Nang Malsawmna ni ang che....

Kumpuan : Ram leh Hnam Humhalh

*Hun awl hmanthat

*Kristian nundan tha
ngaihsan
*Zofate hmasawnna
ngaihtuah
Estd. : 24. 10. 1994

Pro. Permit No - 25 of 2004

Vol - XVIII Issue No 011, the 18th April, 2015 (Inrinni): Darthlalang Chanchinbu,

Chanchin kan lakkhawm laia kan

vengchhung mi CHS awm te:
1. P. Lalruatpuii
Sec-V
2. Lalruatfela
Sec-V
3. PC. Hmingliana
Sec-IV
4. Pi Jeressy LalhmangaihiSec-V
5. Pi Sapkungi
Sec-I
6. Pi Lalchhanhimi
Sec-IV
Blood Bank Report
Chanchin kan lakkhawm laia CHS
Blood Bank dinhmun chu:-

B
1

AB
1

Serkawn :

Kartin

Chhuak

Phek 1- na

YMA THUHLA

Damlo

A
1

Branch YMA,

O
1

Tunkar,13-17
April
khan
Mizoram University, Tanhril a function
lian tak "VIBRIO" hman zawh takah
'Got To Dance' an tih (Dance Competition) ah Serkawn thalai lam thiam rual
Johan's Freaks te chuan 1st Prize la in,
MZU "Got To Dance 2015'' ah
PAKHATNA an ni a. Johans Freaks te
hi an chevel a hmuhnawm a, mipui
lawm an hlawh zual bik hle a ni. Kan
lawmpuiin kan chhuang a, hmun sang
zawk an thlen zel theihna turin
duhsakna kan hlan e.
#
Kan
hma
lawka
BYFI
inkhawmpui lo thleng tur atan, internet
kaltlang a information awlsam taka kan
in pek theihna turin Information & Documentation Committee te chuan blog an
siam a. http://nbycserkawn.co.nf/ ah
hian BYFI kan dawl chhungin hriattur
pawimawh update zel a ni ang. Mipui
ten tangkai takin shman i tum ang u.
#
Dt 16-19.3. 2015 thleng hian BCM
Ramzotlang Kohhran chuan Hruaitu
Camping an nei mek a. Speaker atan
Rev. K.V. Thanga hman a ni.
#
Kar hmasa khan Pi R.
Kawlkungi Sec-III w/o Pu C.
Chalkhumachu Aizawl lamah in checkup in an kal a. Pu C Lalthanpuia Sec-V
pawh Aizawl lamah enkawl mek a ni.
Dam taka an lo hawn leh thuai theihnan
duhsakna kan hlan e.
#
BCM President thar Rev C.
Ngurhnema te chhung chuan Sec-II a
President quarter an rawn luah thar a.
Anni chhung hi hun rei tak Serkawna lo
awm tawh an ni a, helaiah mithar an ni
lo. Rev V. Vanlalchhunga Sec-II chu
Haulawngah Sunday School training
pein a kal mek a ni.

1.

SECTION-I REPORT:
Date 15.4.2015 zingkar khan SYMA Section-I te chuan
kawnglai tihfai hnatlang an thawk a. Member thahnem tak an
thawkchhuak a ni. SYMA Section I te hian Section huamchhungah
bawlhhlawh bawm thar 4 (pali) dahthar a ni bawk.
2.
SECTION-III REPORT:
Date 15.4.2015 khan SYMA Section III te chuan Sakawrtui
Tuikhur tihfai hnatlang an thawk a. Member 20 vel hnatlang ah hian an
thawkchhuak a ni. Hemi ni vek hian Bawlhhlawh bawm siam hnatlang
thawh nghal a ni a, bawlhlawh bawm pasarih thar siam a ni.
3.
SECTION-V REPORT:
Date 15.4.2015 khan SYMA Section V te chuan bawlhhlawh
bawm siam hnatlang an thawk a, bawm thar engngemawzat an siam
bakah an section huamchhunga awm sate an chei thar a ni.
4.
SYMA HALL CHUNGCHANG
SYMA Meeting hall tihchantlunna atan hian cheng 50000 vel
mamawh nia inhriat a ni a. A bul tan na SYAM Exe Committe member te a mahni remchan ang ang inkhawn a ni a. A bak chu
vengchhunga mi inphalte hnen ah an phal ang ang khawn khawm a
ni a. An chungah SYMA a lawm em em a. A hnuaia tarlan ang hi
donation hmuh dan a ni:

