Sei sulla pagina 1di 4

Mi hnena thudik pakhat

chauh sawitu chu thudik


tamtak sawi a dawt pakhat
sawi leh si tu ai chu PATHIAN
mithmuhah a dik zawk a ni
-Criss Jami, Killosophy

Nang Malsawmna ni ang che

Ram leh Hnam


Humhalh

Hun awl hmanthat *


Kristian nundan tha ngaihsan *
Zofate hmasawnna ngaihtuah *

Estd. : 24. 10. 1994 Pro. Permit No - 25 of 2004

Vol - XVIII Issue No 022, the 4th July, 2015 (Inrinni): Darthlalang Chanchinbu,

DAMLO
Chanchin kan lakkhawm laia kan
vengchhung mi CHS awm te:
1. Z D. Lalneihpuii
Sec-IV
2. Nl. J. Lalhmachhuani Nurse
3. Pi F. Lalhlupuii
Sec-I
4. R. Lalbiakliana
Sec-I
BLOOD BANK REPORT
Chanchin kan lakkhawm laia CHS
Blood Bank dinhmun chu:A
B
AB
O
4
20
2
44
Tunkar a kan kan veng chhung CHS
a thisen pete:
1. Dr. HS. Lalchungnunga Sec-II
2. Dr. Hmingthanmawii
Sec-III
3. Dr. Joseph Vanlalhruaia Sec-II
4. J.R. Lalduhsaka
Sec-V
5. R. Vanlalhnaii

TUALCHHUNG NEWS
#
Nimin 3rd July, 2015 atang khan
BCM Ramzotlang Biak In-ah BCM Mission Covention neih tan a ni a. Naktuk
5th July, 2015 thleng neih tur a ni ang.
Speaker atan Nl. T. Lalzamlovi, BCM
Missionary Rotlang West a thawk mek
hman a ni.
#
Naktuk 5th July, 2015 hi BCM ni
pawimawh BCM Missionary Sunday a
ni a. BCM Khawiva, Serkawn leh
Ramzotlang ah te hun hman a ni ang .
#
K. Lalnunpuia (Tete-a) s/o Pu K.
Lalbiaksanga Section-IV chu IIT
Guwahati a zir turin a in ziak tling a.
Serkawn a khawtlang a hetiang mi kan
la nei hi a lawmawm em em a. A zir zelna
turah duhsakna kan han a ni.
#
Nl. K. Lalnuntluangi d/o Pi.
Rohnuni Khiangte Section-II chu
Navodaya Vidyalaya Samiti, Kawmzawl
ah zirtirtu hna a hmu thar a. Kan
lawmpui em em a ni. Karleh lamah
School Campus lamah a awm phei dawn
a ni.
#
SYMA Asst. Secretary Pu H.
Lalduhthanga
thiannu
Pi
P.C
Lalramhluni nu, Pi H.S. Zangengi
Theiriat, chu 27th June, 2015 khan a boral
a. Khawhar lusun chhungte kan tuarpui
takzet a ni.
#
Serkawn Congress Unit hruaitu
thar thlanna 29 th June, 2015 a neihah
heng mite hi thlan an ni:
President
: J.H. Kawllianmawia
Vice- President : C. Chawngzika
Treasurer
: Lalzuithanga

Branch YMA,

Serkawn :

