Mi an bawhchhiatte in ngaihdam

chuan, in Pa vana miin a ngaidam

ve ang che u

Nang Malsawmna ni ang che

- Matthaia 6:14

Ram leh Hnam

Humhalh

Estd. : 24. 10. 1994 Pro. Permit No - 25 of 2004

Vol - XVIII Issue No 031, the 5th September, 2015 (Inrinni): Darthlalang Chanchinbu,

Damlo
Chanchin kan lakkhawm laia kan
vengchhung mi CHS awm te:
1. K. Lallianzuala
Sec-II
2. PC. Lianmawia
Sec-V
3. Rohlupuia
Sec-I
4. Lalhriathluim Hlondo Sec-III
5. Lalnithangi
Sec-IV
6. Lalhmingchhuangi
Sec-V
7. C. Lalsailiana
Sec-IV
8. P. Lianhnuna
Sec-IV
9. C. Thangbilha
Sec-IV
10. Elisianmawia
Sec-II
11. TC. ChatuannunbulaBHSS
12. Lalzawmliani
Sec-III
Blood Bank Report
Chanchin kan lakkhawm laia CHS
Blood Bank dinhmun chu:A
B
AB
O
17
18
8
17

TUALCHHUNG
#
Serkawn Tualchhung Kohhran
buatsaih Gospel Camping neih chu
vawiin hian an chhuak ang a, kar leh
Nilaini atangin a chhawng hnihna an lut
leh ang. Speaker Rev Lianchhunga
Khiangte a niin camper lut hi 54 an ni a,
heng zingah hian 5 tlanchhuakin a tawp
thlenga camp-a awm tluan chin hi 49 nia
hriat a ni.
#
VC
Serkawn
hmalaknain
Serkawnphei, Pu Lalhmahruaia dawr
atanga Pu K Lalnuntluanga (Jr) in
thlengin footpath siam thar a ni a, tunkar
chhung hian zawh fel hman tura ngaih
a ni a. Tin, Ramzotlang Biak In panna
(Church Road) tawntirh lam pawh zauh
chhoh a niin thlanglam retaining wall
siam thar a ni a, chhak lamah pawh retain ngai lai te retain a ni bawk.
#
Dt 4.9.2015 khan BCM Committee Room-ah Serkawn huamchhunga
telephone hrui a bo zin avangin MJA leh
BSNL te, Police, VC Serkawn leh YMA
Serkawn branch te chuan Joint Meeting
an nei a. VC aiawhin Lalbeiseia Pachuau,
Vice President telin SYMA atangin Pu C
Lalmuanzova, Pu K Biakthansanga leh
Pu H Lalduhthanga te an tel a. Saptui
kawr vela BSNL hrui zam san dan tur
leh phone hrui bo chungchanga
hmalakna tur hrang hrang te an sawiho
a ni.

Clean Serkawn

Branch YMA,

Hun awl hmanthat *

Kristian nundan tha ngaihsan *
Zofate hmasawnna ngaihtuah *
Serkawn :

