Synfocity = 627

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 23 rd March, 2017

1 Seminar on Calvinism
March ni 18, 2017 (Inrinni) nileng khan ATC a Calvin Study Centre buatsaihin Seminar on Calvinism chu Vaivakawn
Kohhran Biak inah neih a ni.
He Seminar-ah hian Kohhran leh ram rorelna tih thupui zirho a ni a, Aizawl South leh West huam chhunga Kohhran
te tana buatsaih a ni a, Kohhran 60 atangin mi 250 vel an kal thei a ni.
Chawhma lam hi Rev. Dr. C. Lalhlira, Principal, ATC in a kaihruai a, Synod Moderator Rev. Lalzuithangan Keynote
Address a sawi a. Moderator chuan Kohhran zara ram hmasawnna tam tak kan ramin kan chan hi Calvin-a hnung
zuia khawvela Pathian lalna kan lantir rah chhuah a nih thu te, Kohhran ngainep zawnga mi langsar ve fu futen thu
an sawi thin chu ngaihmawhawm a tih thu a sawi. Hemi zawh hian John Calvin-an Kohhran leh ram rorelna
chungchang a zirtir dan tih thupui Rev. Vanlalrova Khiangte ziah zirho a ni.
Chawhnu lam session chu ATC Vice Principal Rev. Dr. Vanlalnghaka Ralte in a kaihruai a, Rev. R. Vanlaltluanga thu
ziah Tunlai Kohhran nektu thil chi hrang hrang leh a chhan letna tih zirho leh a ni a, sawihona neih zui nghal a ni.
He Seminar hi Synod Secretary Jr. Upa Dengzikpuia leh Minister leh Pastor engemawzat in an tawiawm bawk a ni.
1 Synod Revival Speakerten Residential retreat
March 15 - 17, 2017 chhung khan kumtina neih thin angin Synod Revival Speaker tanglaite pualin Residential
Retreat chu Synod conference centre-ah neih a ni a. Retreat-ah hian thupui pawimawh tak tak panga zirpui an nih
bakah sermon tum 4 ngaihthlak a ni bawk. Tun tumah hian Speaker 65 an tel thei a, damlohna avanga tel thei lo
tlem an awm bawk.
Synod Revival department hmalaknain March 2017 thla chhung hian Aizawl khawpui chhung leh dai velah Operation
Nehemia tiin beihpui thlak mek a ni bawk a, mi engemaw zat Pathian Biak In thleng ngai lo leh mahni ina haw
mumal lo te hnenah Pathian Hmangaihna thuchah puanchhuah a ni tawh a, he programme hi a remchan dan anga
kalpui zui zel tum a ni.
1 Chhimbial Kohhran hruaitute Intawhkhawmna neih a ni
March 17-19, 2017 chhung khan Lunglei Venglai Kohhran Biak In-ah Chhimbial Kohhran Hruaitute Intawhkhawmna,
Chhimbial huam chhunga Pastor te, Upate, Home Mission School a Headmaster te leh Bial Puipa zawng zawng te
puala buatsaih a ni a, Speaker leh Resource Person atan Revd. Chuauthuama hman a ni. He intawhkhawmah hian
mi 600 vel lai an kalkhawm a, Kohhran inkaihhruaina leh Presbyterian Kalphung te zirho a ni.
1 Synod Hospital, Durtlang-in Prosthetic Eye siam thiam chahchhuak
Synod Hospital Durtlang hmalaknain Mr. Subasish Chaudhuri, Optometrist, Ocularist & Low Vision Specialist chu
Kolkata atangin chahchhuah a ni. Ani hi mitmu lem (prosthetic eye) siam thiam a ni a, Mit lehlam chhe tawh te tan
mit tha lam ang thei ber tura mitmu lem siam thiam a ni.
