Nang Malsawmna ni ang che....

Kumpuan : Ram leh Hnam Humhalh

*Hun awl hmanthat

*Kristian nundan tha
ng aihs an
*Zofate hmasawnna
ngaihtuah

Estd. : 24. 10. 1994

Pro. Permit No - 25 of 2004

Vol - XVIII Issue No 007, the 21th March, 2015 (Inrinni): Darthlalang Chanchinbu,

Damlo
Chanchin kan lakkhawm laia kan
vengchhung mi CHS awm te:
1. F. Lalnghinglova
Sec-V
2. Lalchhanhimi
Blood Bank Report
Chanchin kan lakkhawm laia CHS
Blood Bank dinhmun chu:A
B
AB
O
26
19
12
25
#
Pu J. Lalrosanga (Sangmama)
Sec-III chu in check up turin Kolkata
panin Dt 20.3.2015 khan a ka a. Pu
Sangmama hi Dt 27.3.2015 (Thursday)
hian zai (operation) tur a ni. Pi
Lalduhawmi Sec IV chu Aizawl ah
incheck-up in a awm mek bawk, dam
taka a lo haw thuai theih nan khawtlang
mipui ten i tawngtaipui ang u. Pu C.
Lalsailova Sec IV in check-up a Aizawl
a kal chu tluang takin a lo hawng leh ta.
#
BCM Serkawnin BYFI National
Youth Conference 2015 an dawl tur
atana inbuatsaina a kal chho lian sawt
hle a. Tunkar liam ta chhung khan
pandal sak hnatang zingkarah neih thin
a ni a, a rel (structure) chu zawh
thawkhat a ni tawh. Kan khawtlangah
India rampum huap inkhawmpui lian
kan dawl dawn a, khawtlang mawina
atan te, kan Serkawn khawtlang neitu
Pathian ropui nan te inkhawmpui hi
neih a nih theih nan mi tinin theihtawp
i chhuah ang u
#
Volunteers for Beautiful Serkawn
te chuan Volunteer te thuvawn an siam
a - i) Bawlhhlawh a bawmah chauh ka
paih thin ang a, midangte pawh ti ve
turin ka hrilh thin ang, ii) Mahni in leh
a vel kawng kam te fai takin ka enkawl
ang ii) Mahni inbul hnaia bawlhhlawh
bawm te enkawl hi ka mawhphurhnaah
ka ngai ang, iii) Thing leh mau, nungcha
humhalh kawngah theihtawp ka
chhuah ang tih te hi VBS te thuvawn
chu a ni a, volunteer kan ni ve chiah lo a
nih pawhin Serkawn mi zawng
zawngin kan zawm theuh dawn nia
#
BMS Action Team kan zinga hun
engemawchen lo cham tawh te chu
karleh hian min hawn san dawn a.
Naktuk zan inkhawm ah hian BCM
Ramzotlang Biak In ah an mahni thlahna
inkhawm neih a ni ang. An cham
chhunga Khawtlang leh Kohhran tana
an tangkaina ah kan lawm hle a ni.

Branch YMA,

Serkawn :

Kartin

Chhuak

Phek 1- na

YMA THUHLA
1.
HNATLANG CHUNGCHANG: Dt. 14.3.2014 khan SYMA
inhlawhfakna hnatlang neih a ni a, member 20 vel an thawkchhuak
a ni. Tin, hemi ni hian Zuthlawr tur-Ramdinmawia s/o Lalengruala,
Zotlang leh Lalrosanga s/o Lianbuanga Zotlang te chu man an ni a.
An zu zem te tihchhiat sakin, zu thlawrna tur bel te hi tihchhiatsak
an ni.
Heng a huaia tarlan te hian hnatlanna hmuna a tul apianga
hman tur pawisa an rawn thawh a. An chungah kan lawm hle a ni:
1. Pu Lalhmingthanga
Sec III
- Rs. 500
2. Pu ZD. Rualchhawnzova Sec-V
- Rs. 200
3. Pu K. Lalawmpuia
Sec-II
- Rs. 500
4. Pu Chhunkunga Ralte
Sec-I
- Rs. 200
5. Pu Lalrinpuia Pachuau Sec-II
- Rs. 200
6. Pu C. Hmingthanzauva Sec-III
- Rs. 150
7. Pu T. Vanlalawla
Sec-IV
- Rs. 1950

phek lehlamah chhunzawmna...