Kartin

Chhuak

Page

YMA THUHLA

1. SYMA EXECUTIVE COMMITTEE AGENDA:


13th July, 2015 (Thawhtan) zan khi SYMA Executive Committee neih hun a lo ni leh ta a. Executive Committee a agenda
thawh tur neite chuan SYMA Asst. Secretary, Pu H. Lalduhthanga
hnenah hriattir lawk leh tur a ni.
2. SYMA SECTION-VI REPORT:
SYMA Section VI chuan 30th June, 2015 (Tuesday) khan
sum tuak inhlawhfak neih a ni a. Hemi ni hian branch YMA Secretary, Pu F. Lalhmangaihthangan thingpui inna a tumsak a.A
chungah Section-VI SYMA te an lawm hle a ni.
Tin, hemi ni vek hian Section-VI YMA in Project a an lo
neih Notice Board leh Bawhhlawhbawm hmun thuamah an dah
bawk a ni. Hemi ni hian member te an thawkchhuak tha hle a ni.
3. SYMA SECTION-V REPORT:
Section-V Half Yearly Report:
i) OB Meeting hi vawi-4 n3ih a ni.
ii) Executive Meeting vawi-1 neih a ni.
iii) Section huam chhunga hmalak tawh te:
a) Faina kawng a hma kan sawn theih nan chhungtinte hnenah mahni
in leh a vel vawng fai tha tur ngenna lehkha pekchhuah a ni.
b) 9th March, 2015 (Ningaini) zingkarah khawlai tihfai hnatlang thawh
a ni a. Member sawm leh panga (15) an thawkchhuak a ni.
c) 15th April, 2015 (Nilaini) khan Pi F. Tlangmawii-te inah
bawlhhlawhbawm siam hnatlang thawh a ni a. Bawlhlawhbawm
37 siam a ni. Member 12 an thawkchhuak a ni.
d) 10th April, 2015 (Zirtawpni)khan hnatlang thawh a ni.
e) Section OB Designation Plate siam a ni.
f) 16th May, 2015 (Inrinnia) khan Ramzotlang Biak In panna kawngpui
chhe lai Boulder leh Cement hmanga siam that hnatlang thawh a ni.
g) 29th May, 2015 (Zirtawpni) zingkarah khawlai tihfai hnatlang neih
a ni.
iv) Sumtuakna:
a) 23th &25th Febuary , 2015 kha Pu F. Lalhmangaihthanga balu
thiar hnatlang thawh a ni. Cheng sanghnih (2000) hmuh a ni.
b) 267th March, 2015 (Inrinni) khan Lucky Ticket siama sumtuakna
neih a ni. Cheng sangriat (8000) hmuh a ni.
c) 1st & 2nd May, 2015 khan Pu F. Lalhmangaihthanga balu thiar
hnatlang thawh a ni. Cheng zasarih (700) hmuh a ni.
d) Section huamchhunga Name Plate siamtir a ni. Cheng sanghnih
leh zanga (2500) hmuh a ni.

MHIP MEMBER HRIATTIRNA PAWIMAWH


6th July, 2015 hi MHIP Day a ni , he kan day hi hlung tak
leh hlim taka hman tum a ni a, intihhlimna items hrang hrang a
awm dawn a ni. He hun hi kan day a nihna angin MHIP Member zawng zawngten ngai pawimawh theuh ila, kal vek turin
kan inhriattir a ni.
Sawhchiar tuihnai tak siam a ni dawn a, Luckey Ticket
vawr nghal tur a ni ang. Hlim taka nuih bawk bawk i duh chuan
lo kal ve ngei ngei ang che.
A hmun
: Middle School Serkawn
A hun
: 6th July, 2014 (Thawhtanni) 11:00am
Sd/- Secretary,
MHIP, Serkawn

SYMA LIBRARY HAWN HUN : THAWHTANNI, NILAINI, INRINNI (4:30 PM - 5:30 PM)

Vol - XVIII Issue No. 022, the 4th July, 2015 : Darthlalang Chanchinbu,

Editorial Board
Editor
Jt Editors

- John Laldingngheta
-9862196929
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Secretary
- R. Lalthanpuia
-9863170417
Circulation Staff:Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
P. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

Naupang Vak Mai Mai....


