Sei sulla pagina 1di 2

PARLAMENTO

NACIONAL
Secretariado da Bancada Parlamentar de FRETILIN


KOMUNIKADU DE IMPRENSA

Díli, 7 Agostu 2018

FRETILIN Retira husi Votasaun ba Projetu Rezolusaun rua husi VIII Governo
kona-ba Sesasaun Vijénsia ba Dekretu-Lei No. 3/2018 (14 de Marsu) ho
Dekretu-Lei No. 4/2018 (14 de Marsu)

Reprezentante FRETILIN iha Parlamentu Nasionál, Francisco Miranda Branco


esplika, “prazu atu halo apresiasaun ba dekretu-lei, tuir ita-nia Konstituisaun iha
Artigu 98, mak loron 30 husi loron ne’ebé lei ne’e promulga. Dekretu-Lei rua ne’e
promulgadu ona iha fulan 5 liu ba. Ne’e duni, períodu atu halo apresiasaun ne’e liu
ona.”

Dekretu-lei rua ne’e halo alterasaun ba, respetivamente, Dekretu-Lei No. 3/2015 (14
Janeiru), ne’ebé aprova Kurríkulu Nasionál de Baze ba Edukasaun Pré-Eskolár, ho
Dekretu-Lei No. 4/2015 (14 Janeiru), ne’ebé aprova Kurríkulu Nasionál de Baze ba
Primeiru ho Segundu Síkulu Ensinu Báziku.

Governu iha kompeténsia tomak tuir ita-nia Konstituisaun atu halo alterasaun ba lei
ne’e. Maibé alterasaun ba dekretu-lei tenke halo iha Conselho de Ministros,
Reprezentante Francisco Branco kontinua.

FRETILIN mós la konkorda ho Projetu Rezolusaun rua ne’e tanba ho sesasaun de


vijénsia ba lei rua ne’e sei rezulta iha revogasaun ba dekretu-lei ne’ebé vigora. “Ida
ne’e signifika katak ita sei laiha lei espesífiku ruma ba kurríkulu nasionál de baze iha
pré-eskolár, no mós iha primeiru ho segundu síkulu ensinu báziku. Tanba Timor-
Leste laiha provizaun ruma kona-ba repristinasaun, ne’ebé bele vigora fali lei ne’ebé
revogadu ona. Entaun, bainhira ita revoga lei ida ne’e, ita labele fila fali ba lei ne’ebé
revogada tiha ona husi lei anteriór,” tenik Reprezentante Branco.

Tuir Reprezentante Branco, Lei de baze ba edukasaun ko’alia ona kona-ba prinsípiu
kurrikulár sira, ne’ebé fó kompeténsia ba Governu atu dezenvolve kurríkulu liu husi


prinsípiu sira ne’e. Kurríkulu de ensinu ne’e dinámiku, tanba tenke akompaña
beibeik ho mudansa teknolójika, kulturál, sosiál no mós ekonómiku. Ita tenke fó
Governu kompeténsia atu halo adaptasaun sira ne’e, dezde ke adaptasaun ne’e la
sees husi kurríkulu de baze.

Se Governu nia intensaun mak atu defende polítika ba língua materna, atu tau iha
fatin ida ne’ebé la’ós fasil atu muda, medida ida ne’e sei hasai tiha Governu nia
atensaun husi língua ofisiál. Nune’e, medida ida ne’e kontra ita-nia lei de baze ba
edukasaun, artigu 8, ne’ebé temi kona-ba utilizasaun língua ofisiál, Tetun ho
Portugés, iha ita-nia sistema de ensinu.

“FRETILIN defende edukasaun ida ho kualidade ho igualdade de asesu ba ema


hotu-hotu. Atu hetan kualidade edukasaun, ita presiza reforsa aspetu sira ne’ebé
afeta prosesu aprendizajen, hanesan nutrisaun, fasilidade eskolár, kapasidade
profesór sira nian, no mós asesu,” konklui Reprezentante FRETILIN, Francisco
Miranda Branco.

RAMATA

BA INFORMASAUN LIU TAN FAVÓR KONTAKTA REPREZENTANTE FRANCISCO


MIRANDA BRANCO: 7709 9109