Kis Se maange kahan jaayen kis se kahen

Aur duniya me hajat rawan kaun hai

Sab ka data hai tu sab ko deta hai tu

Tere bandon ka tere siwa kaun hai

Kaun maqbool hai kaun mardood hai

Be-khabar kya khabar tujhko kya kaun hai

Jab tulenge amal sab ke meezan par

Tab khulenga ke khota-khara kaun hai

Kaun sunta hai fariyad mazloom ki

Kis ke haathon me kunji hai maqsoom ki

Rizq pe kis ke palten hain shahon gada

Musnadara-e-bazm-e-ata kaun hai

Sab ka aaqa hai tu sab ko deta hai tu

Tere bandon ka tere siwa kaun hai

Auliya tere mohtaj ae rabb-e-kul

Tere bande hain sab ambiya our rasool (SWA)

Unki izzat ka bayis nisbat teri

Unki pahchan tere siwa kaun hai

Hai khabar bhi wohi mubtada bhi wohi

Nakhuda bhi wohi hai khuda bhi wohi

Jo hai sare jahanon me jalwa numa

Us ahad ke siwa doosra kaun hai

Sab ka data hai tu sab ko deta hai tu

Tere bandon ka tere siwa kaun hai

Ambiya auliya ahl-e-bait-e-nabi

Tabeenon sahaba pe jab aa bani

Gir ke sajde me sab ne yahi arz ki

Tu nahin hai to mushkil-kusha kaun hai

Sab ka data hai tu sab ko deta hai tu

Tere bandon ka tere siwa koun hai

Ahl-e-fiqron nazar jante hain tujhe

Kuchh na hone pe bhi maante hain tujhe

Ae naseer is ko tu fazle baari samajh

Warna teri taraf dekhta kaun hai

Kis Se maange kahan jaayen kis se kahen

Aur duniya me hajat rawan kaun hai

Sab ka data hai tu sab ko deta hai tu

Tere bandon ka tere siwa koun hai