Tunlaiin Serkawnah naupang kum 14
hnuailam, a then phei chu kum sarih kum riat vel
lek lek tur te pawh an ni. Zanlama vak mai mai an
awm nual a, zanrei fu fuah te pawh khawlaiah hmuh
tur an awm leh hul hul thin. Hetianga naupang vak
rawlai te hi tam phei chu an ni lova, mi hrang hrang
ni lovin chhungkhaw 2/3 ami te an ni deuhin a lang
a. An vak rawlai nasain vengdangah thleng thlengin
zanlamah an lengkual ve thin a ni.
A khawtlang ang pawhin mi hmuha kan
lanmawi loh theihna leh mite mak tih kan hlawh
theihna a nih avangin chhungtinin kan naupang te i
enkawl ulukin i khuahkhirh tha lehzual ang u. Uap
tu nei lova zanlama naupang nu leh pa, pi leh pu
emaw puitling tumah awm lova chhuah bosan pawh
hi a tha lo em em a. Kan member pakhatin nauapang
khawlaia tei mai mai (kum 10 mi vel) a zawh chian
pakhat chuan a nu in Dar 9:30 velah a chhuahsan a,
an unauin an teichhuak ve daih niin a sawi. Hetiang
hi chin tam loh a tha hle a, loh theih loh va naupang
kan chhuahsan a nih pawhin awmdan tur
chiangkuang taka hrilh a tha khawp mai
Tin, naupang enkawl uluk leh khuahkhirh
that hi khawtlang lan mawi nan mai a ni lo, kan
HIMNA atan pawh a pawimawh a. Tunlaiah inruk
bo, tualthih mai mai a tam a, puitling te pawh
khawlai a him tawk tawh loh laia naupang zalen
taka tualchai mai mai hi a him miah lo tih hria ila.
Thil duhawm lo tak thleng se Serkawn thil thleng a
ni leh tho tho dawn a, a hunlaia kan inven that loh
avangin thil duhawm lo tak kan tawk palh thei
Naupangte hi kan hmachhhuan, nakina kan
khawtlang leh ram hmelhmang tur an ni a, nakin
lawka chhungkaw enkawltu tur an ni. Enkawl loh
fa, duh duha tuallaia leng mai mai te hian hmalam
hun eng tak min thlenpui a rinawm lem loh a. Fel
taka chhungkua, khawtlang leh ram tana an nun a,
mi chhenfakawm an tlin zawh loh a hlauhawm em
em a ni. A child is a father of a man tih hi hrereng
ila, tuna nu leh pa te, tuna puitling te hian nakina
min enkawla min tuamhlawm a, min vuiliamtu tur
tuna naupangte hi uluk takin enkawl ila, an kalna
awm kawngah chuan i zirtir ang u....

Branch YMA,

Serkawn :

Kartin

Chhuak

Page 2

YMA CHHANG PUAL


Spain Lal Leh Thingtlang Khua
Kan Lalpa Kum (AD) 770-na vel kha niin
mithiam te chuan an ngai a. Khatih laia Spain lal King
Aurelius-a chuan a khawpui San Martn atangin
thingthlang khaw pakhat a tlawh dawn a.
He thingtlang khua hi kum 1000 aia rei lal leh
thuneituten an tlawh ngai tawh miah loh a nih avangin
a khaw mite chu an hlimin an lawm kher mai. Lal chu
ropui leh tha taka lo hmuah a, thilpek tha thei ang ber
lo pek an duh a, tihdan tur an rel ta a. He khaw mite hi
an retheih em avangin lal tana thil ropui tak han tih tur
an hre lo hle. Mahse, lal chu anmahni phak tawkah
tha leh ropui thei ang bera lo dawnsawn an duh a.
Tihdan tur an ngaihtuah chhuak ta. He khaw
mite hian wine siam an thiam em em a, an wine siam
thiamna hi miten an khua an hriatlarna awmchhun a
ni a. Tichuan, ro an rel ta a, in tinin wine bottle khat
theuh, an theih tawka tui leh thain an siam ang a. An
khaw kawtchhuahah wine bottle 100 chuang lenna tur
wine dahna bawm (wine barrel) lian an chhawp ang
a, tah chuan chhung tinin
an wine siam chu an
chhung khawm ang a. Lal
chuan chutiang wine tha leh
tui, chutiang reng renga tam
chu a la hmuh ngai dawn
loh avangin a hlimin a lawm
hle dawn a ni. Mipuite chu
an phurin an lawm em em
a. An wine dahkhawm tam
turzia leh lalpan a hmuh
Wine Barrel
huna ropui a tih turziate
chu an khaw titi lar ber a ni
ta a. Chhungtin chuan wine an siam uluk zia sawiin an
khaw hotute chu thing hmanga wine barrel siamin an
buai map map a.
Lal lo thlen ni tur chu a lo ni ta a, wine chu an
chhungkhawm ta..... An wine barrel mawi taka chei
chu kawtchhuahah, lalpa Aurelius-a lo thlenna turah
chuan an hungchhuak a, chhung tin mai chuan an wine
siam chu an chhung lut theuh a.... Lalpa Aurelius-a a lo
theng, a thuam famkim nen, sipai thuah sarih venna
hnuaiah a lokal a, a ropui kher mai....
An wine chhuan tawlawl an chhun khawm chu
lal chuan a han in a, wine tih a hre ta reng reng lo...
Tuisik mai a lo ni tlat... Engtinnge chutiang a lo nih
theih? Wine chu tunge tuisikah chantir????
Ele... anmahni Bellevile khaw mipuite mawle?
Wine barrel-ah hian tuisik dah ila, midangin wine tha
chi an dah vek chuan ka tuisik dah chu a lang tham
lovang tih rilru an lo pu vek a, an vai chuan TUISIK vek
an lo chhung lut a lo ni.... Lalpa Aurelius-an he thu a
hriat hian he Belevile khaw mipui rinawm lo tak tak te
chu anchhia a lawh a, vawikhatmah a tlawh leh tawh
lova ni.
Mizoram leh Hnam tana pawi tereuhte i khawih
a, a pawina a lang lo emaw i tih kha a lan hun a awm
ang. Serkawn hmingchhiatna a thlen lo emaw tia i
nungchang mawi lohnate, in chhungkua in mualpho lo
emaw i tih vanga thil sual te tak te i tih te kha thup bo
hlenin a awm lovang entikah emaw chuan ila
mualphopui dawn, chuvangin dik lo leh sual tih i hriat
te chu kalsanin thil tha ti ze ang che....