Kartin

Chhuak

Page

YMA THUHLA
1. KHAWHAR IN RIAK:
Pi H. Lalrammawii thihna avanga Upa R Lalrosanga te ina
khawhar inriak te:
6. R.K. Rohmingliana
1. Lalrinchhana Lianhna
7. Lalmuanpuia
2. Lalhmingliana Chawngthu
8. Lalrosiama
3. John Laldingngheta
9. Lalfakzuala
4. Danny Vanlalnghaka
10. Zothantluanga
5. Laltanpuia
2. JOINT MEETING:
4th September, 2015 khan BCM Committee room ah Saptui
bula Telephone Hrui a bo zin avangin MJA, VC Serkawn leh SYMA
OB te chuan Joint Meeting an nei a. Police lam atang pawhin Joint
Meeting hi an rawn tel a ni. Joint Meeting ah hian Saptui bula
Telephone hrui in zamna tihsan chungchang te sawi hovin, vawiin
atang hian helai telephone hrui chhia hi siam tan theih beisei a ni.
Helai hmuna thilbo chungchangah hian hmalak tum a ni a.
Saptui bula Telephone hrui hi a bo zing ta hle a, tunhnai
hian vawi 5 lai hrui hi ruk a ni tawh. Telephone hrui rubo thintu/
te hi SYMA chuan ti tawh lo turin a ngen a. Manchhuah an/a nih
chuan a chungah SYMA chuan Action na takin a la ang. Hemi
chungchanga thu hria kan awm a nih chuan SYMA OB te leh
SYMA Kumpuan Committee member te hnenah hriattir turin
Serkawn mipuite kan inngen a.
Tin, zan lamah Saptui leh a chhehvel a ruihtheihthil ti leh
bengchheng an awm leh ta zeuh zeuh a. Helai hmunah hian
bengchheng siam phal a nilo a, ruihtheihthil ti leh bengchhengte
hi man an nih chuan SYMA chuan thuneitute hnenah an hlan
ang.

VC HRIATTIRNA
Chief Informatics Officer, Information & Communication Technology, Government of Mizoram hnen atanga thu kan
hmuh angin Village Council/ Local Council atanga document
pawimawh lakchhuah i.e.Tribal Certificate, Residential Certificate, Income Certificate etc ah te hian document lachhuaktu
hian pawisa chawi ve tawh se tih a ni a, document pakhat zelah
Rs 30/- aia tam lo mipui ten chawi ve tawh ni se tih a ni a.
Hemi chungchang hi ngun takin VC Serkawn sitting
chuan a ngaihtuah a, mipuite tana tha zawk tur ngaihtuahin
Rs. 10/- zel document khatah lak ve ni se tiin a rel a. Hei hi
Serkawn mipui ten min lo hriatsak turin kan han puangzar a.
September Thla atang hi chuan VC hnen atanga certificate
lachhuaktu reng rengin certificate pakhatah Rs. 10/- kan chawi
a ngai tawh dawn a ni. Hotu lian zawk atanga thu kan hmuh
angin kan ti a ni a, mipuite tan phurrit a nih loh kan beisei a ni.
sd/C. ZOHMINGLIANA
Secretary
Village Council/ Court Serkawn
#
Faina hapta han hnaih leh ta hle a. Serkawn mipuiten mahni
in leh a chhehvel fai taka enkawl turin kan in chah nawn leh a.
Veng fai ber lawmman lak i tum leh ang u.

SYMA LIBRARY HAWN HUN : THAWHTANNI, NILAINI, INRINNI (4:30 PM - 5:30 PM)

Vol - XVIII Issue No. 031, the 5th September, 2015, 2015 : Darthlalang Chanchinbu,

Editorial Board
Editor
Jt Editors

- John Laldingngheta
-9862196929
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff:Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
P. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