PAINTING & STORY WRITING COMPETITION

YMA CHHANG PUAL
Organized by : YMA Chhang & Cultural Committee, Serkawn
Branch YMA
Serkawn YMA Chhang member zawng zawng te tan Painting & Story Writing Competition buatsaih a ni dawn a, YMA
Chhang member te rawn tel vek turin kan in sawm e. Lawmman
tha tak a awm dawn avangin theihtawpin ilo inbuatsaih dawn
nia.
A hun
: Dt. 30.3.2015 10:00AM
A hmun
: BHSS Jr. Section, Serkawn
Hriatturte:
1. Painting: Group hnih a then tur a ni a, Primary hnuai
leh Primary chung a then a ni:
i)
Primary chung siam tur
Tui hna humhalh or Hmanlai Mizo khua
(Entawn tur awmlo in)
ii)
Primary hnuai siam tur
Entawn tur milem pathum tar chhuah a ni ang.
(Mizo hman milem pathum atangin duhber pakhat)
2. Hmanrua : Mahni intum chawp in mahni hman thiam
ang ang hman phal a ni. Drawing paper tha tak a awm ang.
3. Story Writing : Milem pathum tar chhuah a ni ang a,
pakhat atangin thawnthu phuah tur a ni ang. Word 500 aia tlem
lovin. Group then a awm lo ang.
4. Lawmman : Group tinah 1st, 2nd, 3rd Prize siam a ni
anga.Consolation Prize, a telzawng zawngte hnenah lawmman pek
a ni bawk ang.
5. Sponsorship/tanpui dilna : He Competition atan hian
YMA Chhang Committee chuan Rs.4000 kan nei a, nu leh pa te
atangin emaw pawl angin emaw Sponsorship/tanpuina pe thei
kan awm anih chuan kan lawm hle ang. In tanpuina kan dil a ni e.
A hnuai a phone ah te hian kan inhriattir dawn nia.
sd/sd/K. LALFAKZUALA
F.LALRINZUALA
Chairman
Secretary
9862513782
9612858212

SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 007, the 21th March, 2015 : Darthlalang Chanchinbu,

YMA Thuhla chhunzawmna..

YMA SUB-HEADQUARTERS LUNGLEI CO2.
ORDINATION COMMITTEE CHUNGCHANG:
Dt 10.3.2015-khan YMA Sub-Hqrs. Lunglei
Co-Ordination Committee Meeting (Vawi 6-na),
Sethlun YMA Hall, Lunglei-ah neih zawh a ni ta a.
Heng a hnuai ami te hi YMA Sub-Hqrs. Lunglei CoOrdination Committee Meeting rorel tlangpuite an ni:
1. Hnam inpumkhatna atan YMA Sub-Hqrs. Lunglei
hian Cultural Rally Sorkar nena tangkawpa
buatsaih dan ngaihtuah rawh se tih chu Agenda
angin passsed a ni.
2. Greater Lunglei Water Supply Scheme Phase-I,
Lunglei mipuite ei tur, a tui pump-na khawl hi a
hluiiin a upa tawh hle a, Lunglei mipuite mamawh
khawp pawh a pump theih tawh loh avangin
khawl lei turin Sawrkar-ah ngen ni rawh se tih
chu Agenda angin passed a ni.
3. YMA Sub-Hqrs. Lunglei huamchhunga Mizo
hming hawha hnamdang sumdawngte tihtawp a
nih theih nan YMA Sub-Hqrs. Lungleiin hma la
rawh se tih chu Agenda angin passed a ni.
4. YMA Sub-Hqrs. Conference daltu tanpuin pawisa
pek ve thin ni rawh se tih chu Agenda angin
passed a ni a, a zat tur chu SEC kutah dah a ni.
5. Lunglei hming put chhan Lunglei chei hi mipui
vantlangin awlsam zawka kan tlawh pawh theih
nan a panna kawng hi Metal Road-a siam turin
Sorkar-ah thlen nise tih chu kaltlangpui loh mai
nise tih a ni.
6. Lunglei to Buarpui kawng siamna tur Rs.
45,000,000 (Cheng vaibelchhe li leh nuai sawmnga)
awm hi a hma thei ang ber a hnathawh a nih theih
nan YMA Sub-Hqrs Lunglei hian Sorkar-ah thlen
ni rawh se tih chu SEC-in a hma thei ang bera lo
zirchiangin lo bawhzui se tih a ni.
7. School (Elementary Stage) ah Moral Science Subject introduce a nih theih nan Sawrkawrah thlen
ni rawh se tih chu hetiang hian siamthain Central YMA-ah thlen nise tia passed a ni : School
(Elementary Stage) ah Moral Science Subject hi
tun aia nasa zawka kalpui a nih theih nan Sorkarah thlen nise.
3.
PA DONATION DAWNG :
R&D BCM Ramzotlang, Serkawn atangin P.A
System hman atan Rs. 6000/- dawn a ni a. R&D
chungah lawmthu kan sawi a ni.

