Esaal e Sawab Kay Mozoo Par Likhi

Jaane Waali Ek Jaame Tahreer

Esaal e Sawab
Sunnat Hai
By
Mufti Muhammad Akmal Qadri

1
 ‫ﺑِﺴﻢِ اﷲِ اﻟﺮﱠﺣﻤٰﻦِ اﻟﺮَّﺣِﯿﻢ‬

Suwal no (1):-
Marhoomeen ko sawab bhejne ko sharai tor par kya
kehte hain ?
Jawab:-
Esaal e Sawab kaha jata hai .
Suwal no (2):-
Lafz e Esaal e Sawab ka kya matlab hai ?
Jawab:-
Esaal ka matlab hota hai “Bhejna” aur Sawab ka
matlab hai “A’maal Ka Badla”…..ya…..”Woh Chiz K Jis
K Baais Insaan , Allah Ta’ala Ki Taraf Se Rahmat o
Maghfirat Aur Rasoolullah Sallallahu Alaihi Wasallam Ki
Janib Se Shafaa’at Ka Mustahiq Ho Jata Hai”.
Ma’loom hua k apne a’maal ka badla marhoomeen k
na’ma e a’maal mein bhejne ka naam “Esaal e Sawab” hai
.

2
Suwal no (3):-
Kya is par koi daleel mojood hai k zinda logon ki
taraf se murdon ko dua o esaal e sawab ki bina par kisi
qism ka nafa pahunchta hai ?
Jawab:-
Ji haan , is par Quran e Kareem aur Ahadith e
Mubaraka mein beshumaar dalail diye ja sakte hain , jin
mein se chand darj e zel hain .
Ayat e Kareema Se Dalail
(1) Terhwaan Para Surah Ibrahim (Ayat 41) mein

irshad hua ,
Aey hamare Rab mujhe bakhsh de aur mere maa baap ko
aur sab musalmano ko jis din hisaab hoga .
(Tarjama e Kanzul Iman)
Ma’loom hua k dua se na sirf pehle guzre hue
faizyaab hote hain balke ba’ad mein aane waalon ko bhi is
ki barakaat mein hissa haasil hota hai , agar aisa na ho to
Hazrat e Ibrahim Alaihis Salaam ka dua farmana bekaar o

3
lagv jaye ga aur nabi se bekaar aur lagv kaamo ka sudoor
nahi hota .
(2) Chobeeswaan Para Surat ul Mo’min (Ayat 7) mein

zikr hua ,

.
(3) Athaaiswaan Para , Surat ul Hashr (Ayat10) mein

Allah Ta’ala ne irshad farmaya ,

Aur woh jo un k ba’ad aaye , arz karte hain aey hamare

Rab hamein bakhsh de aur hamare bhaiyon ko jo hum se
pehle imaan laye . (Tarjama e Kanzul Iman)

Ayat e Paak mein “ ” se

muraad qiyamat tak aane waale musalmaan hain . Aur un
ka maqam e madah mein zikr farmana saabit karta hai k
Allah Ta’ala un k us kaam se razi o khush hai aur ye
musallama baat hai k Allah Ta’ala bekaar o lagv kaamon
se khush nahi hota , lihaza ma’loom hua k un ka guzre
hue logon keliye dua e maghfirat farmana bekaar nahi ,
4
aur jab ye bekaar nahi to yaqeenan kaar aamad saabit hogi
aur jab is amal ka kaar aamad hona Quran e Azeem se
saabit ho gaya to ma’loom hua k zindon ki dua se murdon
ko nafa haasil hota hai .
Ahadith e Mubaraka Se Baraaheen o Dalail
(1) Hazrat e Ayesha (Radi Allahu Anha) bayan farmati
hain k “Rasoolullah (Sallallahu Alaihi Wasallam) ne ek
seengon wala mendha laane ka hukm diya , jis k haath ,
pair aur aankhen siyaah hon , sou qurbani keliye aisa
mendha laya gaya . Aap ne farmaya , “aey Ayesha! churi
lao”. Phir farmaya , “isey patthar par tez karo”. Main ne
us ko tez kiya . Phir aap ne churi li , mendhe ko pakra , us
ko litaya aur zibah farmane lage , phir farmaya , “Allah k
naam se , aey Allah! Muhammad , Aal e Muhammad aur
Ummat e Muhammad ki taraf se isey qabool farma . Phir
us ki qurbani ki”.
(‫ﺑﺎب اﺳﺘﺤﺒﺎب اﻻﺿﺤﯿۃ وذﺑﺤﮭﺎ ﻣﺒﺎﺷﺮة‬،‫)ﻣﺴﻠﻢ‬
(2) Hazrat Ibrahim Bin Saleh (Radi Allahu Anhu)
farmate hain k main ne apne walid ko kehte suna k “hum
hajj k irade se nikle to ek shakhs (yani Hazrat Abu
Hurairah (Radi Allahu Anhu))” mile , farmane lage
“tumhari ek basti hai jis ka naam “‫ ”اﺑﻠۃ‬hai ?” hum ne kaha
5
haan . Farmaya , “tum mein se koun mujhe is baat ki
zamaanat deta hai woh Masjid e Ashar mein
do…..ya…..chaar rak’atein ada kare aur kahe k “is namaz
ka sawab Abu Hurairah keliye hai”. Main ne apne Khaleel
Abul Qasim (Sallallahu Alaihi Wasallam) se suna hai k
beshak Masjid e Ashar se qiyamat k din Allah Ta’ala aise
shaheedon ko uthaaye ga k siwaaye shuhada e badar k aur
koi un ka humsar na hoga . (Abu Dawood)”
(3) Hazrat Ibn e Abbas (Radi Allahu Anhuma) farmate
hain k “ek shakhs ne haazir e khidmat ho kar arz ki , “ya
Rasoolallah (Sallallahu Alaihi Wasallam)! meri walida fot
ho gayi hain aur agar main un ki taraf se kuch khairaat
karoon to unhein faida pahunche ga ?” farmaya “haan!”
us shakhs ne arz ki k mera ek baagh hai , main aap logon
ko gawaah banaakar kehta hoon k main ne usey apni maa
ki taraf se raah e Khuda Azzawajal mein de diya .
(Abu Dawood)
(4) Hazrat e Abu Hurairah Radi Allahu Anhu bayan
karte hain k ek shakhs ne Rasoolullah (Sallallahu Alaihi
Wasallam) se arz ki “ya Rasoolallah (Sallallahu Alaihi
Wasallam)! mere walid fot ho gaye hain aur unhon ne
maal chora hai lekin koi wasiyat nahi ki . Agar main un ki