Chanchinbua Thuchhuah Chungchang

- Editors
Darthlalang chanchinbuah mi zahawm tak tak
te, khawtlang nu leh pate leh kan mi chhuanawm tak
tak ten thu in rawn chhuah a, chhiartute tan a tangkai
hle thin a, a lawmawm em em thin a ni. DT-a
thuchhuah thintute chhunzawm zel turin kan ngen
che u a, la chhuah ngai lote pawh thu leh hla thiam
tak tak in awm tih kan hria a, rawn ti zel ula, DT
kaltlang hian kan ngaihdan te, thu ngaihnawm leh
bengvarthlak te leh thil tangkai tak tak te i inhrilh
tawnin i infuih thar thin ang u.
Kan chanchinbu hi YMA ta a ni tih chhiartu
mipui ten min hriatsak nawn leh turin kan ngen che u
a. YMA ta, sorkar dan hnuaia leng kan ni. Fiamthuin
Mi tin chunga leng te han inti pawr ve hle thin mah
ila, dan hnuaia leng kan ni tih lantirnan a title hnuaiah
Pro Permit No-25 0f 2004 tih kan tarlan kiau hi.....
Information & PR Officer in permit puitling ni lo, permit tenau a pek hmanga chhuak ve tek tek kan ni a.
He chanchinbu enkawltu Editor atan pawh hian India khua leh tui, kum tling chin, sorkara thubuai nei lo
ngat nih a ngai ve ngei a nia.....
Thuchhuah chungchangah pawh hian
fimkhurna chin kan neih a ngai ve hle tih min hriatpui
ula. Thuchhuah tura min rawn pek te hi lo thlitfim theihna
kan Editor leh Editorial Board te, a neitu YMA hruaitute
hian thui tak an nei tih hriat a tha a. A awmzia an tibo
thak a nih loh chuan hlawi hlek emaw, belh zeuh emaw
pawh an nei thiang a, an duh phei chuan chhuah loh
hmiah theihna pawh an nei tih hriat tur a ni a.
Dawn ang ang a kawi a ngila tichhuak tur kan
nih loh avangin Editor pawh kan nei a, editor hian lo
siamrem leh lo paih then te leh editing hna reng reng a
mawhphurhna a ni a, theih ang angin Jt Editor te leh
member dang ten kan tawiawmin kan puibawm bawk
thin a ni DT hian typing thiam turu tak tak, Pu PC
Rova te leh Pi Marinchhani te kan chhawr lova, professional typist pawh kan nei hran lo tih pawh min
hriatpui ula. Thiam ang angin kut zungchal hmangin
kan han ti ve nawk nawk a, chhut sual hi a awm duh
ve hle tih pawh hriat a tha a. Hemi kawngah hian
insiamthat pawh kan tum nasa tih min hriatpui ula,
article thawhtu ten in article-ah chhutsual palh kan
nei a nih pawhin a tha zaiziain min hrilh thin ula kan
ti hle. Kan chhuan tur neih chhun inpekna nen kan
han ti ve tang tang a, chhiartute min finchhuahna kan
mamawh takzet a ni e

Branch YMA,

Serkawn :

Kartin

Chhuak

Page 2

YMA CHHANG PUAL

YMA Thuthlung
YMA hian thuthlung 10 kan nei a, chungte
chu YMA chhinchhiahna meichher thla 10 te hian
heng thuthlung 10 te hi an entir a ni:1. Mizote hi thlahtu atanga hnam huaisen,
tlawmngai leh hawihhawm kan ni thin a. Chung
zemawite chu ka nunphungah a par ve tur a ni.
2. Hlemhletna chi hrang hrang te, ruihtheih thil chi
hrang hrangte hi YMA nihphung nen a inkalh
tlat a ni tih hriain heng lakah hian ka fimkhur tur
a ni.
3. Kan hnem rohlu ber tlawmngaihna hi ka
hnampuite leh hnamdangte mithmuhah
chhuanzawm takin ka lantir ang a, Mizo Hnam
zahawmna puanchhuahna atan ka hmang thin
tur a ni.
4. Aia upa zahna hi Mizo Hnam zemawi tak a ni a,
kei aia upa zawk tawh phawt chu zah takin ka
entur a ni.
5. Hnamdangte ka hmusit mai tur a ni lova, an
ngaihnep theih tur zawngin ka awm tur a ni hek
lo.
6. Mahni intodelh hi zahawmna leh huaisenna a ni
tih hriain mite bantu ni lova mite tanpuitu ni turin
mahni kein ka ding thei tur a ni
7. Nungcha, thing leh maute hi mihring ten kawng
tinrenga kan mamawh an ni tih hriain theihtawp
chhuahin ka humhalh tur a ni.
8. Ram roreltute thawhpui thiam mi, sawisel mai
lova thurawn petu nih ka tum tur a ni a. Sorkar
tan khua leh tui tha ka ni tur a ni
9. Mahni tanghma chauh thlir lova midang tanghma
ka thlir fo a tul a. Midangte ngaihdan zaha tawm
thiam mi ka ni tur a ni
10. YMA member ka nih avangin Mizo Hnam
mawina leh YMA thianghlimna puangchhuaktu
ni turin ka nunphungah ka fimkhur reng tur a ni.

