SIMEIKHU KARTIN CHHUAK THINGSULTHLIAH

14 September 2013 (INRINNI) PHEK- 2

Editorial :

DIL KAN UAR LUTUK EM?

Kan hriat theuh angin kan ramah Dan siam tur leh Rorel tura kan thlan MP/MLA te hi thenkhat chuan sorkar hna petu, Contract hna petu emaw thingpui lumna bungbel emaw infiamna lam hawi bungrua emaw Rangva emaw petu/semtu-ah kan ngai ta hial em ni tih theihin tunlai hian mahni Bialtu MLA te kan zar buai hle niin a hriat. Hetih rual hian mipui ten kan thlan chhan anga hna thawk lo emaw tuan fum hle si ti pawhin kan dem lawi si bawk a.

THINGSULTHLIAH VC HRIATTIRNA - Kan tu leh fate tana kan rochun zel theih leh zalen taka ei kan zawn theihna tur hmun kan neih chhun, kan khaw ramchhung a Huan/Ram/Inhmun te khawdang mi hnena hralh/ti riral lo turin Village Council chuan khawchhung mipuite a ngen tak meuh a ni. - Kan khaw ram chhunga Huan/Ram nei zawng zawng ten tun September thla chhung ngei hian kan huan/Ram Pass/LSC xerox copy mahni Bialtu VC-ah thehluh ngei ngei tur a ni. Thehluh loh vanga ram kan chan anih chuan tumahin kan sawi buai thei lovang. - Mimal ram chhunga vantlang kawng kal tlang nei apiangin tun September thla chhung ngeiin a kaltlangte lungawina tling ngeia rihfai vek tur a ni. Rit failo Report a awm anih chuan a tul anga action lak a ni ang. Sd/- K.Vanlalhmangaiha, Secretary Thingsulthliah Village Council / Court VC NEWS Seling VC chuan Material Component atangin Lunglei Road Soil Field Officer Quarter bula Retaining wall an siam chu tunkar khan an zo. Tunah hian Govt. P/S leh Pu Lalremruata In inkar side-drain an siam mek bawk. Thingsulthliah VC chuan tunkar khan MGNREGS sum mipui thawhkhawm hmangin Vaidawrkawng Navodaya School hnuaia Culvert leh Retaining wall an siam chu an zo fel bawk. T.D.C. THINGSULTHLIAH DIN Tunkar thawhtan zan khan Thingsulthliah Development Committee, Thingsulthliah chu din a ni a, he pawl hi Tst Development Committee, Aizawl nena thawk ho tura din a ni. Hruaitu leh Committee hetiang hian siam nghal a ni. Chairman : Pu PC Sangkhuma, President JYMA Vice Chairman : Pu Lalrawngbawla, VCP, Thingsulthliah V/C Secretary : Pu Lalhmingsanga, Secretary, JYMA Asst. Secretary : Pu C.Laldawngliana, President, DYMA Treasurer : Pu Vanlallura, Vice President, HYMA Fin. Secretary : Pu C.MS Dawngkima, President, CYMA Comt. members : MUP-I & II, MHIP Branch pahnih, YMA Branch pathum atangin mi pakhat theuh leh Prominent person atangin mi 10 ruat an ni. CAMPING CHHAWNG 3-NA NEI Tunkar thawhlehni zan atang khan Salvation Army, Thingsulthliah Corps-ah Chhandamna Camping Chhawng 3-na neih leh a ni a, Campers mipa 27, hmeichhia 27, an vaiin 54 an lut. Campers te hi Presbyterian kohhran atangin 13, Catholic 1 niin a bak zawng chu Salvation Army an ni a, Aizawl atanga lut pakhat a awm bawk. Tukin zing chaw eikham-ah Camping hi an chhuak ang. Zanin atanga karleh nilaini zan thleng Camping Follow-up programme neih a ni ang a, Pathianni zan thlengin Tv Lalthankima, Dy. Speaker-in Biakinah thuchah a sawi ang a, Thawhtan atanga nilai zan thleng Bialtu C.O. Major JC Ngurthanzauvan Pathian thuchah a sawi ang. Follow-up programme-ah hian a duh apiang tel turin an sawm a ni. PRESBYTERIAN CAMPING Thingsulthliah Presbyterian kohhran-in Ruihhlo-a harsatna neite pual Camping an neih mek chu tunkar pawh chhunzawm leh niin naktuk Pathianni zingah an chhuak ang. He Camping-a lut 14 zinga 5 te chu camp tluan peih lovin an chhuak a, hetih laiin hun laklawh-ah mi 3 an luh belh leh thung bawk a ni. ZEMABAWK TLAWH DAWN Pathianni leh hmang hian UPC(NEI) Thingsulthliah Bial PYD te chuan Zemabawk kohhran tlawh an tum.

Heng thil sem zawng zawng te hi khawtlang leh mipuite hmasawn zelna tur atan ngaih theih anih laiin kan thil dawn te hi mipui hmang duh awm ta se hawh man a ngai kan ti ang em aw? Engpawhnise, Pawl thenkhat tan hlawkna a ni hrim hrim mai pawh hi hmasawnna chikhatah a ngaih theih tho mai. Chutih rualin DIL kan uar mah mah em? Min pelo ta se kan lungawi lo mai ang em? MLA rilru pawh kan tibuai mah mah thei em? Mipuite bawk hi MLA te an nihna anga kaltir lotu kan ni tih hi kan ngaihtuah ngai em? A nihna takah chuan kan MLA te hi mipuite hian dem ngam tur kan ni em? Kan inenchian a ngai ve tho tih kan hria em? Kumin Inthlan kum kher kher hian engati nge dil kan uar tak em em? A pe theitu tan pawh a luhai thlak duh viau ang. Pawlin kan dil thenkhat phei hi chu mahni pawha tuak a neih theih harsa lem lo a ni a, mimal thenkhat dil pawh sum siam duhna leh Inthlan dawn boruak, mi rilru inhawn lai alawm tih vang mai mai a remchanga lo la kan ang viau a ni. USA President pakhat chuan, I ramin enge a tihsak che ti lovin, I ram tan enge I tih theih tih thu a sawi lar tak hi hre thar leh ila. Kan ram tana Dil ringawt hi kan tih theih nilo se, mahni a neih tum a, tan lak nachang hriain hnathawh taimak hi kan ram tana kan tih theih ni zawk se a ropui ngawt ang. MLA/Minister hnena khawtlang hnuk tling pha lem lo thil dil mai mai hi ching tam lo ila, hma kan sawn zawkin a rinawm. Thil dil hi chu rethei leh chhumchhia deuh te tih turah dah thiam zawk ila. Kan dil rau rau anih pawhin khawtlang tana chhenfakawm leh rotling, mipui huap ni thei se.
KHAWTLANG THENFAI HNATLANG

Nimin zirtawpni khan Tlangnuam Sanitation hmalaknain Tlangnuam khawchhung thenfai hnatlang neih a ni a, hnatlang hi a pa chhuaka koh a ni.