6
taraf se sadaqa karoon to un k gunahon ka kaffara ada ho
jaye ga ?” Aap (Sallallahu Alaihi Wasallam) ne irshad
farmaya “haan!” (Muslim)
(5) Hazrat e Saad Bin Ubadah (Radi Allahu Anhu)
farmate hain k main ne Rahmat e Aalam (Sallallahu
Alaihi Wasallam) se daryaaft kiya k meri walida fot ho
gayi hain . Kya main un ki taraf se kuch khairaat karoon
?” Aap ne irshad farmaya “haan karo”. Main ne arz ki
“koun sa sadaqa afzal hai ?” irshad farmaya “pani pilana”.
(Nasai)
(6) Hazrat e Abu Hurairah (Radi Allahu Anhu) se
riwayat hai k ek shakhs ne Nabi e Kareem (Sallallahu
Alaihi Wasallam) se kuch wasiyat ki “mere walid fot ho
gaye hain aur kuch maal bhi chora hai , lekin kuch
wasiyat karke nahi gaye . Agar main un ki taraf se kuch
sadaqa karoon to ye sadaqa un keliye kaffara aur najaat ka
sabab ban sakta hai ya nahi ?” Rasoolullah (Sallallahu
Alaihi Wasallam) ne irshad farmaya “haan! ban sakta
hai”. (Nasai)
(7) Hazrat e Abdullah Bin Umar (Radi Allahu

7
Anhuma) se marvi hai k Sarkar e Madina (Sallallahu
Alaihi Wasallam) ne irshad farmaya k “jab tum mein se
koi shakhs kuch nafl khairaat kare to chahiye k usey maa
baap ki taraf se kare kyunke us ka sawab dono ko mile ga
aur us shakhs k sawab mein kuch bhi kam na kiya jaye ga
. (Tabarani Awsat)
(8) Marvi hai k ek Sahabi (Radi Allahu Anhu) ne
haazir ho kar arz ki k “ya Rasooolallah (Sallallahu Alaihi
Wasallam)! main apni zindagi mein un k saath nek sulook
kiya karta tha , ab woh mar gaye hain to un k saath nek
sulook ki kya raah hai ?” Sarwar e Do Aalam (Sallallahu
Alaihi Wasallam) ne arshad farmaya “un k marne k ba’ad
nek sulook mein se ye hai k tu apni namaz k saath un k
liye bhi namaz parhe aur apne rozon k saath un keliye bhi
roze rakkhe”.
Note:- Yahan namaz se muraad nafl namaz aur rozon se
muraad nafl roze hain kyunke farz , namaz , roze ek dusre
ki taraf se ada nahi kiye ja sakte .
(9) Ayesha Siddiqa (Radi Allahu Anha) se riwayat hai
k ek aurat ne haazir ho kar arz ki “ya Rasoolallah
(Sallallahu Alaihi Wasallam)! meri walida achanak
wafaat pa gayi hain , agar aisa na hota to woh zaroor

8
sadaqa o khairaat karteen . Agar main un ki taraf se
khairaat karoon to kya unhein sawab mile ga ?” Nabi e
Kareem (Sallallahu Alaihi Wasallam) ne irshad farmaya
“haan!” pas us aurat ne apni walida ki taraf se sadaqa o
khairaat ki”. (Abu Dawood)
(10) Marvi hai k Hasanain Karimain (Radi Allahu
Anhuma) Hazrat e Ali (Radi Allahu Anhu) ki wafaat k
ba’ad un ki taraf se ghulam azaad kiya karte the .
(‫)ﺷﺮح اﻟﺼﺪور ﺑﺸﺮح اﻟﻤﻮﺗﯽ واﻟﻘﺒﻮر‬
(11) ‫( ﺣﻀﺮتِ ﺣﻨﺶ‬Radi Allahu Anhu) se marvi hai k
Hazrat e Ali (Radi Allahu Anhu) do mendhon ki qurbani
kiya karte the , ek Rasoolullah (Sallallahu Alaihi
Wasallam) ki taraf se aur ek apni taraf se . Aap se is k
muta’alliq poocha gaya to farmaya k , “mujhe
Rasoolullah (Sallallahu Alaihi Wasallam) ne is baat ka
hukm farmaya hai , pas main isey kabhi na choroon ga”.
(‫ ﺑﺎب ﻓﯽ اﻻ ﺿﺤﯿۃ ﺑﮑﺒﺸﯿﻦ‬-‫)ﺗﺮﻣﺬی‬