YMA Kaihhruaina
(YMA Dan Bu hian YMA Memberte nun
kaihhruaina atan a hnuaia point 10 te hi a chhawpchhuak
a -Ed) YMA Member chuan hetiang hi nih a tum tur
a ni:1. Mahni inthunun leh invawngfel mi
2. Chhungkaw vawngfel mi
3. Thudik ngaina leh tan tlat mi
4. Teirei peih mi
5. Mi hawihhawm
6. Mi tlawmngai leh tangkai
7. Khawtlang thatna ngaihtuah mi
8. Sakhaw zah thiam mi
9. Pi leh pute dan tha venhim tum mi leh...
10 Zu leh ruihtheihthila insum mi
------------YMA thuthlung leh inkaihhruaina hi zawm
theuh thei ila, kan ram leh khawtlang hi chu a nuam
khawp ang. YMA leh YMA Chhang memberte hian
YMA member nundan turin ka nung em?
Inkaihhruainate ka zawm em tiin mahni kan inenfiah
fo dawn nia.

SERKAWN I VAWNGFAI ANG U

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No. 031, the 5th September, 2015: Darthlalang Chanchinbu,

TeachersDay Special

PU V. LALRINMAWIA
CHANCHIN
Vawiin Teachers Day vawi- naah hian kan veng
atanga State Award dawngtu Pu V. Lalrinmawia,
Headmaster Theiriat Middle School chanchin tlangpui han
tarlang ta i la a tha awm e. Hei hian tuna zirtirtu ni mek
leh la ni mai tur te tan chona a nih ngei kan beisei a ni.
Pu V. Lalrinmawia hi Pu Lalzawma leh Pi
Khuangzingi Saza Hrahsel (1948 khan an innei a, an palai
te chu Papuia leh Khuanga an ni tih record thlap a ni ) te
fa pangana ni turin 9. 7. 1960 (Inrinni) zanlai-ah Sialhau
khua-ah a lo piang a, unau hmeichhia panga leh mipa
pathum an ni. Hriat ve reng rengah an unau, upatdan
indawtin han tarlang teh ang:
Lalhliri
Zahmingliani
Rodangi
Lalnuntluanga
V. Lalrinmawia
Laldinpuii, Tlangmawii
V. Lalthansanga
te an ni. Pi H. Vanthangpuii nen 10. 5. 1985 (dar 10:00)
Friday-ah Upa Selkungan in neihtirin fa pali (Mipa 2 leh
hmeichhia 2) an nei a. An fate pianni leh pianna hmun, a
chhartute leh an pian hlima an rih dan, Baptisma chantirtu
leh an channa Kohhran thlengin a chhinchhiah thlipthlep
a ni. An fate pawh hi lehkha zirna lamah rual an pawl
hle a. An fanu te phei chu vantlang chunga leng an ni ti
ila kan sawi sual hauh lovang.
Zirna lam:
Kum 1967 ah A Pawl atanga tannin Pawl I-ah a
tih tha pathum pawl III-ah an sawn zingah a tel ve hlauh
mai a. Tichuan Pawl II bawh kanin Pawl III a zir a,
Promotionah an pawlah chuan 5th Position a la hauh phak
a ni. Kum 1980 ah HSLC Second Divisionah pass in PUC
(Class XII) pawh Second Class-ah a pass leh bawk a ni.
Tichuan BA zir zawm lehin a pass hnuah Zirtirtu lamah
a kal ta a ni. Kum 1983 khan zirtirtu hna a zawm zawk
a, mahse lehkha zir leh thain a hria a, a hna hmuh chu
bansanin zirna lamah a in ziak lut leh ta zawk a ni. Zirtir
lamah hian a tui ngang a ni ang a graduate hnu kum
1985 January thla atangin M/S ah thawk lehin hemi kum
hian a nghetin a thawk chho ta a ni. Tun thleng hian
School hrang hrang 7-ah a thawk tawh a ni. Zirna lama
a nih thlen chu BA, D. Ph.ED, Dip. Ed a ni. Sawi hmaih
hauh loh tur chu Panisagar a a zirlai(1996) khan RCPE
Best Player (Hockey) a dawng a ni. Tlan lamah hian
Serchhip College a kal laiin Cross Country Race-ah
pakhatna a lo hauh tawh nghe nghe a ni.
Khawtlang tan a tha leh zung a hmang nasa em
em a. Kum 1980 chho khan Br YMA Kawnveng,
Chhiahtlang chuan Tlawmngai leh hnathawk thaber
chawimawina Certificate, Nungchang thaber leh
tlawmngaiber Chawimawina Certificate, Hnathawk
thaber Chawimawina, Tlawmngaiber Chawimawina, etc.
an lo hlan tawh a. SYMA lehkhabu siam Zoram hi kan
ram a ni (2002) ah khan Convener a ni a. Lenghawr(2006)
tih chhuahah khan Secretary & Managing Editor a lo ni
tawh a ni. Consumer Association lamah hian a mikhual
lo khawp mai. Consumerte dikna chanvo humtlat duh
mi a ni a. District leh Branch ah nihna hrang hrang lo

