Lu censimentu:

Quannu Cesari ittau

ddu gran bannu rigurusu,
San Giuseppi si truvavu
'ntra la chiazza rispittusu.

San Giuseppi era cunfusu,

comu fazzu ccu Maria?
sidda senti chistu bannu
voli veniri cu mia.

E Maria c' ha rispunnutu:

fatta sia la vuluntati!
Comu Diu l'ha dispunutu
vegnu dunni mi purtati.

E Maria ci ha rispunnutu
Fatta si la Vuluntati
Comu Diu a dispunutu
Vegnu d’unni mi purtati

San Giseppi camminava

nda muntagna e boschi scuri
San Giuseppi e lu Signuri
Arridutti a li fridduri

E da allura ci cumparsi
Dda davanti un pellegrinu
Unni iti bona genti
Cu sti gammi infriddurati

Iti vinni a dda cuntrata

C’è na grutta arri parata
Ca c’è paglia d’addumati
Risturati la nuttata

Sennu dda Maria arrivata

Vitti po la mangiatura
Du armaluzzi a la latata
Pocu fienu e paglia dura

Rallegrativi pastura
Già che è natu lu missia
A Betlemme a li fridduri
Nasci mbrazza di Maria

A quattr’uri di la notti
San Giuseppi ci dicia
Aiu fattu quantu potti
Chiu nun possu sposa mia

E arrivaru li tre magi

Cu la stidda in cumpagnia
E li doni ci purtaru
P’adurari lu messia