ING LITURHIYA NING AMANU

MUMUNANG PAMAMASA:
GENESIS 23:1-4, 19; 24:1-8, 62-67
PAMAMASANG IBAT KING LIBRU NING GENESIS.

MIRAS YANG DINALAN AT ADWANG PULU’T PITUNG BANWA TWA Y SARA. METE YA KING KIRIAT ARBA, KARIN
HEBRON NING CANAAN AT PIGPALDASAN NE’T PIGMULAN ABRAHAM. LIKWAN NE ING BANGKE BAN
PAKISABYAN NA LA RING TAUNG HETEO. NGANA KARELA, “BISTA MAN METUNG KU MUNG
MAKIPANUKNANGAN LIBUTAD YU, PASALIWAN YU KU SANANG KAPIRASUNG PIKUTKUTAN KING METE
KUNG ASAWA.”

KAYBAT NA NITA, KITKUT NENG ABRAHAM ING ASAWA NANG Y SARA KING KUEBA NING GABUN KARIN
MAKPELA, ARAPAN NA NING MAMRE A AUSAN DANG HEBRON, KING LABWAD NING CANAAN.

NGENI TUTU NENG MATUA Y ABRAHAM. PEPANWANAN NE NING GINU KING SABLANG BAGE. NGANANG
ABRAHAM KING PEKAMATUANG DILING ALIPAN KING PIBALE-BALE NA A PANIBALAN NA KING KEYANG
PIBANDYAN. “IBILI ME ING GAMAT MU PILATAN DA RING KANAKUNG PUAD AT ISUMPA MU KANAKU KING
LAGYU NA NING GINU, ING DIOS NING BANWA AT YATU. ING E ME PANINTUN AYASAWA NA ING ANAK KU
KARING MEMALEN NA NING CANAAN NUNG NU KU MANUKNANGAN. ING BURI KU MUNTA KA KING BALEN
KU, AT KARING KAMAGANAK KU AT KARELA ME PILINAN ING MAGING ASAWA NANG ISAAC.

NGANANG MEKIBAT KEYA NING ALIPAN. “O NU MO PUNG E YA MABISANG TUKI KANAKU ING BABAYI BAN
MANUKNANGAN KING LUGAL A ITI? MALYARING Y ISAAC YA NANG MUNTA KING LABWAD A PENIBATAN YO?”

PEKIBAT NANG ABRAHAM KEYA, “E ME TUTUKI KARIN ING ANAK NANUMAN ING MALYARI! ING GINU, ING
DIOS NING BANWA AT YATU, LEKO NA KU KING BALE NANG TATANG KU AT KING GABUN NA NING
KANAKUNG PAMILYA AT PANGAKU NA KANAKU KING IPAGKALUB NE ING LABWAD A ITI KARING MAGING
LAHI KU. PARALA NENG MAKAUNA KEKA ING ANGHEL NA BAN SAUPAN NA KANG MANAKIT AYASAWA NA
NING ANAK KU KARIN.
NUNG SAKALING E MABISANG TUKI KEKA INGBABAYI, ANTI KANG ALANG SIMPA KANAKU. DAPOT E MU
PAPALYARIAN ING ITUKI ME KARIN ING ANAK KU.”

MANUKNANGAN YA KANITA Y ISAAC KING SAKUP NING NEGEB. SISILIM KANITA AT IBAT YA KING BEER-LAHAI-
ROI, LINUAK YA BAN MAGLAKAD-LAKAD KING MARANGLE. MIGLALAWE YA AT IKIT NA LANG DARATANG DING
KAMELYU. LINAWE YA Y REBECA AT IKIT NE Y ISAAC.KINULDAS YA KING KAMELYU AT NGANANG KINUTANG
KING ALIPAN, “NINU ING TAUNG ITA A MAGLAKAD KING MARANGLE SASALUBUNG KEKATAMU?”

“YA PIN ING PANGINWAN KU.” NGANANG MEKIBAT. INYA MIGTAKAP YANG LUPA Y REBECA. BELITA NA NING
ALIPAN KANG ISAAC ING SABLANG DEPAT NA. TIKI NENG ISAAC Y REBECA KILUB NA NING TOLDA NANG SARA
A IMA NA AT MEGING ASAWA NE. LIGURAN NENG ISAAC AT MAKANYAN YA MEBAWAS A LUNGKUT KING
PANGAMATE NANG IMA NA.

ING AMANU NING GINU

SALAMAT KING DIYOS!

 ING LITURHIYA NING AMANU

DALIT A PAKIBAT
DALIT 106: 1-2, 3-4, 4-5 Pak-1
ING PAKIBAT TAMU:

“PASALAMATAN YE ING GINU, ULING MAYAP YA.”

1. PASALAMATAN YE ING GINU

ULING MAYAP YA;
ING LUGUD NANG E KUKUPAS
ALANG ANGGA.
NINU ING MAKASAMBITLA
KARING MALANG DEPAT NA NING GINU?
NINUNG MAKAYIBIE
SAPAT A KAPURIAN KEYA?
(PAKIBAT)

2. MAPALAD LA RING TAUNG TUTUPAD

KARING UTUS NA,
DING PARATING DARAPAT
KING MATULID.
GINU, E MU KU SA KAKALINGWAN
POTANG ING KEKANG BALAYAN
KEKA NANG SAUPAN.
(PAKIBAT)

3. IYABE MUKU
KARETANG KEKANG SAGIPAN
BUSTAN MUNG KANAKUNG TANGALAN
ING KASAPLALAN NING KEKANG BALAYAN
AT KING KARELANG TULA MAKIYAGUM
LAYUN LIGAYA KARING SABLANG IBAT KEKA.
(PAKIBAT)
 ING LITURHIYA NING AMANU

PANALANGIN DING MALDA:

ING PAKIBAT TAMU:

“GINUNG DINATANG PARA KING MAKASALANAN AUSAN MU KENG TUKI KEKA.”

1. PARA KARING PAMUNTUK NING SANTA IGLESYA: KING PAMANUKI RA

KANG KRISTO MITMUNG TULA RA SANANG GAMPANAN ING KARELANG
BOKASYUN.
IPANALANGIN TA KING GINU.

2. PARA KARING PAMUNTUK NING BANSA: ING KARELANG PIGAGAP YA

SANA ING IKASAPLALA RING KARELANG SASAKUPAN AT ALIWA ING
SARILI RANG KAPAKANAN.
IPANALANGIN TA KING GINU.

3. PARA KARING KAYANAKAN A AGKATAN NANG TUKI KEYA NING GINU:

AGAD LA SANANG MAKIBAT KING AMUN NA AT MATULA RA SANANG
NAYUNAN ITI RING KARELANG PENGARI.
IPANALANGIN TA KING GINU.

4. PARA KEKATAMUNG MAKATIPUN NGENI KETI: KALUPA NING GINU,

MAGOBRA TA SANA, E PARA KARING BANAL, NUNE PARA KARING
MAKASALANAN.
IPANALANGIN TA KING GINU.

5. TANGGAPAN NA SANA NING DIYOS ING KAPASALAMATAN TAMU NGAN.

IYULI NO SANAN KING KAYARIAN NANG MALIGAYA RING KAPATAD
TAMUNG MEYANGU A BIE. IPAGKALAM NA SANA ING KAPAGNASAN DA
RING PAMISA.
IPANALANGIN TA KING GINU.

NGENI ADWAN TAMU ING SARILI TANG KAPAGNASAN.