Nang Malsawmna ni ang che....

Kumpuan : Ram leh Hnam Humhalh

*Hun awl hmanthat

*Kristian nundan tha
ng aihs an
*Zofate hmasawnna
ngaihtuah
Estd. : 24. 10. 1994

Pro. Permit No - 25 of 2004

Vol - XVIII Issue No 005, the 7th March, 2015 (Inrinni): Darthlalang Chanchinbu,

Damlo
Chanchin kan lakkhawm laia kan
vengchhung mi CHS awm te:
1. F. Aihranga
Sec-II
2. Np. Lalhruaitluanga Sec-III
3. K. Lalrinsanga
Sec-III
4. P. Lalhmangaihzuala Sec-IV
5. Lalthlanawma
Sec II
6. Lalrinmawii
Sec I
Blood Bank Report
Chanchin kan lakkhawm laia CHS
Blood Bank dinhmun chu:A
12

B
16

AB
9

O
19

#
4th March, 2015 (Nilaini) khan
Christian Hospital Serkawn, School Of
Nursing te chuan Capping and Lighting
Programme ropui takin an hmang a.
Khuallian atan Lunglei Chief Medical Officer, VLMS Dawngliana hman a ni.
#
Pi
Romawii
w/o
Pu
Lalrinmawia Sec-III chu Dt 5.3.2015
(Ningani) khan Aizawl ah in Check-Up
turin an kal a. Dam taka an lo hawn leh
thuai theih nan duhsakna kan hlan e.
#
DEB member hlun Tv. R.
Lalmalsawma Sec-II chu Jubilee Bible
School (JBS) a zirturin a in ziak tling a.
Kan lawmpui hle a ni. JBS hi Serkawn
hmuna BCM in a hawn thar, Bible zirna
hmun a ni a. JBS a zirtur batch hmasa
ber atan hian mi 24 leh Missionary deputation-a zir tur pariat, an zavaiin mi 32
lak thar an ni.
#
Baptist Church of Mizoram
rorelna sang ber Assembly vawi-119na
chu Dt 4.3.2015 atang khan BCM Biak
In Farm Veng-ah neih tan a ni a. Naktuk
zan thleng a awh ang. Assembly ah hian
BCM Khawiva, Ramzotlang leh Serkawn
atang hian Kohhran puipa engemawzat
an palai ani.
#
BCM President ni mek Rev. H.
Sangchema Sec II chuan a term a lo tawp
tak avangin Aizawl lamah min kalsan
dawnta a. A aiawh tur hian Rev. C.
Ngurhnema a rawn awm dawn a ni.
#
HSLC leh HSSLC exam neih mek
a ni a. Zirlai exam mek ten theihtawp a
lekha zir turin kan inngen a, tha taka
exam inbeih theih nan duhsakna kan
hlan a che u.Tin, zirlaite tibuai thei
zawng a bengchheng siam lo turin
khawtlang mipuite te kan inngen nawn
leh nghal bawk e.

Branch YMA,

Serkawn :

Kartin

Chhuak

Phek 1- na

SYMA EXECUTIVE COMMITTEE

A hnuaia hun leh hmun tarlan ah hian SYMA Executive Meeting neih leh tur a ni a. Memberten ngaipawimawha
kal theuh turin kan inhriattir a ni. Tin, Committee kohna
hmu lo palh kan awm anih chuan hei hi kohnaah ngaih nghal
tur a ni ang.
A Hmun
A Hun

: Old Aged Recreation Hall

: Dt.9.3.2015 ( Thawhtan Zan) 6:45 PM

YMA THUHLA
1. SECTION IV REPORT
* 14th February, 2015 (Inrinni) khan Sachek siam hnatlang neih a
ni a, hetah hian members 20 vel an kal a ni.
* 16th February, 2015 (Thawhtanni) zinkarah khan Pu Zamawia
Sec-IV te inhnuaiah, lei laih hnatlang neih a. Member 7 an thawk
chhuak a ni.
* 18th February, 2014 (Nilaini) khan nilengin Pu P. Lalnuntluanga
te huan, Melte-ah lei laih hnatlang thawh a ni a. Member 16 (Mipa
12 leh Hmeichhia 4) an thawk chhuak a ni. Tin, 21st February,
2015 (Inrinni) ah thawk chhunzawm leh a ni a, hetah hian member 25 (Mipa 19 leh Hmeichhia 6) an thawk chhuak a ni.
* 28 th Febuary, 2015 (Inrinni) Zingkar ah Pu Zoliantluanga
hnathawhna, Chanmari-ah Bankhur laih hnatlang neih a ni a,
hetah hian member 16 (Mipa 15 leh Hmeichhia 1) an
thawkchhuak a ni.
2. YMA LIBRARY CHUNGCHANG
* SYMA Library a lehkhabu donate tur neite chuan a hnuaia phone
no. tarlan ah hian a in hriattir theih e: 9863616235/9436773787
3. YMA CHHANG
* Nimin 6th March, 2015 zingkar ah khan YMA chhang te chuan
hnatlang an thawk a. Member thahnem tak an kal a ni.

LIBRARY HNATLANG
Vawiin 7th March, 2015 (Inrinni) zing 9:30 hian SYMA Library Committee te chuan Library tihfel hnatlang thawh tur a ni
a. Kohna lehkha hmulo kan lo awm palh a nih pawhin members
ten hei hi kohna a ngaih nghal tur a ni.
sd/Secretary,
SYMA, Library Committee

SYMA SECTION HRITTIRNA

Section IV huam chhungah kawngpui dunga Motor sil leh
kawng sira motor dah hi Section-IV YMA Executive Committee
chuan tha a ti lova, motor nei tuten zawm theuh turin kan in ngenin
kan in hriattir a ni.
sd/P. LALHMINGCHHUANA
Secretary,
SYMA, Section IV

KANGMEI TICHHUAK LO TURIN MITIN

TEN MAWHPHURHNA PAWIMAWH
TAK KAN NEI THEUH A NI.

SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 005, the7th March, 2015 : Darthlalang Chanchinbu,

Editorial Board
Editor
Jt Editors

- John Laldingngheta
- 8974420334
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff:Lalengkima
Lalrinchhana Lianhna
Malsawmzuala Fanai
Lalruatliana
C. Lalenkawla
N.K. Zama
K. Vanlalneiha
C. Lawmsangzuala
K. Lalruatkima
K. Lallawmzuala
Members
CP. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge:F. Lalhmangaihthanga(Secy, SYMA) Ph - 9862311359

KAN HRUAITUTE AN
CHHUANAWM
Tunkar liamta deuh mai khan kan YMA
hruaitu pahnih hian Traffic Dan an bawhchhia a, dan
bawhchhetu ni mah se kan chhuang hle thung a ni.
Kan branch YMA President Pu Lalbiakzara
leh Sub Hq YMA Lunglei President Pu Mathara (Pu
R Lalnunthara) te hian kar liamta mai khan Sun Hq
YMA thil pawimawha an kalnaah an motor chu park
phal lohna lai (No Parking) ah an lo park dun a. An
motor ve veah chuan Traffic Police ten Seizure list lo
dahin an hmuh veleh Traffic O/C Office-ah an in
report nghal a.
Traffic O/C leh a thawhpuite hian YMA
hruaitu an nihna leh YMA thil pawimawh tia kal an
nih avang te leh hriat loh vanga tisual an nih avang
chuan lo hrethiamin lo ngaihdam mai an tum a.
Amaherawhchu kan hruaitute zawk hian YMA an
nihna angin leh hruaitu an nihna zawnah dan ang
thlapa kal loh chu fel lovin an hria a, Kan ti diklo
alawm tiin dan ang thlapa kalpui turin thuneitute
an ngen ta zawk a, lirthei park phal lohna hmuna
park te chawi thin ang chiah an chawi ta zawk a ni.
Hetianga thil te tham te anga langah pawh
dan anga kal ngam, a nih dan tur dik thlapa ti duh
mi hruaitu kan nei hi Sub Headquarter YMA Lunglei
pumpui tan pawh a thlamuanthlakin a vanneihthlak
hle a. Serkawn phei chu hetiang mi ngei branch
hruaitu kan nei hi kan vannei bik zual kan ti lo thei
lovang a. A chhuanawmin a entawntlak hle a ni.
Kan hruaitute entawn hian YMA kan nihna
angin dan dik tak, fel tak leh mite hmuha mawi taka
nun zel kan tum dawn nia, hei hi YMA inkaihhruaina
pawhin min phut a, YMA kan nih anga kan tih thin
dan tur a ni
CHAWHPAWLH
#
Kumkhat chhung hian vawi Maktaduai 5 vel
i thaw (boruak i hip) hman.
#
Pathiannia intan thla (month) ah te hian Ni
13 chu Zirtawpni a ni thin a, sapho hian Friday The
Thirteenth an ti a, ni tha lo leh duhawm lovah an
ngai, puithuna atthlak a ni.
#
Pencil tlawn khat hian Mel 35 vela sei rin (line)
a siam thei a, kutziak pangngaiin English thumal
50,000 vel a ziak thei.