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No. 022, the 4th July, 2015 : Darthlalang Chanchinbu,

AN LUNG A LENG VE NGEI ANG


-H. Thanthuami
Section-V
Kum sawm zet liam ta han thlir kir chuan
lunglenna tur thil tam tak a lo awm hman reng mai. A
thu tlangpuia ka han hman hi zaithiam R.
Lalhmangaiha (L) hla thu tawm ka ni lo tih erawh
chu chhiartute hriat ka duh. Ka rilru ah BKHP te
rawngbawlna ka han chhui let hian ka lung a leng hle
mai a, Serkawn a kan rawngbawl ho lai kha ava
ngaihawm ta ve tiin, rawngbawlpuite pawh an lung
a leng ve ngei ang ka han ti a ni. Hun a lo ral zel a,
tunah chuan hranghlui ti a chhiar theih ka lo ni ve ta
in ka inhria a, tuna hranghlui senior BKHP member te
an hming han thai lan ka duh tlat mai. Heng hote hian
kan rawngbawl ho lai khan min lo uap nung hle mai,
an zarah leh an mi dawm kanna zarah chanvo te kan
han chelh ve nawk nawk thin kha a ni a. Chung ho te
chu: Pi Kawlkungi, Pi H. Lalhmuaki, Pi R.L.
Thanmawii, Pi Ngurziki, Pi Zanghini te ho, thenkhat
ten he khawvel an chhuahsan tawh nual bawk. Anni
pawh thinlungah an la cham reng bawk.
Khang hun lai khan BKHP te hian
Inkhawmpuina leh Special Programme ah te hla sak
chanvo kan nei ve fo thin a. Kan thiam vang ni lovin
Lalpa rawngbawlnaah nghet takin kan ngai a, chu
chuan kan vaiin huaisenna pawh min pe niin a lang.
Sawi lan hmaih phal hauh loh Pi Saithangi kha hla
sak nuam ti mi tak a ni bawk a, tum khat pawh a hla
thlan kan rem nghe nghe a. KHB. No. 177-na Joba
19:23-na behchhana phuah, Ka thantu chu a nung
tih ka hria tih a ni. Tunah kan zingah a awm tawh
lova, Kei chuan he hla ah hian Pi Saithangi ka hre reng
thin a ni. A ruang thlahni pawhin BKHP member
tlemte in a thlah nan kan sa nghe nghe a. Kan Senior
ten a hla duh ngeia thlah an rawt sia, enlawk pawh
awm lovin kan sa ve ta a ni. Hming tar lan tak kan
senior te hi hla sak tui mi vek an ni a, hla thlan tur
pawh hi Pi Lalhmuaki chuan a Alto hi a hneh em em
vek mai bawk a.
Tumkhat chu kan member Pi Lianngaii ralna
hun kan hman in tan hmaiin kan zai hova, KHB. No.
463-na, Thihna lo thleng tur kan nghah chu tih kan
sa a, kan sak zawh veleh Pi Zanghini (Nu Tuaii) chuan,
..he hla hi ka hla duh deuh mai ania, ka thih hun
chuan hei hian min thlah dawn nia.. a ti a, kan nui
ham ham a ni. Keipawhin he hla hi ka duh khawp, ka
sa khat emai pawh a. Tumkhat kan hla rem tur chu
Nu Tuaii hian a thlanga, Kan hmachhuan ram mawi
chuai ngailo tih hla, Sap hla atanga Dura Chawngthu
lehlin a ni a. Thenkhatin mak an lo ti deuh va, a chhan
chu hla phuahthiam Lalzovan a kaih lek a a siam ve
kha a lo lar zawk si a, mahse, senior in a thlang miau
va, kan rem ta. Khatih lai khan kan senior te hla thlan
kan sa (zir) deuh ber thin a ni.
Tunkhat Zohnuaiah Bial Inkhawmpui ah
Serkawn in hla kan rem chu a hla kan hre fuh thei ta
lo, I kawng zawh lai kha chhut ngun teh tih nge
Khawvelin Isu a mamawh che ka hre thei ta lo. Upa
K. Chhinga kan Senior Adviser a nih laiin min hova,
hla ka rem tur chu a han la vang vanga, kan han sa
chu a sang em em mai a, kan hah khawp mai. A Tenor
phei chu a tihngaihna kan hrelo. Chang 1 leh a
thunawn a zawh khan a lak nawn kan beisei a, kan sa

