmenta e nun mme sazia maje
e 'e desiderio mme fa spantecá!
Ah - ah...
Ah - ah...
Tene 'e capille nire e anèlle anèlle...
na faccia delicata 'e madunnella,
ll'uocchie curvine e na vocca 'e curallo
ca n'ata eguale nun se pò truvá.
Ah - ah...
Ah - ah...
Capisco quanno dice na buscía
e quanno, pe' dispietto, è 'nfama assaje...
ma è tanta 'a frenesia 'e vulerle bene
ca si mm'accide, bene mme farrá!
Ah - ah...
Ah - ah...
Comme te dá na gioja, te dá na pena...
e sape vulé male e vulé bene.
Ma si doce te guarda e t'accarezza,
te dá 'o calore d''a felicitá.
Ah - ah...
Ah - ah...
Si sulo mm'ha da dí ca mme vò' bene,

primma mm''o ddice e doppo mm'avvelena
cu nu dispietto o pure nu capriccio
ca 'o core mme fa chiagnere e pená.
Ah - ah...
Ah - ah...
E' tanto capricciosa ca nu sciore,
ê vvote 'a fa felice...e pe' nu mare
'e bene e de ricchezze è indifferente
e 'o core te fa strujere e 'mpazzí.
Ah - ah...
Ah - ah...
Ma quanno 'a tengo stretta 'int'a sti bbracce
e ca mme vasa e mm'accarezza 'a faccia...
nun ce stanno puntiglie e né capricce
che 'a dint''o core mm''a pònno levá!
Ah - ah...
Ah - ah...
Peppino De Filippo
CICCIO FORMAGGIO
Te 'ncuntraje,
te parlaje
e m'innamorai di te...
Mme guardaste,
mme diciste:
"Mi piacete pure a me..."
Ma tutt''o bbene ca hê ditto sempe 'e mme vulé,
è na buscía ch'è asciuta 'ncopp''o naso a te...
Si mme vulisse bene overamente,
nun mme facisse 'ncujetá da 'a gente,
nun mme tagliasse 'e pizze d''a paglietta,
nun mme mettisse 'a vrénna 'int''a giacchetta...
Si mme vulisse bene, o mia Luisa,
nun mme rumpisse 'o cuollo d''a cammisa...
Si' na 'nfá'...si' na 'nfá'...si' na 'nfama...
Te n'abù'...te n'abù'...te n'abuse...
te n'abuse ca Ciccio Formaggio,
nun tene 'o curaggio
nemmeno 'e parlá!
II
Si sapisse,
si vedisse,
dint''o core mio che nc'è!
Cumpatisse...
Mme dicisse:
"Puveriello...ma pecché?"
Ma 'ncopp''o core tu nce tiene 'e pile 'o ssá'
ca nu barbiere nun ce abbasta p''e ttagliá!...
nun mme facisse 'ncujetá da 'a gente...
Nun mme tirasse 'e pile 'a dint''e rrecchie,
nun mme mettisse 'o dito dint'a ll'uocchie,
nun mme mettisse 'a neve dint''a sacca,
nun mme squagliasse 'ncapa 'a ceralacca!
Si' na 'nfá'........
.........................
III
L'altro giorno,
ma che scorno:
Vengo a casa e trovo a te
spettinata,
abbracciata
'nziem'a n'ommo...Bèh...ched è?!
Mme rispunniste: "Chisto vene a te 'mpará
comme se vasa quanno tu mm'hê 'a spusá..."
Nun mme menasse 'e streppe 'e rafanielle,
nun mme mettisse 'a quaglia 'int''o cappiello,
nun mme facisse stá, pe' n'ora sana,
cu 'a pippa 'mmocca e cu 'a cannela 'mmano!
Nun mme pugnisse areto cu 'o spillone,
nun mme mettisse 'a colla 'int''o cazone...
Nun mme screvisse, cu nu piezzo 'e gesso,
aret''o matinè: "Ciccí' si' fesso!"
Si' na 'nfá'........
..........................
Pisano - Cioffi
CICERENELLA
Cicerenella mia, si' bona e bella!
Cicerenella tenéa nu ciardino
e ll'adacquava cu ll'acqua e lu vino...
Ma ll'adacquava po' senza langella...
Chist'è 'o ciardino de Cicerenella...
Cicerenella teneva na gatta
ch'era cecata e purzí scontraffatta...
La strascenava cu meza codella...
Chest'è la gatta de Cicerenella...
Cicerenella teneva nu gallo
e tutta la notte nce jéva a cavallo...
Essa nce jéva po' senza la sella...
E chisto è lo gallo de Cicerenella...
Cicerenella teneva nu ciuccio
e ll'avéa fatto nu bellu cappuccio...
Ma nu teneva né ossa e né pelle...
Chisto è lu ciuccio de Cicerenella...
Cicerenella tenéa na gallina
che facéa ll'uovo de sera e matina...
Ll'avéa 'mparata a magná farenella...
Chest'è 'a gallina de Cicerenella...
Cicerenella tenéa na pennata,
e, tutta la notte, steva allummata...
E ll'allummava co la lucernella...
Chesta è 'a pennata de Cicerenella...
Cicerenella teneva na vótte:
mettea da coppa e asceva da sotto...
E nun ce steva tompagno e cannella...
Chesta è la vótte de Cicerenella...
Cicerenella tenéa na remessa
e nce metteva cavallo e calesse...
E nce metteva la soja tommonella...
Chesta è 'a remessa de Cicerenella...
Cicerenella tenéa na tièlla,
frijeva ll'ove cu la mozzarella...
e le ffrijeva cu la sarcenella...
Chesta è 'a tièlla de Cicerenella...
Cicerenella mia, si' bona e bella!
Anonimo
CIENT'ANNE E NU JUORNO
Sfuglianno nu libro d''e ffate,
liggette na vota stu cunto:
A duje 'nnammurate,
na strega birbante...
cient'anne abbracciate
facette restá!...
Cient'anne e nu juorno vulesse campá
io pure accussí...
Cient'anne e nu juorno vulesse durmí
sunnanno cu te...
Sunnanno cu te
sott'a stu cielo stellato...
dint'a 'sta varca abbracciate
ca vucánnoce 'a nonna
dicesse a chest'onne:
"Nun 'e scetá..."
pe' farte capí...
ca nun esiste nu bene...
nu bene accussí!
Finale:
sunnanno cu te...
Autori?
CIENTO APPUNTAMENTE
Tutt''a gente mm''o ddiceva,
mm''o ddiceva...
chella se chiamma na 'ncatenacore
e chi s''a vasa s'avvelena e more...
Ma io nun ce credevo,
nun ce credevo...
pure si era na santa veritá...
'O core 'e chella è comm''o calannario:
Tene signate ciento appuntamente...
Te piglia e lassa comme fosse niente...
e nun mantene maje nu giuramento
comm'ha fatto cu me...
Pure si mme fa male e mme fa chiagnere...
che ce pòzzo fá,
si 'a voglio bene?!
II
Nun se campa tutt''a vita,
tutt''a vita...
senza n'ammore ca mme dá calore...
E io campo cu nu gelo dint''o core...
ma ancora nun ce credo,
no, nun ce credo...
ca chella è nata pe' mme fá murí...
'O core 'e chella è comm''o calannario:
Te piglia e lassa comme fosse niente,
e nun mantene maje nu giuramento,
Pure si mme fa male e mme fa chiagnere,
che ce pòzzo fá,
si 'a voglio bene?!
Finale:
'A voglio bene!!!
Autori?
CINEMATOGRAFO
'Ncopp''o cartiello steva: "Ammore tragico"
e na figura 'e femmena scannata...
S'erano fatte na ventina 'e repliche,
ma 'a sala steva giá tutta affullata...
E ghiette i' pure a stu cinematografo...
- comme se dice? - pe' fatalitá!
D''a primma parte, i' subito
dicette: "Ma st'autore,
comm'ha pututo scrivere
chello ca porto 'nchiuso dint''o core?"
"Guarda stu primmo attore
ca ride si vò' chiagnere...
- dicette uno d''o pubblico
ca mme sapeva - arrassumiglia a te!"
II
"Pecché ce tuorne a stu cinematografo?"
"'O vvuó' sapé? Pecché mme piace assaje"
"E che lavoro fanno?" "Ammore tragico..."
"Te piace tanto e nun mme puorte maje?"
"Nun ce vení ca è meglio assaje..." "No, pòrtame"
E che facette pe' vení cu me!
"Donna, ti posso chiedere
conto del nostro onore?"
Essa liggette, pallida,
e, llá pe' llá, tenette mente a me!
"Ascimmuncénne fore!
Ascimmuncénne subito!"
Io lle dicette: "Assèttate,
ch''a terza parte è bella e ll'hê 'a vedé!"
III
"Ll'ommo mm'arrassumiglia? E chella femmena
fa comme faje tu a me...tiénela mente!"
Essa dicette: "Zitto, ca te sentono!
Pe' chi mme faje pigliá 'nnanz'a 'sta gente?..."
Po', 'ncopp''o schermo, ascette scritto: Uccidila!
E 'a mana mia s'armaje senza vulé...
Primma 'e se fá chill'ultimo
quadro scritto 'a ll'autore,
duje colpe se sentettero...
duje colpe vere, 'int'a ll'oscuritá!...
"Luce!...Ca 'o primmo attore
sta ccá, sta 'mmiez'ô pubblico!
Pubblico, applaudíteme:
ll'ultimo quadro, ll'aggio fatto i' ccá!"
E. A. Mario
COMM''O ZZUCCARO
Chi dice ca ll'ammore
è nu veleno amaro
o è nato senza core
o nn'ha saputo amá...
Dincello tu, Marí',
ll'ammore che cos'è
che mette 'mpietto a te,
'mpietto a me,
dincello tu
Marí'!...
Ll'ammore è comm''o zzuccaro,
ll'ammore è comm''o mmèle...
s'ha da sapé ausá
si te vuó' cunzulá!...
II
Na vocca e n'ata vocca
ch''a passione attacca,
te fanno assaje cchiù ricco
'e tuttuquante 'e rre...
'sta vocca toja che fa
quanno, abbracciata a me,
tutt'a me
mm''a viene a dá
Marí'...
....................................................
III
Nu core e n'atu core
ca squagliano d'ammore,
quanta capolavore
te sanno cumbiná...
stu core tujo che fa
quanno, aunito a me,
'mpietto a me
se vò' 'mpizzá...
Marí'...
.....................................................
Ferraro - Correra & Fonzo
COMM'AGGI''A FA'?
Mm'aggio pigliato 'Ammore pe' curriere:
ll'aggio mannato attuorno a fá 'mmasciate...
E 'o core, ch'è giá viecchio d''o mestiere,
nun ve ne dico quante n'ha truvate...
Mme n'ha truvate quatto pe' culore:
a ognuna 'e lloro lle vò' dá stu core.
Tengo unu core!...'E ffemmene só' tante...
Comm'aggi''a fá?
Comm'aggi''a fá?
E' ricco assaje stu core,
ma si 'o sparto,
sparto ricchezza
e che lle resta?
Niente!
Tengo unu core!...'E ffemmene só' tante...
Ammore, comm'aggi''a fá?
Ammore, comm'aggi''a fá?
Va'!...
e di' ca 'e vvoglio bene a tuttuquante!
E. A. Mario - Gagliardi
COMM' E' BELLA 'A STAGIONE!

Ah!
Comm'è bella 'a stagione...
senza lampe, senza tuone,
senza viento, a cammená...
Ma,
si fa caldo 'a matina,
faje nu bagno a Margellina,
te refrische llá pe' llá...
Na passíata a mare,
cu 'a varca, a Marechiare,
e na zetella bionda
a fianco a te!
Ah!
Dicimmo 'a veritá,
cient'anne ha da campá
chi dice ca ll'está
ce dá 'a felicitá...
Ah!
Comm'è bella 'a stagione!
II
Ah!
Comm'è bella 'a stagione...
quanno faje nu pranzo buono,
tu te siente cchiù 'e nu rre!
Che
puparuole 'mbuttite,
treglie e ciéfare arrustite,
siente 'o mare 'mmócc'a te...
Nu piérzeco zucuso,
na pera, na cerasa,
e doppo 'a limunata
te ll'hê 'a fá!
Ah!
Dicimmo 'a veritá...
................................
III
Ah!
Comm'è bella 'a stagione,
quanno vide a na pappona,
fresca fresca, a passiggiá!
Nèh!
Comm''a carta velina,
chella vesta, fina fina,
nun te fa cchiù raggiuná...
E po' t''a suonne 'a notte,
t'avuote dint''o lietto...
e, si nun si' 'nzurato,
t'hê 'a 'nzurá...
Ah!
Dicimmo 'a veritá...
................................
Pisano - Falvo
COMME FACETTE MÁMMETA?

Quanno mámmeta t'ha fatta,
quanno mámmeta t'ha fatta...
Vuó' sapé comme facette?
vuó' sapé comme facette?...
Pe' 'mpastá sti ccarne belle,
pe' 'mpastá sti ccarne belle...
Tutto chello ca mettette?
tutto chello ca mettette?...
Ciento rose 'ncappucciate,
dint''a mártula mmescate...
Latte, rose, rose e latte,
te facette 'ncopp''o fatto!...
Nun c'è bisogno 'a zingara
p'andiviná, Cuncè'...
Comme t'ha fatto mámmeta,
'o ssaccio meglio 'e te!...
II
E pe' fá 'sta vocca bella,
e pe' fá 'sta vocca bella...
Nun servette 'a stessa dose,
nun servette 'a stessa dose...
Vuó' sapé che nce mettette?
Vuó' sapé che nce mettette?...
mo te dico tuttecosa...
mo te dico tuttecosa:
nu panaro chino, chino,
tutt''e fravule 'e ciardino...
Mèle, zuccaro e cannella:
te 'mpastaje 'sta vocca bella...
Nun c'è bisogno 'a zingara
Comme t'ha fatto mámmeta,
'o ssaccio meglio 'e te...
III
E pe' fá sti ttrezze d'oro,
e pe' fá sti ttrezze d'oro...
Mamma toja s'appezzentette,
mamma toja s'appezzentette...
Bella mia, tu qua' muneta!?
bella mia, tu qua' muneta!?
Vuó' sapé che nce servette?
vuó' sapé che nce servette?...
Na miniera sana sana,
tutta fatta a filagrana,
nce vulette pe' sti ttrezze,
che, a vasá, nun ce sta prezzo!
Nun c'è bisogno 'a zingara,
comme t'ha fatto mámmeta,
'o ssaccio meglio 'e te...
Capaldo - Gambardella
COMME SE CANTA A NAPULE

Comme se canta a Napule
t''o vvuó' 'mpará, pecché giá te n'adduone
ca dint''o core va nu raggio 'e sole,
sentenno na canzone...
E Napule chest'è, chesto pò dá...
pò dá speranze a chi nun spera cchiù:
resate allère e freve 'e passione...
E basta sulamente
nu mandulino
p'avantá 'e ttrezze belle e ll'uocchie doce...
n'aria 'e ciardino,
nu filo 'e voce,
nu core ardente,
ca, ride o chiagne, vò' sempe cantá!
II
Canzone ca suspirano
dint'a na varca o sott'a nu barcone...
Canzone, allère e triste, ca ogne core
se 'mpara 'e ogne stagione...
E a chi è straniero e vène, o se ne va,
core lle dice: "Canta pure tu,
ricòrdate stu cielo e sti ccanzone..."
E basta sulamente
..............................
III
Pe' chi se canta a Napule
tu 'o vvuó' sapé? P''e rrose e p''e vviole,
p''o cielo e 'o mare e maje pe' fá tesore...
p''ammore e p''e ffigliole:
Perciò chi nasce dint'a 'sta cittá,
passa, cantanno, tutt''a giuventù,
nuttate 'e luna e matenate 'e sole...
E basta sulamente
...............................
E. A. Mario
CONNOLA D'AMMORE
Sott'a 'sta luna d'argiento,
ca, belle e lucente,
fa st'ónne, Marí'...
passa 'sta varca d'ammore,
'sta cònnola d'oro,
cantanno pe' te...
e te voca, regina 'e stu mare,
'ncopp'a ll'ónne,
abbracciata cu me...
Sunná, campá, murí...
Suspiranno 'mbracci'a te...
Te voglio tantu bene,
te sento dint''e vvéne,
luce 'e stu core, 'e st'anema:
'a vita mia si' tu!...
II
Tutt''e ccanzone cchiù belle,
cu 'o coro d''e stelle,
te voglio cantá...
Voglio ca, 'nfunno a chest'ónne,
se scetano 'e suonne
sunnate pe' te...
E tu, bella, cchiù bella 'e stu mare,
dint''a varca suspire cu me:
....................................
III
Zitta...luntano luntano,
stu suono 'e campane,
mme parla pe' te...
Veco, da st'uocchie lucente,
na lacrema ardente,
cchiù ardente, cadé...
Ah! Stanotte, stanotte stu core,
s'ha 'ngignato 'a curona 'e nu rre!
...................................
Fiore - Lama
CONNOLA SENZA MAMMA

Comm''e vapure scostano,
lassanno 'sta banchina...
turmiente e pene portano
luntano 'a Margellina...
'Nterr'â banchina chiagnono
'e mmamme 'e ll'emigrante,
pe' chesto, 'nterr'a 'America,
só' triste tutte quante...
Meglio nu juorno ccá, Napulitano,
ca tutt''a vita princepe luntano...
ll'America ch''e cchiamma,
luntana sta...
Cònnola senza mamma,
ca nun po' dà
felicità...
II
Stanno luntane e sònnano,
sempe sti cante e suone...
Ma qua' brillante trovano
cchiù belle d''e ccanzone?
Tutto nun dà ll'America,
forte suspira 'o core
'e chi, pensanno â Patria,
luntano se ne more...
Meglio nu juorno ccá, Napulitano,
ca tutt''a vita princepe luntano...
Si è Napule ch''e cchiamma
p''e ffá saná...
falle turná,
falle turná!
Si è Napule ch''e cchiamma
p''e ffá saná...
falle turná,
falle turná...
Esposito - Ciaravolo
CORE 'E MAMMA

Chella, mamma, sta cu 'o penziero
che st'ammore mme perdarrá!
Ll'hanno ditto dint''o quartiere
ch'è cchiù 'nfama d''a 'nfamitá...
Ll'ha saputo ca ll'uocchie belle
fanno chello ca vònno 'e me!
Ca n'ha visto dint''e ccancelle
figlie 'e mamma malepaté!...
Dico: "Oje má',
sa' che vuó' fá?
Fa' nu vuto ca mme passasse
'sta fantasia...
Ch'a 'o primmo ammore mme fa turná!
Ch'a 'o primmo ammore mm'ha da fá turná!
II
Dice mamma: "St'ammore antico
comme chiagne lassato 'a te!
S'ha sunnato ca 'mmiez'ô vico,
nu pericolo 'e morte nc'è...
Miettatillo chist'abbetiello,
ll'armatura dalla a mammá...
Si cu ll'ate si' capuzziello,
te só' mamma e mm'hê 'a rispettá!"
Dico: "Oje má',
sa' che vuó' fá?
...........................
III
Io nun faccio comm''o sartóre,
'nnammurato cchiù peggio 'e me
ca, stunato p''o stess'ammore,
taglia sciasse pe' fá gilè!
Io nun sóngo comm''o studente
ch'a 'o paese turná nun vò';
scrive â mamma, 'nnucentemente:
"Se non sposo, mi ammazzerò..."
Dico: "Oje má',
sa' che vuó' fá?
...........................
(Finale:)
Ch'a 'o primmo ammore mme fa turná!...
Ch'a 'o primmo ammore mm'ha da fá turná!...
Murolo - Capolongo
CORE 'NGRATO
Catarí', Catarí'...
pecché mm''e ddice sti pparole amare?!
Pecché mme parle e 'o core mme turmiente Catarí'?!
Nun te scurdá ca t'aggio dato 'o core, Catarí'...
Nun te scurdá...
Catarí'...
Catarí', che vène a dicere
stu pparlá ca mme dá spáseme?
Tu nun ce pienze a stu dulore mio?!
Tu nun ce pienze, tu nun te ne cure...
Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù.
II
Catarí', Catarí'...
tu nun 'o ssaje ca fino e 'int'a na chiesa
io só' trasuto e aggiu pregato a Dio, Catarí'...
E ll'aggio ditto pure a 'o cunfessore: "Io stó' a murí
pe' chella llá...
Stó' a suffrí,
stó' a suffrí nun se pò credere...
stó' a suffrí tutte li strazie..."
E 'o cunfessore, ch'è perzona santa,
mm'ha ditto: "Figliu mio lássala stá, lássala stá!..."
Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù.
Cardillo - Cordiferro
CORE FURASTIERO
Stu core sbarca a Napule
comm'a nu gran signore:
...comm'a nu gran signore!
Campaje tant'ann'a 'America
...campaje tant'ann'a 'America...
Mo chi 'o cunosce cchiù, poveru core?
Mo chi è? Nu furastiero
'nnammurato d''a cittá...
"'O 'scellènza" - fa 'o cucchiere -
"Signurí', pòzzo avutá?"
E se ne va, cuntento, cu 'o cucchiere,
stu core ca s'è fatto furastiero...
II
E corre via Caracciolo,
lucente e tutta sole...
...lucente e tutta sole...
Mussiù, chist'è Pusilleco...
...Mussiù, chist'è Pusilleco...
Ma 'o furastiero, zitto, a sti pparole.
Se ricorda chelli strate
ch''o facettero sunná...
Quanta coppie 'e 'nnammurate
fino a tarde, 'int'a ll'está!...
E chiacchiaréa sul'isso stu cucchiere,
ca piglia 'o core mio pe' furastiero...
III
Po' se fa notte. Napule
è tutta nu sbrennóre!
...è tutta nu sbrennóre!
E saglie 'ncopp''o Vòmmero...
...e saglie 'ncopp''o Vòmmero
addó' se fece core chistu core...
"Signurí', che ne dicite
d''e bellizze 'e 'sta cittá?
'O 'scellenza, vuje chiagnite?
Signurí', chi v''o ffa fá?"
E nun se fa capace stu cucchiere:
Si chiagne, 'o core, nun è furastiero!
Melina - E. A. Mario
CORE NAPULITANO
E' nu pianino
ca sona nu mutivo 'e na canzona
ca mme fa ricurdá addó' mme trovo...
Quanno se parla d''a luna,
d''e stelle e d''o mare,
se sape 'o ppecché...
Quanno se parla 'e canzone,
se parla d'ammore:
se parla 'e te!
'E te...
Comme si' bello, oje core napulitano...
cante, suspire e chiagne dint''e ccanzone...
e nun te scuorde maje,
pure si vaje luntano,
ca 'o primmo ammore tujo
se chiamma Napule...
Comme si' doce oje core napulitano:
'o meglio 'nnammurato si' sempe tu,
'e Napule e d''e ccanzone...
Comme si' bello, oje core napulitano!....
Comme si' doce, oje core napulitano...
'o meglio 'nnammurato si' sempe tu,
'e Napule e d''e ccanzone...
comme si' bello oje core napulitano...
E' Napule 'sta musica
ca maje se pò scurdá!...
Martucci - Ricciardi
CORE SIGNORE
Si' comm'a tutt''e ffemmene
e po', pe' ghionta 'e ruótolo,
si' nata 'mmiez'ê zuóccole...
ce pasce e nce vuó' stá...
Capisce si nu giovane
è nato cu 'a sciammèria...
cu 'a scarpa 'e pella lucida,
cu 'a penna e 'o benparlá?
Pirciò ce penzo e dico:
- e 'o ddico proprio a te -
'o mmale saje qual è...
'o mmale 'o ssaje qual è?
Ca só' signore...
e tengo 'o core
cchiù signore 'e me!...
Ca só' signore...
e tengo 'o core
cchiù signore 'e me!...
II
T'aggio 'mparata a scrivere,
t'aggio 'mparata a vestere,
teatre...automobbele...
pe' te civilizzá...
Ma è stato tutto inutile!
Si' sempe 'a stessa femmena:
'ngrata, 'gnurante e sprùceta
e chiena 'e 'nfamitá!
....................................
III
Si fosse n'atu giovane,
pe' dignitá, per obbligo,
'sta faccia 'e latte e frávula,
te ll'avarrìa 'a sfriggiá!
Ma io no, mme metto a ridere...
te tratto comme mmiérete:
manco nu rigo 'e lettera
scrivo pe' te lassá!...
....................................
Baratta - Valente
CORE SPEZZATO
Comme te puó' scurdá d''o primmo ammore?
e comme puó' saglí 'ncopp'a ll'altare?...
'O vvi' ca io stó' murenno 'e gelusia,
mentre sona pe' te ll'Ave Maria...
Poveru core mio,
core spezzato...
ca t'ha vuluto bene
e tu hê traduto...
Primma ca dice: "Sí",
cchiù 'nnammurato,
te vène a purtá
ll'ùrdemo saluto...
Core spezzato!
II
Ca mme vuó' bene 'o ssaccio io sulamente,
ca mm'hê lassato 'o ssanno tuttuquante...
Ma io voglio a te...si' tutt''a vita mia...
e nun s'ha da suná st'Ave Maria...
Poveru core mio,
core spezzato...
........................
G. Russo - Mazzocco
CUNTO 'E LAMPARE

Nu paese
puveriello...
scale, rocce,
stradulelle...
sbatte 'o mare,
corre 'o viento
varche e vele
a turmentá...
E' partuto
nu straniero,
è rimasta
na figliola...
tutt''e nnotte,
na fenesta...
arde 'nnanze a nu chi sa...
Falle nu cunto 'e lampare,
mare,
mare...
Ogne fiammella ca sponta,
conta,
conta...
Dille ca sta pe' turná,
nun 'a fá chiagnere...
Falle n'altare 'e lampare,
mare,
mare...
II
Luntananza
senza pace,
piscature
senza voce...
Penza ognuno:
- Nun ll'ha scritto!
DESIDERIO
Tenevo na chitarra e s'è scurdata,
na piantulélla 'e rose e s'è appassuta...
Tenevo a te, funtana 'e chesta vita,
e mo, st'ammore mio, se more 'e sete...
Desiderio!
Desiderio 'e stu core...
primmo e ùrdemo ammore,
ca more cu me!
Si' na spina,
si' turmiento, si' pena...
ma io nun voglio a nisciuna,
io desidero a te.
II
Comm'a nu sciore, 'e ffronne, a una a una,
da 'o core mio, sceppaste cu sti mmane...
Faje mille 'nfamitá...ma io te perdono,
pecché nun campo senza stu veleno!
Desiderio!
Desiderio 'e stu core...
.....................................
Trusiano - Mazzocco
DESIDERIO 'E SOLE

E comm'è scuro 'o cielo 'e stu paese:
'e nnuvole cchiù nere stanno ccá...
'A primmavera nosta è n'ata cosa:
chi sta luntano nun s''a pò scurdá!
'O sole...
è bello 'o sole
ca vène, t'accarezza e se ne va...
Ammore, ammore mio...
'sta pecundría
mm'astregne 'o core...
Sentesse maje pe' ll'aria na canzone,
sentesse maje na voce ca vò' bene...
p''a nustalgía,
io mme ne moro...
Spuntasse maje nu sciore a stu paese!
Che desiderio 'e sole
ca spacca 'e pprete e 'nfòca tutt''e ccase!
II
'O juorno ca mme scrive na parola
e ca mme daje 'a speranza 'e te vedé,
dint'a stu cielo niro sponta 'o sole
ca vène a dá calore 'mpiett'a me!
Stu core,
stu scemo 'e core...
s''a passa sempe a chiagnere pe' te!...
Ammore, ammore mio,
.....................................
T. Manlio - M. Gigante
DICITENCELLO VUJE
Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'è tutt''a vita mia...
I' nce 'o vvulesse dicere,
ma nun ce 'o ssaccio dí...
'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...
II
Dicitencello ch'è na rosa 'e maggio,
ch'è assaje cchiù bella 'e na jurnata 'e sole...
Da 'a vocca soja,
cchiù fresca d''e vviole,
i' giá vulesse sèntere
ch'è 'nnammurata 'e me!
'A voglio bene...
..........................
III
Na lácrema lucente v'è caduta...
dicíteme nu poco: a che penzate?!
Cu st'uocchie doce,
vuje sola mme guardate...
Levámmoce 'sta maschera,
dicimmo 'a veritá...
Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campá!...
Fusco - Falvo
DIMME ADDO' STAJE

Dimme addó' staje,
dimme a chi pienze tu...
T'aspetto, tutt''e sere, ll'ore sane...
e, tutt''e ssere, spero ca tu viene....
ma è n'ombra ca s'accosta chianu chiano...
'a notte scenne e tu mme staje vicino...
E sulo 'nzuonno sento 'a voce toja,
staje 'mbracci'a me, mentre chisà addó' staje...
Dimme addó' staje,
dimme a chi pienze tu...
stu core, 'o ssaje,
ca nun ragiona cchiù...
è n'anno,
è n'anno...
ch'aspetto a te...
e sulo 'nzuonno veco a te,
io veco a te...
II
Te dètte 'o core mio p'avé nu core
e tu mm'hê dato a me lacreme amare...
nun te putevo dá brillante e oro
comme vulive tu, pe' fá 'a signora...
ma si stu core mio nun trova pace,
chest'oro, 'ncuoll'a te, nun tene luce...
Dimme addó' staje,
................................
Di Gianni - Barile
DIMME NA VOTA SI'

Tu nce si' nata co le rrose 'mmano...
tu si' crisciuta tra li giesummine...
pe' te stóngo malato e non mme sano
e tu, carella mia, non ll'annevine?
Dimme na vota sí, ca mme vuó' bene...
lo bbide ca nun pòzzo proprio cchiù!?
II
Quanno vedette a te, stette a zompare
sto core ca mettiste 'ntra le ppene.
Chesti rrosélle tienatelle care:
una de cheste, mme la daje a méne...
................................................................
III
Quanta nce vònno prete a fà no ponte,
tanta suspire tu mme si' costata...
Sti ddoje stelle ca tu tiene 'nfronte,
te fanno bella assaje cchiù de na fata...
................................................................
IV
Si nuje po' ce sposammo, oh che contiento!
Nu lietto cu sti rrose voglio fare...
Dammillo nu vasillo pe' tramente.
Nu vaso sulo, mme lo puoje dare...
Dimme na vota sí,
..............................
Paolella - Scalisi
DINT' A N'ORA DIO LAVORA

Tramonta 'o sole...
Cu tammórre e castagnèlle,
dopp''a vennégna,
se spassano 'e ffigliole
p''e ccampagne...
E canta 'a primma:
"Io só' figlia 'e massára.
ma mme voglio spusá nu prufessore...
'mpará mme voglio 'e llengue furastiere
a Napule...pe' fá bella figura...
e p''o paese ognuno, nèh...
mme rispettasse comm'a na signora!..."
- Séh!
- Pecché no?
Pò succedere 'int'a n'ora...
Dint'a n'ora Dio lavora:
Fa na guerra, fa na pace,
fa 'o capòteco capace,
si è tempesta calma 'o viento,
manna 'a grazia a nu 'nnucente...
fa arrubbá nu puorco avaro:
lle fa perdere 'e denare!
- Séh!
- Pecché no?
II
Dicette n'ata:
"Io tengo mente 'e vvacche,
ma voglio, pe' marito, n'ommo ricco...
voglio cappielle e veste tutte nocche,
magná liggiero, embè, pe' mme fá secca...
E p''o paese...ognuno nèh...
mm'ha da guardá accussí: speruto, 'mmócca!
- Séh!
- Pecché no?
Pò succedere 'int'a n'ora
Pò fá n'angelo demmonio,
pò scucchiá nu matremmonio,
nu quadrato 'o fa ritondo,
fa stá buono 'o moribondo,
ferma 'a lava p''e ccampagne,
secca 'o mare e fa 'e mmuntagne!...
- Séh!
- Pecché no?...
III
Dicette 'a terza:
"I' só' figlia 'e na rossa
e a nu cammurrestiello mme spusasse...
Se ritirasse tarde e mme vattesse...
chello d''e cane, 'a notte, nce passasse!
Ma p''o paese ognuno, nèh...
"Bongiorno, 'ossignurí'"...mme salutasse!..."
- Séh!
- Pecché no?...
Pò succedere 'int'a n'ora
Sposta ll'acqua 'e nu turrente,
fa sgravá tre parturènte,
créa nu regno e fa nu Papa,
cagna 'o munno e 'o fa da capo,
leva 'a frasca p''e ccantine,
* fa padrone a Musullino...
Varianti:
* (a seje sorde mette 'o vino)
* (fa ascí 'a rosa senza spine)
- Séh!
- Pecché no?...
DOJE MADONNE
Aggio vuluto bene a doje Madonne,
ll'aggio vuluto bene pe' tant'anne:
Una, 'a tenevo dint''o core mio...
n'ata, 'a pregavo dint''a casa 'e Dio...
Mo sóngo nu spergiuro,
só' n'ombra nera ca p''o munno gira
'a quanno, pe' n'ammore,
chist'uocchie mieje só' 'nfuse 'e chianto amaro...
Aggio vuluto bene a doje Madonne...
chella d''a cchiesa manco 'a veco 'a n'anno...
Chi sa pecché
nun saccio cchiù pregá!
E tu, da 'o cielo, oje má',
prega p''a fá turná!...
II
Stanotte mamma mm'è venuta 'nzuonno
cu 'a voce 'e quanno mme cantava 'a nonna...
mm'ha ditto: "Figlio, chella se n'avanta...
ma fatte 'a croce tu cu ll'acqua santa!"
Mo sóngo nu spergiuro,
......................................
Per finire:
Aggio vuluto bene a doje Madonne,
chella d''a cchiesa manco 'a veco 'a n'anno...
Chest'ombra nera
ca p''o munno va,
tu sulamente, oje má',
tu sola 'a puó' salvá!
Rossetti - Di Gianni
DOJE SERENATE
Stasera - perdunate si v''o ddico -
mettimmoce in accordo e po' sunate:
nuje ce 'mpuntammo 'mpont''o stesso vico
e, sunanno, 'mbrugliammo 'e sserenate.
Sunate 'a vosta: I' mme stó' zitto e sento...
Facimmo a turno: Io sòno doppo a vuje....
Si ve servesse ll'accumpagnamento,
- ccá sta 'a chitarra - sunarríamo a duje...
Ma nun ve dico niente,
pecché sunammo pe' doje 'nnammurate
ca nun vanno truvanno 'o cuncertino!
Se songo abituate
ll'una, a sentí 'a chitarra sulamente,
e ll'ata, sulamente 'o mandulino!
II
'Sta serenata vosta va a chi tene
ll'uocchie turchine e belle, a comme pare...
Ah, pure nénna, mia ca i' voglio bene,
tene ll'uocchie turchine comm''o mare...
E sta a 'o quarto piano 'a vosta? E comme?
E se chiamma Maria? Maria?! - Maria! -
Tene 'e stess'uocchie? Tene 'o stesso nomme?
Sta ô quarto piano?...E' 'a 'nnammurata mia!!!
E nuje ca, ingenuamente,
venimmo ccá a sciupá sti sserenate
mentre forse lle sta n'ato vicino!
Ce vò' tené appaldate
pe' se spassá, comme si fosse niente,
mo cu 'a chitarra e mo cu 'o mandulino...
III
Allèro, amico! E 'o ddico alleramente
ccá, 'e scieme comm'a nuje só' tante e tante!
E chesta, ch'era bella veramente,
nun puteva tené sulo n'amante!
...Ma n'ati duje giá spontano! E scummetto
ca songo comm'a nuje: duje sfurtunate...
Vedimmo 'e cumbiná chistu quartetto:
è bello stu quartetto d''e cecate!...
Vuje nun dicite niente?
Ah, vuje tremmate? Sí...vuje 'ntartagliate...
e i' pure tremmo...Parlo, ma scumbino!
Nuje simmo 'nnammurate!
E chiagne 'sta chitarra tristamente...
E, tristamente, chiagne 'o mandulino!...
E. A. Mario
DOJE STELLE SO' CADUTE

Trèmmano, doje stelle, 'mmiez''o mare,
suspirano d'ammore...
e 'a luna sta a guardá!
Cammina 'ncopp'a ll'onna na canzone...
'o viento passa 'a voce:
"Oje marená'!..."
E cantano 'e Ssirene: "Ammore mio,
adduormete cu me,
nun mme scetá!"
Doje stelle só' cadute 'mmiez'ô mare...
doje stelle ca tremmavano d'ammore;
n'ammore cchiù doce e carnale,
n'ammore ca 'ncielo nun pò stá!
Doje stelle só' cadute, suspirose;
duje core 'nnammurate 'e stu paese,
addó' se ride e chiagne tutt''a vita
addó' ll'ammore fa murí e campá!
II
Giá se só' 'mbarcate 'e marenare,
cu 'e vvarche e cu 'e llampare,
só' ghiute pe' vedé.
Ma 'e stelle ll'hanno ditto: "Pe' favore,
nuje, 'ncielo, nun vulimmo cchiù turná!"
Lassátece durmí 'mmiez'a stu mare,
lassátece sunná...n'eternitá!
Doje stelle só' cadute 'mmiez'ô mare
.............................................................
Mangieri
DON CARLUCCIO
Ll'ugliarara 'a cchiù gentile
sta 'int''o vico 'e Ffuntanelle,
addó' 'e ffemmene cchiù belle
stanno 'e tutt''a Sanitá...
Coro: Stanno 'e tutt''a Sanitá!
Cu na vita 'e seta janca,
cu ciert'uocchie 'e seta nera,
luce 'o juorno e luce 'a sera...
e fa ll'uommene abbagliá!
Coro: E fa ll'uommene abbagliá!
Puverella, 'a cchiù de n'anno,
trapassato ll'è 'o marito!
Chiagne, 'o chiamma, 'o va truvanno...
Coro: 'O va truvanno...'O va truvanno...
E tiritò!
tirití!
tiritá!
Sóngo
'o capo d''a suggitá...
ma stu core è nu butirro
ca, 'ncopp''o ppane,
se pò mangiá!
II
Dint''o viculo 'e rimpetto
ce sta rrobba assaje cchiù fina:
è 'a padrona d''a cantina
addó' a bevere vaco i'...
Coro: Addó' a bevere vaje tu!
O sarrá st'asprinia 'Averza
o è 'a strettezza d''o lucale...
'o ccert'è...ca mme fa male,
mm'aggi''a sósere e aggi''a ascí...
Coro: S'ha da sósere e ha da ascí!...
Cantenè', se non mi inganno,
pure vérola vuje site...
(Pure chesta 'o va truvanno!...)
Coro: 'O va truvanno...'O va truvanno...
E tiritò!
............
III
Io só' guappo e stóngo 'e casa
dint''o vico 'e Ffuntanelle
addó' 'e ffemmene cchiù belle,
a 'mpazzía vanno pe' me...
Coro: A 'mpazzía vanno pe' te!
Nun ce sta negozio apierto
addó' subbeto nun traso....
'O cchiù poco aggio nu vaso...
'o cchiù assaje...nn''o ppòzzo dí!
Coro: 'O cchiù assaje nun 'o ppò dí!
Io mm''a faccio passianno:
- Belli ffé', ccá sta 'on Carluccio!
Chi mme vò', chi 'o va truvanno? -
Coro: Chi 'o va truvanno?...Chi 'o va truvanno?...
E tiritò!
............
Di Giacomo - Gambardella
DON RAFFAE'
Io mi chiamo Pasquale Cafiero
e son brigadiero del carcere, oje né'...
Io mi chiamo Cafiero Pasquale,
sto a Poggioreale dal cinquantatré...
e al centesimo catenaccio,
alla sera, mi sento uno straccio...
per fortuna che, al braccio speciale,
c'è un uomo geniale che parla con me!
Tutto il giorno con quattro infamoni,
briganti, papponi, cornuti e lacchè...
tutte ll'ore cu 'sta fetenzía
ca sputa minacce e s''a piglia cu me...
Ma, alla fine, mm'assetto papale...
mi sbottono e mi leggo 'o giurnale...
mi consiglio con Don Raffaè',
mi spiega che pensa e bevimmo 'o ccafè!
Ah! Che bellu ccafè!...
pure in carcere 'o ssanno fá...
cu 'a ricetta che, a Cicerenella,
compagno di cella,
ci ha dato mammá!
II
Prima pagina: Venti notizie,
ventuno ingiustizie...e lo Stato che fa?
Si costerna, s'indigna, s'impegna...
poi getta la spugna con gran dignitá...
Mi scervello e m'asciugo la fronte,
per fortuna c'è chi mi risponde!
A quell'uomo sceltissimo, immenso,
io chiedo consenso...a Don Raffaè'!
Un galantuomo che tiene sei figli,
ha chiesto una casa e ci danno consigli!...
Mentre 'assessore, che Dio lo perdoni,
dentro a 'e rrulotte ci alleva i visoni!
A voi basta una mossa, una voce,
che a stu Cristo ce levano 'a croce...
Con rispetto, s'è fatto le tre:
vulite 'a spremuta o vulite 'o ccafè??
Pure in carcere 'o ssanno fá,
compagno di cella,
ci ha dato mammá...
cu 'a ricetta di Cicerenella,
compagno di cella...
preciso a mammá!
III
Ccá ci sta l'inflazione, la svalutazione...
e la borsa ce l'ha chi ce l'ha;
io non tengo compendio ca chillu stipendio
e un "ambo", se sogno a papá...
Aggiungete mia figlia Innocenza:
vò' 'o marito e nun tene pacienza!
Io non chiedo la grazia pe' me...
Vi faccio la barba o la fate da sé?
Voi tenete un cappotto cammello
che, al maxiprocesso, eravate 'o cchiù bello...
Un vestito gessato marrone...
cosí ci è sembrato alla televisione.
Pe' sti nnozze, vi prego Eccellenza,
mm''e prestasse per fare presenza?
Io giá tengo le scarpe e 'o gilè...
Gradite 'o Campari o vulite 'o ccafè?
pure in carcere 'o ssanno fá,
compagno di cella,
ci ha dato mammá...
Ah, che bellu ccafè!...
cu 'a ricetta di Cicerenella,
compagno di cella...
preciso a mammá!
IV
Qui non c'è più decoro, le carceri d'oro?
ma chi le ha mai viste...chi sa!
cheste só' fatiscente...pe' chesto 'e fetiente
se tengono ll'immunitá...
Don Raffaè' voi, politicamente,
io ve lo giuro, sarebbe nu santo...
ma ccá dinto vuje state a pagá
e, fore chist'ate se stanno a spassá...
A proposito, tengo nu frato
che da quindici anni sta disoccupato...
chill'ha fatto quaranta concorsi,
novanta domande e duecento ricorsi...
Voi che date conforto e lavoro,
Eminenza, vi bacio e vi imploro:
Chillo dorme cu mamma e cu me...
Che crema d'Arabia ch'è chestu ccafè!
De Andrè
DOVE STA ZAZA' ?

Era la festa di San Gennaro,
quanta folla per la via...
Con Zazá, compagna mia,
me ne andai a passeggiá.
C'era la banda di Pignataro
che suonava il "Parsifallo"
e il maestro, sul piedistallo,
ci faceva deliziá...
Nel momento culminante
del finale travolgente,
'mmiez'a tutta chella gente,
se fumarono a Zazá!...
Dove sta Zazá?!
Uh, Madonna mia...
Come fa Zazá,
senza Isaia?...
Pare, pare, Zazá,
che t'ho perduta, ahimé!
Chi ha truvato a Zazá
ca mm''a purtasse a me...
Jámmola a truvá...
sù, facciamo presto..
Jámmola a incontrá
con la banda in testa...
Uh, Zazá!
Uh, Zazá!
Uh, Zazá!
tuttuquante aîmm''a strillá:
Zazá, Zazá,
Isaia sta ccá!
Isaia sta ccá!
Isaia sta ccá!...
Zazá, Zazá,
za-za-za-za,
comm'aggi 'a fá pe' te truvá?!
I', senza te, nun pozzo stá...
Zazá, Zazá,
za-za-za-za....
Za-za-za-za-za-za-zá...
II
Era la festa di San Gennaro,
ll'anno appresso cante e suone...
bancarelle e prucessione...
chi se pò dimenticá!?
C'era la banda di Pignataro,
centinaia di bancarelle
di torrone e di nocelle
che facevano 'ncantá.
Come allora quel viavai,
ritornò per quella via...
Ritornò pure Isaia,
sempre in cerca di Zazá...
Dove sta Zazá?
Uh! Madonna mia...
Come fa Zazá,
senza Isaia?
Pare pare, Zazá
che t'ho perduta, ahimé!
Chi ha truvato a Zazá,
ca mm''a purtasse a me...
Se non troverò
lei, ch'è tanto bella,
mm'accontenterò
'e trová 'a sorella...
T'amerò,
t'amerò,
t'amerò,
pure a lei glielo dirò
che t'amerò:
T'amerò, Zazá!
T'amerò, Zazá!
T'amerò, Zazá!
Zazá, Zazá,
za-za-za-za...
che t'amerò ll'aggi''a cuntá...
Con tua sorella aggi''a sfugá...
Zazá, Zazá,
za-za-za-za...
Zazá, Zazá,
za-za-za-za...
comm'aggi''a fá pe' te truvá?!
I', senza te, nun pòzzo stá!
Zazá, Zazá,
za-za-za-za-za...
Za-za-za-za-za-za-zá...
Cutolo - Cioffi
DUJE GIURAMENTE
Chella sera, fuje stu mare
pe' nuje, na catena:
te scurdaste 'e nu munno luntano...
mme giuraste: "Nun parto maje cchiù..."
e ce dèttemo 'o ttu!
Ma 'e giuramente d'ammore,
se ll'ha purtate 'o mare...
E mme turmenta, ogne sera,
na lacrema 'int''o core...
Tutt''e ricorde tornano
sott'a stu cielo blu
ma 'e giuramente d'ammore,
se ll'ha purtate 'o mare:
Nun tornano cchiù!
II
Tutt''e ssere,
veco n'ombra ca vène da 'o mare,
veco a te ca screviste: "T''o ggiuro,
ca só' eterne chest'ore pe' me...
e ritorno addu te..."
.......................
.......................
Tutt''e ricorde tornano
sott'a stu cielo blu...
Ma, 'e giuramente d'ammore,
se ll'ha purtato 'o mare...
e nun tornano cchiù!
Finale:
Duje giuramente
ca nun tornano cchiù...
Fiore - Mazzocco
DUJE PARAVISE
Duje viecchie prufessure 'e cuncertino,
nu juorno, nun avevano che fá.
Pigliájeno 'a chitarra e 'o mandulino
e, 'nParaviso, jèttero a suná:
- Ttuppe-ttù... - "San Pié', arapite!...
ve vulimmo divertí..."
"Site 'e Napule?! Trasite!
e facitece sentí..."
"V'avimm''a fá sentí doje, tre canzone,
ca tutt''o Paraviso ha da cantá:
Suspire 'e vase...Museca 'e passione...
Rrobba ca sulo a Napule se fa...
II
E 'a sera, 'nParaviso, se sunaje
e tutt''e Sante jèttero a sentí...
'O repertorio nun ferneva maje:
"Carmela, 'o Sole mio, Maria Marí'..."
"Ah, San Pié', chesti ccanzone,
sulo Napule 'e ppò fá...
arapite stu barcone:
'A sentite 'sta cittá?...
E, sott''o sole e 'a luna, vuje sentite
sti vvoce, ca só' voce 'e giuventù...
Si po' scennite llá, nun 'o ccredite?!
Vuje, 'nParaviso, nun turnate cchiù!..."
III
Ma, doppo poco, da 'a malincunía
'e viecchie se sentettero 'e pigliá:
Suffrévano nu poco 'e nustalgía
e, a Napule, vulèttero turná:
"Mo, San Pié', si permettite,
nuje v'avimm''a salutá..."
"Site pazze! Che dicite?
Nun vulite restá ccá?!"
"Nuje simmo 'e nu paese bello e caro
ca tutto tène e nun se fa lassá:
Pusìlleco, Surriento, Marechiaro...
'O Paraviso nuosto è chillu llá!"
Melina - E. A. Mario
'E BBUSCIE
Ma pecché, ma pecché nun mme guarde?
Ch'è succieso?...'o pputimmo sapé?
Só' venuto nu poco cchiù tarde!?...
E va buó' mo te spiego 'o ppecché:
Sono stato un momento add''o sarto...
Só' busciardo?...Busciardo e maligno?
e io dimane 'o vestito mm''o 'ncigno
accussí tu mme cride, Concé'...
Nun mme chiammmá busciardo, bella mia,
pecché mme piglio collera e nun sta...
E overo, io dico spisso na buscía,
ma ê vvote, dico pure 'a veritá!...
II
Mm'hanno visto passá 'ncarruzzella
cu na donna vestita marrò'?
Biundulella?...Truccata?...Un po' snella?...
Sissignore...e chi dice ca no?
Ma, Concé', se non senti 'a ragione,
tu non devi tremmá 'e gelusia...
quella lí, non la sai? è zizía...
na sorella cugina 'e mammá...
Nun mme chiammá busciardo, bella mia,
...................................................................
III
E mo dimme: quel tale studente
ca te vene ogne tanto a truvá...
quello lí che cos'è, t'è parente?
ho capito: è nipote a papá!...
E chist'ato ch'affaccia 'e rimpetto
e ti guarda e ti fa l'occhiolino?
Pure chisto, Concè' t'è cugino?
ho capito: è nipote a mammá!...
Nun mme chiammá busciardo, bella mia,
pecché tu manche addure 'e santitá...
E' overo, io dico spisso na buscía...
ma tu nun dice maje na veritá...
Fiore - Valente
'E BERSAGLIERE
Tóre mio mm'ha ditto addio:
è partuto p''e ffruntiere...
Era bello Tóre mio...
Ll'hanno fatto bersagliere!
E só' belle 'e bersagliere:
fanno 'e nnénne ascí a 'mpazzía...
Quanno passano p''a via,
tutte còrrono a vedé...
'E bersagliere vònno
'e ppenne p''e cappielle...
Uh! Quanta capuncielle
e galle îmm''a spenná!
II
Mm'ha mannato a dí p''a posta
che la guerra s'ha da fare...
"C'è n'antica terra nosta
e chi 'a tene ce ha da dare!"
Voglio bene a Salvatore,
voglio bene ê bersagliere...
Si ce vonno 'e vvivandiere,
i' mme vaco a presentá!
.................................
III
Tóre mio mm'ha scritto pure:
"Sta assummanno giá 'a trubbéa...
Ma putite stá sicure
ca, cu nuje, nun se pazzéa!"
Tuttuquante 'e giuvinotte
mo se fanno bersagliere...
Li fucile, li bbandiere,
tutte corrono a pigliá!
.................................
Cinquegrana - Di Capua
'E CCUMMARELLE
D''o vico 'e Ppaparelle,
non per dire, sóngo 'o rre:
Cummare e cummarelle
stanno sempe attuorno a me...
S'arapono 'e ffeneste
si mme vedono passá...
peffino ll'aucielle
fanno a gara pe' cantá...
pecché stó' sempe allero,
sempe allero...e lariulá!
só' belle, só' belle...
ma io voglio bene a Stella
ch'è bella, ch'è bella...
Ma pe' ll'accuntentá
nun mme faccio prijá:
Una 'a ccá...
n'ata 'a llá:
Mm''e pporto p''a Riviera
sott''o vraccio a passiggiá!
II
P''o vico 'e Ppaparelle
tutt''a gente parla 'e me...
se dice ca na "stella",
priesto o tarde, ha da cadé...
Ma chella mm'ha risposto:
"Nun mme voglio mmaretá...
mme faccio munacella:
Suora Stella mm'hê 'a chiammá..."
Invece mme vò' bene,
cerca 'ammore...e lariulá...
Cummare e cummarelle,
........................................
III
tuttequante hann''a sapé,
ca finalmente Stella
'mbracci'a me vène a cadé...
Mme chiamma "traditore"
Carulina. E ch'aggi''a fá?
Carmela e Cuncettina
fanno finta 'e se spará...
però, quanno mme sposo,
tutte vènono a cantá...
Cummare e cummarelle,
........................................
Gigliati - Giannini
'E DDOJE LUCIE

'Ntagliaje stu nomme a prora
ca só' tre anne e cchiù...
Lucia se chiamma 'a varca,
Lucia te chiamme tu...
Ma tu nun mme vuó' cchiù bene
t'aggio perza chisà comme...
e ll'avess''a cagná nomme
a 'sta varca primm''e mo...
Voca voca,
oje marenaro...
Voca voca,
voca fore!
Varca sincera e femmena busciarda
nun se pònno chiamma cu 'o stesso nomme!
Ohé,
mare lucente...
ohé,
stamme a sentí:
o lle ricuorde tutt''e giuramente,
o cagne nomme e còre pure a me!
II
E passano 'e stagione,
ma 'o nomme tujo sta ccá:
Se ll'accarezza ll'onna,
s''o legge e se ne va...
Pure 'o tiempo, oje bella, è mare:
Primma sbatte e po' s'addorme...
Vanno, 'e suonne, a chiorme a chiorme,
notte e ghiuorno 'ncerca 'e te...
Voca voca,
oje marenaro...
........................
Finale:
Ohé...
Oje marenaro...
Voca voca!
Ohé!
Marotta - Ricciardi
'E LLAMPADINE
Nce simmo appiccecate mille vote
e mille vote avimmo fatto pace...
Volubile si' tu: Mo si' tenace,
a n'atu ppoco tu stuzziche a me...
E i' faccio 'o tira e molla appriesso a te!...
Sti core nuoste, parono
doje lampadine elettriche:
S'appicciano...se stutano...
se tornan'a appicciá...
E 'ammore, ca pe' spasso
ll'elettricista fa,
stuta a te,
appiccia a me,
pe' mme fá cchiù cunzumá...
E luce, luce, luce,
luce elettrica!
II
Ajere mme faciste 'a dispettosa...
Ogge mm'accuorde cu nu pizzo a riso...
dimane tu mme saglie 'mParaviso,
doppo dimane nc'îmm''a appiccecá...
e po' facimmo pace llá pe' llá!...
.....................................
III
E tiene mente, i' mo t''o stó' dicenno,
e mo piglie e mm'avuote 'e spalle 'nfaccia?
po' tuorne a te mená dint'a sti bbracce
e indifferentemente vase a me?
E indifferentemente io vaso a te!...
.....................................
Capaldo
'E PALUMME
Miezojuorno. Coce 'o sole...
e vuje state 'int''o ciardino,
sott''e ffronne 'e mandarino,
'mmiez'ô gghianco d''e llenzole
spase ô sole...
E na chiorma 'e palummielle,
vola, vola attuorno a vuje
ca lle date 'e mullechelle...
Spuzzuléa, po' se ne fuje
chesta chiorma 'e palummielle....
Accussí, pe' 'sta passione
ca mme struje,
volano sempe, volano
tutt''e penziere mieje...attuorno a vuje!...
II
Ma pecché, sbattenno 'e mmane,
ma pecché vuje n''e ccacciate
sti palumme aggraziate,
mentre po' lle date 'o ppane,
'mmiez'ê mmane?!...
Se ne vanno 'ncopp''o mare,
p''e mmarine, a duje a duje,
'ncopp''e titte, 'e campanare,
e po' tornano addu vuje...
Se ne vanno 'ncopp''o mare...
Accussí, pe' 'sta passione
ca mme struje,
si n''e ccacciate, tornano
tutt''e penziere mieje...attuorno a vuje!...
Gallo - Persico
'E PPENTITE
Io stó' dint''e "Ppentite". E tu addó' staje?
E cu chi staje? Chesto vurría sapé...
Tu duorme 'a notte? Ma io nun dormo maje
e 'nnant'a st'uocchie veco sulo a te...
Che vuó', che vuó'? Nemmeno si' cuntento?
mo ca pe' te mm'hanno 'nzerrata ccá?
Si mamma aspetta 'o juorno ca mme pento,
falle assapé ca só' pentita giá...
Pentita 'e che? Pentita
ca t'aggio amato assaje!
'Nfame, nisciuna, maje,
fuje cchiù pentita 'e me...
II
Jurnate sane aret''a gelusia
desideranno 'o sole e 'a libertá...
Passa 'o pianino e saglie, 'a miez''a via,
quacche canzone 'e tantu tiempo fa...
E i' canto. Che te cride? I' chiagno e canto
e po' jastemmo e po'...torno a cantá...
Ah, comm'è allèra, 'int'a stu campusanto,
'sta sciantusèlla d''o cafè Sciantá!
....................................
III
Mme só' sunnato a n'angiulillo junno,
nennillu mio...ca mme diceva: "Oje má'...
Oje má', pecché mm'hê miso 'ncopp''o munno
quanno hê tenuto 'o core 'e mme lassá?"
No, ninno mio, mammá prega 'a Madonna
ca nun 'a castigasse 'ncuollo a te...
Tu staje luntano, ma io te canto 'a "nonna",
comme si t'addurmisse 'mbracci'a me!
....................................
Bovio - Albano
'E QUATT''E MAGGIO

E tenevo na bella putechella
ch'avevo fatto tanto p'accurzá...
Soglia 'e marmo, bancone musticella:
ce asceva chellu ppoco pe' campá!
Vene 'o padrone 'e casa
dice: "'A mesata è poca!
mettitece 'a si-loca
e 'un ne parlammo cchiù!"
E aggiu lassato chella putechella,
speranno 'e ne truvá n'ata cchiù bella!
Core, fatte curaggio,
'sta vita è nu passaggio:
Facimmoncillo chistu quatto 'e maggio...
che ce penzammo a fá
si 'o munno accussí va?!
II
E tenevo na bella casarella
cu stanza 'e lietto e cammera 'e mangiá...
Na cucina, nu muorzo 'e luggetella...
nc'êvo fatto 'o grillaggio pe' ll'está...
Arriva ll'esattore;
dice: "'A mesata è poca!
Mettitece 'a si-loca
e 'un ne parlammo cchiù..."
E aggio lassato chella casarella
speranno 'e ne truvá n'ata cchiù bella!
Core fatte curaggio,
'sta vita è nu passaggio
facimmoce 'o sicondo quatt''e maggio,
che ce penzammo a fá
si 'o munno accussí va!?
III
E tenevo na bella 'nnammurata
ch'avevo fatto tanto p''a 'mpará...
Ma che saccio ched è, ll'hanno 'nciuciata:
nun è cchiù chella ch'era n'anno fa:
Primma, na rosa semplice,
mm''a faceva felice...
mo vò' 'e brillante e dice
ca manco niente só'...
E i' lasso pur'a essa e bonasera!
e mme ne trovo a n'ata cchiù sincera.
Core, fatte curaggio!
'sta vita è nu passaggio...
Facímmoce chist'atu quatt''e maggio...
Che ce penzammo a fá,
si 'o munno accussí va?
A. Gill
'E RRAGAZZE
'E rragazze mo stanno in ribbasso:
vanno a caccia p'avé nu marito...
e, pe' farse passá stu prurito,
lloro 'o ssanno quant'hann''a suffrí!
Nun só' cchiù chilli tiempe 'e na vota
quanno ll'ommo jéva appriesso â gunnella
e pe' ll'uocchie 'e na femmena bella,
mo nce vò', se faceva spará!...
'E rragazze, cu 'o cannelotto,
vanno ascianno 'o giuvinotto...
quanno ll'hann'avuto sotto,
nun s''o fanno scappá cchiù!...
'E rragazze, cu 'o cannelotto,
vanno ascianno 'o giuvinotto...
quanno ll'hann'avuto sotto,
nun s''o fanno scappá cchiù!...
II
'O prugresso ha purtato cchiù lusso...
'O guverno ha mettuto cchiù tasse...
Chi vulite ca mo se 'nzurasse?!
Quacche pazzo surtanto 'o ppò ffá!
Séh, purtáteve 'a femmena â casa:
'int'a niente ve fa na famiglia!
Quanno è doppo, che bella quatriglia
cu 'a Miseria, vulite abballá!
'E rragazze....
......................
III
Picceré', 'a capite 'a canzone?
Senz''e llire nisciuno ve sposa!
Abballate...facite 'e sciantose:
'A furtuna, ll'avit''a scetá!...
State lustre cu ll'aco e cu 'o ffilo,
mo arrivate cu 'o fierro e 'a cazetta...
Si 'un facite vulá 'a machinetta,
picceré', v''a putite sciusciá!...
'E rragazze...
.....................
Gambardella - Califano - Di Capua
'E SPINGULE FRANCESE

Nu juorno mme ne jètte da la casa,
jènno vennenno spíngule francese...
Nu juorno mme ne jètte da la casa,
jènno vennnenno spíngule francese...
Mme chiamma na figliola: "Trase, trase,
quanta spíngule daje pe' nu turnese?"
Mme chiamma na figliola: "Trase, trase,
quanta spíngule daje pe' nu turnese?
Quanta spíngule daje pe' nu turnese?"
Io, che sóngo nu poco veziuso,
sùbbeto mme 'mmuccaje dint'a 'sta casa...
"Ah, chi vò' belli spingule francese!
Ah, chi vò' belli spingule, ah, chi vò'?!
Ah, chi vò' belli spingule francese!
Ah, chi vò' belli spingule ah, chi vò'!?"
II
Dich'io: "Si tu mme daje tre o quatto vase,
te dóngo tutt''e spíngule francese...
Dich'io: "Si tu mme daje tre o quatto vase,
te dóngo tutt''e spíngule francese...
Pízzeche e vase nun fanno purtóse
e puo' ghiénchere 'e spíngule 'o paese...
Pízzeche e vase nun fanno purtóse
e puo' ghiénchere 'e spíngule 'o paese...
E puó' ghiénchere 'e spíngule 'o paese...
Sentite a me ca, pure 'nParaviso,
'e vase vanno a cinche nu turnese!...
"Ah, Chi vò' belli spíngule francese!
Ah, Chi vò' belli spíngule, ah, chi vò'?!
Ah, chi vò' belli spíngule francese!
Ah, chi vò' belli spíngule, ah, chi vò'?!"
III
Dicette: "Bellu mio, chist'è 'o paese,
ca, si te prore 'o naso, muore acciso!"
Dicette: "Bellu mio, chist'è 'o paese,
ca, si te prore 'o naso, muore acciso!"
E i' rispunnette: "Agge pacienza, scusa...
'a tengo 'a 'nnammurata e sta ô paese..."
E i' rispunnette: "Agge pacienza, scusa...
'a tengo 'a 'nnammurata e sta ô paese...
'A tengo 'a 'nnammurata e sta ô paese...
E tene 'a faccia comm''e ffronne 'e rosa,
e tene 'a vocca comm'a na cerasa...
Ah, chi vò' belli spîngule francese!
Ah, chi vò' belli spíngule, ah, chi vò'?!
Ah, chi vò' belli spíngule francese!
Ah, chi vò' belli spíngule, ah, chi vò'?!"
Di Giacomo - De Leva
'E TTREZZE 'E CARULINA

Oje pétteno ca piéttene
'e ttrezze 'e Carulina,
damme nu sfizio, scíppala
scíppala na matina...
E tu specchio addó' lùceno
chill'uocchie addó' cantanno
ride e se 'mmira, appánnete
quanno se sta ammiranno...
Lenzole addó' se stènnono
'e ccarne soje gentile,
'nfucáteve, pugnítela,
tutto stu mese 'abbrile...
e vuje teste d'anèpeta,
d'aruta e 'e resedá,
seccáte 'ncopp'a ll'ásteco
facíteve truvá...
II
Ma 'o pétteno ca péttena
'e ttrezze 'e Carulina,
è sempe 'o stesso pétteno
'e tartaruga fina...
'o specchio è de Venezia
e nun ha fatto mosse,
'e llenzulelle smòveno
n'addore 'e spicaddossa...
E manco nun mme sentono
ll'aruta e 'a resedá:
cchiù ampresso 'ncopp'a ll'asteco
abbrile 'e ffa schiuppá...
E sti scungiure, è inutile,
nn''a pònno cchiù arrevá:
Cchiù 'nfama e cchiù simpatica,
cchiù bella assaje se fa!...
Di Giacomo - Gambardella
'E ZAMPUGNARE
Mo ch'è fernuta ll'uva d''a vennegna,
e s'è cuperta 'e neve la muntagna...
pigliámmoce, cumpare li zzampogne
e ghiammo a lu pagghiese d''a cuccagna!
Mé', cumpá',
jammo já...
Mé', cumpá',
jammo já...
Cu poche sorde ca facimmo 'e spese,
nuje ce purtammo 'e llire a lu pagghiese.
Facenno: rullèro...
vestute 'a pasture,
facimmo messere
na meza cittá!
II
Dicimmo a lu ssunare la zampogna:
"'Ncampagna nun ce manca maje la legna,
nun manca 'o puorco pe' ce fá la 'nzogna...
e 'o fusticiello 'e vino d''a vennegna!..."
Mé', cumpá',
jammo já...
mé' cumpá',
jammo já...
E si nce manca sulo 'o susamiello,
nce ll'abbuscammo cu lu cucchiariello...
..............................
III
A Napule, cumpá', si se guadagna,
pecché se fanno diebbete e se 'mpigna?
A lu pagghiese nun ce stanno fogne...
Li tterre sóngo chiene pe' fá vigne...
Si cumpá',
vuó' pruvá...
si cumpá',
vuó' pruvá...
Vatténne cu mugghièreta nu mese...
ca senza cioce tuorne a lu pagghiese!
..............................
'E ZUCCULILLE
Quanta vote mme pare bella
cu sti bùccole anella anella,
chi 'o ppò dí?
Cu 'sta vesta a campanella
e accussí sciaguratella
comme si'!
Nun ce vonno ll'anielle a 'e ddete,
nun ce vonno cazette 'e seta...
Senza 'o nniro e senza 'o rrusso,
sott'a st'uocchie e 'nfacci''ô musso,
faje sperí...
Tarantella cu 'e zuóccole ô père...
tu quanto si' cara nun può 'mmagginá!
Va nu cuófano e miezo 'e denare,
nu vero tesoro, 'sta semplicitá...
Comme sonano 'e zucculille!
tícchete e tácchete quanno abballe...
Tale e quale stu core fa:
Tícchete, tácchete, tícchete, tá!...
II
Quanno faje stu pizzo a riso,
mme daje 'nfierno e paraviso,
Giesummí'!
Chi 'sta vocca carnale vasa,
cannamèla comm''a cerasa,
pò murí!
N'ora 'e gusto, diece anne 'e guaje...
e chest'ora, si tu mm''a daje,
piglia fuoco 'a passiuncella...
ca nisciuna è accussí bella
comme si'...
.......................................................
III
Sott''e piénnule d'uva rosa
ch'ammaturano 'int'a stu mese,
dimme "sí"...
Dimme "sí" si vuó' fá 'a sposa,
tu si' 'a femmena cianciosa
ca vogl'i'...
Mm'hê 'a prumettere sulamente,
ca tu rieste paisana e ardente
comm''o sole 'e stu paese:
bona, semplice e curtese
comme si'...
.......................................................
Nicolardi - Staffelli
E ALLORA?
Nel tram di Posìllipo, al tempo dell'está,
un fatto graziosissimo, mi accadde un anno fa;
Il tram era pienissimo, 'a miezo, 'a dinto e 'a fora,
quando, alla via Partènope, sagliette na signora!
E allora?...
E allora io dissi subito: "Signora, segga qua!"
Rispose lei: "Stia comodo, vedrá che ci si sta...
si stríngano, si stríngano, per me c'è posto ancora..."
E quase 'nzino, 'ndránghete...s'accumudaje 'a signora!
E allora?...
E allora, dietro all'angolo, mi strinsi ancora un po'...
lei rise e poi, guardandomi, le gambe accavalciò...
Io suspiraje vedennole tanta na gamba 'a fora,
comme suspiraje Cesare p''e ccosce d''a signora!
E allora?...
E allor dissi: "E' di Napoli?" "No, mi sun de Milan!"
"Fa i bagni qua, certissimo!" "No, mi parto duman...
Vorrei vedere Frìsio, non visto mai finora..."
"Se vuole, io posso..." "Oh, grazie!..." E s'ammuccaje 'a signora!
E allora?...
E allora, po', addunánnome ca dint''o trammuè,
'a gente ce guardava, dissi: "Signó', scendé'..."
E mme pigliaje nu taxi a vinte lire a ll'ora...
e a Frìsio ce ne jèttemo, io sulo, cu 'a signora!
E allora?...
E allora, senza scrupoli, mm'accummenciaje a lanzá...
ma lei, con fare ingenuo, mi disse: "Oh, ciò non sta...
Andiamo prima a Frìsio, mangiamo e, di buonora...
io sto all'Hotel Vesuvio, lei mi accompagna...e allora..."
E allora?...
E allora io feci subito "necessita virtù"...
Ma a Frìsio ce magnajemo duiciento lire e cchiù...
Turnanno, immaginateve, stevo cu ll'uocchie 'a fore...
Finché all'Hotel Vesuvio, scennette cu 'a signora...
E allora?...
Qui viene il graziosissimo ca, jenno pe' trasí,
a tutti presentávami: "Presento mi' marí'!..."
Mm'avea pigliato proprio pe' nu cafone 'e fora...
E ghièttemo 'int''a cammera e s'assettaje 'a signora!
E allora?...
E allora, mentre proprio 'a stevo p'abbracciá,
vicino 'a porta...Ttùcchete...sentette 'e tuzzuliá...
"Chi sarrá maje 'sta bestia? Si mandi alla malora!..."
Nu cameriere in smoking, cu 'o cunto d''a signora!...
E allora?...
E allora ce guardajemo, curiuse, tutt'e tre...
Lei prese il conto e..."Págalo: duemila e ottantatré..."
Cu na penzata 'e spíreto diss'io: "Mo, nun è ora!"
E il cameriere pratico: "Pardon, signor...signora!..."
E allora?...
E allora lei fa: "Sei stupido!..." "Qua' stupido, madá':
Ciento lirette 'e taxi, duiciento pe' magná...
Duimila e tanta 'e cámmera...e chesto che bonora!...
Ccá ce vó' 'o Banco 'e Napule, carissima signora!
E allora?...
E allora, senza aggiungere manco nu "i" e nu "a",
pigliaje 'o cappiello e, sùbbeto, mme ne scennette 'a llá...
Truvaje ancora 'o taxi: "Scioffer...pensione Flora!..."
E ghiette a truvá a Amelia ca mm'aspettava ancora...
E allora?...
E allora ebbi la prova di una grande veritá:
Ch''a via vecchia, p''a nova, nun s'ha da maje cagná!
Armando Gill
E BONASERA AMMORE
E vienetenne Ammore, e vienetenne...
mo, cu 'a schiuppata 'e primmavera, scinne...
dint''e nnuttate ca nun tengo suonno...
Dimme ca chesta nun è chella 'e tanno,
ch'è 'a cchiù sincera femmena d''o munno
e ca, sinceramente, sta aspettanno....
Dimme chello ca vuó'...
canta comme vuó' tu,
ma io nun te credo, no,
ma io nun ce 'ncappo cchiù!
II
E s'è addurmuto, Ammore, e s'è addurmuto
stu core mio ca fuje maletrattato...
E ca tu cante storie? Nun se sceta!
E ca tu dice comm'a ll'ati vvote:
Nun è Crestina...nun è 'Mmaculata...
Dorme stu core mio, male capito...
Dimme chello ca vuó'...
.......................................
III
E bonasera, Ammore, e bonasera!
E va' a fá 'o ruffianiello a n'atu core...
Quanno c'è stato chi mm'ha ditto: "Giuro
ca nun te lasso manco quanno moro..."
E mm'ha lassato cu na vocca amara...
Fall'aspettá 'sta nénna ca suspira...
Dimme chello che vuó'...
.........................................
Galdieri - Nardella
E NON STA BENE

