BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No.06 Bangalore Mizo Association
TUALCHHUNG
## Kan member Dr.
Hrangthanchhungi fanute chuan
Board exam result tha tak an nei.
Joanne chuan PU Science 76%
hmu in, a nau Suzane chuan Class-
X-ah 95.04% a hmu bawk.
## BMA President Rev. H.
Lalthlamuana leh Secretary, Tv.
Amos Laremtluanga te, tunlaiin
an dam tha lo deuh a, i tawngtaipui
ang u.
## Tahrikni 14 khan BMA
Secretary kalchhuak ta, Tv.
Laldinmawia Hnamte chuan
Aizawl a pan ta. Rev. Dr. K.
Sapthanga pawh chhungkaw tulna
vangin Mizoram a pan bawk.
## BMA Membership
Registration Forms chu inkhawm
ban apiang in Biakin kawtah lak
theih in a awm reng e. Member te’n
ngaipawimawh in Form hi fill up
chur chur ang u le.
## Dr AIT-a Mizo zirlai te chuan
nizan khan Senior farewell hun
hlimawm tak an hmang.
## Mizoram House Phone
number: Reception: 080-2550
4815, Ajay Kumar, L.O: 080-2550
4823, Fax: 080-2550 4830.
BMCF INKHAWM
22nd May 2011, 3:00pm
Hruaitu: Pu Josiah Lalchhanhima
Ralte
Tantu: Tv. David Lalmalsawma
Thupui: Social Networking leh
Kristian Thalaite
Thuchah Tawi:
Tv. Benjamin Rualthanzauva
Nl. Thaarie Hnamte
Tv. Madawnga Hauhnar
Pathianni Tin Chhuak Chanchinbu Date: 15th May 2011 Phek Khatna
Article…
KHA PA KHA
- C. Lalrochhara (Rotea)
Kan awmna chu kan mumang leh kan rilru zawng zawng lawina, kan
hmangaihte pawh duh hun huna kan hmuh a, kan biak phak lohna
ram Mizoram pawn a ni a. Chutiang hmuna han awm meuh chuan
mahni Mizo puite ngai hian a ruk hian kan rum thin. Chuvang chuan
Mizo inhmuh khawmna chi reng reng chu kan thlahlel a. Mahse,
chutiang inhmuhkhawmna hun chu han thlahlel thin viau mah ila a
hun a lo thlen chuan khua hi a har zawk zawmah emaw tih tur hian
chulai hmuna kan awm reng lai te chuan mipui tam tak zingah hian
khua hi a lo har duh em em mai tih te hi kan hmuchhuak thar ta
chiam mai thin a. In kiltawih leh midang chin chang ngai chang reng
reng hian hun kan hmang a. Hmel hriat tha nei lo tan phei chuan ka lo
kal ta palh palh a ni tih mai pawh awl tak a ni.
Thil pakhat ka hriat reng fo a awm. A ni leh thla pawh ka la hre chiang
khawp mai. Chu khawpuia kan inhmuhkhawmna hmunah chuan pa valai
kum 50 mi vel tur hi kan inhmuhkawmna hmunah chuan hlim takin a lo kal
a. A lo thlen hlima a hlim hmel hmuh nuam tak leh kan awmkhawmna
hmun kan chhuahsan leh dawn laia a hmel hlim tak lem loh zia te pawh ka
hmuh hmaih lo. Chutiang khawpa tum khat thil thu-a patling fel tak nia ka
ngaih a han in thlak danglam ta chu mak ka ti lo thei lo.
Chu pa chu a lo kal ve ziah thin avang chuan kei pawh chuan a lo kal chuan
nula hmeltha chei tak hian a rukin ka lo chei a. A lo kal leh kal loh te hi ka
lo thli thlai vei thin a. A lo kal ka hmuh chuan ka'n en thin a, mipui za
chuang zet zingah chuan awm ve bawk mahse a rilru chuan ar bo a zawng a
ni tih ka hre mai. Kan awmna in a rawn panna kawngah rilru hlim takin a lo
kal angem tih te ka ngaihtuah a. A lo thlen hlima a hmel leh kan awmna
hmuna lo thlen hnua a hmel chu a a hmai leh a tukhum a in ang lo tluk
zetin a in ang lo tih te chu mi a nileng lo tan paw’n a hriat theih. Chutianga
mi tam tak kara awm reng chunga a han khawhar ta tlat mai chu ka
ngaihtuah a…engnge a chhan ka zawng a. Zawhna awm thei lo leh zawhna
mawi lo tak thlengin ka rilru chu a luah ta ngut ngut a!
