CRUZADA NING ROSARIO NING FAMILIA

Ing Familiang Cristiano, dapat yang mag-Rosario aldo-aldo. Tutung macayama at macaligaya
qñg Dios, neng ing Familia, ustung bandang sisilim, macatipun la arapan na ning larauan ning Virgen
Maria o caya ing larauan ning Guinu tamu at carin qñg pamisasanmetung dang pusu, peñgari at anac
caibat da qñg carelang obra, pamagaral o nanu mang pigagap, pañgadian de ing Santo Rosario.
Caniting pamitipun da, iyagum da la ring galame ning familia a ala qñg pibale-bale ampon detang
meañgu na bie at ila ñgan iyagum de ing mabilug a familia qñg Virgen a malugud dang Indu.

PANALAÑGIN A PANIALUBUNG QÑG VIRGEN QÑG PANIATANG NING LARAUAN QÑG

PIBALE-BALE

O Indu nang Cristo * at Indu mi mu naman * Nuan a Virgen Maria * Masaya cami't mirañgal
caniting quecang pamandalo * queting maluca ming carinan * a pigcalaman mung gueuang matampa
* nang santuñgan ning quecang lugud * quilub na ning pitung aldo * a manatili cang cayabe mi. * Ibie
mu quecami * pacamalan ming Indu * ing quecang saup. * Ibie mu ing bendiciun ning quecang Anac
* caring atiu queting pibale-bale; * e mu ipaintulut * ing macarapat caming * nanu man macasindac
queca. * Queca cami, * icang Reina mi't Indu. * Liñgapan mu que ñgan * antimong tune mung bandi
at anac * ñgeni't mangga man capilan. * Amen.

DALIT BAYU MAG-ROSARIO

INDUNG ALANG MUSING
1. Indung alang musing
Qñg quecang aus
Arap ning altar mu
Nio que dururup.

Ave, Ave, Ave Maria (2x)

2. Panalañgin mi ya
Bansa ming beitan
At ding sablang bansa
Dian mong capayapan.

Ave, Ave, Ave Maria (2x)

1
 SANTO ROSARIO

Qñg Laguiu ning Ibpa  ampon ning Anac  ampon ning Espiritu Santo.  Amen.

PAMANISING CASALANAN. Guinu cung Jesucristo, Dios ampon taung tutu, maquirapat mañga
timbus cacu: sisisian cu mañga pagbitquilan masaquit qñg lub cu ing sablang salang depat cu, uling
Icang Dios cung lacuas caluguran mañga palalu cu qñg sablang nanu inia pin tatantu cung matibe qñg
e na cu miuman paliuas mañga micasala Queca, nung saupan Mu cu qñg mal a gracia Mu, ampon
lisian cung irayu ing sablang macauli qñg pamicasala cu; tatantu cung magcumpisal ampon daptan ing
utus at parusa ning Padreng calili Mu qñg sablang casalanan a depat cu; ibat ñgeni yayauad cung
patauad Queca layun maniuala cung masaquit qñg e Mu cu salanan patauaran uli ning pamailasa at
pañgamate Mu qñg Cruz. Amen.

MANUNGGE:  Guinu, busnian Mo rening labi cu.

SABLA:  At igcas ning asbuc cu ing capurian Queca.

M.:  Saupan Mu cu Dios co.

S.:  Piraplan Mu cung saupan Guinu co.

M.: Ligaya qñg Ibpa, ampon qñg Anac, ampon qñg Espiritu Santo.
S.: Antimo ing sadia rang ligaya, ibat qñg camumulan, ñgeni't capilan man mangga man qñg alang
angga. Amen.

M.: Ding misterios a quecatamung pigunaman ñgeni ila ding...

MISTERIOS QÑG TULA

(Lunes at Sabado)

M.: 1. Ing Pamicatauan nang Tau ning Dios Anac

IBPA MI, ati' Ca banua, * misamban ya ing Laguiu Mu, * datang quecami ing Caarian Mu, *
mipamintuan ing lub Mu * queti sulip anti banua. *
S.: Ing cacanan mi qñg aldo-aldo, * ibie Mu quecami qñg aldo ñgeni, * ampon ipatauad Mo quecami
ring sala mi Queca * antimo ing pamamatauad mi caring mica-casala quecami, * mañga e Mu que
ipaisaul qñg tucsu, * nune icabus qñg maroc. Amen. (Misan a ucdu)
2
M.: BAPU MARIA, mipnu ca qñg gracia, * ing Guinu atiu queca, * nuan ca caring sablang babai, *
nuan ya pa naman ing buñga ning atian mu, Y Jesus. *
S.: Santa Mariang Indu ning Dios, * ipanalañgin mu queng macasalanan, ñgeni * at qñg oras ning
camatayan mi. Amen. (Macatapulung ucdu)

M.: LIGAYA qñg Ibpa, ampon qñg Anac, ampon qñg Espiritu Santo.
S.: Antimo ing sadia rang ligaya, ibat qñg camumulan, ñgeni't capilan man mangga man qñg alang
angga. Amen. (Misan a ucdu)