Bella,
cu ll'uocchie belle,
cu 'a faccia bella
na stella si'...
Tu, cu sti ppónte 'e stelle,
mi pungi il cuore:
mi fai morí!
Avevam''a spusá p''a fin''o mese...
ma tu dicesti: "Mo tengo da fare
lo sai che a Roccaraso devo andare...
io só' nata pe' sciá...
che m'importa di sposá!?"
E non sta bene!
Sei una vigliacca Marí',
mi spacchi il cuore...
ma fai cilecca Marí'!
Io nun te faccio ascí,
te scasso 'e sci,
te scasso 'e sci...
Se tu resti con me,
te compro 'e sciù,
te compro 'e sciù...
Si po' truove scé-scé,
povera a te,
povera a te:
Io te scasso 'e sci,
nun te compro 'e sciù,
e del tuo scé-scé,
io me ne freghé!
nfré!
Pe' na sciata tu te pierde a me?
io mme ne trovo n'ata meglio 'e te...
ti assicuro sí,
che se vai lassù,
certamente non ti sposo più!
nfrù!
II
Bocca...
che bella bocca
che tieni in bocca!...
ma che ne fo'...
quando cu 'a stessa bocca
che tieni in bocca,
mi hai detto: No!?
Mi fai parlare solo come un pazzo...
tu preferisce 'a neve e no stu...core
che batte, pulsa e palpita d'amore...
vuoi partire pe' sciá
e mi resti solo qua?!
E non sta bene...
............................
III
Chiagne?
Ma pecché chiagne?
Nèh, chella chiagne!
che chiagne a fá?
Questo non mi stupisce,
mi intenerisci
pe' ghí a sciá!...
T'hê miso 'o cuppulone e 'e pantalone...
'e scarpe chiene 'e chiuove e 'a sciarpa 'e lana...
la donna che ripudia la sottana,
non è donna...sai cos'è?
E' una...pápera, quest'è!
E non sta bene!
.........................
Pisano - Cioffi
E TU CHI SI'?
Si' bello e ricco? E di' quant'anne tiene?
Tiene vint'anne? E i' tengo 'o ddoppio 'e te...
Ma cride 'ncap'a te ca te vò' bene?
Quanto si' buono! Mme vò' bene a me!
E ca tu passe cu 'o cammenatore
sott''a fenesta, che nce passe a fá?
T''o ddico a te, a parola mia d'onore...
nun ce passá!
Vò' bene a me!
Vò' bene a me!
E vuó' sapé pecché?
Pecché sape ca tu
dint'a sti mmane meje si na bambù!
Pènzace oje ni':
Dint'a sti mmorze 'o ssa' comme te chiéjo?
Guarda...Accussí!
II
Tu tiene 'aniello 'e vinte grane a 'o dito
e i' tengo 'e call'a 'e mmane e niente cchiù!
Tu tutt''e juorne cagne nu vestito
e i' sempe 'o stesso...sempe 'a blusa blu.
Tu lle prumiette centenare 'e cose
e chella te risponne sempe: No!
Io 'a saccio fá felice cu doje rose,
quann'essa 'e vvò'...
Vò' bene a me!
.........................
III
Geluso 'e te ? E chi si'? Tu nun si' niente:
Si' n'ommo pe' pazzía vicino a me!
Tòccame 'a mana...comm'è fredda!...'A siente?
Saje pe' chi tremmo? Nun 'o ssaje? Pe' te!
Geluso? Ma ched è 'sta gelusia?
Pecché nce sta quaccuno meglio 'e me?
I' ca fatico tutt''a vita mia,
so' cchiù d''o rre!
Vò' bene a me!
.........................
Bovio - Valente
E' PICCERELLA
'A mamma ha ditto: "Oje ni', saje che te dico?
E' strappatella e nun capisce ancora...
te tratta, ch'aggi''a di', comm'a n'amico...
meglio 'e n'amico: comm'a frate e sora...
E' piccerella,
è n'anema 'nnucente
e nun capisce niente..."
E' piccerella e intanto,
saccio sul'io chello ca dice 'a gente...
Ma 'a mamma dice ch'è na piccerella...
e i' dico appriess'â mamma: "E' piccerella!"
II
"E ll'hê purtato 'a veste?.." "E sissignore!
- Na veste 'e seta.- E chiste só' 'e scarpine...
Chist'è 'o cappiello - ch'è venuto 'a fore,
rrobba 'e Parigge, - e chiste só' 'e ricchine..."
E 'a mmamma dice:
"Mo pare cchiù bella,
povera piccerella..."
Ma 'a mamma dice ch'è na piccerella...
e i' dico appriess'â mamma: "E' piccerella!"
III
Ma che ato vò'...nun è cuntenta ancora?
Che mm'aggi''a levá cchiù?!...Scuorno a 'sta faccia!
Marcia alla moda, spènne, fa 'a signora...
e a mamma mia, nemmeno na petaccia!
E i' zitto, caccio sempe...
E tanno è bello,
quanno caccio 'o curtiello!
Ma 'a mamma dice ancora: "E' piccerella!"
E i' dico appriesso â mamma: "E' piccerella!"
Bovio - Valente
ERA DE MAGGIO
Era de maggio e te cadéano 'nzino,
a schiocche a schiocche, li ccerase rosse...
Fresca era ll'aria...e tutto lu ciardino
addurava de rose a ciento passe...
Era de maggio, io no, nun mme ne scordo,
na canzone cantávamo a doje voce...
Cchiù tiempo passa e cchiù mme n'allicordo,
fresca era ll'aria e la canzona doce...
E diceva: "Core, core!
core mio, luntano vaje,
tu mme lasse, io conto ll'ore...
chisà quanno turnarraje!"
Rispunnev'io: "Turnarraggio
quanno tornano li rrose...
si stu sciore torna a maggio,
pure a maggio io stóngo ccá...
Si stu sciore torna a maggio,
pure a maggio io stóngo ccá."
II
E só' turnato e mo, comm'a na vota,
cantammo 'nzieme lu mutivo antico;
passa lu tiempo e lu munno s'avota,
ma 'ammore vero no, nun vota vico...
De te, bellezza mia, mme 'nnammuraje,
si t'allicuorde, 'nnanz'a la funtana:
Ll'acqua, llá dinto, nun se sécca maje,
e ferita d'ammore nun se sana...
Nun se sana: ca sanata,
si se fosse, gioja mia,
'mmiez'a st'aria 'mbarzamata,
a guardarte io nun starría !
E te dico: "Core, core!
core mio, turnato io só'...
Torna maggio e torna 'ammore:
fa' de me chello che vuó'!
Torna maggio e torna 'ammore:
fa' de me chello che vuó'!"
Di Giacomo - Costa
ESTA'
(Nun voglio fá niente)
Che sole, che sole,
che sole cucente!
E chi vò' fá niente?
E chi pò fá niente?!
Che bella canzone
ca sona 'o pianino...
Mo 'nzerr''o barcone
pe' nun 'a sentí...
Che bella figliola
ca passa p''o vico...
Mo 'a chiammo e lle dico:
"Volete salí!?"
No, no,...cu stu sole,
stu sole cucente,
nun voglio fá niente...
Nun voglio fá niente!
II
Ma, dint''a cuntrora,
che caldo se sente!...
E chi pò fá niente?!
Mo piglio, mme spoglio,
mme 'nfilo 'int''o lietto,
mme leggo nu foglio,
mme metto a fumá...
Ma 'a cámmera 'e lietto
sta troppo luntano...
Cchiù meglio 'o divano:
Nu passo e stó' llá!...
Ma, dint''a cuntrora,
che caldo se sente!...
Nun voglio fá niente!...
III
Che luna, che luna,
che luna lucente!
E chi pò fá niente?...
Mo arrivo â Turretta,
po' torno p''a villa...
Va buó', nun dá retta
mme scoccio 'e vestí...
Che bella canzone
tenevo p''e mmane...
mo veco, dimane,
si 'a pòzzo ferní...
Pecché cu 'sta luna,
'sta luna lucente,
nun voglio fá niente...
Bovio - Valente
ESTATE!
Estate:
p''o cielo turchino,
na nuvola 'e seta,
p''o cielo cammina...
Cammina...
Estate:
campagne e ciardine,
p''o cielo spannite
prufumo e canzone....
Canzone...
'Ncopp''e llogge e p''e mmure,
giesummine a migliare...
sciure 'e tutt''e culure:
comm'è bello a guardá!
Se sente, luntano,
nu sisco 'e vapore...
nu suono 'e campane,
n'auciello in amore...
Carmè', Carmè', Carmè',
cchiù bella è ll'estate,
cchiù doce mme pare,
campanno cu te...
Peppino De Filippo
FACITELA SUNNA'
Comm'a na criaturella abbandunata,
Napule s'è addurmuta sott''e stelle...
Facitela durmí, nun 'a scetate...
facitela durmí, nun 'a scetate...
Duorme, Napule mia...
fatte 'o cchiù bellu suonno...
scétate sulo quanno
torna 'a felicitá...
Mentr'io ca te só' figlio,
te sano sti fferite
cu 'o bbene cchiù carnale
ca ce sta...
II
E nonna nonna...cantano 'e ssirene...
e Napule fa quase nu surriso...
Facitela sunná, nun 'a scetate...
facitela sunná, nun 'a scetate...
Duorme, Napule mia...
fatte 'o cchiù bellu suonno...
scétate sulo quanno
torna 'a felicitá...
Mentr'io ca te só' figlio,
te sano sti fferite
cu 'o bbene cchiù carnale
ca ce sta...
Parlato:
Duorme...duorme Napule mia...
peró, si na matina,
siente 'e vulá pe' dint'a ll'aria
doje note 'e mandulino...
tanno te puó' scetá...
te puó' scetá, Napule mia...
Napule mia...
FACITEME FELICE
Uocchie belle ca lucite
comme luce 'o sole 'e maggio...
mme guardate e nun dicite
si stu core pò campá!
Ricce nire, avvellutate,
ca ve sonno tutt''e nnotte...
vuje mm'avite affatturato...
ch'aggi''a fá pe' mme calmá?
Facíteme felice,
facíteme campá!...
I' senz''e vuje, Marí',
nun pòzzo arrepusá!
II
Quanno fore a 'sta fenesta
io ve veco arracquá 'e rrose,
chistu core mio se resta
n'ora sana pe' guardá...
e mm'avvénce 'a gelusia
dint'a st'anema malata...
penz'ê rrose, bella mia,
furtunate cchiù de me!
Facíteme felice!
..........................
III
Quann''o sole sponta e vasa
sti capille e st'uocchie nire...
Ah, che spina ca mme trase
dint''o core mio, Marí'...
Só' geluso 'e tutte cosa,
pure 'e st'aria ca respiro...
'e stu sole, 'e chesti rrose,
só' geluso assaje, Marí'!
Facíteme felice!
..........................
V. Russo - De Curtis
FANTASIA
E' serenata e nun è serenata,
chesta è na fantasia che mm' è venuta...
Dice che la mia bella sta malata
e i' ca stó' buono, che ce pòzzo fá?!
Ah, ah...
Io tengo sulo a me,
i' voglio bene a me,
e po' a nisciuno cchiù...
Pecché
nisciuno maje mm'ha fatto bene a me!
II
E 'sta chitarra mia s'era addurmuta
e mo 'mpruvvisamente s'è scetata...
Che voce 'e paraviso che mm'è asciuta
cu nu bicchiere 'e vino, 'int'a ll'está!
Ah, ah...
Io tengo sulo a me,
...............................
III
No, nun è overo: chesta è serenata
e só' nu strazio chesti qquatto note...
'o ssaccio, 'o ssaccio pe' chi staje malata
e io prego 'e Sante 'e nun te fá saná!
Ah, ah.....
Io tengo sulo a me,
i' voglio bene a me,
e po' a nisciuno cchiù!
Ma si
tu muore, 'o ssaje ca i' moro appriesso a te!
Finale:
Tu vi' che fantasia che mm' è venuta!
Bovio - Valente
FANTASIA
Janca, cchiù ghianca d''a cera
tu tiene 'sta faccia...Pecché
nun parle, nun cante? Stasera,
si' triste, si' bella,
ma chiagne pe' me!...
Stasera, cu st'uocchie tuoje nire,
mme guarde e suspire...
chisà che vuó' dí!
Marí',
si chiagne 'o core, nun è fantasia...
si tremma 'a voce, nun è na buscía...
E' na malincunia
ca te turmenta...ma nun mm''o vuó' dí!
II
Bella, cchiù bella 'e na fata,
mme pare, stasera, Marí'...
Si tu, pe' stu core si' stata
pe' n'anno sincera,
nun farlo suffrí!
Ma dimme, che sóngo sti ppene?...
Si tu mme vuó' bene,
mme strazie accussí?...
Marí',
......................................................
III
St'uocchie, cchiù belle d''e stelle,
ma comme se sanno spiegá!...
Marí', 'mmiez'ê rrose cchiù belle,
si' 'a cchiù prufumata
ca fa suspirá...
Ma guárdame e di': nun è overo
ca core sincero
pò fá dubitá...
Marí',
......................................................
Nicolò
FATTE FA' 'A FOTO

'A che facimmo 'ammore tutt'e duje,
nun aggio avuto nu ritratto tujo...
Dice ca nun 'o tiene pe' mm''o dá,
ma i' tengo 'o mezzo pronto pe' t''o fá:
Mm'ho comprato una Kodak,
ca 'un appena 'a tocco: Tac!
gira 'a molla, fa nu scatto,
e te caccia nu ritratto...
T''a vuó' fá fá na foto?
T''a vuó' fá fá na foto?
Jammo, fattélla fá, bellezza mia...
Io metto a fuoco e...tá!
tu si' venuta giá...
Fatte fá 'a fò'...
fatte fá 'a fò'...
fatte fotografá!
II
Nuje ce vedimmo quase ogne mumento,
ma chistu fatto nun mme fa cuntento.
'A notte, comme faccio a te vedé,
si nu ritratto nun 'o pòzzo avé?
E perciò cu 'sta Kodak,
metto 'o dito e faccio...Tac!
Chella vène llá pe' llá
e mm''a vaco a sviluppá...
T''a vuó' fá fá na foto?...
.......................................
III
'A primma ca te faje ce pruove gusto:
Di faccia, di profilo...a mezzo busto...
E va a ferní ca po' mme dice a me:
"Una non basta: me ne faccio tre!"
E io stó' pronto cu 'a Kodak,
sempe pronto: Tac, tac!...
Chillo 'o rollo è luongo 'o ssá'...
Dimme: quante ne vuó' fá?
T''a vuó' fá fá na foto?...
.......................................
Pisano - Cioffi
FENESTA CA LUCIVE
Fenesta ca lucive e mo nun luce...
sign'è ca nénna mia stace malata...
S'affaccia la surella e mme lu dice:
Nennélla toja è morta e s'è atterrata...
Chiagneva sempe ca durmeva sola,
mo dorme co' li muorte accompagnata...
II
Va' dint''a cchiesa, e scuopre lu tavuto:
vide nennélla toja comm'è tornata...
Da chella vocca ca n'ascéano sciure,
mo n'esceno li vierme...Oh! che piatate!
Zi' parrocchiano mio, ábbece cura:
na lampa sempe tienece allummata...
III
Addio fenesta, rèstate 'nzerrata
ca nénna mia mo nun se pò affacciare...
Io cchiù nun passarraggio pe' 'sta strata:
vaco a lo camposanto a passíare!
'Nzino a lo juorno ca la morte 'ngrata,
mme face nénna mia ire a trovare!...
Anonimo
FENESTA VASCIA
Fenesta vascia 'e padrona crudele,
quanta suspire mm'haje fatto jettare!...
Mm'arde stu core, comm'a na cannela,
bella, quanno te sento annommenare!
Oje piglia la 'sperienza de la neve!
La neve è fredda e se fa maniare...
e tu comme si' tanta aspra e crudele?!
Muorto mme vide e nun mme vuó' ajutare!?...
II
Vorría addeventare no picciuotto,
co na langella a ghire vennenn'acqua,
Pe' mme ne jí da chisti palazzuotte:
Belli ffemmene meje, ah! Chi vó' acqua...
Se vota na nennella da llá 'ncoppa:
Chi è 'sto ninno ca va vennenn'acqua?
E io responno, co parole accorte:
Só' lacreme d'ammore e non è acqua!...
FRESCA FRESCA
'O sentite stu calore?
Mamma bella...sto squaglianno!
Nun capisco comme fanno
certi ggente a cammená...
Io pe' me passo 'a jurnata
dint'a ll'acqua 'e Margellina...
Mm'alzo a 'e ssette d''a matina
pecché mm'aggi''a renfriscá...
Fresca fresca,
sola sola,
na perzona se cunzola...
Cu sti vveste ca só' asciute,
si guadagna la salute...
Che piacere!
Che godere!...
Com'è bello a respirare
l'aria dorge del mio mare!...
II
Dint''a casa mm'aggio miso
ventitré ventilatore...
Si Mimí vene a fá 'ammore,
io lle dico: "Lassa stá,
Bellu mio, comme te vène
cu stu caldo ch'è n'inferno?!...
ne parlammo 'int'a ll'inverno...
Nun mme voglio riscaldá!"
Fresca fresca,
......................
III
Nella stanza da dormire,
mm'aggio miso doje ghiacciere!
Quann'è 'a sera, che piacere!
comm'è bello a ghí a cuscé...
Come pranzo? Tutti i giorni:
quattro fette di spumone,
na granita di limone,
nu gelato e nu frappè...
Fresca fresca,
......................
Pisano - Lama
FRESCA SPOSA
Dint'a 'sta casarella a Margellina,
ce só' trasuta appena mmaretata:
mme sceta nu pianino ogne matina...
mm'addorme na chitarra 'int''a nuttata...
E ninno mio, ch'è 'o primmo cantatore,
vò' sentere 'e ccanzone pure 'a me...
'E vvote, 'a dint''o suonno,
mme sceta e aggi''a cantá...
si no stu chiappo 'e 'mpiso,
nun mme fa arrepusá...
E che duette, oje má', che paraviso...
fernimmo ogne canzone cu nu vaso!
II
Nun só' tre mise ca nce só' trasuta
dint'a 'sta casa fresca fravecata...
e giá...che saccio, o 'a vesta s'è astrignuta,
oppure chesta vita s'è allargata...
Stu 'mpiso 'e ninno mio, matina e sera,
che sta facenno p'essere papá...
'E vvote, 'a dint''o suonno,
mme sceta e aggi''a cantá...
si no stu chiappo 'e 'mpiso
nun mme fa arrepusá...
e che canzone, oje má', che paraviso!
Mme sento 'e saglí 'ncielo cu nu vaso....
III
Io tengo giá 'o canisto appriparato
cu 'e ffasce, 'e savanielle e tanta cose...
ma appena vène 'o juorno suspirato
nce sfrónno, 'int''o canisto, tanta rose...
Chist'angelo ca vène â casa mia,
voglio ch'addora 'e rose 'mbracci'a me...
Che fa si notte e ghiuorno
nun mme fa cchiù durmí?!
Si chesto ha fatto mamma,
chesto faccio pur'i'!...
E che gran cosa, nèh, quanno mme chiamma...
quanno chiamma: "Mammá..." che bellu nomme!...
Finale:
E quanno 'o sposo mio
vò' sentere 'e cantá,
lle canto 'a canzuncella
p''o fá cchiù cunzulá...
chella che dice: "E nonna, nunnarella...
'o lupo s'ha magnato 'a pecurella..."
Fiore - Ciaravolo
FRIDA
Frida,
t'aggio vuluto bene,
ma doppo tantu bbene,
te si' scurdata 'e me...
Frida,
bastava na parola,
detta 'a 'sta vocca toja,
pe' mme fá cunzulá...
Chiagnarraje accussí lacreme amare,
pagarraje accussí 'o mmale ca mme faje,
tutt''e ppene ca mme daje...
tutt''e ppene ca mme daje...
Frida,
t'aggio vuluto bene,
ma doppo tantu bbene...
te si' scurdata 'e me...
Te si' scurdata 'e me...
Bongusto
FUNICULI' - FUNICULA'
Aisséra, Nanninè', mme ne sagliette,
tu saje addó'...
Tu saje addó'...
Addó', 'sto core 'ngrato, cchiù dispiette
farme nun pò...
Farme nun pò!
Addó' lo ffuoco coce, ma si fuje,
te lassa stá...
Te lassa stá.
E nun te corre appriesso e nun te struje
sulo a guardá...
Sulo a guardá...
Jammo, jammo,
'ncoppa jammo ja'...
Jammo, jammo,
'ncoppa jammo ja'...
Funiculí - funiculá,
funiculí - funiculá...
'Ncoppa jammo ja',
funiculí - funiculá....
II
Nèh jammo: da la terra a la montagna,
no passo nc'è...
No passo nc'è...
Se vede Francia, Pròceta, la Spagna...
e io veco a te!
E io veco a te...
Tiráte co li ffune, ditto 'nfatto,
'ncielo se va...
'Ncielo se va...
Se va comm'a lo viento e, a ll'intrasatto,
gué saglie sá'...
Gué saglie sá'...
Jammo, jammo,
.........................
III
Se n'è sagliuta, oje né', se n'è sagliuta,
la capa giá...
La capa giá..
E' ghiuta, po' è tornata, po' è venuta...
Sta sempe ccá...
Sta sempe ccá...
La capa vota vota attuorno, attuorno,
attuorno a te...
Attuorno a te...
Lo core canta sempe no taluorno:
Sposammo, oje né'...
Sposammo, oje né'...
Jammo, jammo,
.........................
Turco - Denza
FUNTANA A LL' OMBRA

'Sta funtanella,
ca ména 'a tantu tiempo ll'acqua chiara,
ha fatto 'a cchiù 'e nu sèculo 'a cummara:
piccerenella,
venette 'a nonna a bevere, e ce steva
nu figliulillo, a ll'ombra, che 'a vedeva...
E, a ll'ombra, tutt'e duje
accumminciajeno a se parlá cu 'o "vvuje"...
po' ognuno 'e lloro se parlaje cu 'o "ttu"...
E, sempe cumpiacente...
sti ffronne, allegramente,
facevano ciù-ciù...
II
Po' ce venette
pur'io na vota ca stevo arzo 'e sete
e ca cercavo 'e vvie fresche e cujete...
E te vedette
e t'accustaste e mm'accustaje pur'io
e 'o core tujo cercava 'o core mio...
Venèttemo 'a doje strate...
e pe' una, ce sperdèttemo abbracciate
pe' ce vasá, pe' nun ce lassá cchiù...
facevano ciù-ciù...
III
Quant'ate appriesso,
doppo tante e tant'anne venarranno?
quant'ata matremmonie se farranno?
Mo fanno 'o stesso
quase tutt''e ffigliole 'e stu paese
e, 'a sprùcete ca só', po' só' curtese...
E spicialmente 'a 'state,
aspettano 'e figliule 'nnammurate...
e 'sta funtana attacca 'a giuventù!
farranno stu ciù-ciù...
E. A. Mario
FURTURE'
Tien''a vetélla
comm''a vucchella,
Furturè'....
Piccerenèlla,
piccerenèlla,
Furturè'...
Che dice, che faje?
che pienze...mm''a daje?
Furturè'...
Io mo moro, mo moro, mo moro, mo moro,
mo moro, mo moro, mo moro, mo moro...
pe' te...
Eh - eh - eh - eh...
Uh, quanto è bello a fá 'ammore cu te!...
Ah - ah - ah - ah - ah...
Uh, quanta vote te voglio vasá!...
Eh - eh - eh - eh - eh...
Uh, quant'è bello a fá 'ammore cu te!...
Ah - ah - ah - ah - ah...
Uh, quanta vote te voglio vasá!...
II
'Sta bella schiòcca
de rose scicche,
Furturè'...
ca tiene 'mmocca,
chisà a chi attocca,
Furturè'...
Che dice, che faje...
.................................
III
'Sta bionda trezza
chiena 'e bellizze,
Furturè'...
mme fa ascí pazzo,
guardá nun pòzzo...
Furturè'...
.....................
IV
Miette 'sta mana,
ca tocca e sana,
Furturè'...
'ncopp'a 'sta spina,
ca mm'arruvina...
Furturè'...
.....................
Cinquegrana - Gambardella
GENTE
Gente,
magnifica gente,
chi tanto e chi niente,
e nuje stammo a guardá...
Gente,
magnifica gente,
di questa cittá...
Gente,
che aiuta la gente,
se non cerca niente,
nun parla e se sta...
Gente,
magnifica gente,
di questa cittá...
Ma p''e guagliune
ca guardano 'ncielo
e nun pònno parlá....
Ma...
pe' sti guagliune
nu filo 'e speranza
dimane ce sta...
Ma...
pe' sti guagliune
ch'aizano 'e bbracce
e se vònno salvá...
Ah...
ci sta tutta
la magnifica gente
di questa cittá...
II
Gente,
magnifica gente,
vicina e distante
dalla nostra realtá...
Gente,
magnifica gente,
di questa cittá...
Gente,
che vede e che sente,
e fa finta di niente,
pe' nun se spurcá...
Gente,
magnifica gente,
di questa cittá...
Ma p''e guagliune
che toccano 'o ffuoco
e se pònno abbrusciá...
Ma...
pe' sti guagliune
che stanno criscenno
e se vònno 'mpará....
Ma...
pe' sti guagliune
ch'aizano 'e bbracce
e se vònno salvá...
Ah...
ci sta tutta
la magnifica gente
di questa cittá....
III
Gente,
magnifica gente,
elegante e potente,
ma 'sta gente che fa?...
Gente,
che ama la gente...
'sta gente addó' sta?
Gente,
magnifica gente,
vicina e distante
dalla nostra realtá...
Gente,
magnifica gente
di questa cittá...
Gente,
che vede e che sente
e fa finta di niente
pe' nun se spurcá...
Gente,
magnifica gente
di questa cittá...
Gente,
magnifica gente
magnifica gente
magnifica gente
magnifica gente
magnifica gente
magnifica gente
.........................
.........................
.........................
Claudio Mattone
GIACCA ROSSA
Che smania, che freva,
'sta giacca, stu segno 'e russetto...
Sultanto na notte,
sapisse che male mm'ha fatto!
Torna, core 'e stu core...
pe' n'ata vota ancora
te voglio abbracciá...
Giacca rossa 'e russetto...
quanta cose mme faje ricurdá!
Maje na vota mm'ha scritto...
giacca rossa 'e russetto addó' sta?
Tutt''e ssere ll'aspetto
cu 'a speranza ca dice: "Stó' ccá!..."
Giacca rossa,
tu mme faje chiagnere
senza lacreme
appriesso a te...
Tutt''e ssere ll'aspetto
cu 'a speranza ca dice: "Stó' ccá!..."
Giacca rossa,
tu mme faje chiagnere
senza lacreme
appriesso a te..
GIURAMENTO
Mare!
Nu vapore s''a purtaje
chella sera ca giuraje...
Voce: Io torno, aspèttame, nun te scurdá...
Mare!
Ogne sera ca te veco,
d''e pparole sento ll'eco:
Ma 'e mise passano, ch'aspetto a fá?...
Comme te puó' scurdá
ca t'aggio amata?!
Comme se pò sbagliá
pe' tutt''a vita?!
E si nun vuó' penzá
ê giuramente ca facive a me,
comme te puó' scurdá
ca t'aggio amata,
si aggio perduto 'a vita mia pe' te?!
II
Mare!
Dint''e llettere cchiù ardente,
mme ripete 'e giuramente:
Mare!
Si tu saje ca nun è overo,
levammella da 'o penziero...
O 'a strada 'mpárale p''a fá turná...
Comme te puó' scurdá
ca t'aggio amata...
.............................
Finale:
Mare!
Nu vapore s''a purtaje
luntano 'a me!
G. Russo - Vian
GIUVANNE CU 'A CHITARRA

'A sera, 'ncopp''e viche,
cu 'a chitarra, scenne pe' Tulèto...
Tene 'a cravatta gialla
e na giacchetta cu 'a spaccata arreto...
'E scarpe a varchetella
e nu cazone fatto a zompafuosso...
e chi s'avota 'a ccá...
e chi s'avota 'a llá...
guardánnolo 'e passá...
'O chiámmano Giuvanne cu 'a chitarra...
pecché sape cantá tutt''e ccanzone.
E' stato 'nnammurato 'e na figliola
che ll'ha lassato miezo scumbinato...
E porta 'e sserenate a 'e 'nnammurate:
pe' ciento lire canta "Anema e core",
pe' cincuciento fa ll'americano:
s'arrangia a 'mpapucchiá "Johnny Guitar"...
e pare 'o pazzariello d''e ccanzone!
II
Na sera fuje chiammato,
pe' na festa, sott'a nu balcone
ô vico Scassacocchi...
Primmo piano, 'ncopp'a nu lampione:
'a mana lle tremmaje
'sta serenata jéva a Margarita...
cu 'sta chitarra ccá,
tu mo che cante a fá?
pe' chi se vò' spassá?
pecché sape cantá tutt''e ccanzone.
'A cumitiva allèra e ll'emozione
'o fa cantá, chiagnenno, "Core 'ngrato"...
Pe' chistu pretendente ammartenato
mo cade nu biglietto appassiunato...
e s'arricorda, quanno da 'o balcone,
cadevano cucozze e 'nfamitá...
E canta po' Giuvanne cu 'a chitarra
cu 'a vocca amara e cu na funa 'nganna...
Finalino:
Na sera pe' Tuleto
n'ombra scura saglie 'a copp''e viche...
Giuvá' che ce vuó' fá?
'a vita è chesta ccá:
cucozze e 'nfamitá!
Oliviero - Canzio
GRARELLE 'E POSITANO

Grarélle 'e Positano,
vuje ca v'arrampecate 'mmiez'ô vverde,
vuje ca tuccate 'nzieme 'o cielo e 'o mare
e mme facite sbattere stu core....
ca ve stennite, a ghiuorno, sott''o sole
e v'addurmite, 'a sera, 'nfunn'ô mare,
pigliáteve stu palpito d'ammore
ca vò' smaniá p''o vverde d''e ciardine,
se vò' 'ncantá
pe' ll'oro d''e llimone
e se vò' tappezzá
cu 'e rrose, 'int'a ll'está'...
facitelo 'mbriacá cu 'sta canzone
ca sape d'erba 'aruta e addora 'e mare...
purtátelo, cu vuje, 'mbracci'a ll'ammore...
Si vò' sunná,
saglitavillo 'ncielo...
si vò' cantá,
purtatavillo a mare...
grarélle 'e Positano!
S. Tolino - A. Ferraro
GUAGLIONE
Staje sempe ccá, 'mpuntato ccá,
'mmiez'a 'sta via,
nun mange cchiù nun duorme cchiù
che pecundría!
Gué piccerí' che vène a dí
'sta gelusia?
Tu vuó' suffrí,
tu vuó' murí,
chi t''o ffá fá...
Curre 'mbraccio addu mammá,
nun fá 'o scemo piccerí'...
dille tutt''a veritá
ca mammá te pò capí...
E passe e spasse sott'a stu barcone,
ma tu si' guaglione...
Tu nun canusce 'e ffemmene,
si' ancora accussí giovane!
Tu si' guaglione!...
Che t'hê miso 'ncapa?
va' a ghiucá 'o pallone...
Che vònno dí sti llacreme?...
Vatté', nun mme fá ridere!
Curre 'mbraccio addu mammá,
nun fá 'o scemo piccerí'...
Dille tutta 'a veritá
ca mammá te pò capí...!
II
Nun 'e ppittá, nun 'allisciá
sti mustacciélle...
Nun cerca a te, nun só' pe' te
chill'uocchie belle...
Nun 'a penzá, va' a pazziá
cu 'e guagliunciélle...
Nun t'avvelí,
c'è tiempo oje ni',
pe' te 'nguajá!
Chi desidere 'e vasá,
scordatélla, piccerí',
ca si 'o ddiceno a papá,
chisá comme va a ferní...
E passe e spasse sott'a stu barcone,
.........................................................
Finale:
Staje sempe ccá, 'mpuntato ccá,
'mmiez'a 'sta via...
Nun mange cchiù, nun duorme cchiù...
chi t''o ffá fá!...
Nisa - Fanciulli
GUAPPARIA
Scetáteve, guagliune 'e malavita...
ca è 'ntussecosa assaje 'sta serenata:
Io sóngo 'o 'nnammurato 'e Margarita
Ch'è 'a femmena cchiù bella d''a 'Nfrascata!
Ll'aggio purtato 'o capo cuncertino,
p''o sfizio 'e mme fá sèntere 'e cantá...
Mm'aggio bevuto nu bicchiere 'e vino
pecché, stanotte, 'a voglio 'ntussecá...
Scetáteve guagliune 'e malavita!...
II
E' accumparuta 'a luna a ll'intrasatto,
pe' lle dá 'o sfizio 'e mme vedé distrutto...
Pe' chello che 'sta fémmena mm'ha fatto,
vurría ch''a luna se vestesse 'e lutto!...
Quanno se ne venette â parta mia,
ero 'o cchiù guappo 'e vascio â Sanitá...
Mo, ch'aggio perzo tutt''a guapparía,
cacciatemmenne 'a dint''a suggitá!...
Scetáteve guagliune 'e malavita!...
III
Sunate, giuvinò', vuttàte 'e mmane,
nun v'abbelite, ca stó' buono 'e voce!
I' mme fido 'e cantá fino a dimane...
e metto 'ncroce a chi...mm'ha miso 'ncroce...
Pecché nun va cchiù a tiempo 'o mandulino?
Pecché 'a chitarra nun se fa sentí?
Ma comme? chiagne tutt''o cuncertino,
addó' ch'avess''a chiagnere sul'i'...
Chiágnono sti guagliune 'e malavita!...
Bovio - Falvo
GUAPPO? NO!
Guappo? No! Nun sóngo guappo...
ma si stóngo fatto a vino,
quacche sera ca t'acchiappo,
faccio overo 'o malandrino.
E te dico: "Ccá stóngo i',
si pe' st'uocchie aggi''a murí,
si pe' te mm'aggi''a danná,
figlia mia, t''o ppuó' scurdá...
Io só' giovane e só' forte
e mm'appícceco cu 'a morte
pe' campá!"
II
Tu si' bella e nun mme siente...
Io só' brutto!...E pe' fá 'o bello
mme 'mbriaco e, si mme tiente,
t'accarezzo cu 'o curtiello!
E po' dico: "Ccá stóngo i'...
si pe' te mm'aggi'a danná,
figlia mia, t''o ppuó' scurdá!
Io t'accido! E nun mme 'mporta...
ca te voglio pure morta
'mbraccio a me!"
III
Guappo? No! Nun sóngo guappo
e nun stóngo fatto a vino:
Cchiù te tremmo e mme ne scappo,
cchiù te sento e mm'avvicino...
E te dico: "Stóngo ccá...
si pe' te mm'aggi''a danná,
io só' pronto a dí ca sí!
'Nnanze a te nun faccio 'o forte
e si vuó', mm'abbraccio 'a morte
pe' murí!..."
Fiore - Tagliaferri
GUI' GUI'
'O Visuvio, Carmenè',
tèh, guarda guá'..
te fa 'ncantá...
Siente 'o mare attuorno a te
murmuliá...
murmuliá...
Llá na tavula 'e Francise
e ccá nuje, a "visaví"...
Stu Pusilleco mm'ha miso
'o Ffrancese 'mmócc'a me:
Mussiù, scianté
appriess'a me:
Guí!
Mme piáciono 'e maccaròn!
guí, guí, guí, guí...
Mme piace pasta e fasòl!
La fatica a me non mi sòna!
Viva Napoli e Parí'...
II
Vide comme 'nfacci'a te,
vicino a te,
'a copp'a te,
ride 'a luna Carmenè'!
vò' pazziá
'a còppo llá...
Nun t''a siente n'allería
dint''o core pure tu?
sti cchitarre ch'armunia!
Ce se 'ncantano 'e mussiù...
Mussiù, mussiù,
mussiù, mussiù...
Guí!
.............................................
III
I' mme sento 'e friccecá...
'e pezzecá,
'e muzzecá...
Mme sapisse tu spiegá
nèh, che sarrá?
fatte cchiù ccá!
Carmenè', ch''a vita passa
e vedimmo 'e ce 'a gudé...
Si ne lieve 'a panza e 'o spasso,
che ce resta, pe' sapé!?
Nèh, pe' sapé,
oje Carmenè'...
Guí!
.............................................
Guarino - Gambardella
HANN' 'A TURNA'

Oggigiorno, tutt''e viecchie,
fanno 'e scicche e 'e zerbinotte;
se capisce, dato il tempo...
fanno lloro,
fanno lloro 'e giuvinotte...
Chi te pizzeca p''a strata,
chi te dice 'a parulella,
chi te manna na 'mmasciata...
tutto chesto, nèh, pecché?
Pecché manca 'a giuventù!
Hann''a turná
sti surdatielle nuoste!
Tanno vulimmo fá na bella festa...
Dicimmo: "Unò - dué...
oje surdatiello mio,
ménate 'mbracci'a me!..."
II
Nu vicchiotto canta e, attuorno,
ll'ati viecchie fanno 'o coro:
luna, ammore e serenate,
só' fernute,
só' fernute 'mmano a lloro!
E se tégnono 'e capille
sopracciglie e mustaccielle
pe' paré cchiù piccerille
ma 'nsustanza ch'hann''a fá?!
si lle manca 'a giuventù?!
Hann''a turná
...................................
III
'Ncopp''o bagno, stammatina,
se presenta nu vavóne
e mme dice: "Se volete,
profittate,
profittate 'e ll'occasione!"
Vicchiarié', va' te refunne!
Vicchiarié', ménate a mare!
E' venuta 'a fin''o munno
cu nu viecchio 'e chisti ccá,
senza fuoco 'e giuventù...
Hann''a turná
..................................
Capaldo - Feola
HO COMPRATO LA CACCAVELLA
Ho comprato la caccavella,
ho comprato la caccavella...
la caccavella...
Per l'amore della mia bella,
per l'amore della mia bella...
della mia bella!
Se la luna mi guarda e balla
con quel viso di pastafrolla...
di pastafrolla...
Me ne infischio pure di quella...
Canto questa serenatella
alla mia bella...
Dimme, dimme, chi t'ha fatto,
chi ha commesso stu delitto...
Io só' cotto, só' stracotto:
faccio ll'uocchie 'e pesce fritto!...
Pure 'a notte, dint''o lietto,
mm'arrevoto, zompo e scatto...
Io pe' te mme comprometto!
Parola d'onor...
Parola d'onor!...
II
Sóngo stato da lu curato,
sngo stato da lu curato...
Gli ho confessato
che, per colpa della mia bella,
io mme sfogo cu 'a caccavella!
Cu 'a caccavella...
Mm'ha risposto lu buon curato
"Tu, fratello, sei rovinato...
tu sei inguajato:
nell'amore ci vuol pazienza,
devi fare la penitenza:
tre giorni...senza...!"
Finalino:
Si tu vuó' te dóngo tutto:
pure 'o core ca sta 'mpietto
io t''o metto dint''o piatto,
Domenicantò'...
Domenicantò'...
============
Nella versione di Nino Taranto:
Dimme dimme chi t'ha fatto...
io per te stó' sempre afflitto,
'o vestito, ch'era stretto,
mo è cchiù largo d''o cappotto...
Damme damme nu bacetto...
comme fosse nu biscotto,
io mme mastico 'o rrussetto,
parola d'onor...
Parola d'onor...
Pe' st'ammore faccio tutto:
faccio 'o ladro e 'o poliziotto,
faccio 'o fesso e 'o farabutto,
piglio i numeri per il lotto...
Piglio la rogna e me la gratto,
mi fo crescere lu pizzetto,
vado a spasso con un gatto,
ballo la samba a capa sotto...
Se mi metti nu cornetto,
se mi chiamano merlotto,
só' Cornelio e mme stó' zitto,
Carlo Mazza e mme ne fotto...
Ci sposiamo con un patto:
che se nasce nu pupetto
io lo cresco e mme ll'allatto...
Parola d'onor...
Parola d'onor...
Parola d'onor...
Concina
I DUE GEMELLI
Tu si’ nata pe’ te mmaretá,
pecché si’ femmena...
Io só’ nato pe’ mme spusá a te...
pecché só’ másculo...
E mme ll’hê 'a fá passá chistu gulío:
Io mme piglio a te,
tu te piglie a me...
tesoro mio...
Io benedico a mámmeta,
ca se spusaje a páteto,
e te facette nascere
pe’ fá felice a me...
E voglio duje gemelle
belle, belle, belle, belle...
'o maschio e 'a femmenella
'A nennélla tale e quale a te...
'O nennillo tale e quale a me...
II
Na figlióla bella comm’a te,
nun pò cchiù nascere...
'Mmiez’a tutt’’e bbelle saje che si’?
'A meglia 'e Napule!
Pirciò famme passá 'sta pecundría,
jammo, dice si’...
nun mme fá murí,
sciascióna mia...
Io benedico a mámmeta
.......................................
III
Chesto t’’o ddicevo n’anno fa...
mo si’ muglierema...
E si’ nata pe’ mme fá schiattá...
'nfamóna 'e femmena!
Ma si mme piglia 'ncapa 'a pazzaría
io te sciacco a te...
o tu sciacche a me...
parola mia...
Io strafucasse a mámmeta
ca se spusaje a páteto
e te facette nascere
pe’ fà infelice a me...
Mm’hê fatto duje gemelle
'O maschio e 'a femmenella
'O guaglione, brutto comm’a che!
'A guagliona, cchiù carogna 'e te!
Finale:
Ma comme io dico: páteto,
se va a 'ncuntrá cu mammeta...
Se sposano e cumbinano
stu ddiece 'e guajo a me?!...
Mm’hê fatto duje gemelle
..........................................
Pisano - Cioffi
I’ MM’ ARRICORDO 'E TE

I’ mm’arricordo 'e te,
quanno stó’ vicino ô mare...
Quanno ll’onna, chianu chiano,
vasa 'a rena e po’ scumpare...
E po’ torna a s’’a vasá...
Lucia, Lucí’...
A quínnece anne mme diciste “Sí!”
II
quanno 'o sole è penetrante
e se 'mmira 'ncopp’a ll’acqua...
Chelli luce 'e diamante,
fanno male d’’e gguardá...
Lucia, Lucí’...
A sídece anne mme diciste “Sí!”
III
quann’è doppo ch’ha chiuvuto
e mme trovo p’’a campagna...
Sento 'addore d’’a salute,
sento 'a vita...’a giuventù...
Lucia, Lucí’...
e mo pecché nun dice ancora “Sí?!”
G. B. De Curtis - E. De Curtis
I' TE VURRIA VASA'

Ah! Che bell'aria fresca...
Ch'addore 'e malvarosa...
E tu durmenno staje,
'ncopp'a sti ffronne 'e rosa!
'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!
I' te vurría vasá...
ma 'o core nun mm''o ddice
'e te scetá...
'e te scetá!...
I' mme vurría addurmí...
I' mme vurría addurmí...
vicino ô sciato tujo,
n'ora pur'i'...
n'ora pur'i'!...
II
Tu duorme oje Rosa mia...
e duorme a suonno chino,
mentr'io guardo, 'ncantato,
stu musso curallino...
E chesti ccarne fresche,
e chesti ttrezze nere,
mme mettono, 'int''o core,
mille male penziere!
............................
III
Sento stu core tujo
ca sbatte comm'a ll'onne!
Durmenno, angelo mio,
chisà tu a chi te suonne...
'A gelusia turmenta
stu core mio malato:
Te suonne a me?...Dimméllo!
O pure suonne a n'ato?
............................
V. Russo - Di Capua
INDIFFERENTEMENTE
Tramonta 'a luna...
e nuje, pe' recitá ll'ùrdema scena,
restammo mane e mane,
senza tené 'o curaggio 'e ce guardá...
Famme chello che vuó'
indifferentemente,
tanto 'o ssaccio che só':
pe' te nun só' cchiù niente!...
E damme stu veleno,
nun aspettá dimane...
ca, indifferentemente,
si tu mm'accide nun te dico niente.
II
E ride pure,
mentre mme scippe 'a pietto chistu core!?...
Nun sento cchiù dulore
e nun tengo cchiù lacreme pe' te...
Famme chello che vuó'
......................................
Finale:
...e indifferentemente
io perdo a te!...
U. Martucci - S. Mazzocco
INDIFFERENZA
Nun mme canusce cchiù?...Pecché ch'è stato?...
A me mme pare ca só' tale e quale!
Nun só' cchiù ardente comme p''o ppassato
ma, certamente, nun te voglio male!...
Primma mme 'ntussecavo 'a vita mia
e mo mm''a piglio cu filosofía...
Cade 'o munno?
E che mme 'mporta?!
More 'a gente?
E ch'aggi''a fá!?...
Si' scuntenta?
E chell'è 'a porta...
Si' cuntenta?
E statte ccá!
Va' gioja bella...
Nun mme 'mporta 'e niente:
Io mme só' fatto
'o primmo 'ndifferente!
II
E pássate na mano p''a cuscienza
e penza a quanta tuósseco mm'hê dato!...
Dice: "Ma mo ched è st'indifferenza?"
"E' forse 'o segno ca mme só' stracquato!"
Si 'o pugne cu na spíngula stu core...
io credo ca nun sente cchiù dulore.
Cade 'o munno?
..........................
III
T'odio? E pecché? Sarría troppa fatica...
Po' che mm'hê fatto?...Nun mm'hê fatto niente!
Mo faccio 'o cunto ca tu si' n'amica
ca voglio bene 'ndifferentemente!...
'O bbi' st'ánema mia ch'è addeventata?
Eppure quanto...quanto t'aggio amata!
Cade 'o munno?
..........................
Bovio - Nardella
IO, MAMMETA E TU
Ti avevo detto, dal primo appuntamento,
'e nun purtá nisciuno appriesso a te...
Invece mo nu frato,
na sora, na nepote...
sola nun staje na vota:
ascimmo sempre a tre!
E mi hai promesso: "Domani chi lo sa...
vengo io soltanto...soltanto con mammá!..."
Io, mámmeta e tu...
passiammo pe' Tuledo,
nuje annanze e mámmeta arreto...
Io mámmeta e tu...
Sempe appriesso,
cose 'e pazze:
chesta vène pure ô viaggio 'e nozze...
Jamm'ô cinema, a abballá...
si cercammo 'e ce 'a squagliá,
comm'a nu carabiniere
chella vène a ce afferrá...
Ah...Ah...Ah...
ma, 'nnammurato,
só' rassignato:
Non reagisco più...
Io, mámmeta e tu!...
Io, mámmeta e tu!...
II
Ma San Gennaro mm'aveva fatto 'a grazia:
ll'ata matina nun ll'ha fatta aizá:
Teneva ll'uocchie 'e freve,
pareva ca schiattava,
io quase mme credevo
d'ascí sulo cu te...
Nu filo 'e voce, però, truvaje mammá:
"Da 'a piccerella ve faccio accumpagná..."
Io, sòreta e tu...
Jamm'ô bar ô Chiatamone:
"Vuó' 'o cuppetto o vuó' 'o spumone?"
"Chello ca costa 'e cchiù!"
Pe' ricordo 'e 'sta jurnata,
dint''a villa, ce hanno fatt''a foto...
Vò' 'o pallone, vò' 'o babbá
nun se fida 'e cammená...
guardo a essa, guardo 'o mare...
stó' penzanno 'e ce 'a mená...
Ah...Ah...Ah...
ma, 'nnammurato,
só' rassignato...
non regisco più...
Io, sòreta e tu!...
Io, sòreta e tu!...
III
Ammore mio, staje sempe cu 'e pariente...
chesta famiglia mme pare na tribù...
Arrivano 'a Milano,
arrivano 'a ll'Oriente...
e tutta chesta gente
sta sempe attuorno a me...
Na vecchia zia ca steva a Cefalù,
venuta ccá, nun se n'è ghiuta cchiù...
Io, zíeta e tu...
poverina, è sofferente,
ogne tanto, nu svenimento...
io, zíeta e tu...
Ll'uovo frisco, 'a muzzarella,
cammenammo sulo in carrozzella...
Stó' pavanno 'a ccá e 'a llá...
'E denare chi mm''e ddá?!
O te lasso o, fra nu mese,
stó' cercanno 'a caritá!...
Ah...Ah...Ah...
tu mm'hê 'nguajato...
mme sposo a n'ata,
nun ve veco cchiù...
Mámmeta, sòreta e tu...
páteto, fráteto e tu...
nònneta, zíeta e tu...
páteto, fráteto, nònneta,
sòreta, sòreta, zíeta,
zíeta, páteto, páteto,
fráteto, fráteto, nònneta...
nònneta, páteto...'o cane...
...Scusate giuvinò', io só' 'a bisnonna...
só' turnata proprio mo da 'o 'spitale...
Aaaaaaahhhhhh!!!!!
Pazzaglia - Modugno
IO, NA CHITARRA E 'A LUNA

Vatténne core mio, vatténne sulo
p''e vvie sulagne...
Chisá te cagne mo ca si' figliulo,
chisá te cagne...
E, giá ca tu si' nato cantatore,
va' e canta si staje triste o 'e buonumore:
Canta pe' te...
Canta pe' te...
e nun chiammá a nisciuna:
Tu, na chitarra e 'a luna!
II
E nun te fá vení 'a malincunía
p''e vvie ca sanno
chi, pe' 'nganná, veneva 'ncumpagnia
cu me cantanno...
E, si mme tremma, 'ncopp''e ccorde, 'a mano...
siéguete a cammená: Va' cchiù luntano!
Canta pe' te...
Canta pe' te...
senza penzá a nisciuna:
Tu, na chitarra e 'a luna!
III
E si truove a quaccuno e dice: "E comme,
tu sulo? E chélla?"
E si te dice 'e chélla pure 'o nomme,
tu, scordatélla!
E si chistu quaccuno fosse 'Ammore
cágnate nomme e di': "State in errore:
Canto pe' me,
canto pe' me,
nun voglio cchiù a nisciuna:
Io, na chitarra e 'a luna!..."
E. A. Mario
LA CAMMESELLA
Lui: E lèvate 'o mantesino!
Lei: 'O mantesino, gnernò, gnernò!
Lui: E lèvate 'o mantesino!
Lei: 'O mantesino, gnernò, gnernò!
Lui: Si nun t''o vuó' levá,
mme sóso e mme ne vaco da ccá!
Si nun t''o vuó' levá,
mme sóso e mme ne vaco da ccá!...
Lei: E tèh, mme ll'aggio levato,
Ciccillo, cuntento, fa' chello ca vuó'...
E tèh, mme ll'aggio levato,
Ciccillo, cuntento, fa' chello che vuó'...
Sia benedetta mámmema,
quanno mme maritò.
Lui: Sia benedetta mámmeta,
quanno te maritò.
II
Lui: E lèvate 'a vesticciolla,
.........................
III
Lui: E lèvate 'o suttanino,
......................
IV
Lui: E lèvate stu curzetto,
......................
V
Lui: E lèvate 'a cammesella,
.......................
VI
Lui: E damme, Ceccè', nu vasillo,
........................
Melber - Stellato
LA GROTTA AZZURRA
Jammo, nennélla mia...
giá la varchetta è pronta.
'Sto core è n'allegría
te dice: "Viene, vié'..."
e dint''a Grotta Azzurra
haje da vení co' me!
II
Vide, tra li ccampagne,
Meta, Sorriento e Vico...
de Massa li mmontagne,
sfílano 'nnanze a te...
E dint''a Grotta Azzurra
t'abbracciarraje co' me!
III
Mo ca te tengo a lato,
'ncopp'a 'sta varca mia
pare ca mo só' nato
lo cielo pe' godé...
Jammo a la Grotta Azzurra...
voglio morí co' te!
IV
Acálate no poco:
stentato è lo passaggio!
Jarría dint'a lo ffuoco
pe' stá vicino a te...
Chest'è la Grotta Azzurra
non haje cchiù che bedé!
LA PALUMMELLA
Palummella, zompa e vola
addó' sta nennélla mia...
Non fermarte pe' la via
vola, zompa a chella llá...
Co' li scelle,
la saluta...
falle festa,
falle festa
attuorno attuorno...
e ll'hê 'a dí
ca, notte e ghiuorno,
io stó' sempe,
io stó' sempe
a sospirá...
II
Palummella, vola vola
a la rosa de 'sto core...
Non ce sta cchiù bello sciore
che t'avesse da piacé...
'A ll'addore,
ca tu siente...
'a chill'uocchie,
'a chill'uocchie,
'a chillo riso...
credarraje,
ca, 'mparaviso,
tu si' ghiuta...
tu si' ghiuta...
oje palummé'!
III
A lu labbro curallino,
palummé' va' zompa e vola...
'ncopp'a chillo te cunzola
e maje cchiù non te partí!...
Ma si vide
ca s'addorme...
e te vène,
e te vène,
lo tantillo...
tu ll'azzecca
no vasillo...
e pe' me,
e pe' me,
n'auto porzí!
Bolognese
LA PANSE'
Ogni giorno cambi un fiore
e lo appunti in petto a te...
Stamattina, sul tuo cuore,
ci hai mettuto una pansé...
E perché ce l'hai mettuta?
se nun sbaglio l'ho capito...
Mi vuoi dire, o bella fata,
che tu pensi sempro a me...
Ah!....
Che bella pansé che tieni,
che bella pansé che hai...
me la dai?
me la dai?
me la dai la tua pansé?
Io ne tengo un'altra in petto
e le unisco tutt'e due:
Pansé mia e pansé tua...
in ricordo del nostro amor!
II
Questo sciore avvellotato,
tanto caro io lo terrò...
Quando si sará ammosciato,
io me lo conserverò....
Ci ha tre petali, tesoro,
e ogneduno ci ha un pensiero...
sono petali a colori:
uno giallo e due marrò...
Ah!...
Che bella pansé che tieni...
............................................
III
Tu sei come una fraffalla
che svolacchia intorno a me...
Poi ti appuoi sulla mia spalla
con il pietto e la pansé...
Io divento un mammalucco,
poi ti vaso sulla bocca
e mi sembra un tricchi-tracco
questo vaso che do a te!
Ah!...
che bella pansé che tieni...
...........................................
Pisano - Cioffi
LA TARANTELLA
Jammo a bedere 'nterr'a la rena
mentre ca spánfia la luna chiena,
ch'è notte e pare fosse matina...
li piscature de Margellina,
ca te cumbinano, friccicarella,
la tarantella, la tarantella...
Ca te cumbinano, friccicarella,
la tarantella, la tarantella....
E tiritùppete - ttùppete - ttùppete
ttùppete - ttùppete - ttùppete - ttù...
e tiritùppete - ttùppete - ttùppete
la tarantella la llara lla llá....
II
N'ommo e na femmena 'mmiezo se fanno
a fá rociello la gente stanno...
ma co' malizia, lo pescatore,
mentre ch'abballa sa fá ll'ammore...
Non è sortanto pazziarella
Non è sortanto pazziarella
......................................................
III
Isso la 'nvita, chella è scornosa,
po' fa la spruceta, po' n'è gelosa,
po' nc'è ll'appicceco, 'nguerra se stace...
po' s'addenocchiano, po' fanno pace...
Tutta specifica, políta e bella,
Tutta specifica, políta e bella,
.....................................................
IV
Ah, vorria essere no marenaro
e chillo spasso, ch'è tanto caro,
'mmiez'a 'sta Chiaja, ch'è 'no piacere,
nce pigliarríamo tutte le ssere...
Po' vedarrisse si nun è bella,
la tarantella, la tarantella!...
Po' vedarrisse si nun è bella,
la tarantella, la tarantella!...
E tirituppete - ttùppete - ttùppete
.....................................................
Florimo - De Lauzieres
LACREME NAPULITANE
Mia cara madre,
sta pe' trasí Natale,
e a stá luntano cchiù mme sape amaro....
Comme vurría allummá duje o tre biangale...
comme vurría sentí nu zampugnaro!...
A 'e ninne mieje facitele 'o presebbio
e a tavula mettite 'o piatto mio...
facite, quann'è 'a sera d''a Vigilia,
comme si 'mmiez'a vuje stesse pur'io...
E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!
II
Mia cara madre,
che só', che só' 'e denare?
Pe' chi se chiagne 'a Patria, nun só' niente!
Mo tengo quacche dollaro, e mme pare
ca nun só' stato maje tanto pezzente!
Mme sonno tutt''e nnotte 'a casa mia
e d''e ccriature meje ne sento 'a voce...
ma a vuje ve sonno comm'a na "Maria"...
cu 'e spade 'mpietto, 'nnanz'ô figlio 'ncroce!
.......................................................
III
Mm'avite scritto
ch'Assuntulella chiamma
chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
facítela turná chella "signora".
Io no, nun torno...mme ne resto fore
e resto a faticá pe' tuttuquante.
I', ch'aggio perzo patria, casa e onore,
i' só' carne 'e maciello: Só' emigrante!
.......................................................
Bovio - Buongiovanni
LARIULA'
(Duetto)
Lui: - Frutto 'e granato mio, frutto 'e granato,
quanto t'aggio stimato a tiempo antico!
Tiénete 'o muccaturo arricamato,
tutta 'sta rrobba mia t''a benedico...
Lei: - Quanto si' bello e quanto si' curtese!
io t'ero indifferente e mo se vede;
tècchete 'o muccaturo 'e seta ingrese...
fossero accise ll'uommene e chi 'e ccrede!
Insieme: - Fossero accise ll'uommene ('e ffemmene)
e chi 'e ccrede!...
Ah, lariulá,
lariu - lariu - lariulá...
Ll'ammore s'è addurmuto
nun 'o pòzzo cchiù scetá...
Ah, lariulá,
lariu - lariu - lariulá...
Ll'ammore s'è addurmuto
nun 'o pòzzo cchiù scetá...
II
Lui: - E quanno è chesto, siente che te dico:
Io faccio 'ammore cu na farenara;
tène nu magazzino 'int'a nu vico,
ll'uocchie ca tène só' na cosa rara...
Lei: - E quanno è chesto: Io pure faccio 'ammore
e a n'atu ninno mo tengo 'o penziero...
s'erano date a fuoco ánema e core:
mme só' raccummannata a nu pumpiere...
Insieme: - Mme só' raccumannata/o a nu pumpiere...
Ah, lariulá
.................
III
Lui: - Ah, vocca rossa comm'a nu granato!
Chi 'o ssape 'o tiempo antico si è fernuto?...
Chello ch'è certo è ch'io stó' frasturnato,
e 'o sapore d''o ppane aggio perduto!
Lei: - Si' stato sempe bello e 'ntussecuso,
e pure, siente, vide che te dico,
nun mme ne 'mporta ca si' furiuso:
voglio campá cu te, murí cu tico!...
Insieme: - Voglio campá cu te murí cu tico!...
Ah, lariulá
................
Di Giacomo - Costa
LASSAMMOCE, MARI'!
Sí capisco ca ll'ammore
passa e 'o tiempo 'o fa cagná
e ca resta dint''o core
nu ricordo 'e falsitá...
Ma però, si se vò' bene
tanto e cu sinceritá,
nun ce sta tiempo ca vène
ca st'ammore fa scurdá...
Che t'aggi''a dí?
fa' chello che vuó' tu...
nun voglio cchiù suffrí...
lássame 'mpace.
Che pòzzo fá?
lassámmoce accussí,
si nun mme saje cchiù dí
parole doce...
Senza cchiù te,
senza cchiù te vedé...
chi sa che ne succede 'e me.
Ma senza ammore è inutile,
nun ce se pò cchiù 'ntènnere...
Lassámmoce, Marí'!
Peppino De Filippo
LAVANNARE'
Lavannarè'!...
ca sciacque 'e panne, 'e ttuorce
e 'e spanne ô sole,
e 'o tiene 'nfronte 'nfí'a che se ne cala...
Lavannarè'!...
Si mm'è permesso dico doje parole:
tu t'hê 'a cagná stu bruttu naturale...
t'aggio menato 'nzino doje viole,
ripasso e 'e ttrovo 'nterra tale e quale?!
Lavannarè'!...
A vedé sti ttrezze d'oro,
ca 'ncujetate só' da 'o viento,
pe' stu core è nu turmiento...
comm''o stisse a sceriá!...
Comme tu, spremmenno forte,
'nziem'ê panne 'o 'nturcigliasse
e, schiattánnolo 'e putassa,
mme ll'hê fatto avvelená!
II
Lavannarè'!...
Sti bbracce, dint''a scumma d''o ssapone,
mme fanno cunzumá da 'a passione...
Lavannarè'!...
Sceréa st'anema toja 'nguzzuta e nera...
si nun schiarisce miéttela â culata
e falla ascí cchiù ghianca e cchiù sincera...
se 'ntenneresse quanno ll'hê lavata?
Lavannarè'!...
A vedé stu muvimento
ca tu faje ca piglie e sciacque,
mme menasse dint'a ll'acqua...
mme facesse 'nzapuná!
Comm'hê fatto cu stu core
ch''o 'nturciglie, 'o spriémme e 'o vatte,
doppo 'o 'nfunne, 'aíze e 'o sbatte
e 'accummiénce a sceriá...
III
Lavannarè'!...
T'aggi''a 'ncucciá a lavá sott''a funtana...
quanno fa notte e 'a via se fa stramana...
Lavannarè'!...
Mme méngo dint''a carta d''o ssapone,
p''o sfizio 'e starte cchiù a purtata 'e mano...
faccio una tina 'e scumma: nu pallone...
ca tu, pe' mme levá, mm'hê 'a pigliá 'mmano...
Lavannarè'!...
Si mme vuó', vengo a guaglione!
Mme pigliasse?...fosse 'o Dio!...
'nzapunasse nu poco io,
te facesse arrepusá!
Po', sciuscianno 'a sapunata,
cu 'a cannuccia 'a passione,
ne farría bolle 'e sapone,
p''a fá lùcere e vulá!...
Viviani
LAZZARELLA
Cu 'e libbre sott''o vraccio
e 'a camicetta a fiore blu,
vuó' fá 'a signurenella
'nnanz'â scola pure tu...
Te piglie 'a sigaretta
quann''accatte pe' papá,
te miette giá 'o rrussetto
comme vide 'e fá a mammá...
Lazzarè'!...
Ma Lazzarella comme si'!?
tu a me mme piace sempe 'e cchiù,
e vengo apposta pe' t''o ddí,
vicino â scola d''o Gesù...
Tu invece mme rispunne: "Eggiá,
io devo retta proprio a te...
Pe' me ll'ammore pó aspettá,
che n'aggi''a fá?...nun fa pe' me!..."
Ah, Lazzarella!
ventata 'e primmavera...
Quanno passe tutt''e mmatine,
giá te spiecchie dint''e vvetrine,
sulo nu cumplimento te fa avvampá...
Ma Lazzarella comme si',
tu nun mme pienze proprio a me,
e ride pe' mm''o ffá capí
ca perdo 'o tiempo appriess'a te!
II
Mo vène nu studente
'nnanz'â scola d''o Gesù,
te va sempe cchiù stretta
'a camicetta a fiore blu...
te piglie quatto schiaffe
tutt''e vvote ca papá,
te trova nu biglietto
ca te scrive chillu llá...
Lazzarè'!...
Ma Lazzarella comme si',
ce si' caduta pure tu...
Ll'ammore nun te fa mangiá
te fa suffrí, te fa penzá...
Na sera tu lle dice : "No"
Na sera tu lle dice : "Ma"
ma si nu vaso te vò' dá
faje segno 'e "sí", senza parlá...
Ah, Lazzarella,
'o tiempo comme vola:
Mo te truove tutt''e mmatine,
chino 'e lacreme stu cuscino...
Manco na cumpagnella te pò aiutá!
Ma Lazzarella comme si'!?
Te si' cagnata pure tu...
e te pripare a di' stu "Sí",
ma dint''a cchiesa d''o Gesù!
Pazzaglia - Modugno
LETTERA 'E NATALE
- Mia cara Maria,
si stóngo assaje luntano,
puó' stá sicura,
nun stá 'mpenziero 'e me...
'O suldato italiano
vence sempe e saje pecché?
Pecché si lle spacche 'o pietto,
'ncopp''o core, truove scritto:
Patria, onore, ammore e te... -
- Vita d''a vita mia, core 'e surdato,
core sincero che fa il suo dovere...
'E figlie tuoje, cu mico, só' cuntente
si quanno tuorne, na medaglia 'argiento,
'ncopp'a stu pietto tujo, puorte lucente... -
II
- Mia cara Maria,
penzanno ch'è Natale,
ve benedico...
e vasa 'a mano a mammá...
'O presebbio ch'io facette,
tale e quale ll'hê 'a tené...
Io ve veco, ore e mumente,
'nnanze a chilli pasturielle...
e v'astregno 'mpiett'a me. -
- Pate d''e figlie mieje, tu staje cu nuje...
ce staje vicino, nun ce staje luntano...
e fíglieto 'o cchiù gruosso, Salvatore,
attuorno a stu presebbio tujo, stasera,
nce ha miso na bandiera tricolore.... -
Pisano - Cioffi
LILI' KANGY
Mo nun só' cchiù Cuncetta,
ma só' Lilí Kangy,
sciantosa prediletta,
avite voglia 'e dí!
Quanno mme ribbuttaje,
e chi v''o ppò cuntá?
'A gente mme menaje
mazzette 'nquantitá...
Chi mme piglia pe' Frangesa,
chi mme piglia pe' Spagnola,
ma só' nata ô Conte 'e Mola,
metto 'a coppa a chi vogl'i'...
Caro Bebé,
che guarde a fá?
io quanno veco a te
mme sento disturbá!
II
Tre sòre piccerelle,
vènono appriesso a me...
e fanno 'e stelletelle
pe' dint'a sti cafè...
Ma i' sóngo 'a vera stella
d'ogne cafè sciantá:
sulo cu na resélla,
ve faccio cunzulá!
................................................
III
A 'e vvote, 'ncopp''o foglio,
sento parlá 'e Lilí...
Io leggo, ma mme 'mbroglio:
che vuó' arrivá a capí?
Ma chesto nun mme 'mporta:
s'ha da sapé abballá...
Basta ca 'a veste è corta,
tutto se pò aggiustá!
................................................
Capurro - Gambardella
LL'ADDIO
Che mm'hê purtata a fá cu te stasera?
T''avevo ditto: "Che mme puorte a fá?"
I' tengo 'a faccia janca cchiù d''a cera
e tu nun tiene 'a forza 'e mme parlá...
Pusilleco!
Mandulinata 'e Napule
sunata da 'e ssirene...
Che mm'hê purtata a fá 'ncoppo Pusilleco,
si nun mme vuó' cchiù bene?!
II
'O ssaccio, nun si' tu, ninno mio d'oro:
è 'o core tujo ca nun mme cura cchiù...
Ma nun avé paura ca, si moro,
io nun 'o ddico ca si' stato tu!
Pusilleco!
Mandulinata 'e Napule
sunata da 'e ssirene...
Che mm'hê purtata a fá 'ncoppo Pusilleco,
si nun mme vuó' cchiù bene?!
Bovio - Valente
LL'AMMORE 'NCAMPAGNA
P''a strata campagnola va stu core:
canciello apierto...casarèlla chiara...
Nu vascio lindo e pinto 'e lavannara
e Matalèna cu 'e bbraccélle 'a fore...
Ll'arbero 'e fiche 'int''e ccampagne addóra
e vola 'a luce-luce a primma sera...
e na massarianta cantatóra,
zappa na vigna e canta allèra allèra:
"Ca tu n''o cacce, Ammore sempe vénce
e 'mbracci'a ninno, oje mamma,
portamménce...
oje portamménce..."
II
Io ll'aggio ditto ca só' de buon core,
ca só' assignato e tengo quacche lira.
Essa mm'ha ditto ca pe' me suspira,
ch'è zetelluccia e senza genitore,
e penza a me quanno 'a campagna addóra
e quanno 'a parzunala cantatóra,
"Ca tu n''o cacce, Ammore sempe vence
portamménce...
III
Na casa a monte e n'aria 'e primmavera
pe' Matalena, nata 'mmiez'ê sciure,
na stanza a mamma mia, ch'è vecchia pure
e fila e dorme da 'a matina â sera...
Voglio spusá quanno 'a campagna addóra
e quanno 'a parzunala cantatóra,
"Ca tu n''o cacce, Ammore sempe vénce
portamménce...
E. Murolo - V. Valente
LL'ARTE D''O SOLE

Chistu core è masto 'e forgia:
sempe 'nfacci'â furgetella,
ména 'o mántece e martella,
pe' nu core 'a 'ncatená.
Ma però stu core è tuosto,
è n'acciaro cunsistente,
ca martiello e fuoco ardente
nun ce pònno faticá.
'Sta canzone vène a te...
Catarina, Catarí'...
Catarina, Catarí'...
Voglio fá ll'arte d''o sole,
Voglio fá ll'arte d''o sole,
pe' fá chello ca dich'i',
pe' fá chello ca dich'i'!...
II
Chistu core, 'a masto 'e forgia,
s'è 'mparato giuilliére...
ca vò' fá n'aniello a féde,
pe' na nénna 'a mmaretá...
Ma pe' fá st'aniello a féde,
n'ata mano nce vurria
ca strignesse 'a mana mia...
e 'sta mana 'aggi''a truvá!
.......................................
III
Chistu core 'a giuilliere,
mo vò' essere pittore,
pe' pittá na scena 'ammore...
e 'o suggetto è chistu ccá:
Na brunetta ca mm'abbraccia
'mmiez'ê sciure prufumate...
E, cu ll'uocchie appassiunate,
s'abbandona 'ncuoll'a me!.
.......................................
LL'ITALIA E' BELLA

Addó'
si' nata tu, 'a sera, 'o cielo è rosa
e ll'acqua è comm'a ll'oro: è preziosa!
e 'a sabbia 'nfonne tutt''e ccose...
Addó'
si' nata tu, 'o sole abbrucia 'a pelle
e 'a notte, cchiù vicine songo 'e stelle
e ce ne stanno a mille a mille...
Ah, tu ca sunnave 'e te fá accumpagná da 'o viento...
penzaste: "Che furtuna 'a vita in Occidente..."
E chesto è assaje pe' chi nun tene niente!
(Quanta criature arrivano 'a luntano
pe' vedé crescere stu ggrano!)
Ah! LL'Italia è bella
pe' chi tene 'a faccia nera!
Ma areto a 'sta ricchezza...
sapisse ch'amarezza!
E te n'accuorge quanno scenne 'a sera...
e pienz'a 'o cielo tujo ch'è rosa...
e 'a luna giá sta llá...
mentre n'airone se ne va...
II
Addó'
tu si' venuta è tutto n'atu munno
e nun è comme te pareva 'nzuonno...
e mo ca 'o tiempo sta cagnanno...
Addó'
tu si' venuta quacche sera chiove...
e nun è doce chello ca se prova...
penzanno a chesta vita nova!....
Ah! ll'Italia è bella
pe' chi tene 'a faccia nera!
..........................................
Carlo Faiello
LL'OMMO CU 'E DENARE

