BIXÀTE

"Can dal porco!, marescialo,

L’abitava a San Nazario
in tel comune de Valbrenta
xera un vecio solitario
che magnava la polenta.
E rumando in tea credensa
co lo stomego ingolfà
ga capìo che xera sensa
el ghea finito el bacalà.
Xera giorni complicati
de contagi e quarantène
e se stava baricati
come in bote de Amarone.
Fa na bota de amarone
E cussì tuto d'un boto
sto veceto scavesà
el siga "finca ca no sc-iopo
no i poe mia sararme qua!
Xa i me ga sarà la cesa
e anca el Toni ga sarà!
Ma posso ancora far la spesa
togo a vespa e vo al marcà!"
Meti in moto ma fa in pressa
va via drito fa un siluro
no fermarte o te te mali
te lo digo a so sicuro.
ma la Coop xe drìo al cantòn
mentre el Prix del me comune
xe a mexora de stradòn!"
"La lege xe la lege
e mejo se no se fomenta
la scortemo co piaxere
al marcato dea Valbrenta"
E sta banda de maulòti
fa na mexa transomansa
pì de quindaxe chiometri
rispettando l'ordinansa.
La moràe me spiaxe dirlo
xe che speso chi al potere
no raxona col servelo
ma col buxo del sedere.
E nialtri fa bisate
tuto el dì a scoltar notisie
rento un foso de cagate
rento un foso de ingiustisie.
El veceto xe tornà
in tel comune de Valbrenta
do che magna bacalà
e lo tocia còa polenta.

Gnanca fòra dala via

i lo ferma xa i caramba
ostia Verxine Maria
"dove veto?" i ghe domanda,

"A so drio ndare al marcà

(che) drìo el curvon ghe xe la Coop
pa crompare el bacalà
e na giossa de vin Dop"

"El ne scusa", dixe a guardia,

"el ga mia visto el notisiario?
Nol poe mia cambiar comune
torna sùito a San Nazario!"