Phek - 1 Estd.

KAN VENG

Volume 28

Issue No. 01

Pawlkut thla (January) Ni 15, 2012 1985

MISSION VENG YMA SOUTH BRANCH CHANCHINBU

FORTNIGHTLY
Thil tum : 1.Hunawl hman that 2.Zofate hmaswnna ngaihtuah 3.Kristian nundan tha ngaihsn Thuvawn :

YMA chu tanpui ngaite tanpuit a ni.

Pawlkut thla (January) Ni 15, 2012 Phek - 1

VOLUME - 28

ISSUE NO. 01

HRIATTIRNA
Kum 2012-a Kan Veng Issue hmasa ber hi kumthar lama enkawltu tur la siamfel loh anih avangin a hlui a mite hmalaknaa chhuah a ni a. Chuvangin, Editorial Board leh a semtu pawh a ngai la tarlan a ni. Kum thar lama enkawltu tur (Editorial Board) siamfel anih hma chuan kum hlui a miten kan enkawl rih dawn a, a semtute pawh la rin zui zel an ni ang. February thla tir atang chuan Editorial Board thar kan neih theih tawh beisei a ni.

Branch Executive Committee Thurel leh Report Tlangpui:

Meeting hmasa ber

Special Issue Thupha

* Phek 29-na Sunna-ah Pi Chawngthangpuii c/o Lalduhthanga, Sec-I (tun kumah Sec-IV) kan lo hmaih palh hlauh mai a, pawi kan ti tak zet a ni. Tin, Tv. Zothantluanga, thihni July ni 9 tih kha October ni 2 tih tur, thih chhan Cancer tih kha Lungphuchawl tih tur a ni. * Article rawn thawhtute thuziak remkhawm dan fuh lo a awm nuala, chhiar pawh a ti nuam zan lo tih kan hria a, pawi kan ti tak zet a ni. Kut ziaka article min petute kan chhut chhuahna lamah tihsual kan ngah hle tih kan hria a, duh anga hun kan neih tam loh vang a ni a, in mi hriatthiamna kan ngen a ni.

1. Kumina Branch YMA Executive Committee hmasa ber chu January ni 6 khan DYO Hall-ah neih a ni a, member an kal tha hle. Branch Report hrang hrang ngaihthlak zingah Kan Veng special issue buatsaih a lawmawm thute, Branch YMA Duty leh Beautification Committee hmalakna leh Kumpuan S/c hmalakna te ngaihthlak a ni. 2. Branch Senior Adviser-2012 atana tlawm min ngaihsak turin heng mite hi ruat an ni: 1. Pu Lalhmuchhuaka 2. Pu Lalkanglova Sailo 3. Pu V.L. Chhawna 3. Kumin hian Section din leh tha tih a ni a, Branch Executive Committee-in ngun taka a ngaihtuah hnuin nikum lama Section 3-a then chu kumin hian a that zawk beiseiin Section 4-ah siam tura rel a ni a. Section area chu nikum hmasa lama kan lo hman tawh ang kha rin leh tur a ni. 4. Branch Executive Committee chuan Section hruaitu hi a hrana inthlang kher loa ruat mai tha a tih angin heng a hnuai a mite hi kum 2012 Section hruaitu atan ruat an ni : Section I Leader : Pu C. Hrangvunga Secretary: Pu C .Vanlalrindika Section II Leader : Pu Lalmuanpuia Hmar Secretary: Tv. Laldingliana Section III Leader : Tv. Ramengmawia Secretary: Tv. Lalrinchhana Section IV Leader : Pu Lalchhuanawma Hrahsel Secretary: Tv Lalbiakdika Anni hian Asst. Leader leh Asst Secretary bakah Section Committee member 10 aia tam lo an ruat anga, Branch Executive Committee pawmpui turin January ni 20 ral hmain Branch Secretary hnenah an thehlut ang. 5. Sub-Committee panga din leh tha tih a ni a, Chairman leh Secretary turin heng mite hi a ruat an ni. Anni pawh hian Vice Chairman leh Asst Secretary tur bakah Member tur mi 10 aia tam lo an ruat anga, Branch Executive Committee pawmpui turin January ni 20 ral hmain Secretary hnenah an thehlut ang. 1. Property Sub-Committee: Chairman : Pu Malsawmkima, Treasurer Secretary : Pu R. Biakchhungnunga, ECM 2. Publication Sub-Committee: Chairman : Pu Lalsiamliana, Asst Secretary Secretary : Tv Lalrinzuala, ECM 3. Music & Publicity Sub-Committee: Chairman : Pu Laldinthara Hnamte, President Secretary : Pu Vanlalhmangaiha, ECM, 4. Ei leh In Sub-Committee: Chairman : Tv. Vanlaldinga, Fin. Secretary Secretary : Pu P.C Lalthangmawia, ECM (contd. to next page) Bul tan that chu tluang taka zawh felna a ni.

