QUATAR E LA BANADIZION

- Bongiorno, sgnor paroco.-

- Ciao Lisaura. Ostia! L’am scusa, a vleva po dir, bongiorno sgnurina maestra, sala cum l’è
dop ch’ al’ho batzada e a gh’o fat pasar la cresma e la cumanion, l’am par incora cla putina
cl’a gneva a zugar in parochia.-
- Ben! Mo volal scherzar sgnor paroco, l’am ciama ben par nom e l’am daga dal ti che, dit
da lu, l’am fa piaser e l’am fa sintir incora na zuvneta.-
- Va ben, cara la mie bela. Mo, sentat anca ti ac fat zagno ach ghè inquò? E i to putin, gh’ei
tuti in scola inquò? E sta strada, sat mina si la giusta? Che tra na busa e un giazon a iò fat
n’arbalton che umenti am scavezz na gamba. E zerca ad smetarla con stal sgnor paroco,
che al Sgnor l’è un sol e le mej numinaral men pusibil, za c’al n’à tropi da star a drè.
- Oi! sgnior paroco, inquò lè propria un bel fred, e i putin je tuti in class e po . . . -
- E po, dag un taj con st’al sgnor paroco, a tl’ò bela fat che dir che a son don Dovilio, ch’al
né brisa un gran bel nom, ma l’è quel ch’la ma dà la mie mama e ach son afezionà.-
- L’am scusa l’è cl’am vien difizil, ma gh’imprumet c’ag prov. Ma, l’am diga su, cum al fat a
cascar? S’el fat dal mal? C’al n’am faga brisa star in pensier.-
- Dai, Dai! Stan’at preocupar, che s’at fus stada la a lunga at v’gneva al sangiozz dal ridar.-
- Ben, mo s’el dre dir sgnor paroco, l’am scusa, don Dovilio. C’al viena mo dentar che a ghè
più cald, ac’sì al s’ponsa e al pol far la dutrinaa chi putin.-
- Grazie Lisaura! Sent’mo ac fat caldin ac’ghè chi a l’armocia. Av salut putin!-
- Bongiorno don Dovilio.-
- Ho ben! Sent’mo Lisaura, s’at fa piaser sta pur chi, che t’an sturbi brisa, anzi! Ma s’at gà
dl’altar da far, va pur là c’al so che t’ag n’à sempar par indrè da far.-
- Al ringrazi don Dovilio, a go rancura ad curezar i compit d’il fest da Nadal, sl’am lasa andar
a n’in prufit.-
- Va pur là bela, va a far quel che t’à da far.-
- Alora mi a vag, e cl’an staga aver timor ad ciamaram s’i fes dal baito.-
- Si! va pur là, che agh pens mi a sta mucia ad zucun, con mi agh cunvien ad star ardut.
Che po’, cusa vot mai, caran ach cress l’an pol star ferma e tal sa anch cum as dis “ tgnir
feram i putin, far corar i vecc e far star zita na dona a né bona gnanc la Madona”.-
- Ben,ben! Don Dovilio lu al gà sempar pront un salmunzin.-
- Dai bela che dop po, prima ca vaga via, a pass a vedrat, ac’sì at dagh un bel santin ad
santa Scolastica.-
-
-
- Dì su Odler, ti ca tiè lì in sl’undal, smincia sl’è n’dada, la maestra-.
