ESTAMBOL 17 HESHVAN 5770 4 NOVEMBRE 2009
La Espanya avre sus brasos a los
Sefardis de los Balkanes
KAREN GERSON SARHON / ESTAMBOL
karensarhon@gmail.com
Casa Sefarad-Israel, una institusion
fondada en 2005 debasho del techo
del Ministerio Eksteriores organizo una
reunyon de los respresentantes de las
komunidades judias de los Balkanes
en Madrid en los dias 26 a 30 Oktubre
2009. La reunyon fue intitulada: “Sefar-
dies de Oriente: La diaspora sefardi en
los Balcanes y el Mediterraneo Orien-
tal”. Representantes de las komunida-
des judias de Bosnia, Bulgaria, Gresya,
Makedonia, Rumanía, Serbia i Turkíya
se reunyeron en Madrid kon los re-
presentantes de todas las importantes
institusiones judias de Espanya komo
la Red de Juderias, la Federasyon de
las komunidades Judias de Espanya, la
komunidad judia de Madrid i tambien
kon las institusiones aliadas a la Casa
Sefarad-Israel komo el Instituto Cer-
vantes, el Ayuntamiento de Madrid de
Toldeo i La Rioja i siguro kon el Ministe-
rio Eksteriores i el Ministro Moratinos
en partikular. Muestra komunidad fue
representada por el presidente Silvyo
Ovadya, la direktora del Sentro Sefardi
Karen Gerson Sarhon i Yusuf Altıntaş,
sekretario del Gran Rabino.
En esta reunyon se organizo mun-
chas aktividades, algunos avyerto al
publiko i algunos solo para los repre-
sentantes i los ofisiales espanyoles. La
inaugurasyon tomo lugar en el Insti-
tuto Cervantes el 26 de Oktubre por la
tadre. La Sra Carmen Caffarel, direktora
del Instituto Cervantes tomo la palavra
i avlo de la importansa de la erensya
sefardi para la Espanya i la emosyon
ke tiene en deskuvryendo esta kultura
preservada durante mas de sinko siglos.
El Sr. Jacobo Israel, presidente de la fe-
derasyon de las komunidades judias en
Espanya i el Sr. Diego Oveda, direktor de
Casa Sefarad-Israel tambien avlaron de
la nesesidad de preservar esta erensya
en kolaborando kon las komunidades
de los Balkanes. El Sr. Silvyo Ovadya tam-
bien tomo la palavra en la inaugurasyon
i avlo de los esforsos ke se esta aziendo
en muestra komunidad. Sus dalkavos
Silvyo i el alkalde de Toledo
El Ministro de Asuntos Exteriores
Moratinos adresandose a los
representantes de las komunidades
sefardis de los Balkanes
palavras sinyifikantes fueron las sigien-
tes: “Esta erensya es la erensya de todos
mozotros ke estamos reunidos aki, es
la erensya de Espanya, es la erensya de
los Balkanes i es la erensya de la Turkiya.
La kultura sefaradi aze un ponte entre
todos estos paises i kulturas. Kreyo ke
es en las manos de mozotros de azer
de este ponte un ponte de amistad, de
kerensya i de paz.”
Se organizo un dia en la sivdad de
Toledo donde kada uno de los repre-
sentantes de las komunidades sefar-
dis i institusiones espanyoles se dieron
a konoser. A la fin de la sesion todos
sinyaron una akta de konklusiones en-
titulado “Erensya”. En la akta todos los
partisipantes dizen ke estan de akordo
para kolaborar en proyektos para la pre-
servasion i dokumentasion de muestra
erensya kultural. Despues de la sesion el
alkalde de Toledo, Emiliano García-Page,
mos resivio en su sumptuoso palasio i
disho ke Toledo es la sivdad ande mas
se puede sintir la erensya judia. El disho
tambien ke malgrado ke en el pasado la
Espanya se komporto komo madrasta
enverso sus judios, su kultura fue pre-
servada por este puevlo i ke agora es
ANYO 5 NUMERO 57
Edward Serotta, Silvyo Ovadya i Karen Sarhon
en el Palasyo de Viyana asperando al Ministro
Moratinos
El grupo Arboleras enkavesada por la
Prof. Susana Weich-Shahak
tiempo de renovelar las amistades i de de Eksteriores, Sr. Miguel Angel Moratinos
yamar a estos judios ke vengan atras a en el Palasio de Viyana, un edifisio muy
sus kazas. impresionante. El Sr. Moratinos reitero
De regreso a Madrid, los represen- lo ke se disho antes i adjusto ke de agora
tantes fueron resividos por la Sra. Es- en delantre los sefardis siempre seran los
peranza Aguirre, presidenta de la rejion bienvenidos a sus kaza, Espanya.
otonoma de Madrid. Una mujer muy Mas detalyos sera para el mez ke
amable i muy ermoza, la Sra. Aguirre viene.
se asento kon los representantes i avlo
en una manera bastante informal ma-
05
MOSE GROSMAN
raviyandose del judeo-espanyol ke se
estava avlando i la reunyon se eskapo Marc Chagall
kon el kante “Adio” kantado por Karen (Moshe Segal)
Sarhon, Sofia Danon, Drita Tutunovic i
08
Berta Romano. COYA DELEVI
La nochada tuvo una savor muy
Djudios en
09
dulse kon el konserto del grupo “Ar- el Palasyo
boleras” enkavesado por muestra Otomano
kerida Prof. Susana Weich-Shahak.
14
Todos los muzikantes siendo muziko- YEHUDA HATSVI
logos, las kantikas fueron kantadas en Konoseremos a
15
una manera muy autentika i fue una Margalit
maraviya sintirlos. Matityahu
La komunidad judia de Madrid invi-
to a los representantes al kal grande de
Madrid para la sena i es asi ke se eskapo
MOSE PALACHI
La Formasyon 18
el dia de Martes.
La mas importante aktividad del
de la Sekta
Karaita 20
Mierkoles era la reunyon kon el Ministro SALOM GAZETES‹’nin ücretsiz ekidir
02 17 HESHVAN 57 7 0 - 4 N O V E M B R E 2 0 0 9
EL PONTE
Entre munchos otros, el relato
de un akto de eroizmo
Uno a uno estan
dezaparesyendo los ultimos
sovrebivyentes de lo ke fue el
dezastre el mas terrivle de la
Istorya Mundyal, ma syempre
sovre la konsensya de la
Umanidad, kedara komo
una mancha indelivle
Louise Bahar
la vizyon de un drama
Nebabiş
KLARA PERAHYA / ESTAMBOL
klaraperahya@ttmail.com
Kerida Louise, te regrasyo de responder
a mis kestyones konsernando un episodyo
muy dolorozo, vyejo de mas de 60 anyos...
Es un dever para kualkyer djudyo de
perpetuar la memorya de todos los
ke pyedreron la vida en este terrivle
terremoto i tambyen de avlar de kada
persona ke voluntaryamente koryo para
ayudar sus ermanos en peligro.
Agora veniremos al fakto esensyal... Segun lo
ke atesta el sertifikado del kual la fotografia
se topa en esta mizma pajina, tu, Louise
Nebabiş nasida Namer/Namar, azias parte
de un grupo de mansevos djudyos kargados
(debasho el patronaje de la “Union Générale
des Israélites de France”) de okuparsen de
ninyos . Ken eran estos ninyos?
Ijos i ijas de paryentes deportados ke se
topavan sin mamparo. Muestra funksyon era
de yevarlos asta syertos avrigos ke se topavan
en chikos kazales ahuera de Paris... Se tratava
de famiyas Kristyanas de konfiansa i de buena
voluntad ke avian achetado de resivir i protejar
uno o dos ninyos kada una, i tambyen de
nombrozos konventos relijyozos.
Ma, a esta epoka las kalejas de Paris eran
yenas de soldados Almanes?
Absolutamente, ma yo, protejada por
mi pasaporto Turko, no yevava la “estrea
amariya”, lo ke me dava una syerta libertad de
movimyento...
impensavle…
Entre los ke bivyeron la mas grande
trajedia de todos los tyempos, uvo las
viktimas i uvo tambyen los testigos...
entre eyos, los ke poko o muncho se
esforsaron (al riziko de sus propya vida)
de akudir sus proksimos, kada uno a
la dimensyon de sus posibilidades...
eroes por la mas parte deskonosidos
Devia ser syempre muy rizikozo.
Es verdad ma 17 anyos es la edad de todos
los korajes. Saves, ay momentos ande, todo en
syendo konsyente del riziko, la persona refuza
de muncho pensar.
Es ke estos ninyos pudyeron salvar?
No se, no oyi nunka mas avlar de eyos.
Ke dizian tus paryentes, komo achetaron?
Mis paryentes no estavan al koryente de la
koza... Eyos tenian grande konfiansa en mi i me
deshavan enteramente libre de mis aktos. En
todo kavzo, kada tadre antes las 8 de la noche,
yo ya tornava a kaza...
Ke era la atmosfera en Fransya en estos
dias? I partikularmente las relasyones entre
Kristyanos i Djudyos?
Variavles. Al empesijo avia de vez en kuando
chikas olas de inimistad, ma nunka asta
dezear ni mizmo akseptar muestra muerte...
Ma despues del entregamyento politiko a la
Almanya, vensidos i arrebashados en sus dinyita,
la situasyon por seguro se deteryoro ainda
mas... Al prisipyo no pudimos imedyatamente
realizar la dimensyon del peligro en el kual mos
topavamos... Es poko a poko, a la sigida de
arrestasyones de mas en mas frekuentes de
Es ansi del ser umano,
Poderozo o flako,
Vensedor o vensido,
Syempre solo en su destino
I solo en su akto.
ke kedaron en la solombra i kayeron en
la masa sin forma ni konsistensya del
olvido.
Entre eyos, muestra amiga Louise
Bahar Nebabiş, nasida Louise Namar
(Namer), ke se topava en estos
tyempos oskuros en Fransya i a la
Kuala demandi de akordarme una
entrevista.
vezinos o amigos i de ruidos ke se konfirmavan
o desmentian los unos los otros, ke la situasyon
empeso a apareser en su realidad...
Es ke tu, personalmente, sentites el
espanto?
Los primeros dias no, ma gradualmente si.
I malgrado esto, kontinuates tu lavoro?
No pudia azer otro modo, me sentia
moralmente engajada. Devo dezir ke, raramente
es verdad, mizmo entre los soldados de la
milisya avia algunos ke eran mas o menos
umanos... Una de mis amigas, Louise Zysman,
avia sido arrestada i yevada kon sus paryentes al
posto de polisia... Aya, en la puerta, uno de los
ofisyeres la miro kon kara bruta i les disho: ”Tu,
ke estas azyendo aki? Toma tu sako i vate...”
Pudo salvar?
Si... i oy en dia estamos en korrespondensya.
Es ke tus paryentes fueron aprehendados
malgrado sus pasaporto Turko?
No prechizamente, ma un dia ande rekojian
famiyas djudias en muestra kaleja, vinyeron
tambyen ande mozotros para dezirmos de
aparejarmos porke ivan venir bushkarmos
despues de una ora... En efekto, eyos
retornaron a munchas otras kazas ma no ande
mozotros: el fakto de ser Turkos mos avia
salvado... Malorozamente mi padre, en el eskopo
de protejarmos, se entrego personalmente...
Lo mandaron a Drancy, ma komo un dia se
sentia muy malo de su salud, lo metyeron en
un paviyon del hospital Rotschild debasho la
sorvelyansa de soldados almanes, ande el muryo
de su propya muerte.
Ansi, Louise Nebabiş nasida Louise
Namer, de nasyonalidad Turka, no
fue solamente un testigo del drama
inimajinavle de la Shoa, ma una
partisipante al esforso de salvasyon de
algunos ke puedian ser salvados... Eya
retorno en Turkia en el anyo 1944 kon uno
de los ultimos trenos a destinasyon de
Estambol.
Es un fakto real ke delantre el perikolo,
el “ser umano” deskuvre munchas vezes
en el. una suma de koraje ke en tyempo de
trankilidad el no puedra nunka tener.

Avshalom i las Konkubinas del Rey David
GAD NASSI / HERZELIA
nassig@zahav.net.il
Portanto, en segito de su rekon-
siliasion, se revolto kon su armada
kontra David i fue apoyado por el
puevlo del territorio de Yuda i por
Despues ke avia asasinado a su los otros trivos en jeneral.
ermano Amnon*, Avshalom se avia Paso en primero a Hebron,
refujiado ande su eshuegro en la vieja kapitala de Yuda, i ayi
Geshur, en el Norte del payis, para se proklamo el Rey de Israel.
pueder protejarse del sanyo de su Esta revolta fue tan reushida ke
padre, el Rey David. David fue obligado de fuyirse de
Yerushalayim a Mahanaim en la
Transjordania.
Avshalom entro a Yerushalayim
i se suvio al trono sin dinguna opo-
zision. Ahitofel ke era el shefe kon-
sejero de David, lo avia dezertado
para ser esta vez el shefe konsejero
de Avshalom.
Avshalom demando a Ahitofel:
“Entretiempo kualo devo de
azer?”
Ahitofel:
“Kale ke amostres a tu puevlo
ken es ke lo esta dirijando. Kale ke
proves ke tu sos sus Rey”.
“I de ke modo?”
Oja de la Biblia Shah Abbas. “Enpatronate del bien real lo
Ariva a la siedra, David supiendo la
mas valutozo, de sus mujeres. I
konspirasion de Avshalom.
toda la djente ke esta kon ti, lo
Abasho, David en el Monte de Olivas.
Ariva a la derecha, Avshalom kon las savera i se sintira mas poderozo.”
konkubinas de David. Por un artisto “Avlas de las konkubinas, ke
fransez non konosido, circa 1219. David desho en su palasio?”
Kortezia, Muzeo J. Paul Getty, Los Angeles “Si. Echate kon eyas.”
“I komo el puevlo lo savera?”
“Azelo en publiko. Alevanta una
Tres anyos despues, kon la tienda djusto aki en el tejado, i
intervension de Yoav, el koman- desha al puevlo ke venga a obser-
dante en kapo de la armada, varte.”
Avshalom obtuvo la permision de En oyendo esto, Avshalom
David de aboltar a Yerushalayim. sonrio. Le avia plazido este konse-
Portanto, tuvo de asperar otros jo, i metio su mano al ombro de
dos anyos para ser resivido por su Ahitofel. Alevantaron una tienda
padre i rekonsiliarse kon el. enriva del tejado, i Avshalom estu-
Avshalom era en akeyos tiempos vo kon las diez konkubinas delan-
probablamente el mas favorable tre de Israel.
kanditato para eredar el trono. Kuando avia salido de
KUENTOS DEL “MEAM LOEZ”
El peshkado pudrido (Kuento de Y. Hullí)
Un rey le disho a su esklavo: “Va, mérkame peshkado de la plasa.”
Fue i le trusho un peshkado fediendo.
Se aravió el rey kon él i le disho: “Una de tres kozas asentensio
sovre ti ke agas: O ke lo komas tú a este peshkado; o ke yeves sien
palos; o ke des sien groshes de knas (multa) por el yerro ke izistes de
menopresiar en mi kavod (onor).
Disho el eskavo entre sí: “Mas liviano me será komerlo el peshka-
do, aunke es fediendo, i no yevar palos o pechar sien groshes.”
I ansí le respondió al rey, diziendo ke se kontentava de komerlo.
Kuando komió un bokado, no tuvo remedio de komer mas, sien-
do la fedor era muncha; se echó a los piezes del rey, diziendo ke
mas se kontentava de yevar los palos i no komer tal koza negra. Lo
echaron en basho i lo fueron harvando sinkuenta-sesenta palos. I
viendo ke ya no le kedó fuersa, se kontentó a dar los sien groshes.
Viene a ser ke se apenó kon todas las tres penas.
TRADISYONES
La rekonsiliasion de David kon
Avshalom. Harmenszoon van Rijn
Rembrandt, 1642. Kortezia, Muzeo
Hermitage, St. Petrsburg
Yerushalayim, el Rey David avia
deshado ayi a tres de sus servi-
tores, Hushay i dos otros ijos de
klerikos eminentes. Estos avian
semejado ke estavan de la parte
de Avshalom.
Hushay avia reushido a konven-
ser a Avshalom de no komportarse
asigun el konsejo de Ahitofel, ke avia
rekomendado de persegir a David
antes ke arive kon su armada a la
Transjordania i ke tope ayi mas apoyo.
Kuando Ahitofel supo ke su
konsejo no fue segido, i estando
siguro de lo ke estava por afitar, se
suvio a su azno i se hue a su kaza
en su sivdad. Metio orden a su kaza
i se suisido en enforkandose.
En la batalya en la shara de
Efrayim en la Transjordania, las
fuersas de Avshalom fueron vensi-
das por los mersenarios de David i
su armada, basho el orden de Yoav
i de Avishay, los dos komandantes
de valor de David. Avshalom en
retirandose enriva de su mula, fue
aferrado de sus kaveyos entre los
Embiyado por:
Matilda KOEN-SARANO / paz3@zahav.net.il
Ilustrasyon: Roz Kohen Drohobyczer
17 H E S H VA N 5770 - 4 N O VE M B R E 2009 03
ramos de un arvole de roble.
Yoav kuando lo remarko, se
presipito sovre el kon sus solda-
dos, i aunke el orden de David era
de eparnyar su vida, lo mataron a
Avshalom kon golpes de lansas.
Este akto avia kavzado una
grande tristesa en David ke se
lamento durante dias enteros.
***
Avshalom es akodrado en
tanto ke una persona de aparensia
ermoza, de avla elokuente i impre-
sionante. Achakes ke sus ijos se
murieron en edad chika, su nom-
bre no iva kontinuar. Por esto, erijo
ainda kuando biviya, un monu-
mento a su nombre, en la Valeya
de los Reyes en Yerushalayim. Un
monumento ke ainda egziste en
este lugar, es nombrado en tanto
ke la “Tomba de Avshalom”.
La matansina de Avshalom.
Biblia de San Isidoro, Leon, Espanya, 1162
El pelegrino Bernardin Surius
reporta ke en el anyo 1666, kuan-
do avia vijitado a Yerushalayim, los
moradores de Yerushalayim uza-
van de trayer a sus kreaturas para
ke echen piedras a esta Tomba,
i ke griten en suetando ke la fin
de las kreaturas ke no respektan
a sus jenitores, sea komo la fin de
Avshalom.
Konsernando las diez konkubi-
nas, el Rey David, kuando
abolto a Yerushalayim,
las alesho de su palasio i
las enserro en un mizmo
lugar. I eyas no konosie-
ron mas ombres.
(*) Ver sovre este
sujeto, el artikolo
El Sakrilejio de
Amnon, El
Amaneser,
Oktobre 7, 2009.
La sea
dicha
tomba
de
Avshalom
04 17 HESHVAN 57 7 0 - 4 N O V E M B R E 2 0 0 9
LITERATURA
El Telegrafo edisyon de martes. Volum Sinkeno. No. 36-126 22 SİVAN 5653 – 6 HAZİRAN 1893
Solevantamyento de las Bayladeras
Transliterado por: RIFAT BIRMIZRAHI / ESTAMBOL
rifat@bmed.com.tr
Savido es ke en Evropa, kaji todas las klases
de ovradores i travajadores tuvyeron suksesiva-
mente tyempos ke reklamaron de sus patrones
un amijoramyento de las kondisyones de sus
vida. Es ansi ke uvo en Paris las reklamasyones
de los karoseros, akeyas delos ovradores de las
minas los kuales se aviyan dado palavra de no
travajar ninguno sin ke sus patrones konsistye-
ran a pujarles sus paga.
Syendo dunke ke kaji todos los ofisyos
tuvyeron sus epoka de reklamasyones arrivo el
torno agora a las sinyoras bayladeras.
Nuestros lektores i lektoras, no inyoran ke
uno de los atraktivos (ke atira la djente) delos
teatros de Eoropa, es loke yaman “El Baleto”.
Son trupas en vezes de 100 i mas muchachas
vistidas de tül livyano briyantes i vaporozos, ke
egzekuten kon una livyaneza surprendyente
bayles i bueltas delas mas grasyosas, konstituan-
do todas en una, un golpe de ojo majiko. Kisas
algun diya deskuvriremos a los ke nos azen el
onor de meldarmos, las longas torturas alas
kualas estas joven muchachas son sumetidas
myentres los egzersisyos ke tyenen por eskopo
de deslokarlas, el longo i duro aprentisaje al kual
Lo Ke Meldavan
Muestros Padres
Un livro maraviyozo
ke kontyene artikolos
de diversas gazetas ke
meldavan muestros
padres; artikolos
tradusidos al Turko i al
Ingles kon los orijinal-
es en Judeo-Espanyol.
Para enkomendar, eskrivi a:
kitabevi@salom.com.tr o enkomenda
de: www.gozlemkitap.com
KUENTOS DEL “MEAM LOEZ”
El modrisko del onagro (Kuento de Y. Hullí)
Es dicho ke a un ombre lo modrió un arod
(azno silvestre), ke es un modo de hayá (animal)
ke su modrisko es muy malo, i la refuá (milizina)
es ke se akuda presto i se entre adientro del agua,
i kon esto le sale todo el sam (tósigo) i el arod se
muere; i si es ke el arod akonanta a la agua antes
de la presona, estonses se muere akeya presona
de akel modrisko, i no tiene remedio de eskapar.
eyas se sumeten por tener sigun se dize en lin-
SIMON GERON / SYDNEY, AUSTRALIA
guaje ordinaryo “los guesos rotos” por fasilitar i simongeron1@hotmail.com
dar grasya a los muvimyentos delos myembros
ke komponen sus kuerpos.
Por oy nos kontentaremos de sinyalar un LOS ANYOS EN LA AUSTRALIA 2009
solevantamyento de las bayladeras de este
djenero.
En la Amerika, en el teatro de “Makvoker de
El Polvo Kolorado en el
Shikago”, pagan 30 frankos ala semana a kada Sielo de Sydney
una de las 112 bayladeras ke konstituan la trupa
de bayle. Eyas son ovligadas por una tan chika El sielo de Sydney esta kuvierto
paga, de baylar kada noche en los teatros sin De un polvo espeso i kolorado
kontar los egzersisyos del diya, i de pagar de I munchos se meten una maska en la kara.
sus aldikeras sus vistidos tan finos delikados i en Tapando la nariz i la boka.
konsekuensa de tan poka turada.
Una noche, la kurtina del teatro iva levan-
Dizen ke el viento lo arasto
tarse, kuando eyas, vistidas i buenas, en lugar
A sienes de kilometros al interior de un
de entrar ala Asena, entornan sus patron i le
dezierto.
demandan una pujita de 10 frankos ala semana
Al ver esto munchos tuvieron espanto
para kada una de eyas.
El direktor les refuza, las menaza, eyas
I se demandaron ke es lo ke se esta pasando.
tambyen se refuzan de baylar si no obtyenen la
promesa sigura de la pujita. Nunka se tiene visto este fenomeno
El publiko pyedre pasensya de esperar, de Ke tenia un aire apokaliptiko.
No ay lugar ke no esta kuvierto de polvo
aki i de aya se oyen gritos: “no se burla ansi del
publiko” “damos la moneda atras i nos iremos” i Ke tapa la vista de todo.
otros semejantes.
El povero direktor en fin, no se pudo azer PENSAR KE LOS LIDERES DEL MUNDO EN
otro ke akseptar la demanda de las bayladeras. ESTE PUNTO
Esto es una manera Amerikana de solistear ESTAN AVLANDO DEL “climate change”
una pujita de paga.
Embiyados por:
Matilda KOEN-SARANO / paz3@zahav.net.il
I ansí, dito ombre ke lo modrió el arod se fue
korriendo a el río i puzo sus pies adientro del
agua, i vido una kriatura ke se estava aogando.
Espandió la mano i lo sakó. Le disho akeya kriatu-
ra: “Si tú no fueras, ya me uviera aogado.”
Le respondió él diziendo: “Yo no te eskapé, si
no el arod ke me modrió, él es ke te eskapó, ke
por su kavza vine yo akí.”
 EL KANTON DE MOSE 17 HESHVAN 5770 - 4 NOVEMBRE 2009 05