Kekawr tlawn a ha a, a rawng chu a pawl, van dumpawl rawng aia tak hret a
ni. A kekawr chu uluk tak a thui a ni a. A kekawr tlang chu a arh deuh hliai
a. Incheina hi a inthlak chak em a, keini ang duang chuan ka umpha lo; han
um ve mah ila thli thaw um ang deuh a nia, rei lo teah a lo liam hman zel.
Kan intih tlangval ve hnu-ah hian kekawr tlang arh leh a zuih chi te hi kan
hmu ngun tawh em a, chuvangin, chu pa pawh chu hmanlai mi a nih ka ring
chuang lo. Kekawr tlang arh an uar lai kha hman ni lawk a la ni tlat. Kamis
var thianghlim tak a ha a. A pheikhawk chu ka hmu chiang thei lo;
mahse, a uk niin ka hria, sahmul pheikhawk a nih ka ring…
(Phek hnihna ah chhnuzawm a ni…)
 Vol. XVII Issue No.06 Bangalore Mizo Association
Editor
Dr Mahminga Sailo
Phone: +91 90083 40677
Joint Editors
Samuel Buatsaiha
Laldinmawia Hnamte
Contributors
Benjamin Vanlalhmangaiha
Henry Lalmuanzaua
Circulation Managers
Blessy Sailo
B. Lalthakimi
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial…
Editorial…
Chhiartu duh takte,
Mizo thufing pakhat chuan,
‘Lampui changkhat ah mi an be
chhe ngailo’ a ti a. Tin hemi
chhunzawm hian, ‘Tawngkam tha
in sial a man’ a ti hial bawk!
Rotea thuziak hian awmzethuk tak
a nei in, Bangalore Mizo te hian
uar thar tur kan neiin ka hria. Kum
tinin mi thar kan awm belh zel a, lo
awm tawh sa te hian kan
inkhawmna leh Mizo thiltihhona a
an tlangnel zawk theih na’n in biak
lumlam hi uar thar zel ila, a tha
viau ang lo’ng maw? Tin, a awm
hmasa te pawh hian, a theih chin
ah in biak tam tum ta bawk ila.
Mizo kan pung chho zel a, kan in
hre lo telh telh kan tih fo hi
pakhat ah chuan in hre turin kan
in biak tlan loh vang a ni mai
lo’ng maw? In biak kim vek theih a
ni miah lo, mahse, ‘in dam maw?’
‘in zir/thawhna te in tluang zel
em?’ han tih mai te hi in hre lo
pelh ngawk ngawk ai chuan a
tangkai zawk ka ring tlat.
Pathianni Tin Chhuak Chanchinbu Date: 15th May 2011 Phek Hnihna
(Article chhunzawmna…)
…Thing thutthleng uluk taka rawng dum an hnawih chungah chuan mi
dang ang bawkin a thu a. Mahse chu pa chuan a awmna in chhung leh a
vela mihring awm ve dangte hnenah chuan a rilru a awm lo tih a lang. A
ke chu a fel tak hian a dah a. A kut chu a hma lamah a suih a.
Nungchangtha lawmman dawn tum pawh ni chuang lovin a thutna ah
chuan tha takin a thu a. A hmalamah chuan mi then khatin kal khawm
ho te tana hriat tur leh hmangaihna thu te, fuihna thu te zilhhauna thute
an sawi a. A ni, a chang chuan a chal dawmin Nihawi par ang mai hian
van lamte chu a han hawi thin bawk a. A chang chuan a thaw deuh hawk
hian ka hria a. A khat tawkin chhuat lam te chu a han bih ve thin bawk
nain thil tha hmuh beisei a bih erawh a ni lo tih ka hria. Chu lai hmun
khawvel chu a thlir ngam ngang lo em ni le?
A awmna hmun chu remhre tak rem leh dah fel thlap a ni; mahse a tan
chuan a bu ang thlapa hnawk si. A tan chuan engkim mai chu a awmna
tur hmuna awm lo leh a awm lohna tur hmuna awm vek ni berin a lang
a. A ngaih em em leh an bula awm a thlakhlelh em em a hnampuite chu
a hnampui an ni lo emaw ni chu aw tiin a ringhlel rum rum ni hian ka
hria. Hmuihmul zut tur awm miah si lo te a'n tuai deuh thuak a. A ngai te
bawk chuan a thu leh a.
Ka rilru chuan ramhnuaia thil awm, thil hrang hrang a ngaihtuah a,
thingkung leh ramngaw, pangpar hrang hrang leh a bawmtu sava te, tin,
a tuam veltu romei te, chutiang vel chu ka ngaihtuah a, an hlimzia a
ngaihtuah chuan ka awt hial a. Engvangin nge keini ho hi hlimtaka kan
in biak thin loh le aw, kan lo ngaihsan ruk reuh reuh ten, “I dam maw”
min tih ngawt pawhin kan hahdam sawng sawng thin a ni si a. John
Keats-a'n khawvel lungkham buaina kalsana Nightingale nih daih mai a
chakzia a puanchhuahna poetry - 'Ode to a Nightingale' kha ka
hrechhuak zawk a. Aw, keini hian kan nih tur ang hi kan ni lo a ni lo
maw ka vei hial a. He hmunah hian kan kal khawm a. Mahse, hmelhriat
nei sa lo tan chuan a khawhar thlak dawn mange ka ti a. Mizo te hi thian
siam kawngah hian kan tuan a fum deuh a ni lo maw aw ka ti!
Kartin hian chu hmunah chuan a lo kal ve ziah a. Nuam ti hmel ai in
khawhar hmel hi a pu ziah mai a. Mahse tum khat chu mak zet mai hian
chu hmun kan chuahsan leh dawn tum chuan a hmel chu hlim namen
hian a hlim ta lova. A chhan hriat ka chak tat lat a. Chu tianga hlim tak a
nuih theih tak avang chuan kei pawh chu hlim takin ka awmna hmun
atang chuan ka theih ang tawka mawi hian ka lo nui ve ta ngawt a. Chu
pa chu ka va pan a, “Ka pu, he hmuna i lo kal tirh lai atang khan i lo kal
tum a piang hian ka lo en thin che a. Vawi khat mah nuam tih hmel i pu
lo niin ka hria a. mahse hei vawiin chu i hmel a va hlim ta ve, i nui hmel
pawh ka hmu ta hial a!” ka va ti ngawt a. A ni chuan rang zet hian, “Eng
aiah nge ka hlim lo hang, heti zawng zawng Mizo hnam awmkhawm
zingah hian vawiin chu putar pakhat, tlangval leh nula fel tak pakhat
hian min lo bia a, ka inthlahrunna leh helai hmuna ka awm laia ka
khawharna zawng zawng a bo vek a lawm” a ti a. Chutah, "Miin an fak
leh fak loh ka ngaihtuah lo a, mahse mihring te hi chu inngaihsak
tawnna baka thlakhlelh leh ropui tih ka nei lo. Mi changkang tak,
midang ngaihsakna nei lo ai chuan mi mawlte midang ngaihsak mi tak hi
keia lo ngaihah chuan khawvela mi ropui ber an la ni fo a; ka thihni
thleng pawhin an la ni zel dawn a nih hi!” a ti a. Chu putar a tih chu hmu
lo mah ila midang ngaihsak pawimawh ti em em mai ka Pu Hrangkhuma
(Rev. Dr. F. Hrangkhuma) a ni tih ka hre nghal mai.
 Vol. XVII Issue No.06 Bangalore Mizo Association
Sakhua
KHAWNGAIHNA LAL THUTTHLENG
CHU TINGHING RAWH LE
B.Kapthuama
“Vantirhkoh chuan rimtui halna bawm chu a la a,
maichama meiin a tikhat a, leiah a paih thla ta a.
Chu veleh chuan ri nuainuai te, khawpui ri te,
kawlphe te leh lirnghing te a lo awm ta nghal a.”
(Rev.8:5)
Maichama mei alh chuan thinlung leh tih takzeta
tawngtaina thu a sawi a. Thinlung tak taka
tawngtaina chuan chhanna a hmu thin. Chu chu
kawng 4 in a sawifiah theih awm e.
1. ‘Aw’ – Lei lam ‘Aw’ ni lovin, Van lam ‘Aw’
zawk hriat tur a awm thin. Pulpit atanga thunung
puan chhuah anih loh chuan, thinlung taka thingthia
tawngtaina nena puitu a nei lo tihna a ni.
Khawngaihna Lal thutthleng thleng pha tawngtaitu
a mamawh a ni.
2 ‘Khawpui ri’ - A awmzia chu, ‘hmelma chunga
hnehna ropui puanchhuah’ entirna a ni. (1 Samuel
7:10) Engatinge tunlai hian Kohhrante hi kan ro em
em a, Setana hi hnehtu zawk ang maia a chet theih
tak? Rilru leh tih tak zeta inngaitlawm a, mahni nun
kawnga fimkhur leh thianghlimna lam pan chunga
Lalpa hmel zawngtu kan tlem tihna a ni. (2
Chro.7:14) Chutiang rilru pu a, a khawngaihna Lal
Thutthleng chu kohhran hoten kan pan chuan, Lalpa
‘Aw’ chu khawpui ri anga hriat theihin a lo awm
ang a, hmelma chu hnehin a awm ngei ang.
3. ‘Tek’ – Hei hian thim lal leh a hote hneh an nih
tak zia a entir a ni. (Luka 10:18) Lalpa chuan a mi
thianghlimte thim lal dova hnehtheitute nghakin a
thlir reng a ni.
4. ‘Lirnghing’ – Lalpa leh a chaknaa innghat, rilru
thianghlim leh inngaitlawmte chauhvin Lal Isua
Hmingin he khawvel thim lal rorelna hi an tinghing
thei dawn a ni. Thenkhatin Setan chu hauvin
hnawhchhuah hial tumin an bei thin; mahse Setanan
a bei let leh a, an mahni nunah sual inthup (Sam
66:18) a awm tlat avangin a nuihzabur thin. John
Wesley chuan, “Mi 100, sualna chauh lo chu
engmah hlauh nei lo, Pathian chuah lo chu
hmangaih dang nei lo min pe la, khawvel hi Lal
Isua tan ka tinghing ang a, Pathian ram chu dinin a
awm thei ang,” a ti.
Pathianni Tin Chhuak Chanchinbu Date: 15th May 2011 Phek Thumna
BMCF memberte hian Lalpa tana rangkachak
thianghlim leh rimtui ni thei tura tawngtaia
inhlanin, Pathian ‘Aw,’ ‘Khawpui ri,’ ‘Tek’ leh
‘Lirnghing’ hre thei turin hmalam i pan zel ang u.
--------------------------------------------------------------
Dan
WRIT JURISDICTION
Fela Khawlhring, K.L.E. Law College
Kan ram danpuiin khua leh tuite duhsak taka min
hlui “Writ Jurisdiction” chungchang hi kim lo leh
khingbai takin nikum lam khan MSA Official
Newspaper, sakhming chullo – “Zirlaite Khawnvar”
ah ngei theih ang tawkin ka rawn ching pawr ve
nial nual tawh a. Sual vang leh Gehena rim nam
zawh vang pawh ni hauh lova, rokhawlna leh
vanduaina vang liau liaua zawka inkhawm hman lo
leh chhiar fuhlo kan lo awm palh tak hlauhin tih thu
hlaah tlem azawng ka`n thual nawn leh keuh ang e.
Kan ram danpui Article No.32 leh 226 te hian
Supreme Court leh High Court hnenah eng
engemaw thuneihna leh thupek theihna a hlan a,
chungte chu Writ Jurisdiction tiin kan sawi thin.
‘Writ’ awmzia chu engemaw thupek tihna satliah
mai a ni a. Supreme Court leh High Court-in khua
leh tuite venhimnana thupek emaw khapna emaw
khapna thupek emaw a pek chhuah theihna a ni.
Hetiang hian hlawm nga-ah thenhran a ni a:-
Habeas Corpus : A tawi zawngin a awmzia chu
“Khawnge a ruang chu?” tihna a ni mai a. Court-in
mi an mana awm roreltu hmaa rawn hruai tura
thupek siamna hi a ni.
Certiorari : Court sang zawkin Court hniam zawk
hnena an thu lo rem tawh ennawn lehna tura thupek
a siamna a ni a. Court-in dik taka ro an rel theihna
tura dikna tundinna tha tak a ni.
Mandamus : Court-in company hnenah emaw
sawrkar hnathawk hnenah emaw an thil tihlai tih
chhunzawmna tura a hriattirna a ni a. Khawtlangah
dikna (Justice) a awm theihna tura thupek
pawimawh tak a ni.
Quo-Warranto : A tawi zawngin a awmzia chu
“Tu thua ti nge a nih?” tihna a ni a. Sawrkarin a
hnathawktute hmanga pawl inzawmkhawmin an
dan ang an hman loh vanga pawl inzawmkhawm
a…
(Phek li na ah zawm a ni…)
 Vol. XVII Issue No. 06 Bangalore Mizo Association Pathianni Tin Chhuak Chanchinbu Date: 15th May 2011 Phek Lina

(Phek thumna zawmna…) INFIAMNA

…thiahna tura hma a lakna a ni a. Sawrkar
hnathawk emaw company emaw inluling lutuk tur English Premier League:
venna pawh kan ti thei ang.
Nizan inkhel results:
Prohibition : Certiorari nena inang tak a ni a. A
danglamna chu Court sang zawkin thupek an Blackburn 1-1 Man Utd, Blackpool 4-3 Bolton,
chhuah hmaa lo invenlawkna a ni a. Court sang Sunderland 1-3 Wolverhampton, West Brom 1-0
zawkin Court hniam zawk thurel, an bial chhung a Everton.
nih loh vanga hma lo la tura a hriattirna hi a ni. Rinlawk ang ngeiin nizan khan Manchester United
chuan a vawi sawmlehpakuana atan Barclays
Heng a chunga kan han tarlan Writ-te ang hian English Premier League Championship Trophy chu
tupawhin a Fundamental Rights humhalh turin High an chawi leh ta. Minute 73-na a Rooney-a penalty
Court emaw Supreme Court ah thu a thehlut thei vangin an khelhpui Blackburn Rovers1 – 1 hneh
ang. “Ignorantia Juris non excusat” (Dan hriat loh tawkin an chanmpion-na kawng erawh an paltlang
hi chhuanlam a tling lo) an lo tih thin angin mi ta tho a ni.
tupawh hi dan hmaah chhuanlam siam thei reng kan
awm lova. Kan dikna rahbeha a awm a, kan chan Zanin inkhel turte:
tur ang kan chang lo a nih phawt chuan kan dam
loh changa “Doctor” kan pan thin ang hian, tidam Chelsea v Newcastle 05:55pm ESPN
thei “Advocate” kan pan vat thin dawn nia. India hi Arsenal v Aston Villa 08:25pm ESPN
khawvela Democracy sawrkar lian ber a ni a. Liverpool v Tottenham 08:25pm STAR
Democracy sawrkar inrelbawlna reng rengah chuan Thawhtan zana inkhel turte:
dan hi a lal ber thin a. Tumah dan chunga leng reng Fulham v Liverpool 12:30am
an awm lo. Amaherawhchu, chumi dan thiamte chu
“Advocate/ukil” te hi an ni si a… ☺L☺ English Premier League point dinhmun:
(as on 15th May 2011, 08:00,)
Position Club Played GD Point
Inthar luah… 1 Manchester United 37 +39 77
## Kan member Pu Levis K Lalsiamliana te chu 2 Chelsea 36 +37 70
nimin khan Oil Mill Road ah in thar nuam tak an 3 Arsenal 36 +30 67
luah fel a. 4 Manchester City 36 +22 65
5 Liverpool 36 +18 58
## Tunkar tir lam khan Rokunga Section Leader, 6 Tottenham 36 +6 56
BMA Committee member, Nl Zaithanmawii te 7 Everton 37 +5 51
pawh Kalyan Nagar, 1st block HRBR Layout-ah an 8 Stoke 36 +2 46
in sawn fel a. Garage lian tha tak an nei a, a la ruak 9 Bolton 37 -2 46
rih☺ 10 West Brom 37 -15 46

Scooty thar… … a ni thei mai lo maw???

## Kan member, BMCF zaipawl conductor ni
bawk, Tv David Lalmalsawma chuan nimin Inrinni
khan Scooty thar mawi tak a lei. Tv. El-a a phur
hmasa ber a; nakin ah chuan Koramangala lanu a la
phurh ngei kan beisei pui e☺
☺☺ BMA AW Jt. Editor Tv Samuel Buatsaiha
pawh Aizawl lamah a la cham mek. Ani hi nupui
tur a han zawng a ni thei mai lo maw???

Birthday… ☺☺ Kan BMA nula, Nl. Blessy te chhung chu

## Vawiin hi Tv Emanuel Lawmkima nimin Inrinni khan Ejipura atangin Pi Mapuii
pianchamphaphak a ni a. A hlimhle a. I wish duh Hostel, Koramangala ah an insawn. Nl Blessy hi
chuan hmaichhan ngei a i wish a ngai ang, sms-a i tunlaiin a buai thin hle mai a. Sum hailuhna tha tak
wish chuan a chhang lo ang che. a hre thar a ni thei mai lo maw???