Espaci o par a el mens aje. Para c aus ar un mayor i mpac to, escriba dos o tr es fr as es.

Ilesia: San Chuan d´os Panetes

Diya. 10 de chunio
Hora: 12,30
Mosen: Gregorio Forniés
 ORDINARIO DE A MISA
(Alcorzamientos que se fan en o testo): M = Mosén P = Pueblo
T = Toz L = Leutor

CANTA DE DENTRATA. ..

ESPRISIÓNS (SALUDO)
M En o nombre de o Pai, y de o Fillo y de o Esprito Santo.
P Amén.
M A grazia de o Siñor nuestro Chesucristo, l’amor de o Pai y a Comunión
de o Esprito Santo siga con toz busatros.
P Y con o tuyo esprito.

Introduzión:
Zelebramos en ista fiesta d'o Cuerpo y a sangre de Cristo, a
gran esperienzia de querenzia sin de fin, de a suya bida de plena
donazión ta os ombres. Por ixo, güe ye o diya d'a Caridá. Pero bien
entendito, porque Caridá ye amor, como lo de Cristo.
Y sapiendo que güe lo berbadero cuerpo de Cristo son os pobres,
os aibatos, os autuals cruzificatos, l'amor mos ha de lebar a pre-
guntar-nos lo porqué d'as situazións de sinchustizia.
"Si querez ondrar o Cuerpo de Cristo, no lo espernaz cuan ye espu-
llato; no ondraz o Cristo Eucaristico... cuan inoraz a aquer atro
Cristo... que sofre fredo y espulleza."
( San Chuan Crisóstomo”)
Compartir o Pan d'a Eucaristía, conleba compartir tamién
a nuestra bida y os nuestros biens con os pobres.

AUTO PENITENZIAL

M Chirmans: : O gran pecato contra a Eucaristía ye lo esaimor,

lo no estar comunidá, los trestallos, lo refusar compartir:
* Tu, que en estando rico, te faziés pobre con nusatros.
Siñor, tiene piedá...
* Tu que te estremolezebas con as miserias umanas.
Cristo, tiene piedá...
* Tu que moltepliqués os pans y te faziés birolla ta plenar as
nuestras fambres.
Siñor, tiene piedá.
 GLORIA

T...:Gloria a Dios en o zielo, y en a tierra paz a os ombres que aima

o Siñor.
Por a tuya gran gloria t’alabamos, te bendizimos, t’adoramos,
te glorificamos, te damos grazias.
Siñor, Dios, Rei de os zielos, Dios Pai todopoderoso.
Siñor, Fillo unico, Chesucristo. Siñor Dios, cordero de Dios, Fillo
de o Pai:
Tu que tiras o pecato de o mundo, tiene piedá de nusatros.
Tu que tiras o pecato de o mundo, ascuita ra nuestra demanda.
Tu que yes posato posato a ra dreita de o Pai, tiene piedá de nusa-
tros; porque sólo que Tu yes Santo, sólo que Tu, Siñor, sólo que
Tu, Altismo Chesucristo, con o Esprito Santo, en a gloria de Dios
Pai. Amén.

ORAZIÓN :
Siñor, que en iste Sacramento almirable mos dixés a reme-
ranza de a tuya pasión, te demandamos mos dones benerar os sa-
gratos misterios de traza que esperimentemos de contino en nusa-
tros o fruto d'a tuya redenzión.

LITURCHIA DE A PALABRA

L..: Leutura d’a primer carta de San Pablo a ros Corintios.

A esprés d’istas amostranzas, no puedo felicitar-tos de que as buestras
reunions faigan más daño que probeito. Porque, en primer puesto, siento dizir
que cuan tos reuniz en l’Asambleya, fez bandos... Asinas, cuan tenez una reu-
nión, tos ye imposible minchar a chenta d’o Siñor, pues cadagún s’adelanta a
michar a suya propia chenta, y mientras que un ha fambre, l’atro ye farto. ¿Será
que no abez casas ta minchar y beber?, ¿O ye que abez en poco a l’Asambleya
d’o Siñor y querez abergoñar a ros que no en tien?...
Yo he recullito una tradizión que bien d’o Siñor, y que a mi begata tos he
transmitito: Que lo Siñor Chesús, en la nuei que iban a entregar-lo, prenió pan y
prenunciando l’Azión de Grazias, lo trosó y dizió: “Isto ye lo mío cuerpo, que se
entrega por busatros. Fez isto en memoría de yo.” Lo mesmo fazió con a copa
dimpués de zenar, dizindo: “Iste copón ye ra nueba alianza zarrata con la mía
sangre; fez isto cada begata que bebaz, en memoría de yo.” Por ixo, cada begata
que minchez d’iste pan y bebaz d’ista copa, proclamarez la muerte d’o Siñor,
dica que en torne.
L Ye parola de Dios.
P T’alabamos, Siñor
Salmo: TOZ: ("Dimpués de cada estrofa, repetimos" )
Ta cutio yo cantaré lo tuyo nombre, Siñor.