Vawiin (March 23, 2017) hian Synod Hospital, Eye Unit ah mit lehlam tha lo leh mitkhawhmuh tha lo te tan inentirna
hun siam a ni a, mi thahnem tak mit en a ni a. A mamawh mi engemawzat chu a hmunah mitmu lem (Prosthetic
Eye) siamsak nghal an ni a, mit khawhmu tha lo (low vision) te pawh Low Vision Device chawh nghal an ni bawk.
1 Synod Bookroom-in Mobile Bookshop an nei
Synod Bookroom chuan kumtina an lo tih thin angin Thingtlang kilkhawr zawk a miten Synod Bookroom rawngbawlna
an chhawr ve theih nan Mobile Bookshop chu March 20 - 25, 2017 chhung khan a nei a. March 20, 2017 (Thawhtanni)
zing khan Mobile Bookshop neia kalchhuak turte chu PRESCOM Deptt General Manager Upa R. Lalmalsawma,
chuan tawngtaina in a thlah liam.
He Mobile Bookshop hi tlangdung pathum - Tuipuiral tlangdung, Tuichangral tlangdung leh Hmarchhak tlangdung te
tuam tura tirh chhuah a ni a. Tlangdung tinah hian truck pakhat zel tirh niin Bookroom thawktu pahnih zel an thawk
chhuak bawk. Tun tum Mobile Bookshop a tuam tur khuate hi an vaiin khaw 30 an ni.
Hmarchhak tlangdunga feh chhuak te hian thawhtan tlai khan Saichal-ah bul an tan a, zirtawp tlaiah Kawlbemah an
khar ang. Tuipuiral tlangdungah chuan thawhleh zingah Khuangthingah tanin Zirtawp tlaiah Khuangleng ah an khar
ang a. Tuichangral tlangdung feh chhuakte chuan thawhtan tlaiah Tualteah bul tanin Inrinni zingah Khawlailungah an
khar thung ang.
Mobile Bookshop hi Synod Bookroom Branch leh Distributor dawr ve pha lo khuate hian an hlutin an chhawr tangkai
hle thin a. Synod Bookroom pawhin lehkhabu tha khawpuia lei pha lo te tana kumkhata vawikhat tal lehkhabu va
chhawp hnaihsak hi rawngbawlna pawimawh takah a ngai a ni.
1 Lay Leaders Training kharna
March 22 & 23, 2017 khan Lay Leaders Training vawi 195-na chu Synod Multipurpose Training Centre (SMTC),
Mission Vengthlangah neih a ni a, Presbytery 7 atangin Kohhran Upa 35 leh Zou Synod, Manipur atangin Upa 4, an
vaiin mi 39 in trainng hi an nei a ni. Zanin (March 23, 2017) dar 6:00 hian training kharna inkhawm neih a ni dawn a,
Rev. Vansawma, Programme Director-in a kaihruai ang a, Rev. Lalramliana Pachuau, Senior Executive Secretary in
Certificate semin kharna hun a hman ang a, Pi Lalruotmawiin Pathian fakna hla a sa ang.
Synod Multipurpose Training Centre (SMTC) ah hian Kohhran Upa 6233 training an awn tawh a ni.
1 MSSU
w March 24, 2017 (Zirtawpni) zan khan Ramhlun East Kohhranah Sunday School zirtirtu training neih a ni a, hemi hunah
www.mizoramsynod.org

hian Upa Lalrosanga Kawlni, O/A MSSU Dept leh Upa C. Lalbiaksanga, Zemabawk North (MSSU Trainer) te an kal.
w March 25, 2017 (Inrinni) nilengin Leitan South Kohhranah Sunday School zirtirtu training neih a ni dawn a,
training neihpui tur hian Upa Lalthahluna Ralte, MSSU Asst. Coordinator, Upa H. Lalvulliana, Ramhlun Venglai,
MSSU Trainer leh Upa F. Lalenghluna, Ramhlun Vengthar (MSSU Trainers) te an kal ang. Zan Pathian Biak Inkhawmah
Fanau Enkawl chungchang thuchah Upa Lalthahluna Ralte in a sawi ang.
w March 25, 2017 (Inrinni) nilengin Dinthar Kohhranah Sunday School zirtirtu training neih a ni dawn a, training
neihpui tur hian Upa Lalrosanga, O/A, MSSU Dept, Upa Lalhmachhuana, Tuikual North leh T.Upa R. Lalhmingthanga,
Republic Vengthlang (MSSU Trainers) te an kal ang. Zan Pathian Biak Inkhawmah Upa Lalhmachhuanan Fanau
Enkawl chungchang thuchah a sawi ang. Contd,..
