Synfocity = 621

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 9 th February, 2017

1 Missionary Tirhchhuahna neih a ni
Feb. 5, 2017(Pathianni) chawhnu khan Synod Mission Board hnuaia Missionary lak thar mi 50 te tirh chhuahna
inkhawm, Electric Veng Kohhran Biak In-ah neih a ni.
Tirhchhuah inkhawm hi Synod Mission Board Secretary Rev. K. Lalrinmawian a kaihruai a, Synod Mission Board
Coordinator Dr. Robert S. Halliday-an missionary kal chhuak turte inhmelhriattirna hun a hmang a, Synod Modera-
tor Rev. Lalzuithangan tirhchhuahna hun hmangin thuchah a sawi. Electric Veng Pastor Bial Zaipawl, Tuikual
Pastor Bial Zaipawl leh Synod Mission Choir te an zai a, tirhchhuahte aiawhin J. Zosanglianan thu tawi a sawi leh
a, Executive Secretary Rev. B. Sangthangan tawngtaisakna hun a hmang a, Electric Veng Bialtu Pastor,
Rev. Lalrinmawian malsawmnain inkhawm a tin a ni.
Synod Mission Board hnuaia field hrang hrang 17 atana missionary lak tharte hi Evangelist tur mi 32, Evangelist
Teacher tur mi 8, Medical tur mi 6 leh Craft Teacher tur mi 4 an ni.
Heng bakah hian Mission field hrang hranga thawk tur Field Secretary 4 leh Bial vawng tur mi 13 thlahna hun
hman nghal a ni a, Missionary tang lai, kum 2017-a pension-a chhuak mi 9 te hnenah Ngaihhruina thuziak
(citation) hlan an ni bawk.
1 Obituary : Rev. Dr. Lalsawma (1930-2017), Kum 87
Rev. Dr. Lalsawma (1930 - 2017) Mission Vengthlang chu Cancer natna vangin February 9, 2017 (Ningani) zing dar
2 : 25 khan chatuan ram min pansan a, hemi ni vek hian vuiliam a ni.
Rev. Dr. Lalsawma hi kum 1930-ah Sailam khuaah a piang a, Rev. Langlura (L) leh Pi Darneihkimi (L) te fa 13 zinga
6-na a ni a, a unau mipa 5 leh hmeichhia 8 an ni. Kum 1961 March 7 khan Lalnuntluangi, Mission Veng nen Pastor
Thanga'n Mission Veng Biak inah a inneihtir a, fapa pali leh fanu pahnih an nei.
Rev. Dr. Lalsawma hian Kum 1942-ah Lower Primary a pass a, 1947-ah Middle, 1952-ah Matriculation, 1955-ah
Licentiate in Theology (LTh), 1958-ah Bachelor of Divinity (BD), 1968-ah Master of Theology (MTh) a zo leh a, Mizo
zinga MTh Degree nei hmasa ber a ni.
Kum 1955 April thlaah L.Th. a zawh hlimin Probationary hna thawk turin Assembly-in a la nghal a, Durtlang Bial-ah
a thawk a ni. Kum 1959 Special Synod, Mission Venga neih chuan June 28-ah Pastor atan an nemnghet a ni. Rev.
Dr. Lalsawma hi Kohhrana leh Synod hnuai committee peng pawimawh tak tak a lo chelh tawh a ni. A rawngbawl
chhngin nupa tuak 296 a inneihtr a, mi 1909 baptisma a chantir bawk.
A pension hnuah pawh rawngbawlna la chhunzawm zelin Mizoram chhunga Thalai nun kal dik lo hruaichhuak
turin, kum 1998 atangin Discipleship Training Institute, Neihbawih, Sihphir-ah an din a. Hemi Institute din tantirh
atangin Principal niin kum 7 chhung zet Principal hna hi a thawk a ni. Kohhran mai bakah ram leh khawtlang
rawngbawlna lamah pawh mi tangkai tak a ni a. Thuziak mi a ni a, lehkhabu tha tak tak 21 lai a ziak a, Article
pawh 40 lai a ziak bawk.
Rev. Lalsawma hi kum 2004 khan Salem Boarding-ah ramri an en felnaah lengkirah a tla a. Heta tang hian a
hriselnaah harsatna hrang hrang a nei ta a. December 2016 khan pumpui cancer a nei tih hmuh chhuah a ni a.
Aizawl Hospital-ah admit a ni a, engemawchen Hospitala a awm hnu ah inlamah enkawl zui a ni a, a chakloh leh
thin avangin damdawi lamah pawh dah luh fo a ni a, tunhnaiah a chakloh zual tak avangin Aizawl Hospital ICU ah
enkawl a ni a, February 9, 2017 zing dar 2:25 khan chatuan ram min pansan ta a ni.
Rev. Dr. Lalsawma hi Feb. 9, 2017 dar 12:30 PM khan anmahni chenn in Mission Vengthlangah thlahna hun hman
a ni a. Chawhnu dar 2-ah Mission Vengthlang Kohhran Biak Inah Synod Moderator Rev. Lalzuithangan a vui a, Rev.
Lianhmingthanga Sailo, Synod Secretary in a chanchin a sawi a, Rev. P.C. Pachhunga, Executive Secretary i/c.
MSSU etc. in tawngtaisakna hun a hmang a, Mission Vengthlang Kohhran Zaipawl an zai bawk a, Rev. H. Remthanga,
Synod Finance Officer-in malsawmna a sawi a ni. (For more Information, Please visit : www.mizoramsynod.org)
1 Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua Pek chhan Chhungkaw zat Chhawmdawlna pek zat
1. Vaseikai Kangmei tuar 6 Rs. 60,000/-
2. Darlawng Damlo 1 Rs. 8,000/-
3. Tlangnuam South Khawsak harsa 2 Rs. 16,000/-
4. Tlangnuam South Damlo 3 Rs. 24,000/-
5. Tlabung Chawnpui Cancer 1 Rs. 8,000/-
TOTAL Rs. 1,16,000/-
1 MTC
w Senate of Serampore College (University) 89th Convocation chu February 1 - 4, 2017 chhungin Trinity Theologi-
cal College, Tahekhu, Dimapurah neih a ni a. He Convocation-ah hian Missionary Training College Affiliation chu
Official a puan a ni. Hetah hian Missionary Training College Principal Rev. Dr. K. Lalrinkima chu College aiawhin a
kal a. Senate Meeting hrang hrangah telin February 5, 2017 (Pathianni) Chawhma Inkhawmah Sumi Town Baptist
Church-ah thusawina hun pek a ni.
MTC Principal Rev Dr. K. Lalrinkima hi Senate Committee pawimawh-ah te chanvo hrang hrang Academic Council
Member, Working Committee Member leh Board of Studies in Missiology Convener te pek thar a ni.
www.mizoramsynod.org