(12) Marvi hai k Aas Bin Wail ne wasiyat ki k us ki

taraf se sou ghulam azaad kiye jayein to Hisham ne 50
ghulam azaad kar diye . Us k bete Umar Bin Al’as (Radi
9
Allahu Anhu) ne 50 azaad karne ka irada kiya lekin unhon
ne socha k pehle is silsile mein Rasoolullah (Sallallahu
Alaihi Wasallam) se daryaaft kiya jaye . Chunanche woh
Aap ki khidmat mein haazir hue aur baqiya ghulam azaad
karne k baare mein daryaaft kiya . Rasoolullah (Sallallahu
Alaihi Wasallam) ne farmaya , “agar tera baap islam o
imaan k saath rukhsat hota to phir tu us ki taraf se ghulam
azaad karta….ya….sadaqa karta….ya….hajj karta to in
a’maal ka sawab us ko pahunch jata”. (Abu Dawood)
(13) Hazrat Ibn e Abbas (Radi Allahu Anhuma) farmate
hain k Rasoolullah (Sallallahu Alaihi Wasallam) murdon
ko un k azeez o aqaarib aur bhaiyon ki taraf se dua ,
sadaqa aur ibaadaat keliye targheeb farmate rehte the aur
farmate the k ye tamam chizen murdon ko nafa deti hain .
(١٧۴ ‫)ﮐﺸﻒ اﻟﻐﻤہ ﻟﻼﻣﺎم ﻋﺒﺪاﻟﻮھﺎب اﻟﺸﻌﺮاﻧﯽ اﻧﯽ اﻟﻤﺠﻠﺪ اﻻول‬
Mazkoora Ahadith e Kareema se darj e zel nikaat
haasil hue .
(i) Esaal e Sawab , jaiz aur pyare Aaqa (Sallallahu
Alaihi Wasallam) aur Sahaba e Kiram (Radi Allahu
Anhum) ki sunnat e mubaraka hai . (Jaisa k taqreeban
tamam Ahadith se saabit hua .)

10
 (ii) Pyare Aaqa (Sallallahu Alaihi Wasallam) aur
Sahaba e Kiram (Radi Allahu Anhum) ne esaal e sawab
keliye targheeb o wasiyat farmai . ( Jaisa k Hadees no 2 ,
11 aur 31 se saabit hua .)
(iii) Esaal e Sawab jis tarah dunya se parda kiye hue
musalmano keliye kiya ja sakta hai isi tarah mojooda aur
aainda aane waalon keliye bhi jaiz o mumkin hai . (Jaisa k
Hadees no 1 se saabit hua .)
(iv) Esaal e Sawab sirf musalmano ko kar sakte hain ,
kuffar keliye jaiz nahi aur bilfarz koi kare bhi to unhein is
se koi faida nahi pahunch sakta . (Jaisa k Hadees no 12 se
ma’loom hua .)
(v) Esaal e Sawab ki barakat se marhoomeen k
gunahon ko mitaa diya jata hai . (Hadees no 4 se saabit
hua .)
(vi) Esaal e Sawab murdon keliye najaat ka sabab ho
sakta hai . (Hadees no 6 se saabit hua .)
Suwal no (4):-

11
 Esaal e Sawab ki barakat se sawab o najaat o kaffara
e zunoob k ilava murdon ko aur kya kya faide haasil hote
hain ?
Jawab:-
Is ki barakat se beshumaar ne’matein bhi haasil ho
jati hain , jis ki ma’rifat keliye darz e zel riwayaat ka
mutala’a farmayye .
• Murde Ki Khushi:-
Hazrat e Anas (Radi Allahu Anhu) farmate hain
k main ne Rasoolullah (Sallallahu Alaihi Wasallam) se
suna k “jab koi mayyit ko esaal e sawab karta hai to
Hazrat e Jibrail (Alaihis Salaam) usey ek noorani tabaaq
mein rakh kar qabr k kinaare khare ho jaate hain , phir
irshad farmate hain k aey gehri qabr k saathi! Ye tohfa
tere ghar waalon ne bheja hai , isey qabool kar le”. Phir
jab woh sawab us ki qabr mein dakhil hota hai to woh
murda us se behad khushi mahsoos karta hai aur us k woh
parosi ghamgheen ho jaate hain k jin ki taraf koi shai
hadiya nahi ki gayi hoti”. (Tabarani)
• Fasaadi Ki Maghfirat:-
Hazrat e Abdullah Bin Saleh (Radi Allahu

