In die jagveld met die 6.5MM CREEDMOOR

Ek het my 6.5mm-tande op die 6.5x55 Sweedse Mauser gesny. Na vier jaar van weeklikse en soms daaglikse gebruik het ek begin dink aan ’n plaasvervanger vir hierdie dunloop-Howa-geweertjie. Maar die wetlike aspekte van ’n loopvervanging neem deesdae byna net soveel tyd in beslag as ’n nuwe lisensieaansoek en, ten spyte daarvan dat ek ander werksgewere het, was ek bloot nie lus om vir etlike maande sonder ’n 6.5-kaliber oor die weg te kom nie.

Aanvanklik het ek ’n tweede 6.5x55 oorweeg, maar ’n uitnodiging na ’n langafstandskietkursus het my oortuig dat ek eerder ’n dikloop-6.5mm nodig gehad het. ’n Aand se kuier en soek op die internet het my oortuig dat daar weinig verskil is tussen die ballistiese vermoëns van my ladings vir die Sweedse 6.5x55 en die 6.5 Creedmoor, en na ’n besoek aan Kloppers in Bloemfontein en ’n paar maande