WWW.LAIBUSAAL.

COM

LUNGSIM TAWNG HONG EN PASIAN

Agelh - GS Pau

Topa in mihingte muh bangin mu lo hi.

Mihingte in a pualam a kilangte en a, ahih
hangin Topa in a lungsim en hi (1Sam.16:7).
Mihingte in a puatham kineihna ahi, meel hoihna, kamsiamna le kipuah siamte,
kineihsiamte kienin kipakta hi. Ahi zongin Pasian in i lungsim tawng(lungtang) hong en a,
kineihna pen mudah hi. Pasian in pawlpi khatpeuh hong et ciangin pawlpimi bangzah, sumpi
bangzah nei, Lai Siangtho pilna nei bangzah om cihte en masa loin a lungtang tawh Ka mai hong
zong bangzah om hiam, cih tawh hong en zaw hi. Tapi-daw pawlkhat nungtolh pahpah i cih pen a
lungtang tawh Pasian a biak loh man uh ahi hi. Tua mah bangin Pasian nasem pawlkhat a lawhcin
theihlohna zong lungsim takpi tawh Pasian mai a zon loh man uh ahi hi.
Pasian in i pilna, i siamna le i neihsate hong kal masa loin i lungtang bek hong kal hi. Pasian
in Ka ta aw, na lungtang kei hong pia in(Pau.23:26) hong ci hi. Pa-sian tungah i lungtang i piak
takpi nak leh i pumpi le i neihsate in zui pah hi. Pasian tungah i lungtang pia a, A maipha i zon leh
a kisam bangin pilna siamna hong guan thei hi. Pasian mizat minthang pawlkhatte nuntakzia en
ni.

1. Charles G.Finney:
1
ZOMI ELIBRARY / LAIBUSAA

WWW.LAIBUSAAL.COM

Pasian mizat minthang mahmah khat hi a, ama tung tawnin lim le nalamdang tampi piang hi.
Topa lunggulhlua ahih manin a ihmut loh sung khempeuh zan thapai-in Topa hopih den hi. A zi
ding pi dingin sakol tawh khual a zin laitak khua khatah Lungdamnathu a gen leh khanlawhna
piang ahih man-in tawlkhat sung taam hi. A kianga khuaten zong na kho uh ahih manin tawlkhat
mah taam hi. A lawmnu kiangah Ei kiteen ding pen kikhin thei a, Kha Siangtho nasepna pen
kikhin thei lo hi ci-in zasak hi. Khanlawhna kizom toto ahih manin kha 8 sawt hi. Amahn a genna
ah, Khuacinlang tawh hell en inla, kahna le ha gawinate ngai in. Tua ciang vantung ento inla
puanpak silh misiangthoten Pasian a phatna awte ngai in. Hih pen tuni-in kei sep theih hi lo hiam,
cih ngaihsun in, ci hi.

2. Evan Roberts:
Wales gam khanlawh nadinga Pasian mizatpa ahi hi. Kiniamkhiat mahmah a, sun le zanin
Pasian mai zongin thu ngen den hi. Thu a nget simin Topa aw, hong kuai kawi in, tu a sangin a
niamzaw ah hong khiasuk lai in ci beh lai hi. 1904 Dec. kha sungin a thugenna tung tawnin mi
70,000 piangthak uh a, thungaite a mawh lam uh kiphawklua ahih manin thu ngenngen uh a, thugen
zom thei nawn lo hi. 1905 March kha sungin a thugenna tung tawnin mi 85,000 piang-thak leuleu
uh hi. Leiba neiten a leiba uh loh uh hi. Thonginn te le limtang (biscope) etna innpite hawm ahih
manin kikhakcip hi. Kimawlna teng zong kitawlnga a, sang inn le inn lian teng thungetna inn
dingin kizang hi.

3. DL Moody:
America gam khanlawh nadinga Pasian mizatpa ahi hi. Lai tan 6 bek hi-in khedap zuak khat
ahihna tawh neuetna le simmawhna thuak den hi. Ahi zongin aman lungsim takpi tawh Pasian
mai zong den hi. Pasian lung-sim tuak ahih manin Pasian in nakzat mahmah hi. Khatvei pawlpi
khat in cialpi bawl ding, thugenpi dingin DL Moody sam ding ci-in geel uh a, Pasian in DL Moody
a zatzia kikum ngeingai uh hi. Tua laitak DL Moody a haza den mipil pian khat in DL Moody in
Kha Siangtho nei ci a, sap a sawm i hia? a cih leh sia khat hong nawhdin mahmah a, DL Moody
in Kha Siangtho nei a ci ihi kei a, Kha Siangtho in DL Moody nei-in zang ahih manin a sam nuam
hizaw hang ci-in a dawn leh tua pa hong daipah hi. Pasian in DL Moody nakzat mahmah ahih
manin a nuntak sungin kha mangthang 1,000,000 man hi, ci-in kiciamteh hi.

4. Oswald J Smith:
Kum 16 a phakin piangthak a,kum 17 ciangin gammial ah sangmang nasem dingin kipia hi. A
lungsim khempeuh tawh Pasian maipha zong ahih manin Pasian in thupha pia hi. Thugen siamin
laigelh zong siam a, laphuak zong siam lai hi. Ama tung tawnin Cadana gam Toronto khuapi ah
People Church cih pawlpi lian khat piangkhia a, tua pawlpi in sangmang 400 puakkhia hi. Gam
70 ah Lungdamnathu genin zin kawikawi hi. Amahn Mi khat in Lungdamnathu nih vei a zak
ding ngeina hi lo hi, a za nai lo tamlua hi, ci den hi. Kum 96 a phak (15-`1-86)-in hong nusia a,
a kivui ni-in Billy Graham in thu a genna ah, Sangmang, thugen siam, laigelh siam le laphuak
2
ZOMI ELIBRARY / LAIBUSAA

WWW.LAIBUSAAL.COM

siam a thuahkhawm ding kikhaat mahmah hi, leitung-bup in mi manpha mahmah khat taan hang
ci hi.

5. Billy Graham:
Tuni ciangciang Pasian mizat minthang penin kiciam teh hi. Pilna sangpi a neih loh hangin
lungsim takpi tawh Pasian maipha zong hi. Pa-sian nasep a kipat lai-in a lawmte khat in na pilna
niamlua a cih in lungneu sak mahmah a, amah zong khukdinin Topa aw, ka pilna niam ahih manin
hong huh in ci-in khitui luangin thungen hi. A thunget sungin Kha Siangtho lawnna thak khat
ngah a, tua in thahat sak hi. 1949 kum ciangin Los Angeles khua ah cialpi a bawlna panin hong
lawhcing mahmah a, tua huna kipan hong minthang hi. Tuni dong mah Lungdamnathu mah gengen
lai a, khamangthang 3,000,000 bang man dingin kigen hi.

6. George Washington Carver:

America gam mipil khat le nate thulam a siam (Scientist) khat hi. Sila innkuan pan a
khangkhia mivomte khat hi. A neua kipan Pasian bawlsa nate thu lungngai kawmin Pasian mai
zong den hi. Pasian in aalu le mawngphal thu kan in ci ahih manin aman zong kankan a, aalu
sungah nek theih nam 150 le mawngphal sungah nam 300 mukhia hi. Iswa State College of
Agriculture and Machanic ah kum 2 kah a, tua sang ah sia sem pah hi. Dept of Agri. Research, ah
kum 50 sung Director sem hi. England kumpi in a piak pakpak loh uh, Fellow of the Royal Society
of Arts in London a kici za lianpi khat zong pia uh hi. Bureau of Plant Industry of the United State
ah zong Collaborator sem hi. US Presi-dent in kumpi inn (White House) ah samin hih pilnate koi
pan ngah cih a gen na-dingin minit 10 hun a piak leh aman zong Topa thu a lungngaihna pan
Topa piak a hihna nai khat le alang sung gen hi.

7. Sen nungaknu:
Hih nu zong laitan sang nei loin Mikang lai zong siam lo hi. Kha Siangtho sungah kiphumna
a ngah a kipan Lungdamnathu gen loin om thei lo ahih manin maia suak tungah gen hi. Biakpiakna
ah zong maizum lo takin kihel den ahih manin a mu ngei lote bang in lungsim kicing lo sa liang
uh hi. Sangmang sinna sangah kah a, Mikanglai siam lo ahih manin kia den hi. Sangmang sem
dingin lai pil teng kila a, aman ngah lo hi. Siapipa kiangah pai-in a va thum leh Na pilna niamlua
ahih manin sang thukhun ka palsat nuam kei hi na cihsan hi. Lungneu takin ciah a, pawlpi khat
ah teci a pan leh tua pawlpi in sangmang dingin puak pah uh hi. Sangmangte khawmpi ciangin
amah pen a lawhcingpen hong suak hi. A lawmten sangah ka sin bangin sem ing, ci tek uh a,
aman Ci pen hong tuisuak ciang bekin i meh hong lim theih pan mah bangin Khazih adingin i
tuisuak ngam ciang bekin mi-ten Zeisu limna theitel pan uh hi, ci hi.
Source :
ZANGKONG AWGING
KHOL 16, HAWM 184
3
ZOMI ELIBRARY / LAIBUSAA

JUNE, 2006

WWW.LAIBUSAAL.COM

Zangkong Awging Laibu hawm in Zomi eLibrary/Laibusaal ading in Phalna ahong piak ahi hi.

4
ZOMI ELIBRARY / LAIBUSAA