12
Anhu) farmate hain k main ne ‫( اﺑﻮﻧﻮاس ﮐﻮ‬us k marne k
ba’ad) khwab mein dekha k woh bari ne’maton mein hai .
Main ne us se kaha k “Allah Ta’ala ne tere saath kya
mu’amala farmaya ?” us ne jawab diya k “Allah Ta’ala ne
meri bakhshish farmane k saath saath ye ne’matein bhi ata
farmayi hain”. Main ne daryaaft kiya k “teri maghfirat ka
sabab kya chiz bani halanke tu to fasaadi tha ?” us ne
kaha k “darasal ek nek shakhs raat ko qabristan mein aaya
aur apni chaadar bichhaa kar us par do rak’at namaz parhi
aur un dono rak’aton mein do hazaar martaba Surah
Ikhlas yani “ ‫ ” ﻗﻞ ھﻮاﷲ اﺣﺪ‬parh kar us ka sawab tamam
qabristan waalon ko bakhsh diya . Chunanche is ki
barakat se Allah Ta’ala ne tamam qabristan waalon ki
maghfirat farma di aur chunke main bhi in mein shaamil
tha . Lihaza mujhe bakhsh diya . (Sharh us Sudoor)
• Esaal e Sawab Ki Barakat:-
Ek buzurg irshad farmate hain k kisi shakhs ne
khwab mein dekha k qabristan ki tamam qabrein phat
gayi hain aur murde un se baahar nikal kar jaldi jaldi
zameen par se koi chiz samet rahe hain , lekin murdon
mein se ek shakhs faarigh baitha hua hai , woh kuch nahi
jaanta . Us shakhs ne usey ja kar salam ki aur poocha k
“ye log kya chun rahe hain?” us ne jawab diya k “zinda

13
log jo kuch sadaqa….ya….dua….ya….durood wagera is
qabristan waalon ko bhejte hain , us ki barakaat samet
rahe hain . “Us ne kaha tum kyun nahi chunte ?”
Jawab diya “mujhe is wajah se faraagat hai k mera beta
hafiz e Quran hai jo fulan bazaar mein halwa bechta hai
rozana ek Quran e Paak parh kar mujhe bakhshta hai”.
Ye shakhs subh usi bazaar mein gaya , dekha k ek
nojawan halwa bech raha hai aur us k hont hil rahe hain is
ne nojawan se poocha “tum kya parh rahe ho” us ne
jawab diya k main rozana ek Quran parh kar apne
walidain ko bakhshta hoon , usi ki tilawat kar raha hoon”.
Kuch arse ba’ad us ne khwab mein dobara usi qabristan k
murdon ko kuch chunte hue dekha , is martaba woh bhi
chunne mein masroof tha jis ka beta usey Quran parh kar
bakhsha karta tha , usey chunta dekh kar isey bahut
ta’ajjub hua , itne mein is ki aankh khul gayi . Subh uth
kar usi bazaar mein gaya aur tahqeeq ki to ma’loom hua k
halwa bechne waale ka bhi intiqaal ho gaya hai .
(Rowd ur Riyaheen)
• Ghamzada Nojawan:-
Hazrat e Saleh (Radi Allahu Anhu) farmate hain

14
k “main ek martaba shab e jumu’a jaame masjid ki taraf ja
raha tha k subh ki namaz wahan parhoon . Chunke subh
hone mein abhi der thi chunanche main raaste mein ek
qabristan mein dakhil ho kar baith gaya . Baithte hi meri
aankh lag gayi , main ne dekha k sab qabrein phat gayi
hain aur in se murde baahar nikal kar aapas mein hansi
khushi baatein kar rahe hain . Itne mein ek nojawan bhi
qabr se baahar nikla , us k kapre maile the , woh
ghamgheen haalat mein ek janib baith gaya . Thodi der
mein aasmaan se bahut se firishte utre , jin k haathon
mein thaal the , jin par noorani rumaal dhakey hue the ,
woh har murde ko ek thaal dete jaate the aur jo murda
thaal leta woh apni qabr mein waapas chala jata .
Jab sab thaal le chuke to woh nojawan khaali haath
qabr mein waapas jaane laga . Main ne us nojawan se
daryaaft kiya k “tumhare ghamgheen hone ki kya wajah
hai aur ye thaal kaise the ?” us ne jawab diya k “ye thaal
un hadiyon k the jo zinda logon ne apne apne murdon ko
esaal e sawab kiya . Mera ek maa k ilava aur koi nahi jo
hadiya bheje aur khud maa bhi dunya mein phans kar reh
gayi hai . Us ne dusri shadi karke apni masrufiyat barhaali
hai , ab woh mujhe kabhi yaad nahi karti”.