Marc Chagall (Moshe Segal)

MOSE GROSMAN / ESTAMBOL
grosman@gmail.com

Ya me esto empesando a pensar ke ya somos

mazalozos…
Despues de Picasso i Dali, mos vino i la eks-
pozisyon de Marc Chagall a la sivdad…
De mi chikes o de mi manseves ke lo konos-
ko… Kuando estava en la Musevi Lisesi, mi profe-
sora Naile Akıncı mos aviya kontado por el. En
dizyendo ke es un grande pintor.
Solo una koza no saviya en akeyos diyas…
Ke Chagall era Judio…
I agora kuando ya empeso a salirme unos dos
tres kaveyikos blankos, me ambezi ke Moshe
Segal ke nasyo en un lugariko chiko ke no kono-
semos, komo se konosyo en el mundo entero?
Marc Chagall nasyo en Vitebsk (1887) kon el
nombre Moshe Segal. El era el primer nasido
entre sus mueve ermanos. La Famiya Segal era
una famiya Ashkenazita ke respirava el Hasidizmo.
En el 1909 la konose a Bella Rosenfeld. Una ijika
venida de una famiya rika. Se kazan en el 1915 i
les nase una ijika ke la yamaron Ida.
Desharemos de kontar la vida de Chagall
porke el Muzeo Pera de Suna İnan Kıraç Vakfı
kitaron un katalog sovre esta ekspozisyon i esta
yeno de informasyones sovre el i sus ovras.
Yo kuando asisti a la avyertura de la ekspo-
zisyon, me empesi a pensar: un pintor komo se
puede konoser en el mundo entero? Esto teniya
en tino en kaminando avagar avagar entre sus
pinturas.
La vida entera o en todas sus ovras kuando
pinto kazikas, vide ke estas son las kazikas de su
sivdad i en el modo de akeyos tyempos.
Las figuras.
Los ombres i las mujeres.
Los Judios, Los Ashkenazim de la Rusia.
Los kales,
La suka, el
Kipur, el sho-
Marc Chagall,
far, el Rosh
Bella i sus
Hashana.
ijika İda
Marc i su mujer bolando ensima de las tyerras ke nasyeron... Ken save ande? La eskrita istorika del puevlo Judio
La Sefer Tora,
El haham,
Las kalejikas Judias,
El Viyolonisto en el Tejado de Sholom
Aleyhem
Las gayinas de su chikes en los tejados de
Vitebsk, por siguro ke estas gayinas las pinto
mas grandes de los tejados.
Marc bolando kon su mujer Bella en los sielos
de su sivdad i tomando kamino a otros lugares .
Chagall tyene echo i ovras para Israel. Komo
los vitrayes del Kenesset. I vitrayes para un kal ke
esta aryento de un ospital. Kuando salyo gerra
disho komo un pintor del mundo:
- Esta gerra kale ke se arete. No es por ke me
esto pensando las ventanas ke ize. Deshaldo a
Israel repozado.
Marc Chagall no lo esta achetando ma sigun
mi el es un pintor surrealisto.
Esto se esta vyendo en sus pinturas.
I su lavoro ke fue sovre el “Judaismo”,
si es ke se puede rekojer en un byervo, es
ke enaltesyo su nombre en todo el mundo.
Porke el pinto a si, a sus keridos, a su famiya,
a su kaleja, a su sivdad, a su puevlo,
Esto es el sekreto de su grandeza. El izo o
mos konto las kolores ke las konose muy
bueno.
Las ovras ke se estan ekspozando
en la ekspozisyon de “Pera Müzesi”
fueron trayidas de “Muzeon Yisrael
Yerushalayim”
Ya lo konosiya ma agora lo kero
mas muncho byen a Chagall porke
solo kon sus ovras me konto muy
munchas kozas.
(Galeria Tretyakov/Moskova, 1914-1918)
Por empesar, el padre lo yamava a el, komo
me yamava mi padre. “Moyshi”
Despues su ijika se yamava Ida, komo se
yama mi ija la grande.
Kuando vide las kazikas i kalejikas ke bivyo,
konosi las kazas i kalejas ke bivyo mi papu.
No esta amostrando en ninguna ovra los
pogromes, los destierros (arondjamyentos), los
ensultos ke fue a su puevlo. Kualo esta azyendo?
Kon una kultura Ashkenazita esta tomando a su
mujerika i se esta bolando a lugares ke no kono-
se. Ma todos ya saven el Judio deke sale mun-
cho a kaminar.
Keriya ke todos mis keridos lektores ke
tomen i a sus ijos al lado i se vaygan a ver las
ovras de Chagall. Los ke no van a pueder alkan-
sar por ke no les permetyo el tyempo, kuando
se van a Israel ke no se olviden de vijitarlo.
Kale konoserlo a Chagall. Kale konoser a sus
sentimyentos. Esto byen siguro ke vamos a
topar en el sus sintimyentos, unos sintimyentos
ke ya los tenemos peryido por entero.
Para uno ke no es Judio, kuala es la empor-
tansa de Chagall?
Uno ke no es Judio se ambeza de el, kualo es
el Judaismo i kualo es el sintimyento Judio.
A Marc Chagall le esto embiyando una palavra
ke la tengo oyido de una eskrivana ke bivyo en
Izmir. Una palavra de Ester Morguez Algranati:
Yirbu kemotam beíYisrael kere dizir “Ke
puje komo vos en el puevlo Judio”
Por la otra vanda ya lo se ke kada ijo de Israel
es un Marc Chagall. Solamente por el Chagall ke
estamos avlando, kada uno se esta enbotonando
los botones de la jaketa i se esta indo enfrente
de el.
06 17 HESHVAN 57 7 0 - 4 N O V E M B R E 2 0 0 9
ARTIKOLOS
LOS SEFARADIS DE ARGENTINA -3
Los sefaradis de Argentina arivaron de diferentes paises i se organisaron asigun sus orijen en kuatro grupos
komunitarios: “los ladino-avlantes de la Turkia”, “Gresia i los Balkanes”, “los Marokanos”, “los Alepinos i los de
Damasko”, i de mismo chikos grupos de otras orijenes.
Las komunidades de orijen Siria
LILIANA BENVENISTE / BUENOS AIRES
lili@benveniste.com.ar
Los “ashwan” (plural de shami, de Damasco),
vienen de la sivdad yamada en arabe Ish-Sham,
a este grupo  se adjuntaron algunos djudios de
Beirut i los “halabim” vienen de Alepo (Halab).
Las primeras djentes de esta komunidad yega-
ron por 1908, los de Damasco entre 1910 i 1925
i los de Alepo entre 1914 i 1924, algunos por
sus situasion ekonomika i otros por la politika,
bushkando mijores kondisiones i salvarsen del
servisio militar (askerlik) ke era ovligado para las
minoritas en el Imperio Otomano.
De mismo en Damasco i mas en Alepo se sin-
tio la avyertura del Kanal de Suez ke termino kon
las karavanas ke eran importantes para la ekono-
mia de estas sivdades.
Los mas ke imigraron a la Amerika Latina fue
a la Argentina i en manko kantidad a Meksiko i
Brasil. Unos yegaron aki porke fueron ennyega-
dos de entrar a Norte Amerika por el konsulado
amerikano en Marsilia.
A parte de los elevos de la “Alliance Israelite
Universelle” ke fueron kontratados komo maes-
tros i administradores en las kolonias del kampo
de la “Jewish Colonization Association,” todos los
imigrantes arivavan de mismo modo, sin orga-
nizasion ni apoyo i se adjuntavan en las grandes
sivdades, lo mas en la kapitala,”Buenos Aires”.
El grande numero de ombres solos ke venian
del Oriente izo ke en algunos kavzos desharon
abandonadas a sus mujeres para tomar otras aki.
Munchas de eyas eran djentiles ke eran konver-
tidas al djudaismo, por esto el Rav. Shaul Setton
Dabahh dikto su takana para defender ke se izie-
ran konversiones al djudaismo en Argentina.
Los “ashuam” moravan en el kuartier famozo
yamado “La Boca” i komo todas las otras komu-
nidades, bushkaron de krear una komunidad kon
un templo.
Al empesijo algunos metieron sus botikas de
teshidos en la kaye komersial “Reconquista” del
kuartier.
Verso 1915-1920, el kuartier de “La Boca” i el
kuartier de “Barracas”, ke esta al lado, se izieron
moradas de esta komunidad. Mas en delantre
otros lugares tambien fueron morada de los
sirianos komo el kuartier de “Flores”, leshos de
los otros i “Lanus” afuera de la sivdad de Buenos
Aires.
Desde 1925, kon un poko de reushita eko-
nomika algunas famiyas se mudan al kuartier de
“Flores”.
Algunos alepinos se aresentaron en el kuartier
de “Once” i lo izieron muy famozo en el mundo
komo el sentro mas importante de teshidos de
Argentina.
La mas parte de lo imigrantes lavorava komo
“hamlero” (hamle se dize en  arabe al paketo de
merkansia ke se mete al ombro). Ansi ivan por
las kayes vendiendo ropas, sintas i kordones para
los kaveyos, ropas, botones, vestimienta interior,
espejos, peines i mas.
Unos ermanos ke vinian de Alepo, Nissim i
Ezra Teubal, izieron una grande fortuna i se izie-
ron benefaktores de la komunidad djudia. Estos
ermanos empesaron en kaminando i merkando
en la kaye i krearon una sosiedad de merkaderes
de la kaye para merkar a mijor presio. Formaron
la “Compañia Ottomana” i se konvirtieron en
mayoristas. En poko avrieron botikas tambien
ariento del país, en Rosario, Cordoba i Tucuman.
En 1910 los ermanos trusheron a sus djenitores i
ermanos de Alepo.
Del anyo 1935 en delantre los vendedores de
la kaye avrieron sus propias botikas. En los anyos
1960 los alepinos fundan la “Cooperativa Mayo”
ke mas tadre fue el “Banco Mayo”.
Por los anyos de 1920 estas komunidades se
adjuntan por su komunidad de orijen: sinagogas,
sosiedades de kulto i edukasion. Al demandar
porke tenian organizasiones separadas, dishe-
ron ke esto venia de su pais de orijen. Por los
anyos 1990 los miembros de kada una se van
adjuntando, ma kada komunidad keda kon sus
institusiones.
La “Asociacion Israelita Sefaradi Bene Emeth”
fue fundada por los imigrantes de Damasco en
1913; oy esta en la kaye “Lavalle” 2559, se okupa
de los muertos de akordo kon las kostumbres i
leyes mosaikas, i tienen sus semeterio en “Lomas
de Zamora” afuera de la kapitala, desde 1915; tam-
bien se okupa de dar ayuda a los menesterosos,
asilos, ospitales i mas.
En 1939 troko su nombre a “Asociacion
Israelita Sefaradi Hijos de la Verdad” por demanda
de las otoridades de azer kasteyano su nom-
bre. En este punto su adreso estava en la kaye
“Tucuman” 2377.
En 1920 se alevanta la “Asociacion Israelita
Sefaradi Luz Eterna” (Or Tora) ke auna las sinago-
gas de los kuartires de “La Boca” i “Barracas”. El
Templo, ke oy esta en la kaye “Brandsen” 1444,
se inauguro el primer dia de Pesah de 1930. Su
arkitektura es moriska i esto le da una ermozura
partikolar ma no es una kopia de ninguna sina-
goga espanyola ni de Oriente. Tiene una kupola
ke se avre i desha entrar la luz natural. El Templo
fue renombrado komo “Jesed Le-Avraham” i
tiene Talmud Tora i una yeshiva.
En 1913 se funda la “Asociacion Comunidad
Israelita Sefaradi de Flores Agudat Dodim” krea-
da por imigrantes de Damasco del kuartier de
“Flores”. El primo knis i el Tamlud Tora antes de
Vijita de Albert Einstein a la Argentina
esto, estava en una kaza partikolar en la kaye
“Bogota” 3165, ma en 1922 se merko un terreno
en la kaye “Avellaneda” 2874 ande kon muncho
esforso se inauguro el Templo en 1925.
En las dekadas sigientes la komunidad kresio i
aumento sus sosios. En 1955 se izo mas moder-
na la edukasion i kon el tiempo se fundio el
“Colegio Maimonides”.
Endjuntos kon la “Congregacion Yesod
Hadath”, “Agudat Dodim” es una de las dos ins-
titusiones mas importantes de Argentina i de
Amerika Latina.
La institusion mas importante de la komuni-
dad de Alepo es la “Asociacion Israelita Sefaradi
Argentina” kreada en 1923 kon el nombre “Hesed
Shel Emet Sefardit” i ke mas tadre troko su nom-
bre a “Asociacion Israelita Sefaradi Argentina de
Beneficencia” (AISA); su buto era el semeterio, la
edukasion, la kultura i las aktividades de ayuda.
Esta en la kaye Paso 493 i kontrola el semete-
rio de “Ciudadela” ande tambien se enterravan
ashkenazim i sefaradim ladinoavlantes, asta ke
se avrieron los semeterios “La Tablada” para los
ashkenazim i de “Bancalari” para los sefaradim.
La “Congregacion Sefaradi de Enseñanza,
Culto y Benficencia Yesod Hadath” tiene su sina-
goga en la kaye “Lavalle” 2449. Su Bet Din fue
durante muncho tiempo el uniko de toda la
komunidad sefaradi de Argentina.
En 1922 un grupo de imigrantes de Alepo del
kuartier de “Flores” se adjuntan a orasionar en
adresos partikolares por las kayes “Avellaneda” i
“Cuenca”.
En 1925 se krea “Shaarei Sion” komo un
grupo para azer el kulto i para partajar la
ensenyansa relijiosa. En primero estuvo en la
kaye “Aranguren” 3236 i en 1938 en la kaye
“Campana” 447 ande funksionava la sinagoga i el
Talmud Tora.
“Sucath David” es una institusion ke se fundio
en 1949, kuando un grupo de djovenos alkilo una
kaza en la kaye “Viamonte” para Iamim Noraim.
Mas tadre se troko a la kaye “Paso” 724 en el
kuartier de “Once”. Aki se azen klasas para espo-
zados, Tamud Tora, kampamentos de enverano i
mas. Tambien tiene un restaurante kasher. Agora
la enkontramos en la kaye “Tucuman” 2750.
El Templo “Yeshurum” se topa en el kuartier
de “Palermo” en la kaye “Republica de la India”
3035, la fundio djente de la “Congregacion
Sefaradi” ke se mudo su morada a este kuartier.

Samuel Maoz
ES­TI SA­UL / ES­TAM­BOL
es­ti­sa­ul2@gma­il.com
Soldado en Israel, no invento,
se deskrivio a si mismo en la
Gerra Israel-Libanon en 1982.
Despues de 27 anyos de
konflikto kon su konsiensia,
aprovo de eskrivir un livro, sin
pueder realizarlo. Optando por
el audiovisual, rompe el silensio
i parviene a azermos partajar las
atrosidades de la gerra kon su
filmo intitulado
LIBANON para resivir el mas
prestijiozo premyo del Festival
AMA­NE­SER KON AR­TE 17 HESHVAN 5770 - 4 NOVEMBRE 2009
07
SAMUEL MAOZ
de Venezia 66. dize: Israel se retiro de la ultima for-
En su primera eksperiensa “Este premio apartiene a teresa Beaufort, gano Lonso
komo performante, Samuel miles de personas ke komo mi de Plata de Berlin, el primer
Maoz, enserrado en un tank pudieron tornar i ke son ovli- premio ke un filmo Israeliano
kon 3 otros amigos del servisio gados de bivir kon sus penas avia ganado.
militar, lucha kontra su klostro- grandes. El anyo pasado, Waltz with
fobia, las sufriensas i dolores “Libanon no es un filmo poli- Bashir i su kreator Ari Folman.
kruelas. tiko, es por esta razon ke tuvo En la gazeta famoza Italiana La
Prezidente del komite del juri sukseso. Repubblica, en la prensa eskri-
i senaristo ANG LEE de Taiwan “El 6 de Junio de 1982, tenia ta puedemos meldar:
mos dize: 20 anyos. Para pueder kedar “Kontra una batalya un
“Kada uno de mosotros en vida, fui ovligado de matar a premio de oro...”
vinimos a la Italia de diferentes una persona. Desde akel dia mi
paises. Estamos orozos de no vida se izo un koshmar.” Esperamos otras ovras i
toparmos en un tank. Este Libanon es uno de los tres felisitamos kalorozamente el
tank puediya ser kualker tank filmos reflektando las gerras. artisto SAMUEL MAOZ,
de un otro pais. Lo kontado Antes de el, Josef Cedar, en Suetando ke el kamino de
puediya afitar en otros lugares su filmo ke demonstrava komo PAZ sea avierto.
del mundo i otras gerras. Es
esto ke rende presiozo el filmo
Libanon. Josef Cedar
Prezentes en Venezia por el
reputado Festival, los kritikos de
arte apresiaron la lista de premi-
os distribuados a unanimita.
La desizion final la konklu-
eron de:
“Militano i korajozo”.
Samuel Maoz ke viene de una
famiya de Estambol imigrados a
Israel, izo konosensia kon FATİH
AKIN, un Turko ke gano el Jüri
Özel Ödülü kon su filmo SOUL
KITCHEN.
Despues de la atribusion del
premio oferto, el realizador,
kon el premio en su mano,
08 17 HESHVAN 57 7 0 - 4 N O V E M B R E 2 0 0 9
Djudios en el Palasyo Otomano
El Siglo XVI... El Imperyo Otomano debasho el reyno de Soliman el Manyifiko ke esta en la “apogée” (la sima) de
su poder i konkuestas... En el “Harem” del Palasyo, el poder, las intrigas i komplotos de las mujeres, en primero
Hürrem Sultan, despues Safiye Sultan... En este Siglo estamos vyendo tambyen la influensa bastante efikache de
unos kuantos djudios ke okuparon postos estratejikos espesyalmente en la diplomasiya i finansa Otomana...
COYA DELEVI / ESTAMBOL
Komo tuve la idea de azer un
artikolo semejante? En realidad no
es muy mueva. Atrazi este proye-
kto, no estando muy sigura de lo
ke keriya eskrivir egzaktamente i de
ande ampesar. Antes del sujeto prin-
sipal, devo azer una “introduksyon”
para aklarar, a lo menos en parte, la
razon... Antes unos kuantos anyos
meldi el livro “Kiraze” de Solmaz
Kamuran. Esta deskrivyendo una
seksyon de la vida difisil de los dju-
dios ekspulsados en 1492 i de sus
luchas, espandyendo los evenimyen-
tos a una perioda kaji de 100 anyos.
Por lo mas, estos djudios sin rike-
zas materyal, se esparsyeron en los
paizes evropeos i una grande parti-
da, en las tyerras anchas del Imperyo
Otomano en el reyno de Bayazıt II.
El lavoro de la Sra. Kamuran no es
unikamente el relato de la vida de
los djudios, en mayoriya Sefaradim.
En el paralelo esta deskrivyendo las
politikas de los palasyos evropeos,
sus intrigas a vezes sanginaryas,
kamufladas kon una vida briyante i
pompoza... Los Palasyos de Espanya,
Fransiya, Ingleterra, Vatikan i natu-
ralmente El Palasyo Otomano, kon
todas las intrigas de moneda, de
poder i otoridad... Los konfliktos i
gerras kontinuales entre el mundo
Muzulman i el Kristiyano, entre el
Oeste i el Este... Los grandes fuegos
de Estambol, las revoltas de los jani-
saryos ets...
El romanso Kiraze esta evo-
luando en un tablo istoriko seme-
jante.Ya es verdad ke konstati una
egzaktitud konsernando los eventos
istorikos mensyonados en este
fragmento de tyempo. Tambyen i
los personajes, kero dizir los sovere-
nos Evropeos o seya los Otomanos
son reel. Portanto no me pude
impedir de pensar ke este lavoro
deviya ser el produkto de una imaji-
nasyon muy fertil. Syertos persona-
jes, espesyalmente konsernando la
eroina prinsipal: Ester Kira (Kiraze)...
Devo atorgar, supozi ke Ester, ija
de una famiya ekspulsada, era un
karakter fiktivo, imajinaryo.
Kaji en akeyos mizmos diyas
meldi i el lavoro “Safiye Sultan”
EL DOSYE DEL MEZ
de Ann Chamberlin. El paralelismo
entre los dos livros me enkanto.
I de mas en mas kuryoza, me kije
ambezar demaziya, ma ke mane-
ra?... Komo lo digo syempre, el
azardo me ayudo azyendome una
sorpreza inkreivle. Ande una konosi-
da komun, enkontri la Sra. Kamuran
ke ya konosiya de nombradiya*. Fue
una okazyon unika para demandarle
syertos detalyos. Me ambezi ansi
ke Ester Kira es una figura istorika
otantika del XVI. Siglo. Reelmente
yo asta akel tyempo, no konosiya
este nombre. Bueno, sovre esto,
me dechidi de azer bushkidades
mas seryozas i eskrivir sovre los
Djudios del Palasyo Otomano. Devo
adjustar ke estos nombres Djudios
estan tambyen figurando en los dos
romansos ke mensyoni.
Vo empesar kon un nombre
byen konosido: Joseph Nasi. En
unos dos tekstos miyos preseden-
tes ya tengo eskrito sovre la Famiya
Nasi, Dona Gracia i su sovrino
Joseph. Esta famiya de Marranos
refujyados en el Portugal, fue una
de las importantes en la Istoria
Djudia. En este pais, i mas despues
en los otros paises ande emigra-
ron a la segida de la Inkizisyon
Portugeza en 1536, bivyeron mun-
chas peripesiyas i sufryensas en tal
ke Marranos. En 1542 Dona Gracia
Mendes tomo toda la administras-
yon de las finansas de la famiya.
Entonses estavan mano kon mano,
djuntos kon su sovrino Joseph.
Posedavan una fortuna imensa,
provenyendo de las finansas de la
famiya Mendes en Evropa. Teniyan
relasyones kon soverenos de la
epoka. Portanto fueron ovligados
de rezistir a fuertes presyones de
la parte de los novles evropeos.
Fueron akulpados de protejar klan-
destinamente los djudios... I mizmo,
de pratikar eyos tambyen en sekre-
to el Judaismo. Fue en esta epoka
ke Joseph Nasi demando del Sultan
Soliman el Manyifiko la otorizasyon
de refujyo. En 1554 se instalaron
definitivamente en Estambol.
Joseph konosiya personalmente
munchos soverenos evropeos i por
konsekuensa sus politikas. Syempre
se opozo a la politika negativa ke
pratikavan la Fransya i Venezia
enverso el Otomano. Okupo una
pozisyon i un posto superyor en
el Palasyo Otomano achakes de su
kapachidad en las finansas. Era tam-
byen un espesyalisto de la politika
eksteryora, de sorte ke fue un kon-
sejero importante. En 1560, (1563
asigun syertos istoryanos) el Sultan
Soliman le izo dono de tyerras en
Tiberias para la realizasyon de su
proyekto. Fue nominado governa-
dor de estos lugares.
Joseph i el Prens Selim, ijo
del Sultan Soliman, eran buenos
amigos. A la muerte del Sultan, el
Prens paso al trono komo Sultan
Selim II i nomino Joseph Duk de
Naksos. Selim II, de muncho antes
de suvir al trono, aviya dechidado
de konkerir la Isla de Kipro (Chypre).
Asigun syertos istoryanos, ya aviya
ampesado a realizar este plano kon
la instigasyon de Nasi. El istorya-
no Jouanin afirma ke Selim II aviya
prometido a Joseph Nasi el posto
de Governador de la Isla i ke sovre
esto, Nasi aparejo una bandyera
kon la inskripsyon “Joseph Rey de
Chypro”...
Azardo estranyo! Se puede dizir
ke el deskaimyento de Joseph Nasi
ampeso kon esta mizma kestyon de
Kipro. En 1571 la Marina Otomana
tomo la Isla kompletamente, myen-
tres ke un muevo “Lobby” se estava
formando al derredor del podero-
zo Vizir Sokollu Mehmet Pasha...
Kon la muerte de Selim II en 1574,
Joseph Nasi peryo kompletamente
su influensa en el Palasyo. Sokollu
entrego a Salamon Ben Natan
Eskenazi la direksyon de las relasyo-
nes kon Venezia. A la mizma epoka,
el muevo Sultan Murat III, konfisko
todos los byenes de Joseph.
Salamon Ben Natan Eskenazi...
Un otro djudio ke sirvyo lealmente
el Palasyo Otomano, asigurando

el kontakto diplomatiko kon los
estados poderozos de la Evropa.
Komo lo dishe mas arriva, en pre-
parando este dosye ize bushkida-
des. Konsernando Eskenazi, me
puedo referar de vez en kuando
al lavoro de Moshe Sevilla-Sharon
de la Universidad Ebraika de
Yerushalayim. Penso dar syertos
pasajes de este lavoro intitulado
“Türkiye Yahudileri-Tarihsel Bakış” **
(Djudios de Turkiya-Vizyon Istorika).
“Salamon Ben Natan Eskenazi
de orijen almana, bivyo un syerto
tyempo en Krakov, Polonya ande
estudyo medikeriya. Fue doktor
del Rey Sigismond II. Malgrado sus
konosensyas medikal i Talmudistas,
syendo un buen diplomat tambyen,
prefero lavorar en la Kancheleriya
de Venezia de Estambol. Myentres
el dezakordo Otomano-Venezia,
ovro en favor del Otomano i gano
la konfyensa de Sokollu. De sorte ke
fue nominado komo “mediator” en
el konflikto entre estos dos estados.
“Eskenazi fue arresivido kon
entuzyazmo por los djudios de
Venezia ke, akeya epoka estavan
amenazados de ser ekspulsa-
dos. Konvensyo las otoridades
Venisyanas sovre las konsekuensas
negativas i el danyo ke talas mezu-
ras podriyan kavzarles. Reusho ansi
a azer anular el dekreto de arrond-
jar los djudios i preparo el Akordo
de Paz kon Venezia.”
Salamon Ben Natan era un buen
diplomato. Konfirmo su talento en
este domeno, myentres la oryen-
tasyon de las entrevistas entre
Catherine De Medicis i Sokollu
Mehmet Pasha. Komo rezultado,
el Vizir acheto de dar su apoyo
a la kandidatura de Henri, ijo de
Catherine, para el trono de Polonya.
En esta peryoda, Eskenazi reusho a
eliminar los konfliktos i dezakordos
ke egzistiyan entre la Fransya i el
Estado Otomano... La Espanya pro-
metyo kampos i vinyas a Eskenazi,
demandandole su ayudo para azer
un pakto de paz kon el Governo
Otomano. Esta propozisyon fue
arrondjada por Eskenazi ke ovro a
obtener de la parte Espanyola un
akordo en favor del Otomano...
Portanto, a una epoka del reyno
de Sultan Murat III los djudios pasa-
ron perikolos seryozos. Sus rikeza
(al pareser obvyoza) sovresalyendo,
myentres ke el Estado estava en
grande difikultades ekonomikas.
Fue alora ke Murat III ordeno de
eksterminar todos los djudios
bivyendo en el Imperyo. Estamos
vyendo la influensa de Salamon
Ben Natan en el Palasyo. Reusho
a impedir la katastrofa fatal. El
Sovereno se kontento de kitar un
“Ferman” aplikando syertas res-
triksyones a los djudios. El poder
de Eskenazi kontinuo i en el reyno
del muevo Sovereno, Mehmet
III, mizmo despues la muerte de
Sokollu Pasha...
Otrun nombre en la diplomasiya
eksteryora Otomana del XVI Siglo, es
Salomon Aben Yaesh (1520-1603).
Nasyo en Portugal komo Konverso
i kon el nombre Alvaro Mendes. Ay
probabilidades ke vino a la Turkiya
para vijitar Joseph Nasi, un mye-
mbro de su mishpaha. El lektor va
topar mas anchas informasyones
sovre Aben Yaesh en el suplemento
de este dosye ke eskrivi en la pajina
Judeo-Espanyol del “Şalom” de esta
Solmaz Kamuran
semana...
Aviya i mujeres djudias ke fue-
ron “akreditadas” en el Palasyo
Otomano del XVI. Siglo. Bula Eksati,
la mujer de Salamon Ben Natan
Eskenazi es una de estas. Teniya
eya tambyen konosensyas de
medikeriya i reusho a kurar la vir-
guela del Sultan Mehmet III i de su
ijo. Portanto, ay una sola mujer ke
reusho a djugar un rolo importante
en el trafiko de relasyones entre
el Estado Otomano i la Evropa: es
Ester Kira. Espesyalmente en la
sigunda mitad del XVI. Siglo, esta-
blesyo kontaktos muy estrechos
kon el “Harem”. Puede ser esto i
su ambisyon sin mezura kavzo su
fin dramatika...
Komo se save, las mujeres del
“Harem” eran defendidas de salir
de ayi. Sus uniko remedyo de
komunikar kon el mundo
eksteryor era jeneralmente
las “vendederas” ke viniyan al
Palasyo. En el “Harem” (ande
no pudiyan entrar ombres
de afuera), estas mujeres
por lo mas djudias, negosya-
van los produktos del merka-
do de sus maridos. Eran yama-
das “Kira”, nombre derivado
de “Kiriya” en grego.
Ester Kira o kon su
nombre verdadero
Esperanza Malki fue la
“Kira” de Safiye Sultan.
EL DOSYE DEL MEZ
Era desendente de una famiya eks-
pulsada de la Espanya en 1492. Se
instalaron en Estambol despues de
aver bivido un syerto tyempo en
Venezia. Ester, mujer de un djoye-
ro, en poko tyempo reusho a entrar
en ojos de Safiye Sultan. Fue amiga
i konfidente de la kondjunta prefe-
rida de Murat III i konservo su pozis-
yon en el Palasyo en el reyno de
Sultan Mehmet III, ijo de Safiye ke
entonses era “Valide Sultan” (madre
del sovereno).
Ester entrava i saliya libremente
al “Harem”. Fue intermedyera en
las relasyones de Safiye kon Venezia
i Italya, en tal ke su mesajera.
Viyajo munchos paises evropeos,
reushendo a estableser la komu-
nikasyon entre Safiye i la Reyna
de Ingletierra, Elizabeth I. En 1580
Ester estava an la “apogée” de sus
aktividades politikas. Reusho a obte-
ner grandes privilejyos al Estado de
Venezia. En retorno, i Venezia le
akordo importantes rekompensas
personal.
Ester Kira fue tambyen la
protektrisa de eskrivanos i syen-
tifikos djudios. Djugo un rolo
importante, djuntos Salamon Ben
Natan Eskenazi (evento ke relati
mas arriva), reushendo a anular
el dekreto de eksterminasyon de
los djudios en el reyno de Murat
III. Malorozamente, achakes de su
ambisyon, Ester tuvo nombrozos
enemigos, mesklandose a los echos
del Estado. Se enrikesyo eksesi-
vamente i enrikesyo sus serkanos
grasyas a la amistad i proteksyon de
Safiye Sultan.
Ma asta ande pudiya ir la “amis-
tad” de Safiye enverso su konfiden-
te? Ke izo para salvarla de la sanya
de los “janisaryos” i “sipahis”
revoltados?.. Una revolta furyoza
enverso el “Harem” ke se estava
mesklando de kestyones del
governo... Tratandose su
kualkyer entereso, Safiye
era de un
karakter
a pueder
sakrifikar
Yavuz
Sultan Selim
17 HESHVAN 5770 - 4 NOVEMBRE 2009 09
sin ezitasyon i sin dingun remorso,
sus servitores fideles. Eya en una
manera reusho a salvarse i salvar su
“Harem” de la sanya del puevlo...
Ma, Esperanza Malki, la “Kira” de
Safiye no estava entonses aryento
las paredes protektrisas del Harem.
Toda la sanya i furyozidad akumula-
das se oryentaron verso eya, viktima
eskojida... La tomaron de su kaza
eya i sus ijos, los eksterminaron de
una manera salvaje... Las entradas
i salidas al Palasyo, sus kontaktos
intimos kon el “Harem” i sovre todo
su ambisyon interminavle, maloroza-
mente kavzaron la fin dramatika de
esta mujer de 80 anyos...
NOTISYAS
* La Sra. Kamuran es tambyen
la traduktrisa del livro “Safiye
Sultan”. La konsulti dos tres
vezes. Afilu kuando eskrivi yo mis
rekuerdos sovre las “20 Klasas”,
me permetyo kon muncha ama-
bilidad de azer una chika sitasyon
de su romanso “Çanakkale
Rüzgarları”.
** Egzisten diversos lavoros
sovre los Djudios de Turkiya.
Puedemos sitar el “Essai sur
l’Histoire des Israelites de
l’Empire Ottoman” de M.Franco
publikado en fransez en1897. El
Prof. Avram Galante ke en jeneral
izo bushkidades sovre las komu-
nidades i personalidades istorikas
de diversas periodas. Su lavoro,
por lo mas es en fransez i muy
ralamente eskrivyo en turko. El
lavoro de Moshe Sevilla-Sharon es
el primer en esta lingua, dando
una vizyon de la Historia de los
Djudios de Turkiya en sigyendo
el konsepto “Desde el Empesijo
Asta Oy”...
La Akdama de este lavoro en
turko es eya mizmo un teksto
bastante instruktivo. Penso
tresladarlo i prezentarlo a los
lektores en serka.
Sokullu
Mehmet
Pasha
Sultan
Mehmet III
10 17 HESHVAN 57 7 0 - 4 N O V E M B R E 2 0 0 9
REKUERDOS

