Editor: H.

Malsawmtluanga
Ph: 9615425400 / 9436784572 sawma6970@gmail.com

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9862217691 Lalbiaktluanga : 9612322711 Ramngaizuala : 9862386148 ramngaiahmar@gmail.com

Thingsulthliah Sub - Town Weekly Newspaper

VOL. VII

No. 34 THINGSULTHLIAH

Ni 7 September 2013

(INRINNI)

TEACHERS DAY HMANG Tunkar ni 5 Sept 2013(Ningani) kha Teachers Day (Zirtirtute Ni) vawi 52-na a ni a. India Vice President leh President lo ni tawh Dr. S. Radhakrishnan-a piancham denchhena kum 1962 atanga Teachers Day hman thin chu kan sub-town Zirna In hrang hrang te pawhin an hmang hlawm a, an hman dan tlangpui chu hetiang hi a ni. Thingsulthliah : Chawhma lamin Thingsulthliah khawchhunga Zirna-In hrang hrang ten mahni School-ah theuh programme siamin an hmang hlawm a. Chawhnu dar 1:00 atangin Tst HSS-ah Tst Teachers Association(TTA) kaihhruainain programme hlimawm tak an hmang. TTA President Pu Lalpianthangan inkhawm kaihruaiin Pu K.Remthanga, kumin Nov ni 1-a pension-a chhuak turin hunserh a hmang. Report te ngaihthlak a nih hnuah School Head ten Solo Competition an nei a, Quiz, Spelling Bee etc te hman a ni bawk. Hetah hian TTA staff pension tawh te leh VC atangin Pu K.Lalthlengkiman hun a hmanpui a, tlaiah chawhlui an kilho nghal. TTA hnenah hian Tst V/C chuan an Day pualin lawmpuina Rs. 1000/- an hlan bawk a ni. Tlangnuam : Mahni School-ah theuh programme siamin an hmang a. Tlangnuam High School staff te chuan an naupang te nen Zokhua-ah kalin programme an hmang a, tlaiah ruai an theh. Tlangnuam M/S chuan an School-ah programme siamin hun hlimawm tak an hmang a, Solo Competition leh Debate te neiin Debate thupui-ah Kan School hi a tha tawk a ni tih an hmang a, an hlim tlang hle a ni. Tlangnuam Primary School pawhin anmahni School-ah hmangin Dr. S.Radhakrisnan-a chanchin zirtirtuten naupangte hnenah sawiin thilpek naupang leh zirtirtu ten inhlan tawnin Refreshment neiin hun hlimawm tak an hmang bawk a ni. Seling : Seling-ah chuan School hrang hrang ten zing karah Dawrkawna innghak khawmin Kawngpui dung hmun hrang hrang thenfai hna an thawk a, Seling Sanitation Committee ten naupangte hnena sem tur sweet an pek chu sem a ni. Chhun lamah Presbyterian English School chuan Kohhran Hall-ah hmangin KTP leh Kohhran Hmeichhia te nen an hmang a. KTP te hian Zirtirtute hnenah Present hlanin Kohhran Hmeichhia te hian Zirtirtu tinah Rs. 200/- theuh an hlan bawk. Chhunah Managing Committee te nen Ar Sawhchiar an ei ho. Don Bosco chuan School Complex-ah Variety Programme hmangin nilengin hun an hmang, chhunah chhun chaw an kilho bawk. Seling M/S pawhin an School-ah naupangte nen programme siamin hun hlimawm tak an hmang.

POOR FUND-AH PE Thingsulthliah Teachers Association (TTA) ten ni 5/9/13-a Teachers Day Programme an hmanni tlaiah Tst CHC Poor Fund tan Rs. 2000/- an hlan a; tin, Pu C.Lalramchhana, VCM-in Rs. 500/- leh Pu K.Lalfela, H/A-in Rs. 100/- Poor Fund tan an pe bawk. Tst CHC-a damlo harsate tanpuina sum petute chungah CHC Doctor leh staff ten lawmthu an sawi tak meuh meuh a ni. DENTAL HEALTH CLINIC Tunkar ni 4/9/2013 khan Tlangnuam P/S-ah School naupangte pualin Free Health Dental Clinic buatsaih a ni a, hei hi Tlangnuam Anti-Tobacco Committee hmalakna-a buatsaih niin Health & Family Welfare Dept hnuaia School Health atangin naupang ha en tur hian an lokal a. Pu R.Lalremruata leh Eloi Zonunpari, Co-ordinator, MSTCF leh Dr. Lalremruati, DS-in School naupang ha te a en a, Tlangnuam zirlai Primary atanga High School naupang te ha ensak a ni. ZU FACTORY THIAT Tunkar Thawhlehni ni 3.9.2013 khan Seling V.C. leh JAC Duty te chuan Edenthar a awm Pu TH Pauva zu siamna Factory manin an thiahsak a. Pu TH Pauva hi a hmain a factory thiahsak lo ni tawhin Warning pek a ni tawh a. Tun tumah hian an mansak leh avangin Tunkar chhung ngeiin Seling khua chhuahsan turin an hriattir. BANK CASHIER TRANSFER MRB Thingsulthliah Branch Cashier Esther Lalnunpuii chu Chanmari Branch, Aizawl-ah Transfer a ni a. A hmunah hian Pu Lalduhawma Suangpuilawn atangin a rawn awm ang. Esther- i hi a thlaktu tur lo thlen hun(kar 2/1 hnu)-ah Chanmari lam panin a chhuk thla ang. NO LEH TRAY LEI THAR Tunkar Thawhlehni khan Tst H/A Branch YMA chuan chhiatni thatni a hman tur Thingpui inna no 200 leh Tea-tray 6 an lei thar.