Krag van die siel

INHOUD 

Inleiding ...............................................................................................

Die gebruik van verklarings ........................................................  

YANTRA-MEDITASIE ............................................................

EK IS KRAGTIG ......................................................................

Krag .......................................................................................................

Potensiaal (kinetiese energie) ...................................................

Ons is klein godjies ........................................................................

Bestuur van ons gees en ons karma ..............................................

Belyning met jou kern ...................................................................

Praktiese Namaste ..........................................................................

Suiwerste liefde ...............................................................................

Die siel is ongebore en onsterflik .............................................

Losmaking ........................................................................................

Hantering van verkleefdheid ....................................................

Die wetenskap agter bomenslike kragte .............................

EK IS BESKERM ....................................................................

Gevoel van veiligheid ....................................................................

Gemoedsrus ......................................................................................

Beheer oor die denke van die massas ...................................

Interafhanklikheid .........................................................................

Die sinergie van alle dinge ..........................................................

Is ons vir vrees geprogrammeer? ............................................

Ons is nooit alleen nie – net vergeetagtig ............................

EK IS VOLMAAK ....................................................................

Kom in voeling met jou essensie ..............................................

Wees lief vir jouself .......................................................................

Die waarheid agter charisma ....................................................

Jy is enig in jou soort .....................................................................

Aanvaarding .....................................................................................

Moenie dat eksterne illusies jou aandag aflei nie ............

Skop pessimisme uit .....................................................................

Hoe ek my innerlike volmaaktheid vrygestel het ............

EK IS PRASADAM .................................................................

Genade ................................................................................................

Gelyk aan God in eienskappe .......................................................

Tyd is 'n illusie .................................................................................

Interafhanklikheid .........................................................................

Simpatie en empatie .....................................................................

Selfloosheid ......................................................................................

Seën ander .........................................................................................

Diensbaarheid ..................................................................................

Die gopi’s (dorpsmeisies)..............................................................

EK IS VOORSPOEDIG ............ ...............................................

Die aantrekkingswet .....................................................................

Jy verdien die beste .......................................................................

Ons is almal gelyk ..........................................................................

Die reën diskrimineer nie ..........................................................

Ons is erfgename ...........................................................................

’n Bewussyn van voorspoed .....................................................

Selftevredenheid ...........................................................................

Voorspoed is meer as finansiële sukses ..............................

Ek verdien dit nie ..........................................................................

Breek weg uit kondisionering van die verlede ...............

Wat dra ons aan ons kinders oor? ..........................................

Wat is epigenetika? .......................................................................

Hoe kan ek my DNS herprogrammeer? ..............................

Dankbaarheid .................................................................................

TER AFSLUITING .................................................................

WAT IS ’n YANTRA? ...........................................................

Simbole en hul geheime betekenis ........................................

Doelwitte en oogmerke van yantras ....................................

Gebruike van yantras ....................................................................

My pad na yantras ........................................................................

Kartering van yantras .................................................................

WAT IS ’n SIELSYANTRA? ................................................

OOR DIE SKRYWER ............................................................

Inleiding

Een aand in New York, terwyl ek pen in die hand by die tafel gesit en effens mismoedig gevoel het, het ek myself die eenvoudige vraag gevra:  Wat is spesiaal aan my?

Ek het my pen toegelaat om te vloei sonder om te veel oor die antwoorde na te dink, en tot my verbasing het ek met vyf verklarings vorendag gekom. Dis maklik om te onthou, en soos julle sal sien, het dit raakpunte met die kern van ons bestaan. So is die vyf edel waarhede, wat nou rigting in my lewe verskaf, gebore: Ek is kragtig; Ek is beskerm; Ek is volmaak; Ek is prasadam; Ek is voorspoedig.

Ek hoop hierdie verklarings bring vir jou die vertroosting, krag en wysheid wat jy nodig het om sukses in jou lewe te behaal, en dat dit jou ook sal herinner presies hoe ongelooflik jy is.

In die uitbreiding van die betekenis van elke verklaring, het ek op die leringe van verskeie esoteriese en geestelike tradisies gesteun, met ’n spesiale verwysing na die Vediese geskrifte. Ek het die boek in wese vir myself geskryf. Terwyl ek besig was om elke woord te tik, het ek die rol van empatiese vriend aanvaar wat bemoediging bied. Elke woord in hierdie boek is met die uiterste opregtheid en ter bemoediging deur die hand van ’n vriend geskryf.

’n Verklaring is ’n bevestiging van iets wat waar is. Ek hoop dat jy aanklank sal vind by hierdie verklarings soos wat ek daarby aanklank gevind het, en dat jy dit sal aanneem en toepas binne die konteks van jou eie geestelike tradisie.

Elkeen van hierdie verklarings is gegrond op die uitgangspunt dat ek en jy en alle lewende dinge op hierdie planeet siele is – ewige, verpersoonlikte vonke van die Skepper, onverbonde aan tyd, en die ware essensie van wat ons bewustelike wesens maak.

Om die verbale verklarings aan te vul, het ek geometriese ekwivalente (yantras) voorsien wat jou sal help met jou meditasie. Ek verduidelik die geskiedenis en doeltreffendheid van yantras in die laaste paar hoofstukke van die boek.

Ons geestelike reis is ’n baie persoonlike een, want geen twee mense loop dieselfde paadjie nie – selfs nie diegene binne dieselfde godsdienstige gemeenskap nie. Jy moet jou eie weg baan op die pad van regverdigheid. Bon voyage, dus!

Ek bied hierdie vyf edel waarhede met liefde vir jou aan.

Paul Rodney Turner

Die gebruik van verklarings

Verklarings was nog altyd ’n belangrike deel van die geestelike tradisie. Die uitdrukking van ’n positiewe en hartstogtelike verklaring aan jouself kan net dien om die onderneming om die beste jy te wees, te versterk en om die verwagtinge van ander te verhoog en te voed.

Verklarings kom in vele vorme, waaronder mantras, die geskrewe woord en yantras – die antieke kuns van heilige geometrie.

’n Deel van die uitdaging om ’n positiewe uitkyk op die lewe te inkorporeer, is die nodigheid om eers die gees (mind) te herprogrammeer om só te reageer dat dit voordelig is vir jou begeerde doelwit. Vir te lank reeds het ons toegelaat dat ons gees besoedel word deur die selfsugtige begeertes van besighede met hul vals advertensies. Gevolglik ervaar ons nou dat korporatiewe bemarkingsboodskappe ’n integrale deel van taal en kultuur geword het. Om ’n sneesdoekie te gaan haal, het geword om ’n Kleenex te gaan haal; om naelpolitoer aan te wend het geword, om Cutex aan te wend. Met ander woorde, hierdie aksies het sinoniem geword met korporatiewe handelsmerke.

Die eerste stap op die pad van selfbemagtiging is om die aktiwiteite van ons eiesinnige gees te monitor. Neem die tyd om jou instinktiewe reaksies op inligting en die ervaringe wat rondom jou ontvou, waar te neem, en besluit objektief of daardie reaksies gewens is of nie. Dit is waarskynlik nie gewens nie en besorg jou waarskynlik onnodige kommer en swaarkry.

Wanneer jy die moeite doen om die vals programmering in jou gees en enige negatiewe invloede wat van buite af kom, uit te skakel deur herhaaldelik jou siel se briljantheid met verklarings te bevestig, sal jy gou ontdek presies tot watter mate jy jouself toegelaat het om verslaaf te raak.

Ek beveel sterk aan dat jy hierdie vyf edel waarhede gebruik om jou briljantheid op ’n daaglikse basis te bevestig.  Jy sal agterkom dat dit die beste werk as jy dit heel eerste in die oggend doen en net voor jy gaan slaap in die aand. Kalmeer jou gemoed, en sê dit dan