“Una lagrima, una riza” - LO KE MOS KONTA RIVKA

Ken koze i amasa, todo le pasa

RIVKA ABIRY / HAIFA
Kombidi por este diya la kuzendera miya.
Antes, las damas, no saviyan kualo es “Merkado”,
kualo es konfeksion de fostanes i kualo son
boutiques elegantes de vestidos. Partiyan al
ajeno o kombidavan una kuzendera en kaza para
adovar o aprontar los vestidos modernos, las
bluzas, las fustas largas ets. ets. Yo tengo ansina
una mujer ke era nombrada komo buena kuzen-
dera. Eya en indose de kaza a kaza, despues del
desayuno, se metiya a kortar i a kuzir lo ke keri-
yan. Esta vez yo keriya una bluza mueva, de una
seda blanka ke resivi komo regalo de mi marido.
En supito un telefon. Al otro kavo oyi la
boz desesperada de mi amiga, ke kijo ke deshe
todo lavoro en kaza, ke me vaya ande eya para
ayudarla. Sigun su boz triste entendi ke estava
en una grande estrechura i apreto. Yo deviya
ayudarla. Troki el fostan, apanyi mi palto, i kon
adjele salti korriendo fina ke ayegi a la kaza de
Sima. En entrando ande Sima, kualo ke veyan
mis ojos!!! En medio del mupak Sima asentada
enbasho, desolada, kon lagrimas en sus ojos,
amostrandome kualo paso kon la torta de kas-
tanyas ke deviya esta noche servir a sus musafi-
res. Eya, en avriendo la puertizika del orno keriya
apanyar el tipsi. Komo el tipsi era kayente, se le
fuyo de las manos, i la torta aziendo un salto,
se arodeo i en aresvalandose kayo enbasho i se
rompio en pedasos. Ke pekado!!! Poveretika la
torta ke estava bozeada i demas povre Sima ke
estava abatida, sin saver en este kavzo komo
ayudarse.
Me apiadi de Sima. Komo kalmarla i en mismo
tiempo salvar su torta? Me vino al tino de
tomar los bokadikos mas buenos i grandes, de
meterlos en una tabla grande, i entremientes
de aparejar una krema de chokolata, de asukar,
de manteka i de guevos. En esta krema despa-
resieron los pedasikos de la torta. Ansi reushi
de amasar todo endjuntos en aziendo topezikos
chikos. Sarpiki enriva chokolata rayada, los meti
en manshetas de papel, los aresenti ermozo en
un grande plato i voilà, vate kantando. El boy
de los topezikos de kastanya uno komo el otro,
en una forma mueva atraktiva i savroza. No
saves kualo dizir i ande empesar a gostar. Estuve
kurioza de saver lo ke la djente diran a Sima!
Las musafiras se chuparon los dedos, i el
lakerdi kontinuo fina las oras de la tadrada.
A Sima, se le avrieron los ojos, i yo kontente
i alegre, ma en todo este alak bulak, no tuve
tiempo de retornar a kaza. Viendo negras i no
buenas, i ke la nochada ya abasho, yami a mi ija
venir a tomarme i akompanyarme atras a kaza.
Kuando Djoya, mi ija, entro ande Sima, estava
vistida de una bluza blanka i una fusta preta.
Para komerla, una donzeya! La bluza avierta
delantre, unas mangas kayendo komo alas de la
yaka, ke se serravan en unas manshetas de dan-
tela delikada, dando a la bluza un aire de elegan-
sia, finesa i ermozura. No solo esto, ma adjusto
sovre todo i la rikeza de la kadena de perlas ke
vestiya sovre la bluza. De vista me di kuento ke
la kuzendera, en mi absensia, apronto la bluza
segun las mezuras de mi ija. I en verdad reus-
ho. Todas las musafiras se echaron a saludarla,
i vino tam a esta ora Leon, el ijo de Sima. Echo
una mirada a mi Djoya i era komo su korason se
pudiya ver de leshos batiendo.
Leon i Djoya se aserkaron de esta dia, se
espozaron, se kazaron.
A quelque chose, malheur est bon.

Ladinokomunita: http://groups.yahoo.com/group/Ladinokomunita - Mesaje: 26739

BERNARDO ROLLAND
EDMOND COHEN / PARIS
edanbj@aliceadsl.fr
Oy alhad a las dos despues de mediodiya, uvo
en el kal de los sefaradim en Paris yamado “Don
Isaac Abravanel” una seremoniya por la memorya
de Bernardo Rolland, ke fue konsul jeneral de
Espanya en Paris entre 1939 i 1943 en Paris, i del
kual ya avlimos aki.
La seremoniya aviya sido organizada por
Alain de Toledo, dizyendo ke este konsul salvo
la vida de su madre komo de su padre (ke ya
aviya sido aferrado i ke pudo salir del kampo de
Compiegne dos diyas antes ke los del kampo
sean embiyados a Auschwitz) i de esta manera,
para Alain, es este ombre ke le dyo la vida. Es
vedra ke kuando se salva la vida de un mansevo,
no es solo su vida ke es salvada, es la vida de
todas las kriaturas ke tendra despues, i de las
kriaturas de estas kriaturas.
En esta seremoniya era prezente el konsul
de Espanya de oy, ke disho ke un ombre komo
Rolland le serviya de egzemplo, por su koraje i su
umanidad. I era prezente tambyen el ijo de este
konsul Rolland (ke ya se muryo en 1976) ke mos
disho toda su emosyon de estos onores dados a
la memorya de su padre, ke bivo nunka avlo de
esto todo, ke Alain deskuvryo a poko a
poko despues de su muerte, bushkan-
do en los papeles.
A la seremoniya vino tambyen un
ombre yamado Benshoam, ke mos
konto su istorya ke en vedra no teniya
nada de ver kon la del konsul, ama el
teniya menester de kontarmos, kon lagri-
mas en el garon, i lo ke oyimos fue terrivle: En
1940, su padre se aviya ido a la gerra, deshando
a su mujer solika kon dos ijikos. En 1942, afilu
ke el marido se aviya batido por la Fransya, la
polisiya franseza vino aferrar a su mujer i sus dos
ijikos de 8 i 5 anyos. Los yevaron al karakol kon
un alay de otros djudyos, echados en basho en
este karakol demaziyado chiko para tanta djen-
torya de “kriminales”: vyejos, mujeres, kriaturas...
La madre belledeo ke la puerta del karakol se
avriya i serrava syempre kon las idas i vinidas i
disho a su ijo bohor (8 anyos), este Benshoam ke
lo estava kontando:
“Kuando la puerta se va avrir, toma tu erma-
niko i fuidvos presto presto”. Lo ke izyeron, i se
eskondyeron al lado del karakol. Vyeron ayegar
un otobus, i toda la djente fue echada en el
otobus...”Vide mi madre kon eyos, i eya me vido
tambyen; me izo una sonriza. Es la ultima vez ke
vide mi madre.”

HERNÁN R. FISSE / SANTIAGO DE CHILE
hrodrigu@uchile.cl
Fransia tiene sivdades muy
ermozas para ir a vijitar i kono-
ser su kultura. Asta agora me fui
a Paris, Lyon, Nice, Cannes,
Antibes, Montpellier, Perpignan
i Avignon. En un treno ke tomi-
mos en Barselona kon mi mujer,
arivimos a la Côte d’Azur en la
primavera de 1997. Mos kedimos
en un chiko otel de Nice, el mismo
ande se iva la tia Ida (b’m), ermana
de mi padre, los sesh mezes del
anyo ke profitava de la kalor, kuan-
do en Chile azia frio. Kaminimos
por todos los lugares ke eya mos
kontava ke eran los mas ermo-
zos i mas muncho “La Promenade
des Anglais”, kon su afamado otel
Negresko, tomar una bira i mirar
a la djente pasar. Desde el primer
dia mos sombayo la savor de komer
el pan baguette kayente (kitir, kitir),
adjuntado kon los mijores kezos del
mundo. Kon el mayo de banyo mos
metimos en una de las syete playas
publikas ke tiene la sivdad, ama
me mankaron unas charukas para
pizar las piedras - en el bodre de
la mar no ay arena. Es posivle de
konoser merkados  kada dia de la
semana, komo la Rossetti, en la
sivdad vieja.
Deshimos un dia entero para
irmos a Cannes. Desde el otel mos
tomo en su oto Ginette Namer,
bivda de un primo de mi padre.
En primero keria ke pasaramos por
Antibes i su Port Vieux, kon los
yates de grande lukso, fina ke arivi-
mos a su apartamento, kon una vista
ganeden de la mar. Se topa enfren-
te de la playa de La Croisette i del
Palais des Festivals. Por una semana
mos pedrimos de ver las estreyas
del sinema. Kaminando mos fuimos
a La Suquet, el kuartier mas antiko
de Cannes, yeno de restorantes,
ande komimos un savrozo kodre-
riko, de la parte del puli, apare-
jado a la franseza. Eskapimos de
komer i mos fuimos al Prinsipado
de Monaco. Entrimos al kazino de
Montecarlo, pizando la impresio-
nante eskalera de marmol i echimos
Sur le Pont  d’Avignon
un ojiko, no paras, a los salones
Renaissance i Evropa (aki se murio
en djugando bakara un ermano
de mi nona Vida). Izimos una pro-
menade por la Condamine, ande
el primer Grimaldi fraguo su kaza
setesientos anyos antes; arivimos
tadre al Museo de Cousteau - dizen
ke es lo mijor en oseanografia.
En el viaje a Lyon, en el 2005,
akontesio la grande shans ke mos
afito una gia turistika de lukso:
Maina Morison, eleva de mis kla-
sas de la Universidad de Chile, ke
mos invito durante kuatro dias para
konoser la sivdad de los dos rios, el
Ródano i el Saona. Atravesando
los pontes, una i otra vez, Maina
mos konto la istoria de Laurent
Mourguet, un dentisto, sin estu-
dios, ke kitava muelas en la kaleja i
komo anestezia invento una mar-
yoneta chikitika yamada Guignol.
Delantre del afamado Otel Negresco de Nice
Kon una mano amostrava a Guignol
i kon la otra travava las muelas.
Tan afamado en la sivdad komo el
eskritor Saint-Exupéry (autor de El
Prinsipito) o los ermanos Lumière,
kreadores del sinema.
Konosida por los kostumes de  gotiko, kon murayas de proteksion
seda, Lyon briya kon kolores pro-
pias por sus ermozura, i la vimos
desde el tepe de la kolina de
Fourvière, kon su grande bazilika.
Los ekpertos en la buena komida
dizen ke esta sivdad es la “kapital
mundial de la gastronomia”. Para
mozotros lo ke mas mos kedo en
el tino fueron los “traboules”. Un
labirento de pasadijos, eskondidos,
sin puertas, por ande kaminavan
los ke lavoravan la seda, kon sus
pezgados bogos, de un batimento
al otro. Durante la Segunda Gerra
REKUERDOS
Mundial sirvieron a los ombres de
la Rezistensia para fuir de los nazis-
tos. Le Musée du Tissage se topa
en el 10 de la Rue d’Ivry. Maina mos
yevo al Instituto de Siensias Politikas
de la Universidad de Lumière ande
avlimos kon algunos de sus kama-
radas, ke me demandavan de la
istoria politika de Chile. El mismo
lugar de la universidad fue la sede
de la Gestapo, ande miles fueron
torturados i asesinados, komo Jean
Moulin. Agora ay un Museo de la
Rezistensia, ke no kale mankar de
vijitar.
A la sivdad de Montpellier
yegimos al empesijo del otonyo
del 2007. Me plazio la Place de
la Comédie, en su sentro istoriko,
todo de kalejas pedonales. Tomar
un kafiko mirando la Fontana de
Trois Grâces, kada nada uno se topa
kon estudiantes universitarios veni-
dos de todas partes del mundo. En
1137 nasio su Eskola de Medisina,
una de las primeras de Evropa,
donde estudio i lavoro, en el siglo
XVI, el djidio Nostradamus. El “Rey
Sol”, Luis XIV, dio orden de azer la
Promenade de Peyrou, kon kastelo
i akuedukto (Saint Clément) para
inchir de agua las kazas de la sivdad.
Para entrar a este lugar kale pasar
por un impozante Arko de Triumfo,
Miriam kon Ginette Namer en Cannes
17 HESHVAN 5770 - 4 NOVEMBRE 2009 11
Aki va la primera foto: Aki me
topo delantre del Pont d’Avignon
ke tiene de un lado un medayon,
para indikar ke los katolikos echa-
ron abasho la erejia protestante de
Calvino, kuando akontesieron las
gerras relijiozas.
Tres dias despues kontinui-
mos para Avignon. El ponte San
Benezet, en el ermozo rio Rodano,
es el lugar de la kantika oida en
mi chikez: “Sur le pont d’Avignon,
l’on y danse, l’on y danse...”  Mas
tadre en la eskola, tuve la shans
de ver el tableaux de Picasso, “Les
Demoiselles d’Avignon”. Ma  el pro-
fesor de arte me ambezo ke no era
la sivdad de Avignon lo ke el artisto
pinto, lo ke el amostra en el tabló
es una randevu de las putanas de
la kaleja d’Avinyò, en la sivdad de
Barselona en 1907 !!! Fue la djente
ke meskló los nombres porke ansi-
na les kedo en la kavesa.
Avignon kere dezir “sivdad del
viento fuerte”. Lo sintimos kami-
nando por el bodre del rio en una
ermoza promenade. Kuando el
Papa Clemente V fuyo de Roma
en 1309, por el grande sisma de la
Iglesia Katolika, el lugar se izo kono-
sido komo la “Sivdad de los Papas”.
En el siglo XIV se fraguo un enorme
palasio, ande moraron a la sira sesh
papas. Es uno de los palasios de
Evropa mijor konservados, de estilo
de sinko kilometros de largo, enriva
de una kolina. Toma un buen karar
de tiempo para vijitarlo, djunto a la
Katedral de Notre Dame des Doms,
ma es un verdadero enkontro kon
la istoria. Las kamaretas son muy
yeladas, ainda en el enverano, porke
esta todo fraguado en piedra.
Komo me se termino la pajina
de El Amaneser, las vijitas a Paris las
desharemos para mas adelantre.
Komo dize la famoza fraza: “Paris
bien vale una misa”, pardon, un
“meldado”. 
12 EL KANTON DE LA LINGUA
17 HESHVAN 57 7 0 - 4 N O V E M B R E 2 0 0 9

Mos Ambezaremos El Alfabeto Rashi

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.

HET 11 ZAYIN 10 ZAYIN 9 VAV 8 HE 7 DALET 6 GIMEL 5 GIMEL 4 BET 3 BET 2 ALEF 1

H J Z U/O A D CH/DJ G V B A

SAMEH 22 NUN 21 NUN 20 MEM 19 MEM 18 LAMED 17 KAF/HAF 16 KAF/HAF 15 YOD 14 YOD 13 TET 12

S N FINAL N M FINAL M I K/H FINAL K/H Y I/E T

TAV 33 SHIN 32 RESH 31 KOF 30 TSADIK 29 TSADIK 28 FE 27 FE 26 PE 25 PE 24 AYIN 23

T SH R K TS FINAL TS F FINAL F P FINAL P A

Aviendo trizteza no poza la Shehina

(la divinidad, el esprito santo)

“Meam Loez”, Perashat de “Vayera”, daf (pajina) 97

Transliterado por: Yehuda HATSVI, Tel Aviv / hatsvi@netvision.net.il

un kavzo uniko en la istoria de los Sefara- YEHUDA HATSVI / TEL AVIV

EL DJUDEO- dim, sovretodo de akeyos ke se instalaron

en los payises dominados por el Imperio
Otomano.
hatsvi@netvision.net.il

Ladinokomunita: http://groups.yahoo.com/group/

ESPANYOL Los Djudios de Espanya bivieron en

harmonia i en prosperidad durante mun-
Ladinokomunita/ Mesaje: 26196

(o el LADINO)
chos siglos en la Espanya, seyga durante
la dominasión musulmana, seyga des-
Luvia en su tiempo
pués de la rekonkista de los kristyanos.
Oy de manyana me desperti al son de una sinfonia

EN EL
Eyos fueron yamados Sefaradim, ke kere
dizir Espanyoles, i despues ke fueron ovli- konosida i muy trista: la boz de la primera luvia oganyo en
gados de irsen de este payis, eyos fue- Erets Yisrael.

IMPERIO
ron ovligados de instalarsen en payises Es verdad ke los meteorolojistas esparavan esta luvia
ajenos, kon linguas, kreyensas, uzos muy ya de ayer, i en un tal kavzo semejante, siempre ay djente
diferentes de los suyos. Malgrado esto, ke se keshan sovre los pronostikos yerrados.

OTOMANO
SELİM AMADO
Todos keremos ke se konservan la lingua
i la kultura, el folklor de los Djudios Sefa-
radis, desendientes de los expulsados de
Espanya. Mas de 500 anyos el Ladino o Dju-
deo-Espanyol fue una lingua biva i avlada.
Este fakto no tiene munchos ekzemplos,
i aki vamos a mirar de avlar de las razones
por las kualas esta lingua i kultura no se
despiedreron. Kuando a la situasión aktúala,
es klaro ke los esfuersos para la konserva-
sion provienen del menazo iminente, ke es
la diminusyon del numero de komunidades
i personas ke para eyos esta lingua era sus
lingua maternala.
El fakto ke los Djudios expulsados de
Espanya en el anyo 1492 konservaron
durante mas ke sinko siglos la lingua, es
sus lingua i folklor sobrevivieron, i esto Ma, de mi parte vos kyero dizir ke kada dia en los kua-
se paso unikamente en las diferentes tro mezes de alkavo, durante todo el enverano aki, mos
partes del Imperio Otomano. dizian los meteorolojistas ke “el tiempo va estar kayente”.
Las razones por las kualas estos Dju- Na, el fato es ke todos sus pronostikos i anunsios, dia
por dia, fueron djustos:
dios conservaron la lingua Espanyola son
varias, i existen varias ipotezas. Ipotezas el tiempo Si, estava kayente.
ke dizen ke la razon es el konservatizmo Oganyo, en el proksimo dia de martes, vamos a sele-
Djudio, ke se opoza a todas las fuersas ke brar la fiesta de Shemini Atseret (ke es i Simhat Tora).
menazan el mantenimiento del Djudaiz- Segun la tradision en Erets Yisrael, en Shemini Atseret
mo, i sus atadijo a la tradisyon i la lingua de nombramos las luvias en muestras orasiones.
sus antepasados. Por seguro ke la sovre- Makare ke siempre se kumplara la profesia de
biviensa del Djudeo-Espanyol mas de 500 Yeshayahu (65, 24):
anyos en el Levante no se pueden eksplikar “I sera ke ANTES ke yamen/klamen, Yo respondere”.
solamente por el atadijo ke tenian estos
Djudios a la tradisyon, ma djuntos kon esto
en las kondisiones istorikas, sosiolojikas,
kulturalas i polítikas de los sefaradim en el
Imperio Otomano en los anyos ke sigieron
la ekspulsion.
Los Sefaradis tienen una devda impor-
tante a los Turkos en lo ke konserna la kon-
servasion del Djudeo-Espanyol, sovretodo
por ke no existieron tendensias nasyonalis-
tikas en el Imperio Otomano antes la fin de
los anyos 1800 i la Primera Gerra Mundiala.

KANTON DE BIBLIOGRAFIA SEFARDI
MICHAEL HALÉVY/ HAMBURG
mihalevy@alice-dsl.net
Historia
• HAZAN, Martín, Una dia más
de vida. La odisea de David
Galante, Barcelona 2009,
ISBN:978/84/92400/41/6, Ine-
dita Editores
• VARON, Bension, Cultures in
Counterpoint. Memoirs of a
Sephardic Turkish-American,
Xlibris, ISBN: 978-1-4415-3109-
4 Info: order@Xlibris.com
Göz­lem Ga­ze­te­ci­lik
Ba­s›n ve Ya­y›n A.fi.
ad›­na sa­hi­bi: YA­KUP BA­RO­KAS
Ya­y›n Tü­rü: Yayg›n Süreli
• ABRERA, Anna Ysabel d’,
The Tribunal of Zaragoza and
Crypto-Judaism, 1484-1515, Tur-
nout 2008: Brepols,
ISBN: 978-2-503-52472-6
Linguistika
• ROMERO, Raynaldo, Structural
Consequences of Language
Shift: Judeo-Spanish in Istanbul,
Washington 2008, Ph.D.
Sorumlu Yaz› ‹flleri Müdürü: Katk›da Bulunanlar:
Ifl›k Sivil Karakoç Gad Nassi
Christine H. Lochow Drüke
Yay›n Yönetmeni: Roz Kohen Drohobyczer
Karen Gerson fiarhon
Koordinatör: Dizgi-Grafik Tasar›m:
Güler Orgun Semra Sevinç
BIBLIOGRAFIA 17 HESHVAN 5770 - 4 NOVEMBRE 2009 13
• VUCINA, Ivana & Jelena
35
FILIPOVIC, Identitad Etnika
i lingua de los sefardim en
Belogrado (en serbo), Belgrad
2009, ISBN: 978-86-1716234-2
• BENARROCH, Mois, Mar de
Sefarad, Editorial MOBEN,
Jerusalem 2008,
ISBN: 978-1-4092-1795-4
Literatura
• ROMEU Ferré, Pilar, Ramo de
sus raíces florecerá, Barcelona
2009, Tirocinio,
• WIMMER, Reuven, Mishle
Ladino (kuentos ladino), Tel
Aviv 2008, Doron Sefarim
Yönetim Yeri: fiALOM’UN ÜCRETS‹Z EK‹D‹R. /// Merkez Tel: 0212 - 231 92 82 Faks: 0212 - 231 92 83
Atiye Sokak, Polar Apt. 12/6
Teflvikiye - ‹stanbul
Abonamiento: abone@salom.com.tr
Bas›ld›€› Yer: Artikolos publikados en El Amaneser refletan las opinyones personales de sus otor, i son enteramente i
Turkuaz Matbaac›l›k solamente a su responsabilidad. La reproduksyon total o parsyal de estos artikolos es permetida kon la
Yay›nc›l›k A.fi.
kondisyon de mensyonar su manadero i el nombre del otor.
Keresteciler Sitesi, Fatih Cad.
Selvi Sok. No:18
Merter-‹stanbul PARA ABONARSE ➨ posta elektronika: elamaneser@gmail.com
14 17 HESHVAN 57 7 0 - 4 N O V E M B R E 2 0 0 9
EL DOSYE DEL MEZ
Konoseremos a
Margalit Matityahu
Antes de todo - te rengrasio, Margalit, por akseptar esta entrevista.
Ay muchos anyos ke te konosko, i me parese ke konosko
munchos de tus eskritos en Ladino. Ma despues de ver el filmo ke
produizites, me di kuenta ke tu kreasion i tu valor es ayinda mas
vasto de lo ke talvez se imajinan la djente. Entonses, si es posivle,
“empesaremos del empesijo”:
YEHUDA HATSVI / HERZELIA
hatsvi@netvision.net.il
Ken sos Margalit Matityahu?
Komo lo savras, yo nasi en Tel Aviv. Mis
parientes nasieron en Grecha.
Mi madre en Salonik, i mi padre en
Dedamotihon, una sivdad chika en el norte-
este del paiz.
El paso kon su famiya, a bivir en Salonik
kuando era de algunos 8 anyos.
Dunke mis parientes se konosieron en
Salonik. Mi madre, ke fue una Sionista apasiona-
da, izo Aliya a Erets Yisrael solika, a la edad de 19
anyos, en 1930.
Despues de tres anyos, en 1933, vino mi
padre komo turista, i se kedo aki. Eyos se kaza-
ron en Tel Aviv en 1934.
Por tu edukasion se ke te ambezates
literatura ebrea i filozofia en la
universidad de Bar Ilan. Lo ke me
interesa saver es kuando eskrivites tu
primer poema.
Mi primer poema lo eskrivi kuando era de
15 anyos. La koleksion de mis primeras poezias
en ebreo, ayinda la tengo bien guadrada en un
defter. A vezes, ma muy raramente, avro este
defter para echar alguna mirada.
I en Ladino?
Si, eskriviya i en Judeo Espanyol. A la edad de
18 anyos se publiko en uno de los jurnales ke
aparesiyan aki en Espanyol.
Kuando fue ke te sentites apropriada
reprezentarte komo poetesa?
Paso mucho tiempo desde ke mis prime-
ras poezias se publikavan asta ke me atrevi
dizir: “Yo so poeta”. Yo uzava a dizir: “Eskrivo
poezias”.
Durante los anyos, se publikaron aki en el
paiz muchos artikolos kontemplativos sovre mis
livros de poezias, i en mientres, livros miyos
fueron publikados afuera de Israel tambien, i
munchos ekspertos de literatura eskrivieron
revistas i alavasiones sovre mis poezias.
En kongresos internasionales de poezia en
varios paizes en el mundo fue prezentada komo
Poetesa bilingue, ebreo-ladino; estonses, empe-
si prezentarme komo poetesa.
Ken te influenso en tu vida literararia?
Siempre amava meldar eskritos de varios poe-
tas: Bialik, Rahel, Lea Goldberg, Alterman i otros.
Leon Monolito 1997
Si, lo entiendo. Todos estos son poetas
ke eskrivieron en ebreo, bien konosidos
en Erets Yisrael. Ma es ke uvo algun otro
personaje ke te animo personalmente?
Komo parvenites eskrivir en ladino?
Sierto. Yo lo devo mucho al eskritor sefa-
radi renomado, Yitzhak ben Rubi. Yo lo konosi
kuando era no mas de 18 anyos. En akel tiempo
el dava en la radio de Kol Yisrael sus sketches
umoristikos de “Shimon Shimon”. Yo partisipi en
todos los sketches durante 25 anyos.
Es ke ay algun sefaradi en Israel ke no
se divertio kon “Shimon Shimon”? A mi
me invitava a vezes Yitzhak ben Rubi
a djugar el rolo de algun turista de la
Amerika o un musafir ke vino de Grecha.
Ma, un periodo de 25 anyos, komo mos
kontas, es una koza impresionante!
Mis kontaktos kon Yitzhak ben Rubi fue
komo un nyudo espiritual muy fuerte. El era un
ombre kreador, sovresaliente en muchos kam-
pos: umor, poezia, proza i traduksion. El i su
mujer Dora, me adoptaron kaje komo fuera sus
fija. Sus fija, Liliana, bive en Atena, i eyos la iyan
a ver una vez al anyo.
Yitzhak ben Rubi era para mi komo un mana-
dero de animo para eskrivir. El fue el ke publiko
mi primera poezia en su jurnal “el Tiempo” en
1953, en el primer anyo ke lo avia konosido.
El apresio mucho mi talento i me enkorajava a
kontinuar i eskrivir. Djuntos pasimos un kamino
de muchos anyos.
Unos kuantos dias antes ke entrego su alma
al Dio, estuve yo asentada al lado de su kama -
esto fue un poko tiempo despues ke mi primer
livro en ebreo salio a luz en 1976 - i el me disho:
“kuntinua a eskrivir en las dos lenguas. Sige
publikando. Tienes un dono de eskrivir”.
Yo lo kompanyi en su ultimo dia, asentada
al lado de su kama, asta sus ultimas oras. Estos
fueron unos momentos ke nunka me olvidare.
El ya no pudo avlar, i yene kijo dizir koza; me
sinyalo ke le de alguna penina i eskrivio en una
eskritura ke ya no se alkansava a meldar... asta
el ultimo momento el estava kon kalem entre
sus dedos.
En mi kaza tengo muchos livros suyos, i tam-
bien una koleksion de los jurnales “El Tiempo”,
ke el era el editor.
Pasaremos una vez mas a la vida. Ke
mas izo formar tu mundo artistiko?
En mi chikez i en mi djoventud meldava lo
mas literatura ebrea i literatura traduizida. En
la kaza de mis djenitores avia una biblioteka
grande de livros en Judeo-Espanyol, i kon eyos
profiti a meldar literatura traduizida del fran-
ses, ingles, italiano i turko. Aparte de estos, me
gustava meldar livros de psikolojia i filozofia.
Todos estos tomaron parte en la kreasion de mi
mundo literal.
Ke mas puedes kontar a los lektores?

Kondjuntamente de mis eskritos en ebreo en
Israel (i ya savras ke poemas de mi livro “Kurtijo
Kemado” estan inkluidos en los estudios de los
liseos en este paiz), tengo una aktividad muy
ancha en Israel i en otros paizes en el kampo de
la investigasion de literatura Judeo-Espanyola.
A vezes mos kombinan en el kamino algunos
puntos i eventos ke eventualmente tienen una
influensia grande i signifikante.
Durante sinko anyos ize muchos viajes a
Grecha. Me dediki a investigar i estudiar la vida
de la komunidad Judiya i sus raizes. Konosi muy
bien las komunidades ke kedaron bivas i man-
teni kon eyos un kontakto kontinuo. En kamino
me se kombinaron enkontros apasionantes,
i deskuvri unos kuantos livros antiguos. En el
anyo de 1991, en un kongreso internasional
de poetas en Estambol, enkontri dos poetas
espanyoles ke meldaron mis poezias i desidie-
ron de invitarme a Espanya en programas de
Margalit Matityahu kon su ijo Jack
radio i de televizion. Desde el anyo 1993 me
se avrio el kamino para Espanya. De ayi viajava
muncho en espesial para eskadrunyar las raizes
de mi famiya, ke su orijen es de Espanya, i ke
despues de la ekspulsyon se instalo en Salonik.
Kon el tiempo, kreyi munchos kontaktos en
varias sivdades en Espanya. Partisipi en muchos
enkuentros internasionales de poezia, i natural-
mente ke mi konosensia kon poetas i eskritores
se ancheo mucho.
Desde los primeros minutos de esta
entrevista, Margalit, esto kuriozo a saver
si es alguna leyenda lo ke me kontaron,
ke en la sivdad de Leon en Espanya
egziste un monumento a tu nombre?
Kon la sivdad de Leon en el norte de
Espanya se dezvelopo un kontakto muy espe-
sial. Parese ke el orijen de mis antepasados es
de Leon. Leon, ke es la alkunya de mi madre,
se prezervo durante munchas jenerasiones. Yo
konosi al mayor de la sivdad en 1996, i konse-
kuente de un livro mio ke salyo a luz en 1997
de parte de la universidad de Leon i la muni-
sipalidad de Leon, los kontaktos vinieron a ser
ayinda mas amigavles. Munchas famiyas en la
sivdad me resivieron komo una de la famiya. En
EL DOSYE DEL MEZ
varios periodos, yo mori en Leon i en Madrid.
Entonses, en 1997 se desidio de azer un djesto
de omenaje al puevlo Judio ke bivio antes de
la ekspulsion, en el kuartie Judio en Leon. Se
levanto un monumento a su memoria, i sovre
este monumento se gravaron unas kuantas lin-
yas de una de mis poezias.
Me puedes sitar estas linyas preesyozas
de tu poezia?
En el monumento se eskrivieron versos de
mi poema titulado “En el fondo del tiempo” i
estos son:
“Estonses muestros nombres se van a gra-
var en los kaminos de sekreto i van a avrir
las puertas de union”
I despues ke okurrio en Leon?
En 2002, una vez mas, komo un djesto
de apresio a mi aktividad literaria en Leon, el
mayor de la sivdad desidio yamar una plasa a
mi nombre. La emosion fue enorme, i yo me
senti ke egziste una grande apresiasion a lo ke
reprezenta muestra idioma Judeo-Espanyola,
(la lengua de los ekspulsados de Espanya) ke
en el mismo tiempo es i la lingua istorika de los
espanyoles mismos.
Kon todos estos viajes tuyos a varios
kongresos de poetas, komo en Estambol,
Buenos Aires i Washington, me maraviyo
komo pudites kumplir durante mas
17 HESHVAN 5770 - 4 NOVEMBRE 2009 15
de 20 anyos tu posto komo sekretaria
jeneral de la Asosiasion de Eskrivanos en
Israel. Beata a ti! Ya no vo azer kuento
kuantos livros de poezias tuyas salieron
a luz en ebreo, ladino i kasteyano,
aparte de diskos komo el “Aromas i
Memorias”. Ma, mi enkanto mas grande
es komo fue ke empesates este proyekto
grande de krear i filmos. Komo pasar
de las palavras eskritas a los imajenes
de sinema. Esto es un arte muy muy
diferente.
Para dar a saver a los lektores de El
Amaneser, lo mensiono ke asta oy salieron “a
los ekranes” dos filmos dokumentarios de la
seria “Sefarad – Caminos y Vida”. El primer
es: “Leon reencuentro” i el segundo: “Toledo
el secreto oculto”.
La poezia me konduizio a Espanya a lo largo
de los anyos. Despues de dedikarme a la investi-
gasion de la kreasion de la vida Judia en Salonik,
donde nasieron mis padres, yegi a la konkluzion
ke mis verdaderas raizes estavan en Espanya.
En Espanya se publikaron sesh de mis livros
de poezia. Mi relasion kon munchas personas
aya de varias sivdades se fue profundizando,
i espesialmente – komo ya lo avlimos - en la
sivdad de Leon, la kuna de mi famiya antes
muchos siglos.
Kon todos eyos tuve munchos momentos
de profunda emosion.
En el anyo 2003, kuando vijiti a mi ijo Jack en
Paris, komparti kon el todos estos eventos.
Avlando avlando, se le okurrio a Jack la
ermoza idea de dar ekspresion sinematografika
a la estoria de los Judios i de sus kuartieres en
las prinsipales sivdades de Espanya, antes i des-
pues de la ekspulsion.
Las institusiones espanyolas resivieron kon
entuziazmo esta idea i mos metimos kon yugo
a la ovra. Desde 2004 mos dedikimos al pro-
yekto dokumental, i muestra intension es de
kompletar una seria de diez filmos ke refleten la
estoria de los Judios.
Lo izites komo si fuera muy fasil. Yo ave
visto en la sinemateka de Tel Aviv estos
dos filmos, los dos muy emosionantes de
punto de vista judiya, ma tambien me
impresiono la teknika sinematografika,
i la ermozura de los efektos empleados
por Jack, ke mostran klaramente un
manyifiko talento komo profesional de
sinema. Komo logratesh esta unidad
entre el tema i la manera de formarlo
komo una piesa de sinema?
Mi ijo es direktor i fotografo artistiko. Su
sensibilidad artistika, djuntos kon su kapa-
sidad del ofisio, i su ardor de kolaborar kon
mi, izo reushir a transmetir a la kamera, a
traves de sus ojos una estoria. Para mi fue
esta lavor kon el una eksperiensa apasionan-
te ver komo Jack logro “aferrar” las palavras
de los entrevistados i traduizirlas a un lin-
guaje sinematografiko.
Agora espero kon impasensia ver a
toda seria de vuestros filmos. Makare
serkamente. Grasias mil Margalit, por
esta entrevista tan poetika!
16 17 HESHVAN 57 7 0 - 4 N O V E M B R E 2 0 0 9
ARTIKOLOS

El Poeta Shemuel HaNagid *

AVRAM BEHAR / YERUSHALAYIM
avram.behar@gmail.com

Shemuel HaNagid, ijo de Yosef Nagrila, asigun

lo yamavan ìEl Milionaryoî, era ombre kompleto
kon simento spesial de poeta politika i koman-
dante de armada.
Shemuel HaNagid nasyo en KORDOVA en el
anyo 993. Kuando KORDOVA se destruyo de parte
de los Berberes, el se fuyo kon su famiya a Malaga
en el territoryo de GRANADA.
Shemuel HaNagid fue nominado komo konse-
jero del rey HABUS en Granada.
Durante su servisyo en esta
misyon, akumulo kon tyempo
responsobilidad de autoridad
de governo anchamente, i
resivyo la armada debasho su

K
komando. poetas primeros ke eskrivyeron kantikas eridos lektores, aki abasho
Despues de la muerte del i poeziyas - 35 kantikas de amor i vino, vos traygo una leyenda chika
rey Habus, Shemuel HaNagid marshes de gerra i mas. sovre Shemuel HaNagid:
kontinuo a servir al ijo del rey El klasifiko sus poeziyas i kantes en tres
HABUS, BADIS, i fue ministro en volumes. Una vez salyeron a kaminar el
el palasyo del rey en GRANADA, 1- BEN TEILIM - salmos asigun el uzo rey djuntos kon Shemuel HaNagid
ande servyo asta el diya de su de los sefaradis. en Granada, pasaron delantre de un
muerte en 1056. 2- BEN MISHLE - poeziyas de saviduri- botikaryo musulmano relijyozo. Salyo
Ademas todas estas misy- ya komo el livro de MISHLE, 230 poezias. afuera el botikaryo i lo maldisho a
ones, Shemuel HaNagid se 3- Komo el livro de KOELET - kantikas Shemuel HaNagid i le echo una mald-
preukopo de sus ermanos ke tyenen un atadijo a este livro, entre isyon muy mala. Klaro ke el rey lo sintio
djudyos i fue shefe de la mas, diez poeziyas de relijyon. i se aravyo muncho. El rey le ordeno a
komunidad djudiya en GRANADA. Kon los previle- Entre todo su kargo, el dyo apoyo a los poetas Shemuel HaNagid de kortarle la aluenga
jyos ke teniya en su mano, se preukupo de los djudyos komo al poeta SHELOMO EVEN GIVERIOL.
djudyos de ESPANYA ke biviyan en los otros reyna- Shemuel HaNagid era de alkunya de LEVI i en
dos en ESPANYA, djustamente i de las komunidades sus eskritas se ve ekspresyon por la rehmisyon,
en el norte de AFRIKA, komo EJIPTO, BABEL, SISILYA de sus manos eskritas se ve ke teniya el dezeo de
i ERETS YISRAEL, en el kual le dyeron el titolo de kantar djuntos kon sus ermanos los Leviyim en el
HANAGİD. Templo BET AMIKDASH en YERUSHALAYIM.
En 1027 sus misyones en akeya epoka, en Shemuel HaNagid fue ministro grande en el pal-
muestros diyas seriya una funksyon la mas impor- asyo del rey en GRANADA, komo Even Shiprut en
tante, komo primer ministro, i en mismo tyempo KORDOVA. En su tyempo tuvo un suenyo grande
ministro de la defensya, aun kon todo Shemuel por ver la komunidad djudiya enfloresyendo, i en
HaNagid vino de ser POETA. El fue uno de los partikular en GRANADA.
Sus ojos eran avyertos por todo. El vido su
misyon komo el embiyador SHALIAH de parte del

Poeziya de Todo Poderozo en favor de protejar a su puevlo,

kijo fondar en el reynado de GRANADA un sentro

Gerra de Shemuel
de refujyados para los djudyos. El se eskriviya kon
los lideres i rabenos en syertos payizes ande lo
alavavan por su saviduriya i su kapachidad.
HaNagid Un suenyo grande teniya en su korason, ver
tornar la korona del reynado DAVID AMELEH. Sus
serkanos saviyan ke Shemuel HaNagid era de ray-
a tu siervo
Akodrate lo ke avlates izes de David Ameleh i teniya la megila guadrada
en mi karne. en un kashon, ke kuando metiya su mano ayi, se del dicho botikaryo fanatiko.
I no me averguenses
mi mano i mi sekreto. emosyonava. I ke izo Shemuel HaNagid? Al kon-
Ayegaras a lo malo i yo igos. traryo le dyo al botikaryo un grande
dad kon mano de enem Todo tyempo se topavan ministros antisim-
Me izites savyo i buen EROS, regalo, i esta manera se troko la maldi-
asuvame de mis GRAN ites o un fanatiko, selozo en la epoka de ABED
Yo paso entre las aguas, flama. syon en bendisyon.
de lumbre, kitame de mi RAHMAN el Treser.
Yo me vo en HOGUERA argura. Paso kurto tyempo, el rey i Shemuel
alo so yo, kualo es mi am Shemuel HaNagid teniya talentos de armada
Si en mi ay amargura ku HaNagid pasaron delantre del botikaryo.
higuar mis en el kual se topo en la kavesera de la armada i
hura i no puedo munc
Yo me topo en estrec tomo parte en munchas batalyas. Salyo afuera el botikaryo i lo bendisho
dichas. a Shemuel HaNagid. El rey se kedo
udame.
korason persibie i ay kuryozo i le pregunto porke no izo la
Azeme el dezeo de mi ley. Tresladado de la Ansiklopediya Ebrea
ti aselo a mi ijo i a mi komanda del rey? Entonses le respon-
I si no so sufiziente en
Avram Behar
* El byervo HANAGID en Ebreo sinyifika dyo: “Mi sinyor, ya ize su komanda asi-
Tradusido del ebreo de “milyonaryo”. Al direktor de la banka ofisyal de gun me disho, le korti la aluenga mala i
NAGID de Yisrael Levin
del livro SHEMUEL HA ISRAEL lo yaman HANAGID. le di aluenga buena”.