Phek - 2
Editor Joint Editors

KAN VENG
: Ng. N. Thanga
(Ph - 9862367532/9402112221)

Volume 28
Section - I

Issue No. 01

Pawlkut thla (January) Ni 15, 2012

EDITORIAL BOARD
: Ramengmawia Lalrinzuala Pachuau

Section - II

SEMTUTE
Section - III
Henry Lalchhuanawma M.S.Dawngzela Lalremruata Malsawmdawngzuala Samuel Vanremruata SamsonLalchhuanawma Timothy Lalhnaihzela George R.H.Thanga Chama Samuel Lalrotlinga Isaac Lalawmpuia Lalhunthara Lalhlimpuia Vanlalhuma K.Vanlalnghaka Lalrinchhana Vanlalfela

Cir. Managers : Zorinsangi Chawngthanpari News Editors : Lal Rinmawia C. Lalnunmawia Vanlaldinga Lalthanpuia Lalrinzuala Pachuau Zothankhuma Lalrinchhana Lalbiakdika Lalnunpuia K. Lalmuanpuia Samuel Zothanzauva OB incharge : Lalsiamliana
Fin. Secretary

Samuel Lalmuanpuia David Hmingthanmawia Nathan Lalruatsanga Lalfakzuala Vanlalthabera Varte Lalduhawma V.L.Hruaitluanga Lalthanchama Lalrinkima Lalruatfela Vanlaltluanga Lalhruaizela Lalhmangaiha Hnamte Malsawmzuala Moses Lalawmpuia Lalruatsanga Chinzah Andy Malsawmzuala Lalrinsanga C. Lalfakawma

(Branch Executive Committee thurel chhunzawmna) Kumpuan Sub-Committee : Chairman : Pu Vanlalruata, Vice President Secretary : Pu Vanlalchhana, ECM (Heng Section leh Sub-Committee hruaitu tura ruat ten mahni chhungkua leh eizawnnaah an buai zia leh indaih loh ziate hre chhungin Branch YMA-in mawhphurhna a pekte pha mai lova; kan veng leh khawtlang tan a ni tih hre chunga tlawmngaih chhuaha an pawm thei hi Branch chuan lawmawm a ti hle a ni. Chuvangin YMA member-te chuan heng kan hruaitute hi kan tawiawm that leh an hnung kan zui that hi a pawimawh hle a ni.) 6 Branch sum SBI leh Apex Bank-a dahte enkawl tur leh Cheque-a hming sign ngaia tifel turin heng mite hi ruat an ni a, Bank lam thuneitute pawh ziaka hriattir tawh an ni : 1) Pu Laldinthara Hnamte, President 2) Pu Malsawmkima, Treasurer 3) Tv Vanlaldinga Fin. Secretary 7. Central YMA-in kumina kan Branch Budget atana min tuk Rs. 7,900/- bakah Annual Fee Rs. 100/- chu hun remchang hmasa berah pek tlak tura tih a ni. 8. Mission Veng Joint YMA-2012 Executive Committee-a tel turin Branch chuan heng mite hi a ruat : 1. Pu Lalhmuchhuaka 2. Pu V.L Chhuanawma 3. Pu Lalbiakngura 4. Tv. V. Lalsawmliana 5. Pu Ng. N. Thanga 6. Pu Jeffrey L. Fanai 7. Tv. Vanlaldinga (Joint YMA Fin. Secy-2012) 9. Branch YMA chuan tunhnaia Maubawk-a inkang avanga chhiatna tawkte tan vengchhungah vehbur khawn tha a tih angin Executive Committee Member ten chhungtinah tanpuina pawisa an khawn a, khawn hmuh dan tlangpui chu :Section - I Section - III = Rs. 1,750/= Rs. 19,280/Section - II Section - IV = Rs. 15,770/= Rs. 21,000/-

Mission Veng YMA South Branch, Beautification Sub- Committee Lawmthu sawina
Kum 2011 Krismas lawm nan leh Kum 2012 Kumthar hmuah leh lawm nana veng chhung cheimawi chungchangah Mission Veng YMA South Branch huam chhunga cheng chhungkua zawng zawngte tanrualna leh thawhhona avangin hlawhtling takin veng chhung kan chei thei kha a lawmawm hle a ni. Veng chhung leh veng pawna khawsa kan veng mi ni thinte leh kan chhungte thlengin thawhlawm kha khawn a ni a. Kan thawhlawm khawnnaah te pawh tha taka min lo dawngsawngin, thahnemngai takin thawhlawm te in rawn thawh kha kan lawm em em a ni. Kan khawlai chei dan kha kan hriat theuh angin a hautak em em a, sum leh pai mai ni lovin mihring tha pawh a heh em em a nih kha. Sum kan mamawhna a san em avanga chhungkaw thenkhat thawhlawm han khawn nawn kan neihah te pawh tha tak leh hrethiam taka min lo dawngsawngin thawhlawm an lo thawh leh thei zel te kha a ropuiin a lawmawm tak zet a ni. Veng chhung nu leh pate leh thalaite, thla khat chhung zet mai, zan lai pel thak thaka an han hnatlang thinte kha a ropui hle a ni. Mission Veng YMA South Branch mipuite/chhungkaw tinte kan tanrualna leh kan inlungrualna avangin kan kawtthler te mawi takin kan chei theih phah a ni a, a lawmawm hle a ni. Chuvangin, Mission Veng YMA South Branch, Beautification Sub-Committee chuan veng chhung mipui zawng zawng hnenah LAWMTHU KAN SAWI E.

Hmuh zawng zawng = Rs 57,800/- leh buhfai 3.5 qtls vel leh thawmhnaw bag 2 a ni. Heng thilpekte hi inkang leh chhiat tawk chhungte hnenah a bo a bang awm lovin January ni 11 khan Branch Hruaitu leh mi tlawmngai ten an va hlan a ni. Branch YMA-in Maubawk Branch YMA-te hnatlang thingpui senso, a hranin Branch sum atangin Rs 3000/- a hlan tel bawk a ni. Branch tanpuina hlan rual hian Mission Veng Local Council chuan Rs 2,000/- an hlan ve bawk a ni. 10. Branch-in a lo rel tawh angin Krismas leh Kumthar vuakvet laia kan veng chhuk thla mawi taka chei chuan Veng hrang hrang atangin mawi titu leh tlawhtu a ngah phah hle a, hemi avanga kan Veng faktu an tam chu Branch chuan lawmawm a ti hle a ni. Heng veng cheimawi hna nasa taka buaipuitu leh hma latu Beautification Committee leh a puibawmtu hnatlang zawng zawng leh phal taka tanpuina petu zawng zawng chungah Branch YMA chuan lawmthu a sawi tak meuh meuh a ni.

Mi pakhat tana thil tangkailo pawh midang tan thil hlu tak a ni thei.

Phek - 3

KAN VENG

Volume 28

Issue No. 01

Pawlkut thla (January) Ni 15, 2012

LAWRKHAWM
Missionary-in kal dawn
Nl.Lalengmawii Ralte, d/o Lalsangzuala (L) Sec-IV fanu chu Synod Mission Board hnuaiah Missionary in Hruiduk-ah a kal dawn a, Nl. Maengi hi January ni 8 (Pathianni) chawhnu in-khawmah Chanmari Kohhran Biak inah thlahna hun hman a ni.

DAM LO
Pu Lalmalsawma, Sec-IV chu December ni 28 khan Nazareth Hospital, Chaltlangah admit a ni a, Deluxe Room-1-ah enkawl mek a ni. Nl. Remsangi, Sec-IV chu Synod Hospital, Durtlang-ah hun engemaw chen enkawl anih hnuin in lama enkawl zui turin a lo chhuak. Pi Vanlalnghaki @ Ateii, Sec-III chu Aizawl Civil Hospital-ah hun engemaw chen enkawl anih hnuin in lama enkawl chhunzawm turin January ni 13 khan a lo chhuak. Pu Vanhlira, Sec-IV chu zun kawng tha lo leh zunthlum avangin in lamah enkawl mek a ni. Pi Vanrengpuii w/o Lalfakawma, Sec-III chu January ni 4 khan Synod Hospitalah a chhula bawk awm zai sak a ni a, in lama in enkawl zui turin Jan. ni 6 khan an lo chhuak.

MSV Badminton Club

Mission Veng Badminton Club chuan Mamit-a Tournament neih mekah intir vein K.Lalthianghlima, K.Lalfakzuala leh Simon Lalrinchhanah te an zuk tel a, anni zingah hian Chhanchhana hian Under-15 category-ah final a lut a, result kan hre hman ta lo a ni.

Pem / In sawn
Pi Tlangthangpuii chu kum engemaw chen Thakthing Veng lama a khawsak hnuin thla hmasa khan ama in Sec-II huam chhung ami luahin a rawn pem leh ta e. Pu Lallawmsanga Zadeng te chhung chu Sec-IV atangin an mahni in sak thar Sec-III-ah December, 2011 thla tawp lam khan an insawn fel ta. Pi C.Thanbuangi @ Mampuii te chhung chu Sec-III area Pi Neihliani bldg. atangin an mahni in sak tharah December thla tawp khan an insawn fel ta. Pu Eddie Lalengzuala te chhung chu Pu Vanhmingmawia bldg. SecIV atangin Sec-III area Pi Neihliani bldg-ah tun thla tir khan an insawn.

Inhmukhawm
January ni 13, (Zirtawpni) khan Mission Veng YMA South Branch leh North Branch Office Bearers te chuan Mission Veng Local Council thendarh tur chungchangah in hmukhawmin Mission Veng Local Council area tur chungchang an sawiho a ni.

Chhuanawm
Pi Lalzarmmawii w/o Upa Zonunmawia, Sec-II chuan October ni 3, 2011 khan Mizoram University Education Deptt. atangin Doctorate Degree a hmu thar. A thesis chu A Study of Job Satisfaction Among Secondary School Teachers in Mizoram in Relation with Their Value System and Locus of Control. tih a ni. Kan lawmpuiin kan chhuang tak zet a ni. Kan Branch hruaitu hlui, a hnathawhna avanga Kolasib lama awm mek Pu C.Vanlalmawia chu a awmna Saidan Branch YMA chuan kum 2012 YMA President atan an thlang a, kan chhuang hle mai.

MITTHI
Rev. Dr. R. Chhuanliana (51) Mission Veng YMA North Branch (Mendus building) ami chu January ni 8 tlai dar 4:30 khan Cancer avangin a thi a, a tuk chhun dar 2:00ah vui liam a ni. Pu Lalauva (65) Mission Veng YMA North Branch a mi chu January ni 10 chhun dar 10:15 khan lungphu chawlin a thi a, a tuk chhun dar 12:00-ah vui liam a ni. Tv. Vanlalhruaia @ Pahruaia (55) Mission Veng YMA North Branch a mi chu January ni 13 tlai dar 5:15 khan lungphu chawlin a thi a, a tuk chhun dar 12:00-ah vui liam a ni. Pahruaii hi Pi Zodinpuii w/o PC Zohmingliana nuta a ni. Kum 2012 Mission Veng YMA North Branch Office BearersPresident Vice President Secretary Asst. Secretary Treasurer Fin. Secretary : Pu R.L Zomawia : Tv. Gogo Lalremtluanga : Pu Joe RZ Thanga : Pu R.Lalchhuanmawia : Pu James Lalrinsanga : Pu Lalriliana

Hruaitu zin/haw
Publication Sub-Committee Secretary, Tv. Lalrinzuala Pa-chuau chu a u Pu Lalmalsawma Pachuau (IRS) te nupa tlawhin Mumbai lamah January ni 5 khan a nu leh pa te nen an zin a, tluang takin January ni 12 khan an lo haw leh ta e.

Naute Thar
Pi Lalmuanawmi, Sec-II (c/o Zothankhuma bldg.) chuan January ni 6 khan Civil Hospital-ah fapa 2.5kgs rit a nei thar. Pi Lalhlimpuii w/o Samuel Zothanzauva, Sec-II chuan January ni 5 khan Synod Hospital, Durtlang-ah fanu 3.3kgs a rit a nei thar. A hmingah Vanlalpekhlui Nghaka an sa.

Central YMA-ah
Kan hruaitu heng mite hi kum 2012 chhunga Central YMA-a Sub-Committee hrang hranga telte an ni a, kan chhuang hle a ni. 1. Pu Jeffrey L.Fanai Secretary - Building Sub- Comt. 2. Pu R.Lalchhuanawma Member : Disaster Management Sub-Comt. 3. Pu Lalchhuanawma Hrahsel Member : Finance Sub-Comt. 4. Pu Hausiama Member : Education Sub-Comt.

Advertisement :
Aizawl Public School, Upa Dr. Rothangliana Building Kulikawn ah Class IX & X (Hostellers & Day Scholar) turte tan admission a tih leh theih ta e. Class X (2011) Result 100% passed Ph-9862915078/9862371821

Thil tha leh thalo hre tur chuan mahni ngeiin tih chhin a ngai.

Phek - 4

KAN VENG

Volume 28

Issue No. 01

Pawlkut thla (January) Ni 15, 2012

2011 - Mission Veng Joint YMA Reports :

1. Kumin hian Joint YMA Executive Committee vawi 4 neih a ni a, Office Bearers Emergency meeting vawi 1 neih a ni bawk. Chawei khawm paha Committee vawi khat neih a ni bawk a ni. 2. Kumin hian Thlanmual Management Committee din leh a ni a, anni hian hma tam tak lain Thlanmual Chokidar inbul step siamthat leh Thlanmual zunin pawh Sorkar atanga a siamna tur kan dawnin siam a ni bawk. Chokidar tuizem bul step zim lutuk pawh tih that a ni bawk. Heng hmalaknaah hian thlanmual fund atana Branch hrang hranga khawnte hman a ni. 3. Kan Thlanmual leh tul atana hman tur sum min sihchhuah tura Bialtu MLA leh MP kan hmuh chu an fund a remchang rih loh thu dawn a ni. 4. Field sir Model school hlui kopang chhak Pu Joe-a te huan lungrem chim avanga Field chhunga tuihawk lo luang lutin Field thlang lam kopang a tihchhiat tawh loh nana Pu Joe-a insir Lungrem vat ngai chu Minister UD&PA cum Sport Minister hnenah ziakin helai min siamsak tura dilna thlen a ni a. A duh angin Plan & estimate pawh pek a ni tawh a, mahse tun thleng hian a sum hi hmuh a la ni lo a ni. 5. Helai lungrem chhim avanga Field lama tui hawk a luanluh lohna turin lungrem thianfai leh luikawr siam rualrem deuh hnatlang neih ni se tih a ni. Hemi denchhana hnatlang neih nise kan tih chu ni 19 leh 26 March khan lung thiar leh luikawr hai hnatlang nei a ni a, hetiang hi hnatlang kal zat leh aikal pawisa kan hmuh chu a ni. a) Tuikhuahtlang Branch = mi 1 Aikal Rs. 2,870/b) MYMAN Branch = mi 34 Aikal Rs. 5,580/c) MYMAS Branch = mi 68 Aikal Rs. 3,480/Aikal Rs. 2,090/d) Model Branch = mi 79 Total Rs. 14,020/6. Kan Field chhaklam luikawr siam pheina tur kan bialtu MLA in Rs nuai 4/5 pek min tum avanga lehkha kan thehluh pawh tun thleng hian fund a la indaih rih loh avangin sum la dawn rih loh a ni. 7. Kumin hian Mission Field enkawltu atan Pu Jeffrey L Fanai, MYMAS leh Pu R Lalchhandama, Model Branch te ruat an ni. Kumin atang hian Field hman man Rs 100/- zel lak ni tawh se tih a ni. Hei hian Model School leh JYMA member-te chu a huam lo thung ang. 8. Joint YMA member te thlanmual khat kan intawm si a, zing lama mitthi neite vui hun inang ni se tih rawtna awm chu Branch tinah lo sawiho tura tih anih angin sawiho anih hnuah Mission Veng YMA North leh South Branch chuan zing dar 9 hma-a thite chu a ni a an vui nghal thu leh Model Veng leh Tuikhuahtlang Veng chuan zing dar 8 hma-a thite an vui thin thu report dawn a ni. Joint YMA chuan Branch tinin an lo tih dan sa ang chu kal chhunzawm pui mai ni se tha a ti a ni. 9. Thlanmual tul hrang hranga hman atana Thlanmual Fund khawn tha kan tih chu Branch tina chhungkua khat zelah Rs 30/- ai tlem lova khawn a ni a, hetiang hi sum thehluh dan a ni : Mission Veng YMA South Branch Rs. 9,670.00 Mission Veng YMA North Branch Rs. 16,770.00 Model Veng YMA Branch Rs. 9,000.00 Rs. 4,590.00 Tuikhuah Tlang YMA Branch Total = Rs. 40,030.00 10. Joint YMA hmalaknain JYMA hnuaia Branch Pali ten inpawh leh thawh hona tha zawk kan neih zel theihna a nih beiseiin ni 16 th May 2011 khan Branch pali-a YMA Branch Executive Comt. Member leh thalaite Lammual Grass phah chung ngeiah football inkhela infiamna neih a ni.

11. Kum tir lama kan lo phalsak tawh UPC Mizoram chuan Mission Veng field ah General Assembly ni 8-11 th Dec., 2011 an hmang a ni. 12. Joint YMA-in Mission Veng thlanmual Fund Rs nuai 9 chuang Social Welfare Dept atanga kan hmuh Mission Veng Local Council ten Thlanmual Step siamna atana an hman chu siam zawh anih tawh thu dawn a ni. Hnathawh hma hian Thlanmual Management Committee-in tha a tih angin a siam dan tur leh hna tan dan te a enpui vek hmasa a ni, member-te a hmunah kalin an hnathawh te enho a ni bawk a ni. Joint YMA zarah Thlanmual kalna step thar kan nei a ni. 13. Mission Veng Field sir chhim lam Step helaia mite tana zawh hrehawm chu siam that a ngaih thu Committee hmasa a sawiho chu, a hmunah Local Council leh JYMA member awm remchang ten enthlithlai a ni a, siam a hautak dawna a lan loh avangin a zualpui chu Local Council sumin siam nise tih a ni. Thlanmual step siam meka cubic lung chu tlem rin ve ni se tia thu tihtluk a ni. Hmalak a la ni lo. 14. Committee hmasain Thlanmual samfai chungchanga Local Councila ngenna leh rawtna ni 25 th Oct 2011 a kan thehluh tawh chu tun thleng (Joint YMA Last Committee dt. 28.12.2011) hian chhanna kan hmuh loh avangin hmalak a ni ta lo. 15. Thlanmual hlui chu chhan hrang hrang vanga Joint YMA kutah dah ni se tih Committee hmasain a lo tih chu Mission Veng Local Council hnenah ngenna leh rawtna chu ni 25 th Oct., 2011-ah thehluh anih tawh hnuah pawh tun thleng (Joint YMA Last Committee dt 28.12.2011) hian chhanna kan la hmu lo a. Hemi avang hian hmalak theih a ni lo bawk a ni.

Published by Publication Sub Committee, Mission Veng YMA South Branch, Copies-600