 Synod Information & Publicity Department, Synod Office (Third Floor), Mission Veng, Aizawl

w March 25, 2017 (Inrinni) nilengin Leitan Kohhranah Sunday School Zirtirtu training neih a ni dawn a, training
neihpui tur hian Nl. Vanlalsawmi, MSSU Coordinator, Pu John Lalhruaitluanga, MSSU Asst. Coordinator leh Pu
Lalthanchhunga, Bungkawn (MSSU Trainer) te an kal ang. Zan Pathian Biak Inkhawmah Pu Lalthanchhungan
Fanau enkawl chungchang thuchah a sawi ang.
1 Union Biblical Seminary Principal thar
Union Biblical Seminary, (UBS) Pune Governing Board chuan UBS Principal thar atan Rev. Prof. Vanlalchhuanawma
a ruat thar. Union Biblical Seminary hi India rama Pathian thu zirna hmasa pawl leh lian berte zinga mi a ni.
Rev. Prof. Vanlalchhuanawma hi Mizoram Presbyterian Kohhran minister zinga kan chhuanvawr te zinga mi a ni a,
Aizawl Theological College a pawh Principal lo ni tawh, tuna pension ta a ni. UBS a principal hna hi kum khat chhung
atan a thawk phawt dawn a, Principal hna mai bakah Professor of Missiology hna a kawp nghal bawk dawn a ni.
1 Worship Dept
March 21 - 24, 2017 chhung hian Tawipui North - II Bial chhunga KTP-te pualin Solfa Camp neih mek a ni a, hemi
hunah hian Worship Dept, Synod Office atangin Pu Lalromawia, Senior Instructor a kal.
1 Kristian Thalai Pawl
w March 21 - 23, 2017 chhung hian Farkawn Branch Diamond Jubilee hmanpuiin Upa Zonunmawia, General
Secretary, CKTP leh T.Upa Zomuana Ralte, Comt. Member, CKTP te an kal.
1 Synod Literature & Publication Board
March 25 & 26, 2017 hian Chhiahtlangah Literature Seminar neih a ni dawn a, seminar neihpui tur hian Rev. Dr. C.
Chawnghmingliana, Editor, SL&PB, Upa Lalrammawia Ngente leh Pu Lalremruata, Soloist te an kal ang.
1 AISSA hruaitu thar
March 6 - 13, 2017 chhunga All India Sunday School Association (AISSA) Workshop & Conference, Nagpur-a
neihah khan kum 2017 - 2020 chhunga hruaitu turte thlan an ni a, hruaitute chu hengte hi an ni :
President : Rt. Rev. P.C. Singh, President, NCCI & Moderator Elect, CNI
Vice President : Rev. K. James Cecil Victor, CSI
General Secretary : Rev. Dr. Hmingthansanga, Mizoram Synod
Treasurer : Mr. Angelious Michael, Jeypore Evangelical Lutherian Church
Governing Council member paruk thlan an ni a, Upa R. Lalmalsawma, General Manager, Prescom pawh member
atan hian thlan a ni. Rev. Dr. Roger Gaikwad, General Secretary, NCCI chu Ex-Officio member a ni bawk.
1 Zin
w Rev. Lalramliana Pachuau, Senior Executive Secretary chuan March 25, 2017 (Inrinni) zanah Bungkawn Vengthar
Kohhranah hun a hmang ang a, March 26, 2017 (Pathianni) hian Chanmari West Kohhranah hun a hmang leh ang.
w March 23 - 26, 2017 chhung hian LIKBK General Conference, Lawngtlai Chanmari a neih mek hmanpuiin Rev.
P.C Pachhunga, Executive Secretary a kal.
w March 15 - 25, 2017 chhung hian Field Committee nei turin Jharkhand, Patna, Lucknow leh Delhi-ah Rev. B.
Sangthanga, Executive Secretary, Rev. T.C Laltlanzova leh Upa C. Lalnghakliana, BEC Member te an kal.
1 Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni :
Tlungvel Venghlun chhungkaw 2 In kang ral vek hnenah Rs. 20,000/-, Tlungvel Venghlun chhungkaw 2 mi in luah
bungraw kang ral vek hnenah Rs. 12,000/-, Zobawk Vengthlang chhungkaw 1 damlo hnenah Rs.8,000/-, Mission
Veng chhungkaw 1 in kang ral vek hnenah Rs. 8,000/- leh Mission Veng chhawkaw 2 dawr kang ral vek hnenah Rs.
12,000/-, a vawiin Rs. 60,000/- pek an ni.
1 Revival Dept
Synod Revival Speaker te hetiang hian Camping/Crusade neiin hun an hmang :
March 27 - 3 April, 2017 Ramtharliana, Speaker Tlabung Zodin Crusade
March 24 - 26, 2017 R. Zaihmingthanga, Speaker Khawhai Venglai Camping
March 24 - 18 April, 2017 Upa L.H. Rohmingliana, Speaker Kanan, Myanmar Camping
March 25 - 3 April, 2017 Lalhmangaihsanga, Speaker Darlawn Camping
March 18 - 27, 2017 Lalhriatkima, Speaker Kolasib Project Veng Camping
March 20 - 30, 2017 P.C. Vanlalnghaki, Speaker Myanmar Crusade
March 20 - 27, 2017 Laltindawla, Speaker New Champhai Crusade
March 20 - 6 April, 2017 Lallawmzuala Pautu, Speaker Pachang & Sazai Camping
March 25 - 3 April, 2017 Lalsangluia Sailo, Speaker Piler Crusade
1 Hruaina Eng FM Radio & TV Programme
w MARCH 24, 2017 (FM ZOAWI AIZAWL @ 7:30 P.M.):
Solo : Andrew Laltlankima - Nunna thar, Zaipawl : Sihphir Kohhran Zaipawl - Chhandamtu aw mawi tak chu ka hria
ang, Thusawi : John Lalhruaitluanga - Sande Sikul thiltum, Solo : Lalduhsaki - Kaw lawm e Lalpa, Zaipawl :
Lunglei Presbyterian Choir - Lalpa ta a ni, Solo : H. Laltanpuia - Nang ka ring che
w MARCH 24, 2017 (FM LUNGLEI @ 7:30 P.M.):
Solo : Andrew Laltlankima - Nunna thar, Zaipawl : Sihphir Kohhran Zaipawl - Chhandamtu aw mawi tak chu ka hria
ang, Thusawi : John Lalhruaitluanga - Sande Sikul thiltum, Solo : Lalduhsaki - Kaw lawm e Lalpa, Zaipawl :
Lunglei Presbyterian Choir - Lalpa ta a ni, Solo : H. Laltanpuia - Nang ka ring che
1 MARCH 26, 2017 (Tv Programme) @ 3:00 p.m) :
Weekly Round Up, Fakzai
1 Moderator Programme
Synod Moderator Rev. Lalzuithanga chuan tunkar tawpah hetiang hian hun a hmang ang :
March 25, 2017 Inrinni Zan - Sakawrdai Chhimveng Kohhran
March 26, 2017 Pathianni Chawhma & Chawhnu - N. Khawdungsei Kohhran
March 26, 2017 Pathianni Zan - Sakawrdai Kohhran
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students Helpline :mizoramsynod@gmail.com
9856883377
Synod Information & Publicity
Phone - 2314648 Synfo