w February 2, 2017 (Ningani) zan khan Missionary Training College zirlaite (B.Miss & Short Course Training) leh
Aizawl Theological College zirlaiten Joint Fellowship ATC Durtlangah an nei a. Programme hlimawm leh hlawkthlak
tak an hmang a ni.
1 Campus Ministry
Feb. 8, 2017 (Nilaini) khan Presbyterian Bible School, Mission Vengah hun hmang a, Feb. 9, 2017 (Ningani) hian
Aizawl West College,Dawrpui Vengtharah hun an hmang leh a ni.

Contd,..
 Synod Information & Publicity Department, Synod Office (Third Floor), Mission Veng, Aizawl

1 Aizawl khawpui chhunga Pastor ten Meeting an nei

Feb. 8, 2017(Nilaini) khan Aizawl Khawpui chhunga Mizoram Presbyterian Kohhran Pastor te chu Synod Office a
Devotion Room ah meeting an nei a. He meeting hi Rev. K. Lalpiangthara'n a kaihruai a, khawpui chhunga Pastor lo
awm tharte lawmna an nei a, Good Friday dawn zan - Moundy Thursday zana Lalpa Zanriah Sakrament theh dan
turte ruahmanna an siam bawk.
Aizawl khawpui chhunga Pastor-te hi kumtin an inhmuhkhawm thin a, Aizawl khawpui chhunga kohhranten a ruala
Lalpa Zanriah Sacrament kan kilho theih nan Bial vawng lo minister leh Pensioner te pawh Sakrament an buatsaihna
tur ruahmanna an siam vek thin a ni.
Tun dinhmunah Aizawl khawpui chhungah hian Bial 46 leh Kohhran 148 vel an awm a ni.
1 MSSU
Feb. 9, 2017(Ningani) hian Damdep Bial-ah Sunday School zirtirtu training neih a ni a, hemi hunah hian Upa
Lalthahluna Ralte, MSSU Asst. Coordinator leh Rev. Zoramsanga, MSSU Office te an kal.
1 SMTC
Jan 31, 2017(Thawhlehni) khan Govt of Mizoram, Higher & Tehcnical Education-in Computer (DCA 1st Semester)
exam result a tichhuak a, SMTC atangin zirlai 14-an exam a, an vaiin distinction-ah an passed vek a ni. Top 10-ah
4 an tel bawk. Hetiang hi an result neih dan chu a ni.
Hming Pa Hming Veng/Khua Ranking
1. Lalngaihsaka T. Ronghinglova Model Veng, Aizawl 1st Position
2. Mariana Lalmuansangi Sanghmingthanga Dam Veng, Aizawl 3rd Position
3. Lalruatdiki Laldinthara Hnamte Mission Veng 6th Position
4. Benjamin J. Malsawmdawnga JR Thankhuma Bungkawn Vengthar 7th Position
1 Zin
w Feb. 8 & 9, 2017 chhung hian Barak Area Committee neih a ni a, hemi hunah hian Rev. Lalzuithanga, Moderator,
Rev. Lalramliana Pachuau, Senior Executive Secretary, Rev. B. Sangthanga, Executive Secretary, Rev. T.C Laltlanzova,
Rev. Laltlanthanga, Rev. K. Lalthangmawia leh Upa J. Lalhlima, BEC te an kal.
w Feb. 10 - 12, 2017 chhung hian Manipur Synod hmanpui turin Phainuam-ah Upa R. Dengzikpuia, Synod Secre-
tary (Jr.) leh Rev. K.C Vanlalduha te an kal ang.
w Feb. 6 - 10, 2017 chhung hian Home Mission field - Damparengpui, Thaidawr leh Zamuang tlawhin Rev. K.
Lalrinmawia, Secretary, SMB a kal.
w Feb. 11 & 12, 2017 chhung hian Sihfa Bial Kohhran Hmeichhe Inkhawmpui hmanpuiin Rev. K. Rolungmuana,
Director, Revival Dept a kal ang.
