'A NUVENA

Di Giacomo - De Leva
Nu zampugnaro 'e nu paese 'e fora,
lassaje quase 'nfiglianza la mugliera...
Se partette pe' Napule 'e bon' ora
sunanno, allero allero: Ullro, ullro...
E ullro, ullro...
(Ma nun era overo:
'o zampugnaro,
penzava mugliera...
e suspirava...
e 'a zampogna, 'e suspire s'abbuffava...)
Ah...ah...
Cuccato 'ncopp''a paglia, 'o Bammeniello,
senza manco 'a miseria 'e na cuperta,
durmeva, 'mmiez' vacca e ciucciariello,
cu ll'uocchie 'nchiuse e cu 'a vucchella aperta...
E ullro, ullro...
che bella faccella,
che bella reslla,
faceva Gies
quanno 'a Madonna
cantava: "Core mio, fa' nonna nonna..."
Ah...ah...
Mmerz''e vintuno, 'e vintiduje d''o mese,
na lettera lle dettero lucanna...
'sta lettera veneva da 'o pagghiese
e sotto era firmata : Marianna...
"E ullro, ullro...
sto bene in salute
e cos spero
sentire di te:
Sono sgravata...
e duje figlie aggio fatto, una figliata."
Ah...ah...
Tu scendi dalle stelle, o Re del cielo,
e nuje pigliammo 'e guaje cchi alleramente...
Tasse, case cadute, freddo e gelo,

figlie a zeffunno, e pure nun fa niente...

Ullro, ullro!...
Sunate e cantate!
Sparate! Sparate!...
ch' nato Gies!
Gies Bambino...
E 'a Vergine Maria s''o tene 'nzino...
Ah...ah...