‘O sapunariello 1918 di Raffaele Viviani

Eramo ‘a ciento e sidece pezziente; endindimbo

facetteme nu tuocco pe’ vede’ endindimbo
‘a miez’a nnuje chi asceva presidente. endindimbo
E, manco a dirlo, ‘o tuocco ascette a me! endindimbo endindimbo

Ih che tramuntanella seriticcia

ca se n’è scesa dint’a nu mumento!
Si mo tenesse ‘o ppoco d”a pelliccia,
starria a cavallo, accidarrie stu viento.

Ma stracquo e strutto, annudo e muorto ‘e famma,

stu viento comm”accido, pe’ sape’?
Sarrà tutt”o ccuntrario, cor”e mamma:
chisà qua’ juorno ‘o viento accide a me.

***
E intanto ‘o delegato e tutt”e guardie
vanno piglianno ‘a gente ‘e malavita.
Capite? Accussì ‘a chiammanno!
Addo’… si chella invece è bbonavita!
Chella è gente ca magna e ca veve, cu carrozze, triate,
scampagnate, cu cocotte, etceveza etceveza….

e chesta è malavita? Ma ve ne jate o no!

‘A malavita overo, chell’autentica, è chella ca facc’io,
cu sta miseria! Chesta…! E’ na malavita,
eppure ll’auto…chilli tali ca chiammane sciammerie
hanno ‘a suddisfazione ca se pportano‘ngalera ..
e io ? invece niente.. embè nun ce che ffa !!!

No.. nun redite.. nun so cose a ridere..

ma chella overo è na cummudità pecchè ‘o carcere
è sempe nu bello impiego governativo ca vanno a tenè..
lla.. o chiove o fa ‘a tempesta o fanno ‘e ttronele

devi avere il vestito a quadrigliè,

la zuppa, il letto e via scorrendo…
e all’urdeme in estate può ddì: so stato ‘o ffrisco…
pecchè lla dinto ‘o ffrisco stai sul serio…
cu tutto ca se chiammo san Francisco.
Già sta schiaranno natu juorno, ‘a faccia mia!
E comme fosse che aggio fatto? Ll’uovo.
Ciorta ciò… caccia nu poco a capa.. (ppù…!!!)
quanno te sputo nfaccia !!!
Na notte, p”o mercato e ‘a Vicaria,
ched’è na pezza vecchia? Nun ‘a trovo !!!

Tenevo ‘na lanterna e s’è stutata:

mo chiudo ‘o magazzino e buonsuarè.
E me ne vaco a’ casa addu ‘a cecata
ca n’uocchio tene ..e ‘ha miso ‘ncuollo a mme.

Si fosse n’ommo ca tenesse ‘a pezza, endindimbò

facesse bene. Ma, mannaggia ‘a sciorta, endindimbò…
che vuo’ fa’ bene si na ddiece ‘e pezza endindimbo…
mo nun ‘a tengo manco dint”a sporta? Endindimbò…

***
Ormai s’è capito:
è ‘o Pataterno ca tene ‘a rota ‘e chisto munno ‘nmano
e ‘a fa gira’ accussì, accussì e accussì.
S’ha da stracqua’!
E po’ ‘a gira accussì, accussì e accussì.
E aspetto c’avota nu poco ‘o munno ‘a parta mia.

***
‘O mare e ‘a rena!
E ‘a bona sera a chi remmane!