LUCAS 9, 11b-17:
Chesús pretó a charrar con la chen d’o reino de Dios, y curó
a los que lo amenistaban. Cayeba la tardi y os Doze li s’amanón ta
dizir-le: “Despide a la chen; que baigan ta los lugars y cortixos
d’arredol ta escar alox y birolla; porque aquí semos escampaus. El
lis contestó: “Daz-lis busatros de minchar.” Els respulión: “No te-
nemos que zinco pans y dos pexes, a no estar que baigamos a mer-
car de michar ta toda ista ripa de chen.” (Porque yeran bels zinco
mil ombres.) Chesús dizió a los suyos disziplos: “Deziz-lis que se
metan en collas de bels zincuanta.” Lo fazión asinas, y toz se me-
tión. El, preniendo ros zinco pans y ros dos pexes, los trancó y lis
ne dio a ros disziplos ta que lis ne dieran a la chen. Minchón toz y
se fartón, y recullón os repuis: doze roscaders.
L Ye parola de Dios.
P T’alabamos, Siñor.

PEDRIQUE
“Chesús mos ha dixato como sacramentos d’a suya presen-
zia: uno, sacramental, ta l’interior d’a comunidá: A Eucaristía.
L’atro, esistenzial, en a carrera y en o lugar, en os aibatos, en os
golez abandonatos, en os drogadictos, en os inmigrans,…
Lo plan de Dios ye que o mundo siga un fogar e una mesa compar-
tita en igualdad. L’alianza ye o churamento d’unidá.

CREDO
Toz: Creyemos en un solo Dios, Pai todopoderoso, Creyador de o
zielo y a tierra, de tot o que se beye y o que no se beye.
Creyemos en un solo Siñor, Chesucristo, Fillo unico de Dios, naxi-
to de o Pai antis de toz os sieglos: Dios de Dios, luz de luz, Dios
berdadero de Dios berdadero, enchenerato, no pas creyato, de a
mesma naturaleza que o Pai, por qui tot ye estato feito, que por
nusatros os ombres y por a nuestra salbazión baxó de o zielo, y
por obra de o Esprito Santo se fazió carne de María la Birchen y
esdebenió ombre.
Y por a causa nuestra estió cruzificato, en tiempos de Ponzio Pila-
to; sufrió y estió apedecato y rebilcó lo día terzero, seguntes as
Escrituras, y puyó enta o zielo y bi ye a la dreita de o Pai.
 Creyemos en o Esprito Santo, Siñor y dador de bida, que bien-
e de o Pai y de o Fillo, que con o Pai y o Fillo reculle una mesma
adorazión y gloria, y que fabló por meyo de os profetas; y en a Ile-
sia, que ye una, santa, catolica y apostolica.
Reconoxemos un solo Baltismo ta o perdón de os pecatos.
Asperamos a resurrezión de os muertos y a bida de o mundo esde-
benidero. Amén.

ORAZIÓN DE OS FIDELS
M Allora, presentemos a Dios, o nuestro Pai, as nuestras demandas, por
nusatros y por toz os ombres y mullers d’a Tierra.
L • Por a Ilesia, que ye o pueblo de Dios, ta que camine perén por o sendero
d’o Ebanchelio, en a total fidelidá a Chesucristo, roguemos a lo Siñor:
P Te rogamos, ascuita-nos.
L • Por os que gubiernan as naziòns, en especial por os que mos gubiernan a
nusatros, fe que as suyas ideyas y dezisións baigan perén por o camín d’a
paz, d’a chustizia y d’o bienestar ta toz, roguemos a lo Siñor:
P Te rogamos, ascuita-nos.
L •Por toz os que sufren, os que están malos, os biellos, os que no tien casa,
os drogaditos, os que tien o SIDA, os marxinaus, aduya-lis en os suyos
mals y fe-nos solidarios con ers, roguemos a lo Siñor.
P Te rogamos, ascuita-nos.
L •Por o pueblo aragonés, que güey zelebra a suya fiesta, ascuita Siñor os
nuestros problemas, que en son muitos y nusatros, os aragoneses, pocos,
roguemos a lo Siñor:
P Te rogamos, ascuita-nos.
L •Por toz nusatros, que mos imos achuntau güey aquí ta zelebrar a fiesta d’o
bentizinco cabo d’año d’o Ligallo de Fablans de l’Aragonés, por os
nuestros amigos y pariéns, bibos y defuntos, roguemos a lo Siñor.
P Te rogamos, ascuita-nos.
M.: Ascuita, Siñor, as nuestras demandas que t’endrezamos por meyo d’a
intersezión d’o nuestro patrón San Chorche, por Chesucristo o nuestro
Siñor. P Amén.

OFERTORIO: PRESENTAZIÓN DE O PAN Y O BINO

M Bendito sigas, Siñor, por iste pan, fruito de a tierra y de o

treballo de a chen, que recullimos de a tuya bogalería y ago-
ra te’n presentamos. El será ta nusatros pan de bida.
T Bendito sigas ta cutio, Siñor.
M Bendito sigas, Siñor, por iste bino, fruito de os bitaus y de o
treballo de a chen, que recullimos de a tuya bogalería y ago-
ra te’n presentamos. El será ta nusatros bebida de salbazión.
P Bendito sigas ta cutio, Siñor.
 ORAZIÓN SOBRE AS OFRENDAS
M Rezar, chirmans, ta que iste sacrifizio, de yo y de busatros, faiga goyo a
Dios, Pai todopoderoso.
P O Siñor reculla de as tuyas mans iste sacrifizio ta alabanza y gloria de
o suyo Nombre, ta o nuestro bien y o de toda la suya santa Ilesia.
M Te demandamos, Siñor, que iste pan e iste bino, simbolo de o nuestro tre-
ballo, sigan l’alazet de as nuestras bidas, tornatos en o Cuerpo y Sangre
d’o tuyo Fillo Chesucristo que con tu bibe y reina por os sieglos de os
sieglos.
P Amén.
PREFAZIO
M O Siñor siga con busatros. P.: Y con o tuyo esprito.
M Debantemos o corazón. P.: Lo tenemos debantato enta o Siñor.
M Demos grazias a o Siñor, o nuestro Dios. P: Ye chusto y cal fer-lo.

Te damos grazias, Pai de bondá, y te glorificamos, Siñor, Dios

de l'uniberso, porque no dixas de combocar a ombres de toda raza y
cultura, por meyo d'o Ebanchelio d'o tuyo Fillo y los achuntas en un
solo Cuerpo, que ye a Ilesia.
Ista Ilesia, enchenerata por o Esprito, lumineze como siñal d'a unidá
de toz os ombres, da testiguanza d'o tuyo aimor en o mundo y ubre a
toz as puertas de l’asperanza.
En era podemos bibir, alimentar y enfortir a fraternidá.
De ista traza se torna en un siñal de fidelidá a ra Alianza que
has trancata con nusatros ta cutio.
Te damos grazias, Pai de bondá
Por ello, Siñor, t'acobaltan en o zielo y en a tierra, y tamién nu-
satros, uníus a toda la Ilesia, proclamamos a canta d'a tuya gloria:

T Santo, Santo, Santo ye o Siñor, Dios de l’Uniberso. Emplitos son o

zielo y a tierra de a tuya gloria. Hosanna en o zielo. Bendito qui biene
en o nombre de o Siñor. Hosanna en o zielo.

PREGARIA EUCARISTICA

Te glorificamos, Pai Santo, porque perén yes con nusatros en o

camín d'a bida. Sobre tot, cuan Cristo, o tuyo Fillo mos achunta ta la
brenda pascual d'o suyo aimor. Como fazió con os disziplos de
Emaús, El mos esplanica as Escrituras y trenca ta nusatros o Pan.
Que como ers le recoxconamos bibo entre nusatros.
 Te demandamos que o Esprito baxe sobre iste pan e iste bino,
ta que se tornen en o Cuerpo y a Sangre de Chesús,
qui cuan iba a estar rendíu a la suya Pasión, prenié pan, dando
-te grazias, lo trosé y lo dié a los suyos disziplos dizindo: To-
mar y minchar toz d´er...

Iste ye o misterio d'a nuestra fe:

Pregonamos a tuya muerte, proclamamos a
tuya resurrezión, biene, Siñor Chesús.
Por ixo, Pai de bondá, zelebramos agora
l’alcordanza d'a nuestra reconziliazión, y proclamamos a obra de o tuyo aimor;
Cristo, o tuyo Fillo, a trabiés d'a sufrienza y muerte de cruz, ha resuzitato a la bida
nueba y ye estau glorificato a la tuya dreita.
Embreca ra tuya güellada, Pai Santo, sobre iste ofreximiento; ye Chesucris-
to que se ofre con o suyo Cuerpo y a suya Sangre, y, por iste sacrifizio, mos ubre o
camín enta Tu.
Pai de bondá, redama sobre nusatros o Esprito de Amor, o esprito de o tuyo Fillo.
Fa que a nuestra Ilesia de Zaragoza se renuebe de contino a ra luz d'o Ebanchelio y
trobe perén empentas nuebas de bida;
Remera, Pai, los que s'amortón en l’asperanza d’a resurrezión.

En silenzio, remeremos debán d’o Siñor a ros nuestros defuntos.

Afinca os binclos de unidá entre os laicos y os pastors d'a tuya Ilesia, que a
Ilesia siga, en a metá d'o nuestro mundo, trestallato por as guerras y discordias,
traste de unidá, de concordanza y de paz,
serbidora d'a Umanidá, liberadora d'os oprimidos, esfensora d'os dreitos
umanos, sembradora d'asperanza.
Ten misericordia de toz nusatros y asinas, con María, a Birchen Mai de Dios,
os apostóls y toz los que bibión estando amigos de tu por toz os tiempos, merexca-
mos por o tuyo fillo Chesucristo compartir a bida eterna y cantar as tuyas alaban-
zas.
Por Cristo, con El y en El, a Tu, Dios Pai, en a unidá d'o Esprito Santo. Tot
onor y toda gloria por os sieglos d'os sieglos. Amén.

PARAMENTO DE A COMUNIÓN

M Oremos toz chuntos como Chesús nos amostró.

T Pai de nusotros, que yes en os ziels,
santificau sía o tuyo nombre, bienga ta nusotros o tuyo reino:
que se faga a tuya querenzia en o zielo y en a tierra.
Danos güey o nuestro pan de toz os diyas.
Perdona as nuestras afrentas, pos tamién nusotros perdona-
mos a qui nos afrenta, no nos dixez cayer en a prueba y aiba-nos
d’o mal. Amén
M Aiba-nos, Siñor, de toz os mals y dóna-nos a paz en os nuestros diyas ta que,
aduyatos d’a tuya querenzia, bibamos ta cutio libres de pecau y esfenditos de toda
estorbazión mientras asperamos a gloriosa benita de o nuestro Salbador Chesucristo.
P.: De Tu ye o reino, de Tu lo poder y a gloria perén, Siñor.

RITO DE A PAZ

Mosen: Siñor Chesucristo, que diziés a os apóstols: “a mía paz...

P Amén.
M A paz de o Siñor siga perén con busatros.
P.: Y con o tuyo esprito.
M Dar-tos fraternalmén a paz.

TROSAMIENTO DE O PAN: ( Mosen..) Lo cuerpo y la sangre de Cristo.....

T Cordero de Dios, que tiras o pecato de o mundo, tiene piedá de nusatros.
Cordero de Dios, que tiras o pecato de o mundo, tiene piedá de nusators.
Cordero de Dios, que tiras o pecato de o mundo, da-nos a paz.

(Mosén ): Siñor Chesucristo, a comunión d’o tuyo cuerpo ...

COMUNIÓN
M Iste ye o cordero de Dios, que quita o pecato de o mundo. Goyo-
sos os embitaus a ra Zena d´o Siñor.
P Siñor, yo no soi dino de que dentres en a casa mía, pero sólo
que una parola de Tu será prou ta curar-me.
M O cuerpo de Cristo. P.-: (O que comulga) Amén.

ORAZIÓN DE A COMUNIÓN

M A Comunión de o tuyo Cuerpo y de a tuya Sangre, Siñor,

siñal d'a chenta d'o Reino, que emos tastau en a nuestra bi-
da mortal, mos emple de goyo eterno d'a tuya debinidá. Tu
que bibes y reinas por os sieglos d'os sieglos. Amén.
P Amén
........
RITO DE DESPEDIDA
M O Siñor siga con busatros.
P.: Y con o tuyo esprito.
M A bendizión de Dios todopoderoso: Pai, Fillo y Esprito Santo,
baxe sobre busatros.
P Amén.
M Podez marchar en paz.
P Demos grazias a o Siñor.