M/S.: O JESUS CO! patauaran Mu ing casalanan mi, iligtas Mu cami qñg api ning infierno, iuli mo
sa' qñg ligaya banua ring anggang caladua, lalung-lalu na retang lalung mañgailañgan qñg Quecang
pacalulu. (Misan a ucdu)

M.: Casantusantusan a Pusu nang Jesus,

S.: Pacaluluan Mu cami
M.: Calinislinisan a Pusu nang Maria,
S.: Panalañgin mu cami
M.: Maligayang Patriarcang San Jose,
S.: Panalañgin mu cami
M.: Santa Catalina, virgen at martir
S.: Panalañgin mu cami
M.: Icayung sablang Angeles at Santos,
S.: Panalañgin yu cami.

Dalit qñg Virgen Maria

2. Ing Pamandalo ning Virgen Maria cang Santa Isabel

3. Ing Pañgabait nang Jesus qñg Belen
4. Ing Pañga-daun nang Jesus qñg Templo
5. Ing Pañga-aquit nang Jesus qñg Templo

3
 MISTERIOS QÑG SALA
(Jueves)

1. Ing Pañga-binyag nang Jesus qñg ilug ning Jordan

2. Ing Casal qñg Cana
3. Ing Pañga-pasiag ning Cayarian ning Dios
4. Ing Pamanaliua na asque Jesus
5. Ing Pañgatatag ning Banal a Eucaristia

MISTERIOS QÑG LUNGCUT

(Martes at Viernes)

1. Ing Pamanalañgin nang Jesus qñg Mula ning Getsemani

2. Ing Pañga-batbat nang Jesus
3. Ing Pañga-putuñgan nang Jesus qñg Coronang Sucsuc
4. Ing Pamamusan nang Jesus qñg Cruz
5. Ing Pañga-mate nang Jesus qñg Cruz

MISTERIOS QÑG LIGAYA

(Miercoles at Domingo)

1. Ing Pañga-subli nang Mebie Jesus

2. Ing Pamaitas na banuang Jesus
3. Ing Pamanipa ning Espiritu Santo
4. Ing Pañga-dala na banua ning Virgen Maria
5. Ing Pañga-corona na banua ning Virgen Maria

4
 DAUN QÑG MISTERIOS NING TULA

O Malugud ming Indu! tanggapan me sa pu iting rosariong daraun mi queca qñg pamigaganaca
mi caring misterios ning tula mu't alang-alang caniti, paquiabutan mu sa qñg Dios ing cauilia' no sang
dalauan ding caladua mi, ampon luguran qñg mal a gracia nang icasipag ming dapat qñg cabanalan at
pamalsinta mi quea caba ning bie mi. Amen.

DAUN QÑG MISTERIOS NING SALA

O Cacamalcamalan a Indu! tanggapan me sa pu iting rosariong daraun mi queca qñg

pamigaganaca mi caring misterios ning sala mu at alang-alang caniti, yauad mu que sa qñg Dios qñg
mal a graciang icabiasa ming mamintu qñg turu na, ban a queng pagcalaman calam munie sala caring
capatad. Amen.

DAUN QÑG MISTERIOS NING LUNGCUT

O Indung Malungcut! tanggapan me sa pu iting rosariong daraun mi queca qñg pamigaganaca

mi caring limang misterios ning lungcut mu at alang-alang caniti, paquiabutan mu sa qñg Dios ing mal
a saup na ba que sang mabiasang mibatang maniaman a lub qñg nanu mang camuran at casaquitan a
datang quecami lalu na qñg oras ning camatayan mi. Amen.

DAUN QÑG MISTERIOS NING LIGAYA

O Cacamalcamalan a Indu! tanggapan me sa pu iting rosariong daraun mi queca qñg

pamigaganaca mi caring misterios ning ligaya mu at alang-alang caniti , yauad mu que sa qñg Dios
qñg mal a gracia nang icatibe mamintu qñg utus na, ba na queng pamanan qñg pañgamate mi qñg
ligaya na banua. Amen.

5
ING LETANIA NING VIRGEN MARIA

M.: Kyrie, eleison

S.: Guinu, Pacaluluan Mu cami
M.: Christe, eleison
S.: Cristo, Pacaluluan Mu cami
M.: Kyrie, eleison
S.: Guinu, Pacaluluan Mu cami
M.: Cristo, Paquiramdaman Mu cami
S.: Cristo, Paca-paquiramdaman Mu cami
M.: Dios Ibpa banua,
S.: Pacaluluan Mu cami
M.: Dios Anac a Miniaclung qñg yatu,
S.: Pacaluluan Mu cami
M.: Dios Espiritu Santo,
S.: Pacaluluan Mu cami
M.: Santa Trinidad a Metung a Dios
S.: Pacaluluan Mu cami
M.: Santa Maria,*
Santang Indu ning Dios,
Santang Virgen ding virgenes,
Indu nang Cristo,
Indu ning Divina Gracia,
Indung alang Casalat-salat,
Indung Calinislinisan,
Indung alang Queumanan,
Indung alang Malit qñg e Matulid,
Indung Ca-irug-irug,
Indung Macapagmulala,
Indu ning Masampat a Usuc,
Indu ning Miglalang,
Indu ning Meñgabus,
Virgen a Capantaspantasan,
Virgen a sucat Igalang, *S.: Panalañgin mu cami
6
M. Virgen a sucat Ibantug, *
Virgen a Mayupaya,
Virgen a Mapamacalulu,
Virgen a Matibe Lub qñg Mayap,
Salamin ning Catuliran,
Luclucan ning Cabiasnan,
Panibatan ning Tula mi,
Lulanan ning Cabanalan,
Lulanan a sucat Irañgal,
Lulanan nang Macamal a Devocion,
Rosang e Pa-isip a Ulaga,
Tore nang David,
Toreng Marfil,
Bale Guintu,
Caban ning Tipan,
Pasbul ning Banua,
Tala ning Munag,
Camasmas ding Salunan,
Pagsacdalan ding Macasalanan,
Mapamatula caring Malungcut,
Mapanampun caring Cristianos,
Reina ding Angeles,
Reina ding Patriarcas,
Reina ding Profetas,
Reina ding Apostoles,
Reina ding Martires,
Reina ding Confesores,
Reina ding Virgenes,
Reina ding Sablang Santos,
Reinang e Meñgasna qñg Casalanan a Minana,
Reinang Miuli Banua, caladua't catauan,
Reina ning Santissimo Rosario,
Reina ning Caratunan,
Reina ning Capayapan, *S.: Panalañgin mu cami

7
M.: Cordero ning Dios a milalaco qñg casalanan ning yatu,
S.: Guinu, patauaran Mu cami.
M.: Cordero ning Dios a milalaco qñg casalanan ning yatu,
S.: Guinu, paquiramdaman Mu cami.
M.: Cordero ning Dios a milalaco qñg casalanan ning yatu,
S.: Guinu, pacaluluan Mu cami.

M.: Lalam na pu ning quecang cayampunan, magsacdal queng magcanlung;

O casantusantusan a Indu ning Dios! E mu sa pu pisauili ing aclis mi queca qñg
caculañgan mi, nung e bagcus mu queng icabus qñg sablang pañ ganib,
O Maligaya at canunuanan a Virgen!

M.: Ipanalañgin mu cami, O Santang Indu ning Dios

S.: Ba' ming apañgaintuliran nabangnan ing pañgacu nang Cristong Guinu mi.

M. O Dios ming malugud, ampat ing Bugtung Mung Anac, qñg bie Na, camatayan, at pañgasubling
mebie pequiabutan Nang mipagcalam quecami ing ablas ning bie alang angga; daptan Mu sa' pu pauli
ning pamigaganaca mi caring misterios ning casantusantusan a Rosario ning Virgen Maria, atuldan
ming calamnan da at layun ming acamtan ing pañgacu ra. Qñg uli na mu rin Cristong Guinu mi.
S.: Amen.

M.: Sasalpantaya parañgal qñg Sagradung Pusu nang Jesus.

S.: SASALPANTAYA cu qñg Dios Ibpang Mayupayang tutu, meñgaua qñg banua ampon qñg labuad.
Sasalpantaya na cu man qñg Anac nang Bugtung, Y Jesucristong Guinu tamu; quigli Ya lalang ning
Espiritu Santo, mibait Ya cang Santa Mariang Virgen, linasa Ya utus nang Pontio Pilato, pinacu re qñg
Cruz, mete Ya, quitcut Ya, tinipa Ya qñg infierno; iniang catlung aldo sinubli Yang mebie. Pepaitas Ya
banua, macalucluc Ya uanan ning Dios Ibpang Mayupayang tutu. Ibat carin subli Ya naman queti ban
mucum caring mabie ampon meñgamate. Sasalpantaya cu qñg Espiritu Santo, qñg Santa Iglesia
Catolica, qñg pamisamac ding Santos, qñg pañga-patauad ning casalanan, qñg pañgasubli rang mie
ding catauan ding sablang tau, ampon qñg bie alang angga. Amen.

8
M.: Bapu Reina, parañgal qñg Calinislinisan a Pusu nang Maria.
S.: BAPU REINA, Indung mapamacalulu, bie ampon yumu mañga panaligan mi. Bapu Reina, icang
ausan mi, iqueng pepalacuan a anac nang Eva; icang pañgisnauan ming malalam, daralung queng
mañga tatañgis queni qñg carinan ning lua. Ñgamu na uari, patulunan mi, balicdan mu cami caring
mata mung mapamacalulu ampon nung mapupus na ing pañgalaco mi queti sulip, ipaquit me quecami
y Jesus a buñga nang masampat ning atian mu. O Malugud, O Mapamacalulu, O Santa Mariang Virgen
a Mayumu. Ipanalañgin mu cami, O Santang Indu ning Dios ba' ming apañgaintuliran nabangnan ing
pañgacu na ning Guinu tang Jesucristo. Amen.

M.: Para qñg cayampunan nang San Jose

(Metung a Ibpa Mi, Bapu Maria ampon Ligaya)
M.: Para qñg capagnasan ning Santo Papa
(Metung a Ibpa Mi, Bapu Maria ampon Ligaya)
M.: Para caring anggang Obispos, Pari ampon Religiosos.
(Metung a Ibpa Mi, Bapu Maria ampon Ligaya)
M.: Para caring masaquit, mananu na sanang pagcaluban nong capaldanan ning Guinu
(Metung a Ibpa Mi, Bapu Maria ampon Ligaya)
M.: Para qñg capayapan ning mabilug a yatu, lalung lalu na qñg bansa tamu.
(Metung a Ibpa Mi, Bapu Maria ampon Ligaya)
M.: Para caring capagnasan tamu.
(Metung a Ibpa Mi, Bapu Maria ampon Ligaya)
M.: Para qñg pamagbalic da lub ding taung macasalanan ampon ding taung e macaquilala qng Dios.
(Metung a Ibpa Mi, Bapu Maria ampon Ligaya)
M.: Para caring caladua qñg Purgatorio, lalung lalu na retang ala nang macaganaca pa carela.
(Metung a Ibpa Mi, Bapu Maria) at:
M.: Dinan mo pung capainauan a alang capupusan Dios a Guinu mi.
S.: Aslagan no sa' ning sulu Mung alang angga.
M.: Manatili no sa' qñg catahimican.
S.: Amen.

M.: PANALAÑGIN QÑG SANTISSIMA TRINIDAD

S.: O Casantusantusan a Dios Banal a Trinidad -Ibpa, Anac at Espiritu Santo -taimtim da cang
sasamban. Daraun que Queca ing Cacamal-camalan a Catauan, Daya, Caladua at Pañga- Dios nang
Jesucristo, a manatili caring sablang tabernaculo qñg mabilug a yatu, bilang capaglarinan caring
9
casalanan, caring quealan galang qñg Quecang Cadiosan at qñg anggang quealan masabal a
macalapastangan Queca. At capamilatan ning alang sucad nang calam ning Casantusantusan nang Pusu
at ning Calinislinisan a Pusu nang Maria, aduan cu ing pamagbalic lub da ring sablang macasalanan.
O Dios co, sasalpantayanan da Ca, sasamban da Ca, manalig cu Queca at caluguran da Ca. Maniauad
cung capatauaran para caring e sasalpantaya, e sasamba, e manalig at e lulugud Queca.

M.: PANALAÑGIN QÑG GUINU TANG JESUCRISTO

S.: Guinung Jesucristo, Anac ning Ibpa,
itubud Mu ne ñgeni ing Quecang Espiritu
queti qñg mabilug a yatu.
Bustan Mung manatili Ya ing Espiritu Santo
caring pusu ring sablang bansa,
ban canita miligtas la qñg maroc
a panugali, sacuna ampon caligaligan.
Mananu na sanang ing Indu ring sablang bansa,
a canita iyapin y Maria, iyang maguing Talapanlualu mi. Amen.

M.: PANALAÑGIN NING CRUZADA NING SANTO ROSARIO

S.: Ibpang atiu banua, * pag-amuamu mi Queca * qñg Laguiu nang Jesucristong Anac Mu, * ing
panuanan Me sana * ing quecaming Cruzadang Rosario ning Familia. Ibie Mu quecami * at caring
anggang tau * ing tetagan * ampon ing graciang mañgacung MAG-ROSARIONG MIFA-FAMILIA
ALDO-ALDO * at a tuparan mi ñgan sana iti * qñg mipnung catapatan. Amen.

M.: Reina ning Santissimo Rosario!

S.: Liñgapan mo ring Familiang Filipino.

M.: Reina ning Santissimo Rosario!

S.: Ilapit mo cang Jesus ring Familiang Filipino.

M.: Reina ning Santissimo Rosario!

S.: Papagbanalan mu la ring Familiang Filipino.

M.: Mananu na sanang ing casaupan ning Dios manatili quecatamu cabang- caba.
S.: Amen.
10
M.: Mananu na sang ding caladua ring anggang tapat qñg Dios, pauli ning Queang pacalulu, manatili
no qñg catajimican.
S.: Amen.

M.: At ing bendiciun na ning Mayupayang Dios  Ibpa  Anac  at Espiritu Santo, miras sana
quecatamu at manatili quecatamu cabang- caba.
S.: Amen.

PAMAGTAGULALING QÑG CALINISLINISAN A PUSU NANG MARIA

O Maria, Virgen a lusuc talasaup at Indu ning Pacalulu, Reina ning Banua at Pagsacdalan ding
macasalanan, tatagulaling mi ing quecaming sarili qñg Calinislinisan mung Pusu. Tatagulaling mi queca
ing mabilug ming pañga-tau at ing cabilugan ming bie: ing sabla ming cayatinan, ing sabla ming
caluguran, ing cabilugan ming sarili. Queca babie mi la ring quecaming catauan, ding quecaming pusu
at ding quecaming caladua; queca babie mi la ring quecaming pibale-bale, ring quecaming familia at
ing quecaming bansa. Pagnasan mi qñg ing nanu man atiu quecami at macapaliguid quecami maguing
queca ñgan at micadaque sana qñg calam ning saup mu anting Indu mi. At ban canita iting dapat ming
pamagtagulaling maguing tune yang mabuñga at magluid, babayu mi ñgening cayaldauan qñg quecang
cabitisan ding pañgacung gueua mi iniang mebiniag cami at iniang Mumunang Diling Pamaquinabang
mi. Mañgacu caming ipasiag mi ya qñg mipnung tetagan at qñg sablang oras ing catutuan ning Banal
ming Casalpantayanan at layun mibie-bie anting tune Catolico, mapamintu caring sablang utus ning
Santo Papa ampon cautusan na ning Dios ampon ing Queang Santa Iglesia, lalung-lalu na ing igalang
mi ya't gauan banal ing aldo Domingo. Mañgacu caming gauan mi la ring masampat nang cararaptanan
ning religion Cristiana at babo ning sabla, ing Banal a Pamaquinabang, anting maulagang daque na
ning bie mi, angga quetang sucad a aguiu ming daptan. Catataulian, pañgacu mi queca, O Maligayang
Indu ning Dios at malugud a Indu ring tau, ing italaga ming mabilug a pusu ing pañga-calat ning
Devocion qñg quecang Calinislinisan a Pusu, ban canita capamilatan na ning maca-reina nang
pamamajala ning Calinislinisan mung Pusu, malagua at maguing tune ing paniatang ning Pamag-ari
ning Sagradong Pusu ning Anac mu, caring quecaming pusu at caring pusu ring sablang tau, qñg
quecaming bansa at qñg mabilug a yatu, antimo nung macananu carin Banua macanian mu naman
queti qñg yatu. Amen.

11
 PANALAÑGIN BAYU YA ILACO ING LARAUAN NING VIRGEN QÑG PIBALE-BALE

O Calugud-lugud a Indu * miras na ing oras * a maco na ca qñg quecaming pibale-bale * a

queca mu naman meguing pibale-bale * quilub na ning pitung aldo * a pamanatili mu cayabe mi. *
Ding quequeng labi e ra aguiung iyagcas * ing ligayang lalapo caring pusu mi.

Qñg pamanaid na ning quecang lugud, O Indu * pignasan mung mequiabe ca quecami * aguiang
saglit mu. * Salamat, Indu, * salamat queca. * Magbalic ca sana queng aliuang aldo; * panenayan da
ca qng mipnung lugud at pacamal.

Ñgening maco na ca * idala mu ing quecaming lugud; * dalan mu la ring quecaming pusu. * E
mu ipaintulut ing caliñguan da ca * O dumayu caya queca. * mirayu qñg quecang liñgap * ñgeni't
mangga man capilan. * Amen.

DALIT BAYU YA ILACO ING LARAUAN

1. Miras na'ng paglaco mu queti
Queting malucang carinan mi,
O Indung malugud quecami
antabayan mu que sang parati.

Refrain: Casampat na't caligaya

ning bie mag-rosariong mifa-familia
Ing Guinung Dios, queang gracia
carin alang licat babie Na ya.

2. Magrosario que aldo-aldo

O Indu na ning pacalulu,
Ban ing pamicalugud tamu,
Masese ban payapa ing yatu. (Refrain)

12
MAPILAN CARING PAÑGACU NING VIRGEN CARING TAPAT MAÑGADI QÑG SANTO
ROSARIO A PEPAUAGA NA CANG SANTO AT CANG BEATO ALAN

1. Caring anggang mañgading taitim qñg lub da qñg cacung Rosario, ipañgacu cu ing
macapasubaling pamag-ampun cu ampon mañgaragul a calam.

2. Detang manatili qñg pamañgadi qñg cacung Rosario tanggap lang macapasubaling gracia.

3. Ing Rosario maguing metung yang masican a calasag laban qñg infierno; lupigan na ing maroc
a caugalian, mañgabus ya qñg pamicasala at idayu na ing maling casalpantayanan.

4. Ding mañgadi qñg canacung Rosario laus qñg lub da, cabang pigugunaman da la ring misterios
na, miligtas la qñg capajamacan at maroc a camatayan. Mibalic la lub ding macasalanan, ding banal lalu
lang sumulung qñg cabanalan at maguing matampa lang magcamit bie alang-angga.

5. Añguan cu lang agad qñg Purgatorio ding caladuang tapat qñg pamañgadi qñg cacung Rosario.

6. Ing Rosario papamulac-lacan na ing cabanalan ampon mayap a dapat at paquiabutan na para
caring caladua ing dacal a pacalulu ning Dios; ing caimbutan da ring pusu para qñg tula ning yatu,
alilan nang lugud qñg Dios, idañgat no caisipan ban pag-imbutan da ing bague macaingguil qñg banua
at alang anggang bie. O! mananu na sanang ding caladua gamitan de iting paralan ban magbanal la.
( Meañgu qñg "Novena dela Nuestra Senora del Santo Rosario" patron ning Filipinas. )

E TAYA SASALANAN PAÑGADIAN ING SANTO ROSARIO ALDO-ALDO QÑG

QUECATAMUNG FAMILIA

PAMAGDAUN QÑG NANU MAN DARAPTAN TAMU

O Jesus co, daraun cu Queca ini, uli ning lugud cu Queca, para qñg pamagbalic da lub ding
macasalanan at para qñg capaglarinan caring casalanan laban qñg Calinislinisan a Pusu nang Maria.

13
ADIOS REINA NING BANUA Dapot lacuas ya pang nuan
Adios Reina ning Banua ing buñga na ning quecang atian.
Adios Reina ning Banua :Panalañgin mu que Indung mal
Indu ning Meñgabus cang Jesus Ari ning sicluban.:
Indu ning Meñgabus
Dening pupuri queca Santa Maria, Indu ning Dios
Dening pupuri queca Panalañgin mu que qñg Dios.
Dening pupuri queca At layun mu queng ilaut
Malsinta lang lubus. caring sablang tucsung dururup
Ati' que qñg mal yung arapan
Adios, Anac ning Ibpa! manaya queng pacaluluan.
Indu ning Caduang Person a Dios! :At qñg oras ning camatayan
Malinis a Esposa ning Catlung Person a Dios! mantabe ca sana Indung mal.:
Adios Reina ning Banua
Adios Reina ning Banua BAPU REINA
Adios Reina ning Banua 1. Bapu Reina, Indu na ning pacalulu.
Malsinta queng lubus Bapu Reina, Bie yumu panaligan mi:
Bapu Reina, icang ausan mi;
ALDO-ALDO CANG MARIA Iqueng pepalacuan a anac nang Eva.
Aldo-aldo cang Maria Pañgisnauan mi, daraluñgan mi;
Gagale que't malsinta. mañga tatañgis quening carinan ning lua.
Uling ya ing quequeng Indu,
Malugud quequeng tutu. 2. Ñgamu na uari, O quecaming patulunan,
balicdan mu cami, matang mapamacalulu.
Qñg dalise pamamuri Bapu Reina, ganacan mu cami;
Qñg Reinang matas dili, Potang ati na que qñg sepu na ning bie mi.
Ausan mi yang Virgen, Indu, Ipaquit me'i Jesus. Ipaquit quecami;
Malugud quequeng tutu. Ing buñgang canuanan ning sepupunan mu.

BAPU INDU, VIRGEN SANTA O Mapamacalulu, O Malugud,

Bapu Indu, Virgen Santa, O Mayumung Virgen Maria.
Bapu Maria mipnu qñg gracia.
Ing Guinung Dios atiu queca,
caring sablang babai nuan ca.
2
BATUIN CANG MARILAG
Batuin cang marilag
queti meto lelañgan
icang quequeng casñgauan
qñg dusa’t casaquitan
anting capilan pa man
icang quequeng patulunan
O Indu na ning Capaldanan
qñg nanu mang casaquitan.
Ipanalañgin mu la careta
nang e macaquilala
anya ing dalan muli banua,
lauen mu la melili la
qñg yatu melili la
taung palpicasala
Indu ning Capaldanan
qñg nanu mang casaquitan.
CARINAN BACA AT TUPA
1. Carinan baca at tupa
Niño Jesus carin mibait ya
Ding pastores qñg tula ra
Angel cabud belita na.
O Indung Virgen Maria
At San Jose a Patriarca
Niño Jesus queang Anac na
Malam Sagrada Familia.
2. Sinlag ne pin ing Estrella
Macatañgad ing queang lupa
Atlung Pantas miglayag la
Ban samba la't mugue Quea.
3
CASAYA NA PU NING BARRIO
1. Masaya cami qñg pamandalo mu
O Indung Virgen a mapamacalulu
Magrosario la ñgan ding sablang tau
Casaya na pu ning Barrio.
Masaya, Masaya, Masaya ya ing Barrio (2x)
2. Busnian mo pusu retang mañgaliñguan
At matbud qñg casalpantayanan
Dinan mu que qñg mipnu yung calam
Casaya na pu ning Barrio.
3. Maquiabe lang magcanta ding tau
Maniauad calam at pacalulu
Pagsayan da ñgan ing pamandalo mu
Casaya na pu ning Barrio.
DALIT CANG MARIA
1. Virgen quequeng Indu
Nuan ca caring sablang babai
Nuan ca caring anac nang Adan
Uling queca ya mibait ing Meñgabus.
Nuan ya ing alipan ning Guinu
Nuan ca O Maria
:Icang icarañgal ning banal nang balen
At ligaya ning Israel, Maria:
2. Pasbul na ning Banua
Tala caring maglacbe saslag
Dalan painturu cang Cristo
Saupan mu la ding anac mu Maria.
INDU DALAÑGIN MU YA LAUDATE
Indu dalañgin mu ya, 1. Gumale co cabunducan,
Ing lulutang qñg dusa, batis, sapa't cagubatan,
Pablasang ining cabiayan na Ing Virgen layun yang purian,
mibusal quening sigua. Dios a queang lelañgan.