w Feb. 13 - 17, 2017 chhung hian Presbyterian Church of Taiwan, Mission Consultation, Taiwan-ah neih a ni dawn
a, hemi hunah hian Dr. Robert S. Halliday, Coordinator, SMB a kal ang.
1 Kohhran Hmeichhia
February 10 - 12, 2017 chhung hian Bial hrang hrangah Bial Kohhran Hmeichhe Inkhawmpui neih a ni dawn a. Bial
inkhawmpui hmanpui turin Central Committee member-te hmun hrang hrangah hetiang hian an kal ang:
Bial Kal turte
Aibawk Bial 1. Pi Rinchawii, Chairman 2. Pi Vanrammawii, Comt. member
Damdep Bial 1. Pi. K. Vanlallawmi, Vice Chairman 2. Pi Zothanpari, Comt. member
West Phaileng Bial/Golden 1. Pi Lalhmingthangi, Comt. member 2. Pi PC Lalhmangaihi, Comt. member
Jubilee lawm
1 Revival Dept
Feb. 14 - 18, 2017 chhung hian Synod Revival Camping Center, Neihbawihah a duh apiang tan Camping buatsaih leh
a ni dawn a. Speaker tur chu Upa L.H Rohmingliana, Evangelistic Team a ni ang. Camping Fee 100/- mi pakhat tan
a ni a, Mutbu bakah Bible, Hlabu, Pen, Note Bu ken tur a ni. Camp neihna hmun Neihbawih-ah Chhun dar 11 atanga
tlai dar 4 inkarah Registration tih fel vek tur a ni a, rokhawlhna lian tak nei an nih loh chuan tlai dar 4 hnu lamah in
Register theih a ni lo ang. He camp-ah hian mawhphur turin Luangmual Bial ruat an ni.
1 KTP
w Synod Executive Committee (SEC) 255:41 rel angin kum 2016 atangin KTP Day chu February 16-ah hman a lo
ni ta a. Kumin 2017 KTP Day hi Ningani a nih avangin Mizoram chhung leh ram pawna Branch KTP ten zan lama
programme bik siam a remchangin a remchang lo mai thei a. Central KTP Committee-in KTP Day hman dan tur
ruahmanna thar eng mah a siam lo va. Kum danga ruahmanna lo siam tawh sa, heng a hnuaia ruahmanna point
hrang hrang a siam atang hian mahni Branch remchan dan anga KTP Day programme hi hman mai tur a ni ang.
1.Biak In hung chhung hmun remchang laia KTP flag tar
2.Mi harsa & damlote tanpui, Veng chhung & Biak in leh a vel thenfai.
3.Thisen pek
4.A remchan anga KTP thiltum & thupui zirho
5.A remchan anga mi hlate huikhawm zawnga Branch intihhlimna lam hawi programme buatsaih
w KTP member dinhmun chu hetiang hi a ni: Bial KTP : 197 (2016 dinhmun)
Branch KTP: 831 (2016 Gen. Conference report angin)
Member : 1,43,657 (2016 Gen. Conference report angin)
1 Socail Front
Synod Charity Store chu Tuikhuahtlang atangin Zosapthara Building, Mission Veng-ah an insawn a, tin, Kum upa
inkawmhlimna hmun (Old Age Centre) pawh Synod Conference Centre Committee room-ah sawn a ni bawk.
1 FEBRUARY 12, 2017 (Tv Programme) @ 3:00 p.m) :
Weekly Round Up, Missionary Tirhchhuah 2017
1 Moderator Programme
Synod Moderator Rev. Lalzuithanga chuan tunkar tawpah hetiang hian hun a hmang ang :
Feb. 11 & 12, 2017 Bethlehem Bial Kohhran Hmeichhe Inkhawmpui
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students Helpline :mizoramsynod@gmail.com
9856883377
Synod Information & Publicity
Phone - 2314648 Synfo