BARCINO KOLI (ARRIBEÑO PURAHÉI)

Hasype ko’agã che po’a ipoty aja nerendápe

arete riréma aiko netapýîre ama’ê mbuku
eju sapy’ána nde sy ou mboyve ejami ko’ápe
tamombe’u ndéve mba’éicha rupípa aju rohayhu.

Peteî ka’aru rohecha ypy ko Pirajuvýpe

ha ko che py’a ñaimo’ã campana añandu ipu
ha upe guive neryakuã ova che korasõmíme
ha naimo’ãvéima kuña ambue chemoakãraku.

Nda’areiete rohecha jevy tren oguãhêhápe

mitãmi nde ku’ãre pyharevete upépe reja
upéramo che mbegue katuete aja nerendápe
ñe’ẽ che jurúpe ha’emívo ndéve che rembipota.

Upéramo nde rejesaupimi rema’ê ndeyképe

nde arétapa he’i nde juru mbegue katuete
upérõ ahecha oma’ê ñemíva yvyra kupépe
pochýgui ovúva hova ravirãi che nambi kupe.

Ko’êrõ ka’aru eñembopoja tereho kokuépe

ha ikatuvérõ ani reraha ñande ratarã
che roha’arõta laguna rovái ka’ysa yvatépe
ha rehasakuévo eturuñe’ê rosegui haguá.

Nde sy ha nde ru ani oikuaa mba’eveichavérõ

cháke ivaíne, cháke ivaíne Taragüi rape
ema’êvaínte jepi cherehe ha’e oî javérõ
ani che kamba che causa re’u mborevi pire.

Néina ere ha eñemoî py’a peteîme

ha tajúmandi nde sy ha nde rúpe torojerure
che rayhu guive javy’ava’erã ñande raitymíme
ani reimo’ã como che chapî rombotavyse.

O si no taju agã pyhare nde rokupe guýpe

kirirîhaitépe nde sy ha nde ru okepa rire
ndékena eha’ã ikatárõ eke okẽ juruvýpe
ikatu haguãicha atyryryhápe nerendápe aike.

Umi nde jaguandachesu’uichéne mba’eveichavérõ

reínte iñarõ, reínte ipochy ahê rymbare
ro’y porãite cocina ruguápe ha’ekuéra okéne
ha hi’ariete barcino koli che rayhu jepe.

ARRIBEÑO PURAJHEI
(BARCINO COLÍ)
Canción de EMILIANO R. FERNÁNDEZ

ARRIBEÑO PURAJHEI

Jhasýpe co'ágä che po'a ipoty nerendápe

arete riréma aico nde tapyire ama'ë mbucu
eyu sapy'ána nde sy ou mboyve eyami co'ápe
tamombe'u ndéve mba'éicha rupípa ayu rojhacjhu.

….. Peteï ca'aru rojhecha ypy co Pirayuvýpe

….. tan co che py'a ñaimo'ä campana añandu ipu
….. jha upeguive ne ryacuä ova che corazömíme.
….. jha ñaimo'ävéima cuña ambue che mo acaracu.

Nda areiete rojhecha yevy tren oguajhejhápe

mitämi nde cu'áre pyjharevete upépe reya
uperamo che mbegue catuete aya ne rendápe
ñe'ë che yurüpe jha'emívo ndéve che rembipota.

….. Uperamo nde reyesaupimi rema'ë nde yképe

….. nde aretepa jhe'i nde yuru mbegue catuete
….. upérö ajhecha oma'ë ñemïva yvyra cupépe
….. pochýgui ovu jhova raviräi che nambi cupe.

Co'ërö ca'aru añembo poya terejho cocuépe

jha icatuvérö ani rerajha ñande ratarä
che rojha'aröta laguna rovái ca'aysa yvateépe
jha rejhasa cuévo eturuñe'ë rosegui jhagua.
….. Nde sy jha nde ru ke ani oicuaa mba'eveichavérö
….. chäke ivaíne cháke ivaine "taragui" rape
….. ema'ë vaínte yepi che rejhe jha'e oi yavëro
….. ani che camba che causa re'u mborevi pire.

Neína, ere jha eñemoï py'a peteïme

jha tayu mandi nde sy jha nde rúpe teroyerure
che racjhu guive yavy'a vaerä ñande raitymíme
ani reimo'ä como che chapï rombotavyse.

….. Osino tayu agä pyjhare nde rocupe guýpe

….. kirirï jhaitépe nde sy jha nde ru oke pa rire
….. nde ke ejha'a icaturö eke oke yuruvýpe
….. icatu jhaguäicha atyryryjhápe ne rendápe aike.

Co'a nde yagua nda che su'uichéne mba'eveichavérö

reínte iñarö reínte ipochy ajhe rymbare
ro'y poräite cocina ruguápe jha'e cuéra okéne
jha jhi'ariete barcino coli che racjhu yepe.