Sl.no
1
2
3
4
5
6
7
8
9
10
11
12
13
14
15
16
17

SYMA Section-III
SYMA Section-V
Pu Rotluanga
Dr. K. Lalremsanga
Pu R. Rohmingliana
Pu R. Biaklawmi
Pu Lalrempuia
Pu K. Hamlet
Pu Samson Lianhmingthanga
Pu R. Thangzuala
Pu R. Lalfamkima
Pu ZD. Lalnunmawia
Pu K. Lalawmpuia
Pu K. Lalnuntluanga
Pu K. Hrangkima
Pu LH. Lalzarzoliana
SYMA Executive Committee
TOTAL

3000
1000
3000
3000
200
550
1000
2500
4000
1500
3000
1000
5000
1100
200
1500
14550
46100

Lengkhawm Zai Intihsiak

Lengkhawm zaia hma kan sawn theih nan SYMA Executive
committee meeting chuan kum 2015 YMA Day (June Ni 15) hian
SYMA Section hrang hrang te lengkhawm zai intihsiakn a neih ni se
tiin a rel a. Hemi lo bawhzui tur hian member panga awmna Sub
Committee ruat an ni a, mem berte chu:Pu K Lalfakzuala (Convener) Pu David Lalremruata
Pu Eric Zomuanpuia
Pu Lalchungnunga Rokhum
SYMA President
SYMA Secretary
Memberte hriattirna hran in pe lovin heta kan rawn tarlan hi
hriattirna a ni nghal tih memberte kan inhriattir a ni

SYMA LIBRARY HAWN HUN : THAWHLEHNI, NINGANI, INRINNI (3:30 PM - 4:30 PM)

Vol - XVIII Issue No 011, the 18th April, 2015 : Darthlalang Chanchinbu,

Editorial Board
Editor
Jt Editors

- John Laldingngheta
- 8974420334
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff:Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
CP. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

Bul Tan Nan BYFI

Kan hma lawka BYFI inkhawmpui kan
dawlna tur atan a inbuatsaihna ngawrh takin a kal
chho mup mup reng a. India rampum huam
inkhawmpui a nih dawn avangin hnam chi hrang
hrang kan awmkhawm dawn a ni. Inkhawmpui
zawh hnuah Serkawn hi engtin nge an hriat zui ang
le? An chhungte hnenah Serkawn chanchin hi
engtin nge an report ang le?
Nia, zuk leh hmuana insum chungchang te,
mipa leh hmeichhe infiam dan chin tawk neih te
leh hnamdangte hmuha mawi leh mawi lote,
hnamdang laka hawihhawm dan te leh anmahni lo
dawnsawn dan thlengin kan hruaituten an sawi
tam a, kan hriat tur tlangpui chu min zirtir tha tawh
hlein a lang a. Hengte avang leh Pathian
hliahkhuhnain mikhualte hmaah pawh mualpho
lutuk lovin kan tling tla leh mai turah ngai ila.
Kan khawtlangah bial, ABC, Assembly, tih
te leh Zoram huap thil tam tak kan lo dawl ve tawh
a, zahpuiawm lutuk lo chuan kan chhuak ve mai
zel a. Tun tumah India huap thil kan thleng dawn
a, nakumah NEICC, North East India te kan dawl
leh dawn a, a nihna takah chuan kan bial leh kan
puan in pawh a zau hret hret kan ti thei ang.
A national huap deuh kan han dawl dawn
a, kan level leh national level kan khaikhin lo thei
lova. Zuk leh hmuamah te, nunphung dang dangah
kan level pangngai aia hmasawnna tur a lo awm
nual tih pawh a lang a. Kan hmasawnna tur kan
hruaitute leh member thahnemngaite sawi atang te
hian inzirin kan level tih san nan hmang ila a
duhawm hle ang a.
Kan infuihna leh zir tur kan inhrilh te hi BYFI
Inkhawmpui atan chauh a ni lova, hun lokal leh zel
tura nunphung thar, changkang zawk, mawi zawk,
hawihhawm zawk leh hnamdangte hmuhah pawh
mawi leh felfai zawk kan neih theih nan rahbi thar
ni se a duhawm hle a.
Serkawnah khawlai fai leh mawi neih kan
tum a, hma kan la thin a, chhuan pawh a
chhuanawm e. Thinlung fai, nunphung felfai leh
mawi tak neih zel hi kan tum tur a ni

