Nang Malsawmna ni ang che....

* Hun awl hmanthat

* Kristian nundan tha
ngaihsan
* Zofate hmasawnna
ngaihtuah
Estd. : 24. 10. 1994

Pro. Permit No - 25 of 2004

Vol - XVIII Issue No 017, the 30th May, 2015 (Inrinni): Darthlalang Chanchinbu,

Damlo
Chanchin kan lakkhawm laia kan
vengchhung mi CHS awm te:
1. Upa C. Laldingliana Sec-I
2. Lalduhawmi
Sec-IV
3. Lalrintluangi
Sec-II
4. H. Lalrinsiami
Nurse
5. Lalsiammawii
Sec-V
6. Zoramsangi
Sec-II
Blood Bank Report
Chanchin kan lakkhawm laia CHS
Blood Bank dinhmun chu:A
5

B
7

AB
Nil

O
27

Thisen Pe
Tunkar chhunga kan veng atanga thisen pe:
Tv. ZD. Lalbiaktluanga
#
Dt 22.5.2015 MNREGS hmanga VC
Serkawn hna thawh hrang hrang te Ministry of Rural Development leh Mizoram
University team te chuan evaluation rawn
neiin Evaluation Team-a an hotu Pu
Zomuana leh Serkawn VC member ten
inkawmna neiin a tul ang te an enho bakah
NREGS mipui hnatlang leh material component hmanga hna thawh tawh hrang
hrang te an enho a ni.
#
BCM Ramzotlang Kohhran atanga
Lungsen a rawngbawla fehchhuak Upa Dr.
KL. Biakchungnunga Sec-V leh a
rawngbawlpui, New Life member paruk te
chu tluang takin Serkawn an lo thleng leh
ta. Upa Dr. KL. Biakchungnunga leh a
rawngbawlpuite hian Lungsen BKHP kum
50 tlin lawmna crusade an hmanpui a, Upa
Dr. KL. Biakchungnunga hi speaker ah a
tang nghal a ni.
#
Isaak Lallawmkima S/o Dr. L.H
Lalrammawia Section III chuan PGIMERChandigarh atangin Doctor of Medicine
(MD) a pass chhuak a. Kan lawmpuiin a
kal leh zelna turah duhsakna kan hlan e.
#
Kan hma lawka YMA Day kan
hman tura Lengkhawmzai intihsiakna
atana inbuatsaihna section tinah ngawrh
takin kalpui mek zel a ni a. Section tina
YMA member ten thahnemngai taka hla zir
a, intihsiaknaah hian tel theuh turin kan
inngen a ni.
#
Dt. 28.5.2015 khan SYMA Section
I te chuan Serkawn Indoor Stadium chhak
kawngchhe zual lai Rawra leh Cement
hmanga hnawh khah hnatlang an thawk
a. Kawng chhe hnawhna hmanruate hi VC
Serkawn in tumsakin, tlawmngaiin SYMA
Section-I te hian an thawk a ni. Hnatlang
ah hian member 20 vel an thawk chhuak.

Branch YMA,

Serkawn :

Kartin

Chhuak

Page

YMA THUHLA
SYMA EDUCATION COMMITTEE
HRIATTIRNA
SYMA Education Committee chuan YMA Day
(Dt.15.6.2015) khian Serkawn huamchhunga zirlai tithate hnenah
lawmman a hlan leh dawn a. HSLC leh HSSLC result kimchang
taka kan neih theih nan leh tihsual palh a awm loh nan kumina
HSLC leh HSSLC pass thar te chuan a hnuaia hmingziak te hnenah
hian in hriattir theih ni se. Pass thar hming, division, pa hming leh
awmna section te a hnuaia phone number tarlanah hian SMS
hmanga hrilh theih ni se a lawmawm hle ang.

LALCHUNGNUNGA ROKHUM
Chairman,
Ph-9436327935
LALNUNSANGA PACHUAU
Secretary,
Ph- 9436157181
1.

Section Target Pe:

SYMA Section-I te chuan an section target Rs 3500/- chu

Branch YMA Finance Secretary hnenah an thehlut tawh a ni.
2.

