Editor: H.

Malsawmtluanga
Ph: 9615425400 / 9436784572 sawma6970@gmail.com

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9862217691 Lalbiaktluanga : 9612322711 Ramngaizuala : 9862386148 ramngaiahmar@gmail.com

Thingsulthliah Sub - Town Weekly Newspaper

VOL. VII

No. 38 THINGSULTHLIAH

Ni 5 October 2013

(INRINNI)

PYKKA TOURNAMENT KARLEH-AH SAITUAL / KEIFANG-AH NGHAT Thingsulthliah Block Level PYKKA Tournament chu karleh ni 8 10 October 2013 chhunga neih turin Sports Council chuan Hriattirna a chhuah a. Hemi chungchang hi Thingsulthliah Block Level PYKKA Committee chuan tunkar ningani khan Chairman BDO Pu Zothanmawia Khiangte hovin a Office-ah an ngaihtuah nghal. A hma lama ruahmanna siam tawh chu thlirho leh niin, a hmun atan Thingsulthliah playground tih chu Salvation Army, SAY Central South Division Khawmpui Pandal siam a ngaih tawh avangin a remchang dawn ta lova. Chuvangin Saitual leh Keifang ten lo thleng se tiin a hmun hi sawn a ni. Infiamna Sports Discipline hrang hrang te chu a hma-a lo ruahman tawh chu a ngai angin kalpui a ni ang a, Discipline tina in-charge turte pawh a thlengtu tur ten lo ruahman se tih a ni. Intihsiakna tur Discipline hrang hrang te chu Football, Hockey, Table Tennis, Boxing leh Athletics te an ni a, mipa leh Hmeichhe tan a ni vek ang. Kum 16 hnuailam te intihsiakna tur anih angin kum bithliah atan ni 1 January 1998 hman a ni ang. Chumi awmzia chu ni 1.1.1998 leh a hnu lama piang te tan chauh tel theih a ni dawn tihna a ni. Birth Certificate(Original) ken vek tur a ni ang. Thingsulthliah Block Level PYKKA Tournament hi ni 8.10.2013(thawhlehni) chawhma dar 11:00-ah a hawnna hi Saitual playground-ah neih a ni ang a, Saitual VCP chu a hawnna inkhawm kaihhruai tura ruat niin BDO Pu Zothanmawia Khiangte chu khuallian a ni ang. Block huam chhunga khaw hrang hrang te chu kim taka tel tura hriattir vek an ni.
NLUP AUTO-RICKSHAW Tunkar chhung khan NLUP Auto-Rickshaw dawng ten an la fel a, kan lo hriat danin Thingsulthliah atangin Auto-Rickshaw dawng thar mi 5 awmin Seling-ah mi 3 an awm a, Tlangnuam-ah mi 1 a awm bawk a ni. THINGSULTHLIAH CHC NEWS Kar hmasa Simeikhu-ah khan Thingsulthliah CHC Medical Officer Dr. Saithanliana chu SMO-ah kaisangin CMO Office, Aizawl West-ah a awm ang tiin kan rawn tarlang a. Amaherawhchu, Dr. Saia kaisanna Order hi Stay leh lailawk a ni a, Tst CHC Doctor pakhat zawk Dr. Malsawmsanga chu Aizawl Civil Hospital lama sawn thlak a lo nih bawk avangin Dr. Saia hi la chhuak rih lo tura tih a ni thung niin kan lo hria. Dr. Sangtea hi karleh lam hian Civil Hospital lam panin a kal dawn a, Dr. Saia hi a order la hren leh lailawk a ni ta niin kan lo hria. NREGS NI 4 INHLAWHNA BDO Office atanga kan lo hriat danin MG-NREGS Ni 4 inhlawhna chu a awm leh hnai dawn a ni awm e.

LUNGNGAIH DAR RI Ni 1.10.2013(Thawhlehni) Dar 7:52 pm khan Pu PC Lalramdina(64) F/o PC Laltlankima, C/A Aizawl Road chu Kalna avangin Synod Hospital, Durtlang-ah a boral a. Lumenpui niin a tuk ni 2.10.2013 Dar 11:00 am-ah Bialtu C.O. Major JC Ngurthanzauvan a vui. INNEI Ni 4/10/2013 khan Nancy Zorempuii D/o C.Thanthuami, Tlangnuam Hmarveng leh David Lalnunsanga S/o Lalchhuanmawia, West Phaileng te West Phaileng, Bethlehem Veng Presbyterian Biakinah an innei. Ni 2/10/13 khan Nancy thlahna hi an In Tlangnuam-ah neih a ni a; Nancy leh a pasal Davida te hi Synod Mission Board hnuaiah Missionary hna thawkin Jharkhand-ah an awm a ni. PANDAL SAK HNATLANG Tukin zing khan Thingsulthliah Playground-ah SAY Pandal sakna tur Structure a lo thleng a, Pandal Sub-Committee member leh Tst Corps-ten hnatlangin an unload a, chhun lamah Field enfelin nileng hnatlang an nei ang. Pandal hi karleh Thawhtanni ni 7.10.2013 atangin sak tan an tum. MBA PASS THAR Zomuanpuia S/o Nuntawplovi C/A chuan Mizoram College of Management & Information Technology hnuai atangin MBA II Division-ah a pass tih kan lo dawng. Simeikhu-in kan lawmpui e. MP FUND NUAI 10 HMU Tst H/A Branch YMA chuan an Hall sakna tur MP(LS) Fund atangin Cheng Nuai 10 an hmu a, Tunkar ningani khan 1st Instalment Cheng Nuai 7.5 an la. Hei hi Bialtu MLA & Home Minister Pu R.Lalzirliana hmalakpuina zar liau liau a ni a, MLA leh MP chungah HYMA chuan lawmthu a sawm tak meuh meuh a ni. Hemi bakah hian HYMA Hall sakna tur hi Bialtu MLA chuan RD atangin Cheng Nuai 4 a pe dawn bawk a ni.