- L’è n’dada don Dovilio.-
- Benon! Crasmand stè in urecia! Sabat av voi in parochia a impratichirav a tirar i rigur e
dmemga, poca ciancia, tuti al camp spurtiv par la partida. A ghè quiei ad don Sileno ch’iè
sol bun ad ciucaras dla nusa ma stavolta a j’inciulden! A gh’n’in’trighen quatar e a j’instraden
a ca con la banadizion.-
- Mo don Dovilio, mi admenga an pos brisa, a go da jutar mie opà a far legna.-
- Ostia! Oriano mina faram sti scherz da pret, ch’at ga un piè cal strina, s’tan mina far fog,
la legna a v’la fag ardusar dal pianton d’la fabrica, c’à son incora in avanz.-
- Don Dovilio, mi a go i scarpin sbus, cum’oja da far?-
- Anca ti Arialdo? Porti ben dal calzular e dig c’a pas po mi a giustaras.-
- Ades s’an gh’avì più da lumantarav vdì ad stanzzar. che prima ad far dutrina a s’inzgnen
su l’imparciadura.-
- Don Dovilio, mi a vria far l’ala drita, che da cla part li don Sileno algh pogia sempar cla
bonalana ad Solindo dla mlada e mi, clu li a mal magn, a n’agh fac tucar gnanc n’a bocia.-
- Mo Brao Arialdo, t’a ma squacià il cart, a tl’inciavi in du cl’è e at’n’al moli più.-
- Don Dovilio, s’ago i scarpin giustà, posia zugar zentravanti come ch’igl’ialtar volt?-
- Ei quei da dir Arialdo? Ti fai giustar, ac’sì a c’as posa vedar al nostar anzulin dla bela nova
intrigar la bocia in tl’a red e drè da ti agh gnirà anch al to anzul.-
- Mo don Dovilio, lu l’à sempar dit che l’anzul custode a ghl’aven, mo al na s’ved brisa, cum
faral a zugar al balon?-
- Mo brisa l’anzul digl’urazion. A m’intend, sa zcuren ad balon, ad quel ad tuti i zentravanti,
quel cal t’imbeca la bocia, al median! E nualtar a gaven al cul d’aver al Vainer, c’al gà na
schina cla par un tulier e l’è al mej median ca ghè.-
- Don Dovilio, se Arialdo al zoga ondas, mi sa faghia? Staghia a vedar?-
- Mo gnianc e po gnianc Calisto, ti at zoghi a l’impar d’Arialdo.-
- Mo fiss-ciula don Dovilio, l’an se mai vista na squadra con du zentravanti.-
- L’è ben quest l’arbalton! L’imparciament c’al li fa andar tuti in bambana, anden a zugar
con du zentravanti, acsì a quei ad don Sileno agh gnirà un scarabacin quand agh rivarà du
zentravanti, da du cantun.-
- Alora putin, a sen d’acord acsì e ch’ialtar post i vanza i stess. Ualtar mitig la voia ad vinzar
e mi gli urazion, e sté in urecia! Che chi pasa al turan, a pasa anch la cresma.-
QUATTRO E LA BENEDIZIONE

- Buongiorno signor parroco. -

- Ciao Lisaura. Oibò! Mi scusi volevo dire, buongiorno signorina maestra, sa com’ è dopo
che l’ho battezzata, e le ho fatto fare la cresima e la comunione, lei mi sembra ancora quella
bambina che veniva a giocare in parrocchia. -
- Ben! ma vuole scherzare signor parroco, mi chiami ben per nome e mi dia del tu che detto
da lei mi fa piacere e mi fa sentire ancora giovinetta. -
- Va bene cara la mia bella. Ma senti anche tu che freddo pungente che fa oggi? E i tuoi
bambini ci sono tutti a scuola oggi? E questa strada, non sai mica se la mettono a posto?
Che tra una buca e una ghiacciata ho fatto un capitombolo che quasi mi rompevo una
gamba. E cerca di finirla con questo signor parroco, che il Signore è uno solamente ed è
meglio nominarlo il meno possibile dal momento che ha già troppe questioni da seguire. -
- Si! signor parroco, oggi fa proprio un bel freddo, e i bambini sono tutti in classe e poi. . . -
- E poi devi smetterla con questo signor parroco, ti ho già detto che sono don Dovilio, che
non è affatto un bel nome, ma è quello che mi ha dato la mia mamma e ci sono affezionato.