Section IV Bawlhhlawhbawm:
SYMA Section IV te chuan an section huamchhungah faina
leh thianghlimna ngaipawimawh in section huamchhungah
bawlhhlawhbawm an dah a. Heng bawlhhlawhbawmte hi la sawn
mai mai lo tur leh a theih anga bawlhhlawh te paihfai thin turin
section hruaitute chuan section huamchhunga chhungtinte an ngen
nawn leh a ni.
Phek lehlamah chhunzawmna...

SYMA EXECUTIVE COMMITTEE HRIATTIRNA

June thla a SYMA Executive Committee lo awm turah
Agenda thawh tur neite chuan June Ni 4, 2015 hma ngeiin SYMA
Secretary emaw, Asst. Secretary hnenah emaw hriatlawk tir turin
kan inngen a.
Tin, June thla SYMA Executive Committee ah hian SYMA
Manual (SYMA Dan Bu) ennawnna (Revision) neih tur a ni a.
SYMA Manual chungchang a sawi duh nei chuan lo in enlawk
turin kan in hriattir a ni.
sd/- F. LALHMANGAIHTHANGA
Secretary,
Branch YMA Serkawn

LAWMTHU SAWINA
Dt. 12.5.2015 khan SYMA Sec-V hmalakna in BCM Biak
In Ramzotlang panna kawng siam hnatlang thawh a ni a, member 30 vel thawk chhuakin, nilengin hnatlang hi an thawk a ni.
Hnatlang ten a tul apiang a hman tur sum leh hmanrua mi
tlawmngai ten an thawh khawm a. VC Serkawn chuan Rs.3000/
- min pe a, mimal atangin Rs. 1600/- kan dawng bawk a ni. An
chungah Section V chuan lawmthu kan sawi e.
sd/-H. LALRINDIKA
Secretary,
Section-V

SYMA LIBRARY HAWN HUN : THAWHTANNI, NILAINI, INRINNI (4:30 PM - 5:30 PM)

Vol - XVIII Issue No 017, the 30th May, 2015 : Darthlalang Chanchinbu,

Editorial Board
Editor
Jt Editors

- John Laldingngheta
-9862196929
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff:Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
P. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

YMA thuhla chhunzawmna....

3.
Blood Donation:
Dt. 15.6.2015-a YMA Day kan hman tur ah
hian kumdang ang bawkin SYMA te chuan Blood
Donation neih leh tur a ni a. SYMA member te a
thei apiangin thisen pe turin kan inngen a ni.
4.
President lo hawng:
Branch YMA Serkawn President, Pu
Lalbiakzara chu Serkawn Thlanmual cheimawina
tur atana hmalakna tur buaipuia Aizawl lama azin
chu tluang takin a lo hawng leh ta.

YPC SERKAWN BASKETBALL TEAM

LAWMTHU SAWINA
YPC Serkawn Basketball Team te hman tur
Jersey set khat VC Serkawn-in an lei avangin VC
Serkawn chungah YPC Serkawn Basketball Team
te chuan lawmthu kan sawi a. Tin, Pu F.
Vanlalnghaka Section-V chuan Rs. 500 min pe a,
Lalthanzuala Pachuau in Jersey Number print na
tur min tumsak bawk a, an chungah kan lawm
em em a ni. -YPC Basketball Team, Serkawn

DARTHLALANG CHUNGCHANG
Darthlalang agent te, darthlalang man la
khawn lo kan awm a nih chuan tlawmngaia
darthlalang man hi lo khawn leh turin kan inngen
a. Darthlalang man te hi kan Section incharge theuhte
hnenah kan submit leh dawn nia.
Tin, Darthlalang a thuchhuah tur neite chuan
ziak ngeiin Darthlalng Editorial Board member te
hnenah thehluh theih reng a ni a. Thuchhuah tur hi
mimal leh sumdawnna Advertisement a nih chuan
vawikhat chhuah ah Rs.50/- a ni a, vawi thum
chhuahah Rs.100/- a ni tih mipuite kan inhriattir
nawn leh a ni.
-Column lehlam chhunzawmna.....
# Nau neih leh a kaihhnawih chungchanga
thihna tih tlem.
# HIV/ AIDS, sikserh leh ngawr (TB) te a kian zel
nana theihtawpa hmalak.
# Leilung environment a that zawk theih nana
kawng hrang hranga beih.
# Khawvel ram hrang hrang te inkara thawhhona
leh insumdawn tawnna tha siam.
Engpawhnise, WB hi tunlai khawvela
hmasawnna hnathawktu lian ber te an ni a, keini ram
hnufualte phei chuan an zar kan zo nasa em em a ni.