Branch YMA,

Serkawn :

Kartin

Chhuak

Phek 2- na

YMA Chhang Pual

Rubiks Cube
Tunlai naupangte uar em em, thluak
sawizawina tha tak, thil kil li nei, rawng hrang hrang
awm, chi hrang hranga remkhawm / remdik theih
Rubiks Cube (RC) kan tih mai hi han belchiang teh ang.
#
Cube chu kan hre vek anga thil kil riat nei, a kil
tin sei zawng inchen vek tihna a ni mai a. Rubiks Cube
hi cube tereuh te te 24 infinkhawm, cube lian tak pakhat
anga awm a ni a. A cube te 24 a a pang (side) ah hian
rawng chi hrang hrang paruk ( a sen, serthum rawng,
a eng, a var, a hring, a pawl a awm a, an her kual theih
vek bawk. A cube te zawk te hawi dan atang hian a
cube lian hmel hmang a dang thei.
#
Rubiks Cube hi kum 1974 a Hungarian mi Erno
Rubik-a hmuhchhuah a ni a, a hmuchhuaktu hi milim
ker thiam a nih bakah Architecture lama Doctorate
Degree nei a ni.
#
Rubiks Cube hi hmuhchhuah a nih tirh chuan
Magic Cube tia hriat a ni a, a hmuchhuaktu hian kum
1980 khan Rubiks Cube tia a hming thlakin naupang
lawm siamtu company lar tak, Ideal Toy Corporation
hnenah a hralh a, anni hian khawvel hriatah an lo tilar
ta a ni.
#
Rubiks Cube-ah hian problem solve theih
43,252,003,274,489,856,000 zet a awm a, a vaia thiam
chu a harsa hle a. A hmuchuaktupa ngei pawh hian
problem solve theih a nei mang lo.
#
Rubiks Cube-a remchhuah theih zawng zawng
remchhuak tur hian a rei lo berah kum Tluklehdingawm
4000 vel bawr chu i mamawh ang.
#
Mats Valk , Dutch rawlthar hian RC problem
eng pawh hi 5.55 second chhungin a tifel hman a,
mihring zinga RC rem dik thiam ber nia hriat a ni a. RC
ti tura siam Robot hian 3.25 Second chhungin eng problem pawh a tifel hman thung.
#
Khawvel pumah Rubiks Cube hi Maktaduai 350
aia tam hralhchhuah tawh a ni a, khawvela naupang
lawm hralh chhuah tam ber a ni.
#
1981 kuma an siam, Rubiks Cube rem dan
lehkhabu chu copy Maktaduai 2 aia tam hralhchhuah
a ni.
#
Khawvela Rubiks Cube te ber hi a sir pakhat sei
zawng 10 mm a ni a. Khawvela Rubiks Cube lian ber
ve thung hi Knoxville, Tennessee ami 6 ft hawlhtlanga
lian, 500 Kgs aia rit a ni.
#
Rubiks Cube hi US ah kum 2005 atang khan
naupang lawm hralhchhuah hnem ber a la ni ngat ngat
a. Khawvel hmun hrang hrangah Tluklehdingawn 1
aia tam hralhchhuah tawh a ni.
#
Rubiks Cube hian Mathematics leh a hnuaia
peng hrang hrang, Algorithm, Algebra, Geometry etc
thuruk ril leh pawimawh tak tak a pai tam avangin
mithiamte zingah zir a hlawh hle a. Havard University
atang ngawt pawhin tunhnaiah mi 10 aia tamin Rubiks
Cube kaihhnawih thilah Doctorate Degree an la. Miten
Doctorate Degree lak nana an hman Rubiks Cube hi
SYMA Chhang member ten zirna tihchhiat nan hmang
lo hram ang u.
#
SYMA Chhang member te, Darthlalanga YMA
Chhang Pual hi uluk taka chhiar thin turin kan inngen
thar leh a, in chhiar that peih viau chuan Rubiks Cube
formula hrang hrang kan lo chhuah dawn nia....