Branch YMA,

Serkawn :

Kartin

Chhuak

Page 3

chhuak hram a ni. Kan haw kawngah kan han tawng


bawrh bawrh hlawm mai a, Kan han nui leh rih. Pu
Chhinga kha kan hlimpui ber thin, duh leh kan hau
a, hla min zirtir te hian kan sawisel noh noh a a haw
ngailo a ni.
Rev. V. Vanzawnga te huanah BKHP ten thing
kan phurh tumin Pu Nghakmawian nen min hova,
BP sang an nei ve ve si a, thingzaina leh hreipui an lek
awl lo si a, an pahnih a hmai sen tawn tawn a an thawk
kha mitthlaah a cham reng mai. Kan member te he
khawvel chhuahsan ta an tam tawh hle mai, lung a
leng lo theilo a ni. BKHP intihhlim zan tuma hotu ten
tih tur min pekte thiam taka kan ti thei zel te, zankhat
pawh Pi Hmingliani (W/o Pu Kapkimi) leh Pi
Zochhingpuii Secheki lamin an lam ang an ti a, thiam
taka an han che chhuak te kha a ngaihawm ta hle mai.
Awle, tunah chuan Serkawn leh ramzotlang
a hrang kan rawngbawlna pawh kum sawm leh
pakhat lai a lo ni ta, BKHP ah pawh hruaitu fel leh
tha tak tak Pathian in min pe zel a, a thlamuanthlak
hle mai. Hruaitu rinawm Pathian kan nei tlat alawm.
A thui lutuk dawn a ti tawp tawh mai ila, sawi tur a
la tam bawk si.

VC Serkawn Thu Thar


Street Light Siam Mek
VC Serkawn hmalaknain tunkar chhung khan
Serkawn huamchhunga street light chhia siamthat
beihpui neih a ni a. P&E Depertment lama thawktute
nen tuna street light awm sa eng thei lo 20 chuang zet
siamthat a ni a, a lawmawm em em a ni.
VC Footbal Team:
HPC Cup 2015 khelh mekah VC Serkawn team
te chuan Group Stage-ah Rahsiveng leh Salem VC
Team te hneh tawhin nimin khan Chithar VC Team
an khel a, chanchin kan lakkhawm laiin result kan
hre hman lo. Kan veng team te hi round sang zawk
an thlen ngei a rinawm a, an khelh chhoh zelna turah
mipui ten theihtawpin i tawiawm ang u.

www.something.com
He website hi in hre tawh ngai em? Han lut
chhin la Something tih hi rinawm takin a lo inziak
reng ringawt ang. He website siamtu hi fiamthu duh
tak a nih a rinawm a, hetiang thil ho leh mak angreng,
tu tan maha pawi bawk si lo ti tlattu hi tunge ni ang le
tih kan ngaihtuah mai mai a.
A domain neitu hian 1995 atangin a la ti nung
reng ringawt pawh hi a fakawm hle a. Domain tinung
tur hian kumtin cheng sang tel sen ve reng a ngai a,
hetiang website tinung reng peih mihring hi fiamthu
duh tak, sum leh paiah pawh harsa lem lo a nih a
rinawm a. Sum lama harsatna ngah tak, Whitehouse
pawh sa zo hleithei lo Petros Editor te, U Mamawia
Miller leh Mahmingtea Rokhum te ho tih hi chu a nih
a rinawm loh a ni.

