San Giusep e la Madona

tradizionale, Lombardia

Un lunedì de matina bun’ ura

San Giusep andava via
e la Madona gh’ andava drè

Andemm, andemm vergin Maria

andemm, andemm in Betlehem, Oh

Quan fu stada innanzi un poco

la Madona la gh’ ha fam
e la Madona la gh’ ha fam

Andemm, andemm vergin Maria

tuchel de pan el truvaremm. Oh

Quan fu stada innanzi un poco

la Madona la gh’ ha sogn
e la Madona la gh’ ha sogn

Durmì durmì vergin Maria

durmì durmì fin quan vurì. Oh

Quan fu sta de mezzanotte

l’ è nassuu un bel bambin
e bianch e russ e rizzulin. Oh