E Mail: Darthlalang@gmail.com/ WWW.Facebook.com/Darthlalang

Vol - XVII Issue No 005, the 7th March, 2015 : Darthlalang Chanchinbu,

Branch YMA,

Serkawn :

Kartin

Chhuak

Phek 3- na

CLASSIFICATION OF LAND

Baptist Youth Federation of India (BYFI)

-R Rongenga, Sec-IV
Tun tum chu tawi tein aw niang. Kan
sawi tak ang khan ram zawng zawng hi a
awmna hmun azirin a hlutna pek hran (classify) vek an ni. (Vide Notification No. J11011/
1/06-REV, the 21st April, 2014, issued through
MIZORAM GAZETTE issue No. 307 of 27/6/
2014). Serkawn hi Grade I-ah kan awm lova,
Grae II, Grade III leh Grade IV huam chhungah
kan awm deuh vek. Hmun hmawrfem deuhva
awm Grade V chi te leh, chu aia hla lehzual
Grade VI-a awm chi te kan awm maithei. Kan
khua (Serkawn) bik i lo thlir teh ang:
GRADE-II: Kikawn atanga Serkawn Indoor Stadium thleng kawngpui dung
tluanin (Along the main road from Kikawn
to Serkawn Indoor Stadium). Grade II ram
hlutna (Land Valuation hi square meter 1ah Rs.8,000/- a ni.
GRADE-III:
i) Serkawn Indoor Stadium atanga BSF Camp
(huamin) kawngpui dung tluanin (Along
the main road from Serkawn Indoor Stadium
upto (including) BSF Camp). Grade III Land
Valuation chu Rs. 5,000/- per sqm a ni.
ii) Christian Hospital Serkawn atanga DIET bul
peng thlengin Melte kawngpui tluanin. (Along
Melte road from Serkawn Christian Hospital to
road junction near DIET). Hei hi Land Valuation leh Land Revenue chungchangah (i)-na
nen hian thuhmun a ni.
GRADE-IV: Serkawn khaw chhung,
Ramzotlang huamin, Truck kal theihna
zawng zawng, khawchhung kawng tluanin
(Along all internal Truckable road within
Serkawn including Ramzotlangh Village).
He Grade-ah hian Land Valuation chu Rs.
3,000/- sqm a ni.
GRADE-V: Grade I,II,III,IV-a tel pha lo,
Lunglei Town chhunga motor kal theihna
kawng dunga awm awng zawng (Along all
motorable road within Lunglei Town not
mentioned above). Grade V ho ram hlutna
chu Rs. 1,500/- per sqm a ni.
GRADE-VI : Lunglei Town chhunga khawi
hmun pawh, a chunga tel pha lo zawng
zawng chu he grade ah hian dah a ni. (All
sites which are not mentioned above within
Lunglei Town Area). Heng hmuna awmte hi
Land Valuation chu Rs. 400/- per sqm a ni.
Sipai bang (Ex-Serviceman) te chu In
Hmun pakhat leh agriculture ram pakhatah
chhiah an awl thei a, pakhat aia tam an nei a
nih chuan hmun dang chu a awl theih tawh
bik lova. Chubakah, ram chu a nihna tur anga
hman a nih loh chuan midang ang bawka
chawitir tur a ni.
A ho (mai mai) em? Mahse Dan hnuaia
kan khua/kan veng hi eng angin nge Hlutna min
pek?, kan In Hmun awmna Veng/ ram hi eng
Grade nge?, tih han tarlan hi a tha ve alawm.
(He thuziaktu hian The Mizoram (Land
Revenue) Rules 2013 a letling a, hei hi Directorate-in Lehkhabu-a siam turin hma a la mek a
ni. Office-ah leh inah pawh zawhfiah a inhuam
reng e. -Editor)