BAWLHHLAWH PAIHNA
Village Council Serkawn chuan Faina
kawnga hma kan sawn zelna atan Pu
C.Lalnunmawia in leh Pi Lalthlanliani inkar
kawngpui thlang lama bawlhlawh kan paih
thinna hmun ah hian bawlhlawh paih tawh loh
nise tiin a rel a. Helai hmun hi hung phui vek
tum a ni. VC te leh Sec-I YMA ten hma an la
chho dawn a helai hmuna bawlhhlawh paih thin
ten paih tawhlo turin kan inngen a ni. UD&PA
Dept. Motor hi Nilaini Zing Dar 6-8 inkar ah a
kal thin a hetah hian mipui ten bawlhhlawhte lo
khawl a, Motorah hian lo paih thin tawh turin
kan in ngen a ni.

Branch YMA,

Serkawn :

Kartin

Chhuak

Phek 2- na

YMA Chhang Pual

BANGLADESH
India thenawm ram, Mizoram ngei pawhin kan
thenawm ram a ni a, kan awmna ram bial Lunglei District nen pawh hian Bangladesh hi Km 100 aia thui kan
inri a, Lunglei District khawthlang lamah Khawthlang
Tuipuiin min daidang a, Serkawn atang ngei pawh hian
darkar 7 vela thlen var var theih a ni a. Kawng phei chu
tha se, darkar thum emaw leka kan thlen theih tur, kan
len mai mai phakna tur foreign ram a ni a, hei vang
hian Bangladesh hi India thenawm te zingah pawh keini
Zoram chhim lam mite chuan kan thenawm hnai zual
bik a ni. Tlabung atang khuan lawng chak vak lo pawhin
tuipuiah kal ila, darkar chanve pawh tling lovah
Bangladesh khaw hnai ber Theka chu kan thleng thei a
ni.
Serkawn atang hian khawthlang lam i hawi thlak
vang vang chuan, tlangdung lang thei hla ber ber te hi
chu Bangladesh ramchhung tlangdung an ni deuh vek
tawh a ni. Khai le Bangladesh bihchiang ang aw
#
Tuna Bangladesh ram leh India rama Bengal state
hi Bengal ram (Bengali mite ram) a ni thin a. Saphovin
India an awp a, zalenna min pek dawn lai khan 1947
kum tir lamah Bengal ram hi thendarhin East Bengal
leh West Bengal ah an then hrang ta daih a. East lam
chu Pakistan hnuaiah an beh tir a, West lam chu India
hnuaiah an awm tir a. Chuvangin India ramah pawh
East Bengal state nei lovin West Bengal State chauh kan
nei ta a. Pakistan in August Ni 14, 1947 ah British hnuai
atanga independence a hmuh khan East Bengal lam chu
Pakistan-ah betin East Pakistan tia hriat a ni ta zawk a.
East Pakistan hian May Ni 26, 1971 khan Pakistan hnuai
atangin zalenna a lo hmu ve leh ta a, Bangladesh tia
vuah a lo ni ta a ni.
#
Bangladesh hmingpum (Official Language) chu
People Republic of Bangladesh tih a ni a. Bangladesh
tih hi Bangla tawng chuan Bangla Mite Ram tihna a
ni.
#
An ram khawpui lian ber, rorelna lamah pawh
an khawpui ni bawk chu Dhaka a ni a. Mihring
Maktaduai 15 vel awmin khawvel khawpui lian 10
zingah a lang phak a, Dhaka ah hian Muslim biak in
(Mosque) a tam avangin City of Mosques tia hriat lar a
ni.
#
Bangladesh pawisa hi Taka a ni a. Taka tih hi
Bengali tawng a ni a, pawisa tihna a ni. Mizovin pawisa
kan sawina tho, Tangka kan tih pawh hi Bengali
tawnga Taka atanga kan lak hi niin a lang.
#
Bangladesh pawisa Taka International code chu
BDT a ni a, India pawisa (INR) Rs 0.71 vel leh Taka 1 hi
a intluk vel a ni.
#
Doyel/Doel sava hi Bangladesh National Bird a ni
#
Bangladesh hi khawvela mihring bitna ber ram a ni.
#
Bengal Tiger tia hriat lar sakei lian chi (Mizo vin
Hlaiba kan tih pawh hi Bengal Tiger hi niin an sawi) hi
Banladesh National animal a ni.

Serkawn Sikulpui Fund Raising Committee

Hriattirna
Serkawn Sikulpui Fund Raising Committee
member ten kan bial theuh te tlawh ngun turin kan
inngen a. A hma thei ang bera kan bial theuh te tlawh
kual turin kan inngen a ni.

E Mail: Darthlalang@gmail.com/ WWW.Facebook.com/Darthlalang

Vol - XVII Issue No 007, the 21th March, 2015 : Darthlalang Chanchinbu,

LUSHAI HILLS (MIZORAM) RAMRI-I

R. Rongenga
Section-IV, Serkawn
Ramri hi a pawimawh lutuk a ni ti rawh
u? Pathian pawhin a ngai pawimawh takzet ...in
thenawm ramri chi nsawn tur a ni lo (Deut. 19:14);
A thenawm ramri sawn tu chu anchhedawngin
awm rawh se....Amen... (Deut. 27:17). Ram leh ram,
Hnam leh hnam bakah unaute chenin RAMRI a
siamfelsak vek a ni. Sorkar pawhin a ngai pawimawh
takzet a, Dan fel tak hmangin ramri a siam vek a ni.
Hriat sual palh vanga lo tisual palhte chu lungdam
takin an in witdraw thei a, hre reng chunga TISUAL
LUI tute hi a luhlul lul, a kawlh kawlhah an tang
duh riau lehnghal! Hetiang Pathian, Sorkar/dan leh
thenawm khawvengte zahpah map lova mahni
huang pawn lama hnawksakte avanga thenawm leh
thenawm, Mizo leh Mizo kan intihbuai sup sup lai
hian, tha thlah lova RAM LEH HNAM HUMHALH
a ngai reng abwk a nih hi.
Mahni tapchhak zawl atanga Moral Support
lo pek ve bak YMA phak tawh lo kei tehlul hian
ramri dung suartluan kan rawt teh ang.
Thuhmahruai nei hmasa phaw t ila: 27th August, 1873
khan, 33rd of Victoria, Chapter 31 hnuaiah, 1st November 1873 atanga hman tan turin BERF (Amendment) Act, 1925 hmangin Lushai Hills-a hman ve
turin Notification No. 9102 AP of 28th August, 1930
tihchhuah a ni. BERF 1873 (V of 1873), Section 2-in
thuneihna a pek angin, Governor-in-Council chuan
Lushai Hills ramri (Inner Line) chu Notification
No.9102 AP 28th August, 1930 hmangin a puang
ta a, chu chu Assam Gazette Part-II, 3rd September,
1930-ah publish a ni. Amaherawhchu, chul mam
ngai deuh a awm ani ang, he Notification luahlan
tur hian Notification No. 2106 AP 9th March, 1933
hmangin Governor-in-Council chuan Inner Line
chu a rawn puang tha leh ta a, chu chu Assam Gazette Part-II, 15th March, 1933 hmangin tihchhuah a
ni a. Chu tak chu tuna Dan hnuaia kan ramri chu a
ni.
RAMRI TE CHU:
1. Hmar lama Manipur State nena kan inrina hi
Km. 95 a niin, Assam State nena kan inrina hi
Km.123 a ni.
2. Khawthlang lamah Tripura nen kan inrina hi
Km. 66 a nih laiin Bangladesh nen International
Boundary Km. 318 a thui kan nei.
3. Chhim lamah leh khawchhak lamah Burma
(Myanmar) nen International Boundary Km. 404
a thui kan nei bawk.
Hmar lam ramri i hrut hmasa teh ang.
Mizoram chhungah School an rawn sa..., Mizo
leilet neitute an hnawtchhuak...., Police-in....chuti
khati, Forest Department-in chuti khati..etc. te hi
HUMHALH ZAWH LOH vang nge INNER LINE-A
CHIAN LOH vang ni ang le?
NOTIFICATION No.2106 A.P Dt.9.3.1933 CHU
HEIHI:
NORTH: Ruanding leh Barak lui infinna
atangin Inner-Line chu Ruangding lui laia kal chho
zelin, Lungkulh luiin a finna thlengin a chho ang a;
chutatangin chu lui lai zelah a hnar thleng chuan a
kal ang a. Tin, Teirangnek luite-a luang lut a fintu
luite kam ding lama khawthlang hawi zawnga tlang
dung tan in a chhuak ; chuta tang chuan chu lui laia
chhuak zela Sonai lui a finna thlengin.

