OM Suastiastu

Ida Pandita Mpu Jaya Acharya Nanda sane banget baktinin titiang. Bapak kepala sekolah
sane banget wangiang titiang, bapak ibu guru sinamian sane wangiag titiang, tur para sisya
sareng sami sane tresna sihin titiang. Sadurung titiang matur amatra. Titiang sane dados
manggala parawantaka ngaturang rasa pangayu bagia majeng ring Ida Sang Hyang Widhi Wasa,
sangkaning asung kerta wara nugraha Ida, iraga sareng sami iriki prasida ngalaksanayang
Pasraman Kilat ring rahinane mangkin.

Ida dane sareng sami, manawita sampun uning ring rahina mangkin jagi kalaksanayang
Pasraman Kilat ring SMP Taman Sastra Jimbaran. Gargita pisan manah titiang santukan
nyingakin sajebag kulawarga sekolah sumuyub salunglung sabayantaka, sapunika taler para
parawantaka(panitia) prasida ngelarang Pasraman Kilat ring SMP Taman Sastra sane janten
sampun kadasarin manah suci nirmala buat nincapang rasa bhakti iraga sareng sami majeng ring
Ida. Dumadak ngancan ngariwekas Pasraman sekadi puniki prasida kawerdiang malih mangdane
acara sekadi puniki prasida kalaksanayang nyabran nem sasih kaangen ngajegang budaya Baline.
Titiang saking manggalaning parawantaka ngaturang suksmaning manah majeng ring para atiti
sane sampun prasida ngamong sapulah palih acarane puniki sane prasida labda karaya tur
mamargi rahayu.

Ida dane sareng sami sane dahat wangiang titiang, wantah asapunika sane prasida
unggahang titiang ring panyembrama titiang puniki. Pinaka wusananing atur, titiang nunas
pangampura antuk sapangiwang titiang matur, mugi-mugi ida dane ngaledangin.

Mangkin kalanturang antuk dharma wacana sane kaicen Olih Ida Pandita Mpu Jaya
Acharya Nanda. Inggih majeng ring Ida Pandita galah kaaturang titiang.

Om Santih, Santih, Santih Om.