Branch YMA,

Serkawn :

Kartin

Chhuak

Page 3

vuan tawh a ni bawk. Serkawn Sikulpui a lo

dinthar leh nana theihtawp chhuah tu zingah a
telin tun thlengin a la tangkai hle a ni. Carey
English School Managing Board Asst Secretary
kum 2 zet a lo ni tawh bawk. Village Education
Committee Treasurer kum 4 zet a lo chelh tawh
bawk a ni.
Kohhran bel tlat mi a ni tih hi hai rual a ni
lo. Sunday School lamah hian Superintendent,
Secretary, Asst Secretary leh Committee Member
hna a lo chelh tawh thin a. Zirtirtu hna hi kumin
thleng hian kum 19 zet a lo thawk tawh a ni.
Building Committee, Mission/Ramthar, Finance
Committee, Social Front, Property Committee, etc.
tih ah te hian nasa nihna pawimawh tak tak a lo
vuan tawh thin a ni. Chhiahtlanga a awm lai
pawhin theihtawpin Kristian Thalai Pawl ah a in
hmang thin a. Hruaitu nihna kawng hrang
hrangah changin Hruaitu chawimawina pawh
Chhiahtlang Pastor Bial leh Kawnveng Branch KTP
ten an lo hlan tawh a ni. Tunah hian BCM
Ramzotlang, Serkawn Kohhran Secretary hna a
chelh mek a ni. Bible Society of India-ah hian Chief
Patron Member niin National level, Auxiliary,
Branch/Area level, etc ah nihna hrang hrang
chelhin rawng a lo bawl tawh bawk a. Education
lam hawi article tam tak a lo ziak tawh a. Radio
Talk pawh vawi duailo a lo nei tawh a ni. Sermon
leh Article pangngai pawh thahnem tak a lo
buatsaih tawh bawk a ni.
Sawitur a tam hle a, hmun a chep a vangin
kan sawi kim vek thei lo a. Engpawh nise, hrechiang
duh kan awm chuan amah hi pa kawm nuam tak
mai a ni tih hria ila a tha awm e. Engpawh nise,
hetianga kan veng atanga Teachers Award dawng
kan han nei thei leh hi a lawmawm kan tia, Branch
YMA chuan kan chhuang em em a ni.

NREGS LEH RINGTUTE

-H. Lalchhingpuii
Serkawn.
He tawngkam hi chu Mizotawng ang maiin
kan hmang ta; Kan hre lar hle mai, I NREGS
dawn em? kan tih chuan I hnatlang dawn em?
tihnaah kan ngai nghal mai. Ni e, kan ramah hian
eiruk hlemhletna kan tihbo dawn chuan kan hlawh
phu a, hlawh pawh kan beisei angai ang. NREGS
kan thawh thin pawh hi mi thenkhat ten
thatchhiat zirna ang lekah kan ngai tan ta hialin
a lang a, a pawi khawp mai.
NREGS hi a chang chuan chawhma emaw
chauh te kan thawk a, nikhatah Rs. 183/- kan
hlawh a; kan thawh chhung hian taima taka thawk
ve a trul khawp mai.
Naupang deuh leh tar deuh leh thalai deuh
ten hna thuhmun mkan thawk a, thalai deuhte hian
naupang deuh te entawn tlakin thawk ila, tar leh
upa deuh te awl thiam bawk ila; naupang deuhte
pawhin Ka thiam lo ti mai lovin zirnan hmang
bawk ila a tha hle ang. Kan fate a zawmthaw/
thatchhe pawl/awlruk tum pawla tang lo turin i
fuih thar zel ang u.
Ringtu chu a thatchhe tur a nilo tih hi
thupuiah i nei theuh ang u.

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No. 031, the 5th September, 2015 : Darthlalang Chanchinbu,

Branch YMA,

Serkawn :

Kartin

Chhuak

Page 4

INFIAMNA
KHAWVEL
FOOTBALL:
Kan tuipui em em Club hrang hrang ten Player
lei leh hralhna hunpui an hmang zo leh ta reng mai.
Tun Transfer Window bikah khan thil chhinchiahtlak a
awm nual a, chung zing a langsar zualte chu:
Kumdang zawng aiin Premier League club ten sum
an hmang hnem a, club zawng zawng sum hman hi
a vawi khat nan 1.33bilion a kai pha a ni.
Premier League club zingah hian Manchester City
chuan sum an seng hnem ber a,an player manto
ber ni turin Kevin De Bruyne leh Sterling an la lut
a, player dang engemaw zat lei na nen 241million
an seng a ni.
Khawvela naupang manto ber ni turin Manchester
United chuan Anthony Martial chu Monaco
atangin 36m in an la lut a. Ti hian ManU player tho
Luke Shaw leina man record chu a rawn khuma ta
a ni.
Premier League club ten an sum hmanral zawng
zawng 67% hi England pawn a club dangte hnen
atanga an player lakluhna senso a ni.
Khawvel ram hrang hrang a League awm zawng
zawng zingah Premier League hian sum an hmang
tam ber a, a dawtah Serie A in hmang tam velehin
Laliga, Bundesliga leh Ligue 1 ten an dawt veleh a ni.
Premier League in heti zat zat sum hman tur an
neih theih nachhan hi League-in khawvel pum huap
in ngaihhlut a hlawh zual a, TV rights 3.018bn
atangin 5.136bn a a pun vang a ni.
Tihian Season tawp hunah Table mawngphah
pawhin 99m dawngin, Champion phei chuan prize
money ringawt pawh 150m an dawng anga, hemi
bakah hian Sponsorship leh Tv a inkhel an
pekchhuahna leh adang neuh neuh atangin sum
hmuhtur an la nei nual bawk dawn a ni.
Tun transfer window chhung khan Internet lamah
chuan Manchester United leh Spain goal keeper
David De Gea chuan ngaihven a hlawh hle a,
mihring 338,997 laiin an tweet hman a. Ngaihven
hlawh ber e ti lo chuan aman tur inbe fel vek tawh
siin, Transfer hun tawp dawn minute tlem chauh
awm tawhah lei tumtu Real Madrid leh a khelhna
ManU ten lehkha an inpekfel hman loh avangin
ManU player a ni chhunzawm dawn ta rih a ni.
FIFA World ranking ah a vawikhat nan Wales
chuan England lehpelin 9 naah an awm a, England
hi 10 naah an awm thung. Tunah hian Argentina
chu 1 ni mekin, Belgium in a dawt a, Germany 3na
ah an awm.
TENNIS:
Tennis khawvela kum 27 hnuah kumkhat
chhunga Title liantham vawi li la thei leh hmasa ber ni
turin Serena Williams chuan tuna an khelh mek US
Openah vawi 5 chauh chak a mamawh tawh a. Mipa
No-1 Novak Djokovic chuan awlsam tein second
round a paltlang a, inhliam vanga chechhe tluang rih
Nadal pawh harsa takin a chak hram bawk a ni.
----------------TUALCHHUNG---------------Kan Member Jeremy Vanlalpeka Sec-II chu Independence Day Badminton Tournament neih zawh
takah khan Mens Junior-ah a champion a, Mens
Single-ah pahnihna a ni bawk a ni . Tin, Pu Lalnunpuia
Pachuau Sec-II te pawh Mens Double ah an champion a, kan lawmpuiin kan chhuang hle a ni.