Branch YMA,

Serkawn :

Kartin

Chhuak

Phek 3- na

He point atang hian Inner-Line chu Sonai laia

Chhim-khawthlang hawia kalin Suanglawn lui nena an
infinna thlengin; chuta tanga he lui laia chho zelin
Banghkhal nen an infinna thlengin; chuta tanga
Banghkhal lui or Tuisenlui lai zawh chho zelin, Saipum
kha ruahsan tawh bula hnar nei amah fintu luite lian ve
deuh nena an infinna thlengin; he fintu lui lai atanga
chhovin Bongkong tlang chhip thlengin, kha tlang dung
kha tan chhuakin Tuidu lui laia kal zelin Rukni lui nena
a infinna thlengin. Chuth, he lui infinna atanga Hmarkhawthlang hawia ngil taka kalin Aizawl-Dwarband
kawng Mel 800-na lung hmar lam furlong khata awm
Dhalai lei (Bridge) thlengin a kal leh a, he point hi
Hailakandi/Silchar Sub-Division (Cachar District) leh
Lushai Hills District te intawhkhawmna lamthuamthum
a ni bawk; chuta tangin Dhalai lui lai zawh chhova a
hnar panin, chu tah chuan lui inthenna inkar ram tan
thlangin Chhimluang lui hnar a su a, he lui lai zela
chhuakin Barun Chara nen an infinna a thleng thla a;
chutatanga Barun Chara lui laia chhuak zelin Hmarluang
(Te) a finna a thleng a; chuta tanga he lui laia chhovin a
hnar neihna Bhairabi tlang a pan chho va, chuta tanga
Bhairabi tlang chu khawthlang hawia tan thlain Bhairabi
lui hnar thlengin; chuta tanga Dhaleswari lui lai zela
chhovin Pakwa lui nena an infinna thlengin; chuta tanga
Pakwa lui lai zela chhovin a vaukam vei lama a fintu lui
te lian ve deuh pahnihnain a tawhna thlengin; he fintu
lui laia kal zela a hnar thlengin; chuta tanga hmar lam
hawiin Chatarchura Peak (2071) tlang dung zawngin;
chuta tanga khawthlang lam hawia ngil taka kalin, kha
lui leh Medli Cherra infinna chhim-khawthlang mel 3/
4th (hmun li-a thena hmun thum) vela awm Langai lui
kama Sylhet District, Lushai (Assam) leh Tripura State
(Bengal) te intawhkhawmna lamthuamthum thlengin.
Ti hian, hmar lam ramri chu kan zawh chhuk ta,
Map-ah en mil teh u. Km. 218 (95+123) zet kn kal ta e.

VC HRIATTIRNA
Director, LAD Mizoram hnen atanga lehkha kan
hmuh Central Sorkar leh State Sorkar thuchhuak Faina
beihpui thlak tan mek a ni a. V/C ten mahni khua theuhah
hma lak dan tur ruahman na siama bawhzui theuh turin
min hriattira. Heng VC te hmalakna hi thla thum danah
(quaterly) regular taka Sorkarah report pek thin tur a ni.
Hemi kawnga mipui ten hma kan lo lak ve dan
tur atan chu hetiang hi a ni
1. Chungkaw tin te inthiarna leh bualin neih theuh tur
a ni.
2. Kar khata Zirtawpni leh Inrinni a piangin mahni in
leh a vel te tihfai thin tur a ni.
3. Chungkaw tin te mahni in leh Compound te kan tihfai
rualin mahni In bul kawngpuite tihfai thin tur a ni.
Heng kan tarlan takah te hian chhungtin ten hma
kan lak that leh that loh te VC te leh LAD atangin AFI/FI
ten an endik thin dawn a heng report te hi Sorkarah regular taka thawn thin ani dawn a ni.
Ram pum huap Faina beihpui thlakn ah hian
Mizoram in Pakhatna din hmun kan hauh ngei theih nan
VC te leh Sorkar thu zawma thawhpui turin khawtlang
mipuite kan in ngen in kan in hriattir a ni.

KANGMEI TICHHUAK
LO TURIN MITIN TEN
MAWHPHURHNA
PAWIMAWH TAK KAN
NEI THEUH A NI.

Thuvawn: YMA chu tanpui ngaite tanpuitu a ni

Vol - XVII Issue No 007, the 21th March, 2015 : Darthlalang Chanchinbu,

Branch YMA,

Serkawn :

Kartin

Chhuak

Phek 4- na

ADMISSION NOTICE

INNEI LAWMPUINA

Kum 2015-2016 Session-a Serkawn Sikulpui (H/S) a

kal tumte chuan Admission form fill-up in 1st April, 2015 aia
tlai lovah a hnuai amite thil telin sikulpui Zirtirtute emaw
Serkawn Sikulpui Managing Committee (SSMC) Secretary
hnenah thehluh tur a ni.
1. Latest Completion Certificate/ Transfer Certificate
2. Birth Certificate Xerox copy (Kal thar turte tan)
Hriat turte:
1. Admission fee: Rs.500
2. Tuition fee Rs 100 pm.Tumkhata pek tlakin Rs. 1000
3. Admission Form copy khat Rs.10

Kan member C. Vanlalhruaia

(Hruaia) s/o C. Lalnghilhlova Sec-III leh
PC. Da rrok imi (R ote-i) d /o P C.
Thanghmingliana Sec-III te chuan Dt
18 .3 .2 01 5 khan
BC M Biak I n,
Haulawng ah tiam tlat e an ti ta.
Fanau maltluan chawia nupa hlim tak
leh inlungrual tak an nih zel theih nan
duhsakna kan hlan e.

sd/R. BUATSAIHA
Secretary
Serkawn Sikulpui Managing Committee, Serkawn

Public
Health
Engineering
Dapartmen (PHED) chuan tunlai hian Tui
Meter thalo-te fit that hna an rawn thawk
mek a. Connection khat tana fit that man hi
Rs. 244/- a zel a ni a, fit thate chuan
Ramzotlang side-Official Receipt pek theih
in ni. Meter tha lo in report lo te chu Connection lehkha-a tarlan angin Tui connection tihtawp sak an ni ang.
Tin, Tlawng tui a kang chak avangin
leh a tlem tawh avangin mitinten tui
renchem taka hmang turin kan inchah a. Tui
a tlem avangin a hun takah tui kan sem thei
lovin, kan sem tam theilo a, mipuite
hriatthiamna kan ngen che u a ni.

