Nang Malsawmna ni ang che....

* Hun awl hmanthat

* Kristian nundan tha
ngaihsan
* Zofate hmasawnna
ngaihtuah
Estd. : 24. 10. 1994

Pro. Permit No - 25 of 2004

Vol - XVIII Issue No 014, the 9nd May, 2015 (Inrinni): Darthlalang Chanchinbu,

Branch YMA,

Serkawn :

Kartin

Chhuak

Damlo

YMA THUHLA

Chanchin kan lakkhawm laia kan

vengchhung mi CHS awm te:
1. F. Malsawmkimi
Sec-V
2. Matthew Lalrinfela
Sec-IV
3. F. Lalhnuna
Sec-IV
4. ZD. Lalmalsawmi
Sec-V
Blood Bank Report
Chanchin kan lakkhawm laia CHS
Blood Bank dinhmun chu:-

SYMA EXECUTIVE MEETING

A
4

B
Nil

AB
1

O
5

#
F. Lalremruata (Bawiha) s/o Pu
F. Rosangzela Section-IV chu Dt.
5.5.2015 khan Euro International School,
Pune ah Music Teacher hna a hmu thar
a. Kan member pui ngei Music lama
chhuanawm kan la nei zel hi kan vannei
hle a. Tumruhna thar nen, hlawhtling taka
a kal zel theih nan duhsakna kan hlan e.
#
Liandingpuia Pachuau s/o P.C.
Liankima (L) Section-V chu AICS ah BD
zir turin lak a ni a. Tha tak leh tluang taka
a zir theih nan duhsakna kan hlan e.
#
Christian Hospital Serkawn,
School of Nursing chuan Dt. 6.5.2015
khan Graduation programme an hmang
a. Zirlai 15 an graduate a ni. School of
Nursing a nurse zirlaite hi kan khawtlang
leh kohhran ah hian an tangkai hle a. An
kal zelna turah duhsakna kan hlan e.
#
Dt. 7.5.2015 khan Dr. H.
Vanlalhruaia (Taite-a) s/o Pi H. Vanneii
Section-V lehkhabu ziah Built Heritages
of Mizoram tih chu I&PR Auditorium,
Aizawl ah an release a ni a. Honble Chief
Minister of Mizoram, Pu Lal Thanhawlan
he lehkhabu hi a release a ni.
#
Vawiin leh naktuk chhung hian
Serkawn Bial TKP te chuan BCM
Zohnuai ah Bial TKP Meet an hmang
dawn a.Vawiin hian nilengin Zohnuai
Field ah infiamna hun hman a ni anga.
Speaker atan Rev. Lianchhunga
Khiangte an hmang dawn a ni.
#
Pu C. Lalhmangaihsanga
(Valmama) Section-V chu a ke a tliah
avangin Civil Hospital Lungleiah enkawl
mek a ni a, dam taka a lo chhuah leh
thuai kan duhsak em em a ni.
#
SYMA
member
Pu
C.
Ramdingliana s/o Pu C. Zathuama Section-II chu VC inthlan neih zawh takah
independence in Zawlpui VC member
atan thlan tlin a ni a. Zawlpui VC VicePresident ah dah a ni.

Page

A hnuaia hun leh hmun tarlan ah hian SYMA Executive

Committee Meeting neih leh tur a ni a. Member te kim taka kal
theuh turin kan inngen a ni. Meeting kohna hmulo kan lo awm a
nih pawhin hei hi kohna anga ngaih tur a ni e.
A hmun : SYMA Meeting Room (Old Age Recration Hall chung)
A hun
: Dt.11.5.2015 7:00pm

1.