15
Main ne us ki maa ka pata karke ma’loom kiya aur dusre
din ja kar usey parde mein bulaa kar tamam mu’amala
bayan kiya . Us aurat ne kaha k “beshak woh mera beta
tha mera lakht e jigar tha”. Phir us ne mujhe dus hazaar
dirham diye aur kaha k “ye mere bete ki taraf se sadaqa
kar dena aur main aainda usey dua o esaal e sawab k
zariye yaad rakkhoon gi”.
Main ne hazb e hidayat woh raqam nojawan ki
taraf se sadaqa kar di . Kuch arsa ba’ad main ne khwab
mein us majma ko usi tarah dekha . Ab ki martaba woh
nojawan bhi achchi si poshaak pehne hue bahut khush tha
, woh tezi se mere janib aaya aur kehne laga k “aey Saleh!
Allah Ta’ala aap ko jaza e khair ata farmaye , aap ka
hadiya mujh tak pahunch gaya”. (Rowd ur Riyaheen)
• Maa Jannat Mein:-
Hazrat e Mohiuddin Ibn e Arabi (Radi Allahu
Anhu) ek da’wat mein tashreef le gaye . Wahan ek
nojawan bhi mojood tha k kashf k mu’amale mein
ma’roof tha . Aap ne dekha k khane khate hue woh
raf’atan rone laga . Wajah ma’loom karne par bataya k
bazariya kashf mujhe ma’loom hua hai k Allah Ta’ala k
hukm se firishte meri maa ko jahannam mein le ja rahe
hain”. Aap farmate hain k “mere paas sattar hazaar
16
martaba kalima e tayyiba parha hua mahfooz tha . Main
ne dil hi dil mein us ki maa ko esaal e sawab kar diya”.
Woh larka foran hans para , main ne sabab poocha to
kehne laga k “main ne abhi dekha hai k firishte meri maa
ko jannat ki taraf le ja rahe hain . (Al Malfooz)
Suwal no (5):-
Farz o wajib o nafl o mustahab mein se kis ka sawab
pahunchaya ja sakta hai ? neez ek shakhs masalan Zaid ne
apni neki , dus murdon ko esaal ki to kya sab ko woh ek
ek mile gi….ya….woh ek neki hi dus tukre karke taqseem
ki jaye gi ?
Jawab:-
Esaal e Sawab keliye nafl namaz , roza sadaqa o
khairaat hi zaroori nahi balke har farz o wajib o sunnat o
mustahab ka sawab pahunchaya ja sakta hai . Neez esaal ,
shuda neki taqseem nahi ki jaye gi , balke har ek ko poori
poori ek mile gi . Is par bator e sanad fiqh e hanafi ki
mustanad o mo’tabar kitab “Raddul Mukhtar” mein darj
shuda ye mas’ala bagor parhye .
Mas’ala:- Namaz , roza , hajj , zakat aur har qism ki
ibaadaat aur har nek amal farz o nafl ka sawab murdon ko
pahunchaya ja sakta hai , un sab ko pahunche ga aur

17
bhejne waale k sawab mein kuch kami na hogi . Balke
Allah Ta’ala ki rahmat se ummeed hai k sab murdon ko
poora poora hissa mile ga ye nahi k sawab taqseem ho kar
tukra tukra mile . (Raddul Mukhtar)

Suwal no (6):-
Kya jis tarah pehle guzron huon ko esaal e sawab
karna jaiz hai isi tarah aane waalon aur mojood zinda
logon ko bhi kiya ja sakta hai ?
Jawab:-
Is ka jawab zimnan piche guzar chuka hai k tamam
musalmano ko sawab pahunchana jaiz hai , chahe mojood
zinda hon ya guzar chuke hon ya aainda aane waale hon .
Ala Hazrat (‫ )ﻗﺪس ﺳﺮﮦ‬tahreer farmate hain “(esaal e
sawab karne wala esaal mein) Huzoor (Sallallahu Alaihi
Wasallam) k tufail mein tamam Ambiya (Alaihim us
Salaam) Aulia e Ezaam (Rahimahumullah) aur
mo’mineen o mo’minaat jo guzar gaye aur mojood hain
aur jo qiyamat tak aane waale hain , sab ko shaamil kar
sakta hai aur yahi afzal hai . Sahihain (yani Bukhari o
Muslim) mein hai k “Nabi e Akram (Sallallahu Alaihi
Wasallam) ne do mendhon ki qurbani ki , jin k rang safedi
18
siyaahi mile hue the . Ek apni taraf se , dusri ummat ki
taraf se . (Fatawa e Razawiyya Jadeed)
Madani Guzaarish
Jab “Raddul Mukhtar” mein mazkoora mas’ale se
ma’loom ho gaya k Allah Ta’ala ki wus’at e rahmat se
ummeed hai k esaal kiya hua sawab , matlooba murdon
tak begair tukre kiye pahunchaya jaye ga aur har qism k
murdon ko esaal e sawab kiya ja sakta hai to phir sawab
bhejne waale ko chahiye k apni soch mein wus’at paida
kare aur afzal surat ko ikhtiyar karte hue apne rishtedaron
k saath saath deegar mo’mineen o mo’minaat ko bhi esaal
e sawab mein shareek karne ko apne liye bahut bari
sa’aadat tasawwur kare chahe woh wafaat pa chuke
hon….ya….mojood hon….ya….qiyamat tak aane hon .
Suwal no (7):-
Esaal e Sawab ka durust o munasib tareeqa kya hai ?
Jawab:-
Is ka munasib tareen tareeqa jaanne keliye Ala
Hazrat (‫ )ﻗﺪس ﺳﺮﮦ‬se kiya gaya ek suwal aur aap ki taraf se
jawab haazir e khidmat hai .
Suwal:-

19
 Kya farmate hain ulama e deen is mas’ala mein k
maqaabir yani qabristan mein ek shakhs Surah Fatiha o
Ikhlas o “ ‫ ” ﻗﻞ ﯾﺎاﯾﮭﺎاﻟﮑﻔﺮون‬aur “ ‫ ” ﻗﻞ اﻋﻮذ ﺑﺮب اﻟﻨﺎس‬wagera
parh kar haath uthaakar dua karta hai k “ya Allah
Azzawajal in ayaat ka sawab rooh e muqaddas Hazrat
(Sallallahu Alaihi Wasallam) aur Sahaba o Taba’een o
Aulia e Ummat (Radi Allahu Anhum Ajma’een) aur
Adam Alaihis Salaam se us waqt tak jo musalmaan mare
hain aur jo yahan madfoon hain , sab ki arwaah ko
pahunche ya pahuncha de , is ki islaah farmai jaye”.
Jawab:-
Is mein itna izafa aur karna ansab (yani zyada
munasib) hai k “jitne musalmaan mard o aurat ab mojood
hain aur jitne qiyamat tak aane waale hain , un sab ki
arwaah ko pahuncha de”. To us shakhs ko tamam
mo’mineen awwaleen o aakhireen sab ki ginti k baraabar
sawab mile ga .
(Fatawa e Razawiyya-Jild Nuhum Jadeed)
Suwal no (8):-
Kya esaal e sawab se marhoom ko sawab milta hai ?
Jawab:-

20
 Ji haan! yaqeenan , ye Allah Ta’ala ka karam o fazl
hai k woh esaal e sawab ki barakat se na sirf marhoomeen
ko nafa pahunchata hai , balke is kaar e khair mein
mashghool shakhs keliye bhi apni rahmat k mazeed
darwaaze khol deta hai , jis ka andaza darj e zel riwayaat
o hikayaat se lagayye .
• Hazrat e Ali (Radi Allahu Anhu) se riwayat hai k
Rasoolullah (Sallallahu Alaihi Wasallam) ne irshad
farmaya k jo qabristan se guzre phir Surah Ikhlas parh kar
us ka sawab murdon ko hadiya kare to usey murdon k
baraabar sawab ata kiya jaye ga . (Dar e Qutni)
• Jannat Mein Mahal:-
Hazrat e Malik Bin Dinar (‫)ﻗﺪس ﺳﺮﮦ اﻟﻌﺰﯾﺰ‬
irshad farmate hain k “ek martaba mein jumu’atul
mubarak ki raat qabristan gaya to wahan ek chamakdaar
noor dekha , pas main ne kaha k “ ‫ ” ﻻ اﻟہ اﻻ اﷲ‬mujhe lagta
hai k Allah Ta’ala ne qabristan waalon ki maghfirat farma
di hai”.
Achanak main ne door se ek ghaibi awaz suni k “aey
Malik! ye mo’mineen ki taraf se apne qabristan waale
bhaiyon keliye tohfa hai”. Main ne kaha us zaat e paak ki
qasam jis ne tujhe goya kiya (yani bolne par qudrat ata

21
farmai) tu mujhe khabar de k woh kya hai ?” us ne jawab
diya k isi jumu’a ki raat ko mo’mineen mein se ek shakhs
ne achchi tarah wuzu karke do rak’at namaz ada ki , har
rak’at k ba’ad “ ‫ ” ﻗﻞ ﯾﺎاﯾﮭﺎاﻟﮑﻔﺮون‬aur Surah Ikhlas parhi .
Phir yun arz guzaar hua k “aey Allah Azzawajal! Main in
do rak’aton ka sawab is qabristan k tamam musalmaan
murdon ki khidmat mein pesh karta hoon . “Pas (us esaal
e sawab ki barakat se) Allah Ta’ala ne hamari qabron
mein noor , roshni , khushi , aur mashriq se maghrib tak
kushadagi ata farmai”.
Imam Malik (‫ )ﻗﺪس ﺳﺮﮦ اﻟﻌﺰﯾﺰ‬farmate hain k is k
ba’ad bhi har jumu’a ki raat ko woh do rak’atein parhna
shuru ho gaya . Hatta k ek martaba main ne khwab mein
Rasoolullah (Sallallahu Alaihi Wasallam) ki ziyarat ki .
Aap ne irshad farmaya , “aey Malik! jitne noor tu ne meri
ummat ko pesh kiye hain un ki ta’dad k baraabar Allah
Ta’ala ne teri bakhshish farma di hai aur tujhe is ka sawab
mile ga aur Allah Ta’ala ne tere liye jannat mein ek mahal
bhi ta’meer farmaya hai”.
(‫)ﺷﺮح اﻟﺼﺪور ﺑﺸﺮح ﺣﺎل اﻟﻤﻮﺗﯽ واﻟﻘﺒﻮر‬
Suwal no (9):-
Kya esaal e sawab keliye koi khaas waqt muqarrar
hai ya kisi bhi waqt kiya ja sakta hai ?
22
Jawab:-
Sharai lihaz se is keliye koi khaas waqt muqarrar
nahi . Haan is silsile mein do baatein qaabil e tawajjo hain
.
(1) Mayyit k dunya se chale jaane k ba’ad teen din tak
sadaqa karna mustahab hai .
Imam Taus (Radi Allahu Anhu) farmate hain k
murde apni quboor mein saat roz tak aazmaish mein rehte
hain , is liye Sahaba e Kiram (Radi Allahu Anhum) saat
roz tak un murdon ki taraf se khana khilaya karte the .
(Al Haw lil Fatawa-Jild 2-178)
Note:- Imam Taus ek jaleel ul qadr tabe’ee guzre hain .
Shaikh Abdul Haq Muhaddis e Dehelvi
(Rahmatullah Aleh) farmate hain k “mayyit k dunya se
jaane k ba’ad saat din tak us ki taraf se sadaqa karna
mustahab hai”. (‫)اﺷﻌﺘہ اﻟﻌﻤﺎت‬
(2) Saat dinon k ba’ad har shab e jumu’a , eid k din ,
aashura (yani dus muharram) k din aur shab e bara’at
mein esaal e sawab bahut behtar hai . Ala Hazrat Radi
Allahu Anhu tahreer farmate hain k “Shaikh ul Islam”

23
“ ‫( ” ﮐﺸﻒ اﻟﻐﻄﺎء ﻋﻤﺎﻟﺰم ﻟﻠﻤﻮﺗﯽ ﻋﻠﯽ اﻻﺣﯿﺎء‬yani us chiz se parde
ka hatna jo zindon par murdon keliye lazim hai) k fasl
hashtum (yani aathveen fasl) mein farmate hain k
“gharaib aur khazana mein manqool hai k mo’mineen ki
rooh ghamnaak buland awaz se nida karti hai k “aey mere
ghar waalon! Aey meri aulaad! Aey mere rishtadaron!
sadaqa karke hum par meherbani karo”.
(Fatawa e Razawiyya Jild Nuhum Jadeed)
Suwal no (10):-
Peeche kaha gaya k esaal e sawab keliye min janib
e shariat koi khaas waqt muqarrar nahi , to phir aaj kal
teeja o chaleeswan o giyaarhween o baarhveen o kunde k
naam se esaal e sawab keliye din kyun makhsoos kar liye
gaye hain ?
Jawab:-
Jawab se pehle yaad rakhye k ta’yeen (yani waqt
wagera muqarrar karna) do tarah hoti hai .
(1) Urfi (2) Sharai
(1) Sharai:- Ta’yeen e Sharai ka matlab hai k kisi
ibaadat wagera keliye shariat ki janib se waqt muqarrar
kiya jana .

24
 (2) Urfi:- Ta’yeen e Urfi se muraad ye hai k shariat ki
janib se to waqt muqarrar na ho lekin log apni aur deegar
musalmano ki sahulat ki khaatir nek a’maal o af’aal
keliye koi waqt makhsoos kar lein . Jaise namazon ki
jamaa’at keliye masaajid mein waqt makhsoos hota hai
taake log baa asaani khayal rakh kar shareek e jamaa’at
ho sakein . Halanke sharait ki janib se rozana theek usi
waqt namaz e baa jamaa’at ada karne ka koi mutaalba
nahi .
Ab suwal ka jawab ye k “mazkoora esaal e sawab
ki surton keliye waqt ki Ta’yeen e Sharai nahi balke Urfi
hai .
Suwal no (11):-
Kya Ta’yeen e Urfi par koi sharai daleel mojood hai ?
Jawab:-
Ji haan! pyare Aaqa (Sallallahu Alaihi Wasallam) aur
Sahaba e Kiram (Radi Allahu Anhum) ka amal e mubarak
is par waazeh daleel hain . Masalan
(1) Marvi hai k Sarkar (Sallallahu Alaihi Wasallam)
Juma’raat k roz safar par rawaana hona pasand farmate
the . (Bukhari)

25
 (2) Manqool hai k Rahmat e Aalam (Sallallahu Alaihi
Wasallam) har hafte k roz Masjid e Quba mein paid o
suwaari ki haalat mein tashreef le jaate the aur Hazrat e
Abdullah Bin Umar (Radi Allahu Anhu) bhi isi tarah kiya
karte the . (Bukhari)
(3) Riwayat kiya gaya k Hazrat e Abdullah Bin
Masood (Radi Allahu Anhu) har juma’raat k roz logon ko
wa’z o naseehat farmaya karte the . (Bukhari)
Suwal no (12):-
Lekin in dino ek maqam par jama ho kar hi ibaadat
kyun ikhtiyar ki jaateen hain ? Kya akele akele , apne
apne maqam par esaal e sawab mumkin nahi ?
Jawab:-
Akele akele bhi mamnoo nahi lekin ijtimaayiyat
ikhtiyar karne ki kayi wujuhaat hain .
(1) Ijtimayi tor par ibaadat umooman nafs par giraan
nahi guzarti . Wahi log jo aam haalaat mein ibaadaat ki
taraf maael nahi hote , sirf ijtimayiyat ki barakat se
ibaadat mein mashghool ho jaate hain . Agar woh aisi
mahaafil mein shareek na hote to shayed ye waqt bhi kisi
gunah mein sarf kar rahe hote .
26
 (2) Ijtimaayi tor par zikr o ibaadat , Allah Ta’ala ki
bargah mein maqbool hone ka zariya saabit hoti hai jaisa
k ijtimayi zikr ki fazeelat mein hai k Hazrat e Abu
Hurairah Radi Allahu Anhu riwayat farmate hain k
Rasoolullah (Sallallahu Alaihi Wasallam) ne farmaya k
koi aisi jamaa’at nahi jo Allah k zikr keliye baithe magar
unhein firishte gher lete hain , rahmat dhaanp leti hai , un
par sakeena utarta hai aur apne paas waale firishton mein
Allah Ta’ala un ka zikr karta hai”.
(‫)ﻣﺸﮑﻮة اﻟﻤﺼﺎﺑﯿﺢ ﺑﺎب ذ ﮐﺮ اﷲ‬
Suwal no (13):-
Aksar dekha gaya hai k khane wagera ka esaal e
sawab karte waqt usey saamne rakkha jata hai , kya is
tarah karna zaroori hai ?
Jawab:-
Ji nahi , zaroori to nahi , lekin chunke kayi sunnaton
par amal ka mauqa mil jata hai , lihaza is tareeqe ko
ikhtiyar karna baais e barakat o sa’aadat hai . Masalan
(1) Esaal e Sawab karna
(2) Khana saamne rakh kar Allah Ta’ala ka zikr karna .

27
Neez is se khane mein barakat o izafa bhi ho jata hai .
Jaisa k Hazrat e Sayyiduna Anas Bin Malik (Radi Allahu
Anhu) farmate hain k “Hazrat e Abu Talha (Radi Allahu
Anhu) ne Hazrat e ‫( اﺳﻠﯿﻢ‬Radi Allahu Anhu) se farmaya k
main ne Rasoolullah (Sallallahu Alaihi Wasallam) ki
awaz suni hai jo za’eef ma’loom hoti hai . Mujhe yun
mahsoos hota hai k aap ko bhook lagi hui hai . Kya
tumhare paas koi chiz hai ?” to unhon ne kaha “haan”.
Phir unhon ne jau chand rotiyan nikaaleen aur orhni k
kona mein lapet kar mujhe pakraayeen aur baaqi orhni
mujhe oorha kar Rasoolullah (Sallallahu Alaihi
Wasallam) ki khidmat mein bheja . Jab main aap ki
khidmat mein haazir hua to wahan kaafi log mojood the .
Main dusre logon k saath khara ho gaya .
Sarkar e Do Aalam (Sallallahu Alaihi Wasallam) ne
mujhe farmaya “kya tujhe Abu Talha ne bheja hai ?” main
ne arz kiya , “ji haan”. To Rasool e Akram (Sallallahu
Alaihi Wasallam) ne apne paas haazreen logon se farmaya
, “utho”. Hazrat Anas farmate hain , woh sab chal pare to
main un k aage aage chal kar Abu Talha k paas aa kar
unhein is chiz ki khabar di to Abu Talha ne Umme
Saleem (Radi Allahu Anhu) se kaha k “Sarkar e Madina
(Sallallahu Alaihi Wasallam) k hamraah log bhi aa rahe

28
hain aur hamare paas koi aisi chiz mojood nahi jo un sab
ko khila sakein ?”
Hazrat Umme Saleem ne kaha “Allah aur us ka Rasool hi
behtar jaante hain”. Hazrat e Anas (Radi Allahu Anhu)
farmate hain Hazrat Abu Talha (Radi Allahu Anhu) dono
ghar mein dakhil hue .
Rasool e Akram (Sallallahu Alaihi Wasallam) ne
farmaya , “aey Umme Saleem! tere paas jo kuch hai le
aao”. To woh wahi rotiyan le kar haazir huen . Rahmat e
Do Aalam (Sallallahu Alaihi Wasallam) ne un rotiyon ko
torne ka hukm diya . Phir Umme Saleem (ghee) ki kuppi
ondhaa kar kar rogani kar diya . Phir Rasoolullah
(Sallallahu Alaihi Wasallam) ne un tukron par jo chaha ,
parha . Phir irshad farmaya , “dus shakhson ko bulao”.
Woh aaye aur sair ho kar khaa kar chale gaye . Phir aap
ne irshad farmaya , “aur logon ko bulao”. Woh bhi sair ho
kar khaa kar chale gaya . Phir farmaya , “dus aur logon ko
bulao”. Woh bhi sair ho kar khaa kar chale gaye . garz sab
log sair ho gaye aur sattar(70) ya assi(80) log the .
(Bukhari o Muslim)

29
Suwal no (14):-
Agar koi in dalail ko jaanne k bawujood esaal e
sawab keliye makhsoos khane ko haram aur esaal e sawab
karne waale ko bid’ati qaraar deta hai to sharai lihaz se us
keliye kya hukm hai ?
Jawab:-
Yaqeenan jo shakhs us khane ko jis par Allah Ta’ala
ka paak kalaam parha gaya haram aur sunnat par amal
paira hone waale ko gunahgar o bid’ati qaraar de woh
khud bid’ati o gunahgar hai aur usey roz e qiyamat Allah
Ta’ala ki bargah mein is k baare mein jawab deh hona
pare ga . Aise hazraat ko thande dil se sochna chahiye k
jab Allah Ta’ala aur us ka Rasool (Sallallahu Alaihi
Wasallam) kisi kaam se mana na farmaye to ye koun hote
hain mana karne waale ? Kaash aise hazraat zel ayaat par
gor karne ki zahmat gawaara kar lete .
Allah Ta’ala Quran e Paak mein irshad farmata hai ,

…Aey imaan
waalo! haram na thehrao woh suthri chizen k Allah ne
tumhare liye halal keen aur had se na barho , beshak had
se barhne waale Allah ko napasand hain .
30
 (Tarjama e Kanzul Iman-P 7-Maidah-Ayat 87)
Ek aur maqam par irshad farmaya ,

Tum farmao , bhala to woh jo Allah ne tumhare liye rizq

utaara us mein tum ne apni taraf se halal o haram thehraa
liya , tum farmao kya Allah ne tumhein is ki ijaazat
di….ya….Allah par jhoot baandhte ho”.
(Tarjama e Kanzul Iman-P 11-Younus-Ayat 59)
Allah Ta’ala hamein esaal e sawab k zariye tamam
musalmano aur khud apne aap ko bhi faiyaab karne ki
taufeeq ata farmaye . Aameen Bijaahin Nabiyyin Ameen
(Sallallahu Alaihi Wasallam)
----------------------------------------------------------------------

31