MUMUNANG PAMAMASA: 2 SAMUEL 5: 1-7, 10

PAMAMASANG IBAT KING KADUA NANG LIBRUNG SAMUEL.

PINTALAN DE RING SABLANG TRIBU NING ISRAEL Y

DAVID KING HEBRON AT NGARA KAYA, “LAMAN MU KAMI AT
DAYA. IKA ING MENIMUNA KING ISRAEL KING SABLA NANG
PAMAKILABAN KANITANG Y SAUL YA NG KEKAMING ARI.
NGANA KEKA NING DIOS, ‘DAVID, IKA ING MAGPASTUL ING
BALEN KUNG ISRAEL AT ING ING MANIMUNA KARELA.”
INYA PINTALAN DE RING SABLANG MANIMUNA NING
ISRAEL Y ARING DAVID KING HEBRON AT ARAPAN NING
GINU GINAWA NE MANG KASUNDUAN KARELA Y DAVID.
LINYAN DENG LARU Y DAVID AT YA ING MEGING ARI NING
MABILUG A ISRAEL. ATLU YANG PULUNG BANUA IYANG
MAGING ARI YA KILUB NING APAT A PULUNG BANUA. PITU
AT KAPITNA YANG MIG-ARI KING JUDA KABANG ATYU YA
KING HEBRON LINIPAT YA KING JERUSALEM AT KARI NE
PEMAHALAN ING MABILUG A ISRAEL AT ING JUDA KILUB
NING ATLUNG PULU’T ATLUNG BANUA. MINTA YA Y ARING
DAVID AT ING LAWAN NA KING JERUSALEM BAN LUSUBAN
DALA RING JEBUSEONG MANUKNANGAN KARIN. NGARA
RING JEBUSEO KANG DAVID, “EKA MALYARING LUNGUB
KETI; AGYU RA KANG ITABI AGYANG DEN MANG BULAG AT
PIPI.” MAKANYAN MAN IKUA RENG IBIHAG DAVID ING KUTA
NING ZION, AT ITI YA ING MEGING PIKABALUAN A “SIYUDAD
NANG DAVID.”
LALU YANG MEGING MAYUPAYA Y DAVID ULING
PATNUBAYAN NE NING GINUNG DIOS A MAYUPAYA.

ING AMANU NING GINU.

SALAMAT KING DIYOS.
DALIT A PAKIBAT: DALIT 89: 19, 20, 21, 24, 25 Pak -24

“KEYA MATNUBE ING LUGUD KU’T

KATAPATAN.”

KANITANG MINUNA, KING KAPAMILATAN NING MALIK-MATA

MIGSALITA KA KARETANG TAPAT KEKA,
NGAMU KARETA, KING METUNG A BAYANI
PINUTUNG KE ING KORONA,
LIKLUK KE KNG TRONU NA ITANG PINILI KU KARING TAU.
(pakibat pui)

GEWA KENG ARI Y DAVID A KAKUNG TALASUYU

AT LINYAN KING BANAL A LARU
KAKU YANG ALALAYAN AT KING KAKUNG KAYUPAYAN
PAGKALUBAN KENG SIKANAN.
(pakibat pu)

KEYA MATNUBE ING LUGUD KU’T KATAPATAN

MAGWAGI YA KING KAPILAN PA MAN
ING KEYANG KAYARIAN
MIRAS YA ANGGA KING DAYAT-MALAT
AT PATI NA KING LILUG A MARAGUL.
(pakibat pu)
\
PANALANGIN DING MALDA:
“GINU, MAKA-PAKIRAKE KE SANA KING ALANG ANGGA
MUNG SAKRISPISYU.”
PARA KANG PAPA BENEDICTO XVI,
PARA KARING KEKATANG OBISPU
AT DING SABLANG PARI AT RELIHIYOSU
AT PARA KARING SABALANG MIPAGKATIWALA
KING KARELANG PAMANINGAT
IPANALANGIN TA KING GINU.
PARA KARING SABALANG GALAME NING GOBYERNU
AT DING SABLA RANG KADAMAYAN;
MUMUNA RA SANANG BALIKDAN ING LAGANAP
NANG KAYAPAN NING MABILUG A BANSA
IPANALANGIN TA KING GINU.
PARA KARING SABALANG KAYLANGAN MAGLAKBE
KAPAMILATAN NING DANUMAN, ANGIN O MAMALA;
PARATI LA SANANG MAGMANEHUNG MITMUNG KAYINGATAN
BAN MIKA MASAYANG PAMAGLAKBE
IPANALANGIN TA KING GINU
PARA KEKATANGANG MAKATIPUN KANITING
BANAL A KAPULUNGAN
DAGUL SA AT MUNLAD ING KEKATANG KASALPANTAYANAN
AT IING KEKATANG KASUYUAN KING DIOS
AT KARING KAPARANG TAU.
IPANALANGIN TA KING GINU.
TANGGAPAN NA SANA NING DIOS ING KAPASALAMATAN TAMU,
IYULI NO SANA KING KAYARYAN NANG MALIGAYA,
RING KAPATAD TAMUNG MEYANGU NA BIE,
LALU NA RETANG ALA NANG MAKAGANAKA KARELA.
IPAGKALAM NA KATAMU NGAN SANA.
IPANALANGIN TA KING GINU.