-
- Mi scusi il fatto è che mi riesce difficile. Ma glielo prometto che ci provo. Ma mi dica come
ha fatto a cadere? Si è fatto male? Che non mi faccia stare in pensiero. -
- Dai, Dai! Non preoccuparti che se fossi stata la li ti veniva il singhiozzo per le risate. -
- Ma cosa sta dicendo signor parroco, mi scusi, don Dovilio. Venga dentro che c’è più caldo
così si riposa e può fare la dottrina ai bambini. -
- Grazie Lisaura. Senti che caldino che ci sta qui al riparo. Vi saluto bambini! -
- Buongiorno don Dovilio. -
- Ho bene! Senti Lisaura se ti fa piacere sta pure qui, che non disturbi, anzi! Ma se hai delle
altre cose da fare, vai pure, so che ne hai sempre in arretrato da fare. -
- La ringrazio don Dovilio, mi devo affrettare a correggere i compiti delle feste di Natale, se
mi permette ne approfitto. -
- Vai pure di là, cara, vai a fare ciò che devi fare. -
- Allora io vado, e non abbia timore di chiamarmi se (gli scolari) facessero confusione. -
- Si! Vai pure, che ci penso io a questo gruppo di zucconi, con me gli conviene di stare
tranquilli. Che poi, cosa vuoi mai, i bimbi in crescita faticano a stare fermi e sai come si suole
dire “tenere fermi i bimbi, fare correre gli anziani e fare tacere una donna, non ci riesce
nemmeno la Madonna”. -
- Ben, ben, don Dovilio lei ha sempre pronta una parabola. -
- Dai bella che dopo, prima di andarmene, passo a rivederti, così ti do anche una bella
immaginetta di santa Scolastica. -
- Dammi retta Odler, tu che sei li vicino all’uscio, guarda se se ne è andata la maestra. -
- Se ne è andata don Dovilio. -
- Benone! Cresimandi state attenti! Sabato vi voglio in parrocchia ad allenarvi a tirare i calci
di rigore e domenica niente scuse, tutti al campo sportivo per la partita. Ci sono quelli di don
Sileno, che sono solo capaci di darsi delle arie, ma questa volta li blocchiamo! Gli rifiliamo
quattro gol e li rimettiamo sulla strada di casa con la benedizione.
- Ma don Dovilio io domenica non posso, devo aiutare mio padre a immagazzinare la legna.
-
-Cribbio! Oriano mica farmi questi scherzi da prete, che hai un piede che fa cose
straordinarie, non provarti ad essere assente, la legna ve la faccio procurare dal guardiano
della fabbrica che mi deve dei favori. -
- Don Dovilio, io ho le scarpe da calcio bucate come devo fare? -
- Anche tu Arialdo? Portale dal calzolaio e digli che poi passerò a saldare il conto. -
- Ora se non avete altri problemi vedete di stare attenti che prima di fare la dottrina studiamo
la formazione. -
- Don Dovilio io vorrei giocare ala destra, perché su quel lato don Sileno fa giocare sempre
quel marpione di Solindo della possessione Melata e io, quello, me lo mangio, non gli faccio
toccare nemmeno un pallone. -
- Ma bravo Arialdo mi hai letto nel pensiero, lo chiudi lì dove sta e non lo lasci più. -
- Don Dovilio se avrò le scarpe da calcio riparate, posso giocare come centravanti come le
altre volte? -
- Sono cose da chiedere Arialdo? Tu falle riparare così che si possa vedere il nostro asso
di spade infilare il pallone nella loro rete, e dietro a te avrai al seguito dal tuo angelo. -
- Ma don Dovilio, lei ha sempre detto che l’angelo custode che abbiamo non si vede, come
potrà essere in campo a giocare? -
- Ma non l’angelo delle preghiere! Intendo, se parliamo di calcio, di quello di tutti i centravanti,
quello che ti passa il pallone, il mediano! E noi siamo fortunati ad avere il Vainer, che ha un
gran fisico ed è il miglior mediano che c’è. -
- Don Dovilio, se Arialdo gioca, io cosa faccio? resto in panchina? -
- Ma niente affatto Calisto, tu giochi con lo stesso ruolo di Arialdo. -
- Ma, accipicchia, don Dovilio, non si è mai vista una squadra che schiera due centravanti.
-
- È ben questa la rivoluzione! La disposizione in campo che li lascerà tutti disorientati,
andiamo in campo con due centravanti così a quelli di don Sileno girerà la testa quando si
vedranno arrivare due centravanti da due direzioni diverse. -
- Allora bimbi, siamo d’accordo così, e gli altri ruoli rimangono gli stessi. Voi metteteci la
voglia di vincere ed io le preghiere, e state attenti! Che chi passa il turno passa anche alla
cresima. -