Branch YMA,

Serkawn :

Kartin

Chhuak

Page 2

YMA CHHANG PUAL

World Bank
World Bank tih hi tunlai tawngkauchheh lar
pawl tak a ni chho ta der mai. World Bank project,
World Bank kawngpui etc tih te chu kan tunlai
tawngkam lar a lo tling ta reng mai. World Bank (WB)
kan tih hi engngemaw a nih chiah le? Tun tum chu WB
nihphung tlangpui zawr zawr lo en ta ila.
WB Group tih hi United Nations (UN) hnuaia
sum leh pai khawihtu agency lian tak tak pangate sawi
nan an hmang thin a. WB Group in a huam UN Agency
panga te chu:
*International Bank for Reconstruction and Development (IBRD)
*International Development Association (IDA)
*International Finance Corporation (IFC)
*Multilateral Investment Guarantee Agency (MIGA)
*International Centre for Settlement of Investment
Disputes (ICSID) te an ni a.
Heng agency pangate hi World Bank tiin emaw
World Bank Group tiin emaw an sawi thin a ni.
WB institution panga te hian danglamna nei vekin
an hnathawh dan chipchiar chu inang lo vek mahse,
dinchhan inang tlang an nei a, heng UN agency atana
UN din institution te thil tih tlangpui te chu....
i) Khawvel hmun hrang hranga Indopui-I & II
vanga chhiatna thleng te tuam dam leh din that ngai te
din thatna atana tanpuina leh loan pek,
ii) Indopui vang ni kher lo pawha ram hnufual leh
harsatna bik neite dawm kan nana tanpuina leh loan
pekchhuah
iii) Ram hnufual sorkar te nen tanghova project
neia hna thawh a, hmasawnna atana hma lak. Hemi
chungchang hi sawizau ta ila. WB hian kan ram Indiaah
pawh Central leh state sorkara department hrang hrang
te nen hma an la nasa em em a. Sorkar project hrang
hrangah WB hian a pawisa 100 zela 90 tumin kan ram
sorkar/ department in 100 zela 10 an lo tum ve a. Entirnan
Lungleia WB project kan hmuh Northeast Rural Livelihood Project (NERLP) hi WB peng pakhat, IDA in India
sorkar laipui a, Department of Nort Eastern Region
(DoNER Ministry) nena tangduna NE India thingtlang
hmasawnna atana an project thawh mek a ni a. Lunglei Aizawl kawngpui hi Central PWD (Govt of India) leh
WB peng pakhat IBRD te thawhhona atanga siam a ni a,
hei vanga WB kawngpui tiin kan hriat phah niin a lang.
Millennium Development Goals (MDG):
WB hian kum sangbi thar kan chuan kai dawn
lai vel (Late 90s) atang daih tawh khan kum 2015 ral
hmaa hlenchhuah tur goal an insiam a, chumi lam pan
chuan kum 15 chhung zet chu theihpalingkawhin an
tlan a, an goal zawng zawng hi an hlawhchhuak lo pawh
a ni maithei, mahse, ram hnufual ten nasa takin MDG
zar hi kan zo a. Hlenchhuah a ni dawn emaw dawn lo
emaw MDG thil tum tlangpui hi a tawp nan i han hmang
teh ang, kan lo thlirzui atan....
# Retheihna zualpui, chawngheina meuh khawvela
awm tawh loh tir.
# Mi zawng zawngin Primary thleng tal an pass vek
theih nana hmalak.
# Hmeichhia leh mipa inthliarna tihbo.
# Za zela 50 tala naupang thihna tih tlem.
-Column lehlamah chhunzawmna.....

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No 017, the 30th May, 2015 : Darthlalang Chanchinbu,

Mizoram Baptist Kohhran

CHANCHINBU HMING LEH
CHHUAH KUM
1. KOHHRAN BENG: Kum 1946, October Thlaa
tihchhuah tan a ni a, a hming hmasa chu Chhimbial
Kohhran Beng tih a ni. Kum 1948 atangin tuna a hming
ang hian tihchhuah a ni. (KB hi Mizorama chanchinbu
chhuak hmasa ber te zing ami a ni nghe nghe)11500 copies
an tichhuak mek a ni.
2. THALAI ENTU: Thailai Entu hi Mizoram TKP
tihchhuah a ni a. Kum 1978 July Thlaah Thalai Thian tih
chanchinbu MTKP hian a tichhuak tan a. Kum 1980
Buarpui MTKP inkhawmpui rorel bawhzuiin Executive
Committee chuan thla tin tihchhuah a rel a, a hming pawh
Thalai Entu tih a ni ta bawk a ni.12400 copies an tichhuak
mek a ni.
3. MISSIONARY TLANGAU: Kum 1989 atangin
Missionary Tlangau chanchinbu hi tihchhuah a ni a. A tirah
chuan kumkhatah vawi li tihchhuah a ni a, tunah chuan
thlakipin tihchhuah a ni ta.10400 copies an tichhuak mek a
ni.
4. LOISI: Loisi hi Mizoram BKHP chanchinbu a ni
a. A tirah chuan Dorki tih hming a pu a, Dorki hi kum 1992
atangin kumkhatah vawithum tihchhuah a ni a, 1994
atangin kumkhatah vawiruk tihchhuah a niin hun
engngemaw chen an han kalpui leh a. Postal Registration
thuah a hming vang hian harsatna a awm avangin a hming
hi Loisi tiin thlak a lo ni leh a. Kum 2004 atang khan Loisi hi
thlakipa tihchhuah a lo ni ta bawk a ni.14700 copies an
tichhuak mek a ni.
5. NAUPANGTE THIAN: Kristian Naupang Pawl
chanchinbu hi kum 1997 atangin thla tin tihchhuah a
ni.9100 copies an tichhuak mek a ni.
6. BAPTIST TODAY: July Ni 1, 2001 (Hemi ni hi
Missionary Sunday a ni nghe nghe) atangin kartin tihchhuah
a ni.12300 copies an tichhuak mek a ni.
Awle, he thu bengvarthlak tak hi Rev
Sangliankhuma Chinzah lehkhabu ziak Baptist Church
Orphanage- Serkawn Chanchin tih atanga lakchhuah a ni
a. Kan Tualchhung chanchinbu te han belh hlek ila....
JUNIPER: Juniper Weekly hi TKP Serkawnin
Serkawnin Serkawn Tualchhung Kohhran information
atana a buatsaih leh enkawl a ni a, kum 1987 July Ni 26
atangin Pathianni tin tihchhuah a ni. 350 copies tihchhuak
mek a ni.
PETROS : TKP Ramzotlang Unit te tihchhuah leh
enkawl mek Petros chanchinbu hi BCM Ramzotlang
Kohhran chanchinbu hi kum 2004 atangin kartin, Pathianni
apiangin tihchhuah a ni. 300 copies tihchhuak mek a ni.
DARTHLALANG: Branch YMA Serkawn
chanchinbu Darthlalang weekly hi Serkawn khawtlang
tana rawngbawlnaa ngaiin SYMA chuan a tichhuak a.
October Ni 24, 1994 khan tihchhuah tan niin Pathian
hruaina leh khawtlang mipuite tawiawmnain vawiin
thlengin tluang takin a la kal ve zel a ni. Darthlalang Weekly
tihchhuah a nih hma hian SYMA hian Chawlhhmun
chanchinbu hun engngemaw chen a lo tichhuak tawh a,
harsatna eng engemaw vanga chawl leh rihin 1994-ah
chanchinbu tichhuak leh tura hma lak a ni chho leh ta a.
Chawlhhmun hming veka tihchhuah leh tum a nih laiin
Postal Registration lama harsatna awm avangin Darthlalang
tih hming hi a lo pu ta zawk a ni. 550 copies kan tihchhuak
mek a ni.

