GBÈ ÉǸƐ́ GBÈ

Àzɔ́mɛ̀ wɛ̀ un xwè zanzǎn tɛ̄n bɔ̀ vi ɔ́ ɖó mì tè

Bó ɖɔ̀ yɛn ní sɛ̀ émi jɛ̀ nukɔ̀n kpɛdé
Un ka zé è ɖó kɛkɛ ce ji bɔ̀ mi wlí alì bo diɖó
Ali ji mi jɛ̀ bɔ̀ àyì ce ɖɔ̀ yɛn ní xúxú hɔ̀n nî kpɔn
Un dógbè nî bɛ́ yi gbè nun mì
Gbè tɔn nyɔnhàn káká, àlɛ̌ yígò
Éè mi jɛ̀ fie é xwe ɔ, un de e jɛ̀ tè
Lo un wa kpɔn nunkun tɔn mɛn gandji ɔ nɛn
Hwankpɛ wɛ yɔkpɔ́ ɔ́ nyɔ́ a nyan!
Nukunmɛn toboé ɖà wiwi gluɛ́, ànyǔ wiwi
Nukun tuī azui nukun dɔhun, awɔntin luɛ̄n
Tó folówa dɔhun, nù piun xwelé bɛ́ dɔhun
Nufló do tɔn tɔ̀n tlí yɛ̄, àgà tɔn fɛɖɛ ɖo bamɛn
Ànɔn baùn baùn we del ̂ɛ́ɛ hlɔn akɔnta ni
Un kàn nyikɔ tɔ̀n biɔ, bɔ̀ é dɔ nu mi
Fie nu é nyi é, bɔ̀ é dɔ nu mi,
Un biɔ alókan tɔ̀n, bɔ̀ é na mi
Éé fá hùn nú mi bǐ é wɛ́ nyín nukiko tɔn
Àdú wèwé pépé avɔkanfun dɔhun
Gudo wɛ́ é do mi bɔ̀ un mɔ̀ gogo tɔ̀n lɛ sɛ́dó
Gogo ziɛ̄ gansetɔ́, ɖe yì jí ɔ, ɖe ɔ nɔn wa dò
Sɛ́ wɛ́ zé é d’ali ce ji bɔ un ka dida
Dan wɛ do nu mi bɔ un ka bɛ

AYÉDÙN Fínányɔ́n