Darthlalang-ah hian i dawr leh


sumdawnna te rawn fakin mite
hriatturin rawn phochhuak ve ta
che..... Advertisement ti duh tan
hmun a awm reng e

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No. 022, the 4th July, 2015 : Darthlalang Chanchinbu,

Branch YMA,

Serkawn :

Kartin

Chhuak

Page 4

CROSSROAD vs PUITHUNA

SME CALLING

Titi ho leh tangkai lem lo han vawrh mai mai ila.Tun


tuma Crossroad kan sawi tur hi kawng pengthuam han
tih chu a dik chiah lo maithei a. Kan sawi tur crossroad hi
kawngpui pakhatin kawngpui a finna mai ni satliah lo,
kawngpui leh kawngpui an intan tlang tawnna lai belhna
chhinchhiah (+) anga awmin kawngpui leh kawngpui kha
khawilai point-ah emaw an intawk zuai a, mahni kalna lam
ve veah an kaltlang leh a ni.
Puithuna hrang hrang kan ngah tehlul nen hmanlai
Mizote puithuna hrang hrangah hian crossroad emaw
pengthuam hrim hrim emaw hi a lang tam lo hle a.
Kungawrhi thawnthuah te kha chuan sakei lamthuam thum
tih te chu a lang ve vuai vuai a nih kha. Crossroad hian
hnam hrang hrang te puithunaah hmun a lo luah nual mai
a. Han thlir hmasa thuak thuak ila.
BRAZILIAN: Hmasang Brazilian mite sakhuanaah crossroad hian pawimawhna a ngah hle a. Ramhuai leh thlarau
sual te (warewolf ang deuh) hi kawng infinnaah hian awmin
an ring a, an hlau hle thin.
INDIAN: India, rama Hindu te zingah hmanlaiin pathian
Bhairava (Bhairave hi Hindu pathian Shiva hming hmasa a
ni) hi khaw daipawna kawngpui infinnaah mite venghim
tur leh kawngbo tur te veng turin a awm thin niin an sawi a.
Tun thlengin thingtlang khuaa cheng Hindu te hian khaw
dawipawn kawng pengthuam laia Bhairava lim siam hi an
la uar em em a ni.
MAYA: Hmanlaiin Guatemala-ah hian, Mayan hnam
pathian Lord Maam, chu kawngpui intawhna laiah chairah a thu thin niin an ngai a, kawngpui intawhna hi an hlau
vin an zah hle thin.
GREEK LEH ROME: Hmakhawsang Greek mite chuan an
pathian Hermes chu mite venghim turin kawng
pengthuamah a ding thin niin an sawi a. Rome mite pawhin
pathian nu Mercury chu kawngpengthuama mite venghimtu
niin an ngai bawk
AFRICA: Africa-a hnam hrang hrang Legba, Ellegua,
Elegbara, Eshu, Exu, hnam te hian kawngpui intawhna laiah
hian pathian pakhat a awm niin an hre deuh vek a. Africa
hnam hrang hrang te hian an hriat dan inang lo hlawm
mahse, kawngpui intawhnaa awm thin pathian hi
malsawmna petu angin an ngai tlangpui a. He pathian hi
Nbumba Nzila leh Pomba Gira tiin an sawi a, an zah em em
a ni......
RAMHUAI PENGTHUAM: United States-a Clarksdale
hmun, Mississippi state-ah hian United States sorkar highway siam Highway No 61 (US61) leh Highway No-49 (US49)
te chu an intawk a. He kawng intawhna hi khawvelin
ramhuai pengthuam (DEVIL CROSSROAD) tia a hriat chu
a ni a. He pengthuamah hian blues music lama sulsutu
hmingthang leh blues musician (guitersit) lar Robert Johnson
chuan ramhuai hnenah a thlarau a hralh a, inremna an ziak
danah Robert Johnson chuan a hunlaia tingtang tum thiam
ber nihna a nei ang a, a thih hunah ramhuaiin a thlarau a
nei ang tiin inremna an siam niin an sawi thin a ni.
Awle, puithuna mak tak tak leh atthlak tak tak te hi
a tam a, crossroad pawh hi chutiang zing ami chu a ni awm
e. Ringtute chu heng puithuna zawng zawng chunga leng,
sual leh ramhuai thiltihtheihna zawng zawng hnehtu Krista
zuitute kan ni tih hre thar leh ta ila. Puithuna atthlakah te
hian buai ve tur kan ni lova, Bible-in ringtute awmdan tur
min kawhhmuh hrang hrang te hi puithu leh uluk tak,
rinawm taka zuiin puithuna atthlak ni lo, puithuna finthlak
i buaipui zawk ang u.....