Mm'aggio miso dint''a sacca
na vrancata 'e mille lire
p''e gghittá...
Cuncettè' vuó' ll'arioplano,
ll'automobile,'o canotto?
puó' parlá...
Quand'arápe sulo 'a vócca...
Nu cummanno tu mm'hê 'a dá...
E te porto,
te porto pe' cielo...
e te porto,
te porto pe' mare...
Te porto pe' cielo, pe' terra, pe' mare,
sempe a gran velocitá...
Pecché ll'ommo cu 'e denare
chesto fa!
II
Don Giacinto 'o cusetore
mm'ha cusuto nu vestito:
nu bisciù...
Mm'ha cercato mille lire...
ce ne dóngo mille e ciento
e pure cchiù...
Pecché ll'ommo, 'o cchiù elegante,
ll'hê 'a tené sultanto tu...
Mo t'accatto
na vesta 'e bruccato,
tu t''a miette
e cchiù bella mme pare...
Te porto pe' cielo, pe' terra, pe' mare,
Pecché ll'ommo cu 'e denare
chesto fa!
III
Quanto è bella chesta "Fiatta"...
pare proprio nu salotto...
guarda ccá...
Trase dinto, cu 'o "Sciafferro"...
p''a via nova...chianu chiano,
se ne va...
Tu mme cade dint''e bbraccia
cu na smania 'e mme vasá...
E ll'ammore
ce porta pe' cielo...
E ll'ammore
ce porta pe' mare...
Ce porta pe' cielo, pe' terra, pe' mare,
Pecché 'ammore, quanno è ammore
chesto fa!
Pisano - Falvo
LL'URDEMA TARANTELLA
Tarantella,
s'è mis''e rimpetto
pe' farme dispietto...
e dispietto mme fa!...
I' te veco:
Tu 'o guarde sott'uocchie
ma dint''e ddenócchie
te siente 'e tremmá...
Tu 'o vuó' bene, mannaggia 'o vuó' bene!
Si' spergiura si dice ca no...
Prigiuniera stu 'nfame te tène,
prigiuniera e fa chello ca vò'!
Guarda a me!
guarda a me!
comm'a quanno,
mo fa ll'anno,
te purtaje
dint''a cchiesa d''a Madonna d''a Catena...
Comm'a quanno
te vasaje
chesta vocca ardente e bella
ca, stasera, si mme vasa, mm'avvelena...
Tarantella!
II
Tarantella!
Stu core è d''o mio
pecché surtant'io
tengo 'o deritto d''o ddí!
Jammo, abballa!
Strignímmoce forte
p''a vita e p''a morte
attaccáte accussí...
I' nun tengo a nisciuno e tu 'o ssaje
che calvario aggio fatto pe' te...
Te disprezzo pe' quanto t'amaje
e nisciuno t'ha amata cchiù 'e me!
Guarda a me!
......................
III
Tarantella!
Tu vi' st'abetiello?
Na sferra 'e curtiello,
annascosta, ce sta!
'Nnanz'a st'uocchie
mme passa nu velo...
'sta mano è nu gelo
e paura mme fa...
I' só' zingaro e saccio ogne cosa:
tutt'e duje site pronte a partí...
Pe' signale ha sfrunnato na rosa,
ma nun sape che spina songh'i'...
Bada a te!
Bada a te!
Nun mm'arrènno,
nun mm'arrènno,
só' dannato!
Nun só' carne battezzata: só' na jena!
Ma i' t''o stenno
'nzanguinato
chist'amico ca mo abballa...
'nnanz'â cchiesa d''a Madonna d''a Catena!
Tarantella!
Bovio - Tagliaferri
LL'URDEMO BICCHIERE
Padrone, ve saluto...
Mettitamillo nu bicchiere 'e vino...
......
Tenevo 'a fede...e 'a fede aggio perduto!
Ero guaglione e mo mme só' 'nvicchiato!
Ce steva na perzona e se n'è ghiuta:
Era ll'ammore e 'ammore mm'ha lassato...
E ce vevimmo 'a coppa...e cu salute!
Padró', n'atu bicchiere 'e vino...
niro comm'a chi porta 'o llutto astritto...
ce lo vogliamo bere
per quest'amore scunzulato e afflitto...
Chistu core, si nun piglia na pella,
mme sonno tutt''e nnotte la mia bella!
II
Ammore ammore...e comme, te ne vaje?!
Mme viene 'nzuonno, ride e mme turmiente?!...
Io ch'ero n'ommo e mo só' nu sciacquante...
io ch'ero guappo e mo só' n'ommo 'e niente...
mme 'mbriaco e bonanotte a tuttuquante!
Embé, cu na penzata 'e bello,
mo ca 'o lucále 'nzèrra a tarda sera:
una botta 'e curtiello
sott'a stu scemo 'e core...e bonasera!
E currite...chiammate 'o canteniere...
No, nun è niente...E' ll'urdemo bicchiere!...
Finale:
.....................................
N'atu bicchiere 'e vino,
niro comme chi porta 'o llutto astritto...
Ammore te saluto:
poche minute...e po' me ne só' ghiuto...
Gente ca state attuorno al morituro...
menáte stu 'mbriaco sott''o muro!
Letico - Anepeta
LO CARDILLO
Stó' criscenno no bello cardillo...
quanta cose ca ll'aggi''a 'mpará:
Ha da ire da chisto e da chillo,
li 'mmasciate isso mm'ha da portá!...
Siente ccá bello mio: llòco 'nnante,
nc'è na casa, na nénna nce sta,
tu la vide ca nun è distante:
chella nénna haje da ire a trová!
II
Si la truove ca stace dormenno,
pe' na fata, gué, non la pigliá...
No rommore non fá co' li ppenne...
gué, cardí', tu ll'aviss''a scetá!?
Si affacciata po' sta a lo barcone,
pe' na rosa ll'aviss''a pigliá?
Gué, cardí', vi' ca llá tu te stuone...
va' vatténne cardí', nn''addurá!...
III
Si la truove ca face ll'ammore,
'sto cortiello annascùnnete ccá...
'Nficcancillo deritto a lo core
e lo sango tu mm'haje da portá...
Ma si penza...vatté' chiano chiano,
zitto zitto te nce haje da azzeccá,
Si afferrá po' te vò' co' la mano,
priesto 'mpietto tu ll'haje da zompá...
IV
Si te vasa o t'afferra cianciósa,
tanno tu ll'haje da dire accossí:
"Lo patrone pe' te non reposa...
poveriello, pecché ha da morí?"
T'accarezza, te vasa...ah, viato
cchiù de me tu si' certo cardí'...
Si co' tico cagnarme mm'è dato,
voglio, doppo, davvero morí!
Anonimo
LO GUARRACINO
Lo guarracino, ca jéva pe' mare,
lle venne voglia de se 'nzorare:
Se facette no bello vestito
de scarde de spine, pulito pulito...
Co na parrucca tutta 'ngrifata
de ziarelle 'mbrasciolate,
co lo sciabbò, scollo e puzine
de seta 'ngrese, fina fina...
II
Cu li cazune de rezza de funno,
scarpe e cazette de pelle de tunno
e sciammèria e sciammerino
d'áleghe e pile de vojo marino,
cu li buttune e buttunèra
d'uocchie de purpo, sécce e fère,
fibbia, spata e schiocche 'ndorate
de niro de sécce e fèle d'achiata...
III
Doje belle cateniglie
de premmóne de conchiglie,
no cappiello aggallonato
de codarino d'aluzzo salato...
Tutto pòsema e steratiello,
jeva facenno lo sbafantiello:
girava da ccá e da llá,
la 'nnammorata pe' se trová...
IV
La sardèlla, a lo barcone,
steva sonanno lo calascione...
e, a suono de trommetta,
jeva cantanno st'arietta:
"E llaré lo mare e lena
e la figlia d''a zi' Lena,,
ha lassato lo 'nnammorato
pecché niente ll'ha rialato"...
V
Lo guarracino che la guardaje,
de la sardèlla se 'nnammoraje...
Se ne jètte da na vavosa,
la cchiù vecchia e maleziosa...
Ll'ebbe bona rialata
pe' mmannarle na 'mmasciata...
La vavosa, pisse pisse
chiatto e tunno nce lo disse...
VI
La sardèlla ca la sentette,
rossa rossa se facette.
Pe' lo scuorno ca se pigliaje,
sott'a nu scoglio se 'mpezzaje...
Ma la vecchia de la vavosa
subbeto disse: "Ah, schefenzosa!
De 'sta manera nun truove partito:
'nganna te resta lo marito!
VII
Se haje voglia de t'allocá,
tanta smorfie non haje da fá...
Fora le zèze, fora lo scuorno,
anema e core e faccia de cuorno..."
Ciò sentenno, la zi' sardella,
s'affacciaje a la fenestella
e fece n'uocchio a zennariello
a lo speruto 'nnammoratiello...
VIII
Ma la patella ca steva de posta
la chiammaje: "Faccia tosta,
tradetora, sbrevognata
senza parola, male nata..."
ch'avea 'nchiantato ll'alletterato,
primmo e antico 'nnammorato.
De carrera da chisto jètte
e ogne cosa lle dicette...
IX
Quanno lo 'ntise lo poveriello,
se lo pigliaje farfariello:
jette a la casa, s'armaje a rasulo,
se carrecaje comm'a no mulo
de scoppette, de spingarde,
póvere, palle, stoppa e scarde...
quatto pistole e tre bajonette
dint'a la sacca se mettette...
X
'Ncopp'a li spalle sittanta pistune,
ottanta bomme e novanta cannune
e, comm'a guappo pallarino,
jéva trovanno lo puarracino...
la disgrazia a chisto portaje
ca 'mmiez'a la chiazza te lo 'ncontraje...
se ll'afferra p''o crovattino
e po' lle dice: "Ah malandrino!
XI
Tu mme lieve la 'nnammorata
e pigliatella 'sta mazziata!"
Tùffete e táffete, a meliune,
lle deva pácchere e secozzune...
schiaffe, ponie e perepesse,
scoppolune, fecozze e conesse,
scervecchiune e sicutennosse
e ll'ammaccaje osse e pilosse...
XII
Venimmoncenne che a lo rommore,
pariente e amice ascettero fore...
chi co' mazze, cortielle e cortelle...
chi co' spate, spatune e spatelle...
chiste co' barre, chille co' spite,
chi co' 'ammènnole e chi co' 'antrite,
chi co' tenaglie e chi co' martielle,
chi co' torrone e sosamielle...
XIII
Patre, figlie, marite e mogliere
s'azzuffajeno comm'a fère...
a meliune correvano a strisce,
de 'sto partito e de chille li pisce...
Che bediste de sarde e d'alose,
de palaje e raje petrose,
sárache, diéntece ed achiáte
scurme, tunne e alletterate,
XIV
pisce palumme e piscatrice,
scuórfane, cernie e alice,
mucchie, ricciòle, musdée e mazzune,
stelle, aluzze e sturiune,
merluzze, ruóngole e murene,
capoduoglie, orche e vallène,
capitune, auglie e arenghe,
ciéfare, cuocce, trácene e tenche,
XV
treglie, trèmmole, trotte e tunne,
fiche, cepolle, laùne e retunne,
purpe, sécce e calamare,
pisce spata e stelle de mare,
pisce palummo e pisce martielle,
voccadoro e cecenielle,
capochiuove e guarracine,
cannolicchie, òstreche e angine...
XVI
Vongole, cocciole e patelle,
piscecane e grancetielle,
marvizze, mármure e vavose,
vope prene, vedove e spose,
spínole, spuónole, sierpe e sarpe,
scauze, 'nzuoccole e co' le scarpe,
sconciglie, gammere e ragoste,
vennero 'nfino co le poste...
XVII
Capitune, sáure e anguille
pisce gruosse e piccerille,
d'ogne ceto e nazione...
tantille, tante, cchiù tante e tantone!
Quanta botte, mamma mia,
ca se devano...Arrassosia!
A centenare le bbarrate...
A meliune le ppetrate...
XVIII
Muorze e pizzeche a beliune,
a deluvio li secozzune...
Non ve dico che vivo fuoco
ca se faceva per ogne luogo:
Te - te - ttè...ccá pistolate,
ta - ta - ttá...llá scoppettate,
tu - tu - ttù...ccá li pistune,
bu - bu - bbù...llá li cannune...
XIX
Ma de cantá só' giá stracquato
e mme manca mo lo sciato...
sicché, dateme licenza,
graziosa e bella audienza,
'nfi' ca sórchio na meza de seje,
a la salute de luje e de leje,
ca se secca lo cannaróne,
sbacantánnose lo premmóne...
Ignoti
LO PAPERASCIANNO
Ll'autriere, a Piedegrotta, io mme portaje,
oje no canillo ch'era bello assaje:
Tutte appriesso lle vanno...
Oh, quant'è bello 'o Paperascianno!...
Lo Paperascianno mio,
lo dóngo a chi vogl'io...
Dint'a la villa, a Chiaja, a Margellina,
mme dice la modista e la damina:
"E' un cagnolin brittanno..."
Io 'sto canillo addeventá vorría,
vicino a le cchiù belle mme starría...
Quanto vale non sanno...
oh, quant'è bello 'o Paperascianno!...
Quanno Lisa lo vede io, chiano chiano,
co' ll'uocchie fá mme la vorría de mano...
Lle venga no malanno!
Ma Nina ch'è cchiù furba e maleziosa,
p'averlo mme fa sempe la vezzosa...
Non ll'hanno...no, non ll'hanno...
Nc'è no sciore, na stella de lo cielo,
che se nasconne 'ncasa, o co' lo velo...
Mo vène, io non mme 'nganno!...
Anonimo
LO TIRAMOLE
Sóngo n'ommo d'alta sfera,
trallarillirera, trallarillirera...
só' dottore de valore,
trallarillirera, trallarillirá...
Diciarraje, si tu mme siente,
che grand'ommo è chisto ccá!
Stó' a lo Muolo e tiro diente,
trallarillirera, trallarillirá!
II
Tengo ll'arte e la manera,
sóngo strutto, saccio tutto,
Chist'anguento ve conzola,
ogne male fa passá...
Ve fa créscere la mola,
III
Medicina, antica e vera,
Chi lo vede, non lo crede,
Cinche solde...ma ch'è stato?!
Pecché ognuno se ne va?!
Gué, lo prezzo ha spaventato...
Anonimo
LO ZOCCOLARO
Zoccolaro!
Ah! Chi vò' lo zoccolaro?
Lo scarpino chi lo vò'?
No carrí' vanno a lo paro
ma a cchiù poco nce li dó'
a chi bella vò' paré...
Zoccolaro, zoccolé'...
Zoccolaro!
Nce ne stanno piccerelle
fatte acconce...mo nce vò'!
A li piede aggraziatielle
sulamente nce li dó'...
Ca cchiù belle hann''a paré...
Zoccolaro!
Quanta core 'nnammorate
li vorranno 'mmidiá...
ca duje zuoccole apparate
volarríano addeventá!
Se la pigliano con me...
Zoccolaro!
Ogne chiuovo ch'aggio miso,
mme só' puosto a sospirá:
Comm'è doce chillo piso
ca 'sto ligno portarrá...
Fortunato è cchiù de me...
Zoccolaro!
Si quaccuno fa ll'ammore,
s'accattasse chisti ccá
ca non fanno maje rommore
e non scétano a mammá!
Gué pericolo non c'è...
Anonimo
LUNA CAPRESE
Ohéee!...
Cu me cantate 'sta canzone...
vuje ca suffrite 'e ppene de ll'ammore...
Capre,
ve pò 'ncantá cu na parola...
I
Só' accumparute 'e stelle a primma sera,
tutta Tragára luce 'mmiez'ô mare...
na fascia 'argiento sott''e Faragliune
e nu mistero 'int'a 'sta notte chiara.
Notte 'e silenzio e i', mo, chesta canzone,
cantá vulesse a chi mm'ha affatturato...
Tu, luna luna tu, luna caprese,
ca faje sunná ll'ammore a 'e 'nnammurate...
adduorme a nénna mia ca sta scetata
e falla 'nnammurá cu na buscía.
Tu, luna luna tu, luna busciarda,
famme passá sti ppene 'e gelusia
e fa' ca nénna fosse tutt''a mia...
Tu, luna luna tu...Luna caprese!...
II
E mo ca pure 'o mare s'è addurmuto
e 'e nnuvole, li stelle, hanno stutato,
dint'a sti bbracce meje, passione amara,
io te vurría tené cu nu respiro...
Ma è inutile, è destino, ca stu core,
canta surtanto pe' chi dice no!
Tu, luna luna tu, luna caprese,
..................................................
Ricciardi - Cesareo
LUNA NOVA
La luna nova, 'ncopp'a lu mare,
stènne na fascia d'argiento fino...
Dint'a la varca, lu marenaro,
quase s'addorme cu 'a rezza 'nzino...
Nun durmí, scétate, oje marená',
vótta 'sta rezza, penza a vucá!...
Nun durmí, scétate, oje marená',
vótta 'sta rezza, penza a vucá!...
II
Dorme e suspira stu marenaro,
se sta sunnanno la 'nnammurata...
Zitto e cujeto se sta lu mare,
pure la luna se nc'è 'ncantata...
Luna d'argiento, lass''o sunná,
vásalo 'nfronte...nun 'o scetá!...
Luna d'argiento, lass''o sunná,
vásalo 'nfronte...nun 'o scetá!...
III
Comm'a nu suonno de marenare,
tu duorme, Napule, viata a te...
Duorme ma, 'nzuonno, lacreme amare,
tu chiagne Napule, scétate scé'!
Puózze na vota resuscitá!...
Scétate scé', Napule Na'!...
Puózze na vota resuscitá!...
Scétate scé', Napule Na'!...
Di Giacomo - Costa
LUNA ROSSA
Vaco distrattamente abbandunato...
Ll'uocchie sott''o cappiello annascunnute,
mane 'int''a sacca e bávero aizato...
Vaco siscanno ê stelle ca só' asciute...
Fischio.........................
E 'a luna rossa mme parla 'e te,
Io lle domando si aspiette a me,
e mme risponne: "Si 'o vvuó' sapé,
ccá nun ce sta nisciuna..."
E i' chiammo 'o nomme pe' te vedé,
ma, tutt''a gente ca parla 'e te,
risponne: "E' tarde che vuó' sapé?!
Ccá nun ce sta nisciuna!..."
Luna rossa,
chi mme sarrá sincera?
Luna rossa,
se n'è ghiuta ll'ata sera
senza mme vedé...
E io dico ancora ch'aspetta a me,
for''o barcone stanott'ê ttre,
e prega 'e Sante pe' mme vedé...
Ma nun ce sta nisciuna...
II
Mille e cchiù appuntamente aggio tenuto...
Tante e cchiù sigarette aggio appicciato...
Tanta tazze 'e café mme só' bevuto...
Mille vucchelle amare aggio vasato....
Fischio.........................
E 'a luna rossa mme parla 'e te,
...................................................
Vian - De Crescenzo
LUSINGAME
Forse sarrá stu cielo chino 'e stelle,
Maria, Marí'!
Forse sarranno st'uocchie accussí belle,
Maria, Marí'!
Forse è ll'ammore
ca mm'hê miso 'int''o core
ma io nun ce credo
ca tu mme vuó' lassá!
Tu nun 'o ssaje
ca mme staje dint''e vvéne...
Si te ne vaje,
nun pòzzo cchiù campá...
Lusíngame n'atu ppoco
fallo stutá stu ffuoco
ca, dint''o core,
mm'hê appicciato tu!
Si te ne vaje,
'o ssaje ca mme ne moro...
Lusíngame n'atu ppoco
ca, senza st'uocchie tuoje,
nun campo cchiù!
II
Che fa si 'e vase tuoje ll'hê date a n'ato?...
Maria, Marí'...
Io sóngo sempe 'o primmo 'nnammurato!...
Maria, Marí'...
Tu si' d''a mia,
dimme chesta buscía,
dimmélla ancora,
però nun mme lassá...
Tu nun 'o ssaje
.........................
Taranto - Festa
MA VE PARE, VE PARE, VE PA'

Tengo na moglie bella,
ve giuro bella assaje...
ma aggio passato 'o guajo:
è sorda!...e ch'aggi''a fá?!
Io grido, parlo forte,
ma chella nun mme sente
e nun capisce niente...
mme fa ascí pazzo a me!
Si lle cerco na presa 'e cugnacca,
ci credete?
Chella 'a piglia pe' mala parola,
ci pensate?!
Se le chiedo una tazza di latte,
chella scenne e mm'accatte 'e buatte!...
Si lle dico: "Maria, faccio 'o pazzo!..."
Chella piglia e se mette a alluccá:
"Mascalzone, cretino, sporcone...
tu che gesto indecente vuó' fá?!"
Ma ve pare, ve pa'...
ma ve pare, ve pa'...
ma ve pare ca io pòzzo campá?!
Cu na moglie che è sorda e cretina,
io mi sparo alle sette domani mattina...
II
A 'e vvote mi ritiro,
e busso, busso forte...
ma resto for'â porta
mez'ora a tuzzuliá...
Io levo 'o campaniello
e, in questa settimana ,
ce metto na campana!...
si no comm'aggi''a fá?!
L'altro giorno parlando di pranzo,
ci credete?
Si decise per pasta e fagioli...
mi capite?
"E va be' - disse lei - sará fatto...
ma che vuó' pe' secondo piatto?"
Io dicette: "Marí' voglio 'e ppizze!..."
chella piglia e risponne: "Pasquá',
son tua moglie e tu sei il mio padrone..."
Mme sorride e mme vène a abbracciá...
ma ve pare ca io pòzzo campá?!...
Cu na moglie ch'è sorda e cretina,
io mi sparo alle sette domani mattina!
III
P''a radio, l'altro giorno,
suonavano ll'Otello...
Essa dicette: "E' bella
'sta musica 'e Zazá!..."
Al tempo della guerra,
tutt''e bumbardamente,
non ha sentito niente!...
Ah, che felicitá!
Se le dico il tuo far non mi garba,
ci credete?
Chella porta 'o penniello p''a barba,
ci pensate?!
Si lle dico: "Mi serve un dottore..."
chella scenne e mme chiamma 'o pittore...
Si le dico: "Marí' voglio 'allésse!..."
Quella scema, cretina, mi dá
una cosa che io non ho chiesto
e pe' forza mme ll'aggi''a pigliá!...
ma ve pare ca io pòzzo campá'?!
Cu na moglie che è sorda e cretina,
mi sparo alle sette domani mattina...
Cu 'sta sorda ca sta sempe attorno,
io mi sparo alle sette domenica al giorno...
Cu na moglie ca soffre 'e stu male,

io mi sparo alle sette 'a vigilia 'e Natale...
Cu na moglie dal timpano duro,
io mi sparo a novembre dell'anno venturo...
....................................................
Pisano - Cioffi
MADAMA CHICHIERCHIA
'Ncopp''o vico Sergente Maggiore
ce sta 'e casa Madama Chichierchia...
E' nu tipo ch''ha fatto furore:
'e giurnale, ll'ha fatte parlá!...
'O marito, 'on Filippo Cupierchio,
'o negozio, 'o teneva a Tulèto...
e nun ghiéva né annanze e né arreto:
'a Chichierchia 'o facette fallí!
Madama Chichierchia 'a ccá,
Madama Chichierchia 'a llá ...
diente 'mmocca nun tene cchiù
e vò' ancora 'o zùchetezù...
Madama Chichierchia 'a llá...
pile 'ncapa nun tène cchiù
e vò', a forza, 'o zùchetezù!...
II
'Sta Madama n'ha fatto tulette:
feste, balle, triate, carrozze...
chelli ggamme hanno fatto zumpette,
se n'ha sciso cannuole e babá!
E mo tène nu cuófano d'anne,
e vulesse fá ancora 'a ragazza:
se 'nfarina, s'alliscia e 'mpupazza...
e va a caccia d''e belli garson!
..............................................
III
N'anno fa, steva proprio 'mpalicco
chella 'mpesa 'e madama arruzzuta...
ma murette nu zio straricco...
e Chichierchia turnaje a saglí.
'O marito è ciuncato cu 'e ggamme...
e Madama ha truvato 'e cascante...
Essa 'o ppiglia a muneta cuntante,
ma 'e cuntante...c''e ffanno cacciá!
..............................................
Califano - Gambardella
MAGGIO, SI' TU!

Maggio, si' tu!
ca st'aria doce vaje prufumanno...
Quanta canzone faje cantá a doje voce!
Quanta suspire io manno!
Mme faje murmuliá
tutt''e ccanzone amate
pecché tu viene e dice:
"'E 'nnammurate
hann''a cantá!"
Hann''a cantá...
ca pure Ammore
passa e nun more!
E chi ha vuluto bene,
se sente, dint''e vvéne,
cchiù ardente 'a giuventù:
Maggio, si' tu!
II
Maggio, si' tu!
ca mme truvaste cu 'o core 'e gelo;
ma quanta rose attuorno mme purtaste,
e quanta stelle 'ncielo!
Turnaje a suspirá
pe' chi fuje tanta 'ngrata...
"Ah - lle dicette - t'aggio
sempe amata
e pure mo..."
E pure mo,
tutt'è turnato
comm'è passato...
Sento ch''a voglio bene:
tu ffuoco, dint''e vvéne,
è fuoco 'e giuventù:
Maggio, si' tu!
III
Maggio, e pe' te
mme stó' facenno cchiù mateniero:
rose e viole a ll'alba stó' cuglienno
comm'a nu ciardeniere...
Tu mme faje suspirá

'mmiez'ê ciardine 'nfiore:
"Si tuttecosa torna,
pure Ammore
ha da turná!..."
Ha da turná!
Ll'aggiu chiammato,
ll'aggio aspettato...
E mo, ch''a voglio bene,
mme sento, dint''e vvéne,
cchiù ardente 'a giuventù:
Maggio, si' tu!
E. A. Mario
MAISTA'
'O cardillo dint''a cajola
sta chiagnenno ca resta sulo
e Carmela ca resta sola
se sta zitta, ma fa pietá...
I' nun chiagno, pecché mme pare
comme fosse nu dissonore,
pecché penzo ca 'o militare,
cierti ccose nun 'e ppò fá!...
Ma a Carmela, mia dorge sposa,
gli ho prommiso na bella cosa:
"Ce appresentamm'a 'o rre
pe' dicere: Maistá,
Carmela, senza 'e me,
nun vò' campá...
nun pò campá!...
Quann''o vvulite vuje,
tutto se pò aggiustá:
Na branda, a tutt'e duje,
nce 'a pònno dá,
nce 'a pònno dá..."
II
E mammélla mme fa na pena
quanno prega a Giesù Bammino:
"Mo ch'è 'o tiempo de la nuvena
a stu figlio mme ll'hê 'a lassá...
E' nu buonu ciaramellaro,
ma nun serve comme a guerriero;
tu mme lieve n'oggetto caro
ca nun tiene che te ne fá!"
Ma a mammélla ca nun reposa,
"Nce appresentamm'a 'o rre,
mammélla, senza 'e me,
nun vò' campá,
nun pò campá:
Quanno 'o vvulite vuje,
tutto se pò aggiustá:
Na branda a tutt'e duje
nce 'a pònno dá,
nce 'a pònno dá!"
III
Addio pianta 'e carufanielle,
addio vòccole e pullicine
che 'a matina, tutt''e mmatine,
v''a facíveve attuorno a me!
Addio poveri ppecurelle
ca restate senz''o pastore...
I' ve lasso nu piezz''e core,
ma nisciuno ll'ha da sapé...
Ma a 'o cardillo ca nun reposa,
"Nce appresentamm'a 'o rre
st'auciello senz''e me
nun vò' campá
nun pò campá:
Quann''o vvulite vuje,
tutto se pò aggiustá...
Na branda, a quatt''e nuje,
nce 'a pònno dá,
nce 'a pònno dá!
Bovio - Cannio
MALAFEMMENA
Si avisse fatto a n'ato
chello ch'hê fatto a me,
st'ommo t'avesse acciso...
e vuó' sapé pecché?
Pecché 'ncopp'a 'sta terra,
femmene comm'a te,
nun ce hann''a stá pe' n'ommo
onesto comm'a me...
Femmena,
tu si' na malafemmena...
a st'uocchie hê fatto chiagnere,
lacreme 'e 'nfamitá...
Femmena,
tu si' peggio 'e na vipera,
mm'hê 'ntussecato ll'ánema,
nun pòzzo cchiù campá...
Femmena,
si' doce comm''o zzuccaro...
peró 'sta faccia d'angelo,
te serve pe' 'nganná!
Femmena,
tu si' 'a cchiù bella femmena...
te voglio bene e t'odio:
nun te pòzzo scurdá...
II
Te voglio ancora bene,
ma tu nun saje pecché...
pecché ll'unico ammore
si' stato tu pe' me!...
E tu, pe' nu capriccio,
tutto hê distrutto oje né'...
Ma Dio nun t''o pperdona
chello ch'hê fatto a me...
Femmena,
.................
Totò
MALATIA
Cchiù 'e na passione
tu si' pe' stu core,
cchiù forte 'e n'ammore
tu si' pe' me...
Tu si' na malatia
ca mme dá na smania 'e te vedé,
mme vène 'a frennesía
tutt''e ssere quanno aspetto a te...
Tu si' na malatia,
ca se sana sulo 'mbracci'a te...
Quanta malincunia
quanno resto sulo senza 'e te...
Ammore sònname
quanno t'adduorme...
Ammore vásame
comme vogl'i'...
No, no...nun mme lassá!
si po' nun tuorne,
'sta malatia
mme fa murí...
Mme fa murí...
Tu si' na malatia
ca se sana si tu staje cu me...
Si' tutta 'a vita mia:
chistu core cerca sempe a te...
II
Comm'a na freve
te sento dint''e vvene...
Che gioja, che pene
tu mme puó' dá...
Tu si' na malatia
...........................
Finale:
Si' tutt''a vita mia,
chistu core more senza 'e te...
A. Romeo
MALAVICINA
Malavicina mia, malavicina...
e tutt''e juorne è 'a solita canzone...
Acqua lle scorre dint'a chesti vvéne!...
Comme tu, ammore, mm'hê attaccato 'e mmane?!...
Io faccio finta ca nun mme n'addono
ma, 'mpont''o musso, ce teng''o vveleno...
E mille só' 'e dispiette
ca pienze e ca mme faje
e, sott'a ll'uocchie mieje,
mme ll'aggi''a suppurtá!
dint'a stu vico nun ce stó' cchiù buono...
Cchiù malamente 'e te,
cchiù dispettosa 'e te,
nun c'è nisciuna...
Nun c'è nisciuna!...
II
Quanta 'nnammuratielle tiene appriesso,
mm''e ppasse, a uno a uno, sott''o musso...
Tu aspiette ca facesse quacche mossa,
ma io tengo a mamma ca mme spezza 'e passe...
Mme dice: "Figlio, jésce
e torna â casa 'e notte...
E' meglio ca, 'e rimpetto,
tu nun 'a vide cchiù..."
dint'a stu vico nun ce stó' cchiù buono...
Cchiù malamente 'e te,
cchiù dispettosa 'e te,
nun c'è nisciuna...
Nun c'è nisciuna!...
De Gregorio - Rendine
MALEPENZIERO
'Nziem'ê ricorde 'e na passione antica
ca nun mme vò' lassá...
e nun mme pò lassá...
Tu mm'accumpagne a ll'angolo 'e stu vico
pe' farme 'o core spezzá...
pe' farme ancora danná.
Vatténne...vatténne,
malepenziero!...
Nun è overo ch'è busciarda,
nun è overo ca mme perde...
tu nun dice 'a veritá!
penziero mio!...
Si mm''o ddice chistu core
ch'è na femmena sincera,
tu pecché mme vuó' 'nganná?
Nisciuno
stu bbene mio se pò spiegá...
Stu bbene,
ca manco tu puó' 'mmaginá!
malepenziero!...
ca si perdo 'o bbene sujo,
perdo pure 'a vita mia...
Chella nun mme pò lassá!
II
Io t'accumpagno, oje core, n'ata sera...
ma 'e te che ne sarrá?
'E nuje che ne sarrá?...
Si nun se sbaglia stu malepenziero,
ca nun mme fá cchiù campá,
dimmello comm'aggi''a fá?
malepenziero!...
Nun è overo ch'è busciarda,
.............................................
G. Russo - Acampora
MALINCONICO AUTUNNO
Erano verde...
erano verde 'e ffronne.
E mo, só' comm''e suonne perdute...
e mo, sóngo ricorde 'ngiallute...
Dint'a chest'aria 'e lacreme
'e stó' guardanno...
Cu 'o viento se ne vanno
pe' nun turná maje cchiù...
Malinconico autunno,
staje facenno cadé
tutt''e ffronne d''o munno
sulamente pe' me...
Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...Pecché?...
staje chiagnenno cu me...
Tutt''e ffronne d''o munno
staje facenno cadé...
II
Dint'a 'sta villa,
ll'aspetto fin'â sera,
vicino a 'sta ringhiera, penzanno
a 'e ccose ca diceva giuranno...
Mme pare ancora 'e sèntere:
"Si' 'a vita mia...
'Sta vita che sarría
s'io nun tenesse a te!?"
...................................
Finale:
Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...pecché?...
a chest'ora addó' sta?...
De Crescenzo - Rendine
MALIZIUSELLA
Pecché mm'arruobbe 'o core?
pecché, Maliziusè'?
P''e capille cchiù bionde d''o sole,
pe' chist'uocchie cchiù belle d''o mare,
pe' 'sta vocca cchiù rossa d''o ffuoco...
nun dormo cchiù!
Maliziusella, tu si' 'a vita mia,
pe' te io moro...moro 'e gelusía...
e si' trasuta
chianu, chianu, chianu, chianu, chiano,
dint''o core...
Maliziusella, tu faje 'a capricciosa,
pecché si' bella...bella cchiù 'e na rosa...
pecché hê capito
ca io voglio bene, bene, bene,
sulo a te!
Maliziusella, damme 'sta vucchella
e io te dóngo 'o cielo chino 'e stelle...
Pe' nu vasillo doce, doce, doce,
tu mme faje 'mpazzí!...
Nu turmiento, turmiento, turmiento, turmiento
d'ammore, d'ammore, d'ammore,
mm'hê datu tu....
cu nu male ca fa suffrí.
Chistu core malato, malato, malato
d'ammore, d'ammore, d'ammore,
mme faje murí...
aspettanno ca dice sí!
Specchia - Capotosti
MAMMA ADDO' STA?

Assunta! Rafiluccio! Reginella!
Salvaturiello mio, mo si' cuntento?
Ninuccia! Uh, Dio comme s'è fatta bella!
Ll'aggio avvistata 'a copp''o bastimento...
Tutte vicino a me...nun mme lassate...
ve guardo e nun mme sazio 'e ve guardá...
Diece anne, diece secule só' state:
I' nun vedevo ll'ora 'e riturná!
.....................................
Mamma addó' sta?
Pecché nun è venuta?
Povera vicchiarella!...
Mm'ha mannato a cercá na cullanella
e i' nce ll'aggio purtata:
'A cullana sta ccá!
.............................
Mamma addó' sta?
II
Io mm''a sunnavo sempe addenucchiata,
'a vicchiarella mia, 'nnanz'â Madonna...
Ma vuje ll'avite sempe rispettata?
Vuje site state sempe attuorno â nonna?
Ma, grazie a Dio, mo nun lle manca niente,
pò fá 'a signora, povera mammá...
E ghiammo e nun chiagnite, alleramente...
stasera nce vulimmo scapricciá!
..............................
Mamma addó' sta?
Pecché nun s'è affacciata?
Chiammáte 'a vicchiarella!...
Songh'io! Songh'io! Mammá! Mamma mia bella!
Songh'io ca só' turnato...
Ve vulite affacciá?!...
..............................
Mamma addó' sta?
III
Mamma addó' sta? Nisciuno mme risponne?
Tuttuquante cu 'e ffacce comm''a cera...
Chi chiagne...Chi mme sfuje...Chi s'annasconne...
Salvaturiello cu na scolla nera...
Ah, smaledette siano chesti mmane
ch'hanno vuluto sempe faticá...
Meglio a desiderá nu muorzo 'e pane
ma 'nziem'â vecchia mia...'nziem'a mammá!
..............................
Mamma addó' sta?
Dáteme 'a vecchia mia...
Pecché só' riturnato
e 'o bastimento, no...nun s'è affunnato?...
Nun s'è perzo p''a via?!
Che só' turnato a fá?!...
..............................
Mamma addó' sta?!
Bovio - Valente
MAMMA MIA CHE VO' SAPE'

Quanno 'a notte se ne scenne
p'abbruciá chist'uocchie stanche,
quann'io veglio e tu mme manche...
sento 'a smánia 'e te vasá!
E te chiammo e schiara juorno,
ma è pe' ll'ate stu chiarore...
tengo 'a notte dint''o core
e nun pòzzo arrepusá...
Ah, nun mme fá murí!...
tu che ne vuó' da me?
Mamma mia mme vène a dí pecché
chesta smánia nun mme vò' lassá...
Ah, nun mme fá murí...
Tu che ne vuó' da me?
Mamma mia che vò' sapé?
Mamma mia ch'ha da appurá?
Nun mme fido d''a vasá...
II
Mamma mia, 'sta vicchiarella,
ca mme guarda pe' gulío
e andivina 'o core mio,
tale e quale comm'a te...
Mamma mia mme vène appriesso,
cu na faccia 'e cera fina,
e mme guarda e nn'andivina
chesta freva mia ched è!
tu che ne vuó' da me?
Mamma mia nun pò capí pecché
chesta smania nun mme vò' lassá...
Tu che ne vuó' da me?
Mamma mia te sape a te
comm'a n'angelo 'e buntá...
Mamma mia ch'ha da appurá?!
Russo - Nutile
MAMMA'
Mammá, te porto 'a 'nnammurata mia
ca giá te ne parlaje tre ghiuorne fa...
diciste: "E' una 'e chelle 'e miez'â via...
e maje permetto ca trasesse ccá!..."
Ma guardala mammá, tene vint'anne,
si chiamma Addulurata...e mm'addulora
ca tu n''a vuó' cacciá proprio a chest'ora
ch'è notte, chiove e tene 'a freve, oje má'!
Mammá,
nun ce dicere 'e no:
giá cu ll'uocchie te chiamma,
cerca 'o core 'e na mamma...
nun dicere 'e no...
Mammá,
t''o pprumetto giá mo:
lasso 'e ccarte e ll'amice,
campammo felice...
accummencio da mo...
II
Mammá, si tu vuó' bene ô figlio tujo,
salvanno a essa...salve pure a me...
Mm'ha raccuntato d''o ppassato sujo
e mo se mette scuorno 'nnanze a te...
Io dico: 'A colpa è sempe d''o destino
ca mena addó' va va...comm''o cecato!...
A essa ha dato 'a croce d''o peccato...
e a te t'ha dato 'a croce 'e ll'onestá!
Mammá,
..............
III
Mammá, tu nun rispunne? e io perdo 'a fede!
Mme scaglio contro a tutte e contro a te...
E' overo...è stata 'ncopp''o marciappiede...
tu ca si' mamma nn''a puó' giudicá!
Che stó' dicenno, oje má'? Só' nu spergiuro!
Perdòname mammá, te stó' accedenno...
A tutt'e duje ce staje benedicenno...
mo, Dio, stu core 'e mamma ha da salvá!...
Mammá,
..............
..............
MAMMA PERDONAME
Mamma che faticave 'e nnotte sane
'nnanz'a nu lume pe' mme dá a mangiá...
'E vierno te gelave 'o core e 'e mmane...
e io stevo 'int''a cantina a mme spassá...
E pretennévo 'a te lusso e denare,
e quanno tu nun mm''e pputive dá,
te n'aggio date pene e morze amare...
te n'aggio fatto lacreme asciuttá.
Mamma,
mamma perdoname
pe' tutt''o mmale ch'aggio fatto a te...
Famme sentí 'sta mana benedetta
che mm'accarezza e tremma 'nfacci'a me...
Mamma...
Mamma perdoname!
II
Si quacche vota nun mme retiravo,
'o core se spezzava 'mpiett'a te...
E io ch''o vvedevo, ca mme n'addunavo...
facevo sempe finta 'e nn''o ssapé...
E, pe' na scellerata traditora,
ca tu chiagnive pe' mm''a fá lassá,
io te dicette, (mm''o rricordo ancora),
ca tu nun ire degna d''a guardá!
Mamma,
mamma perdoname...
......................
III
Mo staje malata, staje malata assaje...
e chistu figlio tutto 'nfamitá
ca, in vita soja, nun ha pregato maje,
mo chiagne e prega pe' te fá saná.
E ogge stesso, vicchiarella mia,
stu figlio malamente saje che fa?
Lassa 'a cantina e 'a mala cumpagnia
e torna, onestamente, a faticá...
Mamma,
mamma perdoname...
penza ca io tengo sulamente a te...
Pecché 'sta mana fredda mm'abbandona?...
Pecché tu 'nzierre ll'uocchie...ma pecché!?
(Un grido)
Mamma!...
Mamma perdoname!...
Pisano - Cioffi
MANDULINATA 'E LL'EMIGRANTE

Quanta miglia ha fatto 'o bastimento!...
sóngo giá tante ca nisciune 'e cconta...
E n'arpeggio doce porta 'o viento:
E' na canzone mentre 'a luna sponta...
Si' tu, si' tu,
cittá d''e manduline...
d''a giuventù,
d''e suonne, d''e ciardine...
Si' tu ca t'avvicine,
a nuje triste e luntane,
quanno 'e ccanzone
ce parlano 'e te!...
II
Stanno zitte e mute ll'emigrante:
só' mutive ca ogne core 'e ssente...
Nun è na canzone, ne só' ciento...
danno 'a bona nova a tutt''e viente...
Si' tu, si' tu,
cittá d''e manduline...
....................................
Ciaravolo - E. A. Mario
MANDULINATA A MARE
Mme só' 'mbarcato cu nu bastimento,
pe' mme scurdá 'e na femmena birbanta
ca 'nganna 'e 'nnammurate e se n'avanta...
e 'mmiez'ê vase 'mmésca 'o tradimento!
Oje mare mare, pòrtame
quanto cchiù puó' luntano...
luntano 'a chesta femmena!
Nn''a voglio cchiù vedé!!!
II
Chill'uocchie só' turchine comm''o mare
e, comm''o mare, sóngo 'nfame pure...
'O mare, addó' te cride 'e stá sicuro,
nu tradimento sempe te pripara...
.......................................
III
'E marenare, 'nterra Marechiaro,
'a chiammano: "'A Sirena Arrobbacore"
ma, primma ca s'arrobba chistu core,
io só' cuntento de jettarlo a mare!
........................................
Califano - Buongiovanni
MANDULINATA A NAPULE
Sera d'está! Pusilleco lucente
canta canzone e addora d'erba 'e mare...
Voglio 'e pparole cchiù d'ammore ardente,
voglio 'e pparole cchiù gentile e care
pe' dí "te voglio bene" a chi mme sente.
Ma d''e pparole cchiù carnale e doce,
ne sceglio sulo tre: "Te voglio bene..."
Bella, 'int''o core tujo sacc'io chi tiene...
chi sta int''o core mio saje pure tu...
P''o mare 'e Napule
quant'armunia!
Saglie 'ncielo e, 'ncielo, sentono,
tutt''e stelle, 'a voce mia:
voce, ca tènnera,
st'ammore fa.
II
Notte d'está! Se só' addurmute 'e ccase...
e 'o cielo, a mare, nu scenario ha stiso!
Staje 'mbracci'a me, 'nnucente só' sti vase...
Bella, stanotte, te só' frato e sposo...
Stanotte, Ammore e Dio, sóngo una cosa...
Canta: e da 'o suonno Napule se sceta...
ridono 'e vvocche ca se só' vasate...
tutt''e suspire 'e tutt''e 'nnammurate,
suspirano, stanotte, attuorno a te...
P''o mare 'e Napule
.................................
MANDULINATA A SURRIENTO
Mandulinata a Surriento...
Mandulinata a chi sposa
sott'a 'sta luna d'argiento,
ca 'e st'acqua addirosa,
nu specchio vò' fá...
Va', core scuntento...
va' te trova nu nido a Surriento...
addó' t'addormono sti manduline,
addó' 'e ciardine
danno sciure 'arancio
p''a felicitá!
II
Pure 'sta vita è nu mare
pure nu mare è ll'ammore:
Ll'onne só' cupe e só' chiare,
ma 'e ppene d''o core
se pònno scurdá...
Va' core scuntento...
.................................
III
E...nonna nonna, Surriento!
Doce è 'sta mandulinata:
Sott'a 'sta luna d'argiento,
na coppia scetata,
nun ha da restá!
Va' core scuntento...
.................................
E. A. Mario - Ciaravolo
MANDULINATA A' LUNA

'Ncoppo Pusílleco sti manduline
se 'ntennerísceno, cágnano suone...
pare ca sònano sulo p''a luna
ca fa d'argiento pure ll'arena...
e cchiù se stènnono
ll'ombre 'e chist'albere
p''o mare 'e Frisio
mo ch'è ll'está...
'A quanta sècule
duje core cantano,
duje core chiagnono,
mare 'e Pusilleco,
guardanno a te?
'E ggente 'e Napule,
tornano 'a ll'estero,
mòrono a Napule
pe' te vedé!
II
E 'a luna pallida pare 'a reggina
che, 'a copp'a ll'ásteco, sente 'e ccanzone...
Se ne fa lácreme, povera luna,
dint'a sti nnotte napulitane...
E a mare cádono
tutte sti llacreme,
ca i' veco 'e lùcere,
veco 'e tremmá...
'A quanta sècule
..........................
III
Ammore scétate! Viene luntano...
Viene addó cantano sulo 'e ssirene!
'E rimme trémmano dint'a sti mmane
e 'a vela aspetta, 'mmiez'â marina...
'E stelle volano,
e ll'onne 'e Frisio,
stanotte cántano
pe' me e pe' te!
'A quanta sècule
...........................
Bovio - Nardella
MANDULINO NAPULITANO
In un grande magazzino musicale,
ce steva nu sassofono lucente
ca nun vuleva stá 'ncopp''o scaffale
'nziem'a nu mandulino 'e poco o niente...
"Io sóngo nu strumento americano
e tu, vurría sapé chi si'?!..."
"Io sóngo nu mandulino napulitano
che a Napule nisciuno sona cchiù...
Sunavo p''o cuncertino ma, chianu chiano...
e a Napule scetavo 'a giuventù...
Tremmaje 'ncopp'a nu core 'e piscatore,
facenno serenate p''a cittá...
ma tu, caro sassofono tenore,
'ncopp'a nu core comme puó' tremmá?!
'ncopp'a nu core comme puó' tremmá?!
'ncopp'a nu core comme puó' tremmá?!"
II
E un giorno il mandolino fu comprato
da un poveretto vecchio suonatore...
Pe' 'mmiez'ê vie sunava appassiunato,
pe' quacche lira, fino a vintun'ore...
Sunánnolo, 'o vasava e lle diceva:
"Pecché, pecché suone accussí?!..."
Io sóngo nu mandulino napulitano...
...........................................................
Finale:
"Tremmaje 'ncopp'a nu core 'e piscatore,
facenno serenate p''a cittá...
Ma tu, caro sassofono tenore,
'ncopp'a nu core comme puó' tremmá?!"
MANELLA MIA
Mana ca mm'accarezza e mme cunzola,
uh, quanta smanie t'hê pigliato 'a me!
Dint'a 'sta vita, abbandunata e sola,
sempe mm'è parzo, 'nzuonno, 'e te vedé!
E te vedevo mòvere 'a luntano.
comme avisse vuluto salutá;
e currevo addu te, cu 'o core 'mmano,
appaurato 'e mme puté scetá!...
II
Mana ca t'arrubbaste chistu core,
tiénelo forte e cchiù nun 'o lassá...
Doppo tant'anne 'e lacreme e dulore,
tu sola mm'hê saputo cunzulá!
Comm''o cecato ca nun 'ngarra 'a via,
mm'avría pututo perdere pe' te...
ma tu vuliste farme cumpagnía
tutta cuntenta 'e nun mme fá cadé!
III
Tiéneme astrinto, tiéneme afferrato,
manella mia, pe' nun mme lassá cchiù...
Mo che mm'hê visto tanto appassiunato,
mme puó' dá pace sulamente tu...
Ma si t'ha da passá 'sta fantasia,
si 'sta cundanna 'e morte aggi''a paté,
pòrtate appriesso tutt''a vita mia!
Scíppame 'o core e nun mm''o fá vedé!
F. Russo - V. Valente
MANNAGGIA A TE
Mannaggia! Pecché t'aggi''a vulé bene?
Mannaggia tutt''e vase ca mm'hê dato!
Ca si nun te 'ncuntravo,
e nun mme 'nnammuravo,
nun stesse notte e ghiuorno a penzá a te...
Pe' te,
aggio perzo 'o surriso,
mme mancano 'e vase
ca tu dive a me...
Pe' te,
passo 'e nnotte scetáto...
mme sento malato...
e malato só' 'e te.
Destino!
Ma che bruttu destino...
Stu bbene,
è n'inferno pe' me!
Pe' te,
io mme sento ascí pazzo...
e guardá cchiù nun pòzzo,
chi bene mme vò'...
Faccio tutto pe' te...
campo e moro pe' te...
Mannaggia a te!
II
Io ca nun aggio maje vuluto bene,
nce só' caduto comm'a nu guaglione...
mme sóngo 'nnammurato
'e te ca si' sbagliata...
ma voglio sulo a te...mannaggia a te!
Pe' te,
aggio perzo 'o surriso...
e mme mancano 'e vase
ca tu dive a me...
Pe' te,
passo 'e nnotte scetáto...
mme sento malato
e malato só' 'e te...
Destino!
Ma che bruttu destino...
stu bbene,
è n'inferno pe' me...
Pe' te,
io mme sento 'ascí pazzo
e guardá cchiù nun pòzzo
chi bene mme vó'...
Mannaggia a te!
..........................
Mannaggia a te!!!
Apicella
MANNAME NU RAGGIO 'E SOLE

'Spatria nu core sempe cu ragione
o pe' ll'ammore o pe' cercá furtuna...
senza sapé ca, 'nterr'a na banchina,
lassanno 'o bbene,
se lassa 'a vita...
e lassa 'a vita chi perde a te!...
Mánname nu raggio 'e sole dint'a na lettera,
nu raggio 'e sole...
nu poco 'e sole
mme fa sentí ll'ammore!...
Pássano pure pe' ccá sti vvoce 'e Napule...
però na voce,
mme mette 'ncroce:
mme sta cantanno "Anema e core..."
Mm'affogo dint''e llacreme cchiù amare...
só' lacreme cucente tutt''e ssere...
A Napule se canta e i' mme ne moro
luntano 'a te...
Mánname nu raggio 'e sole dint'a na lettera,
nu raggio 'e sole,
nu poco 'e sole...
che te pò custá?
II
Femmena bella, e dilla na buscía!...
Puó' dá nu juorno 'e vita â vita mia...
Famme penzá ca nun mme lasse maje...
E dimme ancora ca mme vuó' bene
e ca vuó' bene sultanto a me...
..................................................
..................................................
Mánname nu raggio 'e sole dint'a na lettera...
Nu raggio 'e sole,
nu poco 'e sole...
che te pò custá?!...
Titomanlio - Benedetto
MARE VERDE
Nun è campagna è mare, mare verde:
nu golfo d'erba, na scugliera 'e fronne,
ca luntano se perde
sott''o cielo d'está...
E pe' stu mare verde senza fine,
suonno d''a vita mia,
cchiù carnale e gentile
tu cammine cu me...
Ll'ombra te veste ma te spoglia 'o sole:
si' d'oro comm''o ggrano...
Tremmanno 'e passione
t'astregno sti mmane...
e 'o mare verde,
ce 'ncanta e ce perde,
abbracciáte accussí...
II
Dorme nu bosco e canta na surgente...
Sisca nu treno sott'a na muntagna...
Va sbarianno cu 'o viento,
na palomma ccá e llá...
E pe' stu mare verde....
......................................
Finale:
E ce perdimmo pe' stu mare verde...
Stu mare verde.....
Marotta - Mazzocco
A MARECHIARO
Quanno spónta la luna a Marechiaro,
pure li pisce nce fanno a ll'ammore...
Se revòtano ll'onne de lu mare:
pe' la priézza cágnano culore...
Quanno sponta la luna a Marechiaro.
A Marechiaro ce sta na fenesta:
la passiona mia ce tuzzuléa...
Nu garofano addora 'int'a na testa,
passa ll'acqua pe' sotto e murmuléa...
A Marechiaro ce sta na fenesta....
II
Chi dice ca li stelle só' lucente,
nun sape st'uocchie ca tu tiene 'nfronte!
Sti ddoje stelle li ssaccio i' sulamente:
dint'a lu core ne tengo li ppónte...
Chi dice ca li stelle só' lucente?
Scétate, Carulí', ca ll'aria è doce...
quanno maje tantu tiempo aggi'aspettato?!
P'accumpagná li suone cu la voce,
stasera na chitarra aggio purtato...
Scétate, Carulí', ca ll'aria è doce!...
Di Giacomo - Tosti
MARECHIARO MARECHIARO
Che só' 'e rricchezze,
che sóngo 'e denare?
Niente pe' me!
I' só' padrone
'e nu grande tesoro
tutto pe' me!
Marechiaro, Marechiaro...
Tu, sulo tu,
puó' fá dicere a stu core:
"Ma che vuó' cchiù?!"
E' na musica stu mare
ca nisciunu prufessore
'ncopp''a carta pò stampá!
Nu cuncierto senza fine
ca si duje se vònno bene,
nun se pònno cchiù scurdá!
Quanno 'ncielo sponta 'a luna,
chi è meglio 'e me!?
Tengo 'ammore 'int'a sti bbraccia,
dint''o core na canzone...
tengo 'a luna e tengo a te!
II
Dint''o silenzio
st'ammore è nu suonno,
bello a sunná!
Mentre suspirano
e parlano ll'onne
d'eternitá!
Marechiaro, Marechiaro...
..........................................
Murolo - Forlani
MARGARITA DE PARETE
Margarita de Paréte,
Era 'a sarta d''e ssignore,
se pugneva sempe 'e ddete
pe' penzare a Salvatore...
Margarí', hê perzo a Salvatore...
Margarí', ma ll'ommo è cacciatore...
Margarí', nun ce haje colpa tu...
chello ch'è fatto...è fatto,
'un ne parlammo cchiù!
II
E' caduta dint''a rezza
chella povera senzélla...
se tagliasse chella trezza,
se facesse munacella!
...................................................
III
Dice a gente che a Parete,
c'è na fonte 'mmiez'ê ppiante...
e chi passa e tene sete,
guarda, véve...e passa 'nnante!
....................................................
Cinquegrana - Fassone
MARGELLINA
Na rezza torna e parte na canzone
quanno na mana ajuta n'ata mana...
E manna, manna, manna,
stu mare quanno aónna
e dice: Mo cuntento te puó' stá,
marená'...
Margellina, Margellina
d''e marenare,
d''e pparanze sott''o sole,
d''e vvoce a mare...
Pe' tutt''e ccoppie abbracciate
che saje fá...
che saje fá...
Chi ll'affitta sti vvarche a ll'ammore,
si' tu Margellina
d''e marenare...
II
Corrono 'e vvarche addó' s'affonna 'a luna,
a nomme 'e Mamma bella d''a Catena!
Se ménano 'int''e vuzze,
se fermano 'int''e rrezze,
stelle ca só' cadute pe' chiammá:
Marená'!
Margellina, Margellina
d''e marenare.........
...............................
Finale:
Varca...Varca...Varca...Varca!...
Pure ll'ùrdema coppia ch'è scesa
se sta pe' 'mbarcá...
Margellina d''e marenare!
Enzo Bonagura
MARIA 'A RIGGINA 'E NAPULE

Dint'a 'sta notte 'e delizia e d'ammore,
niente mme manca pecché tengo a te...
Mo, ca cchiù forte t'astregno a stu core,
pare ca 'o munno è felice cu me...
Si stanotte nun tengo 'a chitarra,
so' duje vase 'a cchiù bella armunía!
Tu pe' me si' ll'eterna Maria...
tu si' 'a riggina 'e Napule,
ca mme fa chiagnere,
e mme fa cantá!
II
Bella, 'int'a st'uocchie turchine e lucente,
tutt''a passione e stu core ce sta...
Nun di' ca no, ca só' ll'ore cchiù ardente...
damme 'o cchiù meglio ch'Ammore pò dá!
....................................................
III
Dimme, dimane, cu 'a luce d''o sole,
rieste fedele a 'st'ammore Marí'!?...
Parla, rispùnneme...e di' doje parole...
si mme vuó' bene, famméllo sentí...
....................................................
Emilio - Buongiovanni
MARIA MARI'
Arápete fenesta!
Famme affacciá a Maria,
ca stóngo 'mmiez'â via...
speruto d''a vedé...
Nun trovo n'ora 'e pace:
'a notte 'a faccio juorno,
sempe pe' stá ccá attuorno,
speranno 'e ce parlá!
Oje Marí', oje Marí',
quanta suonno ca perdo pe' te!
Famme addurmí,
abbracciato nu poco cu te!
Oje Marí', oje Marí'!
Quanta suonno ca perdo pe' te!
Famme addurmí...
oje Marí', oje Marí'!
II
'Mmiez'a stu ciardeniello,
ce ride 'a malvarosa...
Nu lietto 'e fronne 'e rosa
aggio fatto pe' te...
Viene che 'a notte è doce,
'o cielo ch'è nu manto...
Tu duorme e io te canto
'a nonna a fianco a te...
.................................
III
Pare che giá s'arape
na sénga 'e fenestella...
Maria cu 'a manella,
nu segno a me mme fa!
Sòna chitarra mia!
Maria s'è scetata!...
Na scicca serenata,
facímmole sentí:
................................
V. Russo - Di Capua
MARIANNI'
T'aggio ditto tanta vote:
nun fá 'ammore cu pumpiere,
só' na matta de 'mbrugliére...
Gué, te lassa e se ne va,
Marianní', sciasciona mia,
gué nun farme cchiù sperí....
II
Quanno jèsce da 'o quartiere,
co' la sciabolella a lato,
cu 'o bonetto ammartenato...
nèh, lassátelo passá!
.........................................
III
T'aggio ditto tanta vote:
nun fá 'ammore cu 'o surdato...
na partenza cchiù de n'ata...
gué, te lassa e se ne va...
.........................................
IV
Nèh, chiammate a mamma mia:
mm'è venuta 'a passione...
mo te mange lu limone...
te lo mange mo pe' mo...
.........................................
V
A lo llario d''o Castiello,
se só' fatte 'e ciardinette,
chi passéa e chi s'assètta
e chi aria va a pigliá...
..........................................
MARTELLACORE
Mm''o ddiceva mammélla mia:
Martellacore te perdarrá!
Statte attiento si arrassusia
te dicesse: "Tu mm'hê 'a spusá"...
I
Che mme ne faccio 'e te cuperta 'e raso?
Che mme ne faccio cchiù d''o lietto 'e sposa?
'O parrucchiano aspetta dint''a Cchiesa
e i' chiagno 'nnanz'a chesta casa 'nchiusa...
Dint''o core nu martiello:
ndunghe - ndunghe - ndunghe - ndá...
e nu chiuovo dint''o cerviello
dice: "Chella, nun turnarrá!"
Cuperta 'e raso,
comm'ire bella 'ncopp''o lietto 'e sposa...
..............................................................
Che mm'ha fatto stu primmo ammore!
Madonna mia scánsame tu!
Io t''o ggiuro cu tutt''o core
ca nun voglio fá 'ammore cchiù!...
II
Che mme ne faccio 'e te chitarra mia,
mo ca ce manca 'o mmeglio: 'a voce soja?
Comme ce 'ntenneréva a tutt'e duje
quanno cantava: "Nun te lasso maje!"
Dint''o core nu martiello:
.........................................
Finale:
Mm''o ddiceva mammélla mia:
"Chella 'nfama te perdarrá!"
L. & G. Cioffi
MARUZZELLA
Ohé!
Chi sente?
E chi mo canta appriesso a me?
ohé,
pe' tramente
s'affaccia 'a luna pe' vedé!
Pe' tutta 'sta marina
'a Pròceda a Resína,
se dice: "Guarda llá,
na femmena che fa!"
Maruzzella, Maruzzè'...
t'hê miso dint'a ll'uocchie 'o mare
e mm'hê miso 'mpiett'a me
nu dispiacere...
Stu core mme faje sbattere
cchiù forte 'e ll'onne
quanno 'o cielo è scuro...
Primma me dice "sí",
po', doce doce, mme faje murí...
Maruzzella, Maruzzé'...
II
Ohé!
Chi mm'ajuta?
Si tu nun viene a mm'ajutá?
Ohé,
mm'è venuta
na voglia ardente 'e te vasá.
E vieneténne oje bella...
e damme 'sta vucchella
ca, pe' mm'avvelená,
'e zùccaro se fa...
Maruzzella, Maruzzè'...
......................................
Bonagura - Carosone
'MBRACCI'A ME
Tóre è partuto
e sola si' restata...
Che te lusinghe a fá?!
E se n'è ghiuto
cu n'ata 'nnammurata...
Che birbante!
Avé tantu curaggio
'e lassá
'sta bella rosa 'e maggio!?
Nun chiagnere Carmè',
'o munno accussí va:
Ménate 'mbracci'a me
si te vuó' cunzulá!
II
Ce sta stu core
ca te vò' bene assaje...
Ménate 'mbracci'a me...
Nn'avé' timore
ca nun te lasso maje...
Che birbante!
.......................
III
Pe' st'uocchie belle
e 'sta faccella 'e cera...
Comme te voglio amá...
Cu 'e mmullechèlle
te tratto juorno e sera...
Che birbante!
.......................
Di Chiara - Barbieri
'MBRACCI'A TE
Tu!...tu nun tiene vint'anne e si' Maria:
si' 'o pprincipio 'e na rosa,
n'alba 'e maggio, na sposa 'int'a na chiesa...
e pe' te nun ce vònno raritá...
Na tazzulella 'e mare,
nu fazzuletto 'e rena,
addó' ll'acqua ca vène
sposa ll'acqua che va...
Na frangettella 'e nuvole,
na vranca 'e stelle chiare...
e io vicino a te...
core 'e stu core,
io mme sperdo e mme trovo
doce, doce, senza freve,
'mbracci'a te...
'mbracci'a te...
II
Tu!...tu nun tiene vint'anne e si' figliola:
si' 'o pprincipio 'e nu suonno,
si 'a palomma ca vola 'ncopp''o giglio...
e pe' te nun ce vònno raritá...
Na tazzulella 'e mare,
...................................
Marotta - Buonafede
MICHELEMMA'
E' nata 'mmiez'ô mare,
Michelemmá, Michelemmá...
E' nata 'mmiez'ô mare,
Michelemmá, Michelemmá...
oje na scarola...
oje na scarola...
oje na scarola...
oje na scarola...
II
Li turche se nce vanno,
......................................
a reposare.
III
Chi pe' la cimma e chi,
.....................................
pe' lo streppone.
IV
Biato a chi la vence,
................................
a 'sta figliola.
V
'Sta figliola ch'è figlia,
...................................
oje de notaro.
VI
E 'mpietto porta na,
................................
stella diana.
VII
Pe' fá morí ll'amante,
..................................
a duje a duje.
Salvator Rosa
MIEROLO AFFURTUNATO
A ll'acqua chiara e fresca,
a ll'acqua 'e tre funtane,
mme só' lavato 'e mmane...
E mme ll'aggio asciuttate
'e n'albero a li ffrónne
addó' canta nu miérolo cianciuso
e s'annasconne...
Miérolo affurtunato,
Viato a chi te sente!...
'Sta voce, alleramente,
sceta 'o silenzio attuorno...
e tremmano sti ffrónne
addó' canta ll'auciello apprettatore
e s'annasconne!
II
Pur'io cantavo: io pure,
cuntenta e affurtunata,
tutt''a santa jurnata...
- St'uocchie! Ah, quante só' belle!
E chesti ttrezze jónne!
- mme dicett'uno. - E 'sta faccia ca ride
e s'annasconne! -
.................................
III
Mo chiágnono cu mico
ll'arbere, ll'erba, 'e ffrónne...
e ll'eco mme risponne...
Cchiù 'sta faccia nun ride,
ma 'e lacreme se 'nfónne:
Dint'a sti mmane meje, rossa se 'nzèrra
e s'annasconne!...
................................
Di Giacomo - E. A. Mario
MIETTE NA MANA CCA'

Tu che mm'hê fatt'a me,
ca io nun mme fido 'e stá?...
ca n'ora senza 'e te
nun pòzzo arrepusá?...
Si tu te cride, oje né',
ca io voglio repassá...
t''o ppòzzo fá vedé,
t''o ppòzzo fá tuccá...
E miette...
e miette...
e miette na mana ccá...
e vide che ce sta,
e siente che te fa...
e miette...
e miette...
na mana 'ncopp''o core
e vide chist'ammore
che sape cumbiná...
II
Io quanno veco a te,
fernesco 'e ragiuná...
si staje vicino a me
mme sento 'e cunzulá...
Vurria sulo sapé,
vulesse andiviná,
ll'effetto ca fa a me...
si pure a te t''o fa...
E miette...
e miette...
.................
III
Fa' chello ca dich'i'...
nun te fá cchiù pregá:
Cu 'o scuorno, 'o vvuó' capí?
ll'ammore nun se fa!
Sti bbracce 'e vvuó' arapí?
'sta vocca mm''a vuó' dá?
Astrígneme accussí...
e nun tremmá!
E miette...
e miette...
.................
Califano - Falvo
MM'AGGI''A CURA'
Mm'aggi''a curá...Mm'aggi''a curá:
'Mmiez'a 'sta capa,
na cosa pesante pesante mme sento...
Mi fermo qua...mi fermo lá...
e, a squarciagola,
mi metto a contare
da uno a trecento!...
E' pazzo 'o 'í!...
E' pazzo 'o 'í!...
'A gente dice: Fuíte, fuí'!...
Il viso del folle,
l'ho fatto per te;
il grugno del pazzo,
lo tengo per te...
Ho venduto trecento carrozze,
ho venduto trecento palazzi...
'A faccia d''o pazzo...
l'ho fatta per te!
Comme mme pesa 'sta capa, nèh!
Aíza!
Ched è?
Aíza!
Ched è?
'A capa mme pesa, gué!
II
Mm'aggi''a curá!...Mm'aggi''a curá!
Oggi il dottore
mi ha detto: "Mio caro, vuje state 'nguajato!
Guardáte qua...toccáte qua..."
E, aret''a capa,
na specie 'e na palla
'e tennis ha truvato...
E' tosta 'a 'í!...
E' tosta 'a 'í!...
Ah, comm'è tosta 'sta palla 'e tenní...
Il viso del folle
l'ho fatto per te...
'A capa cu 'a palla
'a tengo pe' te!
Ho venduto tre quadri e uno schizzo,
quattro penne di struzzo e un arazzo...
'A faccia d''o pazzo...
l'ho fatta per te!
.......................................................
III
Mm'aggi''a curá...Mm'aggi''a curá!
Ih, che mm'hê fatto
o donna perversa, bugiarda e spergiura!...
Che pòzzo fá?...Che pòzzo fá?
Se mi suicido,
vedendomi morto,
mme metto paura!
Mm'aggi''a spará!
- Nun te spará!... -
'A gente dice che è meglio a campá.
Il viso del folle
l'ho fatto per te!
Allora mo campo...
ch'è meglio pe' me!
Mo mme magno na sarda e na pizza,
na scamorza e na capa 'e merluzzo:
'O pranzo d''o pazzo...
lo faccio per te!
.......................................................
Finale:
Ched è?!...Ched è?!...
'sta capa, 'sta capa, 'sta capa
mme pesa a me!...
Pisano - Cioffi
MIO CARISSIMO PASQUALE

Faccia senza culore,
sei bugiardo e traditore...
pe' chesto mm'hê lassato,
'nfamó'!
Doppo ca mm'hê vasato,
doppo ca t'hê arrubbato,
'e vase 'e chesta vócca...
'nfamó'!
Pe' chesto, pe' dispietto,
te manno stu biglietto
ca mme ll'ha scritto, a mano,
Don Saverio 'o sacrestano...
sientatéllo, sié':
"Mio carissimo Pasquale,
(virgola e poi da capo,)
t'hann''a spará, pe' scagno,
sott'a n'albero 'e cutogne
'o mese 'e giugno...
(punto e poi da capo...)
t'aggi''a vení a purtá
grillande 'e sciure
pecché 'o core è sempe core...
pure muorto te voglio amá!
Pascá'...
T'aggio cuntato 'o cunto...
(Punto!)"
II
Na sera, 'mmiez'ô ggrano,
mme purtaste a mano a mano...
e llá spuntaje 'a luna,
'nfamó'!
Mo sponta 'a luna e 'o sole
cu n'ati ddoje figliole...
t''e ttruove a doje a doje
'nfamó'!
Perciò te tengo 'nganna...
pe' chesto mo te manno
stu scritto indisponente...
mo t''o leggo nu mumento,
sientatéllo, sié':
........................................
III
Nu juorno 'e primmavera,
venette allero allero,
e lle dicette: "Siente
'nfamó',
si tu anduvine 'o posto
addó tengo annascosta
na rosa prelibata,
t''a dó'..."
E tu ll'anduvinaste
e 'a rosa te pigliaste...
ma adesso avrai per posta
'sta proposta tosta tosta,
sientatélla, sié':
........................................
Finale:
Pascá',
t'aggio cuntato 'o cunto...
Punto!
Punto!
Aaah!
Pisano - Cioffi
MME CHIAMME AMMORE

Stanotte,
stu cielo e stu mare
te fanno
cchiù bella...
Luntano,
na musica sona...
e nun mme pare overo
ca si' turnata 'mbraccio a me,
ammore mio...
Mo mme chiamme ammore e nun 'o ssaje pecché
dint''o viento si' turnata a me...
Cagnano 'e culore ll'uocchie tuoje pe' me,
tòrnano a mme 'ncantá;
ma si nun saje dicere che pienze a me,
strígneme e nun parlá:
Sí, ll'ammore nuosto è chistu ccá!
Mo dimme tu che mm'hê lassato a fá?
..................................................
E si nun saje credere 'a felicitá
sònname, nun te scetá:
Sí, ll'ammore mio si' sempe tu
e i' cerco sulo 'ammore e niente cchiù!...
Faiella - Di Francia
MME NE VOGLIO JI' A 'NZURA' 'NCOPP'ANTIGNANO

Mo ca vinticinch'anne aggio cumpito,
cchiù 'e nu migliaro 'e lire mm'è trasuto...
Cu chesta grossa somma ch'aggi'avuto,
na nénna aggi''a truvá comme dich'i'...
Mme voglio jí a 'nzurá 'nterra Surriento..
mme voglio jí a pigliá na Surrentina!
Nun mme ne curo ca nun tene niente:
basta ca tène 'e mmuzzarelle fine!
Ma bona, bella e fina,
na guappa Surrentina!
II
E si 'sta furastera mme tradisce
pecché nun sóngo prátteco 'e paese?
Primma ca faccio chesti mmale spese,
Napulitana mia, te voglio a te!
Mme voglio jí a 'nzurá dint''a Duchesca...
mme voglio jí a pigliá na pizzajola...
Nun 'mporta ca nun è na cosa fresca
basta ch''a sape fá cu 'a pummarola!
Na bella pizzajola,
ch''a fa cu 'a pummarola!
III
Ma n'ata cosa mo stó' riflettenno:
cu chella d''a Duchesca 'un se pazzéa
chella se magna 'e llire e mme paléa!...
'A veritá...mme voglio alluntaná!
Mme voglio jí a 'nzurá 'ncopp'Antignano...
mme voglio jí a pigliá na ciardenèra!
Nun 'mporta ca mme chiammano pacchiano,
basta ch'arracqua 'o ciardeniello â sera...
Senza mancá na sera,
'nzieme cu 'a ciardenèra!...
IV
E cu 'sta ciardenèra manco è cosa
pecché só' tutte quante male spine...
Ne fanno ca ne fanno 'int''e ciardine...
E ll'unica risorsa è chesta ccá:
Mme voglio jí a 'nzurá a Santa Lucia...
mme voglio jí a pigliá na Luciana!
Padrona 'a faccio 'e tutt''a rrobba mia,
basta ca tène 'e mmummarèlle sane!
Na bona Luciana,
cu 'e mmummarèlle sane!...
MME SO' MBRIACATO 'E SOLE

Sciure ca mme parlate 'e Primmavera,
quanno nascite vuje, mme ride 'o core...
Bello è 'o paese mio, addó' ll'ammore,
sape ca tutto ll'anno ha da cantá:
Mme só' 'mbriacato 'e sole,
mme só' 'mbriacato 'e mare,
'e ll'uocchie 'e sti ffigliole,
d''e vvarche e d''e llampare...
Mme trèmmano 'e pparole
e vuó' sapé pecché?
Mme só' 'mbriacato 'e sole...
Mme só' 'mbriacato 'e te!...
II
Sona 'a campana e dá ll'avummaria:
pace e silenzio dóce quanto maje...
Cádeme 'mbraccia e doppo, ánema mia,
cchiù sottavoce canta appriesso a me:
Mme só' 'mbriacato 'e sole...
...............................................
Titomanlio - D'Esposito
'MMIEZ'Ô GGRANO
E 'a sera, sott''o pásteno
d''e mméle annurche, passa
stu core sempe gióvane
ca ride e ch'arrepassa...
E 'a luna, pazziánnose
nu ramo e n'atu ramo,
'nterra, cu 'e file d'èvera,
ricama nu ricamo...
Oje Stella, Sté'...ch'aspiette nu signale,
'o ggrano ammaturato è culor d'oro:
E sti capille tuoje só' tale e quale...
E 'o ssaje ca i' mme ne moro,
si 'mmiez'ô ggrano, nun mm''e ffaje vasá!...
II
Quanno 'e marite dòrmono,
stracque 'e fatica ancora,
ll'ammore, che sta pésole,
sceglie 'a quartata 'e ll'ora...
St'arille comme cantano
sott'a 'sta luna chiara!
E comm'addora 'o ccánapa
pe' tuorno a 'sta pagliara...
...............................................................
III
Ma tu nun duorme: è inutile...
stu core tujo mme sente
quanno, pe' sott'a ll'albere,
passo annascostamente...
E ghiésce fore pallida,
bella comm'a nisciuna...
E 'a luna, zenniánnoce,
cufféa...'sta 'mpésa 'e luna!...
...............................................................
Nicolardi - Nardella
MUNASTERIO 'E SANTA CHIARA

Dimane?...Ma vurría partí stasera!
Luntano, no...nun ce resisto cchiù!
Dice che c'è rimasto sulo 'o mare,
che è 'o stesso 'e primma...chillu mare blu!
Munasterio 'e Santa Chiara...
tengo 'o core scuro scuro...
Ma pecché, pecché ogne sera,
penzo a Napule comm'era,
penzo a Napule comm'è?!
Funtanella 'e Capemonte,
chistu core mme se schianta,
quanno sento 'e dí da 'a gente
ca s'è fatto malamente
stu paese...ma pecché?
No...nun è overo...
no...nun ce créro...
E moro cu 'sta smania 'e turná a Napule...
Ma ch'aggi''a fá?...
Mme fa paura 'e ce turná!
II
Paura?...Sí...Si fosse tutto overo?
Si 'a gente avesse ditto 'a veritá?
Tutt''a ricchezza 'e Napule...era 'o core!
dice ch'ha perzo pure chillu llá!
'Nchiuse dint'a quatto mura,
quanta femmene sincere,
si perdévano ll'ammore,
se spusavano a Gesù!
Funtanella 'e Capemonte...
mo, si pèrdono n'amante,
giá ne tènono ati ciento...
ca, na femmena 'nnucente,
dice 'a gente, nun c'è cchiù!
No...nun è overo...
No...nun ce crero...
E moro pe' 'sta smania 'e turná a Napule!
Ma ch'aggi''a fá...
Mme fa paura 'e ce turná!
(Finale:)
Tengo 'o core scuro scuro...
Ma pecché, pecché ogne sera,
penzo a Napule comm'era
penzo a Napule comm'è?!...
Galdieri - Barberis
N'ACCORDO IN "FA"
Tenevo na paciona 'e 'nnammurata,
affezionata, semplice e gentile...
Doppo tre anne, 'a capa ll'è avutata,
e ll'è venuto 'o sfizio 'e mme lassá...
Stó' contro a tutt''e ffemmene
pe' chesta 'nfamitá...
E na vendetta nera voglio fá:
Mm'ho comprato nu mandulino
e mme metto for''o balcone...
Quanno passa na signurina
io lle faccio n'accordo in "Fa"...
Po' lle canto chistu sturnello
ch'è capace d''a 'ntussecá:
Fli-ppó...fli-ppó...
fli-ppó...fli-ppó...
Fiore di primavera...
La donna tiene i peli sopra il cuore,
e io nun mm''a pigliasse pe' mugliera
nemmeno se me l'ordina il dottore...
Parola mia,
parola mia d'onore...
II
Diceva: "Tu si' tutt''o core mio
e si mme lasse tengo il vetriuolo!"
Po' mme guardava 'mmocca pe' gulío...
a n'atu mese avévam''a spusá...
Nèh chella 'o juorno quínnece mme dice chesto a me,
'o sídece...nun se fá cchiù vedé!
E pe' chesto, cu 'o mandulino,
io mme metto for''o balcone,
quanno passano 'e ssignurine
lle cumbino n'accordo in "Fa"...
ch'è capace d''e 'ntussecá:
La donna dice: "Una capanna e un cuore..."
ma quanno vede 'e ccarte 'e mille lire,
se mette pure cu nu scupatore...
Parola mia,
parola mia d'onore!...
III
Succede, che mm'accatto nu giurnale,
e trovo scritto: "Rosa Imperatore,
oggi si sposa con...il tal dei tali..."
E' chillo 'o juorno ca mm'aggi''a spassá...
Faccio na cosa semplice
ca ll'ha da fá svení...
Dice: Ma che lle faje? Mo v''o ddich'i'!
Mme ne jèsco cu 'o mandulino
e mme metto sott''o purtone...
quanno arrivano gli sposini,
io lle faccio n'accordo in "Fa"...
ch'è capace d''e ffá schiattá:
Chist'è nu matrimonio per amore,
ma tu, mio caro sposo, sta' sicuro
che a San Martino vaje a fá 'o priore...
Parola mia,
parola mia d'onore...
Pisano - Valente
N'AUCELLUZZO
N'aucelluzzo 'nfame,
'mpietto mm'ha muzzecato...
stu core s'è arrubbato
e nun mm''o vò' cchiù dá.
Aucelluzzo mio,
nun mme fá stu dispietto:
i', senza core 'mpietto,
comme faccio a campá?
Ll'avevo dato a essa,
ma po' mme ll'ha turnato...
sceppato, scamazzato,
redutto na pietá!
Si 'o vuó', ne faccio a meno...
t''o dóngo, bene o male,
ma tiénelo carnale:
nun mm''o fá maje suffrí!...
Nun fá comm'ha fatt'éssa
quanno nce ll'aggio dato,
ca 'mpietto ll'ha purtato
sulo p''o fá murí!...
Finale:
Si 'o vuó', ne faccio a meno...
t''o dóngo, bene o male,
ma tiénelo carnale:
nun 'o fá maje suffrí!...
Nun fá comm'ha fatt'éssa
quanno nce ll'aggio dato,
ca 'mpietto ll'ha purtato
sulo p''o fá murí!...
Sacco - Gagliardi
NA 'MMASCIATA
T'aggi''a fá na 'mmasciata Filumè'...
vien''a ccá, vien''a ccá...
'Mpietto nun mme la pòzzo cchiù tené...
comme va, comme va?
Pecché rossa te faje? Ména mo,
vuó' sentí, vuó' sentí?
ca mámmeta strillare nun te pò,
nun fuí, nun fuí!
Nu poco la manélla vuó' pusá
'mpiett'a me, 'mpiett'a me?
Stu core comme zompa 'a ccá e 'a llá
vuó' vedé, vuó' vedé?
Mme ne stó' ghiènno 'nfuoco, lássem'í...
nun sciusciá, nun sciusciá!
Abbruciato pe' te voglio murí:
nun stutá, nun stutá!...
Io stó' 'mpazzenno, nun ne pòzzo cchiù...
sient'a me, sient'a me...
Stu core sta facenno tuppe-ttu,
Filumè', Filumè'...
Lu vide, da lu pietto vò' scappá...
tu lo vuó', tu lo vuó'?
Cchiù, senz''e te, nun pòzzo arrepusá...
nun dí no, nun dí no...
NA BRUNA
Venètte da tanto luntano
nu furastiero,
nu furastiero...
Restaje 'ncantato d''o mare,
d''o sole e 'a luna,
nu furastiero...
Se 'ncantaje 'e duje uocchie curvine
'e na bruna, 'e vint'anne d'etá...
Chella vò' bene a n'ato
e pe' chillo more,
pe' chillo more...
Pe' nu bellu guaglione
'e piscatore,
'e piscatore...
Furastiero, 'e denare che só'?
Quanno 'o core fa chello che vò'...
Chella s'è fatta 'a croce cu ll'acqua 'e mare,
cu ll'acqua 'e mare...
e po' ha giurato: "Io nun te lasso maje,
nun te lasso maje..."
II
P''o mare na festa 'e lampáre...
Nu piscatore,
nu piscatore,
s'astregne 'int''e bbracce na bruna
cu 'o velo 'e sposa,
cu 'o velo 'e sposa...
Dice 'a gente: "Cu bona furtuna!...
pe' cient'anne,
pe' sempe accussí..."
Chella vò' bene a n'ato
.....................................
Langella - Bruni
NA CANZUNCELLA DOCE DOCE

Oh - Oh...
Oh - Oh...
Oh - Oh...
Oh - Oh...
Aggio girato 'o munno sott'e 'ncoppa,
e, cammenanno só' arrivato ccá!
Mme porto sempe appriesso 'o pianoforte...
pecché nun pòzzo stá senza suná...
Facíteme cantá na canzuncella
che, a tuttuquante, voglio dedicá...
Voglio cantá na canzuncella doce doce...
ca parte 'a Napule e luntano pò arrivá...
Na canzuncella ca facesse truvá pace
a tutt''a gente ca 'int''a pace nun ce sta...
Na canzuncella ca trasesse dint''o core
e putesse fa rummore
pe' chi nun vò' sentí...
Na canzuncella ca dicesse a tuttuquante:
"Vuliteve cchiù bene e io só' cuntenta..."
II
Oh - Oh...
Oh - Oh...
Oh - Oh...
Oh - Oh...
Mme piáciono 'e guagliune 'nnammurate
si 'e vvéco, astritte astritte, 'e s'abbracciá...
pecché se vònno bene uno cu ll'ata
e 'nzieme, tutt''a vita, vònno stá...
Oje né', basta nu poco 'e sentimento..
e pò cantá cu me chi vò' cantá...
Jammo a cantá na canzuncella doce doce...
.....................................................................
Finale:
Na canzuncella ca trasesse dint''o core
e putesse fá rummore
pe' chi nun vò' sentí...
Na canzuncella ca dicesse a tuttuquante:
"Vulíteve cchiù bene e io só' cuntenta..."
Mattone - Carosone
NA SERA 'E MAGGIO

Quanno vien'a 'appuntamento
guarde 'o mare, guard''e ffronne,
si te parlo nun rispunne,
staje distratta comm'a che.
Io te tengo dint''o core,
sóngo sempe 'nnammurato
ma tu, invece, pienze a n'ato
e te staje scurdanno 'e me...
Quanno se dice: "Sí!"
tiènelo a mente...
Nun s'ha da fá murí
nu core amante...
Tu mme diciste: "Sí!" na sera 'e maggio...
e mo tiene 'o curaggio 'e mme lassá?!
II
St'uocchie tuoje nun só' sincere
comm'a quanno mme 'ncuntraste,
comm'a quanno mme diciste:
"Voglio bene sulo a te..."
E tremmanno mme giuraste,
cu na mano 'ncopp''o core:
"Nun se scorda 'o primmo ammore!..."
Mo te staje scurdanno 'e me...
Quanno se dice: "Sí!"
..................................
Pisano - Cioffi
NA TAZZULELLA 'E CAFE'

Na tazzulella 'e cafè...
e maje niente ce fanno sapé...
Nuje ce puzzammo 'e famme,
'o ssanno tuttuquante...
e, invece 'e ce ajutá,
ce abbóffano 'e cafè...
Na tazzulella 'e cafè,
cu 'a sigaretta 'a coppa
pe' nun vedé
che stanno chine 'e sbaglie,
fanno sulo 'mbruoglie:
s'allisciano, se váttono...
se pigliano 'o ccafè...
E nuje passammo 'e guaje...
nuje nun putimmo suppurtá...
e chiste, invece 'e dá na mano,
s'allisciano, se váttono,
se mágnano 'a cittá!...
E nuje passammo 'e guaje...
nuje nun putimmo suppurtá...
e chiste invece 'e dá na mano,
II
Na tazzulella 'e cafè,
acconcia 'a vocca
a chi nun vò' sapé...
E nuje tirammo 'nnanze,
cu 'e dulure 'e panza...
e invece 'e ce ajutá,
ce abbóffano 'e cafè...
Na tazzulella 'e cafè...
cu 'a sigaretta 'a coppa
pe' nun vedé...
S'aízano 'e palazze,
fanno cose 'e pazze,
ce girano, ce avòtano,
ce jéngono 'e tasse...
E nuje passammo 'e guaje,

nun putimmo suppurtá...
E nuje passammo 'e guaje,
nun putimmo suppurtá...
se allisciano, se váttono,
Mattone
NA VOCE, NA CHITARRA E 'O PPOCO 'E LUNA
Na voce, na chitarra e 'o ppoco 'e luna...
e che vuó' cchiù pe' fá na serenata!?
Pe' suspirá, d'ammore, chianu chiano,
parole doce, pe' na 'nnammurata...
"Te voglio bene...tantu tantu bene...
luntano 'a te nun pòzzo cchiù campá....."
II
Na voce, na chitarra e 'o ppoco 'e luna...
e comm'è doce chesta serenata...
'A vocca toja s'accosta cchiù vicina
e tu t'astrigne a me cchiù appassiunata...
Cu na chitarra e nu felillo 'e voce,
cu te vicino, canto e só' felice...
"Ammore,
nun pòzzo cchiù scurdarme 'e te..."
Rossi - Calise
NA VOTA SOLA
E cóntatélle oje core, e cóntatélle!
E vide quante só' fin'â trentina:
quatto só' bionde, tre só' brunettelle
e nun ce manca 'a rossa malupina...
E nun ce manca na guagliona 'e scola
comme ce sta na femmena 'gnurante...
- Ma si bene se vò' na vota sola
tu comme n'hê vuluto bene a tante? -
Na vota sola!...
po' è capriccio 'e giuventù:
Ogne mese na figliola,
ma nun se vò' bene cchiù...
Maje cchiù!
II
E cóntatélle oje core e statte zitto!
Chi aggiu vuluto bene overamente
i' nun ll'aggiu cuntata p''o dderitto...
ca nun 'a voglio manco tené a mente...
E si s'è mmaretata o si è figliola,
nun 'o vvoglio sapé, senza che cante...
ca si bene se vò' na vota sola,
io 'a voglio bene ancora...'mmiez'a tante!
Na vota sola!...
po' è capriccio 'e giuventù:
Ogne mese na figliola,
ma nun se vò' bene cchiù...
Maje cchiù!
Galdieri - Nardella
NANASSA
Gué, Nanassa!
Gué, Nanassa!
Comme vurría pruvá
'sta vócca rossa...
.............
Si' bella e affascinante,
cianciosa e ardente...
e tiene scritto 'nfronte:
"Modernitá".
Cchiù bella 'e te, pe' tutta Cinecittá,
na "maggiorata fisica" nun ce sta.
Si' squisita,
sapurita,
tiene pise e qualitá...
Gué, Nanassa!
quanno cammine se fa 'a folla appriesso...
Gué, Nanassa!
se fermano carrozze e filobbusse...
Mentr'io ca só' geluso 'e ll'aria stessa,
che freve aggi''a 'ncucciá
quando, in giro per la cittá,
tutt''a gente te guarda e fa:
"Gué, Naná'!...
si' cchiù doce 'e nu babbá..."
"Gué, Naná'!...
si' cchiù doce 'e nu babbá..."
II
T'hê fatto 'a gonna lilla
cu 'a blusa gialla
e 'a borza a panariello...
che nuvitá!
Ma nu cunziglio, oje bella, te voglio dá:
Sti scullature atomiche nun purtá...
Che 'a censura,
si ll'appura,
nun te fa cchiù cammená...
Gué, Nanassa!
.............
Martucci - Mazzocco
NAPULE
Cielo 'e Pusilleco, rose e viole,
quanno pe' Pròceda tramonta 'o sole...
doje stelle luceno...po' a ciento â vota...
chelle ca spontano chi 'e ppò cuntá?!...
Napule,
a qua' parte d''o munno se fa 'ammore
comm'a Napule, 'e sera, 'int'a ll'está?...
Vócche vasate, cantano...
core tradute, chiagnono...
Ma è tantu bella Napule
ca pure ll'odio te fa scurdá!...
II
Vie nove 'e Napule, coppie in amore...
mille só' 'e palpite, ma uno è 'o core!
Si duje camminano, ll'ombra è una sola:
Meglio se 'ntènnono senza parlá...
Napule,
..............................................................
III
Comme staje languida...stramana è 'a via...
si te desidero, tu si' d''a mia!
Sti llabbre tremmano...fredda è 'sta mano...
nun puó' resistere: staje 'mbracci'a me...
Napule,
..............................................................
NAPULE BELLO!
Che bella luna, ch'aria,
ch'argiento 'mmiez'ô mare...
Coro: Ch'argiento 'mmiez'ô mare...
Rusí', stasera Napule,
cchiù bella assaje mme pare...
Coro: Cchiù bella assaje ce pare...
Ce vò', pe' fá nu quadro,
'sta coppia sulamente...
'O manduline 'o siente?
'A luna 'a vide o no?!
Napule, Napule,
Napule, Ná'...
Napule è comm''a femmena:
te fa vení 'o gulío...
Apprimma: Core mio...
e doppo: Frusta llá!!!
E nfrínghete, nfrínghete, nfrá...
nfrùnghete, nfrùnghete, nfrù...
Napule, bello mio,
si' sempe tu!
si' sempe tu!
II
Stasera, â parte 'e Frísio,
Rusí', purtá te voglio...
Coro: Rusí', purtá te voglio...
Nu vermiciello a vongole,
duje purpetielle 'e scoglio...
Coro: Duje purpetielle 'e scoglio...
'Nnanze tien''o Vesuvio,
'e fianco, San Martino,
sotto tiene 'o ciardino,
'o mare 'a ccá e 'a llá...
Napule, Napule,
Napule, Na'...
..............................................
III
Stu cielo è nu 'ncantésemo,
stu mare è nu splendore...
Coro: Stu mare è nu splendore...
Bell'aria fresca, tráseme
addó' sta Rosa: 'ncòre!
Coro: Addó' sta Rosa: 'ncòre!
Arpeggia 'o mandulino,
pizzeca 'a chitarrella...
Rusí', na sunatella,
doppo 'o ccafé ce vò'...
Napule, Napule,
Napule, Na'...
..............................................
De Gregorio - Cinquegrana
NAPULE CA NUN MORE

Oje furastèra ca t'abbracce Napule,
cu na guardata sola...
E vaje truvanno, da stu cielo splendido,
na voce ca cunzola...
'Sta voce ca te piglia ogne mumento,
nun só' chitarre e nun só' manduline...
è 'o sole, ll'aria...ca, pe' dó' cammine,
è tutta na canzone attuorno a te!
E' na musica, 'a gente 'e stu paese!...
E' na musica ca saglie 'mparaviso...
e saglie pallida,
scurnosa 'e dicere:
"Voglio cantá!..."
Po' appassa 'e nnuvole,
po' sbarca a ll'estero
pe' dí: "Stó' ccá!..."
Chisto è Napule,
paese ca nun more...
ch'arrassumiglia â femmena:
ammore e tuósseco
ce sape dá!
II
Oje furastèra che mm'hê visto chiagnere
na lácrema d'ammore...
'A gioja ca dint'a ll'uocchie mme puó' lèggere,
'a tengo dint''o core!
Tu vuó' sapé ched è 'sta voce amante,
ca, 'e notte, ce avvicina puntualmente?
E' smania, è desiderio 'e vócche ardente
ca ce 'ncatena...e nun ce lassa cchiù!...
E' na musica, 'a gente 'e stu paese...
E' na musica ca saglie 'mparaviso!
Che bell'interprete
ch'è stu Pusilleco
d''e ssere 'está!...
Doje vócche estranee,
nun só' cchiù estranee,
si stanno ccá!
Chisto è Napule,
paese ca nun more...
ch'arrassumiglia â femmena:
ammore e tuósseco
ce sape dá!
Manlio - Bonavolontá
NAPULE CA SE NE VA...
E só' sbarcate 'nterra Marechiaro
tre cumitive 'e vascio â Sanitá:
Só' doje coppie 'e 'nnammurate,
doje maeste 'ngannaccate
cu 'e marite e nu cumpare
viecchio "capo 'e suggitá"
E che tavula speciale:
'nterra 'o cato cu 'a frutta e 'o vino,
nu mellone dint''a cantina,
'o cumpare dint''a cucina
ca "discute" cu 'a "principale".
E 'a luna guarda e dice:
"Si fosse ancora overo!
Chisto è 'o popolo 'e na vota:
gente semplice e felice...
chist'è Napule sincero
ca pur'isso se ne va..."
II
Divotamente mo se fanno 'a croce,
comm'è ll'usanza, primma 'e accumminciá...
'O cumpare ch'è 'struito,
fa nu brínnese "in pulito"...
Lle risponne, a una voce,
tutt''a tavula: "Addó' va!"
'A sié Rosa ca se cunzòla
pe' sti "suone" ca só' venute...
pe' 'sta voce ch'è "fina e bella",
p''a canzone ch'è "Palummella"...
...Palummella ca zómpa e vola...
III
'E ttre famiglie tornano vucanno,
nu poco fatte a vino tutt'e tre...
'A varchetta 'e ccunnuléa,
na maesta scapuzzéa...
'O cumpare parla 'e quanno...
quanno 'o guappo era nu rre...
'E ffigliole, pe' sottaviento,
mo se fanno na zuppetella
cu 'e taralle 'int'a ll'acqua 'e mare...
Ll'acqua smòppeta, fragne e pare
ca 'e mmanelle só' tutte 'argiento...
NAPULE CANTA
Pusílleco se stènne,
quase stracquato 'ncopp''o mare d'oro
comm'a nu ninno ca se vò' addurmí...
Dint''o silenzio, lenta, 'a notte scenne,
passa na varca e canta 'o marenaro:
Scétate ammore...comme puó' durmí?
Chitarre e manduline,
stanotte 'o core mio ve vò' sentí...
Chella ca mme vò' bene,
dint'a sti ssere, comme pò durmí,
si tutta quanta Napule,
'nterra Pusílleco, vène a cantá?!
II
Lùceno 'e lume a mare...
Ll'èvera 'e mare addora e, cu st'addore,
se jénche ll'aria e cchiù addurosa 'a fa...
Sbáttono 'nfacci'a 'e scoglie ll'onne chiare,
suspírano 'e ciardine: "E' primmavera!"
Ll'ammore passa...ride...e se ne va...
...................................
III
Napule bella mia,
terra d'ammore, lacreme e canzone...
che suonno d'oro ca nce faje sunná!
'Ncòre nce miette na malincunía,
na freva tu nce miette dint''e vvéne
pecché nce vuó' fá chiagnere e cantá.
....................................
NAPULE D''E CCANZONE

Napule d''e ccanzone s'è scetata,
se sentono 'e cchitarre n'ata vota...
ll'aria s'è fatta fresca e prufumata
e nu cardillo, albanno, mme saluta.
E 'a zingarella mia, tutta pentita,
che lettera d'ammore mm'ha screvuta!
Sentite!...
Sentite!...
"Mio caro Amore,
mio sommo Bene,
trema il mio cuore,
napoletano...
Stó' tutta 'ntenneruta e 'ndusiasmata...
Napule d''e ccanzone s'è scetata!"
II
Trèmmano, dint'a ll'aria, cante e suone...
Pusilleco è na festa 'e manduline...
e 'o Vòmmero mme pare na canzone
cantata, a meza voce, sott''a luna..
E chesto stó' facenno 'a stammatina:
stó' sempe cu 'sta lettera 'int''e mmane...
Sentite!...
Sentite!...
Mio caro amore,
..........................
III
Cántano, a matutino, aucielle e frónne...
cántano 'e stelle quanno 'a notte scenne...
cántano, a mare, zittu zitto, ll'onne...
cántano 'e 'nnammurate tutto ll'anno...
E 'sta canzone 'e Napule è nu suonno:
só' quatto note...e vòlano p''o munno!
Sentite!...
Sentite!...
Mio caro amore,
..........................
Bovio - Lama
NAPULE E MARIA
Só' duje nomme e una canzone,
duje suspire e una catena,
só' doje gioje ca só' na pena,
só' duje mutive pe' mme fá cantá...
E' catena ca mme tene
sempe attaccato, ma che fa?
E' tutta d'oro,
d'oro e celeste è Napule...
Se canta e more?...
Ma i' voglio murí ccá...
Pe' Napule e Maria
trèmmano 'e ccorde d''a chitarra mia...
Marí'!...
II
E ca tu mme spiezze 'e ccorde
d''a chitarra che t'avanta?
Chistu core cchiù te canta,
cchiù te suspira, quanno 'o vvuó' sapé!
Ma i' che voglio? Tutto e niente!...
Napule mia, voglio a te...
E' tutta d'oro,
.......................
III
E Maria, n'ata Maria
dispettosa, ma sincera,
ca mo chiagne e mo sta allèra,
si gire 'o munno, nun 'a puó' truvá!
'Nnammurate comm''a mia,
una surtanto ce ne sta!...
E' tutta d'oro,
......................
Bovio - Lama
NAPULE E SURRIENTO
Surriento! 'A luna chiara!...
E ciento varche cu na stella a prora...
Che pace!...E che friscura!
For'a 'sta loggia, a mare, 'int'a sti ssere,
tengo vint'anne ancora,
bella, vicino a te...
Dorme Surriento
'mmiez'a 'addore d''e ciardine...
Che sentimento
sti cchitarre e manduline!...
Rimpetto, Napule...
sí e no...se tocca...
Vocca cu vocca...
te voglio, Marí'...
II
Te voglio! E senza voce,
mme sbatte 'o core e pare ca te dice:
"E' 'o mare! E' st'aria doce!
E' 'ammore, è 'ammore ca mme fa felice...
Giuro cu 'e bbracce a croce
ca nun te lasso cchiù!..."
Dorme Surriento
............................
III
Oje luna, oje bella luna
ch'a Napule tramunte chianu chiano...
férmate a Margellina
e di' a chi penza a me ca stó' luntano:
"Ll'ammore è na catena
ca nun se pò spezzá!..."
Dorme Surriento
...........................
NAPULE E' CHINO 'E FEMMENE

Si' bella e cara,
ma si' pazzòteca;
e viene a spènnere,
dich'i', just'addu me?!
Nu mese 'ammore,
tre mise 'appícceche!
Io, nevrastenico,
só' peggio 'e te!
Oje né',
si te vuó' sciogliere,
'a strada è libera:
puó' cammená!...
Napule è chino 'e femmene
cchiù calme 'e te...
cchiù doce 'e te...
cchiù scicche 'e te!...
II
Si tu mme lasse,
t'aviss''a credere
ca i', p''a còllera,
nun magno e bevo cchiù?!
Comme te sbaglie!
Pòzzo refónnere
nu grammo 'e lacreme
e t''o vvide tu!
Oje né',
si te vuó' sciogliere,
'a strada è libera:
puó' cammená!
tutte pe' me...
ca vònno a me...
pazze pe' me...
III
Mme basta sulo,
p'avé na femmena
na vranca 'e spíngule
na cena e nu cafè...
E po' stó' a posto:
Cu 'a luna pallida,
p''o ssulitario,
chi è meglio 'e me?!
Oje né'
mme voglio sciogliere!
I' voglio ll'aria
pe' respirá!...
cchiù fresche 'e te...
cchiù belle 'e te...
cchiù bone 'e te!...
Baratta - Lama
NAPULE E' NA CANZONE

Se vonno purtá Napule,
nun saccio a qua' paese:
Miliardarie ca fanno spese,
se ne trovano 'nquantitá!...
Nu bellu juorno, tèccote,
s'appura, ditto 'nfatto,
ca Pusilleco ha fatto...'o sfratto...
E 'o Vesuvio...va' trova addó' sta!
Ma...pe' s''a purtá,
nun sanno ancora comm'hann''a fá...
No, niente ce pò,
pe' spustá Napule 'a dó' sta mo...
Sí, só' migliare 'e prugette,
ma chi ce se mette,
maje niente pò fá!
E tutte 'a vònno Napule,
ma nisciuno s''a pò purtá...
II
Chi 'a vò' purtá in America,
chi 'a vò' purtá in Giappone...
ma ll'Europa se fa ragione,
dice: "E' meglio ca resta a me!"
E allora va in Germania?
Va 'n Francia o in Inghilterra?...
Pò succedere n'ata guerra
pe' decidere chi ll'ha da avé...
..............................
III
Quanta 'ngigniere vènono!
Ma che prugette fanno?
Comme vènono...se ne vanno!
Se ne vanno, ma...pe' turná...
Chi 'a vò' tirá cu 'o mángano,
scastrata intera intera...
Chi 'a vò' spartere cu maniera,
piezzo, piezzo...e po' 'a torna a 'ncullá!
mo ce 'o ccunziglio comm'hann''a fá...
No, niente ce pò,
ma 'o mezzo è facile pe' chi 'o vò'...
Quanno na bella canzone,
cu tutt''a passione,
s'arriva a cantá...
Pe' tutt''o munno, Napule,
dint''o core, se pò purtá...
De Cristofaro - E. A. Mario
NAPULE SI' NA CANZONE

Napule è na canzone punto e basta...
'sta gente ha da cantá matina e sera...
nu vermeciello a vongole lle basta...
cinquanta mane dint'a na zuppiera...
Chest'è 'a visione 'e Napule
pe' tutt''e furastiere:
vònno vederce ridere...
Vi' che bellu mestiere...
E invece è na tragedia
ca recitammo sempe...
mentre sentimmo 'a smania
d'arrevutá sti tiempe....
II
Ma 'sta cittá mme pare sempe 'a stessa
che canta pe' cantá, ma sta chiagnenno...
Napule, chesta si'...si' na canzone
cantata cu dulore, alleramente!
Chest'è 'a visione 'e Napule
..............................................
Finale
Napule, Napule, Napule, Na'...
Si' na canzone!
R. De Novellis - Cafazzo
NAPULITANA
Vocca 'e Napulitana, quanno vase,
'e vase ca saje dá sóngo 'nfucuse...
vaso ca percia 'o core e ca nce trase:
nce só' cadute ll'uommene scuntruse,
vocca 'e Napulitana, pe' sti vase!
Napulitana mia, Napulitana,
è nu destino!
Te maledico si te stó' vicino...
si staje luntana,
penzanno â vocca che t'addora 'e rose,
io desse tutt''a vita pe' nu vaso!
II
Uocchie 'e Napulitana, appecundruse,
na sciamma dint''o core mm'îte miso...
vuje site nire, fute, misteriuse,
e date 'o 'nfierno e date 'o paraviso,
uocchie 'e Napulitana, appecundruse!
è nu destino!
si staje luntana,
pe' na guardata 'e st'uocchie misteriuse,
sarría cuntento pure 'e murí acciso!
III
Trezze 'e Napulitana, trezze appése,
dint'a sti ttrezze 'o core mm'îte 'nchiuso!
e nun fa niente, stella 'e stu paese,
tiéneme strinto, nce aggio fatto ll'uso,
dint'a sti ttrezze nere nere, appése!
è nu destino!
si staje luntana,
p'avé nu cierro 'e sti capille 'e raso,
io nce turnasse a père a stu paese!
Bovio - Falvo
NAPULITANAMENTE
T'aggio miso nomme: "Frónna"...
t'aggio miso nomme: "Frónna"...
ca te faje purtá da 'o viento...
Vaje currenno tutt''o munno,
vaje currenno tutt''o munno,
cu na maschera cuntenta...
tale e quale comm'a fronna
ca se fa purtá da 'o viento.
Frónna, frunnella,
tengo 'o presentimento
ca mme struje e mme martella
e mme dice: "E vuó' sapé?...
Cade 'a frónna 'mbracci'ô viento,
cade chella 'mbracci'a te!..."
II
Ma tu si' 'a cchiù bella frónna...
ma tu si' 'a cchiù bella frónna...
e 'a cchiù leggia 'e tuttuquante...
Tu te pierde nun vulenno,
tu te pierde nun vulenno,
'mmiez'ê ffrónne malamente...
pecché si' 'a cchiù bella frónna
e 'a cchiù leggia 'e tuttuquante!
Frónna, frunnella,
.............................
III
Tu cu mico te pretienne...
tu cu mico te pretienne...
ma nu juorno te ne piente....
Te ne piente proprio quanno,
te ne piente proprio quanno,
puorte vierno scritto 'nfronte...
Pienze po' ca te pretienne
e nu juorno te ne piente...
Frónna, frunnella,
só' troppe 'e 'nnammurate!
Troppa gente dice: "Chella
nun se sape mantené:
Cade pure 'mbracci'a ll'ate
comme cade 'mbracci'a te..."
Furnò - E. A. Mario
NAPULITANATA
Uocchie de suonno, nire, appassiunate,
ca de lu mmèle la ducezza avite,
pecché, cu sti gguardate ca facite,
vuje nu vrasiero 'mpietto mm'appicciate?...
Ve manca la parola e mme parlate,
pare ca senza lacreme chiagnite,
de 'sta faccella janca ánema site,
uocchie belle, uocchie doce, uocchie affatate!...
Vuje ca 'nziem'a li sciure v'arapite
e 'nzieme cu li sciure ve 'nzerráte,
sciure de passione mme parite.
Vuje, sentimento de li 'nnammurate,
mm'avite fatto male e lu ssapite...
Uocchie de suonno, nire, appassiunate!...
Di Giacomo - Costa
NATALE
Sola sola si' ghiuta a fá legna
cu stu friddo, pe' 'mmiez'â campagna...
e stasera, addereto 'a muntagna,
saglie 'ncielo na luna sanguegna...
Sola...
staje sola...
e stanotte se gela!
Povera campagnola...
II
E' Natale, giá quacche zampogna,
'a luntano, 'int''o scuro, se lagna..
Sta lassanno 'o saluto â muntagna,
stu lamiento luntano 'e zampogna...
Sola...
.......
Postiglione - Bovio - Valente
NATALE 'NZIEM' A TE
'E ssiente sti zzampogne?
Tiempo 'e nuvena...
Natale nce ha truvate frische spuse!
..........................
Natale 'nziem'a te dint'a 'sta casarella...
Natale 'nziem'a te 'mmiez'a sti ccose belle...
'o presebbio 'e cartone,
'a vacca e 'o ciucciariello...
'e pasturielle...e 'o Bambino Gesù!
Che fa si nun tenimmo oro e brillante?
mm'abbasta ca tu staje vicino a me...
zampogne e zampugnelle...e 'o Bambino Gesù!
Finale:
Che fa si nun tenimmo oro e brillante?
Mm'abbasta ca tu staje vicino a me...
zampogne e zampugnelle...e 'o Bambino Gesù!
E 'o Bambino Gesù...
E 'o Bambino Gesù...
Roberto Murolo
NATALE
Natale! 'Int'a na grotta piccerella
mo sta scennenno 'a cielo n'angiulillo...
ce sta, 'int''a grotta, 'a stessa madunnella
ca steva llá quann'io ero piccerillo...
Quant'anne fa? Te ne ricuorde tu...
tu ca passave 'a vita toja cu me?
Ammore mio, nun t'aggio vista cchiù
e nun aggio saputo maje 'o ppecché!...
Pazziávamo a nucelle
dint''a casa e 'mmiez'â via...
ma po', ê vvote, sti mmanelle
mm''e ttiravo â parta mia...
Te 'mmuccavo, ogne tantillo,
nu vasillo mariunciéllo...
nu vasillo piccerillo,
zittu zitto, 'mmocc'a te!
E luntana,
na campana
comm'a chesta, tale e quale,
scampaniava pe' Natale...
pe' Natale...comm'a mo!
II
Allora, allora, che ghiurnate belle...
nisciuno 'e nuje faceva niente 'e male...
I' mm'arrubbavo tutt''e pasturielle
pe' fá, cu te, 'o presebbio pe' Natale...
Che t'aggi''a dí? Da che aggio perzo a te,
'sta festa nun mm''a fido 'e sentí cchiù!
Mo sonano 'e ccampane...ma pecché?
si a chistu core nun ce tuorne tu?!
Te ricuorde?...Chelli ssere
se jucava 'a tumbulella:
Che resate, che piacere
a guardá 'sta vocca bella!...
Ogne tanto te tuzzavo
cu 'e ddenócchie, chianu chiano...
po', cu ll'uocchie, te menavo
ciento vase...tutt'a te!
E luntana,
na campana
comm'a chesta, tale e quale,
scampaniava pe' Natale...
pe' Natale comm'a mo!...
Parrilli - Nardella
'NBRACCI'A ME
Guarda oje né'...
guarda oje né'...
sponta 'a luna e ride 'o cielo,
canta 'o mare...
guarda oje né'...
Ll'aria è blu...
Murenno a mare 'o sole sta...
'Nnanz'a te,
'sta luna rossa saglie e va...
Che prufumo p''a campagna...
durmarría, stanotte, ccá...
Ammore, ammore, ammore!
te tengo 'nbracci'a me...
fra 'o bicchiere 'e prucetano,
fra nu vaso tujo sincero,
faccio 'ammore cu stu mare,
cu Pusilleco...e cu te...
II
Nun parlá...
nun parlá...
sulitario, 'mmiez'ê ffronne,
st'usignuolo
vò' cantá...
'Ntennerí...
te veco ll'uocchie...è overo o no?...
Ch'anzietá
ca tengo 'mmocca 'e te vasá...
Da' nu muorzo a stu percuoco...
doppo, mózzeco pur'i'...
Ammore, ammore, ammore!
..............................................
III
Ma pecché?
Ma pecché?
só' felice e, tutto 'nzieme,
tengo 'o core
scuro, oje né'?
Ma che vò'
chesta campana?...Che sarrá?
Siente tu
na voce 'e lacreme cantá?
Giuramméllo, vita mia,
ca maje cchiù mme vuó' lassá...
Ma no! Tu mme vuó' bene...
te tengo 'nbracci'a me...
E tu asciùttale cu 'e vase
tutt''e llacreme 'e stu core
ch'esce pazzo pe' stu mare,
pe' Pusilleco e pe' te!
'NCOPP''E CAMALDULE
'Ncopp''e Camáldule, addó' 'a dummeneca
ce ne sagliévamo, comme vurría turná!
E ce scegliessemo na via sulagna
'e sti ccampagne, pe' ce puté vasá!
Addó' ce sta na funtanella ancora
ca, cchiù 'e na vota, ce ha levato 'arzura...
Pare ca ll'acqua canta: "Ammore, ammore..."
comme cantava 'o core tujo, Marí'...
Pecché, pecché...
nun vuó' turná cu me 'ncopp''e Camáldule?!
Pecché, pecché...
nun pònno cchiù turná chelli ddummeneche?!
Quanno dicive, pallida,
cu 'o desiderio 'e me:
"Chisà quala dummeneca,
io moro 'mbracci'a te!"
II
E' maggio e guardo nu calannario:
Stu mese, 'o quínnece, ce avevam''a spusá...
P''o mare, tornano 'e rrundinelle
e tu, 'a cchiù bella, nun viene a dí: "Stó' ccá!"
'A vicchiarella mia t'aspetta ancora:
T'arraccumanna 'int''e ppreghiere, 'a sera...
'A puverella se lusinga e spera
'e te vedé, felice, 'mbracci'a me!...
Pecché, pecché...
............................
De Lutio - Cioffi
'NCOPP' A LL'ONNA
Cchiù verde d''e ffrónne
stasera só' ll'onne,
só' ll'onne d''o mare...
Mme 'ncanto e mme pare
ch''a varca se sperde
pe' 'mmiez'a stu vverde.
E i' voco, e vucanno, mme scordo...
Mme scordo d''o munno, Marí'!...
Nonna, nonna,
'ncopp'a ll'onna,
comm'è bello 'int''a varca a durmí...
Doce è 'o suonno
ca mme sonno....
Ah, putesse, sunnanno, murí!...
II
Sunate, campane,
vicine e luntane
ca 'o mare risponne...
Rispónnono ll'onne
ch''a sanno 'sta voce
ca è triste, ma è doce...
P''a terra e p''o mare, è na pace:
Chest'ora, mme fa 'ntennerí!...
Nonna, nonna,
........................
III
Marí', tutt''e ggioje
d''a vita só' 'e ttoje,
ma 'o mare è d''o mio...
Ccá regno sul'io...
pecché, 'o marenaro,
è 'o rre, 'mmiez'ô mare!
Cu st'èvera bella ch'addora,
mme faccio 'a curona, Marí'!
Nonna, nonna,
........................
Bovio - Fassone
'NCOPP' A LL'ONNA
Nonna, nonna,
'ncopp'a ll'onna,
Doce è 'o suonno
ca mme sonno....
II
Sunate, campane,
vicine e luntane
Rispónnono ll'onne
Nonna, nonna,
........................
III
Nonna, nonna,
........................
Bovio - Fassone
'NCOPP' A LL'ONNA
Nonna, nonna,
'ncopp'a ll'onna,
Doce è 'o suonno
ca mme sonno....
II
Sunate, campane,
vicine e luntane
Rispónnono ll'onne
Nonna, nonna,
........................
III
Nonna, nonna,
........................
Bovio - Fassone
NINI' TIRABUSCIO'
Chillu turzo 'e mio marito
nun se pò cchiù suppurtá!
Ll'aggi''a cósere 'o vestito:
Mm'aggi''a mettere a cantá!
Tutto è pronto! Stó' aspettanno
na scrittura p''a firmá:
Nun appena che mm''a danno,
vaco fore a debuttá!
Ho scelto un nome eccentrico:
"Niní Tirabusciò"
Oh! Oh! Oh!
Oh! Oh! Oh!
Addio mia bella Napoli,
mai più ti rivedrò!...
Oh! Oh! Oh!
Perderai Tirabusciò!
II
Ne cunosco tante e tante
ca nun só' cchiù meglio 'e me...
e cu 'e llire e cu 'e brillante
só' turnate da 'e tturné...
'A furtuna, s'è capito,
'ncopp''e ttavule se fa!...
Ca fatiche e ghiétt''acito,
che risorse puó' sperá?...
Aíz''a vesta, smuóvete!
E' ll'epoca ch''o vvò'...
Oh! Oh! Oh!
Oh! Oh! Oh!
mai più ti rivedrò!...
Oh! Oh! Oh!
III
Pe' cantá nun serve 'a voce,
è 'o partito ca nce vò'...
po' 'e ccanzone miette 'ncroce
ca faje "bisse" quante vuó'!
Dai il tuo cuore 'ncopp''a piazza
ai più ricchi "abitué..."
Vide po' si 'un fanno 'a mazza
ll'ate artiste 'nnanze a te!
E' chesta 'a vera tattica
'e na sciantosa 'e mo...
Oh! Oh! Oh!
Oh! Oh! Oh!
mai più ti rivedró!...
Oh! Oh! Oh!
NINUCCIA
Se dice che a Tuledo nc'è na rosa
ca, cchiù d''o sole, li bellizze tene...
E' sempe fresca, è sempe cchiù addirosa:
tanto ch'è bella, chi v''o ppò cuntá!?
Io nun voglio gran cosa,
io nun cerco nu regno...
ma vurría chella rosa
sulamente addurá...
......................................
II
Io, si tenesse 'a voce e 'o ppoco 'e sciorte,
mme faciarría sentí cu 'sta canzone:
Ninuccia mia, pe' te ne piglio 'a morte...
stu core nun se vò' capacitá...
......................................
III
Io passo pe' Tuledo tutt''e ssere,
'a guardo...e nun mme stanco d''a guardá...
'A penzo..e nun mme lassa stu penziero...
e, doppo muorto, chi s''a vò' scurdá?!...
......................................
De Curtis - Valente
'NNAMMURATELLA MIA
'Nnammuratella mia, 'nnammuratella,
tròvate a n'ato e nun penzá cchiù a me...
nun só' cchiù degno 'e chesta vócca bella,
nun só' cchiù degno 'e stá vicino a te...
Mm'aggio fatto arrubbá chistu core
'a na 'nfama ca core nun tene...
ca mme vasa...ma nun mme vò' bene,
ca mme cerca...e nun sape che vò'...
'Nnammuratella mia, 'nnammuratella,
tròvate a n'ato e nun penzá cchiù a me...
II
'Nnammuratella 'e tutt''a vita mia,
scígliete a n'ato e nun penzá cchiù a me!...
e si mme 'ncuntre, ê vvote, 'mmiez'â via,
tu cagna strada...e nun te fá vedé...
Mm'aggio fatto arrubbá chistu core
.........................................................
Fiore - Vian
NONNA NONNA
Napule,quann''o sole t'abbandona
e 'o cielo se fa tutto culor d'oro,
'a campana d''o Cármene ca sona,
te canta 'a nonna...
E nonna nonna...
'ammore mio se sceta
quanno tutto lu munno s'accujeta...
Se sceta 'ammore
e nonna nunnarella...
quanno, 'int'a ll'ombra,
Napule, è cchiù bella!
II
Sona campana mia, campana sona...
d'oro è lu monte e d'oro è la marina.
Ma Palummella mia, ca nun perdona,
no, nun te sente...
E nun te sente,
e 'ammore mio se sceta
quanno tutto lu munno s'accujeta...
Se sceta 'ammore
e i' chiammo a Palummella,
quanno, 'int'a ll'ombra,
Napule è cchiù bella!
Bovio - Valente
NU BARCONE
Nu barcone 'e campagnuole
cu ll'amènta e 'o ppetrusino:
na cammisa 'e tela 'e lino
spasa ô sole...
Senza máneche, scullata,
cu 'e ffettucce e cu 'o merletto...
cu na cifra rossa, 'mpietto,
ricamata...
Va' te pesca, 'int'a 'sta casa,
'sta cammisa chi ll'ha spasa...
Passa 'o figlio d''o duttore,
cu 'o sicario e cu 'o bambù:
"Chi addimmanna nun fa errore..."
Ttuppe - ttuppe - ttuppe - ttu...
Ttrácchete - ttrácchete...Favurite,
tengo a fígliema bona malata...
Site miédeco e ll'ît''a saná!...
Ttrácchete - ttrácchete - ttrácchete - ttrá...
II
Nu barcone 'e campagnuole
cu ll'amenta e 'o ppetrusino:
'sta cammisa 'e tela 'e lino
spasa ô sole...
'E mmugliere stanno lése:
"Chi sarrá 'sta furastèra?..."
Nu "ciù - ciù", matina e sera,
p''o paese...
Ma 'o nutaro è cacciatore
passa e spassa, nun pò cchiù...
Ttrácchete - ttrácchete...'o zi' nutaro!...
Figliema Rosa vò' fá na scrittura:
Nu casino nce avimm''a accattá...
Ttrácchete - ttrácchete - ttrácchete - ttrá...
III
E na chiorma 'e campagnuole
lassa 'a tráfeca d''o vino
p''a cammisa 'e tela 'e lino
spasa ô sole...
Chi alleccuto tene mente,
chi sta muscio, chi sta allero...
ma ogneduno fa 'o penziero
malamente...
Po' s'aunísceno 'o calore,
ll'astinenza e 'a giuventù...
Ttrácchete - ttrácchete...Tropp'onore...
ma Rusina se sposa 'o nutaro...
e 'o duttore 'o cumpare lle fa...
Ttrácchete - ttrácchete - ttrácchete - trá...
Murolo - Valente
NU POCO 'E SENTIMENTO

Io vèngo a père da 'a Mariglianella
e mme sóngo partuta a matutino...
me só' fermata a ogne cantenèlla
e mm'aggio fatto nu bicchiere 'e vino!
E mo sapite 'ncuorpo che mme sento?
'A voglia 'e fá nu poco...'e sentimento...
Marítemo chessá,
nun mme sape pigliá...
Quanno mme dá nu vaso,
quanno mme dá nu vaso...
Ppó - Ppó - Ppó...
Tutt'è fatto e se ne va!...
Tutt'è fatto e se ne va!...
II
Nu signurino ca parlava trosche,
mm'ha purtato cu isso â birreria...
nu schioppo mm'aggio víppeto 'e "Paschiosche"
e po' mm'ha ditto: "Viene â casa mia?"
Io nce sò' ghiuta...ma pe' nu mumento.
Sulo pe' fá nu poco...'e sentimento...
Marítemo chessá,
............................
III
E mme ne torno mo a Mariglianella
pecché stó' stanca e stó' tutta 'nfucata...
Sott''a prèvula d'uva muscarella,
mme voglio sciasciá tutt''a nuttata:
'a luna, 'e stelle, 'o vino...mm'addurmento...
ma senza fá nu poco...'e sentimento...
Marítemo chessá,
............................
Peppino Villani - Gaetano Lama
NU QUARTO 'E LUNA

Cielo e che nuvole stasera!...
pare ch''o munno se ne more...
ma na speranza pe' stu core
nun pò murí!
Nun ce vò' na luna chiena
pe' capí si mme vuó' bene...
mm'è abbastato 'o ppoco 'e luna
pe' te capí!...
Che mm'ha saputo fá stu quarto 'e luna...
che mm'ha saputo fá chi voglio bene...
E mme martella sempe nu penziero:
"Nun è overo
ca pienze sulo a me..."
Comme só' triste 'e nnote 'e 'sta canzone
e comm'è amaro 'o bbene 'e chi vò' bene...
Nun mme guardá!
si chiagno nun guardá!...
II
Chiagno pecché tu mm'hê 'ngannato
e no pecché t'aggio perduto:
chiagno ca tu mm'hê abbandunato
senza pecché!
Quanta vote, ánema mia,
faccio 'a strada ca tu faje...
corro appriesso a 'sta buscia
pe' te vedé!...
...................................................................
Manlio - Oliviero
NUN 'A PENZO PROPRIO CCHIU'

Quanta vote mme 'ncuntrate,
sempe 'o ssolito parlá!
Io giá saccio 'sta 'mmasciata...
chi ve manna...è chella llá!
Mme dicite ca Maria,
senza 'e me, ne pò murí?!
Io cunosco 'a malatia:
nun 'a voglio cchiù sentí...
Mme facite nu favore?
Si 'a 'ncuntrate lle dicite
ca mm''a sóngo giá scurdata:
nun 'a penzo proprio cchiù...
Si po' chiagnere 'a vedite
cu chill'uocchie 'e santitá...
io ve prego, nn''a credite:
chella è tutta 'nfamitá!...
II
Mo s'è fatta santarella:
se va spisso a cunfessá...
E 'sta bona bizzuchella
pure 'e Sante vò' 'nganná...
Ma stu core ch''ha chiagnuto
tanta e tanta 'nfamitá,
ll'aggio dato a Dio pe' vuto
ca mm''ha fatto giá scurdá...
Mme facite nu favore?
....................................
Per finire:
V'aggio ditto na buscia,
mo ve dico 'a veritá:
Chella è tutta 'a vita mia
si fa pure 'nfamitá!
Capillo - Lama
NUN CHIAGNERE
'O tiempo fuje,
sbatte na ciglia;
giá se n'è ghiuto...
Perciò...
Nun chiagnere
'ncopp''e vase perdute
'ncopp''o tiempo ca va...
Nun chiagnere
pecché parte nu treno
e nce avimm''a lassá...
Nun chiagnere
si stu turmiento vène
penzanno a chist'ammore
ca pare nu mumento,
nu mumento d'está.
Nun chiagnere:
nu juorno, stu turmiento,
sarrá comm'a st'ammore:
pur'isso nu mumento...
nu mumento d'está!
Savignano - Rascel
NUN CHIAGNERE CARME'

Pe' tutt''e strate stanno 'e manifeste:
Aggi''a partí, Carmè, sóngo surdato...
a fá 'o duvere, 'a Patria, mm'ha chiammato!
Albanno juorno,
'e vintitré,
t'aggi''a lassá!...
Nun chiagnere, Carmè'...
vòglieme bene
comm'i' bene voglio a te...
Lassa ca servo 'o rre,
ca quanno torno,
penzo sulo
a serví a te...
vòglieme bene
comm'i' bene voglio a te...
Io parto, si',
ma 'o core, oje né',
pure 'a luntano...
pure 'a luntano,
sbattarrá pe' te!
II
Io mme ne parto e chistu core mio,
t'arraccumanno a te, vòglielo bene...
poveru core, niente a 'o munno tene...
Carmela mia,
sbatte pe' te,
sulo pe' te!
........................................
III
Sònnate a me dint''e nnuttate 'e luna,
comm'i', luntano 'a te, tutt''e nnuttate,
mme sunnarraggio 'e vase ca mm'hê dato...
'e vase doce,
ca saje dá
sultanto tu!...
.........................................
Cassese - Falvo
NUN DA' RETTA MARGARI'

Tarantella cu tófe e tammórre
don Peppe d''a Torre
vulette abballá.
E 'a mugliera faceva 'a cunzerva
cu 'o frato d''a serva
p''o fá recriá.
- Margarí', pecché nun scinne? -
- Che si' pazzo? e comme faccio?
Tengo 'e mmane 'int''o setaccio...
Peppe mio, spássate tu! -
- Quanno è chesto allora è niente:
nun dá retta, Margarí'! -
II
Che mugliera, che femmena 'e casa,
si appena t'annasa,
te sape pittá.
Chella è fina, terribbele, accorta...
Muglièrema, 'a porta
s''a sape guardá!
- Margarí', che staje facenno?
Jammo, di' quacche parola... -
- Stóngo 'nfacci'â pummarola,
Peppe mio, che chiamme a fá? -
III
Tarantella: don Peppe abballava,
zumpava e penzava:
- Ma chesto ched è?!...
'Sta cunzerva sarrá nu pruciesso...
mme date 'o permesso
ca vaco a vedé? -
- Nèh don Pè', comme ve vène?
Dint''o mmeglio ce lassate?
'A mugliera mo 'a penzate!
Lassat'í, ch'have che fá!
Capurro - Buongiovanni
NUN E' CARMELA MIA

Si mme vulite bene,
nun mme parlate 'e chella...
Tutta truccata e bella...
nun 'a cunosco cchiù!
Nun è Carmela mia
chella ca mo è turnata...
no, nun è chella !...è n'ata!...
nn''a voglio cchiù vedé!
Poveru core mio,
chella è turnata pe' te fá danná...
Dille pe' sempe addio...
s'è avvicinata pe' s'alluntaná...
Mo s'ha cagnato 'o nomme...
nun tene 'a stessa voce...
mo tene 'a vocca doce,
te mette 'ncroce,
te fa murí!
II
Carmela nun teneva
oro...perle e brillante,
cappielle 'e lusso, guante,
ll'uocchie pittate blu...
Carmela era na santa...
tanto na bona figlia!
Partette pe' Marsiglia
pe' nun turná maje cchiù!
Poveru core mio,
...........................
III
Oje má', tu ca mm'aspiette
prijanno tutt''e ssere...
'nnanz'â Madonna, 'e ccére,
nun ll'appicciá pe' me...
Prega pe' te surtanto:
Stu core senza vita,
campa cu na ferita,
ca nun se pò saná!...
Poveru core mio,
...........................
Fiore - Valente
NUN E' PECCATO

La la la la la...
la la la la la...
la la la la la...la la...
Si mme suonne 'int''e suonne che faje,
nun è peccato!...
E si, 'nzuonno, nu vaso mme daje...
nun è peccato!...
Tu mme guarde cu ll'uocchie 'e passione,
io te parlo e mme tremmano 'e mmane...
e si chesto pe' te nun è bene,
mme saje dicere 'o bbene ched è?
Si 'sta vocca desidera 'e vase...
nun è peccato!
Ma vestímmolo 'e vita stu suonno
che 'a freve ce dá...
E tu abbràcciame,
cchiù forte astrìgneme...
pecché 'ammore ca siente pe' me,
peccato nun è!...
La la la la la...
.................
Rossi - Calise
NUN LASSA' SURRIENTO

Chisà chella 'nnammurata
'e "Torna a Surriento"
si po' è turnata...
si po' è turnata...
chisà?!...
Chi sa tu ca vaje luntana
si 'e me te scuorde,
si tuorne ancora...
si tuorne ancora...
chisà?!
Nun lassá Surriento
si vuó' bene a me....
Nun spezzá ll'incanto
d''e nnotte 'argiento
'ncantate 'a te....
Nun lassá Surriento,
core mio, pecché...
Pecché io moro ogne mumento
si pe' n'ora perdo a te...
No, nun darme stu turmiento:
resta sempe 'nziem'a me...
***
A Surriento te voglio vedé
tutt'a vita abbracciato cu me...
Nun lassá Surriento,
core mio, pecché...
Pecché io moro ogne mumento
si pe' n'ora perdo a te...
No, nun darme stu turmiento:
resta sempe 'nziem'a me!
A Surriento te voglio tené,
tutt''a vita abbracciato cu me...
A Surriento, a Surriento cu me...
...Ah...Ah...
Fiore - Rendine
NUN MME SCETA'

Quanta varche 'e marenare
ca se vedono stasera...
cu na luce sott''a prora
pare ca 'e stelle só' cadute a mare!
Tutt''e ccanzone 'e Napule
stanotte, 'o core mio, vurría cantá:
ma addó' ce stanno lácreme,
addio felicitá!
Cántame, oje marená', tutt''e ccanzone...
n'ora famme durmí sott'a 'sta luna!
Famme sunná che ancòra mme vò' bene...
Famme 'nzuonno murí...
Nun mme scetá!
II
Comm''o paggio cantatore
ch''a riggina, pe' na sera,
ll'addurmette ánema e core
e po' ll'abbandunaje, scetáto, a mare,
tu pure, 'mmiez'ê nnuvole,
stu core mm''addurmiste 'mbracci'a te...
e a mare, chino 'e lácreme,
stanotte 'o faje cadé...
Cántame, oje marená, tutt''e ccanzone...
..................................................................
Finale:
Voca ohé...
Comm''a femmena è 'o mare...
comm''o mare è ll'ammore...
Voca ohé...
NUN SIA MAJE

'A primma rundinella ogge è turnata,
'e pprimme rose stanno pe' schiuppá
Tu pure, 'a quacche ghiuorno, pare n'ata...
Te si' cagnata o staje pe' te cagná?
Ma nun mm''o ddí
si mm'hê 'a lassá...
Io stó' malato assaje
e, nun sia maje,
mme faje murí dannato!
Dannato e senza 'e te...
E senza 'e te!
II
'Nzerra nu poco 'e scure 'e stu barcone
ca 'o sole nun 'o voglio fá trasí!
Ll'aucielle giá se metteno 'ncanzone...
e comme, comme, io sulo aggi''a murí?
Ma nun mm''o ddí
...............................
Letico - De Curtis
NUN SO' GELUSO

'A che stó' facenno 'ammore
cu 'sta 'mpésa 'e Cuncettina,
maje nun passa na matina
che nun c'îmm''a appiccecá...
Cuncettina è sartulélla:
va cu 'a moda e 'a fantasia
e pirció ca, 'mmiez'â via,
maje cujèta 'a fanno stá...
E io nce soffro pecché 'a voglio bene assaje
e pe' chesto stó' passanno tanta guaje:
No, nun è ca i' só' geluso 'e Cuncettina
pecché saccio comme e quanto mme vò' bene...
ma pe' stu bene, ca va e ca vène,
io, cierti ccose, nun mm''e ffido 'e suppurtá!
II
Per esempio, ajére ô juorno,
mme nce sóngo appiccecato
pe' nu pèttene 'ndurato
ca s'aveva miso ccá...
Po' purtava nu scarpino
piccerillo piccerillo...
chillu pède, ch'è tantillo,
se fermavano a guardá...
Nun appena mme vedette s'allummaje...
e i' dicette: "Manco â casa te ne vaje!"
................................................................
III
E nce simmo appiccecate
n'ata vota stammatina
pe' na vesta 'e seta fina
ca, pe' forza, vò' purtá:
Ll'ha 'ntuppata nu signore,
doppo po' nu surdatiello...
e nu bellu munaciello
ll'aggio 'ntiso 'e suspirá...
E aggio visto tutta quanta 'a funzione...
mm'arraggiavo ma dicevo: "Hanno ragione!"
................................................................
Armando Gill
NUN T'AGGI''A PERDERE

Dimme comm'aggi'a fá pe' nun te perdere...
damme nu core tu pe' te pregá...
nun 'o vvide ca i' moro d'ammore?
Si mme lasse nun pozzo campá...
Tu si' na freva ca nisciuno pò saná,
tu si' 'o ffuoco ca nisciuno pò stutá...
ma pecché mme faje danná?
Sí, dille pure ca tu suoffre comm'a me...
forse ll'unica ragione è chesta ccá:
Ce sta n'ato...'o ssaccio giá!
II
Comm'hê tenuta 'a forza 'e mme fá chiagnere,
tròvalo mo 'o curaggio 'e mme salvá...
Chesta vocca è sultanto d''a mia
o 'e nisciuno, dimane, sarrá...
Tu si' na freva ca nisciuno pò saná,
........................................................
Finale:
Mo ca stu suonno lentamente se ne va,
nun si' stata maje cchiù bella 'e comm'a mo
e si' fredda comm'a che!...
NUTTATA 'E SENTIMENTO

Che notte! Che notte!
Che luna! Che mare!...
Stasera mme pare
scetáto 'e sunná...
Cu st'aria serena
ca scippa da 'o core
suspire d'ammore,
durmí nun se pò!
Chiara è 'a luna,
doce è 'o viento,
calmo è 'o mare
oje Carulí'!...
'Sta nuttata 'e sentimento,
nun è fatta pe' durmí...
II
Luntano, luntano,
p''o mare turchino,
vulesse, a te 'nzino,
nu suonno sunná...
Nu suonno 'e ducezza,
nu suonno 'ncantato,
cu tico abbracciato,
sunnanno, murí...
Chiara è 'a luna
.........................
III
Cchiù bella, cchiù doce,
'sta notte sarría
si tu, vita mia,
venisse a vucá...
Na storia d'ammore
te conto, si viene,
si caro mme tiene,
rispunne ca sí!...
Chiara è 'a luna
.........................
Finale:
Pe' durmí, Carulí',
pe' durmí!...
Cassese - Capolongo
'O 'NNAMMURATO MIO

'O 'nnammurato mio se va 'nfurmanno
cu chi aggio fatto 'ammore e va vedenno...
e passa pe' vicino...e va 'nzurdanno...
'a n'anno e miezo chesto va facenno!
Mm''o ssento 'e scennere
ca 'o lasso, e sùbbeto,
si 'a fede 'e nasceta
mme vò' cacciá...
Nun ce só' chiacchiere
né fóse 'a appennere:
si nn''a vò' 'ntènnere
pò cammená!
II
'O 'nnammurato mio fa 'o scrupuluso:
a sulo a sulo nun mme dá nu vaso...
Se 'mbroglia, se 'mpapina, fa 'o scurnuso...
io 'o chiammo 'o maccarone senza 'o ccaso...
Vicino â femmena
ce vò' 'o sensíbbele:
chi è muollo e 'nzípeto
se fa schifá!
Ll'ommo ha da tènere
presenza 'e spíreto...
si no arretírete...
nun ce ammusciá!
III
'O 'nnammurato mio mme vò' accullata,
cu 'a capa liscia e semplice vestuta...
Si rido sulamente?...só' sfacciata!
nun pòzzo arapí 'a vocca...aggi''a stá muta...
Ma a chi vò' affliggere?
chillo è carattere
ca mm'aggi''a movere
si aggi''a parlá...
Cchiù 'nzierre 'e ffemmene
cchiù se 'mpuntígliano:
cchiù 'e ccorne sguígliano
senza pietá...
Finale:
'O 'nnammurato mio fa 'o scrupuluso:
a sulo a sulo nun mme dá nu vaso!
Raffaele Viviani
'O BALCONE 'E NAPULE

Villanova!
E che balcone
pe' chi è giovane e vò' bene!
Tengo 'e faccia 'a luna chiena...
Tengo 'mmócca na canzone!
Dint''e bbraccia tengo a te!
Doppo n'anno luntana!
Ma è nu suonno o si' tu?!
Gira gira e gira 'Ammore...
'Sta vucchella, 'a n'anno sano,
quanta diébbete ca tene,
Carulí'!
Vocca e vocca, fiato e fiato...
nu vasillo appriesso a n'ato...
Nun te movere...accussí!
II
Villanova!
E, â part''o mare,
nu quartino pe' sti core!...
Luggetella e gallenare...
Dorme 'a 'gnóra 'int''a cuntrora...
Tu daje latte...e i' guardo a te...
Mammarella a vint'anne!
Quanta ciance vuó' fá!
Gira gira e gira 'Ammore,
- sarrá ll'aria ca t''o mména -
scritturammo 'na vammana,
Carulí'!
Vocca e vocca, fiato e fiato...
n'ato...n'ato...n'ato e n'ato:
tutte máscule...accussí!...
Villanova!
Murolo - De Curtis
'O BAR 'E LL'UNIVERSITA'

Dint'a stu bar 'e ll'Universitá,
tu parle 'e te...
io parlo 'e me...
parlammo 'e nuje...
Quanta buscíe,
quanta felicitá
ca véne e se ne va...
'Nnammurate comm'a te,
una sola ce ne sta...
se chiamma giuventù,
comme te chiamme tu...
trovo 'e vint'anne 'e tantu tiempo fa...
Comm'è doce stu ccafè,
ca mme piglio 'nziem'a te...
Comm'è amara 'a veritá:
Sceta 'e suonne...e se ne va...
trovo 'e vint'anne 'e tantu tiempo fa...
Comm'è doce stu ccafè,
ca mme piglio 'nziem'a te...
comm'è amara 'a veritá:
Sceta 'e suonne...e se ne va...
'Nnammurate comm'a te
una sola ce ne sta:
se chiamma giuventù...
ma i' nun 'a trovo cchiù...
Annona - Di Domenico
'O BBENE
E nisciun'ata femmena mme piace
comme mme piace tu, curtese e doce...
e nisciun'ata mme pò fá cchiù spècie
si penzo a te ca mme saje fá felice...
E' 'o bbene! E' 'o bbene
ca 'e ssimpatie fa addeventá catene...
Stregne duje core forte, e po' 'e mmantene
strignute sempe...pe' n'eternitá.
II
Fosse 'a cchiù bella femmena d''o munno
- femmene belle quante ce ne stanno? -
Fosse 'a cchiù ricca, - 'o core nun se vénne -
sulo a te veco bella e ricca 'nsuonno...
........................................
III
Quanno te sento 'o core mio suspira...
Quanno te veco, io dico: "E' primmavera!"...
Ma si luntana staje, ll'anema è scura:
Po' mme te sonno...e st'anema se schiara!
........................................
E. A. Mario
'O CCAFE'
'O llatte è buono e 'a ciucculata è doce...
e pure 'a cammumilla bene fa...
rinfresca ll'orzo e 'o vino fa felice
e sulo ll'acqua 'a sete fa passá...
Ma nu milione 'e gente,
'e Napule comm'a me,
nun vonno sapé niente
e cámpano cu 'o ccafè...
Ah, che bellu ccafè!
Sulo a Napule 'o ssanno fá...
e nisciuno se spiega pecché
è na vera specialitá...
Ah, ch'addore 'e cafè
ca se sente pe' 'sta cittá...
e 'o nervuso, nervuso comm'è,
ogne tanto s''o vva a pigliá...
Comme nasce, tu siente 'o bebbé
ca dice: "Nguè-nguè...nu poco 'e cafè!"
E ll'Inglese se scorda d''o ttè
si vène a sapé
"n'espresso" ched è...
Ah, che bellu ccafè!
Sulo a Napule 'o ssanno fá...
e accussí s'è spiegato 'o ppecché
ca pe' tutt''a jurnata,
na tazza po' n'ata,
s'accatta, se scarfa
e se véve 'o ccafè...
II
Pe' bevere 'o ccafè se trova 'a scusa:
Io ll'offro a n'ato e n'ato ll'offre a me...
Nisciuno dice "no" pecché è n'offesa:
só' giá seje tazze e sóngo appena 'e ttre...
Ma, mentre faccio 'o cunto,
n'amico mme chiamma: "Gué...
e aspetta nu mumento...
bevímmoce nu cafè!"
Ah, che bellu ccafè!...
...................................
Pazzaglia - Modugno
'O CCHIU' BELLU NOMME
Gente ca mme sentite...
e, cierti vvote, appriesso a me cantate...
vi prego: compatite,
vi prego: perdonate...
ca nun è colpa mia
si aggi''a cantá pe' forza pe' Maria!
Maria Marí',
vurría cagnarte 'o nomme
pe' nun te dí maje comme,
tant'ate t'hanno ditto...
tant'ate t'hanno scritto...
Maria Marí',
tantu bene io voglio a te
ca si tengo a nu nemico,
mm'addeventa amico
si mme parla 'e te!
II
Cantante e sunature,
Scetáte tuttuquante 'e cuncertine
ca 'ncielo, 'e stelle pure
sònano 'e manduline!
Stanotte, pe' Maria,
cántano pure 'e pprete 'e miez'â via!
Maria Marí',
....................
III
No! Nun è fantasia...
No! Chesta nun è 'a solita canzone...
'Sta serenata mia
se chiamma: passione!...
E i' moro 'e gelusia
ca Napule fa 'ammore cu Maria!...
Maria Marí',
....................
Fiore - Lama
'O CIUCCIARIELLO
'Ncopp'a na strada janca e sulagna,
'mmiez'a ll'addore e a ll'aria 'e campagna,
na carretta piccerella,
chianu chiano, se ne va...
Nun s'affatica stu ciucciariello,
nun tene pressa...ch''a tene a fá?
E sta luntano stu paisiello
addó' nisciuno ce ha da aspettá...
E tira, tira, tira, oje ciucciariello...
'sta carrettella, tírala tu!
e sona, sona, sona, 'o campaniello...
ma chi aspettava nun ce sta cchiù...
Na femmena busciarda mm'ha lassato:
luntano da 'a campagna se n'è ghiuta...
pe' n'ata strada pòrtame tu!...
II
Oje ciucciariello buono e aggarbato,
tu ca nc'hê visto sempe abbracciate...
na prumessa 'e matrimonio,
a sentiste pure tu...
Essa diceva: "Si' 'a vita mia
e a primmavera c'îmm''a spusá..."
Nun era overo: fuje na buscía...
se n'è partuta...chisà addó' sta?!...
......................................................
Finalino:
'Ncopp'a na strada janca e sulagna,
'mmiez'a ll'addore e a ll'aria 'e campagna...
na carretta piccerella,
chianu chiano, se ne va...
Murolo - Oliviero
'O CORE 'E CATARINA

Oje capèra, ca passe ogne matina,
famme na gentilezza, ogge o dimane,
quanno spícceche 'a capa a Catarina,
tu fammélla passá chello d''e cane...
E si te spia: "Ma comme va 'sta cosa?"
dille ca tiene 'a fá na capa 'e sposa.
Che vaje 'e pressa, ca...nun saccio che...
Dille ch''a sposa sta aspettanno a me...!
II
Oje scarparo, cu 'a lente 'ncopp''o naso,
saccio ch'hê 'a cunzigná, p''a fin''o mese
- ciappe 'ndurate e nucchetelle 'e raso -
nu scarpino cu 'o tacco tirulese.
Pecché canosco 'a giovane ch'aspetta,
miettece 'e zzeppe e fance 'a ponta stretta...
E si essa spia: "Pecché sóngo accussí?"
Tu spiegancello ca t''aggiu ditt'i'...
III
Oje curzettara, ca nu busto 'e seta,
taglie e 'nchime, p''a vita 'e na pupata...
Oje curzettara, si vuó' stá cujeta,
falle 'o curzè'...ma siente 'sta 'mmasciata:
Na ponta d'aco lássace a mancina,
ch'ha da pógnere 'o core 'e Catarina...
E si, quanno se pógne, essa dice: "Ah!..."
Tu spiegancello chi t''ha ffatto fá!
Galdieri - Capolongo
'O CUNTO 'E MARIAROSA

Figliole d'Antignano,
bona gè'...
'o cunto 'e Mariarosa è chistu ccá:
Si have ragione e dámmole ragione,
e si have tuorto...e dámmole ragione...
ca sempe have ragione chi vò' bene......
Sole d'austo, nèh!
Sole d'austo, nèh!
Dicette 'a mamma:
" Figlia, arrassusía,
attienta a te mo ch'è venuta Está:
'o sole coce e 'ncapa puó' pigliá
na malatia!
Va' pe' sotto 'e ffresche frasche,
chisto è 'o 'mbrello e 'o sciosciamosche...
nun te sperdere 'int''o bosco,
taglia ll'erba e torna ccá."
Bona gè',
sentite appriesso 'o fatto comme va,
comme va,
comme va...
II
Figliole d'Antignano,
bona gè'...
Sunava giá p''a via quacche zampogna,
sfrunnate erano ll'arbere 'ncampagna,
friddo 'a matina ca spaccava ll'ogne...
Natale e neve, nèh!
Natale e neve, nèh!
Dicette 'a mamma:
"Figlia, arrassusìa
Attienta a te ca friddo e gelo fa...
cummògliate si no ce puó' appezzá na purmunía!
Miettatélla, tutt''e ssere,
na pettiglia a carne annura...
'nfacci''ô ffuoco d''o vrasiere
sotto e 'ncoppa t'hê 'a scarfá..."
Bona gè'...
sentite appriesso 'o fatto comme va,
comme va,
comme va...
III
Figliole d' Antignano,
bona gè'...
Dicette 'a mamma:
"Guárdate 'int''o specchio,
che só' sti duje canale sott'a ll'uocchie?...
che scuorno hê dato a me, povera vecchia!"
Abbrile, abbrile, oje má'...
Abbrile, abbrile, oje má'...
Diciste: "Attient'ô sole figlia mia
ca 'o sole pò fá male 'int'a ll'está'
e attienta a te quann'è Natale e fa friddo p''a via...
Ma pecché po', a Primmavera,
nun diciste a chistu core:
Statte attiento pe' ll'ammore
ca, d'abbrile, attuorno va?.."
Bona gè',
'o fatto 'e Mariarosa è chistu ccá...
chistu ccá,
chistu ccá...
'O FESTINO
Amice! Mme scusate si ve lasso:
'o vico sta 'nfestino, e...chi capisce,
tuorto nun mme pò dá...mme cumpatisce:
sposa chi mm'ha vuluto bene a me...
Jastemmo e smaledico,
'sta femmena busciarda e dispettosa...
Mm'aggio spartuto 'o suonno cu n'amico...
e chisto amico, mo...
è chillo ca s''a sposa!...
II
Parole doce...frennesia...suspire...
e na catena 'e vase longa assaje...
Chisto è ll'ammore ca ce 'ncatenaje!
Chist' è ll'ammore ca nun torna cchiù!...
'O ssaccio, sta 'nfestino...
e nun lle 'mporta 'e me, che a stu puntone,
faccio 'a figura 'e n'ommo fatto a vino...
Invece io stóngo ccá,
'mbriaco 'e passione...
III
Nun só' cchiù guappo e tèccove 'o curtiello...
No...nun v''o voglio dá...mme serve ancora!
Essa è spusata 'a quanto? - 'A n'ora! - 'A n'ora? -
Ma dint''o lietto nun se cuccarrá!
D''o sposo nun mme 'mporta...
mo saglio comme fosse nu 'mmitato...
Dimane, ognuno dice: "'A sposa è morta!
- E' stata accisa!... - 'A chi? -
Da 'o primmo 'nnammurato!"
P. Vento - E. A. Mario
'O GRAN PASCIA'

Io tengo na 'nnammurata p'ogne paese...
e ognuna fa cose 'e pazze pe' mme spusá!
Ma io faccio stu lassa e piglia na vota ô mese...
'sta vita mm''a passo allera...ch'aggi''a fá?
Senza curarme 'e te,
cu mille femmene attuorno a me...
Nun mme ne 'mporta cchiù
si cu cient'uommene parle tu...
Che fa?...che fa?...
si' bella e t'hê 'a spassá...
e quanno 'o vvuó' sapé...
'e mmeglie femmene vonno a me!
II
Ma chello ch'è bello overo nun t''hanno ditto?
'E llire mo tengo e sóngo nu gran pasciá!
Da 'America nu parente sa' che mm'ha scritto?
Ca lassa sultanto a me ll'ereditá...
.................................
III
'O mese che trase faccio migliare 'e feste
mme sposo 'a cchiù bella femmena 'e 'sta cittá!
Cu tutto ca lieve e miette cappielle e veste...
tu rieste cu 'o desiderio 'e mme spusá!
.................................
B. U. Netti - Lama
'O GUAPPO 'NNAMMURATO

Mm'hê 'ncarugnuto cu chist'uocchie belle,
mm'hê fatto addeventá nu vile 'e core,
n'ommo 'e lignammo: nun só' cchiù Tatore,
'o mastuggiorgio 'e vasci'â Sanitá!...
Nun só' cchiù io, mannaggi''a libbertá!
Scorz''e fenucchio,
tengo nu bruttu pólice 'int''a recchia!
Só' bevitore 'e vino e, si mm'arracchio,
te scárreco 'a ricanna 'int''o renucchio!...
Scorza 'e fenucchio!
II
Mme tratte comme fosse n'ommo 'e paglia:
prumiette sempe e nun mantiene maje...
Ma nun capisce che, accussí, mme 'nguaje?
Nun saje ca, pe' rispetto a ll'umirtá,
'sta faccia accussì bella 'aggi''a sfriggiá!?
Surzo 'e sciarappo,
si arrivo a te piazzá stu miezu scippo,
p''o mmerecá, nc'hê 'a mettere pe' coppa...
nu palmo e nu ziracchio 'e sparatrappo...
Surz''e sciarappo!...
III
Femmene belle sempe na duzzina
n'aggio tenute appése a stu cazone.
E mo mme stó' strujenno 'e passione
pe' te ca nun canusce caritá,
chi sa 'sta pelle addó' 'a vaco a pusá!...
Fronna 'e carota...
Manco 'a quattuordece anne 'a carcerato...
però, chi mme ce manna n'ata vota,
se fa 'nteresse sempe nu tavuto!
Fronna 'e carota!
IV
Te si' pentuta? E basta nun fa niente!
Chello ch'è stato è stato...e vienetenne!
C'è poco 'a dí, chi nénna se pretenne,
vicino a te nun have a che ce fá!
E' 'o stesso affetto ca mme fa spustá!
Tu 'o ssaje ca i' feto!
Si nun te 'nfilo 'o junco n'ata vota,
cu 'o curtelluccio mio a máneca 'e cato,
te scóso 'a 'nanze, 'a dinto, 'a fora e 'a reto!
Tu 'o ssaje ca i' feto!
Raffaele Viviani
'O GUARDAMACHINE
Parlato:
A Napoli noi siamo stati sempre specialisti
a inventare mestieri, perché la fatica,
se non ce la inventiamo noi...nun se magna!
Venite avanti, dottó'...
=======
Io esercito il mestiere 'e guardamachine,
la più moderna e nuova professione
ca, manco a dirlo sta sultanto a Napule:
Ll'avimmo fatta nuje chest'invenzione!
E' nu mestiere serio...
No comme crede 'a gente!
s'ha da sapé distinguere...
nun è na cosa 'e niente!
Pecché a guardá ci vuole l'abitudine,
ce vò' ll'applicazione e ll'esperienza...
che a forza 'e mme guardá Capre e Pusilleco,
io sóngo addeventato n'arco 'e scienza...
II
Parlato:
Certo ca pe' purtá 'a famiglia annanze
ce vularríano sittanta, uttanta machine al giorno...
ma 'o vico è stritto e nun c'è che fá...
Allora avevo pensato di adattare il mio vascio
a garage...ma nun è stata cosa! - Come dite? -
L'autorizzazione del Comune?...
Eh!...Nun 'a tengo! Mi sono fatto autorizzare
da mia moglie e cinque figli...
Cinque figli, dottó'...
- Comme?...-
=======
Dint'a chesta cittá addó' tutte abusano,
campanno 'ncopp''e spalle 'e tanta gente...
mo va a finire, come dice il vigile,
ca ll'abusivo sóngo io sulamente?!
Ma quale abuso e abuso...
Ll'abuso è chillo eterno:
chillo 'e campá annascuso
pure d''o Pataterno!
Certo, fosse cchiù giusto a stare in regola,
tené mille licenze e documente...
Ma dimme, chesto comm''o ppuó' pretennere
si tutto, ccá, se fa abusivamente?!
III
Parlato:
Venite avanti, dottó'...
Ogni tanto si legge sui giornali: Napule
nun ce 'a fá cchiù...Napoli muore! E se capisce!...
Chille 'e guvernante nun fanno niente...Ma 'sta
storia ha da ferní! Dottó', accussí nun se pò ghí
annanze...Quacche cosa s'ha da fá!
Jammo...
=======
Diciteme addó' stanno chesti ffabbriche?
Ll'industria nosta? Sta dinto Furcella!
'E bancarelle, 'o contrabbando, 'e diebbete...
e pe' magná ce abbruciano 'e ccervelle!
Ogne ghiuorno, è n'esercito
ca scenne 'mmiez'â strata
e fa chello che cápita
pe' s'abbuscá 'a jurnata...
Io faccio stu mestiere 'e guardamachine
e tengo nu lavoro assicurato...
Manco cu 'e ccannunate a me mme smòvono:
Ho un posto fisso: mme sóngo piazzato!
=======
Mo nun mme credo cchiù prumesse e chiacchiere:
'A panza nun se jenche cu 'a pacienza...
E, 'mmiez'a tutte chille ca s'arrangiano,
io sóngo addeventato n'arca 'e scienza!
S. Palomba - S. Bruni
'O MAFIUSO
Tu si' peggio 'e "Rififí"!...
Tu 'ngalera vaje a ferní!...
Sott''a falda d''o cappiello,
t'annascunne st'uocchie belle,
st'uocchie 'nziste comm'a te...
(fischio)
Statte accorto â pulezia:
Si te pesca 'mmiez'â via,
nun puó' fá cchiù guapparie:
tu, 'ngalera vaje a ferní!...
Tu si' peggio 'e "Rififí"!...
'Unne vaje?...'Unne viene?...
'O revolvere addó' 'o tiene?
Mafiuso, mafiuso mio?...
'Unne viene?...'Unne vaje?...
Tu te miette 'mmiez'ê guaje...
Mafiuso, mafiuso mio!...
Cammina sott''o muro,
nun sgarrá!...
Chell'ombra dint''o scuro,
chi sarrá?...
Nun spará!...
Nun spará!...
Bedda matre, picciuttiello...
Ma pecché te vuó' 'nguajá?!
'O revolvere addó' 'o tiene?!
Mafiuso?...Mafiuso!...Mafiuso!
II
Tutt''e juorne 'int''o cafè,
tutt''e nnotte ô tabarè...
Cu 'o vestito 'e gabardine,
cu n'addore 'e brillantina
ca se spanne attuorno a te...
(fischio)
Chisto è 'o sisco d''a quistura,
picciuttié', miett''a sicura:
Si te piglia 'a nervatura,
chi sa comme va a ferní,
cu stu fatto 'e "Rififí"!...
...............................................
Nisa - Carosone
'O MALAMENTE
E sissignore,
mm'ha fatto piacere
che t'hê truvato a n'atu 'nnammurato!
Ma pe' favore, almeno 'int''o quartiere,
nun fá accapí ca mm'hê licenziato...
si no t'aggi''a sfriggiá...
pe' dignitá...
Pe me, 'a prigione,
è comme fosse nu casino
ca ce vaco a villeggiá...
Senza ragione,
na carriera 'a malandrino,
nun mm''a pòzzo arruviná
pe' fá 'ammore cu te!
II
I', dint'a niente,
mme sceglio n'ata amante:
Tengo a cinquanta femmene 'e riserva...
C'è l'avvenente,
ce sta l'affascinante...
e ognuna 'e chesta mme facesse 'a serva,
p''o sfizio 'e se vedé vicino a me...
Sciurillo giallo,
ch'aggi''a fá si sóngo bello?
Te ne vaje? Peggio pe' te!
Vutanno 'e spalle,
doppo n'uocchio a zennariello,
vide 'e ffemmene 'e cadé
comm''e ccarte 'a jucá!
III
Mo, per favore,
mi devi ritornare
'o fazzuletto 'e seta: sta tre lire.
Certo, un signore
non se lo fa ridare...
ma io mm''o piglio poi per non sentire:
"Ll'oggette comme va, nun s''e ffa dá?!"
Rutto pe' rutto,
damme pure 'e seje ferriette
e 'a butteglia 'e brillanté...
Certo fa brutto,
ma 'e riale ca te dette,
nun t''e ppozzo rummané:
Ll'aggi'ancora 'a pavá!
Viviani
'O MARE ' E MARGELLINA
Chistu mare 'e Margellina,
chisà 'nfunno che nce tene,
ca si 'o guarde nun te vène,
ca si 'o guarde nun te vène,
'o penziero d''o lassá!
Nu prufumo d'erba 'e mare,
saglie 'a dint'a chilli scoglie
e te sceta mille voglie...
e, scetato, fa sunná...
Margellina, Margellina,
calamita 'e marenare...
Si parlasse chistu mare,
quanta cose avría 'a cuntá!...
Scappatelle 'e 'nnammurate,
gelusie, tradimente,
vase e lacreme cucente...
quanta suonne 'e giuventù...
II
Quanno 'a luna 'mmiez'ô mare,
se fa 'o ppoco 'e sentimento
e d'ammore parla 'o viento,
e d'ammore parla 'o viento,
'e ccanzone fa sentí...
E cu 'o ffuoco a poppa 'e vuzzo,
vanno a purpe 'e marenare:
nc'è na festa pe' stu mare,
ca nu quatro se pò fá...
Margellina, Margellina,
......................................
Califano - Falvo
'O MARE CANTA

Siente che musica doce
fanno chest'onne addurose!
Siente che voce, che voce,
ca tènono 'e ccose
stanotte, Marí'!...
E' 'o mare che canta,
stu mare lucente...
E 'a canzone se chiamma "Surriento..."
E 'a luna, ch''a sente,
s''a 'mpara 'e cantá!
II
Ll'albere 'e chisti ciardine,
só' tutte arance e limone,
quanno tu, 'a sera, cammine,
te 'ncante, te stuone,
nun saje che vuó' fá!
..................................
III
Passa stanotte ll'Ammore
'ncopp''a marina 'e Surriento...
Tutto è silenzio e chiarore:
nemmeno cchiù 'o viento
se sente 'e sciatá...
..................................
Bovio - Lama
'O MARENARIELLO
Oje né', fa' priesto viene!
nun mme fá spantecá...
ca pure 'a rezza vène
ch'a mare stó' a mená...
Méh, stienne sti bbraccelle,
ajutame a tirá...
ca stu marenariello
te vò' sempe abbracciá.
Vicin'ô mare,
facimmo 'ammore,
a core a core,
pe' nce spassá...
Só' marenaro
e tiro 'a rezza:
ma, p''allerezza,
stóngo a murí...
II
Vide ca sbatte ll'onna
comm'a stu core ccá;
de lacreme te 'nfonne
ca 'o faje annammurá...
Viene, 'nterr'a 'sta rena
nce avimm''a recrijá;
che scenne la serena...
io po' stóngo a cantá.
Vicin'ô mare,
......................
III
Oje né', io tiro 'a rezza
e tu statte a guardá...
li pisce, p''a prijezza,
comme stanno a zumpá!...
E vide, pure 'e stelle
tu faje annammurá...
ca stu marenariello,
tu faje suspirá...
Vicin'ô mare,
......................
Ottaviano - Gambardella
'O MARENARO
Signurí, serv'ô 'ccellenza:
si vuje site nu signore,
io vulesse avé ll'onore
'e ve dicere chi só':
Só' Papèle 'o marenaro,
'o marito 'e Carmenella...
chella tala Lucianella
ca v'ha fatto sfrennesiá!...
Ve voglio fa assapé ch''a voglio bene,
ca ce simmo spusate pe' passione...
e mme levasse 'o sango 'a dint''e vvéne
pe' nun lle fá mancá nu muorzo 'e pane...
Vuje, cu 'e rricchezze voste,
cercate 'e v''a pigliá...
Ma avete fatto i conti senza l'oste...
e ll'oste...signurino mio, sta ccá!
II
Stammatina, ê ssette e meza,
stevo giá a Santa Lucia,
arrischianno 'a vita mia
'mmiez'ô mare a faticá...
Stammatina, â casa mia,
addó' ce sta scritto: "Onore"
è sagliuto nu signore
cu nu fascio 'e rose thè...
A chi 'e vvuleva dá...ll'immaginate!
però...se ll'ha purtate n'ata vota...
Io, ca nun sóngo ricco e só' alfabeto,
si 'o trovo ll'aggi''a dí: "Vuje nun servite!
Mógliema Carmenella
nun diciarrá maje: Sí...
E' onesta...E si tenite na sorella,
'o stesso fascio 'e rose ce 'o port'i'!..."
III
Ma ched è, v'amariggiate?
stu trascurzo nun ve piace?
Vuje v'avit''a fá capace
ca 'sta storia ha da ferní...
Si ve 'ncòccio n'ata vota
ca passate pe' 'sta via,
giuro: "Privo 'e mamma mia,
nun ve faccio passá cchiù!..."
Ca state armato, nun mme fa paura:

tengo nu vraccio 'e fierro e 'o core 'acciaro!...
Io, quanno veco 'a morte, 'a guardo e riro...
e levo 'a vita a chi mme leva 'ammore...
Ll'onore mio mm'è caro:
nun mm''o levá...Pecché,
si mm'arricordo ca só' marenaro,
te porto 'nfunn'ô mare...'nziem'a me!
Pisano - Buongiovanni
'O MEGLIO AMICO

Ll'amico mio si' tu. Comme te pare?
'O tengo n'ato amico meglio 'e te?
'O stesso banco â primma elementare...
nce vulevamo bene comm'a che...
Tu sempe 'nzisto, io sempe cchiù abbunato,
mme suppurtavo 'a te cchiù 'e na pazzía...
Nun te ricuorde? Mme chiammave frato
ma t'arrubbave 'a marennèlla mia...
Che fa?
Che fa?
Só' cose ca succedono...
Cu chi t''a vuó' piglia?
Dámmoce 'a mano:
'O bbi' ca só' semp'io...
e tu si' sempe 'o meglio amico mio!
II
'A zia nun te vuleva dint''a casa,
ma i' cumbattevo pe' te fá vení...
"Oje ninno mio, chillo t'abbraccia e vasa,
ma tene ll'uocchie 'e chi te vò' tradí..."
Quanno, cinch'anne fa, stive malato,
vicin'ô lietto tujo stevo sul'io,
ma, dint''a freve, miezo frasturnato,
te stupetiaste 'o portafoglio mio...
Che fa?
............
III
Ll'amico mio si' tu...guárdame 'nfaccia...
Guárdame buono 'nfaccia e nun tremmá...
Ancora mme vuó' stregnere 'int''e bbraccia?
Tiene ancora 'o curaggio 'e mme vasá?
Vattenne marijuolo! 'O ppuorte scritto
dint'a chist'uocchie ca si' scellarato...
I', pe' vint'anne, mme só' stato zitto,
i', pe' vint'anne, t'aggio perdunato!
Che fa?
Che fa?
'Stavota t'aggio cuóveto
e nun mme puó' arrubbá...
Primma te stenno 'nterra 'mmiez'â via...
e po' t'arruobbe 'a 'nnammurata mia!
Bovio - Albano
'O MESE D''E RROSE

Nénne belle 'e stu bellu paese
cantate, cantate, felice cu me...
Primmavera ve porta p''e ccase
na smania 'e calore...va' trova ched è?!
Só' sti rrose ca maggio ha purtato pe' te!
Rose 'e maggio...e che bellu buchè!
Chist'è 'o mese d''e rrose,
chist'è 'o mese 'e ll'ammore...
se fa ll'aria addirosa
e nénna scuntrosa,
scuntrosa nun è...
Chist'è 'o mese d''e vase,
vase ardente e azzeccuse...
Si dimane mme sposo,
mm''a piglio cu 'e rrose,
cu maggio...e cu te!
II
Mm'aggio fatto na casa ô paese:
nu nido annascuso cu 'o bellovedé!
E' na casa ca sta 'nparaviso
nu regno 'ncampagna ch'è degno 'e nu rre...
Nove mise ce vonno pe' fá nu bebé...
ma cu st'aria, n'abbastano tre!...
Chist'è 'o mese d''e rrose,
..........................................
Manlio - Bonavolontá
'O MUNASTERIO
Jettaje stu core mio 'mmiez'a la strata
e 'ncopp'a na muntagna mme ne jette
e, pe' na passiona disperata
monaco 'e San Francisco mme facette...
- Tuppe tuppe - Chi è? - Ccá ce stess'uno
ca ll'è caduto 'o core 'mmiez'â via?
- Bella figlió' ccá nun ce sta nisciuno
va', jatevenne cu Giesù e Maria...-
Se ne jette cantanno: Ammore, ammore...
cchiù nun te vò' zi' monaco vicino!
E p''a muntagna se purtaje stu core,
arravugliato dint''o mantesino...
Di Giacomo - Costa
'O PAESE D''O SOLE

Ogge stó' tanto allero
ca, quase quase, mme mettesse a chiagnere
pe' 'sta felicitá...
Ma è overo o nun è overo
ca só' turnato a Napule?
Ma è overo ca stó' ccá?
'O treno steva ancora 'int''a stazione
quanno aggio 'ntiso 'e primme manduline...
Chist'è 'o paese d''o sole,
chist'è 'o paese d''o mare,
chist'è 'o paese addó' tutt''e pparole,
só' doce o só' amare,
só' sempe parole d'ammore!
II
'Sta casa piccerella,
'sta casarella mia 'ncoppo Pusilleco ,
luntano, chi t''a dá?...
'Sta casa puverella,
tutt'addurosa 'anèpeta,
se putarría pittá:
'A ccá nu ciardeniello sempe 'nfiore
e de rimpetto 'o mare, sulo 'o mare!!!
.........................................
III
Tutto, tutto è destino...
Comme putevo fá furtuna a ll'estero
s'io voglio campá ccá?
Mettite 'nfrisco 'o vino!...
Tanto ne voglio vévere,
ca mm'aggi''a 'mbriacá...
Dint'a sti qquatto mure io stó' cuntento:
mamma mme sta vicino e nénna canta:
.........................................
Bovio - D' Annibale
'O PIZZAJUOLO NUOVO

A 'o pprincipio d''o Cavone,
addó' steva 'o pastajuolo,
mo sta 'o capo pizzajuolo:
nun putite maje sbagliá...
Quanno sforna chelli ppizze,
saglie 'addore p''o quartiere!
Ma che pizze! Só' pastiere,
sfugliatelle? Ma che só'?
P'otto solde sulamente,
se pò fá 'e quatto manere...
Pe' na mamma è nu piacere:
quanno 'a sparte, fa accussí...
Â nennélla, cu 'a pummarola,
ô nennillo, cu 'o ceceniello,
ô cchiù gruosso, cu 'o fungetiello...
ll'atu riesto...s''o vvede mammá...
Â nennella, cu 'a pummarola,
ô nennillo, cu 'o ceceniello,
ô cchiù gruosso, cu 'o fungetiello...
ll'atu riesto...s''o vvede mammá...
II
Quann'è 'a festa, 'a principala,
pe' 'mpastá, scenne essa apposta:
llá nce vò' na forza tosta,
'nfacci'â mártola, a 'mpastá...
"Principá', comm''a tenite?"
Ve risponne: "'A tengo chiena!"
cu na grazia ch'è na pena
pe' chi passa e ha da sperí...
......................................
III
Chi se 'mmocca 'o primmo muorzo,
fosse pure nu barone,
nun 'o lassa 'o curnicione...
Chi nun crede, ha da pruvá!
Vi' che t'esce 'a chillu furno...
ma che sciure, che bellizze!
Só' caruófane sti ppizze...
quant'è certa 'a libertá!
......................................
Capurro - Gambardella
'O PRIMMO AMMORE

'O primmo ammore
nun è chillo d''e libbre
e d''e filune 'e scola.
'O primmo ammore
ca fa sbattere stu core,
primmo ammore nun è.
'O primmo ammore
si' tu...si' tu
ca i' cercavo e si' venuta.
'O primmo ammore
si' tu...si' tu
ca i' cercavo e t'aggio avuta!
'O ddoce 'e chesta voce,
'o sapore d''a giuventù...
'O primmo ammore si' tu...
'O primmo ammore si' tu...
Tito Manlio - Gagliardi
'O PRINCEPE INDIANO

E' arrivato nu principe indiano,
va cercanno a na bella guagliona:
vò' na sposa...giá è pronta 'a curona
pe' 'sta figlia 'e 'sta rara cittá...
E pe' Napule, sera e matina,
isso, a pède, s'è miso a girá...
quanno ha visto p''a strada a Nannina:
"Chesta - ha ditto - 'a riggina sarrá!"
Ma però,
Nannina nun 'o vò'...
Ma però,
Nannina nun 'o vò'...
E a stu princepe essa ha ditto:
"Ve ringrazio dell'onore,
voglio bene a Salvatore...
nun 'o cagno cu nu rre!
Io sóngo nata a Napule
ch'è 'a perla d''e ccittá:
pe' me nun ce sta princepe
capace 'e mme 'ncantá!..."
II
"Tène 'a reggia ch'è d'oro e brillante,
chistu princepe", diceno 'e ggente...
E 'a cchiù bella cullana d'Uriente,
giá 'sta nénna s'è visto 'e purtá.
Ma cu ll'aria 'e na vera riggina,
ca cchiù niente pò farla abbagliá...
"Ve ringrazio - ha risposto Nannina -
chistu dono nun pòzzo accettá!"
Ma però,
Nannina nun 'o vò'
........
Mo, stu princepe straniero,
se ne torna â parte 'e fore...
e ha capito ca ll'ammore
nun se vénne a 'sta cittá...
Pecché 'a figliola 'e Napule,
nun è pe' ce vantá,
è 'a cchiù sincera fémmena
ca 'ncopp''o munno sta!...
Emilio - Barile
'O RAMMARIELLO
Jéva vennenno casa pe' casa...
'o sapevano 'a guagliunciello:
'o chiammavano 'o rammariello...
E deva 'a voce: "Chi vò' fá spese!?..."
E accattavano 'e ffigliulelle
ca s'avevan''a mmaretá...
- Véngo cuperte 'e raso
p''o lietto 'e sposa...
Pavate a tanto 'o mese,
facite spese! -
Deva 'a voce stu rammariello
ca penzava sulo a cantá...
Era ancora giuvinuttiello:
chella fine nun ll'êv''a fá!
II
E capitaje 'ncopp'a na casa...
llá ce steva na figliulella
ch'era 'o sole tant'era bella...
Isso dicette: "Si vuó' fá spese,
ccá sta 'o core d''o rammariello...
teccatillo...t''o puó' pigliá!"
- Tengo 'a cuperta 'e raso
p''o lietto 'e sposa...
Mme piglio a tanto 'o mese...
na bella casa...-
Dint''o core d''o rammariello
giá cantava 'a felicitá
giá vedeva 'sta nénna bella,
dint''a cchiesa, pe' ghí a spusá!...
III
Ma va' sapenno, 'sta nénna bella,
ca dint'a ll'uocchie teneva 'o cielo
e teneva na vocca 'e mèle...
s'era scurdata 'e nu 'nnammurato
ca, dint''o core teneva 'o ffèle,
e giurava 'e se vendicá!
p''o lietto 'e sposa... -
S'arretirava â casa
'mbriaco 'e vase...
E cantava stu rammariello,

nun puteva maje 'mmagginá
ca 'o curtiello d''a marennella
lle serveva pe' se salvá!
Finale:
..............................
p''o lietto 'e sposa... -
Mo cchiù nun ll'hanno 'ntiso
casa pe' casa...
Chistu povero rammariello
ca penzava sulo a cantá,
mo sta 'nchiuso dint''e ccancelle...
chella fine nun ll'êv''a fá!
L. Cioffi - G. Cioffi
'O RITRATTO 'E NANNINELLA

Caro pittore,
'mméscale cu 'o penniello sti culure...
pròvate a fá nu quadro di valore:
Píttace na matassa 'e seta nera,
píttace doje curvine, scure scure...
na fravula zucosa...
e na schiuppata 'e rose, rose thè!
Chist'è 'o ritratto,
'o ritratto 'e Nanninella:
Suspire e vase ardente,
prumesse e giuramente,
bellezze e vanitá!
Chistu ritratto
io ce 'o manno a Nanninella...
che fa si mm'ha lassato?
si 'ammore, mo, è fernuto?...
Chistu ritratto
nce ll'aggi''a manná!
II
Caro pittore,
'mméscale cu 'o penniello sti culore...
pròvate a fá nu quadro di valore:
Píttace na tempesta 'mmiez'ô mare,
píttace, atturcigliata a ciento core,
na vipera maligna,
cu ll'uocchie 'e fuoco, pronta a muzzecá!
Chist'è 'o ritratto,
.............................
Finale:
Chistu ritratto
io ce 'o manno a Nanninella...
Giacché dimane sposa,
lle voglio fá 'a surpresa:
Chist'è 'o regalo 'e nozze
ch'aggi''a fá!
Scarfò - Vian
'O SARRACINO
Tene 'e capille ricce ricce...
Ll'uocchie 'e brigante e 'o sole 'nfaccia...
Ogne figliola s'appiccia si 'o vede 'e passá...
Na sigaretta 'mmocca...
Na mana dint''a sacca...
e se ne va, smargiasso, pe' tutt''a cittá...
'O sarracino,
'o sarracino,
bellu guaglione!
'O sarracino,
'o sarracino,
tutt''e ffemmene fa suspirá...
E' bello 'e faccia,
è bello 'e core:
sape fá 'ammore...
E' malandrino,
è tentatore...
Si 'o guardate ve fa 'nnammurá.
E na bionda s'avvelena,
e na bruna se ne more...
E' veleno o calamita?
Chisto a 'e ffemmene che lle fa?
'O sarracino,
'o sarracino,
bellu guaglione...
E' bello 'e faccia,
è bello 'e core:
tutt''e ffemmene fa 'nnammurá!
Finale:
Ma na rossa, ll'ata sera,
cu nu vaso e cu na scusa,
t'ha arrubbato anema e core!
Sarracino nun si' cchiù tu!...
'O sarracino,
'o sarracino'
bellu guaglione!
'O sarracino,
'o sarracino,
tutt''e ffemmene fa 'nnammurá...
.......................................................
Sarracino, sarracino...
Nisa - Carosone
'O SCHIAFFO
('Nnanz'ô cafè)
Nun ve mettite 'ncerimonie, grazie...
ca nun è ora 'e farce cumplimente...
Anze ve prego molto gentilmente,
susiteve...pecché v'aggi''a parlá...
Amice, permettete...
no, nun v'incomodate...
ca nun succede chello ca penzate:
io ll'amicizia 'a saccio rispettá...
Però mme piglio collera
quanno qualcuno, falsa, 'a vò' trattá.
(Dint''o vico)
V''o vvoglio dí pe' vostra norma e regola:
ajeressera îte sbagliato assaje...
Na curtellata si', ma schiaffe maje,
penzátelo nu schiaffo che vò' dí...
'Ngiulina nun è chella
ca vuje ve 'mmagginate...
'e schiaffe date a essa, a chi aspettate
ca nun 'e rripetite pure a me?!
Facite scuorno a ll'uommene...
tutto pe' tutto...ll'arma aggi''a vedé!...
(L'arresto)
E sissignore...brigadié'...purtáteme
'ncopp''a Quistura, ô carcere...'ngalera...
chi dice niente?...ma cu cchiù maniera...
ll'aggio ferito? 'O ssaccio...comme?...Chi?
Nun è ferito?...è muorto!?
Mme state cunzulanno...
ll'uommene 'e niente chesta fine fanno!...
Mo niente cchiù desidero...pecché,
tenevo ccá nu písemo...
e mo mm''aggio levato...Brigadié'!
Vento - Albano
'O SILENZIO A BUORDO

Songo 'e nnove, dint''a branda,
cammenanno 'mmiez'ô mare,
mo, nemmanco 'o marenaro,
n'ora 'e pace pò truvá!
Truvá pace? E' na parola...
'o penziero va luntano...
mentre 'a tromba, chianu chiano,
'o silenzio va a suná...
Dice 'o signale:
Si tu mo te lagne
che nce guadagne?
Vide 'e durmí!
Duorme, duorme...siente a me
ca mo Rusina nun penza cchiù a te!
II
Nun mme penza? E comm''o ccredo?!
Mme vò' bene e tengo 'a prova...
Ca nun n'aggio cchiù na nova...
Sta malata?...Che sarrá?
Si sapesse chisti strazie
ca squartá mme fanno 'o core,
screvarría...cu tant'ammore
só' partuto...comme va?
Dice 'o signale:
.........................
III
Sti penziere só' turmiente:
accussí passo 'a nuttata...
Nun conchiudo...'int'a jurnata,
penzo justo a faticá!
Spisso dico: Turnarraggio...
Veco 'o sango 'mmiez'â via...
Ma po' penzo a mamma mia
e mm''a faccio a lacremá...
Dice 'o signale:
.........................
Scala - Capolongo
'O SOLE MIO

Che bella cosa na jurnata 'e sole!...
N'aria serena doppo a na tempesta...
Pe' ll'aria fresca pare giá na festa...
Che bella cosa na jurnata 'e sole!...
Ma n'atu sole
cchiù bello, oje né',
'o sole mio,
sta 'nfronte a te...
'O sole,
'o sole mio,
sta 'nfronte a te...
sta 'nfronte a te!
II
Lùceno 'e llastre d''a fenesta toja;
na lavannara canta e se ne vanta...
e pe' tramente torce, spanne e canta,
lùceno 'e llastre d''a fenesta toja...
Ma n'atu sole
.....................
III
Quanno fa notte e 'o sole se ne scenne,
mme vène quase na malincunia...
sott''a fenesta toja restarría,
quanno fa notte e 'o sole se ne scenne...
Ma n'atu sole
......................
Capurro - Di Capua
'O SURDATO 'NNAMMURATO

Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicura 'e chist'ammore
comm'i' só' sicuro 'e te...
Oje vita, oje vita mia...
oje core 'e chistu core...
si' stata 'o primmo ammore...
e 'o primmo e ll'ùrdemo sarraje pe' me!
II
Quanta notte nun te veco,
nun te sento 'int'a sti bbracce,
nun te vaso chesta faccia,
nun t'astregno forte 'mbraccio a me?!
Ma, scetánnome 'a sti suonne,
mme faje chiagnere pe' te...
Oje vita....
III
Scrive sempe e sta' cuntenta:
io nun penzo che a te sola...
Nu penziero mme cunzola,
ca tu pienze sulamente a me...
'A cchiù bella 'e tutt''e bbelle,
nun è maje cchiù bella 'e te!
Oje vita....
Califano - Cannio
'O SUSPIRO
Si mámmeta t'ha fatto cu 'abbundanza,
sti ssuttanelle strette,
tu, che t''e mmiette a fá?
Sarrá l'effetto della tua presenza
ca, doce doce, mme fa suspirá:
Tu, quanno passe,
mme faje vení na mossa...
Oje vocca rossa,
che sfizio a te vasá!
Tu nun 'o ssaje
ma chistu core mio,
suspira e fa: "Aaaah!...
Sei una bontá!"
Pe' st'uocchie nire,
'mpazzisce 'o gelatiere;
'o ragiuniere,
nun riesce a ragiuná;
'O canteniere,
sciacquanno nu bicchiere,
Sei una bontá!"
Nun 'o vvide ca 'o barbiere
nun 'nzapona e guarda a te?
Mentre 'o cliente,
'a copp''a seggia,
zompa e dice: "Ma chi è?!"
Tu, quanno passe,
mme faje vení na mossa...
Oje vocca rossa,
che sfizio a te vasá!
Si' na pupata...
e tutt''o vicinato
Sei una bontá!"
Nisa - Carosone
'O TRENO D''O SOLE

Na valigia,
nu biglietto...
e vaje a cercá furtuna
a n'ata cittá.
Mentre chiagne
chistu core,
'o treno corre e nun have pietá...
'o treno corre e nun have pietá...
Ah...
chistu treno addó' va?!...
Mme pare giá nu sèculo
ca stó' luntano 'a mámmema...
Ah...
chistu treno, pecché
nun s'è fermato a Napule?
nun s'è fermato llá!?...
'O chiammano accussí:
"Treno d''o sole"...
ma chisto è 'o treno d''a malincunia...
addó' s'aspetta quacche galleria
pe' t'asciuttá na lacrema 'int''o scuro....
Coro:
Ah...
.................................................
Ah...
nun s'è fermato llá?!....
.....................................
'O chiammano accussí:
"Treno d''o sole"
ma chist'è 'o treno d''a malincunía
addó' s'aspetta quacche gallería
pe' t'asciuttá na lacrema 'int''o scuro...
Coro:
Ah...
Ah...
nun s'è fermato llá?!....
Autori?
'O VASCIO
'A gente ca mme vede 'e sentinella,
'nnanze a stu vascio da 'a matina â sera:
"Ma chisto - dice - ha perzo 'e ccerevelle?
Ma comme? s'è cecato 'e 'sta manera?"
E invece, i' voglio bene a na figliola,
ca sta 'int''o vascio...e nun è vasciajola!
No, stu vascio nun è vascio...
E' na reggia...E' 'a meglia reggia...
E sissignore, 'o pate è masterascio...
E sissignore, 'a mamma è 'mpagliasegge...
Ma hanno fatto chella figlia
ch'è na vera meraviglia,
ca pe' sbaglio è nata llá!
II
'A mamma dice: "No, signore mio!
A stá ô sicondo piano?...Nun sia maje!"
E 'o pate dice: "Quant'è certo Dio,
io 'nchian''e terra ce stó' buono assaje"
E intanto, a figlia, chella bella zita,
vò' stá cu lloro quanno se mmarita...
...............................................
III
E ajeressera mme só' appiccecato
cu 'e genitore mieje ch'hanno ragione...
Papá, ch'è pronipote 'e titolato,
dice: "E addó' va a ferní chistu blasone?"
Ma i' penzo ca pe' duje uocchie 'e brillante,
scenne 'a cavallo pure nu rignante!"
...............................................
E. A. Mario - Cardarola
'O ZAMPUGNARO 'NNAMMURATO

Nu bellu figliulillo zampugnaro,
che a Napule nun c'era stato ancora,
comme chiagneva, 'nnante a lu pagliaro,
quanno lassaje la 'nnammurata fora...
E a mezanotte, 'ncopp'a nu traíno,
pe' Napule partette da Avellino...
Ullèro - ullèro...
buono e sincero...
Da lu paese, a Napule arrevato,
nce cammenava comm'a nu stunato...
II
E succedette ca, na bella sera,
jette a suná a la casa 'e na signora:
Tappéte, luce, pavimente a cera...
ricchezze maje nun viste anfin'a allora!
Ma se 'ncantaje, cchiù assaje de sti rricchezze,
'e ll'uocchie d''a signora e de li ttrezze...
fuje nu mistero:
Quanno jette pe' vasá â signora 'e mmane:
"Zitto, - sentette 'e dí - viene dimane!..."
III
Cielo, e comme fuje doce 'sta nuvena
ca ll'attaccaje cu n'ata passione!...
E se scurdaje 'e ll'ammore 'e Filumena
ch'era fatecatora e bona bona...
Ma ll'urdema jurnata ca turnaje,
chella signora, â casa, 'un ce 'a truvaje...
sturduto overo,
Avette ciento lire e 'sta 'mmasciata:
"Scurdatavella, chella è mmaretata..."
IV
Na casarella 'mmiez'a li mmuntagne,
nu fucularo cu nu cippo 'e pigne...
'A neve sciocca e na figliola chiagne:
Chisà stu lietto 'e sposa si se 'ncigna...
P''a strada sulitaria d'Avellino
nun sta passanno manco nu traíno...
"Cagna penziero!..."
Sta sotto a nu barcone appuntunato...
Poveru zampugnaro 'nnammurato!...
A. Gill
OILI' - OILA'
Carmè', quanno te veco,
mme sbatte 'o core...
Dimméllo tu ch'è chesto,
dimméllo tu ch'è chesto,
dimméllo tu ch'è chesto,
si nun è ammore?
Chest'è ammore,
oilí - oilá!
e dincello a mamma toja
si te vò' fá mmaretá...
Chest'è ammore,
oilí - oilá!
e dincello a mamma toja
si te vò' fá mmaretá...
Carmè', dincello...
Nu bellu maretiello
è sempe buono...
Si no tu rieste sola,
sola, sola, e llariulá...
'a veritá, nce vò' na cumpagnia,
tricche - tricche, e llariulá...
tricche - tricche, e llariulá...
II
Comm'acqua a la funtana,
comm'acqua a la funtana,
comm'acqua a la funtana,
ca nun se secca...
Ll'ammore è na catena,
ll'ammore è na catena,
ll'ammore è na catena,
ca nun se spezza...
Nun se spezza...
oilí - oilá!
si se spezza...bonasera,
nun se pò cchiù 'ncatená!
Nun se spezza...
oilí - oilá!
si se spezza...bonasera,
nun se pò cchiù 'ncatená!
Carmè' tu 'o ssiente?

Nu bellu maretiello è sempe buono...
si no tu rieste sola,
tricche - tricche e llariulá!
tricche - tricche e llariulá!
III
Stu core aggio perduto,
stu core aggio perduto,
stu core aggio perduto,
'mmiez'a na via...
Tu certo ll'hê truvato,
tu certo ll'hê truvato,
tu certo ll'hê truvato,
bellezza mia...
Ll'hê truvato...
oilí - oilá!
ll'hê truvato e ll'annascunne...
ma vengh'io pe' mm''o pigliá!
Ll'hê truvato...
oilí - oilá!
ll'hê truvato e ll'annascunne...
ma vengh'io pe' mm''o pigliá!
Carmè', dancíllo!
Nu bellu maretiello
è sempe buono...
si no tu rieste sola,
tricche - tricche e llariulá...
Di Giacomo - Costa
OJE MA', DAMMILLO!...

Oje má', siente 'a fanfarra?
Mo passano 'e surdate!
E Tóre 'nziem'a ll'ate,
mo passa...'o vuó' vedé?
Cu 'o zaino 'ncopp''e spalle,
mme fa cumpassione...
'O povero guaglione,
tène surtanto a me!
Oje má',dammíllo,
ch''o voglio bene...
Appena vène,
mme spusarrá...
Totóre mio,
mme ll'ha giurato:
dopp''o surdato,
jamm'a spusá!
II
Quanno murette 'a mamma
te ll'arraccummannaje,
a te te ll'affidaje:
Te ll'hê scurdato, oje má'?
Dicette: "Quanno è gruosso,
si nun ve dispiace,
spósano 'nsanta pace..."
Mo nun mm''o vuó' dá cchiù?
Oje má', dammillo,
...............................
III
Mo lle danno 'o cungedo,
ajere mme ll'ha scritto...
Oje má', sa' che mm'ha ditto?
Ca penza sempe a me...
Comme mme sbatte 'o core,
penzanno ca mo vène...
Uh! Quanto 'o voglio bene...
nun t''o ppuó' 'mmagginá!
Oje má', dammillo,
...............................
Fragna - Cannio
OMBRA SI' TU
Mo ca te si' cagnata anema e core,
dimme, che faccio cchiù vicino a te?
Si tu, 'o cchiù bellu suonno 'e chist'ammore,
nun ll'hè capito...che si' cchiù pe' me?
Pena ca mme daje pene...
Bene ca male si'...
Ombra,
pe' me si' n'ombra
ca, sculurita, va p''a strada soja...
Niente, pe' me si' niente...
E' nu capriccio chesta vita toja...
Si mm'hê lassato tu...
Chiagne?
Che chiagne a fá?
Piérdete...e va...
II
Si mo te dico na parola 'e bene,
tu nun mme siente e te ne ride 'e me!
Io sulo saccio 'o core ca tu tiene...
povero a chi s'affida 'mbraccia a te!
Vase...tante ne daje...
ma avvelenate só'!
Ombra,
pe' me si' n'ombra
..............................
III
Si pe' capriccio, si pe' gelusia,
te parla 'o core e pienze 'e turná a me...
Guarda ca n'ata è tutta 'a vita mia...
n'ata ca, forse, è cchiù sincera 'e te!
Bella...nun si' cchiù bella...
tutto hê perduto tu!
Ombra,
pe' me si' n'ombra
..............................
Canetti - Valente
PAESE MIO
E te veco n'ata vota
casa mia, paese amato!
Te lassaje...só' turnato
pe' nun te lassá maje cchiù...
Pecché dint'a chistu core
nce staje sulamente tu!
Quant'è bello stu cielo!
Quant'è bello stu mare!
Tutt'attuorno mme pare
ch'è turnata 'a giuventù.
E chest'aria 'e ciardine
comm'è fresca e gentile!...
A guardá chistu sole,
te siente, 'int''e vvéne,
'o piacere 'e campá!
II
Pe' quant'acqua tene 'o mare,
tanta lacreme, stu core,
ha chiagnuto 'ntutte ll'ore,
cu 'a speranza 'e riturná...
Pecché dint'a chistu core
nce staje sulamente tu!...
Quant'è bello stu cielo!
......................................
Peppino De Filippo
PALAZZIELLO
Chillo facesse
fuoco fuoco fuoco...
e po' curresse
vico vico vico
si na risposta:
"Scenne a n'atu ppoco!"
fosse 'o signale
ca se vò' fá vedé...
Gente,
guardáte chistu giovane
comme
se perde pe' na femmena!
Chella è nu palazziello senza scala,
chella è nu bastimento senza vela...
Si pure ce mettimmo na parola,
vó' stá sola...
nun c'è che fá.
Chella è nu palazziello senza scala.
II
Isso 'a vó' bene
tanto tanto tanto...
Essa nun sente
niente niente niente...
Isso mo tene
ll'uocchie 'nfuse 'e chianto...
Essa mo dice:
"Che mme ne 'mporta a me!"
Gente,
ma si nun se capacita,
comme
se sbroglia stu gumitolo?
Chella è nu palazziello senza scala,
........................................................
Finale:
Nun 'o vò' bene!
Nun ce sta niente 'a fá!
Chella è nu palazziello senza scala!
Bonagura - Rendine
PALCOSCENICO
(Voce) Signó' acaláte,
ca i', dimane, nun ce vengo!
Va p''o vico na voce, na stesa,
p''e mmaéste ca vònno fá spesa...
Na carretta, ch'è chiena 'e campagna,
ll'accumpagna pe' tutt''a cittá.
Coro: Ll'accumpagna pe' tutt''a cittá.
Mo na sciassa cu 'o rrusso e cu 'o ggiallo,
s'appresenta cu 'a museca e 'o ballo:
pazzariéllo è chist'ommo ch'avanza...
Vótta e scanza, cchiù folla se fa...
Puó' dí
ch''e strade 'e Napule cheste só':
nu palcoscenico,
puó' dí
ch''a gente 'e Napule chesto vò':
nu palcoscenico...
Só' scene comiche,
só' scene tragiche,
mentre se recita
siente 'e cantá:
"Napule, Napule, Napule, Na'...
Acqua fresca...chi s''a véve!"
II
'Npont'ô vico s'apára na festa...
passa 'o ruoto, 'o varrile, 'a canesta...
Comm'arriva na chiorma 'e straniere,
che se vede? Currite! Currí'!...
Coro: che se vede? Currite! Currí'!...
Carulina se scippa cu Rosa,
chesta è 'nzista, ma chella è gelosa,
pe' nu guappo ca 'nganna duje core,
sti ddoje sore só' bone 'e murí...
Puó' dí
ch''e strade 'e Napule cheste só':
nu palcoscenico...
puó' dí
ch''a gente 'e Napule chesto vò':
nu palcoscenico...
Só' scene comiche,
só' scene tragiche,
mentre se recita siente 'e cantá:
"Napule, Napule, Napule, Na'...
'e mellune chine 'e fuoco!"
Finalino: (Voce)
Signó' acaláte,
ca i', dimane, nun ce vengo...
Acaláte!
Bonagura - Bruni
PALOMMA
Palomma te chiammava mamma toja,
Palomma e ne facive lacremelle...
"Chella nun sape 'a casa soja,
sempe cumpagne e cumpagnelle!"
E comm'a na palomma tu facive
e â scola e add''a maesta nun ce jive...
Ciento 'nnammuratielle appriesso a te
e nce 'ncappaje pur'io senza vulé...
Palomma, Palomma ca vuole
cagnanno nu sciore pe' n'ato...
si truove quacche sciore avvelenato
fernisce 'e vulá!
II
Palomma e st'uocchie tuoje erano stelle,
nu manto 'e seta sti capille nire...
ma addó' passave cu sti scelle
erano lacreme e suspire...
anfin'a che, nu juorno, pe' destino,
te 'ncapricciaste cu nu signurino...
Ma cu nu signurino 'e chilli llá
ca penzano a fá diébbete e a ghiucá...
Palomma, Palomma ca vuole
...............................................
III
E chillo ca giuraje ca te spusava,
na casa t'affittaje 'ncopp''e quartiere...
e po', truccata, te mannava
'mmiezo Tuledo tutt''e ssere...
Aggiu saputo mo ca staje malata:
fort'è si 'a tire 'nnanze 'sta vernata...
E chillo ch'avri''a stá vicino a te,
sta nott'e ghiuorno 'int'a nu tabarè!...
Palomma che pena a stu core
penzanno a ll'ammore passato:
mo ch'hê truvato 'o sciore avvelenato,
nun puó' cchiù vulá!...
Armando Gill
PALOMMA 'E NOTTE

Tiene mente 'sta palomma,
comme gira, comm'avota,
comme torna n'ata vota
sta ceròggena a tentá!
Palummè' chist'è nu lume,
nun è rosa o giesummino...
e tu, a forza, ccá vicino
te vuó' mettere a vulá!...
Vatténn''a lloco!
Vatténne, pazzarella!
va', palummella e torna,
e torna a st'aria
accussí fresca e bella!...
'O bbi' ca i' pure
mm'abbaglio chianu chiano,
e che mm'abbrucio 'a mano
pe' te ne vulé cacciá?...
II
Carulí', pe' nu capriccio,
tu vuó' fá scuntento a n'ato...
e po' quanno ll'hê lassato,
tu, addu n'ato vuó' vulá...
Troppi core staje strignenno
cu sti mmane piccerelle;
ma fernisce ca sti scelle
pure tu te puó' abbruciá!
Vatténn''a lloco!
...........................
III
Torna, va', palomma 'e notte,
dint'a ll'ombra addó' si' nata...
torna a st'aria 'mbarzamata
ca te sape cunzulá...
Dint''o scuro e pe' me sulo
'sta cannela arde e se struje...
ma ch'ardesse a tutt'e duje,
nun 'o ppòzzo suppurtá!
Vatténn''a lloco!
...........................
Di Giacomo - Buongiovanni
PALOMMA D''O MARE

Varca a vela, ca 'a chesta riviera
t'alluntane e vaje lesta p''o mare,
na palomma tu pare
ca, bianca e liggiera,
va bello a vulá!....
Vola, palomma!
Vola, palomma d''o mare!
Porta 'a 'mmasciata
a chi vò' bene a stu core:
dille ca lácreme amare
mme costa st'ammore:
ca 'a voglio vedé!
II
Sta a Surriento: nun troppa è 'a distanza,
ma spartuto 'a n'oceano mme sento!
O Neviorche, o Surriento,
mme manca 'a speranza
d''a capacitá!
Vola, palomma!
.........................
III
Aggiu scritto cu 'o sango 'e sti vvéne
pe' lle dí ca stó' sulo e stó' afflitto.
"Viene ampresso - aggiu scritto -
pecché si nun viene,
dimane...chisá!"
Vola, palomma!
.........................
E. A. Mario - Vitone
PALOMMA D' ORO

Vola palomma ca mme vuole attuorno,
'nfacci'a sti llastre tuzzuléa cu 'e scélle...
Io nun 'a chiammo, ca mme metto scuorno
tutte sti ppene meje, tu contancelle.
Palomma d'oro!
Palomma d'oro,
vancéllo a dí
ca i' stóngo ccá.
Palomma d'oro!
Palomma d'oro,
famméll'ascí,
famme chiammá...
ll'ammore è nu serpente...
mózzeca doce doce:
quanno è trasuto, è inutile...
niente ce puó' fá cchiù!
II
Torna! Mme dice ll'acqua che cammina
pe' 'mmiez'a ll'erba, e tène d'oro ll'onne.
Torna! Che è bella, è geniale e fina...
Torna! Mme dice...e passa...e s'annasconne.
Palomma d'oro!
palomma d'oro,
.........................
Di Giacomo - Gagliardi
PARAVISO E FUOCO ETERNO

Nun pare 'nfama cu 'sta faccia 'e santa...
niente mme faje...ma 'e 'nfamitá só' ciento!
ca sulo 'o core mio ne pò dá cunto...
e damme nu veleno a tradimento!
E famme fá una morte...ma no tante!
e famme fá una morte...ma no tante!...
Ammore! Ammore! Ammore!
Paraviso e fuoco eterno!
Si' veleno e calamita!
Tu si' 'a morte e tu si' 'a vita...
Ammore! Ammore!
II
Niente mme faje, ma dint'a st'uocchie nire,
ce stanno cchiù buscíe ca prete a mare...
Mme faje campá cu pálpete e paure...
Meglio na pugnalata sott''o core,
ca pónte d'ago da 'a matina â sera...
ca pónte d'ago da 'a matina â sera...
................................................
III
Te voglio bene e t'odio a tiempo stesso,
e pe' te fá murí, t'affatturasse!
Ma po', Madonna mia, si overo fosse...
curresse â casa, a mamma mme vasasse,
na botta sott''o core e mm'accedesse!...
Na botta sott''o core e mm'accedesse!...
................................................
PARLAME 'E NAPULE

Si nun mme pienze cchiù, dimméllo tu!
I' aggio penzato a te...si' sempe a te...
Mo st'uocchie nun 'o ccredono,
stu core palpita,
ca tu staje ccá!
Pecché, vedenno a te,
io veco Napule cu me!
Parla nu poco 'e Napule:
parla 'e Pusilleco...
d''o mare blu!...
Dimme che 'a luna 'e Napule
fa luce a 'e ccoppie
comme saje tu!...
E si vuó' bene a me comm'a na vota...
Párlame sempe 'e Napule:
Famme sunná cu te...
II
Doppo tant'anne ca fatico ccá,
pe' te nun soffro cchiù...Saje chi si' tu?
Pe' me si' 'o sole 'e Napule...
Si' 'o cielo 'e Napule...
Si' tutto, tu!...
E só' cuntento...giá...
Pecché 'o destino t'ha mannato ccá!...
Parla nu poco 'e Napule:
.......................................
Casillo - Quintavalle
PAROLE NOVE
Vurría truvá pe' te parole nove,
pe' te parlá d'ammore sultant'io,
stanotte, che 'a nuttata è accussí chiara
e tutte cosa ce fa 'ntennerí...
Parole nove,
scavate a una a una 'a dint''o core...
Acqua 'nnucente e fuoco ca nun more...
Ma saccio sulo dí: "Te voglio bene..."
II
Vurría truvá pe' te parole ovère
ch'addeventá nun pònno maje buscíe,
vurría truvá pe' te parole nove
ca maje nisciuno t'ha pututo dí...
Parole nove,
....................
S. Palomba - Bruni
PASQUALE MILITARE
Mio caro amore,
ti scrivo la presente
col grado militare
di sergente...
Ma non per dire,
cu sti gallune 'argiento,
ho conquistato tutta la cittá!
A parte la divisa,
il tuo Pasquale,
ha fatto, anche in borghese,
sempe 'e ffemmene 'ncantá...
Sarrá...
ca sóngo 'e Napule?
Sarrá...
chi sa pecché?...
Sapisse chesti ffemmene
che festa fanno a me
appena ca mme vedono
p''a strada accumparé...
Carmè', tu ll'hê 'a vedé...
Nun è p''o ffá sapé:
Chi mme dá nu pezzechillo,
chi mme dice 'a parulella,
ma Pasquale non si molla
pecché penza sulo a te!
II
Carmela Cara,
si pure stó' a Torino,
io tengo 'nnanz'a ll'uocchie
San Martino...
E tutt''e ssere,
ll'avoto a cuncertino...
e 'o Vommero, mm''o faccio vení ccá!
Non essere gelosa
del tuo Pasquale...
me penza ca sti ccose,
chi è surdato, ll'ha da fá!...
Sarrá...
...........
Finale:
Sapisse chesti ffemmene
che festa fanno a me,
appena ca mme vedono
p''a strada accumparé!...
Carmè', tu ll'hê 'a vedé...
Nun è p''o ffá sapé...
Che te fanno sti rragazze,
pe' pigliarme dint''a rezza...
Ma Pasquale è una fortezza
riservata solo a te!...
De Gregorio - Rendine
PASSA 'A BANDIERA

Passa 'a fanfarra e sona 'a marcia riale,
passano 'e bersagliere e 'o Triculore...
Vedenno 'e tre culure nazionale
ognuno sente 'a Patria dint''o core...
Tutt''e guagliune corrono,
sbattono forte 'e mmane...
e saje chi só'?
Só' 'e surdate 'e dimane!
Passa 'a bandiera,
svèntola e va,
cuntenta e allèra
'o viento 'a fa...
E saje pecché
s'ha misa 'a nocca blummaré?
Passa 'a bandiera
e passa 'a Patria
e 'o rre!
II
Guarda: só' tre culure e só' stracciate,
gente e cadé e murí hanno viste assaje...
ma chille che 'a bandiera ha cummigliato,
só' muorte ca nun murarranno maje...
Tant'uommene salutano
cu 'a mano 'e bersagliere...
e saje chi só'?
Só' 'e suldate d'ajére...
Passa 'a bandiera,
............................
III
N'ommo resta cu 'a capa cummigliata...
corre nu giuvinotto risuluto:
"E tu 'a bandiera nun ll'hê salutata?
ch'è, nun 'a cride degna 'e nu saluto?"
Ma chillo scappa a chiagnere,
po' dice a 'sta minaccia:
"'O bbi' chi só'?
ll'aggio dato 'e ddoje braccia!"
Passa 'a bandiera,

sventola e va...
cuntenta e allera
'o viento 'a fa...
E pure a me
mme sbatte 'o core e saje pecché?
Passa 'a bandiera
e passa 'a Patria
e 'o rre....
Lo Martire - E. A. Mario
PASSIONE
Cchiù luntana mme staje,
cchiù vicina te sento...
Chisá a chistu mumento
tu a che pienze...che faje!...
Tu mm'hê miso 'int''e vvéne,
nu veleno ch'è doce...
Comme pesa 'sta croce
ca trascino pe' te!...
Te voglio...te penzo...te chiammo...
te veco...te sento...te sonno...
E' n'anno,
- ce pienze ch'è n'anno -
ca st'uocchie nun ponno
cchiù pace truvá?...
II
E cammino, cammino...
ma nun saccio addó' vaco...
I' stó' sempe 'mbriaco
e nun bevo maje vino...
Aggio fatto nu vuto
â Madonna d''a neve:
si mme passa 'sta freve,
oro e perle lle dó'...
Te voglio...ecc...
Bovio - Tagliaferri - Valente
PE' SEMPE
Comm''a primma sera, párlame
e di' ca mme vuó' bene...
Giura: "Nun ce lassammo cchiù!..."
Vásame, nun mme fá cchiù suffrí...
'Sta serata è cchiù doce:
'int''e bbraccia i' te strégno
e vasá chesta vócca i' te voglio...
Nun 'o ssiente ca mo,
só' felice pecché,
'nziem'a me restarraje pe' sempe?!
Tutto chello ch'hê fatto tu a me,
chesta sera, mme voglio scurdá...
sento giá, dint''e vvéne, ca tu
si' n'ammore ca nun pò ferní...
e 'sta gioja mme pò fá 'mpazzí!...
Tutt''a vita accussí,
abbracciato cu te...
Si putesse fermá stu mumento!...
Mme vulesse addurmí...
doce doce sunná...
e vasá chesta vocca pe' sempe!
Di Domenico
PECCHE'?
Canta ll'auciello dint''a casa antica
addó' primma cantave pure tu...
E sento pure 'a voce 'e n'ata amica
ca mme cunziglia 'e nun te penzá cchiù!...
Carmè'...
Si aggio lassato a mamma mia pe' te,
si t'hê pigliato 'a primma giuventù...
pecché,
nun tuorne a me!?
II
Mme pare ca è cagnata 'sta fenesta
'a dó' vuttaste 'o primmo sciore a me.
E n'ata rosa, 'a dint'a n'ata testa,
mo mme cunziglia 'e nun penzá cchiù a te...
Carmè'...
...............
III
E passa 'a notte, passa 'o juorno, 'a sera
ma stu turmiento mio nun vò' passá...
Passa pure 'sta luna che è sincera
si mme cunziglia sempe 'e te scurdá...
Carmè'...
...............
Pennino - De Flaviis
PENZAMMO A' SALUTE

Tu mm'hê lassato...
tu mm'hê traduto...
che mme ne 'mporta nèh?!
che mme ne 'mporta nèh?!
Mme stó' facenno 'e cunte â fin''o mese,
sparagno 'a copp'a mille lire 'e spese
ca sciupavo pe' te!
Mo mme ne vaco sulo p''a marina,
mo mme ne vaco a pede a Margellina...
E 'e solde ca spennévo,
quanno jévamo 'ncarruzzella...
Mo...
mme n'accatto pizze cávere
e muzzarella!
II
Mo stóngo allero,
faccio 'o signore...
pe' dint''e varietá,
sciantose 'a ccá e 'a llá...
P'avé n'abbraccio 'a te, nun pare overo,
avev''a fá n'esposto ô Ministero...
mme facive sperí...
E quanno na resélla mme facive,
sempe quacche regalo 'a me vulive...
E 'e solde ca spennévo
pe' n'abbraccio e nu surriso...
Mo...
mme n'accatto vino 'e Pròceda
e palle 'e riso!
III
Io nun durmevo,
io nun mangiavo:
Penzavo sempe a te...
penzavo sempe a te...
Si mme facevo nu vestito astrinto,
doppo tre ghiuorne ce abballavo 'a dinto...
Mm'ero fatto accussí...
Mo invece tutt''a rrobba mme va stretta,
se scósono 'e buttune d''a giacchetta...
e 'e solde ca spennévo
p''e sserénghe 'e Zambellette,
Mo...
mme n'accatto carne 'e piécuro
e cutalette!
Pisano - Lama
PER PIANOFORTE E LACRIME

Ságlieno, amare, 'int'a ll'aria,
note pittate 'e culore...
Cu na speranza 'int''o core,
mme metto a suná.
(Parlato:)
Nu bicchiere 'e whisky,
'o pianoforte e chesta luna
mm'hanno gelato 'o sango dint''e vvéne
e mo, mo sòno pe' te chesta canzone
cu na lusinga ca mme fa campá...
Chesta canzone che piaceva a te...
ch'accarezzava ll'anema.
'A stó' sunanno io sulo 'e senza 'e te,
pecché fa bene chiagnere...
Aggio sbagliato: nun ce vò' pietá,
t'aggio vuluto perdere...
Se dice ca chi sbaglia ha da pavá
e stó' pavanno giá...
E chiagne, chiagne pure 'o pianoforte...
pare ca se lamenta sott''e mmane...
pur'isso se lusinga ca, dimane,
tu arape 'a porta e tuorne 'mbracci'a me...
Mo désse 'a vita mia pe' te vedé...
ma nun tengo cchiù lacreme...
e chesta è n'ata notte senza 'e te...
Senza 'e te...
II
Tanno s'apprezza nu bene
quanno ll'avimmo perduto!
Io, ca nun ll'aggio capito,
mo chiagno pe' te!
(Parlato:)
T'arricuorde?...
T'arricuorde
quanno mme dicive cuntinuamente:
Te voglio bene...
Te voglio bene...
E i' nun aggio maje capito niente!
Maje! Maje!
Chesta è 'a canzone che piaceva a te...
ch'accarezzava ll'anema...
..........................................
T. Apicella
PÍGLIATE NA PASTIGLIA
Io cammino ogne notte,
io cammino sbarianno,
io nun tengo maje suonno,
nun chiudo maje ll'uocchie
e nun bevo cafè!
Coro: Va' te cócca, siente a me!...
Va' te cócca, siente a me!...
Na perziana ca sbatte,
nu lampione ca luce...
e nu 'mbriaco ca dice,
bussanno a na porta:
"Mm'arape, Cuncè'?"
'A tre mise nun dormo cchiù:
na vucchella vurría scurdá...
gente, diciteme comm'aggi''a fá?
Coro: Pígliate na pastiglia!
Pígliate na pastiglia,
siente a me...
Pe' mme fá addurmí,
pe' mme fá scurdá,
il mio dolce amor!
Coro: Pígliate na pastiglia!
Pígliate na pastiglia,
siente a me...
Pe' mme fá sentí,
come un gran pasciá
e mm'inebria il cuor!
Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
grammi: zero, zero, tre...
Ah!...
Coro: Pígliate na pastiglia,
siente a me!
II
Dint''o scuro na gatta,
mastecanno na sarda,
doce doce mme guarda,
mme guarda, se struscia,
miagola e fa:
Coro: Siente a me: vatte a cuccá!
Siente a me: vatte a cuccá!
Só' nu ciuccio 'e carretta,
carrecato d'ammore
ca se tira stu core...
stu core, ca cerca
la felicitá!...
'A tre mise nun dormo cchiù:
na vucchella vurría scurdá!...
Gente, diciteme comm'aggi''a fá?
Coro: Pígliate na pastiglia!...
.........................
.........................
Finale:
Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
diddittí, bicarbonato,
borotalco e seme 'e lino,
cataplasma e semolino,
na custata â fiorentina,
mortadella e duje panine
cu nu miezu litro 'e vino,
nu caffé con caffeina,
grammi: zero, zero, tre!...
Ah!...
Coro: Pígliate na pastiglia,
siente a me!
Nisa - Carosone
PIGLIATILLO PIGLIATILLO
Ll'ammore, p''e ciardine, alleramente,
se ferma tutt''e ssere, ride e canta...
Na vócca ardente, sott''a luna 'argiento,
cerca na vócca 'e fuoco p''a vasá...
Po' 'e ssiente 'e fá:
"Fatte cchiù ccá!..."
Pigliatillo...Pigliatillo...
chistu core 'a piett'a me.
Io te dóngo 'o core mio,
tu mme daje 'o tujo a me...
Po' ll'aunimmo tutt'e duje,
po' ll'aunimmo tutt'e duje...
e vedrai che nascerá
la felicitá!
II
Pe' mezzo ch'è d''a classe d''o sittanta,
se crede 'o nonno mio, ca io nun 'o sento
quanno vicino â nonna fa 'o cascante
e dice dolcemente: "Rusinè'
"fatte vasá!...
Nun te scustá!..."
Pigliatillo...pigliatillo...
............................
III
'Nnammuratella mia, mussillo astrinto,
damme treciento vase ogne mumento!...
Pígliame 'mbraccia e cóntame nu cunto,
famme addurmí, cuntento, 'mbracci'a te!
Famme sunná...
Nun mme scetá!...
Pigliatillo...Pigliatillo...
......................................
Pisano - Cioffi
PISCATORE 'E PUSILLECO

Piscatore 'e stu mare 'e Pusilleco
ch'ogne notte mme siente 'e cantá,
piscató', sti pparole só' lacrene
pe' Maria ca luntana mme sta!...
Dorme 'o mare...Voca, voca...
Tutt'è pace attuorno a me...
Ma pecché,
ma pecché mm'hê lassato,
mentr'io moro, stanotte, pe' te!?
II
Casarella d''o Capo 'e Pusilleco,
spónta 'a luna e te vène a vasá...
Quanta notte aggio perzo guardánnote,
quanta juorne aggio visto schiará!...
Dorme 'o mare...Voca, voca...
................................................
III
Zitto oje core, ca 'nterra Pusilleco,
veco n'ombra ca segno mme fa...
Na manélla e na voce mme chiámmano:
fra sti bbracce Maria vò' turná...
Dorme 'o mare...Oje bella viene!...
'Ncielo 'a luna saglie e va...
Vita mia!
Vita mia mme vuó' bene?
Ca si è suonno nun farme scetá...
...........
Dorme 'o mare...Voca, vo'...
Murolo-Tagliaferri
PISCATURELLA
Pare na Sarracéna
cu st'uocchie nire
e 'sta vucchella rossa
comm''o ffuoco...
Si' nata 'nterr'â rena 'e Margellina
ma tiene 'e sentimente 'e na regina...
e puorte 'ncuollo nu prufumo 'e mare
meglio 'e ll'addore 'e tutt''e prufumiere...
Ohé!...
Piscaturella...
Ohé!
Mme faccio piscatore
pe' mm'arrubbá stu core...
Nun cerco tesore,
nun cerco ricchezza...
mm'abbasta na varca,
mm'abbasta na rezza...
e ll'ammore cu te!
II
Certo, dint'a 'sta rezza
che tire 'a mare,
na vota 'e chesta truvarraje
stu core...
E pigliatillo, oje bella, t'appartiene...
nun mme fá cchiù suffrí turmiente e pene!
Tu si' pe' me patrona e 'nnammurata...
e io sóngo 'o schiavo tujo pe' tutt''a vita!
Ohé!...
Piscaturella...
......................
Finale:
Mme faccio piscatore
pe' mm'arrubbá stu core...
Nun cerco tesore,
nun cerco ricchezza,
mm'abbasta na varca,
ll'azzurro d''o cielo...
e ll'ammore cu te!
Pisano - Alfieri
POESIA
Quanta passione dint'a ll'uocchie tuoje...
e io quanto só' felice a stá cu te:
Cchiù ce chiammammo,
cchiù ce vedimmo,
cchiù ancora ce vuléssemo vedé...
Poesia...
só' sti mmane 'nnammurate...
ca mm'astrégnono sti mmane
pe' nun ce fá cchiù lassá...
Poesia...
é 'sta vócca appassiunata...
ca mme vasa mille vote
primma ancora 'e mme vasá...
Che peccato, che peccato...
nun ll'avévamo capito...
quantu tiempo, quantu tiempo
c'è vuluto p''o ccapí!...
Poesia...
pe' nu suonno maje sunnato
se pò perdere na vita...
ma st'ammore s'è scetato
pecché nun pò cchiù durmí!...
II
Scurdámmoce 'e stu munno senza sole,
penzammo sulo a 'sta felicitá:
Io t'appartengo,
tu mm'appartiene...
Tu si' 'a poesia e io t'aggi''a recitá...
Poesia...
.............
Poesia...
..............
Che peccato, che peccato...
nun ll'avévamo capito...
quantu tiempo, quantu tiempo
c'è vuluto p''o ccapí!...
Poesia...
pe' nu suonno maje sunnato,
se pò perdere na vita...
ma st'ammore s'è scetato
pecché nun pò cchiù durmí!...
Apicella
POPOLO PO'
For''e llogge, addurose 'e mellone,
lampiunciélle e garsèlle appicciate...
mo ch'è 'o tiempo d''e bbelli ccanzone,
comm'a primma ve voglio vedé...
Napule - n'ora 'e gusto e ciente 'e guaje -
bella cittá!
ride, ce véve 'a coppa e campa assaje...
ca ll'aria 'o ddá!
Stasera, cu 'a figliola che ce attocca,
popolo, pò'...
a musso a musso, azzicco azzicco, oje vócca,
tu che ne vuó'!?
II
Sporte 'e fiche cu 'e giglie annuccate,
bancarelle 'e nanasse addurose,
maruzzare cu 'e vvoce 'ntunate
nuje vulimmo vederve e sentí...
Mamma cu 'o ruoto sotto 'e mulignane
(chi 'a vótt''a ccá)
Nénna cu 'o quarticiello cu 'e ppatane
(chi 'a vótt''a llá)
Stasera, cu 'a figliola che ce attocca,
popolo, pò'...
tu che ne vuò'?!
III
Schiara juorno: trummètte sfiatate...
gente stracqua, sudata e sbattuta:
('Ncopp''e mmazze ll'appése attaccáte)
morta 'e suonno, ma bella a vedé...
Duorme ca 'o sole sponta e addorme 'e guaje,
Napule, Na'....
Vívece 'a coppa, ride e campe assaje...
ca ll'aria 'o ddá!
Sunnámmoce 'a figliola che ce attocca,
popolo, pò'...
tu che ne vuó'?!
POPOLO VESUVIANO
E' chisto 'o popolo,
cchiù ardente 'e Napule,
sott''o Vesuvio
'e casa sta...
'O ffuoco 'o ssente
pe' dint''e vvene...
quanno vò' bene,
nn''o puó' stutá!
Popolo vesuviano,
pe' me tu si' 'o popolo
'o cchiù napulitano...
'E San Giuseppe,
'e Somma,
'e Uttajano...
só' tutte brava gente:
'e meglie paisane!
'O ffuoco d''o Vesuvio
te 'nfiamma, t'accalora...
e quanno faje 'ammore,
Ah...
overo saje amá!
II
E nun fa scrupole
'sta vocca 'e fravula:
quanno mme vasa
mme fa sunná...
Sape fá 'ammore
in eruzione...
che 'spressione
chiena 'e buntá...
Popolo vesuviano,
pe me tu si' 'o popolo
'A San Giuseppe,
'a Somma,
'a Uttajano...
te vene 'o vino buono,
'o vino paisano...
'O ffuoco d''o Vesuvio
te 'nfiamma, t'accalora
e quanno faje 'ammore,
overo saje amá...
III
Gelosa è 'a femmena
ma è cu ragione...
e nun perdona
si, pe' chisà,
quacchedun'ato
ll'arrobba 'ammore...
tanno lle vólle
te puó' scuttá...
Popolo Vesuviano,
pe' me, tu si' 'o popolo
'e San giuseppe,
'e Somma,
'e Uttajano...
só' tutte belle 'e nnénne,
só' bone e paisane...
'O ffuoco d''o Vesuvio,
te 'nfiamma, t'accalora...
e, quanno faje 'ammore,
overo saje amá...
POVERA SANTA
Fiore amaranto,
stu core cantava cuntento:
"'A voglio bene e mme vò' bene tanto!"
Giá steva pronta 'a casa:
'na casarella rosa...
giá te vedevo, oje bella,
dint''a cchiesa...
vestuta 'a sposa.
Pecché te ne si' ghiuta...
pecché te ne si' ghiuta?
Ah, scellarata!
Da quanno mm'hê lassato,
chist'uocchie nun reposano na vota!
Ched è na vota!
II
Frunnélla 'e rosa,
mo chiagne cu ll'uocchie annascuse,
'sta vicchiarella mia, ca nun reposa...
E pe' mme fá cuntento,
quanta buscíe mme conta!
Nun ne diceva maje,
povera santa...
e mo mm''e cconta!
pecché te ne si' ghiuta?
Ah, scellarata!
Da quanno mm'hê lassato,
'sta freva nun mme lassa maje na vota!
Manco na vota!
III
Fiore turchino,
io saccio ca viene dimane...
'o ppenzo, 'o ssaccio ca dimane viene!
E' nu presentimento
ca mme fa bene tanto...
Ma...che malincunia
si 'o sole sponta...
inutilmente!
pecché te ne si' ghiuta?...
Ah, scellarata...
Si tuorne nu minuto,
chist'uocchie s'arreposano na vota,
ll'ùrdema vota...
.........................................................
Povera vecchia mia, povera santa!...
Bonagura - Cioffi
POVERU CORE
Poveru core...e comme, comme è stato
ca ô ttarde 'e ll'etá mia mme só' perduto...
Ca perdere vò' dí: chi è 'nnammurato
e ha da tené 'sta pena annascunnuta...
Core, che vuó' da me?
Essa è ll'aurora: io só' comm''o tramonto!
Essa è ll'ammore: i' sóngo 'o sentimento!
Essa mme stima: io 'a voglio bene tanto!
Core, che dice tu?
Chiagne pe' chi vò' bene e nun 'a cura...
'e chiagnere nun sente chistu core
ca fa nuttate chiare, chiare, chiare...
Core che vuó' da me?!
Core che dice tu?!
Tiene vint'anne fino a quanno muore
ca i' nun 'e ttengo cchiù,
poveru core!
Chiagne pe' chi vò' bene e nun 'a cura...
'e chiagnere nun sente chistu core
ca fa nuttate chiare, chiare, chiare...
Core che dice tu?!
Tiene vint'anne fino a quanno muore
ca i' nun 'e ttengo cchiù,
poveru core!
E. Murolo - Gagliardi
POVERO GUAPPO
Páccare amare e rasulate 'nfaccia:
chist'è ll'ammore 'e vasci'â Sanitá.
Tu nun si' 'o tipo ca mme cade 'mbraccia
si nun te faccio
chello ca maje t'aggio vuluto fá...
E pure ca te faccio a tanto 'o piezzo,
tengo 'o certificato ca só' pazzo...
Fronn''e viola,
mm'aggio fatto affilá pure 'o rasulo
e nun te dico cchiù meza parola...
Sciore 'e granato,
i' tanno stó' buonissimo in salute,
quanno stó' duje o tre anne carcerato!
II
Uommene guappe 'e stu quartiere mio,
ve voglio tuttuquante contr'a me;
'o guappo, 'mmiez'ê guappe, só' sul'io,
só' carne 'e guaje:
'mmiez'ê malevivente songo 'o rre.
Stanotte porto 'e suone 'mpunt'a ll'una...
sbattite 'e mmane pure quanno stòno...
Fronn''e murtella,
i' voglio dá tremila feste 'e ballo
si 'a 'nnammurata mia more zetèlla...
Fronn''e limone,
io 'a giudico na meza culumbrina
ca pe' me sulo more 'e passione...
III
Vuje ca facite ll'opere 'e triato,
quanno 'e screvite 'e dramme 'ncuollo a me?
Mettítece nu guappo sfurtunato,
miezo 'mpazzuto...
ca chiagne zitto e nun se fa vedé!...
Facitece trasí sempe pe' dinto,
na mamma vecchia vecchia e cummuventa!...
Giglio sfrunnato,
'o juorno ca mme veco cchiù abbeluto,
mme piglio seje pastiglie 'e sublimato...
Sciore appassuto,
more, cu me, na vecchia scunzulata:
pe' tutt'e duje nce abbasta unu tavuto!
Bovio - Albano

Tante ne voglio fá lacreme amare,
fino a che spezzo 'e vvéne 'e chistu core...
Voglio ca 'sta preghiera 'e marenaro,
stu chianto mio, t''a porta fino a fore...
Miette vela e tornaténne,
che faje cchiù luntana 'a me?
Tutt''e juorne stó' murenno,
chianu chiano, senza 'e te...
Si sbagliaje te cerco scusa:
sulo tu mme puó' salvá...
e menasse 'a primma preta
chi peccate nun ne fa...
II
Stu mare ca fa ll'uommene sincere,
e sape 'e chesti llacreme 'o sapore,
te sta purtanno ll'eco 'e 'sta preghiera
pe' te fá riturná 'ncopp'a stu core...
.........................................
G. Russo - T. Iglio

Tante ne voglio fá lacreme amare,
fino a che spezzo 'e vvéne 'e chistu core...
Voglio ca 'sta preghiera 'e marenaro,
stu chianto mio, t''a porta fino a fore...
che faje cchiù luntana 'a me?
Tutt''e juorne stó' murenno,
chianu chiano, senza 'e te...
Si sbagliaje te cerco scusa:
sulo tu mme puó' salvá...
e menasse 'a primma preta
chi peccate nun ne fa...
II
Stu mare ca fa ll'uommene sincere,
e sape 'e chesti llacreme 'o sapore,
te sta purtanno ll'eco 'e 'sta preghiera
pe' te fá riturná 'ncopp'a stu core...
.........................................
G. Russo - T. Iglio
PREGHIERA A 'O SOLE

Sole ca faje passá 'a malincunia,
quanno da 'o cielo scinne e scarfe 'e ccase...
Viene nu poco pure â casa mia,
è tantu tiempo, ca tu nun ce trase!
Viene, viene...
te stó' aspettanno!
Sole bello,
nun mme fá cchiù pená!
II
'A primmavera nun mme dá calore
nun sento cchiù ll'addore d''e vviole
Viene, fa' ampresso famme stu favore
'Sta vita nun è vita senza sole!
Viene, viene...
te stó' aspettanno!
Sole bello,
nun mme fá cchiù pená!
C. Rumolo - S. Bruni
PRESENTIMENTO
Si tu mme vide chiagnere
quanno stó' 'mbracci'a te,
si tu te siente stregnere
cchiù forte ê vvote, nun 'o ssaje pecché?
Saccio ca t'aggi''a perdere:
sento ca t'alluntane,
ca tu te ne puó' ghí primma 'e dimane
pe' nun turná cchiù a me...
E tanno mme faje chiagnere:
tanno mm'attacco a te cchiù forte 'e ll'èllera...
Ll'èllera? E, comm'a ll'èllera,
vurría murí
cu te: accussí...
II
E i' dico: "E' ben inutile
si è destinato giá:
core ca s'hann''a spártere
nisciuna cosa 'e ppò cchiù avviciná..."
Cchiù 'e bbraccia te 'ncatenano,
cchiù 'o core dice: Addio!
Ah, comm'è scuro stu destino mio
pe' 'sta fatalitá!...
E nun te saccio dicere
pecché mm'attacco a te cchiù forte 'e ll'èllera...
Ll'èllera? Ah, fosse ll'èllera!
Putría murí
cu te: accussí!
III
Dimme...E si 'e ffronne tornano
ca uttombre fa cadé;
si tutto torna a nascere,
qua' primmavera ce pò stá pe' me?...
Cchiù 'o core è stracquo 'e chiagnere,
cchiù 'nnammurato 'o sento...
Si mo ce sparte stu presentimento,
pecché mm'attacco a te?
E' ammore? E' ammore! E abbracciame,
comm'io t'abbraccio, e sóngo peggio 'e ll'èllera!
Ll'èllera! I' sóngo ll'èllera!
Voglio murí,
cu te: accussí!
E. A. Mario
PRIGIUNIERO 'E GUERRA

Mme sóngo ricurdato 'a strada e 'o nummero
e aggio truvato 'a porta comm'a quanno,
da 'o lunnerí a matina fin'ô sabato,
passavo 'e ssettimane faticanno...
Felicitá ca mm'aspettave â sera:
duje figlie piccerille, na mugliera...
mo só' sagliuto, e invece, aggio truvato
vicino â porta, scritto 'o nomme 'e n'ato...
E mme só' 'ntiso 'e dicere:
"Chella ca vuje cercate nun sta ccá...
ca rimanette vedova...
ma doppo, s'è turnata a 'mmaretá..."
E io sóngo 'o muorto ch'è turnato a nascere...
no 'o priggiuniero asciuto a libertá!
II
Ah, comme ce tenive a restá vedova...
tu ca dicive: 'Ammore, quann'è ammore,
dura n'eternitá...cchiù forte 'e ll'edera:
nemmeno 'a morte spartarrá sti core..."
E invece 'a guerra è stata assaje cchiù forte!
'A guerra è stata...è stata pe' me 'a morte...
st'ammore ch'era eterno, ll'ha spezzato...
mo i' só' n'estraneo e tu 'a mugliera 'e n'ato...
Meglio a restá in Siberia,
senza sapé ch'era succieso ccá!
Desideravo Napule...
e nu penziero mme diceva va'...
E só' turnato a dí: "Io mo só' libero!..."
Ma a che mme giova chesta libertá!
III
No! 'Nnanz'ê figlie mieje tu nun hê 'a chiagnere...
se pò accunciá stu fatto e sacc'io comme...
ll'ommo songh'i'...songh'io ca mme sacrifico...
ll'ommo ch'ha perzo tutto: 'a casa e 'o nomme...
Io te ringrazio ca, restanno sola,
te si' privata e ll'hê mannate â scola...
e quanno ancora te si' 'mmaretata,
si' stata ancora mamma affezionata...
Si lloro te dicessero:
"Fance cuntente...párlace 'e papá..."
dincello: "Era nu giovane
ca maje nun se stancava 'e faticá...
po' jette 'nguerra e nun turnaje cchiù a Napule..."
Di' 'sta buscía ch'è cchiù d''a veritá.
Finale:
Da ogge in avanti, chesto ce 'o ppuó' dicere...
ca ll'ombra mia risponne: "E' veritá!..."
Manlio - E. A. Mario
PRIMMA, SICONDA E TERZA

'A primma vota ca t'aggio 'ncuntrata
è stato dint''o trammo d''a Turretta:
Tu proprio 'e faccia a me stive assettata...
io, mm'avevo 'ncignata na paglietta...
Tu mme guardaste...
Io te guardaje...
Tu suspiraste...
Io suspiraje...
Scenniste...
Scennètte...
Sagliste...
Sagliètte...
Cosí, dopo nemmeno mezz'oretta,
benedicette, 'o trammo d''a Turretta!
II
Po', n'ata vota ca t'aggio 'ncuntrata,
è stato verso 'e qquatto, ô Chiatamone:
Stavi elegante, tutta intolettata...
Diciste: "Me l'offrite nu spumone?"
- Troppo onorato... -
E te 'mmuccaste.
- Mm''o piglio n'ato?.. -
E t''o pigliaste...
Asciste...
Ascètte...
Sagliste...
Sagliètte...
Doppo tre ore, ascètte da 'o purtone,
benedicenno 'a strada ô Chiatamone.
III
'A terza vota ca t'aggio 'ncuntrata,
è stato dint''a Chiesa ô Viscuvato...
Vicino a me tu stive addenucchiata...
Io stevo proprio brutto cumbinato.
Dicette il prete:
Sposatum est!
Fra me pensai:
'Nguajatum est!...
Asciste...
Ascètte...
Sagliste...
Sagliètte...
Ma 'o jorno appriesso, nèh che fa? Mme lassa!
E se ne fuje cu tutt''o fondo 'e cassa!
Finale:
Mo só' zitello
e maritato...
Senza mugliera
e disperato...
Stó' ghiènno...
Venènno...
Sagliènno...
Scennènno...
Ce refunnètte pure duje spumone!
Mannaggia 'o trammo, Turretta e Chiatamone!
Pisano - E. A. Mario
PULECENELLA
Eccomi qua,
Napule amata, Napule bella!
Eccomi qua...
Mo ll'abballammo 'sta tarantella!
Scusate si 'o fantasma d''o ppassato,
'mpruvvisamente ccá s'è appresentato!
- Si può, si può? -
- Chi si'? -
- Chi só'?...
Pulecenella! -
Stasera ch'è'a serata d''e ccanzone,
mettimmo 'a samba 'mmiez'ê manduline
e po' cantammo sott'a nu balcone:
"Fronne 'e limone..."
Io chiagno e só' cuntento,
cuntento 'e tutt''o chianto
ca scenne 'a sott''a maschera
pe' 'sta felicitá!
Jammo, abballammo!
Gente gè',
abballate cu me!
Tarantè'!
Tarantè'!
Tarantè'!
II
E' samba...sí!
Mme smove 'e ggambe 'sta sambetella...
E' samba...sí!
Ll'abballa pure 'sta lucianella!...
E' overo, tutt''e ddanze só' cagnate,
ma sóngo sempe 'e stesse 'e 'nnammurate!
State a sentí
che ve vò' dí
Pulecenella:
Stasera ch'è 'a serata d''e ccanzone!...
.............................................................
(Finalino:)
E mo Pulecenella
se sperde 'mmiez'â folla...
se sperde felicissimo 'e ve vedé abballá
na tarantella!
Gente gè',
nun chiagnite cu me!
Tarantè'!
Tarantè'!
Tarantè'!
Parente - Palliggiano
PUPATELLA
Quanto ve prego, continuate!
chest'è 'a serata d''e ttarantelle...
State abballanno? E abballate,
ca nun mme 'mporta 'e niente
mo ca, 'mpruvvisamente,
só' asciuto a libertá!
(Pecché triemme? Nun hê 'a tremmá...
jammo abballa...nun fá abbedé)
e ride, ca si ride si' cchiù bella,
Pupatè'...
E abballa 'a tarantella
ca i' tengo mente a te!
II
Mm'hanno menato quatto palomme
ca só' arrivate dint''e ccancelle;
steva signato nu nomme:
'o nomme 'e chist'amico
ca vò' abballa cu tico
pe' fá nu sfreggio a me...
(Pecché triemme? Nun hê 'a tremmá...
................................................................
III
Dint''e ccancelle, cierti mumente,
sti mmane a morze mme só' magnáte!
I' nun capevo cchiù niente...
Dicevo: E comm'è stato
s'i' stóngo carcerato
p'essa? (Pe' te! Pe' te!)
(Viene, abballa, strígnete a me...
quanno abballe si' sempe tu...)
O vi' ll'amico tujo ca sta tremmanno,
Pupatè'...
'O ssape ca i' te scanno
ma nun t'ajuta a te!
Bovio - Buongiovanni
PUPAZZETTI
Io mm'arricordo ca te canuscette
ch'ire proprio piccerella,
na criatura comm'a me...
Jévamo â scola 'nzieme e te dicette:
"Stammo 'e casa â stessa strada,
mme retiro 'nziem'a te?"
Nun mme diciste: "Sí",
ma nun diciste: "No..."
E io t'accumpagnaje...
Tu, senza genitore comm'a me,
io, senza mamma e pate comm'a te...
Riturnávamo da 'a scola,
sott''o vraccio, sule sule...
(Comm'a chilli pupazzette d''e giurnale...)
Ma felice comm'a che!
Ma felice comm'a che!
II
Na zia tenive ca te maltrattava,
na zia 'nfame e senza core...
Tu chiagnive comm'a che...
Nu zio tenevo io pure e mme trattava
comm'a chi tratta a nu cane...
E io chiagnevo comm'a te.
Ma tutto va a ferní...
'O tiempo vola e va...
Passajeno 'e mise e ll'anne...
Po', quanno diciott'anne tenev'i'
tu ne tenive quinnece, Marí'...
E na sera 'e Primmavera
'mmiez'ê rrose e 'mmiez'ê sciure,
nun parlaje 'sta vocca mia, parlaje stu core...
Tu cadiste 'mbraccio a me!
Io cadette 'mbraccio a te!
III
Ma 'ncopp''a terra tutt'è destinato:
tu truvaste 'e genitore...
te venettero a pigliá!
E io rummanette triste e abbandunato...
mme guardavo nu vapore
ca vedevo 'e alluntaná...
E mme lassaste tu...
nun t'aggio vista cchiù...
T'accumpagnaje stu core.
Mo tiene 'e genitore, vijata a te!
Si' ricca assaje e t'hê scurdata 'e me
Ma 'o ricordo 'e chella scola,
mo è rimasto sulo sulo...
Uno 'e chilli pupazzette d''e giurnale,
torna â casa senza 'e te...
Comme campo senza 'e te?!
Pisano - Cioffi
PUSILLECO
Dint'a na varca a rimme passa Ammore,
p''o scoglio 'e Frisio, sott''a luna chiara...
Stammo, p''a primma vota, core a core
amannoce 'nsilenzio, ca stasera,
parlano meglio 'e nuje st'aria e stu mare!
Ammore, férmate
sotto Pusílleco:
cchiù nun vucá...
Ca è troppo bello Napule
pe' chi s''o gode, 'a sera, 'a miez'ô mare,
'mbracci'a na femmena,
quann'è ll'está!...
II
E voca voca...nce ha purtato Ammore
sott'a ll'argiento 'e chesta luna chiara...
guardatece da terra...che sbrennore:
'a varca, 'e rimme...e nuje, da poppa a prora,
tutt'unu blocco 'argiento 'mmiez'ô mare...
Ammore, férmate
...............
III
Tramonta 'a luna...Ll'ombre rosse e chiare
veco, d''e lume, dint'a ll'acqua scura...
Luntana, quacche voce 'e piscatore...
e 'a varca nosta, no...nun se retira:
Vocca cu vocca...ce ha 'ncantato 'o mare!
Ammore, férmate
...............
PUSILLECO 'NSENTIMENTO
Chianu chiano, pe' 'sta via,
me ne saglio a fianco a te...
Sta sunanno 'Avemmaria:
fatte 'a croce 'nziem'a me!
Dint'a st'aria oro e viole
sient''ammore 'e suspirá...
a che servono 'e pparole
pe' te dí: Te voglio amá...
Pusilleco s'è miso 'nsentimento:
pazza d'ammore Napule se 'ncanta...
Pusilleco 'nsentimento...
dint'a ll'ombra, s'abbandona
'ncopp'a st'onne, ca lle cantano
'a canzone d''e ssirene...
Pittore, che vuo' pittá?
Pueta, che vuo' cantá?
Cielo, che paraviso
ch'è 'sta cittá!...
E Maria s'è 'ntenneruta,
dint''e bbraccia mm'è caduta,
mm'ha vasato e mme ll'ha ditto: "Sí"
Oje luna, stamme a sentí...
Oje stelle, 'll'ît''a sapé:
Nun ce sta n'ommo cchiù felice 'e me...
II
Chesta è 'a via d''e 'nnammurate...
Chesta è 'a via d''a giuventù!
Quanta suonne, ccá sunnate,
nun se ponno scurdá cchiù...!
Mo vicina, mo luntana,
na canzone vene e va...
na canzone chiena 'e luna,
chiena 'e Napule d'está...
Pusilleco s'è miso 'nsentimento:
pazza d'ammore, Napule se 'ncanta...
.........................
De Lutio - Cioffi
PUSILLECO ADDIRUSO
'Ncopp''o Capo 'e Pusilleco addiruso,
addó' stu core se n'è ghiuto 'e casa,
ce sta nu pergulato d'uva rosa...
e nu barcone cu 'e mellune appise.
...'Ncopp''o Capo 'e Pusìlleco addiruso.
E nu canario, canta na canzone
'a dint'a na cajola, appesa fore...
E ll'èllera, s'attacca a stu barcone,
comme nce s'è attaccato chistu core...
II
Quanno 'o sole p''o monte se n'è sciso,
chest'aria fresca se fa cchiù addirosa,
e torna da 'a fatica Angelarosa,
cu 'o fascio 'e ll'erba aret'ê spalle appiso...
...Quanno 'o sole p''o monte se n'è sciso!
Stámmoce attiente a 'o segno cunvenuto:
- Barcone apierto: Ce sta ancora 'o frato
- Perziana scesa: 'O frato se n'è asciuto...
e 'appuntamento è sotto 'o pergulato!...
E. Murolo - Gambardella
QUANN'UNO E' GUAGLIONE

Ma comme, ch'è 'a licenza elementare?
Nemmanco chella tengo! E ca pirciò...
tutt''e mmatine 'e spasso 'mmiez'ô mare
mo 'e mmaledico, mo!
Mo ca nu pato è tuosto...e nun lle pare
ca i' fosse nu partito...e dice 'e no!
Mannaggia 'e cumpagne,
Mannaggia 'e filone....
Quann'uno è guaglione,
nun penza...ma po'...
II
N'aggio vennute "Storia e Geografia"!
Tutte campagna e sicarette 'e tre!
Quanta libbrare stevano a Furía
mme sapevano a me!...
Guaglione, aggiu perduto 'a vita mia...
Mo, giuvinotto, stó' perdenno a te!
Mannaggia 'e cumpagne!
Mannaggia 'e filone!
Quann'uno è guaglione
nun penza...ma po'...
III
Ma, si nun tengo 'o studio o n'arte ê mmane,
tengo nu core ca vò' bene, sí!...
E, si ogge nun è, sarrá dimane...
pecché voglio accussí!
Ma, quanno è tanno, nun mm'accatto 'o ppane,
ma 'o piccerillo â scola mm''o port'i'...
Mannaggia 'e cumpagne!
......................
Galdieri - Lama
QUANNO 'AMMORE VO' FILA'

Canciello 'e massaria, canciello 'nchiuso
che catenaccio mamma nc'êva miso!
Sti ddoje zetelle, duje cunfiette rosa,
sperévano pe' n'ommo e pe' nu vaso...
E manco 'a bruna, 'a cchiù maleziosa,
puteva ascí da 'a casa cu na scusa...
E allora Ammore...ndránghete!...
na notte che te fa?
Cu na scalella d'oro,
'mbracci'â bruna se ne va!...
"Nenné',- dicette 'a 'gnóra,-
che sóngo sti suspire?"
"E' 'o ventariello, oje má',
ca smove 'e ffronne,
'a notte, 'int'a ll'está..."
II
E 'a bruna addeventaje cchiù ghianca e rossa
senza russetto 'nfaccia e 'mpont'ô musso...
Cu 'o core doce comm'a ll'ananasso
se prufumava 'e ccarne 'e spicaddossa...
E 'a sora picciava appriesso a essa:
"Pecché sulo pe' me, nisciuno passa?"
E allora Ammore...ndránghete!...
na notte che te fa?
Da n'albero 'e cerase.
'mbracci'â bionda se ne va!...
"Nenné', ma chi se lagna,
pe' 'mmiez'a 'sta campagna?"
"E' 'a volpe, duorme oje má',
che 'a pullanchella
è ghiuta a muzzecá..."
III
Chiagnenno tutt'e doje 'mbracci'â cummara
tenevano 'e ffaccelle comm''a cera...
Dicette 'a cummarella: "Oje né' ve prore!?
Jammo addu mamma aunite a sti signure...
Cummá', né catenacce o mascature,
nce ponno pe' na femmena in amore...
Si vò' filá, nu spruóccolo
ll'abbasta pe' filá...
si 'a 'nchiude 'int''a furtezza,
mette 'e scelle e se ne va...
Si 'nnanze vede 'o ffuoco,
si 'nnanze tene 'o mare...
...nu segno ca lle fa,
cu ll'uocchie 'nchiuse,
'mbracci'a 'ammore va...
Trasíte, picceré, sposa cu sposo,
vasáte 'a mano â 'gnóra...e tanta scuse..."
QUANNO MAMMETA NUN CE STA

A guardarte sempe accussí,
è na cosa ca nun mme va:
quacche ghiuorno, famme saglí
quanno mámmeta nun ce sta!
Io nun pòzzo arrivá a capí
che carattere tiene tu:
Mo te trovo a chicchirichí...
mo te trovo a cucchericù...
Quanno vaco pe' te parlá,
sempe 'a vocca mm'aggi''a appilá...
Ma putimmo,
ma putimmo tirá accussí?
"Vene mámmema: lête 'a ccá...
ce sta frátemo: nun guardá..."
A chi santo,
a chi santo vuó' fá ammalí!?
II
Pe' st'ammore ca sento oje né'
nu rialo te voglio fá:
Si ll'acciette voglio vedé
che ne dice mammá e papá...
E vulesse pur'io tené
nu ricordo, pe' mm''astipá...
Sissignore, che male nc'è?
Nu regalo tu mm''o puó dá...
Tu mme daje na cosa a me,
io te dóngo na cosa a te...
e ll'ammore,
e ll'ammore accussí se fa...
Che nce passa tra me e te,
manco 'a gatta ll'ha da sapé...
Acqua 'mmocca,
acqua 'mmocca e lass''e pparlá...
III
Quanno fráteto 'appurarrá,
accummencia: Chiacchiá...chiucchiù...
Ma 'o rialo po' va a guardá...
se 'mbriaca...e nun parla cchiù!
Accummencia, pe' se 'nquartá,
pure páteto ca nun vò'...
Saglie mámmeta p'appurá
e pur'essa fa nu to-tò...
Po' se guardano tutt'e tre
e s'avotano 'nfacci'a te:
"Quann'è chesto,
quann'è chesto...sagliesse ccá..."
Tu rispunne: "Se sape, embè...
stu rialo v''o fa pecché...
pecché chillo,
pecché chillo...sagliuto è giá!"
Capurro - Gambardella __________ ___
QUANNO STAJE CU ME
Viene, viene:
nun farme cchiù aspettá!
Torna, torna:
che smania 'e t'abbracciá...
N'ata vota 'int'a sti bbraccia,
'nnammurata,
te voglio tené!
Quanno tu staje cu me
'ncopp'a stu core...
io giá sento ca moro
si perdo a te!
Vita mia, vita mia...
chi mme cunzola
gioja mia, gioja mia,
senza 'e te?
dint'a sti bbraccia,
t'accarezzo 'sta faccia
e,'nziem'a te,
doce è 'ammore...
doce è 'ammore...
quanno tu staje
'ncopp'a stu core!...
II
Siente, siente
'a musica d''o mare?
Guarda, guarda...
na vela giá scumpare...
e si tu mme staje vicina,
chistu core
felice sarrá!...
'ncopp'a stu core...
....................
Nino Oliviero
QUANNO NASCETTE NINNO

Quanno nascette Ninno,
quanno nascette Ninno a Betlemme,
era notte e pareva miezojuorno...
Maje le stelle,
lustre e belle,
se vedèttero accussí...
e 'a cchiù lucente,
jette a chiammá li Magge a ll'Uriente.
Maje le stelle,
lustre e belle,
se vedèttero accussí...
Se vedèttero accussí...
II
De pressa se scetajeno
de pressa se scetajeno ll'aucielle...
cantanno de na forma tutta nova:
Pe' nsi' 'agrille,
co' li strille,
e zompanno 'a ccá e 'a llá:
- E' nato! E' nato! -
- decévano - lo Dio che nce ha criato! -
Pe' nsi' 'agrille,
co li strille
e zompanno 'a ccá e 'a llá...
E zompanno 'a ccá e 'a llá...
III
Co' tutto ch'era vierno,
co' tutto ch'era vierno, Ninno bello,
nascettero a migliara rose e sciure...
Pe' nsi' 'o ffieno,
sicco e tuosto,
ca fuje puosto sott'a te,
se 'nfigliulette
e de frunnelle e sciure se vestette...
Pe' nsí' 'o ffieno,
..................
IV
A no paese che,
a no paese che se chiamma Ngadde,
sciurettero le vvigne e ascette ll'uva.
Ninno mio
sapuretiello,
rappusciello d'uva si' tu...
ca, tutt'ammore,
faje doce 'a vocca e po' 'mbriache 'e core!
Ninno mio,
..........
V
Non c'erano nemice
non c'erano nemice pe' la terra:
La pecora pasceva co' 'o lione
Co''o capretto,
se vedette
'o liupardo pazzeá...
Ll'urzo e 'o vetiello
e, co' lo lupo, 'mpace 'o pecoriello.
Co' 'o capretto,
...............
VI
S'arrevotaje 'nsomma
s'arrevotaje 'nsomma tutt''o munno:
lo cielo, 'a terra, 'o mare e tutt''e ggente...
Chi dormeva,
se senteva
'mpiett''o core pazzeá
pe' la prejezza;
E se sonnava pace e contentezza...
Chi dormeva
...........
VII
Guardavano le ppecore,
guardavano le ppecore, 'e Pasture...
E n'Angelo, sbrennente cchiù d''o sole,
Comparette
e lle decette:
- No ve spaventate, no!
Contento e riso!
la terra è addeventata Paraviso! -
Comparette
..........
VIII
A vuje è nato ogge,
A vuje è nato ogge, a Bettalemme,
d''o munno, ll'aspettato Sarvatore...
Dint''e panne
'o trovarrite,
non potite maje sgarrá,
arravogliato...
e dint'a lu Presebbio corecato...
Dint''e panne
.............
IX
A meliune ll'Angiule
a meliune ll'Angiule calaro...
co' chiste se mettettero a cantare;
- Gloria a Dio,
pace 'nterra
Nu' cchiù guerra...è nato giá
lo rre d'ammore
che dá prejezza e pace a ogne core... -
Gloria a Dio,
............
X
Sbatteva 'o core 'mpietto
sbatteva 'o core 'mpietto a sti Pasture
e ll'uno po' deceva 'nfacci'a ll'ato:
- Ché tardammo?
priesto, jammo
ca mme sento ascevolí
pe' lo golío
ca tengo de vedé stu Ninno Dio!... -
Ché tardammo
............
XI
Zompanno comm'a ciévere
zompanno comm'a ciévere ferute,
jettero li pasture a la capanna...
Llá trovajeno
a Maria
co' Giusepe e 'a Gioja mia
e 'nchillo Viso
provajeno no muorzo 'e Paraviso..
Llá trovajeno
.............
XII
Restajeno 'ncantate
restajeno 'ncantate e voccapierte
pe' tantu tiempo senza di' parola...
po' jettanno,
lacremanno,
no sospiro pe' sfogá...
da dint''o core,
cacciajeno, a migliara, atte d'ammore.
Po' jettanno
............
XIII
C''a scusa de donare
c''a scusa de donare li presiente
se jettero azzeccanno chiano chiano...
Ninno no'
li rifiutaje
ll'azzettaje, comm'a che,
po' lle mettette
la mano 'ncapa e li benedicette...
Ninno no'
........
XIV
Piglianno confedenzia
piglianno confedenzia a poco a poco,
cercajeno lecenzia a la Madonna...
Se magnajeno
li pedille
co vasille, 'mprimma e po'
chelle mmanelle...
a ll'urdemo, lo musso e 'e mascarielle...
Se magnajeno
............
XV
Po' assieme se mettettero
po' assieme se mettettero a sonare
e a cantá co' ll'Angiule e Maria
co' na voce,
accossí doce,
ca Gesù facette: Aaaah - há...
e po' chiudette
chill'uocchie aggraziate e s'addurmette.
Co' na voce
..........
XVI
La nonna che cantajeno
la nonna che cantajeno a me mme pare
ch'avett''a èsse' chella ca mo dico:
Ma 'nfrattanto
io la canto,
'mmaggenateve de stá
co li pasture
vicino a Ninno bello vuje pure...
Ma 'nfrattanto
..............
N.B.
Le quattro strofe seguenti si cantano
col motivo della NINNA NANNA
(sempre di S. Alfonso)
I
Viene suonno da lu cielo,
viene adduorme a sto Nennillo...
pe' pietá ch'è piccerillo,
viene suonno e nun tardá.
II
Gioja bella de sto core,
vorría suonno addeventare,
doce doce pe' te fare
st'uocchie belle addormentá...
III
Ma si Tu, p'essere amato,
Te si' fatto Bammeniello...
Sulo Ammore è 'o sonnariello
che dormire te pò fá...
IV
Ment'è chesto puó' fá nonna
pe' te st'arma è arza e bona
T'amo t'a...Uh, 'sta canzona
giá t'ha fatto addobbecá!
...T'amo Dio, bello mio
t'amo Gioja, t'amo, t'a'...
XVII
Cantanno po' e sonanno
cantanno po' e sonanno, li Pasture,
tornajeno a le mantre n'ata vota:
ma che vuó'
che cchiù arrecietto
non trovajeno 'int'a lo pietto...
a 'o caro Bene,
facevano ogne poco 'o va' e biene...
ma che vuó'
...........
XVIII
Lo 'nfierno solamente
lo 'nfierno solamente e 'e peccature
'ncocciuse comm'a isso e ostinate
se mettettero
appaura,
pecché a 'o scuro vonno stá
li spurtagliune,
fujenno da lu sole, li briccune...
Se mettettero
.............
XIX
Io pure sóngo niro
io pure sóngo niro peccatore
ma non boglio èsse' cuoccio e ostinato
Io non boglio
cchiù peccare...
voglio amare, voglio stá
co' Ninno bello
comme nce sta lo voje e ll'aseniello...
Io non boglio
.............
XX
Nennillo mio Tu si'
Nennillo mio Tu si' sole d'ammore!
Faje luce e scarfe pure 'o peccatore...
Quanno è tutto
niro e brutto
comm'a pece, tanno cchiù
lo tiene mente...
e 'o faje addeventá bello e sbrennente...
Quanno è tutto
..............
XXI
Ma tu mme diciarraje
ma tu mme diciarraje ca chiagniste...
acciò chiagnesse pure 'o peccatore!
Aggio tuorto!
Ahje! fosse muorto
n'ora primma de peccá!
Tu mm'haje amato
e io, pe' paga, t'aggio maltrattato...
Aggio tuorto
...........
XXII
E vuje uocchie mieje
e vuje uocchie mieje, doje fontane
avit''a fá, de lacreme, chiagnenno...
pe' lavare,
pe' scarfare,
li pedille de Giesù
chisá, placato,
decesse: "Via, ca t'aggio perdonato!"
Pe' lavare
..........
XXIII
Viato a me si aggio
viato a me si aggio 'sta fortuna!
Che maje potesse cchiù desiderare?
O Maria,
speranza mia
mentr'io chiagno, prega tu;
penza ca pure
si' fatta mamma de li peccature.
O Maria
.......
S. Alfonso Maria De' Liguori
QUANNO TRAMONTA 'O SOLE

Viene addu me! Cuntèntame stu core
che, 'a tantu tiempo, penza, aspetta e spera...
Lèvame 'a pietto 'sta fattura nera,
pecchè te chiammo cu nu vero ammore!
Te veco, cu na rosa
'int''e capille,
vicino a me...
Vicino a me...
Mme pare 'e darte vase a mille a mille,
sempe sunnanno 'e te!
Sempe sunnanno 'e te...
Siéntelo, oje bella, 'o suono 'e sti pparole
Viene addu me, quanno tramonta 'o sole!
II
Quanno tramonta 'o sole, e tuttecosa,
jènne pe' s'addurmí dint''a nuttata,
piglia 'o culore 'e na viola nfosa...
tanno te penzo sora e 'nnammurata!
Tanno te sento mia
tutta felice,
senza parlá...
Senza parlá!
Cu ll'uocchie dint'a ll'uocchie e po' mme dice:
"Quanta felicitá...
Quanta felicitá!..."
Siéntelo, oje bella, 'o suono 'e sti pparole!
Fatte vasá, quanno tramonta 'o sole!
F. Russo - S.Gambardella
QUANTO E' BONA 'A FIGLIA VOSTA

Signora mia, scusate la franchezza:
'a figlia vosta è bona...troppo bona!
E' un fiore, un vero fiore di bellezza,
com'è deliziosa...è na sciasciona...
Io quanno 'a veco più non sono io:
resto impalato come un fessacchiotto...
davanti a quel po' po' di ben di Dio...
che v'aggi''a dí...mme faccio...piccolino...
Signora mia!...
Quant'è bona 'a figlia vosta!
Che simpatia...
fresca fresca, tosta tosta...
Quel visino rubicondo,
quel suo seno tondo tondo,
chillu diece 'e mappamondo,
mm'hanno fatto rimbambí...
Io non pretendo di volerla sposa,
'a vularría sultanto pe' nu mese...
Che vi costa?...Che vi costa?...
Signó', ma quant'è bona 'a figlia vosta!
II
Io non so dir che avviene nel mio letto,
perché mi viene in sogno tutt''e nnotte...
e mm'alzo, a ll'alba, con un mal di petto...
e con le membra...addolorate e rotte...
L'altr'ieri, stando assieme sopr''o tramme,
quel dondolío, capite...e dalle e dalle,
il petto contro il petto, gamme e gamme,
fui preso da un dolore...sott''e...spalle...
Signora mia!...
Che simpatía...
fresca fresca, tosta tosta...
Dint''e rrecchie ci ho un sussurro
nel vedé' quel pezzo 'e burro...
Chillu caspita 'e tammurro
giá mm'ha fatto rimbambí...
Io non vi chiedo mica cosa strana:
Prestatammélla pe' na settimana...
Signó', ma quant'è bona 'a figlia vosta!
III
Stamane, appunto, stando insieme al bagno,
s'è arrevutata 'a spiaggia di Coroglio...
Talmente mme só' scosso che nun magno...
m'han preso morto, lá, sopra a nu scoglio...
Appena è scesa in acqua...che emozione!
Na folla appriesso, affaticata e stracqua...
Signó', è successa na rivoluzione:
só' usciti tutti i pesci 'a dentr'a ll'acqua!
Signora mia!...
Che simpatía...
fresca fresca, tosta tosta
Prufumata janca e rossa,
mi delizia cu na mossa...
Tene 'o ffuoco dint'a...ll'ossa
io mi sento di svenir...
Io non ve cerco assaje, signora cara
prestatammella almeno pe' mez'ora...
Signó' ma quant'è bona 'a figlia vosta!
Finale:
Se poi vi siete fatta persuasa,
e volete che vengo 'ncopp''a casa...
Signó', mm'aggarbo a vuje e 'a figlia vosta!
Trusiano - Mazzucchi
QUANTA ROSE!
Ma quanta e quanta rose aggio purtato
a chist'ammore ca mme costa 'a vita...
quanta penziere d'oro aggio sciupato
e quanta, quanta lacreme chiagnute!
Che suonno ch'è stato st'ammore...
ma 'e suonne d'ammore che só'?
Só' ròse ca se sfrónnano...
penziere ca se pèrdono...
só' lettere, só' lacreme,
ca io porto a te...
só' palummelle e vòlano...
chisá, chisá pecché?!
II
Ma chi pò dí st'ammore comm'è nato
e chi nce pò spiegá pecchè è fernuto?
Tu te si' fatta meza, io stó' malato
e nce dicimmo "addio" ll'ultima vota...
Speranze cantate e perdute...
canzone, speranze...che só'?
Só' ròse ca se sfrónnano...
penziere ca se perdono...
só' lettere, só' lacreme
ca puorte a me...
só' palummelle e vòlano...
chisá, chisá pecché?!
Só' palummelle e vòlano...
chisá pecchè?!...
Bovio - Lama
QUI FU NAPOLI
Va cu te stu core amato
pe' 'sta via ca porta a mare...
Llá sta Napule allummato...
Mo ca scinne chesti ggrare
vide 'o mare accumparé...
Spanne ll'aria nu sapore
d'erba 'e scoglie e de magná'...
Na cantina 'e piscatore
tene 'o lume pronto giá...
Fuoco e zuccaro 'o mellone:
ce stennimmo 'nterr'â rena...
Neve 'e 'sprinia 'int''o giarrone,
'ncielo 'e stelle e 'a luna chiena...
E io canto: Qui fu Napoli!...
Nisciuno è meglio 'e me...
Dimane penzo ê diebbete
stasera só' nu rre!
II
Sentarraje 'ncopp'a la rena
voce a stesa 'e marenare:
"Tira, ohé...ch''a rezza vène..."
"forza ohé...ch'aónna 'o mare..."
"Tira...arranca...venga a me!"
Cu chitarre e lume a giorno
na varchetta passa e va...
rossa e verde è ll'acqua, attuorno...
tu nun mange, pe' guardá...
E i' te vaso 'sta vucchella
cu cchiù sfizio e passione...
'sta vucchella sciuliarella
'nfosa 'e vino e de mellone...
.............................
III
Vintun'ore...ccá vicino,
nu rilorgio, ll'ora sona...
Forse è 'ammore, forse è 'o vino...
'sta faccella s'abbandona:
tu t'adduorme 'mbracci'a me...
Pe' cuperta tiene 'e stelle,
pe' cuscino chistu core...
Nonna - nonna a st'uocchie belle
só' sti vvoce 'e piscatore...
Dint''o suonno, smaniosa,
mo mme vuó'...mo mme ne cacce...
Po' te scite e, vrucculosa,
t'annascunne 'int'a sti bbracce...
.............................
RAZIELLA
A core a core cu Raziella mia,
stava assettato a chillu pizzo llá:
Lu patre asceva, e schitto nc'era 'a zia
ma, zittu zitto, se potéa parlá!
La zia filava e poco nce senteva
ca, pe' lu suonno, la capa lle pennéa...
io la manella de nenna mia pigliava
che non voléa, ma se facéa vasá...
II
Essa cantava co chella bella voce,
lu mandolino io mme mettéa a soná...
Essa dicéa, cantanno doce doce:
"Aniello mio, io sempe t'aggi''a amá!"
La zia filava e poco nce senteva
e, pe' lo suonno, la capa lle pennéa,
ma, si â 'ntrasatta, essa maje se scetava...
lu locco, subbeto, io mme metteva a fá!
III
Ma chillu tiempo comme priesto è passato!
Darría lo sango pe' fárelo torná...
Tanno ero alliéro...e mo só' sbenturato...
schitto d'arraggio e chianto aggi''a campá!
Raziella mia, Raziella mme 'ngannava
mentre d'occhiate e squase mm'abbottava.
Ahi! Disperato tanto mme só' arredutto,
che o moro acciso o mm'aggi''a vennecá!
Ignoti
REGINELLA
Te si' fatta na vesta scullata,
nu cappiello cu 'e nastre e cu 'e rrose...
stive 'mmiez'a tre o quatto sciantose
e parlave francese...è accussí?
Fuje ll'autriere ca t'aggio 'ncuntrata
fuje ll'autriere a Tuleto, 'gnorsí...
T'aggio vuluto bene a te!
Tu mm'hê vuluto bene a me!
Mo nun ce amammo cchiù,
ma ê vvote tu,
distrattamente,
pienze a me!...
II
Reginè', quanno stive cu mico,
nun magnave ca pane e cerase...
Nuje campávamo 'e vase, e che vase!
Tu cantave e chiagnive pe' me!
E 'o cardillo cantava cu tico:
"Reginella 'o vò' bene a stu rre!"
.........................
III
Oje cardillo, a chi aspiette stasera?
nun 'o vvide? aggio aperta 'a cajóla!
Reginella è vulata? e tu vola!
vola e canta...nun chiagnere ccá:
T'hê 'a truvá na padrona sincera
ch'è cchiù degna 'e sentirte 'e cantá...
.........................
Bovio - Lama
RESTA CU ME!
Ammore...Ammore...Ammore...
Dimme tu che ll'aggi''a dí...
dimme tu comm'aggi''a fá...
stasera...
dimane...
p''a fá restá?!...
Resta cu me
pe' caritá!
Statte cu me...
nun mme lassá!
Famme pená,
famme 'mpazzí,
famme danná...
ma dimme sí!...
Moro pe' te...
vivo pe' te...
Vita d''a vita mia...
nun mme 'mporta d''o ppassato,
nun mme 'mporta 'e chi t'ha avuto...
resta cu me...
cu me!...
Verde - Modugno
ROSA 'MMIEZ'A 'E RROSE

Quanta cajóle,
quant'aucielle:
dint'a stu vico tujo
pare na festa...
Canta 'o cardillo,
canta 'a zenzélla...
siente na sinfunía
for''a fenesta...
E po' t'affacce tu
cu st'uocchie nire...
arracque 'e sciure
e te zenníe cu me....
Rosa,
ch''a miez'ê rrose,
mme tiene mente
e faje nu pizzo a riso,
te guardo
e penz'ô juorno ca te sposo...
te guardo
e penz'ô juorno ca te vaso...
II
A vintun'ora,
cu nu suspiro,
appanne 'e llastre
e dice : Bonasera!
Po', 'a rèt'ê sciure,
mme guarde ancora
e te ne vaje a durmí,
cuntenta e allera...
For'ô balcone mio,
sott''a friscura,
mm'addormo e sonno
ca staje 'mbracci'a me...
Rosa,
ch''a miez'ê rrose,
..................
III
Bella e cianciosa,
che paraviso
'o juorno ca te dóngo
mille vase!...
Vase azzeccuse,
vase cu 'a stesa...
p''o scuorno te faje rossa
e 'ammore trase...
E po' mme dice,
doppo nove mise:
"E' masculillo
e arrassumiglia a te!"
Rosa,
ch'a miez'ê rrose
.................
Pisano - Cioffi
ROSA, RUSELLA
Ogne figliola 'e Napule è nu sciore...
e, 'mmiez'a tanta sciure, nc'è na rosa...
e chesta rosa, bella e vrucculosa,
Rosa, Rusella mia...si' proprio tu!...
Rosa, Rusella,
cianciosa e bella...
'sta passiuncella
accide a me!
Si mme ne cacce,
i' nun 'o ssaccio
chello ca faccio
'o ssáje, Rusé'...
II
Quanno te veco fore a stu balcone,
sott'a 'sta pergulella d'uva rosa,
Rosa, Rusé'...mme faje vení na cosa...
Resto accussí: 'ncantato 'nnanz'a te!
Rosa, Rusella,
.............
III
Ajére tu cusive e i' te guardavo:
Che bella mana janca e piccerella!
Embè, chesta manella accussí bella,
s'ha pezzecato 'o core 'a piett'a me!
Rosa, Rusella,
.............
Cinquegrana - Di Chiara
RUNDINELLA
Tutte ll'amice mieje sanno ca tuorne...
ca si' partuta e no ca mm'hê lassato...
só' giá tre ghiuorne...
Nisciuno 'nfin'a mo s'è 'mmagginato
ca tu, crisciuta 'ncopp''o core mio,
mm'hê ditto: addio!
E torna rundinella...
torna a stu nido mo ch'è primmavera...
i' lasso 'a porta aperta quanno è 'a sera
speranno 'e te truvá
vicino a me...
II
Vulanno pe' cittá nove e stramane,
tu no, nun puó sapé che te ne vène
ogge o dimane...
E si nun truove maje chi te vò' bene
quanto te ne vogl'io
ll'amice 'o ssanno
che faje vulanno?
.....................
III
Torna! Ll'amice mieje sanno ca tuorne...
Tutte se só' 'nfurmate e a tutte dico:
"Dint'a sti juorne!"
Uno sultanto, era 'o cchiù buono amico,
nun ll'aggio visto e nun c'è cchiù venuto...
fosse partuto?...
.....................
Galdieri - Spagnolo
RUSELLA 'E MAGGIO

Quanno staje fore a 'sta loggia,
sott'a stu bellu grillaggio,
fresca, accussí, leggia leggia,
si' na rusélla 'e maggio.
Si è triste, 'o cielo, se schiara,
cchiù prufumate só' 'e sciure,
ll'aucielle cantano a coro
mentr'io suspiro:
Rusélla 'e maggio mia,
rusélla 'e maggio...
Tu si' caduta 'a cielo 'ncopp'a 'sta loggia...
Te vasa 'nfronte 'o sole cu 'o meglio raggio...
rusélla 'e maggio!
II
Quanno po' cuse io mme 'ncanto:
sti mmane toje tengo mente...
Pare che 'a sott'a sti punte,
proprio nu sciore sponta!
Tanno, 'a te voglio na cosa:
pe' mme fá jí 'mparaviso:
ca nu ricamo cianciuso
mme faje cu 'e vase...
....................
III
E si cantá po' te fanno,
'o viento passa e, sentenno,
comm'a na radio, p''o munno,
'sta bella voce spanne...
Corre p''e monte e p''o mare
e, doce, va p'ògne core,
purtanno gioje e suspire
d''a primmavera...
....................
Trusiano - Cannio
SANTA LUCIA
Comme se frícceca
la luna chiena...
lo mare ride,
ll'aria è serena...
Vuje che facite
'mmiez'a la via?
Santa Lucia!
Santa Lucia!
II
Stu viento frisco,
fa risciatare,
chi vò' spassarse
jènno pe' mare...
E' pronta e lesta
la varca mia...
Santa Lucia!
Santa Lucia!
III
La tènna è posta
pe' fá na cena...
e quanno stace
la panza chiena,
non c'è la mínema
melanconia!
Santa Lucia!
Santa Lucia!
Pòzzo accostare
la varca mia?
Santa Lucia!
Santa Lucia!...
Anonimo / Cottrau
SANTA LUCIA LUNTANA

Partono 'e bastimente
pe' terre assaje luntane...
Cántano a buordo:
só' Napulitane!
Cantano pe' tramente
'o golfo giá scumpare,
e 'a luna, 'a miez'ô mare,
nu poco 'e Napule
lle fa vedé...
Santa Lucia!
Luntano 'a te,
quanta malincunia!
Se gira 'o munno sano,
se va a cercá furtuna...
ma, quanno sponta 'a luna,
luntano 'a Napule
nun se pò stá!
II
E sònano...Ma 'e mmane
trèmmano 'ncopp''e ccorde...
Quanta ricorde, ahimmé,
quanta ricorde...
E 'o core nun 'o sane
nemmeno cu 'e ccanzone:
Sentenno voce e suone,
se mette a chiagnere
ca vò' turná...
Santa Lucia,
............
III
Santa Lucia, tu tiene
sulo nu poco 'e mare...
ma, cchiù luntana staje,
cchiù bella pare...
E' 'o canto d''e Ssirene
ca tesse ancora 'e rrezze!
Core nun vò' ricchezze:
si è nato a Napule,
ce vò' murí!
Santa Lucia,
............
E. A. Mario
SARRA' CHISA'
Primmasera...
'o sole a poco a poco se n'è sciso,
strignete 'mbracci'a me cu ll'uocchie nchiuse...
facimmo zittu zitto cu sti vase!
Sarrá chisà!
Sarrá 'sta luna chiena
na mùseca luntana...
Sarrá chisà!
forse sarrá stu mare
o 'a luce d''e llampare!
Sarrá sarrá Pusilleco
ca mme fa suspirá:
"Te voglio bene"...
'O cielo bello 'e Napule
ch'è fatto pe' cantá
mille canzone...
Sarrá chi sa!
forse sarrá stu core
ch'è troppo 'nnammurato!
Stasera! Tutt''a vita!
suspìrame abbracciata:
"Ammore mio"...
II
Chianu chiano,
se só' addurmute tutt''e manduline...
more pe' ll'aria ll'urdema canzone...
giá sponta ll'alba e s'annasconne 'a luna...
Sarrà chisà!
............
R. Murolo
SCALINATELLA
Scalinatèlla,
longa
longa
longa
longa
Strettulélla
strettulélla,
addó' sta chella
'nnammuratèlla?
Nun spónta ancora...
zuc
zuc
zuc
zuc:
zucculillo
zucculillo,
pe' 'sta viarèlla
scarrupatèlla!
Addó' mme ne vogl'í, t''o ddico...e crídeme...
addó' se ne pò ghí chi è stanco 'e chiágnere?!
Scalinatèlla
saglie
'ncielo
o scinne
a mare
cercammélla
trovammélla,
pòrtame a chella
sciaguratèlla!
Chella s'è 'nnammurata 'e nu pittore
ca pitta Capre e parla furastiero...
e i' porto 'mpiétto nu dulore 'e core
e sento che mm'accide stu penziero!
Scalinatèlla
longa
longa
ecc.
A ghiuorne a ghiuorne parte nu vapore...
A ghiuorne 'ammore mio se vótta a mare!
Bonagura - Cioffi
SCAPRICCIATIELLO
"Scapricciatiellu mio, vatténne â casa
si nun vuó' jí 'ngalèra, 'int'a stu mese..."
Comme te ll'aggi''a dí ca nun è cosa?!
Chella nun è pe' te... chella è na 'mpesa!
Che vène a dí ch'è bella cchiù 'e na rosa
si po' te veco 'e chiagnere annascuso?
Lássala, siente a me, ca nun è cosa!
Tu, p''a bionda, si' troppo onesto:
chella è fatta pe' ll'ommo 'nzisto...
Alluntánate 'a 'sta "maésta"
ca te pierde, figlio 'e mammá...
Nun 'o vvide ca te repassa?
Te ciancéa cu ciento mosse...
T''o ffá credere e po' te lassa:
Te fa perdere 'a libertá!
II
Tutt''e mmatine, mamma, dint''a cchiesa,
prega, pe' te, 'a Madonna e nun repòsa...
Jett''o curtiello...nun fá 'o smaniuso,
si no tu vaje 'ngalèra e 'a bionda sposa!
curre add''a vecchia, va', cércale scusa!
Tu p''a bionda...
.................
"Scapricciatiellu mio, vatténne â casa
si nun vuó' jí 'ngalèra, 'int'a stu mese!"
Vento - Albano
SCÉTATE
Si duorme o si nun duorme bella mia,
siente pe' nu mumento chesta voce...
Chi te vò' bene assaje sta 'mmiez'â via
pe' te cantá na canzuncella doce...
Ma staje durmenno, nun te si' scetata,
sti ffenestelle nun se vonno aprí...
è nu ricamo 'sta mandulinata...
scétate bella mia, nun cchiù durmí!
II
'Ncielo se só' arrucchiate ciento stelle,
tutte pe' stá a sentí chesta canzone...
Aggio 'ntiso 'e parlá li ttre cchiù belle,
dicevano: Nce tène passione...
E' passione ca nun passa maje...
passa lu munno, essa nun passarrá!...
Tu, certo, a chesto nun ce penzarraje...
ma tu nasciste pe' mm'affatturá...
Russo - Costa
SCHIAVO D'AMMORE
Fuje comm'a na fattura...
e stó' attaccato a te, core e penziero,
cu na catena amara
che mm'ha distrutto 'a vita e 'a giuventù...
E mo só' schiavo 'e te,
schiavo d'ammore...
Cchiù te dó' 'a vita e cchiù mme daje veleno...
E io giuro d''e spezzá pe' sempe sti ccatene...
Ma, doppo n'ora,
schiavo d'ammore,
torno addu te...
II
Pe' te, pe' st'uocchie nire,
aggio lassato a n'anema sincera
ca mme vò' bene ancora
e pass''a vita a chiagnere pe' me!
E mo só' schiavo 'e te,
schiavo d'ammore...
Cchiù te dó' 'a vita e cchiù mme daje veleno...
E io giuro d''e spezzá pe' sempe sti ccatene...
Ma, doppo n'ora,
schiavo d'ammore,
torno addu te...
S. Mazzocco
SCIOSCIA POPOLO
Si tiene na fenesta, te la 'nzerrano...
Tiene na chianta 'e rose e ll'hê 'a annasconnere...
e che bello, ce spogliano!
Pure 'o sciato ce levano...
pure 'o sciato ce levano...
e che ato vò'?
E pígliate, pígliate, pígliate pure li figlie...
e tècchete, tècchete, tècchete pure 'a mugliera...
e zùcate, zùcate, zùcate pure lu sango...
e zùcate, zùcate, zùcate pure lu sango...
zùcalo, zùcalo, zùcalo si vuó' zucá!
Ma,
attiento a te...
'A legna
s'è seccata...
e ca perciò te dico:
"Attiento a te!"
'A legna,
'a legna,
'a legna s'è seccata...
E quanno è secca e asciutta
piglia fuoco...
S'aíza la vampa...
e avvampa!
Saglie...
e 'ncielo arriva...
E' fiamma viva!
Chi 'a pò stutá?!
Scióscia popolo!
shhhhh....shhhhh...........
'ncopp'a stu ffuoco ardente...
shhhhh....shhhhh...........
arapíte 'a fenesta...
la-lai-lai-lá....
'Mpizzalo, 'mpizzalo, 'mpizzalo comm'a saciccia...
stùtalo, stùtalo, stùtalo comm'a cannela...
zùcalo, zùcalo, zùcalo comm'a lu sango...
lálala - lálala - lálala - lálala - láila...
lálala- lálala - lálala - lálala- lá...
'Mpizzalo, 'mpizzalo, 'mpizzalo comm'a saciccia
stùtalo, stùtalo, stùtalo, comm'a cannela...
scánnalo, scánnalo, scánnalo comm'a capretta...
scánnalo, scánnalo, scánnalo comm'a capretta...
scánnalo, scánnalo, scánnalo si vuó' suná...
Saglie...
e 'ncielo arriva...
E' fiamma viva:
chi 'a pò stutá?.....
Scioscia tu
e scioscio io...
e sciusciammo tutte 'nzieme...
quanno 'o popolo s'aunisce
ca se passa 'o primmo sciuscio..
scioscia, scioscia,
scioscia, sció'...
scioscia, scioscia,
scioscia, sció'...
..................
..................
..................
E. De Filippo - Modugno
SCIULDEZZA BELLA
Bella figliola ch'hê 'ngannato a tante,
chi sa si 'e tradimente ll'hê cuntate!
Ma si t'affacce, 'e vvide a tuttuquante:
simmo 'a quarantaquatto 'nnammurate!
'Ammore è doce e 'o spassatiempo è bello...
ll'arape 'sta fenesta o nun ll'arape?...
Chist'è 'o mumento pe' chiammá ll'appello:
affácciate nu poco e conta 'e ccape...
Che finezza 'e cuncertino!...
ma è n'orchestra o na fanfarra?
Peppe gratta 'o mandulino,
Tóre pízzeca 'a chitarra...
Giorgio sona 'a ciaramella,
Papiluccio, 'o putipù...
Picceré', sciuldezza bella!...
Sulo chesto saje fá tu!
II
Bella figliola ch'hê 'ngannato a tante,
tenive 'nfrisco tutte sti partite...
Mo 'e vvide ca te sfilano pe' 'nnante...
ma 'o tiempo passa...e tu nun te mmarite!
Nun ce sta core ca nun hê traduto;
nun ce sta vocca ca nun hê vasato,
ma nun fa niente, va'!...chi ha avuto ha avuto!...
tutto s'acconcia cu na serenata...
Picceré', stu cuncertino
porta overo 'e cape suone,
Bebé canta, e Vicenzino
mette 'a terza da 'o puntone...
Giorgio sona 'a ciaramella...
Picceré', sciuldezza bella!
Sulo chesto pienze tu!
III
Bella figliola ca staje 'nchiusa 'a dinto,
vulessemo sapé cu chi staje 'nchiusa...
fall'affacciá...ll'avimm''a fá cunvinto
ca tu nu juorne 'o 'nchiante cu na scusa...
Tu si' na scellerata e 'o tradimento,
cresce cu 'e vase ca ve date ô scuro...
Dille ca se 'mparasse nu strumento:
ll'ha da suná cu nuje ll'anno venturo...
Picceré', pe' tutt''o vico,
vanno 'e nnote 'e 'sta canzone...
si vedisse 'on Federico
ll'urganetto comm''o sona!
Giorgio sona 'a ciaramella...
Picceré', sciuldezza bella!
Sulo chesto saje fá tu!
Nicolardi - Montagna
SCIUMMO
Tu scinne,
sciummo, sciummo, sciummo,
da 'a muntagna...
Io scénno
ca na malasciorte
mm'accumpagna...
E ghiammo, ohé!
Ll'ammore è sciummo ca se perde a mare...
Tu cante:
- Tòcche, tòcche, tòcche -
spaccalegna:
"'A saccio,
nun ce sta na vócca
cchiù sanguégna...!"
E i' scénno, ohé!
Chi perde 'ammore va cercanno 'o mare...
Campana
ca suone 'a copp'a stu cunvento,
tu siente
ch'ha fatto chella faccia 'e santa?
Ajére, 'mbracci'a me, nu svenimento...
stasera vasa a n'ato e se n'avanta!
Oje comme
sona lenta e triste
na zampogna,
ca scénne
- sciummo, sciummo, sciummo, -
da 'a muntagna!...
E ghiammo, ohé!
E 'nfunn'ô mare s'arreposa 'o core...
Paese
addó' só' nato, io te saluto...
Te veco
llá 'ncimma, sulo e abbandunato...
E io 'nfamo, 'nfamo 'e me, mme ne só' ghiuto...
Te lasso pecché 'ammore mm'ha lassato!
Tu chiagne
quase comm'a n'ommo
ca se lagna...
e i' scénno
- sciummo, sciummo, sciummo, -
da 'a muntagna!...
E ghiammo, ohé!
e sulo 'o mare fa scurdá ll'ammore...
Lucillo - Concina
SCUMMUNICATO
T'arricuorde? T'aspettavo
dint''a cchiesa d''o Gesù:
tu trasive e i' suspiravo...
suspirave pure tu...
Po' venive e, leggia leggia,
t'assettave a fianco a me
ca tenevo sempe 'a seggia
priparata giá pe' te!
Mme dicive: "Vita mia!
prega e dice appriesso a me..."
e i' dicevo
e i' dicevo: "Avemmaria"
"Gloriapate" appriesso a te!
II
Te spiavo sottavoce:
"Mme vuó' bene sempe a me?"
Rispunnive: "Fatt''a croce...
voglio bene sempe a te!"
Ma stu munno comm'è tristo!
Chi puteva 'mmagginá
ca, 'int''a casa 'e Gesù Cristo,
mme venive a repassá?!
Mme dicive: "Vita mia!
......................
III
Io mo só' scummunicato
e, int''a cchiesa d''o Gesù,
da che tu mm'hê abbandunato,
nun ce traso proprio cchiù!
Ma tu no! Si' sempe 'a stessa...
Tu si' sempe chella llá
ca te siente ancora 'a messa
pe' fá ancora 'nfamitá!...
Ca si mo nun só' cchiù io,
certo n'ato aspettarrá...
Primma 'o 'mpare,
primma 'o 'mpare 'e ccose 'e Dio...
Doppo, 'o 'mpare a ghiastemmá!
Fiore - Nardella
SCURRIATO SCHIOCCA
Na casarella cu n'albero 'e noce,
na cappelluccia, nu santo e na croce,
na vicchiarella nun trova cchiù pace
e a chillu santo nu vuto lle fa...
Tene 'a figlia capricciosa.
ll'arrevota chella casa
nu figliulo nun reposa
na carretta vène e va...
Scurriato, schiocca!
Cu 'a speranza ca segno lle fa,
sferza ll'aria pe' farla affacciá...
sferza 'o core malato che sta...
'O carrettiere soffre e nun se lagna...
che malu segno...
Ohé!...
II
Chella nun vede 'a carretta ca passa,
vede surtanto na machina 'e lusso...
e nun se 'mporta si 'a vita perdesse,
pure si 'a mamma putesse murí...
Se n''e ghiuta 'a chella casa,
s'è sciupata chella rosa...
è passato giá nu mese:
nun se vede cchiù 'e turná...
....................
Finale:
Na cappelluccia nun tene cchiù luce...
na vicchiarella nun trova cchiù pace...
'O carrettiere soffre pe' n'ammore...
Autori?
SE CHIAMMA: MISTERO
Quanno stu core te chiamma,
dint'a stu pietto mme sento
comme â 'ntrasatto na fiamma
fosse sbattuta da 'o viento.
Ma 'sta fiamma d'ammore
chisá che vène a dí...
Pecché mme tremma 'o core
mo ca luntana si'?
Ma ce sta nu penziero
ca tutt''e core astregne e fa tremmá...
Stu penziero se chiamma: Mistero...
stu mistero se chiamma...chisá!
II
Scrivo e chiagnenno io te dico:
- Statte cuntenta, io sto bene...-
Tu dice 'o stesso cu mico;
ma dint''o core che tiene?
'Nnammurate luntane!
Quanto io vurría sapé
si tu, quanno è dimane,
vuó' bene ancora a me...
Ma ce sta nu penziero
.....................
III
Quanta 'mmasciate aggi'avuto
da na perzona fidata!
Maje mme ll'aggio creduto
ca tu te fusse cagnata!...
'E mistere d''o core
nisciune 'e ppò sapé...
Tu mme giurave ammore,
e nun penzave a me!
Mo mme dice 'o penziero:
dimane qua' destino 'o sujo sarrá?
Ma 'o destino se chiamma: Mistero
e 'o dimane se chiamma...chisá!...
Bugni - Valente
SEGRETAMENTE
Aspetto ll'ore sane
senz'aspettá a nisciuno...
ma ê vvote, na guardata,
nu semplice saluto,
mme danno ancora 'a vita,
si passe tu!
Segretamente,
te tengo dint''o core
e maje t''o ppòzzo dí...
Tutt''e mumente
ne caccio stu penziero
pe' nun t''o ffá capí...
Ma pure 'nzuonno,
perdutamente,
stu core chiamma a te...
Segretamente,
te voglio tantu bene...
e tutto si' pe' me!...
II
St'ammore, senza ammore,
passa 'e gghiurnate amare...
Stu bbene, senza bene,
nun tene nu dimane
ca pò cagná 'o destino
pe' me e pe' te...
Segretamente,
te sento dint''o core
e maje t''o ppozzo dí
.....................
Finale
Inutilmente,
stu core chiamma a te!
Annona - Romeo
SEMPLICITA'
'O sole t'ha pittato sti capille,
'o cielo ha ricamato st'uocchie belle...
Quanno mme guarde tu lùceno 'e stelle
e 'a primmavera ride attuorno a me!
Semplicitá
tu tiene dint''o core...
e a 'o munno, nu tesoro,
cchiù bello nun ce sta...
Vicino a te,
mme scordo 'e tutt''e ppene
e cchiù te voglio bene
pe' 'sta semplicitá...
I' campo sulamente pe' st'ammore,
ca fa felice 'o core
e cchiù mm'attacca a te...
No, nun ce sta
n'ammore cchiù 'nnucente
cchiù semplice...cchiù ardente:
Tu si' 'a semplicitá.
II
Bona e sincera comm'a mamma mia,
tu si' ll'ammore ca nun more maje...
Si pure tu mme dice na buscía
è ingenua e santa comm''a veritá!
....................
....................
I' campo sulamente pe' st'ammore...
Ca fa felice 'o core
e cchiù mm'attacca a te...
No, nun ce sta
n'ammore cchiù 'nnucente,
cchiù semplice, cchiù ardente:
Tu si' 'a semplicitá!
Murolo - Mazzocco
SENTINELLA
Nuttata 'e Piererotta! Tutte dormono
'ncopp'a 'sta cimma 'e monte cunquistato,
e io faccio 'a sentinella e stó' scetato...
Nu passo, nu rummore...Chi va lá?!
E vuje paisane mieje ca state a Napule,
chesta nuttata, vuje, comm''a passate?
Nce jate a Piererotta o nun ce jate?
Ce sta chi, na canzone, cantarrá?
Vurría ca nu signale
facísseve 'a Pusilleco
pe' me puté 'nfurmá...
E n'auto, tale e quale,
pe' dirve: "Ve ringrazio..."
io ne facesse 'a ccá!
II
Nuttata 'e Piererotta! Che silenzio!
Pure 'e cannune mo se só' addurmute...
Na voce arriva a sti mmuntagne mute:
vène da 'o mare mio pe' mme chiammá...
E a vuje, Napulitá', che state a Napule,
ve chiamma o no, stanotte, chistu mare?
Ne tene sempe varche 'e marenare?...
Na varchijata v''a putite fá?
Mánnateme 'a risposta
cu nu signale, sùbbeto
facitela vulá...
Si mme screvite, 'a posta
ritarda...e pò succedere
ca nun mme truvarrá...
III
E tu Carmè', Carmè', ca siente sbattere
'o core, 'mpiett'a me, pure 'a luntano,
comm'io mm''o stó' sentenno sott''a mano...
che faje stanotte? Chiagne? Ma pecché?
Si tanto doce ancora è 'o cielo 'e Napule,
si ancora tene 'e stelle che teneva,
si dice ancora 'e ccose che diceva,
guardanno 'ncielo, parlarraje cu me!
Ccá 'o cielo è tutto stelle
che chiágnono...Ma 'e llagreme
nun vònno fá vedé.
Io guardo 'e ddoje cchiù belle:
Una assumiglia a mámmema...
Ll'áuta assumiglia a te!...
Bracco - De Curtis
SENZA 'A VARCA
Marená', si nun tiene cchiù 'a varca,
che nce aspiette, che spiere da 'o mare?
Ire 'o rre d''a marina...e mo pare
ca nun tène cchiù regno stu rre...
Tu nun parle, nun chiagne, ma guarde
comme sfilano 'e vvele lucente...
ma tu sulo nun tiene cchiù niente,
tu nun tiene a nisciuno pe' te!
II
Tu chi si'? Si' straniero a stu mare...
Tu che vuó'? Si' straniero a chest'onne...
Daje na voce? E nisciuno risponne
ca nisciuno mo sape chi si'...
Passa Ammore, 'int''a varca, cantanno...
e 'a canzone che canta è a doje voce...
Ma che gusto a te mettere 'ncroce?
Ma che sfizio a vederte 'e suffrí?!
III
Scenne 'a notte...E' spuntata na stella...
Quacche voce luntana luntana...
Na varchetta...nu suono 'e campana,
lento e stanco, 'int''a notte d'está...
Marená', ma pecché guarde 'o mare?
Tiene 'a faccia cchiù ghianca d''a cera...
Che vuó' fá? Torna â casa stasera...
Mamma è vecchia e t'aspetta...Ch'hê 'a fá?
Finale:
Tu nun tiene a nisciuno pe' te!
Bovio - Falvo
SENZA 'E TE
Sbattono ll'onne 'nfacci'a 'sta banchina,
comme stu core sbatte 'mpiett'a me...
e, sott''o sole e sott'a luna chiena,
io vaco sfrennesianno senz''e te...
pecché, Marí', te voglio troppo bene...
ma tu nun siente: staje luntano 'a me!
Te penzo, te desidero e 'int''e suonne,
'int'a sti suonne doce, io vaso a te...
ma po', comme fa 'o mare, e comm'a ll'onne,
tu te ne vaje luntano...ma pecché?!...
E io resto triste e sulo senza 'e te...
E io resto triste e sulo senza 'e te...
II
Sti lluce a mare parono brillante
comm'a chist'uocchie che lùceno pe' me...
e io, pe' st'ammore, perdo tutt''o chianto
si tu, Marí', nun tuorne 'mbracci'a me...
Pe' 'sta passione ca mme dá turmiente,
mme perdo...e tu t'hê 'a perdere cu me!
Te penzo, te desidero e 'int''e suonne,
.......................................
Finale:
E io resto triste e sulo senza 'e te!...
E io resto triste e sulo senza 'e te!...
Autori?
SENZA MAMMA E 'NNAMMURATA

Sperduto comm'a cane 'mmiez'â via,
chiagne stu core mio addulurato...
Smuóvete pure tu, Madonna mia,
pecché na 'nfama sulo mm'ha lassato...
Vurría murí: só' troppo sfurtunato!
Mme pare d''a vedé cu 'o manto 'e sposa,
cu 'a vesta janca e 'a faccia culor rosa...
se 'mmeretava, quann'essa è spusata,
na botta ô core...chella scellerata!
II
E, muorto 'e friddo, jètte â casa mia...
truvaje 'a lampa ô scuro, chella sera...
cantava na civetta 'mmiez'â via...
e mamma, dint''o lietto, ca mureva...
Io mme facette cchiù ghianco d''a cera!...
E tu redive, 'nfama, pe' dispietto...
mentre stu core mme sbatteva 'mpietto...
Tu chiena 'e sciure 'arancio...ch'allegria!
Io senza mamma...che malincunia!
III
Mo ca só' sulo e nun tengo a nisciuno,
io penzo a mamma mia ô campusanto...
mme struje nu penziero...stó' dijuno...
mme faccio 'a croce e mm'ammalisco tanto
ca st'uocchie mieje se 'nfónnono cchiù 'e chianto...
Mm'arraccumanno a te, Madonna mia,
primma ca cchiù mm'accresce 'a pecundría...
si nenna mia e mamma aggiu perduto,
meglio ca i' moro...troppo aggiu chiagnuto!...
Finale:
Meglio ca i' moro...troppo aggiu chiagnuto!...
Donadio
SENZA NISCIUNO
Tramonta 'o sole,
vintiquatt'ore...
Sona 'avemmaria...
Senza parole
mme faccio 'a croce
e penzo a mamma mia...
Che malasciorte, ahimé!
Sulo,
senza nisciuno...
e tu...
tu morta si' pe' me...
tu morta si' pe' me...
II
E tu addó' staje?
Tu ride e si' felice
o si' scuntenta?
Nun chiagne maje?
E stu turmiento
nun te turmenta?
Che malasciorte, ahimé!
Sulo,
senza nisciuno...
e tu...
tu morta si' pe' me
tu morta si' pe' me!
Barbieri - De Curtis
SENZA NOMME
Canto ma nun t'annòmmeno:
nun voglio dicere chi si'!
E tutte s'addimmannano:
- Cantano e sonano? pe' chi? -
'A luna, ch'è spuntata,
pe' 'sta mandulinata,
'o ssape, e llá pe' llá,
te torna a salutá.
'Mbracci'a te
mme só' 'mparato 'e chiagnere...
Senza 'e te
nun saccio cchiù resistere...
Sulo, cu st'aria doce
nun saccio stá:
Miétteme 'ncroce,
famme cantá!...
II
E tiene 'o nomme 'e mammema!
Core sacrilego, pecché
te chiamme comm'a ll'unica
ca è stata tènnera cu me?
I' nun capisco comme
tenite 'o stesso nomme:
Essa, tutta buntá...
Tu, tutta 'nfamitá!
'Mbracci'a te
.............
III
No, nun te voglio affabbile,
curtese e tènnera cu me...
Pene, turmiente e lacreme,
'mparano 'a femmena ched è!...
E cchiù ll'hê dato pene,
cchiù t'ha vuluto bene
stu core, ca te vò',
crudele, ancora mo!
'Mbracci'a te
.............
E. A. Mario - Ciaravolo
SERA NAPULITANA
Sera napulitana!
Prufumo d'erba 'e mare e ragge 'e luna,
mmiscate cu 'e mutive d''e ccanzone...
Cantano 'e 'nnammurate a Margellina...
Sera napulitana!
Po' Napule s'addorme chianu chiano,
pe' se sunná ch'è ancora na riggina...
Io sulo sulo, ll'uocchie chine 'e te,
mme pare comme fosse fatto a vino.
Sbattuto 'int'a na rezza, 'mmiez'ô mare,
dint'a na rezza fatta cu sti mmane,
io veco chistu core
cchiù 'nfunno...
'nfunn'ô mare...
Sera napulitana!
...Io veco chistu core
cchiù 'nfunno...
'nfunn' ô mare...
Sera napulitana!
De Mura - Gagliardi
SERENATA 'E FEMMENA

'O nnammurato mio dorme cu 'a sposa...
Isso 'a pigliaje pe' zetelluccia 'e casa!
E va dicenno: "Chella vocca 'e rosa,
sultanto a mme mm'ha dato 'o primmo vaso!"
E pe' nce fá accapí qual è ll'errore,
e pe nce fá accapí chi è 'sta mugliera...
mm'aggio purtato appriesso: 'o cusetore,
'o nepote d''a chianchéra,
'o garzone d''o trattore...
ch''a sanno meglio d'isso e meglio 'e me!
II
'O 'nnammurato mio, pe' fá 'o sbruffone,
figlianno 'a sposa, ha fatto nu festino...
E che t'ha fatto nèh...cantante, suone,
balle e sciacquitte, na nuttata sana!
E pe' nce fá accapí qual è ll'errore,
e pe' nce fá accapí chi è 'sta mugliera...
mm'aggio purtato appriesso: 'o 'nzagnatore,
'o figliasto d''a capèra,
Papiluccio 'o cantatore...
ca ognuno 'e lloro tène che cuntá!
III
E mo nce voglio dí: "Mio caro amico,
tu tienatille amice a chist'amice
e nun t''e 'nnimicá, chesto te dico,
ca ognuno 'e lloro te pò fá felice!
Anze, si vuò' fá 'a vita d''o signore,
e vuò' vedé cuntenta 'sta mugliera,
tu miéttete d'accordo cu 'o sartore,
cu 'o nepote d''a chianchèra,
cu 'o garzone d''o trattore...
ca nisciun'ommo è cchiù cuntento 'e te!"
Furnò - E. A. Mario
SERENATA A MARGELLINA
'Ncopp'a ll'onne d''o mare 'sta luna
nu merletto d'argiento mo fa...
na chitarra, na voce luntana,
nonna nonna mme stanno a cantá...
E na vocca ca more 'e passione,
doce,'nzuonno, mme vène a vasá...
Margellina,
Margellina...
dint'a 'sta varca
famme sunná...
vocame vocame
nun mme scetá
II
Doce doce mme portano ll'onne
addó' tutto mme pòzzo scurdá...
Mentre mamma ca veglia stu suonno,
na cuperta cu 'e stelle mme fa...
e na mana da 'o cielo mme stenne
ca sti llacreme vène a asciuttá...
Margellina,
...........
Martucci - Mazzocco
SERENATA A SURRIENTO
Surriento gentile,
suspiro d'ammore,
delizia 'e stu core,
tu si' nu buchè...
Cu 'addore 'e sti sciure,
cu 'e vase 'e stu mare,
'e ccose cchiù care
farrisse scurdá!
Surriento! Surriento!
Só' fatte pe' 'ncantá
stu cielo, sti ciardine,
chest'aria, sti mmarine...
Coro:
só' fatte pe' 'ncantá
stu cielo, sti ciardine,
chest'aria, sti mmarine...
II
Surriento gentile,
parole d'ammore,
stu cielo, stu mare,
suspira pe' te...
Pe' ll'uocchie cianciuse
d''e nnénne ca tiéne,
gelose, 'e Ssirene,
nun cantano cchiù...
.....................
III
Surriento gentile,
ciardino d''e ffate...
'a gente, 'ncantáte,
tu faje rummané!
Chi parte 'a luntano,
te penza scuntento...
e sonna 'o mumento
ca torna addu te...
.....................
SERENATA DISPETTOSA
Comme si fosse 'o primmo appuntamento,
mm'aggio 'ncignato 'o vestetiello 'e lino...
cu 'a cuppulella â sgherra e 'o mandulino,
stasera, 'int'a stu vico, aggi''a cantá
na serenata guappa e dispettosa...
A chi se sposa io ll'aggi''a dedicá:
Sciore amaranto,
te spuse pe' denare 'o sissantenne
ca tene giá nu père ô campusanto...
Vino 'e Terzigno,
'o bello venarrá dimane a notte
quanno te cucche a fianco a chella scigna...
Frunnéll''aruta,
si 'o viecchio arranca 'ncopp'a na sagliuta
tu mánname a chiammá...vengo in aiuto!
II
Mm'aggi'affittato 'o carro 'e Bellumunno,
mettenno, 'int''o tavuto, 'o primmo ammore...
dimane, primma 'e jí 'ncopp'a ll'altare
'int'a stu vico ll'aggi''a fá passá...
e doppo mme ne vaco 'int''a cantina:
mentre te spuse, io mm'aggi''a 'mbriacá!
Sciore amaranto,
................
................
Finalino:
Frunnéll''aruta,
è mezanotte e 'a luna se n'è ghiuta...
con questo mio stornello vi saluto...
Autori?
SERENATA NAPULITANA
Dimme, dimme, a chi pienze assettata
sola sola, addereto a sti llastre?
'Nfacci'ô muro 'e rimpètto, stampata,
veco n'ombra...e chest'ombra si' tu!
Fresca è 'a notte: na luna d'argiento,
saglie 'ncielo e cchiù ghianca addeventa...
e nu sciato, ogne tanto, d''o viento
'mmiez'a st'aria se sente passá...
Ah, che notte, ah, che notte!...
Ma pecché nun t'affacce?
ma pecché, ma pecché mme ne cacce,
Catarí', senza manco parlá?...
Ma ce sta nu destino,
e io ce credo e ce spero...
Catarí', nun è overo,
tu cuntenta nun si'!...
II
Catarí', Catarí', mm'hê lassato...
tutto 'nzieme st'ammore è fernuto,
tutto 'nzieme t'hê scívete a n'ato,
mm'hê 'nchiantato e mm'hê ditto: bonní!
E a chist'ato ca tu mo vuó' bene,
staje penzanno e, scetata, ll'aspiette...
ma chist'ato, stasera, nun vène...
e maje cchiù, t''o ddich'io, venarrá!...
No, nun vène, nun vène...
Ll'aggio visto p''a strada,
cammená, core a core, cu n'ata...
e, redenno, parlavano 'e te...
Tu si' stata traduta...
Tu si' stata lassata...
Tu si' stata 'nchiantata...
pure tu...pure tu!...
Di Giacomo - Costa
SERENATA NAPULITANA
Allèra e sulitaria,
strada 'e Pusilleco,
si' sempe tu!
Tutt''e ccanzone 'e Napule
pe' te ha cantato e canta 'a giuventù!
Viuline ca só' lacreme,
chitarre appassiunate...
Quanta peccate a 'e ffemmene
stu mare ha fatto fá...
Varche a cònnola ogne sera
sott''e ggrotte 'e Marechiaro...
Passa Ammore, ride e va...
mentre se sentono
parole e museca,
ca sulo Napule
sape cantá!...
II
Cchiù bello e malinconico,
mare 'e Pusilleco,
mme pare a me...
quanno tutt'è silenzio,
Napule dorme e, 'nzuonno, penza a te...
Pe' sott''e scoglie vocano
varchette 'e piscatore...
lente e luntane sonano
ll'ore d''a notte giá...
Varche a cònnola ogne sera,
................................
III
Tesoro mio, che palpite
sott'a chist'arbere
pe' te vedé!
Cu 'sta faccella pallida
mo guarde 'a luna e triemme 'mbracci'a me...
Chist'uocchie mieje te chiammano...
"Vita d''a vita mia..."
Languide 'e tuoje rispònnono:
"Dimme che vuó'?...Stó' ccá!..."
Varche a cònnola ogne sera,
................................
SERENATA SMARGIASSA
E cant'i' pure sotto a stu balcone...
Comm'è?! Cantanno vuje, nun s'è affacciata?
Vedimmo si lle faccio 'mpressione,
o perd'i' pure 'o tiempo e 'a serenata!
Ll'avite fatta jí troppo 'nfantasia:
La ronna nun s'ha da trattá cu 'e guante,
s'ha da ammappuciá!
Mo ch'essa sente 'a serenata mia,
- senza squarciuniá -
mi preferisce in mezzi a centi amante!
II
"O ronna ca d''e ffate si' 'a cchiù bella,
se non ti affacci cu stu chiaro 'e luna,
poso 'a chitarra, caccio 'a rivuldella
e ti frezzéo le lastre a una a una!...
E se con questo non ci accaccio niente,
io, pe' nun fá 'a figura del citrulo,
saccio comm'aggi''a fá!
Domani, addó' te 'ncòccio, gentilmente,
- no per esagerá -
ti piazzo in faccia il taglio del rasulo!"
III
Tenete mente! Un lumo e una figura!
Lei mi fa un segno e dice: "Saglie, viene!"
A letto non si sente più sicura...
E i' mo nci saglio perché mi conviene!
Ci vuole la parola convincente
'e ll'ommo ca s'impone cu 'a presenza
pe' farla ricalá!
Ma se cantate appassiunatamente,
játeve a ritirá...
Se poi restate...Buona permanenza!
Jannuzzi - E. A. Mario
SERENATELLA A MARE
Bella è 'a campagna, ma è cchiù bello 'o mare...
stu mare malinconico d''a sera...
A mezanotte, Napule mme pare,
dint'a ll'oscuritá, na fata nera.
Passa na varca, sona na campana,
chiagne na voce 'ncopp''o mandulino...
E io canto: Bella mia ca staje luntana
te voglio bene e nun t''o vvoglio dí!...
II
'Ammore canta, na chitarra sona,
e 'o mare addora, e addorano 'e ciardine...
e io 'nzerro ll'uocchie tanto ca mme stona
st'addore d'erba 'e mare e mandarine...
Passa na varca, sona na campana,
chiagne na voce 'ncopp''o mandulino...
E io canto: bella mia ca staje luntana,
te voglio bene e nun t''o vvoglio dí!...
III
E voca voca! 'A varca s'avvicina...
Tremma na mana 'a rèto a nu balcone...
'A pace è fatta!...I' 'a veco...E' Carulina!
E tutt''o munno pare na canzone!
E sona allèra allèra, na campana...
e siente comm'è doce 'o mandulino...
no, nénna bella mia...nun sta luntana:
e io 'a voglio bene e mo nce 'o vvoglio dí!
Bovio - Valente
SERENATELLA NERA
Sulagna è 'a strata, sulagno è 'o core...
e st'uocchie chiágnere, nun pònno cchiù...
'O cielo è niro...tutt'è dulore:
A 'sta fenesta nce manche tu!
Ah, si putisse 'ntènnere,
core ca nun mme siente,
'o strazio 'e sti lamiente
ca ll'anema te dá...
te sentarrisse smovere
tutt''a cumpassione,
pe' chesta passione
ca disperá mme fa!...
II
Da 'o core amaro, p''o cielo niro,
vanno 'e suspire, penzanno a te...
P''a via sulagna, tristo e sperduto,
resto speruto de te vedé!...
Ah! Si putesse, st'ánema,
ca nun vede cchiù bene,
cunziderá li ppene
ca 'o core tujo mme dá...
se sentarría cummòvere
pe' chesta passione
ca disperá mme fa...
III
Tu nun mme siente...'mmiez'a 'sta via
mme rieste a sbattere, sulo, accussí...
Ma tutt''e nnotte, st'ánema mia,
cu nu suspiro, t''o vvène a dí:
Te voglio bene! E st'ánema
ca nun t'ha fatto niente,
'o strazio 'e sti lamiente,
cu 'o sango sujo te dá,
speranno 'e te cummòvere
pe' chesta passione
ca disperá mme fa...
Ferd. Russo - Di Capua - Gambardella
SERENATELLA SCIUE' SCIUE'

Ha ditto 'o core mio: "Fa' 'o tentativo...
a mezanotte va' sott''o barcone:
chella ll'ha fatto sulo pe' currivo
e se fa 'ntennerí cu na canzone..."
E i' só' turnato ccá,
e i' só' turnato ccá,
cu 'sta chitarra mia pe' t''a cantá!...
Ma 'sta serenatella
ca i' porto a te...
è na serenatella
sciué sciué...
Pecché, si nun mme siente,
io resto indifferente...
'a mille vocche ardente
mme voglio fá vasá!...
Perciò 'sta canzuncella
ca i' porto a te...
è na serenatella
sciué sciué...
II
Tu nun mm'hê dato pace nu mumento
e mme ll'hê fatta perdere 'a pacienza...
Si mo, cantanno, metto 'o sentimento,
'o ffaccio cchiù pe' scrupolo 'e cuscienza!
'O core ha ditto: "Va'..."
'O core ha ditto: "Va'..."
e nun mme só' pututo rifiutá...
Ma 'sta serenatella
...................
De Mura - Albano
SERENATELLA A NA CUMPAGNA 'E SCOLA

Serenatella a na cumpagna 'e scola,
ca se chiammava...'o nomme no, nun mm''o ricordo...
Tropp'anne só' passate, 'o tiempo vola...
e mo só' tante ca mme stanco d''e ccuntá!
Ma, comme fosse ajere, a me mme pare d''a vedé
a 'o stesso banco, proprio a fianco a me...
Serenatella a na cumpagna 'e scola
ca si 'a guardavo, giá tremmavo, comm' a che!...
Vita, vita sbagliata!
ch'aggiu perduto...
ch'aggiu lassato...
Ma che ce penzo a fá?
Va' trova, mo, addó' sta
chella felicitá
ca mme puteva accumpagná!
II
Cchiù tiempo passa e cchiù mme vène a mente
e, cchiù 'e na vota, sento 'a voce ca mme dice:
"Comm'è che allora nun capiste niente?!
Io te vulevo tantu bene, cride a me!..."
"E i' pure - lle risponno - te vulevo bene a te,
pecché nun ce capèttemo pecché?!"
Cchiù tiempo passa e cchiù mme vène a mente...
ma 'o nomme...niente, nun mm''o pòzzo arricurdá!
Vita, vita sbagliata...
ecc...ecc...
Serenatella a na cumpagna 'e scola
ca...mme ricordo...se chiammava: "Giuventù!"
Galdieri - Bonavolontá
SERENATONA
E só' duicientotrenta manduline,
ciento chitarre e uttanta contrabbasse...
E sóngo tutte prufessure fine...
cu 'a cravattella janca e 'o fracchesciasso,
sonano piezze d'opera,
fòcchese-trotte, e museca
d'ogne paese e d'ogne qualitá...
I' nun saccio suná,
ma saccio cummanná
comm''e maeste d''o Cafè sciantá!
E tengo, pe' bacchetta, 'o scurriato...
pecché Mascagni, quann'è direttore,
mme pare nu cucchiere ammartenato...
E i' pe' fá cchiù rummore,
mme metto a scassiá...
Arri! Arri! A'...
Musicaaaa!
II
E nun bastava sulo nu tenore:
n'aggio pigliate quase na ventina!
Trenta soprane ca se fanno onore:
tutte cu 'a voce avvellutata e fina!...
E quinnece baritone
ca, quanno 'a vócca arápeno,
'O "quattucientovinto" nun ce pò!
I' nun saccio cantá
ma saccio cummanná..
Dico: "Pigliáte 'o MMI, mettite 'o LLA"
E allazzo ogne tantillo na jastemma
pecché Mugnone ha ditto: "'O direttore,
si nun ghiastemma e tene troppa flemma,
nun se fa troppo onore,
né se fa rispettá..."
Ah, mannaggia chi...
Musicaaaa!
III
No, chesta nun è comm'a tutte ll'ate!
chesta s'ha da chiammá serenatona.
Che faje? Serenatelle e serenate?
Na vota ca ll'hê 'a fá, meglio una e bona!
Se jenche tutt''o vicolo,
se sceta tutta Napule...
e 'o dorge amore 'e capa se ne va...
Tutta Napule, embè,
stasera ha da sapé
ca i' voglio bene a chi vo bene a me!
Pe' dí ch'essa è 'a cchiù bella 'e tutte ll'ate,
ll'aggio 'mparato a coro 'a guagliunera
ca va facenno 'a clacche p''e triate...
Stu coro 'a fa stá allera,
stu coro 'a fa scetá...
Jammo, jammo, ja'...
Musicaaaaa!...
E. A. Mario
SETTEMBRE CU ME
Alba 'e settembre...
Sole 'int'a ll'ombra...
Na rundinella, partenno,
ha scritto p''o cielo: "Addio..."
E mo,
ca mme dice "Addio" pure tu,
parte tutt''o munno cu te...
sulo settembre resta cu me...
E mo,
tutt''e ccose belle, che só'?
Niente, nun só' niente pecché
sulo settembre resta cu me...
Notte prufumate 'e suonne
sott''o chiaro 'e luna,
passáte cu te...
Spiagge, ricamate 'e mare,
sott''o cielo d'oro
cu te: "Addio"...
E mo...
ca mme dice: "Addio" pure tu,
perdo tutt''o munno cu te;
sulo settembre resta cu me
Finale:
Settembre...
Sulo settembre resta cu me!
Fiore - Vian
SFURTUNATELLA
Sfurtunatella mia, sfurtunatella,
si' sfurtunata assaje 'ncopp'a 'sta terra...
Cantava pe' n'ammore 'sta vucchella...
po', chill'ammore, se ne jètte 'nguerra...
e nun turnaje maje cchiù stu surdatiello...
Sfurtunatella, sfurtunatella...
stu core tujo nun vò' carrozze e ville...
fa 'ammore 'ncopp''e scelle 'e n'angiulillo....
Ma 'ncielo io veco, oje né', na brutta stella...
sarrá destino ch'hê 'a murí zetella...
Sfurtunatella...
II
Io saccio tutto 'e te, core 'nnucente..
cunosco 'a casa addó' tu chiagne assaje,
te trattano accussí malvagiamente
'a quanno papá tujo t'abbandunaje...
'a quanno tiene 'ncore stu turmiento...
...............................
III
Ajere ô juorno, fore â Parrucchièlla,
stive fermata pe' vedé a na sposa...
Primma cacciaste quacche lacremèlla,
po' 'sta faccélla 'e chianto s'era 'nfosa,
meraviglianno 'e spuse e 'e ccummarelle...
...............................
Finale:
Sfurtunatella, sfurtunatella,
cchiù sfurtunata si' d''a sartulella,
cchiù sfurtunata assaje d''a cafuncèlla...
'ncielo ce sta, pe' te, na brutta stella:
Sarrá destino ch'hê 'a murí zetèlla...
Sfurtunatella!...
Autori?
SI PUTESSE CAGNARME STU CORE

Si putesse cagnarme stu core
cchiù felice campasse cu te.
Sbatte troppo de bene st'ammore
te n'abuse...e cunosco 'o ppecché.
Pecché tutt''e capricce ca faje,
tuttuquante t''e ffaccio passá...
e si doppo, nu vaso mme daje,
t''assicuro, mm''o faje suspirá!
Ah - ah - ah - ah - ah.....
putesse stu core cagnarme Nenné'...
Ah - ah - ah - ah - ah.....
campasse felice pe' sempe cu te.
II
Pe' vasarte 'sta vocca 'e cerasa,
troppi vvote te ll'aggi''a cercá!
Ma si nun t''e ccercasse sti vase,
forse tu te facisse vasá.
Si te dico ca te voglio bene,
sbuffe e dice ca nun mme ne vuó'...
ma si nun t''addimmanno...che pene!
pienze sulo ca mme ne vuó' tu.
Ah - ah - ah - ah - ah.....
...........................
III
Quanno puorte na vesta scullata
e te dico ca nun ll'hê 'a purtá
mme rispunne: "Mo esco spugliata
si te cride 'e puté cummanná!"
E pe' sfótterme, a me puveriello,
'nfin'ô cuollo te vieste accussí
ca mme pare na máneca 'e 'mbrello...
E che scuorno mme metto d'ascí!...
Ah - ah - ah - ah - ah.....
...........................
Peppino De Filippo
SI TU NENNA MM'AMAVE N'AUTR'ANNO

Si tu, nenna, mm'amave n'autr'anno
quanta cose avive da me...
Mo che saccio ca tutte te sanno,
statte bona e governate!
Le cauzette de lana de Spagna
avéa fatto venire pe' te...
Ma scoperta ch'aggio la magagna...
Statte bona e governate!
Chill'acciso e 'mpesillo d'ammore,
ogne ghiuorno mme parla de te...
Ma tu tiene giá fauzo lo core...
La matina, lo juorno, la sera,
promettiste de stare co' me...
Ma tu si' na votabannèra...
SI TUORNE A NAPULE
Si tuorne a Napule,
ammore mio,
nun sarrá inutile
tutto stu bbene...
Tu nun saje
comm'io ll'aggio aspettata
'a speranza 'e te vedé
pe' n'ata vota...
Si tuorne a Napule,
ammore mio,
dimme ca tuorne
sulo pe' me...
Io nun campo cchiù,
si nun tuorne tu...
Ammore...
si nun tuorne tu...
II
..............
..............
Tu nun saje
comm'io ll'aggio aspettata
'a speranza 'e te vedé
pe' n'ata vota...
Si tuorne a Napule,
ammore mio,
dimme ca tuorne
sulo pe' me...
Io nun campo cchiù,
si nun tuorne tu...
Ammore...
si nun tuorne tu...
Ammore...
si nun tuorne tu...
Furnò - Nardella
SI' BELLA E TE N'AVANTE

Che mm'hê traduto mo nun mme ne 'mporta,
nun mme si' niente...mme si' 'nnammurata...
Povero a me si t'avarría spusata:
che scuorno avisse miso 'nfacci'a me.
Tiene stampato 'nfronte: Tradimento...
ma nun tremmá...ca nun te faccio niente!
A 'e vvote, pe' na femmena,
se perde pure 'a vita e 'a libertá
Ma tu, pe' me, si' ll'urdema d''e ffemmene...
Stu core te saluta e se ne va.
II
Si' bella e te ne avante 'e 'sta bellezza...
'nfacci'a n'amico mio diciste ajére:
"Pe' me, ca só' nu tipo furastiero,
mm'aggio scigliuto n'ommo degno 'e me"
Si nun tenesse â casa a mamma sola,
t''a faciarría pavá chesta parola...
...........................
III
Però te voglio fá n'avvertimento:
"Cagna quartiere, nun mme stá vicino,
pecché na sera 'e chesta, fatto a vino,
te 'ncontro...e mm'arricordo tu chi si'...
E quanno mm'ha pigliato 'a frennesía,
perdo 'a ragione...e chiagne mamma mia..."
se perde pure 'a vita e 'a libertá!
No...no...pe' me si' ll'urdema d''e ffemmene...
Io nun 'a faccio chiagnere a mammá!...
Pisano - Cioffi
SIENTE, MARI'
Si chistu core mio te parla 'e bene
nun 'o sentí pecché te pò 'nganná...
Si dint'a st'uocchie mieje nce liegge 'e ppene,
só' sempe 'e stesse pene 'e n'anno fa!...
Siente, Marí',
stu core mio nun te vò' bene a te!
Si parla nun 'o sentere...
si giura nun 'o credere...
si chiagne fallo chiagnere,
Marí'!
Pecché tutte sti llacreme
nun só' pe' te,
Marí'!
II
Si vide ca nu juorno mm'alluntano,
tu nun suffrí, ca io nun só' degno 'e te!...
Parto pe' nu paese 'o cchiù stramano,
addó' nisciuno sape niente 'e me!
Siente, Marí',
..................................
III
E' 'o mmale ca nce attira e nce 'ncatena!
Povero a me ca 'ncatenato stó'!
Tu ca n'hê avuto pena 'e chesta pena,
lássame sulo e sálvate si può!
Siente, Marí',
.................................
B. U. Netti - N. Valente
SIGNORNO'
Signor Tenente...
vuje ca tenite duje filette 'argiento
e site ammartenato ed elegante,
cu Rosa mia nun ne cacciate niente,
cu tutto ca facite 'o spasimante...
V''avite fatto malamente 'o cunto:
Rosa vo' bene a me!
Rosa vo' bene a me!
Só' suldato e mme truvate
sempe pronto a v'ubbidí...
Quanno vuje mme cummannate,
ve rispóngo: "Signorsí!"
Ma quanno, 'a Rosa mia, cercáte 'ammore,
- 'o core 'e Rosa nun è militare -
e siccome nun ve vò',
ve risponne: "Signornò!"
II
Signor Tenente...
Vuje lle screvite lettere ogne tanto,
ca nun durmite pe' n'ammore ardente...
Invece io stóngo allero, rido e canto...
'a notte dormo sapuritamente...
e po' mme sceto comm'a nu rignante...
Mo ve spiegh'io pecché:
Rosa, è fedele a me!...
Só' suldato? Ma scusate
nun só' masculo pur'i'?!
Quanno vuje mme cunzignate
dico sempe: "Signorsí!"
........................................
III
Signor Tenente...
Facimmo finta ca pe' nu mumento
io nun só' cchiù suldato e vuje tenente:
Mm'avit'a dí se c'è un regolamento
ca n'ufficiale, delicatamente,
se spassa a corteggiare la mia amante?!
Questo vorrei sapé',
questo, signor tenè'!...
Só' suldato e mme truvate,
pe' cumbattere e murí,
sempe pronto..."Cummannate...
Per l'Italia?...Signorsí!"
........................................
Pisano - Falvo
SILENZIO CANTATORE
Zitta,
stanotte nun dicere niente:
cádeme 'mbraccia, ma senza parlá...
Dòrmono 'e ccose nu suonno lucente,
nu suonno 'e na notte d'está.
Marí',
dint''o silenzio,
- silenzio cantatore -
nun te dico parole d'ammore,
ma t''e ddice stu mare pe' me!...
II
Dimme:
stanotte si' tutta d''a mia?
Ll'uocchie tuoje belle
mme diceno 'e sí...
No, cu 'sta luna, nisciuna bucía
sta vócca buciarda pò ddí!...
Marí',
..............
Bovio - Lama
SIMMO 'E NAPULE PAISA'

Tarantella, facennoce 'e cunte,
nun vale cchiù a niente
'o ppassato a penzá...
Quanno nun ce stanno 'e tramme,
na carrozza è sempe pronta
n'ata a ll'angolo sta giá:
Caccia oje nénna 'o crespo giallo,
miette 'a vesta cchiù carella,
(...cu na rosa 'int''e capille,
saje che 'mmidia 'ncuoll' a me...)
Tarantella, facènnoce 'e cunte,
nun vale cchiù a niente
"'o ppeccomme e 'o ppecché..."
Basta ca ce sta 'o sole,
ca c'è rimasto 'o mare,
na nénna a core a core,
na canzone pe' cantá...
Chi ha avuto, ha avuto, ha avuto...
chi ha dato, ha dato, ha dato...
scurdámmoce 'o ppassato,
simmo 'e Napule paisá!...
II
Tarantella, stu munno è na rota:
chi saglie 'a sagliuta,
chi sta pe' cadé!
Dice buono 'o mutto antico:
Ccá se scontano 'e peccate...
ogge a te...dimane a me!
Io, nu poco fatto a vino,
penzo ô mmale e penzo ô bbene...
ma 'sta vocca curallina
cerca 'a mia pe' s''a vasá!
Tarantella, si 'o munno è na rota,
pigliammo 'o minuto
che sta pe' passá...
........................
III
Tarantella, 'o cucchiere è n'amico:
Nun 'ngarra cchiù 'o vico
addó mm'ha da purtá...
Mo redenno e mo cantanno,
s'è scurdato 'o coprifuoco,
vò' surtanto cammená...
Quanno sta a Santa Lucia,
"Signurí', - nce dice a nuje -
ccá nce steva 'a casa mia,
só' rimasto surtant'i'..."
E chiagnenno, chiagnenno, s'avvía...
...ma po', 'a nustalgía,
fa priesto a ferní...
........................
Fiorelli - Valente
SO' TURNATO CU TE
Marí'...
Só' turnato cu te!
E tu,
si' turnata cu me...
Comm'a quanno vulive
cu me sempe campá,
comm'a quanno dicive:
Sulo a te voglio amá...
Ca si' turnata cu me,
tutta Napule ll'ha da sapé...
ca 'nziem'a me vuó' restá,
tutta Napule ll'ha da appurá:
P''e llogge e pe' tutt''e ciardine,
'sta nutizia facimmo vulá...
pecché è na canzone d'ammore
ca pure ll'aucielle,
Marí', hann''a cantá.
II
Marí'...
Tutt''a vita cu te.
Marí' sempe 'nzieme cu me.
Pe' guderce 'o calore
'e 'sta felicitá...
Pe' guderce ll'ammore
ca stu bbene ce dá!
Ca si' turnata cu me,
.....................
Peppino De Filippo
SONA CHITARRA
Serenatella sentimentale,
cu 'o ppoco 'e luna ca vò' sentí...
Sceta a chi dorme, scòrdate 'o mmale,
torna a fá pace, ch'aggio tuort'i'!
Sòna, chitarra, sòna...
t'è rummása una corda:
Si pur'essa se scorda,
fernisce 'e suná.
II
"Abbrile, abbrile, dorge dormire!"
Ma nénna dorme n'eternitá;
Ca mm''a scetassero mille suspire
dint'a 'sta bella notte d'está!
.......................
III
Si tu nu juorno mme lasse e 'nchiante,
si' ciento vote cchiù forte 'e me!
Io só' fedele, sincero, amante...
no, nun só' ll'ommo ca fa pe' te!
.......................
Bovio - De Curtis
SORA MIA
Sora mia 'nzerra 'sta porta,
mena 'a chiave a 'o catenaccio...
E a chi spia: "S'è ritirato?..."
tu rispunne : "Io nun 'o ssaccio"
Ma si vène na figliola
pe' sapé si sóngo asciuto,
nn'arapí...ma, sottavoce, dille:
"Frátemo è partuto!...
S'è 'mbarcato cu nu legno
mercantile, bella né'...
Se n'è ghiuto fore regno
pe' nun sentere cchiù a te..."
II
Sora mia, sento nu passo
ca s'accosta chianu chiano...
'nfacci'ê llastre d''o telaro
veco 'e stennerse na mano...
'A vi' lloco...sento 'a voce...
Sora mia, si mme vuó' bene,
dille: "Hê fatto troppo tarde:
se só' sciòvete 'e ccatene...
S'è 'mbarcato...
................
III
Ma tu chiagne? E pecché chiagne?!
Pecché a me mme tremma 'a voce?
Sora mia fatte curaggio
ca, pe' me, stu chianto è doce...
No io nun parto pecché saccio
che vò' dí ll'ammore 'e sora...
Ma tu 'o ddice sulo a chella.
si venesse, ch'io stó' fore...
S'è 'mbarcato...
................
Galdieri - De Curtis
SOTT''E CCANCELLE
(Dall'interno)
"Oje figlie 'e mamma,
ca nu destino niro ha cundannate,
dint''e ccancelle site tutte frate!"
I
- Sí, mme ne vaco...v'ubbidisco...'o ssaccio...
sott''e ccancelle nun se pò cantá...
ma v'assicuro, niente 'e male faccio,
ll'urdema vota 'o voglio salutá
Nu preputente, 'e me abusá vuleva
Isso ll'acciso ca mm'apparteneva...-
(S'ode uno strepitío prodotto dal legno
contro il ferro; è la regolamentare
visita notturna).
"Oje secundino
ca staje passanno 'a visita, dincello
ca stó' ccá sotto, a stu carceratiello!"
II
Da 'a casa soja 'a mamma mm'ha cacciato...
cchiù nun mme vo' 'a famiglia mia vedé...
E sola i' mo, cu 'a croce 'e nu peccato,
chisá a qua' parte putarría cadé!
Ma nun mme coglie, no, 'sta mala sciorte...
Pecché...pecché io corro 'mbracci'â morte!
"Che notte fredda!
Carceratiello...e tu dint'a stu lietto
nun truvarraje calore, né arricietto..."
III
Addio, addio! E' ll'urdemo saluto
ca Dio, pe' grazia, t'ha da fá arrivá...
Cunfòrtate a saperme 'int''o tavuto
ca viva dint''o fango a 'nfracetá.
E prejo a vuje ca nu sullievo 'o date,
cumpagne d''a sfurtuna, oje carcerate!
"Tu mme vuó' bene...
E pe' stu bbene io voglio campá ancora...
Giustizia i' cerco...e ha da vení chell'ora!"
(Nel mentre la musica esegue, a solo, il motivo
dello stornello, l'artista dimostra di lottare
fra due dei suoi intimi propositi: Quello di
troncare i propri giorni e quello di vivere;
prevalendo questo, lancia l'arma lontano).
Tetamo - Nicolò
SPATELLA 'ARGIENTO
Tu mm'hê ditto ca 'int''e capille,
ca só' d'ebano, anèlle, anèlle...
porta spisso mo na spatella,
pe' mme pógnere 'o core a me!
'O core a me!
A che serve 'sta buscía?
Sacc'io 'o ppecché!
Sarrá meglio si cagne via...
sarrá meglio pe te e pe' me!
Si ce ll'hê dato tu chella spatella,
fattella riturná, nun fá cchiù 'o bbello
o, quacche ghiuorno, 'a frennesia mme piglia...
e quel gingillo pò serví pe' te!
Io, perciò te cunziglio oje ni':
quella donna lássala stá!
"Spatélla 'argiento"...vò' bene a me...
"Spatélla 'argiento"...nun è femmena pe' te!
II
Nun è overo - mm'ha ditto 'a gente -
dint''e ricce nun porta niente!
Chella...sulo si 'o vede e 'o sente,
chiagne e prega, penzanno a te!
Penzanno a te!
Si t'è cara 'a casa e 'a vita,
lássala stá!
Anze, porta nu core 'e vuto
â Madonna...pe' te e pe' me!...
Si ce ll'hê dato tu chella spatélla,
....................................
Finale:
Spatélla 'argiento, vò' bene a me!!!
Albano - Vento - Moscarella
SPUSALIZIO 'E MARENARO

'Nnammuratella mia, 'nnammuratella...
si overo nun te fide cchiù 'e aspettá,
io só' nu marenaro puveriello,
ma tengo tutto pronto pe' spusá...
Ah - ah...
E' pronta 'a casa: Na varca 'e marenare
cu na lampara a prora...
Coro: Cu na lampara a prora...
Pe' velo 'e sposa na rezza 'e piscatore,
'ntessuta 'e stelle 'e mare...
Coro: 'Ntessuta 'e stelle 'e mare...
'O spusalizio: abbascio Marechiaro,
sotto 'a fenesta celebre 'e ll'ammore.
Pe' cunfiette tengo 'e vvongole 'e Pusilleco,
pe' "dessert" taratùfole e tunnínole...
e pe' sciampagna ce sta ll'acqua 'e mare...
Coro: E pe' sciampagna ce sta ll'acqua 'e mare...
II
'Nnammuratella mia, 'nnammuratella...
chesta è 'a nuttata adatta pe' spusá,
aggiu 'mmitato centenare 'e stelle...
e 'a luna n'attenzione certo fa...
Ah - ah...
E' pronta 'a casa: na varca 'e marenare
.......................................
Autori?
STATTE VICINO A ME
'O bbene, si è sincero,
è troppo amaro
quanno se perde.
Primma ch'è troppo tarde
te ll'aggi''a fá capí...
Statte vicino a me
pe' n'ata sera,
tu nun 'o ppuó' sapé
comme si' cara.
Accarezzame
comm''o cielo accarezza 'a luna,
accarezzame comm''o mare
accarezza 'a rena,
famme addurmí...
Comme te ll'aggi''a dí:
"Te voglio bene..."
Comme te ll'aggi''a dí:
"Nun mme lassá!"
'O penziero ca perdo a te
comme fa paura...
Statte vicino a me
pe' n'ata sera!....
II
Suspírame abbracciata
comm'a na vota:
"Si' 'a vita mia!"
Si pure è na buscía,
vale na veritá...
Statte vicino a me...
.....................
Baratta - Ciervo - Delle Grotte
STRADA 'NFOSA
Mme dice:
"Nun só' fatta pe' te..."
E t'annascunne 'a faccia,
pecché?
'Sta lacrema lucente che vò'?...
'Mmiez'a na strada 'nfosa,
ce simmo ditte: Addio...
Sola, pe' n'ata via,
te veco partí...
chiagnenno, mm'hê vasato...
e io, ca mme ne moro,
te lasso partí!
Pecché,
tu vuó' restá, ma te ne vaje?
Pecché,
te voglio bene e dico: Va'?...
sulo, comm'a na vota... ,
sulo, cu stu destino
ca mo vò' accussí...
II
Pecché,
mm'hê ditto addio,
pecché?
Na vota ire felice cu me...
e mo nun ce capimmo cchiù...
..........................
Finale:
Sulo cu stu destino,
ca mo, vò' accussí...
D. Modugno
STU VINO CHE TE FA

Stasera certamente mme 'mbriaco
e doppo torno ccá, dint'a stu vico...
Pe' mezzo che mm'hê fatto chellu ppoco,
te sparo 'nfronte...e doppo mme ne vaco:
Te faccio, 'mmiez'a ll'uocchie, 'o terzo buco!
Vino d''e llogge,
stóngo cu 'o sango a ll'uocchie e si mm'arraggio,
stasera, pò ferní pure cchiù peggio!
Vino 'e Cafurchio,
io ca nun sóngo certamente pirchio,
te sparo n'ata palla p''o ssupierchio!
II
Ma comme, a st'ommo ccá che t'ha arreccuto,
tu lo "cofecchi" cu nu disperato?!
T''a 'ntiénne cu nu viecchio tagliaprete
che, a stiento a stiento, tira 'nnanze 'a vita!
T'aggi''a spará...si' 'a primma galiota!
Vino di scarto,
stasera, 'int'a stu vico stritto e curto,
state sicuri ca nci scappa il morto!...
Vino accimmato,
sóngo stato da te troppo traruto...
e mo, mme sento un piècuro nel prato!
III
Mm'aggio fatto tre fiasche d''o Tterzigno
pe' mme 'mbriacá, p'addeventá carogna
e pe' te fá spigná nu bellu pigno...
Ma chestu vino, amabbele e sanguegno,
mm'ha fatto doce comm''o ppane 'e Spagna...
Vino sincero,
stu vino veramente bello e caro,
è stato cacchio 'e mme cagná 'e penziere!
Vino speciale,
mme só' calmato...e alla donnaccia vile,
io certamente nun ce faccio 'o mmale!
Lacrema 'e Cristo...
Ormaje, cu tico, ho fatto punto e basta:
Mo vaco appriesso a sòreta 'a maesta!
A. Palomba - L. Bifulco
SUONNE SUNNATE
Suonne sunnate
p''e vvie sulitarie 'e Capemonte!...
'Nterra assettate
quanta vase ca ce simmo date 'nfronte!
Che sentimento!
Nce pienze cchiù Carmé'? Te vène a mente?
Suonne sunnate
Carmela, Carmè'...
Io che vulesse fá
pe' te vedé turná,
n'ata vota, addu me!
II
Frónne sfrunnate
da 'e primme viente 'e vierno 'mmiez'ê vvie...
E, scarpesate,
facevano rummore comm'a spie...
e te tremmava
'sta mana bella che mm'accarezzava...
Frónne sfrunnate
da 'e primme viente 'e vierno 'mmiez'ê vvie!
Carmela, Carmè...
.................
III
Ammore amato
p''e vvie sulitarie 'e Capemonte...
Nce só' turnato
ma pure 'e ppiante mm'hanno letto 'nfronte
ca mm'hê traduto,
ca tutt'ammore nuosto è giá fernuto...
Ammore amato
Carmela, Carmè'...
..................
Rainone - Capolongo
SUONNO 'E FANTASIA

Ce sta na casarella 'mmiez'ô mare
addó' mme sonno sempe 'e stá cu te!
Ce passano, cantanno, 'e marenare...
e ll'aria fresca, addora comm'a che!
Dint'a 'sta casarella,
te vularría purtá...
pe' t'abbracciá,
pe' te vasá...
pe' t'abbracciá,
pe' te vasá...
Ma chistu suonno d'oro,
è suonno 'e fantasia,
ca mme turmenta sempe 'a vita mia.
II
Ce sta na muntagnella tutta verde:
'o sole nasce e more sempe llá...
'Ammore, 'mmiez'ê ffronne, ce se perde,
e i' ce perdesse 'a vita pe' t'amá!
'Ncopp'a 'sta muntagnella,
te vularría purtá...
....................
III
Ce sta nu core ca suspira sempe
e ca nun trova pace maje pe' te!
Ce stó' piantanno rose 'e tutte tiempe...
e sempe spine násceno pe' me!
'Ncopp'a stu core mio,
te vularría fá stá...
.....................
Genise - Capolongo
SUONNO A MARECHIARO
E veco 'o stesso mare tale e quale,
'a stessa luna 'e perla 'mmiez'ô cielo...
ll'eterna fenestella sola sola,
e tanta luce dint''a notte blu...
Ammore...Ammore,
pòrtame, stasera,
'ncopp'a ll'onne chiare
'e Marechiaro...
Dint''e vase damme 'a vita...
Tutt''a vita mm'hê 'a fá sunná!...
A Marechiaro,
suonno 'e stu core,
a Marechiaro, stasera,
io torno ancora a suspirá...
II
E dimme ancora appassiunatamente:
"Te voglio bene tanto...tanto...tanto...
Dint'a stu core mio tengo li ppónte
e sulamente tu mm''e ppuó' levá!..."
Ammore...Ammore,
................
Finalino:
A Marechiaro...
famme sunná!
Fiore - Vian
SUONNO D'AMMORE
Cade na fronna,
suspira na vela che va...
Tremma cu ll'onna
giá ll'urdemo sole d'está!
Quanta tristezza, stasera,
scenne cu st'ombra addu me!
Suonno d'ammore
ca 'nzuonno mme faje suspirá!...
Cerca stu core
'e ccose perdute pe' campá.
Passione amata,
pecché mme faje danná?
Nun pienze ca 'o bbene 'e 'sta vita,
"suonno d'ammore..." si' tu.
II
Spontano 'e ffronne,
na vela se vede 'e turná....
Porta, cu ll'onne,
giá 'o primmo saluto d'está.
Forse tu pure, stasera,
tuorne cu st'ombra addu me!
.....................
.....................
Passione amata,
te voglio pe' campá...
pecché tutt''o bbene 'e 'sta vita,
"suonno d'ammore..." si' tu!...
Mangieri
SURDATE
'O tenente mm'ha 'ncucciato
cu ll'uocchie 'e chianto e cu 'a chitarra 'mmano,
e mm' ha ditto accussí: "Napulitano,
ccá nun hê 'a fá 'o tenore: hê 'a fá 'o surdato!"
Ll'aggio ditto accussí: "Signor tenente,
mannáteme 'mprigione, nun fa niente...
Penzo a 'o paese mio ca sta luntano:
e só' Napulitano...
e, si nun canto, i' moro!"
II
'O tenente ha suspirato:
"Napule è bella assaje, Napule è bella!
Napulitá', pur' io só' 'nnammurato,
cántala zittu zitto 'a canzuncella..."
Ll'aggiu ditto accussí: "Signor tenente,
cantáte pure vuje ca nun fa niente...
Penzo a 'o paese mio ca sta luntano:
e só' Napulitano...
e, si nun canto, i' moro!"
III
Trase e luce 'a luna d'oro
pe' fá lucente e d'oro 'a cammarata
Tutt''e cumpagne mieje, dint''a nuttata,
chiagnenno 'nziem'a me, cantano a coro.
E i' ca dico accussí: "Signor tenente
Jammo a ferní in prigione? Nun fa niente...
Chillo, 'o paese nuosto, sta luntano...
e chi è Napulitano,
o canta, o sonna, o more!"
Bovio - Nardella
SURRIENTO D''E 'NNAMMURATE

Loggia 'e Surriento...
tu, 'nnanz'ô specchio 'e stu mare,
na gran signora
ca se 'ntulètta mme pare.
Aria 'e Surriento,
saglie da 'e vville addurose!
Ca vònno, 'e spose,
'e sciure 'arancio addurá...
Surriento, Surriento, Surriento
d''e 'nnammurate...
Te saccio p''e bbracce abbracciate
cu 'a felicitá...
Te sanno 'e nnuttate d'argiento
d''e sserenate,
Surriento d''e vvócche vasate,
d''e mmane astrignute,
pe' ll'eternitá...
II
Cielo 'e Surriento,
purtaje, pe' te, chesta seta,
nu brigantino,
ca jéva 'a ll'India a Gaeta...
Mare 'e Surriento,
addó' truvaje stu culore,
chillu pittore
ca te venette a pittá?...
...............................
Finale:
Te sanno 'e nnuttate d'argiento
d''e sserenate...
d''e 'nnammurate....
Bonagura - Benedetto
SUSPIRANNO
Na fenestella 'e foglie rampicante...
na puntigliosa cu nu musso astrinto...
E nu suspiro mio ch''a vasa 'nfronte:
arape 'a vocca e ce se 'mpizza dinto...
Na fenestella 'e foglie rampicante.
Suspiro mio,
vièneme a dí che fa:
Penza 'e fá pace
o penza 'e mme lassá?
T'aspetto a fianco
ê rrose, addó' saje tu,
e addó' diceva:
"Io nun te lasso cchiù!"
"Io nun te lasso cchiù!"
II
E tècchete 'e rimpetto 'a luna sponta
dicenno: "Bonasera a tuttuquante...
jate a ll'appuntamento ca i' só' pronta,
femmene belle e giuvinotte amante..."
E tècchete 'e rimpetto 'a luna sponta...
Suspiro mio,
............
III
Na fenestella 'e foglie rampicate,
na lácrema caduta 'e pentimento,
e na vucchella e doje manelle pronte,
ca tornano a chiammá ll'antico amante...
Na fenestella 'e foglie rampicante...
Torna 'o suspiro
e dice: "Viene 'a ccá,
ca vò' fá pace
e nun te vò' lassá...
Chella ch'ha ditto
a fianco ê rrose thè:
"E' overo! E' overo...
Io moro senza 'e te,
Io moro senza 'e te!..."
Murolo - Nardella
SUSPIRANNO "MON AMOUR"

Bella, tu si' venuta a stu paese
da 'a Francia, che è paese furastiero...
'Ncopp'a sti scene nun pareva overo,
napulitano, 'e te sentí cantá.
Tu t'avvicine suspiranno: "Mon amour!"
e se 'ncatena stu core mio.
E po' mme dice chianu chiano: "Je vous aime..."
E po', tremmanno, te faje vasá...
E quanno parle tu, pecché mme 'ncante
cu stu ffrancese, ammore mio?
Cu 'e 'mmane 'mmano tu mme dice: "Je t'adore!"
no, nun è suonno ca só' felice...
Ma chesta vócca ca mme dice: "Mon cherie...",
si 'e me se scorda, mme farrá murí...
II
Stu "toi et moi" s'è fatto 'ntussecuso
e ce 'nzurfammo da 'a matina â sera...
dice ca mme vuó' bene e si' sincera...
ma è pe' sti scene ca tu mm'hê 'a lassá...
Tu t'avvicine suspiranno: "Mon amour!"
.....................................
Cesareo - Lombardi
SUSPIRANNO NA CANZONE
Mo lùceno, pe' me, stelle a migliara...
'E stelle cchiù lucente 'e tutt''e ssere...
I' porto nu mistero dint''o core
'mpastato 'e sciure, lacreme e suspire...
Mo lùceno, pe' me, stelle a migliara...
Mme ne vogl'í pe' viche e vecarielle,
suspiranno na canzone
cu 'o mandulino...
S'arápeno feneste e fenestelle
e s'affaccia chi durmeva
a suonno chino...
Chi allucca, chi mme dice: "'A vuó' ferní?!"
"Guaglió'..." "Mannaggia..." "Ccá s'ha da durmí!"
Mme perdunate, amice,
ma v'aggi''a fá sapé
ca i' sóngo assaje felice
e ca nisciuno è cchiù felice 'e me!
Amice, chiaro e tunno
i' mo ve ll'aggi''a dí:
'a femmena cchiù bella 'e tutt''o munno,
mm'ha ditto "sí"!
II
Lle sóngo state attuorno ciento amante...
Ll'hanno fatto vedé, comm''int''e cunte,
palazze d'oro e perle 'e ll'Oriente...
Ca mme vò' bene nun se só' cunvinte...
Lle sóngo state attuorno ciente amante.
Mme ne vogl'í...
...................
...................
Finale
Chi allucca, chi mme dice: "'A vuó' ferní?!"
"Guaglió'..." "Mannaggia..." "Ccá s'ha da durmí!..."
E. De Mura - R. Ruocco
SUSPIRO 'E CAPEMONTE
Mm'aggio sunnato a te
dint'a nu ciardeniello a Capemonte,
addó' nce passa Ammore eternamente
e ll'usignuolo 'mmiez'ê ffronne canta!...
E tu cantave, appassiunatamente,
nu riturnello 'e coppa Capemonte!
Viene a gudé cu me
st'aria 'e ciardine,
Viene a cantá cu me
tutt''e ccanzone...
E quante cchiù ne vuo',
rose e cerase,
io tante te ne dó'
'nzieme cu 'e vase!
II
Vurría campá cu te...
e te vulesse vestere 'e brillante,
ma chistu core nun è possidente...
e 'o core buono è nu sincero amante,
ch'è ricco 'e tanta belli sentimente,
pe' te ca si' 'a cchiù bella 'e Capemonte...
Viene a gudé cu me...
.....................
III
Vurría stá 'mbracci'a te,
a Capemonte, quanno tutt'è pace...
e 'a luna, 'mmiez'ê ffronne, tremma e luce
cu 'a faccia malinconica e felice...
e tu mme suspirasse sottavoce:
"A Capemonte avimmo fatto pace!..."
Viene a gudé cu me...
.....................
Federici - Lama
T'AGGI''A LASSA', MARI'

Quant'anne só' ca nce vulimmo bene?
Tu nun 'o ssaje e i' manco 'o ssaccio cchiù!...
Io saccio sulamente cuntá 'e ppene
pene ca pe' st'ammore mme daje tu!
Che t'aggi''a dí...
Che t'aggi''a dí, Marí'?
Chesta nun è canzone
ca io canto pe' te!
Te voglio bene, sí!...
Te voglio bene, sí!...
E pe' stu bene, crídeme,
t'aggi''a lassá, Marí'!
II
Pe' 'ncatená stu core t'arricuorde?
Quanta prumesse ca mm'hê fatto fá!...
Doje lacreme cucente, nun mm''e scordo...
dint'a chist'uocchie...che sinceritá!
...................
III
Saccio sul'i', pe' te scurdá, stu core
ch'ha da suffrí, pe' stá luntano 'a te!...
Ma pure tu ll'hê 'a chiágnere st'ammore...
quanno mme pierde....e cchiù nun truove a me!
...................
B. U. Netti - Valente
T'AGGIO PERDUTA!
T' aggio perduta! Ma pe' quanta spine
tene 'a curona attuorno a chistu core,
tanta viole, rose, giesummine,
t'hann''a crescere attuorno a tutte ll'ore!
Pe' quanto è gruosso 'o mmale che mm'hê fatto,
pe' tanto 'e bene te n'ha da vení.
T'aggio perduta,'o ssanno tuttuquante,
comm'a chell'onna che da mare vène:
Tocca ll'arena e se torna a arrassá
Tocca ll'arena e se torna a arrassá!
T'aggio perduta! Ma pe' quanta spine
tene 'a curona attuorno a chistu core,
tanta viole, rose, giesummine,
t'hann''a crescere attuorno a tutte ll'ore!
Pe' quanto è gruosso 'o mmale che mm'hê fatto,
pe' tanto 'e bene te n'ha da vení.
T'aggio perduta! 'O ssanno tuttuquante!
comm' a chell'onna che da mare vene:
tocca ll'arena e se torna a arrassá...
T'aggio perduta comm'a nu brillante
che cade 'nterra...e nun se trova cchiù.
...Tocca ll'arena e se torna a arrassá...
T'aggio perduta comm'a nu brillante
che cade 'nterra e nun se trova cchiù...
F. Russo - Gagliardi
T'E' PIACIUTA
Dopo i confetti,
só' asciute 'e difetti...
Caro Giovanni,
mo che ce vuó' fa?
Se riflettevi,
se bene puntavi,
tutte sti guaje
nun stive a passá!
Mo chiagne e te dispiere
e haje voglia d'alluccá:
Ccá nun ce sta 'o divorzio
e tu te ll'hê 'a zucá...
T'è piaciuta?...
T'è piaciuta?...
Tienatella cara cara!
T''a purtaste sull'altare,
sott''o braccio, 'nziem'a te...
Mo te veco afflitto e stanco:
"Sù, coraggio...gué Giuvá'!
Se il mellone è uscito bianco,
tu cu chi t''a vuó' pigliá?!"
II
Ma che sei matto?
Non dormi nel letto!
Dint''a pultrona
tu dormi perché...
Dice che 'a notte,
la sposa è più brutta:
Na capa 'e morte
te pare 'e vedé!
'A dote ch'ha purtato,
nemmeno cchiù ce sta...
Te ll'hê pigliata brutta
e niente sape fá!
T'è piaciuta?
T'è piaciuta?
.............
Capillo - Rendine
TAMMURRIATA A LL'ANTICA
Figliole 'e Capemonte,
cu zuóccole e tammórre...
aunímmoce e abballammo,
ca è festa e 'o tiempo corre...
Ogne ommo cu tre vizie nasce e more:
'O juoco, ll'amicizia e 'o primmo ammore...
Ma, p''e maltrattamente ca mme fa,
d''o primmo ammore mio mm'aggi''a scurdá...
E anduvinate quanno?
Quanno ll'aucielle canosceno 'o ggrano...
quanno na rosa nasce senza spine...
e a Piererotta nun ce só' canzone...
II
Ll'ammore, 'a ccá nu vaso
e 'a llá na rasulata...
Ma po' nu spusalizio...
e doppo na figliata.
Tre vizie tene 'a 'nnammurata mia:
'E cchiacchiere, 'a tuletta e 'a gelusia...
E pe' 'sta gelusia, nun c'è che fá,
lle voglio bene ma ll'aggi''a lassá...
Quanno Natale capita d'austo...
quanno 'o Vesuvio 'a Napule se sposta...
e 'a Grotta Azzurra nun è cchiù celeste...
III
Vintiquatt'ore: 'E core
giá sbáttono abballanno...
Chisá nennélla mia
che spavo sta tiranno...
E cu che sfizio se pò fá ll'ammore,
quanno ce só' cuntrarie 'e genitore...
Io, quanno mamma dice: "Ll'hê 'a lassá..."
rispongo tomo tomo: "'A lasso, oje má'..."
Ma anduvinate quanno?
Ma anduvinate quanno?
Quanno 'o percuoco nasce senza pizzo...
quanno Maria Sufia torna a palazzo...
e 'o Papa esce, pe' Roma, 'int''a carrozza!
E. Murolo - E. A. Mario
TAMMURRIATA AMERICANA
Si nun ce vuó' vení cu 'o carruzzino,
te porto a Piererótta in aeroplano...
Quanno scennimmo 'a cielo, 'int''o frastuono,
'a vócca, no...te mózzeco na mano...
E affitto, pe' fá sentere 'e ccanzone,
n'orchestra 'e Vascio Puorto...americana.
Tammorre e sax,
trummette e benge,
chitarre e gezz...
Na cosa nova,
na cosa fresca
ca tene nomme:
"Mmescafrancesca"
Basta ch'Ammore
ride e se spassa!...
Scétate, scétate,
scétate, scétate,
scetavajasse!
II
Te ll'aggi''a fá gustá cu 'o ppane 'e Spagna,
'e mmulignane e ll'uva d''a vennégna...
Dint''a na bella coppa di sciampagna,
te voglio abbeverá d'acqua zuffrégna...
Pe' via d''a siluetta tu nun magne
e te ne staje scennènno 'nzógna, 'nzógna...
Tammórre e sax...
.................
III
Comm'è sentimentale stu ritorno:
'o cielo è tutto trapuntato 'e perne...
Vásame 'mmócca, sta schiaranno juorno...
ma simmo 'e pastafrolla o simmo 'e carne?
Pe' nu vasillo, nun se perde 'o scuorno...
E pe' ll'ammore nun se va a ll'inferno...
Tammórre e sax...
.................
Bovio - Tagliaferri
TAMMURRIATA D'AUTUNNO
Povero ammore mio, nun tène voce...
povero ammore mio, nun trova pace!...
'A luna luce, ma pe' mme nun luce...
ero felice e nun só' cchiù felice...
povero ammore...t'hanno miso 'ncroce!...
Giá è caduta quacche fronna,
more Estate e trase Autunno...
che ce faccio 'ncopp''o munno
senza 'e te?...
Mamma chiagne ma io nun chiagno...
chistu ccá è nu bruttu segno,
na fattura 'ncuoll'a me...
Che catena, che catena...
tu mme staje tanto luntano...
ma, si 'ncielo sponta 'a luna,
guardo 'ncielo e veco a te...
II
E' n'anno e st'uocchie mieje durmí nun pònno...
miracule, pe' me, nun se ne fanno...
ma, chella vota ca mme scappa a suonno,
tengo paura ca mme sonno a ninno...
Ah, che tristezza quanno 'a notte scenne!
...........................
III
Nuvole voglio 'ncielo a tutte ll'ore,
sempe tempeste voglio 'mmiez'ô mare,
te voglio accumparí, si mme ne moro,
'nnanze a chist'uocchie tuoje, matina e sera...
Ah, quanto t'odio...e quanto mme si' caro...
............................
Bovio - Tagliaferri
TAMMURRIATA NERA
Io nun capisco, ê vvote, che succede...
e chello ca se vede,
nun se crede! nun se crede!
E' nato nu criaturo niro, niro...
e 'a mamma 'o chiamma Giro,
sissignore, 'o chiamma Giro...
Séh! gira e vota, séh...
Séh! vota e gira, séh...
Ca tu 'o chiamme Ciccio o 'Ntuono,
ca tu 'o chiamme Peppe o Giro,
chillo, o fatto, è niro, niro,
niro, niro comm'a che!...
II
'O contano 'e ccummare chist'affare:
"Sti fatte nun só' rare,
se ne contano a migliara!
A 'e vvote basta sulo na guardata,
e 'a femmena è restata,
sott''a botta, 'mpressiunata..."
Séh! na guardata, séh...
Séh! na 'mpressione, séh...
Va' truvanno mo chi è stato
ch'ha cugliuto buono 'o tiro:
chillo, 'o fatto, è niro, niro,
III
Ha ditto 'o parulano: "Embè parlammo,
pecché, si raggiunammo,
chistu fatto nce 'o spiegammo!
Addó' pastíne 'o ggrano, 'o ggrano cresce...
riesce o nun riesce,
sempe è grano chello ch'esce!"
Mé', dillo a mamma, mé'...
Mé', dillo pure a me...
Ca tu 'o chiamme Ciccio o 'Ntuono,
ca tu 'o chiamme Peppe o Giro,
chillo...'o ninno, è niro, niro,
Nicolardi - E. A. Mario
TAMMURRIATA PALAZZOLA
E mme faje stu pizzo a riso,
e mme faje stu pizzo a riso...
bello 'e faccia,
brutto 'e core,
ca te pienze 'e rrepassá...
Ma 'o cafone d''a campagna,
se 'mbriaca 'int''a vennegna...
'sta resata nun arregna:
io te saccio anduviná!
Va', vatté'
va', vatté'
sparágnate 'a sagliuta,
sparágnate 'a sagliuta...
sóngo faccia canusciuta:
fatte 'o cunto â for''e me...
II
Passe e spasse e nun te truove,
passe e spasse e nun te truove...
che mme 'mporta?!
Tiene 'e chiuove?
Justo a me mme vuó' 'nchiuvá?
Ma só' zéngara strafina
songo 'a sora d''a 'mbriana
'nfacci'ô nniro d''a tiana
io te pòzzo janchiá!
Va', vatté'
..........
..........
III
E mme faje chist'uocchie 'e treglia,
e mme faje chist'uocchie 'e treglia...
Nun vaje niente,
miett''a meglia,
tengo ll'asso e tengo 'o rre!
Cacciatore? E po' vedimmo
si t''abbusche 'sta medaglia!
Si si' buono a spará 'a quaglia
o si 'a quaglia spara a te!
Va', vatté'
...........
Russo - Falvo
TARANTELLA D''E VASE

Mme struje nu penziero e comme trase!
E chi mm''o leva nèh, chi mm''andivina?
Chi è stato chillo ch'ha 'mmentato 'e vase?
E comme e quanno, nèh, oje Carulina?
Ma chella mme risponne cu na risa:
'E vase 'e vvoglio, nèh, sera e matina...
Sera e matina?
E sí!
Sera e matina?
E giá!
Oje né' t''o voglio dá
stu core comm''o vuó'...
Sera e matina?
E sí!
Sera e matina?
E giá!
Oje né' t''o voglio dá
stu core comm''o vuó'...
II
'E vase ca se danno 'e 'nnammurate,
che sentimento, nèh, che cosa fina!
E dimme, quanta vase se só' date
da 'o primmo vaso, nèh, oje Carulina?
Ma chella mme risponne cu 'a resata...
Cu 'o sentimento, nèh, sera e matina...
Sera e matina?
..............
III
Nu vaso è 'a primma tappa ca fa 'Ammore
e doppo 'e chillo, nèh, comme cammina?...
E chi fuje chillo ca 'mmentaje 'ammore
e comm'e quanno, nèh, oje Carulina?
Ma chella bella mme risponne e rire:
'Ammore io 'o voglio, nèh, sera e matina...
Sera e matina?
..............
Ferraro-Correra - Gambardella
TARANTELLA INTERNAZIONALE
Tarantè'...
Marí' pecché te si' sbizzarrita
cu chesti mmùseche furastiere?
Tarantè'...
Mo cu "Valenzia"...mo cu "Paquita"...
Napulitano nun cante cchiù!...
Se scetassero
tutt''e ccanzone 'e nu seculo,
fatte a Napule,
primma 'e sti mmùseche oje né'...
Datammillo nu tammurro:
Voglio 'o popolo attuorno a me!
Qua' spagnola? Qua' americana?
ma s''o ccredono o fanno apposta?
Chest'è musica paisana!
Chest'è pane d''a casa nosta!
Chist'è Napule quann'abballa:
Tarantella...tarantè'!...
II
Tarantè'...
Tammorre e zuóccole Culumbina...
Pulecenella cu 'o cuppulone...
tarantè'...
Mo si' Spagnola, si' Parigina,
e 'a gente crede ch'è nuvita!
Nu' pe' dicere:
Chesta è 'a scuperta 'e ll'America...
basta sèntere
pe' tutt''o munno cantá,
cu chitarre e manduline,
"Funiculí - funiculá"...!
Qua' spagnola? qua' americana?
..............................
III
Tarantè'...
Cu stu ciardino...cu 'sta serata,
che vuó' "Valenzia" che vuó' "Paquita"?
Tarantè'...
Voglio 'a canzone cchiù appassiunata,
cchiù bella e antica, cantata 'a te...
Canta e guárdame
st'uocchie ca ridono e chiágnono...
Canta e, a ll'ùrdemo,
mme vide allèro turná...
Cu na rosa 'mmiez'ê diente,
Tarantella, voglio abballá!...
Qua' spagnola? Qua' americana?
..............................
TARANTELLA LUCIANA
Ma chest'èvera 'e mare
comm'addora stasera!
Tutt''o munno mme pare
cchiù schitto e cchiù allèro,
nun saccio 'o ppecché...
Viene 'a ccá, Luciana...
Tu, che ancora 'a spadélla,
puorte dint''e capille,
si' 'a femmena bella
ca i' voglio vedé...
'Sta tarantella
napulitana,
'nziem'a te Luciana,
ca si' guappa e si' bella,
cu li ttammórre,
cu 'e ccastagnèlle,
sott'a ll'uocchie d''e stelle,
stu core, ch'abballa,
vulesse abballá!
II
Aggio fatto nu pigno,
ma cu gusto e piacere:
si stasera mme 'ncigno,
mm'aspetta ll'onore
ch'abballe cu me...
Mm'appresento cu 'o tubbo,
cu 'o cazone a campana,
cu 'o rilorgio e 'a catena
ma tu, Luciana,
mm'hê 'a fá cumparé...
'Sta tarantella
...............
III
Nun sentite 'a campana?!...
Méh...Menátela 'a rezza!
E, p''a gente luntana,
ca vòca e sellózza,
vulite prijá?!...
Ma chi è chisto ch'abballa:
"Tarantí...Tarantella?"
Ride, Napule bella,
ca è Pulecenella
ca torna, e sta ccá!
'Sta tarantella
...............
Bovio - Cannio
TARANTELLA PAESANA
Terzigno mia te tengo dint''o core,
'e te só' eternamente 'nnammurato...
'o Pataterno, quanno t'ha criata,
ce s'è proprio spassato 'ncuoll'a te!...
T'ha miso 'ntròno comm'a na reggina,
t'ha dato stu Vesuvio pe' curona...
e dint''e vvéne toje ce ha miso 'o vino
che a 'o Terzignese dà felicità...
Tenimmo terre, Gente, venite!
tenimmo vigne Gente, vevite!
e vino buono Si vuje cient'anne
'e qualità... vulite campà,
Noce, nucelle, cu chistu vino,
árbere 'e pigne certo, putite
e stu Vesuvio assapurà
ca fa 'ncantà! ll'eternità!
II
Tu tiene na pineta ca ce sana,
si' tutta prufumata d'aria bona...
si' doce e bella comm'a na canzone
e io sempe pe' te voglio cantà...
Aggiu girato 'o munno sano sano,
ma só' turnato sempe a stu paese:
'Mmiez'a 'sta gente semplice e curtese,
ce sóngo nato...e ce voglio campà!...
Tenimmo terre, Gente, venite!
tenimmo vigne... Gente, vevite!
ecc...ecc... ecc...ecc...
A. Palomba - L.Bifulco
TARANTELLA SCUGNIZZA
Tu si' venuto 'a ll'estero? E io te dico
ch'hê fatto proprio buono a ce vení...
Damme ll'onore 'e cammená cu mico
si te vuò' divertí.
Tu vuò' vedé 'e scugnizze? 'E malandrine?
'E viche scure addò se chiagne e more?
O vuò' sentí surtanto 'e manduline?
E viene appriesso a me, famme 'o favore.
E guarda,
chist'è Napule!
Vòtate buono attuorno...
Ccá se fatica sempe, notte e ghiuorno.
E se fatica e canta, sott'a stu cielo bello...
Amico, viene 'a ll'estero?
E lèvate 'o cappiello!
II
Ched è nun parle? Nun te fa piacere
'sta musica ca siente attuorno a te?
Só' tutte quante fábbriche e cantiere...
'e vvuò' vení a vedé?
Só' strade nove, só' palazze nuove...
e ògne preta è nu segno 'e passione...
Dincello a chilli llá, quanno te truove,
che sape fá 'o paese d''e ccanzone!
E guarda,
chist'è Napule!
...............
III
Vide sti tre ca pássano abbracciate?
Chist'erano scugnizze, tutt'e tre....
Guardale buono 'nfaccia. Só' cecate...
E vuó' sapé pecché?
Só' state â guerra, se só' fatte onore,
nce hanno lassate ll'uocchie e só' cuntente...
Mo portano 'a medaglia 'ncopp''o core
e, dint''o core, na passione ardente!
E guarda,
chisto è Napule!
Popolo cantatore
ca 'o juorno ca va 'nguerra, canta e more...
E 'mpunto 'e morte canta. Canta ca 'o cielo è bello.
Amico, viene 'a ll'estero?
E lèvate 'o cappiello!
Bovio - Albano
TARANTELLA SEGRETA
Bella,
zitta, tu nun ll'hê 'a dí
ch''ammore tujo sóngh'i'...
Sottavoce torna a giurá
ca nun mm'hê maje 'a lassá...
Nun fidarte, nun fá capí
ch''ammore tujo sóngh'i'...
Damme 'a vocca pe' te vasá...
Saccio 'e vase ca mme saje dá:
Vase cianciuse
ca 'e musse 'nfuse
ce fanno fá...
Troppo fucuse,
luonghe e azzeccuse
pe' c''e scurdá...
ah...ah...
Cu 'a stanza ô scuro,
chin''e paura,
senza sciatá...
Comme a chi arrobba,
tremmanno, c'îmm''a vasá...
II
Bella,
ll'ommo ca sta cu te,
è tanto amico a me...
Si lle faccio 'sta 'nfamitá,
è pecché saje vasá...
Stu segreto ha da rummané
tra tutt'e duje, Carmè'...
Damme 'a vocca pe' te vasá...
stammo sule...mo mm''e ppuó' dá:
Vase cianciuse
ca 'e musse 'nfuse
ce fanno fá...
Date annascuso,
cu 'e pporte 'nchiuse,
senza scuccá...
ah...ah...
Sti vase forte
ca sulo 'a morte
cancellarrá,
sóngo,'e st'ammore,
tutt''a felicitá!
Raffaele Viviani
TARANTELLUCCIA
Na casarella
pittata rosa,
'ncopp''e Camaldule,
vurría tené:
Piccerenèlla,
p''o sposo e 'a sposa:
comm'a na cònnola
pe' me e pe' te...
-"Tùppete-ttùppete!"
mme ritirasse...
Tu, verbigrazia,
vien'a arapí...
Cu 'ammore, é facile
tutt''o ddifficile...
Si ha da succedere,
succedarrá!
II
Na luggetèlla
'nfucata 'e sole,
cu 'aruta e 'anèpeta
piantate 'a te...
'Sta faccia bella,
'mmiez'ê llenzole
spase pe' ll'ásteco,
vurría vedé...
Vurría annascónnerme
quanno passasse...
pe' fá, vasánnote,
cucù-setté...
Cu 'ammore è facile
...................
III
Na cunnulélla...
Ninno picciuso...
'Nfaccia doje frávule:
gulío 'e mammá...
'Gnóra vavella,
cu n'uocchio a 'o fuso,
canta, vucánnolo:
"Michelemmá..."
Notte e silenzio...
Lietto sincero...
Doje bracce strégnerme
vurría sentí!...
Cu 'ammore è facile...
......................
E. Murolo - Falvo
TATONNO 'E QUAGLIARELLA

Facite comm'a me, senza timore:
cufféjo pure 'a morte e 'a piglio a risa...
Io só' cuntento meglio 'e nu signore
pecché tengo una faccia e una cammisa...
E quanno metto 'a lengua 'int''o ppulito,
che ne facite 'a lengua 'e nu paglietta!?
Embé, quanto stimate 'a palla 'e vrito,
chi vò' stá buono, ha da sapé 'a ricetta!
Si ll'ommo tutt''e cchiacchiere
vulesse sentí dicere,
quanta fasule e cícere
se mettarría a scartá!
E si tenite 'a freve,
lassáte stá 'o cchinino...
Addó' sta 'o mmeglio vino,
'o gghiate a pigliá llá!
Ce steva nu scarparo puveriello,
chiagneva sempe ca purtava 'a croce...
'A sciorte lle scassaje 'o bancariello
e pe' se lamentá...perdette 'a voce!
II
Quann' è 'a staggione, vaco ascianno sulo
na bona fritta 'e puparuole forte...
Nu piezz''e pane, 'nziem'a nu cetrulo,
e 'o riesto, 'o vvotto dint''a capa 'e morte!
Che tengo 'e figlie o aggi''a penzá ô pesone?
I' faccio ogne arte e ghièsco p''a campata!
Si è p''a lucanna, sott'a nu bancone,
se dorme frisco e puó' passá 'a nuttata...
Riguardo ô ttaffiatorio,
mm''a scorcio bona 'a máneca
e addó' se vénne 'agliáneca,
truvate sempe a me!
Menammo tutto a buordo
fintanto ca se campa:
Dimane, forze, 'a lampa
se putarría stutá...
Che brutta cosa ch'è a tirá 'a carretta
quanno nisciuna mano vótta 'a rota!
Nun sèntere cunziglie, nun dá retta,
ca senza ll'uoglio chella nun avota!
III
Pe' spartere aggio avuto quacche botta
ma nun mme sóngo miso maje paura!
na vota, 'int'a n'incendio a Foregrotta,
salvaje, 'a dint''o ffuoco, na criatura...
Quann'i' só' muorto, ll'hann''a aizá 'sta crapa!
Nisciuno chiagne, manco p''o mumento...
Ll'esequie è bello e pronto: 'ncapa e 'ncapa
e vaco â sala e Ricanuscimento!
Quann'è fernuta ll'opera,
pezzente o miliunario,
s'ha da calá 'o sipario
e s'ha da arricettá...
Pe' chesto, 'o servo vuosto
Tatonno 'e Quagliarella,
'o ccisto 'int''a garsèlla,
nun s''o ffa maje mancá...
E quanno 'o libbro mio sarrá fernuto,
nisciuno diciarrá si è bello o brutto...
Ma, primma 'e ve dá ll'urdemo saluto,
ne voglio n'atu litro...'e chell'asciutto!
TATONNO SE NE VA
Addio fanciulle care,
domani mme ne vo...
Mme vesto 'a militare
cu sciabbola e sciaccò...
Mettitece 'a "Si-loca"
'nfacci'a stu core vuosto,
pe' bia ca cedo il posto
pure a chi nun 'o vò'...
Nanní', miéttete a chiagnere,
'Ntunè', vásame 'nfaccia,
Rusí', damme nu pízzeco,
Carmè', cádeme 'mbraccia...
Tatonno se ne va!
Tatonno se ne va!
II
In faccia a nu cuscritto
(ca nu cuscritto i' só')
'o generale ha ditto:
Sciglie: che grado vuó'?
Vuó' nove o diece frise?
T''e mmetto 'ncopp''o vraccio...
Tu si' n'amico...e i' faccio
chello ca non si puó'...
.............................
III
Mannaggia ca na guerra
'stavota nun se fa...
Se no tutta la Terra
vorrebbe fá tremmá!
Fra un anno a la stazione
venite tuttuquante:
col grado di trabante
Tatònno tornerá!
.............................
Bovio - Valente
TE LASSO
'O ssaccio!...Nun 'o ddí!...T'aggio capito:
mo ca te so' marito
te cride 'e cumanná!...
E vuó' ca, primm''e tutto, â casa 'e mámmema
nun aggia cchiù accustá...
Ma i' comme mm'aggi''a spartere?
Mammá mme vò' vedé...
E tu, pe' farla chiagnere,
mme vuó' sempe cu te!
No!
Cu tutto ca te voglio tantu bene,
cu tutto ca te sento dint''e vvéne...
te lasso!... Sí!...pecché:
si nun rispiétte a mámmema,
tu nun vuó' bene a me!...
II
Siénteme buono: Nun dá retta â gente...
'o munno è malamente
ognuno vò' vedé...
E chi vène a parlarte male 'e mámmema
nun parla bene 'e te...
ma no, tu nun ll'hê 'a credere
si no mme faje danná...
Io só' cuntento: accídeme
ma lássame a mammá!...
No!
Cu tutto ca te voglio tantu bene,
cu tutto ca te sento dint''e vvéne...
te lasso...Sí!...pecché:
dint'a stu core, mámmema,
sta scritta primm''e te...
III
Nce ll'aggio ditto a mamma: "Ve sbagliate,
ma chi ve ll'ha cuntate
tutte sti 'nfamitá?!
Chi porta 'o nomme mio, nun è pe' dicere,
è degna d''o purtá..."
Mammá s'è misa a chiagnere...
Pe' fá cuntento a me
te vò' vedé pe' dicere
ca cerca scusa a te...
No!
Ca quanno 'a vecchia mia mme benedice
si stóngo 'ncroce pure so' felice!
Si tu vuó' bene a me,
va' cerca scusa a mámmema...
e i' cerco scusa a te!
Fiore - Lama
TE SI' SCURDATA 'E NAPULE

Na sera, oje bionda, te purtaje stu mare,
p''a primma vota, a Napule, d'está...
Stive cu mico a prora e ll'uocchie chiare,
p''o golfo se 'ncantavano
pe' ddó', allummata, accumpareva Napule...
e quacche voce se senteva giá!
E Ammore, Ammore!
Bionda, capiste; e te capette i' pure...
quanno, cu 'e mmane 'mmano,
tu cu 'o Ffrancese e i' cu 'o Nnapulitano,
t'annammuraste 'e Napule...
t'annammuraste 'e me...
II
Rose d''o Munasterio 'e San Martino...
Loggia ca 'ncielo fravecata sta...
nuje ce affacciajemo mentre, a matutino,
'e cchiese giá sunavano...
e nuvole 'e calore se sperdevano...
e se scetava Napule d'está...
E Ammore, Ammore!
Tremmaje stu core tujo 'ncopp'a stu core...
E quanno, 'a ll'onne chiare,
vediste 'o sole ca spuntava a mare...
tu te vasaste Napule,
tu te vasaste a me!
III
E comme, comme, doppo tant'ammore
tu t'hê pututo 'e Napule scurdá?!
Tu, si ê vvote parteva nu vapore,
te ne facive lacreme
'ncopp'a stu core...e, quanno te screvevano,
te n'aggio visto lettere 'e stracciá!
E Ammore, Ammore!
Na sera, 'e bello, i' te dicette: "E' overo
ca te ne vaje dimane?"
Tu mme 'nfunniste 'e lacreme sti mmane
e abbandunaste Napule...
abbandunaste a me!
Murolo - Nardella
TE STO ASPETTANNO
Che friddo 'int'a sti ssere 'mmiez'â via
Vierno mme pare ca nun passa maje...
Che brutta cosa ch'è 'a malincunia
pe' chi vò' bene e s'annammora 'e te
Vita d''a vita mia,
te stó' aspettanno,
nun veco ll'ora ca
mme viene 'nzuonno...
chi sa si vène 'o juorno
ca t'arriénne...
e ca mme cade 'mbraccia,
suspiranno...
P''o ddoce 'e stu mumento
io stó' campanno,
dimme ca pure tu
mo staje suffrenno
cu me...
Cu me, ca stó' perdenno
'a pace e 'o suonno,
vita d''a vita mia,
te stó' aspettanno...
II
E comm'è cupo 'o suono 'e 'sta campana
e comm'è longa 'a strada 'e chi vò' bene...
Si esiste overamente nu destino,
ogge o dimane, cade 'mbracci'a me!
Vita d''a vita mia,
...................
Tito Manlio - Dan Caslar
TE VOGLIO BENE
Ammore, ammore, ammore,
capricciuso, turmentuso, suspiruso...
tu faje chiagnere e cantá!
Ah, ah!...Ah, ah!
Però si nun c'è ammore,
sento friddo 'int'a stu core,
ma si tu mme daje calore,
sulo a te voglio cantá!...
Te voglio bene, tantu tantu bene:
tu si' 'a vita mia...
mm'hê miso 'o ffuoco dint''e vvéne
e, dint''o core, na malia...
E' na passione suspirosa e doce,
piccerella mia,
E' nu penziero triste e allero,
è na smania 'e te vasá...
Pure 'o cielo e 'o mare
io te dunasse
e 'sta vita, ammore mio,
si mm''a cercasse,
pecché:
Te voglio bene, tantu tantu bene...
tu si' 'a vita mia
pe' chistu bene che 'ncatena 'o core
e nun mme fa durmí!
Vita mia, vita mia...
te voglio bene, tantu tantu bene,
e t''o vvulesse dí...
R. Rascel
TE VOGLIO BENE ASSAJE

'Nzomma songh'io lo fauzo?
Appila, sié' maesta:
Ca ll'arta toja è chesta
Lo dico 'mmeretá.
Io jastemmá vorría
lo juorno che t'amaje!
Io te voglio bene assaje...
e tu nun pienze a me!
Pecché quanno mme vide,
te 'ngrife comm'a gatto?
Nenné', che t'aggio fatto,
ca nun mme puó' vedé?!
Io t'aggio amato tanto...
Si t'amo tu lo ssaje!
e tu non pienze a me!
La notte tutti dormono,
ma io che vuó' durmire?!
Penzanno a nénna mia,
mme sento ascevolí!
Li quarte d'ora sonano
a uno, a duje, a tre...
Recòrdate lo juorno
ca stive a me becino,
e te scorréano, 'nzino,
le llacreme, accossí!...
Deciste a me: "Non chiagnere,
ca tu lo mio sarraje..."
Guárdame 'nfaccia e vide
comme sòngo arredutto:
Sicco, peliento e brutto,
nennélla mia, pe' te!
Cusuto a filo duppio,
co' te mme vedarraje...
Saccio ca non vuó' scennere

la grada quanno è scuro...
Vatténne muro muro,
appòjate 'ncuoll'a me...
Tu, n'ommo comm'a chisto,
addó' lo trovarraje?
Io te voglio bene asssaje...
Quanno só' fatto cennere,
tanno mme chiagnarraje...
Tanno addimmannarraje:
Nennillo mio addó' è?!
La fossa mia tu arape
e llá mme trovarraje...
Sacco - Anonimo
TEOFILO PENNACCHIO
Sull'onore non si scherza!
Sull'onore non si scherza!...
Nuje redimmo e pazziammo
ma ll'onore nn''o tuccammo!
Pane e cacio,
pane e pane,
ma ll'onore
nce ha da stá!
Cu Teòfilo Pennacchio
ce sta poco 'a pazziá!
.....
Il motivo che mi ha indotto
a lasciarti, cuore ingrato,
è che tu hai calpestato
il vocabolo: "Onestá"...
Perdonai la leggezza
col trattore Fidomanzo,
perché mi arrivava il pranzo
quattro o cinque volte al dí...
Chiusi gli occhi sull'affare
del dentista Latastiera
perché lui, questa dentiera,
nun mm''ha fatto maje pavá...
Ma mo, no!...
Ora tu, brutta vigliacca,
mi hai toccato sull'onore
ed infanghi il mio casato
con un vil barbitonsore...
Ma mo, no!...
Questo fatto, cara moglie,
francamente non mi garba,
nu barbiere, 'o mmeglio 'o mmeglio,
che mme fa? Mme fa na barba!
Non ti voglio genuflessa,
No! No!
Non ti chiedo un pentimento,
No! No!
Per lo meno, stu barbiere,
mme facesse 'abbonamento!
E si no po', 'a veritá,
non c'è proprio dignitá!
II
Sull'onore non si scherza!
sull'onore non si scherza...
Nuje redimmo e pazziammo
ma ll'onore nn''o tuccammo!
Pane e cacio,
pane e pane,
ma ll'onore
nce ha da stá!
Cu Teòfilo Pennacchio,
ce sta poco 'a pazziá!
.....
a gridar come un ossesso
è che tu, senza permesso
jesce e vaje 'a ccá e 'a llá!
Te 'ncucciaje, pe' Via dei Mille,
con il sarto Balzerotto...
lui mi fece nu cappotto
e la rabbia se ne andò...
'O cappotto, sissignore,
ma il sergente Saccarina
mm'ha mannato na cinquina...
'a putevo rifiutá?!
Ma mo, no!...
Ora tu, moglie incosciente,
senza l'ombra del dovere,
ti fai metter gli occhi addosso
da un qualunque cantiniere?!
Ma mo, no!...
Questo fatto, o mia consorte,
è una cosa assai noiosa...
Che mme dá nu canteniere?
Miezu litro e na gassosa?
Io non dico comprá i dolci...
No! No!...
Cacciá i soldi dalla tasca...
No! No!...
Ma dich'io, che ce refonne
si mme manna 'o vino a Pasca?
E si no, po', 'a veritá,
III
Sull'onore non si scherza...
sull'onore non si scherza...
ecc..
.....
a parlar col mio legale,
è perché non è morale
la condotta tua con me:
T'incontrai, na sera 'e maggio,
col tenore Catafalchi...
ma mme dette duje o tre palchi
e io dicette: "Bèh, va bè'!"
T'incontrai tre sere dopo
col baritono Sciascióne...
ma mme dette doje pultrone
e io dicette: "Lascia andá!"
Ma mo, no!...
Ora tu, brutta carogna,
senza scuorno, senza duolo,
te ne vaje p''e Ponte Russe
con un vile pizzajuolo!
Ma mo, no!...
Questo fatto, cara moglie,
ti assicuro che mi adíra...
Che mme dá nu pizzajuolo?...
Na pezzélla 'e meza lira?!
Io non chiedo mari e monti...
No! No!...
Io non sono esagerato...
No! No!...
ma mme spetta o nun mme spetta
nu cazone 'mbuttunato?!
E si no, po', 'a veritá,
Pisano - Cioffi
TIEMPE BELLE
Tu mme vuó' fá capí ca si' cuntenta...
I' voglio fá vedé ca só' felice...
Ma 'a veritá nisciuno 'e nuje nun dice:
Sti core nuoste avesser''a parlá!
Tiempe belle 'e na vota...
tiempe belle addó' state?
Vuje nce avite lassate...
ma pecché nun turnate?
tiempe belle addó' state?
Vuje ce avite lassate...
pecché nun turnate?
II
Mo pe' sfurtuna mia stóngo cu n'ata...
pe' nu capriccio tu cu n'ato staje...
Se sònna chella ca nn''a lasso maje...
e se lusinga chillo 'mbraccio a te!
ecc...ecc...
III
Nuje pe' vulerce bene simmo nate...
facímmole cuntente chisti core:
turnammo n'ata vota a chill'ammore
ca, pe' destino, nun ce vò' lassá!...
ecc...ecc...
Califano - Valente
TIEMPE FELICE
Quann'i' mme ne partette, t'allicuorde?
Tu faticave 'mmiez'â terra 'e tato...
Nuje stévamo accussí bell'affiatate
Ma po' mme ne partette...t'allicuorde?
Ah, che tiempe felice!
Ah, che belli mumente!
Mo mme vènono a mente...
Ma nun tòrnano cchiù!
II
Te si' scurdata 'e 'mmiez'a lu ggranone...
E quanno 'o sole, 'mpierno, mm'abbruciava?
E 'a vócca mia cu 'a toja s'abbagnava!
Te si' scurdata 'e 'mmiez'a lu ggranone!?
......................
III
E mo ca só' turnato, core mio,
Mé', viene a la fatica â terra 'e tato...
Pruvammo n'ata vota a stá affiatate...
scuntámmoce 'o pperduto...core mio.
......................
De Curtis - Valente
TIRITI'-TIRITOMMOLA'
'Sta cantina è bella e bona
ma è cchiù meglio la patrona:
La patrona tene na...
E tirití-tiritómmolá!
Tene n'aria 'e na riggina,
na manélla janca e fina
li periétte pe' sciacquá...
Tiritáppete e pane grattato,
cantenè', só' caduto malato...
ce vulesse, pe' farme saná...
e tirití-tiritómmolá!
II
Ce vulesse, 'e 'sta vucchella,
na parola aggraziatella...
Na parola mo che fa?
E che fa si doppo a chesto,
chianu chiano, vène 'o riesto?
vène 'o riesto...e che sarrá?
Tiritáppete e pane grattato...
cantenè', só caduto malato!
Vuje tenite pe' farme saná...
III
Vuje tenite, 'int''a cantina,
quacche bona 'mmedecina...
Nèh, 'a putesseme assaggiá?
Ll'ha assaggiata 'o sposo vuosto
ca mo sta gagliardo e tuosto
e fa 'mmidia e no pietá...
isso stesso mme ll'ha cunzigliato!
- Premmettete? - Patrone, cumpá!...-
IV
E pur'io, ch'ero cchiù sicco
d''o llignammo 'e nu palicco,
mo...mme pòzzo cuntentá...
Stu remmedio overo è santo
e i' mme sento n'atu ttanto...
Chesta è 'a vera caritá!
cantenè', mme só' quase sanato...
N'atu mese 'sta cura aggi''a fá...
Di Giacomo - Valente
TITITI' - TITITI' - TITITI'
Sóngo 'mpazzuto, sóngo 'mpazzuto,
sóngo 'mpazzuto 'e te...
Sóngo fissato, sóngo fissato,
sóngo fissato 'e te...
Ch'aggi''a fá, ch'aggi''a fá, ch'aggi''a fá?
Ch'aggi''a fá, ch'aggi''a fá, ch'aggi''a fá?
Eh!...Eh!...
Aggio perduto 'a pace pe' st'uocchie blummaré,
Stóngo perdenno 'a famme pe' st'uocchie blummaré,
Nel petto ci ho una fiamma pe' st'uocchie blummaré...
Che ne vulite,
che ne vulite,
che ne vulite 'a me?
Ve veco, ve guardo, mm'addormo,
ve sonno, mme sceto, mme torno a addurmí:
Dint''o suonno ve chiammo: "Tití'!..."
Dint''o suonno ve chiammo: "Tití'!..."
Mme sveglio, mme lavo, mm'affaccio,
po' 'nzèrro 'a fenesta e mme torno a addurmí
e, durmenno, ve chiammo: "Tití'!..."
Titití', Titití', Titití'...
II
.................................
E me ne faccio chianto pe' st'uocchie blummaré,
Sei fazzoletti ô juorno pe' st'uocchie blummaré,
Aggio perduto 'o scuorno pe' st'uocchie blummaré...
Che ne vulite,
che ne vulite,
che ne vulite 'a me?!
N'amico mme trova, mme ferma, mme dice:
"Che faje? Staje buono Ciccí'?"
Io rispongo: "Stó' buono Tití'..."
Io rispongo: "Stó' buono Tití'..."
Ll'amico mme guarda, mme dice: "Sei pazzo
sfrenato?" "Só' pazzo, 'gnorsí...
scusa tanto, ho sbagliato Tití'..."
Titití', Titití', Titití'...
III
.................................
Mm'aggio 'mpignato ll'uocchie pe' st'uocchie blummaré,
Só' ghiuto 'mmiez'â via pe' st'uocchie blummaré,
Io vaco â pazzaría pe' st'uocchie blummaré,
Che ne vulite,
che ne vulite,
che ne vulite 'a me?!...
P''a strada cammino, mme fisso,
mm'acalo, mm'aizo, mme metto a fuí...
Po' mme fermo e sospiro: "Tití'..."
po' mme fermo e sospiro: "Tití'..."
Na guardia s'accosta e mme dice:
"Scusate, chi siete?" "Chi sóngo? Sóngh'í'!"
"Ma chi siete?" "Só' chillo 'e Tití'!..."
Titití', Titití', Titití'..
Finale:
sóngo 'mpazzuto 'e te...
.................................
Pisano - Cioffi
TORERO
Tu pierde 'o suonno 'ncopp''e giurnalette,
e mámmeta minaccia,
e páteto s'arraggia...
Te fanno girá 'a capa sti fumette,
guardánnote 'int''o specchio,
vuoi fare il toreador!
Come fanno a Santa fé,
come fanno ad "Ollivud"...
e cu 'sta scusa, oje ni',
nun studie cchiù...
Oh, torero!...
Te si' piazzato 'ncapa stu sombrero,
dice ca si' spagnuolo e nun è overo,
cu 'e nnacchere 'int''a sacca vaje a abballá...
mescolando 'o bolero e 'o "ccia-cciá"
chi vuó' 'mbrugliá?
Torero!
Cu sti bbasette 'a sud-americano,
cu nu sicario avana e 'a cammesella 'e picchè,
Torero!...
Torero!...
Olé!...
II
T'hê fatto 'a giacchettella corta corta,
'o cazunciello astritto,
e 'o ricciulillo 'nfronte...
Te ride 'a gente arreto e nun te 'mporta,
ti senti un Marlon Brando,
che a spasso se ne va...
Per le vie di Santa fé,
per le strade di "Ollivud"
e 'a 'nnammurata toja
nun te vò' cchiù!
Oh, torero!
...........
...........
Finale:
Oh, torero!
E levatillo 'a capa stu sombrero!
Nun si' spagnuolo e nun si' caballero...
Sti nnacchere tu nun 'e ssaje suná!...
'E sti nnacchere, tu che n'hê 'a fá,
bello 'e mammá?!
Torero!
Cu sti bbasette 'a sud-americano,
cu nu sicario avana e 'a cammesella 'e picchè...
Torero!...
Torero!...
Olé!...
Nisa - Carosone
TORNA A SURRIENTO
Vide 'o mare quant'è bello!
spira tanta sentimento...
Comme tu, a chi tiene mente,
ca, scetato, 'o faje sunná!
Guarda guá' chisti ciardine,
siente sié' sti sciure 'arancio...
nu prufumo accussí fino,
dint''o core se ne va...
E tu dice: "Io parto, addio!"
T'alluntane da stu core...
Da la terra de ll'ammore,
tiene 'o core 'e nun turná?!
Ma nun mme lassá,
nun darme stu turmiento...
Torna a Surriento:
famme campá!...
II
Vide 'o mare de Surriento
che tesore tene 'nfunno:
Chi ha girato tutt''o munno,
nun ll'ha visto comm'a ccá!
Guarda, attuorno, sti Ssirene
ca te guardano 'ncantate
e te vònno tantu bene:
Te vulessero vasá!...
E tu dice: "Io parto, addio!"
.............................
E. De Curtis - G. B. De Curtis
TORNA MAGGIO
Rose! Che belli rrose!...Torna maggio!
Sentite 'addore 'e chisti sciure belle!
Sentite, comme cantano ll'aucielle...
e vuje durmite ancora!?...
'I' che curaggio!
Aprite 'sta fenesta, oje bella fata,
ché ll'aria mo s'è fatta 'mbarzamata:
Ma vuje durmite ancora, 'i' che curaggio!
Rose! Che belli rrose!...
Torna maggio!
II
Rose che belli rrose!... 'A n'anno sano,
stóngo strujenno 'e pprete 'e chesta via!
Ma vuje nun v'affacciate...uh, mamma mia!
I' nun mme fido 'e stá da vuje luntano...
E si ve stó' luntano quacche ghiuorno,
pare ca vuje mme state sempe attuorno...
ca mme parlate e mm'astrignite 'a mano...
Rose! Che belli rrose!
E' n'anno sano...
III
Rose! Che belli rrose! E vuje durmite!...
Ma nun ve sceta stu prufumo doce?
'E primmavera nun sentite 'e vvoce?
Ma vuje, core 'mpietto, ne tenite?!
Vocca addirosa comm'a na viola!
'A primmavera mia site vuje sola!
Ma chesta voce vuje nun 'a sentite?
Rose! Che belli rrose!
E vuje durmite!...
V.Russo - Di Capua
TORNA
Te voglio n'ata vota 'int'a sti bbraccia
Chello ca si' nun 'mporta...ch'aggi''a fa?
Voglio chist'uocchie, voglio chesta faccia
addó' ce ride ògne felicitá!
Suonno d''a vita mia,
dimme pe' quala via
t'aggi''a vení a 'ncuntrá?
Torna!
'Sta casa aspetta a te...
Torna!
Che smania 'e te vedé!...
E torna!... Torna!... Torna!...
Ca, si ce tuorne tu,
nun ce lassammo cchiù!
II
Cu ciento desiderie 'e mala freva...
'o specchio t'ha fernuto 'e arruviná!
Quanno partiste...st'anema chiagneva...
penzanno addó' putive capitá!
Dimme chi te trattene,
dimme qua' só' 'e ccatene
ch'aggi''a vení a spezzá?
Torna!
'Sta casa aspetta a te...
.........................
Vento - Valente
TRAMONTO A PUSILLECO
Nun mme lassá ca mme fa triste 'o core
st'ora ca nun è ghiuorno e nun è sera.
Tutto è stanchezza attuorno, e cielo e mare,
ogne mumento, cágnano 'e culore.
A poco a poco se ne trase 'o sole
mentre ca se secùtano p''o cielo,
nuvole rosa e nuvole viola...
Nun mme lassá!
Io ca só' nato a Napule,
si a ll'ora d''o tramonto stó' a Pusílleco,
mme 'ncanto tale e quale a 'o furastiero
ca scenne, 'a primma vota, a Marechiaro.
II
Nun mme lassá! Na vela s'avvicina
mentre ca nu vapore s'alluntana...
Pusílleco, a chest'ora, è na canzone...
e tutta na pittura è 'sta marina.
E nu scugnizzo dorme 'ncopp'â rena,
nu marenaro sona 'o mandulino,
e, 'a miez''e scoglie, canta na sirena.
Nun mme lassá!
III
Nun mme lassá, tenímmoce p''a mano...
Comme te voglio sèntere vicina!
tanto te voglio bene...tantu bene...
t''o ggiuro 'ncopp''a voce 'e 'sta campána!
Guarda...tòrnano 'e vvele a una a una...
e addora 'o mare...e addorano 'e ciardine...
Uh, Dio!...che cosa bella...sponta 'a luna!...
Nun mme lassá!
Bovio
TRAPANARELLA
Trapanarella cu 'o trapanaturo
e trápana 'a mamma e 'a figlia pure...
e, trapanianno, 'mmiez'a sti guaje,
canto 'a canzona d''a cuccuvaja...
Na signurina cammina p''a strata,
nu giuvinotto lle fa na guardata...
e chella che sùbbeto è femmena onesta,
aret''o purtone, s'aíza 'a vesta!
San Genná', pènzace tu,
ca tanto d''e ccorne 'un se campa cchiù!
Nu prèvete, 'ncopp'a ll'altare maggiore,
mme pare nu santo prerecatore,
ma quanno va dint''a sacrestia,
vò' mille lire p''Avummaria...
San Genná', tu vide a chiste?
'mbrogliano pure a Giesù Cristo!
E nuce, nucelle e castagne 'nfurnate...
quanta paíse aggiu curriate...
'A Torre d''o Grieco e 'Annunziata
e quanta guaje ch'aggio truvato...
e quanta defiette ch'aggiu 'ncantate!...
'E culamappate só 'e Veneziane,
'e magnapulenta sóngo 'e Milano,
'e meglie cantante stanno a Giugliano,
e 'e tirapistole stanno a Casale...
'E ffacce toste sóngo italiane,
'e cchiù mafiuse só' siciliane,
'e po' 'e sbruffune óongo 'e Rumane,
'e ffemmene belle só' napulitane,
e 'e mmazze 'e scopa só' americane....
'E 'mbrogliamestiere só' ll'ingegnere,
'e 'mbrogliamalate só' ll'avvucate,
'e priévete fanno 'e zucalanterne
e 'e cchiù mariuole stann'ô guverno!
San Genná', dice ca sí...
chi 'o ssape comme va a ferní!
Na signurina, a via dei Mille,
s'ha misa 'a parrucca 'a copp'ê capille...
Quanno va â casa se magna 'e ppurpette
e chi tene famma guarda 'e rimpetto...
Nu giuvinotto, cu 'e sòrde d''o pato,

s'accatta 'o cazone 'mpusumato...
po' va dint''a machina, allero allero,
e vò' mená sotto a chi va a père...
'E ccunuscite a sti milorde,
chille stanno 'nguajate 'e sorde...
'e pate só' tanta scurnacchiate...
e campano 'ncopp''a famme 'e ll'ate....
San Genná', pènzace tu,
ca tanto d''e 'mbruoglie 'un se campa cchiù!
............
Mme ne vaco pe' sott''o muro,
e sento 'addore d''e maccarune...
Mme ne vaco pe' Qualiano,
e sento 'addore d''e ppatane...
Mme ne vaco p''o Granatiéllo,
e sento 'addore d''e friariélle...
Ma si vaco add''o putecaro,
tutte cosa va cchiù caro...
Ma vedite quando maje
'sta miseria va aumentanno...
e aumenta ogge,
aumenta dimane,
e doppodimane...
sabato sí
e dummeneca no...
Chi fatica se more 'e famma
na vota ca sí
e na vota ca no...
Chi fatica se more 'e fammma
na vota ca sí
e na vota ca no...
Anonimo
TRE FENESTE
Tre aucielle, tre cajole,
tre feneste, tre figlióle
ca só' belle comm''o sole.
Tre chitarre 'nnammurate
fanno 'e stesse serenate
tutt''e ssere a sti ffigliole,
ca só' belle comm''o sole...
S'affaccia 'a biundulella e dice: "Sí"
S'affaccia 'a brunettella e dice: "Sí"
Ma 'a rossa malupina,
niente...nun ne vò' sapé...
E pe' chesto, na chitarra,
soffre e chiagne comm'a che!
II
Tre aucielle, tre cajole,
tre feneste, tre figliole
só' rimaste sole sole...
Só' partute pe' surdate
tre chitarre 'nnammurate...
E pe' chesto, sti ffigliole,
só' rimaste sole sole...
E penza 'a biundulella: "Turnarrá?"
E dice 'a brunettella: "Turnarrá?"
Cu na lacrema 'int'a ll'uocchie
pure 'a rossa dice: "Embè...
si ritorna pure chillo,
mme ll'astrégno 'mpiett'a me!"
III
Tre medaglie...Tre surdate.
Tutt'allère só' turnate
sti cchitarre 'nnammurate...
Tre vestite bianche 'e spose,
tre faccelle comm''e rrose...
Sott''o vraccio 'e sti surdate,
dint''a cchiesa, só' spusate...
Apprimma 'a biundulella ha ditto: "Sí!"
E doppo 'a brunettella ha ditto: "Sí!"
Pure 'a rossa malupina,
forte forte, ha ditto: "Sí,
tant'onore...só' felice...
'mbracci'a te voglio murí!..."
Pisano - Cioffi
TRE PAROLE
Io tremmo suóccio quanno mme guardate...
e vuje tremmate si ve tèngo mente...
Pe' sti gguardate noste indifferente,
io nun arrivo ancora a mme spiegá
pecché sti core nuoste hann''a tremmá!
Si na guardata sola
ce fa tremmá accussí...
mm'immagino si dico tre parole
che, 'a tantu tiempo, ve vulesse dicere...
e, 'a tantu tiempo, nun v''e ssaccio dí!...
II
A tutt''a gente ca ce sape e vede
ca, spisso, ce 'ncuntrammo 'mmiez'â via,
vuje lle dicite sempe na buscía,
e io nun lle dico maje na veritá...
No, nun è ammore...e allora che sarrá?
Si na guardata sola
ce fa tremmá accussí...
mm'immagino si dico tre parole
che, 'a tantu tiempo, ve vulesse dicere...
e, 'a tantu tiempo, nun v''e ssaccio dí!...
III
Sentite a me: facímmoce curaggio,
fernímmola, na vota, tutt'e duje...
primma ch''a gente ride 'ncuollo a nuje
e 'a giuventù ce lassa e se ne va...
Sentite a me: Parlammo 'e ce spusá!...
Si na guardata sola
ce fa campá e murí...
mm'immagino si dico sti pparole:
"Te voglio bene!:...E pure tu 'e vvuó' dícere,
sí, pure tu 'e vvuó' dícere...accussí!
Fiore - Nardella
TRE RUNDINELLE
Tre rundinelle napulitane,
lássano 'o cielo azzurro 'e 'sta cittá...
Díceno: - E' vierno, jammo luntano,
ma 'a primmavera nosta è sempe ccá!... -
- Addó' vaje, cumpagna mia? -
- Addó' vaco?...'O vvuó' sapé?...
Io vaco a purtá 'o suono 'e na chitarra
a chi, partenno, se vasaje 'sta terra...
a chi fatica abbascio a na miniera...
e sonna sempe Napule, ogne sera... -
- Vola e va'...
vola e va'...
Pòrtale tutt''e suone...
cántale tutt''e suone 'e 'sta cittá... -
II
Dice 'a siconda: - Mme tremma 'o core,
pe' miglie e miglie, sola, aggi''a vulá...
Ma pe' 'sta vota, senza dulore,
io voglio lassá 'o mare 'e 'sta cittá... -
- Chi t'aspetta cumpagna mia? -
- Chi mm'aspetta? 'O vvuó' sapé?...
Io vaco a purtá 'e vierze 'e na canzone
a nu surdato ca vò' tantu bene...
vò' tantu bene e more 'e nustalgía
penzanno sempe a Napule e a Maria. -
- Vola e va'...
vola e va'...
Pòrtale tutt''e vierze...
pòrtale tutt''e vierze 'e 'sta cittá... -
III
Cu 'e scelle aperte, cu ll'uocchie 'e chianto,
'a terza rundinella se ne va...
Suspira Napule comm'a n'amante
dicenno: - Rundiné', nun mme lassá! -
- Turnarraje, cumpagna mia? -
- Turnarraggio?...Chi 'o ppò sapé?...
Io vaco a purtá 'o sole 'e Marechiare
addó' ce sta nu cielo scuro scuro...
Io vaco addó' nun cresce maje nu sciore...
io vaco a purtá 'o sole addó' se more... -
- Vola e va'...
vola e va'...
Pòrtale tutt''o sole...
pòrtale tutt''o sole 'e 'sta cittá... -
Finale:
Tre rundinelle napulitane...
Tre rundinelle...nun só' turnate cchiù!
Bixio - Nisa
TU CA NUN CHIAGNE
Comm'è bella 'a muntagna stanotte...
bella accussí, nun ll'aggio vista maje!
N'ánema pare, rassignata e stanca,
sott''a cuperta 'e chesta luna janca...
Tu ca nun chiagne e chiágnere mme faje,
tu, stanotte, addó' staje?
Voglio a te!
Voglio a te!
Chist'uocchie te vonno,
n'ata vota, vedé!
II
Comm'è calma 'a muntagna stanotte...
cchiù calma 'e mo, nun ll'aggio vista maje!
E tutto dorme, tutto dorme o more,
e i' sulo veglio, pecché veglia Ammore...
Tu ca nun chiagne e chiágnere mme faje,
tu, stanotte, addó' staje?
Voglio a te!
Voglio a te!
Chist'uocchie te vonno,
n'ata vota, vedé!...
Bovio - De Curtis
TU NUN MME VUO' CCHIU' BENE!

T'aggio visto dint'a st'uocchie belle
verde comm''o mare
na smania passá...
Nun dí no!
T'aggio ditto: "Ma pecché nun parle?"
e male si' rummasa, cchiù zitta Carmè',
Comm'a mo...
E accussí, mme sô' addunato
ca nu' cchiù a me,
ma pienze a n'ato...
Carmè', Carmè'!
Tu nun mme vuó' cchiù bene
tu nun mme cure cchiù...
II
'Sta manella
abbandunata e fredda,
chella ca, na vota, tremmava...nun è!
Nun dí no!...
'Sta vucchella,
ca redeva sempe,
nn'aggio vista maje 'nzerrata restá
comm'a mo!...
E accussí mme sô' addunato
ca nu' cchiù a me, ma pienze a n'ato...
Carmé',....
III
Sissignore,
è scritto e destinato
ca 'a fine 'e ll'ammore
pure ha da vení!
Nun dí no!...
Ma che strazio quanno se ne more
stu povero ammore
e che fine ca fa,
comm'a mo!
Ma si 'a mo nun pienze a n'ato
che fa, che fa?...Tu mm'hê lassato.
Carmè',....
Di Giacomo - Falvo
TU SI' 'A MALINCUNIA

Si ê vvote io te penso,
mme vene quase 'e chiagnere...
e te vulesse astregnere,
cchiù forte, 'mpiett'a me!
Ma 'sta malincunía
ca mme turmenta ll'anema,
mme chiude ll'uocchie e, 'nzuonno,
mme porta 'mbracci'a te!
Tu si' 'a malincunía
ca trase dint''o core...
malincunía d'ammore
ca nun mme vo' lassá.
Mo ca nun si' d''a mia,
te voglio assaje cchiù bene...
e sento, dint''e vvene,
'o desiderio 'e te!
Tutt''a felicitá te si' purtata!
Tutt''e speranze meje se só' perdute!
Tu si' 'a malincunía
ca tengo dint''o core...
malincunía d'ammore
ca nun mme lassa cchiù!
Aurelio Fierro
TU SI' CHELLA!
Tu si' chella ca dicive:
"Nun te pòzzo maje scurdá!"
Tu si' chella ca facive
giuramente in quantitá!
Mo cunosco, nénna bella,
comm''a pienze e chi si' tu...
Saccio buono ca si' chella
che avvelena 'a giuventù!
Staje cu n'ato ca se crede
tutto chello ca lle dice...
'O faje credere felice
fino a quanno piace a te!
Pe' capriccio? Pe' gulío?
Pe' cercá...cercá...chi sa?!
E, giuranno ammore e bene,
saje dá gioje e saje dá pene...
Nun te saccio dí manch'io,
si pe' sfizio, o 'nfamitá!
Nun te saccio dí manch'io,
si è pe' sfizio, o 'nfamitá!
Peppino De Filippo
TU VUO' FA' LL'AMERICANO

Puorte 'e cazune cu nu stemma arreto...
Na cuppulella cu 'a visiera aizata...
Passe scampanianno pe' Tuleto,
comm'a nu guappo, pe' te fá guardá!...
Tu vuo' fá ll'americano,
'mericano, 'mericano...
Siente a me chi t''o ffa fá?
Tu vuoi vivere alla moda,
ma se bevi "Whisky and Soda",
po' te siente 'e disturbá...
Tu abballe 'o "Rock and Roll",
tu giochi a "Base Ball..."
Ma 'e solde p''e Ccamel,
chi te li dá?
La borsetta di mammá!?
Tu vuó' fá ll'americano,
mericano, mericano,
ma si' nato in Italy!
Siente a me: Nun ce sta niente 'a fá...
Okay, Napolitan!
Tu vuó' fá ll'american!
Tu vuó' fá ll'american!
II
Comme te pò capí chi te vò' bene,
si tu lle parle miezo americano?
Quanno se fa ll'ammore sott''a luna,
comme te vene 'ncapa 'e dí "I love you"?
Tu vuo' fá ll'americano,
'mericano, 'mericano...
.......................
Nisa - Carosone
TUPPE-TUPPE MARISCIA'
Nisciuno cchiù fatica a stu paese,
songo arze 'e tterre, 'e ppiante só' seccate.
'a gente nun ragiona...è giá nu mese...
'sta cosa nun pò ghí,
no, nun pò ghí...no...
e si nisciuno parla, mo parl'i'...
Tuppe-tuppe marisciá'...
arapite, sò' n'amico...
Mo ve conto mo ve dico
pecché só' venuto ccá...
Tuppe-tuppe marisciá'...
arapite marisciá'!
'A sapite a Carmilina
ca sta 'e casa 'ncopp''a scesa?
E' na mala chiappa 'e 'mpesa
vuje ll'avit''a fá arrestá!
Mo ve dico marisciá'...
mo ve conto marisciá'...
Nisciun'ommo 'e stu paese
da Carmela s'è salvato...
Ogneduno è affatturato
pe' nu vaso ch'essa dá...
Jammo, ja',
Marisciá'...
Pe' capriccio e no p'ammore,
cu nu vaso 'e fuoco ardente,
avvelena a tanta gente:
nun 'e fá cchiù ragggiuná!
E na legge nun ce sta?
Pruvvedite marisciá'...
II
'Ntuono 'e Cuncetta, Mineco, Pascale...
Vicienzo, Ciro...só' arredutte mieze...
'O farmacista e 'a giunta comunale,
nun sanno cchiù parlá...
no, cchiù parlá...no...
che guajo pe' stu paese marisciá'!
Tuppe-tuppe marisciá...
.......................
Finale:
Marisciá' vuje nun parlate?
Ma pecché nun rispunnite?
Marisciá'...che ve sentite?
Nun 'ngarrate cchiù a parlá?!...
Pure vuje v'ît''a curá...
Bonanotte, marisciá'!...
De Mura - Gigante - Aracri
TUTT''E NA MANERA
V'aggio vuluto bene e mme ne pento:
mo v'aggio abbandunata, e mme n'avanto;
stó' amariggiato ma stó' cchiù cuntento
e allèra è 'sta canzone ca ve canto...
Povero a me si nun mme stevo attiento
mm'avísseve mannato a 'o campusanto!
Frunnélle amare
'e ffemmene só' tutte 'e na manera
e chillu figlio 'e mamma ca nce care
o more o esce pazzo o va 'ngalera!
II
Saccio ca mme facite 'a 'ndifferente
pecché state spennanno a nu mercante...
Mannátelo cchiù ampresso a 'o fallimento
ca 'mmano a vuje fallimmo tuttuquante!...
Sti scherze, mo nce vò', pe vuje só' niente
'ngannate 'o calannario e tutt''e sante!...
Frunnélle amare,
................
III
Si nun mme sbaglio, giá nu filo 'argiento,
'mmiez'a sti ttrezze d'ebano, ve sponta...
Nun v'affliggite pe' st'avvenimento:
è 'o primmo filo janco...E nun se conta!
E ghiammo bello cu sti tradimente,
che 'a lista è corta...e nce vulesse 'a jonta!
Frunnélle amare,
................
Califano - Buongiovanni
TUTT''E SSERE
Comme putive dí: "Io pe' te moro?"
quanno sapive ca nun era overo?!
Comm'hê pututo chiagnere d'ammore
si 'e llacreme nun erano sincere!?
Nun t'è rimasto niente dint''o core?
Niente?...Nemmeno nu ricordo 'e me?...
Tutt''e ssere,
tu venive a 'appuntamento...
Mo ca nun ce viene cchiù,
mo ca nun ce viene cchiù,
io t'aspetto puntualmente...
Tutt''e ssere...
quann'ê vvote 'a luna sponta,
Io cu 'a luna parlo 'e te,
io cu 'a luna parlo 'e te...
Ma inutilmente...
II
Quanno sunava, a stesa, na campana,
dicive: "Voce 'e Dio mm'è testimone
ca io penzo sempe a te e te voglio bene..."
E mm'astrignive forte forte 'a mano...
E mo mm'hê 'a dí, si na campana sona,
si t'arricuorde 'e chesta 'nfamitá...
Tutt''e ssere...
................
Pisano - Cioffi
TUTTA PE' ME
Pe' dint'a ll'ombra va stu core
ca nun pò durmí...
e canta e chiagne: Ammore, Ammore,
tu mme faje murí!...
Ma si tu siente 'sta voce 'e tremmá,
no, nun mme credere,
nun t'affacciá!...
Io mo nun canto pe' te,
canto pe' n'ata...
No, nun te voglio vedé
comm'a na vota...
Tu nun si' niente pe' me,
niente pe' me!
Nun saccio cchiù
che nomme tiene tu,
Marí'...
II
Nu raggio 'e sole vò' stu core
ca nun vò' suffrí...
N'aria serena vò' st'ammore
ca nun vò' murí!
St'aria serena e stu sole si' tu...
nun mme fá perdere
'sta giuventù!
'Sta luna 'argiento, pe' te,
suspira ancora...
Cchiù luce, 'ncielo, pe' me,
na stella d'oro!
I' campo e moro pe' te,
moro pe' te.
Te voglio bene, sí,
surtanto a te,
Marí'!
..................
Te voglio tutta pe' me!
Tutta pe' me!
Te voglio bene, sí,
surtanto a te:
Marí'!
Fiore - Lama
UOCCHIE CH'ARRAGGIUNATE
St'uocchie ca tiene belle,
lucente ccchiù d''e stelle,
sò' nire cchiù d''o nniro
só' comm'a duje suspire...
Ogne suspiro coce,
ma tene 'o ffuoco doce...
e, comme trase 'mpietto,
nun lle dá cchiù arricietto.
E chi ve pò scurdá,
uocchie ch'arraggiunate
senza parlá?
Senza parlá?
A me guardate sí...
e státeve nu poco,
comme dich'i'...
comme dich'i'...
comme vogl'i'!...
II
Sò nire: cchiù sblennente
'e ll'ebano lucente!
Comm'a na seta fina
só' ll'uocchie 'e Cuncettina.
Sempe ca 'e ttèngo mente,
nce trovo sentimente...
pecché nce sta nu vezzo,
ca i' guardo e ll'accarezzo.
E chi ve po' scurdá,
...................
III
Sciure e frónne addirose,
nun cerco tanta cose...
Né 'a cchiù bella guagliona,
si è ricca, mm'appassiona...
Ma tutt''a simpatia,
ma tutt''a vita mia,
mme giova o mm'arruvina,
só' ll'uocchie 'e Cuncettina!
E chi ve pò scurdá,
...................
A. Falcone-Fieni - Falvo
UOCCHIE D'ORO
Doje lampetelle addó' ll'uoglio è ll'ammore:
Cchiù mm''e gguardavo e cchiù mm'annammuravo...
Redévano 'e nnennélle 'e st'uocchie d'oro
quanno, astrignuta a me,
dicive: "Sí!"
Uocchie addó' s'è perduta 'a vita mia,
uocchie ca mo parlate a chisá chi...
cchiù ve guardavo e cchiù ero felice:
Redévano 'e nnennélle
'e st'uocchie d'oro...
'e st'uocchie d'oro...
II
Doje fèlle 'e luna 'mmiez'ô cielo scuro...
Cchiù mm''e gguardavo e cchiù mm'annammuravo!
Redevano 'e nnennélle 'e st'uocchie d'oro
quanno, astrignuta a me,
diciste: "Sí!"
Uocchie addó' s'è perduta 'a vita mia,
uocchie ca mo parlate 'e chisá chi...
cchiù ve guardavo e cchiù ero felice:
Redévano 'e nnennélle
'e ll'uocchie d'oro...
'e ll'uocchie d'oro...
Amendola - Gagliardi
N.B.
Nennélle 'e ll' uocchie= Pupille.
VARCA D'AMMORE
Quanno la sera stévamo
vicino a 'sta marina,
quanno pe' me lucevano
chill'uocchie 'e Carulina...
Dint'a na varca a cònnola
nuje jévamo a sunná
e 'a vocca soja cchiù tènnera
sentevo 'e suspirá:
Voca luntano,
pòrtame ammore...
pòrtame 'mmiez'ô mare...
Damme 'sta mana,
pígliate 'o core...
quanto te voglio amá!...
II
Li ccase s'addurmevano
vicino a 'sta banchina...
e nuje ce alluntanávamo
p''o mare 'e Margellina
si 'e bbracce meje, stancánnose,
lassavano 'e vucá...
'a voce soja, cchiù tènnera,
turnava a suspirá:
Voca luntano...
III
Li vvarchetèlle tornano
p''o mare senza viento
e 'e marenare cantano
sott'a na luna 'argiento...
sola e malata, st'anema,
dint'a na varca va...
penzanno a chella femmena
ca cchiù nun turnarrá!...
Voca luntano,
varca d'ammore,
pe' dó' cchiù futo è 'o mare...
ca 'mmiez'ô mare,
perdette 'o core...
vide 'e mm''o fá truvá!...
A. Gill
VARCA NAPULITANA
Oje mare ca vase 'a banchina,
addó', attaccato, ce sta
na varca cu 'a vela latina...
tu sempe mm'hê 'ntiso 'e cantá...
e invece mo, tutt'è cagnato:
è ll'ultima notte pe' me...
Varca napulitana,
sola tu si' fedele e over'è!...
Chella 'nfama è felice luntana:
tu stanotte te pierde cu me!
II
Oje varca mia bella, na vota
tu cònnola fuste, mo no...
Stu munno se cagna...è na rota:
pe' me lietto 'e morte si tu!
Ma no, nun teng'odio...e perdono
a chi mme cundanna a murí...
Varca napulitana,
.................
III
Attuorno è silenzio e mistero...
e Napule veco 'e durmí...
Nun pare a me stesso, ma è overo
ca ll'alba nn'arrivo a vedé...
Na varca sperduta, sbattuta,
dimane, p''o mare, starrá...
Varca napulitana,
................
Finale:
Tu stanotte te pierde cu me!
Scala - Frustaci
VASAMMOCE NA VOTA
Chist'uocchie vuoste che malincunia...
addó' ce avess''a ridere tutt''a felicitá!
'Sta vócca vosta ca nun è d''a mia,
chisá che vase ardente sape dá...
Pecché ce avimm''a perdere
'a meglia giuventù?!
Penzate: ll'anne pássano,
nun tornano maje cchiù!
Sentite a me: vasámmoce na vota!
Pruvámmola 'sta gioja pe' nu minuto...
ê vvote nu minuto è tutt''a vita...
e io desse 'a vita mia pe' ve vasá!...
Sentite a me, vasámmoce na vota,
na sera, pe' Pusilleco, d'está!
II
Chi ve pò dí che vase appassiunate,
â sera, pe' Pusilleco, io ve sapesse dá?!
Nuje pure, 'nziem'a ll'ati 'nnammurate,
sapéssemo ched è 'a felicitá...
Sti vvócche se 'ncuntrassero
pe' nun se lassá cchiù...
Sti core se dicessero:
"Parlámmoce cu 'o ttu..."
Sentite a me vasámmoce na vota!
...............................
L. & G. Cioffi
VENNEGNA
Essa dicette a isso: "E' doce st'uva..."
e, cu na pigna 'mmano, dicette: "Prova!..."
Po' fuje nu 'mbruoglio 'e vase ca va' trova
pe' quantu tiempo senza se lassá,
senza se lassá...
Gente...
gente 'e campagna,
gente...
'ntiempo...
'ntiempo 'e vennegna ,
'ntiempo...
Mentre addurava 'o mmusto e se spugliava 'a vigna
ll'ommo ca na cumpagna sempe vò' truvá...
penzanno: "Figliola figliola, si' doce e asprigna..."
Vi' che vennégna se mettette a fá...
Vi' che vennégna se mettette a fá!
II
Doppo stu fatto e doppo tre o quatto sere,
nu 'gnóre se 'ncuntraje cu n'atu 'gnóre...
si chille, ognuno 'o ssape, fanno 'ammore...
nuje ch'aspettammo pe' ce apparentá?
Pe' ce apparentá?
Gente...
Finale:
Ammore ammore, sempe chesto fa
'ntiémpo 'e vennégna, oilá,
'ntiémpo 'e vennégna!
Bonagura - Cozzoli
VICINO A TE
Vicino a te,
sento 'a musica d''o viento.
Vicino a te,
sento 'o triémmolo d''e ffrónne.
Vicino a te,
veco 'a luce dint''a notte.
'Nzieme cu te,
trovo 'e rrose 'nterr'â rena.
Vicino a te,
nasce sempe na canzona nova.
Vicino a te,
chistu core se fa cchiù guaglione,
vierno pare quase primmavera.
Vicino a te.
. . . . . . . . . . . . . . . ..
Vicino a te,
nasce sempe na canzona nova.
Vicino a te,
chistu core se fa cchiù guaglione,
vierno pare quase primmavera,
vicino a te.
S. Tolino - P. Gagliardi
VICINO A TE
Marí', Marí'...
vurria ca 'o tiempo nun passasse maje,
quanno tu staje
vicino a me.
Marí', Marí'...
se fermasse quanno 'a vocca toja,
vasanno 'a mia,
ammore mio,
stu core 'mpietto, frèmmere mme fa!
Vicino a te,
sempe cu te.
Na vita sana:
n'eternitá!
'Nfacci'a stu mare
verde curallo,
sott'a stu cielo
puntiato 'e stelle...
io te vurría
tené abbracciata,
ánema mia...
vicino a te,
sempe cu te!
Peppino De Filippo
VICO 'E NOTTE

Vico 'e notte...
doje file 'e porte 'nchiuse
e io vaco sulo sulo pe' stu vico...
Vurría ca juorno nun facesse maje,
vurría restá cu 'sta malincunia!
Pe' 'sta malincunia,
'a notte è tutta 'a mia,
'a notte è tutta 'a mia...
Si stònno 'a mano piglio 'e stelle 'a cielo...
e 'o cielo se fa scuro comm''o vico...
Vico 'e notte:
Nisciuno vò' stá sulo e i', pe' dispietto,
nun voglio cumpagnia...
'A luna mme fa 'a spia;
'a reto a nu puntone mme fa 'a spia...
e tutt''e stelle ca mme só' arrubbate,
'e vva cercanno 'nterr'a nu balcone
addó' ll'ammore
nun se vò' cchiù affacciá...
C. Villa
VIENEME 'NZUONNO
E pass''o tiempo
sunnanno ll'ammore,
sultanto ll'ammore...
e nun s'arrènne stu core,
penzanno, aspettanno a te...
Pure 'a vernata fredda
se ll'accarezza 'o sole...
ma 'o sole,
'o sole mio...addó' sta?!
Viéneme 'nzuonno sí,
viéneme 'nzuonno!
Nun mme scetá,
famme 'mpazzí
'nzieme cu te...
Mme pare overo ca sí turnata
comm'a na vota
abbracciata cu me...
Sento ancora dint''e vvene,
'o desiderio e 'o bbene...
damm''a mano, damme 'o core:
Io voglio sulo a te...
Viéneme 'nzuonno sí...
viéneme 'nzuonno...
te voglio dí:
"'O sole mio si' tu!"
II
Facimmo pace!
Nun 'mporta 'o ppassato:
ce sta nu dimane...
Io conto 'e juorne suffrenno,
vulenno sultanto a te...
'Sta vita nun è vita
si nun ce sta ll'ammore...
e 'ammore,
'ammore mio si' tu!
Viéneme 'nzuonno sí...
......................
Finale:
Voglio sunná...
'nzieme cu te voglio sunná!...
Benedetto - Zanfagna
VIENETENNE A POSITANO
Ce venètte nu furastiere,
ce venètte tant'anne fa...
(Coro): Ce venètte tant'anne fa...
Só' tant'anne lle pare ajere
nun se stanca cchiù d''a guardá!
(Coro): Nun se stanca cchiù d''a guardá!
Fuje 'o stesso cu nu pittore
fá nu quadro...po' n'ato e po'...
Dice: Parto! ma sempe 'o core
risponne: No!
Oje bella, viéneténne a Positano...
addó' ll'uocchie cu 'e suonne
'ncantáte se pònno guardá...
Addó' se vótta 'o vverde 'int''o tturchino
e na casa se 'ntóppa
cu n'ata ca 'ncòppa lle sta...
Oje bella, fa' na 'ntésa cu st'ammore,
cu me, ca si vuó' stu core,
t'aspetto ccá!
II
Stu paese s'appiccia, e pare
nu presepio 'nnanze a te...
(Coro): Nu presepio 'nnanze a te
Ogne sera, fra cielo e mare,
stu miracolo puó' vedé...
(Coro): Stu miracolo puó' vedé...
Pe' 'sta cosa ca s'è saputa,
comm'è stato, se pò capí:
Tutt''a gente, quann'è venuta,
nun vò' partí...
Oje bella, viéneténne a Positano
................................
Bonagura - De Angelis
VIERNO
E' vierno: chiove, chiove 'a na semmana...
e st'acqua assaje cchiù triste mme mantene...
Che friddo, quanno è 'a sera, ca mme vène...
cu st'aria 'e neve, mo ca manche tu.
'Sta freva, ca manch'essa mm'abbandona,
'sta freva, 'a cuollo, nun se leva cchiù!
Vierno!
che friddo 'int'a stu core...
e sola tu,
ca lle puó' dá calore,
te staje luntana e nun te faje vedé'!
Te staje luntana e nun te cure 'e me!
II
Ca mamma appiccia 'o ffuoco tutt''e ssere
dint'a 'sta cammarella fredda e amara?!
"Ma che ll'appicce a fá, vecchia mia cara,
s'io nun mme scarfo manco 'mbracci'a te!?"
Povera vecchia mia...mme fa paura:
è n'ombra ca se move attuorno a me!...
Vierno!
ecc...ecc...
Acampora - De Gregorio
VIERNO TRASE
P''o cielo aria 'e tempesta,
sole nascosto...
nfra terra e mare
nuvole a centenara....
......................
Cu 'e primme fridde vène 'a pecundría,
vierno trase...
malincunia!
Si na speranza tiene dint''o core
lenta e triste se ne more!
Addio sere d'estate
e serenate
cantate p''e ciardine e 'mmiez'ê vvie.
Addio nuttate belle
ciele puntiate 'e stelle,
si site 'nnammurate e v'ha lassato...
Che pecundría!
II
Vola n'auciello spierzo, senz'ammore,
comme spierzo va chistu core.
Scorre, p''e titte, ll'acqua 'mmiez'â via...
vierno trase...
che nustalgía!
Addio carezze e vase,
addio surrise,
'mmiez''âddóre d''e sciure
e 'e panne spase...
Addio sole d'estate,
addio tiempe passate...
Si site 'nnammurate
e v'ha lassato,
che pecundría!
.................
P''o cielo aria 'e tempesta
Oj' bella estate addio...
more ll'ammore mio
e vierno trase!
Peppino De Filippo
VOCCA 'E ROSA

Te vedètte ll'ata sera
doppo n'anno e forse cchiù...
Te lassaje a primmavera
chiena 'e rose e giuventù...
Mo te trovo triste e stanca:
quase nun mme pare tu...
Vócca 'e rosa...
Vócca 'e rosa te chiammavo:
tutt''e vase ca mme dive,
ne facevo nu buchè...
Doppo n'anno,
doppo n'anno sulamente,
vócca 'e rosa cchiù nun si'...
Io te guardo e, tristamente,
penzo a chello ca mo si'...
II
Giuvinotto, primmo ammore,
mm'attaccaje 'mbracci'a te...
E tu pure, anema e core,
t'astrigniste 'mpietto a me...
Po' partette, fuje surdato:
"Statte accorta, picceré'..."
Vócca 'e rosa...
Vócca 'e rosa te chiammavo:
Tutt''e vase ca mme dive,
ne facevo nu buchè...
Doppo n'anno,
tutt''e rrose, puntualmente,
só' turnate attuorno a me...
Vócca 'e rosa, sulamente,
s'è sfrunnata!...Ma pecché?
Mallozzi - Rendine
VOCE 'E NOTTE

Si 'sta voce te scéta 'int''a nuttata,
mentre t'astrigne 'o sposo tujo vicino...
Statte scetata, si vuó' stá scetata,
ma fa' vedé ca duorme a suonno chino...
Nun ghí vicino ê llastre pe' fá 'a spia,
pecché nun puó' sbagliá 'sta voce è 'a mia...
E' 'a stessa voce 'e quanno tutt'e duje,
scurnuse, nce parlávamo cu 'o "vvuje".
II
Si 'sta voce te canta dint''o core
chello ca nun te cerco e nun te dico;
tutt''o turmiento 'e nu luntano ammore,
tutto ll'ammore 'e nu turmiento antico...
Si te vène na smania 'e vulé bene,
na smania 'e vase córrere p''e vvéne,
nu fuoco che t'abbrucia comm'a che,
vásate a chillo...che te 'mporta 'e me?
III
Si 'sta voce, che chiagne 'int''a nuttata,
te sceta 'o sposo, nun avé paura...
Vide ch'è senza nomme 'a serenata,
dille ca dorme e che se rassicura...
Dille accussí: "Chi canta 'int'a 'sta via
o sarrá pazzo o more 'e gelusia!
Starrá chiagnenno quacche 'nfamitá...
Canta isso sulo...Ma che canta a fá?!..."
Nicolardi - De Curtis
VOMMERO E MARGELLINA
Tu staje 'e casa ô Vommero,
io stongo a Margellina...
tu duorme 'mmiez'a ll'albere,
io 'nterra a 'sta marina...
Cu 'e rampicante e ll'ellera
t'hê fatto nu lettino;
io tengo 'arena morbida,
nu scoglio pe' cuscino...
Spusámmoce...spusámmoce...
Ca si stu matrimonio,
ll'ammore ce cumbina...
te veco 'ncopp''o Vommero
da vascio Margellina.
II
Tu siénte comme cantano
ll'aucielle 'int''e ciardine...
io sento da Pusilleco
chitarre e manduline...
Si allegro e malinconico
te guarda San Martino,
io sento ca 'o Vesuvio
mme fa nu surdiglino...
ll'ammore ce cumbina...
tu, bella, 'a copp''o Vommero
mme vide a Margellina.
III
Tu dice: "'Ncopp''o Vòmmero
'o cielo è cchiù celeste..."
Io dico: "'O mare 'e Napule
è 'a festa 'e tutt''e ffeste!..."
E si pe' copp'a ll'albere
a te cántano 'e ffronne...
a me, p''o mare placido,
cántano 'e vvarche e ll'onne!
duje figlie ce cumbina...
nu figlio 'o chiammo Vòmmero,
na figlia Margellina!
Fiore - Lama
VURRIA
Dint'a na stanzulélla fredda e scura,
addó' na vota ce traseva 'o sole,
mo stóngo io sulo...e tengo na paura
ch'a poco a poco, mme cunzuma 'o core...
Paura ca mme struje 'sta malatia
senza vedé cchiù Napule,
senza vedé cchiù a te...
Vurría turná addu te,
pe' n'ora sola,
Napule mia...
pe' te sentí 'e cantá
cu mille manduline...
Vurría turná addu te
comm'a na vota,
ammore mio...
pe' te puté vasá,
pe' mme sentí abbracciá...
'Sta freva
ca nun mme lassa maje!
'sta freva
nun mme fa cchiù campá...
pe' n'ora sola,
Napule mia...
Vurría...vurría...vurría...
ma stóngo 'ncróce!
II
Stanotte, dint''o suonno, si' turnata...
Mm'accarezzave, chiano, 'sta ferita...
Aggio sentuto mille serenate,
aggio sentuto Napule addurmuta...
Po', 'mmiez'a tanta nebbia, só' caduto...
senza vedé cchiù Napule,
senza vedé cchiù a te!...
....................
Pugliese - Rendine
ZAMPUGNARIELLO
Sotto Natale se pigliaje 'a zampogna,
se ne scennette 'a copp'a la muntagna,
lassanno a Filumena a fá li llegna:
"Faccio denare e mme ne torno â casa
e doppo ce spusammo dint''o mese...
'e sòrde mm'astip'i'...tu astípa 'e vase..."
Ullèro, ullèro...
sunava 'mmiez'â via 'o zampugnariello:
Lle purtarrá furtuna 'o Bammeniello...
e sona...
e penza: - Che peccato ch''a nuvena,
nun 'a sente Filumena...
nun 'a sente Filumena... -
II
Ll'at'anno aveva fatto sempe 'a folla:
guagliune, viecchie, gruosse e piccerille...
sentévano 'a zampogna e 'a ciaramella...
Stavota li presebbie nun ce stanno:
nisciuno 'o sente, s'è cagnato 'o munno...
'e gruosse e 'e piccerille, mo, che fanno?
Ullèro, ullèro...
sunava 'mmiez'â via 'o zampugnariéllo:
"Oje bona gente, è nato 'o Bammeniéllo..."
e sona...
Ma si nisciuno 'a sente 'sta nuvena,
che lle porta a Filumena?...
che lle porta a Filumena?...
III
Cuccáto, 'a notte, dint'a la lucanna,
cu ll'uocchie 'nfuse 'e lacreme, se sonna
ca ll'abbasta nu core e na capanna...
Ma lle cumpare 'o Bammeniéllo 'nzuónno
ca lle fa 'o pizzo a riso zennianno...
si duje se vònno, ciente nun ce pònno!...
- Ullèro, ullèro...
- lle dice 'o Bammeniéllo, - sta' felice,
ca chesta mana mia te benedice -
e sona...
Nisciuno cchiù ce crede a 'sta nuvena,
ma ce crede Filumena...
ma ce crede Filumena...
Mendía - Nardella
ZAPPATORE
Felicissima sera,
a tutte sti signure 'ncruvattate
e a chesta cummitiva accussí allèra,
d'uommene scicche e femmene pittate!
Chesta è na festa 'e ballo...
Tutte cu 'e fracchesciasse sti signure...
E i', ca só' sciso 'a copp''o sciaraballo,
senza cercá 'o permesso, abballo i' pure!
Chi só'?...
Che ve ne 'mporta!
Aggio araputa 'a porta
e só' trasuto ccá...
Musica, musicante!
Fatevi mórdo onore...
Stasera, 'mmiez'a st'uommene aligante,
abballa un contadino zappatore!
II
No, signore avvocato...
sentite a me, nun ve mettite scuorno...
Io, pe' ve fá signore, aggio zappato
e stó' zappanno ancora, notte e ghiuorno!
E só' duje anne, duje,
ca nun scrive nu rigo â casa mia...
Si 'ossignuría se mette scuorno 'e nuje...
Pur'i' mme metto scuorno 'e ...'ossignuría"
Chi só'?!
Dillo a 'sta gente
ca i' songo nu parente
ca nun 'o può cacciá...
Musica, musicante!
ca è bella ll'allería...
I' mo ve cerco scusa a tuttuquante
si abballo e chiagno dint''a casa mia!
III
Mamma toja se ne more...
'O ssaje ca mamma toja more e te chiamma?
Meglio si te 'mparave zappatore,
ca 'o zappatore, nun s''a scorda 'a mamma!
Te chiamma ancora: "Gioja"...
e, arravugliata dint''o scialle niro
dice: "Mo torna, core 'e mamma soja,
se vene a pigliá ll'ùrdemo suspiro..."
Chi só'?
Vuje mme guardate?
Só' 'o pate...i' sóngo 'o pate...
e nun mme pò cacciá!...
Só' nu fatecatóre
e magno pane e pane...
Si zappo 'a terra, chesto te fa onore...
Addenócchiate...e vásame sti mmane!
Bovio - Albano
ZI' CARULINA
Cuncettèlla è na bona figliola,
ma nun tene né mamma, né pate;
ll'aggiu vista, ce simmo spiegate
e mm'ha ditto: "Parlate a Zi-zí'..."
E buongiorno e salute,
io...na cosa sultanto
ve voglio dí:
Si a Cuncetta mm''a sposo,
o cunzenzo mm''o date,
Zí' Carulí'?
II
Arapíte 'sta scatula 'e stagno
giá ca site aggarbata e curtese;
accettate stu sordo 'e liccese
e, surchianno, putimmo parlá...
......................
III
Ma che fa ca nun tene 'a cammisa?
Ll'ommo buono, 'a cammisa, 'a rifiuta:
Io nun voglio 'a figliola vestuta:
Senza niente è cchiù meglio, Zi-zí'...
......................
ZINGARA MIA
Na zingara mm'ha ditto: "Damme 'a mano,
te voglio andiviná chi te vò' bene...
si chi te sta vicino o sta luntano
te penza e si te dice 'a veritá...
Ce sta nu core giovane, nu core...
ca senza 'e te nun sape cchiù campá..."
"Zingara mia...chella nun mme vò' bene:
liéggeme meglio e truove 'a veritá!
E' na figliola, tanto 'nfama e 'ngrata,
ca pure a te ha 'ngannato,
tale e quale,
comm'a me.
Tene na preta 'mpietto e no nu core...
e sulo pene amare
pe' nu vaso
sape dá.
E' na fattura
che mm'ha saputo fá...
ca mme fa tanto
chiagnere e pená.
Zingara mia, ha miso int'a sti vvène...
na smania, nu veleno
ca mm'accide
e fa murí.
Dille...
dille accussí:
Nun farlo, nun farlo cchiù suffrí...
lássalo 'mpace e dalle dint''o core
nu poco 'e bene e de sinceritá!"
Peppino De Filippo

AA VV LaCanzoneNapoletana PDF

Caricato da

Informazioni sul documento

Titolo originale

Copyright

Formati disponibili

Condividi questo documento

Condividi o incorpora il documento

Opzioni di condivisione

Hai trovato utile questo documento?

Questo contenuto è inappropriato?

Copyright:

Formati disponibili

AA VV LaCanzoneNapoletana PDF

Caricato da

Copyright:

Formati disponibili

La Canzone Napoletana

'A BONANEMA 'E LL'AMMORE

'A CANZONE 'E NAPULE

'A CANZONE D''A FELICITA'

'A CANZONE D''E CCANZONE

'A CANZONE D''E STELLE

'A CARTULINA 'E NAPULE

'A CITTA' 'E PULLECENELLA

'A CURA 'E MAMMA'

'A FATA D''E SUONNE

'A GIUVENTU' VA 'E PRESSA

'A LUNA 'E NAPULE

'A LUNA E 'O MARE

'A MARINA 'E TRIPOLI

'A PRIMMA 'NNAMMURATA

'A PRUTESTA 'E SAN GENNARO

Non proteggo più il grattino...

'A RICETTA 'E NAPULE

'A RUMBA D''E SCUGNIZZE

'A SERENATA 'E PULICENELLA

'A SERENATA 'E PULICENELLA

'A SERENATA D''E RROSE

'A TAZZA 'E CAFE'

'A TRUMMETTA A' VECARIA

'A VOCE 'E MAMMA

'ALBERGO 'E LL'ALLEGRIA

ADDO' MME VASA ROSA

ADDO' VAJE...? CHI SAPE NIENTE...

AGGIO PERDUTO 'O SUONNO

AH! LL'AMMORE CHE FA FA'

AMARO E' 'O BBENE

AMMORE 'E FEMMENA

AMMORE CHESTO VO'

ATTENTI ALLE DONNE

BAMMENELLA D''O MERCATO

BELLA CA BELLA SI'

BENEDITTO 'O MESE 'AUSTO

CANTA PE' ME!

CANZONE 'E TERZIGNO

CANZUNCELLA P' 'E FURASTIERE

Coro: Cu 'o ndanderandí!...

SI' CARTA CANUSCIUTA

CARULI' CU ST'UOCCHIE NIRE

CHE MM'HE' 'MPARATO A FA'

Arapimmo 'a fenesta:

CHE T'AGGI''A DI'

CHELLA D''E RROSE

CHITARRATA D' AMMORE

Si sulo mm'ha da dí ca mme vò' bene,

COMM' E' BELLA 'A STAGIONE!

COMME FACETTE MÁMMETA?

COMME SE CANTA A NAPULE

CONNOLA SENZA MAMMA

CORE 'E MAMMA

CUNTO 'E LAMPARE

DESIDERIO 'E SOLE

DIMME ADDO' STAJE

DIMME NA VOTA SI'

DINT' A N'ORA DIO LAVORA

DOJE STELLE SO' CADUTE

DOVE STA ZAZA' ?

'E DDOJE LUCIE

'E QUATT''E MAGGIO