Documenti di Didattica
Documenti di Professioni
Documenti di Cultura
Vol - XVIII Issue No 002, the 14th February, 2015 (Inrinni): Darthlalang Chanchinbu,
AB
Nil
Serkawn :
Kartin
Chhuak
Phek 1- na
Damlo
A
1
Branch YMA,
O
2
Thisen Pe
Kan member tunkara CHS a thisen
pe te:
1. Pu P.C. Lalbiakmawia Sec-I
2. Pu T. Laldingliana
Sec-IV
3. Tv. Ramenpuia Hrahsel Sec-V
#
Upa L.H. Liandinga Sec I, Vellore
a in checkup a kal chu Dt 11.2.2015 khan
dam takin Serkawn an lo thleng leh ta.
#
VC Serkawn hmalakna in Dr. F.
Lianchhinga In atanga Volleyball court
kawng chu siamthat a ni a. Sec IV mipui
te VC Serkawn chungah an lawm hle
a ni.
#
Nimin 13th February, 2015 khan
BCM Ramzotlang Kohhran Zaipawl chu
Bru Baptist Churh Inkhawmpui,
Nghalimlui a neih mek hmanpui turin an
kal a. An rawngbawlna te tluang taka an
tihhlawhtlin a Pathian kaihhruaina a
dam taka an lo hawn leh theihna turin i
tawngtai pui ang u.
#
Serkawn Mipui te din Sikulpui
(High School) chu tluang takin a kal zel
a. HSLC Exam 2015 hmachhawn tur
zirlai te Study Camp an neihpui mek a.
Thawktu ten thahnem an ngaiin an
inpekna a fakawm hle a. Study Camp hi
an nei rei tawh a. Kumhlui lamah pawh
an lo nei nasa tawh hle a, Zirlai leh
zirtirtute pawh an hah em em a. Hriselna
leh chakna tha tak an neih theih nan
tawngtaipui an mamawh hle.
#
Tunlaiin School naupang Exam a
hnai chho leh ta hle a, Khawtlang mipui
te zirlaite tibuai thei, bengchheng siam
lo turin kan in ngen a, zirlaite tibuai thei
zawnga programme dang siam loh hram
kan tum bawk dawn nia.
CLEAN SERKAWN
1.
SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)
Vol - XVIII Issue No 002, the 14th February, 2015 (Inrinni): Darthlalang Chanchinbu,
9.
KHAWHAR INRIAK
Pu Z.D. Rodingliana thihna avanga
khawhar inriakte:
1. Tv. Lalrinchhana Lianhna 4. Tv.R. Lalthanpuia
2. Tv. R.K. Rohmingliana
5. Tv. Zorinpuia
3. Tv. C. Lalmuanpuia
6. C.Lalhmingliana
Branch YMA,
Serkawn :
Kartin
Chhuak
Phek 2- na
Vol - XVII Issue No 002, the 14th February, 2015 (Inrinni): Darthlalang Chanchinbu,
ZOPA VALENTINE
LEIKAPUI TO OVERNIGHT
Hman lawka thla bial zana thiannute lo hriat ngei
tura tuk chawp tingtang nena leikapuia lunglen zai vawr
thin Zofate nun hi a inthlak danglam chak hle a. Kum
2000 kan pelh meuh chuan Khuangchawi Thla thlabial
ai mahin Valentines Day tih velin lung min len ta zawk
a, fanghma tuai thara inchhawlthuai thinte chu chocolate changkang nen kan inrim ta a, leng hawn ar
khuangin kan nunah awmzia a neih tawh lova, Overnight Party te kan ti ta deuh deuh a nih hi.
KHAWVEL ALAWM
A huau huau zawngin lo ngaihtuah nghal ngawt
lo la, heti taka Zofate nunphung lo danglam takah hian
Zofa thangthar te dem bik vek ringawt theih kan ni lo.
Tunlai khawvel dinhmun kan hria, globalisation
thlipuiin min nuai mek a ni. Globalisation hi hrilhfiah
dan hrang hrang chu awm thei mahse Khawvel huapa
inkawmngeihna, inremna leh nun in share tawn tam
lehzualna tiin kan sawi thei ang. Media lama
hmasawnna chak tak, avangin tunhmaa inhre pawh em
em ngai lote kan inhre pawh tawh a, inhrethiam ngai
lote kan inhrethiam a, mi nunphung kan hmuh ngai lohte
kan hmu zau zel a, chu chuan khawvel hnam tin hi ai
khatah min luankhawm tir mek a, Global Culture a
piang mek a, Kan khuaa kan tihdan tih burna chu
thiahin a awm telh telh a ni ber mai.
VAI HO MAH MAH
Indian culture hi culture upa leh nghet, nghing
mai mai lo tura ngaih, kum sang tam tak sahuai thing
vawna an vawn tlut tawh ni mahse globalisation thlipuiin
a han nuai tak tak chuan rin aiin a tang zo bik chuang lo.
Globalisation thlipui leh a phena westernisation luipui
hnuaiah chuan Indian Culture meuh pawh a lut duai duai
mai a nih hi. Dodalna leh khapbehnate awm thin mahse,
Delhi, Bangalore, Kolkata etc khawpuia India nula leh
tlangvalte chu an BALENTINE ve lo thei tawh bik lo.
Punjabi dress dah thain Western jeans nen
Punjabi nula tlangvalte an Velentine ve tawh chinah
meuh hi chuan Indian Culture kumhlun pawh a tuiral
mek a tih loh theih loh. Mizote chauh kan ni hleinem,
Japanese, Korean, Brazillian etc khawvel hnamtinte kan
luang khawm mek a, chumi entirna leh nemnghehna
tha tak chu hnam tinin Valentines Day kan hmang uar
chho zel hlawm hi a ni.
BAND WAGON STRATEGY
Globalisation boruak kal chak takin hnam hrang
hrangte nunphung a khawih a, tu hnam mahin an dang
vek seng lo. Communist kulhpuia la inkharkhip lui tlat
China a luhchhuak a, dawi leh puithuna tinrengin a la
phuar beh mek Haiti a kal kan bik lova, Champagne lova
tlei thei lo French ho nun a khawih a, chingal leh saum
tel lova tlei thei lo Zofate pawh min khawih nasa ve hle
a nih hi.... Hei hi mithiamte chuan Band Wagon Strategy an ti a, tawlailir (wagon) rual chak taka lo tlan dum
dum angin an tehkhin a. A kawnga lo awmte chu a chil
mam pawp pawp a, a thlen chin chin a pal phirsi mai
niin an sawi thin.
IN PAWM TAWNNA
Globalisation-in a rawn ken, hnam hrang hrang
nun luang khawm (Cross Culture Process) avang hian
hnampui zawkte pawh an nghing ve nasa khawp mai.
Kum 1990 vel maiah kha chuan English fir ho khu English dik mang lova i biak chuan an be tha duh hauh
lovang che. Mahse, tunah chuan globalisation avangin
a danglam tawh. Hnam tin in chuan pawlhna Interna-
Branch YMA,
Serkawn :
Kartin
Chhuak
Phek 3- na
tional Flight, Dreamliner Boeing chhungah Mexican Pa-in pen bo a chhar a, WHOSE MY PEN IS
THIS...???? a rawn tih pawhin English Pachalin a
nuih sawh tawh bik lo. London English lo chu...
an tih tlat a rem tawh lova, Delhi Hindi kher lo
pawh pawm thiam a tul tawh a, khawiah mah
Pardon My French tia inthlahrun a ngai hran
tawh lo.
A ZUNG CHAWPA PHO RO?
Chuvangin, a nihna takah chuan
globalisation kan tih a, aikhata luankhawm kan tih
hian hnam tinin kan hnam nun thlah thakin Global Nation thar kan din dawn tihna a ni lova.
Globalisation thlipui tleh vuk vukah hian tumah tang
zo tak tak lo mah ila, mahni hnam nunphung zawng
zawng, a zung chawpa karphawnga phoro lovin, a
zar zo phak leh a lum ai phak tawka lo dawnsawn
nachang kan hriat a tul a. Hei hi hnam fing apiangin
globalisation thlipui tleh mek an hmachhawn dan a
ni. American unaute hi globalisation thlipuiina tuam
hmasak an ni, mahse, an American nundan an
khawih buai tir ve duh lo. Russian ho chu an Velvet
Culture kalsan lovin, an in globalise thei a, Irish miten
globalisation vangin an Sushi nunphung an kalsan
chuang lova, Mexican Pa chu Tequila nen a global a,
Pu Manmohan Singh leh Pu Modi-a te ngei pawh hi
India tual tah Kurta nen an global thei a nih hi.
TUTITUAN (Chutichuan)....
Globalisation kan tih hian mahni hnam nun
leh mahni nihna, tobul kalsanin khawiah emaw va
luan ral tur tihna a ni lo. I Mizona bo thakin
Bangkok-ah chhoh tur tihna emaw US-ah pem tur
tihna emaw a ni lo. I nihna zawng zawng bo vekin
online rawh tihna a ni kher lo. American ho hian
American takin globalisation an lo dawnsawng thei
a, English ho hian English taka global dan an thiam
a, vaiho hlei hlei hian an thiam chak, a harhchhuak
hmasaah an tang a India rama hnampuite hian vai
takin an valentine-a, vai takin Multi National Corporation an din thei leh tlat tawh.