Inluah Tur Nei Te Hriat Tur:

Serkawn huamchhunga inluah tur nei, vai luah tirtute chuan
an inluahtu vai te Inner Line Permit Xerox copy SYMA Vice President Tv P Lalrimawia hnena thehlut tura hriattir turin kan inngenin
kan inhriattir a. Kan inluahtu vai te hnenah a rang thei ang bera
bawhzui turin kan hrilh dawn nia
Kan inluahtu vai permit thi tawh an awm chuan, a tih
nun leh nan thlakhat hun kan inpe mek a, a hun a rei loh avangin
kan inluahtute lo ngaihven tha turin kan inngen a. Thlakhat
hnua la intifel lo an awm a nih chuan a tul angin SYMA in kan
bawhzui dawn a ni.
Inluah tur neituten vengdang/ khaw dang atanga rawn pem
lut te in kan luah tir dawnin a luahtu turten pem lehkha an neih leh
neih loh hrechiang hmasa ngei turin leh an awmna hmasa branch
YMA atanga pem lehkha rawn nei lo chu in luah tir lo turin kan
inngen a. Pem lehkha hi Central YMA prescribed form awmsa mahni
awmna branch YMA President/ Secretary hnen atanga lakchhuah
tur kha a ni a. Kan inluahtute pem lehkha rawn ken hi a xerox copy
SYMA Vice President hnenah hian submit thin tur a ni a, hei hi
inluahtirtu mawhphurhna a ni bawk tih hre thar leh ila.
ILP chungchang te, pem lehkha leh inluah report te SYMA
in mipui hnena ngenna a siam thin hi YMA intih pawimawhna leh
invai vungna lam ni lovin kan khawtlang kan him tlan nan leh kan
that tlan nana tih a ni a, khawngaih takin Serkawn mipuiten YMA
ngenna zawm hram hram ang u.
2.
Sub Headquarters-a Nihna Nei Thar Te:
Kan branch YMA atangin kan Treasurer Pu C Lalmuanzova
chu Sub Hqrs YMA Lungleiah Health & Sanitation Committee member atan ruat thar a ni a. Kan branch YMA Education Committee
Chairman ni lai Pu Lalchungnunga Rokhum chu Sub Hqrs YMA
Education Committee member-ah dah thar a ni bawk.Kar hmasa
issue a kan tarlan Pu C. Hmingthanzauva khan Property Committee member atana ruat thar a ni.

SYMA EXECTIVE COMMITTEE MEMBER

HNATLANG
A hnuaia hun leh hmun tarlan ah khian SYMA Executive Committee members ten hnatlang thawh tur a ni a. Executive Committee member te kim taka kal turin kan in hriattir a
ni. Hnatlang Kohna hran siam a nih loh avangin hei hi kohna
anga ngaih tur a ni a. SYMA Meeting Hall thar tihfai hnatlang
thawh tur a ni.
A hmun : SYMA Meeting Room (Old Age Recration Hall chung)
A hun
: Dt.9.5.2015 10:00am

SYMA LIBRARY HAWN HUN : THAWHLEHNI, NINGANI, INRINNI (3:30 PM - 4:30 PM)

Vol - XVIII Issue No 014, the 9th May, 2015 : Darthlalang Chanchinbu,

Editorial Board
Editor
Jt Editors

- John Laldingngheta
-9862196929
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff:Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
CP. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

LAWMTHU SAWINA
Serkawn mipuite duhsakna azarah, February 2009 atanga April 2015 thleng (Term 2 lai
mai) VCP niin, tling lo tak chungin ram leh
khawtlang rawng ka lo bawl ve a. VCP
mawhphurhna ka chelh chung khan khawtlang
leh thiltihna kawng hrang hrangah tlin tawk lohna
leh mipuite duhthusam lohna tam tak ka nei ang
tih ka ring a. Chutih laiin, thil duhawm lo leh thil
dik lo lian tham em em awm lovin ka hun ka
hmang tlingtla ve ni chuan ka inhria a.
Heng zawng zawng hi keima felna vang
ni lovin, mipuite min tawiawmna leh ka
thawhpuite VC member- fel tak takte avang a
ni tih ka hria a, in zavaia chuangah thinlung
takin lawmthu ka sawi a ni. Chu chauh a la ni
lova; Kohhranhote leh mi mal tam takin
tawngtaina avang pawh a ni tih ka hria a, an
zavaia chungah lawmthu ka sawi bawk e. Min
thlah lova min chelh tlattu Pathian hnenah
lawmthu ka sawi a ni.
VC hna hi thil awlai tak a ni lova.
Theihtawpa thil tha tih kan tum ve chung pawhin,
mi heti zat zingah chuan eng kawng kawng
emaw leh tute emaw laka pawisawina emaw, thil
tha lo tih emawte pawh ka nei bawk ang tih ka
ring a. Chutiang a lo awm a nih chuan , thupha
ka chawi a, min ngaidam turin ka ngen a che u.
Tunah hian VC member thar duhawm tak
tak kan lo nei leh ta a. kan VC tharte hi tha taka
tawiawm turin mipuite ka sawm a. Tin, anni
pawhin an hna leh mawhphurhna tha tak leh
tluang taka an hlen theihna turin duhsakna ka
hlan a ni. Ka lawm e.
K. Hrangkima
Ex-VCP, Serkawn

KEIMAHNI
Darthlalang man khawn a lo hun leh ta a.
Kan Agent te kan in hriattir leh a ni. Agent ten
mahni Section a incharge theuh te hnenah a hun
taka submit theuh kan tum dawn nia. Tin,
Chhungtin te tlawngaih chhuaha lo pe leh theuh
turin kan inngen a ni. Tin, Darthlalang hi Inrinni
zingah emaw a aia hmain emaw sem ngei turin
agent te kan inngen thar leh e

Branch YMA,

Serkawn :

Kartin

Chhuak

Page 2

YMA CHHANG PUAL

Lawrkhawm...
#
Li Huiyan-a, China rama loneitu pakhat chu a
inhnuaiah lui a luang tlat mai a. A inchhungah khur
Metres 16 a thuk laiin chumi khur atang chuan leihnuai
luia sangha a man thei a. Choka atangin leihlawnin a
chhuk a, nghakuai a chiah mai thin a. Sum tam tak hmuh
nan a hmang a ni. He lui hi Li Huiyan-an in a sak hma fe
hian helai hmunah hian a pangngaiin a luang thin a.
Leiminin a khuh bo va, a tui erawh chu a hnuaiah a lo la
awm reng a ni.
#
Tunlaia England-a intlansiak chak lar tak,
Olympic 2012-a England aiawha intlansiaka tel ngei
tura ngaih Jeffrey Laway Balogun hi naupan tet atanga
intlansiak mi a ni lova. A tlangval chhuah tirh lai hian
Sport lama tuimi hmeichhe pakhatin Balogun-a bus
uma a tlan lai hi a hmufuh a, tlanchak a tiin a tlandan
reng reng leh a pianhmang te chu intlansiakmi dik tak
niin a hre ta tlat mai a. Britain-a athletic coach ropui
tak pakhat nen a inhmelhriat tir a, tichuan intlansiak
lamah a kal ve ta ngawt mai a ni
#
Mihring hian dumde ang deuhvin eng kan lo pe
chhuak ve reng mai tih Japan Scientist te chuan an
hmuchhuak a. Hei hi camera dangdai tak, ultra sensitive camera hmangin hmuhtheih a ni a, mihring mit
lawng hi chuan hmuh theih a ni lo. Mihring taksa atanga
eng (light) chhuak hi a pangngai reng lova. Zing Dar
10:00 velah hian a tlemin a eng lo hle a, tlai dar 4:00
velah hian a eng fiah ber niin an hre bawk a ni. (Source:
Tinkle Issue No 565)

BYFI Inkhawmpui STK Buatsaih

-TBC. Vanlalsanga (U lala) Section-II
Tuntum
BYFI
inkhawmpui
Serkawn
Tualchhung Kohhran in a buatsaih chu Pathian
kaihhruainain kan hun bul atanga a tawp thleng a
tluang taka kan zo thei hi Kohhran leh mimal pawhin
Pathian hnenah lawmthu sawi mawlh mawlh ang u.
Thalai te pual anih rualin mite aia nuam ti bik leh
intitatu bik an awm thin tehi ava vanneih thlak thin
em. Pu Khawteate ho pawhin Pathian rawngbawlna a
ngain ei siamna lamah thahnemngai takin Pu Ngurtea
a hoin an che a. An fakawm hle mai. Pu Ramfangzauva
pawhin keina pawh theihngilh thak khawpin ei
siamnaah an nu nen an thawk chhuak bawk a. Ei siam
tur chu awm losela chuan Pu Ramfangzauva te nupa
hi ke na chung chuan an thawh chhuah kher hi
vantlang in an ring lo. Thil tihpui nikhua a eisiam a
ngaih pawhin Thangbawihaten an hauh zel hi
vantlang rin a ni.