In sakna bungrua leh hmanraw hrang hrang

Lunglei kal ngai lovin, Lunglei rate in awmhmun ah
a lam mai theih ta. Serkawn Hardware, Serkawn
Indoor Stadium Opposite ah dawr theih a ni ta e,
duh leh mamawh hriat duh nei tan phone number
tarlan ah hian zawh theih reng a ni e.
Thing heh lo chi thuk chi hrang hrang subsidy rate (Rs.1000/-)-in tlawm taka lei theih a ni a.
Heng thuk te hi tunlai thiamna hrang hrang
hmanga thing heh lo tura siam an ni. Subsidy-a lei
duh tan Aadhar Card emaw Voter ID emaw xerox
copy ken a ngai

VAWK SA REP
Tualchhung Vawk sa rep tha tak mai lei tur kan
nei a. Serkawn mipuite khawngaih taka min lo
dawr thin turin kan ngen a che u.
Champuii w/o T. Lalsangliana
Section II, Serkawn
Darthlalang ti ti
#
BSNL ho nena han meeting tak tak chu kan
Treasurer Pu Muanzova pawh saptawngin thu a
sawi a, a sawi tui deuh a niang, a thut tawh hnuah
pawh Fin Secy Lawma Pa te ho saptawngin a la hau
zui nawk nawk mai....
#
Tv Sangzuala Sec-V, Tv Tluanga Sec-IV te
camp chhuak chu an rawn fai haw vuk mai.... Tv
Ruatfela Sailo Sec-IV hi camp chhuah veleh inmeh
fai ve ngei chu a ngai ang.....
#
Nula thenkhat chuan make-up te an zuar a,
Nl Te-i Sec-I (Serkawn Hardware) hi chuan tuboh
te, thir tiang te, thuk te, chempui te a zuar leh hmiah
mai.... Zuar man ve khawp mai.... Pi Mamuantei
w/o Pu Sangzuala Sec-IV nulat lai ang deuh a nia....
#
Section-V Whitehouse pawh uluk taka sak
chhunzawm a ni a, a neitu U Valpuia Sec-V hian
hlawhfa a veng uluk hle.... Tin, tunlai chu Petros-ah
hian tihsual a tam thei riau an ti a, an Editor thla thar
nghakhlel lutuk hi a buai zo vek emi aw....
#
BHSS ho function-ah sound duty a han awm
chiah chu mit pahnih hian min daih meuh lo, mit
paruk vel neih a chakawm khawp mai
- Tv Ruatmawia Sec-III
#
Kan Manager Pu Muanawma Sec-V hi LPK
driver-ah a inlet a. A khalh chu a thiam reng a, a bun
a la thiam vak lo.... Section V a Zawngte tuikhur bula
bun tur te hi Pu Hluttea Sec-II te in bulah te a bun
daih zel, bun thelh chiang berah kan puang e

TO THE WORLD YOU MAY BE JUST A

TEACHER BUT TO YOUR STUDENTS YOU
ARE A HERO
Serkawn huamchhunga Zirtitute zawng zawng hnenah
ZIRTIRTUTE NI chibai kan buk a che u -DEB

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies