La mia ganza

[La Traitresse – Svampa-Brassens]

 
 
Lam                   Si7
Gh’hoo nient alter de faa
Mi7                  Lam
Che ‘spettaa on beccamòrt
Lam                 Si7              
Gh’hoo pù nagòtt de dì,
Mi7               La7
Pòdi piang la mia sòrt
 
          Rem         Sol Do
Troo via el coo, me disperi
      Fa7      Sib
Perché ier martedì
     Mi7           Lam
Hoo trovaa la mia ganza
       Sim      Mi7Lam
Ammò insemma al marii
 
La7     Re Mi7 La
Và in malo –o -ra
Fa#7   Si Mi7 Lam
  Tradito –o  -ra
 
 
Mi credevi che lee
La pensass domà a mì
Me pareva de vess
Pussee bell del marii
 
Mentre invece el mè mond
Tutt a on bòtt l’è crollaa
Quand hoo vist la mia ganza
In di brasc de quell là
 
Và in malora
Traditora
 
Troeuvi nò l’espression
Gh’hoo on bell pari a cercaa
Troeuvi minga i paròll
Per podella insultà
 
Per fa i còrni al sò òmm
L’ha scernì el sò marii
Se pò minga pensala
Pussee gròssa de inscì
 
Và in malora
Traditora
 
Dove hoo miss i mè oeucc
hoo perduu el sentiment
‘me se fa a accòrgess nò
che giamò da on quaj temp
 
Quand che la me basava
la se tegniva su
e che i ultim fioeu
me somigliaven pù
 
Và in malora
Traditora
 
E per mej pientamm giò
Sti dùu corni in del coeur
Rafinada ‘me’l diavol
La va adree a toeuvem in gir
 
Quand la dis ai mè amis
de stà quiett tant se ved
Ch’el pussee becch di duu
l’è nò quell che se cred
 
Và in malora
Traditora
 
Inscì adess stì voncioni
me vòlten i ciapp
e hinn adree per rifaa
el matrimoni de capp
 
L’immoral la mia ganza
Inscì brava in del lett
La se mett a scambiaa
Vun con l’alter i becch.
 
Và in malora
Traditora