O Indung Virgen, O Maria Laudate, Laudate, Laudate Maria (2x)

Mipnu ca qñg gracia
Acu pung magsacdal queca 2. Paquit mu Virgen yaduan mi,
Ampunan mu cu sana. Ing calam na queca na binie,
O Indung mal damdaman mu Pasalamat que't pupuri
Manigapung aclis cu Qñg dalo yu quecami.
Saupan mu cu, saupan mu cu
Angga pu quen babo. Purian ya, Purian ya, Purian ya y Maria (2x)

INDUNG VIRGEN 3. Indu na ning Dios pigcalam,

Indung Virgen balicdan mu la Panaplac mu na't bigsican,
dening anac mu mamaus la Uling cang Jesus ta yaduan,
ing lugud mi alang cupas queca Iting capatauaran.
icang Indung mipnu qñg gracia
Gloria, Gloria, Senora, Alleluia (2x)
Virgen cang mapamacalulu
Malugud caring sablang tau O INDU MING CALUGURAN
Pagcalub mu sa pu O Indu ming caluguran
Ing mal a gracia yu careni nang anac mu. Saupan mo ding mamaus
O Virgen maslag malinang
O Indung malugud, Saupan mu queng tibubus
ipanalañgin mu que qñg Dios Saupan mu que Maria
Icang santuñgan mi Saupan mu que Maria
Malugud O Virgen Santo Rosario Saupan mu que qng sabla
Ituru mu cami, tune landas Saupan mu que sana
ba queng e malili.
Malugud ming Indu, lauen mong anac mu
ing lugud mu ibie mu.

4
O INDUNG VIRGEN
1. O Indung Virgen, mamung
santuñgan cu,
Damdam ca sana qñg aclis mu,
Qñg sablang canacung pamicacunu
O Indu sabian mu ing daptan cu.
Lupa mu cang Jesus macajilig
Lalam ning mantu mung tajimic
tacde mu cang Jesus macacaul,
O Indu mantabe ca cacu.
2. O quequeng Reina, e mu que pabustan
Saupan mu cami qñg labanan
At caibat mi queting cacarinan,
qñg banua mu que ñgan tipunan.
O MALINIS A VIRGEN
O malinis a Virgen
Malagu ca quesa qñg bulan
Macasiclaud que qñg mal mung arapan
Bendiciunan mu que ñgan.
O VIRGEN A MALIGAYA
1. O Virgen a maligaya,
Ica pu ing aligan na,
Ning pusu mi at caladua,
Anya magsacdal que queca.
Ding Barriong quecang delauan,
Agad da cang selubuñgan,
Imbut mu ban lang numabang,
Qñg graciang quecang daralan.
5
O Virgen delos Remedios,
Ibie mu pu ing quecang saup,
'Ni que pu queca dururup,
Panalañgin mu que qñg Dios.
2. Ing sangcan inia minta ca,
Caniting Barrio ming sinta,
Ing tau uling maina ya,
Qñg pamanyalpantaya na.
Dalan quecang lilibutan,
Qñg ba mu queng pamatulan,
Ban lalung tumibe sacdal,
quequeng casalpantayanan.
O VIRGEN NING FATIMA
1. O Virgen ning Fatima,
‘Ni que macasiclaud,
Ban aduan quecang casaupan
Payapa sa’ng labuad.
O Indu, ‘turu mu cami
Qñg dalan ming tuquian
Queca babie ing lugud mi
At rosario queca yampang.
2. Peñgacu mu Fatima,
Balang patilip ca,
Ing saupan mu queng parati
Nung mañgadi cami.
O Indu, qñg balang aldo,
Tairan mu que sana
Ban payapa ya ing yatu,
At panlualu mu queng sabla.
O VIRGEN SADSAD QÑG LINIS
1. O Virgen sadsad qñg linis
Leguan mu alang caparis,
Igagale da cang pilit,
Detang maldang Serafines.
3. Iniang dinatang ca,
Barrio ming tucnañgan
Pisanmetung mu la, anac mung delauan
Binie me quecami, ing Banal mung Aral
O Banal a Indu, e mu sa caliñguan.

O Virgen Madre Milagrosa, 4. Mamaco que man pu at lalacuan da ca

Qñg Paraiso ay rosas ca, Queca ding pusu mi ipabacal mi la
Qñg Trinidad ay sampaga ca, E mu sa caliñguan, malugud a Indu
Virgen cang macaligaya. Caluguran da ca, Indu magbalic ca.

PAMUN (B)
2. Upaya mu alang cupas,
Carin banua queti qñg labuad, Mamun cami O Virgen
Migagalgal la pang lacuas Mamun na que queca
Detang suquib nang Satanas. Maulaga mung bendiciun
:Pagcalam mu na sana:
3. Lalauigan Capampañgan,
Deti queca mo ñgan libutan, Indu e mu uauale
Imbut mu ban lang numabang, Ing liñgap mu quecami
Qñg graciang quecang daralan. Balang penandit ning bie
:Saup mu cailañgan mi:
PAMUN (A)
1. Mamun na que ñgeni, PUSUNG MAGSACDAL
O Indung Malugud Jesus co caniang lungcut mu
At Queca Jesus co, qñg sala menatbus Iting sugatan mung pusu
At bayu que sana, Quecayu gumulut Bunga ning salang depat cu
Bendiciunan Mu que, qñg Banal Mung lugud. sisisi cu arapan mu.
Sadiang e cu pinsinan man
2. At cabang ati que, qñg dalan lalacad Daing quecang casaquitan
Ilisya yu que sa, qñg maroc a gasgas Ngeni cu na amalayan
Mata ming malabug, pasalan Yung ganap Ing lugud mung depatan.
Canita bale mi, malagua queng miras. Ing patac na ning lua cu,
sacsi ning pamanisi cu,
maibug e yampatan cu,

6
gagalgal a catauan cu.
Jesus co malunus ca,
quening pusu cung magdusa
sana queca aquit cu na,
tumula yang quecang lupa.
SULU NING METO LELAÑGAN
Sulu na ca ning meto lelañgan,
Ica ing bulaclac sari qñg leguan,
Inia pin mo meto quetauan,
Dururup qñg quecang cabanalan.
O Indu ning Dios malunus ca sa'
Carening alipan mu,
Patauad co pu, quecami Indu,
Virgen ming Pacalulu.
TRECE NING MAYO
1. Iniang trece ya ing Mayo
Ing Virgen Maria
Tinipa ya carin
Qñg Cova de Iria
Ave, Ave, Ave Maria (2x)
2. Acu ing Señora
Ning Santo Rosario
Ñgana caring anac
A quea dinalo.
3. Ing nais cu’t imbut
Ñgana pin carela
Ing Santo Rosario
Pañgadian ye sana.
7
4. Ding macasalanan
Tutu nong meracal
Pañgadi yo sana
Ba lang mañgumpisal.
5. Ngeni atiu queti
Ban ipatupad na
Ing bilin na carin
Qñg Cova de Iria.
6. Ing Santo Rosario
Dapat yang pañgadian
Ing ligaya banua
Ba yang nabangnan.
7. E ta sasalanan
Ing pamag-rosario
Qñg familia tamu
Quilub ning aldo’ldo.
VIRGEN DE LOS REMEDIOS
1. O Indu ming Virgen quequeng patulunan
Icang minie tula ampon capayapan
Qñg indu ming balen quequeng lalauigan
Uling calimbun mu caring sablang dalan.
Ding barrios at puruc caring cabalenan
agad menatili ing catajimican.
O Virgen de los Remedios
Damdam ca qñg quequeng aus
Iligtas mu que't icabus
qñg sablang tucsu at maroc.
Ibie mu ing quecang lunus.
Panalañgin mu que qñg Dios.
2. Ding sablang pisamban ampon ding visitas
a quecang delauan O Virgen a maslag
Ding anggang memalen pigdala mung lamac
metula lang dacal queca pasalamat.
Casalpantayanan miunlad milablab.
Ing pamicalugud agad linaganap.
VIRGEN IMMACULADA
Virgen Immaculada, qñg pacamal mu,
Saguipan mo sana, caladua micasala,
O Jesus malunus ca, Virgen Maria,
Pagcalam mu ing Gloria banua.
VIRGEN NING CAPALDANAN
1. O Virgen ning Capaldanan
O Tula ning Capampañgan
Dening pusu gagcas la ñgan
Queni pong quecang paniatang.
2. Indu queca cu pu aduan mi
Lunusan me pung balen mi
Bendiciunan mu que ñgeni
Qñg gracia bang manatili.
3. Yatna ta la ñgan capatad
Pusu caniang banuang matas
Qñg Dios tamu pasalamat
Qñg tulang quecatang tinggap.
4. O Virgen ning Capaldanan
O Reina niting sicluban
Mulingid ca sa na't damdam
8
Quening quequeng caraiñgan.
5. Indu queca lang itañgad
Mata mung magdalang liñgap
Quening pusu ming magdulap
Qñg gracia mo bisang tanggap.
6. Queca naman O Jesus co
Ibie Mung pacalulu Mo
Uling Icang quequeng Guinu
Sala mi patauaran Mo.
VIRGEN SANTISSIMA
1. Virgen Santissima, Indu na ning Dios
Lunusan mu que sana O Indu
Anac mung pacamalan,
2. Rosas cang masamyu, qñg capatauaran,
Caring lalapit magsacdal queca, ala na pin e
mipatauaran.
Patauad co pu quecami O Indu,
Ing Anac mung y Jesus, Mete ya at linasa,
Qñg pamanatbus na, sala na ning yatu,
Patauaran mu sana O Indu
ing sala rang e mu nanu.
VIRGEN, VIRGEN!
Virgen, Virgen, Virgen de los Remedios
Indu ning Dios, Reinang quitmuan lugud .
Yabe mu que qñg malam mung Jesus.
Ba queng muli carin banua qñg Dios.
1