CEMENT LEH BALU

Cement leh Balu Serkawn Indoor Stadium Dawr
ah lei theih rengin a awm ta. Inah pawh kan dah
sak thei reng e.
Sangpuii, Section V
9612612563

Faina chungchangah tan i lak chhunzawm zel

ang u. Vengdangte entawn tlak nih i tum ang
u. Tin, ran khuahkhirh lamah tanlak
chhunzawm zel a ngai e.... Ui leh ranvulh
dangte uluk takin i khuahkhirh ang u.

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No 014, the 9th May, 2015 : Darthlalang Chanchinbu,

NBYC Thlirletna
Kan khawtlangah national huap inkhawmpui
ropui tak, National Baptist Youth Conference
Serkawn 2015 kan dawl a, a ropuiin a huapzau a,
khawtlangin tan kan la a, Kohhran mipuite inpekna
leh tawngtainate nen mualpho lutuk lo chuan kan
tling tla niin a lang.
DEB te chuan review committee angreng deuh
kan han nei ve leh ngawt mai pek a. Review lo nei ve
ngawt tur emawni kan nih te chu kan inti ve tho, a
chhan chu kan member thenkhatte hi chu a
khualchhawn leh internet lama hmunnghaktute, a
meikhu tawnga choka lama tangkai tak te, camera
lama tangkai chi te an awm ve fur laiin inkhawmpui
a awm tih pawh hre mumal lo te, inkhawmpuinaa
lang ve miah lo te, Hrangchalkawn lama inla babu
em em (Kan Asst Manager tihna ni lovin) te thlengin
kan nei a. Inkhawmpui chanchin hre chiang ber ber
atanga hre ve miah lo thlengin kan kim leh biai pek a.
DEB te chu kan zalen thin, kan hmuh leh hriat
loh te thlengin kan sawi thin a, tapchhak atanga Thailand, Bihdek atanga Saisih, Lungdawhkawn, Chdk,
Challiana Bung hnuai leh a khawi kip pawh kan
huam vek mai. DEB ten kan thiam ang angin
inkhawmpui kan thlirlet a, kan phak tawka kan hmuh
ve ang ang chhiartute hnenah kan han share dawn a
ni, kahpah deuh deuhin aw....
# Kan huphurh ruk aiin a zangkhai niin a lang.
Khawtlang leh Kohhran mite mikhual thlen
chungchangah te leh a hmunhma, ei leh in leh kawng
dang danga inbuatsaihnaah kan inbuatsaihna aiin a
te lam a, kan dawl zo hle niin a lang.
# Beng kan lo chhit ve phakna chin chinah
mikhual lam hian kan khawtlang faina min hmuhpui
niin kan hria. India ram hmun fai lo zawk te atanga
lokal an ni fur a, fai chu min tih ve hmel khawp mai.
Choka leh Reception counter vela ui khuahkhirh loh
hmuh tur awm leh zeuh thin khan kan landan a
tidanglam phak em lovang chu maw...!!!!
# Saptawng kan lo thiam hlawm kan ti a. Pu
Thangbawiha te kalna dalin hnamdang unaute an lo
ding khawm a, Please sizing an han tia an kiang ve
dial dial te khan saptawngah Serkawn mite kan duai
loh zia a entir kan ti thei angem?
# Zuk leh hmuam laka thianghlimna kawngah
tan kan lak a ngai hlein kan hria. Kan rawngbawlpui
hnamdang unaute hmuha kan lan mawi loh theihna
lian tak a ni tlat mai a. Zau zawk, sang zawk leh
tangkai zawka khawvel huapa rawngbawl tum
Kohhran leh Thalai pawl te tan zuk leh hmuam hi a
hnawksak tih pawm ila, helama thianghlimna
kawngah hma min sawn tirtu ni se tih hi kan
ngaihdan a ni a. Kan Editor dawhkana kuhva hring
leh eng engemaw chhawp tun chungin he thu hi kan
sawiho a, tunah keini DEB te ngei pawhin kan la
zawm thei lo, mahse, zawm theih hun a la awm kan
beisei a. Tun inkhawmpui bikah hi chuan Zofate thil
chin tha lo hi hnamdang unau ten min hriatthiampui
kan beisei a, kawng danga kan mawina te inpekna te
khan khuh mawi hram se kan va ti em....!!!!
# Vengchhung hmun lailia ngaw tha tak kan
la nei te, thing lian pui pui kan la nei hring dup mai te
kha mikhual tam takin min fakna niin kan hria.
Humhalh zel ang aw.....
# Reception leh ushering lam an fakawmin kan
khawtlang an timawi zual hlein kan hria a. Tv U
Biakmuana Subhedar a nih chhung chuan Serkawn
ushering a chhe lo turah ngai ila, NEICC

