TARANTELLA DI RICCI

Viene cca' nun fa' cchiù zeza te remolla Carmene'

vide vi si fatta meza ne saje dirme lo pecchè.
 
Io purzì me veco e sento mpilo mpilo ndeboli'
me so' fatto 'no peliento nè la causa io saccio di'.
 
Da chell'ora ch'a la festa ce 'ncontraimo Carmene'
tengo 'mpietto 'na tempesta comme tu l'hai 'mpietto a tte.
 
Quanno sto da te luntano io me sento ascevoli'.
Tu fai segno co' la mano ch'a te pure fa accussì.
 
Viene mò co' sta resella tu no mmito vuo' da me:
a balla' la tarantella, fatte 'nnanze, azzecca, azze'.
 
'No carofano scarlato tengo 'nchiuso Carmene'
a nisciuno l'aggio dato pe' stiparlo schitto a te.
 
Vi' lo core che te dice di', lo vuoje o non lo vuo'
si lo cirche si' felice; io lo coglio e je lo do.
 
T purzì tiene 'na cosa Carmene' che fa pe' mme;
è 'na bella e fresca rosa che cchiù cara, no, non c'è.
 
Pe' 'no poco 'no momento dalla a mme, speranno io sto:
famme sì, famme contento, Carmene', dammella mò.
 
De 'sti sciure 'nu mazzetto voglio farne, mena me'!
Po' abballa' 'nu minuetto vienetenne, Carmene'!