Branch YMA,

Serkawn :

Kartin

Chhuak

Page 3

Globalisation
Entirna Tha Ber
Inbiakpawhna leh inkalpawhna that chhoh zel
vang te leh kawng hrang hrang vangin tunhmaa inhre
pawh ngai lo khawvel puma mihringte kan inpawh a,
aikhatah luangkhawm zelin, globalisation lipuiah hnam
tin chitin kan luang khawm mek niin an sawi thin.
Hrilhfiahna tlangpuiah chuan khawvel puma
thawhhona leh inremna, inpawhtawnna tiin an sawi
thin. A hnuaia zawhna leh chhanna ho te hi han chhiar
ve mai mai teh....
Q: Globalisation entirna tha ber engnge?
ANS: Lady Diana thihna
Q: Engtinnge Lady Diana thihna chu
globalisation entirna a nih theih!!!!????
ANS: Diana thihnaah hian hnam hrang hrang te
thawhhona nasa tak kan hmu alawm, khai mah aw....
ENGLISH lal fanu, Princess of WALES leh a
bialpa EGYTIAN chu GERMAN siam car (he car
Mercedes-Benz S280 hi German siam ni mahse a engine
pui ber hi DUTCH Company siam a la ni zui) hmangin
chak takin an tlan a, FRENCH tunnel bulah an insu a.
An car khalhtu hi BELGIAN driver niin zu a rui tih
hriat a ni a, a zu in hi SCOTTISH Whisky a ni tih hriat
a ni. Chak taka car an khalh chhan hi ITALIAN
paparazi ten an um buai vang a ni thung.
Damdawiinah a rang a rangin an phur nghal a,
Lady Diana lo entu hi AMERICAN doctor a ni a, a
nachhawkna pek hi BRAZIL rama siam a ni.
He thu hi keimahni irawm chhuaka kan hriat ni
lovin SERKAWN pa MONGOLIAN dik tak Pu
Rintluanga a.k.a Pu Mama Sec-II ami in whatssapp
group-a a post kan hmuh a ni a, Mizo Tawnga letin kan
phuah belh a ni. A post tupa Pu Mama hian AMERICAN technology hmanga iPhone/ Android/ windows
emaw blackberry phone emaw, TAIWANESE chip leh
KOREAN screen hmang, SINGAPORE factory/ planta BANGLADESHI hlawhfate remkhawm, PAKISTANI leh KASHMIRI truck driver te rawn phurh
thlen hmangin he thu hi a post a nih a rinawm a.
Chu post chu keini HNAM TIN CHI TIN
CHUNGA LENG Darthlalang Editorial Board ten kan
lo copy-a, kan lo her rem a. BAPTIST PRINTING
PRESS-ah kan pe a, VCP SERKAWN nupui Pi
Marinchhanin polymer-ah a lo print chhuak a, BPP manager MIZO TRIBAL Pu Tluangtea hoten offset-ah barh
lutin copy 550 an rawn print chhuak a. Prince of SAISIH
Tv. Lawma Sec-III te, RZT THAIBAWIH Pu
Hmingchhuana Sec-V (Hmingchhuana Sec-II in nupui a
neih hunah chuan Pu Hmingchhuana Sr kan ti tawh ang) leh
LUNGPHER SOUTH khaw makpa rinawm Pu
Muanawma Sec-V te, VAI MISTIRI emaw an tih fo
thin Sec-I Secretary (Hmingthup) te leh KHAWIVA lama
kan hotu Pu Peka te, Pu Sangzuala etc ten agent te an
han pe kual a, agent fel tak tak ten an rawn sem a,
SERKAWN mipuite chhiar theihin a lo awm ta a ni.
He thu atanga kan zir tur chiang tak chu.... han
ti hluai ila, zir em em tur a awm pawh kan hre lo :):)

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No 017, the 30th May, 2015 : Darthlalang Chanchinbu,

YMA DAY
2015

THISEN PE LA NUN
CHHANHIM RAWH

Serkawn :

Kartin

Chhuak

Page 4

THIL SIAM HNENAH

-TBC.Vanlalsanga (Lala), Sec-II

LIRNGHING LEH BP SANG

-Dr. R. Lalramzauva
MBBS kan zir zawh hlima kan thawh tirh chuan
BP sang hi ngaihdam theih chin an sawi thin a, kum
upat dan azirin, a saptawngin 100 plus age an ti a,
kum 40 mi chu a chunglam140, kum 60 mi chu 160,
chutiang zelin. Tunlai mithiamte chuan hei hi a lo dik
hauh lo, mi tupawh puitling tawh phawt chu normal
BP 120 hnuaiah 80 tih vek tur, hei aia a san chuan BP
sang, tih vek tur, an ti tawh a ni. A chung lam 140 pel lo
chu Pre Hypertensive an ti a damdawi ngai lovin ei leh
in (ei loh tur, ei tlem tur, ei uar tur list a awm) leh exercise hmangin enkawl theih a ni a, 140 160 chu Grade I
hypertension an ti a, damdawi chi khat hmangin, 160
chunglam chu Grade-II a ni a, damdawi group chi dang
group hnih hmanga enkawl tur a ni, an ti. BP damdawi
hi chi hrang tamtak a awm a, 1 aia tam ei a tul chuan
combination thlan ah fimkhur a ngai, chi hnih ni si, an
thawh dan inang reng si thlan chu a tha dawn lo a ni.
BP sang hi control that loh chuan Lungphu chawl
(Heart attack) leh Stroke (Cerebro Vascular Accident)
hmabak rengin kan awm, ti ila ka daw lo tlangpui. BP
sang enkawl lova I awm reng a nih chuan ruai thehna
ah chaw dawh turin I intlar a, zawi zawiin hma lam I
pan ve hret hret ang mai hian Stroke leh Heart attack I
pan ve hret hret a ni ber mai. Kum upa lamten heng
Stroke leh Heart attack hi an nei duh bik, kan tihna chhan
pawh hi kum upa lamah BP kan lo phalrai thui deuhva,
treatment lova an awm rei vang a ni chawk.
BP sang, tlema normal aia sang hret, a chung
lam 140 vela luhai, lu na, thaw-ipik leh nawmlohna
riau I nei a nih chuan vannei inti viau rawh, ka BP 160
vel hi ka hre miah lo, 170 ah pawh ka la office thei tho,
inhre vaklo ho hi an vannei viau lo, treatment an la har
nge nge a, accident an thleng thut duh, I BP a chunglam
140 a tlin chuan luhai leh insawiselna dang I neih loh
pawn treatment la ngei ang che.
Lir nghing tamna ramah(Dibrugarh, Upper
Assam), kum ruk ka awm a, a nghing zing lawih lawih
bawka kan inring reng mai a, zanah kawngkhar kan
kalh ngai lova, kan tlan chhuak chuk chuk fo, in an sa
sang lo va chhawng thum aia sang a awm mang lo, an
sa uluk a, Lirnghing proof thei ang berin an sa, a nghin
zin ang hu-in chhiatna a thleng tam lo reng a ni. BP
sang, nasa vak lo pawh inhre hma riau, in enkawl tha a,
accident lian pumpelh nen inang riau ka ti. Kan ramah
hian, hriat phak chinah lir liantham a la nghing lo va, a
nghing ang tih rin a harsa khawp mai, mahse BP sang,
luhai hre mang si lo ang maiin nghing maithei zone ah
kan awm reng si a, tehkhawng sarih vel hi chuan han
nghing ve vaih se, kan khawpui in chhawng ho hi 50%
aia tam hi chu rapthlak takin an chim chhe dawn a ni.
Lirnghingin tumah a sawi hlum lo va in chimin a delh
hlum zawk, an tih hi kan hre theuh awm e.
I BP pawh han check- a a san chuan, lu la hai
vak lo mahse in enkawl uluk rawh, kan Zoramah hian
Lir na thamin la nghing ngai lo mahse chhiatna rapthlak
lo thleng tur hi a nep deuh theih nan tun chinah In sa
tur chuan Lirnghing lian tham hisap chungin sa zel
tawh ang u.

Branch YMA,

1.

Leilung mawi leh thang vansanga,

Thilnung tinreng cheng zawng zawngte;
Mi hmangaihtu chung Pathian chuan,
Duh taka a siam te kan lo ni.
2.
Chung Pathian chuan a han thlira,
A va lawm em, A thil siam te;
A venghimin a chawm fo thin,
Muang leh hlim taka an len ve nan.
3.
Rannung, thing leh hnim tinreng ten,
An na tuar te hringmi angin;
Sawilo mahse an lantir thin,
An hram ri leh an hnah uaiin.
Thing leh mau leh pangpar ten an mahni siamtu
Lalpa chu an theih tawkin an chawimawi thin a,
leilunga ramsa tinreng rannung te nen lamin an theih
tawkin Lalpa chu an fakin an chawimawi ve thin a.
Ram leh hnam humhalh hna kan thawhdan hi
inngaihtuah chiang leh teh ang u. Engtin nge Pathianin
mihring a dinchhan? Thilsiam dang zawng aia
chungnung zawk tur leh thilsiam dang zawng zawng
chunga thu nei turin leh ngilnei turin mihring te min
buatsaih a ni
Darthlalang ti ti
#
Limbu ser hi Serkawna Zotawng thiam zual
te chuan Pu Thasiama Ser an ti niin Pu Thanmawia
VC chuan a sawi....
#
Pu Ng-a Sec-V hi Pu PC Lalbuanga Sec-III nau
nge Pu C Lalengkima Sec-III u tih kan hre lova, kan
inhnial laih laih mai.... Mizo Tawngah hian Ng hi engee tiin kan lam thin a, eng tih hi chu a dik thei lo Pu
Ng-a pawh Pu Eng an ti ngai lo....
#
Darthlalang hi Inrinni tuka chhuak ni mah se,
zing zingah Section-I NITE hmang lawk teh ang.... Tun
tum chu Section-I an che tha tluang a ni mahna:Khuang pakhat vaw thin Tv. RK. Hmingtea
Sec-I hi tunlai chu khuang panga leh chhepchher
pathum vel (drumset) vawtu-ah a inlet a, promotion
sang tak a niin kan hria....
Tv. Ruatliana Sec-I hi a inla young lutuk a, a
tawngfiah thei tawh lo an ti.... Luatliana, kap kap kan lo
ti che... nui lawh le....
Tv. Hminga Sec-I hian STKP O/B a lo nih tak
hnu hian Nurses Hostel O/B i/c nih a tum a, U
Biakmuana bial him a chuhbuai nghal.....
Eheeeh.... Upa C Dinga (Jr) Sec-I hi
damdawiinah awm leh hmiah mai...... Alex Sawma
star S...S...-i kha a lo star ve chuan pawi khawp ang....
#
Pu V. Thangzuala Sec-III hian VCP ka nih
hunah Tlawngdung hi Siallutlangah ka sawn ang a,
Tlawng VCP U Mamuana Colney ka suspend bawk
ang a ti.....
#
Sikul tan hun sawn hma chu artui leh tomato
kan a hne theih khawp mai - Pu Sangkamlova Sec-II
(Pu Sanga hi Pu Oh Tv Hmingchhuana Sec-II chuan Sk
Lova Sk tiin a ko thin a, Sangkamlova Serkawn tihna a ni)
#
Tv Bk-a Chhangte Sec-IV hian Korean band
K-Pop concert neih huna enna ticket man tur a khawl
mek niin kan lo hria, Pu Zamtea Sec-II (TUV) pawh a
inkhawl ve mek bawk
#
Pu Valmama Sec-V hi Kebai Association ah
membership fee pe vat turin kan hriattir a ni. Kebai
laia awmdan mawi Pu Eric-a Sec-II hnen atanga zir
turin kan hriattir bawk e.

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies