Email:info@kachinland.org, Website: www.kachinland.

org

Nhtoi: 05/02/ 2012 KNO NINGBAW KABA A 51 NING HPRING 52 LANG NA RAWT MALAN NHTOI MUNGGA Tsawra ai Jinghpaw Wunpawng amyu sha ni yawng hte myu hte mungdan hpe hkye la lu na masing hta shakut nga ai myutsaw mung tsaw share shagan KNO/KIO hpung shang magam gun kaji kaba yawng hte UKA/KIA hpyen Du, hpyen la hpa awn kaji kaba yawng hte e: Dai ni gaw anhte Jinghpaw Wunpawng amyu sha ni a lak lai ahkyak dik ai mali kaja nhtoi kaba langai rai nga ai. Hpa majaw nga yang anhte amyu ni tinang Jinghpaw Wunpawng mungdan shanglawt lu na matu rawt malan hpang wa ai shani rai nga ai. Ndai zawn tinang amyu hte mungdan awm dawm shanglawt lu na lamang hpe lai mat wa sai 1961 Ning February shata praw 5 ya shani e GOC Du kaba Lahtaw Zau Seng hte 7 star Jinghpaw ningbaw ni gaw KIO ngu ai Wunpawng mungdan shanglawt hpung hte KIA ngu ai Wunpawng mungdan shanglawt hpyen dap hpe hpaw nna ndai rawt malan lamang hpe galaw hpang wa sai re. Ndai zawn rawt malan hpang wa ai shani hpe lakap nna anhte amyu ni gaw rawt malan nhtoi shani ngu masat da sai re. Ya ndai zawn anhte amyu ni rawt malan kasat sa wa ai hkrun lam gaw dai ni rai yang 51 ning hpring nna 52 ning de du shang wa sai . Dai majaw dai ning gaw 51 ning hpring 52 ning lang na rawt malan nhtoi rai sai. Anhte Jinghpaw Wunpawng amyu sha ni a mung masa labau hpe yu ai shaloi , lai mat wa sai shaning law law kaw nna ndai ya anhte shanu nga ai lamu ga kaw du nna mayat maya nga pra lai wa saga ai. Anhte amyu ni gaw kaga kade amyu a npu kaw mung nnga yu ga ai. Tinang amyu hpe tinang a Du magam ni up sha nna nga lai wa sai. Ndai zawn tinang amyu hte tinang lamuga hpe up nna nga ai aten hta AD 1895 jan hta la wu myen mung hku nna English amyu ni mung maden shang hpang wa ai. Dai zawn tinang lamu ga de maden shang wa ai English hpyen hpe anhte a kaji kawa ni gaw shan hte lu ai nhtu nri ni hpe lang nna shang hte a asak hpe ap nawng let makawp maga ai. Raitim machyu wan yam lak nak n-bung ai, hpaji hparat n-gun nbung ai majaw English tai hpyen wa gaw anhte a mungdan lamu ga hpe shang kabye bang wa nna Jinghpaw mung lamu ga yawng hpe 1926 ning hta tsep kawp zing up hkang wa sai. Dai zawn rai English a npu kaw nga ai a ten hta mungkan majan 2 byin wa sai. Ndaimungkan majan 2 hta anhte Jinghpaw Wunpawng amyu sha ni gaw mungkan myit hkrum hpung kaw shang lawm nna tinang a amyu ni hpe makawp maga lai wa saga ai. 1945 ning hta No.2 mungkan majan ngut sai. 1946 ning hta Jinghpaw ningbaw ni gaw Du wa Kongsi hpaw nna Jinghpaw mung shanglawt lu na lamang hpe bai shakut wa sai. Dai zawng re ai
UK Office: Tel: 44-1234 360 725, Fax: 44-1234 360 443, Email: uk@kachinland.org Thailand (HQ): India Office: USA Office: Email: hq@kachinland.org Email: India@kachinland.org 5842 Stevens Forest Rd. #23 Tel: +66 534 08034 Columbia, MD 21034 Mobile:+66 812 874491 USA Malaysia Email: USA@kachinland.org Email: Malaysia@kachinland.org Denmark Office: Tel: (45) 7543 7227 Email:Denmark@kachinland.org Japan Office: Email: Japan@kachinland.org

aten hta myen ningbaw Aungsan wa lung nna rap ra ai a hkaw a hkang kata kaw rau nga ga nga ai majaw anhte jinghpaw ni gaw Myen, Sam, Hkang ni the rau jawm nga na matu PANGLUNG ga sadi hpe galaw sai. Dai ga sadi a majaw Jinghpaw, Myen, Sam, Hkang ni lawm nna myen mung shanglawt hpe 1948 ning January shata praw 4 ya shani lu sai. Myen ni gaw Mungdan shanglawt lu ai hte rau rap ra ai tara nlang ai. Pang Lung ga sadi nlang ai. Kaga hpu nau amyu baw sang ni hpe hpyen n-gun hte gasat shamyit wa ai. Dai majaw Jinghpaw ningbaw Du kaba Lahpai Naw Seng gaw 1949 ning February shata praw 16 ya shani kawn myen asuya hpe rawt malan hpang wa ai. Dai hpang GOC Du Kaba Lahtaw Zau Seng gaw Jinghpaw Wunpawng mungdan shanglawt lu na matu KIO (Wunpawng Mungdan Shanglawt Hpung) hte KIA (Wunpawng Mungdan Shanglawt Hpyen Dap) hpe hpaw nna rawt malan ai lam hpe galaw woi sai. Ndai zawn tinang amyu lawt lu na matu gasat ai rawt malan hkrum lam hta tinang amyu sha law law asak sum ap nawng lai wa sai. Mare buga ni 95% daram hten run mat ai. Laja lana majan gasat poi ni byin wa ai. Kade ram yak hkak ai raitim tinang amyu lawt na matu gasat ding yang rai nga ga ai. Ndai zawn rawt malan majan hpe gasat nga ai ten 1975 ning hta GOC Lahtaw Zau Seng, VCS Du kaba Lahtaw Zau Tu hte Ninggawn Amu Madu Duwa Pungshwi Zau Seng ni hpyen wa a lata kaw sat kau hkrum sai. Matut nna Ningbaw Kaba Maran Brang Seng hte Du Kaba Malizup Zau Mai gaw KIO/KIA hpe woi awn nna amyu sha rawt malan magam bungli hpe matut galaw woi sai. Ndai zawn rawt malan magam hpe matut galaw nga ai ten 1994 ning February 24 ya shani tinang KIO/KIA wuhpung hte tai hpyen wa gaw gap hkat jahkring sai. Gap hkat jahkring ai lachyum gaw sinat wan yam hte gasat ai lamang hpe gan jahkring nna n gup aga hte saboi ntsa kaw jawm bawng ban na matu re. Raitimung myen hpyen dap asuya gaw mung masa hpe woi bawng ban ai lamang n galaw woi ai. Mungdan jahten ai lamang hpe she woi galaw ai. Mung chying mung masha yawng hpe roi rip zing ri ai. Dai zawn re ai majaw dai ni na aten hta anhte Jinghpaw Wunpawng mungdan kata lamu ga ni yawng gaw la nmai hkra hten run mat sai. KIO/KIA wuhpung gaw gap hkat jahkring ai hpang shanglawt mung masa hpe ja ja tsun shaga na lam n manu mat ai. Dai majaw Jinghpaw ningbaw ni law law gaw shanglawt mung masa hpe ja ja woi awn sa wa lu na matu 1999 ning January shata praw 9 ya shani KNO (Jinghpaw Wunpawng Amyu Sha Hpung) hpe hpaw nna Jinghpaw Wunpawng amyu sha ni a shanglawt lam yan mung masa hpe ja ja woi awn galaw sa wa sai. 2006 ning hta Jinghpaw Wunpawng amyu sha hpyen dap (United Kachinland Army - UKA) hpe hpaw ninghtan dat sai. Anhte Jinghpaw ni gaw myen ni galaw ai NC kaw mung lawm nna lu ra ai mung masa hpe tang shawn ai, rai timung nbying ai. Mung shawa ni ra sha rawng ai hku nre ai sha myen hpyen dap wa gaw shan the ra ai hku nna mungdan tara hpe 2008 ning hta galaw sha ngut sai. Dai hpang KIO/KIA hpyen dap hpe BGF galaw shangun wa sai. KIO/KIA U hpung gaw na BGF hpe nhkap la ai. Dai majaw myen ni gaw KIO/KIA hpe jahten sharan hpung ngu ndau dat ai. 2011 ning Jun shata praw 9 ya shani kaw nna tai hpyen wa gaw Jinghpaw ni hpe shamyit kasat lu na matu majan hpaw dat sai. Jinghpaw mungdan lamu ga shara shagu de myen hpyen dap ni gaw laja lana htim kasat wa sai. Mare nat, masha sat, zinri zinrat ai lam hpe laja lana galaw ai. Myen hpyen dap a labau hta kaba dik htum ai majan hpe shabying dat ai. Dai majaw jinghpaw wungpawng
UK Office: Tel: 44-1234 360 725, Fax: 44-1234 360 443, Email: uk@kachinland.org Thailand (HQ): India Office: USA Office: Email: hq@kachinland.org Email: India@kachinland.org 5842 Stevens Forest Rd. #23 Tel: +66 534 08034 Columbia, MD 21034 Mobile:+66 812 874491 USA Malaysia Email: USA@kachinland.org Email: Malaysia@kachinland.org Denmark Office: Tel: (45) 7543 7227 Email:Denmark@kachinland.org Japan Office: Email: Japan@kachinland.org

mungmasha 60000 jan tsim yan masha tai wa sai. Mung masha ni gaw matut manoi jam jau hkrum dingyang rai nga ai. Ndai zawng tai hyen wa hpyen n-gun gaba hte anhte amyu ni hpe shamyit majan kasat sa wa ai hpe anhte a mung shawa hpyen dap hte, KIA/UKA hpyen dap ni gaw shani shana magrau gran gran makawp maga nhkap gasat nga ai re. Ndai zawng bying wa ai lam shagu hpe yu dat yang anhte amyu ni shanglawt nlu nmai sai lam hpe mu lu nga ai. Ndai shanglawt rawt malang gaw galaw nan galaw ra ai . Ndai rawt malam majan hpe dang nan dang hkra kasat ra ai. Dai majaw tsaw ra ai jinghpaw wungpawng amyu sha ni yawng, myu tsaw share shagan, hpyen du hpyen la ni yawng hte e 1. Jinghpaw Wunpawng mungdan hte Jinghpaw amyusha ni shanglawt luna matu, 2. Myen mung kaw nga ai amyu baw sang ni yawng mung shang lawt awmdawm ahkaw ahkang lu na matu, Anhte amyu ni yawng myit hkrum mangrum let lahkrip ra ra jawm sha kut sa wa ga ngu n-na ndai 52 lang na rawt malan n-htoi kaw mungchying mung shawa yawng hte hpyendu hpyenla ni yawng hpe lajin dat ai . Jinghpaw Wunpawng amyu sha ni yawng shanglawt lu ai amyu tai wa u ga. Jinghpaw Wunpawng amyu sha ni yawng ngwi pyaw hkam kaja nga u ga law.

DUWA BAWMWANG LARAW NINGBAW KABA JINGHPAW WUNPAWNG AMYU SHA KONGSI JINGHPAW WUNPAWNG AMYU SHA HPUNG

UK Office: Tel: 44-1234 360 725, Fax: 44-1234 360 443, Email: uk@kachinland.org

Thailand (HQ): India Office: USA Office: Email: hq@kachinland.org Email: India@kachinland.org 5842 Stevens Forest Rd. #23 Tel: +66 534 08034 Columbia, MD 21034 Mobile:+66 812 874491 USA Malaysia Email: USA@kachinland.org Email: Malaysia@kachinland.org

Denmark Office: Tel: (45) 7543 7227 Email:Denmark@kachinland.org

Japan Office: Email: Japan@kachinland.org