Branch YMA,

Serkawn :

Kartin

Chhuak

Page 3

Inkhawmpuiah pawh min la tlangval pui zel beisei

bawk ang.
# Tualchhung Kohhran atanga ruat Information
& Documentation lam changtuten Serkawn an tarlang
mawiin an tilang tha khawp mai. Tv Ruatliana, Miss Lai, te kan Editor ten chaw pangngai pawh ei hman mang
lova an han buaipui tak tak chu a mawi mam thlap mai.
India huapah pawh technical lamah kan chhuanawm
e. Pu Zodina, Pu Hriatpuia te an technical team te bula
engmah thiam ve si lova hawi hai mai mai tura an inpek
ve tlatna pawh fak loh theih a ni lo. Information ho kha
chuan an chaw ei tur pawh download mai an tum rum
rumin kan hria.
# Zo Tawng leh Saptawng inpawlh, Bi- Lingual
version-a Darthlalang chanchinbu kan chhuah avangin
keimahni pawh kan infak ve hrim hrim, a tlak nat leh
nat loh chu kan hre hlei lova.....
# Pi Pari nau te, HATIM Worship Team an
fakawm a, mikhualte pawhin an dah sang khawpin kan
hria. Inkhawmpui laiin anni kaltlangin Lalpan mana tam
tak inkhawmpui chhimtute leh buaipuitute tan a pe a ni.
# BHSS Girls Hostellers, Nurses student te leh an
hotute an fakawm a, kan khawtlang timawitute an ni.
# Pandal leh a cheimawina lam buaipuitute Upa
PC Rova & Co hi inkhawmpui hmaa buai langsar ber
ni si, inkhawmpui laia langsar lehsi lo an ni a. Behind
the Scene-a an lo buaina hi inkhawmpui hlawhtling tak
kan neih theihna a ni tih kan hria a. Pandal leh Light &
Sound hnatlanna vela chesual langsar zual Pu Rama
Sec-II leh Tv Sangliana Sec-II te Lalpan damna leh
malsawmnain vur se kan ti.
# Traffic duty, Upa C Zara, U Mawitea, Pu K
Thana leh an pawlte an fakawm e. Anni ho hi inkhawm
ve tura duh loh ho an dahkhawm nge inkhawm ve tawh
miah lo mahse ngaihtuahawm tawh lo tur chin an
dahkhawm tih hriatthiam a har hle.... Gate kaltlang
apiang a Zotlang kham panga mulukawlh ang deuh
deuh te, an inkara choak ang deuh deuh te an lo hawi
lurh lurh zel kha inkhawmpui ti ropuitu pakhat a ni
# BCM Serkawn Junior TKP te an fakawm
thlawt a, an duty apiang hneh takin an ti zel a ni ber a.
Hawiherah leh tawng (language) thuah te pawh kan
rawlthar/ tleirawl te an duai love.
# Upa C Dinga Jr, Pu Fk-a leh Pu Ngurtea etc te
behind the scene ni lo, behind the smoke-a an chetna rah
pawh kan hmu a, mi tam berin kan ei em em a ni. Mizo pa
chaw ei anga, zahpuiawm si lo, mawihnai tak a tlai leh
puar taka hnam chitin an hrai thei kha an fakawmin rilru
an ti thui hle a. Sawhchiar leh Mizo bai hian national level
kan hraipuar thei a, international pawh engahnge kan
hrai puar theih lohvang le? Mizopa chawhmehin hnam
tin a hrai puar theih chuan Mizo Pa thluak hi international level-ah a hman tlak ngei ang tih kan ring.
Sawi tur a tam a, kan sawi vek seng lovang.
Hming tarlan awm taka kan ngaih kan tarlan loh tam
tak an awm a, hmel tarlan phu tak tarlan loh te thlengin
kan nei..... E.g. Pu Khawtean Manipur lam unaute
emaw tia HATIM student te Manipur tawnga a be lai
thlalak te, Rev Valtea lawmthu a hrilh lai thlalak te
pawh kan nei nual a, kan tarlang ta lo mai e.
Engpawhnise, India tam huapah pawh
zahpuiawm lo, India huap zo taka dawl thei Serkawn
khawtlang hian international standard kan phak ve a,
rawngbawlna kawngah pawh helai bial zim te thlir lova
khawvel zau zawk thlir tura min fuih thartu ni se. India ram puma thalaite zinga rawngbawlna tichak
lehzual tur hian nang leh kei, Serkawn Thalai hi India
leh khawvelin min mamawh a ni.

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No 014, the 9th May, 2015 : Darthlalang Chanchinbu,

CHRISTIAN HOSPITAL SERKAWN

PRESS HAND-OUT 2015

1. Hospital Statistics April 2015
OPD a inentir zat
- 1433
Admit zat
- 240
Naupiang zat
- 37
Hospital-a mitthi zat
-5
Major Operation zat
- 41
Minor Opertion zat
- 27
Endoscope en zat
- 31
Utrasound en zat
- 132
Labouratory exam zat
- 1007
X-Ray zat
- 149
Blood Transfusion zat
- 112
2. April 2015 chhungin Hospital Poor Patient Fund Rs.
29,650.00 mi thahnemngaite, pawlho leh Kohhranho
te atangin dawn a ni a kan lawm hle. Tin, April 2015
chhungin a hnuaia tarlan ang hian Christian Hospital
Serkawn tan thilpek dang kan dawng bawk a, kan lawm
hle:
Petu

Thilpek

TKP Edenthar Unit & College Veng,

Lunglei

Hmunphiah phiah 40

3. April 2015 chhung khan heng a hnuaia tarlante hian

Christian Hospital Serkawn Blood Bank a dah turin
Volantary Blood Donation an nei a, a lawmawm hle:
Sl. N o.

Paw l Hm ing

Thise n U nit pe k zat

PYD, Pukpui (Dt. 2.4.2015)

22

TKP V e nglai Unit (Dt.18.4.2015)

22

TKP Zohnuai Unit (Dt.17.4.2015)

16

TOTAL

60

Branch YMA,

Serkawn :

Kartin

Chhuak

Page 4

LAWMTHU SAWINA
Tun tum VC inthlannaah Mipui ten in
vote hlu tak hmanga MNF VC Candidates
pathum min thlan tlinsak hi lawmawm kan ti
a. Serkawn khawtlang hmasawnna tur chuan
kan ruling VC-te hi theihtawp chhuahpui kan
inhuam reng a. Hetianga kan candidates-te
min thlansaktu Serkawn Mipuite chungah
keini Serkawn MNF Unit I&II Joint Committee chuan lawmthu kan sawi e.
MNF Unit I&II Joint Committee,
Serkawn

LAWMTHU SAWINA
Village Council Serkawn 2015
Inthlanna neih zawh takah Pathian leh mipuite
khawngaihna dawngin Congress party chuan
Serkawnah hnehna changin sorkarna kan siam
a. Keini Serkawn Unit Congress chuan kan
candidate te tana vote hlu tak petu Serkawn
mipui zawng zawng chungah lawmthu kan
sawi a. VC Serkawn hmalak chhohna leh kal
zelna turah mipui ten kawng engkima
tawiawm a, khawtlang hmasawn nana kan
VC thlanchhuah thar te tawiawm turin kan
inngen a ni.
sd/- C LALNUNMAWIA
Secretary
Serkawn Congress Unit
Darthlalang ti ti

4. Dt. 9.4.2015 khan ICU thar khum pahnih awmna

Pathian hnena hlanna leh hawnna neih a ni. He function tawi neihah hian Rev. Lalbiaksanga Chinzah AGS
i/c Service, BCM in introduction sawiin, Dr. B.
Laldinliana, Medical Superintendent in Technical Report a pe a, Rev. H. Lianngaia, General Secretary in
Pathian hnena hlanna leh hawnna hun a hmang.

VILLAGE COUNCIL SERKAWN FORM

FEL A NI
VC Serkawn inthlanna neih zawh taka thlan tlin
te chuan R.O. Pu Ramdinpuia kaihhruaina hnuaiah Dt
6.5.2015 khan chanvo tur te insiamin Executive Body an
form fel a. Kum 5 term atana thlan VC Serkawn 2015
Executive Body chu hetiang hi a ni ang
President
Vice President
Secretary
Treasurer
Tlangau
Members:

: K. ZODINSANGA
: LALBEISEIA PACHUAU
: C. ZOHMINGLIANA
: C LALBIAKZUALA
: PC. LALDINLIANA
: AIHNUNI
C. LALSAWMLIANA
K. LALTHANMAWIA
H. LALCHHINGPUII

Nimahsela rorlna dik chu lui angin

luang sela, felna chu luipui kang ngai lo
angin luang rawh se.

#
AICS lama Pathian Thu zir mek kan neih
zingah Tv. Muana Pachuau Sec-III leh Tv LC
Rinsanga Sec-III te an lo haw mek a, kan lo
lawm e. LC Rinsanga hming a, 'LC' tih hi
'Laihchhuah' tihna niin kan lo hria a, a dik leh
dik loh min rawn hrilh se.... Tv Muana hian a
hlimsan laia a din "Heiraw Evangelistic Team"
(a lamtawiah HET) kha a tuai thar leh dawn
tawh em Tv Mahmingtea Sec-I in a ti....
#
Govt College ah leh BHSS ah Admission
in zawng duh a nih chuan Pi C. Lianmawii w/
o PC. Hruaia zawt mai rawh.....
#
Ka nau Zika Section-V admission tur
chu ka tifelsak ta e.....-Pu Romuana Section-II
#
Kan DEB member Tv. Beia Pachuau Section-III VC Vice President a in lo dah hi kan
ngaihtuah hle. DEB ten naute enkawl a kan lo
enkawl thin a ni a. Pu BZ-a leh Pu Zodina te
khan in lo dimdawih deuh angai dawn a ni. A
hmel en aiin a rilru hi a no phian ania....
- Tv Zamtea DEB
#
Kan Joint Editor Tv. Bt-a Section-V hi
kan hmukhat riau.... A damlo nge a lungleng
leh tawh tih kan hre chak khawp mai..A tul a
nih chuan DEB ten Aizawl lam atangin BP check
thiam kohsak kan in huam reng e....
#
Kan Asst. Secretary Pu Duha te chhung
chuan Pu. Lalhmingthanga Section-III te in an
luah thar a, biak duhna neite kan awm a nih
chuan kan lo hre dawn nia. DEB ten in thar kan
lawm hun tur kan hre duh deuh bawk....
#
Pu Pawlte, I unaupa Pu K Faka Sec-V
hi VC tlangau ah kan thu thei tangang lo.. Pu
Bz-a (VC) Sec-V....VC thar lampang han sawi
tak ah chuan Pi Hnunteii Sec II hi Pi Sonia-i an
ti... Tv. U Mawitea hi Rahula kan ti....

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies