Tresna Sujati

Sedek dina paing ring sekolah, I Bloyod, Tu Gek, miwah Luh Tu matuturan ring
tengah kelase ajake tetelu.
Bloyod : Rahajeng semeng Tu Gek sayang
Luh Tu : Bah, bah engken ne semengan be metunangan gen.
(Tu Gek mekenyem masem)
Bloyod : (negak disamping Tu Gek) Yee...sing je engken, iri gen atu sareng tyang. Oo
Tu Gek oo ?
Luh Tu : Bla bli bla bli (iri)
Tu Gek : Yeehh nak engken ne ? atu iri sareng tyang ? Dasar jones!
(Bloyod sareng Tu Gek kedek)
Luh Tu : Ae puk, adi rage sing bise keto nah ? Padahal rage be sugih, be dueg, jegeg
biin (sambil menekang bok ne)
Tu Gek : Ape ? jegeg? We mesuluh malu gek! Nyen ye ane jegegan!
Bloyod : Eh Tu Gek, sing dadi keto, nak onyangan nak luh to jegeg, sing ade ne sing
jegeg! Ane kuangan mare ade hehehe.
Luh Tu : To dingeh nake I Bloyod, Bloyod mare ye... (mekejitan teken I Bloyod)
Tu Gek : Engken Bloyod???!! (cemburu)
Luh Tu : Biih bih sante ne bro. Rage sing demen jak Bloyod, rage kel fokus melajah
malu pang lulus, pang maan universitas negeri, rage sing nyak metunangan.
Nu cenik bro.
Bloyod : Beh gaya gen nyaruang sing laku ne.....hahaha.
(Tu Gek lan Bloyod kedek kanti celekutan)
Luh Tu : Eh eh madak, makane de demen ngedekin timpal!
Tu Gek : Nggih Luh Tu ampura.... hahaha.
Bel mulih mamunyi teeeettttt, teeeetttttt,tteeetttt, Bloyod sareng Luh Tu kari iteh
ngorta ring bangkune sambilanga nyelepang buku ke tas nyane.
Tu Gek: Bloyod!!! Enggalin sakit basang tiang puk. (jengis)
Luh Tu : Mih mih engken to Tu Gek? Kal meju?
Tu Gek: Ae asane puk, aduh sakit san. Enggalang yod! (jengis)
Bloyod : Bah..nah jani be. Ne jeg soleh-soleh gen.
 Lantas Bloyod sareng Tu Gek mulih ajake dadua menekin motor Astrea. Tepukina
teken memene Luh Tu, Bu Mang. Luh Tu kalahine pedidian mejalan, krane umahne paek uli
sekolahan. Di jalan nuju mulihne, Luh Tu mepapasan sareng memene.
Bu Mang : Yeee, be mulih saget pianak tiange ane jegeg niki.
Luh Tu : Mule jegeg, enggalang me seduk basange.
Ked di jumahne Bu Mang lan Luh Tu mekesyab sawireh tepukina Bu Yanti nongos di
dajan terase.
Bu Yanti : We
(Bu Mang lan Luh Tu tengkejut)
Bu Mang : Mih! Das pegat jantung tiange Bu Yanti.
Luh Tu : Ape kaden gaene jak memene Tu Gek ne!
Bu Yanti : Hehe im so sorry for my destiny.
Luh Tu : Destiny destiny! Ape ye tawange!
Bu Yanti : Hehe emangne ape artine to Luh?
Luh Tu : Ye ngomong, ye ne sing nawang artine, sajaaan ne, destiny to nasib artine
bahasa inggis to!
Bu Yanti : Ha? Nasib? Berarti saya minta maaf atas nasib saya? Yee adi minta maaf
ajak nasib dadine?
Bu Mang : To be, wak belog ajum adane. Hahahaha
Bu Yanti : Makane ajahin nake tiang bahasa inggris Luh.
Luh Tu : Pianak ragane orahin ngajahin. (melaib ke paon nyemak nasi)
Bu Yanti : Yee melaib...
Bu Mang : Nak engken ne Bu Yanti? Adi tumben mai?
Bu Yanti : Yee pura-pura engsap gen ne. Kaplukin nyen.
Bu Mang : Yee saje, nyemak cicilan ne, nah nah antiang malu ditu kal nyemak pis
malu.
Bu Yanti : Dudududu
(Bu Mang teke ngabe pis apesel)
Bu Yanti : Yeeh adi enggal? (sambil mukak buku catetan cicilan)
Bu Mang : Nu bin kuda utang tiange?
Bu Yanti : Nu biin bedik buk, nu 8 juta.
Bu Mang : Nah mayah malu 5 juta kanggoang.
Bu Yanti : Nu 3 juta nggih, sing nambah biin? Anggo meliang Luh Tu mobil.
Bu Mang : Aaah to gen malu, nyanan gen beliang ye mobil kayang ye be tamat SMA.
(Luh Tu pesu ngabe nasi ngrepakang)
Luh Tu : Jani nake mek beliang bumbum.
Bu Mang : Aah cai ape ape sing dadi tondenang, pang prejani care meju gen, jani
mekite jani pesuang! (ngopak)
Luh Tu : Nah me (sebet)
Bu Yanti : Yee saje Luh, ije i Tu Gek be mulih ye ?
Luh Tu : Be san, ye nyakitang basang, mulih ye ngajak tunanganne.
Bu Mang : Nak engken ye? Ngegugurang?
Bu Yanti : Yee ngawag-ngawag gen ngomong..pianak tiange nu polos, nu perawan ting
tig ye.
Luh Tu : Nak nyakitang basang ye, mencret asane.
Bu Yanti : Miih, lamun kenten tiang lakar mulih malu nggih? Pamit dumun (Bu Yanti
melaib labuh nyagjagin pianakne, nyemak tas langsung melaib kanti ulung
ping keti)
Bu Mang : Adeng-adeng bu, ten melaib umahe.
Setekedne jumah Bu Yanti nepukin nak cerikne ngeroman pedadwanan di terase
Bu Yanti : Tu, sire niki ajak? (sambilang nengeng ningalin I Bloyod)
Tu Gek: Niki timpal tiange bu.. (sambilanga nguntuk)
Bloyod : Bu, tiang Bloyod timpalne Tu Gek.
Bu Yanti : Ngudiang ragane ngajak Tu Gek nak cerik tiange ane cantik jelita?
Bloyod : Nak tiang tuah...
Bu Yanti : Ape??? Ragane demen ngajak pianak tiange?
Bloyod : Nggih bu...hehe (sambilanga ngntuk sempyukang)
Bu Yanti : Ragane nemenin pianak tiange? Emang ragane nak sugih ne nomer kude di
dunia ?
Bloyod : Ten masuk bu, tiang niki ten je ngelah nappi-napi, bapan tiange tuah dadi
buruh keliling, nanging bapan tiange ngakune merantau nanging ten mulih-
mulih.
Tu Gek : Bih pedalem ragane...
Bu Yanti : Bih juari ragane nemenin pianak tiange, suluhin malu ragane yen kel ngalih
dedemanan nak ne paling sugih di desa nenenan nah!.
Tu Gek : Bih, sampunang je kentenange I Bloyod, yadiastun Bloyod ten ngelah napi-
napi nanging tiang tetep cinta tekening I Bloyod.
Bu Yanti : Cinta....cinta!!! Kaden dadi daar to cinta? Pis ne perlu jani tawang pis!!!
Bloyod : Tiang mula saking keluarga sane ten medue napi-napi, nanging tiang masi
pianak manusa , ngelah ajin raga, tiang mule lacur, nanging tusing je ento ne
dadi tolak ukur.
Bu Yanti : Lebian uyut, mulih muh mulih! Pianak tiange ten pantes jak anak melarat
care ragane.
Lantas Bloyod mulih nyrutcut, Kilang-kilen care siap sambehin injin. Neked jumah,
Bloyod bengong care kebo mebalih gong, ten medaar, ten mandus, lantas memenne Bloyod
teke uli mekuli lantas nakonin Bloyod.
Bu Mang : Kenape de? Ngudiang sebet care bikul belus tamplig trek?
Bloyod : Me, kuangan ape tiang idup dini di gumi ne nah? Adi jeg melarat kene
idupe?
Bu Mang : Ngudiang Made bise ngomong keto?
Bloyod : Tiang nak mula kuangan, kuang dueg, kuang sugih, tapi tetep bagus.
Bu Mang : Ade ape emangne de? Ape ade hubungan jak Tu Gek ?
Bloyod : Nggih me, usire tiang tuni uli umahne Tu Gek ajak memene mare tiang ten
ngelah napi-napi.
Bu Mang : Be sesai orahin meme, de malu ngitungang metunangan! Selegang malu
melajah pang ade bekel anggo masa depan.
Bloyod : Men engkenang jani ne me? Be terlanjur cinta
Bu Mang : Nah jani suud malu medemenan, jani meme ngorahin, uling jani selegang
melajah apang pidan dadi nak megune. Gugu nake munyin memene! Suud
ngallih Tu Gek gen. Mani pasti maan ne melahan.
Bloyod : Mani me?
Bu Mang : Nggih buin mani, mani puan, mani telun.
Bloyod : Enggalan telah manine me.
Ditu lantas Bloyod lege tusing buin nyakitang hati lan tusing ngalih Tu Gek.
Kaceritayang 10 tahun sube liwat, lantas Bloyod dadi nak sugih ngelah perusahaan mobil
ternama mobil Mercy. Di hari Minggu, Bloyod maan libur, Bloyod ngelah rencana lakar
melali ngajak timpalne, Luh Tu ke pantai pandawa. Nanging drika tepukina Tu Gek ajak
memene.
Tu Gek: Jagung bu, jagung pak, jagung manis buk.
Luh Tu : Yee nyen to adi asane tawang nah ?
Bloyod : Cen? Yeeh saje...iih I Tu Gek to sing? Timpal rage SMA. Ye Tu Gek
ngudiang ragane driki?
Tu Gek : Yeh, Bloyod, yeh Luh Tu mekelo sing taen tepuk. (ngengkebang wajahne)
Bloyod : Engken to Tu Gek? Medagang jani ?
Ngetel yeh peningalan Tu Gek pesu, Tu Gek lantas melaib ngalih memene.
Bu Yanti : Engken tu? Adi ngeling?
Teka lantas I Bloyod ngajak Luh Tu.
Bloyod : Yeh Bu Yanti, sapunapi gatra bu? Nu inget teken tiang? Tiang Bloyod bu,
timpalne Tu Gek
Bu Yanti : (bengong nepukin I Bloyod) Mih, Bloyod,tiang becik. Ne engken I Tu Gek
ngeling?
Bloyod : Kene bu, nu inget teken tiang? Tiang ne cinta jak Tu Gek, nu kanti jani,
tiang nu sayang ngajak Tu Gek, tresnan tiang sujati bu, yadiastun Bu Yanti
sing setuju, tiang sampun nuutin pituduh ibuke tiang jani sampun ngelah
perusahaan bu, jani dados tiang nganten ngajak Tu Gek?
Bu Yanti : (ngeling ngetelang yeh mata) Mih, ampur tiang gus, tiang ten medue
maksud kenten, tiang pidan sombong mare sugih, ampura tiang, tiang mule ten
pantes idup, tiang ten medue sopan santun,, mih amonto geden tresnan
Bloyode teken pianak tiange kanti puniki,, ampura gus.. (ngeling)
Bloyod : Nggih, bu ten kenapi , tiang mejanji bu jagi ngaenang Tu Gek bagia ngants
riwekas.
Luh Tu : Ciee so sweet...
Bloyod : Nggih bu lamun keto mai mulih ke umah tiange, ibuk jak Tu Gek dados
nginep drika.
Tu Gek : Mihh Bloyod (ngeling)
Bu Yanti : Suksma pisan gus..
Lantas Bu Yanti, Tu Gek, Luh Tu mejalan ke umahne Bloyod. Bu Yanti lan Tu Gek
nginep drika, nyama-nyamane Bloyod sibuk ngurusang indik pawiwahan Tu Gek lan Bloyod.
Gelisang satua, Tu Gek sareng I Bloyod nganten. Bagia kanti tua. Asapunika nyen tresnan I
Bloyod ngajak Tu Gek, tetep satya yadiastun kecacadin antuk Bu Yanti ipidan, nanging sane
mangkin Bu Yanti sampun metilesang rage, sampun inget teken karma.