Branch YMA,

Serkawn :

Kartin

Chhuak

Phek 2- na

YMA Chhang Pual

A Tips For Waitress
A thupuiah saptawng kan hmang a, han hrilhfiah
hmasa ta ila. Ram changkangah hian miliante leh mi
hausate bakah mi nawlpui hian thilpek inpek hi an uar
angreng a.
Hotel, restaurant etc ah te leh hmundang dang,
shopping center etc ah te pawh an uar angreng deuh
pakhat chu TIPS hi a ni. Entirnan restaurant ah te hian
hnam changkang ho chuan thil an han ei a, an thil eina
man manager hnena an pek bakah hian anmahni
buaipuitu waiter/waitress te hmuh ngei turin an thil
eiruahna plate te hian pawisa nawi tlem a zawng te leh
thilpek engemaw te hi an lo delh bet zauh a, kha kha
waiter/ waitress te chanpual tura an pek tihna a ni thin.
Tips hi chu theihnghilh palh a ni lo tih hriat theih turin
an lo dah vah thin.
Hotel atanga an chhuah dawnte hian room chabi
te hian thilpek tlem a zawng kalsan luih zauh hi an ching
hle. Hetiang thilpekte hi tip/ tips tiin an sawi thin. Mi
hausa ho chettlat tamna 5 Star Hotel etc angah te phei hi
chuan tips ringawt hi lukhawng nei tham a awm thin.
Tips for Waitress kan tih chuan A nghaktu nu (waitress) ta tur tips tihna a ni deuh mai ang chu.
Vawikhat chu Ice Cream zawrhna dawr
changkang takah hian mipa naupang pakhat hi a rawn
lut a. Waitress nula hmeltha tak, thinchhe ve tak Lucy
chuan lo chhawnin naupang chu engnge a duh a va zawt
a. Naupang chuan Ice Cream pakhat chu a man a han
zawt a, Lucy chuan 75 Cent a lo ti a. Naupang chuan
a pawisa nawi (coin) neih zat chu a han chhiar leh te te
a, a dang pakhat man chu a zawt leh a Lucy chuan
thinrim angreng deuh hian 80 Cent, i ei duh dawn loh
chuan kal daih rawh a ti chhum hmak a, naupang chu
a kalsan nghal a.
Naupang chuan Miss, min lo ngaidam lawk la,
65 Cent man aia tlawm a awm em? a han ti leh hram a.
Lucy chuan thinrim tak hian Hei hi 60 Cent man a ni, a
aia tlawm a awm lo, i duh dawn em sawi chiang thuai
rawh a lo ti hmak a. Naupang chuan duh tih entirnan
a lu a lo bu nghat a, Lucy chuan a rawn pe a, a kalsan ta
nghal a.
Naupang chuan Ice Cream chu einghalin a eina
plate ruak chu dawhkanah chuan a kalsan a, Lucy chuan
chumi plate ruak la leh tura a va kal chuan a phu zawk
a, Ice Cream plate ruak chhunga a thil hmuh chu a en
vawng vawng a.
Chu naupang chuan 60 Cent man Ice Cream a ei
a, a plate ruakah chuan 25 Cent nawi hi Lucy tan tipsah a lo dah a ni. Duh se 80 Cent man pawh a ei thei reng
a lo ni a, Lucy tan tips pek ve ngei a duh vangin a lo
inngaihtuah buai a, a mantlawm a lo ei phah a lo ni a.
Lucy chuan engmah hriatpui lovin a lo hrawk vak vak
mai a lo ni.
Hemi ni a a tips dawn hi Lucy chuan a tana tips
hlu ber niin a hria a, a dahtha hmak a. Hemi ni atang
hian Lucy pawhin zaidam leh hawihhawmte zirin
dawrnghaktu zinga mi fak ber a lo ni ta a. An companya hotu sang takah a kaichhoh phah ta bawk a ni. I nun
tibuaitu emaw i tihte i chunga rilru chhe tak pu emaw i
tihte hi i rin ang an ni vek kher lo, i tana hlu leh a
theihnaah chuan i chunga thatchhuah chak em em te
pawh an ni thei a ni.

E Mail: Darthlalang@gmail.com/ WWW.Facebook.com/Darthlalang

Vol - XVII Issue No 011, the 18th April, 2015 : Darthlalang Chanchinbu,

MIZO TAWNG HRIAT FUH LOH THENKHAT :

PART V
R. Hmingliana
Section-IV

Ran ngo zawng: Tunlaiin nulate pawh ran ngio

zawngah an puh ta fo mai a, a dik lo a ni. Ran ngo chu
nula an ni a, a zawngtu chu tlangval an ni thin. Chu pawh
tualchhungah ni lovin; khual khuaa nupui tur zawng sawi
nana hman thin a ni. Mizo danah chuan, mipaiin nupui
tur an zawng thin. Tunlaiin, nula thenkhatin pasal tu an
zawn thin avang maiin ran ngo zawng an ni ve chuang
lo; ran ngo chu anmahni kha an ni si a.
Vah: Tunhma, Cowboy lehkhabu leh chanchinbu
thenkhat, Cyclostyle-a hrechhuah chin lai atang tawh
khan, Aizawl lam atanga thuziak lo chhuak thinah hian,
mipaiin vah an neih tir fo mai a. A reh ta deuh vang vang
a, a reh hlen dawn emaw kan lo ti hman tawh a; ka lawm
hle a. Mahse, tunhnai deuh atang khan kan hmuin kan
hre leh ta fo mai a, a zia lo hle mai.
Vah nei thei chu pakhat chiah a awm a, chu chu
ni a ni. Entir nan- pi-tu/nu-fa/ni-vah hmeichhe lam chan
a ni. Naupang tan, an pate farnu chu an ni a ni a.
Hmeichhe tan an nutate fate chu an vah-te an ni. Pu-tu/
pa-fa tih bak mipain an nei ve lo. Pu-vah/pa-fa/puteavah etc a awm ngai lo. Chuvangin, hetianga mipa vah
neihtir thintute hi, a hmelhriattute chuan i hrilh fiah thin
ang u.
In chung bawk: In chung a lo chhiat chuan, a hnuai
kha an hlip thla a, a tharin an thlak (siam tha) thin a, chu
chu in chung hawk an ti thin niin ka hria. Thliin in chung
a lak hi hawk an tih ka hre ngai lova. Hman ni March ni
26, 2015 DDK Aizawk News ah, thliin in chung a lak thu
a puang a, thliin a hawk a ti tlat mai! kei chuan dik
lovah ka ngai a, upaho khan han sawi ve teh u.
Phawthira leh Hrangchala: K u n g a w r h i
chhanchhuak tura umtute kha, Phawthira leh Hrangchala
an ni tihah chuan kan lung a la rual tlang a. Mahse.
Khuavang lamtluam (Sakei lamthuam) a an riah laia
huaisen zawk kha kan hriat dan a rual lo tlat mai a. Kei
chu, kan naupan lai atanga ka lo hriat thin dan chuan, a
huaisen zawk chu Phawthira kha a ni a. Tun hnu hian,
mi thenkhat sawi dan leh ziak danah hian, Hrangchala
kha an dah huaisen zawk fo mai a. Kei chuan dik lovah
ka ngai lehpek a, han sawi ve teh u khai.

BRANCH YMA HNATLANG

Karleh hian BYFI Inkhawmpui kan thleng dawn
a. Inkhawmpui chhunga kan khawtlang a lo mawi theih
nan SYMA member ten khawtlang faina kawngah
theihtawpa hmalak kan tum a.
Dt 25.4.2015 (Inrinni) Zing Dar 6:30 hian YMA
member te BCM Mualah khawlai tihfai hnatlang thawk
turin kan chhuak khawm dawn nia.

PA SYSTEM HRIATTIRNA
SYMA Public Address hi khawtlang mipuite tan
tangkai taka hman zel ni se kan duh a. A hnuaia mite hi
khawtlang mipui ten min hriatsak turin kan inngen a ni.
# Kan PA system tha lo, fiah lo leh ri thei lote kan
hriat chuan heng mite hnenah hian hriattir thin ni se a
lawmawm hle ang
i) Pu K Biakthansanga (8119867453)
ii) Pu C Lalbiakzuala (9862611372)
# PA System-a thupuan tur nei ten phone leh smsa inhrilh mai lovin a puangtute hnenah ziak ngeia pek ni
se, au sual palh a awm loh nan kan ti a ni.

Branch YMA,

Serkawn :

Kartin

Chhuak

Phek 3- na

ZU CHUNGCHANGA DEB
THLIRVELNA
Darthlalang chanchinbua zu chungchang a lan
thin dan leh tun tuma a landan chu a dang deuh
maithei. Zu chungchanga kan Zoram dan hman
lai, kum 1996 atanga hman tawh Khap Burna dan
chu Khuahkhirhna danin a thlakthleng dawn ta
a. Lunglei khawpuiah ngei pawh zu chu zawrh a
ni dawn ta.
Zu chhe in nge zu tha in? tih te, khap nge tha
khuahkhirh tih te, Bible lam atanga chhuizaunate
leh YMA tel vena chin leh chin loh tur te sawi kan
tum lo. Titi dang deuh kan vawrh dawn a. Tunlai
kan hun hman mekah Mizoram sorkar chuan zu
chungchanga a policy a thlakthleng rup mai.... A
thar hi a hlui aiin a tha angem tih pawh kan hre
rih lo. DT chhungkaw member te hian ngaihtuah
ila, he thil thleng hi kan thuneihna piahlam thil
daih a ni a, mahse, kan chungah ngei a thleng ve
si. Kan chunga thil thleng tur zawng zawng kan
relin kan ruat thei lo, mahse, a lo dawnsawn dan
kan thiam leh thiam loh a pawimawh hle thin....
Zep thu a cheng lova, kan khawtlangah mi
engngemaw zatin Zu Permit kan nei a, DEB ten a
list kan ennaah chuan rin lawk sa te leh rin loh tak
tak te, palian pate, nu lian, nu te, hmeltha leh chhia,
vun rawng pawh inang lo engngemaw zatin zu
lei theihna card chu an nei ta. Kan sawi phak a
awm lo, an duh a, an siamtir a, an nei mai a ni.
Card nei lo zawng zawng hi Dry thei ila, kan
khawtlang tan a la lawmawm hle ang. Card nei lo
pawha in duh tho tur leh mi card hawh peih tak tak
tur thlengin kan awm bawk si..... Tun issue bik atan
heng te hi han chhiar la, i nunah han hmehbel teh,ZU
NGAWL I VEI EM? Heng zawhnate atang hian...
* I car-ah leh i hnathawhna hmunah te zu leh
zu no etc a awm nuai thin em?
* I in hun pangngaia i in remchan loh changin i
taksa a khurin i pum a na em?
* Zu vangin i hna leh tih tur pawimawh i thulh
fo tawh em?
* I nuam tih leh i thil chin thin e.g. thiante tlawh
kual, inkhelh, music etc etc ah i tuina a bo vin i
peih tawh meuh lovem?
* Zu vangin i hnathawhnaah buaina i nei em?
Zu vangin midang nen in intibuai em?
* Zu vangin sum leh pai harsatna i nei em?
* Zu i in tantirh laia i in zat (dose) leh tuna i
mamawh zat a intam hleih tawh viau em?
* Zu vanga taksa rihna tlahniam, biang leh hnar
vel sen/tai, i nei em?
Heng zawhna paruk zinga Aw tia i chhan
zawng kha han belhkhawm la, i dinhmun chu:
5&6 : Zu ngawlvei i ni
3-5 : Ngawl vei i hnaih hle, fimkhur teh
1-2 : Duh ai chuan i in nasa tan mek
0.5-1: Zu in ve pangngai viau...
Ti teh daih ila, khawtlang hi i hmangaih em?
YMA hi i hmangaih em? Kohhran leh TKP i
hmangaih em? I chhungkua i hmangaih em? Heng
zinga engmah hi i hmangaih lo a nih pawhin heng
zinga engengemaw ber hi chuan an hmangaih
che.... I hmangaih leh nangmah hmangaihtute tan
hian zu i inin nge in loh vin i tangkai....???? Zurui
chungin nge rui lo chungin an tan i tangkai ang
le..... ????