National Conference
SERKAWN 2015
Kan Rinna hian chitin hnam tin min suihkhawm,
India rama Baptist Thalaiten suihlung rual a;
Chapel run khat belhkhawm ve nan,
Inkhawmpui lian kan rel e....
Riakmaw iangin lunglam kan vai,
Tun min dawl zo maw, tun min thleng ang maw?
Keini BYFI thalai rual te hi;
India chhak leh thlang kil tin kan thlir,
Belh zai kan rel e Serkawn Tualchhung Kohhran....
Thenkhat chuan a hming pawh kan la hre mumal lo
maithei a, engnge a nih pawh kan la hre lo a ni thei.... La hre
lote tan hriat a hun a, inbuatsaih a hun tih kan inhriattir nghal
ni se.... BCM Serkawnin April Thlaa India ram pum huap
inkhampui lian a dawl tur chungchang hi sawi zau chhoh a
ngai hlein kan hria a, kan han sawi lang a ni.
He inkhawmpuiah hian Mizoram pawn, India ram
pum atangin palai 400 rual vel lokal tura beisei an ni a,
Mizoram atanga palai tur (TKP Bial hrang hrang aiawh) te
nen phei chuan palai hi 600-700 vel chu ni ngei tura ngaih a
ni a. Zoram pawn atanga lokal hnamdang unaute hi
hmunkhatah thlentira hmunkhata chaw pek a, Zoram
chhung mite hi Tualchhungah Zopa mikhual thlena thlen tir
tum an ni. A inkhawmpui dawl dan tur lamah chuan
ruahmanna hrang hrang siamin STK a inpeih thawkhat tawh
a, mahse, khawtlang anga kan inbuatsaih leh kan thlirlawk
ngai tam tak a awm a ni.
Serkawnah hian
Mizoram huap, ABC
huap, Bial huap, Sub
Headquarters huap etc
inkhawmpui
hrang
hrang hlawhtling tak
takin kan lo dawl ve
tawh thin. Mahse national
huap
inkhawmpui hi kan lo
dawl tawh a nih
pawhin kan la dawl tam
lovang. Kuminah, thla
leh maiah hian kan dawl
dawn a. He inkhawmpui hi STK Chairman leh Secretary te
hmel lanna tur a ni mai lova, refreshment manager Pu Fk-a
leh Commander Pu Ngurtea te hmel lanna tur chauh a ni lo.
He BYFI National Conference Serkawn 2015 ah hian
Serkawn hmel a lang dawn a, India ram huapa Serkawn
hming a tha zawng emaw a chhe zawng emawa chherna
hun remchang a ni dawn a ni. Serkawnin MTKP 98
inkhawmpui kan dawl khan Serkawn fai zia kha palai
tinrengin hahipin an sawi hawng a, Thlarau lama an
hlawkpuina tluk zetin faina kawnga an hlawkpuina kha a
ngaihsanawm a ni.
Kohhran mite tawngtaina zarah Thlarau lamah chuan
BYFI National Conference kaltlang hian India ram huap Baptist thalai rawn fuankhawmte hi Thlarau ruai thehsakin an
awm turah ngai ila. A bakah hian engnge an puak hawn ang
a, engtinnge Serkawn hi an sawi zui ang le? He inkhawmpui
hmang hian India ram pumah veng fai nihna kan lantir thei
angem? Veng mipui hawihhawm leh fel nih kan hlawh thei
angem? He inkhawmpui lian, India ram pum huap kan thleng
a, sum leh pai nuai 10 chuang kan senralnaah hian Serkawn
leh a chhunga chengte hian kan mikhualte lakah a tha lama
min hriatrengna tur kan neih a pawimawh hle dawn a ni.

Thuvawn: YMA chu tanpui ngaite tanpuitu a ni

Vol - XVII Issue No 005, the 7th March, 2015 : Darthlalang Chanchinbu,

Branch YMA,

CHRISTIAN HOSPITAL SERKAWN

PRESS HAND-OUT FEBRUARY 2015

1. Hospital Statistics February 2015
OPD a inentir zat
- 1601
Admit zat
- 230
Hospital-a mitthi zat
- 56
Major Operation zat
- 44
Minor Opertion zat
- 27
Endoscope en zat
- 38
Utrasound en zat
- 134
Labouratory exam zat
- 972
X-Ray zat
- 118
Blood Transfusion zat
- 79
2. February 2015 chhungin Hospital Poor Patient Fund atan
Rs. 41,210.00 mi thahnemngaite, pawlte leh Kohhraho te
atangin dawn a ni a, a lawmawm hle. Tin, February 2015
chhungin a huaia tarlan ang hian Christian Hospital
Serkawn leh Lawngtlai tan thilpek te kan dawng bawk,
kan lawm hle.
Sl.No.

Petu

Thilpek

1
2

MBKHP
Pi Lalthai, Aizawl

Rs. 814,411.00
Rs. 18,550.00

Pu C. Lalbiakliana Naute Blanket 1

& Family
leh naute puan 26

3. February 2015 chhung khan heng a hnuaia tarlante hian

Christian Hospital Serkawn Blood Bank a dah turin Blood
Donation an nei a. a lawmawm hle.
Sl. No.
1
2
3

Pawl Hming
TKP Bazar Veng
Unit (Dt.14.2.1015)
PYD Venghlun
(Dt. 19.2.2015)
TKP S. Vanlaiphai
Pastor bial
TOTAL

Thisen Unit pek zat

43
26
71
140

4. 26th February, 2015 khan S. Vanlaiphai-ah Clinic leh Voluntary Blood Donation camp neih a ni a, damlo 144 en an ni.
5. 4th March, 2015 khan School Nursing Christian Hospital
Serkawn-ah Capping & Lamp Lighting Ceremony neih a

ni a, Chief guest atan Dr. VLMS Dawngliana Chief

Medical Officer, Lunglei District Lunglei hman a ni.