ZO TAKIN LE
Mizo kan nihna angin Mizo takin
globalisation luipuiah hian i luang lut ve ang u.
Globalisation te hi chu tunhnai kum 10 vela khawvel
issue pakhat ve mai a ni, Kan Kristianna mei a tih
mih a rem lo. Vodka leh Tequila culture-ah kan
inchiah zawp a rem lova (Bar zu leh Gorkhali
Rakzua chiah zawp pawh a rem lo), Moscow Velvet leh Texas jeans-a kan khuh bo a rem hek lo. Mizo
takin, Kristian takin i changkang ang u. Chhangban
leh Zochop culture nen hian hmatiang a sawn theih
a, global takin a nun theih tih i hai lovang u.....
VALENTINES DAY CHU....
Khawvelin a enjoy a, enjoy ve rawh, i do
bur vang khan khawvel sukthlek a danglam chuang
dawn lo. Khawvelin a ngaihven a, i ngaihven ve hi
a sual lo a ni. Mahse, tunge i nih hria la, eng mi nge
i nih hre reng la, nangma nihna leh i hnam, I
MIZONA LEH I KRISTIANNA AIIN DAH LIAN
NGAI SUH ANG CHE... American taka Valentine
a ngai lova, sap leh vai, Korean copy khera valentine a ngai lo, Mizo takin valentine ve mai rawh....
SERKAWN I VAWNGFAI
ANG U
Vol - XVII Issue No 002, the 14th February, 2015 (Inrinni): Darthlalang Chanchinbu,
Branch YMA,
Serkawn :
Kartin
Chhuak
Phek 4- na
TUARPUINA
Pu Z.D. Rodingliana b/o Pi Z.D.
Lalramengi
chuan
10.2.2015
(Thawhlehni) zing dar 10:00 khan Lalpa
hnenah min chawlh san ta a. Amah hi
kan ui em em a. A kalsan tak a nupui
fanau, chhungkhat laina te kan tuar pui
tak zet a ni. Khawhar chhungte Pathianin
awmpuiin thlamuan zel rawh se.
BHSS JUNIOR SECTION
ADMISSION NOTICE
2015-2016 Session atan Admission
thar lak a ni leh dawn a, a hnuaia tarlan seat
ruakah hian a mamawh tan admission a dil
theih e.
Seat neihna class:
Nursery, KG-I, KG-II, Class-I , Class-II &
Class VIII
Admission form thehluh hun:
5th March 2015
Class I,II & VIII:
6th March 2015 Written Test & Personal
Interview
Nursery & KG:
6th March 2015 Personal Interview
Result Tarchhuah hun:
7th March 2015, 3:00 pm.
Note: Nursery a dil turte hi 1st April 2015 a
kum 3 tling an ni tur a ni. Seat awm dan
azirin 1st July 2015 a kum 3 tling tur kan la
tel ang. Birth Certificate thil tel tur a ni.
Sd/-ZD LALNUNMAWIA
Vice Principal, BHSS Junior Section
Darthlalang ti ti
#
Kumin chu DEB member ah ka awm
alawm male... Zothana (Khupliana) Sec III
chu a rim ve malh malh khawp ang....
- Lawma Sec III (DEB)
#
Tv. Thiana Sec V hian vawk a vulh a
a thang duh khawp mai, kum khatah inches
30 a rawn ni nghal pang mai. Vawk thang
tha tak chu a ni ve khawp mai....!
#
Sec III ah hian 1st March (Pathianni)
zing inkhawm a inkhawm ngamlo tur
pahnih chu an awm mawle. Hrechiang duh
chuan Tv. Hruaia Sec III in lo zawt chiang
dawn nia...
#
Hla thlan tur number sawisual a,
mahni sak thiam loh pui han thlan chu Pulpit tlangah a zai tui loh theih ngei mai.
-Rev. Biakzama Sec-II
#
Ka nau Ramsiama Sec-V hi rul chuk
hlum zawh loh kan ti a, kan lo chhuan ve
tehlul nen Tuipui D ho chuan Siamdala an
ti....
- Pu Romuana Sec-II
#
Kumin chu ka fawmkem hnem mah
mah, BMP nen, party lam nen, VEC nen, nula
senior kawp nen, luhai thlak ve tak a ni
- Pu Zohminga Sec-IV
#
Pu Thangboiha Sec-I hi a thiante nen
Chithar Luiah an kal a, Zan thum an riak a,
Phai Sangha bung chiah an hawn...
Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies