Aathva fera Ishq kaa

Maine kaha na maa mujhe aur padhna hai… kam se kam Ek mauka dijiye… kuchh banna chahti
hoon…Chhota sa sapna hai … poora ho jaane dijiye… aakhir aisi kaun si kayamat aa gayi jo aap logon ne
shaadi - shaadi ki rat laga li hai … are kaun si budhiya ho gayi hoon mai…

ye apne padhayi ke liye gidgidati awaaj Nisha ki hai… jo apni hi jindgi se jeene ke liye thoda sa vakat
maang rahi hai…

Maa-- Karna kya hai padh kar tujhe… shadi hi to karni hai… unhe padhwana hoga to shadi ke baad bhi
padhwa lenge…

Nisha-- Ye kaisi baat kar rahi ho maa… kya mujh par jabarjasti karogi…

siskte huye boli Nisha…

maa -- Tujhe kya lagta hai ham sab tere Dushman hain…tere bhale ke liye nahi sochte hain… are tere
mama ne dilli se phone kiya tha… ladka sarkari naukri karta hai… kyu apne naseeb ko laat maar rahi
ho…aage se rishta aaya hai…

Maa ne antim line garv se chaudi hote huye kaha…

Nisha -- Nahi maa aisi baat nahi hai… agar aap log mera bhala nahi sochenge to aur kaun sochega…par
maa mai kaun saa inkaar kar rahi hoon … Sirf thoda vakt hi to maang rahi hoon…

Nisha ki asnkhon me aansu aa gaye aur maa ko gussa…paas hi me Nisha ki bhabhi Mansi sahmi si baith
kar maa - Beti ki baatein sun rahi thi… nanad se pyaar to bahut tha par hitlar saas ke aage bolne ka
damm nahi tha…achanak saas ki cheekhti awaaj Mansi ke kaano me padi to vo jhatt se khadi ho gayi…

Maa -- sun Mansi samjha de ise… ye faisla badlne wala nahi hai… jyaada natak naa kare… agali
pooranmasi ko ladke wale aa rahe hain… rishta tai hona hi hai…agar koi ulti sidhi harkat ki na to iss baar
iske sath teri bhi khabar loongi jo har baar iski jidd ko poora karne ke liye iske aage khadi ho jaati hai…

Mansi -- j…… j… ji maa.… mai samjha doongi Nishu ko… plz aap gussa na ho…

Mansi ki baat se maa ke chehre par santosh ki lakeerein chamak uthi…Aur vo vahan se chalti bani…

Mansi ne bade hi pyaar se Nisha ke sar par haath fera to vo tadap kar ro padi… thodi der vo yun hi Mansi
se lipti roti rahi…uske baad khud ko niyantrit kar ke boli…

Nisha -- bhabhi plz iss baar aur meri madad karo naa … mai padhna chahti hoon…mujhe kuchh banna
hai…

Mansi-- Mai poori kosish karugi Nishu par abhi to tum thoda normal ho jao .

Nisha mansi par hi ukhad padi…

Nisha-- kahna bahut aasan hota hai bhabhi par…

Nisha ko beech me hi chup kara diya Mansi ne…

Mansi-- Par kya nisha ? kya shadi ke baad nahi padh sakti ho ?. Ya Kya tum kabhi shadi hi nahi karogi ? Ya
teesri koi baat hai ?

Nisha-- Teesri baat se aapka matlab kya hai… kya aapne mujhe aisi vaisi ladki samjh rakha hai… boliye ??
Mansi-- naa meri ladli… tu to meri choti si gudiya hai… bhala mai kyu tujhe galat samjhungi…mai to sirf
itna kahna chahti hoon… pahle ladke walon ko aa jane de kaun s unn logo ne tujhe dekhte hi pasand kar
lena hai…vo dilli ka shahri babu hai aur tu chhote se shahar ki ladki…

Dono achanak hi shararti andaaj me khilkhila uthi… yun lag raha tha ki ab to aane walon ki khair nahi…

Nisha ka mood Apni bhabhi se baat karke behtar ho gaya tha… ab uske chehre se udaasi ke badal chhat
gaye the……Nisha 19 varshiya ujale rangat ki ek behad khoobsurat ladki thi…usme bhagwaan ne sirf ek hi
kami daali thi… use apni khoobsurti par ghamand tha…baki vo sarv gun sampann thi…

Mansi bhi Khoobsurti me koi kamm nahi thi… Nisha to ithlaali huyi chali gayi par Mansi kuchh soch me
padd gayi thi…
Doston apne bujurgon ke faisle ke viruddh jana itna bhi asan nahi hota hai… Mansi apne kamre me baith
kar iss samsya ke samadhaan khoj rahi thi… ki achanak uske pati dev yani ki ghar ke sabse bade chiraag
Samrath aa gaye… Samrath apne pita ke vyapaar ko samhalte the.…Mansi ko pata bhi na chala uske
aane ka…

Samrath-- Kya hua Mansi … kis soch me doobi ho…

Mansi ke kandhe par haath rakh kar poochha…

Mansi-- Are aap kab aaye… mai to aapko dekh bhi nahi paayi…

Mansi ne chaunkte huye jawaab diya…

Samrath-- kiske khayalon me gum thi meri bivi… mai to lut gaya…

Banawti rona sa muh banaya samrath ne to Mansi ki hasi chhot gayi…

Mansi-- had karte ho yaar… aaye nahi ki shuru ho gaye…

Samrath-- to kya vahan se hi shuru ho jaya karu… vaise bhi teliphone to mata ji uthati hain… tumhari
awaaj sunna bhi naseeb nahi hota 8 ghante…

Mansi-- Bas bhi kariye… aap muhh haath dho lijiye mai apke liye chai nashta lati hoon…

Samrath-- Vaah ri padhi likhi ardhangini… chal di mera ullu bana kar…

Mansi-- mai samjhi nahi…

Samrath-- kya soch rahi thi ??

Mansi-- Aaj maa ji dilli wale kisi rishte ki baat kar rahi thi…( Mansi ne sari baat bata dali… )
Samrath-- janta hoon mai… Ladka bank manager hai… khoob kamata hai… ek badi bahan hai jo apni
sasural me rahti hai… Nisha raj karegi… dilli me ladka sarkari ghar me rahta hai… Mata pita hamare bagal
ke gaaw me rahte hain… jameen jaayjaad khoob hai…

Mansi-- Par Nisha kuchh banna chahti hai… agar thoda vakt mil jata use to…

darte huye kah hi di nisha ne apni baat…

Samrath-- Sochna bhi mat… aisa rishta haath se nikal gaya to pachhtane ko ho jayega… jaao kaam karo
apna jyada sir mat maro…

samrath ka lahja sakht ho gaya tha…

Mansi-- Ji… jaisa bole aap…

Mansi ki aankh me aansu aa gaye.…

Samrath-- bada bawaal hai… sala kuchh bhi kar do kam pad hi jata hai… idhar aao yaar…

Iske basd Samrath ne Mansi ko apni ore kheench liya … Mansi ladkada kar uski godd me jaa
giri…Samrath ne uske maathe ko choom liya aur haathon ko uske badan ke najuk hisson par phirate
huye bola…

Samrath-- muhh na fulaya kar … mere dil me dard hota hai… chal dekhta hoon kuchh samay ke liye agar
vo log rukne ko tayaar ho jaate
hain to… varna hoga vahi jo manjoore khuda hoga… khushh…

Mansi-- bahut khushh……

Samrath-- chal abb jaa nashta la badi bhookh lagi hai…

Samrath ke aashvasan se Mansi ko thodi rahat to mil gayi .… par ab vo Samrath ki kahi gayi baton par bhi
gaur kar rahi thi… koi nahi chahta ki achha ghar var haath se nikal jaaye…
Mansi rasoi me pahunchi hi thi ki baahar gadi aakar ruki…aur Nisha ki bua apni beti Barkha ke sath jiski
kuchh 5 mahine pahle Shadi huyi thi … kolkata me… Aa dhami …Barkha jewaron aur keemti kapdon se
ladi thi……aisa lag raha tha ki koi dukaan hai jewaron aur kapdon ki…

Barkha dekhne me gehuyein rang ki thi par uski sharirik sundarta ke kya kahne… kateele nain naksh aur
saanche me dhala badan… aaj to yun lag raha tha jaise bangaal ka jaadu ho… mantra mugh kar rahi thi…
Mansi ne jab bua ji ko dekha to uske haath se chai banane ka bartan chhoot kar jameen par Jordar
tanatan ki awaaj ke sath gir gaya…aur bua ji ko aate hi mauka mil gaya…

Bua ji-- Are oo padhi likhi jaahil… kyu mere raja bhaiya ko sudama banane par tuli hai…kab akl aayegi
tujhe …

bua ki jordar awaaj sunkar ghar ke sabhi log ikatthe ho gaye…sabhi ne bua ko pranaam kiya…par bua aur
barkha ke aane ki khushi kisi ke bi chehre par na thi… balki afra tafri si mach gayi thi…

Nisha ki maa -- Are didi aap…bataayi hoti to samrath ko lene bhej deti mai…

Bua ji -- Are hamare paas do do gadiya padi hain … aa gaye ek se … barkha aayi thi kalkatta se… to soche
mama ke yahan ghuma layein…

Bua ji Inn logon se thoda jyada raees thi aur bahut jyada banawti bhi …

Nisha ki maa-- badi pyari lag rahi hai barkha… najar na lage…khush to ho naa beta…

sawaal barkha se tha par jawaab uski maa ne diya… jaise uski PA hon…

Bua ji-- Are khush kyu nahi hogi… eklauti jo hai… jamaayi ji palkon par bitha kar rakhte hain… Saas ne
dhan dhanya se laad diya hai…are Nisha kahan hai… abhi bhi kitabon me hi ghusi hai kya…

Nisha-- pranaam bua ji…

abhi tak Mansi ke peechhe khadi thi Nisha… jane kyu udaas ho gayi thi…

Bua ji-- khush rah… kaisi hai tu…

Nisha-- ji theek hoon…aap kaisi hain…

Bua ji-- mai to mast hi hoon… are Nisha ki maa Nisha ke liye ladka dekhi ki nahi… Barkha se badi hai
Nisha… Barkha ne to ghar baar samhaal liya par Nisha aisi hi baithi rah gayi… gaya vakt laut kar na aata
hai…

Bua ki ye baatein Nisha ke vajood ko chhalni kar rahi thi…Nisha ki Maa ne turant Mansi ko ishara kiya to
Mansi jhat se saas ki baat samjh kar bol uthi…

Mansi-- baatein to hoti rahengi Nisha…chal bua ke ke liye Nashta lagaya jaaye…

Nisha ke chehre ki udaasi dekh Mansi ko shadi se inkaar ki karne ki vajah aur Barkha ki kartoot yaad aa
gayi… Mansi ne sir peet liya … kaise bhool gayi thi vo…

Baat aaj se 1 Saal pahle ki hai…sabhi log chhoti bua ki beti ki shadi me Indore gaye the… Vahan chhoti
bua ne Nisha ke liye Ek rishta bataya…Ladke ka Naam Vijay tha… dekhne me Ladka filmi hero se kam
nahi tha… LLB kiye tha… pratiyogi pariksha me baith raha tha…ghar se kaafi raees aur eklouta
tha…

Nisha ko pasand bhi aa gaya tha… Shadi ki chahal pahal me Nisha aur Vijay ek doosre ko kankhiyon se
nihaar lete the…baat ek tareeke se pakki ho chuki thi…

Par na jaane kyu Nisha ko lagta tha ki Barkha asge peechhe ghoom rahi hai Vijay ke… par Nisha ne ise
apna vaham samjh kar bhula diya… Nisha ki maa ne Mansi se Nisha ka mann puchhwaya to Nisha
Sharmaa kar doosre kamre me chali gayi…Maa bahut khush huyi aur papa ko bol diya baat chalane ko…

Baarat ke ek raat pahle Nisha , Vijay sab khoob khushi se " Sangeet " Ki raat enjoy kar rahe the…Nisha ne
dekha ki barkha Vijay ke saath bahut ghul mil kar dance kar rahi thi… use ye sab kuchh theek nahi lag
raha tha… kyu ki Barkha ki chunri badan se lapta thi aur uska blouse bahut khula hua tha… peechhe side
sirf doriyaan thi aur aage se itna khula ki chhupne ki jagah ang aadhe dikh rahe the… Vijay baar baar
Barkha ke badan ko nihar raha tha …

Nisha ko gussa aa raha tha…par vo kar bhi kya sakti thi … Siva Vijay ko samjhane ke… usne vahi kya…
Vijay ne bhi maafi maagi aur vahan se chala gaya… Thodi der baad Nisha ne dekha ki Barkha bhi lapta
hai… Nisha vyaakul ho uthi… Har kamre me khoja usne dono na mile… sab se poochha usne par koi
faiyda nahi hua… Achanak Nisha ne ghar ke Peechhe waale bageeche ke andhere kone me bani jhopdi ki
ore daud laga di… ye jhopdi dopahar me sabhi ladkiyon ka gappe marne ka adda hua karti thi…

Vahan pahunch kar Nisha ke Pairon tale jameen sarak gayi Samne ka manjar dekh kar…
Nisha ne Vijay aur Barkha ko ek dusre se Aapattijanak sthiti me lipte huye dekha… pahle to vo sann ho
gayi … uski aankhein bhar aayi… par agle hi pal uska chera dridh nishchy se chamak utha…achanak Vijay
ki najar padd gayi Nisha par to vo hadbada kar uth khada hua…

Vijay-- vo Nisha baat ye hai ki…

Tabhi vatavaran me chattttaaaakkkkk… ki awwaj goonj uthi… ye Nisha ne thappad mara tha Vijay ko …

Nisha-- Tumhari himmat kaise huyi apni gandi jabaan se mera naam lene ki… aainda mere aas paas bhi
mat dikhna…

Itna kah kar Nisha vahan se chali aayi… ye sab Barkha ko bahu t nagwaar gujra … par vo kuchh na kah
pasyi kyu ki " sache ka bol bala… jhoote ka muhh kala " aur Jhoothi to vo khud thi…

Udhar Nisha Mansi ke paas aakar usko sari batein bata kar bahut roi … Mansi ne bahut mushkil se use
samhala tha… par unn dono hi ki samjh me nahi aa raha tha ki kaise ye baat maa ko batayi jaay… Mansi
ne kaha Shadi nipat jaane de Uske baad bata denge… Abhi unko shaadi enjoy karne dete hain…

sare function ke baad isse pahle ki Mansi kuchh batati apni Saas ko badi bua ne Barkha aur Vijay ki
Shaadi ki hi baat batai Nisha ki maa se… Aur ye bhi bola ki 5 maheene baad ki date bhi fix kar di hai…iss
baat se Nisha ke maa papa ko bahut aaghat pahuncha …par jaise hi Mansi ne Nisha ke sath hua vakya
bataya to unn logo ko bua ki is chal par achraj hua…ghrna ho gayi thi unse… ye to jalan aur pratispardha
ki hadd thi…

Mansi ke aankhon ke samne sara vakya ghoom gaya.… Nisha badi bua ke paas Nasta pahuncha kar apne
kamre me jaa chuki thi… Mansi khayalon me gumm hi thi ki uske kaano me Nisha ki maa ki awaaj gunji…

Maa-- Mansi ye to badi gadbad ho gayi…

Mansi-- Kya hua maa… itni ghabraayi huyi kyu hain aap… kya ho gaya hai??

Maa-- are pagli parson pooranmasi hai… ladke wale aane ko hain aur didi aa gayi… mujhe to bada dar lag
raha hai…

Mansi-- kyaaa……… parso… n… nahi maa inke samne nahi…

Mansi vakai ghabra gayi thi…

Maa-- vahi to mai bhi bol rahi hoon…

Mansi--Maa aap unse kuchh mohlat lelo…

Maa-- Tera dimaag to jaane kahan rahne laga hai… kya bol doon… ladka chhutti lekar aa chuka hai … ab
vapas jane ko bol doon…

Mansi-- n…nahi maa… mera vo matlab…

Mansi ki baat bhi poori na huyi thi ki uski saas bol uthi…

Maa-- rahne de… tujhse na ho payega … mai hi kuchh sochti hoon…

abhi Nisha ki maa aur Mansi baat kar hi rahe the ki kisi ka phone aaya… aur hadd to ye ho gayi ki bua ji
ne utha liya…

Bua ji-- hellooo … kaun bol raha hai…

Dusri side se-- ji kya aap Nisha ki maa se meri baat karwa dengi… mai karan ki maa bol rahi hoon…

Bua ji-- vaise mai Nisha ki Badi bua bol rahi hoon… Nisha ki maa to dikhai nahi de rahi abhi… aap bata
dijiye mai bol dunki use…

bua ji itna hi bol payi thi ki Nidha ki maa lapak kar pahunch gayi…aur phone maag liya…bua ji ne bada
bura sa muh bana kar phone de diya …

Nisha ki maa -- ji mai Nisha ki maa bol rahi hoon…

Karan ki maa-- Bahan ji kal ham shaam tak aa jayenge… vaise aap to janti hi hain hamne ladki ko khoob
achhe se dekha hua hai… Aaj karan dilli se aa raha hai to agar ho sake to aap kuchh bhi karke Nisha se
milwa deejiye kyu ki use kewal do din ki chhutti mili hai… agar ladka ladki ek doosre ko pasand kar lain to
kal hi ham sagayi kar denge…

Nisha ki maa-- ji jarur ho jayega… aap nishchint rahein… ham kal aapka intjaar karenge…

Bua ji poochhti rah gayi hua kya aur Nisha ki maa Apni dhun me chal di Samrath ke kamre ki taraf…Aaj
Nisha ko Karan se milwana jo tha…
Nisha ki maa ne jab samrath ko sari baat batayi to usne thodi der sochne ke baad usne kaha…

Samrath--aap bilkul pareshaan mat hoiye… Aaj mai Mansi aur Nisha ko hospital ke bahane se le jakar
milwa deta hoon…aur rahi kal ki baat to sagai ke baad vaise bhi sabko batana hi padta hai…

Nisha ki maa-- kush raho mere lal… meri to inn narad - manthra ki jodi ne buddhi hi bhrashth kar di
hai…jati hoon nahi to kisi diwal par chhipkali si chipak diwar ke kaan bani hongi dono…

Apni ma ki baat sun Samrath ki hasi ke maare halat kharab ho gayi…achanak jaise kuchh yaad aaya…

Samrath-- inn dono ka ilaaj to vahi karti hai…

Nisha ki maa--Haan… sahi kaha tune… apni nani ke yahan se vapas aane wali hai hamari " tufani thanda
"…

Maa , beta thahaka maar kar has pade…na jaane kiski aamad ka jashn tha yeh… aakhir thi kaun ye "
Tufani thanda ".…

Thodi der baad Samrath ne Mansi aur Nisha ko taiyar hone ke liye bola…ab Mansi ke sir foota ek naya
bawaal…Pati jise gussa jet ki speed se aata hai neaadhe ghante ke bheetar taiyar hone ko bola…Nisha ne
jane se mana kar diya aur udhar Barkha barsne ko aatur thi…

Barkha-- Mansi bhabhi mujhe bhi chalna hai…

Mansi-- kahan chalna hai ?

Barkha--jahan aap jaa rahi hain ?

Mansi-- mai ti hospital jaa rahi hoon…

Barkha-- Mai bhi chalungi… gadi me baithi rahungi…aap ilaj Karwa lena…

Mansi--hainnn… uske liye apko ham logon ke sath hospital chalne ki kya jarurat hai… jaiye bahar gadi
khadi hai usme baith jaiye…

Mansi ke jawab par Nisha ki hasi chhot gayi…aur Barkha tunkti huyi chal di apne sifarish mantralya ki
ore…

Nisha-- Aap bhi na bhabhi , kuchh to bhi bolti rahti hain…

Mansi--chhod na… unn logon ko kya fark padta hai…vo yahan aayi hi masti marne hai… thoda maine
help kar di … khair apke bhaiya ne kaha hai aage vo help karenge par abhi chalna hoga kyu ki maa ne
jaban di hai…

Nisha-- Theek hai …aap bol rahi hain to chalti hoon… varna mera koi irada nahi tha…

Mansi-- Nisha ab chal hi rahe hain to thoda theek thaak taiyaar ho jana yaar…

Nisha-- hospital chalne ke liye…

ek baar phir dono ki hasi chhot gayi…ye hasi bua ke kano tak bhi gayi…bua aur Barkha ek dusre ko
sawaaliya najron se dekhne lagi…

Nisha ne baby pinck colour ka choodidaar salwar suit pahna …koi khaas shringaar vo karti nahi thi…
kewal kaano me chhoti baliyan, aankhon me halka kajal aur kalai ghadi… yahi uska shringar hota tha
…Mansi itne me hi balaein lene lagi…Vakai khoobsurat lag rahi thi Nisha…Mansi to gun gunane bhi lahi…

Na kajre ki dhaar,
Na motiyon ke haar,
Na koi kiya shringar,
Phir bhi kitni sundar ho,

Samrath dono ko lekar pahadi wale kali mata mandir chal diya…Raste me station se use karan ko bhi
recieve karna tha… to station ka rukh kar liya…

Yun to Nisha poori tarah taiyar thi ki Karan kaisa bhi hoga shadi to nahi karegi… mana kar degi…par phir
bhi dil ki dhadkano ne haye tauba macha rakhi thi…
Station ke samne jab samrath ne gadi roki to Nisha ne palkein jhuka rakhi thi… jane kyu dhadkane
bekabu ho rahi thi…

Thodi der baad Samrath aa gaya … usne dikki kholkar samaan peechhe rakha aur aage ka darwaja khol
kar karan ko baithne ko kaha…Karan ne Mansi ko hello bola aur baith gaya…

Nisha uske just peechhe wali seat par baithi thi…Karan ki Awaaj ne achanak Nisha ko bechain kar
diya…Ye awaaj usne pahle bhi sun rakhi thi lekin kahan…
Awaaj sun nisha chaunk uthi… Samrath uss samay peechhe hi dekh raha tha to Nisha ne Karan ki ore
dekhna uchit nahi samjha…dil joron se dhadak raha tha aur dimaag yaddaasht ki potli par hathaude
barsa raha tha…

Jab Samrath Face saamne karke car drive karne laga to Nisha ne bahane se apni hankey gira di…aur use
uthane jhuki to Yun hi jhuke jhuke hi usne najre utha kar Karan ko dekha to chaunk gayi … vo bhi usi ko
dekh raha tha…

Nisha ne chaunkte huye jaise aankhon hi aankhon me poochha " tum" ??? Aur karan ne bhi najron se
jawaab diya ho " haan " mai…

Nisha hankey utha kar golgappe sa muh suja kar baith gayi to Mansi ko laga ki vahi shadi nahi karne wale
anshan ka agla charan hai yeh…

Badlon ne neele aakaash me dera laga kar use syaah karne ka mann bana liya tha…vaise bhi pahadi
ilakon me mausam kab rang badal de bharosa nahi…

Kali mata ke mandir pahunch kar sabhi ne darshan kiya…Mandir ka pavitra aur durlabh najara aankhon
ko thandak aur dimaag ko sukoon de raha tha..…pooja karne ke baad sabhi bahar aa gaye…

Mansi to Mandir ke aas paas ka nasargik najaara dekh kar luti jaa rahi thi…mausam behad khushnumaa
tha…Kali badliyan vatavaran ko surmayi banane me lagi thi Paas hi darshnarthiyon ke baithne ke liye
Kayi chhoti chhoti
chhatri numa jagah bani thi…

Mansi Nisha ko ek chhatri ke neeche bhitha kar boli mai aati hoon…kammal ki baat to yah thi ki Nisha ne
bhi koi virodh nahi kiya kyu ki vo bhi Karan se baat karne ke liye mauke ki talash me thi.…Mansi aur
Samrath thodi door jakar nadi aur pahad ka najara lene lage…aur Karan hothon par muskaan liye aa
pahuncha Nisha ke paas…
Karan-- Hiiii…… Nisha ji…

with a closeup smile…

Nisha-- Aap pagal to nahi ho… aap ko samjh nahi aata kya.…

naak fulaate huye boli…

Karan--Aisa hi hoon mai…

Nisha--Are kaise bhi ho aap mere peechhe kyu pade ho Yaar…

Karan-- Maine pahle bhi bataya tha aapko…

Nisha-- to maine pahle bhi samjhaya tha aapko ye sambhav nahi hai…

Karan -- kya kar sakta hoon

" ISHQ " to ho hi gaya hai aapse.… mai to jindgi bhar koshish karta rahoonga…

Nisha-- Are oo aashiquon ki peedhee ke aakhiri chashmo chiraag….aapko pahle bhi samjhaya tha…itna
asaan nhi hoti hain ye raah e muhbbat . Laila - majnu , heer - ranjha in sabhi ki life panauti ho gai thi pyar
ke chakkar me . Tab jakar mar ke muhbbat ke masihaa bane hain . Samjhe kya??
Bade aaye …Chale hain pyar ko golgappa samajh ke gatakne .

Karan-- mujhe golgappe bahut pasand hai…

Nisha-- Aap kuchh samjhne ko tayaar hi nahi ti to jo mann aaye karo… mai haan nahi bolne wali… aur
ghar par mere manthra aur bappi gilehari baithi hain… milna hai to mil lo…
itna kah kar Nisha uth kar chal di aur Karan use bade pyaar se jate huye dekh raha tha…
Abhi Karan Nisha ko tunak kar jate huye dekh hi raha tha
ki achanak Nisha palti…Karan ka dil joron se
dhadka…Nisha lagbhag daudti huyi karan ke samne khadi
ho gayi…bhaag kar aate aate bhi barish ki bauchhar ne
uske raushan chehre ko aur bhi maadak bana diya tha…
Vaise Nisha agar itni jyada haseen thi to Karan bhi kuchh
kam nahi tha… vo kisi ki bhi aankhon ka sapna ban sakta
tha… Lamba chauda , aur masoom bhi…

Karan ko apni taraf behad pyaar se dekhte ya yun kahein

ki ghoorte huye pakar Nisha boli…

Nisha-- aise kya dekh rahe hain aap … baarish aa gayi to

kya karu… aana pada vapas…mujhe koi shauk nahi hai
yahan aane ka…

Karan-- Kaash yun hi barste rahe ye badal…inn barishon

me aap ka saath .… kuchh bhi kar sakta hoon iss pal ke…
kuchh bhi sah sakta hoon…

Karan romantic hokar bole chala jaa raha tha tabhi Nisha
ke kaha.…

Nisha-- bhaiya…

Nisha abhi bolne hi jaa rahi thi ki Karan ne uski baat me

laat maar di…
Karan-- pagal ho gayi ho kya tumm…jaan logi aaj meri…

Nisha--oo mr drama… popcorn jaise mat uchhlo… poori

baat suno pahle…bhaiya bhabhi idhar hi aa re… muhobbat
puran band rakho Apna…varna tum logon ki to koi ijjat
nahi hai par mai badnaam ho jaungi…

Nisha ki baat sun use ghoorte huye hi gungunane laga …

______________________
Kitne bhi tu kar le sitam,
has haske sahenge hum
Yeh pyaar na hoga kam,
sanam teri kasam hoo……

Jitna tadpaayegi mujhko,

utna hi tadpegi tu bhi,
Jo aaj hai aarzoo meri ,
voh kal teri aarzoo hogi,
Yeh jhooth nahin sach hai sanam, sanam teri kasam
Ho, sanam teri kasam,
sanam teri kasam
______________________

Karan ke iss tarah gungunane se na jane kyu Nisha ko aur bhi gussa aa raha tha… vo khud bhi nahi samjh
paa rahi thi ki itna gussa kyu aa raha hai use…itni chidh kyu ho rahi thi use…
Mansi aur Samrath jab aaye to haath me chai ke kulhad aur pakode the…

Samrath-- Yaar yahan abhi to yahi mil raha hai…abhi isi se kaam chalate hain…lunch kahi aur Jaa kar
lenge…

Karan-- its ok bhaiya… i just love spicyyy pakodaas…

Karan ne ye Nisha ko chidhane ke liye kaha tha… aur vo chidh bhi rahi thi…Par achanak barish ne jor
pakar liya…charo ek ghante tak barish ke rukne ki pratisha karte rahe… iss dauran Karan ne jee bhar kar
Nisha ko dekha aur Nisha aag baboola hoti rahi…par shaam gahraane ke saath barish bhi bhayanak hoti
ja rahi thi…Nisha ka chehra bhook ki vajah se latak gaya tha…

Samrath-- Are yaar Ye barish rukegi nahi abhi.…kaafi neeche hain badal…barish abhi jor pakdegi…

Mansi-- Mere khayal se ghar chalna chahiye…varna Raste me pani bhar jayega to dikkat hojayegi…

Samrath-- Kah to tum sahi rahi ho…par Karan tumhare side rasta band ho gaya hoga barish ke ufaan me
…nadi badh jati hai…

Karan-- Bhaiya aap kisi hotel me chhod do mujhe mai subah chala jaunga ghar…

Samrath-- Par Subah to tumko ana hi hai vapas mere Ghar…mai to kahta hoon mere ghar chalo…Nisha
ke haath ka garma garm khana milega…

Karan-- Bhaiya ab aap itna kah re to agar kisi ko aitraj na ho to mai taiyar hoon aapke saath chalne ke
liye…

Samrath--Jab mai kah raha hoon to aitraaj kise hoga…chalo…

Charon beegte …samhlte gaadi ki ore daud pade.…Nisha Sabse peechhe thi… Karan Ruka aur Nisha ko
saath lekar gadi ki taraf badhne laga… usi vakt Nisha Fisali par Karan ki Majboot baahon me sama
gayi…Nisha giri to nahi par Karan ko apne itne kareeb paakar chaunk si gayi vahi Karan Nisha ke ko kiye
Apne pahle alingan ko apne rooh me utaar raha tha…

Samrath to na dekh paya… par Mansi ye najara dekh kar hairat me thi… vaise bhi use kafi der se lag raha
tha use ki usne Karan ko kahi dekh rakha hai par yaad nahi aa raha tha…

Charon car me sawar hokar chal diye ghar ki taraf… Na jaane kyuabhi tak bak bak karke Nisha ka kaan
kha lene wala Karan Khamosh tha…kisi aur hi jahan me khoya sa…aur ye baat car me maujood kisi ek ko
bahut khal rahi thi…
Karan ka chup rahna jise khal raha tha vo thi Mansi…Pahli baat to Mansi ko lag raha tha ki Nisha ne inkar
kar diya hai jis vajah se Karan upset hai…kyu ki Karan ko Nisha pasand thi ye to uske chehre se hi dikh
gaya tha…doosri baat Mansi ko yaad bhi nahi aa raha tha ki Karan ko kahan dekha hai…

Shahar ke Raston ki haalat kaafi khasta ho gayi thi aur mausam Ka mijaaj bigadta hi jaa raha tha…ek
ghante ka Rasta tai karne me do ghante lag gaye…iss dauraan car ke andar ki khamoshi se yun laga ki
jaise car me koi hai hi nahi…sabhi apne khayalon me gum the…Ghar pahunch kar sabse pahle Mansi teji
se andar gayi…shayad Apne saas sasur ko aane wale mehmaan ke baare me soochna dene…

Nisha ne andar jaane se pahle Karan ko palat kar dekha to Use apni hi ore badi ada se takte paya… Nisha
jhemp gayi kyu ki usne bhi to palat kar dekha tha…bacho jaise muh chidha kar andar chali gayi…Karan ko
uski iss harkat par hasi aa gayi…aur vo thoda sa aur fida ho gaya…

Karan ke aane ki baat sun ghar me ek anjani si khushi ki lahar daud gayi thi…guest room ko vvip tarike se
jhatt se taiyaar kiya gaya… khoobsoorat kori foolon ke chhap wali chadar aur nayi takiya laga di
gayi…swaagat ke liye mithaiya , namkeen aur chai ki taiyaari khud Nisha ki maa kar rahi thi…Barkha aur
bua ji ko to kuchh samjh hi nahi aa raha tha…ki aisa kaun aa gaya hai jiski aaw bhagat me sara ghar
bhaag raha hai…

jab bua ji ne chandi ki plate me kaaju, badaam aur pishta saja dekha to unka matha thanka …aakhir "aisa
kaun aaya hai "…unke tajurbedaar khurafati dimaag ko ye to pata hi tha ki yun swagat to samdhi aur
daamad ka hua karta hai…

Barkha ko mithaiyon aur namkeem ke sath uljhi huyi chhod bua ji guest room ki taraf Chal di…kyu ki
unhe kisi se kuchh poonchhne se pahle mauke ka jaayja lena jyada sahi laga…

Bua dheeme jasoos goopichnd ke jaise manjhe huye kadmo se chalti guest room me jaa pahunchi…unke
chalne ke tareeke se aisa lag raha tha jaise billi kabootar ka shikaar karne jaa rahi ho…

Darwaaje se hi unhone samrath ke chehre ki aseem khushi dekhi… aur apne bhaiya ko muskurate aur
fool kar kuppa hote dekha…Karan ki peeth bua ji ki taraf thi… bua ji ko kuchh kuchh samjh me aa raha
tha ki mamla kya hai…Peechhe se Karan ko dekh kar ye bakhoobi samjh aa raha tha ki banda hai bada hi
handsome… baaki roop rang to samne se hi dekh kar hi pata chalta…

Samne Aalmaari ke seeshe me Karan ka chehra dekh bua ji ke maathe par bal pad gaye…jaise vo kuchh
yaad karne ki koshish kar rahi hon…itne me Nisha ke papa bol uthe…

Nisha ke papa-- Are didi…vahan kyu khadi hain… aaiye aapko Karan babu se milwate hain…

Bua ji haule se haan me sir hila kar guest house me pahunchi to Karan ne jhuk kar pranaam kiya…Karan
ko dekh bua ke chehre par kayi rang aaye aur chale gaye…

Karan--Pranaam aunty ji… kaisi ho aap ??

Samrath-- are waah … Aap hamari bua ji ko jante hain???

Karan-- haan bahut achhe tareeke se… ye kabhi rahe mere param mitra ki saas lagti hain…

Samrath-- Aap Vijay babu ki baat kar rahe hain… to aap unke mitra hain…

Karan-- ji hoon nahi tha… Abb hamare beech na hi mitrta hai na hi bair…

Samrath-- mai samjha nahi…

Bua ji-- Samrath beta… Karan beta ko kuchh chai pani bhi pila do baatein to hoti rahengi…hai na bhaiya…

Bua ji ne baat ko daba diya… par sab ki aankhon ke sawaliya nishan jyo ke tyo the…
Sabhi ki aakhon me sawaliya nishaan Kulbula rahe the par bola koi kuchh bhi nahi…shayad mahaul ko
samjhne aur samhalne ki koshish sabhi kar rahe the…Kyu ki ho naa ho bua ji ki hadbadahat kuchh
gadbad hone ka ishaara kar rahi thi…aur ghar par ek behadd khas mehmaan Karan ki maujoodgi thi…

Doston kabhi kabhi kuchh batein aur vajhein itni badi nahi hoti hain jitnaa insaan react ya over react kar
deta hai… aur purane samay me to har cheez kafi sanjidgi se parkhi jati thi… yahi kaaran hai ki past ki life
me thahraaw tha aur aaj ki jindgi me bhagam bhag…

Thodi hi der me dining table par swadisht bhojan saj chuka tha… Karan samet ghar ke sare sadsya khane
ki table par maujood the siva Mansi ke…kyu ki vo sabhi ko khana paras rahi thi… Nisha khamoshi se sir
jhukaye baithi thi…jab se vo mandir se aayi thi bilkul khamosh thi…

Bua ji kaafi bechain lag rahi thi… vo karan ke samne wali chair par baithi thi… Karan aur baki ke members
bilkul samanya bartaaw kar rahe the… Karan Nisha ki taraf nahi dekh raha tha kyu ki abb uska mano bal
toot sa raha tha… abb use lagne laga tha ki Nisha haan nahi karne waali thi … vo isi udhed bunn me tha
ki tabhi Nisha ki maa boli…

Nisha ki maa-- beta khana achha nahi lag raha hai kya …

Bade hi pyaar se poncha Nisha ki maa ne …

Karan-- aunty aisi koi baat nahi hai …

Nisha ki maa-- kuchh kha hi nahi rahe ho… achha ye batao ki sabse achha kya laga Khane me…

Karan--ji sab kuchh… sara mera fvrt khana hai… ghar ka khana khaye bahut din ho gaya tha aur aap
yakeen nahi karengi bhindi ki sabji mujhe sirf maa ke haath ki achhi lagti hai par yahan ki bhindi to maa
ki yaad dila rahi hai…

Karan ne behadd sadgi se jawaab diya…

Nisha ki maa-- chalo badhiya hai… sab theek raha to ye swaad tumhari jindgi me mithaas ghol dega…

Nisha ke maa ki muskuraahat dekhne layak thi…

{ Puraane jamaane me ek kahawat mashoor thi ki " Aadmiyon ke dil ka rasta unke pet se hokar gujarta
hai " … aunty ji ki muskuraahat ke pechhe yahi vajah thi shayad }

Karan-- mai samjha nahi aunty…

mai samjhati hoon jis bhindi me tumko maa ke haath ka swaad mil raha hai vo…

Itnaa hi bol payi thi Nisha ki maa tabhi kaafi der se khamosh Nisha ne Jaane kyu unko tok diya …

Nisha-- maa khana kha bhi lo aap… khud to kha nahi rahi ho…

Nisha ki baat sun kar aaj pahli baar bua ji ne uski haan se haan milayi… bua ji ne apni bagal me baithi
barkha ko ghoora jo khana thoos thoos kar khane me lagi huyi thi…bua ji ko us par bada gussa aaya…
unhone haule se Barkha ke haath me chimti kaati… Barkha chihunk uthi aur haule se boli…

Barkha-- kya karti ho maa… kitni jor se noch liya aapne mujhe… Khana khao naa mujhe kyu khaa rahi
ho…

Bua ji-- Barkha ki bachi tu kuchh jyada hi chapad chapad nahi kar rahi hai…yahan meri jaan sookhi huyi
hai aur tu rotiyan thoos rahi hai…

Bua ji Barkha ko budbudaate huye hi daant lagane lagi…

Barkha-- to kya mere bhookhe rahne se aap ki jaan hari bhari ho jayegi…

jabaan ladane ki treining to bua ne hi di thi Barkha ko…

Bua ji-- mai dekh rahi hoon teri jabaan bahut kanchi ki tarah chalne lagi hai… jyada unchi udaan unn
parindo ke liye hoti hai jinke pankh majboot hote hain samjhi…

Barkha-- to kya karun…

Barkha ne khana band kar diya aur bua ji ko ghoorte huye boli thi…

Bua ji-- kaan khol kar sun le… ye shadi kaise bhi kar ke rokni hogi…

Barkha-- par Maa kya ye jaruri hai…

Bua ji-- haan hai… badi mushkil se sab theek kiya hai… agar Karan ka rishta hua to inn logon ko sabb pata
chal jayega aur meri izzat mitti me mil jayegi…

abhi sab khana kha hi rahe the bahar ka gate kafi teji se khula aur koi daudte huye aaya … main door ko
kisi ne poori takat se dakka diya " DHADDAAAAKKKK" … sabhi chaunk kar mukhya dwaar ki ore dekhne
lage…
Main door par Darwaaje ke beecho beech ek ladki khadi thi poori tarah bheegi huyi thi… uski umra koi
** saal Ki thi…( Nisha se teen saal chhoti……Dekhne me khoobsurti aur shararat ka jeeta jagta namoona
lag rahi thi aur bade haq ke saath closeup smile sabhi ko paas kar rahi thi…safed salwaar kurti me bheegi
si vo yun lag rahi thi jaise barish me bheega hua water lily …jise dekh kar Nisha ne khushi se daud laga
di…
Nisha-- Gudiya tu aa gayi…

Nisha ki khushi dekh Karan chaunk gaya kyu ki aaj jab se mila tha use pahli baar haste khilkhilate dekh
raha tha…
Gudiya-- aur to kya ye apke samne to khadi hoon…

Gudiya ki shararte shuru ho chuki thi…

Nisha-- maa dekho meri chhutki aa gayi mama ji ke ghar se…

Nisha ne Gudiya ko gale lagate huye kaha…par Gudiya ke sath me kisi ko naa dekh Samraath pareshan
ho gaya…

Samrath-- Gudiya tu akeli aayi hai ??

Gudiya-- nahi bhaiya mama ji bhi sath aaye hain … vo gadi andar kar rahe hain…raaste me bada pani
baras raha hai bhaiya… yun lag raha jaise pralay aane waala hai…
Nisha ki maa-- Are waah Mere bhaiya aaye hain hain kya ??

Nisha ki maa aur Nisha

sabhi mama ji ko lene bahar chale gaye uss vakt table par Karan aur Bua ji bache…Gudiya ne Karan ko
dekha aur adab se Namaste kiya aur phir Bua ji ki taraf dekh kar muh bichka di…Bua ji ko bura to bahut
laga par karti bhi kya Karan ke samne Gudiya se bade pyaar se baat karni padi…

Bua ji-- Are Gudiya beti kaisi ho ??

Bua ji ne baaton me shahd ghola…

Gudiya-- hainn lo pralay aa bhi gaya…( budbudate huye boli)

Bua ji-- kya boli beta…

Gudiya--Aap kaun… maine pahchana nahi…

Gudiya ne yaad karne ki acting ki…

Bua ji-- Mai teri badi bua hoon beta…

Gudiya-- Ohh haan yaad aa gaya … aap to meri badi bua hain…vo kya hai naa bua ji ki manthra bua se
seedhe gau mata bann jaogi to kaise pahchan me aaogi…hai naa bua ??

Bua ji-- hehe ladki dekh ghar me mehmaan aaye huye hain tanik to lihaaj to karo…

Bua ji ki baat sun kar Gudiya ne karan ki taraf dekha jiska chehra hasi rokne ki vatah se laal sa ho rakha
tha…

Gudiya-- aap tamatar kyu bane baithe hain… has lijiye varna pet fat jayega…

Gudiya ki baton se Nisha ko bada majja aa raha tha par usi vakt Nisha ki maa ne Gudiya ko tok diya…

Nisha ki maa--Gudiya… meri tufani thanda … aaja maa ke paas bhi to aa…

Gudiya maa ke paas chali gayi aur Bua ji ko jaise aadat ho … Par karan Gudiya ko bade dhyan se dekh
raha tha… aur sath hi kuchh soch bhi raha tha…

Jab tak Karan aur baaki sadsyon ne khana khatm kiya utni der me Gudiya kapde badal kar rasoi me gayi
aur Mansi ne use sara manjra samjha diya… par Mansi ko abb bhi bhi yaad nahi aaya tha ki Karan ko
usne kahan dekha hai par Gudiya ko yaad aa chuka tha…kyu ki uss shadi me gudiya bhi maujood thi… aur
bache to har chehre se vakif ho jate hain…
Gudiya-- apko bhale yaad naa aaya ho par mujhe achhi tarah yaad hai ki maine inko kab aur kahan dekha
hai… meri di ko tang kiya inhone abb inki kabar mai loongi…

Mansi-- Na re aisa kuchh naa karna … ladka bhala maloom hota hai…aur maa ko pasand bhi bahut hai…

Gudiya-- maa ko to bua bhi pasand hain… huh…

Itna kah kar Gudiya apni chai aur kuchh khane ka saman lekar aakar baahar seedhiyon par baith
gayi…aur apne agle kadam ke baare me Sochne lagi… tabhi use apne peechhe se kisi ke aane ki aahat
mahsoos huyi… jab usne peechhe dekha to chaunk kar uth khadi huyi…Uske peechhe aur koi nahi balki
karan khada tha…

Gudiya-- aap yahan ??

Karan-- mai aapse kuchh baat karna chahta hoon…

Gudiya-- kis baare me … uss V--

Gudiya kuchh kahna chahti thi par Karan ne rok diya …

Karan-- nahi uske baare me bilkul nahi balki apne baare me aapko kuchh batana chahta hoon kyu ki vo
to sunengi nahi…

Gudiya-- bilkul nahi sunegi vo aur kyu sune… aap chahte to vo sab tala jaa sakta tha…

Karan-- maine koshish ki thi Gudiya… aur naa Nisha ne baat suni aur naa Barkha ne… natija ye hua ki
Nisha tab roi thi aur Barkha abb royegi…

Gudiya-- mai kuchh samjh nahi…

Karan-- Mai batata hoon sab kuchh tumhe…

Karan-- mai batata hoon sab kuchh tumhe…vaise thi to tum bhi uss samay par tab to tum aur bhi choti
thi to shayad tumne inn sab baaton baaton par gaur nahi kiya ho…

Gudiya haan me sir hilaate huye Karan ko bade gaur se dekh rahi thi… Bhale vo chhoti thi par achhe bure
ko pahchanna use bakhubi aata tha… iss vakt vo Karan me ekk hataashh aashiq ko dekh rahi thi jise apni
muhobbat pane ka koi bhi aasra nahi tha…

Karan ne Gudiya ko Indore me chhoti bua ki beti ki shadi ke samay ki ghatna ko batana shuru kiya…

Karan---Indore me tumhari chhoti bua ki beti ki shadi me Vijay mujhe bhi apne saath le gaya tha… mai
Vijay ka dost ya yun kah lo ki uske ahsano tale daba hua ek bana tha uss samay…

Karan ke chehre par dukh ke bhaaw ko saaf saaf dekha jaa sakta tha…

Gudiya--tokne ke liye sorry par mere liye inn sabhi baaton ko samjhna bahut jaruri hai… mai Aapki baat
ka matlab nahi samjhi …plz kya detain me batayenge ??

Karan--hmm bilkul…mere pita ji Vijay ke pita ji ka gaav ka account dekhte the… aur jab mai padhai ke liye
shahr gaya to Vijay ke pita ji ne naa sirf apne ghar rakha balki meri padhai ka kharcha bhi diya… badle
me mujhse vo sirf itna chahte the ki mai unke bete ka khayal rakhu aur galat raah par naa jane doon… jo
maine poori tarah nibhaya tha…

khair Jis din ham log Indore pahunche the usi din tum log bhi vahan pahunche the…maine Nisha ko
dekha aur dekhte hi dil haar gaya…khair Nisha ne to mujhe notice bhi nahi kiya…mai pahli najar ki
muhobbat ka shikar ho chuka tha…poore vakt mai uske aage peechhe isi aas me ghoomta raha ki vo bhi
mujh par thodi si drishti daal de par majjal thi ki madam nigaah e karam kar dein… vo to bas apni
pariyon wali duniya me hi magan thi … mujh jaisa aam si shakl or surat wala to jaise uski khoobsurat
duniya me exist hi nahi karta tha …

Mai yun hi tarasta Nisha ke aage peechhe chakkar lagata raha tha ki mujhe Barkha aa takrayi…pata chala
ki ye Nisha ki real cousin hai par ye madam ji to bilkul ulat thi unke…haan par ek baat thi jo dono me
samaan thi aur vo ye ki dono hi garvita thi…Nisha roop garvita to Barkha dhan garvita…

Maine ye baat pahle hi din notice kar li thi ki Vijay dono ko alag - alag Prabhavit ( impress )karne ki
koshish kar raha tha…Nisha ke samne shareef aur shant ban jata tha to Barkha ke samne richi rich n fun
loving …
Usi raat jab sabhi khana khane baithe to Vijay ne unn dono ko apni thath dikhane ke liye mujhse naukar
sa pesh aane laga… yahan tak ki mujhe khane ke samne se utha diya aur bola ki pahle paras de sabhi ko
khana tab baith… vaise to muje Vijay ki bachkani harkatein jhelne ki aadat thi par jaane kyu Nisha ke
samne apmaan sa mahsoos hua…

Khair jab sabhi log khakar chale gaye to mai bhi khane baitha… aur aashcharya ki baat to ye thi ki 5 min
ke andar hi Nisha laut kar vapas aayi aur mujhe khana paras kar diya usne… mai to hawa me udd raha
tha… thoda jyada hi kha liya tha maine uss Raat… aur sweet dish me Nisha ki smile mil gayi thi …shayad
use meri beizzati par taras aa gaya tha…

Nisha ki khwahish to kar hi baitha tha mera gustakh dil… aur abb to sapne bhi sajane laga tha…jaisa ki
har shadi me hota hai mauj , masti aur dhammal… yahan bhi ho raha tha… par mujhe Vijay ka yun dono
se flirting karna achha nahi lag raha tha…

sabhi antakshri khelne baith gaye… abb mujhe samjh aa gaya tha ki Nisha ko itna garv kyu hai apne upar
pariyon sa roop ke sath sath koyal si meethi awaaj bhi mili thi use… mai to deewana ho gaya tha… Nisha
ki nigah me mere liye dosti ke bhaaw dekh mai khushi se foola nahi sama raha tha ki achank sab kuchh
badal gaya…
Nisha ki maa ne use ham sabhi door chhat ke doosre kone me bulaya… aur vahan par Chhoti bua aur
Nisha ki maa na jaane kya samjha rahi thi Nisha ko… meri kuchh samjh to nahi aa raha tha par haan
Nisha ka mood bahut kharaab ho gaya tha … Vo vapas ham sabhi ke paas nahi aayi balki pair patkti huyi
neeche sone chali gayi…

Nisha ke jaane ke baad mujhe sab kuchh bahut bura sa lag raha tha…kuchh adhoora sa…mujhe aisa lag
raha tha ki jaise ki meri usse barson purani pahchan ho …pahle hi din pahla pyaar ho gaya tha vo bhi
sacha wala… uske jane ke baad to mera man hi nahi laga .… mai bhi sone chala gaya…

Subah jab taiyaar hokar aaya to sabse pahle meri aankhein apni nakchadhi pari ko hi khoj rahi thi… meri
gamndi pari aangan me khili dhoop si baithi huyi thi… aaj se pahle mujhe peela rang kabhi nahi achha
laga tha par aaj pata chala tha ki peela rang bhi khoobsurat hota hai…chai aur indore ke mashoor pohe
ka nashta chal raha tha…

Mujhe dekh Nisha ne mere liye bhi chai nashta magwa diya… mai uska deedar aur nasta kar hi raha tha
ki baahar kisi kaam se bula liya gaya… Shadi wale ghar me sau kaam hote hain… aur agar aap ek kaam
kar do kisi kaa to phir aapke hi naam ki baang lagane lagti hai… kaam ke chakkar me kab subah se
dophar ho gayi pata hi nahi chala…usi samay mere paas barkha aayi aur Ithlati huyi boli…

Barkha-- ai jo bhi hai tumhara naam… idhar aao ??

Karan-- Ji madam ji mera naam Karan hai… bataiye mai aapke liye kya kar sakta hoon…

maine usi ke lahje me jawaab diya to mere upar hi Chatak gayi…

Barkha-- jyada chapad chapad na karo aur batao Vijay Ji kahan hain…

Karan-- ji mujhe andaja nahi hai…

Barkha--yaar tum naukaron ki bhi aaj kal aish hai… kuchh karte dharte to ho nahi… mast thaat batt se
rahte ho aur jabaan bhi kainchi jaise chalate ho…

Karan--mai naukar nahi hoon madam ji…

par Barkha ko samjh hi nahi aaya aur usne poori baat sunne ka kasht bhi nahi kiya…

Barkha--to kya Vijay ji jhoonth bol rahe the ki unke papa ne tumko unka care taker ke taur par rakha
hai…

Baat to Barkha ki bilkul sahi thi…mai niruttar ho gaya…mood mera chaupat ho gaya tha…par itna hi nahi
pic abhi bi baaki thi…Barkha to balkhati huyi chali gayi aur mai kaam se joojhta raha… tabhi Vijay bhi aa
dhamka… chehre par 12 baje huye the aur aise lag raha tha jaise kisi ne do joote lagaye hon…mujhse
raha nahi gaya to maine poonchha…

Karan-- Kya hua Vijay tera mood kyu kharab hai…

Vijay-- yaar mere maa baap ka dimaag karab ho gaya hai…

Karan-- par hua kya yaar…

Vijay--Abe mere liye ladki pasand ki hai unn dono ne…aur yahi par date bhi fix karna chahte hain…

Karan-- are waah… ye to khushi ki baat hai naa yaar … shadi to karni hi hai naa…

Vijay-- abe tu na ek number ka chamcha hai papa ka…mai apni pasand ki ladki se shadi karna chahta
hoon…

Karan-- vo sab to theek hai yaar par hai kaun vo khush naseeb jiski shadi ki baat tujh shahjaade se chal
rahi rahi…

Vijay-- abe yaar vo Nisha hai naa us se karna chahte hai papa meri shadi…

Uski baat ne mujhe poori tarah jameen par patak diya … aur dimaag par hathaude chalne lage…pal bhar
me hi sapno ka mahal dher hota sa lagne laga…
Vijay-- kya hua … tujhe kyu saamp soongh gaya…

Karan-- K…Kuchh nahi … bas aise hi…

Vijay-- yaar Nisha hai to bilkul Mall type par apne doston ke samne aisi out of faishon ko le jakar mai hasi
ka patra nahi banna chahta hoon…

Karan-- Vijay dekh bhai uske sath jindgi tujhe gujarni hai tere doston ko nahi… tu apne hisaab se soch
kyu ki ye dikhawe wali chandni sirf char din ki hoti hai aur jeewan sangini hamesha ke liye…

Vijay-- tu kuchh nahi samjhta hai… bas dekhta jaa… bin fere ham tere me jo majja hai vo kisi bhi cheej
me nahi…

Vijay ne jab ye baat kahi to uss vakt vo gusse me tha to mujhe laga ki usi rau me bah kar usne ye baat
kah di hai…vaise bhi uski chhavi abhi tak to mere dimaag me bilkul ujali hi thi…
Vijay aur Nisha ke rishte ki baat sun kar mera sara josh hi thanda ho gaya…yun laga jaise kisi ne mere dil
me suiyan chubha di hain… mai bhi sochne laga ki bhagwaan shayad mujhse khafa hai tabhi to Nisha ke
liye seedhe Vijay ko aage kar diya… khair mere dimaag ka to dahi ban hi chuka tha…

usi din ham sabhi log Ujjain ke mahakaleshwar mandir gaye…mandir ki sundarta aur pavitra vatavaran
me dimaag to shant ho gaya par samjh hi nahi paa raha tha ki bhagwaan se kya maangu… Nisha Vijay ki
hokar mahlon ki raani bane yaa mujh gareeb ke saath jindgi bhar khushiyon ko tarse… ant me maine
bhole baba ji se manga ki Nisha sada khush rahe abaad rahe…

Vijay ne apna kriya kalaap jaari rakha tha…vo Barkha aur Nisha dono ke sath (alag - alag ) flirt kar raha
tha…Barkha to saanche me aa gayi thi … apne jism ko Vijay ke jism se ragad jaane par bhi use parhej nahi
tha par Nisha ne apni khushbu tak naa pahunchne di thi Vijay tak…

Mandir me ek khas baat huyi ki Nisha ne jab prasaad diya to mera aur drivers ka prasad sath me
bhijwaaya aur ghar waalon ka alag… isi tarike se laut te samay rasthe me naashte ke time bhi aisa hua…
Ye to tai tha ki Nisha mujhe Naukar hi samjh rahi thi jabki aunty ji ne ye baat clear kar di thi ki mai
naukar nahi hoon…ye baat bhi mere liye awsaad se kam nahi thi… dekha jasye to uss vakt mai Nisha ke
layak bhi nahi tha…

yahi nahi wahan se laut kar Nisha ne ishare se mujhe chhat par bulaya.… bade pyaar se chai di aur
poochhne lagi…

Nisha-- Karan tumko to pata hi hoga na ki Vijay aur mere rishte ki baat chal rahi hai…
Nisha ne badi gambhirta se mujhse poonchha…

Karan-- haan ,

Nisha-- kya mai tum par yakeen kar sakti hoon…

Dil to kiya ki kah doon mai paida hi tumhare liye hua hoon…

Karan-- bilkul,

Nisha-- to mujhe Vijay ki pasand , napasand , achhayi aur burayi sab kuchh batao na please… aur baat ko
khud tak hi rakhna…dost samjh kar tumse help maang rahi hoon…

marta kya na karta sab kuchh jo mujhe pata tha bata diya… badkismti se Uss samay Vijay ke baare me
mujhe bura to kuchh bhi nahi pata tha… tab to mujhe pata hi nahi tha ki vo itna chhupa rustam hai…

Nisha ke chehre par meri baaton se ek chamak si aa gayi … mujhe adhar me latka chhod meri nakchadhi
pari udan chho ho gayi… maine suna to bahut tha ki pyaar pathar se bhi aansu nikal deta hai par apni
aankhon se bahte pani ko dekh kar mujhe pata chal gaya ki ye sach hai…

Phir Vijay aur Nisha ek doosre ke saath vakt bitane lage… Nisha ko Vijay pasand aa gaya tha… par Vijay
doosri hi firaak me tha… vo to bas Nisha aur Barkha ko chhal raha tha…

Nisha ke ke kareeb jakar use chhone ki kai koshish ki Vijay ne par nakamyaab raha…Har daav pench
mara to Nisha kareeb aane ki chhot de baithi par usse jyada kuchh bhi nahi…

Shadi ke do raat pahle ek ajeeb sa hadsa ho gaya…mera mood bahut off tha … aur sir bhi kafi dukh raha
tha to mai Nisha se pain killer lekar jaldi hi sone chala gaya tha …shadi ke ghar me ladkon ke sone ki
dikkat jarur hoti hai… usi hisaab se mujhe Vijay ke sath kamra mil gaya tha share karne ko…jab mai
kamre me pahuncha to bed par uncle ji so rahe the… aur doosri side kambalon ka dher laga hua
tha…maine kone me chatai bichhayi aur so gaya…mujhe pata bhi naa chala ki kab uncle ji uthh kar chale
gaye…aur mere liye meri badkismati ko nyota de gaye
Mujhe nahi pata ki mai uss kone me leta kitni der soya raha kyu ki uss kone me andhera jyada hone ki
vajah se kisi ka dhyan jaldi nahi gaya to mujhe kisi ne disturb bhi nahi kiya…par neend me hi mujhe
kuchh ajeeb si aahat aur halki siskiyon ki awaaj aa rahi thi… vaise to mai gahri neend me tha phir bhi
samjhne ki koshish kar raha tha ki aakhir ye kaisi awwajein hain…isse pahle ki mai kuchh samjh pata
achanak koi baahar se darwaaja khatkhtane laga… baahar aur koi nahi balki Nisha thi jo lagatar mera
naam pukar rahi thi…Nisha ki awaaj sun kar mai hadbada kar utha aur seedhe jakar darwaja khol diya…

Nisha khadi thi haath me khane ka saman lekar… maine jaldi se light on ki… mere light on karte hi Nisha
ko jaise shock sa laga… Vo lagataar mere peechhe dekh rahi thi…uske haath se thali chhot gayi… par abb
bhi vo aankhein fade kabhi mujhe aur kabhi mere peechhe dekh rahi thi… jab maine palat kar dekha to
meri to jaan hi nikal gayi… Bistar ke kone par Barkha baithi thi paseene se tar aur khud ko dhank ne ki
koshish kar rahi thi…

meri to sari neend aur dard hawa ho gaya… mai baukhlaya sa halaat ko samjhne ki hi koshish kar raha
tha ki Nisha ne cheekh kar Barkha se kaha ki " tu gayi gujri to thi hi abb naukron ke sath bi ye harkatein
karne lagi " … mujhe achmbha laga ki hamesha duniya ko jutti ki nok par rakhne wali Barkha chup chap
baithi thi…

Nisha meri koi bhi baat sunne ko raji nahi thi…maine bahut koshish ki par halaat mere khilaaf the… mai
uss kamre me akela tha ek aadhe adhoore kapde pahni huyi ladki ke sath jo paseene se tar batar thi ,aur
kamra andar se band tha…iske aage Nisha ko kuchh nahi dikha … Nisha pair patkte huye chali gayi…

Uske jaate hi barkha ke bagal me kambal ke neeche chhipa hua Vijay samne aa gaya… meri samjh me pal
bhar me sara manjra aa gaya… Barkha ke jane ke baad maine Vijay ko samjhaya ki jaakar sari baatein
Nisha ko bata do par vo mere upar hasne laga… aur bola ki Barkha se to mera kaam ho hi gaya hai par
Nisha ko abhi sab kuchh bata kar mai khel kharab nahi karna chahta hoon, pahle mai Nisha ko poori
tarah paa to loon phir sab bata doonga…

Mujhe to apne kaano par kakeen nahi ho raha tha…mere samne Vijay ka asli roop benaqaab ho gaya tha
par dukh to iss baat ka tha ki Vijay ne apne napaak kaam ke mera bhi istemaal kar liya tha… mai khoon
ka ghoont pi kar rah gaya… itna sab hone par bhi maine Vijay ko kafi samjhaya par dheere dheere uski
saari kalai mere samne khulne lagi…

jab mujhe samjh nahi aaya ki kya karu to mai Barkha ke paas gaya … lekin vo Vijay se bhi chaar kadam
aage thi… meri kisi bhi baat ka uspar koi prabhav nahi pada … par jabb Barkha vahan se gayi to maine
dekha ki gusse se laal Nisha Vahan khadi thi… mai uski taraf badha hi tha batane ko sara manjra ki uski
maa use apne saath le gayi…aur Vijay ne apne papa se jhute bahane kah kar mujhe vapas bhijwaa diya …
kyu ki use dar tha ki mai uska bhanda Nisha ke aage fod doonga…

jane se pahle mai Nisha ko dhoondhta raha … aur jab bhi to mili to Vijay use phusla raha tha… kaise bhi
kar ke maine Vijay ko hataya vahan se aur Nisha ke paas gaya… par Nisha ne meri ek bhi baat nahi suni
aur mujhe bahut jyada bhala bura bol diya usne… yahan tak ki " namak haraam " bhi bola mujhe…phir
bhi mai koshish karta raha…
mai Vahan se Uss samay to chala gaya par abhi bhi mai mauka khoj raha tha sirf Nisha ko Vijay se
bachane ke liye… bhagwaan ne meri suni aur Nisha ko bachane ka ek mauka mujhe de diya…hua ye ki
mai vapas jane ki jagah laut kar usi ghar me aa gaya…aur karigaron ki ( halwai n tent wale persons )
bheed me chhipa raha aur Jab maine chhip kar dekha ki Nisha ki aankhon me dhool jhoonk kar Barkha
aur Vijay Jhopdi me ayyashi karne gaye hain to maine hi jhopdi ki taraph bhagte huye Nisha ka dyhan
udhar kheencha tha …uske baad Nisha ne Vijay ki karistani apni aankhon se dekh li aur jab maine ye
dekh liya ki Nisha ab Vijay se safe hai to mai chala gaya vahan se…

Batao gudiya kya kasoor hai mera… plz batao kya galti ki hai maine… insaan hoon jitna ho saka samhala
naa maine halaat ko…Nisha ko agar sachai nahi dikhi to uski galti nahi hai par mujh bebas ka bhi kya
kasoor… agar vo meri baat sunegi tab to mai samjha paunga kuchh use… magar usne to kasam kha li hai
meri surat nahi dekane ki…

Meri musibtein yahi khatm nahi huyi … shadi se vapas aakar mera aur Vijay ka kafi jhagda hua…Vijay ki
laatein bhi khayi kyu ki uske maa baap se sab kuchh bata diya maine ki Vijay kis hadd tak bigad chuka hai
aur unke ghar se Dilli aa gaya taiyaari karne… bhagwaan ne suna aur aaj apne pairon par khada hoon aur
apni nakchadhi pari ko lene aaya hoon…

Karan ne apni baat poori ki hi thi ki Gudiya Kisi ko dekh kar chaunk kar jhatke se khadi ho gayi…aur boli…
" aap ",
Gudiya aur Karan kafi buri tarah chaunk gaye the… Gudaya ne haule se kaha…

Gudiya-- bhabhi Indore me chhoti bua ki ladki ki shadi me jo bhi hua vahi mujhe bata rahe the …

Mansi-- Sab sun liya maine gudiya… bade dukh ki baat hai ki itna sab ho gaya aur mujhe kuchh bhi pata
nahi…

Mansi ne behad dukh ke sath kaha …

Gudiya-- bhabhi abb kya hoga kal ?

Gudiya ne kafi chintit hote huye kaha…

Mansi-- dekho Gudiya tum bahut chhoti ho abhi… inn baton ko nahi samjh paogi… jao jakar so jao… aur
Karan ji aap bhi aaram kijiye… mai bahut sharminda hoon ki naa hi mai tab koi madad kar paayi naa hi
abb kar paungi…
Karan Mansi ki baat sun sir neeche kar vahan se chala gaya…uske jane ke baad Gudiya bechaini se boli

Gudiya-- bhabhi par mai Karan bhaiya ki help karna chahti hoon…plz ek mauka do naa… Nisha di ko aur
koi itta pyaar kar hi sakta hai…

Gudiya ki baaton me duniya jahan ki masoomiya bhari thi…jisne Mansi ko sochne par majboor kar diya
tha… par vo bhi kya kare shadi - Byah bachon ka khel to hota nahi hai.…

Mansi-- Gudiya maine Khud Nisha ko bahut samjhane ki koshish ki hai … vo nahi manne wali…use Karan
se hi nahi sari duniya ke ladkon se nafrat ho gayi hai…

Gudiya-- par Karan bhaiya ki to koi galti hi nahi hai vo to Nisha di ko bahut pyaar karta hai naa?

Gudiya ki har line Mansi ko sateek lag rahi thi par Nisha ko samjhana tedhi kheer tha…

Mansi-- Gudiya yaha kisne kya galti ki baat vo hai hi nahi … baat to ye hai ki Nisha toot gayi hai… uss
apmaan ko vo bhool nahi payi hai… usne apne ko shadi aur pyaar ke khilaaf kar liya hai… vo yakeen hi
hahi kar payegi kisi par… maine aaj bhi usse baat ki par usne saaf inkaar kar diya …

Mansi ne maayus hokar bola…

Gudiya-- ek aur baar koshish kariye naa bhabhi plz … mere liye…

Mansi -- ya kaisa bachpana hai Gudiya…

Gudiya-- plz ………

Mansi-- theek hai baba chal ek aur baar koshish karungi …ab khush……

Gudiya yun khushi se kood rahi thi jaise use sab kuchh mil gaya ho…aur apne bed par let kar agli subah
ka intjaar karte huye neend ke aagosh me sama gayi…

Subah bhi barish ki jhadi lagi huyi thi… ye to tai tha ki agar barish nahi ruki to aaj sagayi hi nahi hogi…
Bua ji lagatar apne bhaiya ko samjha rahi thi ki aaj kal muhurt achhe nahi chal rahe hain… shadi sagayi
agar iss samay ke muhurat me ki gayi to falegi foolegi nahi…

Udhar Karan guest room me baitha ek penting ko ghoor raha tha jiame barish me bheegta ek nanha sa
water lily dikhaya gaya tha jo boondon ke veg se juk to gaya tha par toota nahi tha…tabhi Mansi aur
Samrath room me aa jate hain… Mansi Karan ko penting ghoorta hua dekhti hai to batati hai…

Mansi-- achhi hai naa… hamari Nisha ne banai hai…

Karan-- ji bahut achhi hai aur sandesh bhi bahut achha chhipa hua hai kahani me…

Mansi-- Hmm vo to hai khair Karan ji aapke ghar se phone aaya tha jab aap so rahe the… aapki mata ji
bata rahi thi ki ve log gaav se dopahar me do baje tak niklenge… sagayi ki poori taiyariyon ke sath… agar
aap ki haan ho to… aap please unko aur hamko apni marzi bata deejiye ki Nisha aapko pasand to hai naa
? jisse ham aage ki taiyaariyan shuru karein…

Karan Mansi ki baat ko sunkar sakte me aa gaya tha… vo ye samjh nahi paa raha tha ki aakhir Nisha ne
sagayi ke liye haan kaise kah di… Karan ne halaat ko samjhne ke liye Nisha se hi baat karna uchit
samjha…

Karan-- Bhabhi kya Nisha se baat ho sakti hai kya ?