ASIA PACIFIC BAPTIST YOUTH

CONFERENCE 2015
Asia Pacific Baptist Youth Conference, Bangkok-a
neih turah Baptist Thalai te a duh apiang tan kal theih a ni
a. Kal duh te chuan MTKP Organiser Rev. Samuel
Lalremsanga hnenah zawhfiah theih a ni a, Serkawn atangin
Thalai tam thei ang ber kal thei ila a duhawm hle ang.
Bangkok kal man hi sang lutuk a ni lova. Thalai mahni
a income neite tan phei chuan a harsa lem lova, kan tum leh
tum lohah a innghatthui hle ang. Khawvel huapa kan Baptist Thalai puite ningkhawng hmuhna hun remchang,
keimahni pawh kan in expose na hun tha tak a ni a. Asia
Pacific Baptist Youth Conference neih thinna hmun hrang
hrang zingah Bangkok hi kan ram atanga kal awlsam leh
kal man tlawm ber pawl ani. Serkawn atangin engzatnge
kal thei dawn le?

October 21-25,2015

Exalt His
Name in
Worship!

Serkawn :

Kartin

Chhuak

Phek 4- na

RAN DAMDAWI
IKTHUS MEDICAL STORE
Serkawn Indoor Stadium Opposite ah ran chi hrang hrang damdawi kan
zuar e. Ui, Vawk, Bawng, Ar etc.
vulhtute tan pan theih reng kan ni.

-Prop Mamawia

LEMONVALE
PRODUCTION
A hnuaia tarlan ah te hian engtik lai
pawhin Video leh Photo kan la thei
reng e. Hmun dang pan ngai toh loin
kan vengah chhungah ngei tlawmtein
koh theih rengin kan ni e.
John Lalmuanpuia Hrahsel
9862716435
K.L. Biakthanpuia
8014532937
Darthlalang ti ti
#
Zothana (Khupy-a) Sec-III hian a len
chhoh hmain U Sangpuii Sec-III te dawrah
MULCO Bawnghnute pack khat a in ziah
a, a chhan ka hre bik lo.... -Rintea Sec-III
#
Kan Asst. Manager Matea Sec-V hian
Hrangchalkawn ah Chicks lampang
buaipuiin a buai hle a. Hrangchalkawn leh
chhim lampang khaw hrang hrang ah ar
note leh ar chaw supply in a buai vut vut
mai. DEB te min ngaihsak ta lo hle...
#
Kan manager Pu Muanawma Sec-V
lah hi Engtikah nge nau in neih dawn ti
ringawt suh u. An nu nge, an vawk nge, an
ui nge, in zawh ber a hrechiang lo thin....
#
Zanah Pu L.H Mapuia Sec-IV te in
ah Tv. Hmingchhuana Sec-II a han len chhoh
a, a leng hawng in Dar 10 velah Saptui kawr
thim laia phone a han biak hi chuan.... a aw
ri ringawt hriat chu Pa Saia Sec-IV nge Pu
Sangzuala Sec-IV tih mai a awl hle, amah
hmuh lem loh chuan.....
#
STK Chairman Pu Ai-a Sec-II hi
zawnglai a ni bawk a, a damdawi in awm
hian nurse lo melh nasa deuh mahse kan
hrethiam ang... Pu L.T. Muana Sec-III leh
Pu. R.K. Khuala Sec-II te pawhin Tv.
Mathana Sec-III te nen nula an rim ho
ve tho alawm.. (Competition a sang duh
khawp ang)
#
Pu Zabiaka (Sec-I) Award hi sem
ve ta se, Pu Zamtea Sec-II nge dawng hmasa
ang Pu Khawtea Sec-II hian.......? Pu
Thangbawiha Sec-I hi nominee ah a langpha
ve angem....?
#
Petros leh Juniper Editorial Board ten
Bial intlawhtawn Programme ah hla an rem
ho dawn a, an ngaihtuah awm ve hle mai..
Captain Lalhleia (Ramsanga) emi conductor ah an hman dawn le....??

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies