Oggettivu : Realizà a pagina Instagram imaginaria

d’un matematicu.

U travagliu pò esse fattu solu o in gruppu (2 o 3).

Sculare o gruppu :

 Sceglie un matematicu frà quelli pruposti :

Eratosthène, Alan Turing, Ada Lovelace, Katherine Johnson,
Leonhard Euler, Karl Friedrich Gauss, Simon Stévin, Blaise Pascal,
Sophie Germain, Archimède, François Viète, Euclide, René
Descartes, Al-Khwârismî
Per u 23 di nuvembre 2021

1ma scelta :
2da scelta :

‚ Fà ricerche à nantu à u matematicu : a so vita, i so duminii di

travagliu, e so grande scuperte, e so grande opere, ...

Trà u 25 nuvembre è u 3 dicembre 2021

ƒ À nantu à un fogliu A4, realizà a pagina Instagram imaginaria
di u matematicu. Devenu apparisce :
‣ Una piccula biugrafia in CORSU (4 ligne)
‣ 3 hashtag in raportu cù u i punti i più impurtanti chì
cuncernanu u matematicu
‣ 3 à 10 abbunati famosi : cuntemporani, eredi1 scentifichi, …
‣ 6 illustrazione + u ritrattu di faccia2 (dissegni o ritratti
numerichi)
‣ Daretu : scrive i vostri nomi è e vostre sorse3 d’infurmazione

Truverete un esempiu à nantu à Leia

Per u 17 di dicembre 2021

„ À l’urale, prisentà :
‣ A vita di u matematicu, i so duminii di travagliu, e so
realizazione
‣ E vostre scelte di #Hashtag
‣ E vostre scelte d’abbunati
‣ E votre scelte di ritratti
‣ Almenu un appiecazione cuncretta di u travagliu di u vostru
matematicu (appiecazione diretta o chì vene dopu à u so
travagliu)
Trà u 3 è u 7 di ghjennaghju 2022

1 Héritiers
2 Photo de profil
3 Sources
 pythagore_off

6 2 milioni 2 464
Publicazione Abbunati Abbunamenti

Pythagore (Πυθαγόρας / Puthagóras)

Natu in 580 prima à Cristu in Samos (Grecia) è mortu in 495 prima à Cristu in
Métaponte (Italia). Matematicu è scentificu di l’Antiquità, aghju creatu una scola
chì porta u mo nome. Portanu dinò u mo nome e tavulelle di multiplicazione è un
tiurema (ma ùn sò micca eiu chì l’aghju scupertu...).
#TrianguliRettanguliOInnò
#TuttuHèNumeru
#Musica
Abbunati : Confucius, Thalès, Platon, Cicéron, Vitruve è 2 millioni d’altri
 Spiecazione di e scelte
#Hashtag :
‣ #TrianguliRettanguliOInnò : una di l’appiecazione e più cunnisciute chì
porta u nome di Pythagore hè u tiurema di Pythagore, ancu s’ella ùn hè
micca ellu chì l’hà scupertu (i babiluniani è l’egizziani l’adupravanu digià).
Stu tiurema permette, in unu di i so sensi, di sapè s’è un triangulu hè
rettangulu o innò.
‣ #TuttuHèNumeru : hè u mottu4 di a scola pitaguriziana. Passavanu chì i Dii
avianu urdunadutu u mondu sanu cù numeri, chì tuttu si pò spiecà cù
numeri sani.
‣ #Musica : cum’è tuttu hè numeru, Pythagore hà fattu a leia trà i numeri è a
musica, hà pruvatu à spiecà l’armunia musicale cù e matematiche.

Abbunati :
‣ Confucius : un filosofu chinese di l’antichità. Ancu s’è Confucius è
Pythagore ùn si cunniscianu forse micca, eranu cuntemporani, anu
campatu à a listessa epica.
‣ Thalès : un antru sapiente griecu di l’antichità, cuntemporanu di Pythagore,
ci serianu scuntrati à a fne di a vita di Pythagore.
‣ Platon : scrittore griecu di l’antichità chì hà ripigliatu u travagliu di parechji
filosofi. Hè statu u sculare di Pythagore.
‣ Cicéron : omu di statu rumanu di l’antichità, filosofu. Hà campatu 4 seculi
dopu à Pythagore, ma si scrive in l’ideulugia di a scola pitaguriziana, cum’è
guasi tutti i filosofi rumani di st’epica.
‣ Vitruve : architectu rumanu, cuntemporanu di Cicéron. Ellu dinò si scrive in
l’ideulugia di a scola pitaguriziana, in particulare in arte.

Ritratti, illustrazione :
‣ Ritrattu di faccia : statula di Pythagore in u parcu Pincio in Roma. Mostra
quantu Pythagore hè statu cunnisciutu in l’antichità, è quantu a so
nuturietà hà passatu i tempi
‣ Ritrattu 1 : altra statula di Pythagore, in i musei di u Capitole in Roma.

4 Devise, slogan
 ‣ Ritrattu 2 : ditagliu di A Scola d’Atena, di Raphaël, fresca sposta à i musei di
u Vaticanu. Prisenta una di l’attività principale di Pythagore : a scola
pitaguriziana.
‣ Ritrattu 3 : a tavulella di Pythagore. Hè un tavulellu chì dà i risultati di e
multiplicazione di i primi numeri sani. Hè Pythagore chì u primu hà
riprisentatu sti risultati sottu à a forma d’un tavulellu.
‣ Ritrattu 4 : gamma pitaguriziana. Pythagore hà travagliatu à nantu à
l’armunia musicale è a leia cù e matematiche. A gamma pitaguriziana hè
una seguita di trè note à intervale di quinte (val’à dì cù una sfarenza di 5
gradi).
‣ Ritrattu 5 : u tiurema di Pythagore. Ancu s’ella ùn hè micca una scuperta di
Pythagore, hè u risultatu matematicu u più cunnisciutu chì porta u so nome.
Hè un ugualità chì cuncerna e misure di i lati di i trianguli rettanguli.
‣ Ritrattu 6 : a lumaca di Pythagore. Hè una figura geometrica custruita cù
trianguli rettanguli è chì permette di custruì e radiche quadrate di i numeri
sani.

Sorse : Situ Wikipedia, articulu Pythagore

Situ Wikipedia, articulu Ecole pythagoricienne
Situ Hypothèses – Mathématiques et Antiquité, articulu Pythagore :
tout est nombre : https://mathantique.hypotheses.org/535
Situ ResMusica, articulu Pythagore ou les origines de la gamme :
http://www.resmusica.com/2018/08/13/pythagore-ou-les-origines-de-la-
gamme/
Situ Nombres – Curiosités, théorie et usages, articulu Pythagore :
http://villemin.gerard.free.fr/Esprit/Pythagor.htm