Mansi-- abhi to vo Pooja ki taiyari kar rahi hai par khali hote hi mai aap dono ki baat karwa dongi…vaise
Nisha ne haan kar di hai…

Karan-- Bhabhi kahi kisi dabaaw me aakar to usne haan nahi ki hai…

Karan ki najron me behad shaleenta ke bhaw the…

Mansi-- Nahi nahi … usne khud apni marzi se haan kaha hai … koi dabaaw nahi dala gaya hai…

Karan ko to apne kaanon par yakeen nahi ho raha tha aur naa hi Barkha ko jo parde ke peechhe chhip
kar inn dono ki baat sun rahi thi… use samjh hi nahi aa raha tha ki Nisha ne aakhir haa ki kaise jabki
shaam tak to vo bhadki huyi thi…Kafi der se khamosh khada Samrath bola…

Samrath-- Hame yahan aapki marzi janne ke liye bheja gaya hai … to aap agar apni marzi bata dete to
ham sab usi hisaab se aage ka karyakram karte…

Karan-- ji jaisa Aap sabhi bade uchit samjhein…

Karan ne apni swikriti di to Samrath ka chehra khil utha doosri taraf Karan ki haan sunte hi Barkha sarpat
vahan se khisak li aur seedhe jaakar apni maa ki godd me giri… kyu ki room ke baahar hi Gudiya ne uske
pairon me apne pairon se langdi fasa di…Barkha ko chot se jyada fikra iss baat ki thi ki ab mammi kya
karengi…
Barkha ke yun Bua ji ki godi me girne se bua ji ko bhi chot lag gayi…Gudiya to vahan se udan chho ho
gayi thi lekin bua ji ne baukhla kar Barkha ko ek jhaapad jadd diya…aur khisiyate huye boli…

Bua ji -- are bevkoof , akal ki andhi … tod di na meri taang… tujhe kab buddhi aayegi re …

Bua ji karaahte huye boli…

Barkha-- kya maa maine koi jaan boojh kar thode hi naa maut ke muh me chhalang lagayi hai…

Barkha hamesha ki tarah bas jabaan lada baithi…

Bua ji-- teri jabaan aur dimaag to mai baad me theek karungi pahle iss Sagaai ko kaise bhi karke rokna
hoga…

Bua ji apne dimaag ko apni bhaddi soch se kharonchti hui boli…

Barkha -- koi fayeda nahi abb ap ki chaalon ka… aap boodhi ho gayi ho… abb aap ki khopdi ke khurafaat
me damm nahi raha…Nisha ne to shadi ke liye haan bol bhi diya…

Barkha ne badi ada se bomm foda bua ji ki khopdi par…bua ji to baukhla uthi…

Bua ji -- kya bakwaas kar rahi ho…

Bua ji uchhalte huye boli…

Barkha -- bakwaas nahi kar rahi hoon mai… aaj sham ko hi hai sagayi…
Barkha ne apni khabri ki bhoomika nibhayi …

Bua ji--Ye nahi ho sakta hai… abb kya karein…

Bua ji ke chehre par naa jane kyun silwatein aa gayi…

Barkha-- chalte hain yahan se aur koi chara bhi to nahi hai…

Barkha apni baat ko behichak apni maa ka chehra dekhe bina kah gayi.…

Bua ji -- pagal ho gayi hai kya tu… mai jo chahti hoon vo kar ke hi rahti hoon…phir yahan to teri jindgi ka
sawaal hai…

Barkha khamoshi se apni maa ke chehre par aate jate kroor bhawon ko dekhti rahi…

Udhar Nisha jab pooja kar ke baahar aayi to mathe par roli ka teeka lagaye vo sundarta ki moorty lag
rahi thi… uska roop halke neele rang ki sadi me yun lag raha tha jaise neele saaf aasmaan me chamkta
chand…behad adwitiya lag raha tha uska roop…Karan guest room se hi use aplak nihaar raha tha…

Nisha sabhi ko prasaad de rahi thi tabhi Mansi ne uske kaan me kuchh kaha to Nisha guest room ki taraf
dekhne lagi…Karan aur Nisha ki nigaah mili to Karan hadbada gaya … par Nisha ke chehre par koi bhaaw
nahi the…

Nisha dheere dheere chalti huyi guest room me dakhil huyi… Karan uske chehre ke bhavon ko padhne ki
nakaam koshish karta raha…vo sirf itna janna chahta tha ki Nisha ne ye faisla kisi dabaaw me aakar to
nahi liya hai…

Doston jis samay ka ham yahan jikra padhh rahe hain uss samay me itna khula pann atleast middle class
family me nahi paya jata tha ki yun ladka ladki apni shadi ko lekar baat cheet karein…isi vajah se Nisha
aur Karan dono sakuchaye se the…

Nisha ne aage badh kar Karan ko prasaad diya aur boli… Karan ji bhabhi kah rahi thi ki aap ko mujhse
kuchh baat karni thi…
Isse pahle ki karan kuchh jawaab de pata baahar se barkha ke cheekhne ki jordaar awaaj aayi…Karan aur
Nisha samet ghar ke aur bhi sadasya baahar ki ore bhage…sabse pahle Gudiya pahunchi vahan…aur
pahunche hi boli ki " Barkha tum guest room ki khidki par kyu chadhi ho? " par isse pahle ki Barkha
kuchh reply karti baaki ke sadasya bhi baahar aa gaye…

Bahar ka najara behad ajeeb tha … Barkha guest room ki khdki ke baahar latki huyi thi jo thoda unchai
par thi… uski darr se ghigghi bandhi huyi thi kyu ki fisaln ki vajah se vo kuchh iss tarah se khidki ko pakad
kar latki thi ki agar haath chhoot ta to cooler rakhne ke liye laga angle seedhe uske pet me ghus jata…vo
marti to nahi par chot achhi khasi lag jaati…

Nisha ne ghabra kar Karan ki bajuon ko pakadd liya aur daar se kampte huye kaha…" please kuchh kariye
naa , meri bahan ko bacha lijiye ".…Karan ne Nisha ka chehara dekhte huye hi kaafi teji se aage ki ore
jhapta…isse pahle ki koi kuchh samjh pata Karan ne behad safai se Barkha ko neeche utaar liya… par iss
aapadhapi me Karan ke pair me patther ghus jane se achhi khasi chot lag gayi thi…

Samrath ka sahara lekar vo andar aaya…peechhe peechhe Barkha bhi aayi .… vo shocked si kabhi Karan
ko dekhti aur kabhi apna pet sahlati…yun lag raha tha jaise vo apne pet ko puchkaar rahi ho… Karan
awaak sa uski harkat ko dekh raha tha jaise ki sab samjh raha ho…bas uske baad vo daudti huyi kamre
me chali gayi aur Bua ji uske peechhe ho li…sath hi dabe kadmo se Gudiya bhi chal di maa beti ki sabha
me…

Idhar sab karan ka haal poonchhne me jutt gaye…Karan ke pair me kafi Chot aa gayi thi… dard kafi ho
raha tha… Nisha khamosh khadi dekh rahi thi sab kuchh…khair dard ki dawa aur malishh se kuchh to
araam ho hi gaya tha karan ko…

Dekhte hi Dekhte sagai ki ghadi bhi aa pahunchi … Karan ke ghar waale aa chuke the … chhota sa gharelu
function ki kiya gaya tha…Karan ke mammi papa Karan ke pair ki chot dekh kar buri tarah ghabra gaye
the… vo alag baat ahi ki over react nahi kar rahe the…tabhi bagal me baithi bua ji ne aisa kuchh bola ki
Karan ki maa Chaunk uthi…
Hua yun ki jab Karan ke maa papa aur kuchh khas rishtedaaron ke Saath sagaai ki rasm poori karne aaye
to yahan ka intjaam dekh kar fule nahi samaye… Rishtedaaron ko bithakar vo loog Nisha ki maa ke sath
seedhe Karan ke paas guest room me chale hi chale gaye… aur peechhe peechhe unki mehmaan nawaaji
ke liye chal di bua ji…

Jaisa ki har maa ke saath hota hai theek vaisa hi Karan ki maa ke saath bhi hua…Karan ke pair me lagi
chot ka dard unki aankhon se chhalak utha…( jise bua ji ne bakhoobi notice kiya )…unhone Karan ka
maatha chooma aur uska haal samachaar lene lagi par Karan ki taklif unse dekhi nahi jaa rahi thi…ve
baar baar use dulaar rahi thi…

Bua ji to bas mauke ki hi talaash me rahti thi to unko maukaa mil bhi gaya…jaise hi Nisha ki maa vahan se
gayi Bua ji shuru ho gayi apna puraan sunana…Shuruaat Karan ki taarifon ke pool bandhne se ki… Karan
ki tarif me kaseede padhne ke baad aa gayi mudde ki baat par… shubh - ashubh ka gyaan dene lagi aur
arth - anarth ki paribhasha samjhane lagi…jaise ki vo sarv gyani ho aur baaki sab anaadi…

Karan ki maa seedhi aur suljhi huyi gharelu mahila thi… jinka khurafaat aur chhal kapat se koi vaasta nahi
tha… aur Karan ke to bua bhi nahi thi…unhone bina virodh ke bua ji ki saari baatein khamosi sun li…

jab sagayi ke liye sab baahar haal me pahunche to Karan ki maa aur Nisha ki maa sath sath hi baiti thi…
jaise hi Nisha ki maa vahan se gayi vaise hi bua ji ne apna naya paintraa fenka…

Bua ji -- Karan ki kundli nahi layi kya aap…

Bua ji ne ghar ki bujurg ke naate haule se poonchha…

Karan ki maa-- Nahi didi…

Bua ji-- hainn kyu bhala…

Bua ji ko mauka mil gaya apni nayi kalakari dikhane kaa…

Karan ki maa-- Didi Karan ke papa ye sab baatein nahi maantein hain..… vo karm ko prathmikta detein
hain…baaki cheejon ko dhakoslaa aur andh vishwaash bolte hain…isi liye hamne kundli banwaai hi nahi…

Karan ki maa ne apni baat kahi to Bua ji ko apna plan fail hota sa laga… par unhone haar nahi maani aur
naya daav feinkaa…

Bua ji-- ye sab kahne waali baatein hoti hain …par shubh mangal bhi to kuchh hota hai…shagun bhi
kuchh hota hai naa …

Karan ki maa -- hamari bhi to kundli milaye bina hi shadi huyi hai…Bataiye kyaa hamm sab khushh nahi
hain ??

Karan ki maa ne bua ji se sawaal kiya to Bua ji thoda sa baukhla gayi…

Bua ji -- Hmm baate to aap ki bhi sahi hai… khair hamaari Nisha ki bhi kundli nahi bani hai kyu ki vo ghor
manglik hai… pandit ji ne kaha ki banwayeinge to shadi me adchan aayegi…isse pahle Nisha ka ek rishta
toot chuka hai…isi vajah se… aapko to pata hoga naa…

Karan ki maa-- nahi pata to nahi hai… kyu toot gayi thi shaadi ??

Karan ki maa ke iss sawaal se Bua ki aankhon me manthra waali chamak aa gayi…

Bua ji-- ghoor manglik hai naa iss liye…kahte hai ki ghor manglik ladki ka vivaah agar ghor manglik ladke
se nahi hoga to ladke ki jaan ko khatra ho jata hai…

Karan ki maa bua ji ki baat sun kar kuchh soch me padd gayi… Karan ki maa ke chehre ki badlti rangat
dekh kar Bua ji ko apni jeet par garv mahsoos hi raha tha… achanak hi Karan ki maa khadi huyi aur sagayi
ki tayari karte huye Nisha ke maa papa se boli…

Karan ki maa -- thahriye Bhai sahab ye sagai Nahi ho sakti hai abhi…pahle mujhe aapse kuchh sawaalon
ke jawaab chahiye…

Karan ki maa ki dahaad sunn sabhi ke chehre safed padd gaye…Nisha ke papa ke chehre par aseem
peeda ke bhaaw tairne lage… aur Nisha apne papa ko yun sadme me dekh kar vyakulta se Karan ki ore
dekhne lagi…aur Karan ko to jaise apne kaano par vishwaash hi nahi ho raha tha…

Nisha ke papa-- Bahan ji hamse koi galti ho gayi kya ??

ek ashay pita ne dono haathon ko jodd kar kaha…

Karan ki maa-- galti nahi paap Kiya hai aap logo ne …mujhe aap logon se aisi ummid nahi thi…Itnaa bada
dhokha to koi apne dushmano ko bhi nahi deta hai…jitna bada aap logon ne hame diya hai...Aapki ladki
maanglik hai… uski issi vajah se ek baar shadi toot bhi chuki hai… phir bhi aap logon ne batane ka kasht
nahi kiya… mere ladke ki jaan khatre me daal rahein hain aap log…bataiye sach hai yaa jhoonth…
Karan ki maa ke teekhe bol sun Bua ji ke chehre par garv bari muskaan tair gayi…Nisha ke pita hairaan
hokar Nisha ki maa ko dekhne lage…sabhi khamosh the par tabhi Karan hadbada kar bola…

Karan-- ye kya kah rahi ho maa aap ?? Aisa kuchh bhi nahi hai…band kariye ye tamasha…

Karan to apni maa ka ye roop dekh hairaan ho gaya tha…

Karan ki maa-- chup hi rah tu… ek shabd muh se mat nikalna… aise jhoote aur dhokhe baaj logon ke sath
ham rishta nahi jodd sakte hain…

Karan-- par maa aapko koi galat fahmi huyi hai… ye log bahut achhe hain maa… please maa ek baar
poori baat to sun lo aap…aap to bas apni kah rahi ho…

Karan ki peeda uski aankhon me chhalak aayi thi jabki Nisha ko yun laga jaise dharti hil gayi ho… vahi
apmaan , vahi peeda ek baar phir aa gayi thi uske astitwa se khelne…Nisha jahan khadi thi vahi dhamm
se baith gayi aur vo kabhi apne pita ka dard me dooba chehra niharti to kabhi Karan ko dekhti… Haanth ,
pair , dimaag sabb sunn padd gaye the…

Karan ki maa -- maine kaha naa ye sagai nahi ho sakti hai to nahi ho sakti hai…aur ye mera aakhiri faisla
hai jo kadaapi badalne wala nahi hai… vaise bhi tujhme koi khot nahi hai …tujhe kis baat ki parwaah hai…
tere liye to ladkiyon ki line lag jayegi…

Karan-- bakwaas mat karo maa… mai Nisha ke alaawa kisi ke baare me soch bhi nahi sakta…chahe jo ho
jaye…

Karan ne cheekh kar kaha par Karan ki maa to jaise add gayi thi apni baat par…

Karan ki maa-- tu abhi chup rah tujhse to mai baad me niptati hoon… pahle yahan se niklna hai abhi ke
abhi…
Iske baad to sab ne Karan ke maa aur papa ko samjhaya par vo manne ko taiyaar hi nahi the…tabhi kisi ki
taliyon ki awaaj aayi…to sabhi chaunk kar us disha me dekhne lage…aur Nisha ka to muh khula ka khula
rah gaya…
Taliyan bajane waali sahkhs aur koi nahi balki Barkha thi… jiska chehra tamtmaya hua tha… Barkha Nisha
ko dekh rahi thi aur baaki sare log Barkha ko… sare rishtedaar haal se geast room me jaa chuke the aur
haal me ab bas Nisha aur Karan ki family bachi thi…sabhi Barkha ko achambhit hokar dekh rahe the…

Bua ji ko bhi samjh nahi aa raha tha ki aakhir Barkha karne kya wali hai…par unhe Barkha ka badla
swaroop dekh itnaa to pata chal gaya tha ki daal me kuchh kala hai…

Barkha ka chehra naa jane kyu tamtamaya hua tha… Vo jakar Karan ki maa ke saamne haath jodd kar
khadi ho gayi…aur boli…

Barkha-- Apke saare sawaalon ke jawaab sirf mere paas hain aunty ji … to suniye aap….Nisha di ki kundli
nahi bani hai kyu ki mere mama ji inn dakiyanoosi baaton par yakeen nahi karte… unhe insaaniyat aur
karm par jyaada vishwaash hai…aur meri di me koi mangal dosh nahi hai… agar koi dosh hai unme to sirf
unki masoomiyat aur bholapann jiski vajah se dobara tootne ki kagaar par hain vo…phir bhi khamosh
hain…

Barkha bolte bolte apna chehra apne haathon se dhaank kar sisak padi…

Karan ki maa -- mai kuchh samjhi nahi… tum kaun ho aur ye sab tum kyu bol rahi ho…

Isse pahle ki Barkha kuchh jawaab deti karan ki maa ka… bua ji daant peeste huye dabe swar me
dahaadi…

Bua ji-- Barkha tera dimaag to theek hai naa… ye kaisi bahki bhaki baatein kar rahi hai tu…

Barkha-- Dimaag kharaab nahi abb jaakar sahi hua hai…

Barkha aaj one to one fight ke mood me aa gayi thi…

Bua ji-- tu chal mere sath… pahle teri khabar leti hoon…

Bua ji ne Barkha ka haath pakad kar ghaseeta to Barkha bifar padi Bua ji par…

Barkha-- aur maine kiya kya hai ye to bataiye aap ?? Kyu le jaa rahi hain akele me… jo bhi kahna hai yahi
kahiye …sab ke samne…

Bua ji-- Tu aise nahi maanegi…

Bua ji jhaapadd taan kar chillayi to Barkha double teji se chillakar boli…
Barkha-- mai to aaj aise , Vaise , kaise bhi nahi maanungi maa… mujhse door rahiye aaj aap… isi me aapki
bhalai hai… ( Bua ji ko do took jawaab dene ke baad Barkha Karan ki maa ki ore mudd gayi )

Haan to aunty meri di ki koi shadi nahi tooti hai… ek jagah di ke liye ladka dekha gaya tha par vo di ke
layak hi nahi tha… to uss ladke ki shadi uss jaisi hi ladki se ho gayi … yaani mujhse … aur meri shadi me
100% yogdaan maa ki chalbaji aur kalakaari ka hai…kul mila kar aapke sagaai naa karne ke sare ground
khokhle aur bebuniyaad hain… aur jo aurat aapko bhadkaa rahi hai vo aurat nahi daayan hai… are
daayan bhi saat ghar chhod kar waar karti hai par ye to apne chhote bhai ko hi nigalne me amaada
hain…

Nisha ke papa-- ye sab kya bakwaas kar rahi ho Barkha tum… beta aisa nahi bolte maa hain naa
tumhari…

Barkha-- vo koi maa , vaa nahi hain… unke liye har rishta unke matlab kaa hai… tabhi to ye jaante huye
bhi ki mai teem mahine se garbhvati hoon mujhe khidki par chadha diya Nisha di aur Karan ki baat sunne
ke liye… aur mujhe aise hi chhod kar vahan se bhag khadi huyi…aur vahi Nisha di aur Karan kitne
pareshaan ho gaye the…maine inko jabse yahan aai hoon rok hi rahi hoon ki mat pado Nisha di ki jindgi
ke peechhe par ye hain ki manne ko hi taiyaar nahi…

Barkha ne roaansi hokar kaha…

Nisha ki maa-- Barkha baad me baat karenge beta inn sab baaton ke baare me… aise sabke samne apni
maa ki beijjati nahi karni chahiye…

Barkha-- Ijjat - beijjati , maan - samman ye sab kuchh to inhone mujhe sikhaya hi nahi hai mami… aur jo
sikhaya hai vahi mai kar rahi hoon…fark sirf itna hai ki mere nishane par aaj ye khud hain… are inke paap
ka ghada shayad bhar gaya hai…

Kaafi der se chup Gudiya apni maa ko pareshan dekh kar boli…

Gudiya-- maa, aap ek baar Barkha ki baat to sun lo yaar…Barkha di… abb aap bata hi rahi ho to sara hi
bata do meri Bua mathra ji ke kaarnaame…

Gudiya ki baat sunn Barkha ne sabb bata dala redio ki tarah…shuru se lekar abb tak ki baat…aabhi sun
rahe the… Bua ji sir ko jhukaaye apni jagah par viraaj maan thi… Barkha haath jode Karan ki maa ke
samne khadi huyi to muskuraate huye unhone bhi ek khulasa kar dala…

Karan ki maa-- Barkha beta ye sabb bastein to mujhe gudiya ne subah hi bata diya tha phone kar ke par
mai abhi bhi ye janna chahti hoon ki tumhari maa akhir Karan aur Nisha ki shadi ke khilaaf kyu hain ye
jaante huye bhi ki Karan Nisha ko bahut pasand karta hai…
Barkha-- uske peechhe ki vajah mai hoon aunty ji… maa meri shadi bachane ke liye ye sab kar rahi
hain…Karan ki maa aur Gudiya achambhit hokar Barkha ko dekhne lagi…kyu ki iss Raaz bare me to
gudiya ko bhi nahi pata tha…baaki sare sadasya bhi Iss raaz ko janne ke liye behadd utsuk the …Barkha
ne bharraye gale se batana shuru kiya………
Barkha-- sangeet waali raat Nisha di ne mujhe range hanthon pakda tha par mere aur Vijay ke
sambandhon ka khulasha Nisha di ne to kisi ke bhi samne nahi kiya par meri maa ko naa jane kaise iski
bhanak lag gayi kahi se… vaise bhi vo Vijay ke saath meri shadi karwaana chahti thi…maa ne iss mauke
ko cash karte huye mere aur Vijay ka risha pakka karwa diya…

Pata nahi kyu Vijay iss rishte se jara bhi khush nahi tha par apne pita ke dabaaw me aakar usne haan kah
di…sagaai ke baad se hi Vijay kuchh ukhda - ukhda sa rahne laga tha…upar se Karan bhi use chhod kar
chala gaya tha … Karan ke jaane me dosh Vijay ka hi tha par Karan ke jaate hi Vijay ki aajadi zero ho
gayi… Karan ke jaate hi Vijay ko town bula liya gaya vapas… aur kalkatta wale ghar ko rent par de diya
gaya…yahi nahi abb to pita ji us par kaam karne ka dabaaw bhi banaane lage.…

Kul mila kar Vijay uski jindgi me aaye iss badhaali ki vajah mujhe maan raha tha…vo to baad me pata
chala ki mere aa jane ki vajah se uski ayyashi band ho gayi thi … kalkatta me kayi sare prem sambandh
bana rakhe the usne… vo sab chhot gaye the …isi liye mujh par baukhlaya rahta tha…Dekhte hi Dekhte
aur shaadi ka din bhi aa gaya…

Dheron gahne aur ek achhi khaasi rakam chadhave me chadha kar meri Shaadi huyi…apne samrthya se
jyada kiya tha maa pata ne …maa ne batayaa tha ki sab mujhe palkon par bitha kar rakhenge… par
vahaan ka to drishya hi doosra tha… mera to sapnaa hi choor choor ho gaya…Vijay bilkul nikhattu aur
uske pita ji behad lalchi swabhaaw ke the…maa ji theek thi par unki sthiti naukraani se jyada kuchh nahi
thi…bechari sab sunti chup chap ghutati rahti thi…

Shadi ke baad kaise bhi karke mai ek samanya jindagi jeene ki koshish kar rahi thi…par shadi ke do - Teen
mahine ke bheetar hi Vijay do baar meri maa- Papa se paise le aaya …ek baar ye bolkar ki kalkatta me
kuchh paise udhaar liye the pita ji se chhipa kar liye the vo chukana hai…aur doosri baar apna vyapaar
shuru karne ke liye mere maa papa se moti rakam le aaya aur bol kar bhi aaya ki kisi ko pata naa chale…

Vijay ne mujhe bataya bhi nahi ki unn paison ka kya kiya naa hi koi rojgaar shuru kiya… jane kahan do -
do din gayabb rahta tha… poochhne par duniya jahan ke bahaane… kuchh din pahle bhi usne mujhse
kaha ki use paise chahiye kyu ki use apna vyapaar shuru karna hai…iss baar uske pita ji bhi uske sath the
aur mujhe samjha rahe the ki mai apne maa papa se paise laun kyu ki Vijay kamayega to mujhe hi to
dega…

Udha mere maa papa ne jab aur paise dene me asmarthta jahir ki to unn dono logon se saari raat jaane
kya khusr phusar ki aur subah hi meri Vidaai ki taiyaari kar di… jabki meri saas mana kar rahi thi…Yahi
nahi chitthi likh kar di maa ke naam …jisme likha tha ki agar shadi bacha kar rakhna chahti ho to Nisha ki
shadi Mahesh se karwa do… dono bhai sath me vyapar karenge aur sukh se rahenge…aur agar rishta tai
nahi ho pata hai to Barkha aur Vijay ka naata bhi khatm samjho…"

Bas yahi hai Karan aur Nisha di ki sagai todne ki vajah…apni beti aur uski kokh me pal rahe bache ke moh
me meri maa andhi ho chuki hai…Nisha di ko uss adhe pagal Mahesh ke sath bandhna chahti hai jo abb
tak tutlata hai…

Manti hoon mai bhi gunehgaar hoon par

abb aur bardaasht nahi kar sakti …naa hi
maa ki manmaaniyan naa hi Vijay ki… aap
logo ko sab batane hi ke liye maa ko fusla
kar yahan layi thi… varna maa to mama ji
ko bulane wali thi… mai abb Vijay ke saath
nahi rahoongi… Kabhi nahi jaungi uske
ghar… apne bache par parchhai bi nahi
padne doongi uski…

Barkha buri tarah ro rahi thi par antim line

bolte huye uske chehre par dridh nishchay
tha…Barkha ki baat sun kar sabhi chup the
par Gudiya cheekhte huye boli…

Gudiya-- waah ri bua ki bachi…aap jhooti

aur makkar hain ye to pata tha par aapke
andar ki insaniyat bhi khatam ho chuki hai
aaj pata chala…dil to kar raha hai jaan se
maar daalun aapko…

itna kah kar Gudiya daudi bua ji ki ore…

sabne rokne ki koshish ki par Gudiya ko sirf
uske papa ki awaaj rok payi…

Nisha ke papa-- Gudu rahne de…mare huye

ko kya maregi beta… jiska zameer hi mar
chuka hai vo insaan ek jinda laash ke siva
kuchh nahi hai… inko chhoo kar tete haath
maile mat kar beta…mujhe to Barkha ki
fikra hai…itti si umra me kya sab ho gaya
uske sath…

Nisha ke papa ko yun pareshan dekh Karan

bola…

Karan-- aap pareshaan naa ho uncle ji…

Vijay ko mai launga Barkha ke paas… vo
maafi maang kar Samman vapas le jayega
apni patni ko…bas kuchh din ki mohlat
dijiye…
Karan ki maa-- are baatein hi hoti rahengi
ya sagayi bhi hogi…muhurt nikla jaa raha
hai bhai…

Sabhi sagai me vyast ho gaye… bua ji ko kisi

ne kuchh bhi nahi kaha naa achha naa
bura…poori tarah ignore kar diya gaya
unko…jaise vo ho hi naa… koi dekh tak nahi
raha tha unki ore…

Nisha chupchap taiyaar ho rahi thi… thodi

der pahle huyi ghtna ne dimaag hila kar
rakh diya tha… kahna to vo bhi bahut kuchh
chahti thi subah se hi par filhaal apne maa
papa ko aur pareshaan naa karne me hi
bhalayi samjhi…
Nisha aaj bahut khoobsurat lag rahi thi…
bade mann se taiyaar kiya tha Mansi ne…
bua abhi bhi usi jagah butt si bani baithi thi
aur apni tufaani thanda Barkha par najar
rakhe huye thi… iss baar najar iss liye rakhi
thi usne jisse Barkha apna koi nuksaan naa
kar paaye…

Nisha ko dekh Karan ka dil alag hi dhun me

dhadkne laga… use to yakeen hi nahi ho
raha tha ki Nakchadi pari abb uski hone
waali hai…yun hi niharte huye use to kahi
door se aati sargamm bhi sunai padd rahi
thi…

Mujhse hi aaj mujhko mila de

Dekhoon aadaton mein, tu hai ki
nahi
 Har saans se pooch ke bataa de
Inke faaslon mein, tu hai ki nahi

Main aas-paas tere aur mere paas..

Tu hai ki nahi
Tu hai ki nahi
Tu hai ki nahi
Tu hai ki nahi…

Udhar Nisha Karan ke dil ki haalat se anjaan pahle jaisi thi vaisi hi bani rahi… gumsum si Nisha…Karan ko
notice bhi nahi ki ek bhi baar… kyu ki abb use Barkha aur uske bache ki fikra thi…

sagaai bade hi sade dhang se sampann ho gayi… sabke chehron par khushiyan thi… Karan ki maa apni
bahu se bahut khush thi… baar baar uski balaayein le rahi thi…sabhi ne khaya piya aur chalte bane… par
Karan ko samrath ne nahi jaane diya… ek to pair ki chot dusra subah ki train… uchit yahi tha so Karan ko
rok liya gaya…vahi Karan ko thoda vakt aur mil gaya Nisha ko niharne kaa…
Sagaai aur uske dauraan huye hangaamo ke chalte raat ke 9 baje tak sabhi behad vyast rahe… jabb
fursat huye to chai ki talabb ne sir uthaaya … lekin sabhi thake huye the … banane ke liye bhale hi koi
aage nahi aaya par chai peene se liye sabhi taiyaar the…

Karan aur Gudiya naa jaane kya baat kar rahe the dheere dheere … aur Barkha vahin neeche chatai
bichha kar let gayi thi… vo bua ji ke paas jaane se bhi dar rahi thi… jab Nisha ki maa ne fuslaya to rote
huye boli .…

Barkha-- Mami agar mai unke paas jaungi to vo apna sara badla nikalengi… aur mai nahi chahti ki mere
bache ko kuchh ho…

Barkha ne rote huye kaha…

Nisha ki maa-- aise hausla nahi harte beta…maa hai vo tumhari… galti ki hai unhone par tumhe vo khush
dekhna chahti hai…
Par Barkha ne to bas khud ki hi sunne ki thaan rakhi thi…

Barkha-- mami unhi ki mehrbaani se jindgi ka anmol samay maine vyarth ke kaamo me laga diya… kaash
padhai nahi chhodi hoti maine…

Barkha ne afsos me khud ko kosa to Nisha bo uthi…

Nisha-- Barkha abhi bhi der nahi huyi hai… jab jaago tabhi savera… tu Patrachar se BA ka form bhar de…
teri padhai bhi hogi aur tu tere bache ka khayaal bhi rakh sakegi…

Nisha ki baat sun Karan bhi chup na rah saka…

Karan-- Nisha ji bilkul sahi kah rahi hain Barkha…aap aisa hi karo … Sab theek hona hi hona hai ye to
yakeen hai mujhe par apne pairon par rahna aurton ke liye behad samman ki baat hai…

Barkha-- par mai ye sab kaise kar paungi…

Nisha-- tu khud ko to taiyaar kar baaki ham sab to hain naa…tu akeli thode hi hai…

Nisha ki baat par sabhi ne ek mat sahmti dikhayi to toofani thanda ne daav feinka…

Gudiya-- kya baat kahi hai di… isi baat par chai ho jaaye…

Gudiya ki baat sun sabhi ki hasi chhot gayi… aur Nisha muskurati huyi chai banane chal di…

jab tak Nisha chai lekar aayi sabhi alag alag groups me baat karne lage the… Karan Barkha aur Gudiya ke
sath thodi door par baith kar Nisha ko hi dekh raha tha… Gudiya ne awaaj lagakar Nisha ko bhi paas bula
liya …Nisha chai dekar vapas jaane lagi thi par Gudiya ki jidd ki vajah se baithna pada.…Nisha ko bitha kar
Gudiya aur Barkha 2 min me aane ka bol rafuchakkar ho gayi…

Karan chori chori Nisha ke chehre ko nihar raha tha… vahi Nisha sir jhukaaye baithi thi… Karan uski
khoobsurat ungliyon me apne naam ki anguthi dekh khud se hi itraa raha tha … tabhi Nisha ka madhyam
swar kano me pada…
Nisha-- mai kuchh kahna chahti hoon aapse…

Karan-- please boliye naa…

Nisha-- aap please mujhe galat mat samjhiyega…" Mai bhi padhna chahti hoon abhi "…

Karan-- ye to bahut achhi baat hai… infact mai khud bhi aapko yahi kahna chahta tha…mai khud naari
shashaktikaran ka pakshdhar hoon…padhi likhi naari desh ko majboot adhar deti hai…

Nisha-- vo kya hai naa ki mujhe kuch vakt chahiye tha… mai abhi shadi nahi karna chahti… darsal muhurt
do maheene baad ka hi hai par mai saal bar ka vakt chahti hoon…

Karan-- haan haan kyu nahi… mai kya madad kar sakta hoon isme aapki…

Nisha-- agar mai wait karne ke liye bolungi to maa meri shadi kal hi kar degi… par agar aap bolenge ki
aap ko kuchh vakt chahiye to maa ko koi aitraaj nahi hoga… to kya aap meri itni chhoti si madad kar
denge…

Karan-- bilkul kyu nahi… mai kah doonga… aap nishchint hokar apni padhai kariye… koi bhi baat ho to
kisi bhi vakt mujhe yaad kar lijiyega… saath hi paayengi…

Karan ki baat sun Nisha ke chehre par Vijayi muskaan tair gayi… usne Mansi ko haan ka ishara kar diya…
par naa jane kyu Mansi ke chehre par koi khushi nahi thi… vo lagataar Karan ko ghoor rahi thi jo Nisha ke
chehre me khoya hua tha…Nisha ke jaane ke baad Gudiya aai…uska muhh gusse se foola hua tha…

Karan-- tumko kya hua ?? Achank hamaari Gudiya toofani thanda se fuggi ( baloon) kaise bann gayi…

Gudiya-- ho gayi Nisha di se baat…

Karan-Yehhhhhh,woohoohoo,yesss

Gudiya--Aapka Dimaag kharabb ho gaya hai… Nisha di ne apko bola ki shadi ke bare me abhi mat sochna
…vakt chahiye… aur aap jashn mana rahe ho…
Karan-- are saali sahibaa usne shadi se mana to nahi kiya iss baat ka jashn mana raha hoon… vo jis
tareeke se bol rahi thi naa sanjeeda ho kar… mujhe to laga ki band baja ke jayegi…

Gudiya--- hmm samjh gayi… tumse naa ho payega… i mean aapse naa ho payega… mujhe hi kuchh
chakkar chalana padega… chal Gudiya soch koi tarika…
Gudiya ko yun khud se baatein karte dekh Karan ki hasi chhot gayi … Vo bahut hi pyaari lag rahi thi…aur
vo Gudiya se bola…

Karan-- Gudiya… faltu me pareshan mat ho… apni padhai par dhyaan do… Dr banna hai naa tumko…
bahut padhna padega…

Gudiya-- Hmm…so to hai…

Gudiya ne sirf itna hi jawaab diya to Karan muskura kar guest room ki taraf badhh gaya … uske peeth
peechhe Gudiya ne haule se kaha…

Gudiya--aap nahi jannte meri pareshani ki vajah… Nisha di jitni jiddi hain aap utne hi seedhe… kahi aisa
naa ho ki aap intjaar hi karte rah jaayein…aur wakt hawa ho jaye…

Haalanki Gudiya ne kaha bahut dheere tha par Karan ne sun liya… par react kiye bina kamare ki ore badh
gaya…Subah early morning Dilli nikalna tha … to packing vagaira karke jab sone jane laga to use pyaas si
lagi…Kamre me paani nahi rakha tha aur shayad ghar ke sabhi log so gaye the kyu ki ghar me kafi
sannata pasra tha…Karan ko bahut tej pyaas lagi thi aur pair me dard bhi ho raha tha… Dawai khana bhi
jaruri tha…to vo rasoi ki ore badh gaya…

Darwaaje par hi pahuncha ki chaunk gaya… andar Nisha thi ek gulabi rang ka maheen kapde ka salwaar
kurti pahne huye… bina dupatta liye … vo paani pi rahi thi…Karan uski khoobsurti ke samne ek baar phir
mook ho gaya… use bade pyaar se taak raha tha Karan…har baar Nisha ki khoobsurti ko dekh Karan aise
hi mantra mugdh ho jata tha…

Jab Nisha ka dhyaan Karan ki ore gaya to vo hadbada kar boli…

Nisha-- are aap … yahan…kuchh chahiye tha kya…

Karan-- j…j…ji paani chahiye tha… dava khani hai…pair me dard ho raha hai…

Nisha-- maaf kijiyega ham log kamre me paani rakhna bhool gaye…

itna kah kar Nisha ne Karan ko paas rakhe stool par baithne ke liye ishaara kiya… aur khud paani nikaalne
lagi…Paani nikal kar Nisha ne Karan ko diya aur haldi waala doodh banaane lagi… Karan uska chehra
dekh raha tha… jahan kewal shunya tha… koi bhi bhaaw nahi the…

Nisha ne doodh ka glass Karan ki taraf badhaya to Karan ne chup chap ek agya kaari balak ki tarah glaas
li aur doodh gatak gaya…uske baad jab vo jane laga to Nisha ne kaha… aap baithiye mai pair me kunkuni
haldi lep laga deti hoon… aapko aaram milega…Karan ke mana karne par bhi Nisha ne lep bana kar Karan
ke pairon par laga diya… aur dono apne apne kamron me sone chale gaye…

Karan let kar kaafi der tak Nisha ke baare me sochta raha…use samjh nahi aa raha tha ki jo bhi ho raha
tha vo sahi hai ya nahi… ant me ye sochte huye aankh lag gayi ki jo hoga dekha jaayega… pyaar to mai
usse aur bhi jyada karne laga hoon…

Subah chai pi kar Karan Dilli jane ke liye taiyaar ho gaya… sabhi najar aa rahe the siva Nisha ke… Mansi
ne Karan ne bahut poochha ki raste ke liye kuchh bana doon kya… par Karan ne mana kar diya… kyu ki
vo itni subah kisi ko pareshan nahi karna chata tha…

Karan car ki ore badh chala… siva Nisha ke sabhi baahar khade the… Karan ne udaas aankhon se Gudiya
ko dekha… Gudiya chup chap kone me khadi thi…usse Karan ka utra hua chehra nahi dekha jaa raha
tha… jaise hi Samrath ne gadi aage badhai …Nisha andar se daudti huyi aa gayi… uske haath me ek
packet tha… jisme mithaiyan rakhi thi… par Karan jaa chuka tha… Nisha thodi der tak yun hi khamosh
khadi rahi …aur phir sab kuchh Roz ki tarah samaanya ho gaya….’’
Karan ke jaane ke kuchh hi der baad bua ji bhi chali gayi… jaate samay unhone sabke samne haath jodd
liya aur dabdabaayi aankhon se sabko binaa kuchh kahe hi bahut kuchh kah gayi… par shayad unhone
der kar di thi …jate samay Bua ji ne Barkha ko bhi kaha chane ke liye par Barkha ne inkaar kar diya aur
baad me aunngi bol diya… Barkha apni padhayi ki shuruaat kar ke tab yahan se jana chahti thi…

Nisha ne Barkha ko poori tarah taiyaar kar liya tha aage padhne ke liye…Barkha ne apni rajamandi bhi de
di thi…inn sab baaton se prabhavit hokar Barkha me mama ji yani Nisha ke papa ne Barkha ki padhai ka
poora kharcha apne sir le liya… Barkha bahut emotional ho gayi thi…use abb thodi tasalli lag rahi thi…

udhar Raaste me Karan ke seene me rah rah kar hook uthti thi…Nisha ka masoom sa chehra aankhon ke
samne rah rah kar lahra jaa raha tha…uski mohak muskaan ishq ke taaron ko chhed deti thi… Karan ka
dil kar raha tha ki daud kar vapas chal jaaye aur Nisha ko bahon me bhar kar aaj kah de dil ki baat…bata
de use ki uske hi damm se sapno me udaan hai… uski hi saanson se ishq me jindgi hai… uske larjte
honthon se hi sargam jinda hai… Karan cheekh cheekh kar kahna chahta tha ki " mujhe muhobbat hai
tumse "…

Nisha jab rasoi me khana banane me Mansi ki help karne gayi to usne dekha ki Mansi kahi khoi khoi si
hai…Nisha ke do baar awaaj dene par Mansi ki tandra tooti…

Nisha-- kahan khoi ho bhabhi ?

Mansi-- are kahi nahi Nishu… bas Barkha ke baare me soch rahi thi…

Nisha-- kya ?

Mansi-- Yahi jo khel kismat ne khel diya uske sath… umar hi kya hai uski… saja kuchh jyada hi badi nahi
ho gayi uske liye…

Nisha-- vo to hai bhabhi… sahi kiya Barkha ne jo padhne ka faisla kar liya…apni jarurton ke liye kisi ka
muh to naa niharna padega…maine bhi isi liye sagaai kar li kyu ki aur koi chara nahi tha mere paas apni
padhai poori karne kaa…

Nisha apni dhun me bolti chali gai… Mansi ke chehre ke badlte rang ko bhi naa dekh pasyi vo…

Mansi-- matlab ? Tune sagaai ka drama kiya hai?

Mansi ki awaaj me duniya jahan ka achambha bharapada tha…

Nisha-- haan… kyu ki mere paas aur koi chara nahi tha apni padhai poori karne ka ??

Nisha ne bebaak andaaj me kaha…

Mansi-- Tere paas koi chara nahi tha to tune Karan ka istemaal kar liya … hai naa ?

Nisha-- hmm…
Mansi-- waah… vaise tujhme aur Vijay me khas antar nahi hai phir to… vo bhi Karan ka ka istemaal kar
raha tha aur tune bhi Kiya…bechara Karan…

Mansi ne behadd kadwe lahje me vyang kiya Nisha par…

Nisha-- bhabhi plz…

Mansi-- kya plz Nisha… ye to dhokha dena hua na…

Nisha-- bhabhi filhaal mai iss baare me koi bahas nahi karna chahti hoon… aur mai kisi ko dhokha nahi
de rahi hoon…

itna kah kar Nisha rasoi se pair patakti huyi chali gayi…aur chhod gayi Mansi ko awaak…

Kahte hain naa ki wakt ki raftaar kabhi thamti nahi hai … wakt beetne laga aur kab Nisha ki sagayi ko
Teen maheena ho gaya pata bhi naa chala… Iss dauraan Karan ne apne office se kai baar call ki Nisha ke
ghar ke no par … iss aas me ki kaash Nisha phone utha le… lekin har baar Nisha ki maa ki raubdaar awaaj
sun kar bechara call disconnect kar deta tha… uski jhijhak use hello tak nahi bolne deti thi…

ek din sabhi log sath baith kar subah ka nashta kar rahe the tabhi ek hansm sa ladka main door par aaya
aur bola " Kya mai Nisha ji se mil sakta hoon "…
Ladke ki umra koi 23 yrs rahi hogi , 6 ft ke aas paas lambaai aur dekhne me very good looking… kisi
model se jara bi kam nahi tha… sabhi use bade dhyaan se dekh rahe the … tabhi Nisha aa gayi aur uss
ladke ko dekh kar boli…

Nisha-- Are aap yahan…andar aaiye naa please…

Us ladke ko andar bulane ke baad Nisha apne papa ki ore mudi aur boli…

Nisha-- papa ye meri saheli Prachi ke bade bhai Aaryan hain…

Nisha ki baat sun sabhi ne Aaryan se hello kiya… uske baad Nisha ne vapas Aaryan ko andar bulaya…par
Aaryan andar nahi aaya shayad kuchh jaldi me tha usne wahi darwaje par khade khade apni baat kahi…

Aaryan-- Nisha Prachi ne tumhara admit card beja hai… tum shayad clg nahi aa rahi thi to usne le liya
hai…

Aaryan ne koi paper aage badha diya…

Nisha-- admit card ?

Aaryan-- haan vo kah rahi thi ki tum dono ne koi form bhara hai shayad… to usi ki hi exam agle sunday
Dilli me hai…

Nisha-- ohh haan yaad aaya … *** ka form bhara to tha hamne…

Aaryan-- to phir mai chalta hoon… prachi jayegi exam dene … to tum apna plan bata dena taki dono ka
saath hi tkt book ho sake…

Nisha-- ji mai kal bata doongi…

Uske baad Aaryan vahan se chala gaya.…Nisha kisi soch me gumm thi ki uske papa bol uthe…

Nisha ke papa-- kya hua beta… kis soch me padd gayi tum ?

Nisha-- kuchh nahi papa… darsal taiyaari to koi hai hi nahi to jaane se kya fayeda yahi soch rahi thi…

Nisha ke papa-- are isme nuksaan kaisa… kam se kam yahi pata lag jayega ki pepar ka pattern kya hai…

Nisha-- par papa…

Abhi Nisha kuchh bolne hi waali thi ki muh me poodi thoose huye Gudiy bol padi… uska bolne ka tarika
bada pyara lag raha tha…

Gudiya -- kya di… itna bhi kya sochna… aap itni tej ho padhne me… aapka to pahle ka hi padha hua aa
jana hai sara… aap tp bas exam do…

Nisha-- haan vo to hai but…

Nisha kuchh bhi tai nahi kar paa rahi thi…

Samrath-- no if but Nisha… de le exam … jaane kismat me kya likha ho… mai aaj hi jaakar Dilli ki do tkt
karwa leta hoon…
Gudiya-- do kyu ??

Samrath-- kyu kya vo akeli jayegi… mai bhi jaaunga uske sath…

Gudiya-- mujhe bhi Dilli ghumna hai… mai bhi chalungi…

Nisha-- are tufani Gudiya ham ghoomne thode hi jaa rahe hain… exam ke baad ghar vapas… vaise bhi
thand ab badhna suru ho gayi thi… aur Dilli ki sardi to mashoor hai… samjhi ki nahi…

Gudiya--nahi samjhi… huh…

Itna kah kar Gudiya vahan se muh fula kar chali gayi…

Samrath-- Nisha tu teri saheli prachi se poonchh lena … agar vo bhi sath chalna chahe to un logon ki bhi
tkt kar loonga…

Nisha-- ji bhaya…

uske baad Nisha aur Samrath ki friday ki Dilli ki tkt book ho gayi… sath hi Prachi aur Aaryan ki bhi tkt
samrath ne book kar li thi… par apni Gudiya ka muhh foola hua tha kyu ki use Dilli ki sair jo karni
thi…Khair shukrwaar ka din bhi aa gaya… Teen din ka plan tha… Nisha ne usi hisaab se packing ki … aur
ek orange colour ka panjaabi suit pahan kar ready ho gayi… bina kisi saaj shringaar ke bhi vo behad
sundar lag rahi thi…

Samrath ke sath vo apne town ke railway station pahunchi jahan par Prachi aur Aaryan pahle se
maujood the… Aaryan ne Nisha ki ore dekha aur use andekha kar Samrath se baat karne laga… vaise to
uske dekhne se Nisha ko koi fark nahi padta par naa dekhne se Nisha ko bada hi ajeeb laga… kyu ki ye
pahla shakhs tha jisne Nisha par dhyaan hi nahi diya…iska parinaam yah hua ki Aaryan to nahi haan
Nisha hi Aaryan ko gaur se dekhne lagi…

Nisha ko apni ore ghoorta dekh kar Aaryan ne badi style se apni dono bhawon ko uchka kar sawaaliya
ishara kiya to Nisha jhemp gayi…jaldi se Prachi aur Samrath ko dekhne lagi ki kahi vo log dekh to nahi
rahe hain…Nisha ko achambha lag raha tha ki aakhir ye kaisi harkat kar baithi vo…
Na chate huye bhi Nisha ka dhyaan baar baar bhatak kar Aaryan ki ore jaa raha tha… sabse sharmindgi
waali baat to ye thi ki Aaryan ne bhi notice karna shuru kar diya tha…Nisha ko khud hi apni harkat par
tajjub ho raha tha…Nisha charecter ki bahut strong ladki thi… inn sab baaton se sadaiv door rahti thi…
par Aaryan ke vyaktitwa me jaane kaun sa chumbak laga tha jo Nisha ko kheench raha tha …
Nisha khud ko dant lagati jaa baithi thi station bench ke kone par vo bhi akele …Prachi se bhi alag aur
khud se badbada rahi thi… koi dekhta to jarur sanki samjh leta… tabhi train ke aane ki ghoshna ho gayi…

Nisha bhi apni bag lekar apne bhaiya ke peechhe khadi ho gayi to Aaryan ne Nisha aur Prachi ko vahi
bench ke paas rukne ko kaha… aur un dono ki bag lekar samrath ke sath seats ke paas rakh aaya… jab
bheed chhat gayi tab Nisha aur Prachi ko bhi lekar gaya train me… Nisha uske caring nature se kafi
prabhavit huyi…par Prachi ka muh bana hua tha… Nisha ne do baar poonchha par Pachi ne has kar taal
diya…

Safar lamba tha kareeb 15 hours ka…gulabhi thand ki gunguni subah ka najaara train ki window se
dekhne me bada aakarshak lag raha tha…yun lag raha tha jaise ye bejaan cheejein jindgi ki gahrai ko
samjha rahi hon…bhagte huye Pedd paudhe aur sabse khoobsurat nadiyon ke paani me utari subah ki
kirno ke sindoori najare mann ko mohh le rahe the…

Nisha aankhe faade in najaaron ko dekh rahi thi… aisa kam hi hota tha jab Nisha kahi iss tareeke se
baahar jaati ho… kabhi jarurat hi nahi padti thi…last time Indore gayi thi aur abb dilli jaa rahi thi… isi liye
inn palon ko jeena use bada hi achha lag raha tha…

Tabhi ek chai wala aa gaya… Nisha ne Samrath ki taraf dekha to Samrath samajh gaya ki Nisha ko chai
peeni hai…Thand ki subah aur kulhadd wali garma garm chai Nisha ko to majja aa gaya… achanak uski
nigaah samne ke ki seat par baithe Aaryan par gayi jo Nisha ko yun khushh hota dekh dekh kar haule se
muskura raha tha…Nisha ke liye ye paristithi badi ajeeb ho jaati thi jab Aaryan se nigaah milti thi… NISHA
ne jaldi se apni palkein jhuka li…

par abb Nisha ne soch liya tha ki kuchh bhi ho jaaye vo Aaryan ki taraf nahi dekhegi … aur isi liye apni
bag se apne exam se related ek kitaab nikaal kar vo padhne lagi…Aaryan just uske samne baitha tha …
abb usne apni aankhein moond li thi aur sir peechhe seat se tika liya tha… Nisha ne bade gaur se Aaryan
ka chehra dekha… aur sochne lagi ki aisi kaun si kashish hai jo mujhe iski ore kheench rahi hai…

Nisha ko iss tarah gumsum dekh Prachi boli…

Prachi-- Kya baat hai Nisha… tu itni gumsum kyu hai… aaj jab se mili hai ek shabd bhi boli hi nahi…koi
baat hai kya ??

Nisha-- Na…Nahi Prachi … aisi koi baat nahi hai… mai kahan gumsum hoon… vo to bas mai thoda…

Nisha bolte huye window ke bahar dekhne lagi…

Prachi-- thoda kya Nisha… tu badli badli si kyu lag rahi hai… kuchh khas baat to nahi … bol naa…please…
mujhse chhipayegi …

Prachi ne chidhana shuru kiya to Nisha ghabra gayi…aur jane kyu vo vapas Aaryan ki taraf dekhne
lagi…Aaryan ki Aankhein abhi bhi band thi par uske chehre par badi aakarshak muskaan tair rahi thi… jise
dekh kar Nisha bhi muskuraaye bina naa rah saki…aur apni bewkoofi par haule se apne sir par ek chapat
laga di…

Doston naa jaane kya tha iss pal me jo Nisha jaisi kathor ladki bhi toot ti chali jaa rahi thi… kya ye kisi
naye rishte ki aahat thi ya kisi anhoni ka aagaaj… khair Safar ki abhi to shuruaat hi huyi thi …jo iss aankh
micholi se khushnuma hone laga tha…
Subah se dopahar ho gayi thi… sabhi ne mil kar khana khaya … samrath upar ki seat me sone chala
gaya… Nisha aur Prachi apni exam se related dicussions karne lagi … Nisha baar baar ye notice kar rahi
thi ki Prachi ka chehra utra hua hai… ek do baar poonchha bhi to Prachi ne kuchh nahi bataya…Nisha ne
faisla kar liya tha ki exam khatm hote hi poonchhegi prachi se…

Dono kafi der padhti rahi to Prachi ko neend aane lagi… Prachi letne lagi to Aaryan ne Nisha se kaha …
Aaryan--Nisha tum yahan meri seat par aa kar baith jao.…

Aaryan ne ye itna haq se bulaaya tha ki Nisha se inkaar karte hi naa bana…Nisha jakar Aaryan ki seat par
baith gayi…Aaryan window side baitha tha aur kuchh padh raha tha…kuchh diary jaisa…Nisha ki bolti hi
band ho gayi thi Aaryan ke paas aakar… use samjh hi nahi aa raha tha ki Kyu vo itna sharmaa tahi hai
jabki Aaryan ko to theek se jaanti bhi nahi hai…

Nisha ke gaal surkh laal ho chale the jo uski khoobsurti ko kayi guna badha rahe the… Aaryan stabdh sa
uske prakritik saundarya ko dekh raha tha ki uski diary hi gir gayi haath se… Nisha ne jhuk kar uthaya to
usme se ek page gir gaya… jisme chand panktiyaan likhi huyi thi …

Tumko dekha to ye khayal aaya

Zindagi dhup tum ghana saya
Tumko dekha to ye khayal aaya
Zindagi dhup tum ghana saya
Tumko dekha to ye khayal aaya

Aaj phir dilane ek tamanna ki

Aaj phir diloko hamne samajhaya
Zindagi dhup tum ghana saya
Tumko dekha to ye khayal aaya
Tum chale jaoge to sochege
Hamne kya khoya hamne kya paya
Zindagi dhup tum ghana saya
Tumko dekha to ye khayal aaya

Ham jise gunaguna nahi sakate

Vaqt ne aisa git kyun gaya
Zindagi dhup tum ghana saya
Tumko dekha to ye khayal aaya

Nisha-- Are waah …aapko bhi ye song pasand hai ??

Aaryan-- bilkul… mai Jagjeet singh ji ka die heart fan hoon… ibadat karta hoon unki gajlon ki…

Nisha-- ham doni ki pasand kitni milti hai… mai bhi unko sunti hoon… he iss godd of Gajals …

Aaryan-- hmm Agree karta hoon iss baat se …khair to ho gayi tumhari exam ki taiyaari…

Nisha :-- Na… jara bhi nahi… andaja hi nahi tha ki itni jaldi hogi exam…

Aaryan-- achha ji … to abhi subah se jo padh rahi ho vo kya hai…

Nisha-- aap bhi kammal karte hain… ye exam ki taiyaari nahi khud ko jhoothi tasalli dena hai…Taiyaari to
1 Mahile pahle complete ho jati hai…aur ye vakt to revisions ka hai…

Aaryan-- hmm… Mai topper se baat kar raha hoon … khair… aaj ki naari ke hi haathon me to desh ka
bhavishya hai… mai tum dono ki saflta ke liye ishwar se kamna karta hoon…

Nisha ko yakeen nahi ho raha tha ki jo shakhs uske samne baitha hai vo khud me sampoorn hai… usme
vo sab kuchh hai jo Nisha ko Pasand hai.… Nisha apne khayalon me khoyi huyi jaane kab Aaryan ki
majboot bajuon me ludhak kar so gayi…
Aaryan vahan se hat gaya aur Nisha ko aaraam se lita diya seat par aur sheet bhi udha di…vo apni seat
par chala gaya… Nisha jaag gayi thi par kuchh boli nahi…bas chup chap leti rahi…

Rat ko sabhi ne khana khaya aur baatein karne lage … Samrath ko Kuchh theek nahi lag raha tha to vo
upar apni seat par jaakar let gaya jabki baki ke teeno baith kar baatein kar rahe the… gappe ladane
lage…

Nisha akeli baithi thi jabki Prachi aur Aaryan ek seat par baithe the…tabhi bagal ki seat se ek ladka aur
ladki inn logo ke paas aakar baith gaye.… vo dono Nisha aur Prachi ki baat sunn kar aaye the …ladki bhi
vahi exam dene jaa rahi thi dilli jo exam dene Nisha aur Prachi jaa rahe the…vo dono bhi vyawharik the
to dosti turant ho gayi…

Jab sare ham umra baith gaye to bastein bhi aane wali jindgi par hone lagi… ( Ladke ka naam jay tha aur
ladki ka naam Anjali tha…).…Jay ne achank " pyaar kya hota hai " topic chhed diya…Pahle to sabhi ko
sankoch lag raha tha…Kyu ki itne to advance nahi the vo log ki bhai bahan aise topic par discuss kar sakte
…to hua ye ki Prachi ne Anjali se baat karna shuru kar diya… aur Nisha khamoshi se sabhi ko baat karte
sunte rahi…

Aaryan-- mere khayal se to pyaar ek mutual understanding hoti hai jisme give and take ka Rule hota hai
… agar iss rule se koi peechhe hat ta hai to rishta toot jata hai…

Aaryan ne bebaak andaaj me apna vichar vyakt kiya…

Jay -- naa bhai … mere hisaab se to pyaar kisi ke prati jimmedariyon ka ahsaas hota hai… jaise mujhe
apni chhutki Anjali aur mere ghar waalon ke prati meri jimmedariyon ka ahsaas hai kyu ki mai apni
family se behadd pyaar karta hoon… mai din raat mehnat karke iss kabil ban raha hoon ki aane wale
wakt me itna saamrthwaan ban jaaun ki mujhse jude huye aur mujhse judne waale har ek ko sukh
suvidha de sakoon kyu ki mai unn sab se pyaar karta hoon…

Aaryan-- mai sahmat nahi hoon aapse… are insan jab kutta paalta hai to uski bhi jimmedari nibhata hai…
to kya vo usse bhi pyaar karta hai…

Nisha buri tarah chaunk uthi Aaryan ki daleel par…

Jay-- to kya hua bhai… kya uss lagav ko pyaar kahne me sharm aati hai… kya vo bejubaan pyaar ka
haqdaar nahi hai…

Jay daleelein deta raha aur Aaryan uski kaat pesh karta raha… dono ek doosre se poori tarah asahmat
the… Nisha bade dhyaan se dono ko sun rahi thi…Achanak jay bol pada…

Jay-- Aaryan bhai ham to subah tak yun hi uljhe rahenge… Nisha ji se bhi to poochhna chahiye ki unki
nigaah me "pyaar kya hota hai " ?

Nisha-- are nahi… mujhse ye sab naa hi poonchhiye to behtar hai… mai inn sab baaton se door hi rahi
hoon…

Aaryan-- Nisha pyaar karne ke liye nahi balki vichar vyakt karne ke liye kaha jaa raha hai…

Kal se saath tha Aaryan… par Nisha ko ye pahli baat thi uski jo behadd buri lagi…par unn dono ki jidd ke
aage use bolna hi pada ki Uski nigaah me pyaar kya hota hai…

Nisha--

" प्यार एक अनछुआ एहसास है जिसे जसर्फ महसूस जकया िा सकता है , वो एहसास िो हमारे सीने में जिल होने के
बात की पजु ि करता है, वो एहसास िो इस बात की भी पजु ि करता है की मै
भी इसं ान ह।ूँ प्यार एक िआ
ु की तरह
है िो कबल ू हो िाये तो वरिान और िो न कबल ू हो तो ज़िन्िगी भर जपया िाने वाला ़िहर ।
कहते है िजु नया में जिस जकसी ने भी सच्चा प्यार जकया वो जमल न सके तो इस िजु नया से ऊपर भी एक
िजु नया है िहाूँ वो कभी िुिा ही
नहीं हो सकते। प्रेम बहुत ही छोटा
शब्ि है मगर उसका अर्फ उतना ही महान है ।
मगर आि के समय में लोगो ने प्यार की पररभाषा को बिल
जिया है , प्यार उनके जलए एक खेल मात्र होकर रह गया है।उन्हें प्यार के महत्व को समझना चाजहए, सच्चा प्यार करने वाले
को समझना चाजहए, प्यार करने वाले के िज्बात को समझना चाजहए, प्यार की ताकत को समझना चाजहए, और धैयफ रखकर उन्हें सच्चा प्यार करने वाले का सार्
जनभाना चाजहए।

inn lines ko Nisha yantra chalit sa bolti chali gai aur antim line bolne ke baad Aaryan aur Jay ki tarah use
bhi achambha tha ki aakhir ye kaise bol gayi vo… vo sochne lagi ki " ye lines kaise yaad rah gayi use ko…
ye line to usne Karan ke muhh se suni thi… to kya Karan uske jeewan me itna prabhaw rakhta hai…"
Aaryan abhi bhi gaur se Nisha ke chehre ko dekh raha tha par Nisha to jaise kho si gayi thi kahi…Nisha ko
yaad aa rahi vo raat jab vo Karan ko bade pyaar se lekar chhat par gayi thi Vijay ke baare me poonchhne
ke liye…

Karan ke chehre ki khushi uss wakt chhipaye nahi chhip rahi thi jab Nisha ne muskura karuse ungli se
chaat ki taraf aane ka ishara kiya tha…Vo bade sur me gungunaate huye aaya tha chhat par…

" Isharon Isharon me dil ko churana… bata ye hunar tune seekha kahan se…"

Nisha ko bhi naa jane kyu Karan ka uske aage peechhe ghoomna achha lagta tha…khoob itraati thi vo
Uss wakt jab Karan aage peechhe hota aur aahein bharte huye use ghoorta rahta …Karan ka sthaan uski
life me ek achhe dost ka bann hi raha tha ki Nisha ko Vijay aur Barkha ne itna bada dhakka de diya…Vijay
ke sath sath Nisha ko Karan se bhi nafrat ho gayi…jaane anjaane vo bhi shamil ho gaya tha Vijay ki
karistaniyon me…

Nisha abhi Karan ke khayalon me khoi huyi hi thi ki use apne haath ke upar kisi ka haath mahsoos hua…
Nisha hadbada kar jab yatharthta me vapas aayi to doo boond aansuon ki garm boonde uske gaal par
dungi huyi thi…chehra apmaan ki aag me sulgta hua aaj bhi saaf saaf dekha ja sakta tha…

Doston ye baat kahne me to badi assan lagti hai ki samne wale ne dhokha de diya to ristha tay hokar
toot gaya…par jo unn lamhon ko jeeta hai uske liye vakai narak barabar hota hai samay… logon ki khusur
fusur chubhti hai… har najar saalti hai…aise me logon ki salaah jahar jaisi lagti hai bhale hi vo sahi kyu
nahi ho… shayad isi liye kaha jata hai ki Wakt ke ghaawon ko kewal wakt hi bhar sakta hai…Khair…

Nisha ne chaunk kar apne haanthon ki ore dekha tha Aaryan ka haath tha uske haanton ke upar aur Jay
aur Anjli ja chuke the …Prachi bhi apni seat par jaa chuki thi…iska matlab Nisha kafi der Karan ke
khayaalon me khoyi rahi thi…Aaryan ne Nisha ki aankhein nam dekhi to poonchhne laga…

Aaryan-- kahan khoi ho tum…

Nisha-- kahi nahi bas yun hi…

Aaryan--bas yun hi kaise… pichhle ek ghante se yun hi baith kar baahar dekh rahi ho…
Nisha-- kuchh purana yaad aa gaya tha…

Aaryan--kuchh khas tha kya ??

Nisha-- na…nahi…kuchh bura wakt yaad aa gaya…

Aaryan-- Ohh shayad isi liye ro rahi ho tum…

Nisha-- pata nahi…

Iske baad Nisha sir neeche kar leti hai aur Aaryan andhere me hi thodi der tak Nisha ko dekhta rahta
hai… Nisha ki aankhon se chhote chhote aansu rokne par bhi dhunag jaa rahe the…Aaryan ne vapas
kaha…

Aaryan-- tum mujhe apna dost samjh sakti ho…

Nisha-- hmm…

Aaryan-- yaar ye" hmm " shabd tum ladkiyon ka koi code word hota hai kya… jis bhi baat ka jawaab nahi
dena hota hmm kah kar taal deti ho…

Aaryan ki baat par Nisha ko hansi aa gayi…

Aaryan-- lo abb hasne lagi…kabhi roti ho…kabhi hasti ho… kisi ki deewani lagti ho…

Aaryan ki baat sun Nisha buri tarah chaunk gayi par Aaryan ki baaton me Nisha ko jaane kya apnapann
dikha …Nisha ne sab bata dala usse …Vijay se lekar Karan tak…aur rone lagi…Aaryan ne pahale charon
taraf dekha kyu ki vo darr raha tha ki kahi Samrath naa jaag jaye ki Nisha ko rota dekh uski band baja
de… vo Nisha ko chup karane laga…

Aaryan--Nisha chup ho jao please…

par Nisha ke ye aansu bade samay se ruke huye hi ti the jo aaj foot pade the…jab Aaryan ke laakh chup
karane par bhi Nisha chup na huyi to Aaryan bhi achha khasa emotional ho gaya aur usne bhawnaon me
bah kar Nisha ko kheencha aur apne seene se laga liya…Nisha jadd ho gayi… kuchh bhi samjh hi nahi aa
raha tha usko…usne khud ko chhudane ki har koshish ki par Aaryan ki pakad behad majboot thi…Nisha
khud ko Aaryan ke seene me samaata hua sa mahsoos kar rahi thi…achank Nisha ne tej dhakka diya …
achank Nisha ne tej dhakka diya …
aur Vo Aaryan ne chhitak kar door ho gayi…Aaryan bhi sakpaka gaya… Nisha Aaryan ko yun dekh rahi thi
mano usne bhoot dekh liya ho…aur Aaryan ka ye haal tha ki kato to khoon nahi… usne darte darte Nisha
se kaha…

Aaryan-- sorry Nishu, tumko rote nahi dekh sakta hoon mai…to bas khud ko rok naa saka…

Nisha-- K…koyi baat nahi …plz abb iss bare me koi baat nahi…good night…

Nisha ghabrakar khidki se baahar dekhne lagi aur Aaryan uth kar apni seat par chala gaya…Nisha ki
dhadkane train ki speed ke saath dhad dhadaa kar bhaag rahi thi Nisha ke seene me…

Thodi der yun hi baithne ke baad Nisha ne paani piya aur chor nigahon se beech ki birth par dekha to
Aaryan usi ko ghhooor raha tha…Nisha jhemp kar jaldi se let gayi aur Aaryan haule se gunguna kar Nisha
ko chhed bhi diya…

Chhoti Chhoti ratein lambi ho jati hain…

Baithe bithaye aankhon se neende kho jati hain…
Dil me bechaini aankhon me intjaar hota hai…
jab kisi ko kisi se pyaar hota hai…

Nisha ne shawl ko sir se odhh liya… use Aaryan ki ye harkat samjh to nahi aa rahi thi par gussa jarur aa
raha tha …aankhe band karte hi Karan ka chehra naach gaya jehan me…khaskar Nisha ko dekhte hi uska
haule se gunguna…

" Tere ishq me sathiya…

mera haal kya kar diya…"

yun hi Karan ke khayalon me ghoomte jaane kab Nisha ki aankh lag gayi…

subah ke kareeb 05:30 am par train Dilli station pahunch chuki thi…Samrath aur Aaryan ne jaldi saman
uthaya aur Nisha , Prachi bhi unn logon ke peechhe ho li…

Nisha ne bahar kadam rakhte hi kuhra ki chadar me lipta najara dekha to uski khushi ka thikana nahi
raha…station par ikka dukka log the… abhi vo kohre ki khushiyan mana hi rahi thi ki kohre se nikal kar
jaani - pahchaani si akriti samne khadi ho gayi…

Nisha ko apni aankhon par yakeen nahi ho raha tha… use laga ki raat bhar jo Karan ke baare me socha
hai usi ke kaaran use Karan ki chhavi najar aa rahi hai … kyu ki raat ko sapne me bhi Karan ki hi halchal
thi…Nisha ko apne oopar khoob hasi aayi …vo Karan ke sameep jaakar khud se hi boli…

Nisha-- Ha ha ha… yahan bhi tum ho… train me bhi tum the… har taraf tum ho… kya mai paagal ho rahi
hoon… yaan tumko koi jaadu aata hai…

Nisha ki baat sun Karan muskura diya…Nisha bhi bade madak andaaj me hasi aur honthon ko gol kiya aur
boli…

Nisha-- uff ye katilana muskuraahat … kisi ko bhi vash me kar sakti hai…par mujhe nahi…mujhe exam
dene do mr … apna jaadu tona kuchh der ke liye band kar lo…

Nisha abhi itna hi bol paayi thi ki Samrath use pukarte huye Vahi aa pahuncha …

Samrath-- Nishu , kab se khoj raha hoon tujhe… yahan andhere me kyu khadi hai…

Nisha hadbada to gayi thi par abhi bhi vo muskura kar Karan ki ore dekh rahi thi … aur aise bartaav kar
rahi thi jaise Samrath ko Karan dikhega hi nahi … par hua ulta…

Samrath-- are Karan ?? Yahan ?? Itni subah ??

Samrath ka sawaal sun Karan to muskuraata raha par Nisha chaunk gayi…use samajh aa chuka tha ki
Karan khwaab nahi hakikat hai… Nisha ke gaalon ki lali andhere me bhi raushan ho gayi…

Karan-- haan bhaiya … aap logon ke hi paas aaya tha…

Samrath-- baap re… itna subah uth kar aa bhi gaye… yahan se to tumhara flat door hai naa…

Karan-- ji door to hai par aap logon se milne ka laalach rok nahi paya…

Samrath baat kar hi raha tha ki Paschi aur Aaryan aa pahunche…

Prachi-- mujhe bhi to milvaiye Jiju se samrath bhaiya…

Samrath-- Karan ye hain Prachi hamari Nisha ki khas saheli aur Aaryan Prachi ke bade bhai…aur Aryan ye
hain Karan…Hamari Nisha ke mangetar…

Karan ko dekh kar Aaryan ke chehre ka rang yun ho gaya jaise use kisi ne karela khila diya…udhar karan
ne haule se Nisha ke face ke samne chutki bajaayi…aur ada se poonchha…

Karan-- kahan kho gayi madam ji …abb to mai aa gaya samne…

Karan ki baat sun Aaryan jal bhun gaya jabki Nisha sharma gayi…

Nisha--very funny…iss samay mai aapke baare me nahi soch rahi thi…

Nisha aaj bade din ke baad itraa rahi thi…

Karan-- jhoothi…thodi der pahle to bol rahi thi…

Nisha-- ji nahi vo to mai raat me yaad karne ki baat kar rahi thi…

Nisha ki baat sun Prachi aur Karan jor se has pade… Nisha sharma gayi aur Aaryan jal uthaa…
Sabhi log station ke baahar aaye aur sabse pahle kadak garma garam chai pi…chai ke dauraan Karan aur
Aaryan baat karte rahe baaki sab chai ki chuskiyan le rahe the …Aaryan bakayda Karan ko show kar raha
tha ki Nisha se uski bahut ban rahi hai…chai peene ke baad Aaryan bola…

Aaryan-- Samrath bhaiya hotel chalein ??

Samrath-- hmm…

Karan-- are hotel kyu?? Mera flat hai… vahi chaliye sabhi log…

Aaryan-- kaise bhai aap to itna door rahte ho aur exanm to kal subah 07 Baje hai… vahan se aane ka ka
agar sadhan naa mila to gajjab ho jayega…chhot bhi sakti hai exam…

Aaryan ne ek saans me kah dala…

Samrath-- baat to Aaryan ki sahi hai Karan… balki ham exam ke baad aakar flat dekh lenge…

Samrath ne Aaryan ka samarthan kiya…

Karan-- ji bhaiya… jaisa aap theek samjhe…

Karan ka utra hua chehra Nisha ke chehre ki muskuraht ko nigal gaya…

Aaryan-- tum kya kahti ho Nisha ??

Nisha-- mere khayal se Aaryan ji theek kah rahe hain…

hotel tak jaane ke liye ek auto Bulaya Aaryan ne…sabhi baith gaye siva Karan ke…ye dekh kar Samrath
bola…
Samrath-- Are do auto karna padega Karan bhi to hai…

Karan-- nahi bhaiya aap log auto se nikaliye … mere paas bike hai…

Samrath--bike se ho… to chalo mai bhi bike par aa jata hoon…

Samrath uth gaya aur Karan ki bike par baith gaya… Aarayan auto me asge adjust hua tha vo peechhe
aakar aaraam se baith gaya…abb Nisha Prachi aur Aaryan ke beech me thi… Aage auto aur peechhe
bike…Aaryan auto ke chalte hi aaram se baith gaya aur chehre ke bhaw aise the jaise vo kisi ko kuchh
dikhana chhah raha ho… Nisha inn sabhi baaton se anjaan Dilli ka najara le rahi thi thi…

jaisa ki maine pahle bhi bataya tha ki Nisha ka jyada bahar aana jana hota nahi tha upar se vo town ki thi
aur Dilli pahli baar aayi thi…

Kafi subah hone ki vajah se yun to poori sadak khali padi thi par ek jagah autowale ne achank hi break
laga diya jiske karan Aaryan Nisha se bilkul sat gaya… Aaryan ne auto wale ko buri tarah jhidak diya par
vaise hi baitha raha…Nisha sankoch vash kuchh bol hi nahi paa rahi thi par uske chehre ko dekh kar
andaja lagaya jaa sakta tha ki use kis hadd tak bura lag raha hai…
Aaryan kafi utsahit tha Nisha ke itne paas aakar aur galat fahmi bhi aise hi hoti hai …Nisha ki khamoshi
ko vo uski rajamandi samjh raha tha…par uski khushi jyada der tik na saki aur hotel aa pahunche sab…
do rooms liye gaye… ek me Nisha aur Prachi aur doosre me baaki sab pahunch gaye… kareb ek ghante
baad Prachi aur Nisha doosre waale room me pahunchi …Aaryan aur Karan dono hi Nisha ko dekhte rah
gaye…
green aur blue combination ke salwaar kurti ne Nisha ke kudrati husn ko aur bhi jyada ubhar kar baahar
prastut kar diya tha…Nisha ne room me pahunchte hi pahli chor najar Karan par daali jo apna sudh budh
khoye bas Nisha ko dekhe jaa raha tha…Nisha dheere chalte huye jaakar Karan ke samne baith gayi…
Aaryan ne turant hi Nisha ki ore menu badhate huye kaha…
Aaryan-- Nisha aaj tumhari pasand ka khana khayenge ham sabhi… batao kya order karna hai…
Nisha-- jo aap log magaoge kha loongi…
Nisha ne ye baat kahi to Aaryan se thi par dekh Karan ki taraf rahi thi…Karan ke chehre par to jamane
bhar ki khushiyan naach uthi… vo alag baat hai Aaryan ko kuchh khaas achha nahi laga …Khair Nisha aur
Prachi ne apni pasand ka khana order kiya… sabhi logo ne mast lunch kiya… uske baad Karan jaane Laga
…darwaaje tha hi pahuncha tha ki Prachi chilla kar boli…
Prachi-- jiju Nisha ko kuchh samaan lena tha…use dila dijiye…
Prachi ki baat sun sabhi Nisha ki taraf dekhne lage…to Nisha hadbada gayi…
Nisha-- h…haan haan mujhe kuchh to lena tha…
Nisha ne haklaate huye kaha…
Aaryan-- kya lena tha… mai dila deta hoon… kyu faltu me Karan ko pareshan kar rahi ho…
Aaryan ne behad apne pann se kaha…
Prachi-- are waah… kaisi pareshani… bike se hi to le jana hai…
Prachi ne ye bolte huye Samrath ki taraf dekha aur ijaajat maangi…
Samrath-- haan kyu nahi… jaa Nishu le le jo lena hai…koi jaldi nahi hai… Gol gappe bhi kha lena…
Nisha ne ek baar bhi mana nahi kiya aur chal di Karan ke peechhe peechhe… uski dhadkane dhaunkni ki
tarah dhadak rahi thi…Prachi ke chehre par vijayi muskaan thi aur vo kone me rakhe teli phone ki ore
badh gay… kahi ka no lagaya aur boli…
Prachi-- hello… kaam ho gaya… abb aage kya karna hai…
Udhar se badi hi pahchani awaaj goonji jo gudiya ki khushi kam Kilkaariyan thi…

Gudiya-- yippiiii… thanks Prachi di… ab bas last wala kaam aur kar dijiyega…uske baad Nisha di ko pata
chal jayega ki vo Karan bhaiya ke baare me kya sochti hain…

Prachi-- bas bhi kar pagli…itni bhi tarif naa kar… meri dost nahi hai kya Nishu… jo bhi kiya vo to mera farz
tha .…

Gudiya--haan di … aap bahut achhi dost ho unki tabhi to aap ka jaane ka mann nahi tha phir bhi mere
kahne par Dilli jaane ki planning ki aapne…

Prachi-- Bas bhi kar chhutki … exam to thi hi naa… poori koshish karungi ki last wala plan bhi safal ho
jaye… chal abhi phone rakhti hoon…

Phone rakh kar Prachi ne tasalli ki koi sun to nahi raha tha baat ko…Khair Prachi aur Gudiya ki baat cheet
ko koi bhi nahi sun paya tha…

Udhar Karan aur Nisha jab hotel ke baahar bike tak pahunche …Karan ne bike parking se nikali aur Nisha
ko baithne ka ishara kiya…Nisha ne pahle khadi hokar thodi der socha uske baad Karan ke peechhe baith
gayi… dono ke beechh kafi doori thi…thand ki badli wali dopahar me Dilli ghoomne ka majja hi kuchh aur
hai…todi door chalne ke baad Karan ne poonchha…

Karan-- kya khareedna hai Nisha…

Nisha-- aa…amm…mujhe pen …haan pen khareedna hai…

Nisha ne haklate huye jawaab diya to Karan muskuraaye bin nahi rah saka…

Karan-- okk ji…

Karan Nisha ko lekar ek park jaa pahuncha… Nisha bina kuchh bole bike se utar kar seedhe park ke gate
ki taraf chal di…Karan ne bike khadi karne ke baad paani ki bottle khareedi aur Nisha ke saath park me
tahlne laga… dono hi khamosh the par dhadkno ka shor dono hi ko pareshaan kiye huye tha…Karan ne hi
baat shuru ki…
Karan-- exam ki taiyari kaisi hai…

Nisha-- kuchh khas nahi hai… bas jo bhi pahle padha tha usi ke bal boote par chali aayi hoon exam
dene…

Karan- hmmm… koi nahi sab badhiya hi hoga bas khud par yakeen rakho…vaise bhi Tum kuch bhi kar
sakti ho…

Nisha ne Karan ki baat ka reply nahi kiya balki jhuki huyi najron ko ek baar utha kar Karan ki ore dekha
aur vapas jhuka li…Nisha ke honthon par aaj Karan ko puraani waali smile dikh rahi thi…Karan uski iss
ada par vapas fidaa hota jaa raha tha…dono kafi der vahan baithe rahe … Karan chup chap Nisha ko
dekhe jaa raha tha aur Nisha dupatte ke chhor ko kabhi ungli me lapet ti to kabhi kholti…Karan ne ghadi
dekhi aur bola…

Karan -- abb chalna chahiye … tumhari exam hai kal…

Karan ne Nisha se bade udaas hokar kaha…

Nisha-- mujhe gol gappe khane hain…

Nisha ne haule se kaha to Karan uski iss adaa par bhi mar mitaa…

Karan-- okk …chalo khate hain gol gappe…

Karan aur Nisha jaa pahunche golgappe khane par usse pahle Karan ne Nisha ko pen to dilaai hi sath hi
ek khoobsurat si saadi bhi dilaayi… aur sabse achambhe ki baat ye thi ki Nisha ne ek bhi baar mana nahi
kiya lene se… Karan aaj apni muhobbat ko mahfooj sa mahsoos kar raha tha…aaj usko yakeen ho gaya
tha ki uski hamrahi aa chuki hai uski jindgi me…

Gol gappe Nisha aur Karan ne ek hi plate se khaaye kyu ki Karan ke Ek haath me shopping bags the…uske
baad chal pada Karan Nisha ko hotel lekar…vaapas laut te wakt Nisha tjoda sa free ho gayi thi Karan se…
usse baatein karte hiye aayi…Hotel pahunchne par pata chala ki vahan Karan aur Nisha ka intajaar ho
raha tha vo bhi badi bechani se…Samraath ne Karan ko uske ghar baat karne ke liye kaha… Karan ne
apne ghar call ki aur behadd pareshaan ho gaya…

Karan ko pareshan dekh Nisha bhi pareshan ho gayi… Karan ka utra hua chehra dekh kar Samrath se
boli…

Nisha-- kya baat ho gayi bhaiya ??kuchh pareshani hai kya ??

Nisha ke chehre par chinta ki lakeerein thi…

Samrath--mujhe bhi pata nahi … thodi der pahle maa ka phone aaya tha… unhone bola ki kaise bhi karke
Karan aur uski maa ki baat karwa do… badi pareshaan hain vo ??

Nisha ne Samrath ki baat sun sahmti me sir hila diya par Aaryan ne poonchha…

Aaryan-- par Karan ke gharwaalon ko kaise pata ki Aap log yahan hai ??

Aaryan ke sawaal ka jawaab Samrath se pahle hi Prachi ne de diya…

Prachi-- kya bhaiya aap bhi… Karan jiju ki mangetar hai Nishu to dono me baat to hoti hi rahti hogi naa…
aunty ne uss hisaab se bola hoga …

naa jane kyu Prachi ka beech me bolna Aaryan ko achha naa laga…

Aaryan-- aisa kuchh nahi hai…

Nisha-- matlab

Nisha ke sath sabhi ko Aaryan ki baat atpati lagi thi…

Aaryan-- matlab ye Nishu ki kaun sa tumhari Karan se phone par baat hoti hai hai… i mean roj hoti hai…
hai naa ??

yun to ye baat Aaryan ne kahi thi par Nisha ki najrein Karan par jaakar tik gayi…Karan bhi Nisha ko dekh
raha tha… mahaul ajeeb hota dekh beech me hi Samrath bol pada…

Samrath-- vaise Karan kya baat ho gayi…kyu pareshan ho tum ??

Karan-- maa ne jald se jald ghar bulaya hai… vajah nahi batayi unhone… kafi pareshan thi…vo kah rahi
hain ki aap logon ke sath hi chala chalu…

Karan ne chintit swar me kaha…

Nisha-- haan ye bhi theek rahega varna Diwali agle hi week hai to kya pata tkt hi na mile…hai naa
prachi…

Prachi-- hmmm… sahi baat hai yaar… Karan jiju aap to hamaare sath hi chalo …Kya pata diwaali ki gahma
gahmi me tkt hi naa mile…

Sabhi ek swar me jab Karan ko sath chalne ke liye kahne lage to Karan inkaar nahi kar paaya…kyu ki un
sabhi ki baat logical thi… aur maa ka swar kafi udaas tha… to ye tay ho gaya ki parson subah Karan bhi in
logon ke sath hi chalega… Us par vapas Prachi ne ek idea de dala jo Aaryan ko achha nahi laga…

Prachi-- kal exam ke baad aap Nisha aur bhaiya ko apna flat dikha dijiyega… Nisha ko vahi to rahna hai
aakhir…

Prachi ki baat sun Karan ne Nisha ki taraf dekha to Nisha muhh fade Prachi ko hi dekh rahi thi… shayad
Nisha ko Prachi se iski ummid nahi thi…Karan ko Nisha ki haalat dekh kar hasi aa gayi…jisse Nisha jhemp
gayi…khair uske baad Karan chala gaya apne flat par …

Nisha aur Samrath Karan chhodne neeche tak gaye the… jab Nisha vapas aayi to seedhe apne kamre me
gayi jahan Prachi udaas baithi thi… Nisha ko bada achambha laga ki abhi to ye chahak rahi thi par abhi
muhh latka kar baithi hai… Nisha ne bhi soch liya ki aaj to iski pareshani ki vajah niklwaa kar hi rahegi…

Dono saheliyan apni apni kitaab haath me liye apne khayalon me gumm thi… iss baat se poori tarah
anjaan ki darwaaje par dastak huyi aur Samrath andar aa gaya… Sanrath ne inn dono ko yun dekha to
apni hasi nahi rok paya aur bola …

Samrath-- waah meri bahne kitni vikat taiyaari kar rahi hain… haath me kitaab uthane bhar se sab yaad
ho jaa raha hai… baaki unki najar kitaab me naa bhi ho to koi baat nahi… Samrath ne apni baat kahi aur
chai rakhwaa kar chalta bana… uskw baad to Nisha aur Prachi jo hasi ki poonchho mat…Prachi ka mood
theek dekh lage haathon Nisha ne uski udaasi ka kaaran bhi poonchh dala…

Nisha-- Prachi tujhse ek baat poonchhu kya ??

Nisha ne behad apne pann se poonchha…

Prachi -- tujhe kab se permission ki jarurat padne lagi Nishu… meri dosti par haq hai tera… Ek nahi tu 100
baatein poochh le paagal tujhko roka kisne hai …

Prach ne Nisha ko utne hi lagaaw se jawaab diya…

Nisha-- Prachi tu itna khoi khoi si kyu rahti hai… kya kuchh chhipa rahi hai mujhse… please bata na… badi
fikar hoti hai teri…

Nisha ne aakhir poonchh hi liya…

Prachi-- hmm mai hoon pareshaan…bahut pareshhan hoon mai… toot gayi hoon Nishu…

Prachi bilakh kar rone lagi…

Nisha-- please ro mat Prachi mujhe bata na kya baat hai…please mujhe apna samjh…

Prachi-- vajah hai Naveen…

Nisha-- kaun Naveen ?? Apni class wala to nahi…

Prachi-- haan vahi…

Nisha-- usne kya kiya… i mean vo kaiae vajah ho gaya… vo to tera achha dost hai naa…kahi tum dono
Aapas me ???????

Nisha ne ek saans me kayi sawaal kar daale…

Prachi-- hmm… sahi samjh rahi hai tu… dost se jyada the ham dono…

Nisha-- yaar tune mujhe kuchh bataya bhi nahi…

Prachi-- kya batati… tu to khud apni pareshaniyon se joojh rahi thi…

Nisha-- khair bata to sahi kya kiya tum dono ne… omg kahi kuchh " hanky panky " to nahi kar dala…

Nisha bas bolti jaa rahi thi…

Prachi-- tu hi bol le…

Nisha-- are moti gussa naa ho…mai chup hoon chal bata abhi…par detail me batanaa…

uske baad jo bhi Prachi ne bataya vo Nisha ki bhi pareshani ka kaaran ban gaya… kyu ki kahi naa kahi
Nisha ki bhi yahi kahaani thi…Prachi ne bataya ki…

Prachi-- Nishu tere khud ko ghar me kaid karne ke baad mai aur Naveen kaafi paas aa gaye kyu ki tere
bina mai akeli thi… koi dost nahi tha to mai khud Naveen ki dosti ko sweekaarti chali gai…vaise bhi uske
siva koi aur khaas tha bhi nahi dosti ke kabil… ek wakt ke baad ham dono kafi aage aa gaye…uska sath
mujhe achha lagne laga… vo pratiyogi pariksha ki taiyaari kar raha tha…to class me kam dhyaan de pata
tha… mai hi sari help karti thi uski

Hanare baare me jaane kaise meri maa ko bhanak lag gayi… khair meri thodi pooja karne ke baad
unhone papa aur bhaiya ko mera rishta lekar Naveen ke ghar bheja… par hadd to tab ho gayi jan Naveen
ke ghar waale to raji ho gaye par Naveen ne inkaar kar diya,.… use apna bhavishya bana ne ke liye wakt
chahiye tha… vaise uski job lag gayi thi par use abhi aur aage badhna tha jab dono taraf family ka
dabaaw us par pada to usne mujhe khoob daanta… aur bola apne ghar waalon ko kuchh samay rukne ko
bolo… maine sirf itna kaha ki sagayi kar lo sab ko raahat ho jayegi… varna hamara milna julna bhi band
ho jayega… to usne saaf kah diya ki itna mahaan nahi hoon mai… apna bhavishya daaw par nahi laga
sakta hoon…

Nishu mere pairon tale se jameen nikal gayi … marti kya na karti… ghar walon ke khoob haath pair jode
par mere ghar waalon ne kaha hai ki abb Naveen aaya to use beijjat kar ke bhejenge…mera rishta bhi
kahi aur tay kar diya… abb Naveen vapas mujhe bol raha hai ki mai apne ghar waalon ko bheju uske ghar
rishta lekar… abki vo inkaar nahi karega… jabki maine bataya bhi ki mera rishta kahi aur ho gaya hai… tu
hi bata kaise khush rahoon mai… Mera to chinta me sir hi fat ta rahta hai… kuchh samjh hi nahi aata kya
karu kya nai… Aaryan bhaiya bhi gussa rahne lage hain mujhse…

Prachi foot foot kar rone lagi Par Prachi ki baatein sun Nisha ki aankhon me Karan ka chehra tairne laga
… jo uski har baat par bichh jata hai…kahi vo galat to nahi kar rahi hai… kya karna chahiye use… shadi
kare ya bata de Karan ko ki padhaayi poori karne ke liye uska sahara le rahi hai vo… Nisha apna sir pakad
kar baith gayi…

Raat ko Nisha ne khana nahi khaya…Prachi ko kuchh samjh hi nahi aa raha tha ki Nisha itni kyu
pareshaan ho gayi… isi udhed bun me Nisha ki aankhein jaagti rahi… use samjh hi nahi aa raha tha ki kya
kare… ant me Karan se hi sab batane ka nirnay liya par use ab kahi na kahi khud me Naveen dikh raha
tha… vo bhi to shayad Karan ke saath yahi kar rahi thi…

Subah dono saheliyan samay par pariksha kendra pahunch gayi… Samrath chhodne aaya tha… Aaryan ki
to neend hi naa khuli thi… abhi paper me vakt tha to Samrath ne kaha mai chai lata hoon… Nisha campas
me lagi phoolon ki kyaarion me khoi thi ki uske saamne kisi ne chai ka kulhad dene ke liye haath badhaya
… Nisha uss haath ko dekh kar chaunk gayi…kyu ki vo haath Samrath ka nahi tha… Nisha ne bina upar
dekhe hi kaha " Karan aap ".…
Karan-- hmm mai… tumko kal wish nahi kar paya tha isliye aa gaya… " all the best Nishu " Itna kah kar
Karan ne ek khoobsurat pen Nisha ki ore badha diya … Nisha bas chupchaap Karan ka chehra dekh rahi
thi… use kai sawaalon ke jawaab mil gaye the… use Naveen nahi banna tha… Nisha ke iss faisle ne
behadd dilkashh muskaan uske chehre par bikher di… Nisha ne Karan ke haath se vo pen liya aur bade hi
pyaar se boli… Aap aa gaye theek kiya Karan…" mujhe jarurat thi aapki…"
Nisha aur Karan vahi khade khade chai ki chuskiyan lene lage… tabhi vaha Prachi aa dhamki aur aate hi
Karan ki taang khheenchne ke andaaj me boli…

Prachi-- oho jjiju…… aap……… yahaan……… itti subah subah……… samjhi…

" abb ti akeke jiya jaye naa " hai naa…

Karan-- hanji sali sahiba… kuchh aisa hi samjh lijiye…abb kya kar sakte hain…

Karan ne muhh banakar jawaab diya to Nisha muskura uthi…

Prachi---haaaaw… aap to bade chhupe rustam nikale…aur kyaa kyaa khoobi hain aapme…
Karan-- are chal jayengi vo bhi pata…abb kya yahi sab jaan lene ka iraada hai kya ??

Prachi-- vo sab to theek hai par ek baat bata doon meri Nishu badi moody hai……

Karan-- hmmm janta hoon aur pahle hi din se iss moodypann ka kaayal hoon…vishwaash naa ho to apni
saheli se hi poonchh lijiye…

Nisha bade dhyaan se chhed chhad sun rahi thi par apnaa naam aate hi bindak uthi…

Nisha-- oho mujhe tum dono door rakho inn sab se… vaise bhi paper ka time ho raha hai… mai chali…

Nisha ne kankhiyon se karan ko dekhte huye kaha… to Karan ne haule se jawaab diya…

Karan-- jaldi aana , mai wait kar raha hoon …

Nisha ne palkon ko jhuka kar haami bhar di aur Prachi ke sath exam dene chali gayi…bahar Karan aur
Samrath baithe baatein karte rahe… exam do paliyon me thi… khatm hote hote dopahar ho gayi thi… jab
Nisha baahar aayi to Karan ko intjaar karte paya…

Karan-- kaisa raha paper…

Nisha-- kuchh khas nahi… par jo padha tha vo to aa hi gaya …

itna kah kar Nisha aur Prachi dono ne khilkhila shuru kar diya…par Karan ki baaton ne aaj dil dhadkaane
ki kasam kha rakhi thi…

Karan-- to chalein ??

Nisha-- kahan ?

Karan-- hamare ghar

Karan haule se bola to Nisha ghabra kar Samrath ko dekhne lagi jo Nisha ke paper ko padhne me busy
tha… Nisha ke gaalon ki laali uske dil ki haalat ko bayaan kar rahi thi…Khair Karan ke flat ki ore chal diye
Nisha aur Samrath… Prachi ne jane se mana kar diya tha to usko hotal chhod diya gaya…ek ghante ke
baad vo log bank colony me pahunche… program thodi der ruk kar Karan ko sath lekar vapas jane ka tha
kyu ki kal early morning ki train thi…

Karan ka flat saaf suthra 2 Bhk ka sarkari aawaas tha… jiski safai aur sajja ko dekh kar hi Karan ki bechaini
ka aasani se andaja lagaya jaa sakta tha ki kitna bechain tha vo mehmaano ke liye…

Nisha ne poora ghar dekha bade gaur se Kewal rasoi aur bedroom bacha… Samrath aur Karan baithe the
living room me…

Nisha jab rasoi pahunchi to chai banane lagi… inn sabhi baaton se anjaan Karan Samrath se baat me
magan tha… Nisha ne chai aur pakode taiyaar kiye… aur lekar jab baahar aayi to Karan dekhta hi rah
gaya… vo pal uske liye kayi type ki feelings se bhara hua tha kyu ki usne kabhi socha bhi nahi tha ki iss
ghar me Nisha ke Kadam padenge … aur aaj Nisha apni khushi se yahan na sirf aayi balki haq se chai
nasha bhi banane lagi…

Doston pyaar karne waalon ko unke sapne behad keemti hote hain… inhi ke bal par vo banjar aur usar
me gulistan khada kar daalte hain…

Nashta karne ke baad jab Nisha bartan rakhne vaapas gayi to laut te samay last wale room ki ore mud
gayi…yaani bed room ki taraf …saare rooms se bada room tha… ek double bed tha uss room me bas…
samaan ghar me kewal jarurat bhar ka tha… koi khas grihsthi nahi jamai gayi thi par bed ke sirhaane
table rakhi thi jis par ek photo frame me Nisha ki tasweer saj rahi thi… yah indore me khinchi gayi thi…
saath me ek diary rakhi thi jis par likha tha " jindgi " … Nisha apne khayaalon me khoi huyi thi ki tabhi use
apne kandhe par ek sparsh mahsoos hua … jisse vo andar tak sihar gayi…
jaane kyu ek anjaana magar apna sa ahsaas Nisha ke badan ko mahsoos hua… kuchh behad ajeeb sa
mahaul ho gaya tha Nisha ke liye… Karan ke ghar par thi vo aur aaj pahli baar Karan ne use touch kiya
tha bo bhi ek rishte se… pukaar bhi to sakta tha vo par nahi uske yun dabe Paaw aane aur haule se
chhoone se Nisha ke mann me pyaar ka ek nanha sa ankur foot gaya… jiski mahak itni tej thi ki puraani
buri yaadein apna astitwa kho chuki thi…ek nayi Nisha khadi thi jiske dil me uska Karan basne laga tha…

Karan ne Nisha ke kandhe ko pakad use haule se apni taraf ghumaaya… Nisha ke chehre par sharm ka
gulaal apni lali bikher chuka tha… tej chalti dhadkane gawaahi de rahi thi ki aaj se vo sirf Karan ki hai… ab
Karan ka ek tarfaa pyaar unn dono ka pyaar ban chuka tha…Karan mantra mugdha sa apni madhosh
aankhon se hi Nisha ki khoobsurti ko peene laga… uski aankhein aakar Nsha ke honthn par thahar gayi…
apni chamk aur saumyta se bhare uske khoobsurat larjte labb kisi ki bhi pyaas badhane ke liye kaafi the…

Karan ko yun apne honthon ki ore takte dekh baawri ne apni aankhon ko band kar ek mook sahmati de
daali… ye sab itna achanak ho raha tha ki hamare chankya buddhi Karan aur dedh shani Nisha bhi koi
vash naa rakh paayi khud par… haar gaye dono fas gaye ek chhoti si gudiya ke plan me aur ahasaas ho hi
gaya ki ek duje se bhaag kar ab koi fayeda nai…
Karan ne jhuk kar Nisha ki palkon ko choom liya aur ahsaas karaya use ki ye hamaare sapne hain jo
bahut jald haqikat me badlne wale hain… phir uske maathe par apni muhobbat ki mohar lagane ke baad
yantrachalit se uske honth badh gaye Nisha ke honthon ki ore…par agle hi pal bahar se Samrath ke
pukarne ki awaaj ne dono ko sapno ki duniya se aaj me laakar khada kar diya…kuchh bhi ho par ab rishte
badal chuke the…Karan teji se baahar chala gaya aur Nisha use jaate huye dekhti rahi…

Nisha ko abb kamra kuchh jyada achha lag raha tha… deewaare aur bhi rangeen lag rahi thi… sapno ki
unchhayi par udti Nisha ne faisla kar liya tha abb Karan ki hone ka…thodi der me yahan se nikalna tha…
Karan ne apni packing to kar hi rakhi thi par aaj kudrat mehrbaan thi Karan par…baarish hone lagi vo bhi
bemausam… thand me baarish ka majja kewal aashiqon ko aata hai baaki aur logon ke beemaar hone ka
darr rahta hai…

Samrath ne Nisha ko bola dinner banane ke liye… abb vo log subah nikalne waale the yahan se
…Samrath tv dekhne baith gaya aur Karan chehre par manmohak muskaan liye chal pada Nisha ko rasoi
me help karne…
Nisha ne jab Karan ko rasoi me dekha to usko vapas sharm si aane lagi aur hasi bhi… vaakai Kara uske
aage peechhe ghoom raha tha… Karan ki iss bekraari par vo muskuraate huye Karan se boli…

Nisha-- kya hua Karan ji kuchh chahiye kya ?

Karan-- Nahi yaar mai to tumhari help Karne aaya hoon…

Nisha--achha ji to kya madad karenge aap meri…

Nisha ne itraate huye poonchha…

Karan-- jo kaho sab karunga.…

Karan ne Nisha ke sawaal ka jawaab usi ki style me diya…

Nisha-- are waah… pakka na.…

Karan-- Haan pakka nakchadi par par please bas shadi todne ke liye mat bol dena varna yahi khade
khade heart attack se marr jaunga…

Karan ne Nisha ke haath jodd kar banawati rone sa muh bana kar kaha par Nisha ke mann ka chhor
baahar aane laga… vaise to Nisha ne shadi ka faisla kar liya tha par uske dimaag me yahi aaya ki agar vo
ye kadam uthati to Karan toot jaata jaise Nisha tooti thi… Nisha ko to Karan ubaar laya par Karan ka kya
hota… Nisha ki aankhein chhalak gayi…sirf ghuti si awaaj nikli uski…
Nisha-- Karannn……

Karan-- Are Nishu …sorry Yaar mai to majjaq kar raha tha…please Nishu aansu nahi…

Nisha-- kafi ghatiya majjaq tha…

Nisha ne apne aansuon ko ponchhte huye kaha…

Karan-- Galti ho gayi meri maa… abb nahi karunga majjak… abb khush…

Nisha-- hmm abb kuchh theek lag raha hai…

Karan--haashhh… are haan Nisha tumse kuchh Batana tha…please bura mat maanna…

Nisha-- Are bura kyu manungi …bataiye naa …

Karan-- Nishu mai tumhare ghar se aane ke baad Vijay se mila tha … kafi der baat huyi usse meri… vo
Khud bahut badal gaya hai… Barkha ke door hone ke baad uske papa ne bhi ghar se nikal diya aur bole
hain ki khud kamaao khao…kah raha tha ki Barkha ko kaise rakh paunga jab mera koi thikana nahi hai…
tallak ke liye bol raha tha to maine kah diya theek hai mai Barkha ko bol doonga ki tum tallak ke liye bol
rahe the… maine use jhoot jhoot ka ye bhi bola ki Barkha apna garbhpaat kar wane waali hai…

itna bol kar Karan chup ho gaya …

Nisha-- aap chup kyu ho gaye Karan… phir kya kaha uss bujdil ne…

Karan-- use to pata hi nahi tha ki Barkha maa banne wali hai… vo to uchhal pada … pal bhar me uska
peela pada chehra damkne laga tha aur vo Barkha ko milne jaa raha hai…

Nisha-- kya sach me Karan ?

Karan-- haan Nisha…aur maine…

Karan Nisha ko bolne me darr raha tha…
Nisha-- kya aapne Karan.… boliye naa please…

Karan-- maine use apne ball par loan dilaane ka faisla kiya hai…Barkha ki jindgi ko bachana hai… maine
wada kiya tha na tumse…vaise bhi bacha maa baap ke bina kaise rahta hai ye mujhse behtar koi nahi
jaanta hoga… bachpann me dada dadi ke saath shahar aa gaya tha… thoda bada hua to school ke hostal
… school poora hua to Shahar aa gaya Vijay logon ke paas … jindgi ko akele hi jiya hai maine… vahan maa
tadpti thi yahan mai… mai oob gaya hoon iss akele pann se … mujhe darr lagne laga hai abb…

Karan achha khasa bhawuk ho gaya tha…

Doston bache ka swarg , uska bhagwaan uski maa hoti hai… maa ke binn naa jindgi milti hai naa jeene ka
saleeka… mamta ki chhaw jindgi ki kadi dhoop aur thapedon se sukoon ka ek matra jariya hota hai…khair

Nisha-- himmat rakhiye Karan…aap bahut achhe hain……

Karan achha khasa bhawuk ho gaya tha… Nisha uske paas khadi hokar uske kandhon ko sahla rahi
thi…aur wo apni dhun me bass bole hi jaa raha tha …

Karan-- pata hai Nishu Ek taraf baahar ka khana khane ka dil nahi karta hai… doisri taraf itna thak jata
hoon ki banane ka bhi dil nahi karta hai… kayi kayi raatein bhookha so jata hoon… Aur jab ghar jata hoon
naa to maa do teen din me hi saal bhar ka khila deti hai…din raat wo meri pasand kha khana hi banane
me lagi rahti hai aur mai khata rahta hoon .… khoob khata hoon…
Nisha-- awww… iska to ilaaj bahut asaan hai…shadi kar lo aap … Bivi aayegi to badhiya badhiya banakar
khilayegi…aur nakhre bhi uthayegi…

Nisha jhatke me bol gayi…

Karan-- aisa.…

Nisha --Karan sorry vo meri exam aur study… vo mai kya kahu…

Nisha ko jhempte dekha Karan hansne laga to Nisha bhi hansne lagi…kuchh hadd tak mahaul halka ho
gaya…

Karan-- kuchh mat kaho… jitna padhna hai padho… kitna bhi vakt lena hai lo… yahan aaogi to bhi
tumhari study ko mai jaya nahi hone doonga… tumhare sapne abb hamare sapne hai Nishu… kabhi
haarna mat… tumhara Karan tumhare saath hai…hameshaa…

Karan ki baatein Nisha ke andar gahraaiyon tak utarti jaa rahi thi…

Nisha-- Karan tum bahut achhe ho par mai buri hoon … kitna satati hoon tumko…

Karan-- uski koi dikkat nahi hai mai apna badla le lunga…

itna kahne ke sath hi Karan ne Nisha ko apne seene se chipka liya… Nisha bhi khud ko saumpti chali jaa
rahi thi… Karan ko Nisha mil gayi thi par baahar Samrath khane ki wait kar raha tha… batein karte karte
Nisha ne khana bana bhi liya tha…

Teeno ne mil kar khana khaya… Samrath aur Karan living room me sone ke liye let gaye… Nisha ne
bartano ko samhala aur bed room me jakar apne kapde utaare aur Karan ka white kurta pahan liya …
sona hi to tha… khud ko sheeshe me dekha usne to hasi choot gayi bilkul cartoon lag rahi thi… Karan ke
kurte par dhyaan gaya to ek ajeeb si uttejna bhi mahsoon huyi badan me…
Sone se pahle jab pyaas lagi to yaad aaya ki paani to laayi hi nahi hoon… Dabe kadmo se rasoi me jaakar
paani piya usne… vapas aate samay peechhe ke darwaaje par nigaah gayi… jo khula hua tha … Nisha ko
kuchh ajeeb sa laga… vo haule se gayi aur baahar dekha to dang rah gayi… behadd khoobsurat sa ahaata
aur bagicha tha… barste paani me me vo jagah jannat se kam nahi lag rahi thi…

Nisha abhi vahan ke najaaron me khoi huyi thi ki uski kamar par kisi ke haath behad saumyata se lipat
gaye aur garm saanse kandhe par mahsoos huyi … Nisha ne khud ko unn bajuon par laad diya … ye Karan
tha… usna Nisha ko apni baahon me uthaya aur use ahaate me lekar aaya… hawaa ke saath paani ki nahi
boondo ke chheete Nisha ko deewaana bana rahe the … Karan thodi der tak Nisha ka chehra dekhta
raha aur achank uske honthon ko choomne laga… Nisha iss pahle ahsaas ko mahsoos kar rahi thi…

Nisha ne apni baahein Karan ke galein me daal di…dono kaafi der aise hi khade mausam ka najaara aur
labon ki chhed khani ka majja lete rahe… Nisha ko jab thand si lagne lagi to Karan use andar le aaya aur
bed par lita diya… Nisha ki haalat bahut kharaab thi iss vakt … use khud par achambha lag raha tha … use
yun lag raha tha ki kaash ye raat kabhi naa beete…

Nisha ko litane ke baad Karan thodi der khada yun hi dekhta raha…Nisha ne aankhein band kar rakhi
thi… uski tej saanson ke saath uske seene ki uchaaiyan apne charam ko dikha rahi thi… Karan ye najara
dekh kar khud par kaaboo nahi rakh pa raha tha … Nisha Karan ke agle kadam ki pratiksha kar rahi thi
jabki Karan " Mujhe abb chale jana chahiye Nishu " bol kar wahan se teji se chala gaya… pahle to Nisha
ko kuchh samjh hi nahi aaya par agle hi pal uski hasi chhot gayi aur usne Sharmakar apne chehre ko
dono haathon se dhaank liya…

Subah 4 baje hi teeno seedhe railway station ke liye nikal gaye the… Nisha ne Prachi ko samaan laane ke
liye bol diya tha…railway station pahunche aur bhaagte huye train pakdi… Aaryan ko Karan aur Nisha ki
najdeekiyan achhi to nahi lag rahi thi par vo iss baat se bhi anjaan nahi tha ki Karan ki mangetar hai
Nisha…muhh latak gaya tha Aaryan kaa…Karan aur Aaryan sath hi baithe the… jab baaton ka daur nikla
to jaanboojh kar yaa anjaane me kuchh aisa kah gaya Aaryan jisse Karan ko gahra dhakka laga…
Dono train ke darwaaje ke paas khade the jo ki ladkon ki aadat hoti hai… usi dauraan kuchh batein nikali
jinhone Karan ko achha khasa uljha diya…

Karan-- to kaisi rahi Delhi ki visit…

Aaryan-- hmm kafi achi rahi visit Yaar … par thand iss baar jordaar padegi aisa lagta hai…

Karan-- haa bhai lag to aisa hi raha hai…upar se Delhi ki sardi to har baar jordaar hi rahti hai…thand
dekhna hai to January me aa jana…

Aaryan-- vaise ghar par sab theek to hai naa… iss tarah achank se bulaya hai apki maa ne … kuchh
vishesh…
Karan-- vahin jakar pata padega yaar… jaane kya baat hogi… vaise maa kafi emotional ho jati hain baat
baat par … kya pata sirf diwali ke liye bula liya ho…pichhli Diwali par bhi ghar par nahi tha mai… inn sab
tyoharon par chhuttiyan isi liye hoti hain jisse dooriya dilon ke beech faasle naa ban jaye…hai naa…

Aaryan-- hmm vo baat ho hai bhai … yebaat to ho sakti hai yaa phir Nisha ki maa ne bol diya hoga Shadi
ki date badhne ke liye…uss par aapki maa bhadak gayi hongi… unko to jaldi hogi bahu laane ki…

Karan-- mai samjha nahi…

Aaryan-- are aapki maa ko thodi naa pata hoga ki padhai karne ke liye bahana banaya hai Nisha ne sagai
ke liye haan bol kar…aur aapko to sab bata hi diya hai usne…

Karan-- hmm ye ladkiyan bhi naa… Nisha aur Prachi kya sari batein share karti hain…

Aaryan-- mujhe kya pata… ye baat to Nishu ne khud batayi mujhse… meri besti ban chuki hai vo…

abb Karan ka dil dukhne laga tha Aaryan ki baaton se…

Karan-- aur kya bataya apko aapki besti ne…

Aaryan-- sab kuchh… Vijay se rishta tootne se lekar Barkha ki baatein aur Aapse sagayi tak ki sab baat,
aur ye bhi ki sagayi to aage padhayi ka bahan hai isi liye wakt manga hai usne…

vaise ye to tai tha ki Aaryan ki sari baatein sach nahi thi par bechara Karan sapne bikhar se gaye…

Karan-- mujhe khushi hai ki uske paas koi hai jisse vo apni sari baatein kar leti hai… apne andar rakh kar
ghut ti nahi rahti… aap bahut lucky ho bro jo vo ap par yakeen karti hai… Bas itni si gujarish hai ki uska
hamesha dhyaan rakhna aur sahi marg darshan karna…
Karan aur Aaryan vahin khade rahe par khamoshhh.… Karan apni paristhitiyon ko kos raha tha to Aaryan
iss pashopesh me tha ki kya maine kuchh galat kah diya, ye sab kuchh to vaise bhi Nisha batane wali thi
Karan ko…thodi der yun hi khade rahne ke baad Aaryan ne Karan ko seat par chalne ke liye kaha…Karan
bujhe mann se Aaryan ke peechhe chal pada… uski duniya use sooni si lagne lagi thi…

Karan ko seat dene ke liye Nisha Prachi ke pairon ke paas let gayi thi… Prachi ne neend me shayad
kambal kheench liya tha… Nisha ko thithurta dekh Karan ne apni bag se showl nikhal kar Nisha par daal
di … Aaryan bade gaur se dekh raha tha…Aaryan pahli baar itni shiddat dekh raha tha… Ishq ke mayne
abb samjh paa raha tha bawra… Aaryan bura insaan nahi tha bas wo Ishq se anjaan tha…Prachi ke sath
huyi ghatna ne use kewal ek pahlu dikhaya tha pyaar kaa…usse nahi raha gaya …usne aakhirkaar
poonchh hi liya Karan se…

Aaryan--Karan bhai… tumko koi baat buri nahi lagti hai kya ?

Karan-- bilkul lagti hai bhai… mai bhi insaan hoon… seene me dil hai…jajbaat hain… par tum kyu poonchh
rahe ho…
Aaryan-- Nisha ki baatein sun kar bhi tumko usse nafrat nahi huyi…kya abhi bhi tum usse shadi karoge ?

Karan--Nafarat ki jagah nahi hai mere dil me…aur Nisha se to mai khwaab me bhi nafrat nahi kar sakta
hoon… mai Nisha se tab se pyaar karta hoon jab se vo mere liye Sirf khwaab thi… use pana meri chahat
hai jidd nahi… kyu ki mai jaanta hoon vo koi khilauna nahi hai… jeeti jagti insan hai… mai uski hasrat
rakhta hoon par sath hi ye bhi chahta hoon ki milan me uski marji shamil ho… mujhe kisi ki bebsi nahi
banna hai Aaryan… mujhe chahat banna hai…

Karan ne Aaryan ki baat ka jawaab diya to Aaryan ko badi dilchaspi jaag uthi iss dhai akshar me…

Aaryan-- to agar mai ye kahun ki sach to ye hai ki Nisha ki khushiyan sirf tumhare sath safe hain to…use
har koi nahi samjh sakta… har koi nahi de payega use aazadi…

Aaryan ne sau take sahi baat poonchhi thi…

Karan-- Nisha ek samjhdaar ladki hai… use apna bhala bura pata hai… mai uska saath doonga jab tak vo
chahegi… yaar mujhe ishq hai usse ,use ho naa ho koi fark nahi padta mujhe… vo meri jindgi me shamil
ho naa ho par meri hasraton ki duniya ki bhagwaan hai vo… poojta hoon mai use… saat phere ho naa hi
uske sath par meri pahli chahat hai vo… uski jagah kabhi koi nahi le sakta hai…aur uske saath bura mai
hone nahi doonga…aag laga doonga duniya ko agar meri Nishu aah bhi nikli to…

Aaryan-- buddy aaj tumhari soch ne meri soch badal di… kitna khoobsurat hota hai ye pyaar bhi… mujhe
tumhari help chahiye kisi ki life set karne ke liye… karoge kya ?

Karan-- kyu nahi… mujhe khushi hogi agar mai doston ke kaam aa sakuga to…
Iske baad Aaryan ne Prachi ke bare me sab kuchh bataya Karan ko aur usse salaah maangi aur madad
bhi… jise Karan ne khushi khushi sweekaar kar liya… Karan ka chehra utara hua tha… vo dukhi mann se
so gaya… uske sone ke baad Nisha jagi shayad use wash room jana tha… Aaryan ko sath chalne ke liye
kaha usne kyu ki baaki sab to so rahe the…jab Nisha vapas aane lagi to usne dekha ki Aaryan khoya sa
door ke paas khada bhagte huye wakt me peete chhot te huye stations ko dekh raha tha…Nisha ne pahli
baar Aaryan ko serious dekha tha… uski hasi chhooot gaya…
Nisha-- ohh my god… aaj suraj kaun si disha se nikla tha Aaryan… aap aur chup ho…
Aaryan ki taang kheenchi Nisha ne…

Aaryan-- aaj mera parichay sachi muhobbat se hua hai Nishu… dekh liya maine sabse bade aashiq ko…

Nisha-- tumhara dimaag to theek hai naa… kaisi bahki bahki baatein kar rahe ho…

Aaryan-- aaj mera dimaag bilkul theek hai Nishu… aaj mai daave ke sath kah sakta hoon ki muhobbat kya
hoti hai…
Nisha-- ooo mr fakeera… aisa kaun mil gaya yahan… mujhe to koi najar nahi aa raha…
Aaryan ne Nisha ki baat ka jawaab bol kar nahi ungli ke ishare se diya… wo Karan ki taraf ungli dika raha
tha… Aaryan ka ishara samjh kar Nisha sharmaa gayi aur samarthn me apni palkein jhapka di…Karan inn
sab baaton se anjaan bas ghode gadhe bench kar sota raha …aur uski nakchadhi pari uske masoom
pyaar me doobti chal gayi…

Kohre ki vajah se train nirdharit samay se teen ghante ki deri se chal rahi thi… bhookh se Nisha ki haalat
kharab ho gayi thi… sath me kuchh liya nahi tha aur koi dhang ka station kaafi der se aaya nahi tha…jaise
taise ek sration par samose aur chai mili…vo bhi Aaryan ki teji se varna mushkil hi tha…nashta karke
sabhi khamosh baithe rahe jab tak ki unka station nahi aa gaya…jitne dimaag utni hi tarah ki baatein chal
rahi thi unme .…

Samrath soch raha tha ki aakhir Karan ne Vijay aur Barkha ke mamle me apna kaam to kar diya abb aage
kya karna uchit rahega …vahi Aaraya jald se jald apni bahan ka daaman khushiyon se bhar dena chahta
tha…Karan aur Nisha ke dimaag me Karan ke ghar se aayi phone call naach rahi thi…railway station se
sabhi ne apne apne ghar jane ke liye vida li… Karan ko abb yakeen ho chuka tha ki Nisha uska use kar
rahi hai apne sapno ko poora karne ke liye… usko koi aaptti bhi nahi thi isme…

Nisha jab ghar pahunchi to sabhi usse bade pyaar se mile…Use bhi yun lag raha tha jaise saalon baad
aayi ho ghar me…ek baat jo gaur ki Nisha ne vo thi Gudiya aur Mansi ke chehre par ek vishesh tarah ki
muskaan … Nisha ko uska matlab samjh nahi aaya …

Udhar Aaryan ko apna phone no dekar aur uski problem solve karne me help karne ka waada kar Karan
apne ghar pahuncha… Karan ghar pahunchte hi sari pareshaniyan bhool gaya…maa papa ke sath sath
Dadi bhi bechaini se intjaar kar rahi thi Karan ka…maa aur dadi ke pyaar ka aanchal jab uske sir par
padda to sare gamm khud ba khud astitva viheen ho gaye…Aur kyu naa ho … jisne Karan ki ungli pakad
kar chalna sikhaya tha wo samne thi raah dikhne ko…vaise bhi maa naam ki raani pari ke paas sari
mushkilon ke niwaran ki chabhi hoti hai…

Maa ke pyaar aur PaPa se mil kar Karan bilkul tarotaja ho gaya… aur dadi ki baaton me to thodi der ke
liye Karan ye bhi bhool gaya tha ki use wahan kyu bulaya gaya hai… jab achank yaad aaya to poonchh
baitha…

Karan -- maa vaise aap itni pareshaan kyu thi… kyu aise achanak se bulaya mujhe ??

Karan ne apni baat kahi to maa ne jawaab bada anokha diya… jo har maa deti hai aisi situation par…

Maa-- kyu kya ham log bina kaaran tujhe nahi bula sakte hain ?

Karan-- kya maa aap bhi… aap log bolo to naukari chhod chhad kar hamesha yahi aakar bas jaaun…
aapke haanth ke garam garam khana khane ke liye taras jata hoon…

Karan vatslya me sarabore ho utha tha…

Dadi-- kuchh to sharm kar… ghode jaisa ho gaya hai… kitna kaam karayega maa se apni… are use bhi
sukoon ki do roti khane de…

dadi logo ka pasandeeda paintra…

Karan--Are ye kya bol rahi ho dadi… maine kya kiya… maa aap bolo to mai banata hoon khana…jo kaho
vo bana kar khilaunga…

bechare Karan ko aane waale khatre kaa andaja bhi nahi tha…

Dadi-- tu kyu banayega ?? Tujhe kya lagta hai teri maa tujhse banwa kar khayegi……

Dadi poore mood me lag rahi thi…

Karan-- dadi aap baaton ki jalebi naa banaiye… please bataiye kahna kya chah rahi hain aap…

aakhir fass gaya jaal me bechara machhlaaa…

Dadi-- bahu laa de apni maa ke liye…

Dadi ne bomb diwali se pahle hi fodd diya…

Karan-- maa…

Karan ne apne bachaaw ke liye maa ko pukaara…

Maa--theek hi to kah rahi hain maa ji… jab tu wahan bhookha so jata hai to kya teri maa ko pata nahi
chalta hoga… maa hoon teri … meri mamta ko teri har khabar lag jati hai…

maa ne bhi Karan ko senti kar ke mentel kar diya…

Dadi-- waise bhi mai abb jyada din chal nahi paaungi… meri antim chaah teri dulhan ko dekhne ki hai…
ho sake to poori kaar de…

dadi ne brahmastra chhod di jo aaj tak kabhi kisi case me fail nahi huyi hai…

Karan-- dadi please ye jaane wali Baat naa karo …

Dadi-- kya mere liye itna bhi nahi kar sakta hai tu…

Karan-- aap logo ke liye meri jaan bhi hajir hai dadi… par…

Dadi-- chal Karan ki maa… phone laga kar sab fix kar … pahle muhurt me hi mai apne lalla ki shadi
karungi… Safal ho gaya jeewan mera, khush raho mere bache… apni boodhi dadi ka maan rakha mere
laal ne…

Karan buri tarah fas chuka tha apni dadi aur maa ki baaton me…wahi sir pakad kar baith gaya…uske
aakhon ke samne Nisha ka gusse se laal chehra ghoom gaya…abhi kya kare kya naa kare me uljha hi tha
ki darwaaje par par khade mahoday ko dekh uchhal padda…
samne Vijay khada tha… Karan ko apni aankhon par yakeen nahi ho raha tha… usne socha bhi nahi tha ki
wakai me Vijay par uski baaton ka itna prabhaw padega ki vo apni patni ( barkha) se milne turant aa
jayega… par Karan ko ye hairat thi ki Vijay yahan kyu aaya hai…Karan kafi garmjoshi ke sath mila Vijay
se…
Karan-- Vijay mai bata nahi sakta ki mai kitna khush hoon yaar… bilkul sahi faisla kiya hai tune mere
bhai…

Vijay-- vo sab to theek hai Karan par kya Barkha mujhe maaf karegi…darr lag raha hai ye sochkar…

Karan-- tu pashchataap ki aag me jal raha hai agar ye mai dekh sakta hoon to Barkha to teri bivi hai
yaar…kuchh mat soch mere bhai… nayi jindgi naye mehmaan ke saath tum dono ka swagat kar rahi hai…
jee le iss pal ko bhai… beeta hua kuchh bhi vapas nahi milta…sirf malaal rah jata hai…wakt rahte samhal
jana hi buddhimaani hai…

Karan ki baaton me behadd apnapann tha…

Vijay-- mai bhagyashali hoon ki tu mera dost hai Karan… meri jindgi ko bacha liya tune yaar…

Vijay ki aankhon ke kore bheeg gaye…

Karan-- vo sab to theek hai par tu yahan kaise ? Tujhe to Nisha ke ghar jana tha na … Barkha wahi hai…

Vijay-- mujhe akele Nisha bhabhi ke ghar jane me sankoch ho raha tha … isliye tere sath jana chahta
hoon… dadi ne bataya ki tu aaj aa raha hai to mai bhi aa gaya…

Karan-- chal koi baat nahi … theek kiya yaar… par Nisha ko abhi bhabhi nahi bolega to bhi chalega…

Karan ne behadd sanjeeda hokar kaha…

Vijay-- bolna to hai hi to kyu naa aaj se hi shuru kar doon… hai naa dadi…

Vijay ne dadi ka rukh kiya…

Dadi-- bilkul beta… vaise bhi jyada din naa bache hain meri Jindgi ke kya jane kab tak hoon tum logo ke
saath…

dadi ka emotional atyachaar…

Karan-- dadi jo dil me aaye kariye par baar baar ashubh mat boliye…

Karan bechara… dadi ke pyaar ka mara…

Vijay-- hmm kya pata kab jabaan par sarawati maa viraji hon … aur aap ki manokamnaa purn kar dein…

Vijay ne dadi ko hi dara diya…

Dadi-- chup kar nahi to …

poora ghar thahakon se goonj raha tha… perfect najaara… bade dino ke baad sabhi ikatthe khaa pi rahe
the… mauj kar rahe the… Karan ne Samrath ko bata diya tha ki kal vo Vijay ko lekar aa raha hai…

Karan bade dino ke baad apna gaaw ghoomne nikal pada ,Vijay bhi saath tha… bada sukoon tha taji
hawaaon me… apni raftaar me bahti , itraati nadi aur khoobsurat pedon ki kataarein manmohak lag rahe
the… jaane kyu Karan ki aankhon ke samne Nisha ka chehra ghoom gaya… uss raat barish ko dekh kar
uska machlna … Karan ko Nisha ka wo kurte wala roop yaad aaya to dil me ek tees si uthi…

Udhar Nisha ke ghar Karan ka phone aane ke baad sabhi bahut khush the siva Barkha ke… Nisha ko
bahut wakt laga Barkha ko samjhane me… khair samjhna hi pada Barkha ko kyu ki jidd ka koi arth najar
nahi aa raha tha…sabhi baat hi kar rahe the ki Gudiya ne apni maa ko bulaya aur bataya ki Karan jiju ke
gaaw se pandit ji aur unke papa aaye hain… Nisha awaak sabhi ko dekh rahi thi… use kuchh samjh hi nai
aa raha tha…Gudiya jaise hi wapas aayi Nisha ne use bulaaya par Gudiya chhat ki ore bhagi…Nisha
peechhe peeche chal di… chhat par bane apne kamre me Gudiya baithi thi… wo kafi emotional lag rahi
thi…Nisha ko dekh wo chaunk uthi…use ummeed nahi thi ki Nisha aa jayegi
Gudiya-- Are di aap… yahan ??

Gudiya ne chaunkte huye kaha…

Nisha-- tu aise chaunk kyu rahi hai… kya mai tere kamre me nahi aa sakti hoon ?? aur tune muhh kyu
latka rakha hai gudu ? Di se kuchh chhipa rahi hai ?

Nisha ne bade pyaar se poonchha…

Gudiya-- nahi mera wo matlab nahi tha…aap bilkul aa sakti ho di…aur mai kuchh bhi nahi chhipa rahi
hoon … aapko aisa kyu laga ?

Gudiya ne hi sawaal daag diya…

Nisha-- Khair vo sab chhod aur ye bata ki pandit ji kyu aaye hain ?

Gudiya-- Barkha ki widaayi ke liye time batane… kyu di, kya laga aapko ?

Gudiya ne muskuraate huye poonchha to Nisha jhel gayi…

Nisha-- kuchh bhi nahi laga mujhe…tu jyada dimaag mat chala… jaa teri gudiya se khel…

Gudiya-- di ek baat punchhu ??

Nisha-- hmm punchh naa ?

Gudiya-- dilli me khoob ghoomi…

Nisha-- nahi… thoda bahut,

Gudiya-- Wo sadi kiske liye laayi ho di ? Maa ke liye yaa bhabhi ke liye…

Nisha-- na…nahi … wo saadi to Karan ji ne gift ki hai…

Gudiya-- oohhhhh… badi pyaari sadi hai… aur haan di wo kurta kiske liye layi ho ?

Nisha-- hainn tu samaan kyu khojti hai mera…wo kurta Karan ji ka hai… galti se aa gaya hoga…

Gudiya-- huppp… di unka kurta galti se kaise aa sakta hai ? Mujhe buddhu naa banao…

Nisha -- are nahi yaar wo raat ko…

Nisha ki baat poori hone se pahle hi Mansi shuru ho gayi…

Mansi-- raaaat ko … raat ko kya kiya tumne Nishu…haaye raam kuchh ulta sulta to nahi kar liya tune
jamaai sa ke sath…

Mansi full drama ke mood me thi…

Nisha-- Pagal ho kya bhabhi…kuchh bhi bole jaa rahi ho…yaar meri bhi to suno…

Nisha ke to hoshh hi udd gaye the…

Mansi-- abb bacha hi kya sunne ko… kaan band kar le Gudiya warna tu bhi bigadd jayegi meri bachi…

Gudiya pahle to Mansi ki baat sun kar chaunk gayi thi par Mansi ka majakiya andaaj dekh wo bhi masti
me sarabore karti rahi mahaul ko… Nisha pair patkti huyi neeche aayi to maa ne bataya ki kal subah Vijay
ko lekar Karan aa raha hai… jahan ek taraf Nisha ko Vijay ka naam sun gussa aaya to wahi doosri taraf
Karan kaa naam uss gusse par raahat fer gaya…ye ahasaas pahala aur behadd khas tha… Nisha ke chehre
par behadd pyaari muskan tair gayi…

Doston pyaar ke baare me ye baat bilkul sahi hai ki jindgi ki kadi dhoop me pyaar ki narm chhav badi
raahat deti hai… pyaar kabhi jeene ka sahara bann jata hai to kabhi saflta ki kunji… aneko tarah se ye
pyaar hamaari jindgi me rang bharta hai… isi pyaar ka ek rang hota hai virah jisme filhaal Karan jal raha
hai…

sach to ye hai ki Karan ko yakeen ho gaya hai ki Nisha uska istemaal kar rahi hai par dil hai ki dooba jaa
raha hai uss magroor ke ishq me…abb to yun lagta hai ki muhobbat ke liye ye jindgi kam padegi …

Dil mein sanam ki surat,

aankhon mein aashiqui de !!
Mere khuda mujhe tu ek aur zindagi de, ek aur zindagi de!!

Kaise karoon mohabbat ,

do din ki zindagi mein !!
Yeh din to beet jaayenge ,
yunhi hasi hasi mein !!
Jee bharke pyaar kar loon,
aisi mujhe khushi de !!

Mere khuda mujhe tu ,

ek aur zindagi de !!
Naa jaane kyu Aaj ki raat do jodi aashiquon ke liye kaafi bhari ho chuki thi… naa hi dil me chain ka pata
tha naa hi aankhon me neend ka … agar kuchh tha to deedar ki talab…par raat gujar hi nahi rahi thi…Bua
aur fufa ji bhi aa pahunche the…Nisha ki maa aaj garv se fooli nahi sama rahi thi kyu ki bua ji jab se aayi
thi Nisha aur Karan ke shubh rishte ke gun gaan kar rahi thi…

Doosre din Nisha ke ghar ka najara hi alag tha… rasoi ghar se aane wali vibhinn pakwaano ki khushboo
me poora ghar sarabore tha…ghar me hone wali taiyarion ko dekh ek taraf Barkha kabhi khushi kabhi
gusse ke bhawo me uljhi thi to doosri taraf Nisha ka gora chehra rah rah kar gulaabi ho ja raha tha…

dopahr hote hote Nisha naa jane kitni baar Utawali hokar chhajje se bahar dekh chuki thi …2 baje ke
kareeb Karan aur Vijay aa gaye the… kaafi der tak to fufa ji aur Nisha ke papa unn dono se ahaate me hi
baat karte rahe…thodi der baad Vijay to andar aaya par Karan baahar se hi thodi der baad aane ka kah
kar chala gaya… kisi ko bhi samjh nahi aaya ki Karan kahan gaya…

Vijay aur Barkha ke beech sab theek ho chuka tha…widai ki tithi kaa bhi nirdharan ho chuka tha…Vijay ne
khana khaya par Karan ka koi pata nahi…Nisha gumsum si har aahat par darwaaje ko taak rahi thi… uski
sthiti se sab anjaan the siva chhoti si bahan Gudiya ke…Gudiya to thahri shaitani ki potli… wo bhala
kahan chup rahne waali thi…

Gudiya-- Kya hua di… kahan khoi ho… dekho naa jiju aaye to ghar me kitni raunak aa gayi hai… kaash
ghar yun hi hara bhara rahe…
Gudiya ne Nisha ka chehra dekhte huye kaha to Nisha charon taraf dekh kar boli…

Nisha-- kahan hain wo ?? Aa gaye kya ?

Gudiya-- kab se aaye hain di aapka dhyaan kidhar hai…

Gudiya ki baat sun Nisha ne daud kar haal me parde ki ote se jhanka to wahan Vijay aur Barkha baithe
the…
Nisha-- ye kya majjaq hai gudu… ye to Vijaya ji hain…

Gudiya-- haan di… unki hi to baat kar rahi thi… are aap ne kya samajh liya…
Gudiya ki baat ka Nisha ne koi jawaab nahi diya…bas niraash lag rahi thi… Gudiya ko achambha ho rha
tha " prem ke dhaai akshar " par jisne Nisha jaisi kathor ladki ko pighla kar mom bana diya tha …raat ke
kareeb 08:00 baje Karan aaya… baahar se hi Nisha ke maa - papa se milkar Vijay ke sath wapas chala
gaya…Nisha tadap kar rah gayi…vo Karan ko bas door se dekhti rahi…usne bhi Nisha dekha … Khamosh
najro se aur chala gaya…

Tere khamosh honton par mohabbat gun-gunati hai…..

Tu meri hai, main tera hoon, bus yehi aawaz aati hai…

Sab kuchh raji khushi nipat jaane ke baad ghar ke sadsyon me hasi thitholi shuru ho gayi… bade dino ke
baad aaj sab kuchh theek tha… par tabhi Nisha ki maa ne Nisha ko kamre me bulaya aur kuchh kaha jise
sun kar Nisha ke chehre ka rang hi badal gaya…
darsal Nisha ki maa ne Nisha se kaha ki…

Maa-- Nisha jab tu nahi thi yahan to Karan ki dadi ka phone aaya tha…

Nisha ki maa ne chintit hote huye kaha…

Nisha-- kyu maa ?

Maa-- beta kah rahi thi ki unki tabiyat aaj kal bahut kharaab rahti hai… isiliye Karan ko bhi bulwaaya hai
unhone…

Nisha ki maa apna vakya poora karti usse pahle hi Nisha ne sawaal daag diya…

Nisha-- koi ghabraane waali baat hai kya maa…

Maa-- beta kafi boodhi ho gayi hain wo …Unke pati yaani Karan ke dada ji ka dehant to pahle hi ho gaya
tha… abb unka bhi swasthya theek nahi rahta shayad isiliye Karan ki shadi ki jid kar baithi hain…Karan ke
gharwaalon ki bhi yahi marji hai…

Nisha-- Maa…shadi… itni jaldi… par exams ka kya… Karan kya kah rahe hain maa… unki kya marji hai…

Nisha ke chehre ka rang hi badal gaya…

Maa-- Unn logon ko tere shadi ke baad padhne likhne se koi aitraaj nahi hai… Karan lachaar hai … abb
kaun chahega ke unke bujurg ka sapna poora naa ho…duwidha me hai shayad wo… isi liye andar bhi nahi
aaya… Uske liye to sabhi barabar hain naa…

Nisha-- par maa…

Nisha ki aankhein chhalak uthi aur wo bebsi me aage badh kar apni maa se lipat gayi…
Maa-- ro kyu rahi hai pagli… tera ghar wahi hai beta…Karan ne tere anurodh ko maan kar tujhe tere
mann mutabik chhoot diya tha naa… abb tu apna dharm nibha aur use ubaar laa iss pashopesh se…

Maa ki baat ne Nisha ke mann me ghar kar liya aur wo sirf itna bol kar apne room me chali gayi…

" jaisa aap log uchit samjhe "

Gudiya aur Barkha chhip kar baat sun rahi thi… unn dono ko to yakeen nahi hua ki Nisha ne haan bol
diya… Gudiya ka plan ek baar fir work kar raha tha par Gudiya ko iska malaal bhi tha ki Nisha upset
hai…Gudiya chup chaap teliphone ke paas gayi , kisi ko call lagaya aur boli…

Gudiya-- meri di ne haan bol diya shadi ke liye… par wo udaas hain… mujhe achha nahi lag raha hai …
Kahi ham unse jabardasti to nahi kar rahe hain…kahi ham kuchh galat to nahi kar rahe hai …
Gudiya ne jab dukhi swar me ye baat kahi to doosri taraf se dadi ka Vatslya ( love) se bhara swar
ubhraa…

Dadi-- hamne kuchh galat nahi kiya beta … vaise bhi jis jhoot se kisi ka ghar basta hai wo jhooth nahi
hota hai…tu naahak pareshaan ho rahi hai waise bhi bimaar to mai hoon hi naa…kya pata ishwar mere
liye hi ye karwa raha ho…

Gudiya-- haan dadi baat to aapki sahi hai…par aisi baatein apne baare me mat kahiye… bhagwaan aapko
lambi umra dein…

Gudiya emotional ho gayi thi…

Dadi-- to rona dhona bas kar aur khushiyan mana…teri di ki shadi agle mahine hi hai…

dadi khushi ke maare bachon si chahak rahi thi…

Gudiya-- agle hi mahine…okk dadi…mai phone rakhti hoon … shopping ki list bana loon…

Gudiya ki baat sun dadi aur gudiya dono khilkhila padi…

Doston pyaar aur kismat ka naata bada gahra hota hai… samanyatah jo log kismat ko nahi mante wo bhi
pyaar hone ke baad kismat ko kosne ya sarahne lagte hain … Karan aur Nisha ki bhi kismat ne karawat le
li thi… Karan ka ek asambhaw sa dikhne wala sapna sach ki dahleez par khada tha…hai naa kismat ki
baat…

Dono pariwaaron ki Diwali mast biti aur dekhte hi dekhte Karan ke dilli jane ka wakt kareeb aa gaya…
Gharwaale Karan par visfot karne ke liye taiyaar the… jab Karan jaane laga to suna diya gaya farmaan…
shadi ki date fix ho rahi hai… 29 Dec ki… Karan ko to apne kaano par yakeen hi nahi hua…uske to tote
udd gaye…
Karan-- Shadi … wo bhi agle mahine … aap log poori tarah khisak gaye ho kya…mujhe nahi karni shadi
waadi …aap log abb galat kar rahe ho…

Karan bolta hi chala gaya… agar dadi beech me naa bolti to uske chup hone ke aasar hi nahi lag rahe
the…

Dadi-- beta pahli baar "kuchh" maanga hai tujhse … nahi poori karega ichha apni boodhi dadi ki …

Karan-- ye " kuchh " hai… jee nahi dadi amma ye sab " kuchh " hai… mai nahi aane waala apne jaal me…

Dadi-- maan jaa mere laal…

Karan-- mai koi laal peela nahi hoon…agar aap itni jaldi karne ko bologi to mai kabhi bhi nahi karunga…

Dadi-- to mai teri dulhan ka muhh dekhe bina marr jauin…

Karan-- kya dadi wapas emotionaly black mail karne lagi… uski exam to ho jane do…

Dadi-- bas yahi samsya hai ?? Koi aur baat ho to doosri ladki dekhun ?

Dadi ki ye doosri ladki waali baat se Karan ko jordaar jhatkaa laga… usne kabhi socha hi nahi tha kisi aur
ko iss jagah par… khair Karan ne ye soch kar haan kar di ki kaun sa Nisha maan jaayegi par agla jhatka bhi
ready tha… Nisha ne bhi haan kah diya tha… Karan ko samjh hi nahi aa raha tha ki wo kaise react kare…
Nisha uski samjh se bilkul pare ho chuki thi…
Karan delhi jane ke liye apne gaaw se Nisha ke town ke liye nikal pada… Karan pareshaan to tha par
Nisha se apni shadi ko lekar khasa utsahit bhi tha … kuchh gudgudi si ho rahi thi… par ye sab theek vaise
hi lag raha tha ki pakwaan paros diya gaya hai aur bechara bhookha banda use kha bhi nahi sakta
hai…par iss dil ka kya kare… yeh to Nisha ke naam se apna naam judne par hi balliyon uchhal raha tha…
wo kahte hain naa doobte ko tinke ka sahara … par rah rah kar Karan ko Nisha ki baatein yaad aati thi
aur wo udaas ho jata tha…

Doston kisi ne sach hi kaha hai ki pyaar khone - paane ka naam nahi hai ye to wo ahsaas hai jo sadaiv dil
ke paas rahta hai aur ise rooh se mahsoos kiya jata hai…pyaar behad masoom sa alfaaj hai …ye kabhi
sacha aur jhootha nahi hota hai log sache aur jhoothe hote hai…aur apni galtiyon ko " jhootha pyaar "
jaisi wahiyaat shabdon se Chhupate hain…

Nisha apne aur Karan ki aane wali jindgi ke khayaalon me khoi thi tabhi maa ne awaaj dekar bataya ki
Prachi aayi hai… Prachi ka naam sunte hi Nisha ko raahat mahsoos huyi kyu ki wo khud ko sabhi ke
beech bhi bahut akela mahsoos kar rahi thi… aur aisi paristhiti me kewal dost hi sahara hote hain…Nisha
aur Prachi bade pyaar se gale mili,Nisha Prachi ko apne kamre me le gayi…thodi der idhar udhar ki baat
karne ke baad Prachi Nisha ke paas khisak aayi aur boli…
Prachi-- Nisha Thank you yaar…

Prachi ne Nisha ka haath apne haathon me lekar kaha…

Nisha-- ye bhala kis khushi me…

Nisha ne hairaani se poonchha…

Prachi-- Karan jiju aur Aaryan bhaiya ne Naveen aur mera rishta fix karwa diya…Karan jiju mere ghar
aaye the Naveen ko lekar … mere papa aur maa ko Karan jiju aur Aaryan bhaiya ne samjhaya… Naveen
ne bhi mujhse aur mere papa se sorry bola… aur abb ham dono ki shadi fix ho rahi hai,

Ye baat batate huye Prachi ka chehra gulaabi ho gaya tha…

Nisha-- Achha to uss din Karan tere ghar gaya tha…

Nisha ko samjh aa gayi uss din Karan je gayab rahne ki vajah…

Prachi-- hmmm…

Nisha-- aur teri padhai… kya tu apni padhai chhod degi…

Nisha ne apni pareshani ki tulna Prachi se karni chahi…

Prachi-- kisne kaha mai padhai chhod doongi… Are mere jiju ki nakchadhi pari jamaana badal chuka hai…
abb hamari padhai me hamaare sasuraal wale bhi support karne ko hamesha taiyaar rahte hain… mai
shadi ke baad bhi apni padhai jaari rakhoongi…

Prachi ne Nisha ki aadhi se jyaada pareshani door kar di thi…

Nisha--- wow Prachi mai bahut khush hoon there liye…bhagwaan kare tu aur Naveen world ki best jodi
bano…

Nisha bahut khush ho gayi thi achanak…

Prachi-- best to teri aur Karan jiju ki jodi hai… tum dono sath me bahut achhe lagte ho… bilkul
perfect…haan tere baad meri aur Naveen ki hai…

Pal bhar me Nisha ki saari chinta dosti ki garmi me pighal gayi… aur chha gayi khilkhilat…
Karan ne bahut koshish ki halaat ko samhalne ki par uske dimaag ko kaise bhi karke raahat nahi mil rahi
thi… Aakhir kaar haar kar usne station se Nisha ke ghar call laga hi li… har baar ki tarah call Nisha ki maa
ne uthaya… unki awaaj sun kar pahle to Karan ki bolti hi band ho gayi par agle hi pal Karan ne saare
saahas ko ikattha kiya aur bol hi diya Nisha ko bulane ko…vaise bhi jab " Chahat ka mamla ho to dilon ke
hausle dekhne layak hote hain… "
Nisha ki maa ne bade hi pyaar se baat ki Karan se… wo to Karan ki awaaj sun kar fooli nahi sama rahi
thi…unhone jhatt se Nisha ko awaaj dedi……Agle hi pal phone ki doosri side se Nisha ki manmohk awaaj
Karan ko thoda sa aur diwaana banaa gayi…
Nisha-- hello…
Karan-- Nisha… kaisi ho…

Karan ki awaaj me uske bheetar chal rahi antardwand ko saaf mahsoos kiya jaa sakta tha…

Nisha-- badhiya hoon… aap kaise hain…

Nisha ki awaaj se hi pata chal raha tha wo gharwalon ke samne yun Karan se baat karne me kitni jhijhak
rah thi…
Karan-- Nisha mujhe tumse kuchh batana tha…

Karan ne himmat kar ke bolna shuru kiya…

Nisha-- kya ? Boliye naa…

Karan-- kya tumko khabar hai ki hamari shadi fix ho gayi hai…

Karan ye line bol kar samne se hone wale wisfot ka intjaar kar raha tha par Nisha ka chhota sa jawaab
use hila gaya…
Nisha-- hmmm, pata hai…
Karan-- to abb kya karna hai…
Nisha-- matlab…

Karan ke sawaal par jaane kyu Nisha sharma gayi thi…

Karan-- matlab ye ki dadi mujhe emotional blackmail kar ke haan bulwa li…

Karan ki vyatha …

Nisha-- achha ji… huzur se dadi ne shadi ke liye haan bulwa liya… chalo koi to hai jo mr jiddi se jeet sakta
hai…

Nisha bade pyaar se Karan ki taang kheench rahi thi…

Karan-- are mai yahaan serious hoon aur tumko majjak soojh raha hai…

Karan khisiyaa utha…

Nisha-- Are sorry baba… achha bolo waapas kya baat hai…

Karan-- are shaadi ka kya karna hai…

Nisha-- abb karni to padegi naa…dil bhi to nahi todd sakte hain badon kaa…

Karan--par tumko to wakt chahiye tha naa…

Nisha-- hmm chahiye to tha par abb kya kar sakte hain…khair shadi to aap se hi ho rahi hai naa… jo karne
ke liye wakt maanga tha wo shadi ke baad kar loongi… aap help karoge naa.…

Nisha ne bade pyaar se poonchha Karan se…

Karan-- h…haan… k…kyu nahi… mai jarur karunga tumhari help… maine tumko jabaan di hai…mai
peechhe nahi hatoonga …
Karan ne phone kaat diya… abb Karan ko tassalli thi… usne socha ki jab sab Nisha ko pata hi hai to hone
do jo ho raha hai… saath saath Karan ko tajjub ho raha tha Nisha ki soch par… use samjh hi nahi aa raha
tha ki aur kis hadd tak Nisha uska istemaal karegi… khair usne sab wakt ke haathon par chhod diya …
Udhar Karan ke call kaatne ke baad Nisha khudd se hi bol padi…
Nisha-- maine dil to de diya buddhu tumko… par samjh nahi aa raha hai ki bataun kaise tumko… kaise
kahu ki mere maajhi tum hi to ho… tum hi ho jisne jindgi par aur muhobbat par bharosa karna sikhaya
hai… ooh mere bhole buddhu sabki samsya suljhaate ho aur apni … khair mai hoon naa… abb sochti
hoon tumko shadi ke baad hi bataun ki mai tumse kitna pyaar karne lagi hoon…haan ye theek rahega…
mai tumko shadi ke baad ahsaas karaaungi apne pyaar kaa…
Bechaini , tadap aur thodi si galat fahmi ke saath Karan aur Nisha ka rishta jaa pahuncha ek naye modd
par… jahan Nisha ke mann me Karan ke liye garv , bharosa aur bepanaah muhobbat thi to wahi Karan ke
man me Nisha ke liye galatfahmi ke saath bepanaah muhobbat thi… aur thi ikaraar karne ke liye kuchh
baatein…

Kuchh bate ho chuki,

kuchh bate abhee hai bakee
Bauchhar ek padee hai ,
barasate abhee hai bakee
Khul ke nachane ko bekal ,
mann ka mayura hai
Milan abhee aadha adhura hai …
Kadake ki thand padni shuru ho chuki thi… thand ka asar charon taraf dikhne ke saath saath shahnaaiyon
ka mausam bhi aa gaya tha.…par Karan aur Nisha apni hi dhun me rahte the… uss din baad unn dono ki
baat bhi nahi huyi thi…wo alag baat hai ki Nisha ko intjaar rahta tha …

Dono ek dooje ki haalat se bekhabar apni hi duniya me baawrw huye padde the…kisi ko tanhaai aur
bewafaai dass rahi thi to kisi ko chaand ki chandni chubh rahi thi… ishq bhi naa ek saath jaane kitne rang
dikhaata hai… par tadap dono taraf barabar thi…

Wakt naa kisi ke roke rukta hai naa kisi ke bitaaye beet ta hai… ek baar phir wakt bhaag raha tha apni
raftaar me… wedding cards chhap kar bat chuke the…abb husn ko ishq ka hone me matra 15 din bache
the…shaadi ki saari shopping Nisha ki pasand se huyi thi … shuruaat me to Nisha ne mana bhi kiya tha …
use apne maa papa ke saath bada asahaj mahsoos ho raha tha… par Mansi ne mana liya Nisha ko… vaise
bhi ye faisla Nisha ki maa ka tha…taalna thoda khatarnaak sa tha…par shadi ki taiyaariyon ke dauraan
Nisha ko apni maa ka ye naya roop pahli baar dikha tha…

Samrath ne Nisha aur Mansi ko bata diya tha ki sari shopping bhale yahan se ki hai unn logon ne par
Nisha ki shadi ka joda lene do din baad Dilli jana hai… Dilli ka naam aaj Nisha ko jaane kyu bada bhala
bhala sa lag raha tha… ek gudgudi si bhi lag rahi thi…

Tamaam rasme shuru ho chuki thi…Gudiya bhi Full on mood me …Nisha ke baad sabse jyada shopping ka
record bana liya tha madam ne… unka sangeet abhi se chaalu ho gaya tha… Nisha ke puraane kapde aur
choodiya sab pahan kar poore ghar me itraa rahi thi… jab Nisha gussa huyi to Gudiya itra kar boli…

Gudiya-- Di faltu me kyu apna para high kar rahi ho… Aap to yahan kuchh hi din ki mehmaan ho… aap ke
jaane ke baad ye sab to waise bhi mera hi hona hai…

Gudiya ne aankhe nachate huye kaha…

Nisha-- dekh gudu tu theek nahi kar rahi hai…

Nisha to vaise bhi nakchadhi pari thi…

Gudiya-- uuhuunnn… maa kahti hai ki mai koi kaam galat nahi karti hoon… to kya maa galat hain di…

Gudiya ne apni waakpatuta ka namoona pesh kiya…

maa ka naam sun Nisha chup ho gayi baaki sab hasne lage……bahno ki iss chhed chhad ka maja bade bhi
lene se nahi chook rahe the… Gudiya ne to Nisha ki copy karte huye thumke bhi lagane shuru kar
diye……

Mai ni mai munder pe teri bol raha hai kaga

Jogan ho gayi teri dulari man jogi sang laga

Mannat maangi thi toone ik roj main jaaun bihaai

Us jogi ke sang meri tu kar de ab kudmaayi
In haathon mein laga de mehandi
In haathon mein laga de mehandi
Bandh shagun ka dhaga
Jogan ho gayi teri dulari man jogi sang laga

Mai ni mai munder pe teri bol raha hai kaga

Jogan ho gayi teri dulari man jogi sang laga

Gudiya ki masti me bhi kuchh aisa chhipa tha jo maa ki mamta ko jaga gaya…mahaul achha khasa
emotional ho chuka tha… abb tak chhip kar aansu bahaane wale apne aansuon ko naa rok sake…Nisha ki
maa Nisha ko seene se lagaye subak rahi thi aur Nisha bhi khud ko rone se nahi rok paayi thi… wahan
maujood sabhi ki aankhein namm ho chuki thi…Gudiya bhi mansi se lipti ro rahi thi…

Wo din bhi aa gaya jab Nisha Samrath aur Mansi ke sath Dilli aa gayi thi… apni shadi ka joda lene… iss
baar Gudiya bhi saath thi…par Dilli me aisa kuchh ghatit huaa jisse kisi kaa dimaag poori tarah hil gaya…
Kadake ki thand padni shuru ho chuki thi… thand ka asar charon taraf dikhne ke saath saath shahnaaiyon
ka mausam bhi aa gaya tha.…par Karan aur Nisha apni hi dhun me rahte the… uss din baad unn dono ki
baat bhi nahi huyi thi…wo alag baat hai ki Nisha ko intjaar rahta tha …

Dono ek dooje ki haalat se bekhabar apni hi duniya me baawrw huye padde the…kisi ko tanhaai aur
bewafaai dass rahi thi to kisi ko chaand ki chandni chubh rahi thi… ishq bhi naa ek saath jaane kitne rang
dikhaata hai… par tadap dono taraf barabar thi…

Wakt naa kisi ke roke rukta hai naa kisi ke bitaaye beet ta hai… ek baar phir wakt bhaag raha tha apni
raftaar me… wedding cards chhap kar bat chuke the…abb husn ko ishq ka hone me matra 15 din bache
the…shaadi ki saari shopping Nisha ki pasand se huyi thi … shuruaat me to Nisha ne mana bhi kiya tha …
use apne maa papa ke saath bada asahaj mahsoos ho raha tha… par Mansi ne mana liya Nisha ko… vaise
bhi ye faisla Nisha ki maa ka tha…taalna thoda khatarnaak sa tha…par shadi ki taiyaariyon ke dauraan
Nisha ko apni maa ka ye naya roop pahli baar dikha tha…
Samrath ne Nisha aur Mansi ko bata diya tha ki sari shopping bhale yahan se ki hai unn logon ne par
Nisha ki shadi ka joda lene do din baad Dilli jana hai… Dilli ka naam aaj Nisha ko jaane kyu bada bhala
bhala sa lag raha tha… ek gudgudi si bhi lag rahi thi…
Tamaam rasme shuru ho chuki thi…Gudiya bhi Full on mood me …Nisha ke baad sabse jyada shopping ka
record bana liya tha madam ne… unka sangeet abhi se chaalu ho gaya tha… Nisha ke puraane kapde aur
choodiya sab pahan kar poore ghar me itraa rahi thi… jab Nisha gussa huyi to Gudiya itra kar boli…

Gudiya-- Di faltu me kyu apna para high kar rahi ho… Aap to yahan kuchh hi din ki mehmaan ho… aap ke
jaane ke baad ye sab to waise bhi mera hi hona hai…

Gudiya ne aankhe nachate huye kaha…

Nisha-- dekh gudu tu theek nahi kar rahi hai…

Nisha to vaise bhi nakchadhi pari thi…

Gudiya-- uuhuunnn… maa kahti hai ki mai koi kaam galat nahi karti hoon… to kya maa galat hain di…

Gudiya ne apni waakpatuta ka namoona pesh kiya…

maa ka naam sun Nisha chup ho gayi baaki sab hasne lage……bahno ki iss chhed chhad ka maja bade bhi
lene se nahi chook rahe the… Gudiya ne to Nisha ki copy karte huye thumke bhi lagane shuru kar
diye……

Mai ni mai munder pe teri bol raha hai kaga

Jogan ho gayi teri dulari man jogi sang laga

Mannat maangi thi toone ik roj main jaaun bihaai

Us jogi ke sang meri tu kar de ab kudmaayi
In haathon mein laga de mehandi
In haathon mein laga de mehandi
Bandh shagun ka dhaga
Jogan ho gayi teri dulari man jogi sang laga

Mai ni mai munder pe teri bol raha hai kaga

Jogan ho gayi teri dulari man jogi sang laga

Gudiya ki masti me bhi kuchh aisa chhipa tha jo maa ki mamta ko jaga gaya…mahaul achha khasa
emotional ho chuka tha… abb tak chhip kar aansu bahaane wale apne aansuon ko naa rok sake…Nisha ki
maa Nisha ko seene se lagaye subak rahi thi aur Nisha bhi khud ko rone se nahi rok paayi thi… wahan
maujood sabhi ki aankhein namm ho chuki thi…Gudiya bhi mansi se lipti ro rahi thi…

Wo din bhi aa gaya jab Nisha Samrath aur Mansi ke sath Dilli aa gayi thi… apni shadi ka joda lene… iss
baar Gudiya bhi saath thi…par Dilli me aisa kuchh ghatit huaa jisse kisi kaa dimaag poori tarah hil gaya…
Karan ki maa use roj bank me call kar ke kahti thi ki Nisha ke liye apni pasand ka koi samaan lelo aur
saadi bhi…par Karan taal jata tha…sunday ki subah Karan abhi jaga bhi nahi tha ki kisi ne door bell
ghanghana diya… Karan ka mood bilkul of… aur wo gusse se aag baboola ho gaya… Kaaran uski neend ka
sunday ko yun udaana,jis gusse se wo darwaaje ki taraf lapka yun lag raha tha ki aane waale ki jaan le
lega aaj to…

Doston Karan ki bhi koi galti nahi thi… Kam se kam mere hisaab se to bilkul nahi thi…Sunday par sirf aur
sir apna haq ho.a chahiye…

To jab Karan ne saamne waale ka murder karne ki niyat se door khola to samne koi aur nahi balki uske
param pujniya pita ji khade the…aur saath me mamta ka sagar yani mata shri… saari neend hawa ho gayi
aur din ka pahla jhatka khakar Karan abb poori tarah jaag chuka tha… Maa to darwaaje se hi ashirwaad
dene lagi par papa to papa hote hain…

Papa -- kitna wakt lagaate tum darwaaja kholne me…

Karan-- sorry papa… so raha tha…

Papa--abhi tak so rahe the… din ke saat baj gaye hain .… tumhari maa ne itna buri tarah bigaad diya hai
ki…

Maa-- pahunche nahi ki shuru ho gaye… are aaj itwaar hai… hafta bhar to kolhu ka bail bana tha wo…

Papa-- shuru ho gayi tum…

Karan-- maa please… aap log andar to aaiye…

Karan -- papa aise achank…sab theek to hai naa…

papa-- haan beta sab theek hai … teri maa ki jidd thi ki bahu ke liye dilli se saadiyan aur chadhawa aaye…
to maine socha teri maa ko bhi saath lekar aaun… isi bahane ye bhi ghoom legi dilli…

Karan-- bahut achha kiya papa aapne sach mujhe bahut khushi ho rahi hai…

Karan ne apne mammi papa ke sath Paraanthe waali gali me nashta kiya aur nikal pada unn logo ko
ghumane aur shopping karne…Ek baat thi jo Karan ko ajeeb lagi wo ye ki jab wo kha kar nikal raha tha to
usi jagah par ek ladki bhi khane aayi thi jo hubahu Nisha si dikh rahi thi … Karan thodi der dekhta raha
phir apne papa maa ke paas jaa pahuncha… Karan unn logon ko lekar market nikal pada…kafi samaan le
liya tha unn logon ne … dophar me jaa pahunche chandni chauk…

udhar Nisha ne sabse pahle apni family ke sath dilli ke mast stuff paraanthon nashta kiya … uske baad
gayi kutub minaar dekhne… dophar tak majja karne ke baad sab jaa pahunche chandni chauk …
Nisha ka to dil hi machal utha itne pyaare lahnge dekh kar… use to har lahnga pahle waale se jyada pyara
lag raha tha… badi mushkil se do lahnga chuna tha usne… ek laal aur sindoori mix tha aur doosra bilkul
laal ( vodaphone wala red )… inn dono par Nisha atak gayi… tab sales girl ne Nisha ko lahnga pahan kar
aane ko kaha…Nisha maan gayi…

Pahle usne laal aur sindoori wala pahna… jab baahar aayi to sabhi ke muhh khule ke khule rah gaye…
unme se ek Karan bhi tha… yun lag raha tha jaise tarashi huyi sange marmar ki moorat ho koi… Karan
use seedhiyon ke upar se dekh raha tha… use ye sab uski aankhon ka bhram lag raha tha…subah se
doosri basr Nisha najar aa rahi thi use… usne apni aankhei meech li aur Man hi man budbudaya…
" jhatke par jhatka lag raha hai aaj to… ye sunday hai yaa jhatka day " jab usne aankhein kholi to Nisha
nadaradd…

jab Nisha laal lahnga pahan kar aayi to aur bhi bala ki haseen lag rahi thi…bilkul falak se utri huyi apsra…
Karan ne waapas apni aankhon ko meech liya aur bola
" yaar Nishu diwaana to mai tumhara pahle se hoon… abb kya pagal bhi ho raha hoon…kyu mujhe har
taraf tum hi tum dikh rahi ho… uff kitni haseen hai ye Berahm …"

Nisha ki family ne laal lahnga chun liya… unn logon ke jaane ke baad jab Karan neeche aaya to laal
sindoori mix waala lahnga counter par rakha tha…Karan baar baar use najrein chura kar dekh raha tha
par maa papa ke samne sankoch vash wo use le nahi paa raha tha… bhala ye baat maa se kaise chhip
sakti thi… maa ne uss lahnge ko Nisha ke liye le liya… Karan ne muskuraste huye sir jhuka liya…

Karan log jab raat me kha pi kar vapas Karan ke flat pahunche to padosi ne bataya ki koi Samrath singh
with family aaye the… Karan ko sara manjra samjhte der naa lagi… Karan ke chehre se dikh raha tha ki
use kitna afsos ho raha tha…din ka aakhiri jhatka bhi kaafi jor ka laga karan ko…
Dekhte hi dekhte Nisha ke hathon me mehndi Rachne ki rasm ka bhi din aa gaya… Nisha poori tarah
badal chuki thi… puraani sari kadwaahton ko mita kar usne khud ko Karan ke rang me rang liya tha…
uske chehre kaa noor uske dil ki khushi ki gawaahi de raha tha…pahle se bhi kafi khoobsurat ho chuki thi
wo…

Mehndi ki raat to Gudiya ke pair hi jameen par nahi padd rahe the… uski khushi uske alhadpann aur
shararton me saaf jhalak rahi thi… Nisha ko mehndi Mansi aur Prachi ne laga rahi thi…sari ladkiya Nisha
ko gher karbaithi thi… bada hi pyaara manjar tha…

Karan ki family ko bhi raat ke khane par bulaya gaya tha… sabhi aaye the… bahut khush the sab…aur
sabse jyaada khush thi dadi… wakai me jaise unki bimaari kahi udan choo ho gayi thi…Nisha ki naa jaane
kitne baar balaayein le chuki thi…Karan ke liye ye pal behadd bhawuk tha…Nisha bhi sharma kar apni
khushi ka ijhaar kar rahi thi…

Udhar Vijay to baawra hua tha… Gudiya aur baaki ke bacho ke saath bilkul bacha ban gaya tha tha… par
Karan ka chehra samanya tha… chunki wo ek behadd suljha hua samjhdaar insaan tha isliye kisi ke liye ye
andaja laga pana behadd mushkil tha ki uske man me kya chal raha hai … siva Nisha ke… Nisha ko uski
manodasha ka poora andaja tha… wo Karan ke liye behad pareshan thi…

Yun to apni mehndi ke din Karan yaani apne hone wale dulhe se baat karna kaafi jhijhak waali baat lag
rahi thi Nisha ko phir bhi darte darte kah hi di Prachi se apne dil ki baat…

Nisha-- Pachi mujhe 5 min Karan se akele me baat karni hai…

Nisha ki awaaj me vinti thi…

Prachi-- kyu Nishu sab theek to hai naa… kya ho gaya ?

Prachi buri tarah chaunk uthi thi…

Nisha-- dekh naa wo kitna chup chap bilkul gumsum baitha hua hai… mujhse nahi dekha jaa raha hai
uska aisa chehraa … wo meri side dekh bhi nahi raha hai ki kuchh ishara karun… abb tera hi sahara hai…
please kewal 5 min …

Nisha ki tadap uske pyaar ko bakhoobi darsha rahi thi…

Prachi-- theek hai tu guest room me jaa mai udhar hi bhejti hoon ok…

Nisha-- okk…

Nisha ne Mansi se washroom jaane ka bahana kiya aur chal di guest room ki side…Udhar Prachi ne bhi
bol diya Karan ko ki Nisha aap se kuchh baat karna chahti hai… guest room ki ore chal diya Karan… ye
sochte huye ki aakhir abb kya hua… mann bhi ghabra raha tha uska kyu ki use fikra ho rahi thi ki kahi
Nisha ki nadaani uske khandaan ki ijjat ko mitti me hi naa mila de…
jab Karan guest room me pahuncha to Nisha badi bechaini se Karan ki pratiksha kar rahi thi…Karan Nisha
ko dekh kar ek baar phir dil kho baitha… bilkul pari si sundar lag rahi thi wo… Karan ne halki si aah bhari
jise Nisha ne dekh liya aur uska chehra sharm se bilkul laal ho gaya…Karan dheeme kadmo se Nisha ke
paas pahuncha bilkul mantramugha…

Karan-- boliye Nisha ji… kya hukum hai iss gulaam ke liye…

Karan ne berukhi se kaha to Nisha chaunk gayi…phir Khud ko niyantrit karti huyi boli…

Nisha-- ji wo ek baat poochhani thi…

Karan-- dus baat poochh lijiye ji…

Nisha-- aap itna pareshaan kyu hain… jab se aaye hain bas khoye khoye hain… kya mujhse koi galti huyi
hai… agar huyi hai to please sorry…par aise khamosh naa rahiye…

Nisha gidgidaa kar boli to uski masoomiyat par Karan ka dil kho gaya… wo khud ko kosne laga aur mann
me hi bola…

" uff mai kitna swarthi ho gaya tha yaar… kitni masoom hai ye… iske hi liye to dil dhadkta hai mera… isi
ko to de chuka hoon dil… abb agar ye usse khel bhi rahi hai to kya hua… hai to isi ke liye naa ".… mann
me ye sochne ke sath Karan ne Nisha ko yakeen dila diya ki sab theek hai bas wo thaka hua hai…dono
phir chal padde uss raah par jis par abhi dono hi apni jindgiyon se robaroo hona tha…
Dekhte hi dekhte vivaah sanskaar ka bhi din aa gaya… ek taraf jahan ye din kisi bhi ladki ki jindgi me
sabse bada badlaav ka din hota hai jisme wo ek tarike se naye pariwaar me doosra janm leti hai to doosri
taraf mata - pita ke liye ek sunhre sapne ke sach hone ka din hota hai jab uski ladli ko prem , aagrah aur
manuhaar se koi apne ghar ki laxmi bana kar le jata hai… do dilon ke sath sath do pariwaaron ka bhi
milan hota hai…

Nisha ki bhi jindgi me wo pal aa gaya jab wo kuchh hi ghanto me papa ki pari se Karan ki ardhangini
banne wali thi…Nisha ke chehre par anginat bhaaw aa jaa rahe the… apne pariwaar se door jaane ki
vedna me to wo shadi ki tithi tay hote hi jal uthi thi par aaj to badi ajab uljhan me fasa tha bechara
masoom dil… kabhi Karan ki hone ki khushi me kayi guna teji se dhadkta to agle hi pal maa se door hone
ke darr se buri tarah tadpta…iss uhapoh se har ladki ko gujrna hota hai shayad isiliye naari ko narayani
kaha jata hai …kul mila kar Nisha ka dil aaj baar baar party badal kar Nisha ko pareshaan kar raha tha…

shaam ki bela me Baaraat dwaar par aayi… Karan dulhe ke roop me waakai bahut achha lag raha tha…
hamesha Nisha ka bura chahne waali badi Bua ji ka naya roop aaj family waalon ke samne tha… unhone
daud kar Karan ki najar utharne ke baad unhone kajal ka teeka bhi lagaya…wo bhi bina kahe…Gudiya ke
liye ye sab yakeen kar pana mushkil tha…usne to poochh hi liya ki

" badi bua aaj suraj chachu kaun si disha se uge hain "…

Nisha jab mandap me aayi to wo surkh laal jode me saji thi par ek bada sa halka pardarshi ghoonghat
uske chaand se chehre par badal ki tarah chhaya hua tha…Karan ne kankhiyon se Nisha ko dekha… laal
Choodiyon bhare haath jin par kuhniyon tak khoobsurat mehndi sajj rahi thi aur bhaari lahnge ki wajah
se thoda sa aur thumkti uski chaal ko dekh Karan muskuraaye bina naa rah saka…

Nisha ke hathon ko apne hathon me lekar Karan ne saaton fere badi shaan se poore kiye… chehre par
aatmvishwaash ki jhalak aur kyu naa ho… iss duniya me jahan log apni mahatwakanksha ki poorti ke liye
swarth ki parakashtha ke charam bindu ko bhi paar kar jaa rahe hain wahi Karan jaise kuchh log bhi hain
jo maatra apni muhobbat ke maathe par shikan naa aaye iske liye jaan par khel jaate hain… sabkuchh
daaw par laga dete hain…
Nisha ki maang me Karan ke naam kaa sindur padte hi pal bhar me saare rishte begaane ho gaye aur
nayi duniya baahein pasaar kar khadi ho gayi… Nisha mare sharm ke khud me hi sikudti jaa rahi thi…
phoolon ki baarish aur shadi ke mangalmayi shlokon ke beech Karan ko aaj Nisha behadd pyaari lag rahi
thi… thodi der tak yun hi dekhta raha use to Mansi ne hausle se Nisha ka ghoonghat wapas kheench diya
aur Karan ke haathon me uski maa ne mangalsutra thama diya jise Nisha ko pahna kar Karan ne use saat
janmo ke liye apni muhobbat aur saanson ki dore se baandh liya…

Vidaayi ki ghadi behadd bhawuk kar gayi dekhne waalon ko… jahan ek pita apni naajon se paali laadli ko
khud rote bilkhte aashirwaad ke saath kisi aur ke ghar bhej rahe the… use jiski kilkaariyon ke bina din
naa shuru hota aur jiski shararton ke bina chain naa milta… jo beti unke khane se lekar dawa tak ka
hisaab rakhti… jiski awaaj sune bina koi kaam par naa jate usi beti ko khud se door karne par aakhein
bah rahi thi …
Maa iss bichhoh ko nahi sah paa rahi thi… wo baar baar besudh ho jaa rahi thi… jis beti ko ghar aane me
ek pal ki deri hone par wo daud kar ghar ki dahleej par khadi ho kar uska intjaar karti thi … usi beti ka
haath khud se chhuda kar kisi aur ke haath me de diya tha… bhai , bhabhi ka to khilaunaa hi chhin jaa
raha tha… aur nanhi Gudiya to ro ro kar apni aankhein suja chuki thi…apni di se baar baar lipat kar apni
sari shaitaaniyon ke liye sorry bol rahi thi…

Sabhi ko peechhe chhod roti , bilkhati Nisha chal padi apne priyatam ke saath apne naye ghar iss baat se
poori tarah bekhabar ki Karan ne to Nisha ko paa liya tha par Nisha ko abhi apne Karan ko jeetna tha…
use yakeen dilaana tha apne pyaar par… ye Nisha kaise karegi ye to iss wakt Nisha ko bhi nahi pata tha…
Nisha ke town se Karan ke ghar ka rasta kul paanch ( 5hr ) ghante ka tha…Nisha poore raste rah - rah
siskti rahi… behadd mushkil pal the ye uske liye…apno se bichhdne ka dard kisi bhi ladki ke liye behadd
takleef deh hota hai…Karan se Nisha ka yun rona saha nahi jaa raha tha… Nisha ki suji huyi badi badi
aankhein aur baar baar sir pakdne se Karan ko andaja lag chuka tha ki Nisha ko sir dard ho raha hai…

Karan ne gaadi ek dhaabe par rukwaai aur apne papa ko bola …

Karan-- papa mujhe pyaas lagi hai aur sir me thoda dard bhi ho raha hai… chai peena chahta hoon…
Karan ke papa aur baaki sabhi chai vagaira peene chale gaye jabki Karan aur Nisha ke liye chai gaadi me
hi bhej di gayi… pahle to Nisha ne chai peene se saaf inkaar kar diya par Karan ka baar baar yun anurodh
karna use achha nahi lag raha tha to chai le liya … jab Nisha paani pi rahi thi to Karan bade dhyaan se
uska chehra dekh raha tha… peechhe ki taraf se aati suraj ki roshni me uska sunara rang aur laal joda
adwitiya lag raha tha… badan par pahne gaye kundan se kahi jyada uska roop chamak raha tha…Karan ka
uske mohak roop ko kaafi der tak niharta raha…aur dil hi dil me uske saundrya ki tarif me gungunata
raha…

Ab to hai tumse har khushi apni ,

Tum pe marna hai zindagi apni,
Ho..
Ab to hai tumse har khushi apni,

Jab ho gaya tum pe ,

yeh dil deewana
Phir chaahe jo bhi kahe,
humko zamana
Koi banaaye baatein ,
chaahe ab jitni
Ho..

Ab to hai tumse har khushi apni

Tum pe marna hai zindagi apni
Ho..

Nisha Karan ka yun akele me muskurana kankhiyon se dekh rahi thi… achank hi uska dil joro se dhadak
utha kyu ki iss muskaan ke peechhe ke raaj ko wo kuchh aur samjh baithi thi…kul mila kar dono ek duje
ke liye poori tarah samrpit the… wo alag baat hai ki Nisha jitni khush thi utna hi Karan duvidha me tha
kyu ki wo Nisha ke pyaar se anjaan tha…

Jab gaadi Karan ke ghar pahunchi to wahan ki bheed dekh ek baar to Nisha ke haath paaw phool gaye…
sach to ye hai ki bhale Nisha town ki ladki thi par usne aaj pahli baar gaaw me kadam rakha tha…

Gaadi ko aurton ki bheed ne gher liya tha… Nisha ke to thand me bhi paseene chhot gaye.…Karan ne
haule se Nisha se kaha ki

" Ghabraiye nahi , sab apne hi hain , sab meri dulhan ka swaagat karne aaye hain…bas kuchh der hi aap
ke aas paas rahengi phir apne ghar chali jaayengi… apke saath meri cousin Ishu rahegi , aapko Gudiya ki
kami mahsoos nahi hone degi "…

Har kadam par ek nayi rasm se robaroo kiya jaa raha tha … kafi kathinaayi ho rahi thi par Nisha sare
rasmo aur rivaajon ko poore dil se nibha rahi thi… apne ghar ki yaad pal pal use tadpa rahi thi to doosri
taraf Karan ki family ka use palkon par bitha lena use dil ki gahraaiyon me chhoo jaa raha tha…
dheron aashirwaad aur duaaon ke beech aakhir use kamre me aaraam karne ka suawsar mil hi gaya…
thakaan se poora sharir toot raha tha…
Ishu saye ki tarah apni nayi naweli bhabhi ke sath lagi huyi thi…Nisha ko waakai me wo Gudiya jaisi hi lag
rahi thi bas Gudiya se thoda kam shaitaan thi …Thand me din jaldi doob jata hai to raat bhi jaldi se aa
gayi… Nisha jaise hi akeli huyi waapas use apne ghar waalon ki yaad sataane lagi…Nisha rota dekh Ishu
ne kaha……

Ishu-- aap ro kyu rahi hain bhabhi…sab theek to hai naa?

Nisha-- mujhe mere ghar waalon ki bahut yaad aa rahi hai Ishu… pata nahi kaise honge mere maa -
papa… unhone kuchh khaya bhi hoga ya nahi… mere bhaiya bahut ro rahe honge… aur meri Gudiya…

isse aage kuchh bhi nahi bol paayi Nisha aur ghutno me sir chhipa kar rone lagi…

Ishu -- bhabhi please roiye mat… aap aise royengi to aapke ghar waalon ko hichki aayegi aur wo sab
pareshan ho jayenge…

Ishu ne bhole pan se kaha to Nisha ko hasi aane lagi…

Nisha-- hichki…hichki kyu aayegi…

Ishu-- aapko nahi pata… jab ham kisi ko yaad karte hain to use hichki lagti hai… aap pareshaan mat hoiye
thodi der me jab sab sone jayenge to mai aapko phone par aapki mammi se baat kara doongi…

Nisha-- haan please ek baar meri baat kara dijiye…

Ishu-- mai dekh kar aati hoon agar wo kamra khali hoga to mai aapko le chalungi…

iske baad Ishu ne Nisha ko le jaakar uski family se phone par baat karwaayi tab kahi jaakar Nisha ke
chehre par muskaan aayi… uske baad khana vagairaa khate khate sone ka bhi samay aa gaya…Ishu Nisha
ko good night wish karke wahan se chali gayi aur Nisha apni dhadkno ko samhale Karan ki pratiksha
karne lagi… usne soch liya tha ki aaj apne dil ka sara haal kah degi apne Karan se…use bata degi ki wo
kitna mayne rakhta hai uski jindgi me…
Udhar Karan baahar Vijay ke sath baitha purane dino ki maar ko yaad kar raha tha… sab kuchh khwaab
sa lag raha tha… dono me se kisi ne nahi socha tha ki aisa bhi hoga kabhi…tabhi Vijay ke chehre par
shararti chamak ubhari aur usne haule se kaha…

Vijay-- Karan chal tu ' jaag ' apne kamre me… mai chala sone…

Vijay ne hasle huye jaag shabd par joor diya…

Karan-- baith naa yaar 10 min aur… badi mushkil se bank se chhutti mili hai varna wapas wahi bhag
daud…jindgi jeena hi bhool gaya tha…

Karan ne Vijay ko rokte huye kaha…

Vijay-- bhaisahab shayad aap bhool gaye hain… aaj aapki jindgi ke doosri paari ki pahli raat hai…aapki
jarurat yahan nahi wahan hai…

Vijay ne chutki li…

Karan-- h…haan yaad hai mujhe…isme hasme ki kaun si baat hai…

Karan ne haklaate huye kaha…

Vijay-- yaad hai to jaa naa yaar… bhabhi ji wait kar rahi hogi tera…

itna kah kar Vijay Karan ke kandhe par haath rakh kar use kuchh kahne hi wala tha ki pair patkti huyi
achank se Ishu aakar khadi ho gayi…uske kamar tak ke baal poori tarah bikhre huye the aur aankhe
neend se halki si laal thi…Karan aur Vijay use yun dekh kar chaunk gaye… uska rona sa muh dekh Karan
ne kaha…

Karan-- kya hua chhoti tu ro kyu rahi hai…sab theek to hai naa…

Ishu-- bhaiya mai sone chali gayi thi… dadi ne mujhe jaga diya aur dakka dekar kaha " pahle uss gadhe ko
sone bhej tab sona "( rote huye)

Ishu ki baat sun Karan jhel gaya wahi Vijay ki hasi chhot gayi… Vijay ko haste dekh Ishu ne wapas rote
huye kaha …

Ishu-- aur dadi ye bhi kah rahi thi ki Vijay oont jaisa bada ho gaya par abhi tak dimaag ne akl ka anda
nahi diya…

Iss baar hasne ki baari Karan ki thi…Karan ne Ishu ko chup karana chaha par usne to Karan ka haath
pakda aur kheenche huye uske kamre ke samne hi jaakar khadi huyi…

Karan-- abb khushh…

Ishu-- haan… abb kuchh theek lag raha rahi… baaki mere neg waale paise ka hisaab subah karnge aap se
bhi aur dadi se bhi … good night bhai…
Itna kah kar Ishu to chali gayi par Karan ke liye ye condition behadd ajeeb thi… uske hisaab se to uski aur
Nisha ki shadi ek samjhauta matra thi…yun kamre me jana use achha nahi lag raha tha par uske paas koi
chara bhi to nahi tha… wo chupchap kamre me gaya…sab jaante boojhte bhi uska dil joron se dhadak
raha tha…raat hi aisi thi…kamre me usne dekha ki Nisha bed par adhleti si thi… uski aankhe band thi…
Nisha ke chehre se uske sare din ki thakaan tapak rahi thi…
Karan dabe paaw Nisha tak gaya aur haule se uspar rajaayi daal di… rajaayi ki garmaahat paate hi Nisha
ke chehre par sukoon chhalkne laga… Karan thodi der tak use yun hi dekhta raha…Nisha Karan ki pahli
muhobbat thi jo aaj uske saath uske itne kareeb thi…pal bhar ke liye Karan ko naa jane kyu behadd
bechani huyi par usne khud ko samhal liya…aur room ke kone me rakhe apne study table par baith apni
diary me kaafi der tak kuchh likhta chala gaya…baar baar palat kar Nisha ko dekhta aur kuchh likhne
lagta…jaane kab wo yun hi baithe baithe so gaya…

Subah ke pahle pahar me jab Nisha hadbada kar uthi to usne khud ko rajayi me sote paya aur Karan ko
table par tik kar sote huye dekh ek baar phir wo Karan ki kayal ho gayi… wo Karan ke paas gayi aur khud
se hi boli…
Nisha-- " kyu ho aap itne achhe … kya koi itna bhi pyaara ho sakta hai… mai wakai kitni khush naseeb
hoon ki aap mere ho …sirf mere…"
Nisha ne aage badh kar Karan ko jagaya … wo thand se sikuda baitha tha… Nisha ko dekh pahle to
chunka par Nisha uska haath pakad kar bed tak laayi… Karan bas uske peechhe chal raha tha… Nisha ne
use bed par letne ka ishaara kiya aur khud bhi uske saath ek hi bed par ek hi rajai me ghus gayi… Karan
bas chhote se bache ke jaise uski har baat maanta jaa raha tha…Nisha ne Karan ke thande haathon ko
apne haathon me liya aur unhe apne haathon se garam karne ke liye ragadne lagi to Karan ki hasi chhot
gayi…
Nisha-- has kyu rahe ho…
Karan bas yun hi… mera mann kar raha hai…mera haath chhodo aur so jaao… subah hone waali hai kal
tumhari waise bhi pradarshni
( muhh dikhayi ) lagne wali hai… mujhe bhi sone do…Karan ne jhatke se Nisha se apna haath chhudaya
aur Karawat badal kar Nisha ki side peeth kar ke let gaya…Nisha Karan ki peeth ko bas taakti rahi aur
badi badi khoobsurat aankhon se kajal ki lakeer banata aansu gaalon par ludhak gaya…
Doosra din Nisha ke liye behadd khoobsurat aur khas tha … jindgi ki Ek bilkul nayi shuruaat makhmali
subah ke sath… Nisha ne nayi subah ka swagat khule dil se kiya… apne ghar ki apeksha thoda jaldi uth
kar ready ho gayi… apne bhole nath ki pooja karne ke baad haule se Chhat ki ore gayi… kyu ki kamra
upar ka tha to ek khoobsurat sa chajja bana hua tha…chhajje me khoobsurat gulaab aur pyaare se phool
khile huye the aur yahan se aas paas ka najara lubhawna sa dikh rha tha…

Bahar ka najara behadd adwitya tha… subah ne abhi bhi kohre ki chadar odhh rakhi thi… bahut pyara lag
raha tha aas paas ka dekh kar…Nisha bade dhyan se Karan ka ghar dekh rahi thi… kafi bada ghar tha aur
dher sare pedd paudhe lage huye the… aawla , santre aur amrood ke pedd par to phal lade huye the…
Nisha to amrood dekh kar sab kuchh bhool gayi aur khushi se jhoomti - ithlaati huyi jaa pahunch Karan
ke paas… raat ko baith kar gujarne ki vajah se Karan gahri neend me so raha tha …
Nisha pahle to use bade dhyan se dekhti rahi …pahli baar itne paas se dekh rahi thi use… jaane kya
soojha Nisha ko apni saadi ke aanchal ke chhore se Karan ke kaan ko haule se sahlane lagi… jab wo aisa
karti to Karan ajeeb sa muh banata aur use hatane ki koshish karta… aisa kai baar kiya Nisha ne … use
bada maja aa raha tha par Karan ko yun satane par lekin darwaaje par dastak se Nisha hadbada
gayi…darwaaja khol kar dekha to samne Ishu khadi thi chai aur baddddiii si muskaan ke sath…

Ishu-- are waah bhabhi aap to ready bhi ho gaye…ise kahte hain sughad grihni aur mere bhaiya ko to
dekho jara abhi bhi so rahe hain…uff kya karu mai inka ……

Ishu apni dhun me badbadati room me aai aur table par chai rakh kar baith gayi… par uski najar achanak
dairy par padd gayi… usne diary haath me liya hi tha ki achank karan utha aur jhatke se Ishu ke haath se
diary le li…Ek taraf jaha Ishu apne haath se diary chheene jaane se hairaan thi to doosri taraf Nisha ye
dekh kar ki Karan jaag raha hai…Karan ne apni diary chheeni aur apni chai lekar baahar chala gaya…
Nisha apna sir khujate huye khud se boli…

Nisha-- Hainn ye jaag rahe the…to mere pareshaan karne par koi react kyu nahi kar rahe the… aise lete
the jaise so rahe hon…

Nisha ne kaha to khud se tha par Ishu ne sun liyaa… aur shuru kar di apni nandon waali baatein

Ishu-- bhaw kha rahe honge…aise hi hain mere bhaiya…

Nisha-- par bhaaw kyu kha rahe the…

Ishu-- bhabhi aap filme nahi dekhti hain kya… ladko ki to aadat hoti hai faltu ka bhaaw khane ki … khud
se hi drama taiyaar karte hain aur phir khudd hi naatak bhi karte hain …

Ishu ne apne filmi gyaan ka parcham lahraaya…

Nisha-- par kyu ? I meam bematlabb me hi…

Ishu-- jisse ladki aage peechhe ghoome…maan manaye…aur kyu…aur manne ke baad kahte hain mai
gussa hi nahi tha…
Nisha-- ye to galat baat hai…
Ishu-- bilkul galat baat hai…

Nisha-- Ishu vaise kaun si class me padhti ho…

Ishu-- 11th me kyu ?

Nisha ke class poonchhne se Ishu thoda sa asaamanya ho gayi…

Nisha-- Ishu films kam dekha kariye…Jaruri nahi ki jo filmo me dikhaya jaaye wo sahi hi ho… " wo aise
nahi hain ".…

Nisha ne apne Karan ko clean chitt de di par Ishu ka gyaan abhi baaki tha…
Ishu-- achha to Aap hi bataiye ki Bhaiya itna itra kyu rahe hain… kal tak to sab ki naak me dam kar rakha
tha unhone aap ki baatein bata kar…boliye hai koi jawaabb…

Ishu saboot de rahi thi par Nisha kuchh aur hi khoj rahi thi Ishu ki baaton me…

Nisha-- achha mujhe bhi to pata chale ki kya batate the wo mere bare me…

Nisha ne sharmaate huye poonchha…

Ishu-- yahi ki aap bahut sundar ho… thoda ghamandi ho…ghar ka ekk bhi kaam karna nahi aata par
padhne me achhi ho… jyaada bolti nahi ho …thodi ghunni ho… muskaan sundar hai par usme bhi
kanjoosi karti ho …hamesha naak bhaun chadhaye rahti ho…

Ishu ki baaton se Nisha ka para saatve aasmaan par pahunchh chuka tha…

Nisha-- ishu inn faltu baaton ko tarif nahi kahte hain…

Ishu-- par bhaiya to yahi batate the apni heroine ke baare me…

Ishu Nisha ko gusse me dekh doosri taraf chehra kar ke hasne lagi…

Nisha-- abb bas bhi karo Ishu itni tariff to meri kabhi dushmano ne bhi nahi ki jitni aapke pyaare bhaiya
karte hain…

Nisha ke shabdo se uske gusse ka andaja lagaya jaa sakta tha…

Ishu-- wo to aapko chhipkali bhi kahte hain… ek din dadi se bol rahe the ek baar nakchadhi chhipkali se
shadi ho jaye phir to sab kuchh sahi kar doonga…

Ishu ne shaitaani ki hadd kar ke Karan ko poori tarah fansaa diya tha…

Nisha-- achha …aisa bol rahe the… aane do waapas room me… bataati hoon unko… mai chhipkali
hoon
Nisha ko achha nahi lag raha tha abb kuchh bhi…

Ishu-- bhabhi jo batana hai jaldi batana kyu ki bhaiya parson dilli wapas chale jayenge…

Nisha-- wapas chale jayenge…itni jaldi… kyu ???

Ishu--jaldi kahan bhabhi… 6-7 din hone waale hain … isse jyada to chhutti hi nahi milti bhaiya Ko…dadi
boli aap ko bhi le jane ko …par…

Nisha-- par kya Ishu…

Ishu-- phir kya mana kar diye… bole aapki exam hai… bas aur kya…
Nisha-- hmm baat to sahi hai
phir dono ne chai pi aur Ishu to chal di Nisha par bomb fod kar par Nisha bechari abb sara dimaag Karan
ki baaton aur uske Dilli jane par lag gaya…
Nisha man hi man Karan ki baat yaad karne lagi jab usne kaha tha ki use 15 dino ki chhuti mil jayegi jo ki
wo shadi ke baad lega…Nisha apne khayaalon me hi gumm thi tabhi Karan ki dadi maa aur maa Nisha ke
paas aayi…dadi maa to Nisha ki lakh lakh balayein le rahi thi… ek bada hi pyara apne jamaane ka haar
muhh dikhayi ke taur par diya…Bade pyaar Unn dono logo ne Nisha se dheron baatein ki aur bataya ki
dophar me kuchh aurtein aayengi aas paas ki muhh dikhayi ke liye to badhiya se ready ho jaaye…

maa to samjha bujha kar chali gayi par dadi maa baithi rahi paas uske aur aas paas ki rochak jaankariyan
pradan karne lagi…thodi der me iss mandli me Ishu bhi shamil ho gayi… Ishu ne padosan ke Karan prem
ke baare me bhi kayi jankariyan di… jise sun kar Nisha ke chehre par swabhavik si jalan ke bhawon ko
saaf dekha ja sakta tha… upar se thodi der me wo ladki Nisha ko dekhne aane waali thi…yaani karela uss
par neem chadha … Nisha to aag baboola ho gayi… ye to tai tha ki uska ghar hota to milne se hi mana kar
deti par chunki uska ghar nahi tha aur yah pratha thi to nibhana aawshak tha…

Ishu apni buddhi ke anusaar Karan ko Nisha ke samne ek doosra hi roop deti rahi…kul mila kar Nisha
bechari kayi prakar ki anubhutiyon se joojh rahi thi… dadi ne thodi der to Ishu ko roka par chhat ki
kunkuni dhoop me wo apni umar se haar gayi aur sone ka majja lene lagi…aur Ishu apne pagalpann ka
parichay deti rahi…Ishu ne achanak bola…

Ishu-- bhabhi aao kuchh dikhaun aapko…

Ishu ne kafi utsukta se Nisha ka haath kheenchte huye kaha …

Nisha-- kya dikhana hai ??

Ishu --aao to…

Ishu chupke se peechhe ke darwaaje se hote huye Nisha ko ghar ke peechhe bane bageeche me le gayi
jise dekh kar Nisha khil uthi… khoobsurat phoolon ki kyaariyan… santron , Amroodon ke fal se lade
pedd… Nisha ke chehre ki chamak dekhne laayak thi… Nisha ne raani colour ki banarsi sadi pahan rakhi
thi aur gahno se ladi huyi thi… par amrood todne me busy ho gayi…badi pyari lag rahi thi wo… Ishu
amrood khane me busy thi aur Nisha amrood tod hi rahi thi ki tabhi Karan bhi wahan aa gaya…hamesha
ki tarah pahle wo deen duniya se bekhabar apni dulhaniya ko dekhta raha …jiske paas hone ka ahsaas hi
kaafi tha jeene ke liye…

Kaise Mujhe Tu Mil Gayi,

Kismat Pe Aaye Naa Yaakeen,
Utar Aayi Jheel Mein Jaise Chand Utarta Hai Kabhi,

Haule Haule Dheere Se,

Gunguni Dhoop Ki Tarah Se Taranum Mein Tum,
Choo Ke Mujhe Guzari Hu Yu,
Dekhu Tumhe Ya Mein Sunu,
Tum Ho Sukoon, Tum Ho Junoon,
Kyu Pehle Naa Aayi Tum?
Kaise Mujhe Tu Mil Gayi, Hoo Hoo..
Kismat Pe Aaye Naa Yaakeen,
Udhar Nisha ne amrood todne me kamyaabi hasil kar li…par jab uski Nigaah Karan se mili to wo Karan ki
Nigaahon ka target dekh wo jhel gayi … aisa pahli baar hua tha ki usne Karan ko yun madhosh hokar
apna sharir dekhte dekha ho…aur Karan apni chori pakde jane par sharminda hokar dabe paaw khisak
gaya par de gaya Nisha ko idea wo bhi khud ko hi tang karwaane kaa…
Nisha ke chehre par behadd khoobsurat si muskuraahat tair gayi… jise dekh kar kam se kam Ishu ko to
muskuraane ki Vajah bilkul samjh nahi aayi…Backyard me thoda time gujarne ke bad Nisha Ishu ke sath
wapas ghar ke andar aa gayi aur aane wali muh dikhayi ki musibat ke liye solah shringar karne lagi…poire
dil se Nisha ne khud ko sawaara tha… lag bhi wo kisi pari ke jaisi rahi thi…
Gaaw ki aurtein to Nisha ki khoobsurti ki kaayal ho gayi aur tarifon ki puliyaa baandhne lagi…yahan tak
bolne lagi ki Karan ki dulhan se sundar aur padhi likhi to koi ladki poore gaaw me nahi hai … Karan bhi
sun raha tha sabhi ki baaton ko…use bada hi garv mahsoos ho raha tha …mand mand muskurate huye
wahi bahar ahate me leta hua andar se aati awaajon ko sun raha tha…uska dil to jhoom raha tha par
achank hi use ye bhi yaad aa gaya ki Uska aur Nisha ka sath hona ek bhram matra hai …iss aadhe
adhoore milan ke poore hone ki sambhawna karan ke hisaab se to zero thi…

Pal bhar me hi sari khushiya kafoor ho gayi aur chehre par tees ke rang bikhar gaye… uska to haal yah
tha ki pakwaan se ladi huyi thaali samne thi par wo kha bhi nahi sakta tha…apni haalat par Karan ko hasi
aa gayi jisme bebsi bhi shamil thi… sach to ye tha ki Nisha ki najdeekiyon se Karan ki hasratein hilore
maarne lagi thi… kitna bhi dabaane ki koshish karta par kamyaabi naa hi milti…hasrtein kisi naag ki tarah
dabaaye jaane par aur bhi sir uthane lagti …

sabhi aurton ke jaate jaate shaam ho chuki thi …vaise bhi thand me din behadd chhote aur raate haseen
aur lambi hoti hain … Nisha apne kamre ke chhajje se bageeche ka najara le rahi thi… tabhi use Karan
ke kamre me aane ki aahat mili…Nisha ke chehre par shararti muskurahat tair gayi…Nisha ne haule se
apne sir par rakhe apne bhari pallu ko chhod diya…jo uske shaffaq badan se dhall gaya…
Karan ne Nisha ko chhat par khade huye dekha to usse kuchh kahne ke liye aage badha hi tha tabhi
Nisha ne madhoshi me ek angdaayi li… aur Karan bhool gaya use jo bhi kahna tha…Nisha ki gori aur patli
kamar jispar sone ka kamar band lipta huyi thi ne Karan ko dopahar ki tees yaad dila di…Nisha aisi
harkatein karne ke sath sath kankhiyon se Karan ko dekhe bhi jaa rahi thi… Karan ne jee bhar kar Nisha
ke sangmarmari badan ko dekha par bina kuchh kahe wapas chala gaya…

Karan ke yun wapas chale jaane par pahle to Nisha hansi lekin phir soch me padd gayi…aur khud se
kahne bhi lagi…

Nisha-- are kuchh bole bhi nahi aur chale gaye … jaane kya kahne aaye the… khair manna padega ki
banda hai badda jiddi … kisi cheej se bhi toot ta nahi hai…lekin mai bhi dekhti hoon aakhir kab tak yun
jogi ji bane rahte hain ye… aaj inki ye jogan kaise inka rog door karti hai… Abb dekhti hoon kitne ghante
chalta hai ye hathh yog…

Nisha besbri se raat ka intjaar karne lagi… sabhi ne khana vagaira khaya aur Nisha ne Ishu ki help se apne
gharwaalon ko call kar ke baat ki… pata chala ki kal ke din uske gharwaale koi rasm karne ke liye aa rahe
hain… Nisha ki to khushi ka thikana nahi… usne Gudiya ko bhi bulaya… baaton baaton me ye bhi pata
chala ki Ishu aur Gudiya ek hi school me padhti hain aur ek doosre se achhi tarah parichit hain… khair
Nisha room me jaakar Karan ka wait karne lagi…aaj use badi bechaini ho rahi thi sath hi dhadkno ki
raftaar bhi roj ki tulna me tej thi…
Nisha ko Jyada der intjaar nahi karna pada … Karan bhi jald hi aa gaya… Nisha ne halke peele rang ki
behadd patli si sadi aur khule se gale ki choli pahan rakhi thi aur apne baalon ko sawaarti huyi baithi
thi.…Karan andar aaya aur usne Nisha ko bhi dekha par bina kisi bhaaw ke jakar apni diary me kuchh
likhne laga…Nisha ko apni sari mehnat paani me jati lagne lagi… sara make up sara kamuk awtaar Karan
ki ek drishti bhi nahi baandh paya tha…

Jaisa ki ham sabhi jaante hain ki Nisha me kewal ek kami thi aur wo thi uska " Roop garwita " hona…
Nisha ko yun ignore hona bilkul bardaasht nahi ho raha tha wo jhatke ke sath uth kar Karan ki ore teji se
badhi par Karan ke paas pahunchte hi achanak wo hua jiski dono ko ummeed nahi thi…
Nisha gusse me aag baboola hoti huyi kafi tej kadmo se Karan ki ore lapki thi par chunki use saadi pahan
ne ki adat to thi nahi isliye Karan tak pahunchte pahunchte wo apni hi saadi me ulajh kar Karan ke upar
hi jaa tapki … Karan agar na pakdta to shayad neeche hi gir jati aur achhi khasi chot lag jati… par Karan
ne pakda to halaat aur bhi jyada khatarnaak ho gaye…ya yun kahein ki halaat behadd najuk ho
gaye…Karan ka haath kahi ka kahi pahunch gaya aur kuchh ka kuchh pakad me aa gaya … ek pal ke
liye to dono hi ke hosh gumm ho gaye…

Karan Nisha ko apne upar laade uske saamipya aur khushboo ko mahsoos kar saatve aasmaan ki sair kar
raha tha to wahi Nisha apne badan ke komal ango par apne saajan ke pahle sparsh se badhi apni
dhadkno ko rokne ki asafal koshish karne me lagi thi …Itni tej dhadkne thi Nisha ki jo Karan ko apne
haatheli par mahsoos ho rahi thi …

ek pal ko to laga ki wakt khud hi bahak sa gaya hai…inn do premiyon ki dhadkno ke sath hi wakt bhi ruk
chuka hai… dono hi kafi bhawuk palon ke antardwand me fas gaye the…Na Nisha Karan ko khud se door
kar paa rahi thi naa hi Karan me takat bachi thi ki wo Nisha ke komal sparsh se khud ko rok pata …

Karan ek tak Nisha ko dekh raha tha par Nisha ne apni aankhe band kar rahi thi… kareeb 2 min baad
Nisha haule se uthi par Karan ke upar se hati nahi… poori ki poori uske upar chha gayi… aanchal to girte
wakt hi badan se dhal gaya tha par abb Nisha ke iss tarah baith jane se Karan uski choli se jhankte safed
ubhaaron ko kafi andar tak dekh sakta tha…jahan Nisha ki aankhon me duniya jahan ka nasha utar aaya
tha…wahi Karan apni preyasi ke roop lavnya me kho sa gaya tha…

Karan ka haath Nisha ke uth jane ki wajah se khisak kar uski kamar par aa chuka tha…Karan ke haath ka
kasaaw dheere dheere Nisha ke jism par badhne laga…Karan ki najrein abb bhi Nisha ke ubhaaron par
thi jo uski saanson ke sath upar neeche ho rahe the…Karan se raha nahi gaya aur usne apne haathon ko
Nisha ki kamar par kas diya… Nisha ne sharm ko chhod kar apne honthon ko Karan ke honthon ke bilkul
sameep kar diya…Karan ne bhi Nisha ka ishara samjhte hi uske hontho ko apne honthon ki giraft me le
liya…shahad se meethe honthon ko wo kisi bhookhe ki bhaanti choos raha tha…

jab Nisha ki saanse ukhdne lagi to wo kasmsayi… Karan ne hadbada kar chhod diya use… kuchh sharm se
aur kuchh rukti saanson ki wajah se Nisha ka chehra surkh hi chala tha…Karan ko apni galati ka ahsas
hote hi usne Nisha ko khud se door kiya aur muhh fer kar khada ho gaya…Nisha ko inn palon me Karan ki
berukhi aahat kar gayi…aur sahi bhi tha … jab shadi ho chuki thi aur Nisha use samrpit hone ko taiyaar
thi to muh ferne ka auchitya hi nahi banta par Karan thahra usoolon wala insaan… use lag raha tha ki
kamjor palon ne Nisha ko bhi kamjor bana diya hai iss liye wo bahak gayi hai…
Dono kashmkashh me fase ek doosre ke pahal ki pratiksha karne lage
Nisha aur Karan abhi ek doosre ki halat ko samjh hi rahe the ki ghar ke peechge side / back yard me kisi
ke kood kar bhagne ki aahat huyi… Karan teji se darwaaja khol kar ye bolte huye bahar bhaga ki " Nishu
darwaaja andar se band kar lo " …Nisha aahat se kaafi ghabra gayi … Usne jaldi se darwaja band kar
liya…
Udhar Vijay bhi hadbada kar uss awaaj ka peechha karte huye lagbhag Karan ke saath hi back yard me
jaa pahuncha…par ye kya " khoda pahad nikli chuhiya "… neel gaay ka jhund tha… jo shayad sabjiyan
vagaira khane ke laalach me aayi thi… jo log gaaw ke honge unko pata hoga ki ye wala hangaama to
aksar hi gaaw me hota tha…

Vijay waapas jaane ke liye muda par Karan wahi khada hokar kuchh vichar manthan me laga tha…Vijay
ne Karan ka soch me pada hua chehra dekha to usne Karan se poonchha…

Vijay-- kya baat ho gayi doolhe miya aap idhar kyu kood kar aa gaye… abhi to mai hoon naa… aur ye
muhh sada kar kyu khada hai… jaa bhabhi ji wait kar rahi hongi…

Vijay ne Karan se aankh marte huye kaha…

Karan-- bakwaas mat kar… mera koi naa kar raha intjaar…tu jaakar so jaa…hawaai ghode naa udaa…

Karan ne apni wahi chir parichit muskaan ke sath kaha…

Vijay-- kya bak raha hai be… Kaisa hawaai ghoda…bhool gaya kya do din pahle hi teri shadi huyi hai…

Vijay ko bada majja aa raha tha Karan ko chhedne me…

Karan-- to shadi hone se samne wala kya majboor ho jata hai wait karne ke liye… mujhe to nahi lagta hai
aisa…

Karan ne muskura kar jawaab diya…

Vijay-- teri tabiyat to theek hai naa… ye kyaa kuchh bhi bole jaa raha hai… sabb theek to hai naa…

abb Vijay ke chere ka rang badlne laga tha…

Karan-- haan bhai sabb theek hai … mai to bas yun hi tujhe pareshaan kar raha tha…
Vijay-- jyada bann mat… pareshan tab nahi abb kar raha hai tu mujhe … seedhi tharah bata de ki baat
kya hai warna mai jaakar Nisha se isi wakt poonchhunga …

Vijay ne behadd apnatwa se Karan ko jhinjhodaa…

Karan-- tera dimaag to theek hai naa…

Vijay-- abb tak to theek hai par kah nahi sakta kitni der theek rahega… tu agar bhala chahta hai to bata
de…warna baatein nikalwaane ke tareeke mere paas aur bhi hain…

Vijay ne Karan ko dhamki di…

Karan-- are yaar kya bata doon … poonchh ??

Vijay-- yahi ki kamre me wapas jane ki jagah muhh sada kar kyu khada hai…
Karan-- chala jaunga yaar itni bhi kya jaldi hai …thodi tazi hawa kha raha hoon…
Vijay-- tujhe nahi pata kya jaldi ki wajahh…seedhe se batata hai ki mai hawa khilaaun…
Karan-- jaisa tu soch raha hai waisa ho hi ye jaruri to nahi…

Vijay-- hai jaruri… abb tu bata ki tere case me kyu jaruri nahi…mere hisab se to shaadi ka matlabb wahi
hota hai jo mai kah raha hoon…par mujhe lagta hai abb tu koi naya matlabb samjhane wala hai…jaisa ki
hamesha hota hai…

Karan-- are yaar kabhi kabhi pyaar shadi ke baad bhi wakt leta hai Vajood me aane me … roohani lagaaw
hone me thoda to wakt lagta hai naa dear…

Karan ne bade itminaan se samjana shuru hi kiya tha ki Vijay ne tok diya…aur khisiyate huye bola…

Vijay-- abe ye kaun sa naya tamasha hai tera… ye sab kya bakwaas kar raha hai Karan… kya shadi ke
baad bhi pyaar hone ka intjaar karna padta hai… kya saat feron ke baad bhi milan ke liye tarasna padta
hai… aakhir kyu ???? meri samjh se pare hai teri baatein…tere sare tools to durust hain naa chal
bhai tu vaidya ji ke paas chal…

Karan-- Haan mere bhai mai durust hoon…mai khud kuchh nahi janta hoon Vijay bas itna pata hai ki mai
Nisha se jitna pyaar karta hoon usse kahi jyada uski ichhaon aur chahton ka sammaan karta hoon… dil se
pyaar karta hoon usse aur ye saat fere usko paane ke liye kiye hain uske shareer ko nahi… mai apni Nisha
ko uski sari khushiyon ke saath dekhna chahta hoon naa ki majbooriyon ke sath…aur shayad thoda wakt
hai isme… mai janta hoon ki meri baatein tujhe bachkaani lagegi …

Karan ki baaton me sirf aur sirf Nisha ki chaahton ke liye parwaah aur beshumaar muhobbat thi…jo Vijay
se bhi naa chhip saki…

Vijay--Yaar Karan tu bhi to insan hai naa mujh jaisa phir kyu tu aisa hai… kya tujhme chahte nahi hain ya
tu abnormal hai …

Karan-- mai janta hoon yaar Vijay ki meri baatein pratham drishtya bewkoofi hi lagegi… par bhai mere
mai aisa hi hoon…pyaar to mai usse bahut jyada karta hoon aur mere jism ne fere bhi kar liye par kahi
naa kahi uski atma se meri atma ke fere me kasar / kami rah gai…

Vijay--bhai mere to abb kya sari jindgi raaton me room ke bahar atma ke feron ki duhayi dete huye
bitaayega…kis kis ko samjayega ye " bebuniyaad bakwaas ".…

Karan--bhai mai khud nahi janta mai kya karunga…kaise karunga…kabb tak karunga… par karunga yahi jo
kar raha hoon…kyu ki mai usko jara bhi takleef me nahi dekh sakta hoon balki saaton janam intjaar kar
loonga uska…

Bheegi bheegi sadkon pe main

Tera intezaar karun
Dheere dheere dil ki zameen ko
Tere hi naam karun

Khudko main yoon kho doon

Ke phir na kabhi paaun
Haule haule zindagi ko
Ab tere hawaale karun

Sanam re, sanam re

Tu mera sanam hua re
Sanam re, sanam re
Tu mera sanam hua re
Karam re, karam re
Tera mujhpe karam hua re

Karan aur Vijay ki sari baaton ko koi teesra bhi khade hokar sun raha tha… jiski aankhein aansuon se
bhar gayi thi aur mathe par chinta ki lakirein chamak rahi thi…
sunne wali aur koi nahi balki apni Nisha thi… jo aankhon me aansu bhare Karan kbehadd pyaar se dekh
rahi thi… iss samay use koi chaah nahi thi siwa iske ki Karan uska ho jaaye… wo doob jana chahti thi iss
haseen lamhe me… agar iss pal Karan usse jaan bhi mangta to Nisha marr jati bina uff kiye…

Ishq ka tej dono premiyon ke chehre ki aabha ko badha raha tha…Karan ki ek ek baat ne Nisha ke
bheetar ghar kar liya tha…pyaar to wo Karan se pahle hi karnelagi thi…par abb uska ek naya sthan bann
gay tha jindgi me…khwaabon me yahan tak ki khayal bhi uske bina adhoore se lagte abb to…

Saat fere ko sahi mayane me Aaj samjh liya tha Nisha ne par abb uske " Pyaare buddhu " ke liye use ye
saat fere bhi kam lag rahe the… Nisha aaj Karan ko poori tarah paa lena chahti thi par kuchh to samjh
nahi aa raha tha kare kya aur kuchh stri sulabh lajja ne use gher raha tha…soch me doob gayi ki karu kya
abb…

Karan ke jab seedhiyan chadhne ki aachat Nisha ke kaanon tak aayi to Nisha ki haalat behadd kharabb
ho gayi… uske gaalon ki lalima bata rahi thi ki uska dil kya chahta hai par samsya yahi thi ki kaise kaha
jaye " baaware " se dil ka haal…achank Nisha ke dil ne usse kuchh aisa kaha ki Nisha khushi se uchhal
padi aur khud se hi boli " Kal aayega majja mr Karan Singh ".…abb dekho Nisha ka kammal…

Udhar Karan jab Kamre me pahuncha to khud me magan Nisha use behad pyaari lag rahi thi… Karan ko
dekh Nisha ne halka sa langdaate huye punchha …
Nisha-- kya hua tha peechhe … kaun kooda tha…

Karan-- are koi nahi tha… bas neel gaay thi… par tum aise kyu chal rahi ho… theek to ho naa…

Karan ki awaaj me fikar thi…

Nisha-- kuchh nahi bas jab aapke upar giri thi naa to thodi chot lag gayi thi " kamar " me… bada dard ho
raha hai… Shayad moch aa gayi hai uff dard bahut hai…

Nisha ne karahte huye kaha…

Karan-- are to koi dawa lelo aur malish karwa lo… mai Ishu ko bulata hoon…

Nisha-- Ishu ko kyu ??

Karan-- tumhari Kamar me dawa lagane ke liye…

Nisha-- wo apki bahan hai aur maa ne kaha tha ki mujhe aapke gharwaalon ko koi kaam nahi bolna hai
paap lagega…Koi baat nahi kal dopahar tak meri Gudiya aa jayegi usi se lagwa loongi mai dawa… tab tak
to dard sahna hi padega naa…aur koi option bhi to nahi hai…

Nisha ke chehre par kutil muskaan fail gayi…

Karan-- Nautanki kahi ki… laao dawa mai laga deta hoon…koi jarurat nahi hai dard sahne ki…
Nisha-- par meri kamar me lagi hai,.… wahan aap kaise lagayenge… aapko sharm aa gayi to…

Karan-- jyada dimaag mat chalao…mai koi ladki hoon kya … mujhe sharm nahi aati hai samjhi…
Nisha-- to aaiye bed par aur lagaiye Meri kamar me dawa…
Nisha ki baat aur uss baat ke kahne ke andaaj par aur koi hota to shayad aaj Nisha ki khair naa hoti par
Karan sirf muskuraya aur itminaan se bed ki taraf Iodex lekar pahuncha hi tha ki uski aankhein fati ki fati
rah gayi…
Hua ye ki jab Karan bed ke paas Nisha tak pahuncha tab tak Nisha ne apne balon ki jooda bana liya aur
apne pallu ko seene se hata kar sadi ko apni nabhi ke neeche kar liya…aise lag raha tha jaise Nisha ne
fish cut lahnga aur deep neck choli pahni ho…Nisha to yu lag rahi thi jaise Sakshat ajanta ki moorart ho…
Karan ne pahli baar Nisha ka itna bindaas roop dekha tha…uske to hoshh hi udd gaye… ekk behadd alag
ahsaas ho raha tha aaj use Nisha ko dekh kar…Karan Kafi der khada Nisha ke badan ko ghoorta raha…

Karan ko apni taraf ghoorta pakar Nisha ko mann magi muraad mil gayi … Uske chehre par vijayi muskan
tair gayi…wo itraati huyi Karan se boli…

Nisha-- kya hua ji… kya dekh rahe hain…

Nisha sharmati huyi boli…

Karan--k…k…kuchh bhi to nahi…

Aaj Karan ko Nisha ki har ada 420 Volt ka jhatka de rahi thi…

Karan ka haklana Nisha ko manjil ke ek kadam kareeb le aaya… Baawari ho gayi thi Nisha… use bas Karan
ko sab kuchh dena tha kaise bhi… isi jugaad me bechari kya kya kar rahi thi…
Doston pyaar ki yahi khaas baat hoti hai… premi sab karna bhi chahte hain aur sharm ka daaman chhod
bhi nahi paate hain…Badi ki majjedaar situation hoti hai ye…
Nisha kamar lachate huye jaakar let gayi bed par badi ada se… Karan bhi kareeb jaakar baith gaya
uske…Aaj Nisha ke badan ki khushboo behadd madak lag rahi thi Karan ko…Karan ne haule Nisha ki
Kamar ko ungliyon se sahlaya…iss baar tadpne ki baari Nisha ki thi…Karan ki ungliyon ki chhuan se jism
ka ruaan ruaan khada ho gaya…Karan jab tak haule haule malish karta raha Nisha ki aah niklti rahi jise
wo Karan se chhupati rahi…malish ka silsila kafi der chalta raha…na Nisha ne roka naa hi Karan ruka…
Diwaane ho gaye the dono…
Thodi der baad Nisha ne bas bola aur waise hi leti rahi…Karan jab haath dhul kar sone aaya to iss baar
Nisha ki sadi bhi thoda upar chadi huyi thi par kammal ki baat to ye thi ki iske aage Nisha kuchh bhi kar
naa payi kyu ki wo so gayi thi …
Nisha ki agli subah behadd khas thi kyu ke uske mayke waale aane wale the… Jab tak Nisha taiyar huyi
aur Nasha banaya Gudiya , papa aur bhaiya aa bhi gaye…Nisha aur Gudiya to yun mili jaise barson se
bichhadi huyi hon… sach kitna sukoon tha uss pal me…Nisha to kho hi gayi apne logon ke sath…subah se
shaam ho gayi thi par usne Karan ki taraf dekha bhi nahi tha… achank jan samrath ne Karan se poichha ki
Dilli wapas kab jana hai aur Karan ne jawab diya " do din " baad… Nisha ko to jhatka laga .… Nisha chehra
usi pal utar gaya…raat ko jab uske gharwaale jaane lage to Nisha ne Gudiya ko rokna chaha… rukna to
Gudiya bhi chahti thi par sankoch me naa ruki…
Unn logon ke jane ke baad Nisha chal padi apne mission par…Nisha ne to jaise thaan liya tha ki aaj to bas
jeet hi lena hai pyaar ki jang… abb wo apne Karan ko iss vedna me nahi jalne dena chahti thi… upar se
Karan ke wapas jane ki baat se Nisha ke hriday par vajrapaat ho gaya tha…
Jab sabhi sone ki taiyaari me the usi wakt Nisha Karan ka haath pakad kar aangan ke beecho beech sthit
chhote se mandir / pooja kamra me lekar gayi… Ghar waalon ke sath sath Karan bhi hairaan tha ki aakhir
Nisha karna kya chahti hai…
Udhar Nisha sir par pallu liye jaa pahunchi Bhole baba ji ke samne…aur pahle baba ji ko pranaa kiya uske
baad Karan ke samne dono haath jodd kar aur sir jhuka kar khadi ho gayi…
Karan-- ye kya kar rahi ho Nisha…
Karan ko achambha ho raha tha Nisha ki iss harkat par…
Nisha--Mai wahi kar rahi hoon jo mujhe bahut pahle karna chahiye tha…
behadd pyaar me bhar kar boli Nisha…
Karan-- mai samjha nahi yaar ye sab kar kya rahi ho … sab dekh rahe hain chalo yahan se…
Karan ko laga Nisha wapas koi mauka ya wakt lene jaisi baat karegi jise sun kar uski maa aur dadi ko
bahut takleef hogi…
Nisha--abhi meri baat poori nahi huyi hai Karan…Mujhe pata hai apko meri ye harkat asahaj lag rahi hai
par sach to ye hai mujhe ye sab karna bahut achha lag raha hai… mai jab se aapse mili hoon maine aapko
bahut pareshan kiya hai aur aapne hamesha mere aur mujhse jude logon ke liye achha hi kiya hai…par
Karan ji mai aaj ishwar ko sakshi maan kar apne dil ka haal aap tak pahunchana chahti hoon…
( iske baad Nisha ne Karan ka haath pakda aur bolne lagi )
mai jabb aapse mili thi indore me aapne usi pal mere dil ko apni angle smile se chura liya tha… par
chunki uss wakt maa mujhse Vijay ji ke sath rishte ke liye bol chuki thi to maine aapse door rahna hi
uchit samjha… par mai kitna bhi koshish karti aapse door jane ki aap har baar naya roop lekar aa jate the
mere samne… uske baad Vijay aur Barkha ke case me mai apko inn logon ka sahyogi samjh baiti … jis
karan mai toot gayi…
Vijay se kahi jyada mai aapse nafrat karne lagi thi…kyu ki aapki jo chhavi mere mann me thi wo aisa
kuchh kar hi nahi sakti thi… isi aghaat me mai aapse itna bura bartaaw kar baithi… par jaise hi sari
baatein saaf huyi mere khayal se sagaayi ke din tak mai bata nahi sakti mai kitni khush thi yahan tak ki
Dilli me to mujhe ek naya ahsaas hua… pal pal aapse najdikiyan mujhe meri aane wali jindgi ke liye
bechaini de rahi thi…mai poori tarah doob chuki thi apke pyaar me par kahne ka sahas nahi ikattha kar
paa rahi thi…
Karan-- Nisha kya tum mera dil rakhne ke liye halaaton se samjhauta to nahi kar rahi ho…
Karan ko apne kaanon par yakeen hi nahi ho raha tha…
Nisha-- bilkul bhi nahi…
Karan-- to phir Aaryan ne mujhse jo sab Bola wo kya tha…
Nisha-- Aaryan meri dost ke bhai aur ek achhe insan hain… par maine kabhi unko dusri Nigaah se nahi
dekha… jab mai aapse shadi karu ya padhai iss uljhan me jhoojh rahi thi to unhone mujhe bhawnatmak
roop se kafi sahyog diya…yahi kaaran hai ki maine apne andar chal rahi kashmkash ko unse kah dala par
jab aap mere samne aaye to aapka ek aur naya roop samne tha…
ye mera wo samay tha jab maine poore manoyog se iss rishte ko aage badhane ke liye aapko mook
sahmati di…mujhe nahi pata ki kab Aaryan ne ise galat tarike se aapko kah diya par mai unki bhi koi galti
nahi manti hoon kyu ki sari galti meri thi… maine hi teen words kahne me kaafi samay le liya…

Itna kah kar Nisha ne Karan ka hath thame huye hi pooja ghar ke charon taraf chalna shuru kiya aur sath
me bole bhi jaa rahi thi…
" mai aapse aaj se nahi pahli mulakaat ke din se bahut pyaar karti hoon.… maine apse wakt jarur manga
tha par shadi meri marji se hi huyi hai… mujh par koi jor jabarjasti nahi huyi hai… aur raat ko jo mai kar
rahi thi wo koi bahki - wahki nahi thi… wo mera apne sajan ke liye samarpann tha"… Lijiye le liya maine
aathva fera bhi aapke sath… abb to yakeen hua naa aap ko mere pyaar par…

Nisha ki baaton ne Karan ko bhawuk kar diya tha aur uski Ye aathva feraa wali masoomiyat ne uska hi
nahi ghar walon ka bhi dil jeet liya tha par Vijay ki hasi chhot gayi thi… jabb sab ne hasne ka karan
poonchha to Vijay bola…
Vijay--abb to Karan ko sari jindgi apne kamre kebaahar aatma se ruhaani feron ka intjar nahi karna
padega naa…
Vijay ke sath haste huye sabhi wahan Nisha aur Karan ko akela chhod kar apne apne kamron me chale
gaye…tab Karan ne Nisha ke haathon ko pakada aur bola…
Karan-- Nisha … Nisha I … I love u yaar… mai bata nahi sakta ki mai kitna kushh hoon… mujhe to yakeen
nahi ho raha hai ki tumko paa liya hai maine… Nishu… meri Nishu… sirf meri Nishu…
Karan ne aage badhh kar Nisha ko apne aagosh me bhar liya… ye bhi bhool gaya ki Aangan ke beechon
beech kada hua hai…Nisha ne kisi tarah khud ko chhudaya aur apne kamre ki ore bhagi aur Karan
peechhe peechhe tha… uske honton par gajab ki shararti muskaan thi…
Karan abhi Nisha ke peechhe apne kamre ki ore badha hi tha tabhi Vijay ki awaaj sun kar chaunk gaya…
Vijay-- oye popat tu kidhar chala…pahle idhar to aa…

Vijay ne apni style me Karan bulaya …

Karan-- bhai aisa hai ki abb mujhe popat shopat naa bola karo… insult hogi biwi ke samne…abb apni bhi
koi izzat hai…

Aaj Karan ke sur badal gaye the…

Vijay -- wah re mere girgit … kya rang badla hai… bhai mere mujhe thanks bhi nahi bola…

Vijay kaun sa peechhe hatne wala tha…

Karan-- aur bhala mai aapko thanks kyu bolu…apne kiya kya hai…time nahi hain mere paas jaldi bolo
Karan ko achambha ho raha tha Vijay ki baat par…

Vijay-- To kya tujhme itni himmat thi ki bhabhi ji se apna haale dil kahta…socha nahi tune ki unn tak baat
pahunchi kaise…

Karan-- to kya tune bola sab kuchh Nisha ko…

Vijay-- bilkul nahi balki tujhse bulwaya…

Karan -- mai samjha nahi…

mr smarty jab mai aur tu peeche back yard me khade hokar baat kar rahe the to Nisha chhajje par khadi
hokar sab sun rahi thi… maine use dekh liya tha…par tujhe nahi bataya… kyu ki isse achha to mauka
milne wala nahi tha tum dono ko aamne saamne laane kaa…

Karan-- tabhi to baaton hi baaton me baal ki khal nikal raha tha…

Karan ko abb Vijay ki chal poori tarah samjh aa chuki thi…

Vijay-- bilkul… abb jaa room me… tera koi intjaar kar raha hai…
Karan kuchh bola nahi bas muskura kar room ki ore chal diya…har kadam ke sath dhadkne apni dhadkne
ki speed badha rahi thi… jabb darwaja dhakel kar andar pahuncha to Karan ki aankhein chamak
uthi…kamra Mombattiyon ki nanhi nanhi lau se jagmaga raha tha … aur aisi timtimati roshni me saff
pata chal raha tha ki kamre ke kone me rakhe bed par dheron gulaab ki pankhudiyan bikhri huyi hain…
Nisha Karan ki gift ki huyi sadi me lipti bed ke beechon beech ek haath ka ghoonghat kheenche baithi
huyi thi…Karan awaak rah gaya ye najaara dekh kar…aur baat bhi aisi thi abhi thodi der pahle jis ladki ne
Bebaaki se pyaar ke mayne samjhaye the wo hi iss samay ghoonghat ki ote me dubki baithi thi…Karan ki
hasi chhoot gayi… wo aaram se chalte huye bed tak pahuncha aur bola…
Karan-- Are baap re Nishu itna bada ghoonght… wapas gussa ho gayi ho kya…
Karan ke majjak par bhi Nishu kuchh nahi boli bas sir jhukaye baithi rahi…Karan ko samajh hi nahi aa
raha tha ki pyaar ka pahla shagun kaise kare… kaise shuru kare apne dil ki baatein…par achank hi jaise
Karan ko kuchh yaad aaya… wo lapak kar apne bag ki ore gaya aur usme se apni diary nikal kar Nisha ke
paas laya… diary ko Nisha ki ore badhate huye bola…

Karan-- Nishu ye tumhari amanat… jis din se mila hoon tumse uss din se lekar aaj tak ki apni ek ek hasrat
aur haalat isme likha hai maine… achha aur bura dono… jabb rota tha to unn aansuon ko kalam ke
madhyam se isme sanjota tha… aur jabb hasta tha to usse to jarur likhta tha…par abb mujhe meri
sangini mil gayi hai… abb iski jarurat nahi padegi… abb tum hi rakho isse…aur meri diary tum bann
jao…waise bhi mai bhaagte bhaagte thak gaya hoon… araam karna chahta hoon pyaar ki chhaw me…
Karan ne Nisha ke haathon par diary rakh di… aur haath badha kar Nisha ke chehre se ghoonghat ka
parda hata diya…Karan ko aaj Nisha ki khoobsurti me alag hi jadu najar aa raha tha …Karan saanse roke
bas uski sharm se labrej sitaraa aankhon ko dekhta raha…

Udhar jab Nisha ne haule se apni palke utha kar karan ko dekha … uska deewanapan dekh naa jane kyu
aaj Nisha ki aankhe chhalak uthi…aaj se pahle iss pyaar ko wo samjh hi nahi payi thi… sahi maayne me
uski chahat ki gahraiyon ko aaj hi jana tha Nisha ne…Nisha ne sari sharm o haya chhod di aur apne "
baaware " ko aage badh kar gale laga liya… Karan bhi kisi chhote bache sa Nisha me simt ta chala
gaya…apni ungliyon ko Karan ke baalon me ferti Nisha aaj pahli baar itna sukoon mahsoos kar rahi thi…

Maine Mere Jaana ,

Ab Hai Jaana…..
Ishq Tera Dard Tera,
Haaye…

Karan turant samjh gaya ki Nisha kafi bhawuk ho rahi hai…aise me Nisha ko Karan ka sahara chahiye ye
Karan ko bakhubi samajh aa gaya tha…Karan ne bhi uske maathe ko chhoom kar apne kareeb hone ka
ahsaas karaya…aur iske baad aage ki jindgi ke srijan ke liye dono ne kadam badha diya…

" The End"