CENTER STAGE ENTERPRISE (CSE)

HRIATTIRNA
Center Stage Enterprise (CSE) 2015-2016 chhunga
member ni duh te chuan March thla ral hma ngeiin a hnuia
hming tarlan ah te hian inhriattir tur a ni e. Membership fee
hi mi pakhat tan Rs. 100 zel a ni ang.
sd/sd/LALRINCHHANA LIANHNA
JOHN HRAHSEL
Secretary CSE
Chairman CSE
9862716435
9862716435

ADVERTISEMENT
Indoor Stadium Managing Board Committee,
Serkawn chuan kum 2015 April atanga kum 2 term tur atan
Chokidar lak tharna a nei dawn a. A dil duh chuan March
2015 ral hma ngeiin Chairman emaw, Secretary hnenah
emaw dilna thehluh tur a ni ang. Lawmman chu Chokidar
Quarter a free in an luah thei ang.
Tin, kum 2015 April thla atanga kum thum chhung
atan Hall hmalam dawr kaw hnih luah duh tan dil theih a
ni bawk. Dilna hi March 2015 ral hma ngeiin Chairman
emaw, Secretary hnenah emaw thehluh tur a ni. Dawr hi
kawkhat Rs. 1500/- thla khat atan a ni.
Hemi chungchanga hrechiang duhte chuan heng a
hnuaia hming ziakte hnenah zawh fiah theih a ni ang.
sd/ERIC ZOMUANPUIA
Chairman

sd/R. LALRUATPUIA
Secretary

INDOOR STADIUM MANAGING BOARD, SERKAWN

LAWMPUINA
R. Lalrosiama s/o Pi Lalhmangaihthangi Section-IV,
tuna Indian Institute of Management hnuaia Chennai-a Hotel
Management course zir mek chuan chuan a zirna leh practicala an thawhnaah a tih that avangin Certificate of Proficiency a
dawng a. Hei hi India rama Hotel Management lam zirlaite leh
thawktute zinga a tha chungchuang te dawn thin a ni a, management zir zawm zel nan leh hna thawhna atan pawha
pawimawh em em, mi bik tlemte chauhin an dawn thin a ni.
Hetiang chawimawina sang dawng thei Serkawn YMA member kan nei hi lawmawm kan tiin kan chhuang takzet a ni.
Malsawmtluangi Khiangte d/o Pu K. Lalthanmawia
Sec-III chuan Kolkata atangin Master of Computer Appliances
(MCA) Ist Division-ah a pass a. Kan chhuangin kan lawmpui
takzet a ni.

HRIATTIRNA

sd/Sectional Officer,
PHED
Darthlalang ti ti
#
Pu Thanga Sec-I pawh hi tunlai chu
a lar khawp mai tih kan lo hria. Bunghmun
BDO fapa angin a lo insawi kual vel a ni awm
e. Hrechiang duh chuan Pu Kunga Sec-I leh
Pu RB-a Sec-I te zawhfiah theih an ni....
#
Hman ni deuhah khan pa pakhat
hian a badminton khel zo chu inah a hawng
a, in a thlen chuan Indoor Stadium-ah a
kekawr tlawn a theihnghilh tih a hrechhuak
thut a (Badminton player te hian
kalkawngah kekawr tlawn an hak pawhin
a hmunah an hlip a, a hnuaia an kekawr
bul hak nen an inkhel a, an inkhelh zawhah
a tlawn chu an ha leh mai thin), Indoor
Staduim ah let lehin a zawng kual ta a, hall
chhunga an hmuh mai loh avangin hall bul
vel dawrah te pawh an zawng kual nasa hle
a, a tawpah a zawnpuitu pakhat chuan Ka
pu, i hak lai kha a ni lo emi? a ti a, a han
inenchiang a, A LO HA RENG zawk a lo
ni... Tunge kan sawi lovang, hrechiang duh
chuan Rev. Dr. K. Lalrinthanga zawhfiah
theih a ni....
#
Tuipui thuk tak taka liluh thiam
hmingthang, a tui thiamna vanga Zoram
pum hriat hlawh, nunna tam tak lo
chhanchhuak tawhtu Pu Ramfangzauva
Sec-II hi BORUAKAH CHUAN A LO
LILUH THIAM BIK LO tih kan hrechhuak,
pandal sakna chung atanga a liluh chiah chu
a bur ve chaih mai.... tih thu kan dawng
(mi ke nat lai laia inkah nan chuan a va
ngeiawm em....)

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies