ANNO II – N° 8 €.
0,00
Rozzi’s News
Direzione: ‘nto bar i Frank, ‘nto campu e a casa mia – 89900 Vibu Valentia
Tel: non ci su sordi pà bulletta Fax: u stessu e-mail:rozziscup@libero.it
TORNA A COPPA DI ROZZI
Vibu Valentia, tutti u volianu, tutti ogni
jornu ‘ndi parravanu e pura ca
ufficialmenti all’iniziu si dicia ca
st’annu non si facia tutti già si stavanu
organizzandu e accussì, l’organizzatori
accettarla richiesta: riparti u rozzi’s
Cup….st’annu è a sesta edizioni e i
perzuni chi vonnu u partecipanu su
assai. L’annu scrsu fu nu successu e
st’annu u mejju torneu i vibu torna
all’origini, non si joca a calcettu ma a
calciu a 8.
U calciu d’iniziu è previstu pè dominica
16 maju, i squatri su quasi tutti pronti e
agguerriti pemmu conquistanu u titulu
i campiuni chi l’annu scorsu vinciu a
squadra “i ‘mbriacuni” i Cammarata e
cumpagni. Mo vidimu cu vinci st’annu!
CAMMARATA ‘MPENDI
MPENDI I SCARPI O’C
O CHJIOVU!
A notizia arrivau lunedì a dassau tutti cà vucca aperta. I
campiuni in Carica Cammarata dezzi pubblicamenti
l’addiu ò calciu, a motivazioni non si capisci, c’è cù dici
cà si spagnau di squatri troppu forti, c’è cù dici cà ormai
è troppu vecchi pemmu joca ò palluni…l’unicu fattu
certu è cà ancora iju dici cà è convintui i chiju chi dissi. U
D.S. Ciardulli si trova quindi senza n’atru pezzu “grossu”
dà squatra, dopu ca già Vartuli l’avia abbandunatu
pecchì si dici ca si fici na squadra potenti pronta pemmu
aza a coppa. Vidimu chi succedi i mo a dominica!
DIAVULI NIRI – SPARTANI: A SFIDA CUMINCIAU
I Diavuli Niri puru st’annu parteciapnu agguerriti a stu
torneu, dopu chi l’annu scorsu nesciru è quarti i finali
contru a squatra “Setti e menzu” – chi st’annu non si sapi si
aprtecipa-. I Diavuli promettiru ca mentinu focu ‘nto
campu e a nova squatra “I spartani” rispundi dicendu ca
st’annu vincinu iji….mo vidimu si a coppa vaci ò ‘mpernu, si
vaci a Sparta oppuru si vaci…… a Troia!
GIOVEDI’ 6 MAGGIO 2010
“II CRIATURA”
CRIATURA CI RIPROVANU….
RIPROVANU . E
ARRIVANU “II MEJJIU UNDICI”
UNDICI
A prima squatra chi comunicau a
partecipazioni ò torneu è chija dì criatura.
L’annu scorsu i criatura non arrivaru
mancu è quarti i finali ma st’annu vonnu u
‘nci riprovanu e ficeru na squatra ccjiù
giuvani, cù jocaturi puru stranieri, infatti
s’accattaru nu brasilianu e nu danesi…mo
vidimu chi cumbinanu. Intantu nesciu ò
largu n’atra squatra: “i mejjiu undici”, u
presidenti Maiorella (u picciriju) presentau
aieri a squatra, tutti perzuni puliti…c’è
puru Micheli fratisa ‘nta squatra, na vota
era unu di mejjiu jocaturi i l’oratoriu ma
mo pari ca u palluni su mangiau tantu chi
avi a panza grossa, enzareju ‘mbeci si
manteni in forma e puru atri da squatra soi
su misi boni, mo vidimu adduvi arrivanu!
U SEGRETU I VARTULI
Prima abbandunau a squadra di
“i ‘mbriacuni” e poi si fici na
squatra sua u bomber Cicciu
Vartuli. Quandu u D.S. Ciardulli
u contattau iju ‘nci dissi ca non
volia ‘cciù u staci è dipendenzi
soi e si jettau subba ò mercatu.
Ieri ‘ntà n’intervista dissi ca a
squatra sua è pronta ma cu su i
jocaturi soi e u nomi da squatra
è nu segretu, e ca i jocaturi su
jocaturi boni boni. Iju non lancia
sfidi a nuju, dici sula ca aspetta a
Ciardulli e a tutti l’atri subba ò
campu. Vidimu cu su sti
jocaturazzi!
Si ti pijja a siti veni ò Bar i Frank