CI FERMA À FÀ

Ci ferma à fà, per a testa di Moru

Di la nostra bandera, tracarca d'amore
D'un pientu zitellinu, lacrima di sudore
U tesoru...

È ci ferma à fà per andà aldilà

È per mintuà ste memorie ferite
Di quelle vite care, oramai smarite
Per l'eternità

Ch'ella campi la mio terra

Chì u strangeru ùn pò più tene
U lindumane ch'hà da vene
Firmerà à stantà

È ci ferma à fà per 'ssa tamanta serra

Ch'o tenimu caru, ma chì ci hà da scruchjà
Ci ferma à mughjà, d'una voce chì sà
D'ùn vende più 'ssa terra...

È ci ferma à fà per salvà l'armunia

D'un populu chì brama un dumane addulcitu
Di pientà le 'sse lite chì ci anu insischitu
È rifflete una cria

Ch'ella campi la mio terra

Chì u strangeru ùn pò più tene
U lindumane ch'hà da vene
Firmerà à stantà
Fred Manaut