UNIVERSIDAD NACIONAL DE CÓRDOBA

FACULTAD DE FILOSOFÍA Y HUMANIDADES

ESCUELA DE LETRAS

Lengua y Cultura Latinas III – 2018

Prof. Dra. Eleonora Tola

LOS PROEMIOS DE VIRGILIO (ENEIDA) Y LUCANO (FARSALIA)

PERRET, J. (éd.) (1981) Virgile, Énéide, Paris, Les Belles Lettres, 1981.

En. 1, 1-11:

Arma uirumque cano, Troiae qui primus ab oris

Italiam fato profugus Lauiniaque uenit

litora, multum ille et terris iactatus et alto

ui superum saeuae memorem Iunonis ob iram,

multa quoque et bello passus, dum conderet urbem 5

inferretque deos Latio, genus unde Latinum

Albanique patres atque altae moenia Romae.

Musa, mihi causas memora, quo numine laeso

quidue dolens regina deum tot uoluere casus

insignem pietate uirum tot adire labores 10

impulerit. Tantaene animis caelestibus irae?

SHACKLETON BAILEY, D. R. (ed.) (1988) M. Annaei Lucani de Bello Ciuili, Stuttgart,

Teubner.

B.C. 1, 1-8:

Bella per Emathios plus quam ciuilia campos

iusque datum sceleri canimus, populumque potentem

in sua uictrici conuersum uiscera dextra

cognatasque acies, et rupto foedere regni

certatum totis concussi uiribus orbis 5

in commune nefas, infestisque obuia signis

signa, pares aquilas et pila minantia pilis.

Quis furor, o ciues, quae tanta licentia ferri?