Dt 7.7.2015 (Thawhlehni) hi Serkawn


Musical Express (SME) anniversary vawi 35-na a
ni a. He ni hi lawm tum a ni a. SME member lo ni
tawh thin a tel thei apiang a hnuaia phone number ah hian in report tur a ni
Hruaitu lam atangin inhriattir kim theih
a nih loh avangin mahni inbengvar turin kan
inngen e.

Mob - 9436147615/9436157106/9436157169

BASKETBALL FINAL.....
Dt 6.7.2015 (Thawtanni) hi Basketball Association Lunglei District (BALD) Basketball
League final-ah YPC Serkawn Basketball Team te
chuan Lunglawn basketball court (Lunglawn Field
bul) ah Daze Star Team nen final an khel dawn a.
Serkawn team tawiawm theuh turin
Serkawn mipuite kan insawmin kan inhriattir a ni.
Darthlalang ti ti
# SERKAWN NIPUI TRANSFER:
Serkawn ah nipui transfer titi a ngaihnawm
zel a... Section III chuan an mi ropui Lawma
kawppui turin PC Tanpuia (Comedian) an lalut fel
ta... Pu Ngurhlunzama leh Tv. B. Zuala te, U TBC
Lala te pawh season tharah Section III a awm turin
an kal fel a.... Section-V leh Section-II ten Pu Pana
leh Tv Nuna an swap a, Section-V hian Tv. Nuna
man atan hian Pu Pana bakah hian sumfai thahnem
tak an thehchhuak... Section-VI lamin Section V
thuam chak turin Pu Sangtea an thawn chho a.
Section V leader pawhin a fin phah sawt sawt kan
beisei.... Section-II atangia Section-I a transfer
langsar ber chu Pu H Rohlua a ni a... Section-II
atanga Section-I transfer thawm ring ber Pi
Thanmawii w/o PC Rosanga a ni bawk.....
#
Serkawn pa pakhat hi tunlai chu Excise
Dept. ah hna a hmu thar a. hrechiang duh chuan
Pu Maenga Section-II zawhfiah theih a ni....
#
Kan Joint Editor Tv Bt-a Sec-V hi tunlai chu
Hla kan zir a ti tlut tlut mai a, an zir tak tak nge
nurse lo zin phei an awm tih min rawn hrilh chiang
teh u....
#
Alex Malsawma Section-I hi chhungkaw
tawngtai a hman laiin an kawmchhak lungrem a
chim a... a tawngtai lai mek chu hlau thlabarin
pawnah a tlanchhuak tih kan lo hria....
#
Pu Bz-a (VC) Sec-V hian a nupui man Rs
400/- hi tlawm a ti hle a. Amah tel lo pawhin a
scooty ringawt pawh hi 400/- chuan la tha tak a
ni a ti..... A nupui man zat hi DEB te phuihnam
bai siam nan a rawn thehchhuak a, kan awm hle...
Remchangah kan manager Pu Muanawman lo
ngaihven se.....
#
Kan Vateran Tv Matea Sec-IV pawh kan
hmu leh ta nawlh mai..... Hrangchalkawn-ah chuan
a va insawithei lutuk a, Christian Hospital hi kan
ta te a lo han ti vel niin kan hria....
#
Pu Taia Sec-VI leh a hote tunlai in chetha
hle niin kan lo hria, in report a ngaihnawm thin
e.... In leader Pu Robert-a te, Nl Lynda-i leh Mami
te kha phone tlang harsa langsar zual te an ni e....

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies

Potrebbero piacerti anche