Poeziyas Ispano-Ebreas de Amor
ASLAN I. PALACHI / VANCOUVER
paslan@hotmail.com
El lektor moderno de poeziyas ispano-ebreas
de amor del tiempo medieval ke bushka una
mirada a la vida amoroza de los grandes poetas
djudios se siente dezilu-
sionado: lo ke topa no es
material otobiografiko ma
simplemente poemas.
Devemos akseptar el fakto
ke el amor selebrado en
los poemas, si mizmo es
bazado sovre eksperiensa
aktual, no es dado forma
poetika por konsiderasion
de ekspresion individual,
ma al nombre de un ideal
de la komunidad. Es este
ideal, la selebrasion de la
vida dedikada a la alegri-
ya i la ermozura, ke es la
SINEMA 17 HESHVAN 5770 - 4 NOVEMBRE 2009 17
relasion entre la poeziya de amor verdadero o
imajinario. Devemos akodrarmos ke la relasion
selebrada por la poeziya no es la del amante i la
amada sino ke la del observador i la ermozura
observada.
La poeziya ispano-ebrea tipika de amor per-
tenese a un djenero yamado en la tradision
literaria araba “Gazal”. Djeneralmente es kurta,
entre 4 a 6 versos. La mayoriya de poemas de
amor pueden ser nombrados komo poeziyas
deskriptivas o poeziyas rogativas.
La poeziya deskriptiva de amor se konsentra
sovre el puerpo de la amada. Las partes ke se
tratan son: el kaveyo, la kara, la boka, el garon,
los pechos, la tripa, la talya, i las nalgas; ma
estas partes no son deskritas de una manera
ke se puede identifikar komo pertenesiendo a Gazela de Ermozura
kualkiera persona partikolar. Las deskripsiones (Tsviyat hen)
konsisten simplemente de una figura de avla
ke se konose: las sejas son en forma de arkos, Grasioza gazela, kon tu ermozura me kaptivates,
los ojos travan flechas ke fieren o matan al kon krueldad me izites esklavo en tu prizion.
amante, las karas son koloradas kon la sangre
Desde ke la separasion se metio entre mozotros
de los amantes. La amada ni si kere tiene un
no enkontri una figura komparable a tu ermozura.
nombre.
En la poeziya rogativa de amor, el poeta Me alimento de mansanas koloradas ke su aroma
suplika a la amada de prestarle atansion i de parese a tu kara i tu boka,
retornar su karinyo. La diferensia entre los dos
Tienen la mizma forma de tus pechos i la kolor
tipos es ke la poeziya rogativa apoza komo un
del rubi ke aparese en tu kara.
instrumento del amor por si solo, reprezen-
tando un momento verdadero o imajinario
Yehuda Ha-Levi
en la vida de la kuala proviene un karakter
dinamiko. Por kontra, la poeziya deskriptiva Poetas Hebreos de Al-Andalus (1988)
es estatika i no apunta a una sirkunstansia Siglos X-XII - Antologia
partikolar. La poeziya rogativa es A.S.BADILLOS y J.T.BORRAS
dirijida direktamente a la amada Traduksion de Aslan Palachi
en la segunda persona; aserke
la poeziya deskriptiva es tipika-
mente dirijida a alguna otra, refe-
riendo a la amada en la tresera
persona. En estas poeziyas de
amor se trata mas de la relasion
ke de la amada. La vida enteriora
de la amada es nunka deskrita,
la poeziya en realidad trata de
los sentimientos del amante en
verso la amada. La deskripsion
estrikta del eksterior de la amada
kontrasta kon la imaje enteriora
del amante.
Uno se demanda de si para
si, ke es la realidad istorika de
los poemas? Si tenian, kualo se
save sovre los galanteos i la vida
amoroza de los kortizanos rabis? de los djudios en las reuniones de vino mos
No ay dinguna dokumentasion yeva a afirmar sus partisipasiones en la moda
para konfirmar la vida intima de de aventuras amorozas de akel tiempo. La
los poetas djudios de la mizma poeziya ebrea kortizana de amor, komo la
manera ke se retrata en las poeziya araba de amor no trata del sekso ma
poeziyas amorozas. Portanto, de la ermozura. El amor es espiritual kuando
el mizmo razonamiento ke mos es entendido por los ke lo pratikan komo un
yeva a afirmar la partisipasion servisio de la ermozura ke ennoblese.
Bibliografia
GOLDSTEIN, David, 1965, The Jewish Poets of Spain
SCHEINDLIN, Raymond P., 1986 Medieval Hebrew Poems on the Good Life
18 17 HESHVAN 57 7 0 - 4 N O V E M B R E 2 0 0 9
La Formasyon de la Sekta Karaita
ANAN BEN DAVID
MOSE PALACHI / ESTAMBOL
mosepalaci@gmail.com
El formador de la sekta – Sus
diferensyas kon los rabanim i su
kondukta – Diversas sektas Karaitas
- Binyamin Nihavendi i Nasi Ben
Noah
Por: Rav Hayim Yitshak Shaki
Transliterasyon: Moşe Ş. Palaçi
Sigun ya tuvimos dicho mas
antes, kuando muryo Hasday el
Rosh Agola, el nyeto o bizinyeto de
Bustani, desho dos ijos, Shelomo
i David. Shelomo ke era el grande,
okupo el posto de Rosh Agola, i
kuando muryo este ultimo sin ijos,
kayo la erensya del posto a uno de
los dos ijos de David, su ermano,
Anan i Hananya, ke sus padre David
tambyen ya no biviya. I Anan ke
se topava entonses en una sivdad
muy leshana vino a Bagdat por
toparse prezente estando siguro
ke el iva ser nominado Rosh Agola,
syendo el era el ermano grande.
Pero los kapos de las Yeshivot,
los Geonim, de akeos diyas, Ribi
Yeuda en Sura, Ribi Dudai en
Pumbadita, ke de eyos depen-
ARTIKOLOS
diya el eskojimyento de los titu-
laryos para este posto, sigun ya
savemos, konstatando en Anan
munchos defektos moralmente i
relijyozamente, desidaron de akor-
do kon todos los myembros del
grande tribunal, el Bet Din aGadol,
de pasar al posto de Rosh Agola
a Hananya, el ermano chiko de
Anan, por no konfiar esta misyon
tanto emportante a un ombre
ke no es sensero kon su relijyon i
esto fue en el anyo 4522.
Ma Anan no estuvo de akordo
kon la desizyon del grande tribunal,
i no puedyendo somportar esta
ensulta ke le izyeron los Geonim,
i savyendo ke toda la fuersa de
estos ultimos esta dekolgada en el
Talmud, se deklaro avyertamente
kontra el Talmud i se mostro muy
enimigo de todos sus adeptas. I
dizen ke tuvo dicho: “Si todos los
adeptas del Talmud se topariyan
adyentro de mi vyentre (tripa), yo
me matariya por matar a todos
eyos.” El detesto todo lo ke ay en
el Talmud i disho ke los Talmudistas
falsifikaron el Judaismo, i ke no
solamente pujaron sovre la Ley de
Moshe, ma tambyen minguaron
munchas kozas i permetyeron lo ke
es defendido por la Ley. I deklaro
en fin, Anan, dizyendo ke el dever
de todo djudyo es de konservar
la Ley eskrita solamente i ke kada
uno puede eksplikar la Ley sigun
su pareser, sin tener rekorso a
las eksplikasyones del Talmud. I
se toparon entonses algunos de
entre el puevlo, ke sea por konviks-
yon, sea kon la esperansa de tirar
de este movimyento algun profito
materyal, se adjuntaron a Anan i se
formo ansi la sekta konosida kon el
nombre de “Karaim” o “Bene Mikra”
keryendo dizir: los adeptas del
Pasuk (Mikra) solo, sin komentaryos
tradisyonales.(1)
1) Sigun la idea de algunos
de nuestros savyos anti-
guos, esta teza de Anan de
rejetar la tradisyon no es
una nueva envansyon, sino
ke es un ramo de la teoriya
de los “Tsedukim” anti-
guos. I esta idea es aprovada
por algunos de los savyos
modernos, atestando ke el
orijin del Karaismo es el
“Tsidukismo” malgrado ke
paso komo 700 anyos ke no
se sintyo avlar de esta sekta,
syendo fue estabilisido en
estos ultimos tyempos, ke
egzistyo un livro ke lo atri-
buen a Tsadok el kapo de la
sekta de los Tsidukim; en el
kual kritika la tradisyon de
los Rabanim, i prova sigun
su manera, la verdaderiya
de su teoriya. I este livro ke
estuvo tambyen entre las
manos de Rabenu Saadya
Gaon, el muy kontraryo de
los Karaim sigun vamos a
kontar mas despues, estava
en poder de Anan i de sus
kompanyeros, i de ayi are-
kojo matyera por opozarse
al Talmud. En adjuntando
tambyen algunas ideas
tomadas de los Rabanim
talos ke: la fey de la imorta-
lidad de la alma; la vinidura
del Mashiah; el tehiyat ame-
tim i otras ke no egzisten en
la teoriya de los Tsidukim,
i esto por dar un poko de
fuersas a sus Ley.

I esta sekta peno kon toda su posibilidad de
azer retornar el posto de Rosh Agola a Anan, sus
kapo, i se aderesaron a este efeto al Kalif (halife)
Ebudjafer el Manzur, ma no pudyeron reushir;
i sigun dizen los Karaim, el Kalif lo echo a Anan
en la prizyon i keriya apenarlo. I fue grasyas a
los konsejos de un savyo Moamedano ke se
topo kon el en la prizyon, ke eskapo de la pena
kon el argumento ke le dyo al Kalif, dizyendo
ke el, Anan, no es adepta de la Ley de Hananya,
su ermano, i ke la djente ke lo akompanyan a
el tambyen no son adeptas de esta Ley i kon
estos argumentos, lo inosento el Kalif i lo kito
de la prizyon i le dyo la permisyon de irse el i sus komo los ijos, sus ermanos, lo ke es klaramente
adeptas a la Tyerra Santa. I Anan fue ovligado
ansi de salir de Bavel i se estabilisyo
en Yerushalayim i fraguo ayi una Keila
ke egzistyo asta los kavos del onzen
syeklo.
I Anan, malgrado ke su buto i su
eskopo era kontradizir kon el Talmud
i kon los Rabanim, i kon todo lo ke el
se diziya ser patron de eksplikar la Ley
eskrita sigun su pareser fue ovligado
portanto de sirvirse de las reglas tal-
mudikas por pueder entender el teks-
to de las eskrituras. I kon todo esto
el no alkanso a konoser la verdadera
eksplikasyon i no pudo penetrar en el
esprito de la Ley Santa, i ansi el dikto
unas leyes muy pezgadas i absurdas,
lo ke no penso Moshe Rabenu alav
ashalom.
El disho por egzempyo, ke la matsa
se deve de kozer diya de erev Pesah,
oras de tadre solamente, i ke deve de
ser de arina de sevada porke la Tora
eskrive “Lehem Oni” (pan de prove-
dad). El fikso la fiesta de Shavuot en el
sinkuenten diya de primer Shabat de
Pesah porke la Tora eskrive “Mimahorat
aShabat” (a el diya sigiente de Shabat).
Konsernando la observasyon del
Shabat, el se fue muy leshos i apez-
go muncho lo ke no ay en la ley de
Moshe. El disho ke no es permetido de
melizinar un hazino en Shabat mezmo
si esta en perikolo; ke no se puede
sirkonsir (Berit Mila) en Shabat; ke en
una sivdad ke moran non-djudyos no
se puede salir de kaza afuera; ke no es
permetido de komer komida kayente
en Shabat; ke no se puede asender luz
tadre de vyernes porke este asendyen-
do en Shabat; ni mezmo por mano
de un non-djudyo, si no ke kale estar
noche entera en la eskuridad.
Ek kestyones de komidas defendidas, no ay
kavo para sus pezguras. En kazamyentos kon
paryentes (arayot), Anan amontoneyo defensa
sovre defensa i empidyo de kazar un ombre kon
su sovrina, ija de ermano o ermana, i defendyo
tambien el kazamyento entre ermanastros ke
son enteramente ajenos uno del otro.
El anulo la letra del kalendaryo konpuesto 400 el atadero la kadena ke auna lo pasado a lo pre-
anyos antes por el savyo Illel Anasi kon el eskopo
de fasilitar la fiksasyon de las datas de las fyestas. kreensa Karaita un estado fikso: oy eksplika uno
I izo Anan retornar las operasyones ke se aziyan
antes ,ke eran bazadas sovre la vista de la nueva
luna i kon azer kuento kada anyo si el Pesah va
akayeser en Aviv (primavera), operasyones ke no
puedian ser aplikadas ke solo por los abitantes de syempre yena de trokes i modifikasyones. I sigun
la Tyerra Santa i non por toda la djuderia en las
ARTIKOLOS
kuatro partes del mundo.
El demudo (troko) el teksto i la formula de
las orasyones ke se uzavan a dizir dizde muncho
tyempo antes i anulo las poeziyas (piyutim) ke
se resitavan myentres las orasyones lo ke aziya
kontentar los espritos de los fideles. I konvertyo
las orasyones en la resitasyon de unos versos de
la Biblia i una lektura ke no traye ningun guste ni
plazer para la orasyon.
En kestyones judisyaryas, tambyen topo djus-
to Anan de kontraryar kon las leyes del Talmud.
El disho, por egzempyo, ke el marido no ereda a
su mujer, i ke las ijas tienen derecho a la erensya,
kontra el teksto de la ley eskrita.
Desen por: Amadeo Preziosi
Isak, un judio Karaita de Hasköy, 1852
I por kontra izo alivyanar Anan syertas kozas
de la Ley. El anulo los tefilin i el lulav , i mezmo el
Hanuka, ke es una fyesta nasyonala. I no entend-
yo Anan ke esta kondukta de detestar el Talmud
i de permeter a kada individuo ke eksplike las
preskripsyones relijyozas sigun su pareser, no
aze ke romper el aniyo ke ata la vida de la nasyon
dizde el tyempo antiguo i asta syempre ,dezata
zente i a lo vinidero. I es ansi ke no egziste en la
un verseto de la Ley sigun su pareser, manyana
vyene otro i lo eksplika de otra manera lo ke es
defendido oy es permetido manyana. I ansi es ke
la vida relijioza i nasyonala entre esta sekta fue
vamos a kontar mas despues, la kreensa Karaita
17 HESHVAN 5770 - 4 NOVEMBRE 2009 19
fue modifikada i trokada tres vezes en un kurto
tyempo de 140 anyos.
I lo ke ay mas dezgustante en la kondukta de
Anan i de sus adeptas es ,ke todo en atorgando
ke la Ley de Moshe es eterna ke no puede ser
nunka trokada ni modifikada, kon todo esto,
eyos se apuyaron de las palavras del lejislador
del Kristyanismo i avlanron muncho en favor
de todos los livros del evanjilo dizyendo ke son
yenos de moral, i ke sus bazas es de konservar
todo lo eskrito en la Ley de Moshe. I fue Anan
asta dizir, ke los Djudyos izyeron grande tuerte-
dad en djuzgo del fondador del Kristyanizmo i
no manko tambyen de kolmar munchas onores
a las otras kreensyas i por azerse bien kerer kon
los podestadores de eyos. No le
enbarasava a Anan de deklararse
kontra sus korelijyonaryos, i no
mankava en vezes de kalom-
niarlos sigun via el menester i
lo mesmo fueron azyendo su
sekta en los lugares ke podesta-
van los Kristyanos.
I los adeptas de Anan ke
puedimos saver prechizo sus
numero se entitulavan “Ananim”
o “Karaim” o “Bene Mikra” i a
sus adversaryos los yamavan
“Rabanim” o “Ribonim” o “Bene
Rav” en un tono de burla i de
menospresyo. I de los prime-
ros dias de este shizmo de los
Karaitas, ke una enemistad i un
esprito malo penetro entre los
dos partidos. Es muy propavle
ke los Geonim, los kapos de las
dos Yeshivot ekskomulgaron
(enharemaron) i apartaron al
kapo de la sekta i a sus adeptas
de entre la komunidad djudia.
Ma i los Karaitas tambyen de
sus parte, izyeron toda sus
posibilidad de apartarsen de
los Rabanim, un apartamyen-
to absoluto. Se devedaron de
konsograr kon eyos, i de komer
kon eyos en un pranso, i non
entravan por sus kazas en dia
de Shabat, porke sigun eyos, los
rabinos dezbivlavan el Shabat
en tenyendo luz asendida en
sus kazas. I de parte a parte se
menospresyavan i se ensultavan,
ansi se fue ancheando el deroki-
yo en la famiya de Israel.
Pero la sola kontentes ke
tenemos de este fakto es, ke fuimos konvensi-
dos una vez de mas ke nuestra tradision, nuestra
ley oral, la “Tora Shebealpe” es fondada sovre
la baza solida i seryoza ke si todos los ayres del
mundo se akordan por arankarla, eya no se
meneya de su lugar. I en este kombate fuerte
i furyozo, la viktorya fue de su parte i la Ley de
Moshe eksplikada sovre la tradisyon sigun el
Talmud se sostuvo en sus fuersas i en su pozis-
yon i pudo azer fases a detenerse enfrente de
sus kontraryos. I esta nueva sekta, los Karaitas,
non pudo kon toda su fuersa tener ke muy
pokos adeptas, i ke si eyos egzisten ainda no son
mas kon akeya fortaleza i enemistad.
I Anan okupo su posto de Parnas (Nasi, diri-
jente) sovre sus adeptas en la Tyerra Santa, no
savemos kuanto tyempo. I despues de su muerte,

el fue venerado por su partido i lo alsaron a
grado de Santo, i ordenaron una orasyon spes-
yal en su memorya por resitarla en los Shabatot
en la orasyon ke uzan azer por el repozo de las
almas de los muertos. I despues ke muryo Anan,
entrego su posto la komunidad a Shaul su ijo i
tenia en su konsilyo tres sayvos de eyos: Musa,
Avigdor i Malik de Ramala i esto fue entre los
anyos 4540 al 4560. I los adeptos de Anan se
retiraron en munchas kozas de sus orden komo
por egzempyo, sovre el degoyido de las aves,
ke sigun la Ley ke dikto Anan, las aves devian ser
degoyadas por el piskueso i no por la garganta.
I sus elevos no akseptaron esta Ley i adoptaron
la Ley de los Rabanim. I dizde entonses mizmo
ke las bazas de esta Ley ya empesaron a desgoz-
narsen i sus adeptas no pudyeron akordarsen
entre eyos i se fueron formando ansi diversas
sektas disferensyandosen en sus prensipyos i en
sus forma, talos ke la sekta de los adeptas de un
syerto Yeuda Yudgan de la sivdad Hamadan en la
Persya de Moshe o Musa de la sivdad de Ahhara
serka de Bagdad de Abu Amran Musa el Farsi de
Safran, una sivdad serka de Kirman-Shah i de un
otro Musa de estas partes, ke estos todos bazan-
dosen sovre la teoriya Karaita, ke no ay menester
de ovedeser la tradision se fueron formando en
sektas separadas diktando kada uno unas leyes
de djudaizmo sigun sus pareser. I ke no restando
aktualmente ningun sinyal de estas vanedades,
no vimos el menester de dar sus detalyos pero
los mas emportantes i distinguidos entre los
Karaitas de akeos tyempos i ke fueron mezmo
kontraryos de Anan sus kapo son : Binyamin
Nihavendi i Nasi Ben Noah.
BINYAMIN BEN MOSHE
NIHAVENDI
Uno de los grandes savyos de los Karaim en
esta epoka era Binyamin Ben Moshe de la sivdad
Nihavend en la medya, ke era sigun dizen algu-
nos de eyos. Elevo de Yeshayau, nyeto de Anan
i bivyo komo 60 a 70 anyos despues de Anan i a
este savyo lo konsideran muncho los Karaim i lo
respektan en un rango kon Anan.
Las ideas filosofikas de Binyamin
eran muy kontraryas a las ideas djustas
del djudaizmo. I sus konosensyas
filosofikas eran muy limitadas. I
no konosia mezmo la natura de
la “Alma” i dizia ke la alma de
la persona tyene una morada
fiksa en un lugar del kuerpo i
dizia tambien ke las penas ke
sufre el ombre en el enfer-
no no tokan a la alma ke es
imortel, sinon ke al kuerpo
solamente. I kon todo ke
tenia estas ideas vanas,
algunos de sus dishiplos
resivyeron sus enstruksyo-
nes i fondaron entre eyos
una sekta kon el nombre
de “Makaryim”.
Kuanto a la praktika
de las ovras, aun ke
en munchas kozas ke
se desferensyavan
los Karaim de los
Rabanim, el era de la
ARTIKOLOS
idea de estos ultimos. El teniya unas ideas yerra-
das. Por egzempyo, el diziya ke el ninyo disde ke
empesa a avlar, es ovligado de observar todas
las enkomendansas de la Ley i ke su padre deve
tener kudyo. Por esto el diziya ke es defendido
a un ombre de tomar por mujer a una ke mamo
leche de los pechos de su madre. Ken kometyo
azer una kulpa ke merese por eya sigun la Ley
suportar la pena kapital deve ser konsiderado,
dize Binyamin, komo un muerto; no se puede
avlar kon el i no se resive de el ningun regalo. I si
aze la penitensya (teshuva) no es resivida. El dizia
ke un kreditor de moneda tyene el derecho de
tomar en paga a los ijos chikos del devdor. I ansi
semejantes otras kozas. I todo esto lo provava
sigun su manera de entender, de algunos ver-
setos de la Biblia. I eskrivyo Binyamin munchos
livros en lingua ebrea, i en munchos lugares,
el rejetava las deklarasyones i las desizyones de
Anan. I propozava a sus adeptas las leyes del
Talmud, dandoles la libertad ke agan lo ke les
parese : O komo las desizyones de Anan o komo
las del Talmud. El tenia por tanto este prensipyo,
ke kada individuo (partikular) tyene el derecho de
entender el teksto de la Tora sigun su pareser.
NASI BEN NOAH
En esta epoka egzistyo dizen algunos de
nuestros savyos. Nasi ben Noah nasido en Basra i
bivyo en Yerushalayim komo en el anyo 4600. El
konta en su livro las sufriensas ke fue sufriendo
en su manseves, i las sivdades ke kamino asta
vinir a Yerushalayim. I dize en arivando a la sivdad
santa, topo entre los Karaitas todo destruido,
pletos i barajas i ke los komentaryos de la Ley
eran eskritos en diversas linguas. I konstato ke
asta akel tyempo, no konservavan los Karaitas
las leyes i las enkomendansas por sus djustedad
i ke fue ovligado por esto, azer una reforma en
la kreensa Karaita. I esta reforma es el deklaro ke
izo sovre los dyez mandamyentos por topar de
ayi todas las enkomendansas de la Ley. I disho a
sus adeptas, ke despues de meldar kon muncha
atansyon las santas eskrituras kon la gramer i
los puntos, i despues de estudyar, la Mishna i el
Talmud, despues ke se inche el ombre de todas
17 HESHVAN 5770 - 4 NOVEMBRE 2009 20
estas konosensyas, ke melde su livro i se topara
muy kontente.
Las ideas de Nasi ben Noah konservando
los prensipyos ideales de la relijyon, eran muy
tuertas. I topo Nasi munchos kontraryos entre
su puevlo. I mezmo sus amigos i sus paryen-
tes se le izyeron enemigos i se alesharon de el.
Pero, sus leyes konsernando la praktika, toparon
grasya en ojos de los Karaitas de su tyempo. El
dikto un prensipyo ke las leyes del enkoniyo i
de la limpyeza preskritas en la Ley de Moshe, no
se anularon kon la destruisyon del Templo, i ke
el dever de konservar estas leyes egziste ainda
entre la nasyon de Yisrael. El disho ke en los dias
de Shabat i de moed i en Rosh Hodesh, son ovli-
gados todo Yisrael de apartarsen del enkoniyo i
de no tokar objetos enkonados, i ke si un ombre
tuvo un enkoniyo natural, deve tomar el banyo
(azer tevila) por alimpiarse. I ke ninguna perso-
na puede entrar a la sinagoga por azer orasyon
estando enkonado. I esta nueva ley de Nasi ben
Noah fue adoptada por sus adeptas i fue pujan-
do ansi mas sus aleshamyento de los rabanitas
ke los konsideravan komo ombres enkonados. I
esta ley del enkoniyo les trusho munchos dezre-
pozos en la vida familyal, ke la mujer en tyempo
de su regla, deve estar, sigun esta ley aleshada
de la famiya. I devino ansi la ley Karaita una karga
pezgada por sus adeptas.
Enfin es ke esta baza adoptada por los kapos
de los Karaitas, ke kada partikular tyene el dere-
cho de entender la ley sigun su pareser. Esta
teoria fue kavzante ke no ayga entre eyos una
baza fiksa, ke kada Karay, ke le parese tener
una syerta enstruksyon el se azia un lejislador,
un kapo de su puevlo, i diktava leyes sigun su
pareser. I ansi es ke munchas komunidades de
los Karaim se desferensyan en la fiksasyon de las
fyestas, no tenyendo una data fiksa. I en los ulti-
mos anyos, bushkaron algunos de sus savyos a
meter fin a este estado. I sovre todo por la kues-
tyon de los kazamyentos. I todos estos trubles,
les provino por deshar los kaminos derechos, i
abandonar la verdadera tradision ke adjunta lo
pasado kon lo vinidero.
Ribi Hayim Yitshak Shaki
La Estorya Judia Universal
Livro 12/ 215-226

De la parte de “ALBERTO SEVİ”
el Presidente del Koro de Thessaloniki
SELİ GAON / ESTAMBOL
“Las kantikas ke estamos kantando son
la Erensya asosyada kon los Sefarades
de la Turkiya del tyempo Otomano”. El
Koro de Thessaloniki en el dia Evropeo
de la kultura djudia en el 6 Septembre
Alhad ke se realizo en Galata, fue el
grupo ke atiro la mas muncha atans-
yon kon la boz, la muzika i la atmos-
fera sentimental. Despues del koro;
realizimos una konversasyon kon el
Presidente Alberto SEVİ.
Tuvimos el grande plazer de arri-
sivir el Koro de Thessaloniki en el
Dia Evropeo de la Kultura Djudia.
Mos puedesh dar una konosensya
en kurto de vos mizmo i de vuestro
koro?
Yo so el presidente i en mizmo tye-
mpo el myembro del koro de la komu-
nidad djudia de Thessaloniki. El koro
se fondyo en 1995 kon la ayuda de los
myembros de muestra komunidad.
Muestro buto es de transportar
i de konservar las tradisyones de la
muzika de muestros padres ke fue-
ron egzilados antes 500 anyos de
la Espanya. El solo koro sefarad de
muestra komunidad, es por las oras
el muestro.
La baza de muestro repertuar
es kantikas en djudeo-espanyol. Ma
en el enterval de anyos adjustimos i
kantikas en ebreo, en grego, en ruso
i en ingles.
El koro es kompozado de kuatro
bozes, de myembros ke son namo-
rados del djudeo-espanyol de todo
modo de edad, 23 mujeres i ombres
amatores. El shef del koro es Kostis
Papazoğlu.
En el Dia Evropeo de la Kultura
Djudia, el konser ke fue en la
Sinagoga Ashkenaz; se incho de
djentorya. Aviya i munchas personas
en la puerta ke no pudyeron entrar
para asistir. Vos kero demandar,
kualo era la kavza de este entereso
grande ke tuvyeron?
Yo esto pensando ke kuando
muestros padres fueron egzilados
antes 500 anyos de la Espanya, eyos
konservaron sus tradisyones en los
paises ande se fueron. Entre estas
tradisyones, la muzika Sefaradi tyene
un lugar muy muy emportante.
Grasyas a sus muzikas; eyos pudye-
ron transportar sus rekuerdos pedri-
dos de sus patrias, la lingua djudeo-
espanyola i sus tradisyones relijyozas,
a los paises ke se fueron. Djusto komo
los Sefarades Turkos, kuando vinyeron
a la sivdad ospitalyera de Thessaloniki,
eyos trusheron kon la muzika Sefaradi
endjuntos, esto todo ke vos konti. Yo
esto pensando ke las kantikas ke kanti-
mos en el konser, son la partida kole-
ktiva ke tenemos kon los Sefarades de
Estambol.
Esto supozando ke los oditores
ke mos estavan oyendo, estavan
asistyendo a las kantikas ke sintyeron
de sus nonas i kantando de una boka
kon grande entuzyasmo i egzaltas-
yon; porke se estavan akodrando de
sus rekuerdos.
Las kantikas djudeo-espanyolas de
vuestro repertuar, son las mizmas
kon las kantikas de muestros padres
ke transportaron de la Espanya, o
uvo unos kuantos trokamyentos
entre eyas?
Siguro ke entre los anyos, la muzika
Sefarad, kon los koryentes diferentes
de la muzika, tuvo unas syertas varias-
yones. Ma, las melodias arrivaron fina
este dia, sin trokarsen en estos 500
anyos. Malorosamente esta perioda
en Thessaloniki tuvo una interrupsyon
kon el Olokosto. En muestra sivdad, de
dyes anyos para aki, estamos penando
a arrebivir de muevo muestra muzika i
muestra lingua.
Ya savemos ke; el Olokosto influen-
so muncho la muzika djudia de
Thessaloniki. Mos izo grande pena
de sintir ke munchos de los mye-
mbros del koro peryeron a sus
famiyas en el Olokosto. Mos pue-
desh avlar un poko de las influen-
sas del Olokosto, a los djudyos de
Thessaloniki i por konsekuensa a la
muzika Sefaradi?
En la perioda del Olokosto ke
son los anyos los mas eskuros de la
istoria de la Evropa, la populasyon
REKUERDOS
djudia de Thessaloniki se pyedro. En
la Sigunda Gerra Mondial; los 96%
de la populasyon de los djudios de
Thessaloniki, se muryeron en los
kampos de Auschwitz i Birkenau.
1200 djudios ke se salvaron de la
gerra, tornaron a Thessaloniki des-
pues de la gerra.
Malgrado esta peryita grandei oy
la vida de la komunidad djudia en
Thessalonik es muy aktiva.
Antes dyes anyos, la Komunidad
Djudia de Thessaloniki, por pueder
protejar los esforsos de guadrar la
lingua djudeo-espanyola, fondyo un
koro ke es el muestro.
Ya savemos ke de vez en kuando,
estash viajando afuera de vuestro
pais, para da konseres. En kualos
paises datesh konseres fina oy?
Estamos dando munchos konse-
res en paises diferentes, para pueder
representar muestra komunidad
komo kale. Muestro buto es de azer
akodrar, de azer bivir a muestras odi-
tores, arrebivir sus rekuerdos.
Tuvimos konseres en Israel, en
Makedonya, en Sofya en la Bulgaria,
en Moskova en la Rusia, en todas las
sivdades de la Rusia, del Egipto i de
la Gresya. Tenemos el primer CD. I el
sigundo ya esta en kamino.
Antes de terminar, kero deman-
dar si puedesh darmos un poko de
konosensya sovre la komunidad
djudia de Thessaloniki. Las orga-
nizasyones de vuestra komunidad,
las aktividades, i partikolarmente,
avlaremos un poko de la vida de los
djudios en Thessaloniki.
Siguramente, una partida de
los djudios ke se fuyeron de la
Enkizisyon en 1492, vinyeron a
Thessaloniki. Eyos bivyeron en esta
sivdad kon paz i armonia fina la
Sigunda Gerra Mondial.
17 HESHVAN 5770 - 4 NOVEMBRE 2009 21
En esta perioda eyos formaron
munchas fondasyones.
Para dar apoyo al mantenimyen-
to de los elevos “Matanot Levionim”,
para dar apoyo materialmente a
los elevos menesterozos “Torah
Umlaha”, kazas para los guerfanos
“Alatini i Aboav”, abrigo de psiko-
lojia “Liet Noah”, “Baron Hirsch”,
la fondasyon de sanedad “Bikour
Holim”, el azilo de los aedados “Saoul
Modiano”, las kazas de akudir a los
ke tyenen menester “Nissim Kovo i
Ets a Haim”, son las fondasyones ke
dan apoyo materyal.
Despues de esta perioda, la
edukasyon, la enstruksyon en las
eskolas rejyonales i en las eskolas
tradisyonales “Talmud Torah”, se izo
mas moderno. En el anyo 1873 se
fondyo la eskola “Alliance Israelite
Universelle”.
Akel tyempo en las eskolas de la
sivdad, la mas grande populasyon de
los elevos, de los estudyantes era los
djudyos.
“El Lunar” era el primer jurnal ke
salyo en el anyo 1860. La populas-
yon djudia en Thessaloniki, se derrit-
yo kon la Sigunda Gerra Mondial.
Despues de la gerra, los 1200 dju-
dyos ke tornaron a la sivdad, izyeron
un grande esforso para arrebivir la
vida de los djudyos en esta sivdad.
Tenemos tres sinagogas i un esta-
blesimyento moderno ke se fondyo
de tres partes; para las kriaturas,
los mansevos i los adultos. En este
establesimyento i en otros lugares,
organizamos kon una regula, aktivi-
tades kulturales i demonstrasyones
artistikas.
Posedamos una Eskola Primera,
un Azilo para los Aedados ke kontye-
ne aryento su Sinagoga i un Sentro
para los Mansevos i Mansevas.
Oy, el Presidente de la Komunidad
Djudia de Thessaloniki es David
SALTIEL.
Estamos dezeando de arrisivirvos
en muestra komunidad un dia. A
parte de esto, vos remersiamos de
alma i korason de la ospitalidad ke
mos mostratesh en la perioda ke viji-
timos Estambol.
Nasyo una kerensya, una amistad
internasyonal entre mozotros. Kon
la kolaborasyon de los paises, se
formo las relasyones de ermandad.
Oguramos de vijitar la
Komunidad Djudia de Thessaloniki,
para pueder kontinuar las relasyo-
nes sinseras entre mozotros.
22 17 HESHVAN 57 7 0 - 4 N O V E M B R E 2 0 0 9
Sefaradimuestro: http://groups.yahoo.com/group/Sefaradimuestro Mesaje: 3101
El Mazal? Aferralo!
SHAROPE BLANCO
Sharope.blanco@gmail.com
Sonriyi i pensi ke el mazal de
kada uno i uno puede briyar en
un tiempo o en unos momentos
solo de su vida i es a la persona
ke kaye de aferrarlo/los por las
orejas, los kaveyos, la mano o... la
kola! A vezes mos azemos pishman
(lo regretamos) despues ke es
demasyado tadre i mos se bolo de
las manos el pashariko del mazal,
de la felisitad o de la rikeza... No
sierve a nada de pensar sin kavos
a esto! Noooooo! Ma tomar una
lisyon i avrir los ojos i las orejas en
ventikuatro para una otra okazyon.
En estas muy raras okazyones,
lo mas del tiempo, no tenemos la
alternativa de pensar dos vezes i
kale azer pasos o desidar muy pres-
to. La intuisyon, los sentimientos, la
eksperiensa, i por seguro, la inteli-
jensia mos yevaran al mazal o no!
NO EGZISTE PERSONA SIN MAZAL
i el Dio avre las puertas bastan-
te vezes para ke pasemos de la
solombra a la luz.
***
La anekdota en Ebreo kontava
ke (trokada por Sharope):
“Aviya una vez un ombre muy
triste porke pensava ke no teniya
del todo mazal... Un diya desidyo
de irse al Dio i kesharse de esta
vida sin sal i sin pimienta, sin un
diya orozo i sin una ganansia ke le
permeteriya de salir de la monoto-
niya de su vida en biviendo komo
un ombre muy prove!
En kamino renkontro un arvole,
seko a los tres kuartos i yorando...
Le demando ke teniya i el arvole le
disho ke ay agua al derredor ma no
le esta parviniendo i se esta
muriendo de ser! El chelebon
(tipo) le konto ke se esta indo al
Elohim i Le va avlar i por el.
Mas aya vido una mujer manseva i
ermoza, asentada en los eskalones de
su chosa la kavesa entre sus manos
i los ojos pedridos en los leshos... Se
aserko de eya i le demando kualo le
mankava en la vida.
Eya sospiro i le disho ke nunka
aviya konosido el amor i ke no
teniya un ombre para kompartir su
vida, dar i aresivir afeksion, tener
kreaturas i gozar de su propia
famiya... Muestro amigo penso
ke teniya razon la ijika i le disho ke
iva avlar i por eya kuando Le iva
dizir sus dertes (kozas ke lo pre-
PATRIMONYO
okuvan a el) al Santo Bendicho.
Unas kuantas oras despues le
salio en medio del kamino un leon
bastante viejo i medio siego...
Ambierto i kansado. Lo saludo, le
demando el hatir (komo se sintiya)
i oyo sus keshas kuando le disho
ke estava ambierto por ser viejo i
sin bastante fuersas para apanyar
gazelas i ke mijor valiya murir por
el ke de travar ansina...
El buenacho (el de la buena
parte, sin muncha intelijensia) le
ekspliko ke i el teniya keshas i se
estava indo al Elohim para avlarLe Ilustrasyon: Roz Kohen Drohobyczer
i por seguro Le avlariya i del sinyor
leon. Vido el arvole, le dyo su letra. vas a meldar esta letra, dizele ke
*** El arvole le disho ke un sako de lo keres i ke se kaze kon ti. Vos va
ELOHIM, lo sintyo i pezo todo lo diamantes blokava sus raises para bendizir i serash muy orozos i vash
ke este umano Le konto. A la fin yegar a la agua. Le demando su a bivir en la abundensia!” El no
le disho ke teniya letras para kada ayudo ma el le disho ke teniya de teniya tiempo! Le disho ke teniya
uno ke renkontro en kamino i ke le korrer para aferrar su mazal i no de azer presto si keriya aferrar su
estava avriendo su mazal i ke kaliya puediya piedrer tiempo! Mazal ke lo estava asperando!
ke korriera para apanyarlo! Vido la mansevika, ermoza de Vido el sinyor leon i le dyo su
El chelebon Lo rengrasyo las ermozas. Le dyo su letra. Eya le letra tambien. El Dio le aviya eskrito
mil vezes i se metio en kamino konta lo ke aviya en la letra.El Dio al leon: “Si este idiota yega fina ti,
korriendo para ir a su kaza i aferrar le estava diziendo: “Al ombre ke te kometelo kon keif porke ni vale la
el MAZAL aprometido! va salir delantre de los ojos kuando pena ke biva!”
JOSEPH NEGRIN / RISHON LETZION
negrinjoseph@bezeqint.net
Mi espozoryo fue mi boda
Antes ke mi madre konosyo a mi padre en Izmir,
eya era kuzendera renomada. Kuziya robas para las
artistas i bayladeras ke saliyan a la shena
en los bares i gazinos de Izmir.
Mi padre, Istanbulli, de su ofisio era muzisien, yego
a Izmir i fondio una orkestra chika i kon el kantador
En kamino por Israel, 1949
joven Dario Moreno lavoraron en estos bares i gazinos.
Ansi konosio a mi madre ke ya era espozada kon vinos Carmel Mizrahi. El ah de esto lo izo hazino. 
otro, se despartio i se kazaron i yo fui el primer de Mi madre reusho a merkar una makina de mano
sinko ijos i una ija regalada. Singer no mueva
Ma mis memorias son de la makina de kuzir de i se metio a kuzir a los vizinos. Esta makina la tuvo
firma Singer ke tuvimos anyos en kaza. Kuando emi- serka de 60 anyos
grimos a Israel en 1949, no desharon pasar la makina asta ke murio de edad 93 anyos, antes de dos anyos.
komo mas otras kozas, komo tapetes i djoyas, todo las Mi padre murio en la edad de 50 anyos, en 1960.
tomaron en la duana turka. Tres mezes antes
En los anyos ke bivi en Turkiya, mi madre i la maki- me avia espozado. I en el espozorio mio se arekojeron
na eran un mizmo kuerpo ke no mi padre kon tres otros muzisienes
se espartiyan. La klientura venia a batales i dieron la performansa de
kaza, avrian los magazines de moda sus vida. I ansi, mi padre avia visto el
i eskojiyan modeles i les kuziya, i ijo bohor espozarse.
mezmo savanas, perdes, i a mozo- Ya le avia dado el korason ke no
tros los ijos kamizas i pantalones. va ayegar verme kazar. Komo ya
No me akodro ke me yevaron a una teniamos data de kazamiento un
butika de vistidos. mez despues de su muerte, mos
Kuando yegimos a Israel mi kazimos sin muzika.
padre no topo echo de muzisien, I de ayi digo ke la boda mia era
porke Mi padre Nesim kon mi
akeya noche de mi espozorio, kuan-
no avia gazinos o bares munchos, i se madre Dudu el dia de sus
do lo vide a mi padre alegre.
hue a lavorar en la fabrika de kazamiento. Izmir,1937 
 PATRIMONYO 17 HESHVAN 5770 - 4 NOVEMBRE 2009 23

Sovre los Djudios de la Bulgaria

SAMUEL FRANCES / SOFIA
samifrances@abv.bg
Vestijos arkeolojikos mostran ke
los Djudios son una de las mas vie-
jas povlasiones de Bulgaria. Fueron
deportados en del siglo segundo por
los Romanos despues de la destruk-
sion del Templo en Yerushalayim,
i instalados al rio del Danubio para
defender al Imperio Romano de
los atakes de los puevlos barbaros.
Eyos avlavan una meskla de Ebreo
kon el Grego i yevavan el nombre de
Romaniotes. Parese ke okupavan un
lugar importante tanto en el Imperio
komo, mas tarde, en
la Bulgaria, ke fue
kreada en el anyo
681. El monarko bul-
garo Boris I, ke en el
siglo 9 kijo introduzir
la relijión kristiana,
embio al papa de
Roma mas de 900
demandas ke mostran
un buen konosimiento
de las leyes i reglas
djudias.
En el siglo 14, kuan-
do los Turkos ya okupa-
Famiya djudia de la Bulgaria. Fotografia de kazamiento.
van una grande parte Circa 1900. Kortezia del Muzeo de la Diaspora, Tel Aviv
del Sud de la Bulgaria,
el rey Ivan Alexandar
se enamoro de una ermoza Djudia,
Sara. Desho a su primera mujer, a la
kuala embio a un monasterio, i se
kazo kon la Djudia. Sara para pueder
azerse reyna, adopto el nombre kris-
tiano Teodora i le pario un ijo, Ivan
Shishman. La djudia era tan ambisioza a Bulgaria de Salónika i se aresento
ke el rey desho a su ijo de la primera
mujer, Ivan Stratsimir, a reynar en la
sivdad de Vidin, mientres ke el ijo de
la djudia, Ivan Shishman, se izo rey
en la kapitala Veliko Tarnovo. De este
modo el ultimo rey bulgaro antes de
la kayida de la Bulgaria en las manos
de los Turkos fue de madre djudia, i
fue el uniko rey en Europa de orijen
djudio.
Kuando los turkos atakaron la
Bulgaria, Ivan Shishman se fue a
Vidin para rogar a su ermano, Ivan
Stratsimir, de ayudarle para defender
endjuntos el payis. Ma este, ofen-
dido, no le dio la ayuda esperada.
Ivan Shishman se opozo a los Turkos
serka de Nikopol, en el Danubio, ma
perdio la batalya i parese ke murio
ayi en el anyo 1393, kuando los
Turkos entraron en Veliko Tarnovo.
Tres anyos mas tardre kayo tambien
el reyno de Vidin i la Bulgaria kedo
de egzistir asta 1878, kuando en la
Gerra
Ruso-Turka se libero de muevo.
Kuando los Djudios fueron echa-
dos de Sefarad, una gran parte de
eyos se hue al Imperio Otomano i,
komo es natural, tambien a la parte
bulgara del Imperio. Una parte entro
en Dupnitsa, Sofia, Gorna Djumaya,
Nikopol i otras sivdades, i otra parte
entro por Estambol i yego a Yambol,
Plovdiv, Varna, Burgas i otras siv-
dades de la Bulgaria. En Nikopol, el
eminente savio Yosef Karo eskrivió
su ovraìShultan Aruhî, ke termino
en Palestina. Eran los sefaradis ke
kon su numero, kultura i tradisiones
aglutinaron a los Romaniotes i impo-
zaron sus lingua i uzos.
Los Djudios tenian konosidos en
todo el Imperio i aparte de esto,
vijitavan por kestiones de sus lavo-
ros en munchas sivdades en todo
el mundo. Kuando tornavan a sus
kazas, eyos eskrivían sus impresio-
nes i sus eksperiensias. Es por esto
ke, despues de la Segunda Gerra
Mundial, en la Akademia de Siensias
Bulgara, por falta de dokumentos
bulgaros de akeyos tiempos, fue
formada una seksion djudia ke tres-
ladava los dokumentos, eskritos en
el alfabeto Rashi al Bulgaro. La sek-
sion kedo de egzistir kon la muerte
del Dr. Salvador Israel, de Itshak
Moskona i de Eli Eshkenazi, ke eran
los ke lavoravan ayi.
Durante los anyos del Imperio
Turko, los Djudios en la Bulgaria no
sufrian del antisemitismo komo en
Ukrania, Rusia, Polonia i otros pai-
zes. Por esto, Djudios ashkenazis
de estos payizes empesaron a fuir
al Imperio Turko. Eran de mayor
kultura ke los Sefaradis, ma siempre
kedaron una minoria. Por esto una
shaka del siglo vente dize ke el rabi-
no, en avlando en la sinagoga, dezia
en djudezmo:
¨Keridos ermanos djudios i unos
kuantos Ashkenazis.¨
A la fin de la dominasión turka
i despues, los Djudios de Bulgaria
tenian diezenas de gazetas en
Djudezmo, algunas de eyas kon
nombres en la mizma lingua komo
¨El Lavoro¨, ¨El Puevlo¨, ¨El Guerto¨.
Eyos se ambezavan en las eskolas
de la Aliansa Israelita Franses i en las
eskolas djudias de Bulgaria. Todos
los ombres i la mayor parte de las
mujeres savian meldar i eskrivir.
Despues del proseso Dreyfus
en la Fransia, por primera vez en
El Emperor Ivan Alexander kon Sara.
Entre eyos su ijo Ivan Shishman.
Miniatura del siglo XIV
la Bulgaria uvo antisemitos, ma sin
lograr a espandir sus ideas. Por esto,
avia asta ministros, pintores, eskri-
tores, militares, muzikos djudios. La
mayor parte de eyos fueron ashke-
nazis. Fadenjejt fue ministro de
Justisia al empesijo del siglo Vente,
Pancho Vladiguerov ñ de madre
Pasternak ñ fue el mijor kompozitor
bulgaro i Dora Gabe, una de las mijo-
res poetas, David Perets i Sultana
Sorujon, pintores. Por esto, en los
anyos del Olokosto, el puevlo bulga-
ro defendio a sus 48 mil Djudios i los
salvo de la muerte.
Despues de la Segunda Gerra
Mundial la mayor parte de los
Djudios emigraron a Israel, i los ke
se kedaron eran djente de alta kul-
tura. Entre los sesh mil Djudios ke
esperaron los trokos polítikos de
1989 uvo unos 150 jurnalistos, otros
tantos profesores universitarios i
munchos injenieros, doktores, eskri-
tores, djente del sine, del teatro i de
la polítika.
Oy en Bulgaria kedaron manko de
4 mil Djudios, unidos en la organiza-
sion djudia ¨Shalom¨ kon filiales en 20
sivdades. Entre eyos estan los eskri-
tores famozos komo Valeri Petrov i
Angel Wagenstein, ministros, depu-
tados, pintores i djente de la vida
ekonomika i kultural.

Un paseo en el avion ISRAEL BENYAKAR

srulmacho@yahoo.com

El avion de Iberia Aerolinea se estava bolando de
Madrid a Estambol.
Kuando estava el avion para abashar el piloto
anunsio: “Karos pasajeros, esta avlando el piloto.
Despues de 15 puntos vamos a abashar al aero-
porto de Estambol, el aver esta nuvlozo, la kayen-
tor del aver esta 18 gradoOOSS. AAGGHHHÖ DIO
SANTOO! “
Despues ke echo grito el piloto, se le korto la
boz del anunsio.
Todos los pasajeros entraron en panik. El
mundo se estava undiendo ariento del avion ach-
akes ke dinguno savia lo ke se estava pasando.
Gritos, males, una djurdjuna no demandesh. Las
karas de todos se izieron amariyas i blankas del
espanto.
Paso unos kuantos minutos, largos komo
anyos por los pasajeros, se oyo otra vez la boz del
piloto: “Estimados pasajeros, pardoname ke vos ize
espantar, ama la ostesa kon yerro me vazio el find-
jan de kafe kayente delantre de mi pantalon i me
kemi. Si lo vesh el hal de delantre de mi pantalon!”
En akel punto un Djudio ke estava asentado
por de detras del avion grito al piloto: “Kapitan! La
delantera de tu pantalon no es nada. Tu ven mira a
muestras trazeras!”
Ilustrasyon: Roz Kohen Drohobyczer
24 17 HESHVAN 57 7 0 - 4 N O V E M B R E 2 0 0 9
Sovre la intelijensya djudia
Se anunsyo los meresyentes de premios Nobel, en diversos domenos. La sientista Israelyana Prof. Ada Yonath
es co-loerata del Premio Nobel de Kemika... Eya es una de las ralas “mujeres” loreatas en este domeno, la
kuatrena, inkluzo Marie Curie. Por no pyedrer la aktualidad del evento esto eskrivyendo este teksto:
COYA DELEVI / ESTAMBOL
Asperi el anonso de los pre-
mios, auzada a ver unos, dos nom-
bres djudios kaji komo syempre.
Munchas vezes, seya en shaka o
seya en seryozo, tenemos sintido
esta pregunta? ìDeke los Djudios
son tan intelijentes?” Durante
siglos esta kestyon eksito la kur-
yozidad de los investigatores.
Munchos portanto estan konser-
vando sus septisismo. Se deman-
dan si en realidad ay validez en esta
pretensyon tan esparzida, atestan-
do la intelijensya de los Djudios... Es
ke reelmente son mas meoyudos
ke los otros puevlos?
Sin dubyo, munchos Djudios
fueron reprezantados en diversos
domenos literaryos, siensyas, eko-
nomiya ets... Es de enkantar, komo
un grupo (o un puevlo diremos)
tan chiko numerikamente, puede
produizir tantos individuos intelije-
ntes... Ay personajes istorikos entre
los Djudios, ke desharon indiskuti-
vlemente trasas para la Umanidad.
Avraam Avinu: su vida i sus pre-
septos konsiderados sakros por los
Djudios, ansi ke los Muzulmanos i
Kristiyanos. Moshe Rabenu, ke dyo
la Ley al puevlo Ebraiko ets... Se
puede sitar mas munchos...
Meldi el teksto ì Why Are Jews
so Smart” sinyado L. Regenstein,
ke de vez en kuando puedo refe-
rarme... Bueno, basta echar un
ojo al 20en Siglo. Puedemos ver
el importante rolo ke djugaron los
Djudios en la formasyon del muevo
mundo (si no syempre en senso
pozitivo). (*) Sitaremos el famozo
fizisyano Albert Einstein, Sigmund
Freud, padre de la ìPsikanaliz”,
Dr.Jonas Salk i Dr. Albert Sabin ke
desveloparon el vaksen del polio...
Las teoriyas de Einstein fueron
un manadero de inspirasyon para
el desvelopamyento de la bomba
atomika por Felix Bloch, Niels Bohr,
Robert Oppenheimer i otros. Komo
afirmo mas arriva el Sr. Regenstein,
syempre no fueron en una dire-
ksyon, komo dezir, pozitiva. En
este senso se puede tambyen
sitar el padre del Komunismo,
Karl Marx... Reelmente los Djudios
fueron dominantes en el domeno
de la ìFizika Nuklear” en la Evropa,
AKTUALIDADES
ampesando desde 1930. Fue una
epoka ande los lavoros se nombra-
ron komo ìFizika Djudia”... I aki, un
poko de ìmagazine”! Ay indisyos
afirmando ke Elvis Presley tambien
tyene ansestros Djudios...
Probavlemente, en la istoria,
los Djudios no fueron syempre
muy popular. Ma, dingun puevlo
no reusho a aserkarse (propor-
syonalmente síentyende) a sus
kapachidades. Las karakteristikas
byen konosidas komo ambisyon,
kuryozidad, imajinasyon, enerjiya
i persistensya kombinadas kon la
intelijensya, enaltesyeron un shifro
inkreivle de Djudios a un rango
byen elevado en diversos dome-
nos. La proporsyon de Djudios kon
un IQ de 140 o mas, es estimada
ser kaji 6 vezes superyora a los
otros grupos etnikos.
Los Djudios oy, pueden kons-
tituir solamente el 0.020% de la
populasyon total del mundo (sinko
vezes manko ke % 1!). Malgrado
esto, eyos ganaron el 29% de los
premios NOBEL en literatura, medi-
sina, fizika i kemika en la sigunda
mitad del 20en .Siglo. Vinyendo
al 21en Siglo, de agora la figura
es arriva de 32% ... Estos Djudios
fueron kaji ekskluzivamente des-
endyentes de Evropeos del Oeste.
Esta konstatasyon, malgrado tanta
diskriminasyon, impedimyentos
legal, persekusyones i el Olokosto...
Del 1870 al 1950, los Djudios
fueron lideres en literatura,
muzika, arte visual, biolojiya,
kemika, fizika, matematikas (**)
i filozofiya. Proporsyonalmente,
igual a un nivel muy elevado, kon-
siderando la populasyon Djudia en
la Evropa i Amerika del Norte. En
1954, se konstato 28 kriaturas de
una eskola publika de New-York,
tenyendo un IQ de 170 o mas.
Las 24 eran kriaturas djudias. La
proporsyon de Djudios en medi-
sina, djustisya, finansa, literatura,
sensya, artes kreativos, media, es
evidente i enkantadora. Devemos
konvenir ke malgrado el fakto, la
superyoridad entelektual Djudia se
izo ralamente sujeto de diskusyon
en publikasyones djudias.
Portanto Charles Murray del
American Enterprise Institute,
eskrivyo en una seryoza revista
djudia, un ìessai” bastante konven-
syente, sitando faktos otantikos
ke nombrimos. Los Djudios no
son muy dezeozos de afisharsen.
Fue primera vez ke en una revista
se diskutyo esta tema kaji ìtabu”.
Murray pretende, tala ìalta intelijen-
sya djudia” tyene un fondamyen-
to ìgenetiko”. Espesyalmente los
Ashkenazim de la Evropa Sentral i
del Oeste, durante siglos tuvyeron
ijos de alta intelijensya. En 1994
Murray kijo analizar este kavzo.
Solevanto una montanya de pro-
testos en keryendo diskutir ìLas
diferensyas de kapachidades ente-
lektual entre personas i grupos i la
sinyifikasyon de estas diferensyas
para el futuro de la Amerika”.
El Talmud (Pesahim 49a) dize:
“Un ombre deve vender lo ke
poseda para kazarse kon la ija de
un savyo i de mizmo, para pue-
der kazar su ija kon un savyo”.
En la Komunidad Djudia de la Era
Mediana, los ombres intelijentes
azyendosen Rabbis, teniyan un
estatuto superyor. Pudiyan kazar-
sen kon ijas de merkaderes rikos
dezeozos de tomar yernos de
grande saveduriya. Syertos istor-
yanos apuntaron el ìeskurantismo”
relativo de la Espanya despues de la
Ekspulsyon de los Djudios. Murray
en su artikolo dize, los Djudios oku-
paron pozisyones distingidas en
diversos paises ande se instalaron,
espesyalmente en la Olanda.
A traverso siglos, los ìombres”
Djudios sintyeron el ìovligo” de
estudyar la ìLEY” , prosesus, nunka
kompletado. Deviyan meldar a boz
alta, delantre el publiko, kon el
eskopo de konfirmar sus lealdad,
i ensenyar sus ijos. Murray aki aze
una espekulasyon: ìNombrozos
djudios de modesta intelijensya, no
kapaches de asumir las egzijensyas
relijyozas, se alesharon de la relij-
yon...” Tambyen Murray aze aluz-
yon a la kayida de Yerushalayim,
peryoda de kaptividad debasho el
ìyugo” de los Babilonyanos en el
anyo 586 A.C. (***)
Malgrado tantas evidensyas
Murray parese dubyozo. Tyene
dayinda preguntas sovre la kapachi-
dad entelektual del puevlo Djudio i
demanda: ìDeke desde el tyempo
de Moshe Rabenu, un trivo partiko-
lar, bivyendo en el mizmo entorno
kon otros trivos del Oriente Medyo,
tuvo una intelijensya tan super-
yora, ke los otros no posedaron?”
... Finalmente el parvyene a la
konkluzyon ke la repuesta puede
ser la ipoteza irrefutavle mensyo-
nada por los Djudios, en el mas ìan-
syano i famozo” lavoro literaryo: ìEl
Puevlo Djudio es el Puevlo eskojido
por D.”
(*) Opinyon personal de
Regenstein.
(**) Israel Gelfand, jenio mate-
matik muryo serkamente en New-
Jersey a la edad de 96 C.D.
(***) En la Sainte Bible p.308
(24/14). ìEl (Nebucadnetsar) yevo
en kaptividad todo Yerushalayim,
todos los kapos i todos los ombres
valyantes, al shifro de dyez mil
egzilados, kon todos los fyerreros
i artisanos. No kedo ke el puevlo
prove de la tyerra...”.