Thuvawn: YMA chu tanpui ngaite tanpuitu a ni

Vol - XVII Issue No 0011, the 18th April, 2015 : Darthlalang Chanchinbu,

Branch YMA,

VC SERKAWN HRIATTIRNA
1. Deputy Commissioner Lunglei chuan hetiang han
hriattirna mipui hnenah a chhuah a, zawm theuh tur a ni.
Lunglei District huam chhungah Ni 30 April, 2015-ah
Village Council Election neih tur a ni a. Buaina leh harsatna
awm lova tluang taka inthlan hi neih a nih theih nan, Kei,
ASHISH MADHAORAO MORE, IAS, District Magistrate,
Lunglei hian Section 144 Cr.PC 1973 hmangin a hnuaia
khapna thupek hi ka chhuah e.
Ni 30/4/2015 - a Village Council inthlanni leh a hma niah te
Zuruih leh buaina siamte ka khap e.
He thupek bawhchhiate chu Section 188 IPC dan hmangin
hrem theih an ni ang. tiin.
2. Hetiang hian thupek dang DC Lunglei chuan a chhuah
bawk a:
State Election Commision, Mizoramin General Election to
Village Council 2015 ni 30/4/2015 a neih tur thu a puan tak
a vangin Dan leh thupek he mi hun chhunga zawm a nih
theih nan hian Section 144 Cr.PC (1973) in thuneihna min
pek hmangin Lunglei District chhunga SILAI LICENSE nei
zawng zawngten an Sisli an awmna a tanga Police Satation
hnai berah ni 16/4/2015 dar 5:00Pm aia tlai lovah receipt fel
tak Police Station atanga lain an theh lut vek tur a ni. He
thupek hian Lunglei District pumpui huamin he lehkha
chhuah atanga Village Council inthlan hun chhung zawng a
huam ang.
3. Lunglei District huam chhunga Arms License neitu leh
Retainers zawng zawngte Motional Database of Arms License hnuaiah On-Line Registration tih vek tur ani.
Lunglei District huam chhunga Arms License neitu leh
kawltu zawng zawngte chuan mahni Bialtu BDO emaw
Deputy Commissioners Office, Lunglei Arms Branch atanga
Form siamsa lakchhuaha Fill Up vekin May 2015 ral hma
ngeiin D.Cs Office Lunglei Arms Branch-ah thehluh vek tur
ani.
Tin, Silai neitu (License Holder) thi tawh, an chhungte
emaw midangin emaw an khawihsak zawng zawngte pawh
May 2015 ral hmain in-report vek tur ani bawk.
Heng bakah hian engvang pawha Silai License nei Silai
lei lo emaw Silai kawla License emaw Retainership nei lo
zawng zawngtete pawh he hun tiam chhung hian inreport
vek tur ani.
On-line Registration of Arms License hi India ram
pumpuiah 1st October 2015 hmaa zawh ngei tur ani a, a
chunga tih-tur tarlante khi zawm ngei ngei tur ani. Ngai
pawimawh lova hun tiam chhunga tifel hman lo chu Arms
License Renew a ni tawh lo vanga, an License Cancel-sak
hial a nih pawhin an mahni mawh ani ang.
sd/H. THANCHIANGA
Secretary
VC Serkawn

