Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 28 Dawrpui News Kartin Chhuak Pathianni July 10, 2011

TUALCHHUNG
D AMLO : Pi Rosie w/o Rosangliana (P&Sons) chu a lei Cancer zai a ni a, Shillong-ah enkawl mek a ni Pi Lalnguri, Dawrpui West Pi chu CARE (Vaivenga Hospital)-ah enkawl mek a la ni a, \hat lam a pan vak lo niin kan lo hria. Vanapa Section Treasurer, Pu Lalnuntluanga chu Chuap lam \hat lohna avangin Civil Hospital-ah enkawl zel a la ni a, \hat lam a pan zel niin kan lo hria. Pi Sang\huami w/o Lalthansanga, Zion Street chu AMRI Hospital-ah July 6, 2011 (Nilaini) khan a dar na zai a ni a, tunah hian an la inenkawl mek a ni. THI : Pu C. Lianchhunga, kum 60 chu July 4, 2011 (Thawh\anni) khan Pneumonia natna avangin a thi a. A ruang hi an khua Serchhip-ah thawn a ni. Amah hi Pu P.C. Lianhmingthanga, Zion Street (YMA Ex. Member) putea a ni. Pu Lalchhandama, kum 30 Pu s/o Japanliana, Dawrpui West chu July 3, 2011 (Pathianni) tlai khan Malaria natna avangin Alpha Hospital, Kulikawn-ah a thi a, a tukah vuiliam a ni. Alfred Lalchhandama Lalchhandama, kum 2(Pu P.C. Lalthlamuana, Dawrpui West tupa) chu July 8, 2011(Zirtawpni) khan Accident vangin Civil Hospital-ah a thi a, a tukah vuiliam a ni. HLANMUAL THAR : Dawrpui T Thlanmual Thar Committee OB- te chu July 8, 2011 (Zirtawpni) zan khan an \hukhawm a. Hmalakna a zawh thawhkhat tawh avangin Committee siamtu Khawtlang Joint Committee-ah property zawng zawng nen chhunluh mai an rel.

MHIP TEN DAY HLIM TAKIN AN HMANG

Mizo Hmeichhe Insuihklhawm Pawl (MHIP) te chuan July 6, 2011 (Nilaini) khan hlim leh tluang takin Zoram pumah DAY an hmang. He ni pawimawh tak hi MHIP Dawrpui Branch-te pawh in an thupui - Mi te \anpui tih a nih ang takin hemi ni hian \anpuina hmun hrang hrangah an sem a, hun hlimawm tak an hmang a ni. MHIP Dawrpui Branch-te chuan he MHIP Day hian zingah Jail Veng, Millenium Centre kawmchhakah innghakkhwmin Bus 1 leh Motor te 5 kengin \anpui ngaite \anpui turin an fehchuak a, member 30 chuang an thawkchhuak a ni. Hengah te hian \anpuina an sem :1. Civil Hospital-a Damlo harsa zual mi 17 (Sawmpasarih) -te hnenah Rs. 1,000/- (Sangkhat) \heuh an pe. 2. Cancer Khualbuk, Zembawkah Cancer natna vei mek thingtlang lam a\anga inenkawl harsa zual mi 9 (Pakua) hnenah Rs. 1,000/- (Sangkhat) \heuh an pe bawk. 3. Hermon Children Home, Durtlang-ah Rs. 10,000/- (Singkhat) an pe. Heng hmun hrang hrang an kalnaah hian Bible chhiar leh \awng\aina hmangin thilpek hi an hlan zel a ni. Tin, Central YMA ten Ruihhlo ngai leh hmeichhe rahbi tleute tana Camping a buatsaih mek \anpui nan Rs. 10,000/- (Singkhat) an pe bawk (Hei hi chu YMA Office-ah an pe). Heng zawng zawng an tih zawh hian Aizawl Theological College hmun an fang a, Agape Camping Centre (Dawrpui Presbyterian Pastor Bial enkawl mek), Durtlang-ah chawlin Sharing leh Lawmthu sawi \awng\ai an hmang a, an ei tur ken tuihnai tak tak chu hlim leh puar takin an eiho a ni. Member-te an phur em em a, MHIP thupui Mi te \anpui tih tihlawhtling thei a, \anpuina sem tur pawisa malsawmna tam tak an dawn avangin an lawm hle a, member kal ten hetiang ang hun hmang ve thei an ni hi vannei an in tiin, zawngchhangthlak an ti hle a ni. MHIP Dawrpui Branch-te hian hun bik - Krismas etc. ah te vengchung leh pawnah \anpuina sumfai hi an lo sem fo tawh \hin a ni. An inpekna leh an inphalna a ropui a, mite tan malsawmna an lo ni fo tawh \hin a ni. He ni hmang tur hian an inpuahchah nasa hle a, Group hrang hrangte tih tur chanvo an inpe vek a, thingpui lum tur, Chutney siam tur, sa kang tur etc. etc. an chanvo \heuhte an tlin hle a, an \anrualna ah an lawm tlang hle a ni. A bikin Bawngsa kang tura ruat ten an pasal (MHIP) member nih ve chak ngawih ngawih Pu Lalhmingliana (Zofa), Pu C. Lalbuanga leh Pu Malsawmdawngliana (Nanova) te sa an kan tir a, an nin TV uluk takin an lo en a, an pasalte hian dar 12:0 a rik tawh pawhin an la kang hmin hleithei lo a ni. Hetiang taka MHIP rawngbawlna tuipui thei Pa ho an la nei zel hi vannei an in ti hle a ni.

Dawrpui

News

Kartin chhuak

Pathianni

July 10, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

Training On ND&PS ACT, MLTP ACT

Council of Minister rawtna angin Training On ND&PS Act, MLTP Act, ADC Act, etc. for NGOs, Police & Excise Personnel chu June 28, 2011(Thawhlehni) 10:00AM atang khan ATI Auditorim-ah neih a ni. He Training ni 2 awh hi Pu R. Lalvena IAS, Director, ATI in a kaihruai a. Pu Lalthanhawla, Chief Ministerin a hawng. Pu Hawla chuan hawnna thu sawiin Mizoram Kristian za-a za chhal ngamna ramah ruihhlo zuarte an zalen hle a. Hremna na tak dan kan neih sa a awm reng chungin an tang rei thei lo hle a. Hengte hi engtia hma lak tur nge ni ang tih chungchang ngaihtuahna atanga he Training hi buatsaih a nih thu sawiin khawtlang, ram leh hnam pawhin kan duh lo em em zuara min tibuai thintute hi kan Customary Law leh Traditional Law lam atangin "Tlangchil" leh "Peizawn" mai dan a awm lo maw tih thlengin ngaihtuahna a lo hman thin thu a sawi a. Drugs ti thinte chu chhanchhuah ngai, Pathian thu hmanga enkawlna mamawh tak an ni a ti a. Central YMA-a CADS te hnathawh fakin Pu Hawla chuan thahnemngaia an mante hun reilote chauh an tang a, an chhuak leh mai thinte chuan mi thahnemngaite a tihnual mai ang tih a hlauhthawn thu sawiin, henga kan tan ho theih nan sorkar lam mite, dan lam hre mite leh tlawmngaia thawk thinte tana Training neih ho hi thil pawimawh tak a nih ngei a beisei thu a sawi a ni. Ruahman lawk angin ni 28.6.2011 khan Pu Vanlalena, Chief Judicial Magistrate in Assam Drugs (Control) Act, 1950 chungchang a sawi a, Pu KL Liana, Special Judge in ND&PS Act chungchang a sawi bawk. Tlailamah sawihona hun hman a ni a. Ni 29.6.2011-ah MLTP Act, 1995 leh MLTP Rules, 1996 chungchang Pu LH Lianhrima, Advocate, High Court in a sawi a. Pu Vanneihtluanga, Freelance Writer-in MLTP Act/Rules chungchanga mipuite ngaihdan sawiin Pu Lalsawirema, Addl. Govt. Advocate-in MLTP Rules chungchanga Excise lama thawkte tihtur a sawi bawk. He Training kharna inkhawm hi Pu R. Lalzirliana, Home Ministerleh Pu JH Rothuama, Excise Minister-te chuan an tel pui bawk a ni. Training-ah hian Central YMA atangin CEC Member engemawzat, Kumpuan Committee leh CADS Member-te an tel a. Excise leh Police bakah Judicial Magistrate engemawzat an tel bawk.

COMMITTEE MAWNGPAWP
Pawl hrang hrang kan awm a, chu pawl tinte chuan thurel tam tak an nei \hin a. A chang chuan pawl chhungkaw rorel midangte hriat awm loh deuh leh hriat loh chi te rel chang a awm lothei lova. Hetah hian Committee member nihna pawimawh hun lai tak a ni. Pawl hruaitu atana dah chin hi chu mi invawng, thuruk vawng thei chin tura ngaih dah/ruat an ni chawk a. A bikin Kohhran Upa te hi hetiang kawngah hian an fakawm hle. Kohhran Committee thurel hi Upa tam takte hian an nupui/an chhungte an hrilh ngai lo, puan a nihin an hre ve mai chauh \hin a ni. Entirnan - Kan pawl Committee-ah mimal chanchin kan sawi a \ul, a chhiatna zawng zawng laite pawh sawilan a lo \ul a. Chu thu chu member zinga pakhatin \hahnemngaihna thuah a lo hrilh a, chumi chuan chuti khati chuan a ti che a... a ti ta mai a. Chu pa rilru na chuan engtin tin emaw hma a la a, chu pawl chuan a chhiat phah der ta mai a ni. Chuvangin, Committee thu leh hla hi chhuak awm chin a awm a, a \ul chin chauh Secretary -in emaw a puanzar hi nghah thiam a \ha. |hahnemngai inti a thu veivir thiamte hian pawl an tichhe chawk. Chuvangin, Committee mawngpawp a awm loh nan mimal tin hi kan fumkhur a ngai a, kan inzir thar zel a \ul em em a ni. Miin Committee thu niawm tak a hrilh che chuan a telna pawl kha a hmangaih lo tih i lo hre dawn nia.

Lawmthu Sawina
Ka nu\apa C. Lianchhunga (60), Serchhip, July 4, 2011 (Thawh\anni) a Civil Hospital-a Pneumonia natna avanga a boral chungchangah kan in lamah ruang chawlh pui a ngaih avangin khawtlang leh \henawm khawvengte kan tibuai hle a, an chungah lawmthu kan sawi a ni. Kan YMA lam ten a \ul zawng zawng min buaipui a, MHIP Dawrpui Branch ten Kuang mawi tak min tumsak avangin kan lawm em em bawk a ni. Mimal hnenah lawmthu kan sawi theih loh avangin he kan lawmthu sawina hi mimal tin hnena kan sawina anga min lo ngaihsak kan duh e. Lalpan malsawm che u rawh se. - Romawii leh a fate, Zion Street, Dawrpui.

Advertisement

P.C. OPTICAL
Tarmit Frame \ha leh mawi tak tak kan nei a. Contact Lens leh Solution pawh a awm reng e. A Free-in Mit kan Check thei reng bawk. Rawn pan ve vat rawh.
- R. P. Market, Zion Street Prop : P.C. Lianhmingthanga (Valpuia)

Lawmthu : Dawrpui Multipurpose Centre tur chu July 8, 2011 (Zirtawpni) zan khan laih a ni a. Pu Thansanga
(Hauva & Sons) te chung chuan an JCB -in an lai a, Pu Rochungnunga te chhungin an Tripper-in leivung an paih bawk. Vengchhung mi inphal tak tak kan nei \hin hi a ropui hle a ni.

Dawrpui

News

Kartin chhuak

Pathianni

July 10, 2011

KAN |HEN TAK

PU LALCHHANDAMA Kum - 30
Pu Lalchhandama hi Pu Japanliana leh Pi Laiveti te fa hmasa zawk ni in 12 July 1981 khan Civil Hospital Aizawl ah zing dar 9:30 khan alo piang a, R.M Hall, Bazar Corps ah anu leh pa ten Pathian hnenah hlanna 1981 vek khan an nei.Naupang harhvang leh fel tak mai, thian pawl nuam ti mi leh thiante leh chhungte tihlim thei tak mai a ni a.Zirna lamah chuan Dawrpui Primary School, Dawrpui Middle School ah leh High School chu Vaivakawnah te a kal a ni.Kum 2007 khan 3rd IR Battalion ah tling ve in Thenzawl PTC ah a training a, chumi hnu ah chuan Kawnpui PS ah dah a ni a, Thenzawl PTC ah 4th IR battalion ah insawnin tunah Bungthuam khua ah post mek a ni.Kum 2009 kum bul lamah khan Lalduhsaki, Thenzawl khua nen chuan Thenzawl khua ah nupa hlimtak ni turin an in kutsuih a, tunah hian amah an post-na Bungthuam khua ah an awm dun mek a ni.Pu Lalchhandama hian pianpui unau pakhat Pu Lalnuntluanga h/o Lalhriatpuii, tun a Mizoram Police, Sialsuk post a thawk mek a nei bawk. Amah hi hrisel leh harhvang tak mai a ni a, in sawiselna pawh nei ngailo tak mai a ni. Amaherawh chu kum 2009 khan khawsik ser ser nei a inhria in Thenzawl ah a in check up tir a, Malaria PF leh PV a vei a ni tih hriatchhuah a ni a, Aizawl lamah rawn pheiin theih ang tawk a an inenkawl hnu ah damtha var a inngaiin hemi kum vek hian duty a zawm nghal a ni.Hun a lo kal zel a kumin 2011 May thla vel khan khawsik ser ser a neih leh tak avanin an ngaihthalo chuan Aizawl lam an rawn pan chho leh a, hemi hun a natna ngai bawk Malaria PF leh PV bakah Typhoid (khawsikpui) pawh hmuh tel a lo ni ta a, theihtawp a in enkawl ngun in karhmasa lam ah mai kha chuan a reh chho mek niin hriat a ni tawh a, beiseina sang tak nen an awm laiin a kal a lo vung a, a thin a lo lian leh ta vak mai a, Doctor leh Nurse ten theih tawp meuh meuh an chhoh hnuah Kulikawn Alpha Hoppital ah chuan Ni 3.7.2011 tlai dar 2:45 khan kum 30 mi niin ropuina ram ah min lo kai san ta a ni.Pu Lalchhandama hian a damloh chhung in tawngtaipuina kohhrtan mipui, vengchhung mipui leh a thiante hnen atangin a dawng hnem hle mai a, hemi avang pawh hi a ni a nge a hnukchah dawn hian harsatna leh buaina nei lovin dam diamin a chatthla ta a ni. Pu Lalchhandama damlohna leh ropuina ram a panna kawngah hian kohhran, vengchhung mipui, chhungkhat leh thiante zawng zawng hnenah nasa tak leh kan phulova hmangaih a min enkawlna leh buaipuina avangin lawmthu kan sawi mawlh mawlh a ni.

HRISELNA

MIT-NA
- Dr. Thangchungnunga, MS (Ortho) Tunlai hian mitna hri a leng mek a, fimkhur a ngaihlai ber a ni.A natna chhan tam ber hi virus hrik vang a ni ber a, a damdawi a awm lem lova, mit thlawr a ti nuam tur thlawr mai tur a ni a. Mahse tulna bik a awm anih loh chuan STEROID e.g.Betnesol eye drop te hi hman loh hram hram tur, tul loah mut a ti chhuak thei a, mit hi kan nun kawng hruaitu pawimawh ber a nih avangin duat a ngai a.Heng mitna len hun lai te phei hi chuan mit a lo thak deuh a nih pawh in nuai ma lo la tui thianghlim in sil emaw, a chhungah meng la, mit khap la, chu chu a silfai dan a ni mai a. Kan nuai nghal mai hian a ti punlun thin a ni. Tin, kut silfai that hi a pawimawh em em a. Mitna lenlai phei chuan kut hi sil deuh reng mai tur chu chuan a veng rei ber ang che.Kan Bible pawhin Kut fai leh Thianghlim nei a ni a duh ber.Kan Bible hian in ang reng sawi pahnih a nei zel a, Taksa leh Thlarau lam, hrem hmun leh vanram pawh helai ah leh nakin hnuah a hman theih a ni.Bible ah phei chuan Kut sil leh taksa fai a duh zia chu miin mitthi emaw ran thi emaw a khawih chuan nilengin a bawlhhlawh a ni, engmah a khawih leh tawh tur a ni lo, a inbual fai leh hma chu tih te kan hmu a, Kan Bible hi zawm tha peih ila in zirtir leh vak tur pawh a awm lem lo, kan chhiar a, kan hria kan zawm silo hi kan buaina intan na chu a ni ta ber e.

Hnatlang Kohna
Dawrpui Multipurpose Centre chu a theih ang anga tun din \an tuma hmalak mek a ni ta a. A hnuaia tarlan ang hian Dawrpui Local Council chuan VANTLANG HNATLANG PAWIMAWH tak a ko a. Chhungkaw tin a\angin mi pakhat tal thawhchhuah \heuh tur a ni. A hmun A hun : Multipurpose Centre. : July 16, 2011 Inrinni, Dar 10:00

ALFRED LALCHHANDAMA

Kum - 2

Ni 4th June 2009 ah Civil Hospital naupang duhawm tak niin a lo pianga, naupang than tha leh hrisel tak a ni a, ni 9th July 2011 khan hlim tak a, naupang dang te nen an infiam lai chu a chesual palh ta a, Civil Hospital panpui nghal a ni a, Doctor leh Nurse ten theih tawp an chhuah chungin a hliam tuar lovin a boral ta a ni. A tukah viuliam a ni.

Hnatlang \an hmain hetiang hian hun tawite hman a ni ang. Chairman : Pu Zosangzuala, Chairman, Local Council, Dawrpui Pathian hnena inhlanna : Pu Rokamlova (Upa) Thusawi tawi : Pu Lalsawta, Bialtu MLA Bialtu MLA, Pu Lalsawta hian hna bul \an nan Rs. 20,000/- (Singhnih) a thawh a, Khawtlang hruaitute Joint Commitee thurel angin Local Council-in Rs. 20,000/YMA, MHIP, MUP ten Rs. 10,000/- \heuh an lo thawh tawh bawk a ni. Hmanrua : Thirtiang, Suahdur, Bawngtuthlawh thawhchhuahpui tur a ni. Dawrpui Khawtlang mipui a tam thei ang ber thawkchhuak turin kan inngen a ni. Sd/- Secretart Dawrpui Local Council

Dawrpui

News

Kartin chhuak

Pathianni

July 10, 2011

INFIAMNA

- SKA

PRESBYTERIAN
July 10, 2011 Sunday School
Masihi Sangati Campign |antu/Report Thusawitu : Nl. R. Lalhlupuii, B-VI : Rev. Lalthantluanga, Hindi Bible School, Bawngkawn

Chawhnu Inkhawm

SERGIO RAMOS
Sergio Ramos leh Pepe te chuan Madrid a contract an neih-sa an ziah belh. Real Madrid defensive duo te hi players rinrawlber te zingami niin Spanish international Ramos-a contract thar hi 2016/17 thleng niin Portugal centre-back Pepe erawh 2015/16 thleng a ni. Kum 25 a upa Ramos hi Spanish Team European leh WC champion tuma player pawimawh berte zinga mi niin kum 2005 khan 18.4million in Real Madrid in an la-lut a La Liga ,Copa del Rey leh Spanish Super Cup te a lo lakpui tawh a ni.Portuguese - Brazilian-born Pepe, 28, hian Madrid hi F C Porto atangin 20million in kum 2007 khan a zawm a La Liga title 1 leh Copa del Rey,Spanish Supercup te pawh a chawi ve tawh bawk a ni.. Copa America khelh mek a ram tana feh chhuak Fifa Footballerof the Year ni lai Lionell Messi chuan ama record siam lai game(match) khel hnem ber game 64 thaichhia in 65 a khel tling der ta mai Argentina hian quarter final an thleng a an tlang chhoh zel chuan a khelhapiang record a ni zel dawn a nih chu. Gerrard Houllier a hun-laia a Liverpool player pawimawh berte zinga mi, kum 2008 a Liverpool chhuahsana Lazio lama pem John Arn Riise chuan a hmingthatna leh vulna hmun England leilung a rawn rap leh dawn ta nge nge.Fulham Manager thar Martin Jol chuan maktaduai 2.4 in kum 3 chhung atan contract a ziah pui. Kum 30 a upa Riise hian Reds tan khan vawi 230 lai a lo khel hman tawh a, Defender niin a tul chuan winger ah pawh hman theih ani.

|antu Thusawitu

: Nl. Lalthanzuali, Bial-VII : Pi Lalrinchhani, Bial-VII

Zan Inkhawm Thusawitu : Upa F. Lalfakzuala

K.|.P.
July 10, 2011
A hmun Hruaitu |antu Thuchah tawi Bible chhiar

|awng\ai Inkhawm

: Fellowship Hall : Nl. C. Zomuanpuii, Chhandamna Gr. : Tv P.K. Vanlalruata, Hmangaihna Gr. : Nl. J. Lalrinzami, C/m : Hosea 14 : 9; Rom 2: 6-9

July 11, 2011 Group

Thawh\anni Zan
Intihsiak (Hla & Quiz)

Hruaitu : Nl. Chawngsangzuali, C/m |antu : Tv. Lalhmangaiha, Hmangaihna Gr. Thilpek : Nl. Michelle Hmingliani, Chhandamna Gr Lakhawmtute : Nl. Lily Zorinpuii, Chhandamna Gr. Quiz Master : T/Upa Lalthlanga Bible chhiar : Thuhriltu 9:10; I Kor 10:31 (Damlo Pual Thilpek Bawm hun a ni ang)

SALVATION ARMY
July 10, 2011 Hruaitu Thusawitu Hruaitu Thusawitu

Thianghlimna Inkhawm
: Pi Lalengmawii, HLS : Nl. T. Lalhmachhuani

TRANSFER CHIANG TAWH LANGSAR ZUAL:

PLAYERS- KHELHNA- ZAWMNA- MAN-ZAT

Chhandamna Inkhawm
: Pi Tlangthangpuii : Pu N. Zareia, PFS

Ji Dong-won - C/Dragons - Sunderland C/Gardner - Birmingham - Sunderland 4.5million C/Wickham - Ipswich - Sunderland 12million Silvio-Sporting Braga - Atletico Madrid Raphael Varane - Lens - Real Madrid Marco Donadel - Fiorentina - Napoli Juan Rodriguez - Deportivo La Coruna - Getafe Marco Borriello -AC Milan -Roma 10 million Sebastian Giovinco - Juventus - Parma 3 million Konstantinos -Asteras Tripolis - Kaiserslautern Joaquin -Valencia -Malaga 4million Sergio Sanchez - Sevilla - Malaga 2.8million Adrian Mutu - Fiorentina - Cesena A club thar zawmna tawpa engmah ziah lan loh hi undisclosed niin puanzarlemloh hi mimal/club inremna thuruk deuh reuh ani e.

S.A.Y.
July 11, 2011 Hruaitu Bible Chhiar Thawhlawm Hlantu Thusawitu

Thawh\anni Zan
: Nl. Lalthanmawii : Nl. Lalnunsangi : Tv. Lalruatsaka : MS Dawngzuala, Asst. Secy

Ngaihdan
Dawrpui Upa Pawl Chawlhbuk khar reng mai hi hawn ni tawh se a va duhawm em! - K. Hmingthanga

Published by Y.M.A., Dawrpui Branch, Printed at G.S. Offset Printers, Treasury Square