Ay sinoy adi manglayad ken
Cordopyoy napasikat
Pitakana ay nayayatyat,
Mensedes kinupin ay sulat
Nan bassit ay um-a da, kedeng
maiwed silbi na,
nenpastolan das baka gapo isnan
sadot na
Otek ena tinalaken
Tadlang nas nalakay bilangen
No partiem adim ilanglangen
Tay mabidbidang no saleng
Si Cordapya adim sed-en
Tay nasadot ya naarem
Salming nan ena sasagangen
Menbudbudek ay minasdem
Mensingsing adi men pulseras
Men aritos adi men kuwentas
Men sapatos adi men medjas
Men pandiling adi men patas
Bumalat mangse-mangset
Menbados nan mini skirt
Men sede nan pulbos na
E-ne-neng-neng nan sabatena
Men-ayos nan pamadana
Esay kilo ay mantika
Men mansa nan ling-et na
Siya baw nan men-amsana
Si Cordopyoy masolsolbog
Usar nas binulbulod
Mensapatos isnan boldog
Men daan et tumanogtog
Ininom na napnos nan listaan
Sigarilyo nas sinikwatan
Siya sa nan ena mendaksan
Men bisyoy adina kabaelan.
Kayat nay makiasawa, si
Cordapya nan laydena
Ngem no daida nan men asawa
Gekken yo nan men banagan da
Maid masaksaktan isna,
Tay da Cordopyo ken Cordapya
Binmala day menpabuya
Ngem ajak gekken nan nal-usan
da
Babalo ya bababasang enkayo
koma madengan
Kinasadot ya nilastugan, narigat
ay makaan
Ngem no men gaget kayo
Kinalastog et kaanen yo
Maid to ado is rigat yo
Eyaka na is tawid yo