SERKAWN SIKULPUI FUND RAISING

COMMITTEE HRIATTIRNA
Serkawn Sikulpui chu Pathian hruaina leh
khawtlang mipuite thahnemngaihna zarah tluang takin a
kal chho zel a.
Serkawn Sikulpui Fund Raising Committee
memberte mahni bial theuha donation khawna kal kual leh
turin kan inhriattir a. Serkawn mipuiten tlawmngaia donation theih ang ang lo pe turin kan insawm nghal bawk a ni

Serkawn :

Kartin

Chhuak

Phek 4- na

VC HRIATTIRNA
Biometric Enrolment (Mit naute
thlalak) neih kalpui mek zel a ni a. Thla
la la velo te tan Economic & Statistic Department Office, Bazar Veng, Lunglei ah
thla lak tir thrih reng a ni. Kum 6 chin
thlalak tir theih a ni e. Voters ID nei
chuan ken tur a ni a, neilo tan Ration Card
ken tur a ni.
Tin, Nikum lama thlalak kha
engemawzat a chhuak tawh a, a hnuai
tarlante hnenah hian ngaihven theih a ni e:
1. Section I Pu K. Zodinsanga
2. Section II Pi Aihnuni
3. Section III Pu K. Biakthansanga
4. Section IVPu K. Lalremruata
5. Section V Pu H. Thanchianga
BO CHHAR
Sana leh Chabi chhar a ni a. Tibo
kan awm a nih chuan Upa K. Lalzuithanga
Sec-II te inah a awm dan chiang taka
sawiin lam theih a ni e.
Darthlalang ti ti
#
Bunghmun
BDO
fapa
Pu
Thangbawiha Sec-I hi a pa in Bunghmun
atangin a rawn tlawh a, a khawngaih lutuk
a, hna thawh pawh a phal tawh lo.
#
Nl Jenifer-i Sec-II hian zaipawl a
hla a rem hian a bula ding Nl Hma-i SecIII aw hi ama aw emaw a lo ti char char
thin tih thu kan dawng.... Section-II nula
kan kap a, Section-I atangin min rawn
chhuah chhal leh em lovang chu maw!!
#
Pu K Faka Sec-IV hi an vawkin an
nu Pi Beki vawkchaw pe tur a lo hap a, a
thinrim lutuk a, a vawk inah tuboh nen a
chhuk thla fia fia a, a inhrosa nasa mai tih
Pu Pawltea Sec-IV in min hrilh.
#
Nl. Thangi Sec-I in P.A System a
thu a puan lai khan Sec III lamah lo tui ral
an an awm...an ti! Nl Thangi hian engatinge
Section-III lama thupuan a chuh tlat le kan
ti....
#
Kan branch Treasurer Pu Muanhlua Sec-III pawh hi khanghu tam lai a ni bawk
a, Saisih lamah a chhuk deuh reng tih report
kan lo hria....
#
Nl Duati Sec-V (c/o Pa Muana) hian
Min va tilar ta lo ve DEB ho hian a ti a,
kan rawn tilar mai mai a ni.....
#
Tv Valtea Sec-I hian tunlai chu au
nuam a ti hle a, Section-II ah phei chuan
vawi nga te a nawn thin..... In duh chuan
hla pawh thlang ula, a sak sak theih nghal
che u kan beisei..... DT chhutnaa kal lova
nula rim pawizia a lo hriat nan kan han
suasam hlek a ni e.
#
Saptui leh Missionary Rest House
inkar kawng thlang lama thing chi hrang
hrangah Section-V mi tlawmngai ten thing
hming an tar hi a bengvarthlak kan ti a, a
tar tu Section-V pa ho, Pu F Puia, Pu P
Rinmawia, Pu Nunzira, Pu Zika etc an
fakawm e, an leader Pu Marova pawh
hmaih chi lo.... Tin, anmahni ho hi an hmel
en pawhin thing hming an hriat tam hmel
kan ti bawk

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies